<a href="https://kyzylorda-news.kz/">Kyzylorda-news.kz.</a> Жалағаш ауданындағы Таң ауылын абаттандыру және халықтың тұрмыс сапасын арттыру мақсатында атқарылған жұмыстар легін тарқатамын десек, жазар дүние көп. Бір ғана облыстық мәслихат депутаты, ауылдағы «Таң ЛТД» ЖШС төрағасы Имамзада Шағыртаевтың туған жерді түлету мақсатында жүзеге асырған жарқын жобалары қаншама. Бастысы ауылда береке бар. Оның да ауызбіршіліктің арқасында келгенін біз жақсы білеміз.Ауыл орталығындағы бос тұрған ғимаратты «Таң ЛТД» ЖШС төрағасы шаруашылық қаржысына сатып алып, қайткен күнде де бұған дейін елге қызмет еткен балабақша жұмысын қайта жандандыруды көздеген еді. Өйткені сол тұста аядай ауылда бір балабақшаның жоқтығын және бұл халықтың көптен бергі талап-тілегіне арқау болған мәселе екенін жақсы білетін. Сонымен, шаруашылық төрағасы бұл мақсатына да қол жеткізіп, халқының ықыласына бөленді. Бірақ оңай болған жоқ, алдымен нысанды 2014 жылы шаруашылық меншігіне алды, сол тұста таяз ойлылар мұны өз кәсібіне жаратады деп түйді. Бірақ соңында баққаны бақа болып шықты. 2016 жылы Имамзада Шағыртаев бұл нысанның күрделі жөндеуіне 150 млн теңге қаражат бөлді. Екі жылда жүрген сапалы құрылыстың нәтижесін қазір көрген көз сүйсінеді.– Өздеріңіз көріп тұрғандай, жаңа нысан жұмыс жасауға жайлы. Ешқандай мәселе жоқ. Себебі әлі күнге дейін «Таң ЛТД» ЖШС бізге жан-жақты қолдау көрсетіп келеді. Тіпті өздерінің күзгі науқандарында біздің тәрбиешілерді, үлгерімі жақсы балаларды марапаттауды да күн тәртібінен түсірген емес. Бұл біздің жұмысымызға шабыт береді. Қазір мұнда ауылдың 90 баласы тәрбиеленуде. Таңда қазір балабақша тапшылығы мүлде жоқ. Оған осындағы жергілікті шаруашылық арқылы қол жеткіздік. Балаларға 3 мезгіл ас беріледі. Жатын бөлмелері де жарақталған, – дейді бөбекжай меңгерушісі.&nbsp;Жәмила Сәдуованың сөзінде еш жалғандық жоқ. Расында солай, өйткені біз де бұл нысанның әр бөлмесін аралап шыққанбыз. Шынында барлық бөлме талапқа сай жарақталған. Балалардың ой-өрісін дамытуға арналған ойыншықтардың да түр-түрі бар.&nbsp; Бөбекжайда «Болашақ», «Балдәурен», «Айгөлек», «Балдырған» және «Құлыншақ» атты 5 топ бар. «Ән», «Би» үйірмелері де мұндағы балалардың бос уақытын қызықты өткізуге қолғабыс болып отыр. «Таң бөбегінде» бас-аяғы 24 адам жұмыс жасайды.&nbsp; Иә, Жалағашқа қарасты Таң ауылында 90 орындық «Таң бөбегі» бөбекжайы бүгінде дәл бұрынғысынша ауыл халқына сапалы қызмет етіп жатыр. Қазір Таңда балабақша мәселесі түбегейлі шешімін тапқан. Бұл бөбекжайда 1 жастан 6 жасқа дейінгі 90 бала тәрбиеленуде. Аптаның бейсенбісінде мұндағы тәрбиешілердің бір күндік жұмысымен таныстық. Бөбекжай меңгерушісі Жәмила Сәдуова әлі де Имекең басқаратын шаруашылық тарапынан жан-жақты қолдау болып жатқанын жасырмайды.&nbsp; – Өзім – осы ауылдың тұрғынымын. Шыны керек, бөбекжай жұмысын бастағанға дейін ауылда балабақша мәселесі болды. Балаларымыздың біз жұмыста болғанда бос уақытының тиімді өткенін қалаймыз. Өзім де баламды осы бөбекжайға беремін. Мұның бір тиімділігі балалардың ой-өрісі дамиды, ортамен тез тіл табысуға бейімделеді. Уақыт өткен сайын мұның барлығын өзімнің баламның да бойынан байқап жатырмын, – дейді ата-ана Айгүл Төлегенова. Халық қалаулысы Имамзада Шағыртаев бұл нысанға қыруар қаржы бөлгенде не ұтты? Біріншіден, халықтың ризашылығына бөленді, екіншіден бұл ауыл балаларына үлкен сый болды. Бір жағынан қаншама ауыл тұрғыны жұмысқа орналасты. «Қуанса, бала қуансын» деп әлі де оларға жақсылық жасауды жадынан шығарған емес. Таңда болған бір күнде ауыл балаларының Балалар жылын шын сезініп жатқанын көріп қайттық.&nbsp;Таңға жақындай бастағаннан, ауылдың кіреберісінен басталған тындырымды тірлік көрген көзге қуаныш сыйлайды. Еріксіз сүйсінесің, ауылдың ажарына таңдай қағасың. Иә, барды бар деп айту керек қой, Таң ауылында тындырымды тірлік көп екені белгілі.

Бар жақсылық балалар үшін

<a href="https://kyzylorda-news.kz/">Kyzylorda-news.kz.</a>&nbsp;&nbsp; ХХІ ғасыр - білімділер ғасыры болғандықтан, бүгінгі таңда заманымызға сай дені сау, ой өрісі жоғары, жан-жақты дамыған ұрпақ қалыптастыру мемлекетіміздің алға қойған аса маңызды міндеті болып тұр. Тәрбие мен білімнің алғашқы дәні мектепке дейінгі тәрбие ошағында беріледі. Бала денсаулығының мықты болып,қозғалыс,дене құрылысының дұрыс жетілуі мектепке дейінгі кезеңде қалыптасады.Ұлттық ойындар – қазақ халқының ерте заманнан қалыптасқан дәстүрлі ойын – сауықтардың бір түрі. Оның бастауы алғашқы қауымдық қоғамда шыққан. Ұлттық ойындар негізінде әр халық түрлі – түрлі жаттығулар жасау жолымен дене шынықтыру ісінің негізін салды. Бертін келе шынайы спорт ойындарының шығуына түрткі болды. Оның адам денсаулығына жақсартуда пайдалы аса күшті екені қилы.Ұлттық ойындар – ата – бабаларымыздан бізге байлығымыз, асыл қазынамыз. Сондықтан, үйренудің күнделікті тұрмысқа пайдаланудың заманымызға сай ұрпақ тәрбиелеуге пайдасы орасан зор. Ойын баланың алдынан өмірдің есігін ашып, ұштаса береді. Осы орайда Аманкелді ауылдық округі әкімдігінің қолдауымен және ауылдық мәдениет үйінің ұйымдастыруымен дойбы спорт түрінен ауыл тұрғындары арасында жарыс өткізілді.Жарысқа ауыл тұрғындары мен жастардан он екі адам қатысып, бақ сынасты. Шараның мақсаты бұқара халық арасында ұлттық спортты насихаттау және ұлттық құндылықтарымызды дәріптеу.Жарыс қорытындысы бойынша Жүсіпов Исабай I орын, Серікбаев Бексұлтан II орын, Смағзамов Нұрбек III орынға ие болды. Жарыс жеңімпаздары мен жүлдегерлеріне ұйымдастырушылардың дайындаған алғыс хаттары мен бағалы сыйлықтары табысталды. Қазақта 150-ге тарта ұлттық ойындар барын біліп пе едіңіз?! Оларды зерттеген Е.Сағындықов, Ә.Диваев секілді ғалымдар: ойын-сауық, тұрмыс-салт ойындары, жануарлар дүниесі, аңшылыққа байланысты ойындар, дене шынықтыру спорт ойындары деп бөліп қарастырады. Әрине, ол ойындардың бүгінде біразы ел есінен шығып, ұмытылып кетті.Осындай ұмыт бола бастаған ұлттық ойынды жандандырып, дәстүрді жаңғыртқан ауыл тұрғындарын, жеңімпаздарды біз де өз кезегінде жеңістерімен құттықтаймыз!

Ұлттық спорттың «дойбы» түрінен жарыс ұйымдастырылды

<a href="https://kyzylorda-news.kz/">Kyzylorda-news.kz.</a>&nbsp; Тәуелсіз еліміздің өсіп-өркендеу жолы, бүгінгі алған асулары және жеткен жетістіктері жайлы сөз болғанда, білім саласын өркендетіп, мәдениетті дамытуда айрықша еңбек еткен, ұлттық құндылықтары-мызды сақтауда, рухани тазалықты, қасиетті дінімізді насихаттауда, жан азығын қалыптастыруға әсері болған адамдар жайлы айтуымыз керек. Бұл аға ұрпақ өкілдері өткен ХХ ғасырдың буынын бекітіп, екі жүзжылдықтың арасында көпір болды. Бұл күндері 95 жасқа толып отырған Рахымжан Бәйменов қария – бар саналы ғұмырын ұрпақ тәрбиесіне арнаған жан. Әлі де тың әкеміздің бойында өшірмей, жадында сақтаған ғұламалық, кешегі мен бүгінгіні салыстыра отырып, болашақты болжайтын сұңғылалық бар.Рахымжан Бәйменовтың қазақ халқының &nbsp;«тар жол, тайғақ кешу» кезеңіне тура келген балалық шағына қарап отырып, қиындықтың «талағында биті барды» шыңдай түсетінін, екіншіден ашаршылықта ащы құйқа жегендердің, оның дәмін өмір бойы ұмытпайтынын, қандай биікке шықса да қарапайымдылығын, қандай жағдайда да адамгершілігін сақтап, парасатты, иманды ғұмыр кешетінін пайымдаймыз. Бұл кісі Сырдария ауданындағы Қараөзек селосының солтүстігінде орналасқан Алтынтөбе жайлауында, қазір Сейфуллин атымен аталған ауылда дүниеге келген. 1928 жыл бүкіл елге нәубет әкелген ашаршылықтың кезі еді. Сәби шағында қазақты қырып кеткен қасіретті аш құрсақ тәнімен сезінсе, отызыншы жылдардың шағындағы қуғын-сүргінді жанымен түсінді. Атасы Бәймен ахун елге белгілі адам болған.Әкесі Әбдіхалық атасы Бәймен Ахуннан дәріс алып, кейін Тройск қаласындағы «Расулия» медресесінде оқыған. 1917 жылы медресені бітіргеннен соң жаңа әдіспен оқытатын бір жылдық мұғалімдік курста оқып, еңбек жолын қазіргі Жалағаш кентіндегі «Ақсу» мектеп-интернатында мұғалімдік қызметтен бастап, осы мектепте 1924 жылға дейін жұмыс жасаған. Содан кейін Қызылорда округтік ағарту бөлімі Әбдіхалық Бәйменовті Тереңөзектің «Айнакөл» мектебінің меңгерушісі, мұғалімі етіп тағайындаған. Осы мектепте 1929 жылға дейін ағартушылық қызмет жасап, белгілі ғалым Әлішер Тоқмағамбетовке, ауданға белгілі азаматтар Төлеген Досымовқа, Қатыраушан Тәңірбергеноваға дәріс берген. Мұнаң соң заман талабына сай білімін толықтыру үшін Қызылорда қаласындағы Қазақ ағарту институтына (Казинпрос) оқуға түсті. Отбасындағы алты жанды асырау үшін оқумен қатар Қызылорда колхоз-техникумында қысқы мезгілдік курстарда сабақ берген. 1929-1932 жылдар аралығында «Лениншіл жас», «Социалды Қазақстан» газеттерінде тілші болып, елдің саяси-мәдени өміріне белсене араласқан. 1932 жылы «Казинпросты» Сыр бойының алғашқы ағартушылары Шәмші Көшекбаев, Әділ Айзонов, Сейтқамал Усабаевтармен бірге бітіріп, Халық ағарту комиссариатының жолдамасымен Түркістан қаласындағы Кеңес-партия мектебі мен педагогикалық техникумға оқытушы болып орналасады.Бәйменовтер отбасы Түркістан қаласындағы кеңес партиясы мектебінің ауласындағы мұғалімдерге арнап салынған пәтерде тұрған. Бұл отбасы педагог әкенің арқасында ашаршылықтың зардабын тарта қоймаған. Қазір 95 жасқа келген қарияның 3-4 жасар кезі еміс-еміс есінде. Ауласындағы қоқыстар салатын ағаш қораптың ішіне түсіп, күл-қоқыстың ішінен өзіне қорек іздеп жүрген, өңі өте жүдеу кішкене бала көпке дейін көз алдынан кетпей қойған. Сонымен қатар, көшеден теріп алып, арбаға тиеген барынша арыған жас балаларды да көзі көрген.Голощекиннің қолдан жасаған ашаршылығынан бұл әулеттен де ондаған адам қаза тапты. &nbsp;Әдбіхалық Бәйменұлы ата-аналары ашаршылықтан опат болған немере ағаларының балаларын өз қолына алған.1936 жылы Халық комиссариатын жолдамасының мерзімін абыроймен аяқтап, Қызылорда қаласына көшіп келген. Ол №6 Теміржол мектебіне оқытушы болып тағайындалып, осы мектеп ауласындағы мұғалімдерге арналған пәтерге қоныстанады.Рахымжан 12 жасқа келгенде екінші дүниежүзілік соғыс өрті Кеңес одағын шарпып, тәтті тіршілікті бұзады. Ер-азамат түгелге жуық майданға алынды. Қарттар мен әйелдер күні-түні еңбек етті. Әкесі Әбдіхалық жұмыс істеп жүрген Қызылорда қаласындағы №6 Теміржол мектебін таратып, ауласындағы тұрып жатқан мұғалімдер отбасыларын көшіріп, мектеп ғимаратын әскери госпиталға босатып берді. Баспанасыз қалған отбасын әкесі туысқандары мекендеген Тереңөзек ауданы «1 май» колхозына көшіріп, өзі көп ұзамай соғысқа аттанып, майданда қаза тапты. Соғыс жылдарында елдегі қару ұстауға жарайтын азаматтардың бәрі соғысқа кетіп елдегі, барлық жұмыстарды әйелдер мен қарттар және әлі буыны қатпағын оқушы балалар атқарды. Осы кісілер тылда 1418 күн бойы «Бәрі майдан үшін», «Бәрі жеңіс үшін» деп аянбай тер төкті.Рахымжан Бәйменов 1941 жылдың мамыр айында бастуыш мектепті мадақтау грамотасымен бітірді. Әкесі оны алдына алып: «Менің Рахымжаным мықты азамат болады, мектеп бітіргеннен кейін Мәскеуде жоғары оқу орынында оқиды» деп қуанышын білдіреді. Бала Рахымжанның балалық шағын соғыс шарпыды. Ауылда қалған қарттар мен әйелдер, бала-шаға таңның атысы күннің батысы колхоздың жұмысына жегілді. Сол кезеңді Р.Бәйменов қарт былай есіне алады:<blockquote>«12 жастағы менің ат үстіне отырып, соңыма 5-6 ат жетектеп бидай бастырып, астықты есекке артып, Тереңөзектегі астық қабылдау пунктіне тасығанымыз әлі күнге дейін естен кетпейді. Әйелдер күрішті қолдап орып, баулап, оны қырманға арқалап тасиды, қырманнан қашықта орылған күрішті өгіз арбамен тасып, қырманға жинайды. Жиналған күрішті МТС-тан келген молотилка арқылы бастырады. Бір сөзбен айтқанда, соғыс кезінде жұмыс жасаған балалардың, әсіресе әйелдердің бастарынан өткен қиыншылықтарды түгел бяндап беру мүмкін емес» - деп еске алады.</blockquote>Әкесі 1942 жылы 29 қазанда әскер қатарына шақырылып, 1942 жылы 5 желтоқсанда жазған хатында Ақмола қаласында Қазақстандық дивизия болып жасақталып, Ленинград майданына пойыз үстінде кетіп бара жатқанын, 1942 жылы 21 желтоқсанда дәл майдан үстінде жүргенін хабарлайды. Бұдан кейін хабар-ошарсыз кетеді.Қария тынбай ізденіп жүріп, ғаламтордан соғыста хабарсыз кеткен әкесінің дерегін тапты. Ол 83 атқыш дивизиясының 330 атқыштар полкының 1944 жылғы 12 шілдедегі №52 бұйрығы еді. Осы бұйрықта 330 атқыштар полкына қарасты 4 взводының жауынгері Бәйменов Әбдіхалықтың Ленинград облысындағы Оленино селосындағы шайқаста немістердің көптеген солдатының көзін жойған ерлігі үшін «За боевые заслуги» медалімен наградталғаны жазылған. Осыдан кейін 83 атқыштар дивизиясының соғыс кезіндегі жауынгерлік жолын интернеттен тауып алды. Осы атқыштар дивизиясының 330 полкі құрамында әкесі шамамен 650 күн соғысқан армия қатарында қан майданның дәл өзінде шайқастарға қатысқан.Қазақта «көппен көрсетсін, көптің ішінде көрсетсін» деген терең мағыналы сөз бар. Егер сен елің үшін еңбек етіп жатқаныңды, халқыңа керек екеніңді сезінсең, қандай қиындық болса да қайсарлығыңды жеңе алмайды, от пен суға қаныққан құрыштай бекемдене түседі. Соғыстан кейінгі жылдары Рахымжан аға Қызылорда қаласындағы педагогикалық училищені бітіріп, мұғалім мамандығына ие болады. Бұл өмір бойы өзіне де азық болды, халқына қызмет етуге де мүмкіндік жасады. Осы екі сөйлемнің артында қаншама жүк жатыр десеңші! Өмір бойы бір сәтте тыным таппай еңбек ету, іздену, жеке мүддеден көпшіл мақсатты биік қою… тіпті де санап тауыса алмайсың. 1947-1951 жылдары бұрыңғы Тереңөзек ауданы Чапаев және «1май» атындағы мектептерде, 1951-1952 жылдары аудан орталығындағы №35 &nbsp; &nbsp; «М.И. Калинин» атындағы орта мектебінде мұғалім болып істеген.1952-1954 жылдары Кеңес армиясы қатарында кіші офицерлер дайындайтын әскери қызметте болған. 1955-1964 жылдары №131 «Қызылдихан» және №131 «1май» мектептерінде оқу ісінің меңгерушісі, тарих пәнінің мұғалімі қызметтерін атқарған. 1964 жылы Тереңөзек аудандық «Білім» қоғамының жауапты хатшысы болып сайланған, 1965 Сырдария селолық өндірістік партия бөлімі секторының партстатистика және біріңғай партия билеті секторының меңгерушісі болып бекітілген, 1972-1976 жылдар аралығында Тереңөзек аулдандық партия комитетінің жалпы бөлімінің меңгерушісі қызметінде болған. 1977 жылдан 1991 жылға дейін Тереңөзек аудандық кешкі жұмысшы жастар орта мектебінің директоры қызметін атқарды. 1980-1991 жылдары облыстық соттың заседателі болып сайланып, заңдылықтың сақталуына үлес қосады. 1945 жылы Ұлы отан соғысы кезінде қажырлы еңбегі үшін «Ерлік еңбегі» медалімен, 2000 жылы «Еңбек ардагері» төсбелгісімен марапатталып тыл ардагері ретінде зейнетке шығады.Өмір сүрудің белгілі бір ережесі жоқ оның заңдылыққа бағынбайтын қалтарыстары көп ол адамның табиғи болмысын неше түрлі иірімге салады. Қашанда ең бастысы аты үлкен әріппен жазылатын «Адам» болып қалу керек. Саяси үдерістер де қиындық әкеледі. Оны қарапайым адам да байқай да қоймас бірақ алдыңғы қатардағылар қатты сезінеді. Рахымжан әкені билік те бағалады халқы да құрметтеді.&nbsp; Құдай қосқан қосағымен бірге 9 бала тәрбиелеп, олардан 20-дан астам немере 4 шөбере сүйген Бәйменовтер отбасы 2015 жылы облыстық «Мерейлі отбасы» байқауынан бас жүлдесін жеңіп алды. Қадірменді қарт ағарту саласымен қатар қасиетті, дәстүрлі дініміздің тұрғындар жүрегіне орнығуына, жастарды имандылыққа баулуда белсенді қызмет жасап келеді. 2019 жылдың наурыз айында қызы Индирамен бірге Мекке-Мединаға сапар шегіп, қажылық парызын орындап келді. Қадірменді қария аудан өміріне белсенді араласып, оның өркендеуіне ерекше үлес қосқаны үшін ауданның «Қүрметті азаматы» атағына ие болды.Мұхаммед (с.ғ.с) пайғамбарымыздың хаддисінде: «Кімде кім ниетін имандылыққа, тілін шындыққа, өзін тыныштыққа, мінезін туралыққа, өзін өнегелі бақылаушыға, құлағын тыңдаушыға айналдыра алатын алатын болса, ол - бақытты адам» деген.

 Еңбек адамы: Білім саласында қажырлы еңбек еткен сырдариялық ардагер

<a href="https://kyzylorda-news.kz/">Kyzylorda-news.kz.</a> Қызылорда қаласындағы Сұлтан Бейбарыс көшесінің Н.Назарбаев даңғылынан &nbsp;Тәуелсіздіктің 25 жыл даңғылы аралығындағы көше бойына орташа жөндеу жұмыстары жүргізіліп жатыр. Осы орайда қала әкімдігі 2023 жылдың 19 шілдесі мен 15 тамыз аралығында жол жабылып, жол қозғалысы уақытша тоқтатылатынын хабарлады.&nbsp;&nbsp;<blockquote>«Аталған көшелер бойынша қоғамдық көліктер мен басқа көліктердің жол жүру қозғалысы төмендегі сызбада көрсетілгендігін назарларыңызға жеткіземіз және Сіздерден орын алып отырған уақытша шараларға түсіністікпен қарауды сұраймыз.№12, 20, 22, 28 бағыттағы қоғамдық көліктердің жол сызбасы уақытша өзгертілді. Яғни, аталған бағыттар Тәуелсіздікке 25 жыл даңғылы &nbsp;Баймаханов көшесі &nbsp;Н.Назарбаев даңғылы арқылы жолын жалғастырады», - делінген әкімдік таратқан хабарламада. &nbsp;</blockquote><figure class="image"><img src="https://knadmin.beoblood.kz/uploads/886c0f12_b2f3_4239_a952_e4895e5488be_814928469d.jpg" alt="886c0f12-b2f3-4239-a952-e4895e5488be.jpg"></figure>&nbsp;<figure class="image"><img src="https://knadmin.beoblood.kz/uploads/e8a69e28_7e0c_4fbc_981c_c6113c74b305_3d1fe72db6.jpg" alt="e8a69e28-7e0c-4fbc-981c-c6113c74b305.jpg"></figure>

Жөндеу жұмыстарына байланысты Сұлтан Бейбарыс көшесі жабылады 

<a href="https://kyzylorda-news.kz/">Kyzylorda-news.kz.</a>&nbsp; Қазгидромет Қазақстан аймақтарында 2023 жылғы 19 шілдеде болатын қауіпті метеорологиялық құбылыстарға болжау консультациясын жариялады.Атмосфералық фронтальды бөлімдердің өтуіне байланысты елдің көп бөлігінде күн райы құбылмалы болады: жаңбыр жауады, елдің солтүстігінде, батысында қатты жаңбыр жауады, найзағай, бұршақ, дауыл күтіледі.Республиканың шығысында ғана жауын-шашынсыз ауа райы күтіледі. Республика бойынша жел күшейеді, оңтүстігінде шаңды дауыл, түнде және таңертең Солтүстік-батыста тұман болады деп күтілуде.Күндіз Жамбыл, Алматы, Шығыс Қазақстан облыстарында, Жетісу облысында, Қарағанды облысының оңтүстігінде, Абай облысында 35-42°с қатты ыстық сақталады.Түркістан, Жамбыл, Алматы, Шығыс Қазақстан, Павлодар, Қарағанды, Оңтүстік, Шығыс Ақмола облыстарының, Ұлытау, Абай, Жетісу облыстарының басым бөлігінде, Маңғыстау облысының солтүстік-батысында, оңтүстікте, орталығында, Солтүстік Қазақстан облысының шығысында, Ақтөбе облысының оңтүстігінде, оңтүстік-шығысында, Қостанай облысының оңтүстігінде, Атырау облысының батысында, Қызылорда облысының шығысында, орталығында төтенше өрт қаупі сақталады.

19 шілдеде елімізде күн райы қалай болады?

<a href="https://kyzylorda-news.kz/">Kyzylorda-news.kz.</a>&nbsp; Бүгін аудан әкімі Берік Сәрменбаев әлеуметтік сала қызметкерлерімен кездескен болатын. Кездесу барысында аудан көлеміндегі әлеуметтік саладағы мәселелер талқыланып, елімізде жаңадан қабылданған Әлеуметтік кодекстің ерекшеліктері туралы сөз қозғалды.Сонымен қатар аудан басшысы Берік Әбдіғаппарұлы аудандық жұмыспен қамту және әлеуметтік бағдарламалар бөлімінің, жаңадан құрылған «Мансап» орталығында көрсетіліп жатқан мемлекеттік қызметтердің жай-күйімен танысты.Жалпы елімізде жаңадан әлеуметтік кодекс қабылданып, 2023 жылдың 1 шілдесінен бастап күшіне енгені мәлім. Осы Кодекс арқылы 16 заң және 100-ден астам заңға тәуелді акті жүйелендірілді. Кодекске сәйкес 2023 жылдың 1 шілдеден бастап жұмыспен қамту орталықтары таратылып, орнына «Мансап» орталықтары ашылды. Жұмыспен қамту орталығының барлық функциялары аталған «Мансап» орталығына берілді.<blockquote>– Әр жыл сайын әлеуметтік салаға тың өзгерістер енгізіліп отырады. Жақында Әлеуеттік кодекс қабылданған тұста &nbsp;саланың құрылымы жаңаратындығын білдік. Бұрынғыша &nbsp;орталық қызметкерлері жергілікті тұрғындарға қызмет көрсете беретін болады. Шын мәнінде, жұмысын барысын жетілдіру, саланы жан-жақты жүйелендіру – күн тәртібінен түспейді. Жаңадан тағайындалып жатқан Еркебұлан Дәуітбекұлы аталған саланы толықтай игеріп, тұрғындарға қолайлы орта қалыптастырады деп сенеміз. Себебі, сала басшысы аталған қызметтерді орындауда тәжірибесі мол. &nbsp;Аудан жастарын алғашқы жұмыс орнымен қамту бойынша кешенді іс-шаралар жүргізілгені дұрыс. Жалпы, халықтың әлеуметтік жағдайын жақсартуға міндеттіміз. Алыс-жақын ауылдардан келген &nbsp;тұрғындар әлеуметтік мәселелерін шешуде ешқандай қиындық туындамауы тиіс. Бұл ретте, азаматтарды кәсіптік оқытудан өткізу &nbsp;арқылы қызметке тұруына ықпал еткен дұрыс. Әрине, түсінеміз алғаш басталған жұмысқа сыншы көп. Сала мамандарының жұмысына сәттілік тілейміз, – деді аудан басшысы. &nbsp;&nbsp;</blockquote>Жаңадан құрылған «Мансап» орталығы мемлекеттік гранттар (400 АЕК), ұрпақтар келісім шарты, алғашқы жұмыс орны, мүмкіндігі шектеулі жандарға арналған арнайы жұмыс орындары, қолайлы бос жұмыс орындарын іздеу және жұмысқа орналасуға жәрдемдесу, кәсіптік оқыту, әлеуметтік кәсіптік бағдарлау, әлеуметтік жұмыс орындары және қоғамдық жұмыстар, жастар практикасы, микрокредит беру бойынша консультациялар, атаулы әлеуметтік көмек жобаларын жүзеге асыратын болады.

Аудан әкімі жаңадан құрылған «Мансап» орталығының жұмысымен танысты

<a href="https://kyzylorda-news.kz/">Kyzylorda-news.kz.</a>&nbsp; Қазіргі уақытта Тереңөзек кенті мен Қызылорда қаласы аралығында жол қозғалысын реттеу – маңызды рөл ойнайды. Өріске жайылған малдар кептеліс туындатып, жол апатының орын алуына себепкер атануда. Өз кезегінде Асқар Тоқмағамбетов ауылының әкімі Ғ.Алданазаров аталған мәселеге қатысты пікір білдірді.&nbsp;<blockquote>– Көліктер жол қозғалысының ажырамас бір бөлігін құрайды. Көлік түрлері мен олар-дың санының артуына байланысты жол-көлік оқиғаларының саны өсіп, адам өлімі көбеюде. Бұған жол-көлік оқиғаларынан қайтыс болатын адамдар санының әлем бойынша қатерлі ісік пен жүрек-қан тамыр ауруларынан кейін үшінші орынға шығуы дәлел. Жылдамдықты асырып, жол ережесі талаптарын сақтамау – жантүршігерлік жол апаттарының басты себептері. Соның салдарынан жол үстіндегі апаттан қаншама тағдыр үзіліп, қайғылы оқиғадан мүгедек болып жатқандар көп. Жоғары жылдамдықпен жүруді әдетке айналдырғандардың кесірінен елімізде жол-көлік апаты жиілейді. Бүгінде құқық қорғау қызметкерлері азаматтардың жолдағы қауіпсіздігін қамтамасыз ету үшін бірқатар ұсынымдар енгізіп, автокөлік иелеріне жол қауіпсіздігі ережесін қатаң сақтау қажеттігін ескертеді. Негізі барлық жол-көлік оқиғалары жүргізушінің жауапкершілігімен тікелей байланысты болады. Белгіленген жылдамдықтан асыру, мас күйінде көлікті басқару, басып озу ережесін бұзып қарама-қарсы жолға шығып кету қайғылы жағдайға душар етуде. Сонымен қатар жол қиылысы ережесін сақтамай, жол кезегін бұзу, ақауы бар көлікті басқару, арақашықтықты сақтамау, адамдарды тасымалдау және жаяу жүргіншілер ережесін бұзу секілді факторлар жол-көлік оқиғасын көбейтуде. Мұнан бөлек ауданда мал шаруашылығымен айналысатын тұрғындар көп. Мал иелері (бақташылар) малды қадағалау мен бақылауға көбіне немқұрайлы қарайды. Соның салдарынан үй жануарларының кешкі мезгілде тас жолдардың жүріс бөліктеріне шығып кетеді. Содан автокөліктермен соқтығысып, аяғы қайғылы оқиғалармен аяқталады. Осыған орай мал шаруашылығымен айналысатын азаматтар кешкі мезгілде малды қадағалаусыз қалдырмауы тиіс, – деді ауыл әкімі.&nbsp;</blockquote>Жалпы әркім «жол ережесін қатаң сақтау» деген қарапайым ғана қағиданы естен шығармауы қажет. Жол ережесін сақтау – әрбір адамның өз өміріне деген жауапкершілігі әрі бірден-бір кепілдігі. «Темір тұлпар» тізгіндегендердің тәртібі түзелмей, әр жүргінші өз жауапкершілігін жете түсінбей, жағдайдың оңға басуы қиын. Сондықтан жолда жүргенде абай болған жөн!

Қүре жолдың бойында автокөлік жүргізушілеріне тәртіп күшейтіледі

<a href="https://kyzylorda-news.kz/">Kyzylorda-news.kz.</a>&nbsp; Қай кезде немесе қандай жағдай болса да әркімнің құқықтық сауаттылығы жоғары болғаны жөн. Себебі кез келген жағдайда адам баласы өзін қорғай білуі қажет. Осы орайда, құқық қорғау қызметкерлері жыл сайын түсіндірме жұмыстарын жүргізеді. Шілде айының 14-15 күндері аудан орталығында «Жолда қабылдау» республикалық акциясы өткізілуде.Акцияның негізгі мақсаты – азаматтардың құқықтық сауаттылықтарын арттыру. Осыған байланысты аудандық полиция бөлімінің &nbsp;қызмет кенттегі Аманкелді Иманов көшесі бойында орналасқан «Халыққа қызмет көрсету орталығы» ғимаратының адында аудан тұрғындарына құқық¬тық кеңес беру жұмыстарын жүргізуде. Оның барысында аудан тұрғындары жол қауіпсіздігі, көші-қон заңнамасы, автокөліктерді тіркеу, жүргізуші куәлігін алу, жеке куәлік алу, төл құжатты алу, автокөліктерге қосымша бөлшектер орнату және әкімшілік айыппұлдарды төлеу жөніндегі мемлекеттік қызметтерді көрсету жұмыстары бойынша құқықтық кеңестер алуда.<blockquote>– Республикалық акция жыл сайын ұйымдастырылады. Мұның тұрғындарға тиімділігі мол. Өйткені, құқықтық сауаттылыққа қатысты халықтың көкейінде сұрақтар көп. Сала қызметкері ретінде тұрғындарды толғандырған сауалдарға жауап беріп жатырмыз. Акция аясында аудан халқы жол қауіпсіздігі, автокөліктерді тіркеу, жүргізуші куәлігін алу секілді мәселелерге қатысты бірқатар сұрақтарын жолдап, жауап алды. Құқықтық кеңестерге қатысты түсіндірме жұмыстары тұрақты жүргізіледі, – дейді аудандық полиция бөлімінің әкімшілік полиция бөлімшесінің жол және техникалық инспекциясы тобының мемлекеттік инспекторы, полиция майоры Нұрлан Бердібекұлы.&nbsp;</blockquote>Өз кезегінде аудандық полиция бөлімінің бастамасымен кезекті рет Сырдария ауданында "Түнгі қаладағы балалар" жедел профилактикалық іс-шарасы аясында жасөспірімдердің беймезгіл уақытта жүрмеуін, ойын-сауық орындарында болмауын қадағалау мақсатында аудандық жастар ресурстық орталығы мен аудандық полиция бөлімі бірлесе отырып, түнгі рейд жұмыстарын жүргізді. Аталған рейд барысында сағат 23:00 ден кейін ата-анасының қарауынсыз жүрген 4 жасөспірім анықталып, аудандық полиция бөлімінің 1 пунктіне ата-анасы шақырылып, тиісті ескерту хаттамасы толтырылды. "Түнгі қаладағы балалар" жедел профилактикалық іс-шарасы тұрақты түрде жүргізілетін болады.<blockquote>– Жалпы, Сырдария ауданы бойынша тәртіптік іс-шаралар жүйелі түрде жүзеге асырылып келеді. Соның бір дәлелі "Жолда қабылдау" республикалық акциясы аясында жол қозғалысын реттеу бойынша көпшілік кеңінен ақпарат ала білді. Сонымен бірге жол ережелерін сақтаудың негізгі талаптары &nbsp;ескерілді. Ал "Түнгі қаладағы балалар" жедел профилактикалық іс-шарасы бойынша түнгі мезгілде жүрген балалар анықталды. Балалардың ата-аналарымен жеке-жеке сөйлесіп, қоғам тыныштығын сақтау керектігін айттық. Себебі, балалар түнгі мезгілде компютерлік ойындарға бармау үшін қадағалау күшейтіледі. Бүгінде түн мезгілінде балалар футбол ойнауға әуес. Осындайда балаларды уақытылы үйіне қайтуға үндедік, – деді аудандық мәслихат депутаты Нұрман Абдрасилов.</blockquote>

Сырдариялық тәртіп сақшылары республикалық акцияға үн қосты 

<a href="https://kyzylorda-news.kz/">Kyzylorda-news.kz.</a>&nbsp; Бірнеше жылдан бері Тереңөзек кенті әкімдігі төрт түлік малының көшеде жүруіне байланысты жергілікті тұрғындарға түсіндірме жұмыстарын жүргізіп келгені рас. Арнайы рейд ұйымдастырылып, көпшілікке шара қолднылғанымен, қоғамдық орындарда бей-берекет мал жүруі азаяр емес. Өткен аптада Сырдария аудандық Қоғамдық кеңе-сінің мүшелері Тереңөзек кенті әкімдігімен бірлесіп, төрт түлік малдың бей-берекет жүруін болдырмау мақсатында бірнеше көше тұрғындарымен жүздескен болатын.Іс-шараға Сырдария аудандық Қоғамдық кеңесінің төрағасы Марат Еспенбетов, кеңес мүшелері Мұса Келдібаев, Сансызбай Сәдуақасов, Шаһарбек Нұрсейітов, облыстық мәслихат депутаты Жұмабек Ембергенов, Тереңөзек кентінің әкімі Ержан Бахтияров, аудандық полиция бөлімінің қызметкерлері қатысты.&nbsp;Іс-шара аясында мал иелеріне ауданның негізгі көшелерінде, қоғамдық орындарда жүрген малдарға санитарлық тазалыққа кері әсе¬рін тигізгені үшін салынатын айыппұлдар туралы ақпарат берілді. Бұл ретте, Тереңөзек кентінің әкімі Ержан Бахтияров малды өріске айдап, өрістен күтіп алуды, сондай-ақ пада ұйым¬дастыруды жолға қою керектігін жеткізді.<blockquote>– Шын мәнінде, Тереңөзек кенті күннен-күнге көркейіп келеді. Ауқымды жобалар жүзеге асырылып, кент көркіне сән беріледі. Негізінен, әрбір тұрғын мал баққаннан кейін жауакершілікті сезінуі тиіс. Себебі, таңертеңнен тазалық сақ-шылары көшелерді күл-қоқыстан арылтады. Әрбір қызметкердің еңбегін бағалап, төрт түлік малымызды уақытылы өріске айдап, уақытылы күтіп алғанымыз жөн. Әйтпесе, автокөліктердің қозғалысына малдың кедергі келтіретінін бай¬қап жүрміз. Қай кезде де тәртіп барлығымызға бірдей. Заң алдында жауап беруге келгенде қашқақтайтын жандар баршылық. Дегенмен, малымызға иелік етіп, пада ұйымдастыру үшін барынша жұмыс жасауымыз керек, – деді Сырдария аудандық Қоғамдық кеңесінің төрағасы Марат Еспенбетов.</blockquote>Өз кезегінде облыстық мәслихат депутаты Жұмабек Ембергенов &nbsp;аталған мәселеге байланысты пікір білдірді.&nbsp;<blockquote>– Өздеріңіз білесіздер, біздің кентте қараусыз малдың көшеге шығып кететін жағдайы кездесіп жатады. Мал иелеріне аудандық қоғамдық кеңес мүшелері, аудандық ардагерлер кеңесі мен кент әкімі және аудандық полиция бөлімі мамандарымен бірге түсіндірме жұмыстарын жүргізіп, ескертулер жасадық. Құрметті кент тұрғындары Тереңөзек кентінің тазалығына немқұрайлы қарамағанымыз дұрыс. &nbsp;Жауапкершілік барын естен шығармаған абзал. Тереңөзек кенті –бәріміздің ортақ мекеніміз саналады. Сонымен қатар аудан орталығында көптеп жүретін төрт түлік малдар көлік қозғалысын тежейді. Бұл ретте, Тереңөзек кентінің тұрғындарын малдарын өріске таңертең жіберіп, кешкілік күтіп алғаны жөн, – деді облыстық мәслихат депутаты. &nbsp; Расында, Тереңөзек кенті әкімдігі иесіз жүрген малдарды арнайы орындарға қамап, иесіне бірнеше мәрте айыппұл салса да, аталған мәселе күрделеніп отыр.</blockquote>

Сырдарияда иесіз жүрген мал иелеріне түсіндірме жұмыстары жүргізілді

<a href="https://kyzylorda-news.kz/">Kyzylorda-news.kz.</a> Бүгінде Қызылорда облыстық аумақтық кәсіподақтар бірлестігінде 12 салалық кәсіподақ қамтылып, онда 1020 ұйым мен 95 мыңнан астам мүше біріктірілген. Қазіргі таңда еңбек саласындағы әлеуметтік әріптестікті нығайту мақсатында 2021-2023 жылдарға арналған облыстық келісім шеңбері іске асырылуда. Бұл жөнінде Қызылорда облысының өңірлік коммуникациялар қызметінде өткен брифингте «Қызылорда облысы кәсіподақтар орталығы» аумақтық кәсіподақтар бірлестігінің төрағасы Мақсұт Нәлібаев мәлімдеді.&nbsp;<blockquote>– Кәсіподақ ұйымдары – еңбек ұжымдарындағы әлеуметтік жағдайдың нығаюы бойынша қоғамдық ұйымдармен өзара жұмыстар жүргізуде. Бұдан бөлек, былтыр аймақ басшысының қолдауымен облыстағы 52 ірі және орта кәсіпорынмен арнайы меморандум жасалды. Қазіргі таңда осы меморандум бойынша келісілген міндеттемелер мен жауапкершіліктер аясында еңбек ұжымдарында мониторинг жүргізілуде. Сонымен қатар соңғы екі жылда өңірдегі мекемелер мен кәсіпорындарда 14 ұжымдық еңбек дауларын орын алып, оның барлығы да өз шешімін тапты. Көтерілген мәселелердің басым бөлігі – еңбекақы мөлшерін ұлғайту, еңбек заңнамаларының сақталуы, ұжымдық шарттың орындалуына қатысты. Көбіне еңбек дауларын дер кезінде шешудің заңмен ұсынылған тәсілі күрделі және тиімсіз. Сондықтан кәсіподақтар бастамасымен еңбек заңнамасында еңбек дауларын шешу тәртіптері бойынша бірқатар өзгерістер орын алды. Атап айтқанда, инфляция деңгейінен кем емес мөлшерде жұмыскерлердің жалақысын төлеу жүйесін жетілдіру, күнкөріс деңгейінің шамасын және тұтыну себетінің құрылымын қайта қарау. Бұл өз кезегіне еңбек дауларының алдын алуға өз септігін тигізеді деп сенеміз, – деді Мақсұт Ыбрайханұлы.&nbsp;</blockquote>Жаңадан қабылданған әлеуметтік кодекске байланысты еңбек заңнамасында өзгерістер мен толықтырулар енгізілді. Бұл заң әлеуметтік және еңбек салаларындағы қатынастарды реттеуге бағытталған.<blockquote>– Негізгі өзгерістер мен толықтыруларға мыналар жатады: бірлесіп жұмысқа орналастыру ұғымын енгізу, жылжымалы жұмыс кестесі бойынша еңбек жағдайларын анықтау, төрт күндік жұмыс аптасын қолдану мүмкіндігін енгізу, Еңбек кодексінің өзінде еңбекке уақытша жарамсыздық бойынша жәрдемақыларды тағайындау және төлеу мөлшері мен тәртібін бекіту. Осы енгізілген жаңа құжат әрбір жұмыскердің еңбек құқығын қорғауына және жұмыс беруші арасындағы өзара келісімді нақтылауға ықпал жасамақ, – деді «Қызылорда облысы кәсіподақтар орталығы» аумақтық кәсіподақтар бірлестігінің бас маманы Майра Боранбаева.</blockquote><figure class="image"><img src="https://knadmin.beoblood.kz/uploads/f2c1779b_3d3a_4081_8473_c068cd0551f4_1caff2e420.jpg" alt="f2c1779b-3d3a-4081-8473-c068cd0551f4.jpg"></figure>&nbsp;

Еңбек заңнамасына өзгерістер мен толықтырулар енгізілді

<a href="https://kyzylorda-news.kz/">Kyzylorda-news.kz.</a>&nbsp; Қызылорда қалалық Полиция басқармасының Жедел басқару орталығының бейнебақылау камералары арқылы 16 шілде күні орын алған ұрлықтың ізі суымай ашылды. Белгісіз азамат қала аумағындағы дүкендердің бірінде тұрған «Слам» үлгісіндегі велосипедті ұрлап кеткен.&nbsp;Бейнебақылау камералары арқылы тексеру жұмыстары жүргізілді. Нәтижесінде күдікті азамат велосипедті қала аумағында айдап жүрген жерінен патрульдік полиция қызметкерлерімен ұсталды.&nbsp;Тергеу іс-әрекеттері барысында күдікті ұрланған мүлікті иесіне қайтарып беріп, өз кінәсін толықтай мойындады.&nbsp;Аталған дерек бойынша Қазақстан Республикасы Қылмыстық кодексінің 188-бабы 1-тармағына (Ұрлық, яғни бөтеннің мүлкін жасырын жымқыру) сәйкес сотқа дейінгі тергеп-тексеру амалдары жүргізілуде.Сондай-ақ, Қызылордада қоңырау шалуды өтініп, оқиға орнынан қашып кеткен азамат ЖБО бейнекамералары арқылы ұсталды.Қызылорда қалалық Полиция басқармасының Жедел басқару орталығының «102» арнасына 56 жастағы қала тұрғыны хабарлама берген. Белгілі болғандай, 15 шілде күні сағат таңғы 05:00 шамасында қала аумағындағы саябақтардың бірінде жанына бейтаныс азамат қоңырау шалу үшін «Самсунг J2» ұялы телефонын сұрап алып, оқиға орнынан қашып кеткен. Жедел басқару орталығының бейнекамералары арқылы патрульдік полиция бекеттеріне бағыт – бағдар беріліп, «ізін суытпай» 35 жастағы облыс тұрғыны ұсталды. Ұялы телефон тәркіленіп, заңды иесіне қайтарылды.Аталған дерек бойынша Қазақстан Республикасы Қылмыстық кодексінің 191-бабының 1 - бөлігімен (тонау) сотқа дейінгі тергеп-тексеру әрекеттері жүргізілуде.

Қызылорда: Бейнебақылау камералары арқылы ұрыны «ізін суытпай» ұстады

<a href="https://kyzylorda-news.kz/">Kyzylorda-news.kz.</a> Бірінші топтағы мүмкіндігі шектеулі азамат Манарбек Қожахметовтың жасап жатқан жұмысы көпке үлгі. Өзінің массаж арқылы түрлі дерттің алдын алуға болатын қабілетін сезген ол бастапқыда үй-үйді аралап, халыққа қалтқысыз қызмет көрсетті. Кейін елордаға барып, қытайлық профессор Чан Сиян Юден 3 ай дәріс алып, адам бойындағы басқа да түрлі дертті жоюдың тәсілін жетік меңгереді. 2016 жылы «Салта» кәсіпорнын ашып, жалағаштықтарға үздіксіз қызмет көрсетеді.&nbsp;Түрлі дертке дауа тапқан іскер азамат бастапқыда кент орталығынан ғимаратты жалға алады. Сол жерде 3 жылдай жұмыс жасаған Манарбек Қожахметов пен аяулы жары Салтанат Есенбаеваға түрлі дертпен келгендердің қатары көбейді. Алайда бұл нысанды қыс мезгілінде жылыту оларға қиынға соғыпты. Мәкеңнің үш жыл бұрын аудан орталығындағы көпқабатты үйлердің бірін жалға алуы да сондықтан. Біз барғанда Манарбек ағамыз жасқа толмаған балаға массаж жасап жатыр екен. Сөзінше, бұл баланың ұршығы жетілмеген. Ал баланың бойында бұл дерт қалып қойса, өскенде қиын болатын көрінеді.&nbsp;– Маған ата-аналар көбіне балаларын алып келіп жатады. Байқайтыным, олардың бойынан дисплазия ауруы жиі табылып жатады. Яғни ұршықтың дұрыс жетілмеуі. Оның үстіне қазіргі ата-аналар да, әжелер де балажан ғой. Оларды суға шомылдырғанда аяқ-қолын созуға жүрексінеді. Бірақ оларға да кінә артуға болмайды. Себебі қазір дүниеге келген балалардың көбісінің шеміршегі әлсіз. Оны тек массаж арқылы қалпына келтіруге болады. 6 жыл бұрын бастаған кәсібімнің жемісін көріп жатырмыз. Бірақ мен үшін бастысы – халықтың алғысы. Жұмысымның жүруіне оның да өзіндік себебі бар деп ойлаймын. Елордада оқуда жүргенде көбісін практикада меңгердім. Теория тек қай ауруға қалай массаж жасалады, сол айтылады. Практикада жиған тәжірибемнің көп пайдасы тиді, – дейді Манарбек Қожахметов.Отбасылық бизнестің аяққа тұруы бастапқыда қиын болыпты. Бұл тұста Салтанат Есенбаеваның үлкен көмегі тиген. Ол аудан орталығында жарнама үнпарақтар арқылы түрлі дерттің алдын алуға жұмыс жасайтындарын жалағаштықтарға жеткізген. Хабарласқан тұрғындардың үйіне барып ем-дом жасапты.&nbsp;Мәкең кейін кәсібінің көкжиегін кеңейту үшін мемлекеттен 1 млн теңге қайтарымсыз қаражат алған. Бұл абзал жанның әрі қарай да жұмысының ширауына айтарлықтай қолғабыс болыпты. Келушілер қатарында кейін инсульт алғандар да табылған. Ал оларды аяққа тұрғызу үшін қажетті аппараттар қажет. Осы ретте Манарбек Қожахметов мемлекеттен тағы да 2 млн теңге қаржылай қолдау тапқан.&nbsp;– Иә, келушілер қатарында инсульт алғандар да болды. Ондайлар әлі де келеді. Кейбірі аяққа тұрып жатыр, алғыстан басқа айтары жоқ. Оларда мынадай түсінік бар, аяқ-қолдан жан кетті деген. Алайда мүлде олай емес, аяқ-қолда жан болады. Тек оның қимылын жүзеге асыру үшін ми жұмыс жасау керек. Біз массаж арқылы осыны қамтамасыз етеміз, – дейді ол. Қожахметовтер отбасы қазіргі таңда кент іргесіндегі Ақсу ауылына алып баратын жолдың бойында үлкен ғимараттың құрылысын бастап кетті. Құрылысы аяқталған бойда кәсібін сонда көшірмек. Бір жағынан оның көкжиегін кеңейту де жоспарда бар. Іскер азамат мемлекеттен екі рет қолдау тапты. Бұл – тек кәсіпкерге жасалған қолдау емес, бір жағынан халықтың табысын арттыруға қосылған тамшыдай болса да үлес. Мәкең тағы да мемлекет тарапынан қаржылай қолдау болса, басқа да жобаларын жүзеге асыруға ниет етіп отыр.

Қазақстан және Қызылорда облысының жаңалықтары