Ақмая ауылдық округі бойынша 301 сайлау учаскесі таңғы 07.00-ден бастап өз жұмысын бастады. Бұл ауылымыз үшін де ауданымыз үшінде маңызды шара. Ауыл жұрты таңғы сағат 7:00 ден бастап сайлау учаскесіне дауыс беруге келіп жатыр. ҚР Ұлттық Әнұраны шырқалып, ауылдық ардагерлер төрағасы К.Палмағанбетов бата беріп дауыс беру басталды. Сондай ақ ауылымыздың ең алғашқы дауыс берушісі тұрғыны Б.Балтаева өз таңдауын жасады. Саяси науқанда 301 сайлау учаскесі қызу жұмыс істеуде.

Шиелі: Ақмая ауылдық округі 301 сайлау учаскесінде тұрғындар өз таңдауын жасап жатыр

<a href="https://kyzylorda-news.kz/">Kyzylorda-news.kz</a>&nbsp; 2025 жылы өскеннен кейін зейнетақының ең төменгі мөлшері 95 131 теңге, ең жоғары мөлшері – 213 046 теңге болады.2025 жылы Қазақстанда зейнетақы төлемдері мөлшері өседі. Бұл туралы толық мәліметті Еңбек және халықты әлеуметтік қорғау министрлігі берді, деп хабарлайды&nbsp;KYN.KZ ақпарат агенттігі.Министрліктің&nbsp;<a href="https://tengrinews.kz/kazakhstan_news/kazahstane-uvelichat-razmeryi-pensiy-kogo-kosnetsya-547726/">Tengrinews.kz</a>&nbsp;ресми сауалына берген жауабында, Әлеуметтік кодекстің 197-бабына сәйкес, жасына байланысты зейнетақы төлемдерінің және еңбек сіңірген жылдары үшін зейнетақы төлемдерінің мөлшерін жыл сайын арттыру республикалық бюджет туралы заңда жылына белгіленген тиісті қаржы мөлшерінде жүзеге асырылады.Бұдан басқа, жасына байланысты зейнетақы төлемдері мен еңбек сіңірген жылдары үшін зейнетақы төлемдерінің мөлшерін қолайлы деңгейде ұстап тұру үшін Қазақстанның зейнетақы жүйесін 2030 жылға дейін одан әрі жаңғырту тұжырымдамасына сәйкес олардың мөлшері жыл сайын инфляция деңгейінен екі пайызға артық индекстеледі."2025-2027 жылдарға арналған республикалық бюджет туралы" заң жобасына сәйкес, 2025 жылғы 1 қаңтардан бастап жасына және еңбек сіңірген жылдарына байланысты зейнетақы төлемдерін 8,5 пайызға арттыру жоспарланған; базалық зейнетақы мөлшері ең төменгі күнкөріс деңгейінің өзгеруіне байланысты артатын болады.Өз кезегінде Бірыңғай жинақтаушы зейнетақы қорынан (БЖЗҚ) төленетін зейнетақы төлемдері жыл сайын 5 пайызға индекстеледі."2025 жылы өскеннен кейін зейнетақының ең төменгі мөлшері 95 131 теңге (базалық зейнетақыны есепке алғанда 32 360 теңге), ең жоғары мөлшері – 213 046 теңге (базалық зейнетақыны есепке алғанда 50 851 теңге) болады", - деп хабарлады министрлік.Сондай-ақ, алдағы өсім барлық 2,4 миллион зейнеткерге қатысты болатыны айтылды."2025-2027 жылдарға арналған республикалық бюджет жобасы шеңберінде 2025 жылы зейнетақы төлемдеріне 4 231,3 миллиард теңге, оның ішінде жасына байланысты және еңбек сіңірген жылдары үшін зейнетақы төлемдеріне – 2 867,7 миллиард теңге, базалық зейнетақыға – 1 363,6 миллиард теңге көзделген", - деп толықтырды министрлік.Сурет: NUR.KZ/Владимир Третьяков

Қазақстанда 1 қаңтардан бастап зейнетақы көбейеді

Желіде алматылық ару азаматтық некедегі күйеуінің алдап, қарызға батырып, тастап кеткенін айтты. Бұл туралы <a href="https://stan.kz/5-ret-aldap-ketti-tipti-kol-koteretin-almatilik-kiz-aza-406290/">Stan.kz </a>ақпарат агенттігі хабарлайды.&nbsp;Фото: Видеодан скриншотҚыздың сөзінше, жігіті алматыдан Астанаға бірге тұрамыз деп алып келген.&nbsp;"Осы жігіт үшін Алматыдағы дайын жұмысымды тастап Астанаға келгенмін. Екеуміз пәтер жалдап 4 ай&nbsp;бірге тұрдық. Төрт ай бойы сол жігіттің тамағын жасап, кірін жуып әйелі болғанмын. Енді пәтер ақысын төлеу уақыты жақындағанда заттарын жинап кетіп қалыпты. Мені қарызға кіргізіп кетті. Бұл қалада ешкімді танымаймын, ештеңеге қолым бармай тұр. Не істейтінімді білмеймін, бесінші рет алдап тұр. Полицияға хабарласайын десем, не деп айтамын оларға", – дейді қыз.&nbsp;

 Алматылық қыз азаматтық некедегі күйеуі қарызға батырып, тастап кеткенін айтты

<a href="https://kyzylorda-news.kz/">Kyzylorda-news.kz</a>&nbsp; Арал ауданының әкімі Аманжол Оңғарбаев ел намысы сарапқа салынар байрақты бәсекелерде үздіктер қатарынан көрініп, Азия және Әлем чемпионаттарында жүлдегер атанған чемпиондар және олардың бапкерлерімен жүздесіп, құрмет көрсетті.Аудан әкімі тартысты додаларда табандылық көрсетіп, жүлдегер атанған спортшыларды ел мақтаныш ететінін жеткізді.<blockquote>– Құрметті жиынға қатысушылар, &nbsp;жарқын жеңістің үлгісін көрсетіп, ел мақтанышына айналған жас чемпиондар және олардың бабын келістіріп, бағын оздырған бапкерлермен жүздесіп отырмыз. Ең алдымен түрлі жарыста табандылық көрсетіп, жетістікке жеткен Сіздерге ерекше алғысымды білдіремін! Бүгінде ауданда өз кәсібінің мақтаныштарына айналған жеңімпаздардың шоғыры қалыптасып келе жатқаны көңілге қуаныш ұялатады. Сіздердің жетістіктеріңізді біз ұдайы мақтанышпен айтып жүреміз. Мұның барлығы соңғы жылдары спорт саласына көрсетілген айрықша қолдаудың нәтижесі деп білеміз, – деген аудан басшысы сала бойынша аудан көлемінде атқарылып жатқан жұмыстардың бірқатарына тоқталып өтті.</blockquote>Мұнан соң Азия және Әлем чемпионаттарында жоғары жетістікке жеткен ел мақтаныштарына аудан әкімінің Алғысы мен қаржылай және бағалы сыйлықтар табысталды. Олардың бапкерлеріне де ерекше құрмет көрсетілді.Кездесу барысында осы салада еңбек етіп, жас спортшылардың бабын келістіріп, бағын ашып жүрген алдыңғы аға буын спорт жанашырлары өздерінің ерекше ықыластарын білдірді. Сондай-ақ спортшылардың еңбегін бағалап, алдағы сайыстарға жігерлендірген аудан әкімдігіне ерекше ризашылықтарын жеткізді. Жас чемпиондарды болашақта Олимпиада ойындарына баруға дайындау үшін қолдау көрсетілсе деген ұсыныстарын да ортаға салды.Жиын соңында аудан әкімі А.Оңғарбаев бүгінгі жас спортшы ертең елдің мақтанышына айналуы әбден мүмкін екенін атап өтіп, талабы бар баланы әркез қолдауға дайын екенін жеткізді.

Арал ауданының әкімі үздік спортшыларды қабылдады

Бүгін - Шиелі ауданы әкімінің сайлауы. Дауыс беруге 50 мыңнан аса сайлаушы мүмкіндігі бар.&nbsp; Таңертеңгілік сағат 7.00-де Шиелі ауданы бойынша 40 учаске ашылды. Мұнда 272 учаскелік комиссия мүшелері қызмет атқаруда.Сонымен қатар бүгін Арал ауданындағы Бөген, Сазды, Қосаман, Қазалы ауданындағы Алға, Тасарық, Қармақшы ауданындағы Т.Көмекбаев және Жалағаш ауданындағы Таң, Шиелі ауданындағы Телікөл ауылдық округ әкімдерінің сайлауында дауыс беру басталып кетті.Таңмен таласа келген алғашқы сайлаушыларға сыйлықтар ұйымдастырылуда. &nbsp;Дауыс беру таңғы сағат 7.00-ден кешкі 20.00-ге дейін жалғасады.

Бүгін Шиелі ауданының әкімі және 8 ауылдық округтің әкімі сайланады

Фото: МатрицаБұл туралы Павлодар облысының балалар құқықтары жөніндегі өңірлік уәкілі Сәуле Шәкенева хабарлады.Павлодар облысында 6-сынып оқушысы екі оқушыны жиналмалы пышақпен жарақаттаған, деп хабарлайды<a href="http://skifnews.kz/"> Skifnews.kz </a>ақпарат порталы.Оқиға 11 қыркүйекте "Эрзи" дүкенінің маңында сағат 12.30 бен 13.30 аралығында болған.&nbsp;Павлодар облысында 6-сынып оқушысы екі оқушыны жиналмалы пышақпен жарақаттаған. Олар ешкімге ештеңе айтпай, сабаққа қатыспай, үйге кетіп қалған. Кешке жарақат алған балаларға Облыстық балалар ауруханасында медициналық көмек көрсетілген. &nbsp;12 қыркүйекте ата-аналар мектеп әкімшілігін хабардар етті, олар қолданыстағы зорлық-зомбылық, буллинг, кәмелетке толмағандар арасындағы киберқорлау фактілеріне жедел әрекет ету алгоритміне сәйкес білім бөліміне хабарлап, полиция шақырған.Қазіргі уақытта зардап шеккен оқушылардың денсаулығына қауіп төніп тұрған жоқ, олар сабаққа кірісіп кетті.Аталған факті бойынша қылмыстық іс қозғалды.

Павлодарда 6-сынып оқушысы екі баланы пышақтап кеткен

&nbsp;<a href="https://kyzylorda-news.kz/">Kyzylorda-news.kz</a> ҚР Халық әртісі Димаш Құдайбергеннің бала күнінде жатқан бесігі мұражайға қойылды. Бұл туралы <a href="https://stan.kz/akesi-de-zhatkan-dimash-kydaybergennin-bala-kuninde-zha-406225/">Stan.kz</a> ақпарат агенттігі хабарлайды.Жаңалықты журналист Бауыржан Бабажанұлы жариялады.<blockquote>“Құдайберген аға мына бесікті 1970 жылы Қанат Айтбаев дүниеге келгенде арнайы жасатыпты. Кейін Димаш та осы бесікке бөленген. Әкелі-балалы екеуі ғана емес, осы әулеттің 22 адамын тербеген құтты бесік бұл! &nbsp; Ұлттық музейде Димаштың шығармашылығына арналған көрме ашылды. Көрмеге келген жұртта есеп жоқ. Көбі шетелдіктер. Олар біздің ұлдың әрбір басқан қадамына үңіліп жатыр. Көрме 6 қазанға дейін созылады. Келіңіздер, көріңіздер!, – деп жазды медиа маманы.</blockquote>Фото:&nbsp;https://www.facebook.com/profile.

 Димаш Құдайбергеннің бала күнінде жатқан бесігі мұражайға қойылды

<a href="https://kyzylorda-news.kz/">Kyzylorda-news.kz</a> Freedom Telecom Қазақстанның бірқатар өңіріндегі қоғамдық орындарда тегін Wi-Fi қосты. Қазіргі уақытта Алматы мен Қонаев қалаларындағы адам көп жүретін жерлерде тұрғындар мен туристерге интернет одан әрі қолжетімді бола түсті. <a href="https://stan.kz/tegin-wi-fi-406177/">Stan.kz</a> агенттігі Алматыдағы дәл осы Wi-Fi желісі қосылған бірнеше локацияға барып, оның қалай істейтінін тексеріп, сынап көрді.Жақында Freedom Telecom компаниясының Алматы мен Қонаев қалаларының тұрғындары мен туристеріне интернетті тегін әрі емін-еркін қолдануға мүмкіндік беретін ауқымды жобасын бастады. Енді&nbsp;екі қаланың адам көп жиылатын түрлі&nbsp;қоғамдық орындарында&nbsp;тегін Wi-Fi бар. Қала тұрғындары мен туристер Freedom Telecom&nbsp;Wi-Fі-ына&nbsp;қосылып, артық шығыннан құтылады. Осылай, компания елдегі, оның ішінде осы өңірдегі цифрлы инфрақұрылымды жақсартуға, коммуникация құралын қолдануды жеңілдетуге үлес қоспақ.Біз Freedom-ның Wi-Fi-ы қосылып тұрған Алматыдағы бірнеше локацияға барып, оны тексеріп көрдік. Ең әуелі әл-Фарабидің бойымен жүріп, Esentai Mall ойын-сауық орталығына жол тарттық. Wi-Fi әл-Фараби даңғылынан Назарбаев даңғылына дейін істейді екен. Дәл осы көшенің бойымен кетіп бара жатқанда смартфонға қолжетімді Wi-Fi бар екендігі туралы хабарлама шықты.Esentai Mall-ға жеткенімізде оны қосып көрдік. Wi-Fi-ды қолдану үшін нөміріңіз арқылы тіркелу қажет екен. Нөміріңізді терген соң, бір байланыс нөмірі&nbsp;хабарласады. Сол нөмірдің соңғы төрт санын код етіп жазасыз. Кодты дұрыс терсеңіз, Wi-Fi бірден қосылады. Ол&nbsp;арқылы интернетті, әлеуметтік желіні тегін қолдануға болады. Freedom Wi-Fi-ын қосқаным сол еді,&nbsp;смартфоныма желіден хабарламалар лезде келе бастады.Esentai Mall ойын-сауық сауда орталығына адам көп барады. Олардың арасында ересектер де, балалар да, туристер де бар.&nbsp;Оған жақын жерде бірнеше университет орналасқан соң, орталыққа келетін студенттер де көп. Ойын-сауық орталығының маңындағы кофеханаларда кофе не шай ішіп жұмыс істейтін фрилансерлер де жетерлік. Сол себепті дәл осы жерге тегін Wi-Fi орнату ұтымды шешім болған. Біз де ойын-сауық орталығының ішінде, айналасында жүріп, желіні&nbsp;тексеріп көрдік. Барлық жерде Wi-Fi-дың бір емес, бірнеше нұсқасы шығып тұрды. Хабарламаларым тез жөнелтілді, Stan.kz сайты Google-дан тез ашылды.Ойын-сауық орталығының жанында Есентай өзені бар. Онда сол маңдағы тұрғын үй кешенінде тұратындар бала-шағасын ойнатып, серуендеп жүреді. Кейбірі таңертең не кешке музыка не подкаст тыңдап, өзен бойында жүгіргенді ұнатады. Freedom Telecom-ның Wi-Fi-ы онда да істеп тұр. Ол жерге барғанымда басқа қалада тұратын&nbsp;анама видеоқоңырау арқылы хабарласып көрдім. Шамамен бес минуттай сөйлестік, интернет қатпай, жақсы істеді.&nbsp;Жұмыс орным Достық даңғылы мен Жолдасбеков көшесінің қиылысында орналасқан. Кеңсеміздің&nbsp;арт жағында Кіші Алматы өзені бойындағы&nbsp;Тереңқұр&nbsp;денсаулық соқпағы бар. Кейде кеңседе компьютер&nbsp;алдында тік отырудан шаршағанымда ноутбугымды арқалап, сол Тереңқұрда серуендеп, мақаламды жазамын. Тегін Wi-Fi-ды онда да іске қосқанын естіген соң, сынап көрмек болдым. Бұл жерде интернетті тегін қолдануға болатыны жөнінде біраз жерге ескертіп, жазып қойған екен.Тереңқұрдағы пуфиктерде, орындықта отырып, ноутбук арқылы жұмыс істедім. Смартфоным арқылы сүйікті дорамамды көрдім. Екі құрылғыма да Freedom Telecom Wi-Fi-ын қостым. Екеуінде де интернет жақсы істеді. YouTube арқылы музыка, VK арқылы ек сағаттық фильм жақсы сапада, үзілмей көрсетілді.Freedom Telecom-ның тегін Wi-Fi-ы тағы қай жерлерде бар?Freedom Telecom-ның тегін Wi-Fi-ы бірнеше қаланың бірқатар қоғамдық орнында іске қосылған. Мысалы, ол Алматыда әуежайда, әл-Фараби даңғылы бойында, Есентай өзені бойында, Esentai Mall ойын-сауық сауда орталығында, Орталық алаңда, Тереңқұрда бар. Ал Қонаевта Орталық жағажайда және Орталық сабақта іске қосылған. Астанадағы әуежайда, Хан Шатыр ойын-сауық орталығында тегін Wi-Fi істеп тұр. Тараз тұрғындары&nbsp;Freedom Telecom-ның тегін Wi-Fi-ын “Көне-Тараз” тарихи-мәдени орталықта және Орталық саябақта қолдана алады. Туристер көп баратын Көлсай өзенінде де бұл&nbsp;Wi-Fi іске қосылған. Компания осы ісі арқылы ел азаматтарының интернетті қолданудағы мүмкіндігін арттығысы келетінін айтады.Компания алдағы үш жылда&nbsp;елдің 13 қаласында 37 мыңнан астам&nbsp;Wi-Fi-ды орнатуды жоспарлап отыр.&nbsp;Фото: Stan.kz

Қазақстан қалаларында тегін Wi-Fi іске қосылды

<a href="https://kyzylorda-news.kz/">Kyzylorda-news.kz</a> Қазіргі таңда барлық мемлекеттер үшін тұрақты және қауіпсіз энергиямен қамтамасыз ету стратегиялық мәселе. Халықаралық сарапшылардың пікірінше, елдің энергетикалық қауіпсіздігін тек атом энергетикасы арқылы қамтамасыз етуге болады. Өйткені дәстүрлі және жаңартылатын энергия көздері тұрақты өндіріс бере алмайды. Кеше «Қызылорда автобус паркі» ЖШС ұжымымен кездескен аймақтық штаб өкілдері елімізде осы бағытта атқарылып жатқан жұмыстарды тілге тиек етті.<blockquote>«Көлікті оталдыру, жарығын қосу үшін де энергия керек. Тоқ болмаса бәрі бекер. Бұл бір ғана көлікке қажетті энергияға мысал. Ал енді бүтін бір елге қажетті энергияны ойласақ, тұрақты энегрия көзі қажет ақ. Міне осы бағытта елімізде АЭС салу жөнінде үлкен бастама көтеріліп отыр. Бұл жүзеге асқан жағдайда елімізде ұзақ уақыт бойы электр энергиясының тұрақтылығы қамтамсыз етіледі деп сенемін», – деді кездесу барысында сөз алған аймақтық штаб мүшесі Серікбай Өмірзақов.</blockquote>Ал штаб мүшесі Дәурен Әбілқайыров Атом электр станциясының құрылысы Қазақстанның халықаралық мәртебесін айтарлықтай арттырып, әлемдік аренадағы орнын нығайта алады деген ойын жеткізді. Айтуынша, атом электр станциялары елді энергетикалық тәуелсіздіктен қамтамасыз етіп, импорттық ресурстарға тәуелділікті азайтады. Атом электр станцияларын дамыту экономикалық өсуді ынталандыра отырып, технологиялық прогреске және жаңа жұмыс орындарын құруға ықпал етпек.Қала тұрғындары қатынасын қамтамасыз етіп отырған ұжым мүшелері өздерін толғандырған сауалдарын жолдап, штаб мүшелерімен пікір алмасты.АЭС салу заман талабынан туындаған өзекті іс. Бұл – уақыт өткен сайын өз маңыздылығын арттыра бермек.&nbsp;Жиында айтылған тоқсан ауыз сөздің тобықтай түйіні осыған саяды.

АЭС: Жаңа технологиялық прогреске ұмытылыс

&nbsp;«Электр қуатына тәуелді болудың алдын алу, сенімді инвестициялық жобаларға негіз» тақырыбында жиналыс өтті.Ел экономикасының дамуымен көптеген өнеркәсіптік және әлеуметтік нысандар іске қосылуда, сондықтан қосымша энергия қуатын жедел енгізу қажет. Мемлекет басшысы 2023 жылғы 1 қыркүйектегі «Әділ Қазақстанның экономикалық бағыты» атты Қазақстан халқына Жолдауында осы мәселені халықпен алдын ала талқылай отырып, Қазақстанда АЭС салу мәселесі бойынша жалпыұлттық референдум өткізуге бастамашы болды.Қазіргі таңда республиканың барлық аймақтарында АЭС салуға қатысты сала мамандарының қатысуымен жария талқылаулар өтіп жатыр.Жалпы электр қуатына тәуелді болудың алдын алу үшін қандай шаралар қабылдауымыз қажет екендігін түсіндіру мақсатында, облысымыздағы энергетика саласының үздік мамандары қатысты. Олар Энергетика саласының ардагері Каримбаев Мухитжан Исмилұлы, «Оңтүстік жүйелер электр желілері» филиалының «Қазақстан электр желілерін басқару компаниясы» АҚ Қызылорда аумақтық электр жүйесінің басшысы Қаныбетов Тілеуберген Сағынышұлы, «Қызылорда жылу электр орталығы» МКК-ы директорының орынбасары Сатханов Науырыз Асанханұлы баяндама жасады.Біздің мақсатымыз – барлық азаматтардың мүдделерін ескеріп, еліміз үшін қауіпсіз және тұрақты энергетикалық болашақты қамтамасыз ету.

Электр қуатына тәуелді болудың алдын алу, сенімді инвестициялық жобаларға негіз

Қазақстанда 11 жастан асқан қыздарды адам папилломавирусына қарсы екпеге дайындау жұмыстары басталды. Дәрігерлер ата-аналарға вакцина қалай жұмыс істейтінін және не үшін қажет екенін түсіндіреді. Вакцинация ата-анасының жазбаша келісімімен жүргізіледі. Бұл туралы <a href="https://stan.kz/kazakstanda-11-zhastan-askan-kizdarga-papillomavirusina-406277/">Stan.kz</a> ақпарат агенттігі .Фото: gov.kzСегізінші сынып оқушысының анасы Сандуғаш Қатбаева мектептегі медбикеден адам папилломавирусына қарсы вакцинация туралы хабар алғанын айтты. Мәселені зерттеп, 12 жасар қызыма екпе салуға келісімімді бердім дейді ол.&nbsp;“Интернеттегі барлық ақпаратты зерттеп, медбикемен сөйлестім. Бұл болашақта баланы қауіпті аурудан қорғайтын өте маңызды вакцина. Сондықтан вакцина келген бойда қызыма екпе саламын”, –&nbsp;деді оқушы қыздың анасы.11 жастан асқан қыздарға екпе салынады. Вакцина ата-анасының жазбаша келісімімен ғана жасалады. Өйткені 18 жасқа дейін баласының денсаулығына жауапты ата-ана. Мектептерде оқушылар мен олардың ата-аналарына екпе алудың неліктен маңызды екені, вакцина қалай жұмыс істейтіні және ол неден қорғайтыны жан-жақты түсіндіріледі.“Ата-аналар мен оқушы қыздарға екпенің маңыздылығын түсіндіріп, сұрақтарға жауап береміз. Олар ақпаратпен толығырақ танысуы үшін буклеттер таратамыз. Жақында ата-аналармен жиналыс өткіздік. Көптеген адамдар вакцинацияға алдын ала келісімін берді, өйткені оның қаншалықты маңызды екенін түсінеді”, –&nbsp;деді&nbsp;№65 мектеп медбикесі Махаббат Нұрмахан.&nbsp;Адам папилломавирусына қарсы вакцинация үшін Дүниежүзілік денсаулық сақтау ұйымы тарапынан&nbsp;сертификатталған және бүкіл әлемде қолданылатын америкалық 4 валентті Гардасил вакцинасы қолданылады. Вакцинация жасөспірімде жыныстық белсенділіктің басталуына дейін жүргізіледі, өйткені вирус жыныстық жолмен беріледі.“Жазбаша келісімді мектептерде алу көзделіп отыр, себебі мектеп жасындағы балаларға екпе егу жоспарланып отыр. Мобильді топтар мектептерге барады, ал ата-анасы келісім берген қыздар медициналық пунктте егіледі”, –&nbsp;деді&nbsp;Денсаулық сақтау министрлігі Санитарлық-эпидемиологиялық бақылау комитетінің департамент басшысы Нұршай Әзімбаева.&nbsp;Адам папилломавирусы жатыр мойны обырын тудыруы мүмкін. Қазақстанда жыл сайын бұл дерттің 1900-ге жуық жаңа жағдайы тіркелсе, жыл сайын 600-ге жуық әйел осы дерттен көз жұмады. Қазан айының басында қыздарды адам папилломавирусына қарсы егу жоспарланып отыр.&nbsp;Айта кетейік, бұған дейін&nbsp;Қазақстанда <a href="https://stan.kz/kazakstanda-2024-zhildan-bastap-11-zhastagi-kizdar-adam-391917/">2024 жылы&nbsp;папилломавирусқа қарсы вакцинация&nbsp; басталатыны </a>хабарланған еді. 11 жастағы қыздарды иммундау жоспарланған. Сондай-ақ&nbsp;Қазақстан <a href="https://stan.kz/kazakstan-adam-papillomasi-virusina-karsi-vakcina-satip-400651/">папиллома вирусына қарсы вакцина сатып алуға 10 миллиард теңге</a> бөлетіні хабарланған.&nbsp;

Қазақстанда 11 жастан асқан қыздарға папилломавирусына қарсы екпе салуға дайындық басталды

<a href="https://kyzylorda-news.kz/">Kyzylorda-news.kz</a> Кеше аудан әкімі Жандос Еркінбек Ақай және Төретам елді мекендеріне жұмыс сапарымен барып, бірнеше маңызды нысандардың жай-күйімен танысты.Алдымен Ақай ауылында салынып жатқан дене шынықтыру және сауықтыру кешенінің құрылыс жұмыстарын тексерді. Мердігер мекемемен кездесу барысында ауыл тұрғындарының көптен күткен маңызды нысанға салғырт қарап, уақытында орындамағанын қатаң сынға алып, ескертулер жасады.Осыдан кейін аудан басшысы Ақай ауылдық клубында тұрғындармен кездесіп, олардың талап-тілектерін тыңдады.Сапар әрі қарай Төретам кентінде жалғасып, №80 мектепке барып, оқу процесімен танысты. Жандос Еркінбек оқушылармен кездесіп, оларды жаңа оқу жылымен құттықтап, болашақта білімді әрі білікті маман болып шығатынына сенім білдірді. Сонымен қатар, мектеп басшылығына оқушыларға ыстық тамақ ұйымдастыру мен санитарлық талаптарды үнемі бақылауда ұстауды тапсырды.Сапардың қорытындысында аудан әкімі Төретам кентінің клубында мекеме басшылары және ауыл ақсақалдарымен кездесіп, кенттің дамуы және өзекті мәселелер төңірегінде пікір алмасты.

Қазақстан және Қызылорда облысының жаңалықтары