<h4 style="margin-left:0px;">Фото: Ақорда</h4><h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Бүгін сағат 15:00-де Президент Қасым-Жомарт Тоқаев Парламент Мәжілісінің пленарлық отырысына қатысады, деп хабарлайды Ақорданың баспасөз қызметі.&nbsp;</h4>Қазақстан Республикасының заңнамасына сәйкес депутаттардың келісімін алу үшін жаңа Премьер-Министрдің кандидатурасы ұсынылады.

Қасым-Жомарт Тоқаев Парламент Мәжілісінің бүгін өтетін пленарлық отырысына қатысады

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz.</a> Батыс Қазақстан облысындағы ауыл педагогтарына 250 миллион теңге үстемеақы төленбеген, деп хабарлайды <a href="https://steppenews.kz/">Steppenews</a> ақпараттық агенттігі.</h4>Мұндай заңсыздықтар Сырым ауданындағы балабақшалар мен мектептерде анықталған. Сыбайлас жемқорлыққа қарсы қызмет өкілдерінің айтуынша, 3 жылда 1200-ге жуық білім саласының қызметкері тиісті төлемақыларынан қағылған. Олардың жалақысына 10 пайыздық үстеме қосылуы тиіс болған. Заң бұзғандар тәртіптік жауапкершілікке тартылды.<blockquote>«Ерекше еңбек жағдайлары үшін лауазымдық жалақының 10 пайызы мөлшерінде үстемеақы белгілеу қажет. Алайда Сырым ауданының білім бөлімі 2020-2023 жылдар кезеңінде 26 білім беру ұйымының 1195 қызметкеріне осы үстемеақыны төлемеген. Департаменттің араласуынан кейін білім бөлімі тарифтік тізімге өзгеріс енгізіп, жалақы қайта есептелді», – деді Сыбайлас жемқорлыққа қарсы іс-қимыл департаменті басшысының орынбасары Мұратбек Қасымов.</blockquote>Фото: Нұрболат Нұржаубай

Батыс Қазақстан облысында ауыл педагогтарына 250 млн теңге үстемеақы төленбеген

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz.</a> 6 ақпанда еліміздің басым бөлігіне солтүстік-батыс циклоны және онымен байланысты атмосфералық фронттар ықпал етеді.</h4>Қазгидромет синоптиктерінің болжамы бойынша, бүгін еліміздің басым бөлігінде жаңбыр мен қар жауады. Сонымен қатар республика бойынша тұман түсіп, жел күшейеді. Көктайғақ, бұрқасын болады.Фото: Нұрболат Нұржаубай

Бүгін еліміздің басым бөлігінде қар жауады

Kyzylorda-news.kz. Соңғы кезде үкімет басшысы Смайыловтың жұмысына сын айтып, көңілі толмайтындар көп. Тіпті, саяси сахнада «Смайыловтың орнына түгенше келеді екен» деген ақпараттың шеті жиі шығып жатады.Осы тұста кейбір инсайдерлер «саясатта салмағы жағынан «ауыр» Қанат Бозымбаевтың мансап шырағы әлі сөне қойған жоқ» деген пікірді ортаға салды деп жазады Dalanews.kz.Яғни, көптен бері көрінбей кеткен Бозымбаев ең жауапты қызмет – премьер-министр лауазымына дайындық үстінде көрінеді. Бірақ бұл мүмкін бе? Қасым-Жомарт Тоқаев басшылық еткен бес жылда оның әкімшілігі кадрлық резерв ретінде пайдаланылғаны рас па? Президент көмекшісі болып тұрғанда білікті қызметкерлерді ең осал жерлерге жіберіп, өзін көрсете алды ма? Жалпы, президент әкімшілігі кейбір саясаткерлер үшін уақытша пана ма, әлде құтқару үйі ме?Осы сауалдардың астарына үңілсек, мұның да жаны бар сияқты. Себебі, бұл жерден кеткендер лауазымды қызметке тағайындалады немесе тып-тыныш зейнетке бір-ақ кетеді.Алайда, бұл «клубқа» кіру екінің біріне бұйырмаған бақ. Мұнда тек ең жақын, ең сенімді адамдарға ғана есік ашық. Соның ішінде Бозымбаев та бар. &nbsp;Десек те, Қаңтар оқиғасы кезінде Алматы облысының әкімі болып тұрған Қанат Бозымбаев біраз сын тезіне алынды. Сол кездегі облыс орталығы –Талдықорған қаласы шерушілерге толықтай беріліп, қирап қалды. Халық арасына шыққанда да аузына түскен боқтық сөзді айтып, абыройсыздыққа ұрынған. Міне, содан кейін 2 жыл бойы хабарсыз кеткен Бозымбаев журналист-олигарх Арманжан Байтасовқа берген сұхбатында аймақтағы бар жауапкершілікті тағдырдың жазуына және бүгінде сотталып кеткен Алматы облыстық полиция басқармасының экс-басшысы Серік Күдебаевтың еншісіне қалдырған еді.Қазіргі уақытта Бозымбаев функционалдық жағынан толық түсініксіз президент кеңесшісі лауазымында. Шамасы, оның мансабындағы мұндай үзіліс өзі үшін керек болған шығар. Бәлкім, «Көзден кетсе, көңілден де кетеді» демекші, халықтың оған деген негатив көзқарасын азайтып, жадынан шыға тұрудың амалы ма?Жалпы, Қанат Бозымбаев Энергетика министрі және Павлодар және Алматы облыстары әкімі қызметін жұрт күткендей басқара алмаса да, қазіргі үкімет құрамындағы ең мықты мемлекеттік басқарушылардың бірі саналды.«Оның үстіне Президенттің Бозымбаевқа деген сенімі бөлектеу және өзіне адал қызметкер деп біледі. Ең бастысы, екеуі де Ұлы жүздің Жалайыр руынан екенін ескерген жөн. Қазақтың рушылдық дерті көбінесе Нұрсұлтан Назарбаевтың билігіне тән десек те, &nbsp;«Жаңа Қазақстанда» да бұл құбылысты толығымен жоққа шығаруға болмайды-ау, сірә», - дейді инсайдерлер. &nbsp;Сондықтан да Бозымбаевтың ішкі саясатты жетік білуі мен мол тәжірибесі басымдыққа ие болып, еліміздің жаңа Премьер-министрі қызметін атқаруына мүмкіндік сыйлауы да мүмкін ғой.Фото: Нұрболат Нұржаубай

Смайыловтың орнын басатын басты кандидаттың есімі белгілі болды - БАҚ

<a href="https://kyzylorda-news.kz/">Kyzylorda-news.kz.</a> Мәжілісте Бала құқықтары жөніндегі уәкіл Динара Зәкиева қанша бала отбасындағы зорлық-зомбылық салдарынан қайтыс болғанын мәлімдеді, деп хабарлайды BAQ.KZ тілшісі.<blockquote>Былтыр тұрмыстағы зорлық-зомбылық саласында 99 мың өтініш келді. Балаларға қарсы 2 452 қылмыс жасалды. Тұрмыстағы зорлық-зомбылық салдарынан 69 әйел және 7 бала қайтыс болды, - деді Зәкиева.</blockquote>Уәкіл атағандай, тұрмыстағы зорлық-зомбылық пен балалардың қауіпсіздігі мәселелері Мемлекет басшысының үнемі назарында.<blockquote>Осы салада соңғы жылдары жүйелі іс-шаралар қабылданды. Заңға өзгерістер енгізілді. Мысалы, арызсыз істің қозғалуы, сенім телефоны құрылды, балаларға қарсы жасалған қылмыстарға жазаны қатаңдату бойынша бірқатар норма көзделген, - деді Динара Зәкиева Мәжілісте сөйлеген сөзінде.</blockquote>Мәжілістің Әлеуметтік-мәдени даму комитетінде "Қазақстан Республикасының кейбір заңнамалық актілеріне әйелдердің құқықтары мен балалардың қауіпсіздігін қамтамасыз ету мәселелері бойынша өзгерістер мен толықтырулар енгізу туралы" және "Қазақстан Республикасының Әкімшілік құқық бұзушылық туралы кодексіне әйелдердің құқықтары мен балалардың қауіпсіздігін қамтамасыз ету мәселелері бойынша өзгерістер мен толықтырулар енгізу туралы" заң жобаларының таныстырылымы өтіп жатыр.Мәжіліс төрағасының орынбасары Дания Еспаева Мәжілістің Әлеуметтік-мәдени даму комитетінде қанша әйел зорлық-зомбылықтың құрбаны болғанын айтқан еді.&nbsp;&nbsp;Сондай-ақ өткен аптадағы Мәжілістің жалпы отырысында депутат Асхат Аймағамбетов заңдарға қандай нормалар енгізілгелі отырғанын атап берді.&nbsp;Фото: Нұрболат Нұржаубай

Отбасындағы зорлық-зомбылықтан 7 бала қайтыс болды

Фото: Жарас Сейіткәрімнің жеке қорынан<a href="https://kyzylorda-news.kz/">Kyzylorda-news.kz.</a>&nbsp;Өткен жылы екі қазақстандықтың Оңтүстік-Шығыс Азияда еңбек құлдығына түскені белгілі болдыШет тілін жетік меңгеріп, шекара асып, нәпақа тапқысы келетіндер аз емес. Бірақ солардың қаншасының асығы алшысынан түсіп жатыр?Былтыр екі қазақ жігіті шетелде еңбек етеміз деп, Мьянмада тұтқынның күйін кешті. Солардың бірі – 24 жастағы Жарас Сейіткәрім. Ол <a href="https://ru.sputnik.kz/">Sputnik Қазақстан</a> тілшісіне сұхбат беріп, құлдықта басынан кешкен қиындықтарын, қалай қамаудан қашып шығып, елге оралғанын айтып берді.Жарас Сейіткәрім қытай тілін Кытайдың Нанкин каласында жоғары білім алып жүргенде үйренген. Қазақстанға оралып, кәсібін ашып, ата-анасына қолғанат болған жігіт Дубайға аттанады. Мақсаты – табыс табу. Сол жерде Исламбек атты жерлесімен танысады.<blockquote>Исламбек екеуіміз жұмысты әлеуметтік желі арқылы таптық. Сөйтіп таныс қытайлықпен сөйлесеміз. Ол бізге жақсы бір ұсыныс барын айтып, "аудармашы боласыңдар, жалақы 2500 доллардан жоғары болады. Егер жақсы аударсаңдар одан да көп аласыңдар. Дубайда ақша жоқ, Таиландқа келіңдер. Жол-пұл, жатын орындарыңның бәрін төлеп береді" деп шақырды. Сөйтіп біз келісіп, төлқұжатымызды бердік. Telegram арқылы бастығымен сөйлестік. Бірақ артық ауыз сөз, ақпарат ешнәрсе айтпады, - дейді Жарас Сейіткәрім.</blockquote>Таиландтық басшы жігіттерге жатын орындарының фотосын жіберіп, таныстырады. Билет алынады, жігіттер жолға шығады.<h3 style="margin-left:0px;">Күмәнді жолсеріктер немесе қашу туралы алғашқы жоспар</h3>"Бізге Таиландтағы Мае-Сот деген қалаға барасыңдар деп айтты. Әуежайдан өткен соң екеуімізді бөтен адамдар күтіп алды. Содан қонақ үйге бардық. Ары қарай басқа адамдар алып кетті. Бәрі дайын. 2-3 ай жұмыс істеп елге қайтамыз, қарыздарымызды жабамыз деп дәмеленіп жүрміз. Ал қонақ үйден бізді алып кеткендер өте күмәнді көрінді. Көліктеріне отырғызып алып, тым асығыс жүріп кетті. Жолай негізгі трассадан тау арасына кіріп кеттік. Дала қап-қараңғы. Өздері мүлдем тіл білмейді, білсе де үндемейді. Киімдері қара түсті, арнайы форма. Бізбен бірге екі пәкістандық болды”, - дейді жас жігіт.Көңіліне күдік ұялаған жігіттер жолай қашудың жоспарын құра бастаған. Әр бұтаны, әр бұрылысты жіті қарап отырған. Бірақ бойдағы үрей мидағы ақпараттың бірін де қалдырмай ұмыттырып тастайды."Аудармашы болып бара жатқан бізді неге сонша арнайы киіммен, тым асығыс, елсіз жерге әкетіп барады деп ойладық. Қараңғыда тіпті көліктерінің жарығын да өшіріп тастады. Жол-жөнекей 10 шақты посттан өттік. Барлық жерде не ақша, не темекі сияқты заттарды беріп, өтіп кетіп отырдық. Ол бекетте тұрғандар да еш таңғалып тұрған жоқ. Бізге бір қарайды да, өз келіссөздерін жүргізе берді. Дәл осылай келе жатқан тек біз емес, бұған дейін де талай адамдар осы посттардан өткенін аңғардық. Қалыпты жағдай олар үшін. Әр бекетте әртүрлі ту болды. Сосын жолда үш полиция пункті болды, олармен де сөйлесіп өтіп кеттік", - дейді Жарас.<h3 style="margin-left:0px;">Еңбек құлдығына түскен қазақстандықтар немен айналысты</h3>Күмәнді жолсеріктер 4 шетелдікті алып, қайыққа отырады. Ақыры қақпасы бар бір ғимаратқа келіп тоқтайды. Қару асынған бірнеше адам қарсы алады. Бұл кезде Жарас пен Исламбек тықырдың шындап таянғанын сезеді. Десе де, еңсені түсірмей, істің ақырын сабырлықпен күтеді.Шетелдіктерді қару асынғандар кампусқа орналастырады. Мұнда жүргендердің қарасы қалың.<blockquote>“Мектепте әскери оқу сабағында болмаса, қаруды көргеніміз осы. Ғимаратқа кіргенде бізге көрсетілген бөлме емес екенін көріп, бірден шикілік барын сездік. Жұмыс орнының басшысы бізге “бір жыл жұмыс істейсіңдер, ақшаларың төленеді” деді. Бір сөзбен айтқанда, біз оңбай алдандық. Бізден бұрын барып, 6-7 ай жұмыс істеген бір адам болды. Ол қытай тілін жақсы біледі. Ол бізге аудармашы деген вакансия жоқ деді. Тіпті аудармашымыз десек, өзімізді келемеж етеді”, - дейді ол.</blockquote>Жарастың айтуынша, мұнда жұмыс істеп жүргендер алданып келіп, балтасы тасқа тиген шетелдіктер.Сөздің қысқасы, қытайша жақсы білетін шетелдіктерді алдап шақырып, компьютердің алдында отырғызып, елді алдауға үйрете бастаған. Бір апта қарсыласып баққан қазақстандық екі жігіт ақыры біртіндеп оның не жұмыс екенін зерттей бастайды."Аккаунт ашып, Еуропа азаматтарымен танысып, қыз болып Америкадағы жігіттерді алдап, өзіңе қаратуың керек. Сосын соларды "мынадай платформа бар, соның арқасында үй сатып алдым, ақша таптым" деп арбайсың. Бірінші салған ақшасынан тапқан пайдасын шешіп ала алады. Оны көрген адам тағы ақша салады. Негізі америкалықтар 2015 жылдан бері дәл осы платформаға алданып келеді. Бұл туралы мақалалар да, ақпараттар да көп. Бірақ америкалықтар әлі күнге миллиардтап алданып жатыр”, - дейді Жарас.Алданып келіп жұмыс істеп жатқан шетелдіктердің арасында мұны нағыз сәттілік деп есептейтіндер де болған. Шарт бойынша кемінде бұл платформа арқылы айына 5000 доллар түсіріп тұруың керек. Әйтпесе елге қайту оңайға соқпайды. Қысқасы, жолыңа төленген ақшаң, жатын орын, ішкен асыңның ақысын төлемей кампустан шығу мүмкін емес. Қуантарлық жайт, жұмыс беруші жігіттердің ұялы телефондарын алып қоймаған. Тұтқындағы екі жігіт консулдыққа хабарласып, қалай әрекет ету керегін біле бастайды. Ақыры олар жұмыс беруші қытайлыққа келіп, елге кететінін айтады. Алайда ол басқа компанияға ауыстырамыз, сол жерден елдеріңе қайту оңай болады деп көндіре бастайды."Естуімізше мұндай жасырын басқа компанияларда адамды қинап ұстап, ұрып соғу, қамауда ұстау, күш қолдану сияқтылар жиі болып тұрады. Ал біздің жұмыс беруші "сендерді ешкім ұрып жатқан жоқ, тек жұмыс істеңдер" деп көндірумен болды. Бірақ жұртты алдап, ақша тапқаннан түбегейлі бас тарттық", - дейді жігіт.<h3 style="margin-left:0px;">Қамаудан қашуға кім көмектесті</h3>Екі жігіт жұмыс істеуге қарсылық білдіріп, түбегейлі бас тартады. Жұмыс берушімен сөйлесіп, ақыры елге қайтарамыз деген уәде алады. Алайда қазақстандықтарды алдап, қамап қояды. Күніне бір уақыт дәмсіз тамақ беріліп, суық жерде жатады. Ұялы телефоннан да айырылады. Тіл білгеннің арқасында екеуі екі камерада жатып, сол жердің күзетшісімен тіл табысады."Бізге сол жерде жергілікті мьянмалық әскери көмектесті. Ол бізді күзететін еді. Өзі мұсылман екен. Жарамды тамақ тасып, бізге қарайласа бастады.Тамаққа ақшаны өз қалтасынан шығаратын. Тіпті ұялы телефонын беріп, сол арқылы біз Қазақстандағы дос, туыстарымызға жазып тұрдық. Мьянмалық азамат телефонын бергенін басқалар білсе, өлім жазасына кесілетінін айтты. Барлық күзетшілердің телефондары тексерілді. Бізге көмектесіп жүрген адам үшін қатты уайымдадық", - дейді ол.Абырой болғанда жігіттердің жазған хабарламасын мьянмалық жанашыр дер кезінде өшіріп, басы бәледен аман қалады. Қазақстандықтар Мьянмада 22 күн қамауда жатады.Алладан алақан жайып, жанына сауға сұраған сәттер басталады. Тілектері қабыл болып, ақыры қашудың орайы келеді."Камера есігі ашылған сәтті ешқашан ұмытпаймын. Исламбекті көргендегі қуанышымды аузыммен айтып жеткізгісіз. Бір-бірімізді құшақтап, мауқымызды бастық", - дейді Жарас.Қазақстандықтарға қамаудан босауға жергілікті әскери жігіт көмектескен."Ол бізді кампустан шығарды. Сыртқа шығарып, көлікке отырғызып жіберді. "Ақ жол, абайлап жүріңдер" деп хош айтты. Бізді көлікпен Мае-Сот деген қалаға алып келді. Үсті-басымыз адам көргісіз, ласпыз. Кампустан шыққанда алған сөмкемізді қарасақ, Исламбектің картасы бар екен. Сауда үйіне кіріп, телефон сататын жерден әлеуметтік желіні пайдалануға көмек сұрадық. Ол жерде полицияға жүгіну немесе елден көмек сұрау мүмкін емес. Тыныш жүріңдер деп бізге консул айтқан еді. Телефон сатып алдық. Ол жерден шыққанда Қазақстан елшілігі біздің елге қайтуымызға көмектесті", - дейді Мьянмада тұтқында болған жігіт.<h3 style="margin-left:0px;">Тұтқында отырғанда түйген ой</h3>"Адам өмірінде ақша ешқашан маңызды рөл ойнамайды. Ақша табамын деп осынша жанталасу керек пе еді деген ой туды. Туған-туыстың қадіріне жеттік. Өз жеріңде, туыстарың мен достарыңның арасында жақсы қарым-қатынаспен жүргенге ешнәрсе жетпейді екен. Медальдің екі жағы бар, сол сияқты тіл білудің де зияны барын ойланып көрмеппіз. Міндетті түрде шетелге бару керек пе еді, қанша тапшылық болса да, осындай тәуекелге бару қажет пе еді деген ойлар көп болды”, - дейді Жарас Сейткәрім.Еске салсақ, былтыр қаңтарда сыртқы істер министрлігі екі қазақстандықтың Оңтүстік-Шығыс Азияда (Таиланд, Мьянма және Лаос шекарасы) еңбек құлдығына түскенін <a href="https://sputnik.kz/20230123/shetelde-enbek-quldygyna-tusken-eki-qazaqstandyq-31359762.html">хабарлады.</a>Олар Таиландтағы елшілікпен байланысқа шығып, содан кейін тұтқыннан қашып шыққан. Қазақстандықтарға белгілі бір сомаға шекараны кесіп өтуге жергілікті тұрғын көмектескен.Министрліктің хабарлауынша, алдын ала сөз байласқан халықаралық қылмыстық топтар көбіне үшінші тарап және әлеуметтік желілер, мессенджерлер арқылы Қазақстан азаматтарын Таиландтағы компанияларға жұмысқа шақырады. Таиландқа келген соң, түрлі сылтау айтып, азаматтарды алаяқтық жолмен Мьянмаға жеткізеді. Сөйтіп ол жерде олар еңбек құлдығына түседі.Айдана Дайырова

Мьянмада құлдықта болған қазақстандықтың оқиғасы

Фото: ТЖМ<a href="https://kyzylorda-news.kz/">Kyzylorda-news.kz.</a> Жұмысшылар мінген автобус құлап кеткен "Майқайыңалтын" АҚ аумағында іздестіру-құтқару жұмыстары тоқтатылды, деп хабарлады облыстық төтенше жағдайлар депаратменті.<blockquote>"GRP-RIDDER-GROUP" ЖШС жүргізген зерттеу қорытындыларына сәйкес, опырылған аймақта топырақ құрылымы өзгеріп, тығыздық әлсірегені анықталды. Жүргізілетін жұмыстардың орнына да, астында да қуыстар бар. Құлау қаупі өте жоғары, - делінген департамент хабарламасында.</blockquote>Осы учаскеде қандай да бір тау-кен, іздестіру-құтқару жұмыстарын жүргізу құтқарушыларға үлкен қауіп тудырады.Апатты жою басшысының орынбасары – кәсіби әскерилендірілген авариялық-құтқару қызметінің Павлодар филиалы директорының орынбасары Еран Жарқымбеков құтқарушылар мен экскаватор машинистерінің өміріне қауіп төнгендіктен жұмыстарды тоқтата тұру туралы шешім қабылдады."Майқайың алтын" АҚ басшылығы және кәсіби әскерилендірілген авариялық-құтқару қызметтерінің республикалық орталық штабының филиалы жүргізіліп жатқан іздестіру-құтқару жұмыстарын жалғастыру немесе толық тоқтата тұру туралы қорытындыға қол жеткізу үшін өнеркәсіптік қауіпсіздік, тау-кен, геологиялық жұмыстар саласындағы сарапшыларды тартуға уәде береді. Қазіргі уақытта Павлодар облысы ТЖД барлық күштері мен құралдары жұмыс жүргізіліп жатқан жерде.Еске салайық, Майқайың кеніші шахтасының маңында төрт жолаушысы бар автобус тазарту кеңістігіне құлап кеткен. Апат кезінде онда төрт адам болған. Дәл сол күні екеуінің денесі табылды. Майқайың шұңқырына құлаған тағы екі адам әлі табылған жоқ.

Майқайың шұңқырына құлаған екі адам табылмады: Іздестіру тоқтатылды

<a href="https://kyzylorda-news.kz/">Kyzylorda-news.kz.</a>&nbsp; Өңірімізде медицина саласы қарқынды дамып келеді. Бұрын жасалуы мүмкін болмаған небір күрделі операциялардың арқасында дәрігерлер талай науқастың өмірін сақтап қалып жүр. Салада жаңа технологияны игеріп,біліммен сусындап, тынымсыз қызмет атқарып келе жатқан білікті дәрігерлер де баршылық.Мәселен, сондай ақ халатты абзал жанның бірі - Қызылорда облыстық балалар ауруханасының Лор дәрігері Дадашев Данияр Мухиддинұлы. Даниярдың қабылдауына күніне ондаған адам келеді. Әрқайсысының сан түрлі сұрағы бар. Оның шешімін тауып, шипасын дарыту оңай емес екені белгілі. Уақыт тапшылығына орай, Данияр дәрігердің бізбен бетпе-бет сұхбаттасуға қолы бос болмады. Сол себепті онлайн байланыс арқылы сұрақтарымызға жауап алдық. -Данияр Мухиддинұлы сіздің өсіп-өнген, туған жеріңіз туралы айтып өтсеңіз. -Мен 1994 жылы 30 желтоқсанда рухани астанамыз Түркістан облысында дүниеге келдім. Тарихқа тұнған киелі жерде өсіп-өндім. Н. Некрасов атындағы №9 мектеп-гимназиясының орыс сыныбында білім алып, Ақтөбе қаласындағы Марат Оспанов &nbsp;атындағы Батыс Қазақстан медицина университетіне оқуға түстім. Бакалаврды 5 жыл оқып, 2 жыл интернатура-хирургияда оқыдым. 3 жыл оторалинология-резиндентурасынан өттім.<img src="https://knadmin.beoblood.kz/uploads/81b3a707_bcc5_4ccb_a826_a6c437e988b5_3e6e096cd5.jpg" alt="81b3a707-bcc5-4ccb-a826-a6c437e988b5.jpg"> -Осы салада неше жыл жұмыс істедіңіз? -Индернатурада жүріп, 1 жыл жедел-жәрдем станциясында жұмыс істедім. &nbsp;Одан кейін Ақтөбе қаласындағы балалар ауруханасында Лор дәрігері болдым. Ал қазір Қызылорда облыстық балалар ауруханасында Лор дәрігерімін. Жалпы медициналық еңбек өтілім – 6 жылға жуық. -Әулетіңіздің &nbsp;бұл саладағы еңбек өтілі неше жылды құрайды? -Бұл саладағы әулетіміздің еңбек өтілі – 60 жылға жуықтап қалды. Әулетімізде барлығы десем артық болсам, дәрігерлік жолды таңдадық. Мәселен, Ташкентте көкем мен тәтем бар. Көкем Ташкент медициналық академиясының профессоры, кардиоревматолог. Академияның кардиоревматология бөлімінің меңгерушісі. Тәтем эндокринолог. Өзімнің анам - &nbsp;Түркістан жоғары медициналық колледжінде жұмыс істейді, ағам –балалар неврологы, жеңгем – акушер-гинеколог, інім – анестизиолог-реаниматолог, келінім - стамотолог, келіншегім- терапевт. -Тамаша!Отбасыңызда білімді, жинақталған тәжірибені, шеберлік құпияларды ұрпақтан-ұрпаққа беру ғана емес, сонымен қатар балалардың ата-аналардың ізімен жүруге шешім қабылдайтындай ерекше атмосфера бар деңіз. -Рақмет, дұрыс айтасыз.<img src="https://knadmin.beoblood.kz/uploads/3ca26ae1_9fb1_440f_80fb_b1dc24120b43_3041b55321.jpg" alt="3ca26ae1-9fb1-440f-80fb-b1dc24120b43.jpg"> -Күнделікті жұмыс барысының қыр-сырын ашып айтсаңыз. Дәрігер болу ауыр ма? Осы мамандыққа өз қалауыңызбен келдіңіз бе? -Әрине, дәрігер болу оңай емес. Бұл үлкен жауапкершілік. Бізде бос уақыт деген болмайды. Ауыр жағдайдағы, жалпы пациенттер кез-келген кезде, күн демей, түн демей дайын отырамыз. Қаладан тысқары шықпаймыз. Яғни, 24/7 жұмыстамыз. Бұл салаға келмес бұрын мен өзімді дамытудың бірнеше кезеңдерінен өттім. Лор боламын деп бірден шешкен жоқпын. Жалпы тамақ, мұрын аурулары адамның жанына батады әрі үлкен зардап әкеледі. Көбінесе басқа органдардың аурулары, жүйелік Лор патологиялары арқылы көрінеді. Егер адам баласына өмір сапасын жақсартуға тез көмектесу мүмкіндігі болса, сіз мұны жасай алсаңыз, бұл үлкен бақыт, қуаныш. Ал, күнделікті шаршау, қиын операциялар, басқа да ауыртпалықтар адамға қуаныш сыйлағанда ұмыт болады. Біздің басты байлығымыз – ел алғысына бөлену. -Өмірлік ұстанымыңыз қандай? -Менің ойымша, біз әрқашан жақсы іс жасауға дайын болуымыз керек. Ең бастысы адамның бойында адамгершілік пен адалдық болуы тиіс. Сонда ғана бұл өмірде жақсылық, қуаныш көбейеді. -Бірлік, береке, ынтымақтың негізі неде деп ойлайсыз? -Халық даналығы «Бірлік – әл-ауқаттың кепілі» дейді. Сондықтан тек игі және жауапты істер жасау әрбірімізге маңызды. Ең бастысы адами құндылықты жоғалтпайық. &nbsp;Ынтымақта, татулықта өмір сүрейік. Сол кезде алынбайтын қамал болмайды деп ойлаймын. P.S. Осы әулеттің жеті медицина қызметкері еліміздің денсаулық саласына 60 жылдай өз үлесін қосып келеді. Адамның өмір сүруі үшін таза ауаның болғаны маңызды. Ал оны жұту үшін тыныс алу жолдары дұрыс жұмыс істеуі керек. Осыдан-ақ Даниярдай дәрігерлердің мойнына артылатын жүк пен жауапкершіліктің салмағын бағамдауға болатындай. Қастерлі мамандықтың қадірін ұғынған абзал жандар көп болсын! &nbsp; Сұхбаттасқан: Әсел Абзалқызы, «Қоғамдық келісім» КММ баспасөз хатшысы,

Данияр Дадашев: Әулетімізде барлығы дәрігер 

<a href="https://kyzylorda-news.kz/">Kyzylorda-news.kz.</a>&nbsp; ҚР Халық әртісі Мақпал Жүнісова өнердегі әріптесі Нағима Есқалиеваға ренжіді. Бұл туралы Stan.kz ақпарат агенттігі хабарлайды.Нағима Есқалиева 70 жас мерейтойын атап өтіп, өнердегі әріптестерінің басын қосты.<blockquote>“Қазақ эстрадасында ортажастағы қыз-келіншектердің арасынан үш-ақ әйел “Халық әртісін” алдық. Бірі – Нағима, екіншісі – Мақпал, үшіншісі – мен”, – деді Роза Рымбаева.</blockquote><blockquote>Оны естіп тұрған туған күн иесі: “Мақпал “Халық әртісі” емес”, – деді.</blockquote>Өз кезегінде Мақпал Жүнісова да үнсіз қалмады. Жеке парақшасына жазба жариялап, әріптес-әпкесіне ренішін жеткізді. &nbsp;<blockquote>“Нағима әпше, ішіңіз күйсе тұз жалап жіберіңіз, мен өз еліме құрметтімін. Мен апамды жақсы білемін. Менен жасы үлкен ғой деп көрген жерде сәлем беремін. Маған Нағимадай әнші болу арман болған жоқ. Талай жерде “Сен “халық әртісін” менен ерте алып қойдың” деп айта береді. Ол үшін халықтың алдына көбірек шығып, қазақ әніне еңбек етсін! Менімен қалжыңдайтын менің досым емес, құрбым емес. Әуелі Зәкең өмірден озғанда да бір жылдан соң концертте көңіл айтқан. Жақсы көрсе мерейтойына шақырмай ма?!”, – деп жазды өнер иесі.</blockquote>Желі қолданушылары Нағима Есқалиеваның сөзіне шамданып, түрлі пікір жазып жатыр. “Мақпалдай болу қайда саған?!, “Нағиманың бір әнін жатқа білмейміз”, “Біз бәрібір Мақпалды жақсы көреміз”, “Роза айтқан тілегіне өкініп қалған шығар”, – деп жазып жатыр тыңдарман қауым.&nbsp;Фото: stan.kz

"Ішің күйсе тұз жала": Мақпал Жүнісова әріптесі Нағима Есқалиеваға өкпеледі

<a href="https://kyzylorda-news.kz/">Kyzylorda-news.kz.</a>&nbsp; 28 қаңтарда сүндеттелген бала қайтыс болды деп хабарлайды Kyzylorda news ақпарат агенттігі Sputnik.kz сайтына сілтеме жасап.Бала солтүстік Қазақстан облысы Аққұдық ауылының тұрғыны. Алдын ала болжам бойынша бала анафилактикалық шок алуы мүмкін<blockquote>31 қаңтарда сағат 17:00 шамасында хирургқа қаралу үшін өз бетінше жүгінген. Науқас ішінің төмен жағы ауыратынына шағымданған. Баланың жағдайы ауыр болды, медициналық көмек толық көлемде көрсетіліп, жансақтау бөліміне жатқызылды, - дейді ведомство.</blockquote>Алайда бала сол күні бір жарым сағаттан соң қайтыс болған.Фото: Нұрболат Нұржаубай

Сүндетке отырғызылған бала қайтыс болды

<a href="https://kyzylorda-news.kz/">Kyzylorda-news.kz.</a>&nbsp; Қаржы сарапшылары Мақсат Халық пен Айбар Олжай елдегі кедейшілік факторларына тоқталып, арнайы бағдарламалар қабылдануы керек екенін айтты, деп хабарлайды<a href="https://zhasalash.kz/news/kazakstan-kedey-el-oni-moyindau-kerek-sarapshilar-67c433/?fbclid=IwAR3BfWiksf5Oq2DxMf850h8JiIF0ikKW_EuRDT-alcSD-xSHfgQUDBa-1Kk"> Zhasalash.kz.</a>Экономист Мақсат Халық елімізде кедейшілік факторлары жиі байқалатынын айтты.<blockquote>“Халық тапқанын азық-түлік сатып алуға ғана жұмсап отыр. Басқа тауарларды сатып алуға қол жеткізе алмайды. Неге? Себебі, біздің халық кедей. Біз кедей мемлекет екенімізді ашық мойындауымыз керек. Кедей екенімізді Үкімет мойындап отырған жоқ”, – дейді ол.</blockquote>Ал Айбар Олжай болса, кедей ел екенімізді ресми жариялап, онымен күресу үшін арнайы бағдарлама қабылдану керек екенін баса айтты.<blockquote>“Макростатистикаға қарасақ, бәрі тамаша. Кедейшілік проблемасы бар деген күннің өзінде “кедейшілікке қарсы күрес” сияқты бағдарлама қабылдануы керек. Персоналды бағдарлама болса да. Мысалы, бір кедейді бағдарламаға енгізіп, “сен төрт жыл ішінде кедей болмау керексің” деген жүйемен оны жұмыспен қамтып, салықтан босатып, несиесін төлеуге жәрдемдесіп, кедейшіліктен құтылудың амалын қарастыру керек”, – деп есептейді ол. &nbsp;</blockquote>Фото: Нұрболат Нұржаубай

"Қазақстан кедей ел, оны мойындау керек" – сарапшылар

<a href="https://kyzylorda-news.kz/">Kyzylorda-news.kz.</a>&nbsp;«Масс-медиа туралы» заң жобасынан «баспасөз картасы» туралы бап алынды деп хабарлайды Kyzylorda news ақпарат агенттігі.Бұл туралы депутат Нартай Аралбайұлы хабарлады.Мәжіліс қарауындағы «Масс-медиа туралы» заң жобасында «Журналистер Ақпарат министрлігінен «баспасөз картасын» алуға тиіс» деп көрсетілген. Осы бап қоғам наразылығын тудырған еді.Мәжілісте «Масс-медиа туралы» заң жобасы қаралып жатыр. Сол жұмыс топтың мүшесімін. Осы заң жобасындағы «баспасөз картасы» журналистердің қытығына тиген еді. Оны беретін ұйымдардың санаулы болуы, журналистерге қойылатын талаптардың да ақылға сыймайтыны туралы жиі айтылды. Әріптестерім осы мәселені көп көтерді. Мінеки, нәтиже шықты. Енді «баспасөз картасы» деген түсінік заңда болмайды, — депутат.Фото: Нұрболат Нұржаубай

Қазақстан және Қызылорда облысының жаңалықтары