<a href="https://baribar.kz/185414/mamyrda-qaj-oenhirlerde-qurghaqshylyq-boluy-mumkin/">ФОТО</a><a href="https://kyzylorda-news.kz/">Kyzylorda-news.kz.</a> Биыл шілдеде қай өңірлерде құрғақшылық болатынын "Қазгидромет" жариялады.Алдын ала ұсынылатын болжамға сәйкес, шілдеде Қазақстанның басым аймағында ылғалдану жағдайы көбінесе нормаға жуық күтіледі, сонымен бірге ылғал тапшылығы бар аймақтардың ауданы ұлғаяды.Бірқалыпты құрғақшылық:<ul><li>Ақмола облысының Жарқайың ауданында,</li><li>Қостанай облысының Амангелді ауданында,</li><li>Ақтөбе облысының Әйтеке би, Ырғыз және Хромтау аудандарында,</li><li>Ұлытау облысының Ұлытау ауданында,</li><li>Атырау облысының Қызылқоға ауданында,</li><li>Қызылорда облысының Шиелі ауданында болады.</li><li>Қатты құрғақшылық Қызылорда облысының Қармақшы ауданында және Қостанай облысының Жангелді ауданында болуы мүмкін.</li></ul>&nbsp;

Шілдеде қай өңірлерде құрғақшылық болатыны анықталды  

<a href="https://kyzylorda-news.kz/">Kyzylorda-news.kz.</a> Биылғы Құрбан айт намазының кестесі жарияланды, - деп хабарлайды ҚМДБ баспасөз қызметі. 28 маусым - Құрбан айт мейрамының алғашқы күні. Осы күні оқылатын Құрбан айт намазының еліміз бойынша әзірленген кестесін назарларыңызға ұсынамыз.&nbsp;&nbsp;&nbsp;

Құрбан айт - 2023: Айт намазының кестесі жарияланды  

<a href="https://kyzylorda-news.kz/">Kyzylorda-news.kz.</a> Бүгін ҚР Премьер-Министрінің орынбасары-Сауда және интеграция министрі Серік Жұманғариннің Қызылорда облысына жұмыс сапары аясында әлеуметтік маңызды азық-түлік тауарларын өндіру және сату мәселелеріне арналған көшпелі жиын өтті.Жиынға республиканың 19 өңірі мен ірі қалаларынан 120-дан астам өкілдер келіп қатысуда.Облыс әкімі Нұрлыбек Нәлібаев Сыр өңірінде осындай үлкен шараның өткізілуі аймақтың басты өніміне қатысты екенін атап өтті.<blockquote>«Облысымыздың кейінгі жылдардағы серпінді даму қарқыны туралы білесіздер. Биыл жалпы инфляция деңгейі 104,8%-ды құраған болса, өткен жылдың сәйкес кезеңінде 108,8% болған еді. Бұл - еліміздегі баға тұрақтандыру бойынша қабылданған жаңа тәсілдердің оң нәтижесі. Біз баға тұрақтандыруда сауда желілерінен алшақтап, өндіруші құрылымдарға бетбұрыс жасадық. Бүгінгі ауқымды шарамыз, бастамамыз арқылы көздеген мақсатымыз - ішкі нарықта өнім өндірушілер мен өңірлердің әлеуметтік-кәсіпкерлік корпорациялары арасында делдалсыз тікелей сауда қарым-қатынасын орнату», - деді аймақ басшысы.</blockquote>Жиында орталық атқарушы органдар және барлық өңір әкімдерінің орынбасарлары, азық-түлік тауарөндірушілері әлеуметтік маңызды тауарлар бағасының қазіргі жағдайына қатысты баяндама жасады. Өзара тиімді форвардтық шарттар жасасып, «Тауарларды қадағалаудың ұлттық жүйесі» пилоттық жобасын таныстырды. Мұнан бөлек, мәжілісте экспорттық әлеует және даму перспективалары талқыланып, жергілікті атқарушы орган өкілдері халық кең тұтынатын өнімдердің бағасын тұрақтандыру бойынша жүргізіліп жатқан жұмыстарды баяндады.Еске салсақ, ҚР Премьер-Министрінің орынбасары-Сауда және интеграция министрі Серік Жұманғарин бастаған делегация мүшелері ауыл шаруашылығы нысандарының жұмысымен танысып, «Жері күрішті, елі ырысты Қызылорда» атты 2 күндік күріш көрме-жәрмеңкесінің салтанатты ашылу рәсіміне қатысты. Әрі қарай Үкімет басшысының орынбасары Қызылорда облысының бизнес-қауымдастығы өкілдерімен кездесті.Ертең Үкімет делегациясы Сыр өңірінің су шаруашылығы нысандарына барып, «Абзал және К» ТС күріш алқабын аралайды. Сондай-ақ Н.Ілиясов ауылының абаттандыру жұмыстарымен, әлеуметтік нысандарымен танысады деп жоспарлануда.

Қызылордада әлеуметтік маңызды азық-түлік тауарларының бағасы бойынша көшпелі мәжіліс өтті

<a href="https://kyzylorda-news.kz/">Kyzylorda-news.kz.</a>&nbsp; Кез келген мемлекет үшін құқық қорғау саласы тұрақтылықтың, қауіпсіздіктің кепілі саналады. Сонау Тәуелсіздік алған жылдардан бері еліміздің құқық қорғау саласы бірнеше кезеңдерді еңсеріп, реформалардың тезінен өтті. қоғамның қауіпсіздігін қамтамасыз ететін күшке айналды десек, артық айтқанымыз емес. Осыны ескере отырып, Полиция күні қарсаңында облыстық полиция департаменті кадр саясаты басқармасының бастығы Сәкен Бөрібаевпен сұхбаттасқан едік.– Құқық қорғау саласындағы кадр мәселесі өте өзекті екені даусыз. Бұл салаға мемлекет ерекше көңіл бөлуде, яғни, мамандарға қолайлы жағдай жасаған сайын талап та күшейгені жөн. Қазір кадрлардың қандай қабілетіне баса назар аударылады?– Құқық қорғау органдарына қызметке алыну үшін азаматтарға қандай талап қойылатыны арнайы нормада жазылған. Жасы он сегiзге толған, отыз бес жастан аспаған, өзiнiң жеке моральдық, iскерлiк, кәсiби қасиеттерi, денсаулығы мен дене бiтiмiнің даму жағдайы, бiлiм деңгейi жөнiнен өзiне жүктелген лауазымдық мiндеттердi атқаруға қабiлетi, тиісті бiлiмi бар және әскери қызмет өткерген немесе Қорғаныс министрлігінің мамандандырылған ұйымдарында әскери оқытылған, резервті даярлау жөніндегі әскери дайындықтан өткен азаматтар қабылданады. Бұған қоса заңнамаға сәйкес мерзімді әскери қызметке шақырудан босатылған немесе кейінге қалдырылған Қазақстан Республикасының азаматтары ерікті негізде өздерін ұсына алады. Қатардағы және кіші басшы құрам лауазымдарына құқық қорғау органының лауазымдары санатына қойылатын біліктілік талаптарына байланысты кемінде орта білімi бар азаматтар, орта басшы құрам лауазымдарына құқық қорғау органының лауазымдары санатына қойылатын біліктілік талаптарына байланысты техникалық және кәсіптік, жоғары білімi бар азаматтар алынады. Барлық процесс «Қазақстан Республикасының мемлекеттік қызметі туралы» Заңда көрсетілген тәртіппен жүзеге асырылады. Қазір мамандардың санынан бұрын сапасына назар аударамыз. Ішкі істер министрінің бұйрығымен өңірімізде штат саны қысқартылып, қызметкерлердің айлық жалақысына 30 пайыз үстемақы төленуде. Бұл олардың өз қызметін адал атқаруына септеседі.– Полиция жайлы жағымсыз пікір айтылып жататыны жасырын емес. Бүгінде құқық қорғаушылар жемқорлықтан өздерін қаншалықты алыс ұстап жүр. Әр маманды қалай бақылауға аласыздар?– Баспасөз құралдарында немесе әлеуметтік желілерде полиция қызметкерлеріне қатысты сыни бағыттағы ақпараттар шығып жатса, міндетті түрде тексеру жұмыстары жүргізіледі. Егер бір қызметкер заңға қайшы әрекетке барса, жауапкершіліктен құтыла алмайды. Адалдық – басты принцип. Осылайша біз қызметкерлерге бәрін өзімізден бастауымыз тиіс екенін ұғындырамыз. Бүгінде жеке құрам арасында тәртіп пен заңдылықты қамтамасыз ету бойынша біршама жұмыстар атқарылуда. Өткен жылдан бастап барлық қала, аудандарға іссапар ұйымдастырылып, жеке құраммен, олардың ата-аналарымен және жұбайларымен кездесулер өткіздік. Кездесудің мақсаты – қызметкерлердің тұрмысындағы проблемалық мәселелер, басшылық тарапынан берілетін заңсыз тапсырмалардың алдын алу, басқа да заңсыз әрекеттерді болдырмау. Осылайша, әр қызметкердің жағдайын саралап отырамыз. Қазір әлеуметтік желіде полицейлердің ата-аналарының басын қосқан чаттарымыз бар, онда проблемалық мәселелер ылғи талқыланып отырады. Соның арқасында биыл полиция қызметкерлеріне қатысты бірде-бір сыбайлас жемқорлық ісі тіркелген жоқ. Қылмыс жасаған болса, қызметкерлер ішкі істер органдарынан шығарылып, олардың тікелей бастықтары мен жауапты қызметкерлері қатаң тәртіптік жазаға тартылады. Рас, жемқорлық – күн тәртібінен түспейтін мәселенің бірі. Қазір біз салдарымен емес, себебімен күресеміз, әркез талдау жасалады. Ол үшін полицияның ашықтығы қажет. Себебі полицияның ашықтығы сыбайлас жемқорлықпен күресте негізгі қағидаттардың бірі болып отыр. Бұған қоса былтыр қаңтардан бастап Мемлекет басшысы бекіткен Сыбайлас жемқорлыққа қарсы саясат тұжырымдамасын іске асыру үшін ішкі істер органдарының қызметкерлерін Integrity Check парасаттылығына тексеру бойынша пилоттық жоба іске қосылды. Бұл жобаның жүзеге асырылуы полиция қызметкерлері арасындағы сыбайлас жемқорлықтың төмендеуіне септігін тигізбек, яғни, қызметкерлердің адалдығын өзгеден бұрын өзіміз тексеріп, жемқорлықтың алдын алуға тырысып отырамыз.– Құқық қорғау саласы ілгері басқанымен, қылмыс та азаймай жатқан тәрізді көрінеді. Сонда полицейлер қылмыстың салдарымен ғана күресіп жүр ме, қандай алдын алу шаралары атқарылуда?– Полиция қызметкерлерінің атқарылып жатқан жұмыстарының нәтижесі мен кемшіліктері жедел кеңестерде талқыланады. Оның барысында басым бағыттар айқындалады. Облыс көлемінде қылмыстың алдын алуға бағытталған профилактикалық іс-шаралар ылғи өткізіледі. Мұның бәрі нәтижесіз емес. Қолға алған шаралардың арқасында қылмыстың тіркелуі өткен жылмен салыстырғанда айтарлықтай төмендеп келеді. Қазір өңірдегі криминогендік ахуал тұрақты. Бұл – кешенді әрі уақытылы қабылданған шаралардың нәтижесі. Мысал ретінде айтар болсам, биыл аса ауыр қылмыстар 61,3, ұрлық 28,5, пәтер тонау 24, мал ұрлығы 53,8 пайызға төмендеді. Осы фактілерге қарап отырып, жұмыстар нәтижесіз деп айта алмаймыз.– Еліміз үшін құқықтық мәдениеттің қалыптасуы аса маңызды. Осы тұрғыдан алғанда полицейлеріміз қоғамға үлгі бола ала ма?– Полиция қызметкерлерінің оң имиджін қалыптастыру мен оларға халықтың сенімін арттыру бағытында атқарылған жұмыстар жөнінде интернет кеңістігінде материалдар үнемі жарияланады. Ол жерде істеген жұмыстарымыздың нәтижесін, қалай көмек алуға болатынын түсіндіреміз. Демек, біз үлгі болуға, ел сенімінен шығуға ниеттеніп отырамыз. Сенім үдесінен шыға білген қызметкерлеріміз аз емес. Қай кезде болмасын, полиция қызметкерлері антына адал, азаматтардың тыныштығын сақтап, көмекке келуге әзір. Осы қиын да қатерлі қызмет жолында өз өмірін құрбан еткен полицейлер бар. Соның бірі – небәрі 25 жасында ерлік көрсетіп, бейбіт күннің батыры атанған, полиция лейтенанты Талғат Қозыбаев. Ол ерлікпен қаза тапқан соң, Президент Жарлығымен ІІ дәрежелі жауынгерлік «Айбын» орденімен марапатталды. Қызмет бабында ерлікпен қаза тапқан Талғат Қозыбаевтың есімі Сырдария ауданының Мәлібаев ауылындағы көшелердің біріне қойылды. Ол оқыған № 131 орта мектеп ауласында ескерткіш орнатылып, мектепке аты берілді. Осы тұста «Қоғамдық қауіпсіздікті азаматтық қоғаммен серіктестікте қамтамасыз етудің 2024-2028 жылдарға арналған тұжырымдамасын» жеке құрамға таныстырып, басты талаптарын түсіндіруді бастап кеткенімізді айтқым келеді. Жалпы, бұл жобаның үш стратегиялық бағыты бар: азаматтардың өмірі, денсаулығы, мүлкін қорғау деңгейін арттыру, құқықбұзушылықтардың алдын алудың тиімді жүйесін құру; полицияны қауіпсіздікті қамтамасыз ететін заманауи тиімді ұйымға айналдыру. Бұл тұжырымдамада «Халық үніне құлақ асатын мемлекет» қағидатына сәйкес келетін қоғамның нақты сұраныстары да ескерілген. Мәселен, полиция департаментінің басшылық құрамы үнемі азаматтарды қабылдап отырады. Алдын ала қабылдауға жазылады, келеді, басшылыққа проблемаларын ашық айтады. Ал біз оның шешу жолдарын көрсетіп, қызметкерлерге нақты тапсырма береміз. Осы арқылы мәселесі шешімін тауып, ризашылығын білдірген адамдар жетерлік. &nbsp;&nbsp;– Кеңес дәуірінде милиция қатал кейіпке еніп, жағымсыз сипат алды. Ал қазір құқық қорғаушыларымыз қатал ма, қайырымды ма?– Қызметтік бағыттан бөлек, қайырымды істерге де ерекше көңіл бөлінеді. Мысалы, қайырымдылық акциясы шеңберінде облыстық полиция департаментінің ардагерлер кеңесімен бірлесіп, қорға аударылған бір күндік жалақы есебінен кадр саясаты басқармасы, қалалық полиция басқармасы мен барлық аудандық полиция бөлімінің ұжымы тұрмысы төмен, аз қамтылған отбасыларға үнемі қолдау көрсетіп, азық-түлік, басқа да тұрмысқа қажетті заттар үлестіріп тұрамыз. Қазір барлық сала ашықтық пен жариялылық қағидатын ұстануда. «Жұртқа жақын полиция» қағидаты жергілікті полиция қызметінің жұмысына жаңа серпін берді десек, жансақ айтпаймыз. Қоғаммен ашық тіл табысу, азаматтардың сеніміне ие болу, атқарылған жұмыстарды ашық көрсетіп, көпшілікпен бірлесе қылмыстың алдын алу әрбір учаскелік полиция инспекторының басты мақсатына айналғанда ғана сала жұмысы нәтижелі болатыны сөзсіз. &nbsp;

Құқық қорғау саласы тұрақтылық пен қауіпсіздіктің кепілі

Сатира жанрының саңлағы

<a href="https://kyzylorda-news.kz/">Kyzylorda-news.kz.</a> Бүгін Қызылорда облысына ҚР Премьер-Министрінің орынбасары-Сауда және интеграция министрі Серік Жұманғарин бастаған Үкімет делегациясы жұмыс сапарымен келді. Делегация мүшелері ауыл шаруашылығы нысандарының жұмысымен танысып, «Жері күрішті, елі ырысты Қызылорда» атты 2 күндік күріш көрме-жәрмеңкесіне қатыспақ.Алдымен Үкімет басшысының орынбасары Сырдария ауданындағы «Мағжан и К» ЖШС күріш ақтау және тұз өндіру зауыттарының жұмысымен танысты. Заманауи жоғары технологиялық құрал-жабдықтармен жабдықталған және бірыңғай автоматтандырылған жүйе арқылы басқарылатын кәсіпорын азық-түлік тауарларының бірқатар түрін шығаруда.Әрі қарай Серік Жұманғарин «Абай-Даулет» ЖШС күріш зауытын және күріш сататын арнайы дүкенін аралады. «Жан Арай» ЖШС агроөнеркәсіп кешенінің қуаттылығы 4000 тонна қойма құрылысымен танысты.Сонымен қатар ҚР Премьер-Министрінің орынбасары күріш көрме-жәрмеңкесінің салтанатты ашылу рәсіміне қатысты. Көрме-жәрмеңкені республика көлемінде күріш бағасын тұрақтандыру мақсатында Қызылорда облысының әкімдігі, ҚР Ауыл шаруашылығы министрлігі мен ҚР Сауда және интеграция министрлігі бірлесіп ұйымдастырған. Оған барлық облыс әкімдерінің салалық орынбасарлары, әлеуметтік-кәсіпкерлік корпорация төрағалары және ел өңірлерінен 120-дан астам кәсіпкер қатысуда.Көрмеден кейін Серік Жұманғарин мәжіліске қатысып, Қызылорда облысының бизнес-қауымдастығы өкілдерімен кездеседі.Ертең Үкімет делегациясы Сыр өңірінің су шаруашылығы нысандарына барып, «Абзал және К» ТС күріш алқабын аралайды. Сондай-ақ Н.Ілиясов ауылының абаттандыру жұмыстарымен, әлеуметтік нысандарымен танысады деп жоспарлануда.Айта кетейік, бүгінгі күріш-көрмесі жәрмеңкесі шарасында облыстың күріш өңдеуші 35 шаруашылық пен 2 тұз өндіруші кәсіпорындар өз өнімдерін нарық бағасынан 20 пайызға төмен бағада ұсынып, республика делегацияларымен келісім-шартқа отырды.Сондай-ақ, Ақтөбе, Жамбыл, Павлодар облыстарының кәсіпкерлері де өз өнімдерін таныстырып келіссөз жүргізуде.Ұйымдастырылған жәрмеңке республика көлемінде күріш бағасының тұрақтылығына оң әсерін тигізетін болады.<img src="https://knadmin.beoblood.kz/uploads/oo_60f1ebdea1.jpg" alt="оо.jpg"><img src="https://knadmin.beoblood.kz/uploads/347609380_566178042370111_5633051631808087425_n_8e5789f31d.jpg" alt="347609380_566178042370111_5633051631808087425_n.jpg"><img src="https://knadmin.beoblood.kz/uploads/356035586_1811586252570212_7290786516094624962_n_d585080f63.jpg" alt="356035586_1811586252570212_7290786516094624962_n.jpg">

«Жері күрішті, елі ырысты Қызылорда»: Көрмеге 120-дан астам кәсіпкер қатысуда

<a href="https://kyzylorda-news.kz/">Kyzylorda-news.kz.</a>&nbsp; Бүгін Қызылорда қалалық ауыл шаруашылығы мен жер қатынастары бөлімінің заңгері Бодықова Күлайхан Молдашқызы жер мәселелері бойынша тақырыптық қабылдау өткізді.Қабылдауға келушілер жер кезектілігі, кәсіптік нысан ашу үшін жер телімін алу сынды тақырыптар бойынша сұрақтарын қойды.Қала тұрғыны 2009 жылы жер кезегіне тіркелгенін айтып, кезектілігі қашан жақындайтынын сұрауда.Кезектіліктің барлығы қазір жария түрде екені, Кезекте.кз сайты арқылы өз кезегін біле алатыны түсіндірілді. Бұған дейінгі қағаз күйінде өтініш білдірушілердің мәліметі дерекқорға енгізіліп, қазіргі таңда 2005 жылы тіркелген азаматтарға жер беріліп жатқаны айтылды. Жер Кодексінде кезекте әлеуметтік категорияларға ерекше мүмкіндіктер берілмегені, яғни азаматтардың құқығы бірдей және кезектілік сақталуы тиіс екені, жергілікті атқарушы орган Кодекске сәйкес тиісті инфрақұрылымдарды жеткізгеннен кейін ғана жерді кезектегі азаматқа бере алатыны түсіндірілді.Қабылдауға келуші келесі азамат Қорқыт ата мен Яссауи көшелерінің ортасынан жер телімін кәсіптік нысан ашу үшін алудың нұсқаулығын сұрады.Кәсіпкерлік мақсаттағы нысан салуға жер алу үшін қала әкімінің атына өтініш жазу қажеттілігі, жер аукцион арқылы берілетіні түсіндірілді. Өтінішіңіз негізінде мекемелерге сұрау жіберіліп, құрылымдардың жауабы негізінде аукцион жүргізілетін жерлер тізіміне енгізілетіні, тізімді Госреестр.кз сайты арқылы көре алатыны айтылды.

Жер мәселелері бойынша тақырыптық қабылдау өтті

<a href="https://kyzylorda-news.kz/">Kyzylorda-news.kz.</a> Мемлекеттің даму деңгейі ондағы халықтың тұрмыс сапасымен өлшенеді. Өйткені сол қоғамды құратын халық, әрбір отбасы. Отбасы шағын мемлекет дейтініміз сол. Енді елдің бүгінгі жай-күйіне келсек, анау айтарлықтай көштен қалыс емеспіз, дегенмен әлі де жұртшылықтың жағдайын жақсартуға, тұрмыс сапасын арттыруға, табыс деңгейін көтеруге жұмыс жасау керек.&nbsp;Мұндағы мақсат әлеуметтің әлеуетін арттыру. Халықтың әлеуметтік жағдайы күн санап жақсаруда.Қазіргі қоғамдағы өзекті мәселелердің бірі – жастарға лайықты жұмыс табу. Қазақстан Республикасының Ақпарат және қоғамдық даму министрлігі Мемлекеттік жастар саясатының 2023-2029 жылдарға арналған тұжырымдамасын іске асыру аясында жас түлектерді жұмысқа орналастыру және жастарды жұмыспен қамту бойынша республика көлемінде «Tulga bol» жастарды әлеуметтендіруге бағытталған жәрмеңкесі өтті. «Tulga bol» жастарды әлеуметтендіруге бағытталған жәрмеңкеге 100-ге жуық аудан тұрғындары келіп әр сала мамандарынан жұмысқа орналасу, жастар кәсіпкерлігі, білім, денсаулық салалары, жастарға арналған мемлекеттік бағдарламалар және тағы басқа да бағыттар бойынша кеңес алды.– Біздің жалпы мақсатымыз жұмыссыз жастардың санын азайту. Бұл жоба жастарды жұмыспен қамтамасыз етуге, кәсіпкерлік сияқты мемлекеттік бағдарламаларға қатысты тегін кеңес алуға көмектеседі. Жастарды қолдауға бағытталған бірегей мемлекеттік бағдарламалардың бірі «Жастар тәжірибесі». Бұл жоба 1 жылға дейін мамандық бойынша жұмыс тәжірибесінен өтуге және ай сайынғы кепілдендірілген төлемді алуға мүмкіндік береді. Тағы бір атап өтетіні, аталған жоба оқуын аяқтап, 3 жыл ішінде жұмысқа орналаса алмаған жастарға арналған. Олардың жасы 35-тен аспауы қажет деді, – аудандық жастар ресурстық орталығының директоры Нұржан Амандық.&nbsp;Айта кетейік, шараға аудандық білім бөлімі, жұмыспен қамту, әлеуметтік бағдарламалар және азаматтық хал актілерін тіркеу бөлімі, кәсіпкерлік, өнеркәсіп және туризм бөлімі, ауыл шаруашылығы және жер қатынастары бөлімі, аудандық аурухана, Жалағаш индустриалды-аграрлық колледжі, аудандық кітапхана және балалар кітапханасы, «Samgau» Қызылорда облысының жастар қоғамдық бірлестігі және «Азаматтарға арналған үкімет» МККЕАҚ Қызылорда облысы бойынша филиалы халыққа қызмет көрсету бойынша Жалағаш аудандық бөлімінің мамандары қатысып, жастардың көкейінде жүрген сауалдарын тыңдап, мемлекеттік бағдарламалар мен мүмкіндіктер жайлы кеңінен баяндады.

Жұмыссыздықты азайтудың бірден-бір жолы қандай?

<a href="https://kyzylorda-news.kz/">Kyzylorda-news.kz.</a>&nbsp; Қазалы ауданының мәдениет саласында Әуезовтер отбасылық ансамблінің орны ерекше. Аға мен інінің, әпке мен сіңлінің, абысындардың&nbsp; сызат түспеген сыйластығын, бір-біріне деген ерекше ілтипатын да осы отбасынан кезіктіруге болады. Домбыра мен қобызды, сазсырнай мен түрлі ұлттық аспаптарды меңгерген отбасылық ансамбльдің құрылғанына биыл 45 жыл толып отыр.Жалпы Әуезовтер ансамблін айтқанда оның негізін қалаған марқұм Махамбет Әуезов ойға оралады.Мәдениет саласының майталманы Махамбет Әуезов Сарыкөл ауылында дүниеге келген. Ашаршылық, қуғын-сүргін кезінде әкесі Әуез Қарақалпақстанның Тақтакөпір ауданына көшеді. Ержеткен Махамбет Нөкіс қаласындағы педагогикалық институттың тарих-филология факультетіне түседі. Жоғары оқу орнында жүріп, Мәскеудегі Чайковский атындағы мемлекеттік консерватория түлегі Александр Павлович Закаринкодан қосымша дәріс алған. Сонан соң Тақтакөпір ауданында орта мектепте ұстаздық етеді.«Туған жерге туыңды тік!» деген тәмсілді берік ұстанған ол араға біршама уақыт салып, 1957 жылы елге оралды. Қазалы ауданы Лақалы елді мекенінде сегізжылдық мектепте сурет, сызу және музыка пәндерінен сабақ берді. Өмірінің соңына дейін №87 орта мектепте мұғалім болды.Ауданның мәдениеті мен өнеріне белсенді араласып, скрипка, домбыра тартып, халыққа таныла бастады. Сегіз оқушыдан скрипкашылар ансамблін құрып, облыста бірінші орын алды.1967-1969 жылдары Қазалы ауданының ұлт аспаптары оркестрін басқарып, бірнеше мәрте жүлдегер атанған.Жары Жеңіс екеуі 3 қыз, 4 ұл тәрбиелеп өсіріп, олардың әрқайсысын музыкаға баулиды, 1975 жылы отбасылық ансамбль құрып, халық арасында құрметке ие бола бастады. Облыста, республикада отбасылық ансамбльдердің байқауларына қатысып, бірнеше рет лауреат атанды.Биыл осы ансамбльдің құрылғанына 45 жыл толуына орай Қазалы ауданындағы Р.Бағланова атындағы мәдениет орталығында күйші, қобызшы, музыкант Махамбет және Романқұл Әуезовтер атындағы «Қастерлеп жүрсін өнеріңді ұрпағың» атты республикалық дәстүрлі отбасылық ансамбльдер байқауы өтті.Байқауға Тараз, Атырау, Ақтөбе қалалары мен Арал, Шиелі, Сырдария аудандарынан келген халықтық отбасылық ансамбльдер қатысты.Келген қонақтар ең алдымен көрмемен танысты. Мұнан соң байқаудың ашылу салтанаты өтіп, көпшілікке қатысушы ансамбльдер таныстырылды. Басқосуды аудан әкімінің орынбасары Күнтілес Назымбеков ашып, қатысушыларға сәттілік тіледі.<blockquote>– Өздеріңізге мәлім, Сыр өңірі – таланттылар мен өнерлілерге бай өлке. Ел арасында «Жыр елі» аталып кеткен мекеннен талай шайырлар мен жыр дүлдүлдері түлеп ұшты.Қазалы ауданы мәдениетінің тарихы да салмақты. Осы қасиетті топырақта дүниеге келген өнерлі жандардың арасында күйші, қобызшы Махамбет және Романқұл Әуезовтердің шоқтығы биік. Киелі өнерді дәріптеп, қастерлей білген Әуезовтер отбасы – ауданымыздың мақтанышы.Бүгінде ата мұрасын өнерлі ұл-қыздары жалғастырып келеді. Отбасылық ансамбль әлі күнге дейін халыққа қызмет етуде. Оның құрамы әулеттегі өнерлі немерелермен толыққан.Төл өнердің дамуына үлес қосатын осындай отбасыларды насихаттау, олардың қатарын көбейту, ансамбльдер арасындағы шығармашылық байланысты дамыту мақсатында бүгінгідей ерекше байқау ұйымдастырылып отыр.Айтулы күні өңіріміздің мәдениеті мен өнерін өркендетудегі қызметтеріңіз үшін сіздерге шынайы алғысымды білдіремін.Ел мәдениетінің одан әрі гүлденуіне, өнеріміздің асқақтауына қызмет етіп, халқымызды шығармашылық табыстарыңызбен қуанта беріңіздер, – деді ол.</blockquote>Сонымен қатар Әуезовтер отбасына облыс әкімінің орынбасары Н.Сақтағановтың, аудан әкімі М.Оразбаевтың құттықтауын табыстады.Бұдан кейін көпшілік «Өнерімен өркендеген әулет» атты кітаптың тұсаукесерінің куәгері болып, ансамбльдердің өнерін тамашалады.Дарынды отбасылардың өнеріне Мәдениет саласының үздігі, күйші-қобызшы Арман Әуез, Мәдениет қайраткері Сәукен Әліш, Қазанғап атындағы жоғары музыкалық колледжінің оқытушысы Төлеген Каденов, Шымкент саз колледжінің ұстазы Космонавт Аюбаев және білім саласының ардагері, «Атамұра» халықтық ардагерлер ансамблінің сүйемелдеушісі, дирижер, қобызшы Ерпазыл Жүсіп қазылық етті.

Өнерді өркендеткен отбасы

<a href="https://kyzylorda-news.kz/">Kyzylorda-news.kz.</a> Ауданның білім саласы көштен қалыс емес. Жыл сайын жоғары дәрежеден көрініп, ҰБТ-дан ойдағыдай көрсеткішке қол жеткізіп келеміз. Оның бәрі ұстаздардың қажырлы еңбегі мен түлектердің талабының арқасы. Енді биылғы ұлттық сынамадан да әр түлек сүрінбей өтіп, ұстаздарының еңбегін ақтап, аудан мерейін асырады деп сенеміз. Сіздердің алдағы өмірлеріңізге сәттілік тілей отырып, жарқын болашаққа қадам баса беріңіздер деемекпіз, – деді аудан басшысы.Расымен, ауданымыз Ұлттық бірыңғай тестілеуде жыл сайын абыройымызды арттырып, мерейімізді асырып келеді. Жыл сайын ҰБТ қорытындысымен алдыңғы қатардан көрініп жүрген ауданымыз білімді, бәсекеге қабілетті жастарды түлетуде көпке үлгі боларлықтай. Ал биылғы оқу жылында 356 бітірушінің 333-і ҰБТ-ге қатысады. «Алтын белгі» &nbsp;17 және «Үздік аттестатқа» &nbsp;42 &nbsp;бітіруші үміткер. Бітіруші түлектердің алдында үлкен білім сынағы тұр. Биылғы оқу жылында да мемлекет тарапынан 11 сынып оқушыларына Ұлттық бірыңғай тестілеуге екі рет қатысуға мүмкіндік беріліп отыр.&nbsp;Аудан әкімі Асқарбек Есжанов Әл-Фараби атындағы №201 мектеп-лицейдегі мектеп бітіру кешіне қатысып, жас түлектерді құттықтады. 2022-2023 оқу жылын сәтті қорытындылаған түлектерге аудан әкімі аттестат табыстап, ұлттық бірыңғай тестілеуден жоғары балл жинаған үздік оқушыларға «Алтын белгі» тақты.– Ел Президенті «Адамзатты терең ойға, кемел білім жетелейді» деп атап өткендей, ХХІ ғасыр – білім мен ғылым ғасыры. Білімді, білікті мамандары көп ел ғана мықты мемлекет бола алады. Міне, осы бағытта мектеп-лицейде атқарылып жатқан игі істерге сәттілік тілеймін. Мектеп оқушылары білім, спорт, өнер сайыстарына белсене қатысып, мектеп абыройын биікке көтеруде. Бұл білім ордасы алдағы уақытта өзінің биіктігін әлі де мойындатады деп сенемін, – деді аудан әкімі.Жас талапкерлерге сәттілік тілеген Асқарбек Есжанов ауданымызда да болашақтың тірегі жастардың толыққанды білім алуына жан-жақты жағдай жасалып, білім беру сапасы жылдан-жылға артып келе жатқанын айтты. Ауданның білім беру жүйесін қаржыландыру биыл 14 млрд 932 млн теңгені құрап, осыдан бес жыл бұрын аталған салаға бөлінген қаржы көлемінен 6 млрд теңгеге ұлғайғанын жеткізді. Оқушылардың игілігі үшін Жалағаш кентінен оқушылар үйі мен өнер мектебінің жаңа ғимараты пайдалануға берілді.&nbsp;Айта кетейік, 2022-2023 оқу жылында Жалағаш ауданы бойынша 356 оқушы алтын ұя мектебімен қоштасуда. Оның ішінде 333 оқушы ұлттық бірыңғай тестілеуге қатысты. Аудан бойынша 17 оқушы «Алтын белгіге» аяқтап, 42 оқушы «Үздік аттестат» иеленуде. Оның ішінде Әл-Фараби атындағы №201 мектеп-лицейдің 2 бітірушісі «Алтын белгі», 3 бітірушісі «Үздік аттестат» иеленді.

Қазақстан және Қызылорда облысының жаңалықтары