<a href="https://kyzylorda-news.kz/">Kyzylorda-news.kz.</a> Жаңақорған ауданының 95 жылдық мерейтойы қарсаңында Талап ауылдық округінде «Қосекен» жеке балабақшасы жаңа ғимаратқа көшіп, ашылу салтанаты өтті.Ауылдағы ағайынның қуаныш тойына аудан әкімі Мұрат Жолкелдіұлы Тілеуімбетов қатысты. Мектепке дейінгі мекемемен қамтамасыз ету мәселесін оңтайландыру мақсатында мемлекеттік-жекеменшік әріптестік аясында жекеменшік балабақшалар жұмысы атқаруда. 100 орынға шақталған «Қосекен» жеке балабақшасында да барлық жағдай қарастырылған. Таңертеңгі сегізден кешкі сегізге дейін қызмет атқарады.<blockquote>«Торқалы тоқсан бес жылдық мерейтой қарсаңында кезекті балабақшаның ашылу салтанатына қатысып отырмыз. Облыс басшылығының ықпалымен, мемлекеттік бағдарламаның жүзеге асуымен жекеменшік балабақшаларда мемлекеттік тапсырысты көбейту арқылы көптеген жеке балабақшаларды ашуға мүмкіндік берді. Бүгінде жүзден аса жаңа орындар ашылды, мыңнан аса тәрбиеші қауымға жұмыс көзі ашылды. Балабақшалардың басты миссиясы – бала тәрбиесінде бірінші базалық білім мен патриоттық тәрбие беру. Заман талабына сай жабдықталған «Қосекен» балабақшасына келетін бүлдіршіндеріміз ертең ауылды, ауданды, облысымызды, тіпті тұтас елімізді әлемге танытатын болады. Ал, олардың үлкен өмірге бірінші қадамын осы бақшада бастағаны үнемі жадында жүретін болады», – дейді Жаңақорған ауданының әкімі.</blockquote>

«Қосекен» жеке балабақшасы жаңа ғимаратқа көшті

<a href="https://kyzylorda-news.kz/">Kyzylorda-news.kz.</a> Сырдария ауданының әкімі Берік Сәрменбаев аудандағы «Алтын той» иелеріне құрмет көрсетті.Аудандық мәдениет үйінде өткен «Мәуелі қос бәйтеректің саясындай» атты іс-шарада аудан басшысы мерейлі отбасыларды марапаттап, олардың өмір белестері жастарға үлгі-өнеге екенін айтты.<blockquote>«Дана халқымызда «Отан – отбасынан басталады» деген керемет сөз бар. Өйткені, Отанды сүюге тәрбиелейтін бірден-бір орта ол – отбасы. Отбасында жарасым, сүйіспеншілік, мейірім болса ғана шаңырақ биік құрылып, керегесі кең болады. Ел Президенті Қасым-Жомарт Кемелұлы Тоқаев «Әділетті мемлекет. Біртұтас ұлт. Берекелі қоғам» атты Жолдауында отбасын қорғау және бала капиталын қалыптастыруға ерекше мән берді. Мұндай қолдау әрбір қазақстандықтың өз болашағына деген сенімін нығайта түсетіні сөзсіз. Ал облыс әкімі Нұрлыбек Машбекұлы Нәлібаевтың бастамасымен отбасылық құндылықтар дәріптелетін "Анаға тағзым" орталығы салынуда. Осындай халық игілігіне бағытталған шынайы шешімдердің ел арасында дұрыс қабылдануында Сіздердің пікірлеріңіз зор маңызға ие. Біздің ауданда мәуелі әулетке айналған мерейлі отбасылардың қатары қалың. Олар бүгінде бүтін бір елдің үлгі-өнеге алар жанұясына айналған. Отбасылық құндылықтарды сақтап, салт-дәстүрді берік ұстанған осындай ардақты жандар қай кезде де мақтануға лайық, – деді Берік Әбдіғаппарұлы.</blockquote>Мұнан соң отасқандарына 50, 55, 60 жыл толған «Алтын той» иелеріне "Құттықтау" табыс етіліп, сый-құрмет көрсетілді. Сондай-ақ, аудан әкімі жас отбасы Нұрсұлтан Маратұлы мен Қызғалдақ Бекмұратқызына неке куәлігін табыстады.Іс-шарада Ұлы Отан соғысының ардагері Яхия Тасыров ақ батасын берді. Аудан көркемөнерпаздары концерттік бағдарлама ұсынды.

«Алтын той» иелеріне құрмет көрсетілді

<a href="https://kyzylorda-news.kz/">Kyzylorda-news.kz.</a> &nbsp;Қытай елінің Ханчжоу қаласында өтіп жатқан XIX Жазғы Азия ойындарынан ақ жолтай жаңалық жетті. Аспан асты елінде жерлесіміз, дзюдошы Абылайхан Жұбаназар 81 келіге дейінгі салмақ дәрежесінде бақ сынап, қола жүлде еншіледі.Шешуші сәтте өзбекстандық Мусо Собировтан айласын асырған Абылайхан Қазақстан қоржынына төртінші қола жүлдені салып отыр.Айта кетейік, ел мақтанышы жыл басынан бері Грузия мемлекетінде өткен “GRAND SLAM” бәсекесінде күміс жүлдеге және Моңголия еліндегі “GRAND SLAM” додасында қола жүлдеге ие болды.

Қазалылық дзюдошы жазғы Азия ойындарында қола жүлдеге ие болды

<a href="https://kyzylorda-news.kz/">Kyzylorda-news.kz.</a> Шиелі &nbsp;ауданының әкімі Мемлекет басшысы Қасым-Жомарт Тоқаевтың Жарлығына сәйкес, Телікөл ауылының тұрғындарымен кездесу өткізді.Бір ерекшелігі халықпен кездесу ауыл мектебінің 90 жылдық мерейтойымен қатар келді. Алдымен, аудан басшысы тұрғындарымен тілдесіп, артынша мерейтойлық кештің ашылу салтанатына қатысып, құттықтау сөз сөйледі.<blockquote>«90 жылдық тарихы бар білім ордасы, осы уақыттың ішінде талай кезеңдерді бастан кешірді, талай түлектерді баулап өсірді. Қаншама шәкірттерін өмір жолына шығарып салды. 90 жылдың жүгі ауыр, сыры да толағай. Сондықтан барша осында қызмет жасаған ардегерлер үшін, білім алған түлектер үшін ерекше мереке. Әр шәкірттің жүрегіне жол тауып, асқақтаған арман қиялына жан бітіріп, санасына ақыл ұялатып, жаңа өмір жолына жол сілтеген ұстаздар қауымына қошемет пен ықыласымызды білдіремін. Республикаға белгілі журналист-аудармашы Ағайдар Ысымұлы ағамыз, белгілі кәсіпкер-меценант Талғат Тасболатұлы ағаларымыз сынды түлектер шыққан мектеп - мықты мектеп деп атап айтқым келеді. Бұл мектептің қазір де мақтан етіп айтатын жетістіктері баршылық. Мәселен, өткен оқу жылында мектеп бітірген түлектері мемлекеттік грант ұту бойынша ауданымызда 1-орынға ие болды. Бұл үлкен жетістік. Мемлекеттік грант, бұл - ауданымызға, ауылымызға және әрбір отасына кірген кіріс. Сондай-ақ, мектеп оқушылары волейбол спортынан облыс бойынша 1-орынды, республика бойынша да жүлделі орындарды иеленіп жүр. Тоғызқұмалақ ойыны бойынша да ұстаздары мен оқушылары облыста жеңімпаз атанып, танылып келеді. Мектеп тек жақсы жағынан, осындай жетістіктерімен таныла берсін!» деді аудан әкімі.</blockquote>Мұнан соң, мерекелік кеш концерттік қойылымдарға және волейбол спортынан аудандық турнирге ұласты.

Телікөлдегі кездесу мектептің 90 жылдығымен тұспа-тұс келді

<a href="https://kyzylorda-news.kz/">Kyzylorda-news.kz.</a> Күріштіктегі еңбекшілер үшін қазір әр сағат қымбат. Қырман басы қызу тіршілік. Күзгі жиын-терін барысы бойынша шаруалар егіс алқабының 43,9% орып болды.Қармақшылық күрішшілер биыл жалпы 13770 гектар алқапқа күріш орналастырған.Бүгінгі күнмен аудан қамбасы 26,3 мың тонна Сыр салысымен толықты.Барлық техника күрішке жұмылдырылған. Қазанның 10-15 не дейін күріш толық орылып, бастырылатын болады деп күтілуде.

Қармақшылық күрішшілер биыл 13770 гектар алқапқа күріш еккен

<a href="https://kyzylorda-news.kz/">Kyzylorda-news.kz.</a> Сыр өңірінде осы жылдың 26-28 қыркүйек күндері түркі тілдес елдердің халықаралық «Қорқыт және Ұлы дала сазы» фольклорлық-музыкалық өнер фестивалі басталады.Фестивальге Түркия, Әзірбайжан, Тыва, Саха, Қырғызстан, Өзбекстан елдерінің өнерпаздары қатысады.Өнер фестивалінің бағдарламасын ұсынамыз!

Бүгін «Қорқыт және Ұлы дала сазы» фольклорлық-музыкалық өнер фестивалі басталады

<a href="https://pixabay.com/ru/photos/%D0%BE%D1%81%D0%B5%D0%BD%D0%BD%D0%B8%D0%B5-%D0%BB%D0%B8%D1%81%D1%82%D1%8C%D1%8F-%D0%BB%D0%B8%D1%81%D1%82%D1%8C%D1%8F-%D0%BE%D1%81%D0%B5%D0%BD%D1%8C-%D0%BB%D0%B8%D1%81%D1%82-2913041/">ФОТО</a><a href="https://kyzylorda-news.kz/">Kyzylorda-news.kz.</a> Қазгидромет синоптиктері 26 қыркүйек, сейсенбіге арналған ауа райы болжамын ұсынды.&nbsp;Антициклонның әсерінен Қазақстан аумағының басым бөлігінде жауын-шашын жаумайды.Тек еліміздің солтүстігінде, шығысында атмосфералық фронттардың әсерінен жаңбыр, шығысында жаңбыр мен қар жауады.Республика бойынша түнде және таңертең тұман түседі, оңтүстік-батыста, оңтүстікте, шығыста екпінді жел соғады.&nbsp;Қызылорда облысының орталығында, шығысында, оңтүстігінде төтенше өрт қаупі сақталады.&nbsp;

26 қыркүйекке арналған ауа райы болжамы

Фото: pixabay.com<a href="https://kyzylorda-news.kz/">Kyzylorda-news.kz.</a> Қытайдың Ханчжоу қаласында өтіп жатқан XIX жазғы Азия ойындарында ел құрамасы қоржынына тағы екі жүлде түсті.Дзюдошы Абылайхан Жұбаназар 81 келі салмақта 3-орын үшін өзбекстандық Мусо Собировпен шеберлік байқасты.Қазақстандық спортшы қарсыласын иппон әдісімен жеңіп кетті. Нәтижесінде дүбірлі додада қола жүлдеге қол созды.Абылайхан іріктеу сатысында Гонконг және Бахрейннен келген қарсыластарын қапы қалдырды.Жартылай финалда тәжікстандық Сомон Махмадбековке есе жіберіп қойды.Сондай-ақ, дзюдодан Есмигүл Куюлова (63 келі) тағы бір қолаға ие болды. Ол 3-орын үшін сайыста жапониялық Киёми Ватанабені жеңді.ҚазАқпарат

Қазақстандық дзюдошылар тағы екі медаль алды

<a href="https://kyzylorda-news.kz/">Kyzylorda-news.kz.</a> Бүгін Шиелі ауданының әкімі Нұржан Ахатов Жуантөбе ауылдық округінің тұрғындарымен кездесіп, ауылды дамыту мәселелері бойынша пікір алмасты.Кездесу барысында аудан басшысы елді мекенде алдағы уақытқа ауқымды жол жөндеу жұмыстары жоспарланғандығын айтып, ауыл әкіміне тиісті жұмыстарды күшейтуді тапсырды. Сондай-ақ, қазіргі таңда орталық көшеде жүріп жатқан жаяу жүргіншілер жолы құрылысының сапасына ел болып, халық болып бақылау жасау керектігін баса айтты.

Шиелі ауданының әкімі Жуантөбе ауылының тұрғындарымен кездесті

<a href="https://kyzylorda-news.kz/">Kyzylorda-news.kz.</a> Бүгінде «Аудандық электр тораптары» меншігіндегі 0,4кв,10кв,35кв 110кв кернеулері бойынша жалпы ұзындығы-1900км әуе желілері бар. Оның 6-ы 110/35/10кв қосалқы станция және 14-і 35/10кв қосалқы станция, 191-і 10/0,4кв трансформаторлық станция мен бес 10кв тарату пункіті бар.2023-2024 жылғы жұмыс жоспарына сәйкес ағымдағы жылы 110кВ Л-106 «Әйтеке би – Арал» әуе желісінің 15 дана тірегіне керме тартылып, 35кВ әуе желісінің ақаулы СВ-164-12 маркалы темірбетон тірегі Л-20 «Арал-Бірлестік» әуе желісінде 3 дана, Л-72 «Аманөткел-Аққұлақ» әуе желісінде – 4 дана, Л-72А «Аққұлақ-Бөген» әуе желісінде 3 дана тірегі ауыстырылды. Сондай -ақ, Арал қаласының №2 10кВ тарату пунктінен шығатын 10кВ әуе желісінің ақаулы 1 дана тіректері СВ-105 маркалы тірекке ауыстырылды және 700м-ден ашық алюминды сымы оқшауланған сымға (СИП1х50) алмастырылды. Арал қаласы 0,4кВ әуе желісінің 61 дана ақаулы тірекі алмастырылды және 2,2км 0,4кВ әуе желісі жаңаланды. Сонымен қатар, Тоқабай елді мекені ішінде орналасқан 5 дана 10/0,4кВ қосалқы станциясының және Ерімбет елді мекенінде орналасқан 35/10кВ «Еримбет» қосалқы станциясының сыртын сырлау және электржабдықтарын ауыстыру жұмыстары атқарылды.35кВ әуе желісінің ақаулы 1 дана СВ-164-12 маркалы темірбетон тірегі алмастырылды.Тоқабай елді мекені 0,4кВ әуе желісінің ақаулы 20 дана тірегі және Шижаға елді 0,4кВ әуе желісінің мекенінің 10 дана тірегі жаңа СВ-9,5 маркалы темірбетон тірекке ауыстырылды, 0,8км 0,4кВ әуе желісі жаңаланды. Арал қаласында 10кВ №2 тарату пункті және 5 дана 10/0,4кВ қосалқы станцияның сыртын сырлау және электржабдықтарын ауыстыру жұмыстары атқарылды.Сондай-ақ, аудан бойынша жоспарлы жөндеу жұмыстары барысында Арал ауданы бойынша 110/35/10кВ «Арал», «Қамбаш», «Аралқұм», «Сексеуіл», «Қосаман», «Бердікөл» – 6 дана қосалқы станцияның және 35/10кВ – 14 дана қосалқы станцияның жоспарлы техникалық күтім, оқшаулығыштарды тазалау жұмыстары жүргізілді. Сонымен қоса, 10/0,4кВ 191 дана қосалқы станцияның оқшаулағыштарын тазалау жұмыстары атқарылды. Аудан бойынша – 1879,45км 0,4кВ, 10кВ, 35кВ, 110кВ әуе желілерінің бойы қауіпті деген талдардың бұтақтарынан тазартылды, босаған сымдары тартылып қарап тексеру жұмыстары жүргізілді. Бүгінде тұтынушылардың пайдаланып отырған электр энергиясының сапасын арттыру мақсатында, көптеген 0,4кВ әуе желілірінің жүктемелері реттелді. 35кВ Л-84 «Киров-Алға» әуе желісі, және 35кВ габаритіндегі Жіңішкеқұм елді мекеніне баратын Л-22 10кВ әуе желісінің қисаған темірбетон тіректері қалпына келтірілді.Алдағы уақытта «Арал аудандық тұрғын үй коммуналдық шаруашылығы, жолаушылар көлігі және автомобиль жолдары бөлімі» коммуналдық мемлекеттік мекемесіне Арал қаласының 0,4кВ әуе желілерін қайта жаңғырту жұмыс көлемі ұсынылып, 45км әуе желісін және 15 дана 10/0,4кВ қосалқы станциясын қайта жаңғыртуға және Сексеуіл кенті және Бекбауыл елді мекенінің 10/0,4кВ әуе желісін қайта жаңғырту жұмыстарына жоба сметалық құжаттар дайындалып, бюджеттен қаражатты бекіту және бөлу жұмыстары қарастырылуда.Дәл осындай алты тіректі елді мекендерде атап айтқанда Қамыстыбас, Аманөткел, Шижаға, Аралқұм, Абай, Қаратерең елді мекендерінде 10-0,4кВ әуе желілерін және 10/0,4кВ қосалқы станцияларын қайта жаңғыртуға жұмыс көлемі ұсынылып, қайта жаңғыртуға жоба сметалық құжаттар дайындалып, облыстық бюджеттен қаражатты бекіту және бөлу сатысында тұр.

Аралда электр желілері қайта жаңғыртылуда

<a href="https://kyzylorda-news.kz/">Kyzylorda-news.kz.</a> Информатика пәні бойынша жасөспірімдер арасындағы ең беделді олимпиададан С.Шаухаманов атындағы №9 дарынды балаларға арналған облыстық «Білім инновация» лицей-интернатының 9 сынып оқушысы Мансұр Мамадахунов алтын жүлдені иеленді. Биыл European Junior Olympiad in Informatics (EJOI) олимпиадасына 24 мемлекеттен 96 оқушы қатысқан. Әлемнің үздіктерін басып озып, алғырлығымен дараланған сырбойылық өрен Қызылорда облысының Өңірлік коммуникациялар қызметінің баспасөз алаңында байқаудың қалай өткені жайында айтты.<blockquote>- 7 сыныптан бастап информатика пәніне қызығушылығым артты. «Білім инновация» лицей-интернатына түскелі біраз уақытымды осы пәнге арнадым. Екі жыл бойы тереңдетілген сабақтарға қатысып, лагерьлерге бардым. Грузия мемлекетінің Кутаиси қаласында өткізілген жетінші Еуропалық жасөспірімдер олимпиадасында қажырлы еңбектің нәтижесін көрсете алдым деп ойлаймын, - деді жеңімпаз атанған Мансұр Асхатұлы.</blockquote>Шәкіртке бағдар беріп, тұлғалық дамуға жетелейтін адам – ұстаз. Бұл жетістікке жетуге де елулі үлес қосқан жетекші екені сөзсіз. Мансұр Асхатұлын олимпиадаға дайындаған С.Шаухаманов атындағы №9 дарынды балаларға арналған облыстық «Білім инновация» лицей-интернатының информатика пәнінің мұғалімі Батыр Жарқынұлы оқушысының жетістігі жайлы айтты.<blockquote>-Бұл олимпиада Еуропа елдерінен келген жас бағдарламашылар арасындағы байқау болып табылады. Жарыс информатика бойынша халықаралық олимпиаданың (IOI) ережелері мен форматы бойынша өтеді. Осы жылы Қазақстаннан 4 оқушы барды. Барлығы жүлделі оралды. Алтынды менің оқушым алса, екі күміс пен бір қоланы басқа өңірдің оқушылары иеленді. Біз бұл олимпиадаға алғаш рет қатысқан жоқпыз. Өткен жылы да қатысып, күміс жүлдені қанағат тұтқан едік, - деді Батыр Жарқынұлы.</blockquote>

Қызылордалық оқушы халықаралық олимпиададан алтын жүлдені иеленді

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысында ерте егілген дақылдарды жинау толық аяқталды. Атап айтсақ, 4,3 мың гектар күздік бидайдан 7 мың тонна, 4,4 мың гектар жаздық бидайдан 3,2 мың тонна, 365 гектар арпадан 209 тонна өнім алынды.Майлы дақылдар бойынша, егілген 4,2 мың гектар мақсары, 64 гектар соя толық жиналды. Оған қоса 179 гектар күнбағысты жинау жалғасуда. Дәнді жүгері мен сүрлем жүгерінің өнімі көңіл қуантарлық.Бүгінде картоптың 2,6 мың гектары (62,2%), көкөністің 6 мың гектары (92,4%), бақшаның 8,4 мың гектары қазылды. Ал малазықтық дақылдарды жинау жұмыстары жалғасуда. Әзірге 277,5 мың тонна жоңышқа тасымалданды. Қазіргі үшінші орымның 14,3 мың гектары орылды.Мал азығы ретінде егілген 201 гектар асқабақтан мол өнім алынды.Күріш егісінің суы байланып, негізгі дақылдың 44,1 мың гектары (49,5%-ы) орылды. Оның 34,3 мың гектары (77,9%-ы) бастырылып, 174,2 мың тонна өнім қамбаға құйылды. Орта өнім гектарына 50,8 центнерден келуде.Шаруашылықтар есебіндегі 4239 техника түгелімен науқандық жұмысқа қатысуда. Қолда бар техникалар күрішті белгіленген мерзімде жинап алуға толық жеткілікті.Күзгі егін жинау жұмыстарына 9,1 мың тонна және жем-шөп қорын жасақтауға қосымша 1,5 мың тонна арзандатылған дизель отыны бөлінді. Жанар-жағар маймен қамтамасыз ету кестеге сәйкес жүргізілуде.Егін жинау жұмыстарын 10 қазанға дейін аяқтау жоспарланған.

Қазақстан және Қызылорда облысының жаңалықтары