<a href="https://kyzylorda-news.kz/">Kyzylorda-news.kz.</a> Нан – адамзаттың басты құндылығы, ол молшылықтың және әл-ауқаттың белгісі. Дастарханымызда ас атасы мол болған сайын еліміздің берекесі тасып, ырысы молаятыны белгілі. Жалпы, жалағашта наубайханалар саусақпен санарлық, аудан халқын толықтай нанмен қамтуға жетпейді. Сол себепті көрші ауылдың кәсіпкерлері келіп, өнімдерін өткізіп жатады. Десе де жалағаштықтарды ыстық нанымен тойдырып, аудан халқының алғысына бөленіп жүрген кәсіпкер азаматтарымыздың еңбегін елемеуге болмайды.&nbsp; Жалағаш кентінің тұрғыны Зәуреш Мыңжасарова – наубайхана жұмысын дөңгелентіп, халықты тәтті тоқаш, ыстық нанмен қамтамасыз етіп отырған кәсіпкерлердің бірі. Кәсіпкер наубайхана ашуды көптен бері жоспарлап жүрген. Ана болғандықтан өз үйінде балаларына, немерелеріне нан, тәтті тоқаш пісіруді әуел бастан әдетке айналдырыпты. Сондықтан болар, наубайхана ашылғанда кәсіпкерге нан пісіру таңсық жұмыс болмаған.&nbsp;Наубайхана кент орталығында, халық көп шоғырланған аумақта ашылған. Жан-жағында әртүрлі жұмыс орындары мен бизнес орталықтары орналасқан. Иә, наубайханадағы тәбетіңді ашатын ыстық нанның иісін сезінбеген жалағаштық жоқ шығар. Міне, береке деген осы емес пе?! Тәбетіңді ашатын нан иісінің ізімен біз де наубайханаға ат басын бұрдық. Әрине мақсатымыз наубайхана жұмысымен танысу, ел аузындағы дәмді нанның құпиясын білу болды. Наубайханаға жақындай бергенде әріптесім Ерлан Созақбаев «Ыстық нанға ешқандай ас жетпейді ғой» деген сөзі кәсіп жұмысымен танысуға деген тәбетімізді одан сайын ашып жіберді.&nbsp;Наубайхана ішінде қызу жұмыс. Бір кісі қамыр илеп жатса, екіншісі дайын қамырды қалыпқа салып, пешке орналастырып әлек. Кәсіп иесі де білегін түріп, қамыр илеуге кірісіп кетіпті. «Ененің тәрбиесін көрген бізге қамыр илеу деген пұл емес қой» деп әзілдейді Зәуреш апай. &nbsp;<blockquote>«Шүкір, кәсіп тоқтап қалмай, жұмысын істеп тұр. Бұл істі осыдан 2 жыл бұрын бастадым. Балам Жанарбектің қаржылай көмегінің арқасында қажетті құрал-жабдықтарды сатып алдық. Жалпы, кәсіпті ашуға баламның көп еңбегі сіңді. Қазір жаман емес, өнімімізді кенттегі дүкендерге, сондай-ақ Мәдениет, Ақсу, М.Шәменов ауылдарына өткіземіз. Күніне 5-6 қап ұн жаратамыз. Наннан бөлек тәтті тоқаш та пісіреміз. Бәрі кешке дейін сатылып кетеді, кейде тапсырыстан бөлек нанымыз жетпей қалып жатса, тұрғындар ренішін айтады. Әрине бұл біздің көңілімізді түсірмейді. Сүйген ісіңнен нәтиже көріп жатсаң, содан артық қуаныш бар ма», – дейді Зәуреш Мыңжасарова.</blockquote>Кәсіпкер ұнды аудан орталығындағы «Ақниет» сауда орталығынан төмен бағамен алады. Нан пісіруге қажетті қоспалардан да тапшылық жоқ көрінеді. Сондай-ақ ауданның 2 тұрғынын тұрақты жұмыспен қамтып отыр. Наубайхана санитарлық талаптарға толықтай сай. Себебі Зәуреш апай таңертең ерте келіп, ғимаратты бір тазалап алса, кешке тағы мәрте құрал-жабдықтарды жуып реттестіреді екен.&nbsp;– Тәтті өнімдер пісіру өзіме ұнайды. Уақытымның көп бөлігін асханада өткіземін. Бүгінде біразын үйреніп алдым. Тұтынушылар нанымызды мақтап жатады, қуанып қаламын. Жалақым жақсы, ең бастысы, тұрақты, – дейді наубайхана қызметкері Бақыт Орынбай.Ерекше айта кететін жайт, кейіпкеріміз өңіріміздегі әлеуметтік жағдайы төмен отбасыларға, жетім-жесірлерге көмек беріп, өзінің адамгершілік қасиетін, мейірімділігін айқын көрсетіп жүр. Ауданымыздың қолы ашық азаматтары Зәуреш апайдан нанды төмен бағада сатып алып, ауыл-ауылды аралап, халыққа тегін таратады. «Жағдайы төмен, қиын жағдайға тап болған кісілерге көмектесу – мұсылман үмбетінің борышы» деген Зәуреш Мыңжасарова өткен жылы Мекке қаласына қажылыққа барып келгенін сөзге тиек еті. Кәсіптен бөлек отбасында аяулы ана, ардақты әже Зәуреш апайымыз бүгінде 6 баласынан 15 немере сүйіп, тәрбиелеп отыр. Алдағы уақытта кәсіпкердің жоспары көп. Мемлекеттен қосымша қаржылай қолдау тауып жатса, наубайхананы кеңейткісі келеді. Айтпақшы, тәтті нанның, аңқыған иістің де құпиясын біліп алдық. Зәуреш апай нанға ешқандай артық қоспа қоспайды екен, осылайша сүйіспеншілікпен жасалған дүниенің жаман болмайтынына тағы бір мәрте көзіміз жетті.

Жалағаштық кәсіпкер наубайхана ісін қолға алған 

<a href="https://kyzylorda-news.kz/">Kyzylorda-news.kz.</a>&nbsp; Шын мәнінде, 12 мамыр – халықаралық медбикелер күніне орай жыл сайын аймақтың медицина қызметкерлері арасында «Үздік маман» кәсіби сайысы өткізілетіні баршаға мәлім Аталған сайыста медицина қызметкерлері өз біліктіліктерін көрсетіп, кәсіби біліктіліктерін барынша байқатады.Биылғы кәсіби сайысқа фельдшер мамандығы бойынша Сырдария ауданынан Айжан Жақсылықова қатысып, облыста «Үздік фельдшер» атанғанын &nbsp;мақтанышпен айта кетейік. Облыстық медициналық жедел жәрдем станциясының білікті маманы кеше атаулы мереке орай ұйымдастырылған салтанатты іс-шарада марапатталған болатын. Енді үздік фельдшер өңір намысын республикада қорғайтын болатыны көпшілікке аян.&nbsp;<blockquote>&nbsp;Біз күн сайын жүздеген науқысты емдеп-жазуға атсалысамыз. Өмірде сан түрлі диагноз болады. Адам бойындағы кінәратты анықтап, дер кезінде шешім қабылдау маңызды рөл ойнайды. Жаны қысылған науқасқа көмек көрсету – басты мақсатымыз саналады. Осы байқауда өзімнің күнделікті жүргізіп жүрген ем-шараларды көрсетіп, үздік болуға талпындым. Негізінен, фельдшердің жұмысы өте ауыр келеді. Осындай күрделі жұмысты абыроймен алып жүру – зор мақтаныш, – деді Айжан Жақсылықова. &nbsp; Науқастарға жедел жәрдем көрсетіп жүрген Айжан Сейтқалиқызын жетістігімен құттықтаймыз!</blockquote>&nbsp;

Сырдариялық фельдшер республикада облыс намысын қорғайды

<a href="https://kyzylorda-news.kz/">Kyzylorda-news.kz.</a> Бүгін Жалағаш ауданы, Дәуімбай елді мекенінде Али-Шах сауда орталығы ашылды.Иә, еліміздің әлем көшбасшыларының қатарына қосылу жолындағы мұраты айқын. Қол жеткізген жеңісі мен жетістіктері жетерлік. Мемлекет тарапынан нәтижелі жұмыспен қамтуды және жаппай кәсіпкерлікті дамытудың бағдарламасы аясында аудандардың өзінде ауқымды жобалар іске асуда.Оған дәлел бүгін ғана ашылған Жалағаш кентіне қарасты Дәуімбай елді мекеніндегі Али-Шах сауда орталығы. Сауда орталығының иесі, жеке кәсіпкер Гүлмира Усерова 2022 жылы Қызылорда облысының кәсіпкерлер палатасының Жалағаш ауданындағы филиалына сауда орталығының құрылысын жүргізуге несие алуға өтініш білдірген. Жалағаш аудандағы палатаның сүйемелдеуімен «Қызылорда» өңірлік инвестиция орталығы» ЖШС-нің қолдауымен құрылыс жұмыстарына 8,0 миллион теңге несие алады. Ғимарат құрылысы мен қажетті құрал жабдықтарға 13,0 миллион теңге қаржы жұмсалыпты.Сауда орталығының оң жақ бөлігі шаштараз, сол жақ бөлігінде киім-кешек, ғимараттың ортаңғы бөлмесінде азық-түлік дүкені орналасқан. Жеке кәсіпкер Гүлмира Усероваға сауда орталығына құтты болсын, саудасының берекесін берсін, кәсібінің нәсібін көрсін деген тұрғындар, алдағы атқарар жұмысына сәттілік тіледі.<blockquote>«Экономика тірегі – шағын және орта бизнес. Бүгінде кәсіп ашып, өзінің емес, елдің жағдайын жақсартуға тырысқан азаматтарға алғыс білдіремін. Жастар осындай кәсіпкерлерден үлгі алып, кәсіп бастаудан қашпай, мемлекет берген мүмкіндікті тиімді пайдалануы тиіс. Кәсіппен шұғылдану кез келгеннің қолынан келеді. Тәуекел етіп, белді бекем буып, несие алып, кәсібімді дөңгелетудемін. Жеке кәсіпкерлікті дамытуға үлкен жол көрсетіп отырған сала мамандарына, игі бастаманы қолдап, көмек көрсеткен барлық жауапты мамандарға алғыс білдіремін. Жастарға кәсіп ашуға, сол арқылы өз-өзін жұмыспен қамтуға кеңес беремін. Нарықтық қоғамда «жеміс піссе екен, аузыма түссе екен» деп жатуға болмайды. Мына қоғам жалқаулықты көтермейді. Мемлекет берген мүмкіндікті пайдалану қажет», – дейді жеке кәсіпкер.</blockquote>Қазіргі қоғам нені көтермейді? Әрине, жалқаулықты, «Алма піс, аузыма түс» деп бос сенделуді. Өйтпеске не істемек керек? Енді қараңыз, кәсіп ашу дегенде алдымен адамда қорқыныш басым болады. «Бастай аламын ба? Қалай жүзеге асырамын?» деген сауалдан санасын арашалай алмайды. Мұндайда бізге жігер керек. Айқын мақсат пен нық сенім қажет. Одан соң мемлекет берген мол мүмкіндікті тиімді пайдаланып, сол арманның жүзеге асуына қарекет етуі тиіс. Ондай жандар Жалағаш ауданында жоқ емес. &nbsp;<figure class="image image_resized" style="width:75%;"><img src="https://knadmin.beoblood.kz/uploads/345884417_798991618412957_4460385844863645155_n_50159aa57c.jpg" alt="345884417_798991618412957_4460385844863645155_n.jpg"></figure>

Дәуімбай ауылында сауда орталығы ашылды

<a href="https://kyzylorda-news.kz/">Kyzylorda-news.kz.</a> &nbsp;Бүгін облыстық перинаталды орталығында халықаралық мейіргерлер күні салтанатты түрде аталып өтті. Бас дәрігер Олег Ким және кәсіподақ төрайымы И.Р.Нұрымбетова жиналған ұжымды кәсіби мерекелерімен құттықтап, атқарып жатқан еңбектеріне ризашылықтарын білдірді.&nbsp;Салтанатты іс-шарада алдымен бас дәрігер Олег Ким «Мейіргер ісінде білім, ғылым және практиканың үштұғырлығы» атты облыстық кәсіби конкурстың сайысында «Үздік аурухана мейіргері-2023» номинациясының иегері Ақмарал Жолмаханованы марапатымен құттықтап, ұжым атынан сыйлық табыстады.Ұзақ жылдар бойы атқарған адал еңбектері үшін және үздік мейірбикелерді Облыстық перинаталдық орталығы әкімшілігінің, кәсіподақ ұйымының атынан құрмет грамоталарымен және алғыс хаттармен марапаттады, сонымен қатар кәсіподақ ұйымы ота жасау, ересектер жансақтау, гинекология, нәрестелер, нәрестелер жансақтау, нәрестелер патологиясы, кеңес беру – диагностика, орталық залалсыздандыру бөлімшелеріне сыйлық табыстады.Іс-шара соңында бас дәрігердің пациенттерді қолдау және ішкі бақылау қызметі жөніндегі орынбасары Сәуле Жақанова құттықтау лебіздерін білдіріп, барша мейірбикелерге алғыстарын жеткізді.&nbsp;&nbsp;

Халықаралық мейіргерлер күні аталып өтті

<a href="https://kyzylorda-news.kz/">Kyzylorda-news.kz.</a>&nbsp; Ақша біздің күнделікті өміріміздің ажырамас бөлігі болып табылады. Біз күн сайын ақша жұмсаймыз, сауда мен қызмет үшін төлем жасаймыз, ақшаның көмегімен өз армандарымызды жүзеге асыруға тырысамыз. Міне, сондықтан, балаларға ерте кезден бастап ақшаны дұрыс пайдалануды үйретудің маңызы зор.Балаларға қанша жастан бастап ақша пайдалануды үйрете бастау керек?&nbsp;Балалардың ақшамен таныстығын ойын түрінде бастаңыз. Бала 3-4 жаста болғанда одан ақшаны түсі әртүрлі кеселерге салуды өтініп, түрлі монеталарды тануды үйретуге болады: мысалы, бала номиналы 100 теңге болатын монеталарды қызыл кесеге, номиналы 50 теңге болатын монеталарды – жасыл, ал 20 теңгелік монеталарды – жасыл кесеге салсын. Сондай-ақ, қызыл кеседегі ақшаға ойыншық, жасыл кеседегі ақшаға балмұздақ сатып алуға болатынын түсіндіру керек.Тағы бір нұсқа – монеталарды іздейтін ойын ойнау. Әртүрлі монеталарды қағазға қойып, қаламмен айналдыра сызыңыз, сонда шеңберлер пайда болады. Содан кейін монеталарды араластырып, балаға оларды тиісті мөлшердегі шеңберге қоюға мүмкіндік беріңіз. Және қандай шеңберде құндылығы төмен және жоғары монеталардың бар екенін түсіндіріңіз.Баламен дүкен ойынын ойнаңыз. Үстелдің үстіне әртүрлі тауарларды қойып, олардың бағаларын жабыстырып қойыңыз, содан кейін кімнің сатып алушы, ал кімнің сатушы болатынын шешіп алыңыздар. Қаласаңыз, кішігірім ойыншық касса немесе ойыншық ақша (теңге, еуро және доллар) сатып алсаңыз болады. Балаға қай жасынан бастап күнделікті жұмсайтын ақша беруге болады?Көптеген қаржы сарапшылары балаға күнделікті жұмсау үшін ақшаны 6-8 жасынан бастап беруге кеңес береді. Балаға дүкеннен өзіне сауда жасауды үйретіңіз. Бәрімізге белгілі, балалар ерте жастан бастап үлкен адамдарды мұқият қадағалап жүреді, үлкендердің түрлі заттарға, оның ішінде ақшаға деген қарым-қатынасын қайталайды. Сондықтан ақшаны дұрыс пайдалануды оларға іс жүзінде көрсеткен дұрыс. Баламен дүкенге барған уақытта оның тауарлардың құнына мән беруін байқаңыз. Уақыт өте келе балаға өздігінен дүкеннен сауда жасауды үйретіңіз. Баланың таңдаған затын салыстырыңыз, бірақ сынамаңыз. Отбасы бюджетін дұрыс жұмсағаны үшін баланы міндетті түрде мақтаңыз.Балаға болашақта сатып алатын бірнеше затты таңдауға мүмкіндік беріңіз. Қажет соманы жинау үшін қанша уақыт керек екенін бағалауына көмектесіңіз. Осы мақсатқа жету үшін бала әр аптада немесе айда белгілі бір конвертке ақша салып жүрсін. Соңында, осындай пайдалы әдет қалыптастыру мақсатында баланың қалаған затын әперудің маңызы өте зор.Балаға берілген ақша оның жеке иелігінде қалсын. Дегенмен, оның өз қаржысын қалай жұмсайтыны: белгілі бір затты қазір сатып алатыны не қомақты нәрсе алу үшін өз ақшасын әрі қарай жинайтыны туралы әңгімелесуге болады.Орта мектеп жасындағы балаларға (10-14 жас) отбасылық бюджетті қалай жұмсау керек екендігін түсіндірген жөн, оларды тікелей үй бухгалтериясына араластырған абзал. Таза параққа жалпы отбасылық кірісті бір цифрмен жазыңыз, содан кейін осы сомадан пәтер шығындарын, отбасындағы қарыз немесе кредит сомасын алып тастаңыз. Әрі қарай қалған сомадан азық-түлік шығындарын, қажетті киім-кешектер сатып алуды, ұялы байланыс ақысын, қоғамдық көлікті және автомобильге кететін бензинді алып тастау қажет. Егер қандай да бір мерекелер немесе туған күндер жақындап қалса, сыйлықтар сатып алу үшін оған да белгілі бір соманы бөліңіз.Балаңызға, мысалы, барлық отбасы мүшелеріне жаңа жылдық сыйлықтар сатып алу үшін белгілі бір соманы беріңіз. Осылайша, сіз баланы бюджетті дұрыс құра білуге үйрете аласыз. Балаға бюджеттің бір бөлімін басқаруға беру арқылы, оның жауапкершілігін арттырасыз, осылайша ол бюджетті есептеуді үйренуге мүмкіндік алады.Балаға күнделікті жұмсауға қаншалықты жиі ақша беру қажет?Өз тәжірибеңізден үйрену әрқашан жақсы. Сонымен, ақшамен — бала аз болса да, өз бюджетін жоспарлауды өз бетінше үйренуі керек. Балаңызға күнделікті жұмсалатын ақша мен туыстарының ақшалай сыйлықтарын қалай дұрыс пайдалану керектігін және жинақтарды қайда сақтау керектігін түсіндіріңіз. Бұл мәселеде ата-аналардың белгілі бір бақылауы маңызды және қажет болған жағдайда оны қателіктерден сақтандырған жөн. Шамадан тыс бақылау баланың қолындағы ақшаға деген жеке жауапкершілікті дамытуға мүмкіндік бермейді.Бала мектепке барғаннан бастап, сіз белгілі бір схема бойынша күнделікті жұмсауға ақша бересіз, басында сіз оған ақшаны күн сайын аз мөлшерде беріп отыруыңызға болады, біртіндеп аптасына бір рет үлкен сома беріп көріңіз. Мысалы, егер сіз бұрын балаға күніне 1 000 теңгеден берсеңіз, бір аптаға 5 000 теңге беруге болады. Бұл балаға өз қаражатын өз бетінше басқаруды, ойластырылған қаржылық шешімдер қабылдауды және олар үшін жеке жауапкершілікті үйренуге көмектеседі.Балаңызға ақшаны дұрыс жұмсауды үйретіңіз. Балаңызға ең қажетті затты бірінші алуды үйретіңіз. Баланың санасына ақшаны дұрыс пайдаланбай, керексіз затқа жұмсағанда оның да таусылары сөзсіз екенін жеткізу маңызды. Бұл ретте баланың қалауын да қанағаттандырған жөн. Баланың өз қажеттілігін бағалауына және саналы таңдау жасауына жетелейтін сұрақтар қойған дұрыс. Қолма-қол ақша немесе төлем карталары?Жыл өткен сайын қолма-қол ақшасыз төлемдер қолма-қол ақшамен төлемдерге қарағанда ыңғайлы және жедел болуда. Баланы банк карталарымен таныстыруға болады және қажет, сіз ол тапқан ақшаның бір бөлігін дүкендерде төлей алатындай етіп аудара аласыз. Сондай-ақ, карта болған жағдайда, бала банкте салымдар ашып, жинақтарын көбейте алады, өзі тәртіпке бағынуды жаттықтырады және оның шотындағы ақша санының қалай өсетінін бақылайды.Балалар үшін банктік карталар ересек өмірдің атрибуты болып табылады. Банк карталары 6 жастан 14 жасқа дейінгі балаларға баланың ата-анасының картасына ашылған қосымша карточка түрінде, сондай-ақ 14 жастан бастап ата-анасының келісімімен негізгі карта түрінде шығарылуы мүмкін.Баланың атына ашылған ата-ананың шотына қосымша карта, қолма-қол ақшаға ыңғайлы және заманауи балама. Онымен баланың шығындарын бақылау оңайырақ болады (балансты, төлем мөлшерін және сатып алу орындарын біліңіз). Сонымен қатар, сіздің балаңыз ересектер сияқты пластикалық картаның иесі ретінде сезінеді. Бұл, әрине, оның шығындарына жауапкершілікпен қарауына ықпал етеді, себебі картаның арқасында ол өзін отбасы экономикасына қосылғандай сезінеді.Қаржылық сауаттылықты оқыту тұрақты процесс, экономиканың қарапайым білімі, ақшаны басқару дағдылары, ақылға қонымды үнемдеу әдеттері сізге дұрыс басымдық беруге, сауатты ойластырылған шешімдер қабылдауға және қаржылық мәселелерден аулақ болуға, сенімді болуға, күтпеген жағдайлардан қорғалуға мүмкіндік береді.Материалдық әл-ауқатты қамтамасыз ету үшін сіз көп ақша табуға, бірақ ұқыпсыз жұмсауға немесе қаржылық сауаттылықтың арқасында ақшалай мәселелерге ақылға қонымды түрде қарауға болады.Егер бала кезінінен бала ақшаның қалай табылатынын білсе, оларды қалай дұрыс жұмсауды үйренсе, өзінің балалық деңгейінде асығыс шығындардан аулақ болса, онда ересек адам ретінде оған өмірге бейімделу оңайырақ болады. Мұндай адам ақша тауып, оны ақылмен жұмсауды, үнемдеуді және мүмкін әр түрлі қаржы құралдарының көмегімен көбейтуді үйренеді. Fingramota.kz-пен қаржылық сауаттылығыңызды арттырыңыз!&nbsp;

Балалар және қаржы: балаларға дұрыс үнемдеуді қалай үйретуге болады?  

<a href="https://kyzylorda-news.kz/">Kyzylorda-news.kz.</a> Қармақшы ауданы, Жосалы кентінің тұрғыны тәтті бәліштерді әзірлеп, тұрғындарға ұсынып отыр. Оның тәттілері бүгінде Қармақшы ауданының бірнеше дүкен сөресінде тұр.Осыдан бір ғасыр бұрын Ахмет Байтұрсынұлы «Басқадан кем болмас үшін білімді, бай һәм күшті болуымыз керек. Білімді болуға оқу керек. Бай болуға кәсіп керек. Күшті болуға бірлік керек. Осы керектердің жолында жұмыс істеу керек» деп халыққа нақты бағыт сілтеген болатын. Уақыт алға жылжыған сайын осы «үш керектің» орны байқалып тұрады. Қорқыт елі кәсіпкерлікте қанатын кеңге жаюда. Оған дәлел екі қолға бір күрек ұстап, кәсібін дөңгелеткендер қатары артқан.&nbsp;Иә, қазіргі таңда кәсіп жүргізудегі әлеуметтік желідегі маркетингтің маңыздылығын ешкім жоққа шығара алмайды. Тұрғындардың отандық тауарларға деген қызығушылығын арттырып, тұрақты тұтынушыларының қатарын көбейтуге кәсіпкерлердің үлесі зор. Бұл істе «Жосалы тәттілері» өнімдерін шығарып отырған Самал Биғалиқызыныңда еңбегін айта кетсек болады. Бұрыннан да тұрғындардың тапсырысына орай үйден әртүрлі кондитерлік өнімдер дайындайтын Самал Биғалиқызы Қармақшы ауданының бірнеше дүкендеріне өнімдерін қоюда. Тұтынушының талғамынан шығатын тәтті өнімдер сөреде самсап тұр.<blockquote>«Адам бір орында тоқтап қалмауы қажет. Қазір екі қолға бір күрек таппай, жұмыссыз сенделгендер баршылық. Мемлекет жасаса, мемлекет әперсе, мемлекет жұмыс тауып берсе деген жалған желеумен күнелтіп жүр. Не үшін? Адам талпынбай жетістікке жеткенін көріп пе едіңіз? Тынбай еңбек еткен адамның ғана наны тәтті болады. Қазіргі уақытта күніне 100 данаға дейін тәтті нан, кекс, түрлі торттар шығарып жатырмыз. Болашақта кондитерлік цех ашу жоспарда бар», – дейді жеке кәсіпкер Самал Биғалиқызы.</blockquote>Қармақшы ауданының кәсіпкерлік саласы күн өткен сайын артып, кәсіпкерлер саны өсіп отырған тұста нан өнімдерін шығаратын кәсіпкерлердің көп болуы, халық көңілінен шыға білуі осы салада бәсеке туғызып қана қоймай, нан бағасын тұрақтандыруға да үлес қосары сөзсіз.Әрбір қазақстандық азамат «жұмыссыз жүруге неге құмармыз?» деп терең ойлануы тиіс. Көштен алға озып кеткен 30 елдің қай-қайсысына қарасаңыз да бәсекелік қабілет мықтап шыңдалған. Еңбектен қашпайды. Керісінше оза шауып, төске өрлеген сайын өршелене жұмыс істейді.&nbsp;Кәсіп ету үшін адамға бірқатар қабілет керек. Ол ұйымдастыра білу қажет, &nbsp;үнемі іздену керек. Айтпақшы бұл тұрғыда бастағалы отырған кәсіпті дұрыс таңдай білу де, нарық экономикасын жан-жақты зерттеу мен тұтынушының өнімге деген сұранысын бажайлау да маңызды екенін естен шығармаған абзал. Бүгінде кәсіпкерлікті қолдауға мемлекет тарапынан біршама бағдарлама жүзеге асуда.&nbsp;Қармақшы ауданындағы мемлекет тарапынан қолдауға ие болған кәсіпкерлер қолға алған бизнесін алдағы уақытта кеңейтуді көздейді. Ал кәсіп етемін, көсегемді көгертемін деген жанға аудандық кәсіпкерлер палатасының есігі қашан да ашық. «Қалауын тапса – қар жанады». Шешілмейтін мәселе жоқ. Тек арман мен ниет тоғысса болғаны.Айта кеткен жөн, жалпы кәсіпкерлікті дамыту бойынша сала мамандары өз жұмыстарын жүйелі атқаруда. Мәселен, өңірлік кеңес мүшелері қармақшылық кәсіпкерлермен және салаға жауапты мамандармен кездесіп, «Мен кәсіпкер» жобасы, кәсіпкерлікті дамытуға арналған Ұлттық жоба аясындағы қаржылай қолдау тетіктерін түсіндіріп өткен болатын.<blockquote>«Биыл ауыл тұрғындарына, жастарға мемлекеттік бағдарламалар шеңберінде 2,5 пайызбен жеңілдетілген несие беріледі. Жастарға арналған бағдарлама жұмысын бастап кетті. «Ауыл аманаты» жобасы бойынша жақын күндері нақты талаптары белгілі болады. Мемлекеттің мұндай қолдауын уақытылы қолдану керек. Кеңес алу, құжат дайындау бойынша біз көмек көрсетеміз», – деді Палата директорының орынбасары Даурен Мұзапарұлы.</blockquote>Облыстық Іскер әйелдер кеңесінің төрайымы Наталья Мишукова «Әйелдер кәсіпкерлігін дамыту орталығы» бағыты аясында жүзеге асырылатын «Бір ауыл – бір өнім» жобасына ауылдағы қыз-келіншектерді қатыстыру үшін ауылдық округ әкімдеріне түсіндірме жұмыстарын жүргізуде көмек көрсетуді сұрады.Кездесуге қатысқан кәсіпкерлер салаға қатысты проблемаларын айтты. Атап айтқанда, несие алу барысында кепіл мүліктерінің төмен бағаланатынын, салдарынан жеткілікті деңгейде қаржы ала алмайтынын айтты. Сондай-ақ, шарада сөз алған кәсіпкерлердің басым бөлігі жеңілдетілген несие алуға ниетті екендерін жеткізген еді. Кәсіпкерлердің көтерген мәселесі бойынша кәсіпкерлік, өнеркәсіп және туризм бөлімінің басшысы әр бағдарламаның ерекшелігін түсіндіріп, шешу мүмкіндіктерін ұсынған болатын.&nbsp;

Қармақшылық тұрғын тәтті өнімдер шығаруда

<a href="https://kyzylorda-news.kz/ru/">Kyzylorda-news.kz</a>. Биыл Қызылорда облыстық жастар денсаулығы орталығына жүгінген жастардың саны былтырғы жылдың үш айымен салыстырғанда 58,5 пайызға өскен.&nbsp;Аталған орталыққа көбіне кеңес алу, емдеу-сақтыру, психологиялық тұрғыда көмек алу мақсатында жүгінеді. Бұл туралы Өңірлік коммуникациялар қызметінде өткен брифингте облыстық жастар денсаулығы орталығының ұйымдастыру-әдістемелік бөлімінің дәрігері Сәуле Қауысова хабарлады.<blockquote>«Бүгінгі күні облысымызда 14-28 жас аралығындағы жастардың саны 176 985. Бұл облыс тұрғындарының 26,7 пайызын құрайды. Осыған сәйкес, жастардың денсаулығын сақтау және психологиялық тұрғыда көмек беру мақсатында біздің орталықта белсенді іс-шаралар жүргізілуде. Облыстық жастар денсаулығы орталығы 3 құрылымдық бөлімнен тұрады және жалпы тәжірибелі дәрігерлер мен акушер-гинеколог, уролог, дерматовенеролог мамандар қызмет етеді. Ал психолог мамандардан кеңес алғандар саны – 2282 жасты құрайды. Жалпы психолог мамандардан кеңес алушылардың басым бөлігі нәзік жандылар. Ал тұрғылықты жері бойынша қала тұрғындарының үлесі басым. Көбіне 15-28 жас аралығындағы жастар психологиялық көмекке мұқтаж. Оларға тиісінше керекті ақыл-кеңес беру және түрлі мәселелерін шешуге көмектесу - біздің негізгі міндетіміз», - деді Сәуле Смағұлқызы.&nbsp;</blockquote>

Сәуле Қауысова: Қызылордада облыс тұрғындарының 26,7 пайызын жастар құрайды

<a href="https://kyzylorda-news.kz/">Kyzylorda-news.kz.</a> Жаңақорған ауданының әкімі Мұрат Жолкелдіұлы Тілеуімбетовтің халықпен кезекті есепті кездесуі жалғасуда. Кестеге сай кездесу Сыр беткейдегі ауылдардан басталды. 5 ауылдың тыныс-тіршілігін түгендеп, тұрғындардың талап-тілегін тыңдап қайтты.&nbsp;Алдымен Жаңақорған ауданының басшысы атқарылып жатқан жұмыстарды баяндап, меже мен міндетті айқындап, нақты тапсырмаларды түгендеді. Елдің ұсыныс-пікірлерін ескеріп, осыдан 3 ай бұрынғы кездесудегі көтерілген мәселелерге жауап берді. Жалпы Сыр беткейдегі ағайынның негізгі күнкөріс көзі ауылшаруашылығы саласы. Ерте көктемнен қара күзге дейін егін басында болып, қыс бойы төрт түлігін төлдетіп, тіршілігін жасайтын шаруалардың айтары көп емес. Басым көбі аяқ суды қозғайды. Ал, инфрақұрылым, оның ішінде жол, ауыз су, жарық және газ мәселесі кезең-кезеңімен шешілуде. Әсіресе, жарық мәселесі ғаламат жоба болғалы тұр.&nbsp;Көктөбеде тірлік көпЖаңақорған ауданының әкімі Мұрат Тілеуімбетов пен аудандық мәслихат төрағасы Ғалымжан Сопбеков бастаған делегат алдымен шалғайдағы ауыл Көктөбеге жол жүрді. Тарымен танымал аядай ауылда шаруа аз емес. Бұл жолы сұралған сауал ауылдағы әкімшілік ғимараты, кітапхана мен клуб үйінің мәселесі болды. Бұл бойынша аудан басшысы апатты деп тану керек, нақты құжат болса қаражатын қарастыруға жұмыс жасауға уағдаласты. Өйткені, үш бірдей нысанның жағдайы расында мәз емес. Сондай-ақ, бұл ауылға ойын алаңқайы мен ағаш отырғызу аймағын қоршалауға қаржы қаралған. Мектептегі балалар тамағына қатысты да мәселелер қозғалды.&nbsp;Қандөзге дәрігер келетін болдыШыны керек, биыл ауданға қарасты Қандөз ауылында жұмыс жетерлік. Кіре беріс көше реттелуде, жарық жүйесі жақында жаңғыратын болады, спорт кешенге және Қалғансырға барар жол да реттеледі. Сондай-ақ, Нәзір Төреқұлов атына арнайы аллея салу идеясы да мақұлдануда, инвестиция да құйылуда. Ең бастысы, ауыл халқы қаншама жыл асыға күткен дәрігер табылды. Енді тек жұмысқа ресми қабылданса болғаны, бұл да шешілген бір мәселе. Басқа да мәселелер рет-ретімен шешімін таба береді.Қаратөбеге амбулатория салынадыБиыл Қаратөбе ауылына амбулатория салынып, ел игілігіне беріледі. Сондай-ақ, жарық, полигонның қоршауы, жаяу жүргіншілер жолын салу да жоспарда бар. Қазыналы қариялар жер сұрап, одан қала елге еңбегі сіңген ардагерге көше атын сұрай келіпті. Өзге де мәселелер қағазға түртілді. Ең бастысы, биыл ауыл әкімін сайлау болады. Осы науқанға ауыл белсенді болуы керек дейді мамандар.&nbsp;<blockquote>«Биыл Жаңақорған ауданының бюджеті 20 миллиардқа жетті. Бұл өте үлкен қаржы, жасалынып жатқан және жоспарланған жобамыз жетіп жатыр. Барлығын кезең-кезеңімен шешудеміз. Көптің тілеуі болған көгілдір отын биыл екі ауылға қосылса, жыл соңына дейін тағы 5 ауылдың газ құрылысын бітіреміз. Келер жылға тағы бес ауыл, осылай айналдырған 3-4 жылдың аудандағы барлық ауылға газ жеткізуді мақсат етудеміз. Сондықтан барлығын сабырмен, шүкіршілікпен күтуіміз керек. Құдай қаласа барлық мәселенің де шешімі бар, тек уақыт есебіне түйіндейік», – деді аудан әкімі.</blockquote>Келінтөбе көшелері реттеледіБиыл Келінтөбе ауылдық округінде 6 бірдей көше жөнделетін болды. Тротуар салынады, жарық мәселесі жөнделеді. Көпірдің жай-күйі мен аяқ су мәселесі қозғалды. Одан бөлек, ұсақ-түйек мәселелер көтерілді.Апанғаққа аяқ су жеткізілсеАққорғандық ағайын Апанғақ елді мекеніне егін егу үшін аяқ су жеткізіп берсе деген тілегін жеткізді. Одан кейін, канал қазу мәселесін қозғады. Бұл мәселелер де алдағы уақытта кезеңімен шешімін табады деп жоспарлануда.Елді мекендерде бірінші кезектегі мәселелер шешімін табудаАуылдағы ағайынға Жаңақорған ауданы әкімінің есеп беру кездесуі жалғасуда. Бүгін аудан әкімі Мұрат Жолкелдіұлы Тілеуімбетов және аудандық мәслихат төрағасы Ғалымжан Жарқынбекұлы Сопбеков Сыр беткейдегі тағы 5 ауылдың тыныс-тіршілігімен танысып, ұсыныс-пікірін тыңдады&nbsp;Алғашқы кездесу Қожакент ауылынан басталды. Биыл Исатай Әбдікәрімовтың туғанына 100 жыл, осыған орай мектеп салынуды өтінді. Қожакент ауылы аудандағы тіректі ауылдардың бірі, ауылдың ажары айшықталған, азаматтардың инвесторлығымен салынып жатқан жұмыс аз емес. Келесі ауыл Өзгентке жол жүріп, жаңадан бой көтерген клуб үйінің құрылыс барысын көрді. Жалпы бұл ауылда да атқарылып жатқан тірлік аз емес. Жарық, жол және ауыз су мәселесі кезең-кезеңімен шешілуде. Ауылдағы маңызды мәселелерді ауыл әкімі өзі тізбектеп, керек инфрақұрылымды жүйелеп берді.&nbsp;Одан кейін М.Нәлібаев ауылына барып, ағайынның айтарын тыңдады. Бұл ауылда да тындырымды тірлік көп. Жаңадан спорт кешені салынуда. Жақын күндері пайдалануға беріледі. Ауылға кіреберіс көпір салынып, ауылдың ажары кірген. Ауылдық клуб үйі де ретке келтірілуде. Жалпы жұмыс жоқ емес, тек тұрғындар екі су қашыртқысын салуды және жұмыссыздықты азайтуды сұрауда. Ол уақыт еншісіндегі шаруа.&nbsp;Жаңарықта биыл ең үлкен жаңалық "Жайлы мектеп" құрылысы басталуға жақын. Бұл мектеп арнайы бағдарлама аясында салынуда. Қысқасын айтқанда Жаңарықтағы жаңа мектеп зияткерлік білім ошағына айналуы тиіс деген мақсат қойылған. Облыс бойынша 20-дан астам мектеп арнайы жобамен салынса, соның бірі осы білім беру ордасы. Жаңақорған ауданының әкімі ауыл жастарының ұсынысымен алдағы уақытта жеке келіп, тағы бір жиын өткізуге уағдаласты. &nbsp;Қыркеңседегі клуб үйінің тозығы жетіп, ауыл тұрғындарының басты мәселесіне айналған еді. Биыл күрделі жөндеу көріп, мәдениет сарайы жаңғырып жатыр. Құрылыс жұмысымен танысып, сапасына мән беріп, мердігер мекемеге нақты міндеттер жүктеді. Айта кететіні, бұл ауылда да 3 көше асфальттанады, ауыл қақпасы бой көтерді. Аудан басшысы әлі де жұмысты жүйелеуді тапсырды.&nbsp;Жалпы Сыр беткейдегі ауылдардың негізгі мәселесі, жарық, көше жолы, газ және аяқ су. Жарық пен жол мәселесі шешілуде. Алдағы 2-3 жылдың ішінде Жаңақорған ауданы бойынша 21 ауылдың электр жарығы жаңғырады. Көшелер асфальттануда, сол секілді аяқ су да қатаң бақылауда. Енді газ мәселесі қалды, болжам бойынша бүгінгі төрт ауылға 2025 жылы көгілдір отын тарту жұмысы басталады.&nbsp;

Жаңақорған: Елді мекендердегі мәселелер шешімін табуда

<a href="https://kyzylorda-news.kz/">Kyzylorda-news.kz.</a> Сыр өңіріне тағы бір сүйіншілейтіндей хабар жетті. Сәуір айының 17-23 күндері Италияда Милан дизайн апталығы өтіп, оған Сыр өңірінен София Темірболат өз туындыларын жолдаған еді. Көрмеде сырбойылық жас Софияның эко картиналары үздік шығып, финалист атанды.Айта кетелік, София қылқаламмен емес, азық-түліктен босаған қаптамалардың қиындыларынан картина жасау арқылы әлемді тәнті етті. Иә, кәдімгі қаптама. Тұз, макарон өнімдерінен босаған қаптаманы ойланбастан, тіпті сыртына соншалық назар аудармастан да қоқысқа лақтыратынымыз белгілі. Оны кәдеге жаратуға болады екен. Көрменің негізгі мақсаты да осы, қоршаған ортаны қорғауға үндеу. Көрме талабы бойынша қатысушылар өз еліндегі тұрмыстық қалдықтарды қайта өңдеу арқылы қоршаған ортаны қорғауға үлес қосу, назар аудару. Бұл орайда София «Аралтұз» өнімі, кәмпит, шәй, күріш, макарон өнімдерінің қаптамасын ұтымды пайдалана білді. Әсіресе тұздың көк түсті қаптамалары теңізді бейнелеуге үйлесе кетті.Милан дизайн апталығында Софияның туындыларын ұсынған санаты бойын-ша әлемдегі үздіктер, дизайнерлер, қоршаған ортаға көзқарасы ерек 73 мемлекеттен 600-дай талантты жандар қатысқан екен.Италиядағы көрме әйгілі «Palazzo Bandello» заманауи өнер галереясында өтті.<blockquote>«Бұл көрменің орны бөлек. Бұл сұлулықты, өнерді тамашалау ғана емес, қоршаған ортаны қорғауды мақсат еткен, табиғатты аялауға үндейтін мазмұнды шара. Көрме жетекшісі Россана Орланди – итальяндық дизайн саласының аңыз адамы, Николетта Орланди Бруньони ханым – көрме жетекшісі. Бұл көрме қоқысты қайта өңдеу мен қоршаған ортаны қорғауға көзқарасы ерекше, қор-шаған орта салдарын зерттеуге көптеген жылдар арнаған, қайта өңдеудің тұжырымдамасын жасап, ерекше қайталанбас, дизайнерлік талғамы жоғары, авторлық картиналар жасайтын шеберлерге өз туындыларын ұсынуға мүмкіндік жасады. Қателеспесем, Милан дизайн апталығы аясында өткізілген эко-көрмеге Қазақ елінен алғаш қатысқан мен ғана. Осы тақырып аясында Россана Орланди ханымның жеке галереясы бар. Оны арнайы барып көрсем деген арманым бар. Көрмені ұйымдастырушыларға алғысым шексіз», – дейді София Темірболат.</blockquote>София бұл жобамен 8 жылдан бері айналысып келеді. Бұл туындының басты мақсаты – экологиялық мәселелерге баршаның назарын аудару.<blockquote>«Бұл арт-жоба қоршаған ортаның жай-күйі туралы көптеген флешмобтардан гөрі қоғам назарын аударта алады. Мен өз картиналарымда көбіне еліміздің экологиялық мәселесіне айналған Арал теңізінің табиғатын бейнелеймін. Мен апатты салдарға тоқталмай, картиналардың эстетикалық және терең мағынасы арқылы адамдарды табиғатқа жақындатуға тырыстым. Өнер мен экология ұштасқан жобаны жасауға түрткі болған Арал проблемасы болды. Мен өз қаламда табиғат пен адам арасындағы жақын қарым-қатынасты көрсету мақ-сатында көрме ұйымдастырып тұрамын, адам мен табиғат туралы 30-дан астам көлемді картиналар жасадым. Адамдарды қоршаған орта жайлы ақпаратпен қамтамасыз ете отырып, бір-бірімізге мәселенің ауқымын түсінуге, оны шешу жолдарын табуға және планетамызды сақтауға көмектесе аламыз. Бұл – эко-өмір салты туралы ақпарат беру жобасы. Жоба барысында қоқысты қалай сұрыптау керек, нені қайта өңдеуге болады, қайта өңдеуге болмайтын дүниелер нені көркем картиналар жасау процесінде қолданған дұрыс, неден бас тарту керек деген тренингтер бар. Бұл жоба экологиялық материалдарды пайдалануды талап етеді: азық-түлік қаптамасы бұл картиналар үшін жақсы материал болады. Мұндай жұмыстардың астарында табиғи ресурстарды сақтау тұжырымдамасы жатыр. Мен 15-тен астам көрме өткіздім. Картиналарды жасау процесін әлеуметтік желілерге жариялаймын. Әр адам қоршаған ортаны қорғау үшін таңдау жасай алады: полиэтилен пакеттерін сатып алмау, қайта пайдалануға болатын заттарды пайдалану, пластикті аз тұтыну. Себебі біздің планетамыздың эко ахуалы әрқайсымызға байланысты», – дейді өз туындысымен әлемнің назарын аударған жеңімпаз.</blockquote>София көрмеге Арал теңізінің тұз қаптама қиындысымен бейнелеген картиналар сериясын ұсыныпты. Туындыға қарасаң теңізі шалқыған, су бетінде аққу-қазы тербелген сұлулығына көз тоймас теңізді тамашалап, қуа-насыз. Арал теңізінің бейнесі дегенде суы тартылған, табаны кеберсіген, қайығы жағада қалған көріністі көз алдымызға елестеткен едік. Алайда Софияның да, бұл көрменің де мақсаты биік. Адамзат табиғатты аялай білсе, қоршаған ортаны қорғауға үлес қосса, экологиялық мәселелерді де жеңуге болады. Бір сөзбен айтқанда, бәрі де адамзаттың қолында. Шынашақтай София ізгілікке үндеп жүр.

Милан дизайн апталығы: Сырбойылық Софияның эко картинасы

<a href="https://kyzylorda-news.kz/">Kyzylorda-news.kz.</a> Қырғызстанның Бішкек қаласында 4-8 мамыр аралығында өткен гір көтеруден Азия чемпионатына Қорқыт ата атындағы Қызылорда университетінің білім алушылары қатысты. &nbsp;Чемпионатта Корея, Қырғызстан, Пәкістан, Ресей, Моңғолия, Өзбекстан, Үндістан, жалпы саны 15 мемлекеттен келген 500-ден астам спортшы бақ сынады.Сайыста Қорқыт ата атындағы Қызылорда университетінің студенті Төлеген Қайсар 78 келі салмақта 1-орын иеленіп, екі дүркін Азия чемпионы атанды. Студент гір спортынан Қазақстан Республикасының Спорт шебері, Азия чемпионы және әлемнің қола жүлдегері.&nbsp;Чемпионатта университеттің аға оқытушысы Мұхан Әділбек ардагерлер арасында +85 келі салмақта 1-орын иеленіп, чемпион атанды. Сондай-ақ, оқу орнының студенті Әділет Қалжанов 68 келі салмақта Азия чемпионатының қола жүлдесін иеленді.&nbsp; &nbsp;

Төлеген Қайсар екі дүркін Азия чемпионы атанды

<a href="https://kyzylorda-news.kz/">Kyzylorda-news.kz.</a> Бүгін Қазалы аудандық Роза Бағланова атындағы мәдениет орталығында «Жаңа дәуір – Жаңа Қазақстан» атты фестивалдің қорытынды кеші өтті.&nbsp;Аудандық жастар ресурстық орталығының ұйымдастыруымен өткен салтанатты шараны аудан әкімі Мұхтар Оразбаев ашып, «Ғылыми жоба» бағыты бойынша үздік болған жастарға Қорқыт Ата атындағы Қызылорда университетінің оқу гранты сертификатын және жетекшілеріне аудан әкімінің «Алғыс хатын» табыстады.&nbsp;<blockquote>«Халық пен халықты, адам мен адамды теңестіретін – білім» деп ұлы жазушымыз Мұхтар Әуезов айтқандай, елімізді өркениетке апарар жолдың бастауында білім тұрады. Білімділігі мен біліктілігін байқатқан аудан жастары «Жаңа дәуір – Жаңа ғасыр» атты фестивалде өздерін басқа қырынан көрсете білді. Еңселі елдің болашағы өскелең ұрпақтың қолында екенін ескерсек, жердің де, елдің де иесі – жастар. Сондықтан елдің ертеңі болған аудан жастарының келешегіне сәттілік тілегім келеді», - деді аудан басшысы өз сөзінде.&nbsp;</blockquote>Мұнан соң «Энергомера» ЖШС директоры Бекетай Мұқашев сөз алып, «Интеллектуалдық сайыс» және «Патриоттық әндер» байқауы бойынша жеңіске жеткен жастарды марапаттап, ақшалай жүлдесін тарту етті.&nbsp;Одан бөлек, «Zhanel farm» ЖШС-нің директоры Гүлназ Ашрафина «Бизнес жоба» бағытында жүлделі орыннан көрінген оқушыларды құттықтап, өзінің қаржылай жүлдесі мен бағалы сыйлықтарын табыстады.&nbsp;Айта кетейік, аудан жастары 4 бағыт бойынша бақ сынайтын фестиваль жыл сайын ұйымдастырылып отырады.&nbsp;<img src="https://knadmin.beoblood.kz/uploads/342828123_1290758648464481_1064053149056974753_n_2d6a538a8f.jpg" alt="342828123_1290758648464481_1064053149056974753_n.jpg"><img src="https://knadmin.beoblood.kz/uploads/345629636_263408832816822_4669349422289154652_n_baa603fafb.jpg" alt="345629636_263408832816822_4669349422289154652_n.jpg">

Қазалыда «Жаңа дәуір - жаңа Қазақстан» атты жастар фестивалінің қорытынды кеші өтті

<a href="https://kyzylorda-news.kz/">Kyzylorda-news.kz.</a> Дана қазақ «Еңбексүйгіш елдің еңсесі биік» деп тәмсілдеген. Бұл тұрғыда біліктілік пен шыдамдылықты қатар талап ететін жауапты мамандық иелерінің бәсі биік. Соның ішінде медицина саласының арқалар жүгі ауыр. Оның өзге мамандықтан ерекшелігі сол, жұмыс барысында еш қателесуге болмайды. Сондықтан олар ұдайы тәжірибелік білімін жетілдіріп отырады.Жыл сайын мамыр айының 12 жұлдызында халықаралық мейірбикелер күні аталып өтеді. Бұл күні көпшілік ақ халатты абзал жандарға құрмет көрсетіп, олардың еселі еңбектеріне алғыс білдіреді. Денсаулық – баға жетпес байлық. Адам баласы басы ауырып, балтыры сыздағанда, дертіне дауа іздегенде баратыны – медицина қызметкерлері. Себебі дертке дауа, емшге шипа бере алатын осы ақ халатты абзал жандар. Олардың көмегімен дертімізден айығып, ертеңімізге үмітпен қараймыз. Алдына барған әр науқасқа ерекше мейіріммен қарап, жылы сөзімен көңілін көтеріп, өмірге деген құлшынысын арттыратын да осы асыл маман иелері.Иә, адам жанына шипа сыйлайтын мамандықты таңдаған ақ халатты абзал жанның бірі – Ақгүл Төреева. Ол бүгінде Қармақшы ауданындағы «Шипагер» емханасындағы терапия бөлімінің мейірбикесі. Жастайынан біреуге көмектесуді мақсат еткен ол мектепті тәмамдаған соң, Түркістан қаласындағы медицина колледжінде «фельдшер» мамандығын игереді. Қолына диплом алып, кеудесі арман-тілекке толы жас мейірбике сол жылы аудандық «Шипагер» емханасына мейірбике болып жұмысқа орналасады. Қиын да жауапты жұмысты абыройлы атқарып келе жатқанына биыл он жыл да өте шығыпты. Бүгінде тәжірибесі толыққан білікті маманға айналған.<blockquote>«Мейірбике – науқастың саулығына, тез жазылып кетуіне дәрігермен бірдей жауапкершілікпен қарап, келушінің бар жағдайын жасап, уақытылы ем-дом көрсетететін денсаулық жанашыры. Менің бала күнгі арманым медицина саласында жұмыс жасап, адамдарға көмек көрсету еді. Мен үшін біреуді емдеп, оған көмек беру – игі іс. Сондықтан да осы саланы таңдадым. Еш өкінбеймін. Жұмысым да, ұжымым да жақсы. Дәрігер Айнұр Жұмабекқызымен де біріге жұмыс жасаймыз. Кейбір сәтте айтпай-ақ түсінісеміз. Басты мақсатымыз – алдымызға келген жанға қол ұшын созу. Ал күнделікті жұмыс бабы қиын да қызықты. Әр науқастың бабын тауып, жағдайын жасауға тырысамын. Біздің жұмыста қуанышты кездер де, қиналатын сәттер де болады. Сондай кезеңдерде мен өз қызметімнен бас тартып, мамандығымнан көңілімді суытқан емеспін. Өз мамандығымды мейлінше сүйемін», – дейді тәжірибелі мейірбике Ақгүл Қуанышбекқызы.</blockquote>Кейіпкеріміз жұмыста мейірімді мейірбике болса, отбасында сүйікті жар, аяулы ана. Жары екеуі үш перзент тәрбиелеп отырған жас отбасы. Еселі еңбегімен, мейірімді жүзімен, жұмысына деген жауапкершілігінің арқасында елдің алғысына бөленіп жүр.&nbsp;– Ақгүл менің патронаждық мейірбикем. Дәрігер Айнұр Жұмабекқызы екеуі менің жағдайымды үнемі бақылап, хабарласқан бойда үйіме келіп, ем-дом жасап кетеді. Денсаулығыма байланысты тіркеуде тұрғандықтан 15 жылдан бері мемлкеттен тегін дәрі алып келемін. Өзім де бұрын осы салада жұмыс атқарғанмын. Қазір зейнеткермін. Осы жолды жүріп өткен соң бұл қызметтегі ауыртпашылық пен адам өміріне деген жауапкершілікті жақсы түсінемін. Өздері ақкөңіл, қарапайым, науқастың көңілін аулай біледі. Кейде жылы сөздерінен-ақ емделіп кетесің. Бас дәрігер Бақытжан Нысанбаевтың тәрбиелеген ақ халатты абзал жандары деп білемін. №1 учаскенің дәрігері Айнұр мен мейірбикесі Ақгүл қыздарыма шексіз аналық алғысымды білдіремін. Мереке қарсаңында еңбектеріне жеміс тілеймін. Әрдайым осы қалыптарынан танбай, елдің құрметіне бөлене берсін, – дейді шынайы ризашылығымен кент тұрғыны Рыскүл Ешбаева.Иә, дерті меңдеп, дәрменсіз күйде келген науқастың шипа табуына жәрдемдесіп, қолынан келгенін аямайтын осындай ақ халаттылардың қатары арта берсін. Аманаты мол мамандықта алғыс арқалап жүрген мерейлі мейірбикені кәсіби мерекесімен құттықтап, қызметте абырой тілейміз.

Қазақстан және Қызылорда облысының жаңалықтары