<a href="https://kyzylorda-news.kz/">Kyzylorda-news.kz</a>&nbsp; Соңғы қоңырау кезінде ата-аналар мектептегі мерекелік іс-шараларға шығындалып, балаларды ысырапқа үйретпеуі керек. Бұл туралы Оқу-ағарту министрі Ғани Бейсембаев мәлім етті деп хабарлайды <a href="https://kaz.inform.kz/news/songi-konirau-oku-agartu-ministr-ata-analarga-undeu-zhasadi-22c16c/">KAZINFORM</a> ақпарат агенттігі– Соңғы қоңырау 25 мамыр болып қалады, ол тиісті бұйрықта тұр. Біз балаларымызға ақшаны орынсыз жұмсауға үйретпеуіміз керек. Өйткені мектеп – тәрбие ортасы, өскелең ұрпаққа үлгі. Қазір ата-аналар мейрамхана мен дәмхана іздеп әуре болып жүрсе, онда біз қандай ұрпақ өсіреміз? Сондықтан қарапайым және үнемді болған жөн. Барлық қаражатты мейрамханаларға емес, балалардың әл-ауқатына жұмсаған дұрыс. Ал жинаған ақшаны мейрамханаларға шашу – балалардың болашағы мен әл-ауқатына теріс әсер етеді, – деді Ғ.Бейсембаев Мәжілістің жалпы отырысынан кейін тілшілер сұрағына жауап бере отырып.Фото: Нұрболат Нұржаубай

Соңғы қоңырау: Оқу-ағарту министрі ата-аналарға үндеу жасады

<a href="https://kyzylorda-news.kz/">Kyzylorda-news.kz</a>&nbsp; Оқу-ағарту министрі Ғани Бейсембаев еліміздегі мектептерге директор тағайындау талабы күшейтілгенін айтты бұл туралы<a href="https://kaz.inform.kz/news/oku-agartu-ministr-mektep-direktorlarina-koyilatin-talapka-katisti-tusnk-berd-73a542/"> kaz.inform.kz</a> хабарлады.&nbsp;<blockquote>- Жалпы талап күшейтілді. Сондықтан мектептерде орын алып жатқан мәселелерді толыққанды шешу үшін және көптеген жаңалықтарды енгізу тұрғысында мектеп басшысының креативті әрі өте білікті болуы аса маңызды. Осыған қатысты Президенттің тапсырмасымен «Білім берудегі өзгерістердің 1000 көшбасшысы» бағдарламасын қабылдап, қазірдің өзінде 500 мектептің болашақ үміткерін даярладық, олар мектеп директоры бола алады. Бұл ретте, барлық жағдай қарастырылған, яғни ешбір конкурссыз тағайындалуы сондай-ақ жалақысының жоғары болуы ескерілген, - деді Ғ. Бейсембаев Мәжілістің жалпы отырысынан кейін тілшілер сұрағына жауап бере отырып.</blockquote>Оның айтуынша, директорлыққа үміткерлерді даярлаумен қатар, қазір қызмет етіп жатқан мектеп басшыларын да арнайы курстардан жаппай оқыту жұмыстары қолға алынып жатыр.Еске салсақ, биыл ақпан айында Оқу-ағарту министрі Ғани Бейсембаев ведомствоның алқа мәжілісінде елдегі 740 мектепке директор керек екенін айтқан еді.Министрлік 2023 жылдан бастап «Білім берудегі өзгерістердің 1000 көсбасшысы» жобасын іске асырып келеді.Фото: Нұрболат Нұржаубай

Оқу-ағарту министрі мектеп директорларына қойылатын талапқа қатысты түсінік берді 

<a href="https://kyzylorda-news.kz/">Kyzylorda-news.kz</a>&nbsp; Бүгін «AMANAT» партиясы облыстық филиалы, Қоғамдық даму басқармасы, облыстық жұмыспен қамты үйлестіру және әлеуметтік бағдарламалар басқармасы, облыстық жастар ресурстық орталығы, Еңбек мобильді орталығы және «Мансап» орталығының ұйымдастыруымен «Жұмысшы мамандықтарға жаңа мүмкіндік» атты бос жұмыс орындары жәрмеңкесі өтті.Іс-шараға арнайы қатысқан Қоғамдық даму басқармасының басшысы Руслан Каюпов пен партияның облыстық филиалының төрағасы Алмасбек Есмаханов жұмыс берушілерге ризашылық білдіріп, жұмыс іздеушілерге сәттілік тіледі.Жәрменкеге ҚР Қорғаныс министрлігінің Қызылорда облысы бойынша қорғаныс істері жөніндегі департаменті, ҚР ҰҚК Шекара қызметінің Қызылорда облысы бойынша департаменті, «Отбасы Банкі» АҚ Қызылорда облысы бойынша филиалы, облыстық «Жастар денсаулық орталығы» КММ-сі, Қызылорда облысы бойынша филиалының мамандары қатысып, жастарға өз салалары бойынша бағыт-бағдар, түрлі кеңестер берді.Негізгі мақсат - жұмыссыз жастарға жұмыс беруші мекемелермен сұхбаттасуға мүмкіндік беру. Оқу бітіруші түлектерге өз мамандығы бойынша жұмысқа орналасуға жағдай жасау және мемлекеттік бағдарламаларды түсіндіру болып табылады.Іс-шара барысында жұмыссыз жастарға арнайы 33 мекемеден 150-ге жуық бос жұмыс орындары ұсынылды.<blockquote>&nbsp;- «Мемлекет басшысы биылғы жылды «Жұмысшы мамандықтар жылы»,- деп белгіледі. Мұндағы мақсат еңбек адамдарына құрмет көрсету мен олардың еңбегін дәріптеу болып табылады. Шыны керек, технология дамығанымен әр мамандықтың өз сұранысы болады. Бүгінгі жәрмеңкенің «Жұмысшы мамандықтарға жаңа мүмкіндік» деп аталуының сыры осында. Мұнан бөлек, «AMANAT» партиясының қолдауымен қолдауымен түсірілген «Еңбек адамы» деректі фильмі көрсетіліп жатыр. Атап өту керек, бос жұмыс орындары жәрмеңкесі бүгінҚызылорда қаласының бірнеше мөлтек аудандарында да ұйымдастырылды. Алдағы уақытта да дәстүрлі түрде жалғасатын болады»,- деді жәрмекеге қатысып, жұмыс берушілермен тілдескен партияның облыстық филиалының төрағасы Алмасбек Есмаханов.</blockquote><img src="https://knadmin.beoblood.kz/uploads/1_Zh_mysshy_mamandy_tar_a_zha_a_m_mkindik_atty_bos_zh_mys_oryndary_zh_rme_kesi_tti_2ced7a7770.jpg" alt="1 «Жұмысшы мамандықтарға жаңа мүмкіндік» атты бос жұмыс орындары жәрмеңкесі өтті.jpg">

«Жұмысшы мамандықтарға жаңа мүмкіндік» атты бос жұмыс орындары жәрмеңкесі өтті

<a href="https://kyzylorda-news.kz/">Kyzylorda-news.kz</a> &nbsp;Депутат Асхат Аймағамбетов Мәжілісте міндетті әлеуметтік медициналық сақтандыру жүйесіне жарналар төлеу үшін табыстың жоғарғы шегін ұлғайту ұсынылғанын мәлімдеді.&nbsp;Бұл туралы&nbsp;<a href="https://stan.kz/">Stan.kz</a>&nbsp;ақпарат агенттігі хабарлады.&nbsp;Асхат Аймағамбетов міндетті әлеуметтік медициналық сақтандыру мәселелері бойынша кейбір заңнамалық актілерге өзгерістер мен толықтырулар енгізу туралы заң жобасы бойынша қорытындыны дайындау жұмыстары жүргізіліп жатқанын айтты. Ол заң жобасының мемлекет басшысының Жолдауын іске асыру мақсатында әзірленгенін атап өтті.<blockquote>“Біріншіден, тегін медициналық көмектің кепілдендірілген көлемі пакетін 2027 жылға қарай екі есе, яғни 57-32%-ға дейін қысқарту, сәйкесінше&nbsp;міндетті әлеуметтік медициналық сақтандыру пакетін 68%-ға дейін ұлғайту, екіншіден, жұмыс берушілер мен жұмыскерлер тарапынан МӘМС жарналары үшін төленетін табыстың жоғары шегін 10 есе ең төменгі жалақыдан 50-ге дейін арттыру, үшіншіден жергілікті бюджет қаражаты есебінен жұмыссыздар мен әлеуметтік әл-ауқаты дағдарыстық деңгейге жататын азаматтар үшін МӘМС жарналарын төлеу көзделіп отыр”, –&nbsp;деді депутат.</blockquote>Комитет заң жобасын жұмысқа қабылдауға және оған қорытынды әзірлеуге дайын екенін жеткізді.Фото: Нұрболат Нұржаубай

Кейбір қазақстандықтар үшін МӘМС жарнасы өседі

<a href="https://kyzylorda-news.kz/">Kyzylorda-news.kz</a> Мәжілістің жалпы отырысында тұрғын үй-коммуналдық шаруашылық мәселелері бойынша өзгерістер мен толықтырулар енгізу туралы заң жобасы бірінші оқылымда қаралып жатыр.<blockquote>— Өкінішке қарай, үкімет 2019 жылдан бері жүргізіп келе жатқан тұрғын үй қорын басқару жүйесін реформалау мақсатына жете алмады. Мұның объективті және субъективті себептері бар. Мемлекет басшысы 2023 жылы сәуірде Үкіметтің кеңейтілген отырысында реформаға шынайы баға беру қажеттігін атап өтті. Осыған байланысты, жіберілген қателіктер мен істердің нақты жағдайын ескере отырып, депутаттық корпусқа кондоминиумдарды басқарудың құқықтық негізін қайта қарау тапсырылды. Бұл заң жобасы осы тапсырманы орындау үшін дайындалды, — деді Мәжіліс депутаты Екатерина Смышляева заң жобасын таныстыра тұрып.</blockquote>Халық қалаулысының айтуынша, жаңа заң жобасы екі негізгі мәселені шешеді.&nbsp;— реформа жүргізілген 6 жыл ішінде институт ретінде жойылмаған пәтер иелері кооперативтері қызметінің ашықтығына қойылатын талаптарды енгізу; —&nbsp;тұрғындардың кондоминиумды басқару нысандары мен шарттарын таңдауы үшін барынша еркін құқықтық орта құру.Ол үшін заң жобасында кондоминиумды басқарудың екі түрі енгізілген:• мүлік иелерін біріктіру; • тікелей бірлескен басқару.<blockquote>— Пәтер иелері кооперативтерінің басқару субъектісі ретіндегі қызметіне жаңа талаптар қойылады. Атап айтқанда, субъектіні қайта тіркеу тәртібі, құқық белгілейтін құжаттарды беру тәртібі, сол сияқты жұмыстың ашықтығына қойылатын талаптар бар. Сол сияқты меншік иелері бірлестігі төрағасының өкілеттік мерзімі бір жылдан үш жылға дейін ұлғаяды, меншік иелерінің бірлестігіне үйді басқару жөніндегі қызметті өз еркімен жүргізуге құқық беріледі және құрылыс салушының бірінші пәтерді сатқаннан кейін кондоминиумды тіркеу міндеттемесі көзделеді, — дейді Е. Смышляева.</blockquote>Заң жобасымен әкімшілік жауапкершілік күшейтіледі:— бірінші, тұрғындарға есеп бермегені үшін; —&nbsp;екінші, үйге қажетті құжаттарды ұсынудан бас тартқаны үшін. —&nbsp;Ұсынылған өзгерістер көп пәтерлі тұрғын үй тұрғындарының құқығын қорғауға бағытталған.<blockquote>— Тек қана олардың ортақ шешімімен тиісті басқару нысаны қабылданады, басқарушы компания таңдалады және тариф бекітіледі. Аталған талаптар заң жобасында басқарудың барлық нысандарына көзделген, — деп толықтырды Мәжіліс депутаты.</blockquote>Фото: Нұрболат Нұржаубай

Пәтер иелері кооперативтерінің қызметіне жаңа талаптар қойылады

<a href="https://kyzylorda-news.kz/">Kyzylorda-news.kz</a> Құрылыс индустриясы деген қаншама мамандықтың басын қосатын, шеберлікті шыңдайтын тәжірибе алаңы секілді. Соның ішінде кірпіш қалау — үлкен жауапкершілікті, көз мергендігін қажет ететін қажырлы еңбек. Сол саланың ыстығы мен суығына төзіп, бүгінде хас шеберлер қатарына қосылған жандардың бірі — Амангелді Байманов. Ол бүгінде тәлімгер ретінде де жастарға жол көрсетуші білікті маман.Амангелді бала күнінен ағаларына жәрдем көрсетіп, құрылыстың жай-жапсарына қанығып өсті. Тіпті құрылысшы боламын деген балалық арманы сол кезде-ақ болмысын баурап, санаға мықтап бекіген екен. Оның сәті әскер қатарында түсті. Бұл 2000 жыл болатын. Білмегенін үзеңгілес достарынан үйреніп, білгенін өзгелерге көрсетіп, бір жыл ішінде біршама тәжірибе жинақтады. Әскерден оралғасын құрылыс саласынан сырттап қалғаны да бар. Өйткені тұрақты жұмыс көзі бола қойған жоқ. Жасыратыны жоқ, Қызылорда қаласында 2010 жылдан бастап құрылыс жұмыстары қарқын алды. Жалақысы да өсті, орнықты жұмыс орындары қалыптасты.<blockquote>– Байқайсыз ба, аймақ көлемінде ауқымды істер өте көп. Бұл экономикалық дамудың динамикасын білдіреді. Еңбекке тапсырыс бар жерде тіршілік оянады, талап күшейеді. Соның ішінде құрылысшы мамандарына сұраныс артты. Мұның бәрі Мемлекет басшысының, Үкіметтің қолдауымен, облыс әкімінің үйлестіруімен жүзеге асып жатқаны белгілі. Біз де осы биік мақсаттағы бағытты қолдаймыз, оған өз үлесімізді қоссақ дейміз. Өйткені ұрпағымыз өскелең өмірдің кең тынысын танып, жайлы өмір кешсе деп тілеймін. Ал, қазіргі құрылыс Абай атамыз айтқандай, дүниеге кірпіш болып қалану үшін кетігін дұрыс таппай болмайтын жауапкершілікті жүктейді. Осы жауапкершілік жұмыстың сапасын арттырады, істің тындырымды біткенін қалайды. Біз осы борышты орындаушымыз, - деді Амангелді Әбдіразақұлы.</blockquote>Тас қалаушы қатысқан тұрғын үй құрылыстары қазір қаншама отбасыны қуантып келеді. Баспана деген бағалы шаңыраққа ие болғандар Амангелді секілді құрылысшыларды құрметтеуге құштар.

Тындырымды тас қалаушы

<a href="https://kyzylorda-news.kz/">Kyzylorda-news.kz</a> Қазақстандағы уақыт белдеуінің өзгеруі халық өміріне теріс әсер еткен жоқ. Бұл туралы Сауда және интеграция министрі Арман Шаққалиев айтты, деп хабарлайды <a href="https://baq.kz/zertteu-qorytyndysy-zhana-uaqyt-beldeuinin-teris-aseri-bar-ma-200009352/">BAQ.KZ</a> тілшісі.<blockquote>Мәжілістің "AMANAT" фракциясында бірыңғай уақыт мәселесін талқылау қорытындысы бойынша медицина, нейроғылым, биофизика, генетика, астрофизика, физиология салаларындағы ғылыми-зерттеу институттары, салалық сарапшыларды, барлық деңгейдегі мәслихат депутаттары және мүдделі тұлғалардың қатысуымен, бірыңғай уақыт белдеуінің халық денсаулығына, энергия тұтыну және еңбек өнімділігінің әсеріне мониторинг жүргізілді, - дейді Шаққалиев үкімет отырысында.</blockquote>Жұмыс барысында деректерді зерттеу, сауалнама нәтижелері мен уақыт белдеуі өзгеруіне дейінгі және одан кейінгі көрсеткіштерді салыстыратын кешенді тәсіл қолданылды.40-тан астам метрика мен көрсеткіштерді қамтитын уақыт белдеуінің өзгеруі халықтың денсаулығына, энергия тұтынуға, еңбек тиімділігіне, оқушылардың үлгеріміне, жол көлік оқиғалары көрсеткішіне, қылмысқа және басқа аспектілерге әсерін бағалау бойынша зерттеу әдістемесі бекітілді.Денсаулық сақтау бағыты бойынша халықтың жас шамасына қарай бөлінген топтарын және қала мен ауыл тұрғындарын қамтитын талдау жүргізілді. Энергия тұтыну бойынша ең жоғары жүктемелердің әсерін бағалау және еліміз бойынша көп пәтерлі тұрғын үйлерде электр энергиясын тұтынудағы статистикалық салыстыру жұмыстары жүргізілді.Еңбек қызметі бойынша да талдау жұмыстары жүргізілді.<blockquote>Нақты деректерге негізделген нәтижелер уақыт белдеуінің өзгеруі халық өмірінің негізгі көрсеткіштеріне теріс әсері болмағанын айқындайды. Сонымен қатар, өңірлерде талқылау барысында мәслихат депутаттары жұмыс кестелерін ауыстыру арқылы жұмыс уақытын оңтайландыру жөніндегі бастаманы қолдады. Бүгінгі таңда, Шығыс Қазақстан облысының бірқатар аудан-дарында (Катонқарағай, Марқакөл, Үлкен Нарын, Зайсан, Тарбағатай, Самара, Күршім) тұрғындар тарапынан қолдау тауып, жұмыс кестесі 8:00 - 17:30 дейін өзгертілді, - деді Сауда министрі.</blockquote>Еске сала кетейік, осыған дейін Шығыс Қазақстанда Марқакөл және Үлкен Нарын аудандары "өз уақыт белдеуіне" көшкені туралы жазғанбыз. Бірыңғай уақыт белдеуі туралы шешім терең ғылыми зерттеулер негізінде қабылданды.Фото: freepik.com

Зерттеу қорытындысы. Жаңа уақыт белдеуінің теріс әсері бар ма?

<a href="https://kyzylorda-news.kz/">Kyzylorda-news.kz</a> Қармақшы ауданының әкімі Жандос Еркінбектің төрағалығымен мәжіліс өтті. Оған кент, ауылдық округ әкімдері, мекеме және кәсіпорын басшылары қатысты.Күн тәртібінде 8 наурыз күні «Тәуелсіздік» ықшам ауданындағы су басу оқиғасы, жеке тұрғын үйлерге мұқтаж азаматтарға берілген пәтерлердің жай-күйі, көктемгі санитарлық тазалық жұмыстары және алдағы маңызды іс-шаралар талқыланды.Аудан басшысы келешекте төтенше жағдайлардың алдын алу шараларын күшейтуді, су тасқыны қаупіне қарсы мониторингті тұрақты жүргізуді тапсырды. Сондай-ақ, әлеуметтік желілерде жалған ақпараттардың таралуына жол бермеу қажеттігі айтылды.Көктемгі санитарлық тазалыққа ерекше мән беріліп, қысқа мерзім ішінде барлық мемлекеттік мекемелер, кәсіпкерлік нысандар және тұрғын үйлердің айналасын ретке келтіру жұмыстары жүргізілуі тиіс екені ескертілді.Мәжілісте Наурыз мерекесін жоғары деңгейде атап өту мәселесі айтылып, оған байланысты дайындық шараларын сапалы жүргізу міндеттелді.Жиынды қорытындылай келе, аудан әкімі коммуналдық қызметтердің тұрақты жұмыс істеуін қамтамасыз етуді, төтенше жағдайлардың алдын алу шараларын күшейтуді және тазалық жұмыстарын жүйелі ұйымдастыруды тапсырды.

Төтенше жағдайлардың алдын алу шараларын күшейтуді тапсырды

<a href="https://kyzylorda-news.kz/">Kyzylorda-news.kz</a> Арал ауданының әкімі Аманжол Оңғарбаевтың төрағалығымен мәжіліс өтіп, күн тәртібінде көтерілген мәселелерге байланысты кемшіліктер пысықталып, алдағы міндеттер нақтыланды.Жиында бүкіл Түркі халқына, барша қазақ жұртына ортақ Наурыз мейрамын жоғары деңгейде атап өту және оған дайындық жұмыстарын пысықтауға байланысты бірқатар ұсыныстар айтылып, жауапты тұлғаларға тапсырмалар жүктелді.<blockquote>– Ұлыстың Ұлы күнінде Президент Әкімшілігімен бекітілген онкүндікке сәйкес әрбір атаулы күннің мән-мағынасын айшықтай түсуде дайындық жұмыстарын бүгіннен бастауымыз керек. Мереке күндері өтетін іс-шаралар бойынша тиісті салалар жұмысты күшейту керек, – деді аудан әкімі А.Оңғарбаев.</blockquote>Жиын барысында тазалық мәселесіне қатысты да бірқатар міндеттер нақтыланды. Қазіргі таңда "Таза Қазақстан" экологиялық акциясы белсенді қолға алынып жатқаны белгілі. Бұған қатысты жауапты азаматтарға тапсырма жүктеген аудан басшысы:<blockquote>– Күн жылына салысымен қыстай қар астында жатқан қалдықтар көзге оғаш көріне бастайды. Бұл мәселеде қаладан бөлек барлық ауылдық округтер де тазалық жұмыстарымен жиі айналысуы керек. Қаладағы орталық көшелер мен көпшілік жиі жүретін орындарда жиналған қар суы мен өзге де қалдықтардың шашылып жатуына жол берілмеуі керек. Тұрғын үйлер мен олардың қоршаулары, бағаналарды ретке келтіріп, әктеу сырлау жұмыстары өз деңгейінде жүргізілуі тиіс, – деді.</blockquote>Жаңарған Қазақ елінің кешегісі мен бүгінгісін, ертеңі мен болашағын жалғастыратын бұл мереке Амал мерекесімен айшықталып, Тазару күнімен түйінделмек. Аты айтып тұрғандай жаңарған жаңа күннің жақсылығын сезініп, қуанышына куә болатын жұртшылық үшін мерекенің мәні зор. Осыны ескерген аудан басшысы әрбір жұмыс тиянақтылықпен жасалуы керектігін жеткізді.<img src="https://knadmin.beoblood.kz/uploads/A_Ral_audany_zhiyn_7e07c6e91f.jpg" alt="АРал ауданы жиын.jpg">Фото: Арал ауданының әкімдігі

Бірқатар мәселелер пысықталды

<a href="https://kyzylorda-news.kz/">Kyzylorda-news.kz</a> &nbsp;Халықаралық әйелдер күні қарсаңында Қазақстан Президенті Қасым-Жомарт Тоқаев Балжан Мұсатаеваға Бауыржан Момышұлы атындағы II дәрежелі "Айбын" орденін табыс етті. Бұл сыйлық оған ерекше еңбегі, ерлігі мен Отанға деген адалдығы үшін берілді.Әріптестері лейтенант Мұсатаеваны қошеметпен қарсы алып, гүл шоқтарын сыйлады. &nbsp;Құрмет қарауыл ротасы &nbsp;салтанатты шараның сәнін келтірді.<blockquote>"Бұл марапат менің ғана жетістігім емес, Мен оны еліміздің қорғаныс қабілетін нығайтуға өз үлесін қосқан Қазақстан Десанттық-шабуылдау әскерлері мен Қарулы күштерінің барлық әйелдерінің жанқиярлық еңбегін бағалау деп білемін", - деп атап өтті Балжан.</blockquote>Балжан Мұсатаева – парашют жүйесін ұшыру желісінде өз бетінше жұмыс істеуге, сондай-ақ оны бақылау мен тексеруге құқығы бар Десанттық-шабуылдау әскерлеріндегі әуе-десанты даярлығын жүргізетін бірден-бір әйел нұсқаушысы. Ол парашютпен жүзден аса секірген.

Десантшы қыз  II дәрежелі "Айбын" орденімен марапатталды

<a href="https://kyzylorda-news.kz/">Kyzylorda-news.kz</a> Мәжілістегі «AMANAT» Фракциясының мүшелері өзгерген уақыт белдеуінің халықтың физикалық және психикалық денсаулығына, еңбек өнімділігіне және энергетикалық ресурстарды тұтынуға әсері туралы зерттеу нәтижелері бойынша Үкімет есебін тыңдады.Бұл зерттеу жұмысы «AMANAT» Фракциясының ұсынымын іске асыру шеңберінде 6 бағыт бойынша жүргізілді. Беделді ғалымдар мен сарапшылар, ғылыми институттар тартылды. Зерттеу барысында географиялық параметрлері ұқсас әр түрлі мемлекеттің тәжірибесі назарға алынды.Депутаттар алдында Премьер-Министрдің орынбасары Ермек Көшербаев сөз сөйледі.<blockquote>– Салыстырмалы талдау жұмысы Еуропадағы көптеген дамыған елдерде Қазақстанға ұқсас таң ату және күн бату мерзімі бар екенін көрсетті. Аталған мемлекеттер осындай жағдайда белсенді дамып келеді. Адами капиталды дамыту бойынша да жоғары көрсеткіштерге ие. Осыған байланысты Үкімет бірыңғай уақыт белдеуін енгізу туралы шешімді қолдай отырып, &nbsp;оны толық негізделген деп санайды, – деді вице-премьер.</blockquote>Сондай-ақ ол зерттеу нәтижелері бірыңғай уақыт белдеуіне көшу елдегі білім беру процесінің нәтижелеріне теріс әсер етпегенін, сондай-ақ ЖКО мен көшедегі қылмыс жағдайына айтарлықтай әсерін тигізбегенін растады.Сонымен қатар бүгінде Шығыс Қазақстан облысының жеті ауданында жұмыс кестесіне түзету енгізілді. Бұл бастама жергілікті тұрғындар тарапынан кең қолдау тапты.Халық қалаулыларының сұрақтарына Сауда және интеграция министрі Арман Шаққалиев, Ғылым және жоғары білім министрі Саясат Нұрбек және Үкіметтің өзге де өкілдері жауап берді.А.Шаққалиевтің айтуынша, алдын ала деректер халық өмірінің негізгі көрсеткішіне және экономиканың негізгі салаларының жұмыс істеуіне өзгерген уақыт белдеуінің тигізген теріс әсерін анықтаған жоқ.Денсаулық сақтау бірінші вице-министрі Тимур Сұлтанғазиев бірыңғай уақыт белдеуін енгізу қадамы денсаулық сақтау саласына оң өзгеріс алып келгенін, аурулар санының төмендегенін атап өтті. Мәселен, жедел жәрдем шақырту саны 0,4%-ға, жүрек-қан тамырлары ауруларымен сырқаттану көрсеткіші 3,5%-ға, психикалық және мінез-құлық бұзылысы 1,6%-ға, жарақаттану көрсеткіші 3,3%-ға, қатерлі ісіктер көрсеткіші 1,7%-ға төмендегені байқалды. Яғни, уақытты ұтымды бөлу – қоғамдық денсаулыққа оң әсерін тигізуде.<blockquote>– Мемлекет басшысы «Ана тілі» газетіне берген сұхбатында Үкімет уақыт белдеуін ауыстырудың азаматтардың тұрмысына және ел экономикасына әсерін жан-жақты зерттеуі тиіс екенін атап өтті. Бүгін Үкімет «AMANAT» фракциясының депутаттарына осы ғылыми зерттеудің қорытындысын таныстырды. Ол ғалымдардың, сарапшылардың қатысуымен өткізіліп, Қазақстанда бірыңғай уақытты енгізу туралы шешімнің ғылыми негізділігін көрсетті, – деді Мәжіліс Спикері Ерлан Қошанов.</blockquote>Талқылау жұмысын қорытындылай келе, депутаттар Үкіметтің ғылыми-зерттеу нәтижесін қабылдады. Депутаттар зерттеу қорытындысын қалың бұқараға жеткізудің маңызын атап өтті.Сонымен қатар, депутаттар Үкіметке жергілікті билік органдарымен, мәслихаттармен бірлесіп, еліміздің бірыңғай уақыт белдеуіне көшуінің маңызы мен ғылыми негізі туралы арнайы түсіндіру жұмысын жүргізуді ұсынды. Бұл жұмысқа ғалымдарды, сарапшылар тобының өкілдерін, қоғамдық пікір көшбасшыларын белсенді тарту керек. БАҚ пен әлеуметтік желілерде тиісті ақпараттық жұмыс ұйымдастыру қажет.Сонымен қатар, халық сұранысы мен шетелдік тәжірибені ескере отырып, жергілікті жерлерде жұмыс кестесін өзгерту тәжірибесін жалғастыру керек.Фото: amanatpartiasy.kz

«AMANAT»-та бірыңғай уақыт белдеуі бойынша Үкімет есебі тыңдалды

<a href="https://kyzylorda-news.kz/">Kyzylorda-news.kz</a> Елімізде өмірден озған адамның өліміне не себеп болғанын анықтау үшін виртуалды аутепсия қолдану мүмкіндігі қарастырылып жатыр. Бұл туралы Әділет министрлігінің ресми өкілі Талғат Уәли айтты деп хабарлайды <a href="https://kaz.inform.kz/news/elmzde-maytt-soyip-teksermey-ak-olm-sebebn-aniktaytin-tehnologiya-engzlmek-436f2e/">KAZINFORM</a> ақпарат агенттігі.<blockquote>– Технологияның дамуы жағдайында виртуалды аутопсияны қолдану мүмкіндігі пайда болады. Виртуалды аутепсия – бұл дененің егжей-тегжейлі проекциясын алу үшін КТ сканері арқылы адамның инвазивті емес аутопсиялары орындалатын жаңа медициналық технология. Құқық қорғау органдарының мәйітті сот-медициналық сараптау кезінде сарапшылардың алдына қоятын негізгі міндеті – өлімнің себебін анықтау. Зерттеу енгізілетін болса кей жағдайларда мәйіттерді сойып тексерудің қажеттілігі болмайды. Кей жағдайларда ұлттық және діни салт-дәстүрлерге сүйеніп қаза болған адамның жақындары мәйітті кеспеуді сұрайды, – деді ол Орталық коммуникациялар қызметіндегі брифингте.</blockquote>Оның атап өтуінше, виртуалды аутопсия әдісі белгілі бір дәрежеде Швейцарияда, Ұлыбританияда, АҚШ-та, Үндістанда, Жапонияда, Швецияда, Норвегияда, Түркияда, Сауд Арабиясында, Ресейде қолданылады.<blockquote>– Қазақстанда қолданыста жоқ. Оны енгізсек деп зерттеп жатырмыз. Сот-сараптамалық орталығының мамандары осы әдісті қолданып жатқан елдерге іссапарға барып, әдістің қандай пайдасы, зияны барын зерттеп жатыр. КТ сканері – өте қымбат құрылғы. Сондықтан қандай құрылғыны қай елден дұрыс деген мәселе пысықталып жатыр. Ұлттық салт-дәстүрімізге, діни наным-сенімімізге байланысты азаматтар мәйітті кеспеуді сұрап жатады. Бірақ сараптама жүргізетін мамандар заң алдында жауап береді. Сондықтан мәйітті кесу арқылы жүргізілетін бұл сараптаманың жүргізілуі міндетті, – деді Талғат Уәли.</blockquote>Фото: freepik.com

Қазақстан және Қызылорда облысының жаңалықтары