<a href="https://kyzylorda-news.kz/">Kyzylorda-news.kz</a>&nbsp; Партияның облыстық филиалының төрағасы Алмасбек Есмаханов, ҚР Парламенті Мәжілісіндегі «AMANAT» партиясы фракциясының мүшелері Мұрат Әбенов пен Мархабат Жайымбетовтың жұмыс сапары Шиелі ауданында жалғасты.Мәжілісмендер алдымен «Батыс Қытай – Батыс Еуропа» тас жолының бойындағы көп функционалды қызмет көрсету кешенінің құрылысымен танысты. Халық қалаулыларын күтіп алған аудан әкімі Айтбай Жандарбеков нысанның құрылысы, оның аудан экономикасына тигізер пайдасы жөнінде кеңінен ақпарат берді.<blockquote>«Жалпы жоба құны 1,5 млрд. теңгені құрайды. Аталған жобаға мемлекеттік қолдау шарасы ретінде Тұран ауылдық округі тұсынан 2 га жер телімі табысталды. Жоба толық іске қосылғанда жылына аудан бюджетіне 200 млн теңгеге жуық салық түседі деп жоспарлап отырмыз. Газ толтыру компрессорлық станцияс бар сервистік қызмет көрсету кешені іске қосылғанда 27 аудан тұрғындары тұрақты жұмыспен қамтылатын болады», - деді аудан әкімі Айтбай Жандарбеков.</blockquote>Жоба құрылысын «Эко Энерджи Плюс» ЖШС-і жүргізуде. Қазіргі таңда құрылыс жұмыстары қарқынды жүргізілуде.&nbsp;Құрылыс жұмыстарына жергілікті 15 азамат қамтылған.

 Мәжіліс депутаттарының сапары Шиелі ауданында жалғасты

<a href="https://kyzylorda-news.kz/">Kyzylorda-news.kz</a>&nbsp;Кеше облыс әкімі Нұрлыбек Нәлібаевтың төрағалығымен өткен мәжілісте халықты тұрғын үймен қамтамасыз етудегі мәселелер жан-жақты талқыланды. Оған облыс әкімінің орынбасарлары, қала және аудан әкімдері, басқарма басшылары қатысты.Жиында өңірдегі тұрғын үй құрылысының қарқыны, кезекте тұрған азаматтардың жағдайы, тұрғын үй инфрақұрылымын дамыту мәселелері қаралды.Аймақ басшысы қала, аудан әкімдеріне тұрғын үй құрылысын бастау үшін қажетті инженерлік инфрақұрылымы дайын жер телімдерін шұғыл түрде ұсынуды тапсырды. Сонымен қатар, әр ауданда қанша үй салынатыны, құрылыс мерзімі мен қаржының тиімді игерілуі нақты көрсетілген жоспар әзірленуі қажет екенін ескертті.<blockquote>«Тұрғын үй салуға бөлінген қаржыға құрылысты уақытылы бастау, жер телімдерін анықтап, инженерлік инфрақұрылыммен қамтамасыз ету қажет. Жоба-сметалық құжаттамаларды әзірлеп, тиісті мемлекеттік сараптамадан өткізіңіздер. Бөлінген қаржы тиімді әрі мақсатты игерілуі керек»,– деді Нұрлыбек Машбекұлы.</blockquote>Облыста тұрғын үймен қамту бағытындағы жұмыстар жүйелі жалғасуда. 2023 жылы жергілікті бюджет есебінен 4,1 млрд теңге бөлініп, аудан орталықтарынан 429 пәтер сатып алынып, халыққа табысталды. Өткен жылы 14,7 млрд теңгеге 1 015 жаңа пәтер сатып алынып, үй кезегінде тұрған отбасыларға берілді.Биыл бұл жұмыстар жалғасын тауып, тұрғын үй сатып алуға 43,8 млрд теңге қаржы бөлінді. Оған 2 598 пәтер сатып алу жоспарланған. Атап айтқанда, әлеуметтік кредиттік тұрғын үйлерге 10 млрд 002,8 млн теңге қарастырылып, бұл қаржыға Қызылорда қаласынан 610 пәтер сатып алынбақ.Сонымен қатар, халықтың әлеуметтік жағынан осал топтарына арналған 1 988 пәтерді сатып алуға 33 млрд 833,7 млн теңге бөлінді. Оған Қызылорда қаласынан 1 538 пәтер, Арал ауданынан 100 пәтер, Қазалы ауданынан 100 пәтер, Шиелі ауданынан 100 пәтер, Жаңақорған ауданынан 100 пәтер, Қармақшы ауданынан 50 пәтер, яғни аудан орталықтарының өзінен 450 пәтер алынады.Фото: Қызылорда облысы әкімінің баспасөз қызметі

Тұрғын үй инфрақұрылымын дамыту мәселелері талқыланды

<a href="https://kyzylorda-news.kz/">Kyzylorda-news.kz</a>&nbsp; Жаңақорған ауданындағы сапары барасында Мәжілістегі фракция мүшелері қоғамдық тәртіпті нығайту, қылмыстың алдын алу және құқықтық мәдениетті арттыру мен қоғамдық қауіпсіздікті қамтамасыз ету мақсатында атқарылып жатқан жұмыстармен танысу үшін Жаңақорған аудандық полиция бөлімінде болды.Полиция бөлімінің басшысы Нұрлан Ибраев атқарылып жатқан жұмыстарды баяндап, бейнебақылау камералары жұмысымен таныстырды.<blockquote>«Қоғамдық және жол қауіпсіздігі үшін бейнебақылау жүйесін орнату» жобасы бойынша Жаңақорған кенті орталығында автокөліктер ағымы басым көп жүретін көше бойларына қосымша 7 дана стационарлы жылдамдық өлшегіш құрылғылары орнатылған. Аталған камералар екі бағытта жылдамдықты түсіреді. Сонымен қатар,тәуліктің кез келген уақытында машиналардың түсін, маркасын автоматты түрде тануды, жылдамдық артуын оптикалық тіркеп, учаскедегі трафикті есептейді. Ереже бұзушылықтары туралы ақпарат, сондай-ақ нақты уақыт режиміндегі бейне автоматты түрде деректерді өңдеу орталығына жіберіледі және айыппұл туралы ұйғарымдарды қалыптастыру үшін Қазақстан Республикасы Бас прокуратурасының әкімшілік өндірістердің бірыңғай тізіліміне (ЕАҚ) енгізіледі»,- дейді ол.</blockquote>Мемлекет басшысы Қасым-Жомарт Тоқаев өз Жолдауында қоғамда заң мен тәртіп идеологиясын терең орнықтыруды басты басымдық ретінде белгіледі. Осы ретте әрбір жасалған қылмысты қоғамға қарсы жасалған құбылыс ретінде бағалауымыз қажет. Өкінішке орай елімізде соңғы уақытта жол-көлік оқиғалары мен қаза тапқандар саны азаймай отыр.Осы орайда жол-көлік оқиғалары салдарынан орын алатын жағдайлар алаңдатады деген фракция мүшелері жолдардағы қауіпті аймақтарда автоматты режимде құқық бұзушылықтарды анықтауда бейнекамералардың орнатылуы маңызды екенін атап өтіп, аталған орталықтың басты мақсаты – тұрғындардың қауіпсіздігін қамтамасыз ету екенін баса айтты.&nbsp;

 Тәртіп, тазалық пен жол ережесін сақтау, жалпы қауіпсіздігіміз үшін камералардың маңызы зор

<a href="https://kyzylorda-news.kz/">Kyzylorda-news.kz</a>&nbsp; 1 маусым күні республика көлемінде «Қарасора-2025» жедел-профилактикалық іс-шарасы басталды. Іс-шарасы аясында өңірде есірткі өсірудің 21 дерегі анықталды. Бүгінде облыс аумағында есірткі тасымалдау арналарын анықтау мақсатында 6 арнайы бекет құрылған.Бұл нысандарға жергілікті полиция, кинология қызметі, арнайы жасақтар жұмылдырылған. Сондай-ақ, барлық аудандық полиция бөлімдерінде мобильді-іздестіру және жедел-тергеу топтары жасақталған. Ал, «Қарасора» операциясы 31-ші қазанға дейін жалғасады. Бұл туралы Қызылорда облысы Полиция департаменті бастығының орынбасары Серік Тоқтыбаев мәлімдеді.<blockquote>– Іс-шара кезінде барлығы 38 есірткі құқық бұзушылықтары анықталса, оның ішінде 21 дерегі есірткі өсіру, 4 дерегі есірткі өткізу, 1 дерегі жарнамалау және 12 дерегі есірткіге байланысты қылмыстық теріс қылықтар. Заңсыз айналымнан 96 кг. 839 гр. есірткі, оның ішінде 1 кг. 310 гр. марихуана, 86 кг. 106 гр. сора өсімдігі, 8 кг. 618 гр. көкнәр өсімдігі, 805 гр. синтетикалық есірткі заты тәркіленді. Есірткі өсірумен айналысқан 19 адам ұсталып, оның 5-і қамауға алынды. Мобильді бекеттерде қызметтік іздестіру иттерінің көмегімен есірткіге қатысты теріс қылықтардың 5 дерегі анықталды,- деді Серік Әбімәуленұлы.</blockquote>Фото: Нұрболат Нұржаубай<img src="https://knadmin.beoblood.kz/uploads/arasora_2025_Esirtkige_arsy_k_res_ata_ba_ylauda_5e4eba0bd6.jpg" alt="Қарасора – 2025 Есірткіге қарсы күрес қатаң бақылауда.jpg">

Қарасора – 2025: Есірткіге қарсы күрес қатаң бақылауда

<a href="https://kyzylorda-news.kz/">Kyzylorda-news.kz</a>&nbsp; Қызылорда облыстық мәслихатындағы "AMANAT" партиясы депутаттық фракциясының бір топ мүшелері облыстық мәслихат төрағасы Мұрат Тлеумбетов және аудан әкімі Мәжит Сәмитовпен бірге Жаңақорған ауданындағы республикалық маңызы бар тарихи-мәдени ескерткіш – Сығанақ қалашығында болды.Сапар мақсаты – мемлекет тарапынан, оның ішінде облыстық және республикалық бюджет есебінен бөлінген қаржыға атқарылған археологиялық және ғылыми-реставрациялық жұмыстардың барысымен танысып, нақты жүзеге асырылып жатқан іс-шараларды көзбен көру.Қалашық Жаңақорған ауданы, Сунақ ата ауылынан солтүстік-батысқа қарай 2 шақырым жерде, Қызылорда қаласынан шамамен 150 шақырым қашықтықта орналасқан. Сығанақ қалашығы ЮНЕСКО-ның алдын ала тізіміне және «Қазақстанның киелі жерлерінің географиясы» жобасы аясында «Жалпыұлттық қасиетті нысандар» тізіміне енген. Қалашыққа 2003-2013 жылдары Қожа Ахмет Яссауи атындағы Халықаралық қазақ-түрік университеті есебінен, «Мәдени мұра» бағдарламасы аясында зерттеу жұмыстары жүргізілген.Фракция мүшелері сапар барысында жүргізілген қазба жұмыстарының нәтижесін көріп, қорғаныс қабырғасы бойында аршылған құрылыс нысандары мен мешіт орны, қыш күйдіру пештері, табылған қыш құмыралар, сүйектен, қыштан дайындалған бұйымдар, тиындар, алтын жапсырмалар мен әшекейлер, керамикалық ыдыстар, қыш қаптамалардың жай-күйімен танысты. Жалпы қалашыққа 2018-2021 және 2023-2024 жылдары ҚР Мәдениет және ақпарат министрлігі тарапынан республикалық бюджет есебінен ғылыми-реставрациялық жұмыстар жүргізілген. Аталған жұмыстарды биыл да жалғастыру жоспарлануда.Танысу барысында фракция мүшесі Гүлшат Мұсавеа "AMANAT" партиясы "Ұлттық мұра" партиялық жобасы және партия жанындағы мәдениет пен өнерді қолдауға бағытталған "MIRAS" аймақтық кеңесімен ұлттық мұрамызды сақтау, оларды кейінгі ұрпаққа насихаттау бағытында жүйелі жұмыс жасап келеді. Оның ішінде осындай тарихи -мәдени ескерткіштерімізге кюар кодтар орнату, оларға орташа және күрделі жөндеу жұмыстарын жүргізу, вандализмнен қорғау жұмыстары партияның ерекше назарына алынғандығын атап өтті.

Сығанақ қалашығындағы археологиялық және ғылыми-реставрациялық жұмыстар таныстырылды

<a href="https://kyzylorda-news.kz/">Kyzylorda-news.kz</a>&nbsp; &nbsp;Жыл сайын облыстың су айдындарында, әсіресе, Сырдария өзенінде азаматтардың әртүрлі себептермен қайғылы жағдайларға ұшырауы, оның ішінде жаз айларында суға түсу маусымында судағы адам қазасы өзекті мәселе болып отыр. Суда адамдардың қаза болуының негізгі себебі қауіпсіздік ережелерін өрескел бұзуынан,- дейді мамандар. Аймақтағы жағдайға қатысты ақпараттарды Қызылорда облысы ТЖД Азаматтық қорғаныс басқармасының бастығы Жандос Жүгінісов айтып берді.<blockquote>– Облыс аумағында 7 жағажай ресми түрде бекітілген. Облыс тұрғындары мен қонақтарының жаз мезгілінде су айдындарындағы қауіпсіздігін қамтамасыз ету мақсатында ТЖ Департамент бастығының бұйрығы негізінде күнделікті тәулік бойы жауапты сала мамандарын тарта отырып рейдтік жұмыстар ұйымдастырылуда. Облыс аумағындағы су айдындарында жыл басынан 559 рейдтік жұмыс жүргізіліп, 29 585 тұрғынға судағы қауіпсіздік ережелері түсіндірілді және үнпарақтар таратылды. Сондай-ақ аталмыш профилактикалық жұмыстарға 301 ерікті қатыстырылды. ҚР Әкімшілік құқық бұзушылық туралы кодексінің 412-бабы — «Су айдындарында қауіпсіздік қағидаларын бұзу немесе орындамау» бойынша 23 азаматқа, оның ішінде балаларын қараусыз қалдырған ата-аналарға әкімшілік хаттама толтырылып, оларға айыппұл салынды. Алдағы уақытта атқарылып жатқан жұмыстар жалғасатын болады,- деді Жандос Шайымұлы.</blockquote><img src="https://knadmin.beoblood.kz/uploads/Su_ajdyndary_sal_yrtty_ty_keshirmejdi_4a76567686.jpg" alt="Су айдындары салғырттықты кешірмейді.jpg">

Су айдындары салғырттықты кешірмейді

<a href="https://kyzylorda-news.kz/">Kyzylorda-news.kz</a>&nbsp; Мәжіліс депутаты Асхат Аймағамбетов&nbsp;Adal Adam&nbsp;YouTube&nbsp;арнасына берген сұқбатында мұғалімдердің қазіргі уақыттағы бет-бейнесі жөнінде маңызды сөз айтты, деп хабарлайды <a href="https://qaz365.kz/education/14228-askhat-aimagambetov-tiktok-tan-tuspeitin-mug-alimderge-undeu-zhasady/">Qaz365.kz.&nbsp;</a><blockquote>Мен осы мәселені әріптестеріме айтқанда, олар: «Сенің ойың заманауи емес. Сен өзің жап-жассың, неге осындай нәрселерді айтасың?» – деген еді. Мүмкін, бұл консервативті көзқарас болуы мүмкін. Әрине, қазіргі уақыт – TikTok-тың, Instagram-ның, Netflix-тің заманы. Оны түсінеміз, бірақ бізде құндылықтар деген бар, мұғалімнің бейнесі деген бар, директордың өзінің бейнесі бар. Балаларға жақын болу өте маңызды. Мен өзім қазіргі уақытта ұстаздық қызмет атқарып жүрмін. Өзіміз оқушы кезімізде мұғалімдерді ерекше құрметтеп, тіпті дем ала алмай, тапжылмай отыратын сәттеріміз болды. Бәрі бірдей болған жоқ. Сондықтан ұстаздың бейнесі өте маңызды, имиджі өте маңызды, беделі өте маңызды. Оны күнделікті күлкіге, әзілге айналдыруға болмайды. Рилстің аты рилс, жұмысты көрсету керек, балалармен жақын қарым-қатынас болуы керек. Бірақ балалармен анекдот айтып, түрлі трендтен қалмаймын деп жүргені сұрақ туғызады. Әр нәрсенің реті болуы керек. Сол себепті бұл бағытта министрліктің өзіндік бір ұстанымы болуы керек, – деді Асхат Аймағамбетов.</blockquote>Еске салсақ, соңғы кездері мектеп директорлары әлеуметтік желіде әр түрлі тренд түсіруге көшкен.Фото: скрин видео

Асхат Аймағамбетов TikTok-тан түспейтін мұғалімдерге үндеу жасады

<a href="https://kyzylorda-news.kz/">Kyzylorda-news.kz</a>&nbsp; &nbsp;Ақтөбе қаласында XI халықаралық «Айбын» әскери-патриоттық жастар жиыны өтті. Шет елдерден және еліміздің түкпір-түкпірінен келген үздік жас патриоттар өзара күш сынасып, ептілік пен білім деңгейін сараптады. Сайысқа қатысушы 20 команда 8 кезең бойынша сынға түсті. Аталған жарысқа аймақтан аттанған “Сыр айбыны” командасы да үздік өнер көрсетіп, жалпы есепте төрттікті түйіндеді. Бұл туралы “Қызылорда облысының жастар Одақтары” қоғамдық бірлестігінің төрағасы Жасұлан Алдабергенов, “Жас сарбаз” жасөспірімдер әскери-патриоттық қозғалысының Қызылорда облыстық филиалының төрағасы Жасұлан Жаңабай және “Сыр айбыны” командасының жас сарбазы Расул Ниетулла айтты.<blockquote>– «Айбын» әскери-патриоттық жастар жиыны жыл сайын дәстүрлі түрде жоғары деңгейде ұйымдастырылып келеді. Бұл – жасөспірімдердің патриоттық рухын оятып, әскери дайындық пен тәртіпке баулитын маңызды алаң. Қызылорда облысынан қатысқан командалар әр жылдары үздік нәтиже көрсетіп, жеңіс тұғырынан көрініп жүр. Биылғы көрсеткіш те жаман емес – “Сыр айбыны” командасы барлық кезеңдерден сүрінбей өтіп, төртінші орынды иеленді. Бұл – үлкен еңбек пен дайындықтың жемісі. Алдағы уақытта да жас сарбаздарымыз бұдан да жоғары нәтижеге жететініне сенімдімін, – деді Жасұлан Нұрланбекұлы.</blockquote>Осындай деңгейдегі жарыстардың маңызы өте зор.&nbsp;<blockquote>– Бұл – жастарды отансүйгіштікке, тәртіпке, ұйымшылдыққа тәрбиелейтін, олардың бойында жауынгерлік рухты қалыптастыратын бірегей алаң. “Айбын” жиынына дайындық жұмыстары сайыс басталады дегеннен-ақ қолға алынды. Команданың әрбір мүшесі жауапкершілікпен қарап, тынымсыз дайындалды. Нәтижесінде, “Сыр айбындары” командасы әскери кросс жарысында жалпыкомандалық есепте 3-орынға ие болды. Жастарымыздың бойындағы ерік-жігер мен намыс бізге келешекте бұдан да биік белестерді бағындыруға сенім береді,- деді Жасұлан Бақытжанұлы.</blockquote>Ал автомат шашу жарысында жерлесіміз Расул Ниетулла шапшаңдық танытып, 60 қатысушының ішінен бірінші орынды иеленді. “Болашақта өрт сөндіруші болғым келеді”,- дейді жас сарбаз.<blockquote>- Бұл жарысқа үлкен жауапкершілікпен дайындалдым. Әр жаттығуда шапшаңдыққа мән бердік. Қарсыластар осал болмады, бірақ өзіме сенімді болдым. 60 қатысушының ішінен топ жарып, бірінші орын алғаныма қуаныштымын. Бұл - мен үшін үлкен тәжірибе. Елге, халыққа пайдасы тиетін мамандық иесі болу арманым,- деді Расул Ниетулла.</blockquote>Фото: Gov.kz<img src="https://knadmin.beoblood.kz/uploads/skeri_patriotty_zhastar_zhiyny_orytyndylandy_d4af302b9e.jpg" alt="Әскери - патриоттық жастар жиыны қорытындыланды.jpg">

Әскери – патриоттық жастар жиыны қорытындыланды

<a href="https://kyzylorda-news.kz/">Kyzylorda-news.kz</a> Облыстық мәслихат төрағасы Мұрат Тлеумбетов пен облыстық мәслихаттағы «AMANAT» партиясы депутаттық фракциясының бір топ мүшелері Жаңақорған ауданындағы сапары барасында екі бірдей тынығу лагерінің жұмысына мониторинг жүргізді.Фракция мүшелері алдымен Құттықожа ауылында орналасқан «Тау самалы» тынығу лагерінің жұмысын көрді. Аталған тынығу лагерінде 1 ауысымда 80 оқушы, жазғы маусымда 560 бала тынығады. Табиғаты әсем, тау бөктерінде орналасқандықтан балғындардың таза ауамен белсенді демалуына зор мүмкіндік.Лагер аумағында суға түсетін ашық бассейн, кітапхана, ойын алаңқайлары, жатын орын, асхана қамтылған. Сондай-ақ, балалардың жазғы демалысын қызықты әрі пайдалы өткізу мақсатында интеллектуалдық сайыстар, әртүрлі үйірмелер, ұлттық спорттық ойындар күнделікті ұйымдастырылып отырады. Осы арқылы балалардың денсаулығы мен ойлау қабілетін дамыту басты назарда. Одан бөлек, аудандық мәдениет үйі және спорт бөлімімен біріккен іс-шаралар өткізіліп тұрады,- дейді лагер басшылығы.Облыстық мәслихат төрағасы Мұрат Тлеумбетов жазғы тынығу маусымының сапалы ұйымдастырылуы өскелең ұрпақтың денсаулығы мен тәрбиесіне тікелей әсер ететін маңызды бағыт екендігін атап өтіп, бірінші кезекте балалардың қауіпсіздігі мен демалыс сапасына баса мән беру қажеттігін жеткізді.Мұнан соң, фракция мүшелері ауданға қарасты Бесарық елді мекенінде орналасқан «Қызылорда облыстық қосымша білім беру және олимпиадалар орталығы» лагерінде болды.Бүгінде аталған лагер тек тынығу орны ғана емес, балалардың білім көкжиегін кеңейтетін орталыққа айналған. Жыл сайын 7 ауысымда 2100-ге жуық оқушыны қабылдайтын лагер базасында мектеп бітіруші түлектерге арналған «Алтын белгі» және «Үздік аттестат» иегерлерін дайындауға бағытталған оқу курстары тұрақты ұйымдастырылуда.Лагер аумағындағы жайлы ахуал, жасыл желекке оранған табиғи орта, 4 мезгіл тамақтану, оқушыларға арналған тәрбиелік-танымдық шаралар барлығы да балалар үшін қолайлы жағдай қалыптастырылғанын көрсетеді.Халық қалаулылары лагердің материалдық-техникалық базасымен танысып, тынығушылармен және педагогикалық ұжыммен пікір алмасты. Педагогтар оқу-демалыс бағдарламасының мазмұнына тоқталып, жыл сайын қатысушылар санының артып келе жатқанын жеткізді.Өз кезегінде фракция мүшелеріде балаларға қосымша білім беру жүйесінің маңыздылығына тоқталып, мұндай орталықтардың интеллектуалды ұрпақ тәрбиелеуде айрықша рөл атқаратынын атап өтті.

Лагерлер жұмысына мониторинг жұмыстары жалғасып жатыр

<a href="https://kyzylorda-news.kz/">Kyzylorda-news.kz</a>&nbsp; «Әскери қызмет және әскери қызметшілердің мәртебесі туралы» Қазақстан Республикасы Заңының 32 бабына сәйкес&nbsp; 2&nbsp; жылға&nbsp;әскерге&nbsp; шақыруға:<ul><li style="text-align:justify;">медициналық мамандықтар (жалпы дәрігерлік тәжірибе)&nbsp;</li><li style="text-align:justify;">мотоатқыштар әскері;</li><li style="text-align:justify;">қаржылық қамтамасыз ету;</li><li style="text-align:justify;">артиллериялық әскерлер мамандықтары бойынша</li></ul>29 жасқа дейінгі запастағы офицерлер мен 32 жасқа дейінгі медициналық қызметтің запастағы офицерлерін әскери қызмет өткеруге іріктеу жұмыстары жүргізілуде.Осыған байланысты жоғарыда көрсетілген мамандығы бар запастағы офицерлер&nbsp; Қызылорда қаласының қорғаныс істері жөніндегі басқармасына (горвоенкомат),&nbsp;Шүкіров көшесі 101А үй, № 127 кабинетке, тел: 24-50-22, 87780726857 хабарласуларыңызға&nbsp; болады.Әлеуметтік кепілдіктері:<ul><li style="text-align:justify;">медициналық мекемелерде медициналық қамтамасыз&nbsp; ету&nbsp; мемлекет&nbsp;есебінен&nbsp; жүзеге&nbsp; асырылады;</li><li style="text-align:justify;">киім-кешек мүлігімен жабдықтау нормалары;</li><li style="text-align:justify;">тұрғын үйді жалға алғаны үшін кепілді өтемақы;</li><li style="text-align:justify;">офицерлердің ақшалай үлесі;</li><li style="text-align:justify;">көтерме жәрдемақы, үстеме және басқа да әлеуметтік кепілдіктер&nbsp;қарастырылған</li></ul>Запастағы сержанттар мен сарбаздарды келісімшарт бойынша әскери қызметке шақырамыз !Келісімшарт бойынша әскери қызметші - Отанды кәсіби қорғаушы.Әскери қызметтің мүмкіндіктері мен артықшылықтары:<ol><li style="text-align:justify;">Келісімшарт бойынша әскери қызметшілер ақшалай жалақымен&nbsp;қамтамасыз етілген&nbsp; (лауазымына, әскери шеніне және еңбек сіңірген жылдарына байланысты).</li><li style="text-align:justify;">Келісімшарт бойынша әскери қызметшілер және олардың&nbsp; &nbsp;</li></ol>отбасы мүшелерін&nbsp; әскери&nbsp;медициналық мекемелерде медициналық қамтамасыз&nbsp; ету&nbsp;мемлекет&nbsp; есебінен&nbsp; жүзеге&nbsp;асырылады.<ol><li style="text-align:justify;">Мемлекет есебінен белгіленген нормаға сәйкес, заттай мүлікпен&nbsp;</li></ol>(киім үлгісі) қамтамасыз етіледі.&nbsp; &nbsp; &nbsp;4.&nbsp; Тұрғын үйді жалға алу қаражаты кепілді түрде төленеді.&nbsp; &nbsp; &nbsp;5.&nbsp; Кезекшілікті&nbsp;атқарған кезде, далалық шығуларда, ұшуларды&nbsp; &nbsp;&nbsp; &nbsp; &nbsp; &nbsp; &nbsp; дайындау және орындау кезінде, әскери эшелондарға ілесіп&nbsp; &nbsp;&nbsp; &nbsp; &nbsp; &nbsp; &nbsp; жүру кезінде, стационарлық емделуде болған кезде, т.б.&nbsp;&nbsp; &nbsp; &nbsp; &nbsp; &nbsp;белгіленген нормалар бойынша тамақтанумен қамтамасыз&nbsp; &nbsp; &nbsp;&nbsp; &nbsp; &nbsp; &nbsp; &nbsp; етіледі.&nbsp;<ol><li style="text-align:justify;">Жыл сайынғы негізгі демалыстары, демалыстың&nbsp; ұзақтығы&nbsp; &nbsp;</li></ol>еңбек сіңірген жылдарына байланысты белгіленеді.<ol><li style="text-align:justify;">Еңбек өтілі бойынша зейнетке шығу.</li></ol>Келісімшарт бойынша әскери қызметке қабылданатын азаматтарға қойылатын талаптар:<ul><li style="text-align:justify;">Қазақстан Республикасы азаматтығына ие болуға;</li><li style="text-align:justify;">Жас мөлшері он сегізден отыз екі жас және алты айға дейінгі болуға;</li><li style="text-align:justify;">әскери лауазымына сәйкес әскери есептік - мамандығы болуға;&nbsp;</li><li style="text-align:justify;">мерзімді әскери қызметті өткерген не жоғары оқу орындарының әскери кафедрасынан оқудан өткен, Қорғаныс министрлігінің әскери оқытылған резервті даярлау бойынша мамандандырылған ұйымдарында әскери даярлықтан өтеулі негізде өткен болуға тиіс.</li></ul>&nbsp; &nbsp; Өзін әскери қызмет өміріне арнауға ниет білдірген азаматтар&nbsp; &nbsp;&nbsp; &nbsp; Қызылорда қаласының қорғаныс істері жөніндегі басқармасына&nbsp; &nbsp;&nbsp; &nbsp; (горвоенкомат), Шүкіров көшесі 101А үй, № 127 кабинет,&nbsp;тел: 24-50-22,&nbsp; &nbsp;&nbsp; &nbsp; 87780726857 хабарласуларыңызға&nbsp; болады.

Запастағы  офицерлер  назарына!

<a href="https://kyzylorda-news.kz/">Kyzylorda-news.kz</a> Биыл Қызылорда қаласының ел астанасы болғанына 100 жыл толып отыр. Айтулы мерекеге орай, өңірімізде ауқымды шаралар ұйымдастырылуда.Бірнеше күннен бері мереке аясында Қызылорда қаласында «Тарихтың таңбасы – рухтың ордасы – Қызылордам»облыстық өнер байқауы өтуде. Бұған дейін облыс орталығында Жаңақорған, Жалағаш, Шиелі аудандарының өнерпаздары концерттік бағдарламасын ұсынса, бүгін Қызылорда қаласының тұрғындары мен қонақтары қазалылық өнерпаздардың өнер кешін тамашалады.Қазалылық өнерпаздардың мерекелік өнер кешін аудан әкімінің орынбасары Дәурен Тлеумбетов сөз сөйлеп ашып, өнерпаздарға сәттілік тіледі. Өнер байқауында ән әлемінің падишасы атанған Роза Бағланова, Мәдина Ералиева мен Кеңес Дүйсекеев шыққан киелі өнер қонған өңірдің өнерпаздары қызылордалықтарға ерекше мерекелік кеш сыйлады.Өнер кешінде орталық алаңда қазалылық қолөнершілердің арнайы көрмесі де ұйымдастырылып, онда Қазалы да жасалатын өнімдер де қойылды.<img src="https://knadmin.beoblood.kz/uploads/azalyly_nerpazdardy_tartuy_1_0e72b8d2d7.jpg" alt="Қазалылық өнерпаздардың тартуы 1.jpg">Фото: Қазалы ауданы

Қазалылық өнерпаздардың тартуы

<a href="https://kyzylorda-news.kz/">Kyzylorda-news.kz</a> Бүгін ҚР Парламенті Мәжілісіндегі «AMANAT» партиясы депутаттық фракциясының мүшелері Мұрат Абенов және Мархабат Жайымбетов өңіріміздегі сапар барысында Жаңақорған ауданына болды. Сапар барысында алдымен Жайылма ауылына жол жүріп, диқаншы қауымның еңбегімен танысты.Жайылма ауылындағы «Шоқымазар» шаруашылығы егіс алқабының жұмысымен таныса отырып, ауыл шаруашылығын дамыту, өнім көлемін арттыру және жаңа технологияларды енгізу бойынша пікір алмасып, жергілікті еңбеккерлердің ұсыныс-тілектерін тыңдады.Айта кетейік, Жайылма ауылдық округіне қарасты «Шоқымазар» шаруа қожалығы 2004 жылы құрылған.Төрағасы: Шидербаев Әлімбай Сартайұлы. Құрамында 21 отбасы қамтылған шаруашылықтың жалпы жер көлемі - 492 гектар. Егістік жері 124 гектар. Қазіргі таңда «Шоқымазар» шаруа қожалығын Шидербаев Әлімбай мырзаның ұлы Әлімбай Аян Әлімбайұлы жүргізіп отыр.Биылғы жылы «Шоқымазар» шаруа қожалығы 30 гектар бақша, 28 гектар жоңышқа, 4 гектар дәндік жүгері дақылын егіп отыр. Жаз шықса, Жаңақорғанның аты қарбызымен бірге аталады емес пе. Бұл да болса жергілікті дихандардың маңдай тері мен еңбегінің жемісі.Биыл Жайылма тұрғындары жалпы 1000 мың гектарға бақша дақылдарын егуде. Оның 500 гектар аумағы қауын мен қарбыз болса, қалғаны жоңышқаға тиесілі.<img src="https://knadmin.beoblood.kz/uploads/R_Parlamenti_m_zhilisini_deputattary_Zha_a_or_an_audanynda_9ce8bc4b07.jpg" alt="ҚР Парламенті мәжілісінің депутаттары Жаңақорған ауданында.jpg">

Қазақстан және Қызылорда облысының жаңалықтары