<a href="https://kyzylorda-news.kz/">Kyzylorda-news.kz.</a> Қазалы ауданында Ұлы Жеңістің 78 жылдығына арналған мерекелік шара кент орталығындағы «Жеңіс» саябағында өтті.Жиынға соғыс ардагері Қабақ Смағұл, Қазалы ауданының әкімі Мұхтар Оразбаев, мемлекеттік органдар мен әскери бөлімдердің, құқық қорғау органдарының өкілдері, сондай-ақ қала тұрғындары қатысты. Мерекелік шара алдымен қазалылық жауынгерлерді еске алумен басталды. Жиналғандар «Мәңгілік алау» ескерткішінің алдына гүл шоқтарын қойып, соғыста қаза тапқандарды бір минут үнсіздікпен еске алды.Одан соң салтанатты жиын «Жеңісті жарқыратқандар» атты концерттік бағдарламаға ұласты. Мерекелік шарада сөз алған аудан әкімі Мұхтар Әуесұлы жұртшылықты Ұлы Жеңіс күнімен құттықтады.<blockquote>«Құрметті Ұлы Отан соғысы ардагерлері, тыл еңбеккерлері, жерлестер! Сіздерді 9 мамыр Ұлы Жеңіс күнімен шын жүректен құттықтаймын. Бұл күн – тарихта туған жердің бостандығы мен келешек ұрпақтың бақытты болашағы жолында ерлікпен күресудің жарқын белгісі ретінде алтын әріптермен жазулы. Ортақ Отанды қорғау үшін біздің ауданымыздан 11 мыңға жуық азамат майданға аттанып, 6 мыңнан астамы ғана аман-есен отбасына оралды. Бүгінгі ұрпақ аталарымыз жасаған ерлікті әрқашан қастерлеп жадында сақтайды, ешқашан ұмытпайды. Ұлы Жеңiс күнiнде баршаңызға ұзақ ғұмыр, отбасыларыңызға бақ-береке тiлеймiн», – деді аудан әкімі.</blockquote>Аудан өнерпаздарының дүбірлі думанға тыңғылықты дайындалғандығын аңғардық. Олар «Жеңіс» саябағына жиналған қауымға көтеріңкі көңіл-күй сыйлады. Тұрғындар сарбаздардың сап түзеген салтанатты шеруін қызықтап, шайқас кезінде жауынгерлерді жігерлендірген жалынды әндерді тыңдады. Сонымен бірге театрландырылған қойылымдар сахналанып, оны көпшілік ерекше таңданыспен тамашалады.&nbsp; &nbsp;

Мұхтар Оразбаев: Бүгінгі ұрпақ аталарымыз жасаған ерлікті ешқашан ұмытпайды

<a href="https://kyzylorda-news.kz/">Kyzylorda-news.kz.</a>&nbsp; Сырдария ауданында саяси тұрақтылық барынша сақталған. Қазіргі әлеуметтік, экономикалық саламен қатар, қоғамдық мәселелер шешімін табуда. Өз кезегінде Сырдария аудандық қоғамдық даму бөлімінің басшысы Бейбіт Смайыловпен аудандағы қоғамдық-саяси мәселелер жөнінде сұтбаттасқан едік.&nbsp;– Бейбіт Есенкелдіұлы, ең алдымен Сырдария ауданы бойынша қоғамдық саяси ахуал жайында тарқатып айтып берсеңіз. &nbsp;&nbsp;– Сырдария ауданы бойынша қоғамдық-саяси ахуал тұрақты негізде сипатталады. 2023 жылдың басынан есепті мерзімге дейін наразылық тудыратын, көңіл толмаушылық танытуға ниет білдірген митинг, пикетті аудан көлемінде өткізу туралы өтініштер тіркелген жоқ. &nbsp;Аудандық қоғамдық даму бөлімімен аудан көлеміндегі қоғамдық-саяси ахуалға күнделікті зерделеу жұмыстары жүргізілуде. Аймақ басшысымен бекітілген «Қызылорда облысының ықтимал әлеуметтік шиеленіс ошақтары картасына» сәйкес &nbsp;Сырдария ауданына қатысты ауылшаруашылығы мақсатындағы жер қатынастары мәселесі бойынша 3 ауылдың жер мәселесі («Мағжан и К» ЖШС, «Жамбыл-2030» ЖШС, «Мәді қажы» ЖШС-нің үлескерлерінің мәселелері) және 3 апатты тұрғын үй мәселесі (О.Мәлібаев елді мекеніндегі 2 үй мен Абай көшесіндегі 1 үй) енгізілген. Тиісті сала басшыларымен шиеленісті жағдайлар бақылауға алынған. Мәселе көтерілуі мүмкін жағдайлар бойынша түсіндірмелер жүргізілді. Қоғамдық-саяси ахуалдың тұрақтылығын сақтау, ықтимал тұрақсыздық жағдайлардың алдын алу мақсатында «Қоғамдық-саяси ахуалды тұрақтандыру және әлеуметтік-экономикалық салаларда дағдарыс жағдайлар туындағанда азаматтармен келіссөздер жүргізуші жұмысшы тобының» алгоритмі бекітілді. Алгоритм бойынша арнайы жұмысшы топ құрылып, жедел әрекет ету бойынша тиісті салалардың іс-әрекеті белгіленді. Барлық тиісті салалар мен құқық қорғау органдарына таратылды. Сырдария ауданы бойынша ұлтаралық қақтығыстар орын алған жоқ. Сырдария ауданында жалпы саны 463 әртүрлі этнос өкілдерінің 16 түрі мекен етеді. Аудандық ассамблеяның құрамы – этномәдени бағыттағы бірлестік өкілдерінен, қоғамда өзіндік орны, абырой-беделі бар тұлғалардан тұрады. Ассамблея қазіргі таңда, &nbsp;«Аналар кеңесі», «Қоғамдық келісім кеңесі» және «медиация» &nbsp;бойынша жұмыстар атқаруда. Қазақстан Республикасы Президенті әкімшілігінің сәйкес, Қазақстан халқы Ассамблеясы жанынан аудандық «Ақсақалдар кеңесі» &nbsp;құрылды. Барлығы 15 мүшесі бар, аудандық іс-шаралар жоспары бекітілді. Іс-шара жоспарына сәйкес тоқсан сайын (қажеттілігі болған жағдайда) кеңес өткізу жоспарланған. «1 наурыз-Алғыс айту күніне» &nbsp;арналған іс-шаралар жоспарына сәйкес, аудан әкімінің орынбасары Д.Байдушев қоғамдық даму бөлімінің мәжіліс залында этнос өкілдерімен кездесуі ұйымдастырылып, сала мамандары мен өзге ұлт өкілдері Алғыс хатпен марапатталды. Сонымен қатар, әлеуметтік желі парақшаларында &nbsp;45 мақала, &nbsp;3 құттықтау бейнеролигі жарияланды. Ауданымызда 2023 жылға арналған қоғамдық саяси маңызы бар шаралар жоспары аудан әкімімен бекітіліп, жоспарға сәйкес 102 шара енгізілді.&nbsp; Жоспарға сәйкес, аудандық деңгейде түрлі бағытта шаралар қатарында дебат, кездесулер, мүшайралар, салтанатты мерекелік шаралар, акциялар, көрмелер, мерекелік шаралар, тәрбие сағаттары ұйымдастырылады.&nbsp;– Мемлекеттік рәміздерді насихаттау қай деңгейде жүргізілуде? &nbsp;– Аудан көлемінде мемлекеттік рәміздерді насихаттау, халықтың рәміздерге деген құрмет сезімін қалыптастыру мақсатында мемлекеттік рәміздер жөніндегі аудандық комиссия тұрақты жұмыс жасауда. Мемлекеттік рәміздер жөніндегі аудандық комиссияның отырысы бекітілген жылдық жұмыс жоспарына сәйкес 1 рет өткізіліп, 3 мәселе қаралды. Аудан әкімдігі тарапынан аудан көлеміндегі мемлекеттік мекемелердегі рәміздердің жай-күйі күнделікті қатаң бақылауға алынып, тиісті зерделеу жыл басынан бері 2 рет жүргізілді. Жыл бойы аудан көлеміндегі мекемелермен аудан әкімдігіне қарасты барлық &nbsp;дербес бөлімдер, кент және ауылдық округтерде барлығы 75 мекемеге мемлекеттік рәміздердің қолдануы, насихаттау шаралары бойынша зерделеу жасалды. Осы зерделеу барысындағы анықталған кемшіліктер бойынша тиісті сала басшыларына ескертулер жасалып, дер кезінде қалыпқа келтіру жұмыстары жүргізілді.– Бұқаралық ақпарат құралдары бойынша қандай жұмыстар атқарылуда?&nbsp;– Ағымдағы жылдың І тоқсаны бойынша ресми БАҚ-тағы теріс жарияланымдар саны – 10. &nbsp;Оның ішінде «Qazaqstan» ұлттық арнасы – 1, &nbsp;«Tengrinews.kz/» порталы – 1, «YouTube» видео-хостингі арқылы – 8 («Орда тв» арнасы – 5, &nbsp;«Көзілдірік» арнасы - 3 (Шіркейлі ауылындағы үлескерлер мәселесі туралы). Сырдария ауданында атқарылып жатқан жұмыстар туралы республикалық, облыстық, аудандық &nbsp;БАҚ-тағы жарияланымдар саны – 37. (Оның ішінде - «Хабар 24» телеарнасы - 5; «Astana TV» телеарнасы - 1; «Qyzylorda» телеарнасы - 2; «Қоғам ТВ» телеарнасы – 2, Облыстық «Сыр бойы», «Кызылординский вести» газеттері – 6, аудандық «Тіршілік тынысы» газеті - 21 мақала). &nbsp; Сырдария &nbsp;ауданы әкімдігі қызметінің ашықтығын қамтамасыз ету мақсатында «Сырдария Ауданының Әкімдігі» фейсбук және «akimat_syrdariya» инстаграмм әлеуметтік желілері жұмыс жасауда. Облыстық коммуникация орталығында 1 брифинг өткізілді. Аудан бойынша 168 (97 тұғыр) көрнекі үгіт-насихат құралдары орналасқан. Кент бойынша көрнекі үгіт насихат құралдарының саны – 59 дана (32 тұғыр). (оның ішінде- 1 беттік-4 дана, 2 беттік-27 дана,3 беттік -1 дана). Елді мекендер бойынша көрнекі үгіт насихат құралдарының саны –109 дана (65 тұғыр).(оның ішінде 1 беттік- 21 дана, 2 беттік- 44 дана). Мемлекеттік бағдарламар, Президент Жолдауы, құқық бұзушылық,мемлекеттік қызмет көрсету, төтенше жағдайдың алдын алу шаралары, еңбек адамдарын насихаттау, жергілікті ақын-жазушыларды насихаттау т.б бағыттар бойынша билбордтар орнатылған. Сондай-ақ атаулы мерекелік даталардың баннерлері үнемі ауыстырылып тұрады. Кенттің орталық көшесі А.Иманов бойында ЛЭД экран (өлшемі 2,40*4,60) орнатылды. Шаған-Тереңөзек трассасы бойында 7 тұғырға (14 билборд) Сырдария ауданынан шыққан жергілікті ақын жазушылар мен өнер майталмандары бейнесі бейнеленген билборд орнатылды. &nbsp;Тоқсанына бір рет бөлім тарапынан мониторинг жүргізіліп, идеологиялық мазмұны ескірген, күнге күйген, жыртылған баннерлер уақытылы ауыстырылып отыр.– Үкіметтік емес ұйымдар мен дін саласы &nbsp;бойынша &nbsp;атқарылған жұмыстарды айтып бересіз бе?&nbsp;Аудан бойынша мемлекеттік әлеуметтік тапсырыс шеңберінде 2023 жылы жергілікті бюджеттен қоғамдық даму бөлімі арқылы 10 жобаға 19,245 мың теңге. Қазіргі таңда, мемлекеттік сатып алу порталына орналастыру жұмыстары жүргізілуде. Сырдария ауданы бойынша діни ахуал тұрақты. Есепті мерзімге дейін қоғамдық-саяси, діни шиеленіс тудыратын проблемалық мәселелер орын алған жоқ. &nbsp;Аудан әкімдігі жанындағы діни бірлестіктермен байланыстар жөніндегі аудандық комиссия &nbsp;жылдық жоспарына сәйкес, 1 рет комиссия отырысы өткізіліп, 2 мәселе қаралды. Қазіргі таңда, аудан бойынша 15 мешіт, 1 өзге діни бірлестік тіркеліп, жұмыс жасауда. Оның ішінде 4 мешіт бейнекармералармен қамтамасыз етілген. 2023 жылғы аудандық қоғамдық даму бөлімінің дін мәселелері жөніндегі ақпаратты насихаттау бойынша сәйкес, «Зайырлы қоғам мен жоғары руханиятты ел құру мемлекетіміздің басты бағыты», «Дәстүрлі емес шетелдік діни оқу орындарынан сақ &nbsp;бол», «Жат ағымдардың зардабы» тақырыбында 1-акция, &nbsp;14-кездесу өткізіліп, 1155 &nbsp;адам қамтылды. Әлеуметтік желілерде дәстүрлі емес ағымдардың алдын алу мақсатында 8 бейнематериал, 9 мақала, аудандық «Тіршілік тынысы» газетінде 5 мақала жарық көрді.– Жастар саясаты бойынша жүйелі жұмыстар жүргізілген шығар. &nbsp;– Сырдария ауданы бойынша 14 пен 35 жас аралығында 11 727 жас бар. Оның ішінде ерлер - 6367, әйел - 5360 жасты құрайды. Аудан жастарының түрлі санаттары мен жас ерекшеліктері бойынша - 24 ақпараттық түсіндірме жұмыстары, тұрақты кездесулер &nbsp;ұйымдастырылып, 1928 жас қамтылды. Аудан бойынша маргинал (NEET санатындағы) жастарды анықтау мақсатында үйлерді аралау арқылы адрестік жұмыстар жүргізілді. &nbsp;– Гендерлік саясат және отбасы &nbsp;жөнінде аз-кем мәлімет келтірсеңіз.&nbsp;– 2023 жылға аудан әкімдігі жанындағы әйелдер істері және отбасылық-демографиялық саясат жөніндегі комиссияның жұмыс жоспары жасалып, бекітілді. Комиссия құрамына дербес бөлім басшылары, ҮЕҰ-дар өкілдері енгізілген. Тоқсан сайын тұрақты өткізілетін комиссия отырысының ағымдағы жылдың 31 наурыз күні өткізіліп, күн тәртібіне сәйкес, 1 мәселе қаралды. &nbsp;«Сырдария ауданының әйелдері» қоғамдық бірлестігінің жанынан &nbsp;құрылған «Жас отау» клубы, «Әжелер мектебі» жұмыс жасайды. &nbsp;«Жас отау» клубында &nbsp;жаңадан бас қосқан жас жұбайлардың аяқтарынан нық тұрып кетуіне байланысты кездесетін қиыншылықтарды шешуге ақыл кеңес айтылса, «Әжелер мектебінде» келін мен ене арасындағы туындайтын мәселелер туралы, әулеттің үлкендерінің жақсы дәстүрлері үлгі ретінде айтылып, насихатталып отырады. «8 - наурыз Халықаралық &nbsp;әйелдер күні» мерекесіне орай, аудандық іс-шаралар жоспары бекітілді. Іс-шаралар жоспарына сәйкес, аудан әкімі Б.Сарменбаевтың қатысуымен мерекелік қабылдау, концерттік бағдарлама өткізілді. Мереке қарсаңында волейболдан аудан мекемелері арасындағы аудандық біріншілігі өткізілді. &nbsp;Әлеуметтік желі арқылы мемлекеттік қызмет атқарып келе жатқан қыз-келіншектер туралы 2 бейнеролик &nbsp;дайындалып, жарияланды. &nbsp;&nbsp;

Сырдария ауданында қоғамдық-саяси ахуал тұрақты

<a href="https://kyzylorda-news.kz/">Kyzylorda-news.kz.</a> Туған жерден жырақ жүрсек те, ел ахуалына құлағымыз түрік астаналық жерлестерге Шиеліден суық хабар жетті. Халқына сыйлы азамат Пердәлі (Перден) Сейдахметұлы Архабаев ағамыз сексенге қараған жасында дүниеден өтіпті. Елге барған кезімізде сәтіне қарай көпшілік жиындарда кездесіп, жылы шыраймен сәлемдесіп, жағдай сұрасып тұратын аяулы ағаның жарқын келбеті көз алдыма келді.Етене араласып кетпегенмізбен, ел ішінде Перден аға туралы естіген жылы сөзіміз, өмір жолынан білген мәліметтеріміз баршылық. Соларды саралайтын болсақ, ол өзімен тұстас замандастары сияқты тұрмыс-тіршілік жағдайына байланысты еңбекке ерте араласады. Шиелі қамыс зауытына жұмысшы болып орналасады.Жұмысшылыққа да мамандық қажеттігін түсініп, 1960 – 1962 жылдары Шымкент қаласындағы техникалық училищеде токарь мамандығын меңгереді. Өте еңбекқор, ізденгіш жас маман Перден кәсіби шеберлігі &nbsp;шыңдалып, ауданда өтетін токарьлар арасындағы кәсіптік біріншіліктерде үнемі озық шығып жүретін деп еске алады замандастары. Әскери борышын өтеп оралған соң Перден Шиелі ауданында «Қызылту» ұжымдық шаруашылығында (колхоз) шеберхана меңгерушісі болып тағайындалады. Келе-келе жоғары білім алған талапты инженер-механиктің іскерлік қабілеті бағаланып, колхоздың бас инженері, ауыл шаруашылығын химияландыру кәсіпорнының директоры, аудандық ауылшаруашылығы басқармасы төрағасының орынбасары, Ы.Жақаев атындағы колхоз басқармасының төрағасы, Шиелі ауданы әкімінің бірінші орынбасары, аудандық жер ресурстары комитетінің төрағасы, аудандық орман шаруашылығының директоры болып жемісті қызмет етті. Қай жерге іскер басшы, ұйымдастырушы қажет болса, П.Архабаев сол жерге жұмсалды.Қызылорда облыстық мәслихатына, Шиелі аудандық мәслихатына депутат болып сайланды. Зейнеткерлікке шыққаннан кейін де белсенді еңбектен қалмай Шиелі аудандық қоғамдық кеңесіне төраға болды. Елге қызмет – абыройлы міндет деген өмірлік бұлжымас ұстаныммен еңбек етті, сеніп тапсырылған іске өте ыждағаттылықпен, үлкен жауапкершілікпен қарауы оны халық құрметіне бөледі. Шиелі ауданының құрметті азаматы атанды.Тағы бір азаматтық ұстанымы – қамшының сабындай қысқа ғұмырда қолдан келгенінше өнегелі өмір сүру керек дейтін қағида. Ата-бабамыздан жеткен «артыңда мал қалғанша, тал қалсын» деген өнегелі сөз бар. Перден Архабаевтың мамандығы инженер-механик бола тұра, өмірінің бір кезеңінде нағыз орманшыға, бағбанға айналды. Шиеліде орман шаруашылығын дамытуға көп еңбек сіңірді, облыстық саябақ күтіміне басшылық етті, артында жайқалған бақ қалды. Жайқалған бағы – азаматтың өмірлік бақ-бақыты, өнегелі ісі – өмірдегі ізі деген осы.&nbsp;Жер кодексіне жерді сату, шетелдіктерге жалға беру сияқты елеулі өзгерістер енгізу туралы ұсыныстар халық талқысына шығарылған кезде Жер реформасы жөніндегі мемлекеттік комиссияның Қызылорда облысында өткізген арнайы талқылау жиынында алқалы топ алдында халықтың, мемлекеттің тағдырын, ғасырлардан ұрпаққа ұрпаққа мұра болып келе жатқан ата-баба аманатын қорғауға белсене қатысты. Осынау өзекті өмірлік мәселеде мемлекеттік комиссияның ресми ұсынысына қарсы өткір пікірін айтып, халық үнін жеткізе алған табанды азаматтардың бірі – Перден Архабаев еді.Жаныңыз жәннатта болсын, елім деген аяулы аға. Бақұл болыңыз, қош...Ақайдар ЫСЫМҰЛЫ, Шиелі ауданының «Құрметті азаматы», Қызылорда облысының құрметті ардагері

Жайқалған бақ – өмірлік бақ

<a href="https://kyzylorda-news.kz/">Kyzylorda-news.kz.</a> Қайсыбір елдімекен мен жердің тарихи мұрасы мен жәдігерлері мұражайда сақталады. Әрбір сырттан келген мейман елдің болмыс-бітімімен, тарихи тұлғаларымен, көне жәдігерлерімен танысқысы келсе, осы орынға бас сұғары анық. Мұнда ел шежіресінің айнасы келушілерге мың сан сырды шертіп тұрады.Сырдария ауданының орталығында орналасқан «Еңбек даңқы» музейіне бас сұғып, тарихи жәдігерлерді тағы бір шолдық. Музейдің ашылуына сол кездегі аудан әкімі Ғ.Қазантаев пен мәдениет саласының белгілі ардагері А.Бақтиярова айрықша үлес қосты. Ғимаратқа жөндеу жұмыстары жүргізіліп, аудандық тарихи-өлкетану музейінің қосымша ғимараты ретінде мұражай жұмысы жолға қойылған болатын.«Еңбек даңқы» залы 3 бөлімді қамтиды: бірінші бөлім ауданнан шыққан қоғам қайраткерлеріне арналса, екінші бөлім Сырдария ауданының Тәуелсіздік жылдарында жеткен жетістіктеріне бағытталады. Ал үшінші бөлімде ауданда жемісті қызмет атқарған үздік қызметкерлер мен ардагерлер, спорт, өнер жұлдыздары туралы деректер мен жәдігерлер орналастырылған. Сондай-ақ ауданның негізі – 13 ауылға арналған арнайы көрме-сөре бар. Әр көрме-сөреде сол ауылдың тарихи тұлғалары мен маңызды оқиғаға толы жылдарынан көрініс беретін ақпараттар, арнайы кітаптар сақталған.Сондай-ақ мұражайда аудан көлеміндегі Екінші дүниежүзілік соғыс ардагерлеріне арналған арнайы экспозиция бар. Ел Тәуелсіздігінің 25 жылдығы аясында ашылған мұражай филиалында тарихтан сыр шертетін арнайы сөренің орналастырылуы орынды. Алғашқы екі шағын витринада сұрапылды көзбен көрген аудан азаматтарының медальдары орналастырылса, үлкен витринада отты жылдары майдан даласында болған батыр бабалардың суреті қойылған. Аталған витринаға әр ауылдан бір батырдың суреті орналастырылған. Мұражайға бас сұққан жан арнайы витринадан Н.Ілиясов, Ж.Нұрсейітов, Б.Өтепов, Б.Оспанов, Ж.Нұрышев, Е.Шүкіров, Т.Асқаров, Б.Өкшебаев, С.Баяханов, Ш.Оспанов, Д.Сақтағанов, У.Әбдуов, С.Мұхымов, Ж.Әлекеев, С.Теңізбаев, Д.Арыстанбековтердің суретін көре алады.ҰОС жылдарында ерен ерліктің үлгісін көрсетіп, жанкештілікпен жан аяп қалмағаны үшін 449 жауынгер «Кеңес Одағының батыры» атағын алған. Ең жоғары дәрежелі марапатты біздің ауданымыздан екі азамат – Нағи Ілиясов пен Жаппасбай Нұрсейітов алғанын мақтанышпен атап өткеніміз жөн. Аудан еңбекшілері елді қорғау жолында бір кісідей сапқа тұрған. Екі мыңға жуық жерлесіміз майдан даласында ерлікпен қаза тауып, елге оралмаған. Батыр бабалардың рухын ұлықтап, кейінгі ұрпаққа үлгі ету мақсатында ұйымдастырылған мұражай сөресінде батыр жерлестеріміздің төсбелгілерімен қоса майдан даласынан келген қол сөмке, қол сағат және Ұлы Жеңістің 50 жылдығына орай берілген радиоқабылдағыш сақталған. Аталған жәдігерлер мұражай келушілерінің қызығушылығын әрі бойындағы мақтаныш, ұлтжандылық сезімін туғызары анық. Осындай арнайы көрме-сөрелер қатары Ауған соғысы ардагерлеріне, Семей ядролық полигонына және Чернобыль апатына арналып жасалған құнды жәдігерлермен толықтырылып, жалғас тапқан.<blockquote>– Мұражайдың ғылыми қызметкерлері батыр аталарымыздың үйіне, ұрпақтарына арнайы жолығып, қалған жәдігерлерді мұражайға өткізулерін сұрап, жинақтаған. Майдан даласын көзбен көрген батырлардың кейінгі ұрпағы «атамыздың аты өшпесін» деп, мұндай заттарды мұражайға арнайы алып келіп жатады. Кез келген сырттан келген мейман елдің болмыс-бітімімен, тарихи тұлғаларымен, көне жәдігерлерімен танысқысы келсе, мұражайға бас сұғары анық. Тарихты келешекке мұра ету – баршамыздың міндетіміз, – дейді мұражай экскурсоводы Айжан Жұмабекова. &nbsp;</blockquote>

Сырдарияда музей жұмысы жолға қойылған

<a href="https://kyzylorda-news.kz/">Kyzylorda-news.kz.</a> Ағымдағы жылдың 4-6 мамыр күндері Қырғыстан елінің Бішкек қаласында гір тасын көтеруден Азия чемпионаты болып өтті.Азия чемпионатында қармақшылық жасөспірімдер арасында Қалжанов Әділет 68 кг салмақ дәрежесінде жүлделі ІІІ орын иеленді және әуесқой ересектер арасында 63 кг салмақ дәрежесінде Әміртай Саят жүлделі ІІІ орынға ие болды. Азия чемпионатына 15-тен астам шет елдерден 550-ге жуық спортышлар келіп қатыстыСпортшыларды дайындаған №16 Қармақшы аудандық балалар-жасөспірімдер мектебінің гір спорты бөлімшесінің жаттықтырушысы Нысанбаев Бемұрат.

Жерлестеріміз Азия чемпионатының жүлдегері атанды

<a href="https://kyzylorda-news.kz/">Kyzylorda-news.kz.</a> &nbsp;ҚР ҰҚК Шекара қызметі Қызылорда облысы бойынша департаментінің әскери қызметшілері Ұлы Отан соғысындағы Жеңістің 78 жылдығына орай мәңгілік алауға гүл шоқтарын қою рәсіміне қатысты. «Тағзым алаңында» қала тұрғындары, облыс, қала әкімдіктерінің өкілдері жиналды.<img src="https://knadmin.beoblood.kz/uploads/345470129_625976606241314_8025718231990900762_n_246fd4f066.jpg" alt="345470129_625976606241314_8025718231990900762_n.jpg"><img src="https://knadmin.beoblood.kz/uploads/345264938_629184145766775_3243106306177699937_n_e5dd58b385.jpg" alt="345264938_629184145766775_3243106306177699937_n.jpg"><img src="https://knadmin.beoblood.kz/uploads/345569046_2980252665451570_1124724383284177257_n_d5d29abeca.jpg" alt="345569046_2980252665451570_1124724383284177257_n.jpg">

Мәңгілік алауға гүл шоқтарын қойды

<a href="https://kyzylorda-news.kz/">Kyzylorda-news.kz.</a> Ұлы Отан соғысынан аман қайтқан майдангердің көбі елге ауыр жарақатпен оралды. Денесіне кірген жиденіңтікені емес, қорғасыннан құйылған оқ екенін &nbsp;еске алсақ, ерлік жасайтын ер азаматтарымызға тәнті болмасаңызға шара жоқ. Соғыста сондай ерлігімен көзге түскен ауылдан шыққан аңшы жігіт – Жақыпбек Жантұрсынов болатын.Оның жас кезіндегі құралайды көзге атқан мергендігі соғыста көп пайдасын тигізеді. Кезекті бір майдан шайқасында оқ жаңбырдай жауып тұрады. Фашистердің жасағы лап бергенде бір бөренені тасалап тұрып, екі неміс жауынгеріне оқ жаудырып, екеуін де қалпақтай атып түсіреді. Мен көп жылдардан бері соғыс ардагерлері туралы мақала жазып &nbsp;келемін. Солардың дені осы Жақыпбектей жаумен бетпе-бет келгендерін естеріне түсіре алмай жататын.Жақыпбек Жантұрсынов 1909 жылы Жаңатұрмыс ауылында &nbsp;дүниеге келген. Бала кезінен отбасын, ағайын-туыстарын қоян, қырғауыл атып , «Ащакөл» маңынан балық аулап асыраған. 1936 жылы Сейленкүл &nbsp;Тұрғанбайқызымен тұрмыс құрып, үйлі-баранды болады. Құрғыр соғыс қызып тұрған 1943 жылы ақпан айында әскер қатарына шақырылды. Укромна майданында бір ай дайындықтан өткен Ж.Жантұрсынов &nbsp;№187-ші атқыштар полкінде қатардағы жауынгер ретінде соғысқа араласады. Жоғарыда &nbsp;айтқанымыздан бөлек ол мергендігімен қаншама фашистерді жер жастандырды. Қазақтың батыл жауынгері Днепр өзенінен &nbsp;өтуге, Украинаның Николаев, Одесса, Тернопель қалаларын азат етуге қатысады. 1943 жылы тоғыз жерінен &nbsp;ауыр жараланған Ж.Жантұрсынов госпитальда емделіп, ота жасатып, соңында жарақатына байланысты әскер қатарынан босатылды. Басына оқ тиген Жақыпбек көкеміз 1-ші топтағы мүгедектер қатарына ілігіп, соғыстан аман қалғанына шүкіршілік етеді.&nbsp;Ауылда колхоздың қойын бағып, бала-шағасын асырайды. Ол соғыстан оралғанда көптеген орден, медальдары &nbsp;болған екен. Солардан сақталып қалғаны «1-ші дәрежелі Ұлы Отан соғысы» ордені болып шықты. Жақыпбек Жантұрсынов қоғам малын бағуда көп шопандардың &nbsp;бірі болмаған. Қарамағындағы &nbsp;әр 100 саулықтан 130 бастан төл алып, құрметті Шопан атағына ие болды. Тағдырдың басқа салған тауқыметін ер адам ғана көтере алса керек. Соғыстағы ерлігі, бейбіт жылдарда көрген бейнеті, бастан алған ауыр жарақаты жан азабына айналған ауыртпалықтарды &nbsp;батырларша көтеріп, 1991 жылы 18 ақпанда дүниеден озды. 8 қыз, 1 ұлынан немере, шөбере сүйді.&nbsp;Соғыс зардабын сол заманда &nbsp;өмір сүрген аталарымыз бен әжелеріміз, тылда еңбек еткен ұрпақтары шекті. &nbsp;Адамзат тарихында бұрын-соңды болып көрмеген сұм соғыс, 1418 күнге созылған қанды қырғынның аяқталып бейбіт заманда, қауіп-қатерсіз өмір кешіп жатқанымызға биыл 78 жыл болады. Қазақ бабамыз «Артында бар оңалар» деп кеткен . Сондай-ақ &nbsp;осы жылдар аралығында Ұлы Отан соғысына қатысқан небір ерліктер жасап кеудесін орден, медальдар жауып тұратын ағаларымыз ескерусіз қалғаны, артында іздеушісі болмаған соң ұмыт болғандары әрине, өкінішті. Бүгінгі кейіпкеріміз Жақыпбек Жантұрсынов туралы да кеш мәлімет алып отырмыз. Оған да жақсылықтың ерте-кеші жоқ &nbsp;деген жауап даяр.Майдангерлер оқ пен от арасында жүріп, Отанын жаудан қорғады, ұрпақтарына өмір сыйлады. Оларға көше атауын қимай, қызғаныш таныту адамдығымызға сын. Реті келсе, заң тұрғысында шешім қабылданып жатса, марқұм майдангерлердің &nbsp;әруақтары разы болып, бір аунап түсері хақ. Біз қашанда ел мен жердің тәуелсіздігі үшін шейіт болған боздақтарымыздың алдында құрметпен &nbsp;бас иеміз. Елі мен халқының бостандығы, бақытты болашағы жолында құрбан болған майдан батырлары, елге келіп дүниеден өткен &nbsp;соғыс жауынгерлері ұрпақтар жадында мәңгі сақталуы тиіс. Ұлы Жеңісі бізге солар арқылы жетті. Олар жас ұрпақты Отансүйгіштікке тәрбиелеуді, қиын жағдайда ынтымақты &nbsp;болуды үйретіп кетті.

Ерлік – елге мұра, ұрпаққа ұран

<a href="https://kyzylorda-news.kz/">Kyzylorda-news.kz.</a>&nbsp; Біздің бүгінгі кейіпкеріміз нағыз өз кәсібінің шебері атанған Сырдария ауданы Шіркейілі ауылынан кәсіп ашқан шебер Жұмабек Көпбергенов.Жұмабек жастайынан алға қойған мақсатына жету жолында түбегейлі шешімді өзі қабылдап, айқын жоспар құрып, сүйікті ісімен айналысуға бел буған. Оның жігітке тән мінезімен көлікке деген қызығушылығы басым болды. Сондықтан бала кезінен техниканың тілін меңгере бастады. Кез-келген көліктің механикалық құрылысын, сан алуан бөлшегін құрастыруға ыждағаттылық таныпы, асқан төзімділікті серік етті. Міне, осындай күш-жігерінің арқасында туған ауылы Шіркейіліден техника жөндеу орталығын ашты.«Еңбек – қуаныш, жалқаулық – айырылмас қайғы» деп ғұлама ақын Абай Құнанбайұлы айтқандай үнемі өзің қалаған іспен шұғылданғанда ғана жан рахатын сезінетінін білді.Ең алдымен шебер Жұмабек көлік жөндеуден бөлек дөңгелек жөндеу және дөңгелек желімдеу жұмысын қолға алды. Яғни кез-келген автокөліктің доңғалақтарын сапалы етіп жамап, жолға жарамды, әрі төзімді етіп шығарды. Ауыл орталығында орналасқан оның жұмыс орны яғни шеберханасы әрі-бері жолаушы тасымалдайтын әрбір автокөлік иесіне ыңғайлы, әрі қолжетімді. Машинаның ақауы бола қалған жағдайда ауыл тұрғындары шұғыл түрде бесапап шебер Жұмабектің қызметіне жүгінуге асығады. Әп-сәтте құрал-сайманын сайлаған шебер өз ісін айна қатесіз, сапалы етіп орындайды.Біз шебермен тілдесуге келгенімізде жұмысына берілген Жұмабекті көзіміз шалды. Ол кезекті рет жеңіл автокөлікті жөндеу үстінде екен. Алаңсыз артық нәрсеге алданбай техниканың бұзылған жерін анықтауға бар ынтасын салуда. Өз ісінің маманымен әңгімелесу барысында бала күнінен техникаға деген әуестігі жоғары болғандығын білдік.&nbsp;Бірнеше кәсіпті қатар алып жүруге дағдыланған Жұмабек жұмыс күшіне байланысты күніне 3-4 автокөлікті жөндесе, көліктің 10-15 доңғалағын қайта қалыпқа келтіруге тырысады. Оның жанында үнемі көмекшісі Оразбай Көпбергенов те бар. Қос шебер сеніп тапсырылған техниканың ақауын жөндеуге, жасалған жұмыстың сапалы болуына мұқият зер салады. Аз жылдардың ішінде мол тәжірибе жинап, ескі бөлшектен жарамды дүние шығаруға күш салуда.Бүгінде кәсіпкерлерді қолдау бағдарламасы арқылы несие алып, кәсібін кеңейткен Жұмабек Көпбергеновке жергілікті халық дән риза. Күнделікті табыс көзін тырмысып адал еңбегімен тапқан шеберге алдағы уақытта еңбегінің жемісін көрсін демекпіз. &nbsp;

Шіркейілілік шебер техника жөндеу орталығын ашты

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаев Тағзым алаңында өткен 9 мамыр – Ұлы Жеңіс күніне арналған салтанатты шараға қатысып, аймақ тұрғындарын құттықтады.<blockquote>«Еліміздің Президенті Қасым-Жомарт Кемелұлы "9 мамырдың төл тарихымыздағы орны ерекше. Бұл – жанқиярлықпен ел қорғаған аталарымыз бен әкелеріміздің, әжелеріміз бен аналарымыздың рухына тағзым ететін күн. Біз ержүрек аға буынның алдында мәңгі қарыздармыз. Олардың қайсарлығы мен төзімділігінің, табандылығы мен патриоттығының арқасында бейбіт заманда өмір сүріп, жарқын болашағымызға жол аштық», - деген болатын.</blockquote>Расында, 9 мамыр - қан майданда, тылда патриоттық парыздарына адал болған, кеудесін от пен оққа төсеп, ұрпақ болашағы жолында жанын аямаған, рухы асқақ, қайсар да батыл ағаларымыз бен апаларымыздың ерен ерлігіне бас иетін күн», - деді аймақ басшысы.Сұрапыл соғыс жылдарында ерекше ерлік көрсеткен қаhармандар құрметіне 1 минут үнсіздік жарияланып, гүл қою рәсімі өтті.Айта кетейік, 7 мамыр күні облыс әкімі соғыс ардагері Сәрсенбек Байжановтың 100 жас мерейтойы және Жеңіс күнімен құттықтап, автокөлік кiлтiн табыстады.Еске салсақ, соғыста Сыр елінің 21 азаматы ерлігі мен қаһармандығы үшін Кеңес Одағының Батыры атанды, 20 мыңнан астам қызылордалық жауынгерлер орден- медальдармен наградталды.Облысымызда Жеңіс күні мерекесін Ұлы Отан соғысының 6 ардагері мен 2408 тыл еңбеккері қарсы алуда.

Боздақтарға тағзым етті

<a href="https://kyzylorda-news.kz/">Kyzylorda-news.kz.</a> «Ел басына күн туса, ер етіпкен су кешер» демекші, Отан анаға қауіп төнсе, оны қорғау әрбір азаматтың қасиетті парызы саналады. Талай жерді шарпып, талай жанды жалмаған екінші дүниежүзілік соғыста қаруын иығына асына, жанын шүберекке түйген тарландар парызын орындап, елге жеңіс сыйлағанына биыл тура 78 жыл толып отыр. Сұрапыл соғыста от кешкен, туған жер үшін жанқиярлық ерлікке барған жандардың қатарында қазалылық батырлар да болды. Өкінішке орай, оның көпшілігі жер жастанса, қалғаны елге түрлі жарақатпен оралды. Солардың бірі – қан майданда асқан ерлік танытқан Бекарыстан би ауылының тұрғыны, «Қызыл жұлдыз» орденінің иегері, «Жеңістің 25, 30, 40, 50 жылдығы», «КСРО Қарулы күштеріне – 60 жыл», «КСРО Қарулы күштеріне – 70 жыл» мерекелік, Кеңес Одағының маршалы Г.К.Жуковтың, А.Гречконың естелік медальдарын иеленген майдангер Қабақ Смағұлов.&nbsp;Отан қорғаушылар күні қарсаңында Бекарыстан би ауылында 7 мамыр – Отан қорғаушылар күні және Ұлы Жеңістің 78 жылдығына орай Қазалы ауданының әкімдігінің қолдауы мен майдангердің ұрпақтарының демеушілігімен «Ғасыр жасаған майдангер» атты Ұлы Отан соғысының ардагері Қабақ Смағұлдың 100 жасқа толуына орай дүбірлі думан, ұлан асыр той тойланды.&nbsp;Тағылымды шара басталмас бұрын аудан әкімі Мұхтар Оразбаев пен шараға келген қонақтар ғасыр жасаған тұлғаны күтіп алып, Ұлы Отан соғысынан елге оралған жауынгерлер ескерткішіне гүл шоқтарын қойып, тағзым етті. Содан соң Кеңес Одағының батыры Үрмәш Түктібаевтың ескерткіші алаңына бағыт алды.&nbsp;Өзінің батыр Үрмәштің көзін көрген адам екенін, қас батыр бар қазақтың мақтанышы болып қалатынын айтты.&nbsp;<blockquote>«Елден аттанған 300-дей азамат едік, тең жартысынан астамы қайтпады. Мен соның куәгерімін», – деген майдангер ауқымды мерейтой алаңына келіп жайғасты.&nbsp;</blockquote>Мерекелік жиын ұрыста ерлік көрсеткен жауынгерлерді 1 минут үнсіздікпен еске алумен басталды. Сонымен қатар аудандық «Жанқожа батыр» атындағы орталық мешіттің бас имамы Нұрдәулет Асқарұлы қан майданда қаза тапқандардың рухына құран бағыштады.Құрмет төріндегі тау тұлға«Ғасыр жасаған майдангер» атты шараның ашылу салтанатында Мұхтар Оразбаев сөз сөйлеп, көпшілікті қатар келген мерекемен және Ұлы Отан соғысының ардагері Қабақ Смағұлды жүз жасқа толған мерейтойымен құттықтады.&nbsp;<blockquote>«Бұл күн бізге оңайлықпен келген жоқ. Біздің аталарымыз елдігіміз үшін кеудесін от пен оққа тосып, ортақ Отанымыздың бостандығы мен тұтастығын қорғады. Сондықтан өскелең ұрпақ осындай майдангерлерді есінен бір сәт шығармауы тиіс. Бүгінгі таңда ауданымызда екі соғыс ардагері бар. Олар – Қабақ Смағұл мен Тілеуберген Тобабергенов. Міне, бүгін осы екі қаһарманның бірі – Қабақ Смағұл ақсақал 100 жасқа толып отыр. Өмірінен өнеге тараған, ұрпақ ұлағатына айналған майдангердің мерейтойы құтты болсын», – деді.&nbsp;</blockquote>Одан кейін аудан басшысы тау тұлғалы ардагерді сахна төріне шақырып, Қызылорда облысы әкімі Нұрлыбек Нәлібаевтың құттықтауы мен арнайы сыйлығы – сәйгүлікті тарту етті. Сондай-ақ Мемлекет және қоғам қайраткері Қырымбек Көшербаевтың, ҚР Қорғаныс министрі, генерал-полковник Руслан Жақсылықовтың, ҚР Парламенті Сенатының депутаттары Руслан Рүстемов пен Ақмарал Әлназарова және ҚР Парламенті Мәжілісінің депутаттары Мархабат Жайымбетов пен Мұрат Ергешбаев сынды белгілі азаматтардың құттықтауын жеткізді.&nbsp;Мерекелік шараға арнайы келген Арал аудандық мәслихат төрағасы Базарбай Төреахметов сахнаға шығып, Арал ауданының әкімі Серік Сермағамбетовтың құттықтауы мен сыйлығын берді.&nbsp;Толассыз құттықтаулар мен жылы лебізден соң М.Әуесұлы ғасыр жасаған майдангерге «Қазалы ауданының құрметті азаматы» атағын табыстап, қазақы дәстүрге сай иығына шапан жапты.Жауынгер жайлы жазбаБекарыстан би ауылындағы шарада ғасыр жасаған тұлғаның 100 жастық мерейтойына арналып, Алматы қаласындағы «Люксмедиа» баспасынан шығарылған «Тамыры терең бәйтерек» атты кітаптың тұсауы кесілді.&nbsp;Кітаптың авторы – Бекарыстан би ауылының төл перзенті, журналистика саласының ардагері, қарымды қаламгер Сахи Қапар.&nbsp; Мұнан соң мерейтойға жиналған көпшілік аудан өнерпаздарының өнерін тамашалап, ақындар айтысының куәгері болды.&nbsp; Көмейіне жыр толтырып, ұйқасынан жаңылмаған сөз серілері көрермендерді ұлттық өнреге қанықтырып, аудан әкімі Мұхтар Оразбаевтың «Алғыс хаты» және арнайы сыйлықтармен марапатталды.Ат шаптырып, бәйге алдыМерейлі мерейтой «Қыдыр» нұрасында жалғасып, қазақтың ұлттық ойыны аударыспақтан басталған білектілердің додасы ат бәйгесіне ұласты.&nbsp;Ең әуелі білегі мен белі мықты жігіттер ат үстінде күш сынасты. Нәтижесінде Ғ.Мұратбаев ауылынан келген Алмат Көбейсін есімді палуан жеңісті көп арасынан суырып алды. Ал екінші орын Құмжиек ауылының батыры Ақтілек Манасовқа бұйырса, үшінші орынды Жалаңтөс батыр ауылынан қатысқан Ақниет Бөлеков еншіледі. Жүлделі орыннан көрінген жігіттер қаржылай сыйлыққа ие болып, жоғары деңгейде ұйымдастырылған ауқымды шараға ризашылығын білдірді.&nbsp;Мұнан соң дүйім жұрт бас қосқан дүбірлі дода басталды. Жүйріктер жиналған ат бәйгесі ғасыр жасаған Қабақ Смағұлдың батасымен басталып, аудан әкімі Мұхтар Оразбаев шабандоздарға сәттілік тіледі.&nbsp;Республикалық деңгейде ұйымдастырылған бәйгеге Жамбыл, Түркістан облыстары, Жаңақорған, Шиелі, Жалағаш және Арал аудандарынан 50-ден аса шабандоз келді. Ауыздықпен алысқандардың аламанына тігілген жүлденің жалпы қоры – 3 600 000 мың теңгені құрады.&nbsp;Аламан десе арқасы қозатын жұрт ең әуелі тай бәйгесінің куә болды. Мұнда мәрені бірінші кескен Жалпақ ауылының «Айторысы» жеңімпаз атанды. Екінші орынды Бекарыстан би ауылының «Тұмар» жылқысы жеңіп алса, үшінші орынды Ү.Түктібаев ауылынан келген «Батыр» жүйрігі иеленді.&nbsp;Бәйгенің арғымақтар арасындағы сайысында бірінші орын Жалағаш ауданы, Бұқарбай батыр ауылынан келген «Ақжол» арғымаққа бұйырды.&nbsp;Ал екінші орынды Тараз қаласы, Меркі ауданының «Құпиясы» иемденді. Сондай-ақ үштіктен Ү.Түктібаев ауылының «Жебесі» көрінді.&nbsp; Аламан бәйгені асыға күткен жұртшылық құнан бәйгенің шабандоздарына тәнті болды. Өйткені, төрешілердің пәрмені берілгеннен үш бірдей шабандоз қатар шапты. Соңғы айналымда жеңімпазын анықтаған доданың бірінші орынын Жаңақорған ауданының «Мустангы», екінші орынды Бекарыстан би ауылың «Асыл мұрасы» және үшінші орынды аралдық «Әлем» еншіледі.&nbsp;Сыйақысы 1 миллион теңге болған аламан басталып, сегіз айналымнан тұрған бәйгеде Ақсуат ауылының «Абыройы» үмітті ақтады. Шиелі ауданынан келген «Шамшырақ» екінші орынды алып, үздік үштікті Тараз қаласының «Абсент» жүйрігі қорытындылады.&nbsp; Мерейтой қарсаңында өткен ат бәйгесінің жеңімпаздарын аудан әкімі Мұхтар Оразбаев құттықтап, арнайы тігілген қаржылай сыйлықты табыс етті.Көңілді кешке ұласты7 мамыр – Отан қорғаушылар күні және Ұлы Жеңістің 78 жылдығына орай «Ғасыр жасаған майдангер» атты Ұлы Отан соғысының ардагері Қабақ Смағұлдың 100 жасқа толған мерейлі мерейтойы Мәдениет орталығы өнерпаздарының кешкілік концертімен қорытындыланды.&nbsp;Гала-концертте алғы сөз алған аудан әкімінің орынбасары Дәурен Тілеумбетов ауыл халқын мерекемен құттықтады.&nbsp;<blockquote>«Екі күнге созылған шара жоғары деңгейде өтті деп пайымдаймын. Біз әрқашан аға ұрпақ өкілдерінің өз Отанына деген сүйіспеншілігін ескеріп, есте сақтап, оны үлгі тұтуымыз керек. Алдымызға салған асыл қазынамыз, тарихымыздың тірі шежірелерінен қандай істе болмасын таусылмас қуат, тәлім-тағылым аламыз. Сондықтан біз үшін от кешкен аталарымызды ұлықтау біздің басты парызымыз», – деген Дәурен Оңғарбайұлы ауқымды шараға атсалысқан аудандық мәдениет және спорт бөлімінің қызметкерлеріне аудан әкімі Мұхтар Оразбаевтың «Алғыс хатын» табыстады.&nbsp;</blockquote>Мұнан соң, өнерпаздардың өнеріне тәнті болған ауыл тұрғындары ризашылығын жеткізіп, қос қолдап шапалақ ұрды. Шара соңы «Атамекен» әнімен аяқталып, ауылдың аспаны түрлі түсті отшашуға боялды.

Қазалыда ғасыр жасаған майдангерге құрмет көрсетілді

<a href="https://kyzylorda-news.kz/">Kyzylorda-news.kz.</a> 1945 жылдың 9 мамырында Ұлы Отан соғысы аяқталды. Биыл осы айтулы датаға 78 жыл толып отыр. Бірақ, сол сұм соғысқа қатысқан майдангерлер қатары азайды. Оның ішінде, Қармақшы ауданынан аттанған 5 мыңдай жерлесіміздің жартысы сұрапыл майданда ерен ерлігімен қаза тапты. Хабарсыз кеткені қаншама?! Аман-есен елге оралғандары ел әлеуетінің дамуына еңбек сіңірді. Алайда, бүгінде &nbsp;олардың бірде- бірі арамызда жоқ. Десе де, майдангерлеріміздің ұрыс даласында көрсеткен жауынгерлік жорықтарын, ерліктерін өскелең ұрпаққа насихаттауда көптеген жұмыстар атқарылуда.Сондай-ақ, жеңісті жақындатуға атсалысқан, еңбек майданында тынбай еңбек еткен тыл ардагерлерінің бүгінгі күні &nbsp;алды 100-ге келсе, арты 80-нен асты. Төрт жылдан астам уақытқа созылған соғыстағы қанқұйлы ұрыста қол жеткізілген Ұлы Жеңіс күні мерекесі жыл сайын көзсіз ерлік жасап, фашизм отын сөндірген батыр жерлестеріміздің есімін ұлықтауда еліміздің әр аймағындағыдай ауданымызда да жоғары дәрежеде аталып өтті.Мерекелік іс-шара аудан орталығындағы «Мәңгілік алау» мемориалдық кешеніндегі «Белгісіз жауынгер» ескерткішіне гүл шоғын қойып, майданда қаза болған батыр аталар рухына тағзым етумен басталды. Іс-шарада оған қатысушылар Шәмшат Төлепова атындағы аудандық мәдениет үйінің өнерпаздарының тақырып бойынша композициялық қойылымын тамашалап, «Ораз ахун» &nbsp;мешітінің имамы Айбол Қалидың әруақтарға бағыштаған Құранына қол жайып, дұға етті.Әрі қарай аудан әкімі Жандос Еркінбек құттықтау сөз сөйлеп, елдің еркіндігі мен егемендігін қорғаған батырлардың өшпес ерлігін айта келе қармақшылықтарды Ұлы Жеңіс күні мерекесімен құттықтаса, содан кейін сөз алған Вьетнам соғысының ардагері Иса Бисенов, аудандық ардагерлер кеңесінің төрағасы Асқар Мереков жұртшылықты &nbsp;құттықтап, жүрекжарды жылы лебіздерін білдірді.Содан соң, аудан өнерпаздары ән-жырдан шашу шашып, жұртшылықа көтеріңкі көңіл-күй сыйлады.Мереке аясында аудан әкімі Жандос Еркінбекұлы 1941-1945 жылдар аралығында неміс басқыншыларына қарсы соғыста Жеңісті жақындатуға атсалысқан &nbsp;бірнеше тыл ардагерінің отбасында болып, оларды &nbsp;аудан экономикасын дамытуға, тұрғындарыдың әлеуетін арттыруға байланысты атқарылып жатқан іргелі істермен таныстырып, сый-құрмет көрсетті. Ұлы Жеңіс күні мерекесін ауданымыздың барлық ауыл тұрғындары жоғары деңгейде атап өтті. Кент, ауылдық округ әкімдері, шаруашылық басшылары елді мекендердегі тыл ардагерлерінің отбасында болып, оларға құрмет көрсетіп, сый-сияпат жасады.

Қармақшылықтар Жеңіс күнін атап өтті

<a href="https://kyzylorda-news.kz/">Kyzylorda-news.kz.</a> Ұлы Жеңіс күні мерекесі қарсаңында аудан әкімі Жандос Еркінбек бірқатар тыл ардагерлерлерінің отбасында болып айтулы мерекелерімен құттықтады. Тыл ардагерлерінің отбасында аудан әкімі «Жеңіс символы» лентасын ардагер омырауына тағып, құттықтау хат беріп, сый-сияпат табыстады.Жақайым Ақболтаев 1936 жылы дүниеге келген. Тыл ардагері. Соғыс уақытында тылда еңбек етіп, майдандағы жеңіске өзінің қажымас қайсарлығы мен еселі күш жұмсап, бейбіт күн үшін тер төккен ардақты ардагер. 1987 жылы Қармақшы ауданы, Төретам кентіне «Горкомхоз» мекемесінде қарапайым жұмысшы болып, 1991 жылы зейнетке шыққан. Жары Күлжамал Ақболтаевамен 3 ұл, 4 қыз тәрбиелеп өсірген. Қазіргі уақытта осы балаларынан 20 немере 10 шөбере сүйіп отырған ардақты әке.Молдабек Көбеев 1938 жылы туған. Тыл ардагері. 1955-1956 жылдары Төретам кентінде жаңадан ашылған әскери гарнизондағы нан зауытына бухгалтер болып жұмысқа орналасқан. Осы жерде 1957 жылдан 1964 жылға дейін 8 жыл еңбек еткен. Осы аралықтарда Қазалы Ауылшаруашылық техникумының бухгалтерлік бөлімін бітірген.1964 жылы Қазақстанда қой санын 50 миллионға жеткізу керек деген үкімет Қаулысымен Қызылорда обылысында бірнеше жаңадан совхоз ашылып, оның ішінде Қармақшы ауданының Қызыл құм жерінде «Жаңа қала» атауымен қазіргі Т. Көмекбаев ауылы «Қаракөл» қой совхозы ашылған. Ата-қонысыма қызмет жасаймын деп Көбеев Молдабек Байқоңыр қаласынан көшіп Жанақала ауылына келіп бухгалтерлік жұмысқа қабылданған. Осы жерде Жаңақала ауылында 30 жыл жұмыс істеп, 1993 жылы зейнетке шыққан.Манат Сейдахметова 1938 жылы туған. Тыл ардагері. Балалық шағы Ұлы Отан Соғысымен тұспа-тұс келген жас қыз буыны бекімей тылда егін ору, масақ теру жұмыстарына араласқан. Орта мектепті аяқтаған соң, шаруашылықта түрлі жұмыстар атқарған. 1970 жылдан Қуаңдария ауылдық ауруханасында кіші аяжан болып жемісті еңбек етіп, 1993 жылы зейнет демалысына шыққан. Тыл және еңбек ардагері бүгінде балаларынан 11 немере,7 шөбере сүйіп отырған бақытты әже. Сый-құрметке бөленген абыз қарияларымыз аудан әкіміне және бірге құттықтап келген азаматтарға шынайы алғысын білдіріп, қызметтеріне абырой тілеп, ақ баталарын берді.

Қазақстан және Қызылорда облысының жаңалықтары