<a href="https://kyzylorda-news.kz/">Kyzylorda-news.kz.</a> Қазалы ауданының Полиция бөлімінің бастығы, полиция подполковнигі Аңсатов Асылбай Шудабайұлы аудандық Оқушылар үйінде ағымдағы жылдың 6-айдың қортындысы бойынша халық алдында есеп берді.Халық алдында есеп беру кездесуін аудан әкімінің орынбасары Тлеумбетов Дәурен Оңғарбайұлы ашып, 2023 жылдың 6-айлық қортындысымен аудан бойынша &nbsp;қылмыстық ахуал мен қылмыстық құқық бұзушылықтың алдын-алу бағытындағы атқарылған жұмыстар туралы Ансатов Асылбай Шудабайұлына сөз берілді.&nbsp;Басты міндет – сапалы қызмет, халықпен етене жақын болып, қылмыстардың себептері мен жағдайларын анықтау және олардың алдын алу шараларын қабылдау.Кездесуге ішкі істер органдарының ардагерлері, көше комитетінің төрағалары, әлеуметтік желі белсенділері және аудан тұрғындары қатысты.Сонымен қатар, полиция подполковнигі Аңсатов Асылбай Шудабайұлы Мемлекет басшысының Қазақстан халқына Жолдауын орындау мақсатында тұрмыстық зорлық-зомбылық үшін жауапкершілік күшейтілгендігі туралы, яғни Қазақстан Республикасының Әкімшілік құқық бұзушылық туралы Кодексіне өзгерістер мен толықтырулар енгізу туралы 2023 жылғы 20 сәуірдегі № 227-VII ҚРЗ өзгертілгендігін және 2023 жылдың 1-шілдеден бастап заңды күшіне енгені туралы қорытынды жиналыста айтылды.&nbsp;Сондай-ақ, аудан көлемінде криминогендік ахуалды тұрақтандыру бағытында «Пәтер», «Қару», «Мал ұрысы», «Тұрмыс», «Жасөспірім»,«Түнгі қаладағы балалар», «Уылдырық» , «Мен және менің полицейім», «Құқықтық тәртіп» жол-көлік оқиғаларының алдын-алу мақсатында «Қауіпсіз жол», «Жаяу жүргінші», «Заңсыз жолаушы тасымалдаушы», «Автобус» тағы басқа да жедел профилактикалық іс-шаралар ұйымдастырылғанын айтып өтті.Есеп беру жиналысы соңында тұрғындар тарапынан қойылған сұрақтарға қанағаттандырлық жауап берілді. Сонымен қатар, &nbsp;полиция подполковнигі Аңсатов Асылбай Шудабайұлы Қоғамдық тәртіпті сақтауда қосқан үлесі үшін бірқатар аудан тұрғындарын «Алғыс хат» пен марапаттады.

Қазалы аудандық полиция бөлімінің бастығы халық алдында есеп берді

<a href="https://kyzylorda-news.kz/">Kyzylorda-news.kz.</a> Қазалы ауданының орталығы – Әйтеке би кентінен 14 шақырым қашықтықта жатқан Абай ауылында дәрігерлік амбулаторияның іргетасы қаланды.&nbsp;Жаңа нысанның іргетасын қалау рәсіміне аудан әкімі Мұхтар Оразбаев, аудандық мәслихат төрағасы Ғазиз Әліш пен аудан әкімінің орынбасары Жалғас Сүйеубаев және ауыл ақсақалдары қатысты.&nbsp;Салтанатты шарада аудан басшысы бой көтеріп жатқан нысанмен ауыл тұрғындарын құттықтап, халық игілігі үшін салынатын денсаулық нысанының сапалы әрі уақытылы аяқталуы қажеттігін айтты.&nbsp;Сондай-ақ жауапты бөлімге құрылысты орындау барысын ұдайы бақылауда ұстау керектігін тапсырды. Жалпы сомасы 400 миллион теңгеге жуық қаржы құрайтын бұл жобаны мердігер мекеме – «Аман-Құрылыс» ЖШС атқаруда.&nbsp; Жиын соңында ауыл ақсақалдары округте атқарылып жатқан жұмыстарға ризашылығын білдіріп, батасын берді.&nbsp;<blockquote>“Бүгін біз үшін қуанышты күні. Ең басты құндылық – адамның денсаулығы. Осы ретте ауылымызға жаңадан салынғалы тұрған дәрігерлік амбулаторияның уақытыл аяқталып, халық игілігіне берілгенін тілейміз”, – дейді қуанышты тұрғындар.&nbsp;</blockquote>Айта кетейік, биыл Қазалы ауданына қарасты үш ауылда дәрігерлік амбулатория құрылысы басталды. Ол қатарда Бозкөл, Кәукей және Абай ауылдары бар.

Абай ауылында жаңа дәрігерлік амбулаторияның іргетасы қаланды

<a href="https://kyzylorda-news.kz/">Kyzylorda-news.kz.</a> «Шаруа жазда жазылады, қыста қысылады» демекші, көктем шығып, жаз келісімен көк шыққан соң ауыл-аймақтарда егіншілер мен мал шаруашылығындағылар қызу тіршілікке енеді. Алайда бұл көпке кеселі келер кене қаптай түсетін уақытпен тұспа-тұс келеді. Бүгінде қансорғыш жәндіктің залалы жалғыз төрт түлікке емес адам баласын да айналып өтпеді. Нақтырақ айтсақ, кененің шағуынан пайда болатын Конго-Қырым қызбасынан облыста 29 жағдай тіркелсе, соның ішінде 3 адам жан тапсырған. Әзірге кенеден келер кесірдің жолын кесу мүмкін болмауда. Мұны мамандарымыз да жасырмайды.&nbsp;Жыл басынан бері облыстың медициналық мекемелеріне кене шағуына байланысты 600-ден астам адам шағымданған. Шиелі мен Жаңақорған аудандарында кене айрықша көп. Өлім-жітімге әкелген екі жағдай да сол оңтүстік аудандарда тіркеліп отыр. Кене шаққан 51 және 77 жастағы ер азаматтар бастапқыда өз бетімен ем қабылдап, қауіпті ауру дендеп кеткен соң медициналық көмекке жүгінген. Ауыр хәлде ауруханаға түскен науқастардың өмірін сақтап қалу мүмкін болмады, дейді дәрігерлер. Жалпы Конго-Қырым қанды безгегіне шалдыққан тағы 8 тұрғын өмір мен өлім арасында жатыр. Мамандар ауру тасымалдағыш зиянкестерден зардап шеккен адамдар 2-3 күн ішінде дәрігерге қаралмаса, соңы қайғылы жағдайға әкеп соғатынын айтады.Эпидемиологтар көктемде облыс бойынша Конго-Қырым қанды безгегінің таралу қаупі жоғары 106 елді мекенді белгілеген. Қазіргі таңда кенеден келетін кесел Қызылорда қаласында және Сырдария, Қармақшы, Шиелі және Жаңақорған ауданында жалпы 10 дерек нақтыланып отыр.&nbsp;<blockquote>“Бүгінде облыста Конго-Қырым геморрагиялық қызбасына күдікті 29 науқас тіркелді. Оның ішінде 10 жағдай нақтыланып, өкінішке орай 3 адам қаза тапты. Қазіргі сәтте қолайсыз деп танылған елді мекендерден бөлек, басқа аумақтарда да қауіпті аурудың алдын алу шаралары тұрақты түрде жүргізілуде. Адамның ауруды жұқтыруы кене шаққан жағдайларда және қанында вирусы бар жануарларды сою кезінде, сондай-ақ науқас адамға күтім жасау кезінде немесе мәйіттің қанымен, ластанған медициналық құралдар арқылы да жұғуы мүмкін. Сондықтан облыс тұрғындарын барынша сақтануға шақырамыз”, – деді облыстық денсаулық сақтау басқармасы басшысының орынбасары Жангелді Шайымбетов.</blockquote>Қансорғыш жәндік жайлы не білеміз?Жалпы кене десек есімізге тек ауыл қорасындағы төрт түлікке ғана тыныштық бермейтін көзгі ілінбес жәндік ғана елестейді. Алайда оның да қауіпті ауру тасымалдайтыны, қауіпсізі тағы бар екен.Яғни, қауіпті аурудың аурудың туындауы, тіркелуі, таралуы «иксод» кенелерінің табиғатқа шығуы мен белсенділігіне тікелей байланысты екен. Нақтыласақ, аталған ауруды тудыратын «иксод» кенелері жылы қанды организмнің қанымен қоректенетін болғандықтан, адамдар мен жануарларға аса қауіпті жұқпалы ауру жұқтырып, зиянын тигізуде.&nbsp;<blockquote>“Дене адам ағзасының температурасын 100 метр қашықтықта сезеді, жүру жылдамдығы 5-7 сантиметр секнуд, қоректенуі тәулігіне – 200 милиграм қан, ал қорексіз кене бірнеше жыл тіршілік етеді. Кенелер қора-жайларда, қи қоқыста, құс ұясында, тышқан інінде, өсімдік түбінде болады. Аналығы 5-18 мыңға жуық жұмыртқалайды. Кенелер жұқпалы індет вирустарын 25 ай сақтайтын көрінеді”, – дейді мамандар</blockquote>Ауданда ахуал қандай?Қазалы ауданы – Сырдарияны жағалай жатқан, мал шаруашылығында өзіндік орны бар аумақ болған соң, мұнда да көк кесел жыл сайын шопан менен төрт түліктің ығырын шығарып, әуре-сарсаңға салады. Осы орайда Конго-Қырым қызбасы мен жалпы мал біткеннің жайын білмек болып Қазалы аудандық ветеренариялық станциясының басшысына қоңырау шалған едік.&nbsp;Оның айтуынша, биыл облыстық жұмылдыру басқармасы тарапынан өткізілген конкурс жеңімпазы «Дезифекция ИК» ТС мекемесі жеңіп алған. «Дезифекция ИК» толық серіктестігі Қазалы ауданы көлеміндегі Конго-Қырым геморрагиялық қызбасы ауруының табиғи ошақтарында 2023 жылғы көктемгі залалсыздандыру жұмыстарын жоспарға сәйкес 13 елді мекен бойынша жүргізген. Атап айтанда, Қ.Пірімов ауылы мен Басықара, Водокачка, Үйрек, Аранды, Қожабахы, Сарбұлақ, №102 бекет, Жанқожа батыр, Ақтан батыр, Ғ.Мұратбаев, Ойынды бекеті және Майлыбас ауылдары.<blockquote>"Көктемгі залалсыздандыру жұмыстарының тиімділігі 98,7% құрады. Облыстық ветеринария басқармасының келісімімен бекітілген ақылы ветеринариялық қызмет көрсету прейскурантына сәйкес ауданымыз бойынша 2 объектіге (325 шаршы метр) кенеге қарсы «Креолин-Х» 2,5% – препараты арқылы залалсыздандыру (дезинсекция) жұмыстары жүргізілді. Сондай-ақ аудан бойынша тұрғындардың қаражаты есебі мен өтініштеріне сәйкес 4000 бас мүйізді ірі қараға, 6300 бас уақ малға, 600 бас жылқыға, 55 бас түйеге эндопаразиттер мен эктопаразиттердің алдын алу мақсатында Айвен, Ивермектин, Аверсект және тағы басқа. ветпрепараттары егілді.&nbsp; Аудан бойынша Шәкен мен Аранды, Тасарық, Майлыбас, Құмжиек, Арықбалық сынды алты ауылдық округте мал тоғыту ванналары салынып, ауылдық округ әкімдіктерінің теңгеріміне берілген. Алайда, қазіргі таңда Құмжиек пен Арықбалық ауылдық округтерінде мал тоғыту ванналары су ұстамай тесіліп қалған. Бұл жайында ауылдық округ әкімдіктеріне хат жолданған болатынбыз. Сонымен бірге мал тоғыту ванналары ауылдық округ әкімдіктерінің теңгерімінде болғандықтан ауылдық округтің ветеринариялық пункт меңгерушілерімен бірлесе отырып, мал тоғыту жұмыстарын ұйымдастыру қажет деп ойлаймын", – дейді Қазалы аудандық ветеренариялық станциясының басшысы Болатбек Амреев.</blockquote>Ауруханаға түскендер саны артқан ба?Өткен жылы ауданда Конго-Қырым геморрагиялық қызбасы, кене шағу дерегімен 50-ге жуық азамат тіркеліп, барлығы тиісті ем-домын алып шыққан. Ал бүгін ше? Ауданда ауырғандар саны артқан ба? Ақхалаттылар қандай шара жүргізуде? Осы сынды көпті алаңдатып отырған сауалдардың жауабын білмек болып аудандық ауруханаға жол тарттық.<blockquote>"Қазалы көп бейінді орталық ауруханасына кене шағу дерегі бойынша бүгінде 19 жан тіркеліп, ауруханаға түскен. Қазіргі таңда ол азаматтарды медициналық қызметкерлер 14 күндік қатаң бақылауға алған. Әр аймаққа тұрғындар арасында эпидемиологиялық ахуал тұрақтағанша аурудың алдын алу мақсатында үй аралау жұмыстар жандануда. Тұрғындар арасында КГЛ инфекциясының алдын алуда үгіт-насихат, сан ағарту жұмыстары тағы күшейтілуде. Одан бөлек, әрбір кене шағу дерегі бойынша тіркелгендерге жоғарыда атап өткендей мамандар 2 мезгіл бойынша, 14 күн бойы бақылау жұмыстарын жүргізуде", – дейді Күншығар Әбілов.</blockquote>Бір қуантарлығы адам шығыны жоқ. Аталған кеселмен нақты ауырған жандар жағы да жоқтың қасы. Десек те, статистикаға қарап, саябырсып қалғанымыз болмас-ты. Себебі кеселі көп кенемен арпалыс күн қысқарып, түн ұзарамға дейін, яғни күз мезгілі түспейінше бәсеңсімесі анық.

Қазалы: Кене шағу дерегімен түскендер 14 күн бойы бақылауда болады 

<a href="https://kyzylorda-news.kz/">Kyzylorda-news.kz.</a> Өткен жылы аудандық Жастар ресурстық орталығы аудан әкімдігінің қолдауымен«Жастар керуені» атты кереметтей жобаны қолға алған еді. Ауыл-аймақты аралап, ынжырғасы түскен ауыл жастарының еңсесін көтеруді мақсат тұтқан топ діттегеніне жетті. Игі шара биыл жалғасын тауып, орталық жастары маусым айынан бері біршама елді мекенге сапар шегіп қайтты. Бүгін соның бірқатарына тоқталмақпыз.Ақсуат ауылындағы ауыз толтырып айтар шарадан соң керуен көшіМайлыбас ауылдық округіне аялдады.Ең әуелі«Tulga bol» жастарды әлеуметтендіруге бағытталған жәрмеңке өтті.&nbsp;Онда аудандық ауыл шаруашылығы мен жер қатынастары, тұрғын үй-коммуналдық шаруашылығы, жолаушылар көлігі және автомобиль жолдары мен аудандық жұмыспен қамту, әлеуметтік бағдарламалар және азаматтық хал актілерін тіркеу және кәсіпкерлік, өнеркәсіп және туризм бөлімінің мамандары жеке қабылдау өткізді. Яғни, түрлі сала мамандары ауыл тұрғындарына кеңестер беріп, қойылған сауалдар жауабын да берді.Сондай-ақ көлік-техникалық колледжінің мамандары биылғы бітіруші түлектерге білім ошағындағы қажетті мамандықтар мен жеңілдіктерді ұсынды.Ауыл жастарының басын қосқан шараконцерттік бағдарламағаұласып, өнерпаздар ән шырқап, би билеп көрермендерге көтеріңкі көңіл күй сыйлады.Шара соңындакеруен регламентіне сайалау басындағы жастардың кездесуі өтті. Еркін форматта ашық диалог жүргізіліп, танымал ақындар жыр-ғазалдарынан өлең оқылды. Бұдан бөлекалау басына жиналғандар ұсыныс-пікірлермен қатар ауылдағы шешімін таппай жүрген мәселелерді ортаға салды.Арықбалықтағы ауқымды шараАраға көп уақыт салмай «Жастар керуені» Арықбалық ауылдық округіне де жетті.Әдеттегідей жастарға ақыл-кеңес беру жәрмеңкесімен басталған ауқымды шара түрлі сайыстарға жалғасты.Дәлірек айтсақ, ауыл спортшылары арасында үстел теннисінен тартысты турнир өтті. Бірі-бірінен озған арықбалықтықтар тән саулығын сақтайтынын дәлелдеп, аталған сайыста белсенділік танытты.Бұл уақытта ауылдың жасанды газон алаңында кіші футболданжарыс өтіп жатты. Батыр баба ауылын мекендеген ағайын мұнда да спорттың қай түрінен болмасын осал еместігін танытты.Мұнан соң көпті күткенкеліндер сайысы да жетті. Қазақы салт-дәстүрді жаңғыртып, қарапайым ауыл келіндерінің өмірі мен өнерін дәріптейтін бұл сайыстың басты мақсаты – келіндердің ізеттілігін, инабаттылығын, салт-дәстүрді ұстануын, отбасы құндылықтарын насихаттау болып табылады.Сайысқа әдептен озбай, инабат пен ибалылықты қатар алып жүрген жас келіндер қатысып, түрлі кезең бойынша өз өнерлерін ортаға салып, тіпті ошаққа астын қыздырып, ұлттық қазанжаппай пісірді.Одан кейін алакеуім уақытта ауыл тұрғындарын орталық алаңға жинаған гала концерт басталып, онда сайыс жеңімпаздарына марапаттар мен түрлі номинациялар табысталды.Артынша арықбалықтықтар алау басына жиналып, сүбелі сөздер сөйлеп, тұрғындардың өзекті мәселелеріне тұшымды жауаптар берілді. Осылайша батыр баба ауылындағы кеш те мәресіне жетті.Ауыл кеші көңілдіҚазалы ауданы әкімдігінің қолдауымен және аудандық жастар ресурстық орталығы ұйымдастырып жатқан жобасы ат басын Қарашеңгел ауылдық округіне тіреді.Мұнда да ауыл тұрғындары өз ара спорттық сайыстарда сынға түсті. Нақтырақ айтсақ, елді мекенде Т.Ақжігітов, Жалаңтөс батыр, Ә.Тілеубаев, Қ.Пірімов, Т.Елеусізов көшелерінің тұрғындары және оқушылар құрамалары арасындаволейболдан жарыс өтті. Сонымен қатар үстел теннисінен турнир және «Келіні жақсы үйдің – керегесі алтын» атты ауыл сәніне айналған келіндер сайысы да өтуден шет қалмады.Одан бөлек, «Құмар ойын құрдымы» атты жасөспірімдермен дөңгелек үстел ұйымдастырылды. Жалпы елімізде бір ғана жылда құмар ойын құшағында миллиондаған жастар кеткен. Олардың көбі кеселді ойынның кесірінен өмір жібін үзген. Дөңгелек үстелде мамандар ауыл жастарына мұндай жолдан алшақ жүру керектігін айтты.Мұнан соң Жалаңтөс батыр ауылындағы кеш көңілді концертке жалғасып, жоба аясында таңнан кешке дейін өткен сайыстардың жеңімпаздары мен жүлдегерлері марапатталды. Оған қоса аудан және ауыл өнерпаздары өнер көрсетіп, ауыл халқына ерекше көңіл-күй сыйлады.Әлеуметтендіру әлек салдырмайдыАудан жастарының уақытын тиімді пайдаланумен қатар әлеуметтендіру және жастар саясатын жүргізуді мақсат тұтқан «Жастар керуені» Аранды ауылдық округіне бағыт алды.Елімізде жүзеге асырылып жатқан «Дипломмен ауылға», «Серпін», «Баршаға арналған тегін техникалық және кәсіптік білім беру» бағдарламалары және NEET санатындағы жастарды әлеуметтендіру ісінде маңызды рөл атқарып келеді. Мұндай бағдарламалармен хабардар етіп, жастарға жан-жақты бағыт-бағдар беріп келеді. Жастар ресурстық орталығының кеңесшісі А.Алпамыс «Болашақ» бағдарламасы бойынша кеңес берді.Бұдан бөлек жастар архитектуралық ескерткіш Орақ батыр мұнарасымен танысты. Сондай-ақ жаугершілік заманда елін қорғаған хас батыр туралы толық тарихи мағлұматтар алды.Онан соң әдеттегідей ауыл тұрғындары арасында түрлі сайыстар өтіп, өнерпаздар кешкі концерт қойып, кейін алау басында құйқылжыта күй ойнап, әуеле әндетті.Жастар жайы жақсарудаКеруеннің шырайлы шарасы Бозкөл ауылдық округінде төрткүл дүниеге елімізді танытқан, егемендігіміздің нышаны, жас қаламыз, бас қаламыз – Астанамыздың 25 жылдығымен тұспа-тұс өтті.&nbsp;Ауылға аяқ басысымен аудан жастары мен орталық мамандары халық аузында Қара дүкен аталып кеткен Жәлен ата мұражайымен танысты.Әулие, бақсы, ұста, қолөнер шебер 1904-1983 жылдар аралығында өмір сүрген Жәлен Ерімбетұлына жер-жерден дерті дендеген жандар келіп, құлан таза айығып кеткен.Жастар осы сынды ауылдың тарихи, көрікті жерлерінде шолып шықты.Онан соң кезек мамандар кеңесіне келіп, ауыл тұрғындары және жастары көкейде жүрген сауалдарын жолдады. Ол үшін аудандық жастар денсаулық орталығы, аудандық ауыл шаруашылығы мен жер қатынастары, тұрғын үй-коммуналдық шаруашылығы, жолаушылар көлігі және автомобиль жолдары, аудандық жұмыспен қамту, әлеуметтік бағдарламалар және азаматтық хал актілерін тіркеу, кәсіпкерлік, өнеркәсіп және туризм бөлімінің мамандары жеке қабылдау өткізді.Одан кейін кеш Елорда күнімен қатар өткен, ауыл жастарының басын қосқан шара концерттік бағдарламамен жалғасып, жастардың өнерін тамашалады.&nbsp;Жастармен еркін форматта ашық диалог жүргізіліп, ән айтып, өлең оқып, ұсыныстар мен ауылдағы шешімін таппай жүрген мәселелерді ортаға салды. АуданәкіміаппаратыныңбасшысыРинад Тілеп арнайыұсыныс-тілектердіназарғаалып, алдағыуақыттажұмысжоспарынақосылатындығынайтты.Ақжоналықтар дән ризаАудан жастарының елді мекендерді аралап, жастарды қолдау мақсат еткен «Жастар керуені» жуырда Ақжона ауылдық округінде болды. Қарғатамырлықазақтыңәрбірініңтүптамырыауылменсабақтасады. Туғантопырақтыңбірсүйемжерініңауылазаматынаыстықболатыны да сондықтан. Пейілікең, көңілідархан, қойнауықұтқа толы, береке-базары үзілмеген Ақжоналықтар ауызбіршілік һәм белсенділік танытып, ауылда өткен әрбір шараға етене араласты.Ауыл орталығынан орын алған ауқымды шарада кәсібін дөңгелетемін деген жасқа аудандықкәсіпкерлік, өнеркәсіп және туризм бөлімінің мамандары, ал егін егіп, жергілікті жердің өсіп-өркендеуіне өз үлесімді қосамын деуші жастарға ауыл шаруашылығы мен жер қатынастары сынды бөлім мамандары ақыл-кеңестерін беріп, олардың әрбірінің қойған сауалының айқын шешімін тауып беруге үлестерін қосты.Шара ауылдағы ат құлағында ойнап өскен жігіттердің өзге де спорт түрлерінен сынға түсуіне жалғасып, ондағылар тартысты ойындар көрсетті.Онан соң ымырыт жабыла ауыл аспаны түрлі-түсті жарық шамдарға боялып, гала концертке ұласты. Мұнан кейін ауыл жастары алау басына жиналып, еркін сұхбат құрды.<blockquote>«Жастар керуенінің» біздің ауылға аялдағанын көп күттік десек болады. Себебі кең көлемді шарада бәрі қамтылған. Білікті мамандар кеңесі, спорттық сайыстар, көңілді кеш пен ең бастысы әрі қызықтысы алау басындағы сүбелі сұхбат. Осындай игі бастаманы көтеріп жатқан атқамінер азаматтарға, ағаларға алғысымыз шексіз. Бұйырса, жоба әлі де жалғасын табады деген үміттеміз», – дейді Арман есімді ауыл тұрғыны.</blockquote>

Жан жадыратқан – «Жастар керуені»

Қармақшы ауданында кәсібін жандандырғандардың қатары артқан

<a href="https://kyzylorda-news.kz/">Kyzylorda-news.kz.</a> Қазалы ауданның әкімі Мұхтар Оразбаев Абай елді мекеніне орамішілік газ желілерін жүргізу құрылысымен танысты.&nbsp;Жоба құны – 357,735 миллион теңге болатын құрылысқа жауапты мердігер – «Ремстрой» ЖШС.<blockquote>“Бұған дейін Қазалы қаласы, Жалаңтөс батыр, Қашақбай Пірімов және Басықара ауылдарында қызу жұмыс жүріп, тұрғындар қосылған табиғи газдың игілігін көруде. Сәтін салып, мұндай қуанышты күнге Абай ауылының тұрғындары да жететін болады. Ол үшін Сіздер жұмыстарыңызға асқан жауапкершілікпен қарап, сапасы мен уақытын да қаперден шығармауларыңыз қажет”, – деген аудан басшысы жауапты мамандарға тиісті тапсырмаларды жүктеді.&nbsp;</blockquote>Шыны керек, биыл Сарыкөл ауылдық округінің жұрты үшін жағымды жаңалықтар аз емес. Олай дейтініміз, елді мекенде газ құрылысынан бөлек орталық саябақты абаттандыру жұмыстары жүріп жатыр.&nbsp;Бас қақпасынан бастап ажарланатын саябақта сахна құрылып, ойын және спорт алаңы салынып, түнгі жарықшамдары жарқырайтын болады.&nbsp;Бас мердігер – «Данияр 97» ЖШС мамандарына құрылыстың сапасына мән беріп, уақытылы аяқтауды тапсырған аудан басшысы орталық саябақ тікелей бақылауында болатынын баса айтты.

Қазалының Абай ауылында ауқымды жұмыстар атқарылуда

<a href="https://kyzylorda-news.kz/ru">Kyzylorda-news.kz.</a> Шілденің ашық та құрғақ күндері мал азығын әзірлеуге аса қолайлы. «Қыстың қамын жаз ойла» деген тәмсілді берік ұстанған аудан шаруалары шілденің ортасында шабындыққа шалғы түсіріп, шөп шабу науқанын қызу жүргізуде.Аудандық ауыл шаруашылығы бөлімінің берген мәліметінше, биыл 92 754 бас ірі қара, 148 013 бас қой мен ешкі, 25 768 бас жылқы, 1705 бас түйе тіркелген. Енді осынша төрт-түлікті алдағы қыс маусымынан қиналмай шығару үшін осы жылы 8978 гектар жерге мал азықтық жоңышқа, 73 гектарға жемдік жүгері, 195 гектарға мал жемдік асқабақ орналастырылған. Биыл мал басына қажетті азық қорын жасақтау мақсатында 36 400 тонна жем, 158 400 тонна шөп пен 32 700 тонна сабан жинау жоспарлануда. Оған биыл шөп өнімі мүмкіндік беріп тұр. Тек уақытты тиімді пайдаланса болғаны.Бүгінде 5138 гектар ескі жоңышқаның бірінші орымы ақталып, 18 497 тонна жоңышқа шөбі өндірілген. Қазірдің өзінде ауданда жоңышқаның бір данасы – 700-800 теңге аралығында сатылып жатыр.<blockquote>– Шөп шабу науқанының бірінші орымы ауданда 15 маусымнан басталған. Мал шаруашылығымен айналысатын 379 шаруа қожалық бар. Өткен жылы қысқы мал азықтық қорына 31 500 тонна сабан, 34 100 тонна жем, 149 700 тонна шөп, оның ішінде 87 400 тонна табиғи шөп, 62 300 тонна жоңышқа шөбі дайындалды. Қазіргі таңда шаруашылықтар жем-шөп қорларын жинақтау мақсатында тынымсыз тірлік істеуде. Шілдеден басталған екінші орымда қызу жүріп жатыр, – дейді аудандық ауыл шаруашылығы бөлімінің басшысы Мұрат Әшірбеков.</blockquote>Ауданда алғашқылардың бірі болып Бестам ауылындағы Балтабай Қошқаровтың «Бестам Елі» шаруа қожалығының еңбеккерлері шабындыққа орақ салды. Құрылғанына 10 жыл толған қожалықта қырық қызметкер еңбек етеді. Өткен жылы аталған шаруа қожалығы 50 гектарға – жаздық бидай, 50 гектарға – жаңа жоңышқа, 170 гектарға – ескі жоңышқа, 30 гектар жерге – мақсары, 250 гектарға – «лидер» тұқымын сеуіп, 60 гектар жерге – бақша өнімдерін еккен. Ал биылғы жоспарға сәйкес күрішті – 300 гектарға, мақсарыны – 30 гектарға, жаздық бидайды – 30 гектарға, ескі жоңышқаны – 170 гектарға, бақша өнімдерін – 50 гектарға еккен.«Бестем Елінің» жылдағы жоспары ¬бойынша жоңышқа 3 рет орылады. Сонымен қатар меже бойынша 170 үлескер отбасыға егістік алқабын дайындап, күріш, жоңышқа шөбі шаруа қожалық есебінен тегін таратылады. Одан бөлек дала төсінде еңбек етіп жүрген жұмысшылар жатын орын, ыстық тамақпен толықтай қамтамасыз етілген. Жұмысшылардың айлық жалақысына келер болсақ, қай-қайсысы болмасын 100 мыңнан кем алмайды.<blockquote>– Қазір жұмыс істеймін деген білікті мамандарға қай салада болсын сұраныс көп. Бізде техникаға жақын, іскер, білімді жастарды жұмысқа тартып, оларға әлеуметтік көмек көрсету жолдары да қарастырылған. Қазір сенделіп жүрген жас¬тар көп. Оқуын оқып, қолына дипломын алады да, түнгі көшені кезіп, таң атқаннан кеш батқанға дейін ұйықтайды. Солай жүгенсіз жүрген бірнеше баланы жұмысқа шақырып едім, бәрі ат тонын ала қашты. «Жеңілдің астымен, ауырдың үстімен жүретін» жастарға қарап қайран қаласың. Бір нәрсені үйренейін, келешек нәпақамды маңдай термен табайын демейді. Бәрінің аңдығаны, ойлағаны – оңай олжа, қызық, думан. Киелі мекеннен шыққан екі мәрте Социалистік Еңбек Ері Ыбырай Жақаев атамыз да табысқа осы Жер-Ананы ему арқылы, ерен еңбектің арқасында қол жеткізді. Сондықтан қазіргі жастарға айтарым, ауыр жұмыстан қашпай, шаруашылықта атқарылатын жұмыстарды үйрене бергені абзал. Алдағы уақытта жеке шаруа ашса да өзіне пайда, жұмыс істесе де өзіне пайда, – деді Балтабай Қошқаров.</blockquote>Бұл шаруа қожалықта тәжірибелі мамандар еңбек етеді. Майталман механизаторлар Е.Бабыр, С.Арысбаев, С.Жарасбаев, Б.Қожаев, Ә.Байжанов, Р.Саханов, Ә.Досманов сынды азаматтар мәртебелі мамандықты меңгергенін өлшеусіз еңбектерімен дәлелдесе, аталған қожалықтағы белді күрішшілер сапындағы Сейітбек Жарылқасынов, Нұртуған Ортаев, Ағыбай Досмановтар табанды еңбек етуде. Сонымен қатар егістікке қажетті Беларусь МТЗ-80, МТЗ-1221, К-700, «MacDon» сияқты алып техникалар жүйелі жұмыс істеуде. Сондай-ақ бұл күнде шаруа қожалықтың қызметкерлері жұмыстың қиындығына қарамастан, сөзге беріктік пен еңбекке ептіліктің арқасында шаруашылықтың берекесін арттырып отыр.Берекесі артқан «Бестам Елінің» қысқа дайындығы қарқынды жүріп жатыр. Енді тек мол етіп мал азығын қамдау үшін, аудан шаруаларының көсіліп еңбектенуі үшін ауа райы мұрсат берсе болғаны. Себебі жаздың әрбір ашық күні – қыстың бірнеше күніне кепіл болмақ.

Шиеліде шөп шабу науқынының екінші орымы басталды

<a href="https://kyzylorda-news.kz/ru">Kyzylorda-news.kz.</a> Биыл Шиелі ауданында көші-қон заңнамасын бұзған шетелдің 205 азаматы анықталды. Оның үшеуі Өзбекстан Республикасының азаматтары. Заңға сәйкес, олар ел аумағынан аластатылды.Аудандық полиция бөлімінің мәліметінше, өңірдегі заңсыз көші-қон арнасын анықтап, алдын алу және оларды ұйымдастырушыларды табу, сондай-ақ шетелдіктер мен азаматтығы жоқ адамдарды анықтау мақсатында арнайы топ құрылған.Әлемдегі өзге де мемлекеттер үшін дамудың ең маңызды проблемаларының бірі – ішкі көші-қон мәселесі. Сырттан халық ағылған сайын, елдегі тұрақтылық пен дамуға қауіп-қатерлер туындайды. Соңғы жылдары Қазақстанда ішкі миграциялық мәселер жиі орын алды. Сол үшін сала мамандары аудан тұрғындарын және шетелдік қонақтарды еліміздің көші-қон саласындағы заңнамасын қатаң ұстануға шақырып, құқық бұзушылықтар мен қылмыстарға жол бермеуді сұрайды.Мысал үшін айта кетейік, өткен жылы Астанада көші-қон заңнамасын бұзған 5000-нан астам адам жауапкершілікке тартылған. Оның 867-сі елден шығарылған. Шетелдіктерді шақырған және олардың елде болу ережелерін қамтамасыз етпегені үшін 1 мың адам айыппұл төлеген. Сәйкесінше, қосымша секторлар ашылған. Шетелдіктерді қабылдаушылар 3 күн ішінде ішкі істер органдарына хабарлауға міндетті. Әйтпегенде әкімшілік жазаға тартылады.

Шиелі: Көші-қон заңнамасын бұзғандар анықталды

<a href="https://kyzylorda-news.kz/ru">Kyzylorda-news.kz.</a> Оңай ақша дегенде адамның көзі – соқыр, құлағы – керең. Себебі қаржыдан қиналып, қайда барарыңды білмей, екі көзің алақтап отырғанда, алдыңнан алаяқ шыққанда, «құтқарушыңды» кездестіргендей күйге енесің. Себебі биыл ауданда алаяқтық қылмыстардың 23 дерегі тіркелген. Бұл өткен жылмен салыстырғанда 76,9 процентке өскен. Аудандық полиция қызметкерлері алдын алу жұмыстарын қанша жүргізгенімен, «алдандым» дегендер саны күн сайын артуда. Бұл мәселе бүгінде жалғыз Шиелінің емес, бүтін республиканың бас ауруына айналды.Қазір қалтаұрыларынан гөрі, интернеттегі жымысқылардың тірлігі жаға ұстатады. Әрине, заман талабына сай жұрттың көбі ақшасын әмиянда емес, банк карточкасында ұстағанды қолайлы көреді. Бәлкім, себеп осыдан да болар, әйтеуір, жәбірленушілер түрлі тәсілмен интернет арқылы қаражатынан қағылып жатады. Мәселен, аудандағы алаяқтықтың 34,8 процентін яғни, 8 дерегін &nbsp;интернет алаяқтық қылмыстары құрап отыр.<blockquote>– Ұялы байланыс телефонның көмегімен жасалатын интернет алаяқтық бүгінгі күннің өзекті мәселесі десем артық айтқаным емес. Екі күннің бірінде осындай алаяқтарға алданған азаматтар аудандық полиция бөлімінің есігін тоздыруда. Ақша қаражаттан қиналған азаматтарға телефон шалып: «Сіздің банктегі есепшотыңызға біреулер шабуыл жасауда, блок қою қажет» деп сеніміне кіріп, өздерінің алдын ала жоспарлап қойған «схемалары» арқылы барлық қажетті операцияларды кәдеге асырады. Сол азаматтардың атынан бірнеше банк бөлімшелерінен ірі мөлшерде онлайн несиелер рәсімдеп, алдап кету жағдайы күннен күнге толастар емес, – дейді Шиелі аудандық полиция басқармасының бастығының міндетін атқарушы полиция майоры Қ.Өсербайұлы.</blockquote>Жалпы интернет жеңіл ақша табудың көзіне айналып тұр. Әрине, интернет арқылы ақша табу үшін көп тер төгіп жұмыс істеу қажет. Ең бастысы, білім мен кәсіби біліктілік керек. Ал білім мен біліктіліктің еш қажеті жоқ, «жай ғана ақша саласыз, содан соң байып шыға келесіз» дейтіндердің көпшілігі «100 пайыз алаяқтар». Ондайлардан жүз шақырым аулақ жүргеніңіз дұрыс. Әйтпесе, оп-оңай ақшаңыздан айырылып, сан соғып қаласыз.Сөзімізге «Тегін ірімшік қақпанда ғана болады» деген орыстың осы мақалы бірден-бір дәлел. Таңғаларлығы сол, әлеуметтік желідегі алаяқтар өте шебер және түрлі әдістерді ойлап табады. Бір қарағанда олардың сөзінен өтірік таппайсыз. Бәрін мөлдіретіп айтқандарына еріксіз сендіреді. Істің мәнін білетін тәжірибелі адам болмаса, оп-оңай алданып қалуы әбден мүмкін. Бұл сөзімізді полиция майоры Қ.Өсербайұлы да растап отыр.<blockquote>– Алаяқтық қылмыстардың алдын алуға полиция қызметкерлерімен біршама жұмыстар атқаруда. Десек те, аталған қылмыс түрінің азаймай отырғаны біздерді ерекше алаңдатуда. Өйткені интернет алаяқтықтың түрлері күн сайын жаңарып барады. Осыған байланысты әрбір тұрғынды ұялы байланыс және басқа да тәсілдер арқылы жасалатын алаяқтардың арбауынан барынша сақ болуға шақырамын, – дейді.</blockquote>

Шиелі ауданында алаяқтық қылмыстың 23 дерегі тіркелген

<a href="https://kyzylorda-news.kz/">Kyzylorda-news.kz.</a> Тірек-қимыл аппаратын оңалту (реабилитация) бағдарламасы – бұзылулар немесе бұлшықеттердің, сіңірлердің, байламдардың немесе сүйектердің жарақаттары салдарынан бұзылған немесе мүмкіндігі шектеулі адамдарға арналған дәрігердің бақылауындағы бағдарлама. Тірек-қимыл аппаратын қалпына келтіру бағдарламалары көбінесе адамның жұмысын жақсартады, симптомдарды азайтады және әл-ауқатын жақсартады. Осы тұста Жалағаш аудандық ауруханасында үш жылдан бері қайта қалпына келтіру бөлімшесі тұрғындарға тұрақты қызмет көрсетіп, тірек-қимыл аппараты бұзылған жандарды сауықтыру үшін күн-түн демей жұмыс жасауда.&nbsp;Емделуші көп және жоғарыда айтқандай, аталған бөлімшеде ем алатын науқастардың барлығының жүйке талшықтары жарақаттанған. Атап айтсақ, ондағы дәрігерлер мен медбикелер көбіне инсульт, миокард инфаркт, ауыр бас ми жарақатын алғандар және түрлі жағдайларға байланысты тірек-қимыл аппараты зақымданған жандарды сауықтырады. Жай күндері жүйке жүйесі сау адамның өзі лықсып келген ашуын тежей алмай қалатынын ескерсек, қайта қалпына келтіру бөлімшесіндегі айлап, жылдап төсекке, арбаға таңылып, жамбасы тесілген науқастардың тілін тауып, бабын жасау оңайға соқпайтыны анық. Алайда біз осы мақаламызды жазбас бұрын аталған бөлімшенің біркүндік жұмыс барысымен таныстық.&nbsp;Айтқанымыздай, оңалту орталығының қызметі тәулік бойы тынбайды екен. Дәрігерінен бастап, медбикелер, тіпті техникалық қызметкерлеріне дейін қабағын бір шытпайды, мінездері биязы, сұрағыңа күлімсіреп, жылы жауап береді. Бізді жайдары қарсы алған бөлімше дәрігері Әсем Шамитаева да – өз саласының білікті маманы. &nbsp;&nbsp;– Науқастың ең алдымен тәнін емес, жанын емдеу керек және жанды емдейтін дәрі мен ине емес, жылы сөз. Бойын дерт меңдеген адамға кірбіңсіз көңіл мен жылы сөздің өзі жұбаныш. Жан емделсе, тән де емделеді. «Жаны саудың – тәні сау» деген сөз бекер айтылмаған. Қазірде қоғамдық қарым-қатынас өзгеріп, басқаша сипат алды. Көбіне біз бір-бірімізге тамшыдай болса да кіршіксіз көңілімізді, бір ауыз жылы сөзімізді қимаймыз. Жүрегіміз қатайып, сезімдеріміз семе бастаған. Ал оның салдары денсаулыққа айтарлықтай салмақ түсіріп, түрлі аурулардың туындауына себепші болады. Сондықтан біз жұмыс барысында ең бірінші кезекте науқастармен барынша жылы қарым-қатынас орнатуды жолға қойдық. Қай жерің ауырса, жаның сол жерде. Яғни аурудың ауыр-жеңілі жоқ. Кез келген науқас дәрігерден үміт күтеді. Ал біз мейлінше сол үміт шырағын сөндірмеуге тырысамыз, – дейді Әсем Ортайқызы.&nbsp;Дәрігердің айтуынша, қайта қалпына келтіру бөлімшесі аудан бойынша амбулаторлы-емханалық, күндізгі стационарлық және тәуліктік аурухана деңгейлерінде өз кезеңімен науқастарға оңалту емін жүргізіп келеді екен. 2019 жылы Жалағаш аудандық орталық ауруханасында 5 орындық «Қайта қалпына келтіру» бойынша науқастарды емдеу палатасы ашылып, терапия бөлімшесінің құрамында болған. Ал 2020 жылдан бері қайта қалпына келтіру бөлімшесі болып жасақталып, қазіргі таңда 20 төсекорындық тәуліктік және 5 төсекорындық күндізгі стационарлық қалпына келтіру бөлімшесі жұмыс істеп тұр. Реабилитациялық бөлімшеге «кардиология және кардиохирургия», «травматология және ортопедия», «неврология және нейро-хирургия», «пульмонологиялық» профильдер бойынша ауырған науқастар жоспарлы түрде ем қабылдайды. Сонымен қатар реабилитациялық науқастарды қалпына келтіру мақсатында дәрілік препараттар арқылы ем жасаумен қатар, психологиялық көмек, емдік дене шынықтыру, массаж және физиотерапиялық қызметтер көрсетіледі. Бөлімшеде арнайы оқытылған 1 &nbsp;реабилитолог дәрігер, 1 психолог, 1 емдік физкультура жаттығуларын үйрететін арнайы инструктор, 1 массажист, 2 физиотерапия медбикесі және кезекшілікпен келетін медбикелер мен науқастарға күтім жасайтын кіші аяжандар командалық емдік сауықтыру жұмыстарын бірлесе атқарады.Жоғарыда айтқанымыздай, қайта қалпына келтіру бөлімшесі &nbsp;инсульт алған, омыртқа жотасының жарақатын алған, омыртқа жотасына ота жасалған, ауыр бас ми жарақатын алған науқастар, аяқ-қолдың салдануы, сөйлеудің бұзылысы сияқты аурулардың салдарын қайта қалпына келтіруге жұмыс жасайды. Дәрілік еммен қатар физиопроцедуралар, жылумен емдеу, тоқпен емдеу, массаж, қарқынды дене шынықтыру, механотерапия, эрготерапия, психологиялық ем тәсілдері тағайындалады. Жүректің ишемиялық аурулары: шунттау оталарынан кейін, миокард инфарктын алған науқастар, сонымен бірге травматология ортопедия саласы бойынша аяқ сүйектерінің сынуынан кейін, буын ауыстыру отасынан кейін, туа пайда болған және жүре пайда болған деформацияларды оперативті емдеуден кейін науқастар қайта қалпына келтіру емін қабылдай алады. Науқастар реабилитациялық емге емхананың жоспарлы жолдамасымен портал арқылы келіп ем алады. Бөлімше медициналық құрал-жабдықтармен толық қамтамасыз етілген. Мәселен, жаттығу залындағы тұрақтылықты, тепе-теңдікті сақтауға &nbsp;вертикализатор аппараты инсульттан кейін аяқтан тұруға және Artromat k1 аппараты тізе және жамбас бұлшық еттеріне жасалған отадан кейін жан ендіруге көмектеседі. Ал имитатор аппарат құрылғысы инсульт алғанда, омыртқа жарақаттанғанда және түрлі жағдайдағы мү-гедектікте қолданылады. Одан бөлек веложаттығу, жансызданып қалған аяқ-қолдың нүктелерін оятуға, қимыл-қозғалысты қалпына келтіруге арналған аппараттардың науқастардың сауығып кетуіне ықпалы зор.&nbsp;– Емдік физкультура бөлмесіне келуге ем алушылардың ынтасы жоғары. Демек, бұл аурумен күрескен науқастардың денсаулығына оң әсерін тигізіп, нәтиже беріп жатыр дегенді білдіреді. Бұл жерге келетін науқастардың кішкене болса да әрбір қимылы миына дабыл түсіреді. Яғни ми орталығы бойды билеген ауруды тек қимыл-қозғалыс қана жеңетіні жөнінде ақпарат толқынын қабылдайды. Ал ол ақпарат әрбір науқас адамға үміт сыйлап, жаттығуға деген ынта-жігерін арттырады, – дейді емдік физкультура бөлмесінің инструкторы Ербол Талқанбай.&nbsp;Кемедегінің жаны бір. Бір-біріне демеу болып, жылы сөзбен жұбатқан бөлімшедегі науқастардың бар сенетіні – дәрігер. Иә, сенім – үлкен күш. Ем алушылардың барлығы да өздеріне зыр жүгіріп сапалы қызмет көрсетіп жүрген дәрігерге де, медбикелерге де дән риза.

Қолы шипа, сөзі дәру дәрігерлер

<a href="https://kyzylorda-news.kz/">Kyzylorda-news.kz.</a> Әлемдегі халықтың басым бөлігі ұдайы жүгінетін медицинаның бірден-бір саласына стоматология жатады. Қазіргі уақытта тістен келетін қауіптің алдын алудың жолы көп. Білімі мен біліктілігі жоғары тіс маманын іздейтін көпшілік денсаулығына аса көңіл бөлетіні рас. Бұл ретте, жеке кәсіпкер Біржан Смайылов Жалағаш орталығынан тіс емханасын ашқан, білікті маман. Бүгінде жергілікті тұрғындарға заманауи үлгіде қызмет көрсетуді көздейтін орталықтың келушісі көп.Қызылорда қаласындағы медициналық колледждің тіс емдеу ісі бөлімін және Алматы қаласындағы Қаныш Сәтбаев атындағы технологиялық университетін бітірген &nbsp;Біржан Қартаңбекұлы бес жыл бойы тәжірибесін шыңдап, біліктілігін арттырған дәрігер. Қай жерің ауырса, жаның сол жерде деген рас. Алайда ежелгі қытай медицинасында тіс адамның ең маңызды мүшесі екені жазылған деседі. Ежелгі Тибеттің халық емшілері де отыз екі тістің адам денсаулығы үшін үлкен рөл атқаратынын айтып кетіпті. Ал жапондарда "тісі түгел адам – ең бай адам" деген түсінік қалыптасыпты. Расында тіс – адам ағзасының маңызды бөлігі. Экологиялық тепе-теңдіктің бұзы¬луынан, күнделікті тұтынатын тағамдарымыздағы түрлі жасанды, зиянды қоспалардың зардабынан туындаған тіс ауруының да түрі көбейген. Қысқасы, қазірде тісі ауырмайтын адам аз. Кішкентай баладан, қолына таяқ ұстаған қарияға дейін тіс дәрігерінің есігін күзетіп, ұзынсонар кезекте тұрады. Бірі сай-сүйегін сырқыратқан тіс түбірінің жүйке талшықтарын емдетсе, бірі шіріген тісінің тесігін бітетеді, бірі қызыл иегіне жасанды тіс салдырады, енді бірі ауру тістерін түбірімен жұлдырып тастап жатады.&nbsp;Ауданымызда бұрыннан бірнеше тіс емханасы бар. Бірақ таяуда солардың қатары тағы да бір медициналық нысанмен толықты. Осы аптада аудан орталығындағы Желтоқсан көшесінің бойынан "Нариман-ДЕНТ" деп аталатын жаңа тіс емханасы ашылды. Тіс емханасының ашылу рәсіміне аудандық кәсіпкерлік, өнеркәсіп және туризм бөлімнің басшысы Ғ.Жаңашев, аудандық ардагерлер кеңесінің төрағасы С.Әлиев, аудандық мәслихат депутаты А.Тәуіпбаев және кент тұрғындары мен арнайы шақырылған қонақтар қатысты.&nbsp;– Күн өткен сайын ауданымызда кәсіпкерлік мақсатта ашылған нысандардың қатары көбейіп келеді. Бұл тіс емханасын кәсіпкерлік нысан дегеннен, халық қажеттілігіне орай, тіпті сұранысына қарай аудан тұрғындарына медициналық көмек көрсететін орталық десек болатын шығар. Мемлекет басшысы да халық денсаулығын жақсартуды, ел тұрғындарының өмір сүру ұзақтығын орташа деңгейден жоғары дең-гейге көтеруді мақсат етіп отыр. Ендеше тәжірибелі, білікті мамандардан жасақталған бұл тіс емханасы алдағы уақытта емделушілерге сапалы қызмет көрсетеді деген сенімдеміз дейді, – Ғабит Жаңашев.&nbsp;Тұрғындар жаңа нысанның ашылғанына қуанса, ақсақалдар халыққа қызмет көрсетуге талап қылған жас дәрігерге алғысын жаудырып, батасын берді. "Нариман-ДЕНТ" тіс емханасы қажетті заманауи медициналық құрылғылармен жабдықталған. Соның ішінде зақымдалған тістің түбіріндегі жүйке талшықтарын көріп, ауруды анықтайтын заманауи рентген аппаратын айырықша атап айтуға болады. Аталған тіс емханасы қызметкерлерінің айтуынша, аудандағы тіс емханаларында рентген аппараты жоқ екен. Сол себепті бұрын дәрігерлер тісін емдетуге келген науқастардың қызыл иегіндегі зақымы күрделілеу болса, алдымен облыс орталығына рентгенге түсіп келуге жібереді екен. Енді бұдан былай тіс жұлдыру немесе емдету үшін науқастар екі ортаға сабылмайтын болды.&nbsp;– Біздің басты мақсатымыз халыққа сапалы стаматологиялық қызмет көрсету. Яғни біз үшін адамның денсаулығы алдыңғы орында. Мен бұл жұмысты бастарда көп ойландым. Себебі біздің мамандығымызда адам денсаулығының, тіпті өмірінің жауапкершілігі бар. Бұл ең алдымен жан тазалығын, адалдықты, білімді, біліктілікті, сақтықты талап етеді. Алайда мамандығым тіс дәрігері болған соң көп ойланып тәуекелге бардым. Біздің емханада ауырған тістерді жұлады, түрлі әдістер арқылы ем-шаралар жасайды және ұзақ жылдық кепілдікпен жасанды тіс салады. Сонымен бірге біз науқастарға тіс күтімі және ауыз қуысының саулығын сақтау жөнінде ақысыз, яғни тегін кеңес береміз. Айта кету керек, кез келген кәсіп иесі әлеуметтік немесе спорттық, медициналық нысандарды ашқанда жұмыссыздық санын азайтуды да қаперінен шығармауы тиіс. Мен әзірге кесімді жалақыға жұмыс істейтін бір медбике және бір техникалық қызметкер алып отырмын. Жұмысты жеке қаржыммен бастадым, алдағы уақытта мемлекеттен қолдау болса, емханамызды ұлғайтып, қызметкер санын 10 адамға көбейтуді мақсат етіп отырмын, – дейді "Нариман-ДЕНТ" емханасының тіс дәрігері Біржан Смайылов. «Тіссіз иекке быламық та тиек» деген қазақта сөз бар. Жеке кәсіпкер тұтынушыларының сұранысын қанағаттандыру мақсатында сапалы жұмысты үйлестіре бермек.

Алғысқа бөленген Біржан

<a href="https://kyzylorda-news.kz/">Kyzylorda-news.kz.</a> Қорғаныс министрлігі қандай аурулар бойынша әскерге шақырылғандар босатылатынын түсіндірді, деп хабарлайды ҚазАқпарат.Азаматтарды мерзімді әскери қызметке шақырудан босатуға жататын аурулардың тізбесі «Қазақстан Республикасының Қарулы Күштерінде, басқа да әскерлері мен әскери құрылымдарында қызмет өткеру үшін адамдар денсаулық жағдайына қойылатын талаптарды бекіту туралы» Қорғаныс министрінің 2020 жылғы 22 желтоқсандағы № 722 бұйрығымен бекітілген.<blockquote>«Бұл тұрғыда адамдар ішкі ағза аурулары, хирургиялық патология, неврология, көз ауруы және басқа да дертке қатысты мерзімді әскери қызметке шақырудан босатылады», - делінген Қорғаныс министрлігінің «ҚазАқпарат» агенттігіне берген жауабында.</blockquote>Атап айтқанда, Қорғаныс министрлігі қай санаттағы адамдар әскери қызметтен босатылуы мүмкін екенін және әскер қатарына <a href="https://www.inform.kz/kz/askerge-kimder-shakyrylmaydy-ministrlik-zhauaby_a4091143">шақырылмайтынын </a>түсіндірді.Қолданыстағы заңнамаға сәйкес, мерзімді әскери қызметке шақыру бойынша мерзімін кейінге қалдыру немесе босату шешімі әскерге шақыру комиссиясының құзыретінде.Бұл тұрғыда кейінге қалдыру отбасы әрі денсаулық жағдайына, оқуын жалғастырғандарға, кәсіби қызметін атқарып жүрген педагогтерге, ауылдағы дәрігерлерге, Парламенттің немесе жергiлiктi өкiлдi органдардың депутаттарына қатысты болады.Сонымен қатар, алдын ала тергеу амалдарына тартылған немесе қылмыстық iсін сот қарап жатқан адамдар жауынгерлік жиындарға шақыртылмайды.Бұдан бөлек, азаматтық әуе кемелерінің ұшу экипажының мүшелеріне, тиісті білімі бар азаматтық авиация инженерлері, механиктері және техниктеріне, сондай-ақ құқық қорғау органдарының білім беру ұйымдарында алғашқы кәсіптік даярлықтан өтіп жатқандарға қатысты әскерге шақыруды кейінге қалдыру тәртібі қарастырылған.

Қазақстан және Қызылорда облысының жаңалықтары