<a href="https://kyzylorda-news.kz/">Kyzylorda-news.kz.</a> 2023 жылы Шиелі ауданында барлығы 1647 арыз, 45 азаматтық іс түскен. Аталған көрсеткіш 2022 жылмен салыстырғанда 37-ге артып отыр. Сонымен бірге 243 іс бойынша медиация заңы қолданып, тараптардың татуласуына байланысты қысқартылған. Бұл туралы Шиелі аудандық сотының төрағасы Нұржан Бекетаев баяндады.Аудандық сот төрағасының сөзінше, осы мерзімде 78 адамға қатысты 75 қылмыстық іс қаралып, аяқталған. – Оның ішінде 54 іс бойынша 57 адамға айыптау үкімі, 16 іс бойынша 16 тұлға қылмыстық жауаптылықтан босатылып, іс өндірістен тоқтатылды. 1 адамға қатысты іс сотталушыға іздеу жариялануына байланысты және қосымша 5 іс прокурорға кері қайтырылды. Осы жылға төрт адамға қатысты 4 іс қалдыққа қалдырып, 6 қылмыстық іс бойынша 7 жеке қаулы қабылданды, – дейді аудандық сот төрағасы. Ал бүгінде қоғамның айықпас дертіне айналған сыбайлас жемқорлықтың көрініс беруі тағы да байқалған. Бұл мәселе төңірегінде өткен жылы 2 іс түсіп, 2 адамның қылмысы сотта қаралған. Сонымен бірге есірткі айналымына қатысты 10 іс бойынша 8 сотталушыға айыптау үкімі қабылданып, 2 іс прокуратураға қайтарылған. 57 адамға қатысты тағайындалған қылмыстық іс бойынша 9 адамға айыппұл, 14 тұлғаға бас бостандығын шектеу, ал 31-не бас бостандығынан айыру жазасы тағайындалса, 3 адам тараптардың татуласуына байланысты тағайындалған жазадан босатылыпты. Жеті рет өлшеп, бір рет кесетін сот ісіне деген халықтың сенімін арттыру да олардың – басты мақсаты. Былтыр 1162 адамға қатысты іс қаралған. Аяқталған істердің ішінде 831 іске әкімшілік құқық бұзушылық туралы жаза қолдану қабылданса, 326-сына әкімшілік жауаптылықтан босату және істі өндірістен тоқтату туралы қаулы қабылданыпты. Ал бесеуі біріктірілген. Әлгінде айтқан әкімшілік жаза қолданған 831 адамның 62-іне ескерту жазасы, 443 адамға айыппұл салынса, 313 тұлғаға әкімшілік қамаққа алынып, 10 адам көлік құралын жүргізу құқығынан айырылыпты. 9 талап қою түскен. Түскен 9 істің үшеуі кері қайтарылып, бесеуі медиация туралы келісімге келуге байланысты қайтарылған. Ал біреу қалдықта қалған. – Қайтарылған істерді атап айтқанда, 1 талап қою бойынша іс әкімшілік сот ісін жүргізу тәртібімен қарауға жатпайтындықтан қайтарылса, келесі 1 талап қою ісі осы соттың соттылығына жатпайтындықтан қайтарылды. Қалған 1 талап қою ісі талап қоюшының талабы әкімшілік сот ісін жүргізу тәртібімен қарауға жатпайтындығына байланысты қайтарылып отыр, – дейді Н.Бекетаев.

Шиелі аудандық соты жылдық есебін жариялады

Қаладағы М.Мәметова атындағы Қызылорда педагогикалық жоғары колледжінің тоқсан екі жылдық тарихы бар. Білім саласында ғасырға жуық уақыт ұрпақ тәрбиелеген білім ордасының жеткен жетістіктері де аз емес. Заманауи білім беру мен кәсіптік даярлауды бағдар тұтқан, қазіргі жаһандану ғасырындағы қоғамдық-әлеуметтік өзгерістерге сай бәсекеге қабілетті, кәсіби білікті маман даярлауды басты межесіне айналдырған, білім саласындағы бірегей іргелі оқу орынның бірі деуге болады. Бұл білім ордасы 1932 жылы Қызылорда педагогикалық техникумы болды. Одан соң 1935-1936 жылдары Қызылорда педагогикалық училищесі болып аталды. 1937 жылы қысқа мерзімді факультативтік курстарда бастауыш мектеп және жеті жылдық мектептерге әдебиет, физика, математика, тарих, география пәндерінен мұғалімдер даярлана бастады. Ал 1948-1949 жылдары аралығында 10 қазақ, 4 орыс класында бастауыш сынып мұғалімдері даярланды. 1952 жылдан бастап Алматы қазақ қыздар педагогикалық училищесі мен Қызылорда педагогикалық училищесі біріктіріліп, М.Мәметова атындағы қыздар педагогикалық училищесі құрылды. 1986 жылы Қызылорда педагогикалық училищесі болып қайта құрылды. Он жылдан соң Қорқыт ата атындағы гуманитарлық университет колледжі болса, 1997 жылы Қызылорда музыкалық колледжімен біріктіріліп, М.Мәметова атындағы Қызылорда гуманитарлық колледжі аталды. 1999 жылы облыс әкімінің қаулысымен М.Мәметова атындағы Қызылорда гуманитарлық колледжі мемлекеттік қазыналық кәсіпорын болса, 2014-2017 жылдары облыстық білім басқармасының «М.Мәметова атындағы Қызылорда педагогикалық жоғары колледжі» коммуналдық мемлекеттік қазыналық кәсіпорны болып бекітілді. Тәуелсіздік жылдарында колледж республикада ең алғашқылардың бірі болып, болашақ мамандардың кәсіби біліктілік деңгейін халықаралық стандарттарға сәйкестендіру, қажетті мамандар даярлау ісін аймақтың индустриялық-экономикалық стратегиясына сәйкес бейімдеу, білім беру саласындағы жаңа технологиялар мен тың идеяларды оқу-тәрбие процесіне енгізу жұмыстарын қолға алған болатын. Оқу ордасы өзінің даму стратегиясын нақтылап, басты бағыттар бойынша атқарылатын жұмыс ауқымын кеңейте түсті. – Әрбір жетістігін өткен күннің еншісіне санайтын, жаңа істің бастау бұлағы ретінде білім мен өнер саласына білікті де білімді жас мамандар даярлайтын оқу ордасы 2023-2024 жаңа оқу жылын жаңа белестермен қарсы алды, – деді колледж директоры Жақсыгүл Тоғанова. Үш ғимараттан тұратын оқу орнының материалдық-техникалық базасы озық елдердің тәжірибесіне сүйене отырып, заманауи, дизайнерлік үлгіде толық жабдықталған. Сол сияқты колледжде студенттер жатақханасы, әскери-спорт кешені, электронды кітапхана, дыбыс жазу және фото-видео студиялары, «Технология» шеберханасы, «Робототехника», «Цифрлық 3D», «Цифрлық білім беру» және «Мектеп физикасының цифрлық зертханасы», «Студенттерге электрондық қызмет көрсету» және Coworking орталықтары, «Схематехника», «Электроника және электротехника» кабинеттері мен асхана білім алушылар игілігіне қызмет етеді. Оқу ордасының соңғы жылдары қол жеткізген жетістіктері ретінде «Құзіреттілік орталығы» мен «Мектепке дейінгі тәрбие және оқыту» мамандығының «Дуалды оқыту алаңының» және Кеңес Одағының батыры М.Мәметованың 100 жылдығы мен ұлағат ұясының 90 жылдық мерейтойы аясында жаңартылған «Білім нұры» педагогикалық сабақтастық галереясы, «Заманауи педагогикалық концепция: креативті идея. Инновациялық тәжірибе, жетістіктер шыңы» және «Ерлік» залдары жаңа оқу жылына жұмысын бастады. Колледждің оқу-тәрбие процесі толық автоматтандырылған, ол «College SmartNation» электронды платформасы арқылы іске асырылады. Жыл сайын оқу орнының материалдық-техникалық базасы заманауи техникалармен толықтырылды. Оған дәлел, қазіргі күні оқу процесінде 444 компьютер қолданылады, яғни бір компьютерге 6 студенттен келеді. Соңғы үлгідегі интерактивті тақталар және панельдер, мультимедиялық-сандық подиум, «BILIMBOOK» жеке мультимедиялық компьютерлері оқу процесінде тиімді қолданылуда. Оқу кабинеттерінің саны 43-тен 90-ға көбейді. «Кітапхана – мәңгілік парасаттың ең киелі ғимараты» демекші, жаңа оқу жылына кітап қоры 4031 данадан 133535 данаға артқан. Жетістіктер жеткілікті Қазақстанның Ұлттық бизнес рейтинг одағының сараптау қорытындысы бойынша ҚР кәсіпорындар арасында «Даму динамикасы» аталымы бойынша алтын рейтингке, «Өсу қарқыны» аталымына келсек, күміс рейтингке ие болды. Білім сапасын қамтамасыздандыруға орай тәуелсіз агенттігінің «Қазақстандағы педагогикалық колледждердің рейтингі – 2019» қорытындысы бойынша 4-орын, облыстық «Үздік идеялар жаршысы – 2021», 2022-2023 жылдары «Үздік білім беру ұйымы» аталымын екі рет иемденді. Шәкірттерін білім нәрімен сусындатып, тәлім-тәрбие беруде, балалардың бойына жақсы қасиеттерді сіңіріп, келешегіне бағыт-бағдар сілтеуде ұстаздың еңбегі орасан зор. Баланың қиялын көкке көтеретін де жақсы ұстаз. Сондай ұлағатты ұстаздардың ұясы – Қызылорда педагогикалық жоғары колледжі. Иә, білікті маман дайындауда бірінші кезекте оқытушылардың орны ерекше. Заман талабына сай әрбір ұстаздың шеберлігі мен жетістігі – сапалы білім мен саналы тәрбие алған шәкірттерінде болмақ. Мамандар мәселесіне аса мән беретін оқу орнында бүгінгі күні 200-ден астам оқытушы қызмет етеді. Сондай-ақ бүгінгі жас мамандарға ғылым докторлары, кандидаттар мен магистрлер, «Ы.Алтынсарин» және «ҚР Білім беру ісінің құрметті қызметкері» төсбелгісінің иегерлері, ҚР Мәдениет ісінің үздігі, ҚР Суретшілер, Хореографтар одағының мүшелері және республикалық «Үздік педагог» байқауларының грант иегерлері, халықаралық және республикалық кәсіби байқаулардың жеңімпаздары дәріс беретінін атап өткеніміз артық болмас. Соңғы жылдардың үлесінде колледж оқытушыларының халықаралық «Шоқан оқулары» байқауында, «Менің инновациялық сабағым» конкурсында, ағылшын тілі мұғалімдерінің «Modern English teacher» сайысында, облыстық «Үздік топ жетекшісі» және «Үздік оқу-әдістемелік кабинет» байқауларында жеңімпаз атанып, облыстық «Жыл ұстазы» аталымын иемденуі колледж мерейін асырды. – М.Мәметова атындағы Қызылорда педагогикалық жоғары колледжі сонау 1932 жылы негізі қаланған кезеңнен бастап оқу орнының ұстаздары үздіксіз кәсіби білім берумен, ғылыммен айналысып, Оқу-ағарту министрлігі ұйымдастыратын республикалық байқауларға тұрақты түрде қатысып келеді. Соның нәтижесінде жыл сайын өтетін тартысты бәйгеге айналған, еліміздегі педагогтардың арасынан ең мықтысын анықтайтын республикалық «Үздік педагог-2022» байқауында сараптамалық комиссиясының шешімімен ұжымымыздың мүшесі, колледждің озат оқытушысы Ұлжан Есмаханова оқ бойы озық шығып, «Үздік педагог-2022» атанды. Сонымен қатар «Филология» бөлімінің оқытушысы Тұрар Дүйсенова республикалық «Үздік педагогикалық эссе» байқауының III орын иегері атанды. Еліміздің білім беру мен ғылымды дамытудың жаңа деңгейге көтерілуі, білім саласындағы жеткен жетістіктеріміз¬ – ұстаздарымыздың нәтижелі еңбегі деп білеміз, – деді колледж директоры Жақсыгүл Тоғанова. Колледж түлектері арасында бірнеше спорт түрлері бойынша олимпиада чемпиондары, халықаралық деңгейдегі спорт шеберлері, республикалық және облыстық байқаулар мен пәндік олимпиадалардың жеңімпаздары бар. Ал өнерімен аймаққа аты белгілі «Нұргүл» халық ән-би ансамблі қазақ өнерін халықаралық деңгейде дәріптеп жүрген шығармашыл ұжым. Сонымен қатар колледждің «Япурай» хор ұжымы «Жұбановтар әуені-2022» халықаралық хор музыкасы фестиваль-байқауында арнайы дипломға ие болды. Білім саласы бойынша жылдың қорытындысымен үшінші жыл қатарынан облыстық білім басқармасы басшысы Асқарбек Есжанов пен облыстық кәсіподақ комитетінің төрағасы Гүлнар Есқалиеваның «Үздік білім беру ұйымы – 2023» аталымымен М.Мәметова атындағы Қызылорда педагогикалық жоғары колледж ұжымы марапатталды. Сондай-ақ колледж базасы жаңа 2 мамандықпен толықты. «Логопедия» және «Сандық технология» мамандықтары бүгінгі таңда сұранысы артып келе жатқан мамандық қатарында. Колледж бітірушілері еңбек нарығында үлкен сұранысқа ие. Сонымен қатар бітірушілердің 98 пайызының жоғары оқу орындарына түсуі мен жұмысқа орналасуы колледж абыройын асқақтатып отыр. Бітірушілердің нарықтық кәсіпкерлік қызметті меңгеруі үшін колледж жанынан арнайы ашылған студенттік бизнес-инкубатор арқылы 120-дан астам түлек өз бизнестерін ашып, кәсіптерінің жемісін көруде. Білім ордасы – талантты жастардың өзіндік айқындамасы бар, нағыз азамат болып қалыптасуына ерекше еңбек сіңірген оқу орны. Оған дәлел, түлектер қатарында ғалым-академиктер, жиырмадан астам ғылым докторлары, 200-ден аса ғылым кандидаттары мен қоғам және мәдениет қайраткерлері бүгінгі 90 жылдан астам тарихи шежіресі бар кемел колледжіміздің мақтаныштары. «Әркім отаншыл, білімпаз, еңбекқор, тәртіпті, адал, әділ, үнемшіл әрі жанашыр болса, алынбайтын асу жоқ. Абайдың «Толық адам» ілімінен бастау алатын «Адал азамат» тұжырымдамасының түпкі мәні – осы», – деген Мемлекет басшысының сөздерін кәсіби маман даярлауда басты қағида етіп ұстанған, ынтымағы ұйыған, мықты ұжым өркениетті қоғамның заманауи сұраныстары мен талаптарына сай еңбектеніп, көш басынан көріне бермек. Тәуелсіздік жылдарында сындарлы сыннан абыроймен өтіп, әлемдік озық тәжірибелерді қолдана отырып, кәсіптік білім беру жүйесін жаңғырта білген ұжымның бүгінгісі – байыпты, келешегі – кемел. Бұл – жыл бедерінде колледж бағындырған белестердің бір парасы ғана. Төрімізге енген 2024 жыл да бізге үлкен жауапкершілік жүктеп отыр. Ол – осы жеткен жетістіктер жолын одан әрі жаңғырту, жаңа асулардан асып, жаңа белестерді бағындыру, қазақ даласындағы әр шаңырақтың өзімізге аманатталып табысталған үкілеген үміттерін қоғамда орны болатын маман етіп даярлау міндеттемелерін мүлтіксіз орындау, – деді колледж директоры. Табысты түлектер 1932-2023 жылдары аралығында колледжді 26016 түлек бітірсе, оның ішінде тәуелсіздік жылдарында бітіргені – 19072. Ал олардың қатарында ҚР Білім және ғылым министрі, Парламент сенатының депутаты – Ш.Беркімбаева, ҚР Ұлттық ғылым академиясының академигі, география ғылымының докторы, профессор – Ә.Бейсенова, Қазақстанның еңбек сіңірген өнер қайраткері, халық ақыны – Н.Лушникова, Қазақстанның халық әртісі – Б.Әшімова, Қазақстанның еңбек сіңірген әртісі – М.Ералиева секілді майталмандар шыққан. Білім ордасы – талантты жастардың өзіндік айқындамасы бар, нағыз азамат болып қалыптасуына ерекше еңбек сіңірген оқу орны. Оған дәлел, түлектер қатарында ғалым-академиктер, жиырмадан астам ғылым докторлары, 200-ден аса ғылым кандидаттары мен қоғам және мәдениет қайраткерлері бүгінгі 90 жылдан астам тарихи шежіресі бар кемел колледжіміздің мақтаныштары.

Ғасырға жуық тарихы бар үздік колледж

<a href="https://kyzylorda-news.kz/">Kyzylorda-news.kz.</a>&nbsp; &nbsp;Қаладағы білім сапасы жөнінен үздік жеті мектептің бірі – Тәкей Есетов атындағы №264 мектеп-лицейі. 1248 балаға арналған білім ордасы өткен жылға дейін үш ауысымдық мектептер қатарында болды. Былтыр аймақ басшысының қолдауымен мектеп жанынан 550 орындық қосалқы ғимарат салынып, қыркүйек айында пайдалануға берілді. Үздік білім ошағында өткен жылы өзінде мектеп бітірген 25 түлек алтын белгі иесі атанды. Сапалы білім беруді мақсат тұтқан білім ордасының директоры Бек Сұлтанбекұлымен сұхбаттасқан едік. – Сіз басқаратын мектеп өткен оқу жылының қорытындысымен үздік атанды. Үздік болудың сыры неде? – Жас ұрпаққа сапалы білім мен саналы тәрбие беру – басты ұстаным. Біз үшін білім сапасы ғана емес, жас ұрпақтың тәрбиесі де – басты назарда. Себебі тәрбие мен білім егіз. Мектеп оқушылары 3 жыл қатарынан республика бойынша ғылыми жобалар мен олимпиададан жеңімпаз атанды. Облыс әкімдігі мен облыстық білім басқармасының ұйымдастыруымен өткен «Үздік білім беру» конкурсында білім ордасы жеңімпаз атанып, 34 млн теңге сыйақы алдық. Бұл конкурста мұғалім мен оқушының халықаралық деңгейдегі білім көрсеткішін салыстырғандағы жетістігі сарапталады. – Қаржыны қалай игердіңіздер? – Абсерватория аштық. Қазақстан бойынша мұндай абсерватория ешқандай мектепте жоқ. Облыста алғаш мектеп абсерваториясы мен киностудиясын ашып, жаңашылдық еңгіздік. Онда кәсіби ғалымдар түсіретін телескоп және үш орташа деңгейдегі телескоп бар. Бұл құрылғы арқылы жерге жақын орналасқан жұлдыздарды көре аламыз. Бүгінде оқушылар аспан әлемін тереңдете зерттеуге мүмкіндік алды. Оқушыларымыз телескоптың арқасында физика-астрономия саласы бойынша олимпиада, ғылыми жобаларда бақ сынап жүр. 2023 жылы мектеп оқушысы Салтанат Асқарова физика пәні бойынша халықаралық деңгейде өткен олимпиадада 2-ші орын алып, мамандығы бойынша білім грантын иеленді. «Зерде», «Дарын» ғылыми жобаларынан шәкірттеріміз жүлделі орын иеленуде. Бұл – абсерваторияның алғашқы жемісі деп білеміз. Әрине, абсерваторияға барлық оқушыны қамту мүмкін емес. Сондықтан 5-11 сынып арасында қызығушылығы бар, болашақта ғылыми жобамен айналысқысы келетін 175 оқушыны абсерваторияда дайындап жатырмыз. 5-6 сыныпта физика пәні оқытылмаса да дүниетану, жаратылыстану пәндері де аспан әлемін зерттейді. Осыны негізге ала отырып, оқушыларды ерте жастан дайындауды жөн көрдік. Өткен жылы «Аспан әлемін зерттейміз» атты оқыту курсы ұйымдастырылып, біздің мектептен 6 оқушы мен 1 жетекші қатысты. – Мектепте киностудия бар екенін айттыңыз. Бұл жаңашылдықтың нәтижесі қандай? – &nbsp;Киностудия кәсіби камера, компьютер және жарықпен қамтамасыз етілген. Сонымен қатар оқушылардың жұмысын көрсету мақсатында «264 мектеп» деген арнайы youtube каналымыз бар. Жастардың қызығушылығын ояту үшін қысқа метражды фильм түсіріледі. Оқушылар арасында мектепте кастинг өткізіп, «Анаға апарар жол», «Томирис» фильмдерін түсірді. Жас ұрпаққа өнеге болатын дүниені насихаттаймыз. «Біздің мектептің Қожасы» атты байқау ұйымдастырдық. Жеңімпаз оқушы Грузия мемлекетінде түрік сериалының басты рөлін сомдап келді және түрік тілінде мәнерлеп өлең оқудан бас жүлде иеленді. «Аспан денелерінің адам ағзасына әсері» атты қысқа метражды фильм форматында ғылыми жоба әзірленді. Нәтижесінде қалалық, облыстық олимпиададан І орын алып, республикалық олимпиадаға қатысты. – Балаларды табиғатқа жақындату мақсатында қандай жұмыс атқарылды? – «Biomaster» кабинетін аштық. Үйірмеде оқушылармен бірігіп, тәжірибиелі биологтар жұмыс істейді. Өңірде өсетін гүл, шөптерді атауымен бірге макетін қатырады. Сонымен қатар қырғауылды, қабанды қатырып, макетін қойдық. Тіпті мұғалімдердің ойлап тапқан инкубаторы бар. Нәтижелі жұмыстарды арнайы сұйықтыққа салып, қатырып қоямыз. Сонымен қатар «Bioflowers» үйірмесі бар. Яғни инклюзивті ресурстық орталықта оқушыларды еңбекке баулу үшін гүлдер зертханасын аштық. Ерекше білім беруді қажет ететін балаларға гүл егуді, бақша көшеттерін о т ы р ғ ы з у д ы үйретеміз және сол арқылы бұлшықеттерін дамыту мақсатында ілгіштер тоқытамыз. Мұндағы мақсат – балаларды еңбекке баулу. – Ерекше балаларға ерекше күтім қажет екені белгілі. Бұл орайда инклюзивті орталық жұмысына тоқтала кетсеңіз… – Білім ордасына басшы болып келген жылы небәрі 36 ерекше күтімді қажет ететін бала болды. Түрлі диагнозы бар балалардың психологиясына бұл орта кері әсер беретін. Таңертең мектепке кіргісі келмей, аулада жылап, көнбей жатқан баланың дауысын жиі еститін едік. Осы мәселені шешу мақсатында ерекше балалардың қызығушылығын зерттей бастадық. Үйірмелерге тарту арқылы баурап алдық. Мәселен, ерекше күтімді қажет ететін оқушы бар. Ол робот құрастырып, қалалық деңгейдегі ғылыми жобадан 1-ші орын иеленді. Былтыр да ерекше оқушылардың бірі қияр өсіру тақырыбында ғылыми жоба қорғап, республикалық олимпиададан 3-ші орын алды. Инклюзивті орталыққа ауданауылдан балалар келіп, бүгінде оқушылар саны 100-ге жетті. Облыстық білім беру орталығының мақұлдауымен «Облыстық ресурстық орталық» деп аталды. Логопед, дефектолог мамандар оқушылармен нәтижелі жұмыс істеуде. – Өңірдегі өзге мектептерден тағы қандай ерекшеліктерді атап айтар едіңіз? – Басты ерекшелігі мектепте бассейннің болуы. Ұзындығы 25 метр, ені 12,5 метрлік бассейінде балалар аптасына 1 сағат суға түседі. Балалар тасымалы да қамтылған. «Жапон елінің шөп тамыры» атты әлеуметтік көмек беру байқауына қатысып, 28 млн теңге сыйақы ұтып алдық. 2023 жылы тағы да сол байқаудан жеңімпаз атанып, 50 млн теңгеге балалар тасымалдайтын автобус алдық. Демеуші тарта отырып, ерекше күтімді қажет ететін балаларға денешынықтыру және емдік кабинет, сенсорлық жүйе кабинетін аштық. Бұл кабинеттің мақсаты балалардың мінез-құлқында жайсыздық туындағанда жарықпен, әуенмен қалыпты жағдайға түсіру.&nbsp; – Сұхбатыңызға рақмет.&nbsp;

Бек Сұлтанбекұлы: Тәрбие мен білім егіз

&nbsp;<a href="https://kyzylorda-news.kz/">Kyzylorda-news.kz</a>. Лада Ларгус және Тойота Хайлюск көлігі соқтығысқан. Ақтөбе облысында жол-көлік апаты болып, 8 адам көз жұмған. Бір көлік өртеніп кетті,&nbsp;деп хабарлайды&nbsp;<a href="https://sn.kz/sn-akparat-agyny/110631-aktobede-segiz-adamnyn-omirin-zhalmagan-zhol-apaty-tirkeldi">Skifnews.kz&nbsp;</a>ақпарат порталы.Ақтөбе облыстық денсаулық сақтау басқармасының хабарлауынша, оқиға бүгін сағат 08:36–да тіркелген.Ақтөбе-Атырау тасжолында Лада Ларгус және Тойота Хайлюск көлігі соқтығысқан.Жол-көлік апаты кезінде Лада Ларгус көлігі жанды. Барлығы 8 адам көз жұмды. Сонымен бірге 3 адам Мұғалжар аудандық ауруханасына жеткізіліп, дәрігерлер қарап шықты,&nbsp;— деп хабарлады Ақтөбе облыстық денсаулық сақтау басқармасының басшысы Нұрбол Тымпиев.Айта кетейік, жолаушылар арасында балалар да&nbsp;болған.Қазіргі кезде олардың жасы мен аты-жөні анықталып жатыр.Фото: freepik.com

Жол апатынан 8 адам көз жұмды

&nbsp;<a href="https://kyzylorda-news.kz/">Kyzylorda-news.kz</a>. Еңбек және халықты әлеуметтiк қорғау министрлiгi мәліметінше, 21 атаулы және мереке күндерiнде әкiмдiктер мұқтаж қазақстандықтарға әлеуметтiк көмек көрсетедi, деп хабарлайды EL.kz ақпарат агенттігі.Бұл ретте олардың тізбесі, сондай-ақ өңірлердегі төлемдер мөлшері әртүрлі және нақты әкімшілік-аумақтық бірлік бюджетінің мүмкіндіктеріне байланысты болады, деп хабарлайды tengrinews.kz сайты.Республикалық маңызы бар қалалар, астана, аудан және облыстық маңызы бар қала әкімдіктері мұқтаж азаматтардың жекелеген санаттарының тізбесін айқындайды, әлеуметтік көмек, оның ішінде тиісті бюджет қаражатынан төленетін атаулы күндер мен мереке күндеріне арналған мөлшерлемені белгілейтіні айтылған.<blockquote>Әлеуметтік көмек алушылардың өтініштерін талап етпей, уәкілетті орган немесе өзге де ұйымдар ұсынысы бойынша жергілікті атқарушы орган бекіткен тізбе бойынша көрсетіледі, - деді министрлік өкілдері.</blockquote>Алматы Жұмыспен қамту және әлеуметтік бағдарламалар басқармасы өз кезегінде Халықаралық әйелдер күніне орай мемлекеттік тұрғын үй қорынан тұрғын үйге немесе жеке тұрғын үй қорынан жергілікті атқарушы орган жалдаған тұрғын үйге мұқтаждар есебінде тұрған көп балалы отбасыларға&nbsp;тұрғын үй сатып алу үшін бір миллион теңге мөлшерінде біржолғы әлеуметтік көмек көрсетілетінін&nbsp;хабарлады.Алматы Жұмыспен қамту және әлеуметтік бағдарламалар басқармасы мәліметінше, осы санаттағы тұрғындарға мұндай ақшалай төлем басқа мереке күндері де беріледі, мысалы:1) Жаңа жыл – 1-2 қаңтар;2) Наурыз мейрамы – 21-23 наурыз;3) Қазақстан халқының бірлігі мерекесі – 1 мамыр;4) Астана күні – 6 шілде;5) Конституция күні – 30 тамыз;6) Республика күні – 25 қазан;7) Тәуелсіздік күні – 16 желтоқсан.Бізге келіп түскен жауаптағы мәлімет бойынша, әлеуметтік көмектің бұл түрін көрсетумен Алматы қалалық инфрақұрылымды дамыту басқармасы айналысады.

8 наурызда кімдерге 1 миллион теңге көмек берілетіні белгілі болды

<a href="https://kyzylorda-news.kz/">Kyzylorda-news.kz</a>&nbsp; Бұған дейін Қазақстанда коммуналдық тарифтер айтырлықтай қымбаттағаны белгілі болған еді.Биыл елімізде сұйытылған газ 5-8 теңгеге қымбаттайды. Бұл туралы Энергетика министрі Алмасадам Сәтқалиев айтты, деп хабарлайды <a href="https://sn.kz/sn-akparat-agyny/110601-elimizde-suiytylgan-gaz-kymbattaidy">Skifnews.kz</a> ақпарат порталы.Жыл сайын сұйытылған газ бағасын өсіруді жоспарлап отырмыз. Биыл өңірлерге байланысты сұйытылған газ бағасын шамамен 5-8 теңгеге арттырамыз. Осы жылғы көктемде министрліктің жоспарында өсім қарастырылған, - деді Алмасадам Сәтқалиев Астанада өтіп жатқан министрліктің кеңейтілген алқа отырысында.Еске салсақ, бұған дейін Қазақстанда коммуналдық тарифтер айтырлықтай қымбаттағаны белгілі болған еді.Фото: Нұрболат Нұржаубай

Қазақстанда сұйытылған газ қымбаттайды

<a href="https://kyzylorda-news.kz/">Kyzylorda-news.kz.</a> Соңғы жылдары аймақта аяқ су мәселесі күрделеніп келеді. Бұған дария деңгейінің тым төмендігі басты себеп. Олай болатындай реті бар, Сырдария – негізінен трансшекералық өзен. Оның үстіне сағаның соңында Қазақстан тұр. Қазір үстінен өзен өтетін елдер арасында келіссөзге дайындық жұмыстары пысықталуда. Бұған еліміз сырттан мамандар тартуға да құлықты. Ал ол нәтижелі болса, алдағы уақытта диқандар аяқ судан тарықпайды.&nbsp;Өткен аптаның соңында Жалағаш ауданы әкімінің орынбасары Ғани Сүлейменовтың төрағалығымен көктемгі егін егу және дала жұмыстарына дайындық барысы туралы мәжіліс отырысы өтті. Оған облыстық ауыл шаруашылығы және жер қатынастары басқармасының басшысы Талғат Дүйсебаев, Су ресурстарын пайдалануды реттеу және қорғау жөніндегі «Арал-Сырдария» бассейндік инспекциясы басшысының орынбасары Зейнолла Молдағалиұлы, «Қазсушар» РМК Қызылорда филиалы директорының орынбасары Айдос Әлібекұлы, «Қазсушар» РМК Қызылорда филиалының Су шаруашылығы жөніндегі кеңесшісі Жорабек Шаршыбекұлы, облыстық жер ресурстарын басқару департаменті басшысының орынбасары Қанатбек Қуанышұлы қатысты.Күн тәртібіне сәйкес жұмысшы топ 2024 жылы Сырдария өзенінің су шаруашылығы жағдайы, егісті әртараптандыру, суды үнемдеу технологияларын кеңінен пайдалану және егіншілік саласын субсидиялаудағы биылғы өзгерістерді түсіндірді. Сондай-ақ 2024 жылы егіс орналастыру жұмыстарын уақытылы, сапалы әрі тиімді ұйымдастыру қажеттігі айтылды.&nbsp;Шаруашылық төрағаларына егіс орналастыру науқанын ойдағыдай өткізу үшін әлі де дайындық жұмыстарын пысықтап, көктемгі дала жұмыстарын оңтайлы мерзім ішінде жүргізуді қамтамасыз ету үшін қолда бар техникаларды толық дайындыққа келтіріп, барынша пайдалану керек екендігі ескертілді.Айта кетейік, былтыр ауданда 37 079 гектарға ауыл шаруашылығы дақылдары орналастырылды. Бүгінде 195 құрылым егін шаруашылығымен айналысуда. Былтыр егінді орналастыру, күтіп баптау жұмыстары барысында су тапшылығы орын алған. Егінді сумен қамтамасыз ету үшін аудан шаруашылықтары 45 су тартқыш насос қондырғыларын пайдаланды.2023 жылы ауданға келген су көлемі 929,18 млн м3 болды. Бұл нақты жоспардың 89,3 пайызын құрайды. Оның 793,75 млн текше метрі егінге пайдаланылған. Егін жинау жұмыстарына 1 120 дана ауыл шаруашылығы техникасы қатысты. Атап айтқанда, 275 комбайн, 498 трактор, 121 жатка, 58 жүк көлігі, 168 трактор тіркемесі бар. Былтыр аудан шаруашылықтары 659,1 млн теңгеге 20 ауыл шаруашылығы техникасын сатып алған.Аудандағы суармалы жерде дақылдарды орналастыру тәртібіне тұрақты бақылау жұмыстары жүргізіліп келеді. Бақылау жұмыстары барысында былтыр 1 346 гектар күріш дақылын артық егіп, ауыспалы егіс тәртібін өрескел бұзған 16 шаруашылық анықталды. Оларға заңға сәйкес тиісті шаралар қабылдау үшін облыстық жер ресурстарын басқару департаментіне жолданған.Былтыр жеке тұрғындар тарапынан картоп, көкөніс, бақша дақылдарын орналастыруға 500 гектар жер дайындалып, 921 отбасы 217,3 га картоп, 63 га көкөніс, 219,7 га бақша дақылдарын орналастырды. Орын алған су тапшылығына қарамастан шаруашылықтар мен тұрғындар тарапынан орналастырылған егінді уақытылы, толығымен жинап алды.Аудандық ауыл шаруашылығы және жер қатынастары бөлімінің мәліметіне сүйенсек, биыл бекітілген сызбасына сәйкес 36 565 гектарға ауыл шаруашылығы дақылдарын егу жоспарда бар. Оның ішінде негізгі дақыл күріш 18 500, бидай 770, күздік бидай 129, арпа 40, сүрлемдік жүгері 700, мақсары 530, қант құмайы 90, соя 65, сұлы 5, жаңа жоңышқа 4 850, ескі жоңышқа 7 825, картоп 650, көкөніс 1 115 және бақша өнімдері 1 296 гектарды құрайды.Биыл 199 шаруашылық егін орналастыру жұмыстарын жүргізеді деп жоспарлануда, оның ішінде күріш дақылын орналастыратын шаруашылықтар саны – 152. Су тапшылығын ескере отырып, күріш дақылының көлемі өткен жылдан 1 300 гектарға қысқартылып, тиісінше суды аз қажет ететін бидай, қант құмайы, мақсары, жоңышқа дақылдарына басымдық берілген. Сонымен қатар жеке тұрғындар тарапынан 500 гектарға картоп, көкөніс, бақша дақылдарын орналастыру биыл да жалғасады.Фото: Нұрболат Нұржаубай

Жалағашта күріш дақылы 1 300 гектарға қысқартылады

Instagram, Facebook және басқа да бірқатар қызметтердің істен шығыуына&nbsp;Қызыл теңіздегі Еуропа, Азия және Африка арасындағы байланыс кабельдерінің үзілуі себеп болған. Бұл туралы <a href="https://stan.kz/europa-men-aziya-arasindagi-kabelder-kesilgen-instagram-396598/">Stan.kz </a>ақпарат агенттігі хабарлайды.Ақаудың себебі туралы гонконгтық HGC Global Communications Limited байланыс операторы мәлімдеді.Істен шыққан кабель желілері:&nbsp;Азия-Африка-Еуропа 1 (AAE-1), Europe India Gateway, Seacom және TGN.&nbsp;Зақымдалған кабельдер&nbsp;оңтүстік Қызыл теңізде орналасқан,&nbsp;Йеменнің юрисдикциясына жатады.Израильдік Globes басылымының мәліметінше,&nbsp;Қызыл теңізде йемендік хуситтердің&nbsp;кезекті шабуылы нәтижесінде төрт су асты кабелі зақымданған. Бұл Еуропа мен Азия арасындағы интернет байланысының үзілуіне әкеліп соқты, ал негізгі шығын Парсы шығанағы елдері мен Үндістанда тіркелген.Фото: freepik.com

Instagram мен Facebook желісінің істен шығу себебі анықталды

<a href="https://kyzylorda-news.kz/">Kyzylorda-news.kz.</a> Жалағаш ауданында «Көктем-2024» республикалық командалық-штабтық оқу-жаттығуы болып өтті. Оқу-жаттығу барысында 2024 жылғы су тасқынында төтенше жағдайларды жою кезіндегі іс-қимылдарға азаматтық қорғау мемлекеттік жүйесінің басқару органдарын, күш-құралдарының дайындық барысы пысықталды.Жалағаш кентінде Сырдария өзенінің жағалауында, Ақсу ауылдық округінде ұйымдастырылған оқу-жаттығу жұмыстарына Қызылорда облысы әкімінің орынбасары Бақыт Жаханов, Жалағаш ауданының әкімі Ардақ Ибраимов, Қызылорда облысы Төтенше жағдайлар департаментінің бастығы, полковник Руслан Қайрақбаев қатысып, ауданның азаматтық қорғау қызметтеріне, төтенше жағдай қызметі күштеріне саптық қарау жұмысын жүргізді.Оқу-жаттығу барысында Сырдария өзенінің арнасына толуы салдарынан орын алуы мүмкін тасқынды жою мақсатында, қамыс, қада, құм қаптармен бөгеу және осал аймақтарды күшейту жұмыстарына жеке құрам жұмылдырылды. Сонымен қатар, қоғамдық тәртіпті сақтау қызметі арқылы оқиға орны турникеттермен қоршалып, күзетке алынды. Инженерлік, өртке қарсы қызметтері мен барлау тобының құрамалары дамбының жырған жерлеріне құмды қапқа салып, бөгеу жұмыстарын жүргізді.Оқу-жаттығу кезінде Ақсу ауылындағы Сырдария өзенінде сең жүру, мұз кептеліс әсерінен дария деңгейі көтеріліп, Ақсу ауылын су басу қаупі төнді. Қауіпті аймақта «Ақсу ауылдық округі әкімінің аппараты» КММ ғимараты, №116 орта мектеп ғимараты, Ақсу ауылдық клубы коммуналдық мемлекеттік қазыналық кәсіпорыны ғимараттары орналасқандықтан, Көлік қызметі мен құтқару командасы бірлесе отырып, тұрғындарды эвакуациялады.&nbsp;Жалағаш аудандағы №123, №31, №116 орта мектеп және Қ.Қазантаев атындағы мәдениет үйінің қызметкерлері эвакуацияланған адамдарды қабылдап, тиісті қызмет көрсетті.&nbsp;Төтенше жағдай аймағына 244 жеке құрам, 93 бірлік техника жұмылдырылды.

«Көктем – 2024» оқу-жаттығуы болып өтті

&nbsp;<a href="https://kyzylorda-news.kz/">Kyzylorda-news.kz.</a> Әскери қызметтің қиындыққа толы өзіндік соқпағы бар екені даусыз. Зіл батпан ауыртпалықты жеңе білген еліміз бойынша 7000 мыңға жуық нәзік жанды арулар қорғаныс саласында қызмет етіп жүргені мәлім. Ақиық ақын Асқар Тоқмағамбетов ауылының тумасы Манат Құлмұратова мектеп қабырғасында оқып жүргеннен бастап әскери шинель мен китель секілді киім киюді армандаған болатын. Түпкі мақсатына жету жолында сан түрлі қызмет сатысынан өткен ол бүгінде ер азаматтармен қатар әскери өмірдің ыстық-суығына көніп жүрген жайы бар.Негізінен, Манат Құлмұратова 9 жылдан бері әскери қызметті үйреніп, тәжірибесін толықтырып,&nbsp; қорғаныс саласында өзін жан-жақты шындауда. Әйел заты ретінде көп жерде именбей өз ісіне мығымдығын көрсеткен ол – капитан шеніне қол жеткізе білген. Бозарып атқан таңмен таласа жауапты қызметіне асығатын оның негізгі мамандығы қаржы саласына байланысты болған. Осыдан 20 жыл бұрын туған жерден Алатау бөктеріне қоныс аударған аяулы жанның табандылығы көп адамда кездеспейтін ерекше қасиет болып табылады.– Мен қарапайым отбасында дүниеге келгенмін. Әкем – Замирбек ауыл шаруашылығы саласында еңбек етсе, анамыз – Назнуш 35 жыл бойы ел баласына тәлім берді. Бауырларым темір жол қызметінде. Әрине, бала күнімнен сарбаздар сапында тұрғым келгені рас. Әскери қызмет өз алдына қиындығымен ерекшеленеді. Командиріміз: «Бөлімшеде қыз-келіншек деген ешқашан болмайды, барлығымыз әскери қызметшіміз» деп үнемі айтып отырады. Келімшартпен әскерге келмес бұрын көп жұмыс істеп, барынша тәжірибе жинақтадым. Өмірде кездескен әрбір ауыртпалықтың артында жақсы күндер тұратынын сездім. Қыз баласы болғандықтан кей жағдайда именіп, артқа шегініс жасап жатамыз. Бірақ, бөлімде жүрген кезімізде қыз-келіншек екенімізді 8 наурыз ғана сезінеміз, – дейді өз саласының білгірі.Бізбен әңгімесінде кейіпкеріміз қазақ қыздарының бойында кездесетін қайраткерлікті анық сезіндіре білген еді. Алматы қаласындағы №5571 әскери бөлімде жалдамалы жұмысшы ретінде қызмет жолын бастаған Манат Замирбекқызы бір жылдары Астана қаласынан 3 бөлмелі пәтерге қол жеткізеді. Арқа төріне келген мезеттен №3666 әскери бөліміндегі мақтаулы мамандар қатарына қосылады. Содан кейін ҚР Ұлттық ұланның №6654 әскери бөлімінің тыл бөлімшесінде мемлекеттік сатып алу қызметінің бастығы лауазымын абыроймен атқарады. Кейіннен, кәсіби маман №6654 бөліміне қызметін ауыстырған екен.– Бізді таңғы 6.30-дан бастап жаттығу алаңына шақырады. Ерлермен сапта тұрып, басшылықтың тапсырмасына мұқият құлақ түреміз. Каска, бронжилет, дубинка секілді құрал-сайман мен әскери киімге мұқият қарап, ұқыпты ұстауға тырсамыз. Сонымен қатар ату алаңына барып, қару-жарақпен ұрыс тәсілін үйреніміз. Күнделікті қалыптасқан қағидадан айнымаймыз. Әріптестерім жаттығу барысында мертігіп қалып жатқан жағдайда жәрдемдеседі. Әскери қызметте жүрегінің түгі бар жандар өз орнын сақтап қалады. Күні-түні жаттығу алаңында ауыр жүкті көтеріп, тізеден балшыққа батып, жүктелген тапсырманы мүлтіксіз орындауға қажыр-қайрат керек. Қайтсек те жаттығу алаңында командир тарапынан сын ескертпе естігіміз келмейді, – дейді тәжірибелі капитан.Тегеурінді әскери қызметші қатарынан табылған Манат Замирбекқызы отбасында қос перзенттің аяулы анасы. Қай кезде де, ұлы мен қызына тағылымды тәрбиесін беріп келе жатқан ардақты ана биязы қалпынан тайған емес. &nbsp;

Сырдариялық әскери қызметші – ел қорғаны

<a href="https://kyzylorda-news.kz/">Kyzylorda-news.kz</a>.&nbsp;Көктемгі әскерге шақыру науқаны басталды. Әскерде борышын өтеп жүрген сарбаздар жалпы әскери қызметшілер МӘМС жарналарын төлеу керек пе? Осы жайында толығырақ білу үшін Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетовты әңгімеге тарттық.Әскери қызметшілер тегін медициналық көмектің кепілдік берілген көлемі шеңберінде және міндетті әлеуметтік медициналық сақтандыру аясында медициналық көмек ала алады. Осы екі пакет шеңберінде көрсетілген медциналық қызметтер бойынша денсаулық сақтау ұйымдарына қаражатты Әлеуметтік медициналық сақтарындыру қоры төлейді.&nbsp;ҚР «Міндетті әлеуметтік медициналық сақтандыру туралы» Заңына сәйкес әскери қызметшілер МӘМС жарналары мен аударымдарынан босатылды, яғни жұмыс берушілер олардың жалақысынан ұстап қалуды жүргізбейді.Әлеуметтік медициналық сақтандыру қоры МӘМС жүйесінде әскери қызметшілердің мәліметтерін «Адамдарды арнайы есепке алу» ақпараттық жүйесіне ЖСН көрсете отырып енгізілген әскери қызметшілер, құқық қорғау және арнаулы мемлекеттік органдарының қызметкерлері есебінен алады. Олар бойынша деректерді әскери бөлімдердің, әскери басқару органдарының қызметкерлері енгізеді. Қор жүйесінде әскери қызметшінің ЖСН-ы шыққан соң ол автоматты түрде сақтандырылған мәртебесін алады және жарналар мен аударымдарды төлеуден босатылады», – деді Бақыт Исмаханбетов.&nbsp;<blockquote>«Әскери қызмет және әскери қызметшілердің мәртебесі туралы» Заңның 50 және 52-баптарына сәйкес, әскери-медициналық мекемелер әскери қызметтен босатылған адамдарға және әскери қызметшілердің отбасы мүшелеріне міндетті әлеуметтік медициналық сақтандыру жүйесінде медициналық көмек көрсететін болады. Ол үшін қажетті нормативтік құқықтық база құрылды.&nbsp; Бақыт Исмаханбетовтың айтуынша, әскери-медициналық мекемелер ТМККК тізбесі және МӘМС жүйесіндегі медициналық көмек аясында тек әскери қызмет атқарып жүрген қызметкерлер ғана емес, сондай-ақ әскери қызметтен босатылған, әскери қызмет міндеттерін орындау кезінде ауруға шалдыққан, сонымен қатар, 20 және одан да көп жыл еңбек еткен адамдарға, әскери қызметшілердің отбасы мүшелеріне, азаматтық персоналға, медициналық қызметтердің өзге де тұтынушыларына медициналық көмек көрсетеді. «Әскери қызметшілерге азаматтық денсаулық сақтау желісінде медициналық көмек көрсету елдің барлық халқы сияқты, тіркелген жері бойынша емханада да жүзеге асырылады. Қолданыстағы заңнамаға сәйкес, келісімшарт бойынша әскери қызметшілердің отбасы мүшелері, сондай-ақ әскери қызметтен босатылған адамдар тіркелген денсаулық сақтау ұйымдарында амбулаториялық-емханалық көмек алады. Сондай-ақ, әскери-медициналық мекемелер мен тіркелген емханасы арасында бірлесіп орындау шарты болса, учаскелік дәрігер консультациялық-диагностикалық көмек алуға жолдама береді», - дейді Бақыт Исмаханбетов.&nbsp;</blockquote>Айта кетерлігі, осы санаттағы адамдарды әскери-медициналық мекемелерге жоспарлы стационарлық емдеуге жатқызу тіркелген медициналық мекемеде «Емдеуге жатқызу бюросы» порталы арқылы жүзеге асырылады. Шұғыл жағдайларда әрі қатты ауырсыну кезінде емдеуге жатқызу жедел медициналық жәрдем немесе өз бетінше жүгіну бойынша жүргізіледі.Әскерде борышын өтеп жүрген сарбаздар МӘМС жарналарын төлеу керек пе?ҚР Қарулы күштерінде мерзімді әскери борышын өтеп жүрген сарбаздар да осы кезеңге жарналар мен аударымдарды төлеуден босатылған. &nbsp;Яғни, жұмыс істеп жүріп, әскерге кеткен азаматтар жарналар мен аударымдарды төлемеуі және олар үшін қарыз жиналмауы керек.&nbsp;Сарбаздар туралы деректерді қорғаныс органдары жібереді. Егер қандай да бір себептермен мәліметтер уақытылы жіберілмей қалса, берешек пайда болады. Бұл жағдайда Әлеуметтік медициналық сақтандыру қоры басшысының атына берешекті жою туралы өтініш жазып, әскери билеттің сканерленген нұсқасын тіркеп kanc@fms.kz электрондық мекен-жайына жіберу керек.&nbsp;Егер әскерде борышын өтеп жүрген азамат үшін жарна төленсе, «Азаматтарға арналған үкімет» Мемлекеттік корпорациясы арқылы қате төленген жарналарды қайтаруға өтініш бере алады.Егер сіздің тағы да сұрақтарыңыз болса, өз емханаңыздағы «Пациенттерді қолдау қызметіне» жүгініңіз. Ал ол жерде мардымды жауап ала алмасаңыз, Қордың өзіңізге ыңғайлы арналары бойынша өтініш-шағымдарыңызды қалдыра аласыз:- fms.kz ресми сайты - Qoldau 24/7 мобильді қосымшасы - Telegramдағы SaqtandyryBot - 1414 Бірыңғай байланыс орталығыСондай-ақ Электронды үкіметтің egov.kz сайтындағы «Денсаулық сақтау» бөлімінде «Міндетті әлеуметтік медициналық сақтандыру жүйесіне медициналық көрсетілетін қызметті тұтынушы ретінде қатысу туралы және аударымдардың және (немесе) жарналардың аударылған сомалары туралы ақпарат ұсыну» мемлекеттік қызметі арқылы медициналық сақтандыру жүйесіндегі өз мәртебеңізді тексеруге және жүргізілген төлемдер туралы ақпарат алуға болады. &nbsp;Фото: МӘМС

Әскери қызметшілер МӘМС үшін төлеу керек пе?

&nbsp;<a href="https://kyzylorda-news.kz/">Kyzylorda-news.kz.</a>&nbsp; Ел егемендігін алған мезеттен бейбіт өмірдің кепіліне айналған шекара қызметі – қорғаныс саласының негізгі бір бөлігі саналатындығы бесенден белгілі. Шындығында, еліміз 5 мемлекетпен шектесетіні көпке аян. Сыр өңірінде Шиелі мен Арал ауданы аралығында шекара қызметі жолға қойылғандығын көпшілік біле бермес. Ал тарихы тереңде жатқан Қызылқұм маңайында «Шиелі» шекара бөлімінің арнайы «Тұщы құдық» заставасы орналасқандығын жақсы білеміз. Ел іргесін күзетуде қырағылық танытып, шекара қызметіне асқан жауапкершілікпен қарайтын Жандос Қоянбаев күрделі салада өлшеусіз еңбек етіп, ел қорғаны атануда.&nbsp;Аудан орталығынан шалғайда орналасқан Іңкәрдария ауылындағы «Тұщы құдық» заставасының старшинасы Жандос Ертасұлы Шиелі ауданының тумасы саналады. Ең алғаш 22 жасында шекарашы атанған сарбаз Өзбекстан елімен шектесіп жатқан аумақты көзінің қарашығындай қорғап келеді. Жастайынан ұлттық спорт қазақ күресімен айналысып, талай мәрте қарсыласының жауырынын жерге тигізген оның саламатты өмір салтын ұстануға деген құлшынысы жоғары. Өз кезегінде ол – мемлекеттік шекараны күзетудегі мінсіз жұмысы үшін «Шекара қызметінің үздігі» деп аталатын екінші дәрежелі медальмен марапатталғандығын мақтанышпен айта аламыз. Бұған дейін «Шиелі», «Ұзынқұдық» шекара заставасында абыройлы қызмет еткен сарбаз ел қауіпсіздігіне бей-жай қарамайды. Осыдан үш жыл бұрын «Тұщы құдық» заставасының старшинасы қызметіне келген Жандос Қоянбаев Антына берік екендігін қашанда дәлелдеу үстінде. Жыл қорытындысы бойынша «Үздік старшина» атағына қол жеткізген кәнігі маман қаншама қылмыстың жолын кесіп, мемлекетке келер қауіптің алдын алды.– «Тұщы құдық» заставасы Сырдария ауданына қарасты Өзбекстан Республикасымен белдескен шекараның құмды шөлейтті аумағын күзетеді. 2021 жылы арнайы застава салынып, мемлекеттік шекараға бір табан жақындаған болатын. Біздің шекарашы сарбаздар бірнеше рет контрабандалық тауар тасымалдаған және шекара бұзушыны анықтап, тиісті органға табыстады. Осындай асқан ыждағаттылықты қажет ететін қызмет барысында әріптесіміз Жандос Қоянбаев мүлтіксіз, айна-қатесіз тапсырманы орындауға тырысады. 20 жылға жуық жұмыс тәжірибесінің арқасында шекарашы қандай болу керектігін жастарға ұғындырып келеді. Ұқыптылық пен тиянақтылықты жаны сүйетін шекарашы маман бүгінде өзінің ізбасарларын дайындауда. Бұл ретте, мемлекеттік шекараны күзетуге ынталы жастарды бірге қызмет етуге шақырамыз. Негізінен шекарашы боламын деген жастар ҚР Ұлттық қауіпсіздік комитетінің шекара академиясында білім алуына болады. Сонымен қатар ҚР ҰҚК Шекара қызметінің келісімшарты негізінде жұмыс істей алады, – дейді «Шиелі» шекара бөлімі бастығының орынбасары Расул Менғалимов.Ақиқатында &nbsp;құмды және шөлейтті аумақты күзетуде жекелеген қиындықты жеңу басты орында тұратыны бар. Шекарашы физикалық және моральдық тұрғыда барлық жағдайға дайын болуы тиіс екен. Осындай күрделі саланың сайыпқыраны атанған Жандос Қоянбаев 2 қыз және 3 ұлдың әкесі. Әрине, әскери маманның көбіне отбасынан тысқары болатыны жасырын емес. &nbsp;

Қазақстан және Қызылорда облысының жаңалықтары