&nbsp;<a href="https://kyzylorda-news.kz/">Kyzylorda-news.kz</a>. Жаңақорған ауданында балық шаруашылығымен айналысатын 23 су айдыны болса, соның 8-і тауарлы балық өсірумен, 15 кәсіпшілік балық аулау шаруашылығымен шұғылданады. «Балық шаруашылығын дамытудың 2021-2030 жылдарға арналған бағдарламасына» ауданымыздан 6 су айдыны, 1 тоған, 2 шарбақтық балық шаруашылығы енгізілген. Бүгінгі нарықта үлкен сұранысқа ие кәсіптің бірі балық шаруашылығы. Өйткені қазір екінің бірі балық өнімін тұтынады. Әсіресе жиын-той дастарханы балық етінсіз жұтаңдау көрінеді. Сұраныс артқан сайын балықтың бағасы да шарықтап барады. Бірақ осы шаруашылықты қолға алып, кәсіби тұрғыда айналысуға әлі де қауқарсызбыз. Біз бүгін жалпы балық бизнесінің болашағы туралы сөз етпекпіз.Елдегі балық шаруашылығында өндірістік көрсеткіштердің белсенді өсуі байқалады. ҚР СЖРА Ұлттық статистика бюросының мәліметі бойынша, 2018-2022 жылдар аралығында Қазақстандағы аквашаруашылық қоры үш еседен: 5,7 мыңнан 19,2 мың тоннаға дейін көбейген. Кәсіпкерлер де бұл салаға қызығушылық танытып отыр, өйткені бұл салаға мемлекет тарапынан қолдау көрсетіле бастады. Мәселен, балық өсіретін шаруашылықтар үшін салық көлемі 70%-ға төмендеді, кәсіп¬керлер инвестицияның 25%-ын өтеуге, сондай-ақ жем-шөп құнының 30%-ы және шабақ, дәрі немесе бағалы балық түрлерінің аналығы құнының 50%-ы мөлшерінде субсидия алуға арқа сүйей алады. Бұл ҚР Экология және табиғи ресурстар министрлігі (ЭТрМ) Балық шаруашылығы комитетінің берген мәліметі.Бұл бизнес жеңілдіктерінің барлығы «2021-2030 жылдарға арналған балық шаруашылығын дамытудың жаңа бағдарламасы» бекітілгеннен кейін қабылданды. Мемлекет осы кезеңде салаға 268,8 млрд теңге бөлуді көздеп отыр, ал бюджеттен тыс жеке инвестиция ретінде тағы 340,5 млрд теңге күтілуде.<blockquote>2022 жылы Жаманбала-Қамбаркөл және Қалғандария-1 көлдері тауарлы балық өсіру шаруашылықтарының қатарына қосылды. Келінтөбе ауылдық округіндегі «Ислам» тауарлы балық өсіру тоған шаруашылығы ұзындығы 100-120 метрді құрайтын 12 тоған құрылысын салып, тауарлы балық шабақтарын салған. Осы жылдан бастап межелі өнім алу жоспарлануда. Бұдан өзге Жаңақорған кенті, Жаңауыл елді мекенінен «Сарбасов Сейдахмет» ДК, Жаңарық ауылдық округінен «Перуза» ш/қ және «Ғафур» ДК, Төменарық ауылдық округінен «QYZYL BALYQ» ДК, Көктөбе ауылдық округінен «Мұратбек» ДК, Жайылма ауылдық округінен «Томирис» ш/қ тоған балық шаруашылығымен айналысуда, – деді ауыл¬шаруашылығы және жер қатынастары бөлімінің бас маманы Жасұлан Тұрапов.</blockquote>Жауапты маманның сөзінше, биыл «Қазсушар» РМК Қызылорда филиа¬лы теңгеріміндегі Жайылма ауылдық округінде орналасқан «Жиделі» су қоймасы және Жаманбай батыр ауылдық округіндегі «Бесарық» су қоймасында шарбақтық балық шаруашылығын құру жұмыстары жоспарлануда. Бұл да жақсы жаңалық.<blockquote>«Балық шаруашылығын дамытудың 2021-2030 жылдарға арналған бағдарламасы» бойынша жұмыстарды жүргізу барысында мәселелер туындап отыр. Біріншіден, су айдындарында инфрақұрылым саласы, оның ішінде электр сымдарын тарту, бағаналар орнату жұмыстары кедергі келтіруде. Екіншіден, балық шаруашылығын дамыту үшін су айдынына су кіретін және шығатын бөліктеріне шлюз орнату да күн тәртібіндегі өзекті мәселе. Осы мәселелер шешілсе, үлке олжа болғалы тұр, – деді ол.</blockquote>Аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімінің жауапты маманы Асылбай Дәулетханұлы инфрақұрылымдарын дамытуға байланысты электр желілерін жүргізу және трансформатор орнату үшін жобалау сметалық құжаттарын жасап ұсынған жағдайда, облыстық басқармаларға бюджеттік өтінім өткізіп, қолдау тапса қаржы қаралатындығын атап өтті. Яғни кез келген шаруашылық иесі бөлімге жоба-сметалық құжатын өткізуі тиіс.Аудандық кәсіпкерлік, өнеркәсіп және туризм бөлімінің басшысы Қаржыбек Тәжібайұлы су айдындары иелеріне бизнес жоспар, жоба-сметалық құжаттарын жасап, «Бизнестің жол картасы-2025» бизнесті қолдау мен дамытудың мемлекеттік бағдарламасына ұсыну арқылы мәселені шешуге болатындығын жеткізді. Сонымен қатар «Байқоңыр» ӘКҚ арқылы бірлескен өндіріс құру арқылы 51/49 проценттік үлеспен белгіленген мерзімге дейін төмендетілген пайызбен қажетті несие ала алады. Жақсы жобалар болған жағдайда гранттарға ұсынуға жәрдемдесетіндігін сөз етті.Бір сөзбен айтқанда, қос бөлім арқылы да, жоба-сметалық құжатты (ЖСҚ/ПСД) әзірлеп, өткізуге болады. Бірінде субсидия алсаңыз, енді бірінде қайтарымсыз қаржыға қол жеткізесіз. Екеуі де тиімді жол, қолдау тапса қос тараптан да кәсібіңізге инвестиция құйылады. Сөйтіп бабын тауып, ба¬лықтан да үлкен бизнеске қадам басуға мүмкіндік бар.Біз неге бұл тақырыпты қозғап отырмыз? Өйткені, соңғы жылдары балық бизнесі толайым табыс көзіне айналды. Қазір дарияның өзінде балық қалмай бара жатыр. Қарап отырсаңыз, балықтың келісі еттің бағасына жетті. Көп тұтынатын сазан балығының келісі 1800 теңгеден асып жығылады. Сондықтан қолда тұрған алтынды қадірлеп, балық шаруасын ширату керекпіз. Бастысы, мемлекет тарапынан жеңілдік бар.

Жаңақорғанда балық шаруашылығымен айналысатын 23 су айдыны бар

<a href="https://kyzylorda-news.kz/">Kyzylorda-news.kz.</a>&nbsp; Бүгінде өңірімізде ел намысын қорғап жүрген апайтөс балуандар, тау көтерген толағайлар, желмен жарысқан желаяқ спортшылар жетерлік. Солардың арқасында байрақты бәсекеде Көк туымыз көкте желбіреп, әнұранымыз шырқалып жүр. Ал осы спортшылардың артында білікті бапкер мен жан аямай тер төгетін жаттықтырушы тұрғанын білеміз. Спортшы қанша жерден талантты болса да, бапкерсіз бәсекенің биік шыңына көтеріле алмасы анық.Кей жағдайда спорт саласында саңлақтардан чемпион шығарған жаттықтырушылардың маңдай тері мен ізденісі көзге көріне бермейді. Ал олардың жұмысына шын үңілсеңіз үлкен еңбек жатыр. Қазақ «жігітті кеткен күшімен сынама, еткен ісімен сына» деген. Бүгінде топ ішінде балаларды танып, оларды шынықтырып, ілкімді ісімен танылып жүрген мақтаулы бапкерлер Қармақшы елінде жетерлік. Солардың бірі – Айдар Ералиев.Белгілі бапкер кәсіби спорттағы еңбек жолын 2009 жылы бастаған. Бұдан бір жыл бұрын Сыр елінің дарабозы Илья Ильин олимпиада чемпионы болғаннан кейін облыстық спорт басқармасының қолдауымен аудандарда ауыр атлетикадан зал ашыла бастайды. Мақсаты – ауыл балаларын спортқа тарту. Сол жылы аудандағы спорт мектебінің директоры Әлжан Төремаханов пен Артур Әлиев ауыр атлеттен жаттықтырушыға лайық деп Айдарды қызметке шақырады. Себебі ол, Астана қаласындағы спорт мектебіне ауыр атлет бойынша оқуға түсіп, осы салада жаттығып, Қазақстан Республикасының бірнеше дүркін чемпионы атанған. Мұнан бөлек спорт шебері атағы тағы бар. Сөйтіп спортшы ұсынған қызмет орынға бірден келмейді. Алайда ауылдағы ағалары, достары «елге қызмет ету керек, ауылдан чемпиондар шығару керек» деп жігерлендіреді. Осындай қолдаудан күш алған ол қызметке кірісіп, көптеген шәкірт тәрбиелейді.<blockquote>– Әдепкі жылдары сәл қиыншылықтар болды. Спортта бала тәрбиелеп, чемпион шығару да оңай жұмыс емес. Елдің абыройын арқалау ол үлкен жауапкершілік. Көпшіліктің жігерлендіруімен алға мақсат қойып, шәкірттерімді үздіксіз жаттықтырдым. Сөйтіп ауылдан мықты спортшылар шықса екен деген арманым орындалып, шәкірттерім жоғары орыннан топ жарды. Атап айтсам, Айшолпан Әмзеева, Гүлназ Шәмиева, Нұрбол Мүсілімов, Әмірхан Қожабаев, Ержан Шамшатов, Еранат Рахметов, Әділет Әбдіқали, Ермахан Орынбеков, Бабыр Қожантай, Данияр Сайлаубеков және өздеріңізге белгілі Ерасыл Сәулебеков. Осы аты аталғандар Қазақстан Республикасының чемпиондары, жүлдегерлері және спорт шеберлері. Мұнан бөлек халықаралық дәрежедегі екі оқушым бар. Мақсатымыз осы киелі топырақтан спорт саңылақтарын шығару. Қазір шүкір ауданымыздың спорттан ойып алар өзіндік орны бар. Барлығы осы үлкен қолдаудың, еңбектің арқасында, – дейді білікті жаттықтырушы.</blockquote>Айдар Қойшыбекұлы қазіргі таңда аудандағы дене шынықтыру-сауықтыру кешенінде ауыр атлет бойынша қызметін жалғастыруда. Мұнда 35 оқушы әр күні залға келіп жаттығады. Бапкер оқушыларының әр жаттығуын қадағалап, көз алдынан таса қылмайды. Тіпті үлкен додаларда қасына алып жүріп, жағдайын жасайды.<blockquote>– Спортта шәкірт тәрбиелеп додаға қосу, астыңдағы атыңды бәйгеге баптағанмен бірдей. Осыдан төрт жыл бұрын елді індет жайлаған уақытта спорт залдар уақытша жабылып, оқушылар жаттығуға келе алмады. Сонда тәуекелге бел байлап жарысқа үміті бар шәкірттерімді жинап, 6-7 ай үйде жаттықтырдым. Соның ішінде Ерасыл қасымда көп дайындалып, менімен бірге болды. Оның тамағын, жаттығуын үнемі бақылап отырдым. Сол үздіксіз жаттығудың нәтижесінде ол 2022 жылы Әлем чемпионы атанды. Кез келген шәкірттеріме қояр басты талабым бірінші – темірдей тәртіп, одан кейін адамдық қасиеттерді үйрету, яғни дұрыс сөйлесу, адамды сыйлау. Үшінші – жаттығудан қалмау. Міне, осының барлығын жиі айтып отырамын, – дейді ол.</blockquote>Білікті бапкер шәкірттері додаға түскенде оның қарсыласынан сынып қалмауын да қатты қадағалайтынын жасырмады. Мұндай жағдай спортта жиі орын алып тұрады дейді ол.<blockquote>– Ерасылмен екінші рет Албания еліне барар алдында оның қарсыласын әлеуметтік желіден іздеп тауып, таныстырдым. Кейін жарысқа сол елге барғанда әр аймақтан келген барлық спортшылар бір қонақ үйде болдық, бірге тамақтандық. Бірақ шәкіртімді бір елі қасымнан тастамадым. Басқа елдің спортшылары қастарына бірге тамақтануға шақырғанда да жібермедім. Себебі, қазір допинг деген бәле бар. Кім біледі, тамағына қосып жіберуі мүмкін ғой. Спортта тайталас қатты. Жарыста жүргенде Ерасылды қарсыласы армиян жігіт бірден «досым» деп жақын тартып, оған дайындықтағы видеоларын, мынша ауыр зілтемір көтергенін көрсетіпті. Мен оның психологиялық шабуыл екенін бірден байқадым. Содан оны шақырып алып, жеңіс әуелі Құдайдан екенін айтып, қарсыластан ешқандай қорқудың, қобалжудың керегі жоқ екенін түсіндірдім. Жалпы Ерасыл екеуіміз бір адам болып, тек көзбен, ыммен сөйлесіп жүрдік. Ол айтқанды тез түсініп, қағып алады, – дейді Айдар Ералиев.</blockquote>

Білікті бапкер жеңіске жетелейді

&nbsp; <a href="https://kyzylorda-news.kz/">Kyzylorda-news.kz.</a>&nbsp;Көктем келіп, күн жылығанда күллі адамзаттың жүрегі жылынады. Неге десеңіз, көңіл жадыраған тұста ардақты ана, аяулы жар, әпке-қарындастар мен қыз-келіншектердің төл мерекесі – Халықаралық әйелдер күні қатар келеді. Әдемілік үйлесім тапқан мызғымас сәтте ер азаматтар нәзік жандылардың көңілін көкке жеткізу үшін, қолдан келгеннің бәрін жасауға бар. Осындай ұмтылыс бүгін білім саласы қызметкерлері мен ардагерлерінен бастау алды. Нақтырақ айтсақ, аудандық Оқушылар үйінде батыр ана, ардагер ұстаздар құрметіне «Армысың ару, гүл көктем» атты мерекелік кеш ұйымдастырылды.&nbsp;Бір қолымен бесікті, екіншісімен әлемді тербеген, алтын құрсақты аналарды құттықтау үшін аудандық білім бөлімінің басшысы Әділхан Жөлекешов, білім саласы ардагерлер кеңесінің төрағасы Серік Қуанышбаев пен аудандық білім қызметкерлері кәсіподағы ұйымының төрағасы Әбілқасым Раман сахнаға көтерілді.&nbsp;– Құрметті ару-ана, аяулы ұстаздар! Сіздерді 8 наурыз – халықаралық әйелдер күнімен шын жүректен құттықтаймын. Ардагерлеріміз салған сара жол, ізгі ізбен білім саласы қарыштап дамып келеді. Балаларымыз бен ұстаздарымыздың жекелей шапқан, топпен олжалаған жетістіктері жайында сағаттап айтуымызға болады. Бұған арамызда отырған ошақ басы мен ел келешегін тәрбиелеуді қатар алып жүрген көпбалалы аналарымыздың да айтарлықтай үлесі бар.&nbsp;Құрметті, ұлы мамандық иелері! Мереке қарсаңында сіздерге зор денсаулық, мол бақыт тілеймін! Ажарларыңыздан тараған әсем күлкі әлемге сұлулық сыйлайды. Сондықтан, бүгін сіздердің жүздеріңізге күлкі ұялату үшін аянып қалмаймыз, – деді ауданның бас ұстазы Әділхан Оңдасынұлы.&nbsp;Бұдан кейін марапаттау рәсіміне кезек берілді. Бірқатар ұстаз облыстық білім басқармасы мен облыстық кәсіподақ ұйымының Құрмет граматосына ие болса, ұзақ жылдар бойы білім саласынан табан аудармай, ғұмырын бала тәрбиесіне арнаған ардақты ардагерлерге сый-сыяпат көрсетілді.&nbsp;Мерекелік кеш Оқушылар үйі мамандары дайындаған «Ана бақыты» қойылымымен жалғасты. Шараға қатысушылар спектакльден ерекше әсер алып, көтеріңкі көңіл күймен қайтты.&nbsp;

Қазалылық Ұстаз аналар ардақталды

<a href="https://kyzylorda-news.kz/">Kyzylorda-news.kz</a>. Павлодар облысы Майқайың алтын кен орнында 4 жолаушысы бар автобус шұңқырға&nbsp;құлап, екі адам сыртқа шығарылған болатын. Ал қалған екеуі әлі табылмай жатыр, деп хабарлайды <a href="https://qaz.ulysmedia.kz/">Ulysmedia.kz</a>.Табылмай жатқан Айдос Шаймерденнің жары Нұрсұлу апат болған жерге барып, видео түсірген. Көрген жанды тебірентпей қоймайтын бейнежазбада келіншек осы жерге күнде бір үмітпен келетінін айтады.&nbsp;<blockquote>Жаным, Айдос! Қанша жүрегім ауырса да сені құтақара алмай жүрген жерге келіп жүрмін. Күнде бір үмітпен келемін осында. Қанша адамды құтқарса да сені ешкім құтқара алмай қалды. Жүрегім ауырады. Бүгін 60-күн ғой. Бір үмітпен жүрмін. Аруағыңды қорлатуға жол бермеймін! Мен ойлағандай болмаса алды-артыма қарамаймын! Сенің аруағыңды қорлағысы келіп тұрған адамдарды бір Аллаға тапсырдым, –&nbsp;<a href="https://www.instagram.com/reel/C4Ecv1ZILa-/?igsh=MXI3YjdzODgxeGwwMw%3D%3D">дейді</a> ол.</blockquote>Еске салсақ, екі ай бұрын Павлодар облысында құтқарушылар мінген автобус шахта маңындағы шұңқырға <a href="https://qaz.ulysmedia.kz/aimak/11809-pavlodar-oblysynda-avtobus-shun-kyrga-tusip-ketti/">түсіп</a> кетті.Облыстық ТЖД баспасөз қызметінің мәліметінше, 4 қаңтарда сағат 01-25 шамасында Баянауыл ауданында «Майқайыңзолото» АҚ аумағында, Майқайың кеніші шахтасының маңында төрт жолаушысы бар автобус тазарту кеңістігіне құлап кетті. Алдын ала&nbsp; болжам бойынша, құлаған аумақтың ұзындығы – 150-200 м, ені – 500 м, тереңдігі –150 м.<blockquote>– Апат кезінде автобуста төрт адам болды: республикалық орталық штаб кәсіби әскерилендірілген авариялық-құтқару қызметтері Павлодар филиалының үш құтқарушысы және бір жүргізуші. Шахтадан 33 жұмысшы эвакуацияланды, олардың өмірі мен денсаулығына қауіп төнген жоқ, – деді департаментте.</blockquote>Кейін қаза тапқандардың есімдері <a href="https://qaz.ulysmedia.kz/aimak/11823-pavlodardagy-totenshe-zhagdai-kaza-tapkandardyn-esimderi-belgili-boldy/">белгілі</a> болды.&nbsp;Майқайың кеніші шахтасының маңында автобусымен апатқа ұшырап, табылмай жатқан жүргізуші Айып Тілеубергеновтың туған інісі Амангелді Тілеубергенов&nbsp;те қазу, іздеу жұмыстарына көңілі толмайтынын айтып, облыстық Төтенше жағдайлар департаментінің басшылығын <a href="https://qaz.ulysmedia.kz/exclusive/12364-eki-ak-ekskovator-kazyp-zhatyr-maikaiynda-tabylmai-zhatkan-zhurgizushinin-agasy-tzhd-zhumysyna-narazy/">сынға</a> алды.Фото: ulysmedia.kz.

«Күнде осында бір үмітпен келем»: Майқайыңда табылмаған құтқарушының әйелі жұртты жылатты

<a href="https://kyzylorda-news.kz/">Kyzylorda-news.kz.</a> Таңертеңгілік үйден шығып, жұмысқа қарай бет алдым. Таңғы аяз бет қариды. Орталық алаң бойымен тайғақ жолда әрең келе жатқан тұста бес бұралқы ит дегбірімді қашырды. Орталық алаңдағы бұл жағдай аянышты-ақ көрінді. Азу тісі ырсиған иттер мүшкіл халіңді мүсіркей түседі. Редакция маңында орын тепкен үйлердегі қабаған иттер ойда-жоқта «арс» еткенде жаныңды шүберекке түйесің. Алдаусыратып беретін бір түйір дәм де қалтаңнан табылмайды. Сол сәтте санаңды сан сұрақ билейді. Бұларды қаңғытқан кім? Бізді қойшы жаспыз, ал қаусаған қарттар қабаған ит тап бергенде не істейді? Немесе жас балғынның балағына жармасса ше? Жемтік іздеп жүрген бұралқы иттер бұқараға ауру жұқтырмай ма? Бұларды бақылауға алатын біреу бар ма екен?Осы сұрақтарды жалау етіп дереу аудандық ветеринария бөліміне телефон шалдық. Олардың айтуларынша, бұрын қараусыз, қадағалаусыз жүрген және қожалары жоқ қаңғыбас ит пен мысықты жою үшін құрамына ветеринариялық станция мамандары, учаскелік полиция енген арнайы топ айналысатын. Жаңа заңға байланысты ол жұмыс тоқтап тұр. Енді жаңа заңға сәйкес, аудан, ауыл орталықтарынан қараусыз жүрген ит пен мысықты арнайы жұқпалы індеттерге қарсы екпе жасап, таңбалап, қайыра босатып жібереді екен. Мәлім болғандай, әзірге ауданда қаңғыбас ит пен мысыққа арналған панажай жоқ. Ал оны салу үшін, әлбетте, қыруар қаржы мен арнайы жер керек. Оған енді жергілікті билік өкілдері жауап берер деген оймен, кент әкімдігіне де байланысқа шықтық. «Бұл мәселеге негізі ветеринария бөлімі жауап береді. Ал біздің тараптан қажетті жұмыстар жүргізіліп жатыр» деп жауабын қысқа ғана қайырды. Жарайды, жұмыс істеп жатқандарын білдік. Ал нақты қандай ісәрекет жасап жатқандары жайлы толық мағлұмат ала алмадық. «Өскен өңірдің» тұрақты оқырмандары біледі, қаңғыбас иттің мәселесін басылым бетінде қаншама рет көтердік. Оған «Бұралқы ит бұқараға қауіп төндірмесін», «Бұралқы ит «басынып» барады», «Қорегін қоқыстан тапқан», «Таңбалаған тиімді ме?» атты тақырыпта жарық көрген мақалалар дәйек. Айтып ауыз жиғанша болған жоқ, белгілі себеппен дәл осы мәселеге қайта оралуға тура келіп тұрғаны... Есіңізде болар, бұрнағыда, бұрнағы деуге келмес, осыдан 1-2 жыл бұрын бұралқы иттерді атып, көзін жойып отыратын. Ал енді қазір оларды атуға болмайды. Атсаңыз, арнайы заң жүзінде жазаланасыз. Яғни өткен жылы қыркүйектен бастап, осы мәселеге қатысты заң өз күшіне енген-ді. Қолдағысы бар, қаңғыбасы бар, барлық итмысыққа белгі салынып, жеке сәйкестендіру нөмірі беріледі. Әлгінде айтқандай, көшекөшеде топ-тобымен жүретін ит-мысықты тиісті органдар атып, ал денесін арнайы пеште жағып жіберетіндерді таппайсыз. Жаңа заңға сәйкес, енді мұндай әрекеттерге барғандар жауапкершілікке тартылады. Ит-мысықты ұрып, түрлі қатыгездік қарекет жасағандар да қатаң жазаланбақ. Яғни, адамгершілікке жат қылықтарға жол берілмейді. Осы тұста қараусыз, қаңғыбас ит-мысықты атпаса, олардың қарасы көбейіп, қоғамға қауіп төнбей ме деген заңды сұрақ туындайды. Иә, шет жақты айтпағанда кенттің қақ ортасынан топтасып жүрген қаңғыған иттерді күнде көріп жүрміз. Тіпті күндіз-түні адам қарасы үзілмейтін орталық алаңды бірнеше ит паналап алғанын қайтерсің. Оған күні кеше көрген көріністі қосыңыз. Жаман айтпай, жақсы жоқ. Қанша жерден адамның досы десек те, ит иттігін жасамай қоймайтынын естен шығармаған абзал.&nbsp;Бір жағынан қарасақ, әр нәрсенің иесі болғаны жөн. Себебі әр нәрсенің сұрауы болады. Міне, осыны ескерген үкімет заң арқылы жұрттың жауапкершілігін арттыруды көздеп отыр. Кейбір ит-мысық иелері қолдағыларына тиісті қырағылық танытпай, өзгенің өміріне қауіп төндіріп жататыны жасырын емес. Осы тұрғыдан алғанда үйдегі ит-мысықты да есепке алудың пайдасы болады деп күтілуде. Мемлекет таңбалаудың түрлі тәсілін ұсынып отыр. Олар – асқазан-ішек жолдарына енгізілетін болюстар, білезіктер мен қарғыбаулар, электрондық белгілер, құлағының ортасына тағылатын сырғалар, татуировка, терінің астына салынатын чиптер. Міне, осы тәсілдердің ішінде соңғысын тұрғындар да, ветеринарлық дәрігерлер де жөн көреді. Себебі тіршілік иесіне тіпті зияны жоқ. Денесіне енгізгенде де еш ауырсыну болмайды. Шприц арқылы терінің астына кіргізілетін күріштің дәніндей-ақ заттың бар-жоғы да білінбейтін көрінеді. Тек арнайы құралмен сканерлеу арқылы анықтауға болады.&nbsp;<blockquote>– Тіркеуге әкелген үй жануарын біз суретке түсіреміз, оған қатысты барлық мәліметтерді базаға енгіземіз. Әрбіріне 30 минуттай уақыт кетеді. Егер жүйеде ақау болса, біраз күтуге тура келеді. Осы заңның енгеніне көп уақыт өте қойған жоқ. Тиісінше бағытта тыңғылықты түсіндірме жұмыстары жасалуда. Бүгінгі күнге дейін 1074 ит чиптеліп, есепке алынды, – дейді ветеринариялық дәрігер Асұлан Асқарұлы.&nbsp;</blockquote>Кез келген жаңашылдық енгізілгенде көпшілік оның тиімділігіне үрке әрі күмәнмен қарайтыны рас. Мұндай сәтті «уақыт көрсетер» деп бәрін алдағы күннің еншісіне тапсырамыз. Міне, еліміздегі итмысықты таңбалау, тіркеу науқаны осы сипатта өтіп жатқандай. Иесіз ит-мысықтардың санын реттеудің жаңа тәсілі қаншалықты тиімді болатынын мамандар да дөп басып айта алмайды. Осы тұрғыда бұқараның екі ұдай пікірде отырғаны анық.

Шиелі: 1074 ит таңбаланған

<a href="https://kyzylorda-news.kz/">Kyzylorda-news.kz.</a>&nbsp; Адамның ойлағаны бола бере ме? Ақтөбе ауылының тумасы Гүлшара Таласқызы ұстаз болуды қалаған. Оған мектептегі үлгерімі де сай келетін. Өзіне сабақ берген мұғалімдеріне еліктеп өскен жас қыз қаладағы педагогикалық институтқа емтихан тапсырып көрген, өкінішке қарай армандаған тіл, әдебиет факультетіне түсе алмай, сүрінді. Сонау ауылдан тыс шалғайда мал бағып отырған ата-анасының бұл жанына батпады емес, батты, әрине. Десе де, бала күнінен қызының қайсар мінезін білетін олар кіші оқуға құжат тапсырғанында да батасын беріп, шығарып салған-ды.Ол Қызылордадағы коопертивтік училищесі болатын. Оны бітірісімен жұмысқа араласты. Оқудың артығы болмас деп, Ресейдің Свердловск қаласынан «Бухгалтерлік есеп» мамандығы бойынша тағы да білімін жетілдірді. Ауыл мектебінде есепші, кассир болып еңбек етті. Әрі қарайғы наны сауда саласынан бұйырған екен. Дүкенде істеді. Сол аралықтарда бойжеткен болашақ жарын кездестіріп, тұрмыс құрды. Бір әулеттің инабатты келіні атанды. Балалышағалы болды. Сөйтіп жүргенде Одақ ыдырап, тоқырау басталады.Ол кездің қандай болғанын қазіргі жас ұрпақ білмесе де, аға буын жақсы біледі. Жетпеушілік, талонмен азық-түлік алу, бұлыңғыр болашақ халық тұрмысына әсер етпей қоймады. «Мемлекет асырайды» деген түсінікпен 70 жыл өмір сүрген халыққа оң-солын бағдарлау екіталай еді. Бүгінде кәсібін дөңгелетіп, жолға қойған Гүлшара Таласқызы бұл жөнінде сол кезеңдерде сауданы қалай бастағанын былайша әңгімелейді.<blockquote>– 1995 жылдан бастап 7-8 жыл мектептің бір бөлмесін жалға алып, оқу құралдарын, тәттілер сатумен айналыстым. Алдымызда не күтіп тұр, келешегіміз қалай болады, деген сұрақтар көкейімізде тұрды. Мектепте істеп жүргенімде жеке шыққым келіп, неден бастасам екен деп біраз ойландым. Алдымен еске түскені, үйімнің орталықта орналасқаны. Ақырында төрт жолдың торабынан сүт сатсам да жаман болмаспын деп шештім. Аудан орталығына ауылдан 2 мезгіл автобус қатынайды. Ағарғанмен жұмыс істеудегі бірінші саудам сол автобустың біріне 4 кола сүт салудан басталды. Екінші күні 5, үшінші күні 7 кола салып, бірте-бірте көбейтіп, 100 құтыға жеткіздім. Халықтың тұрмыс деңгейі төмен, ақша да ұсына бермейді. Сондықтан бір малдың сүтін бір күні май, бір күні шай, бір күні қант қылады. Сүт құйып жіберетін бос құтының (баклажканың) өзін табу әлдеқандай. Сүт құйып жіберген құтыларды сол жақтағы сүт сатушылар кері қайтарып, көліктерге қайта салады. Оның біреуіне сатылған сүттің ақшасын шүберекке түйіп жібереді. Бір мың, екі мың теңгені құрайды. Ол көп ақша саналатын. Кейде сүттің өтпей қалатын да кезі болады. Арасында өзім барып сатамын, өткіземін. Сауданың аты – сауда. Ондайда ағарғанымды алып, Байқоңырға қарай кетемін. Ол жақтан өткізіп, ауылға қайтамын. Осылай да жұмыс істеп жүрдік. Соның нәтижесі берекелі кәсіпке ұласты. Сүтпен адал жұмыс істедім. Ашып кететіні болады. Ұйып қалады. Жаз, қыс бар демекші. Соның бәрін түнімен ұйықтамай, пісіп айран болмаса ірітіп құрт қылып, ұқсатып, ретін таптым. 2006 жылы жолдасым Жұмабек Берманұлы вахталық жұмыстан қайтып келе жатқанында жол апатынан қайтыс болды. Онда кенжеміз енді ғана бір жастан үш ай асқан болатын. Арқасүйер азаматымнан айырылу – көз-жасқа ерік берумен қатар, ойымда қалай да әкесіз қалған балаларымды аман-есен жеткізіп, азамат қатарына қосуым керек деген мақсат тұрды, – дейді ол кәсібінің қыр-сырымен бөлісіп.</blockquote>Осындайда мына тәмсіл еске түседі. Хазіреті Омар заманында сүтке су қосып сатпау жөнінде жарлық шығады. Бірде халифа ел аралап жүргенде бір үйдің маңынан өтіп бара жатып анасы мен қызының сөзін құлағы шалып қалады. Сонда анасы қызына ертеңгі сатылатын сүтке көбірек су құюды айтып жатады. Оған наразы болған қызы анасына халифаның бұған сәйкес жарлығы барын есіне салады. Қызының сөзін қаперге алғысы келмеген анасы: «Ой, тәйірі, сол Омар халифа сені көріп тұр деймісің?» дейді. Сол кезде қызы: «Омар халифа көрмесе де Алла көріп тұр ғой, анашым» деп жауап берген екен. Мұнан шығатын қорытынды – саудадағы адалдық ол қашан да адамды айналасына қадірлі, сыйлы етсе, бақ-берекені қоса дарытатыны.<blockquote>&nbsp;Ағарғанмен таза жұмыс істедім. Жұрт су құятын болса, мен құйтырқылық жасамай, адалынан жұмыс істегеннен, бәлки өзімнің де бағым шығар, әйтеуір 5 теңгеден құралған кәсібімді дамытып, шағын дүкен етіп аштым. Оны аралас сауда дүкені етіп үлкейттік. Одан тұрмысқа қажеттінің бәрін табуға болады. Мұнан соң тағы да басқа жерден дүкен салдық. Бір күні нан көметін наубайханамыз болды. Бір күні шағын кафе де ұйымдастырдық. Бүгінде отбасыға жететін жағдайымыз бар. Қызым Ақбота Жезқазғанда тұрады, тұрмыста. Балам Достық қолымда. 4 немеренің әжесімін. Келін жұмсап отырған енемін. Кенже балам Досымжан Қорқыт ата атындағы университеттің студенті. Грантта оқып жатыр. Оған да осы кәсіптің арқасында қаладан үш бөлмелі үй алдық. Адал еңбекпен осындай жоғары дәрежеге жеттім. Қазақ әйелі мықты деп айтып жатады. Балаларымның әкесі өмірден өткенде 40 жаста екенмін. Содан бері тынымсыз еңбекпен отбасының тұрмысын тіктеп, жағдайын жасап келемін, – дейді адалдықты өміріне де, кәсібіне де мұрат еткен ана.</blockquote>Кәсіпкер шот қағудың шебері. Жергілікті тұрғындармен қатар сырттан келетін қонақтар, шетелдіктер де оның бұл шеберлігіне тәнті. Әпкеміздің бұл қабілетін талай жан объективке шырт еткізіп, арнайы фотоға түсіруге келетіндер көп көрінеді. Ол ауыл арасында қайырымдылық жасаудан кенде емес. Қолы ашық азаматшаның жасап жүрген қайырымының ел бірін білсе, бірін біле бермейді. «Бастысы, қарт кісі болсын, бала болсын қуанту. Қолымнан келсе, жақсылық жасауды, сыйлық бергенді ұнатамын. Адамның арасын жалғайтын игі қадам жақсы көңіл күй де орнатады» дейді ол.

Ағарған сатудан басталған бизнес

<a href="https://kyzylorda-news.kz/">Kyzylorda-news.kz.</a>&nbsp;&nbsp; Қармақшы ауданында өткен жазба ақындар мүшәйрасына қатысып, бас жүлде иеленген Мөлдір Тәңірбергенованың қаламынан күрескерлікті байқаймыз. Тағдырдың басқа салған сынағына мойымай, одан жеңімпаз болып шыққанын бірі білсе бірі білмейді.&nbsp;Тағы бір білеріміз – ол ақын Бекұзақ Тәңірбергеновтің қызы екені. Ортақ әңгіме шығармашылыққа тоғысты. Сондай әңгіменің ортасында өзінің жаман ауруды қалай жеңгенін айтты. Оның бұл батылдығы бізді &nbsp;қайран қалдырды. Әйтпесе, мұндай нәрсені адам аузы батып айта бермейді ғой. Қатерлі ісікпен күресіп жүрген талай жанға рух, қайрат береді деген үмітпен сөзге тарттық.Жас қыздың оған дейін де тағдыры анау айтқандай, гүлденіп тұрмапты. Мектеп бітіргесін мамандық алып, жоғары оқуға түсуді арман етіпті. Бойжетіп келе жатқанда отбасы арқасүйер әкесінен айырылады. Бекұзақ ақынды республикада танымайтындар кемде-кем болар. Асқар тауы құлап, көңілін мұң басқан перзенті әкесі жайында былайша еске алады.<blockquote>– Ол кісінің ақындығы бойыма дарыды. Әкем кішкентайымнан алдына отырғызып, «Менің қызым әкім болады, директор болады, ақын болады» деп көп айтушы еді. Соған мәз болатынмын. Әкем айтқандай, әкімқара болмасам да, ақындық қаныма жақын. Өнер қанмен дарығанмен, оны шыңдамаса, адам кітап оқымаса, ортамен араласпаса, сол жолда қызмет етпесе, тұншығып қалады екен. 9-сыныптан бастап өлең жаздым. Алғашқы туындым Фариза Оңғарсыноваға арналып жазылған. Ақын апам түсіме кірді. Тегін емес шығар деп өлең арнадым. Оны көрген әкем дереу газетке бастырып жариялады. «Қызым ақын болады» деп жадырап қуанғанын осы күнге дейін ұмытқан емеспін. 10-сыныпта өмірден өтті. Содан мектепаралық, мектепішілік мүшәйраларға қатысып жүрдім. Облыстық, аудандық жыр бәйгелеріне шықтым. 16 жастан бастап 23 жасыма дейін өлең жазып жүрдім, – дейді.</blockquote>Мөлдір мектеп бітіргесін оқуға түсе алмайды. Армандаған журналистика факультетіне құжат тапсырғанмен, емтиханнан өте алмаған. Сәттілік оң қабақ бермегендей. Дегенмен, үміт сәулесі қашанда сөнбек емес. Елде 2006 жыл – «Өнер жылы» болып белгіленгені белгілі. Ауыл-аймақтарда өнер саласына деген тың жаңалық, игі істер еніп жатқан кез. Сондай бір сәтте жырау Алмас Алматов ағамыз тектіден қалған тұяқ деп ағалық жанашырлығын жасап, Мөлдірді Қорқыт ата атындағы университеттің ректорына қолынан жетектеп апарады. Десе де, ол жерде жыраулық өнерге ғана мүмкіндік болып, ақын қыздың кандидатурасы оған жарамайды. Ардақты аға оған да тоқтамай, сол уақыттағы облыс әкімінің орынбасары Айтбай Көшербаевқа да ертіп алып кіреді. Ел ағалары ақылдаса келіп, Мөлдірдің ақылы оқуына жол ашып, оған демеуші де табады. Сөйтіп ол ақылы түрде оқуға түсіп, білім алып жатқан болатын. Бірақ «Болашақ» университетінің «Қазақ тілі мен әдебиеті» пәнінің мұғалімі мамандығы бойынша бір жыл ғана оқу бұйырыпты. Келер жылы демеуші компания жабылып, жұмысын тоқтатады. Осылайша ол бұл оқуынан шығып қалады. Алмас ағасының мазасын алғысы келмеді де, одан соң бұл тақырыпқа оралмады. Бір себеп – осы болса, бір себеп – жесір қалған ананың қызының сабағына төлеуге шамасының келмегені.<blockquote>«Өзім төлеп оқып кетуге жағдай көтермеді. Анам ауырып, үйде отырып қалды. Жұмыс істей алмады. Күнкөріспен дүкенде жұмыс істеп жүрдім. Өнер жайына қалды. Оқымаған, дамытпаған, шығармашыл ортаң болмаған соң өнерім қала берді. Әшейінде көкейіме құйылып тұратын жыр шумақтары да жатсынғандай ойым ыдырай берді» дейді ол бастан өткен қиындығын баян етіп.</blockquote>Өмір өз ағынымен өтіп жатты. 2012 жылы тұрмыс құрды. Алланың сынағы болар, 4 жылдан соң аты жаман аурумен ауырды. Онымен бірнеше жыл арпалысты. Сол жаман немеге диагноз қойған сәт оның ең бір сұрықсыз түсі сияқты. Дегенмен берілуге болмайды. Отбасы, балалар бар артында қарап тұрған. Қандай жағдайда да дертті жеңіп шығуы керек. Аурухананың төрт қабырғасы кейде жалықтырып жіберетін. Ұзақ уақыт ем қабылдау да бітпес істей көрінетін. Аурухана төсегінен үйіне жеткенде одан артық бақытты адам жоқтай болып, қуанышты күй кешетін. Балаларының әжесі мен отағасы оның жайын түсінбегенде әлдеқандай болар ма еді, кім білсін?! Дертпен іштей күрессе, бұл екі кісі де қолдан келгенін аямады. Уақытылы дәрігердің емін қабылдауға қала барғанда енесі аяқтана қоймаған кішкентайларын алып қалып, алаңдауына жол бермеді. Жары болса, емдомына керекті қаражат тауып беріп, жылы сөзімен болашаққа деген сенімін еселей арттырды.<blockquote>– Басымнан өткен 5-6 жылдағы ауыр халімді жан баласына да тілемеспін. Жақындарымның жанашырлығының арқасында – екінші анам мен жан-жарым Абзалдың қолдауымен жеңіп шықтым. Қайда барып емделу керек, емге не қажет, соның бәрін де жасады. Түсінгенім – бұл дерт жақындарыңның жанашырлығын қажет етеді. Өз-өзіңді тастасаң, жеңу қиын. Бір жағынан рухымды түсірмедім. Жылдар бойы ем қабылдадым, емделуге жатамын. Қай қалаға бар десе, сонда барамын. Осындай кездерде бір қабақ шытпай, маған жылулық сыйлаған аяулы жандарыма және дәрігерлерге алғысым шексіз. Анамыз балаларды ғана қарап қойған жоқ, мені де қарады. Ыстық пешке жақындауға, көп қозғалуға болмайды деген талаптар болды. Сондайда күтінуіме жағдай жасады. Пешке жуытпады. Егер күтімім дұрыс болмағанда, бұл дерттен жазылар ма едім, жазылмас па едім, деген сұрақ тұрады көкейімде. Қазір, шүкір денсаулығым жақсы. Сынаққа сынып кетпедім. Қатерлі ісікті жеңіп тұрмын. Алдын алу шарасы үшін арасында ем алып, тексеруден өтіп тұрамын, – дейді қайсар қыз.</blockquote>Мөлдір Тәңірбергенова Төретам кентіндегі балабақшаның бірінде жұмыс істейді. Ол бүгінде жұмысын жалғастыру үстінде. Бір кездері өлең жаза алмай қалған ақын қыз жыр әлеміне қайта оралған. Алда жоғары оқу орнына түсіп, мамандық алуды мақсат етіп отыр. Бәрінен бұрын ол – шат күлкілі балаларының, жанұясының ортасында.

Қатерлі дертті жеңген қармақшылық қайсар қыз

<a href="https://kyzylorda-news.kz/">Kyzylorda-news.kz</a>&nbsp; Енді талапкер бейіндік пәндер бойынша жоғары балл алады.ҚР Ғылым және жоғары білім министрі Саясат Нұрбек биыл елімізде ұлттық бірыңғай тестілеу қалай өтетінін түсіндірді, деп хабарлайды <a href="https://sn.kz/sn-akparat-agyny/110637-ministr-biyl-ubt-da-kandai-ozgerister-bolatynyn-aitty">Skifnews.kz</a> ақпарат порталы.<blockquote>«Биыл біз түбегейлі өзгерістер жасамаймыз. Енді ҰБТ тапсырудың бес кезеңі бар. Естеріңізде болса, бұрын бәрі бір күнде өтетін. Осының салдарынан балалар күйзеліске түсетін, үлкен жүктеме болды. Биыл тестілеу бес рет болады, яғни екеуі ақылы түрде ұйымдастырылады. Қаңтар айындағы тестілеуге 130 мыңға жуық адам қатысты. Енді наурыз айындағы тестілеу бар. Екі ақылы тестілеу кезінде бала өз күшін сынап көреді, өзінің әлсіз жақтарын түсінуге мүмкіндігі бар. Екі негізгі тест мамырдан шілдеге дейін созылады және бала тіркелген осы екі кезеңнің ішінде ең жоғары балл арқылы грантқа үміткер бола алады. Тамыз айында бесінші кезең де бар. Бұл ақылы оқуға түсетін немесе тапсыруға үлгермегендерге, сондай-ақ халықаралық университеттердің нәтижесін күтіп жүргендерге арналған. Жалпы, кейінгі кезде ҰБТ-ға қатысты келеңсіз жағдайлар, суицидтер кездесіп жатқан жоқ», – деді С. Нұрбек Парламент Мәжілісінде тілшілер сұрағына жауап бере отырып.</blockquote>Бұл ретте министр биылғы ҰБТ-да қандай нақты өзгерістер болатынын айтты.<blockquote>«Осы жылы түбегейлі ештеңені өзгертпейміз, бірақ ұпайлар аздап қайта бөлінді, енді біз негізгі жүктемені негізгі мамандық пәндеріне беріп жатырмыз. Енді талапкер бейіндік пәндер бойынша жоғары балл алады», — деп түсіндірді Саясат Нұрбек.</blockquote>Фото: Нұрболат Нұржаубай

Министр биыл ҰБТ-да қандай өзгерістер болатынын айтты

<a href="https://kyzylorda-news.kz/">Kyzylorda-news.kz.</a> Шиелілік жас кәсіпкер Ақтолқын Құланбай гонконгтік вафли сататын дүңгіршекті ашқанына 1 жыл болыпты. Дүңгіршек деуге келмейдіау. Себебі шағын ғимаратқа кірсеңіз, құдды бір ертегі әлеміне енгендей боласыз.«Kamal tea» аудан орталығындағы Сейфуллин көшесінде орналасқан. Осыдан бір жыл бұрын ашылған ғимаратта жас пен кәрісі қатар кезекке тұрып, тәтті вафлиді алуға асығады. Керек десеңіз мұнда үйге дейін жеткізіп беру қызметі де бар. Соңғы кезде аудан орталығында фасфуд өнімдерін сататын сауда нысандары көптеп ашыла бастады. Тез дайындалатын әрі тәтті тағамдарға әсіресе жастар құмар. Жаңа кәсіпті ашуға бел буған Ақтолқын да алдымен тұтынушылар аудиториясын зерттеп алыпты.&nbsp;<blockquote>– Жастардың негізгі ақпарат көзі әлеуметтік желі ғой. Бизнесті бастамас бұрын мен де әлеуметтік желіні ұзақ ақтардым. Жаңа кәсіпті неден бастау керектігін ойландым. Сосын мемлекеттің кәсіпкерлікті қолдауға бағытталған бағдарламасын естіп, қатыстым. Нәтижесі жаман болған жоқ. Оттегі коктейлін жасайтын жобам сәтті өтіп, мемлекеттен қайтарымсыз грант алдым. Бұл оттегі коктейлі – адам ағзасына өте пайдалы. Өз кәсібімдегі ассортиментті көбейту мақсатында мәзірге бабл ти және гонконгтік вафлиді қостым. Өйткені қазір елімізде, көрші Ресейде тез дайындалатын тағам дайындау үрдіске айналды. Әрі біздің кәсібіміз аса көп шығынды қажет етпейді. Жастардың арасында да сұранысқа ие, – дейді жас кәсіпкер.</blockquote>Осылайша, Ақтолқын жаңа кәсіпті бастауға бел буады. Бірақ, алдымен «Кәсіпті қалай бастау керек? Тұтынушыларды тарту үшін жас кәсіпкер не істеу керек?» деген сұрақтарға көп ізденеді. Сөйтіп үздіксіз ізденіс пен жақындарының қолдауы Ақтолқынға үлкен жігер береді.&nbsp;<blockquote>– Ірі сауда нысандарындағы орын құны өте қымбат болғандықтан осындай шағын дүңгіршекті таңдадық. Вафли дайындайтын жабдықтар мен оған қосатын дәмдеуіштерді сатып алдық. Ішін арнайы әрі ерекше дизайнмен безендірдік. Қазір тұтынушыларды тарту үшін түрлі жеңілдіктер ұйымдастырып жатырмыз. Егер 4000 теңгеге сауда жасайтын болсаңыз, арнайы коктейльдер мен түрлі жемісті сусындар сыйға беріледі, – дейді Ақтолқын.&nbsp;</blockquote>Бүгінде әлемнің біраз еліне танымал гонконгтік вафли алғаш рет Қытайда шығарылыпты. Бұл вафлидің ерекшелігі сол сатушы демде көз алдыңда дайындап береді. Екі вафлидің ортасына алушының қалауы бойынша түрлі тәттілер мен соустар, қоюлатылған сүт, балмұздақ қосылады. Ақтолқын кәсібі дөңгеленіп кетсе, оны кеңейтпек ниетте. Бұл кезде вафли құрамына да өзгерістер енгізеді. Ірімшік пен түрлі жеміс-жидектерді қосып сатса, құнарлы тамақ болады. Қазір бір вафлидің құны – 1200-ден басталады.<blockquote>&nbsp;– «Әрбір сарбаз қолбасшы болуды армандайды» демекші, біздің де алға қойған мақсатым өте көп. Бірақ қазіргі көздегенім – осы дүңгіршектің жұмысын жандандыру. Жалпы елімізде жас кәсіпкерлерге қолдау бар. Бірақ әлі де болса жеңілдіктер қажетақ, – дейді жас кәсіпкер. Ақтолқын жастарды ештеңеден қорықпай, кәсіп ашуға үндейді. Неғұрлым ерте бастаса, соғұрлым табысқа кенелетінін айтады.</blockquote>

Шиеліде гонконгтік вафли бар

<a href="https://kyzylorda-news.kz/">Kyzylorda-news.kz</a>. &nbsp;Жылдағы дәстүр бойынша 8 наурыз – Халықаралық әйелдер күні қарсаңында облыс әкімі Нұрлыбек Нәлібаев «Анаға тағзым» орталығында өткен салтанатты іс-шарада аналар мен қыз-келіншектерді мерекемен құттықтады. Оған ақ жаулықты әжелер мен көпбалалы аналар, түрлі сала өкілдері, аймақ дамуына үлес қосқан кәсіпкер, ғалым, спортшы арулар қатысты.Аймақ басшысы Сыр өңірінде әйелдердің ғылым, кәсіпкерлік, креативтік, басқа да салалардағы бастамашылдығына, әсіресе, көпбалалы аналарға жан-жақты қолдау көрсетілетінін атап өтті.<blockquote>«Былтыр өңірімізге іссапармен келген Мемлекет басшысы Қасым-Жомарт Кемелұлы жаңадан ашылған «Анаға тағзым» орталығында болып, мұндағы жұмыстарға жоғары бағасын берді. Президентіміз осы орталықта бүкіл ел аналарының басын қосатын, салиқалы жиындар өткізетін тәжірибе алмасу алаңын ұйымдастыру туралы тапсырма берді. Бірнеше күн бұрын дәстүрлі «Анаға тағзым» республикалық форумын өткіздік. Шараға Президент жанындағы әйелдер істері және отбасылық-демографиялық саясат жөніндегі Ұлттық комиссия төрағасы, Мәдениет және ақпарат министрі Аида Балаева, елімізге белгілі қоғам қайраткерлері, барлық өңірлерден делегаттар қатысты. Форум аясында мәдениет пен өнердің құтты шаңырағы – «Өнер орталығы» салтанатты түрде ашылды», – деді Н.Нәлібаев.</blockquote>Кездесуде қоғам қайраткері Бибіжан Жәукебаева, 10 баланың анасы, 50 немере мен 20 шөберенің әжесі Келіс Мамырбай, еңбек ардагері, 9 немере мен 8 шөберенің әжесі Күлпаш Үкібаева, сарапшы журналист, ақпарат саласының үздігі Айткүл Шалғынбаева сөз сөйлеп, ақ тілектерін айтты. Сондай-ақ, Сыр өңірінде отбасы құндылықтарын насихаттап, отбасылық-демографиялық саясатты белсенді іске асырған асыл жандар Қызылорда облысының Құрмет грамотасымен марапатталды.Салтанатты шара көрерменге мерекелік көңіл-күй сыйлайтын концертпен жалғасты.Айта кетейік, Қызылорда облысында 141 мыңнан астам отбасы, 48 мыңнан астам көпбалалы ана бар. Олардың 17 мыңға жуығы – «Алтын алқа» мен «Күміс алқа» иегері. Статистикаға зер салсақ, өңірдің 833 531 тұрғынының 415 243-і – әйелдер. Оның 188 639-ы қалада, 223 237-сі ауылдық жерде тұрады. Мемлекеттік қызметшілердің 37,4 пайызы, медицина қызметкерлерінің 87 пайызы, педагогтердің 78,3 пайызы, бюджет саласындағы қызметкерлердің 62 пайызы – әйелдер.<img src="https://knadmin.beoblood.kz/uploads/430803840_705105125144068_7904453087351012179_n_3ef3e94e09.jpg" alt="430803840_705105125144068_7904453087351012179_n.jpg"><img src="https://knadmin.beoblood.kz/uploads/430886500_705105255144055_3591826773331910044_n_a0c9e45c02.jpg" alt="430886500_705105255144055_3591826773331910044_n.jpg">Фото: Қызылорда облысы әкімінің баспасөз қызметі

Облыс әкімі аналар мен қыз-келіншектерді мерекемен құттықтады

<a href="https://kyzylorda-news.kz/">Kyzylorda-news.kz.</a> Бүгінгі күні білім саласындағы қызметте жігітке бергісіз жауапкершілік арқалап жүрген нәзік жанды мекеме басшылары жетерлік. Олар өздеріне жүктелген міндетті абыроймен атқарып келеді. 8 наурыз – Халықаралық әйелдер мерекесі қарсаңында ауданның бас ұстазы Әділхан Жөлекешов осындай азаматтардың мерейін арттырып, төрге шығарды.&nbsp;– Қастерлі мамандық – ұстаздық етумен қатар менеджерлікті, отбасы-ошақ қасын қатар алып жүру – қайсар әйелге тән қасиет. 8 наурыз – халықаралық әйелдер мерекесі қарсаңында еселі еңбектеріңіз үшін риясыз ризашылығымды білдіремін. Отбастарыңызға амандық, дендеріңізге саулық тілеймін. Ұрпақ тәрбиесіндегі істеріңіз алға басып, шығармашылық табысқа кенелуге тілектестік білдіремін.&nbsp;Құрметті ару-ана, аяулы ұстаздар! Балаларымыз бен ұстаздарымыздың жекелей шапқан, топпен олжалаған жетістіктері жайында сағаттап айтуымызға болады. Бұған арамызда отырған ошақ басы мен ел келешегін тәрбиелеуді қатар алып жүрген көпбалалы аналарымыздың да айтарлықтай үлесі бар.&nbsp;Құрметті, ұлы мамандық иелері!&nbsp;Бұдан кейін отбасының шырағы, тұтас Мереке қарсаңында сіздерге зор денсаулық, мол бақыт тілеймін! Ажарларыңыздан тараған әсем күлкі әлемге сұлулық сыйлайды. Сондықтан, бүгін сіздердің жүздеріңізге күлкі ұялату үшін аянып қалмаймыз, – деді Әділхан Оңдасынұлы. ұжымның бағдаршамына айналған мектеп, балабақша басшыларын марапат төріне шығарып, мерекелік сыйлық үлестірілді. Ізін ала аудандық білім қызметкерлері кәсіподақ ұйымының төрағасы Әбілқасым Раман мен Қорқыт ата атындағы Өнер мектебінің басшысы Сәукен Әліш мерекелік ілтипат көрсетіп, ізгі тілегін арнады.&nbsp;

Әйел басшылардың мерейлі мезеті

<a href="https://kyzylorda-news.kz/">Kyzylorda-news.kz.</a>&nbsp;Алдыңғы буын аналарымыздың асыл қасиеттерін бойына жиып қоймай, ерлермен қатар әр салада абыройлы еңбек етіп жүрген арулар жетерлік. Сондай жандардың бірі – Айнұр Өндреева. Ол 16 жылдан бері аудандағы 9 өрт сөндіру бөлімінде радиотелефонист болып қызмет етіп келеді. Көгілдір көктем мерекесі қарсаңында жауапты қызметті қалтқысыз атқарып жүрген жанмен жүздесіп қайтуды жөн көрдік.&nbsp;Жұмыс орнына бас сұққанымызда Айнұр Тыныштықбайқызы күнделікті әдетінше байланыс бөлмесінде қоңырауға жауап беріп отыр екен. Келгенімді көрген ол "күте тұрыңыз" деген ишара білдірді. Жұмыс барысын алыстан аңдап тұрдық. Шапшаңдығы көз ілестірмейді. Тәнті болып, таңдай қақтық. Бір уақытта бірнеше телефон тұтқасын көтеріп, әрқайсысына жаңылыспай жауап қату кез келгеннің қолынан келмесі анық. Бірақ ол бәріне бірдей үлгеруде. Шыңдалғаны көрініп-ақ тұр. Кәсібилік деген осы болса керек дедік іштей. Қоңырауға дер кезінде жауап беріп, кез келген мәліметтерді жіберіп алмай, ақпаратты қабылдап, жинақтау оңай шаруа емес. Алайда Айнұр Тыныштықбайқызы қызмет бабындағы қиындықтарға әбден төселген. Оның үстіне диспетчерлік қызмет оның біраздан бергі дағдысы.&nbsp;Тынымсыз қоңыраудан қолы босағанша, Айнұрдың қызметтегі әріптестерін сөзге тарттық. Олардың айтуынша, Айнұр жұмысқа өте жауапты. "Әр қоңырауды қалт жібермей, болып жатқан жағдайларды үнемі бақылауда ұстайды. Тіпті темірдей тәртіпке төтеп беріп, төзімділікке де үйренген. Сондай-ақ өзіне жүктелген тапсырманы тиянақты орындауға тырысады", – дейді олар.&nbsp;Қауырт әрі қарбалас тірліктің арасында үзіліс алып, бізге қарай аяңдаған кейіпкермен аз уақыт сөйлесудің сәті түсті. Әуелі бөлімнің тыныс-тіршілігін баяндап, кейін өзі туралы әңгімелеп берді. Шыны керек, әдетте мұндай қызметте тек ерлер жұмыс жасайды деген көзқарас санамызға сіңіп қалған соң, Айнұр Тыныштықбайқызын ер азаматтардың ортасында жалғыз жүргенін қабылдау қиынға соқты. Дегенмен, кейіпкермен әңгімелесе келе еңбектің жынысқа бөлінбейтініне тағы бір көз жеткіздік.&nbsp;Айнұрдың айтуынша, еңбек уақыт не жыныс таңдамайды, бастысы жұмыс жасауға құлшыныс болуы керек.&nbsp;Мақаламызға арқау болған Айнұр бұл мамандыққа тосыннан келмеген. Өйткені ол Қызылорда экологиялық құқық колледжін заңгер мамандығы бойынша бітірген. Қатаң қағидаға негізделген қызметті таңдағанына мойымаған ол қызмет жылдарында еңбегі жоғары бағаланып, жақсы жетістіктерге жетіп жүр. Әр жылдары аудан, облыс басшылығынан, сондай-ақ министріліктің марапатына ие болған.&nbsp;Тәулік бойы көз ілмей, қарбалас жұмыста жүру оңай емес әрине. Бірақ жұмыстың ауырлығына қарамастан ерлермен тең дәрежеде қызмет атқарып жүрген жан мұндай өмір ұстанымына әбден бейімделген. Тіпті отбасы да оның жауапкершілігі мол жұмысының жүгін түсінеді. Бастапқыда аздап қарсылық білдірсе де, кейін қолдау көрсетіпті.– Алғаш келін болып түскен уақытта жолдасым жұмысыма қарсылық танытты. Кейін бұл қызметтің мен үшін маңызды екендігін түсінді. Бүгінде жақын жандарымның қолдауымен өзіме артылған жауапты жұмысты ойдағыдай атқарып келемін, – дейді ол.&nbsp;Түзде табанды қызметкер үйде аяулы жар, ардақты ана. Өмірлік жары Дастан Асқаровпен екі ұл, бір қыз тәрбиелеп отыр. Үлкен қызы Алматыдағы зияткерлік мектептің 9-сынып оқушысы, ұлы Қызылорда қаласындағы инновациялық лицейде 8-сынып оқиды. Ал, кенже қызы 3-сынып оқиды.&nbsp;16 жылға жуық уақытын осы бөлімде еселі еңбек етіп жүрген ол түнгі ауысымға да қалатынын айтып қалды.– Осы жылдардың тең жартысы осылай түнгі ауысыммен өтіп жатыр. Бұған мен де, отбасым да үйренгенбіз. Жанұялық жиыннан қалыс қалатын кездер де болып тұрады. Бірақ көбіне барлығын алдын ала жоспарлап қоямын. Жұмыстан тыс уақытта отбасыма көңіл бөлемін, – дейді ол.&nbsp;Тәулік талғамайтын салада ер азаматтармен бірге сап түзеп, халыққа қалтқысыз қызмет ету – асқан жауапкершілікті талап етеді. Тіпті білік пен білімді қажетсінеді. Шыдам мен шынайылық та бойынан табылуы тиіс. Дәл осы қасиет пен қабілетті тал бойына жиған Айнұр тек бөлімнің ғана емес, көптің үдесінен шығып жүр. Өйткені ол өзі сүйіп таңдаған мамандыққа адал болып, өзі жасап жатқан салаға сүбелі үлес қосуды басты міндеті санайды.&nbsp;

Қазақстан және Қызылорда облысының жаңалықтары