<a href="https://kyzylorda-news.kz/">Kyzylorda-news.kz</a> Республикалық референдумға атсалысқан белсенділер қатарында Қазақстанның Еңбек Ері, сырбойылық белгілі &nbsp;меценат Имамзада Шағыртаев бар.Имамзада Қуанышбайұлы Қызылорда облысы, Жалағаш ауданы, Таң ауылдық округіндегі №136 референдум учаскесінде өз таңдауын жасады.<blockquote>«Бұл референдумның маңызы зор. Елдің, өзіміз тұратын ауылдың болашағына тамшыдай болса да үлес қосамын деген әрбір адамда осындай түсінік қалыптасуы керек. Еліміз мұнан ары көркейіп, экономикасы дамып, әлеуметтің әлеуеті артады деп сенемін», - деген Имамзада Қуанышбайұлы ел болашағы үшін дауыс беру әр азаматтың борышы екенін атап өтті.</blockquote><img src="https://knadmin.beoblood.kz/uploads/aza_stanny_e_bek_eri_Imamzada_Sha_yrtaev_z_ta_dauyn_zhasady1_854bbcdae7.jpg" alt="Қазақстанның еңбек ері Имамзада Шағыртаев өз таңдауын жасады1.jpg">Айта кетейік, Имамзада Шағыртаев Таң ауылының таңғажайып күйге енуіне, көркейіп-гүлденуіне маңдай терін төгіп жүрген азамат. Ел ісін елден бұрын ойлайтын ел ағасының игі бастамаларын, Таң ауылының дамуы жолындағы жұмыстарын, қайырымдылық шараларын аудан жұрты жақсы біледі.

Қазақстанның еңбек ері Имамзада Шағыртаев өз таңдауын жасады

<a href="https://kyzylorda-news.kz/">Kyzylorda-news.kz</a> Қызылорда өңірінің тұрғындары маңызды саяси науқан республикалық референдумға қатысып, өз таңдауларын жасауда. Таңсәріден учаскеге ерте келген азаматтар үшін комиссия мүшелері демеушілер есебінен арнайы сыйлықтарды үйлестірді.&nbsp;Айта кетейік, аймақта 378 референдум учаскесі бар. Дауыс беру 20.00-ге дейін жалғасады. Түскі 12.00-ге дейін азаматтар үйден дауыс беруге өтініш қалдыра алады.&nbsp;Өңір бойынша 492 524 тұрғын дауыс берушілер тізіміне енген.

Референдум: Алғаш келген дауыс берушілерге сыйлықтар берілді

<a href="https://kyzylorda-news.kz/">Kyzylorda-news.kz</a> Бүгін еліміз бойынша республикалық референдум өтуде. &nbsp;Маңызды саяси науқанда учаскеге алғаш болып келген 105 жастағы майдангер өз таңдауын жасады.Сырдария ауданында тұратын Ұлы Отан соғысының ардагері Яхия Тасыров референдум күні алғашқылардың бірі ретінде өз учаскесінде бюллетень алып, дауыс берді. Қария бұл күннің маңыздылығын атап өтіп, комиссия мүшелеріне ақ батасын берді.Майдангер ел тарихындағы әрбір сайлау және референдум науқандарынан тыс қалған емес. Әрбір адам мемлекет үшін маңызды істе үнсіз қалмауы керек деп санайтын дауыс беруші комиссия мүшелерінің жұмысына сәттілік тіледі.&nbsp;Айта кетейік, өңірде 492 524 азамат дауыс беруге құқылы. Түскі 12.00-ге дейін азаматтар үйден дауыс беруге өтініш қалдыра алады. Ал, кешкі 20.00-ге дейін өз аумағындағы учаскелерге келіп дауыс бере алады.

105 жастағы майдангер референдумда  бірінші болып өз таңдауын жасады

<a href="https://kyzylorda-news.kz/">Kyzylorda-news.kz</a> Бүгін – республикалық референдум! Таңғы сағат 7.00-де Қызылорда өңіріндегі референдум учаскелері ашылып, өз жұмысын бастады. Аймақта 378 референдум учаскесі бар. Оның 126-ы Қызылорда қаласында, 252-і аудандарда орналасқан.<blockquote>- Учаске ашылған сәттен бастап алғаш келген тұрғындар дауыс беруде. Әрбір екі сағат сайын Орталық референдум комиссиясы азаматтардың келуі бойынша ақпараттарды ұсынатын болады.&nbsp;</blockquote>Аймақтағы 378 учаскенің 27-і азаматтардың уақытша болу орындары яғни жабық учаскелер қатарында. Бұл учаскелерде тізімге енген азаматтар толық дауыс беріп болса, дауыс беру уақыты ерте аяқталуы мүмкін.Өңірде 492 524 азамат дауыс беруге құқылы. Тұрғындар кешкі 20.00-ге дейін өз аумағындағы учаскелерге келіп дауыс бере алады,- деді Қызылорда облысының аумақтық референдум комиссиясының төрағасы Әділбек Ерсұлтанов.

Референдум: Қызылорда облысының 378 учаскесінде дауыс беру басталды

<a href="https://kyzylorda-news.kz/">Kyzylorda-news.kz</a> &nbsp;Бүгін – республикалық референдум!Вахталық әдіспен жұмыс істейтін мекемелер мен әскери бөлімшелердегі 6 учаскеде дауыс беру таңғы 6.00-де басталды. Оның 5-і кен орны, 1-і әскери бөлім.Бұл учаскелерде 6528 азамат дауыс беруге құқылы.Маңызды науқанда «Құмкөл» кенішіндегі ауысыммен еңбек етіп жатқан азаматтар таңмен таласа келіп, өз дауыстарын берді.Ауысыммен жұмыс істейтін мұнайшылар бір мезетте өз таңдауын жасап, азаматтық белсенділігін таныта білді.Маңызды науқанда Қызылорда облысы бойынша 378 учаске ашылған. Мұнда 2642 комиссия мүшесі қызмет атқарады.&nbsp;Тұрғындар кешкі 20.00-ге дейін өз аумағындағы учаскелерге келіп дауыс бере алады.

6 учаскеде дауыс беру таңғы 6-да басталды

<a href="https://kyzylorda-news.kz/">Kyzylorda-news.kz</a> &nbsp;Сыр өңірінде «Наурызнама» онкүндігінің алғашқы шаралары 14 наурыз – Көрісу (Амал) мерекесін атап өтуден басталды.Бүгін Қызылорда қаласындағы Aray City Mall ойын-сауық орталығында Қызылорда облыстық филармониясы ұжымының «Көктеммен келген көрісу» атты мерекелік концерті ұйымдастырылды.&nbsp; Мерекелік бағдарлама барысында филармония өнерпаздары халық әндері мен ұлттық нақыштағы шығармаларды орындап, жиналған көрерменге көтеріңкі көңіл күй сыйлады.Шара аясында қала тұрғындары мен қонақтарына «Бауырсақ пати» ұйымдастырылып, ұлттық дастарқаннан дәм ұсынылды. Көпшілік бір-бірімен көрісіп, ақжарма тілектерін айтып, амал мерекесінің мазмұнын айшықтай түсті.Ұлттық салт-дәстүрді дәріптеген бұл мерекелік басқосу тұрғындардың рухани бірлігін нығайтып, Наурыз мейрамының мән-мағынасын кеңінен насихаттауға бағытталды.

Сыр елінде «Наурызнама» онкүндігі Көрісу күнімен басталды

<a href="https://kyzylorda-news.kz/">Kyzylorda-news.kz</a> &nbsp;Жекелеген маңызды жоба ретінде «Үшарал – Достық» автомобиль жолын жаңғыртуды атауға болады. Жобаны іске асыру жол қозғалысының қауіпсіздігін арттыруға және Қазақстан-Қытай шекарасындағы логистикалық тораппен көлік байланысын жақсартуға мүмкіндік берді.Қызылорда облысының аумағында «Қызылорда – Жезқазған» автожолы реконструкцияланды. Көптеген жылдар бойы осы трассаның жай-күйі жүргізушілер мен жолаушылар тарапынан сынға ұшырап келді. Қазіргі уақытта жолдың Ұлытау облысы аумағындағы учаскелерін реконструкциялау жалғасуда.«Ұзынағаш – Отар» жобасы аяқталды, соның арқасында Алматы мен Шымкент арасындағы көлік дәлізінің негізгі учаскелерінің бірінде төрт жолақты қозғалыс қалыптасты.Сонымен қатар, Қазақстандағы ең ірі Бұқтырма су қоймасы арқылы өтетін көпір және Шақпақ-Баба асуындағы автомобиль тоннелі пайдалануға берілді.Соңғы жылдардағы ең ірі инфрақұрылымдық жобалардың бірі – 2023 жылы пайдалануға берілген Үлкен Алматы айналма автомобиль жолы (ҮАААЖ) болды. Жолдың көпшілік учаскелерінде алты жолақ, ал жекелеген бөліктерінде төрт жолақты қозғалыс бар. Жоба аясында жеті көлік айрығы, ондаған көпірлер мен жол өтпелері салынды. Бұл құрылыс мемлекет пен жеке сектор әріптестігі аясында жүзеге асырылып, Орталық Азиядағы ауқымы жағынан ең ірі инфрақұрылымдық жобалардың қатарына қосылды. ҮАААЖ транзиттік қатынасты Алматы қаласының сыртына шығаруға мүмкіндік беріп, қаланың көше-жол желісіне түсетін жүктемені айтарлықтай төмендетті.Бұдан басқа, Мемлекет басшысының бастамасы бойынша республикалық маңызы бар автомобиль жолдарын орташа жөндеудің ауқымды бағдарламасы іске асырылып жатыр.Жоба аясында жалпы ұзындығы шамамен 10 мың шақырым жол қамтылмақ. Жұмыстар елдің негізгі бағыттарында, оның ішінде «Жезқазған – Петропавл», «Қарағанды – Қарқаралы», «Қостанай – Мамлютка», сондай-ақ «Өскемен – Семей» автожолдарында жүргізілуде.Ағымдағы жылы орташа жөндеумен шамамен 5 мың шақырым жолды қамту жоспарланып отыр, ал жыл соңына дейін жаңартылған трассалардың шамамен 2 мың шақырымын пайдалануға беру көзделген.Инфрақұрылымдық жобаларды жүзеге асырудың арқасында стратегиялық көлік дәліздері қалыптасып, жаңартылды. Бұлдәліздер еліміздің өңірлері арасындағы жылдам әрі қауіпсіз байланысты орнатады, сондай-ақ Қазақстанның халықаралық көлік маршруттарының интеграциясын қамтамасыз етеді. Қазіргі уақытта Қазақстан аумағы арқылы жалпы ұзындығы шамамен 13 мың шақырым болатын сегіз халықаралық автомобиль көлік дәлізі өтеді.Көптеген жылдар бойы қаржыландыру тапшылығы болған жергілікті жол желісін дамытуға ерекше назар аударылуда. Іске асырылып жатқан жобалар қатарында «Қарағанды – Үштөбе – Құрылыс» жолы, Қызылорда қаласы әуежайына кіреберіс жол, Амангелді ауылына кіреберіс және басқа да бірқатар нысандар бар.Республикалық және жергілікті маңызы бар жолдарды салу және жөндеу қазірдің өзінде айтарлықтай экономикалық тиімділік беріп отыр. Бизнестің көліктік шығындары азайып, жүк тасымалы жылдамдап, өңіраралық сауда дамып, шағын және орта бизнес өсіп, аймақтардың инвестициялық әлеуеті өсуде. Заманауи автожол желісі халықтың мобильділігін, ішкі нарықтың дамуын және елдің транзиттік әлеуетін нығайтуды қамтамасыз ете отырып, Қазақстанның экономикалық кеңістігінің каркасына айналуда.Жол инфрақұрылымын жаңғырту жұмыстары әрі қарай жалғасуда.

Жол инфрақұрылымының жаңғыруы: жаңа көлік дәліздері және өңірлердің дамуы

<a href="https://kyzylorda-news.kz/">Kyzylorda-news.kz</a> &nbsp;Алматы қаласында «Үздік жыл психологі» республикалық байқауының жеңімпаздары марапатталды. Қызылордадағы Зияткерлік мектептің педагог-психологі Жадыра Қонысбаева мен Семейдегі NIS-тің педагог-психологі Жадыра Бейсембаева ІІ орынға ие болды.Жадыра Қонысбаева байқауда «Эмоция мен дарын үндестігі: тұлғалық үйлесімнің жаңа формуласы» атты авторлық бағдарламасын ұсынды. Жоба жасөспірімдердің эмоционалдық интеллектісін инновациялық әдістер арқылы дамытуға бағытталған. Бағдарлама цифрлық ортада өсіп келе жатқан жас буынның психологиялық тұрақтылығын нығайтып, эмоционалдық сауаттылығын қалыптастыруға және тұлғалық әлеуетін ашуға мүмкіндік береді.Ал Семейдегі NIS-тің педагог-психологі Жадыра Бейсембаева «Оқушылардың академиялық жетістігін психологиялық-педагогикалық қолдаудың интегративті моделі» атты бағдарламасын таныстырды. Бағдарлама диагностикалық, түзету және педагогикалық жұмыстарды біріктіру арқылы оқушылардың оқу жетістігін арттыруға және олардың психологиялық жағдайын жақсартуды көздейді.Айта кетейік, «Үздік жыл психологі» республикалық байқауы педагог-психологтердің кәсіби шеберлігін арттыруға, озық тәжірибелерді бөлісуге және оқушылардың психологиялық саулығын қолдауға бағытталған.Байқауды жыл сайын Қазақстан Республикасы Оқу-ағарту министрлігінің «Дарын» республикалық ғылыми-практикалық орталығы өткізеді.

NIS педагог-психологтері кәсіби шеберлігін республикалық байқауда дәлелдеді

<a href="https://kyzylorda-news.kz/">Kyzylorda-news.kz</a> Арал аудандық көп бейінді орталық ауруханасында аз инвазивті оталар кеңінен қолданылуда.&nbsp;Лапароскопиялық емдеу әдістері жоғары тиімділігін дәлелдеп, асқыну қаупін азайтуға және пациенттердің қалпына келу мерзімін едәуір қысқартуға мүмкіндік береді. Оталар тегін медициналық көмектің кепілдік берілген көлемі мен МӘМС жүйесі аясында жүргізіледі.Жаңақұрылыс ауылдық округінің тұрғыны Бекболат Орынбасаров жедел жәрдем бригадасымен аудандық ауруханаға қатты ауырсыну шағымымен жеткізілді. Тексеру барысында дәрігерлер өт қабында тас бар екенін анықтады.&nbsp;Пациентке&nbsp;өт қабын алып тастауға арналған лапароскопиялық холецистэктомия сәтті жасалды.<blockquote>«Ауруханаға қатты ауырсыну ұстамасымен түстім.&nbsp;Шұғыл&nbsp;ота&nbsp;жасалды, тез арада&nbsp;қалпыма келдім. Көмек көрсеткен дәрігерлер мен медицина қызметкерлеріне алғысым шексіз. МӘМС жүйесінде сақтандырылғанмын,әрі қарай ем алып жатырмын», – дейді Бекболат Орынбасаров.</blockquote>Хирургтердің айтуынша, бұрын тек облыс орталықтарында жасалатын көптеген&nbsp;оталар бүгінде аудандық аурухана деңгейінде де қолжетімді.<blockquote>«Мысалы, біз холангиостомия жасаймыз – бұл бауырдың өт жолдарына өттің ағуын қамтамасыз ету үшін дренажды түтік орнату&nbsp;ота. Сондай-ақ адреналэктомия, яғни ісіктер кезінде бір немесе екі бүйрек үсті безін алып тастау&nbsp;отаны жүргіземіз. Бұдан бөлек, шап жарығында лапароскопиялық герниопластика жасалады. Сонымен қатар күрделі көп сынықты сүйек сынуларында остеосинтез – сүйектерді бекітуге арналған хирургиялық әдіс қолданылады. Осы және басқа да&nbsp;оталардың түрлері біздің ауруханада сәтті жүргізілуде», – деді Арал аудандық көп бейінді орталық ауруханасының бас дәрігері Бауыржан Қуанышбаев.</blockquote>Арал көпсалалы орталық аудандық ауруханасында шамамен 300-ге жуық науқас ем қабылдауда. 2026 жылы аудандық ауруханаға медициналық көмек көрсету үшін Әлеуметтік медициналық сақтандыру қорынан 8,4 млрд теңге бөлінді.

МӘМС есебінен аз инвазивті ота жасалады

<a href="https://kyzylorda-news.kz/">Kyzylorda-news.kz</a> 2026 жылғы 1 наурыздағы жағдай бойынша атаулы әлеуметтік көмек (бұдан әрі – АӘК) 30,3 мың отбасындағы&nbsp; 163,3 мың адамға 5,2 млрд теңге сомасында тағайындалды. Биыл бұл мақсаттарға бюджеттен 62,7 млрд теңге қарастырылған. Бұл туралы Еңбек және халықты әлеуметтік қорғау министрлігі <a href="https://kaz.inform.kz/news/2026-zhil-basinan-163-minnan-astam-adamga-atauli-aleumettk-komek-korsetld-141160/">хабарлады</a>.&nbsp;Бұрын хабарланғандай, АӘК-нің негізгі мақсаты – ақшалай төлем түрінде қолдауды жүзеге асыру және отбасының еңбекке қабілетті мүшелерін жұмыспен қамтуға жәрдемдесудің белсенді шараларына тарту арқылы отбасын қиын өмірлік жағдайдан шығару.АӘК мыналарды көздейді:– табысы кедейлік шегінен аспайтын азаматтарға тоқсан сайын әлеуметтік көмек тағайындау;– табысы аз отбасылардағы 1 жас пен 6 жас аралығындағы әр балаға 1,5 АЕК мөлшерінде ай сайынғы қосымша төлем беру. Ағымдағы жылдың наурызына АӘК алушылар қатарынан мектеп жасына дейінгі 50,1 мың балаға 618,1 млн. теңге сомасына қосымша төлем тағайындалды;– жұмысқа орналастыру, өз ісін ашуға ниетті отбасыларға гранттар беру, біліктілікті арттыру курстарына жіберу (қажет болған жағдайда) және басқалар арқылы жұмыспен қамтуға жәрдемдесу.Қазіргі уақытта қазақстандықтар АӘК тағайындауға өтінішті тұрғылықты жері бойынша мансап орталығында, ауыл округінің әкіміне сондай-ақ Электрондық үкімет порталы (egov.kz) арқылы бере алады.Фото: Еңбек және халықты әлеуметтік қорғау министрлігі

2026 жыл басынан 163 мыңнан астам адамға атаулы әлеуметтік көмек көрсетілді

<a href="https://kyzylorda-news.kz/">Kyzylorda-news.kz</a> Мереке және үлкен сатылым кезеңдері - бұл интернет-сатып алу белсенділігінің артуы. Адамдар сыйлықтарға тапсырыс береді, жеңілдіктерді пайдаланады, сәлемдемелер күтеді және курьерлік қызметтермен және маркетплейстермен белсенді өзара әрекеттеседі.Бірақ дәл осындай кезеңдерде алаяқтардың белсенділігі күрт артады. Олар банктік карталарға, аккаунттарға және дербес деректерге қол жеткізу үшін мерекелік қарбалас, асығыс және сатып алушылардың сенімін пайдаланады.Fingramota.kz жобасына күрделі алаяқтық схеманың құрбаны болған Алматының тұрғыны жүгінді. Оның әңгімесі бірнеше қарапайым жағдайлардың бір ойластырылған алаяқтықтың бір бөлігі болуы мүмкін екенін көрсетеді.«Сіздің пакетіңіз жеткізілді»: жалған курьерлермен схема қалай жұмыс істейді?Оқиға әдеттегідей басталды. Қыз тауарға шетелден тапсырыс берді және жеткізуді күтті. Таңертең оған жеткізу қызметінен-мыс қоңырау келіп, сәлемдеменің келгенін хабарлады. «Жеткізуді растау үшін SMS-кодын жазыңыз», - деп сұрады «қызметкер-мыс». Ештеңеден күдіктенбеген қыз кодты айтады. Осыдан кейін оқиғалар тез дами бастады.Бірнеше минуттан кейін оған банктің қауіпсіздік қызметкерлері-мыс қоңырау шалды. Олар оның атына кредит ресімдеуге тырысып жатқанын және шұғыл түрде «өз қаражатын қорғау» қажет екенін хабарлады. Сенімділікті арттыру үшін қаскүнемдер мессенджерге жалған құжаттар жіберді: қызметтік куәліктер, банк бланкілері және тіпті «ресми хаттар».Кейінірек әңгімеге өздерін құқық қорғау органдарының қызметкерлері-мыс деп таныстырған адамдар қосылды. Олар алаяқтарды ұстау үшін операция жасап жатырмыз деп мәлімдеді және қыздан «жәрдем көрсетуді» сұрады.Бірнеше сағат бойы алаяқтар оны байланыста ұстап, әртүрлі қосымшаларды орнатуға және олардың нұсқауларын орындауға мәжбүр етті. Осы уақыт ішінде олар бірден бірнеше банкте оның атынан кредит алуға өтініш бере алды.Жағдайды тоқтатуға тек туыстарының араласуы көмектесті. Әйтпесе оқиға үлкен қаржылық шығындармен аяқталуы мүмкін.Неліктен алаяқтар мереке алдында белсенді болады?Мерекелік кезеңдер — алаяқтар үшін керемет орта. Бұл уақытта адамдар онлайн-сатып алуды жиі жасайды, сәлемдемелерді күтеді, сатылымдарды пайдаланады және тезірек шешім қабылдайды. Алаяқтар осы жағдайларды пайдаланады және мүмкіндігінше сенімді көрінетін сценарийлер жасайды.№1 схема. Жалған жаппай сатылымдар және «жаппай жеңілдіктер»Мереке күндері алаяқтар: «80%-ға дейінгі жеңілдіктер», «Жаппай сатылым», «Акцияның соңғы күні», «Бірнеше тауар қалды» сияқты шулы уәдесі бар жарнаманы белсенді түрде таратады. Мұндай жарнама әлеуметтік желілер, мессенджерлер немесе электрондық пошта арқылы таратылады.Мүдделі сатып алушы сілтеме бойынша өтіп, әйгілі брендтің интернет-дүкеніне ұқсайтын сайтқа кіреді. Парақшада тауарлардың фотосуреттері, шолулар және тіпті науқан аяқталғанға дейінгі уақыт есептегіші болуы мүмкін.Дегенмен, бұл шын мәнінде төлем деректерін ұрлау үшін жасалған фишингтік сайт. Адам карта нөмірін, жарамдылық мерзімін және CVV кодын енгізген кезде, алаяқтар олардың банктік шотына кіріп, ақшаны есептен шығара алады.№2 схема. «Қате төлем жасау» және жалған техникалық қолдауТағы бір кең таралған схема әлеуметтік желілердегі қоңыраулармен байланысты. Мына жағдайды елестетіп көрейік: адам маркетплейсте сауда жасайды және картадан өз күткенінен көп ақша алынғанын байқайды. Ол бұл туралы компания парақшасындағы пікірлерде жазады. Біраз уақыттан кейін оған өзін техникалық қолдау қызметкері ретінде таныстырған адам жауап береді.Ол мәселені тез шешіп, ақшаны қайтаруды ұсынады, бірақ арнайы сілтемеге өтіп, карта деректерін енгізуді сұрайды. Шын мәнінде, бұл сілтеме алаяқтық параққа апарады, онда карта деректері зиянкестердің қолына түседі. Нәтижесінде адам не ақшаны қайтарып ала алмайды, әрі өз шотынан ақша жоғалтады.№3 схема. «Сәтсіз жеткізу»Соңғы жылдары жеткізу туралы хабарламалары бар схема белсенді қолданылады. Адамға мынадай хабарлама келеді: «Біз сіздің пакетіңізді жеткізе алмадық. Сілтемеге өтіп, қайта жеткізу ақысын төлеңіз». Сілтеме 500 немесе 1000 теңге сияқты шағын соманы төлеу ұсынылатын парақшаға апарады.Бірақ төлеммен бірге адам өзінің банк картасының деректерін енгізеді, олар бірден алаяқтарға түседі. Осыдан кейін картадан әлдеқайда үлкен сомалар алынуы мүмкін.№4 схема. Маркетплейс аккаунттарын ұрлауАлаяқтықтың тағы бір танымал тәсілі — маркетплейстерді пайдаланушылардың аккаунттарын бұзу. Егер қаскүнемдер тіркеу жазбасына қол жеткізсе, олар байланған банк картасын сауда жасауға пайдалана алады. Бұл ретте операцияны қосымша растау талап етілмеуі үшін тауарлардың құны белгілі бір сомадан аспайды.Пайдаланушы есептен ақша шығаруды көргенде ғана проблеманы байқай алады.№5 схема. «Жеткізуді бақылауға» арналған жалған бағдарламаларКейде алаяқтар сәлемдемені қадағалау үшін бағдарлама орнатуды ұсынады. Орнатылғаннан кейін мұндай қосымша пайдаланушының телефонына қол жеткізе алады және SMS-кодтарды ала алады, банк қосымшаларына қол жеткізе алады және жеке деректерін жинай алады.Нәтижесінде қаскүнемдер құрылғы иесінің атынан қаржылық операцияларды жүргізуге мүмкіндік алады.Алаяқтықтан қалай қорғануға болады?Осындай схемалардың құрбаны болу қаупін азайту үшін цифрлық қауіпсіздіктің бірнеше ережелерін сақтау маңызды.Сатып алудан бұрын сайтты әрдайым тексеріңіз.&nbsp;Күдікті домендік атаулар, сайттардың біртүрлі мекенжайлары және қалқымалы терезелердің көп болуы алаяқтықтың белгілері болуы мүмкін.&nbsp; SMS-кодтарын бермеңіз.&nbsp;Мұндай кодтар операцияларды растау және аккаунттарға қол жеткізу үшін пайдаланылады. Оларды үшінші тұлғаларға хабарлауға болмайды.&nbsp; Тым пайдалы ұсыныстардан сақтаныңыз.&nbsp;Егер баға нарықтағыдан едәуір төмен болса, бұл алаяқтықтың белгісі болуы мүмкін. Интернет-сатып алулар үшін жеке картаны пайдаланыңыз.&nbsp;Онда аз соманы ұстап, тек төлем жасар алдында ғана толтырған дұрыс. Күдікті сілтемелер арқылы өтпеңіз.&nbsp;Әсіресе олар SMS, мессенджер немесе электрондық пошта арқылы келсе. Бейтаныс адамдардың өтініші бойынша қосымшаларды орнатпаңыз. Банк картасының толық деректемелері: нөмірі, қолданылу мерзімі және CVV-коды құпия ақпарат болып табылатынын есте сақтаңыз. Осы деректерді үшінші тұлғаларға бере отырып, сіз өз құралдарыңызға іс жүзінде қол жеткізуді ашасыз.<img src="https://knadmin.beoblood.kz/uploads/whatsapp_image_2026_03_11_at_152505_1_fd369c23a1.jpeg" alt="whatsapp-image-2026-03-11-at-152505-1.jpeg">Кез келген онлайн-операция алдында қырағылықты сақтау және алаяқтардың психологиялық амалдарына көнбеу маңызды!Фото: fingramota.kz

Сату маусымы немесе алаяқтық маусымы: алаяқтар ақшаны ұрлау үшін жеңілдіктер мен жеткізілімдерді қалай пайдаланады?

<a href="https://kyzylorda-news.kz/">Kyzylorda-news.kz</a> &nbsp;«Қайсар арена» стадионында жаңа Конституцияны қолдауға арналған Open Air форматындағы шара өтті. Оған облыс әкімі Нұрлыбек Нәлібаев, «AMANAT» партиясының хатшысы Ержан Жылқыбаев, Парламент Мәжілісінің депутаттары Мұрат Ергешбаев, Мархабат Жайымбетов, Мұрат Әбенов, Мақсат Толықбай, Нартай Сәрсенғалиев, «AMANAT» партиясы жанындағы «Жастар рухы» жастар қанатының төрағасы, жалпыұлттық коалиция мүшесі Ақерке Искандерова қатысты.Аймақ басшысы мемлекет дамуының жаңа бағытын айқындаудағы Конституциялық реформаның маңызына тоқталды.<blockquote>«Президентіміз «Халық Конституциясының жобасы ортақ Отанымыз – Қазақстан Республикасының жарқын келешегіне берік әрі мызғымас іргетас болады» деп атап өтті. Жаңа Ата Заңымыз тәуелсіздігімізді, аумақтық тұтастығымызды сақтайды. Азаматтарымыздың құқықтары мен бостандықтарын қорғайды. Еліміздің тыныштығы мен тұрақтылығын қамтамасыз етеді. Бұл – әлемдегі ахуал ушығып тұрған уақытта мемлекеттігімізді нығайтатын маңызды қадам. Тәуелсіздігіміздің басты нышаны болатын жаңа құжатта Ұлы Даланың мыңжылдық тарихи сабақтастығы сақталған. Негізгі идеясы ретінде білім мен ғылым, мәдениет пен инновация анықталған. Әділеттілік, Заң мен Тәртіп қағидаттары алғаш рет Конституция деңгейінде бекітілген, біртұтас Қазақстан халқының барлық мақсат-мүддесі қамтылған. Сындарлы сәтте ел болып бірігуден асқан бақыт жоқ. Баршаңызды Қазақстанның жарқын болашағы үшін дауыс беруге шақырамын! Еліміз аман, халқымыз тыныш, тәуелсіздігіміз мәңгі болғай!» – деді Нұрлыбек Нәлібаев.</blockquote>Жиында Мәжіліс депутаттары Мұрат Әбенов, Нартай Сәрсенғалиев, Мақсат Толықбай, «Жастар Рухы» Жастар қанатының төрағасы Ақерке Искандерова, Қорқыт ата университетінің ректоры Наурызбай Байқадамов, «Анаға тағзым» орталығының директоры Алтынай Молжанова, айтыскер ақын, үш дүркін «Алтын домбыра» иегері &nbsp;Мұхтар Ниязов сөз сөйледі.Сахна төрінде эстрада жұлдыздары Мәдина Сәдуақасова, Қайрат Нұртас, &nbsp;Мирас Жүгінісов өнер көрсетті.«Қайсар аренаға» жиналған жұртшылық тек қана концерт тамашалаған жоқ, елдің ертеңі туралы ой бөлісті. Өз таңдауын жасаудың, ел болашағына үлес қосудың маңызын ұғынды. &nbsp;Референдум – демократиялық қоғамның ең басты тетіктерінің бірі. Сондықтан шешім халық таңдауына сүйеніп қабылданады. Бүгінгі кеш жауапкершілікті сезінетін белсенді жастардың, ел болашағына бейжай қарамайтын азаматтардың басын қосқан ерекше кездесу болды.<img src="https://knadmin.beoblood.kz/uploads/1773422128_bdac6c7e_df6b_40d0_a9e1_86a33bbad9dc_15461dfc79.jpg" alt="опен эйр ">

Қазақстан және Қызылорда облысының жаңалықтары