<h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Мемлекет басшысының Жарлығымен Айбек Арқабайұлы Дәдебаев Қазақстан Республикасы Президенті Әкімшілігінің Басшысы болып тағайындалды, ол бұрынғы атқарған лауазымынан босатылды, деп хабарлайды Ақорда.</h4>

Президенті Әкімшілігінің Басшысы тағайындалды

<h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Қара бетперде киген жігіт қайырымдылықпен айналысып, көп отбасының үйлі болуына көмектескен еді. Оны желі қолданушылары "Димаш Құдайберген" деп ойлайды, деп хабарлайды Bugin.kz порталы.</h4>Желі қолданушысы бетперде киген жігіттің кім екенін айтты.&nbsp; Видеоны <a href="https://t.me/buginkz_kz/5280">мына сілтемеден</a> көре аласыз.&nbsp;<blockquote> "Бетперде киген адам 26 жастағы Оралдық жігіт. Оны көбісі "Димаш Құдайберген" деп жүр. Бірақ ол қарапайым адам. Оның бар мақсаты адамдардың өмірін жақсарту. Ол мұқтаж жандарға көмектеседі. Ол жігіт өзінің жүзін де, есімін де жасырады. Халыққа көмекті&nbsp;атақ, даңқ үшін жасамайды. Ол қара бетперде, қара көзілдірік киіп алған",- дейді видео иесі.&nbsp;</blockquote>Фото: Видео скрині

“Димаш Құдайберген”: Қайырымдылықпен айналысатын бетперде киген жігіт кім? 

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz.</a> Басылымның хабарлауынша, бюджет қаражатын жымқыру фактісі бойынша Ақтөбедегі №55 мектебінің бас бухгалтері ұсталған. Қылмысын ол 2015-2023 жылдар аралығында жасап, жалпы шығын 413 миллион теңгені құраған. Жымқыру кезінде директордың электронды санды қолтаңбасы қолданылған. Ақыры, қылмысы ашылып, қаржыгер ұсталды.</h4>Сотта істің таңғаларлық егжей-тегжейі айтылған. Мемлекет ақшасын ұрласа да бухгалтер байымай, букмекерлерге ставка жасап, бәрінен айырылған. Сотта оның жылдар бойы құмар ойынға тәуелді болғаны анықталды. Адвокаты жұмысқа орналасқанға дейін сотталушы құмар ойындардан зардап шегіп, несиеге батқанын айтқан.Адвокаты сотталушының антикормен ынтымақтасқанын және соның арқасында басқа адамдарға қатысты құқықбұзушылықтарды анықтауға қол жеткізілгенін ескеру қажет екенін атап өтті.<a href="https://diapazon.kz/">diapazonnews</a> басылымының &nbsp;хабарлауынша, сот жарыссөзінде адвокат сотталушы психиатриялық аурумен (лудомания) ауырады деп мәлімдеді. Бухгалтер ұрлық жасағанын мойындады, бірақ айыптау бабын қайта қарауды сұрап отыр. Сот әлі аяқталған жоқ.Фото: Нұрболат Нұржаубай

Тағы бір бухгалтер  400 млн-ды құмар ойынға салып жіберген

<h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Батыс Қазақстан облысында педагогтарға 250 млн астам теңге үстемеақы төленбеген, - деп хабарлайды <a href="https://todayinfo.kz/bqo-da-pedagogtargha-250-mln-tenggeden-astam-uestemeaqy-toelenbegen/">todayinfo.kz</a></h4>ҚР Сыбайлас жемқорлыққа қарсы іс-қимыл агенттігі БҚО бойынша департаментінің баспасөз қызметінен мәлім еткеніндей, мониторинг барысында Сырым ауданының педагогтарына 259 млн тенге көлемінде үстемеақы төлемеу фактілері анықталды.<blockquote>«Азаматтық қызметшілерге мемлекеттік бюджет қаражаты есебінен ұсталатын ұйымдардың және қазыналық кәсіпорындардың қызметкерлеріне еңбекақы төлеу жүйесіне сәйкес осы тұлғаларға ерекше еңбек жағдайлары үшін лауазымдық жалақының 10 пайызы мөлшерінде үстемеақы белгілеу қажет. Алайда Сырым ауданының білім бөлімі 2020-2023 жылдар кезеңінде 26 білім беру ұйымының 1 195 қызметкеріне ерекше еңбек жағдайлары үшін лауазымдық жалақының 10 пайызы мөлшерінде жалпы сомасы 259 млн теңге көлемінде үстемеақыны төлемеген. Департаменттің араласуымен Сырым ауданының білім бөлімі тарифтік тізімге өзгерістер енгізіп, жалақыны қайта есептеді, кінәлі тұлғалар тәртіптік жауапкершілікке тартылды» деп хабарлады ведомстводан.</blockquote>Еске сала кетейік, бұдан бұрын жемқорлық туралы хабарлаған БҚО-ның 4 тұрғыны 5 млн теңге сыйақы алған еді.Фото: Нұрболат Нұржаубай

Педагогтарға 250 млн теңгеден астам үстемеақы төленбеген

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz.</a> Мемлекет басшысының Жарлығымен отставкаға кеткен атқарушы биліктің жұмысында қандай олқылықтар болды? Жаңа Премьер-Министр кім болуы мүмкін? Осы және өзге де сұрақтардың жауабын саясаттанушы Қайрат Айтбайдан білдік, деп хабарлайды<a href="https://inbusiness.kz/kz/news/kabinetten-shykpajtyn-ukimet-sarapshy-otstavkaga-ketken-ukimettin-zhumysyna-baga-berdi"> inbusiness.kz сайты.</a></h4><blockquote>"Бұл бұрыннан шешімін күтіп тұрған жағдай деп ойлаймын. Бәлкім, шамалы кешігіреңкіреп келген шешім болған шығар. Себебі жылдың соңында осындай шешімді тек қана саясаткерлер, заңгерлер ғана емес, жалпы саясатқа қатысы жоқ қарапайым халық та күткен еді. Неге десеңіз, өздеріңізге белгілі құбырлардың ескіргені, жылу электр орталықтарының жұмыс істемей қалғаны, еккен егіннің сол жерде қалып қалғаны, ол аз болғандай салықты көбейтеміз дегені халықтың қатты мазасын алғаны рас. Салықтың бәрі халыққа келіп түседі ғой. Кез келген экономикалық-әлеуметтік мәселені тек қана салықты көтерумен шешу деген үлкен қателік. Бұл халықтың наразылығын тудырып отыр. Мұндай шешім қабылдайтын кезде елдің мұң-мұқтажын тыңдаса, депутаттармен ақылдасса, бір дұрыс шешім болатын еді ғой", - деді спикер.</blockquote>Сарапшы Үкіметтің отставкаға кеткенін қолдайтынын жеткізді. Оның айтуынша, жаңадан келетін Үкімет басшысы әкім болған, министрлікте істеген, ел арасында жүрген азамат болуы тиіс. Сонымен қатар үміткер нарықты да түсіне алып, әлеуметтік мәселелерге көп көңіл бөле алуы керек.Саясаттанушы бұрынғы атқарушы билік несімен есте қалғанын айтты.<blockquote>"Бір-ақ сөзбен айтатын болсам, не Үкімет басшысы кабинеттен шықпайды, не министрліктер кабинеттен шықпайды. Сосын сылдыр сөздері көп. Оларға журналистер сұрақ қойса, "иә" не "жоқ" деген жауаптың орнына бір дұрыстап жауап бермейді ғой. Оны тыңдап отырған адам да, сұрақ қоюшы да шаршайды. Тұрғын үй-құрылыс саласында үлкен қателіктер кетті деп ойлаймын. Халыққа жұмыс, жалақы, зейнетақы керек. Үйлерінде су болмай тұрса, су кетпесе, бұл халыққа тиеді. Екіншіден, салықты қайта-қайта көтере берген. Сол жағынан үлкен дағдарыс алды деп ойлаймын. Жалпы сұрақ көп", - деп жалғастырды ол.</blockquote>Сондай-ақ Қайрат Айтбай бұрынғы Үкіметтің жұмысына баға берді.<blockquote>"Бес балдық шкаламен алатын болсақ, 3-ке әрең жетер еді ғой. Ел тыныштығының сақталуына ғана рөл атқарды", - деп қысқа қайырды сарапшы.</blockquote>Спикер "Әкімдердің деңгейінде отставка күтіле ме?" деген сауалға да тоқталды.<blockquote>"Меніңше, күтіледі. Жаңа Қазақстан деп жатырмыз ғой, көшке ілесе алатындары бар, алмайтындары бар. Білімді, елдің алдында абыройлы, жағдайды білетін әкімдер де бар. Ал ел танымайтын министрлер мен әкімдерге келсек, кадрлық саясат болу керек деп ойлаймын. Премьер-Министрдің орнына кім келетінін білмеймін. Бірақ енді халықтың алдында жүрген Бозымбаев, Ноғаев сияқтылар ғой. Қазақшасы да бар, орысшасы да бар, елдің жағдайын білетін, министр де болған азаматтар да бар ғой. Жалпы болжам жасау деген қиын дүние", - деді спикер.</blockquote>Саясаттанушы жаңа Премьер-Министрдің жұмысының дені аймақта өту керек деп есептейтінін жеткізді.<blockquote>"Кабинетте апталап отырып не істейді? Бір күн Президентте болады, бір күн Үкіметте болады, қалған уақыттың бәрі өңірлерде өтпей ме? Бір аптаны экологияға жіберіп, бір аптаны тұрғын үй-құрылыс саласына арнап, келесі апталарда ЖЭО-ларды қадағалапп дегендей, бүкіл аймақты аяғымен аралап, өз көзімен көрсе ғана мәселе сонда ғана шешіледі. Біздің Үкіметтегі ең үлкен қиындық – шешімді ешкім қабылдамауында. Өткенде Президент "биліктің жартысын Үкіметке бердім" деп айтты. Үкіметте шешім қабылдауға мүмкіндік көп. Бірақ соны осы кеткен атқарушы билік түсінбеді ме, әлде қабылдамады ма белгісіз. Жаңа келетін Үкімет өз өкілеттігін дұрыс пайдаланып, шешім қабылдай білуі керек", - деді Қайрат Айтбай.</blockquote>Айта кету керек, осыған дейін Қазақстан Үкіметі отставкаға кеткенін, Премьер-Министрдің міндеттерін уақытша атқару Роман Склярға жүктелгенін жазған болатынбыз. Бұдан бөлек Сенат төрағасы атқарушы биліктің жұмысына қатысты пікір білдірген еді.Фото: Нұрболат Нұржаубай

"Кабинеттен шықпайтын": Сарапшы отставкаға кеткен Үкіметтің жұмысына баға берді

<h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Мемлекет басшысының Жарлығымен Мұрат Әбуғалиұлы Нұртілеу Қазақстан Республикасы Премьер-министрінің орынбасары – Сыртқы істер министрі болып тағайындалды. Ол Қазақстан Республикасы Президенті Әкімшілігінің Басшысы лауазымынан босатылды, деп хабарлайды Ақорданың баспасөз қызметі.</h4>Мұрат Нұртілеу 1976&nbsp;жылы Алматы қаласында туған.1998 жылы әл-Фараби атындағы Қазақ ұлттық университетінің Халықаралық қатынастар факультетін тәмамдаған.1998-1999 жылдары – Қазақстан Республикасының Сыртқы істер министрлігі Мемлекеттік протокол қызметінің референті, атташесі.1999-2003 жылдары – Қазақстан Республикасының Малайзиядағы атташесі.2003-2004 жылдары – Қазақстан Республикасының Сыртқы істер министрлігі Азия және Африка департаментінің екінші хатшысы.2004-2006 жылдары – Қазақстан Республикасы Сыртқы істер министрінің кеңесшісі.2007 жылы – Қазақстан Республикасы Сыртқы істер министрі хатшылығының басшысы.2007 жылы – Қазақстан Республикасының Парламенті Сенатының Аппараты басшысының орынбасары.2007-2011 жылдары – Қазақстан Республикасы Парламентінің Сенаты Аппаратының басшысы.2011 жылы – Қазақстан Республикасы&nbsp;Сыртқы істер министрлігінің Ерекше тапсырмалар жөніндегі елшісі.2011 жылы – Қазақстан Республикасының Сыртқы істер министрлігі Азия және Африка департаментінің директоры.2011-2014 жылдары – Қазақстан Республикасының Женевадағы (Швейцария Конфедерациясы) тұрақты өкілдігінде кеңесші-уәкіл.2014-2016 жылдары – Қазақстан Республикасының Президенті Әкімшілігінің Сыртқы саясат орталығы меңгерушісінің орынбасары.2016-2019 жылдары – Қазақстан Республикасының Финляндия Республикасындағы Төтенше және өкілетті елшісі, Қазақстан Республикасының Эстониядағы Төтенше және өкілетті елшісі қызметін қоса атқарушы.2019-2021 жылдары&nbsp;–&nbsp;Қазақстан Республикасы Президентінің көмекшісі.2021-2022 жылдары – Қазақстан Республикасы Президентінің Әкімшілігі&nbsp;Басшысының орынбасары.2022 жылғы қаңтар – Қазақстан Республикасы Ұлттық қауіпсіздік комитеті төрағасының бірінші орынбасары.2022 жылғы 1&nbsp;ақпанда&nbsp;Мемлекет басшысының Жарлығымен&nbsp;Қазақстан Республикасы Президенті&nbsp;Әкімшілігінің Басшысы болып тағайындалды.2023 жылғы 3 сәуірден бастап ҚР Премьер-Министрінің орынбасары – Сыртқы істер министрі болып тағайындалды.&nbsp;

Мұрат Нұртілеу лауазымын сақтап қалды  

&nbsp;<a href="https://kyzylorda-news.kz/">Kyzylorda-news.kz.</a>Президент Қасым-Жомарт Тоқаев мәжілістің пленарлық отырысында үкіметке жаңа тұлғалар тағайындалатынын ескертті. Бұл туралы<a href="https://stan.kz/tokaev-ukimette-zhana-adamdar-keletinin-malimdedi-394959/"> Stan.kz</a> ақпарат агенттігі хабарлайды.<blockquote>“Алдымызда ауқымды мақсат пен міндеттер тұр. Егер алдағы жылдары экономикамызды, экономика деңгейін арттырғымыз келсе жаңа бағыт, жаңа көзқарас керек. Сол себепті құрам өзгереді, жаңа адамдар тағайындалады”, – деді Тоқаев.</blockquote>Сонымен қатар ол үкімет батыл шешімдер қабылдай алуы керек екенін атап өтті.<blockquote>“Үкімет іске көшу керек, міндеттерді сөз жүзінде ғана емес, іс жүзінде орындау қажет”, – деді мемлекет басшысы.</blockquote>Сонымен қатар ол кеше үкімет жұмысы неліктен уақытша тоқтағанын түсіндіріп берді. Сөзінше, қоғам да осы өзгерісті күтіп отыр.&nbsp;Фото: Егемен.кз

Тоқаев үкіметке мүлде жаңа адамдар келетінін мәлімдеді

<h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Премьер-Министр Олжас Бектенов отандық өнімді қолдауға ерекше назар аударатынын айтты, деп хабарлайды Қазақпарат.</h4>Жаңадан тағайындалған Үкімет басшысы Президенттің жүктеген жоғары сенімін ақтауға бар күш-жігерін салатынын айтты.<blockquote>«Менің кандидатурамды қолдағандарыңыз үшін шынайы ризашылығымды білдіремін. Өздеріңіз білетіндей, Мемлекет басшысы еліміздің экономикасы мен әлеуметтік саласын дамытуда бірқатар ауқымды тапсырма берді. Аталған тапсырмалардың барлығы мүлтіксіз орындалады. Бұрын-соңды болмаған сын-қатерлер дәуірінде зор экономикалық серпіліс жасауымыз керек. Халықтың әл-ауқатын арттыру мақсатында Үкімет батыл әрі тиімді қадамдар жасайды»,&nbsp;— деді О. Бектенов Мәжілістің жалпы отырысында.&nbsp;</blockquote>Оның айтуынша, өңдеу саласын жедел дамытуға баса мән беріледі.<blockquote>«Мұнай-газ және көмір химиясы, металды терең өңдеу, мащина жасау, автобөлшектер шығару, яғни жоғары деңгейде өңделген өнім шығаратын салаларды барынша дамытамыз. Отандық өндірісімізді ынталандыруға бағытталған нақты шаралар қабылданады. Реттелетін сатып алу аясында Қазақстанда жасалған тауарлардың үлесін арттырып, ондықтық өндірушілерді қолдау мақсатында офтейк жүйесін толық іске қосамыз. Басты мақсат&nbsp;— басқа елдің емес, өзіміздің ұлттық бизнесімізді қолдау. Ауыл шаруашылығы саласының зор әлеуетін дұрыс пайдалану маңызды. Ет, сүт, астық өнімдерін терең өңдеуге назар аударамыз. Электр қуаты, жылу әрі сумен қамтамасыз ету бағытында белсенді жұмыс атқарамыз. Тиімсіз шығындарды қысқартып, үнімделген қаражат инфрақұрылымды жаңартуға бағытталады. Көлік-логистика саласын дамытып, еліміздің транзиттік әлеуетін арттыру&nbsp;— Үкімет жұмысындағы басымдықтардың бірі болатыны сөзсіз. Цифрландыру, жасанды интеллектің қолдану саласын кеңейту, есептеу қуаттарын ұлғайту, аса маңызды міндеттер. Мемлекет басшысы белгілеген заң мен тәртіп қағидатын жүзеге асыруға бағытталған шаралар қабылдаймыз. Басқа да&nbsp;халықтың көкейінде тұрған өзекті мәселелер үнемі Үкіметтің назарында болады. Үкімет халқымыздың игілігіне, еліміздің өркендеуіне қызмет етеді»,&nbsp;— деді Үкімет басшысы.</blockquote>Фото: Ақорда

Халықтың әл-ауқатын арттыру мақсатында Үкімет батыл әрі тиімді қадамдар жасайды — Олжас Бектенов

<h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Олжас Бектеновтың кандидатурасын қолдамағандар мен қолдағандардың тізімін Kyzylorda news ақпарат агенттігі жариялайды.</h4>Партиялар арасынан Қазақстан халық партиясы мен Жалпыұлттық социал-демократиялық партиясы қолдамады. Ал «Ауыл», «Республика», «Ақ жол» партиялары қолдады.Сондай-ақ, Олжас Бектеновтың кандидатурасына 69 депутат дауыс берді, 7 депутат қалыс қалды.Фото: &nbsp;Informburo.kz

Жаңа Премьер министр Олжас Бектеновты кім қолдамады, кім қолдады?

<h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Қ.Тоқаев үкіметтің не себепті отставкаға кеткенін түсіндірді деп хабарлайды Kyzylorda news ақпарат агенттігі.</h4><blockquote>Жаңа тәсілдер әзірленетін болады. Үкіметке жаңа серпін беру керек деп есептеймін. Мұны қоғам да күтіп отыр. Сол себепті мен Әлихан Смайыловтың отставкасы туралы шешім қабылдадым, — деді президент.</blockquote>

Қасым-Жомарт Тоқаев үкіметтің не себепті отставкаға кеткенін түсіндірді

<h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Мемлекет басшысының Жарлығымен Олжас Абайұлы Бектенов Қазақстан Республикасының Премьер-Министрі болып тағайындалды, ол бұрынғы атқарған лауазымынан босатылды, деп хабарлайды Ақорда.</h4>Олжас Абайұлы Бектенов 1980 жылы 13 желтоқсанда Алматы қаласында туған.Қазақ мемлекеттік заң академиясын (2001 ж.) үздік бітірген, мамандығы «Заңгер».ІІ дәрежелі «Айбын» (2014 ж.) және «Даңқ» (2021 ж.) ордендерімен наградталған.2002-2005 жылдары Алматы қаласы Әділет басқармасы бөлімінің бас маманы.2005-2006 жылдары ҚР Премьер-Министрі Кеңсесінің заң бөлімінің сарапшысы, бас сарапшысы.2006-2009 жылдары ҚР Президенті Әкімшілігінде жұмыс жасады.2009-2012 жылдары ҚР Әділет министрлігінің Тіркеу қызметі және құқықтық көмек көрсету комитеті төрағасының орынбасары.2012-2014 жылдары ҚР Экономикалық қылмысқа жəне сыбайлас жемқорлыққа қарсы агенттігінің (қаржы полициясы) орталық аппаратында департамент бастығы.2015-2016 жылдары Астана қаласы әкімінің аппарат басшысы, ҚР Президенті Әкімшілігі Басшысы Хатшылығының меңгерушісі.2016-2017 жылдары Сыбайлас жемқорлыққа қарсы іс-қимыл Ұлттық бюросының (Сыбайлас жемқорлыққа қарсы қызмет) Астана қаласы бойынша департаментінің басшысы.2017-2018 жылдары Ақмола облысы әкімінің орынбасары.2018-2019 жылдары Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының орынбасары.2019-2022 жылдары Қазақстан Республикасының Сыбайлас жемқорлыққа қарсы іс-қимыл Агенттігі Төрағасының бірінші орынбасары.2022 жылдың ақпанынан бастап Қазақстан Республикасының Сыбайлас жемқорлыққа қарсы іс-қимыл агенттігінің төрағасы қызметін атқарды.

Олжас Бектенов Қазақстан Республикасының Премьер-Министрі болып тағайындалды

<h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Бүгінде бизнес саласында бағын сынап көрген әйелдердің ішінде басым көпшілігі табысқа жетуде. Солардың бірі – жерлесіміз, алты баланың анасы, жиһаз цехының иесі Маржан Мадраимова.</h4>Ол Қызылордада дүниеге келген, мектептен кейін Шымкент көркемсурет училищесіне дизайнер мамандығы бойынша оқуға түсті. Студент кезінде тұрмысқа шығып, он жыл бала тәрбиесімен үйде болған. Содан соң жиһаз салонына жұмысқа орналасқан кәсіпкер бес жылдың қалай өткенін білмей қалдым дейді. Жиһаз өндірісінде тәжірибе жинаған ол осы кәсіпті өзі бастап көруді жөн көреді. &nbsp;Алғашында дайын жиһаз сатым, уақыт өте келе өз бұйымдарын шығаруды жөн санайды. Оның дизайнерлік оқуын оқу бекер емес. Маржан Мадраимова аз уақыттың ішінде шеберлер бригадасын жинап, қалада жиһаз шеберханасын ашты.<blockquote>«Іс бастау ешқашан оңай емес. Клиенттерді табу үшін қаланы аралап, жарнамалар ілдім. Менің қызметім туыстар мен таныстарымның қолдауымен елге таныла бастады. Осылайша алғашқы клиенттер пайда болды. Ең бірінші тапсырыс жәшік жасау болды. Өзім білімімді жетілдіру арқылы, өз ақшаммен нөлден бизнес бастадым. Мен ешқашан несие алып, мемлекеттік органдардан көмек сұраған емеспін. Кішкентай балаларың барда, әрине, кәсіппен айналысу оңай емес. Мен оларды өзіммен бірге жұмысқа алып жүрдім», - дейді Маржан.</blockquote>Содан бері 14 жыл өтті. Кенже ұлы қазір алты жаста. Үлкен балалардың өз отбасылары бар. Маржан төрт немеренің әжесі. Үлкен қызы да жиһаз жасайды, бірақ оның жеке шеберханасы, жеке бригадасы бар.Цехта қызылордалық қыз-келіншектер тапсырыс бойынша кез келген сападағы жиһаздарды жасайды. Мұнда бәрі тыңғылықты жабдықталған, тұтынушылардың кез келген тадабын орындауға жағдай жасалған. Тек жергілікті тұрғындар ғана емес, еліміздің өзге өңірлерінен де тапсырыс береді.<blockquote>«Бұған дейін бізде пәтер жиһаздары түпнұсқа емес, ұқсас жиһаздар мен кілемдер, бірдей сервант пен орындықтар болған. Бірақ ол заман артта қалды, қазір әр адамның өз үйінде ерекше интерьер жасау мүмкіндігі бар. Тапсырыспен жасалған жиһаз қазір көпшілік үшін әдеттегі тәжірибеге айналды. Көптеген азаматтар эксклюзивті өнімдерді сатып алғысы келеді, себебі оларда бөлмелерінің өлшемі әр түрлі.</blockquote>Шынында да, тапсырыс бойынша жиһаз жасау сатып алушыны көптеген мәселелерден құтқарады. Түс схемасы қандай болатынын клиент өзі шешеді, қолданылатын материалдар, жиһаздың өлшемін, шкафтың ішіндегі сөрелердің санын және т.б. Сіз дизайнды өзіңіз жасай аласыз немесе мамандардан көмек сұрай аласыз. Маржан дизайнер болғандықтан, жиһаз дизайнын жасау кезінде клиенттерге бірнеше нұсқаны ұсынады. Орташа алғанда, бір тапсырысты орындау үшін екі апта қажет, бірақ жобаның күрделілігіне байланысты ол ұзағырақ болуы мүмкін. Соңғы уақытта көбірек адамдар табиғи ағашты жақсы көреді. Материалдарды сатып алуда қиындықтар бар, себебі олар Қызылордада қымбат. Сондықтан кәсіпкер оларға негізінен Алматы мен Шымкентте тапсырыс береді.Фото: kzvesti.kz

Қазақстан және Қызылорда облысының жаңалықтары