Kyzylorda-news.kz Қорқыт ата атындағы Қызылорда университетінің «Тарих және археология» білім беру бағдарламасының аға оқытушысы, философия докторы Ыслам Құрманиязов Қарағанды облысында өткен «Сарыарқаның көшпелі мәдениеті: Ұлы даланың құпиялары – Талды» атты халықаралық ғылыми симпозиумына қатысты.
Халықаралық ғылыми жиында Қазақстан, Түркия, Германия, Венгрия және Ресейден келген ғалымдар тарихи-мәдени мұраны сақтау, археологиялық зерттеулердің заманауи әдістері мен халықаралық ынтымақтастық мәселелерін талқылады.
Симпозиум аясында қатысушылар Талды археологиялық паркінің қола дәуіріне жататын ескерткіштерімен танысып, соңғы археологиялық зерттеулер нәтижелерімен бөлісті. Сондай-ақ, қонақтарға қазақ халқының дәстүрлі мәдениеті, қолөнері мен ұлттық спорт түрлері таныстырылды.
