<a href="https://kyzylorda-news.kz/">Kyzylorda-news.kz</a> «Шебердің қолы алтын» деген қазақта керемет тәмсіл бар. Қазақ халқы қашанда мәдениетімен ерекшеленген. Өнерді биік қойған халықпыз. Әр өнердің өзіндік бір өзгеше сыры болады. Қолөнердің өнердегі алатын маңызы орасан. Ата жолын ардақтап, келер ұрпаққа өнеге беріп отырған қолөнершілердің еңбегін жоққа шығара алмаймыз. Ата-бабалардан сақталған мұраны жалғастырып келе жатқан қолөнер шеберлеріміздің бары шексіз қуантады. Солардың бірі шиелілік – Қорлан Елтаева. Ибалы келін, адал жар, аяулы ана болып отырған кейіпкеріміздің өрнекті туындылары көздің жауын алады. &nbsp;2003-2007 жылдар аралығында Қорқыт ата атындағы Қызылорда мемлекеттік университетінде еңбек технологиясы және кәсіпкерлік мамандығы бойынша білім алады.Жастайынан әшекей бұйымдарға, әдемі кестеленген ою-өрнектерге қатты қызыққан. Қолөнерге деген икемі анасы Орынкүлден дарыған.<blockquote>– Кішкентай кезімде анамның жасаған ою-өрнектеріне, тоқыған тоқымаларына сүйсініп қарайтынмын. Сол мезеттен бастап, ине-жіпті серік ете бастадым. Менің бұл жолды таңдауыма анам мен әкем ықпал етті. Ол кісілерге өз ризашылығымды білдіргім келеді. Себебі олар менің қолөнерге бейімділігімді байқап, менен зор үміт күтті. Сондай-ақ осы саланың сырлы екенін ұғындырып демеу көрсетті, – дейді.</blockquote>Осы тұста «Әке көрген оқ жонар, ана көрген тон пішер» деген мақал-мәтел есіме түсіп отыр. Анасынан алған үлгі-өнегені Қорлан Нұрмаханқызы өзіңнің қыздарына да көрсетіп, тәрбиелеп жүр. Ерте кезден-ақ қазақ халқының асыл аналары қыздарыңа қалай ине-жіпті ұстау керек, қалай ұршық иіріп, кілем тоқу керек екенін үйреткен. Мінекей, соның бір парасын кейіпкерімізден көріп отырғандаймыз.Еңбегінің нәтижесі оған тек жетістіктер әкелді. Көптеген көрмеге мен фестивальге қатысып, бірнеше мәрте Алғыс хаттар мен Құрмет грамоталарымен марапатталған.Адам белгілі бір істі бастағанда оны тек өзі үшін ғана емес, халық үшін де жасайды. Көрген адамдар оның бастаған ісің көріп, жоғары бағаласа нұр үстіне нұр болып, жұмысы алға басатыны анық. Одан сайын шабыттанып, алға қарай қадам басады.Бір қызығы, Қорланның жасаған қолөнер туындыларын көрген достары, ­таныстары еңбегін көріп қатты қызығып, тамашалайды екен. Тіпті оларға өз қолыңнан әшекей бұйымдар жасап береді. Олардың ыстық ықыласы оған шабыт сыйлайтын көрінеді. Сол себептен болар, ою-өрнектері, суретті гобелен кілемдері, әшекей бұйымдары сәтті болып шығатыны.Әсілінде, қыз баласы әсемдікке, әдемілікке жақын болады емес пе? Сондай әсемдікті біз Қ.Нұрмаханқызы шығармашылығынан көре алдық. Әңгіме түйінінде алдағы жоспарларын айтып, қолөнер қыз-балаларға керек өнер екенін түсіндірді.

Қолөнер шебері Қорлан

<a href="https://kyzylorda-news.kz/">Kyzylorda-news.kz</a> Базар мен дүкендерде келісі 80 теңгеден басталады, деп хабарлайды&nbsp;<a href="https://24.kz/kz/zha-aly-tar/ekonomika/item/644291-yzylordada-piyaz-3-ese-arzandady">24KZ.&nbsp;&nbsp;</a>&nbsp;Ал азық-түлікті тұрақтандыру қорының әлеуметтік сауда нүктелерінде 30 теңгеден сатылып жатыр. Себебі қазан айынан бері қоймада сақталған пияз күн күрт жылыған кезде бұзылып кетуі мүмкін. Былтыр 120 тонна көкөніс жарамсыз болып, қоқысқа тасталды. Қазір тұрақтандыру қорында 400 тоннаға жуық пияз қалған.&nbsp;<blockquote>- Аудандар өзінің жол көліктерінің шығынын есептегенде 45-50 теңгеге барып қалуы мүмкін. Ал қала бойынша барлық нүктесінде, сауда үйлерінде, базарларда 30 теңгеден өзімізге тиісті әлеуметтік магазиндер арқылы сатып жатырмыз. Күніне осы тұрақтандыру қорының өзінен 3 тоннаға дейін жуа шығады, – деді тұрақтандыру қорының басқарма басшысы&nbsp;Мейрамбек Серікбай. &nbsp;</blockquote>Фото: Нұрболат Нұржаубай

Қызылордада пияз 3 есе арзандады

<a href="https://kyzylorda-news.kz/">Kyzylorda-news.kz</a> Күрес – күш жетілдіретін спорт түрі. Ұлттық спорт «қазақ күресінің» дамуы қазақ халқының тамыры тереңнен тартылатын тарихымен астасып жатыр. Бозкілемнің белді балуаны, облысымыздың мақтанышы, 2011 жылғы «Жас Барыс» республикалық турнирінің жеңімпазы, Дүниежүзілік көшпенділер ойынының 2016 жылғы күміс жүлдегері, 2017 жылғы «Қазақстан Барысы» Еламан Ерғалиев ұлттық спортты дәріптеп жүр. Осы орайда балуанның өміріндегі жаңалықтармен танысып, емен-жарқын сұхбат құрған болатынбыз.– «Қазақстан Барысы» атанған Еламан қазір қайда жүр?<blockquote>– Бүгінде дзюдодан ұлттық құрама сапындамын. Былтыр қараша айында дзюдодан өткен ел чемпионатында 100-ден ауыр салмақ дәрежесінде І орын иелендім. Бүгінде Алматы қаласында оқу жаттығу жиыны өткізілуде, дайындық үстіндеміз.</blockquote>–&nbsp;2017 жылы «Әскер Барысы» сайысында жеңімпаз атанғаныңыздан хабардармыз. Сонда әскери салада да қызмет етесіз бе?<blockquote>– Иә, «Қазақстан Барысына» «Әскер барысының» атынан шыққан едім. Енді, сол жылы толық әскери қызметкер болған жоқпын, бірақ әскер қатарына жұмыспен тіркелдім. Қызылорда облысының атынан қатыстым. Мақсат Исағабылов, Нұрым Сәлімгереев, Айбек Серікбаев сияқты мықты, белді балуандар болғандықтан, маған сол жақтан ұсыныс түсті. Балуандар сайысында Алла бұйыртып, «Әскер Барысы» және «Қазақстан Барысы» атандым.</blockquote>–&nbsp;Биыл елімізде «Дүниежүзілік көшпенділер ойыны» өтеді. Қазақ күресі бойынша қатысуыңыз мүмкін бе? Жалпы алдағы уақытта сізді қандай спорттық додалардан көре аламыз?<blockquote>– Иә биыл, алғаш рет елімізде көшпенділер ойыны болғалы жатыр. Біріншіден, сайыстың елі­мізде өтетініне қуаныштымын. Мен бұл жарысқа 2016 жылы Қырғызстанда қатысқаным бар. Ол кезде финалда орыс балуанына есе жіберіп, күміс жүлде иелендім. Бірақ биылғы жарысқа қатысамын деп айта алмаймын. Себебі арнайы чемпионатта жеңіске жетіп, іріктелген осы сайысқа белгіленген балуандар бар, солар күресуі керек деген ойдамын. Жалпы қазіргі жоспарым дзюдо күресінің төңірегінде. Олимпиадаға қатысуға мүмкіндік беретін жарыстарда бақ сынап, шетелде және Қазақстанда өтетін дайындық кезінде өзімді шыңдаудамын. «Қазақстан Барысы» сайысы жақындағанда екі күрес түрін қатар алып жүремін. Сәуір айының аяғында Тәжікстан астанасы Душанбеде өтетін жарысқа қатысамын. Алға қойған жоспар әзірге осы.</blockquote>–&nbsp;Еліміздегі қазақ күресінің қазіргі даму деңгейі, спортшыларды қолдау туралы не айтасыз?<blockquote>– Еліміздегі қазақ күресі жақсы дамып келе жатыр деп толық айта аламын. Аллаға шүкір, мемлекет тарапынан да бүкіл жағдай жасалып жатыр. Материалдық та, рухани жағынан да қолдау жақсы. Күресем деген адамға шектеу жоқ. Кез келген спорт түрінен еңбек етем, спортпен айналысам деген адамға қолдау жоғары. Жалақы көлемі де артты. Ел ішіндегі, шетелдегі жарыстарға шығуда да қиындық жоқ. Спортшыларды өте жоғарғы деңгейде қолдап жатыр. Тек бізден керегі – нәтиже. Көк туымызды желбіретсек, мемлекеттен көрсетілер қолдаудың деңгейі жоғары.</blockquote>–&nbsp;Мықты спортшының жетістігі тынымсыз еңбек пен жаттықтырушыға байланысты. Бапкеріңіз туралы да білгіміз келеді?<blockquote>– Мықты спортшы болу үшін ең алдымен – еңбек, одан бұрын – тәртіп керек деп айтқым келеді. Қайтпас қайсарлық, маңдай тер, жеңіске деген ынта болу керек деп ойлаймын. Осылар болмаса жақсы нәтижеге жету қиын. Қазіргі уақытта менің жеке бапкерім – Қален Қалиұлы. Қызылорда қаласында дзюдодан жаттықтырушы. Бүгінгі таңда менен бөлек 3 спортшысы толықтай Олимпиадаға үміткер. Алла қаласа Париж Олимпиадасына барғалы отырмыз. Осындай құрамада еңбек етіп жатқаныма қуаныштымын. Спортта табандылық, тәртіп және еңбекқорлық керек деп ойлаймын.</blockquote>–&nbsp;Сұхбатыңыз үшін рақмет!&nbsp;Фото: www.facebook.com/Qazaqkuresikz

Еламан Ерғалиев: Париж Олимпиадасында бақ сынамақпын

<a href="https://kyzylorda-news.kz/">Kyzylorda-news.kz</a> Соңғы жылдары «Мия» тамырын шетелге арзан бағада саудалайтын саудагерлердің қатары азаймай тұр. Теп-тегіс жатқан жерді қопарып, мия тамырын саудалап жатқандарға тоқтау салмаса 4-5 жыл көлемінде мияның тамыры қалмайтын түрі бар. Бұрындары егістік алқабы болған жерді қопарып, сол жердің бәрін ойлы-қырлы төмпешікке айналдырып тастаған. Мұны көргенде кеудеңді зіл, көңілді мұң басады.Пайдасын біле тұра, пайдаланбас...Сыр бойында жыңғыл, жиде, тораңғыл, сексеуіл, қарабарақ бұта тектес өсімдіктермен қатар, жанға шипа, дертке дауа шөп тектес өсімдіктердің де көптеген түрлері кездеседі. Ботаника ғылымында «Миялар» жүйесіне, «ASTRAGAL» сыныбына енген бірнеше түрлері де бар. Біз айтқалы отырған қызыл мияның тамыры сонау ықылым заманда жергілікті халық шипалы қасиетін біліп, дәрі-дәрмек ретінде пайдаланған. Уақыт өте өндіріске мәдени өсімдік ретінде кірмегендіктен күтімсіз, қараусыз қалған. Соның салдарынан мия тамыры жойылып кету қауіпі алдында тұр. Ал қызыл мия тамырының адам ағзасы үшін пайдасы орасан зор. Мия тамырының қолқа демікпесін емдеуде алатын орны ерекше. Пісіп жетілген дәні, тәтті дәмі жағымды келеді. Дененің ыстығын басып, ағзадағы зат алмасу процесін ретке келтіріп, бойды сергітіп, ойды жетілдіреді. Көк бауырды күшейтіп, ағзаны әлдендіреді. Қызыл мия тамырының тұнбасы өкпені қышқылдандырып, жөтелді басады. Ентікпе ауруына бірден-бір ем. Кеудені босатып, қақырықты түсіреді. Өкпенің сырылын басады. Сонымен бірге мия тамырынан жасалған өнімдердің тағы бір артықшылығы, қант диабетіне шалдыққандар үшін өте пайдалы. Ең алдымен қанттың орнын алмастырып, емдік қасиетімен ерекшеленеді. Қызыл мия онкологиялық ауруларды емдеуде, әсіресе химия курстарынан кейін өте маңызды болатын онкологиялық жасушалардың өсуін тежейді. Сондай-ақ күрделі жинақтардағы мия тамырын қуықалды без аденомасы, бүйрек және зәр шығару жолдарының аурулары, асқазан-ішек жолдарының аурулары, омыртқа мен буын аурулары, артрит, ревматизм, коксарттроз, омыртқа және басқа буындардағы диск жарығын, остеохондроз, онкологияда қолданатын сәулелік терапиядан кейін және ағза радиацияның әсеріне ұшыраған кезде қолданады. Жалпы айтқанда, мия тамырынан мыңнан астам пайдалы өнім жасауға болады. Дертке дауа болатын мия тамырының қадірін біздің медицина саласы мен алып сатарлар қадірін біліп жүр ме?Шетелдіктер неге құмартып отыр?Германияда мия тамырынан жақпа майлардың 20-30 пайызы жасалады. Тибетте мия тамырын «ұзақ өмір сүрудің сиқырлы тамыры» деп атап, жастық реңді сақтау үшін қайнатып ішеді. Ал Қытайда мия тамырының адамды жасартатын қасиеті 3 мың жыл бұрын дәлелденген. Бұл елдің дәстүрлі медицинасында мия тамырынсыз бірде-бір дәрі жасалмайды. Тамақ дәмдеуіш қоспаларға да мия тамыры қосылады. Қытай билігі 2008 жылдан бастап мия тамырын баж салығынсыз тасымалдауға рұқсат берген. Яғни, Қытай миядан 70-80 пайызға дейін пайдалы заттарды өндіріп алады. Ал косметологияда көш бастап отырған кәріс халқы да мия тамырларын күнделікті қолданушылардың қатарына жатады. Алайда шикізат тапшылығы салдарынан мияны бүгінде қолдан өсіруге көшкен. Бір кездері нарықты жаулап алған лакричные конфеті де мия тамырынан жасалған. Дәмі тіл үйіретін бұл тәттілерді Финляндия, Норвегия, Дания, АҚШ мемлекеттері экспорттап, зор байлыққа кенелуде.Тіпті, мия тамыры темірдің қуатын күшейтуге, тоқыма өнеркәсібінде де қолданылды. Қазір газдалған тәтті сусындардың денсаулыққа зиян екені жиі айтылуда. Бұл сусындардың құрамына қант қоспай-ақ, мия тамыры арқылы емдік қасиетін күшейтуге болады. Тәттілігі жағынан бұл өсімдік қанттан 50 есеге артық екенін қараша халық әлдеқашан дәлелдеп қойған. Сонымен қатар дүниежүзілік фауна, флора қорғау қауымдастығы қызыл мия­ны «Қызыл кітапқа» енгізілуге жатады деп мақұлдаған.Байлықты бағалай білдік пе?Иә, қолда бар алтынның қадірін білменгенге құт қонбайтыны белгілі. Біздің ел шикізат пен өсімдікке бай. Ал сол байлыққа көз тігіп отырған алпауыт мемлекеттер арыстандай ақырып, аш қасқырдай ұлып, жеріміздегі байлыққа көз тігіп отыр. Жасыратыны жоқ, елге, жерге жаны ашымайтын саудагерлер мия тамырын жасырын саудалап, істі болып жатқандары да бар. Байлықтың өзін білмей, аз ғана ақшаға үлкен байлықты айырбастап жатқан жандардың санасы таяз болса, оларға заң жүзіндегі таяқтың ұшын көрсету керек шығар бәлкім. Бір ғана мия тамыры, жайылымдық жердің жетіспеушілігіне алып келуде. Бүгінде жайылымдық жерден сән кеткенін көз көріп, жер дауына ұласқан мәселені жиі естіп жүрміз. Қарапайым қараша халық бұл мәселеге селсоқ қараған әкімшілікке базынасын айтады. Дұрыс-ақ. Бірақ жан-жақтан жұлмалап жатқан жұртшылыққа бір әкімшілік пен жергілікті полиция бөлімінің қауқары жете бермейді. Сондықтан бұл мәселемен ел болып, жұрт болып күресу қажет-ақ.Иә, біз қозғап отырған мәселе төңірегінде өткен жылдары ақын Жүрсін Ерман мен белгілі журналист Нұртөре Жүсіп Министрлікке хат жолдап, бос жатқан жерлердегі дәрілік өсімдіктердің елге тигізер қыруар пайдасына жан-жақты тоқталып өткен еді.<blockquote>– «...Қазiргi таңда қазақ жерiнде бос жатқан жерге бiржақты қарау үстем болып отыр. Сол бос жатқан жерде неше түрлi емдiк және дәрiлiк өсiмдiктер бар. Бiр ғана мия өсiмдiгi соңғы бiрнеше жылда түп-тамырымен қопарылып, Қытайға сатылып келеді. Қытай әлемдiк фармацевтика саласында ұлы төңкерiс жасап жатыр. Ненiң есебiнен? Негiзiнен, Қазақстан, Моңғолия секiлдi елдердiң табиғи дәрумендерге бай дәрiлiк өсiмдiктері есебiнен. Қазақстанның дәрiлiк өсiмдiктерiнiң есебiн алып, оны көздiң қарашығындай сақтап отырған отандық фармацевтикада оларды пайдаланып, табиғи байлығымызды дұрыстап игерудiң кешендi бағдарламасы бар ма? Егер осы сала дұрыс жолға қойылса, милл­лион гектарлап егiн екпей-ақ, Қазақстан экономикасына миллиардтаған табыс әкелуге болар едi ғой?!... Тиiстi мамандардан сарапшылар тобын жасап, Парламентке дәрiлiк өсiмдiктердi қорғау жөнінде заң жобасын ұсыну қажет деп бiлемiз», делінген болатын.</blockquote><blockquote>– Ауылда күнделікті мия теруге шығамын. Күніне 5-10 мың теңге ақша аламын. Азаннан бастап, күннің көзі ұясына батқанша жұмыс істейміз. Кешке дейін 600-700 бау мия тамырын жинап қоямыз. Кешкісін көліктеріне тиеп береміз. Аз ғана ақшаға қанша жердің сәнін қашырып жүргеніміз мені де қынжылтады. Қазір мия теру жұмысын тоқтаттым. Жердің миын шығарып, Жер-Ананы аялай білмегеннен ешқандай үміт жоқ екенін аңғардым. Содан бері өзімнің жеке кәсібімді ашып, тұрғылықты жұмысыммен айналысып келемін, – дейді шиелілік тұрғын Дәурен Үсен.</blockquote>Қателеспесеек, мия тамырының 1 келісі 200 теңгеден саудаланып жатыр. 1 тонна мия тамыры не бәрі 200 мың теңге. Ал бір күнде 15-20 адамды жинап, екі техниканы жалдап, жердің миын шығарып, мия теретіндердің бұл бизнесіне тоқтау салатын кез келген тәрізді. Бұл мәселеге жұмыла кірісіп, «Жер-Ананы аялайық» акциясын қолға алу қажет секілді. Қолда бар байлықты бағамдап, соны қорғай білсек, соның өзі бізге құт болып, қолға түсер пұл болар еді.

Дәурен Үсен: Мия іздеп, жердің миын шығарғым келмейді

<a href="https://kyzylorda-news.kz/">Kyzylorda-news.kz</a> Түркістан облысында мектептегі мұғалімдер оқушылардың көзінше жаға жыртыспақ болды. Педагогтер арасындағы жанжал Мақтарал ауданындағы білім ошағында болған. Бұл туралы<a href="https://stan.kz/turkistan-oblisinda-mygalimder-okushilardin-kozinshe-zh-397562/"> Stan.kz</a> ақпарат агенттігі &nbsp;хабарлайды.Желіде тараған видеода мұғалімдер арасындағы дау-дамайдың ұл-қыздардың сабаққа ұлттық киім киіп келгенінен басталғаны айтылған.Педагогтер өз араларындағы түсініспеушілікті осылайша шәкірттерінің алдында шешпек болған. Мәселені оқушылар алдында айтқан мұғалімдер соңында бірін бірі желкелеуге көшкен.Кадрлардан педагогтардың төбелесуден тайынбай тұрғанын байқауға болады. Видеода ұстаздардың бірі оқушылардың ұлттық киіммен отыруына қарсы болды деп өзге әріптесін кінәлайды. Аталған жағдайға қатысты Түркістан облысының білім басқармасы комиссия құрып, тексерісті бастады. Әзірге білім ошағындағы дауға нақты не себеп және оқиғаны қашан болғаны белгісіз."Қазіргі таңда жан-жақты зерделеу үшін Түркістан облысының білім басқармасы мен білім сапасын қамтамасыз ету департамент өкілдерінен тұратын арнайы комиссия құрылды. Тексеру нәтижелері бойынша ҚР қолданыстағы заңнамасы аясында тиісті шаралар қабылданады. Мектеп оқушысына психологтар көмегі көрсетілді", – деді Түркістан облысы білім басқармасы басшысының орынбасары Айгүл Қасымбекова.Айта кетейік, бұған дейін&nbsp;Ақмола облысында бұрынғы мұғалім&nbsp;синтетикалық есірткінің ірі партиясымен ұсталғаны туралы жазған едік.&nbsp;Әйел Солтүстік Қазақстан облысындағы ауылдық мектептердің бірінде 10 жыл мұғалім болып жұмыс істеген, бірақ бірнеше жыл бұрын жұмысын тастап, есірткі қолдана бастаған екен.&nbsp;Фото: Видеодан алынған<figure class="media"><div data-oembed-url="https://youtu.be/Im0guiVDx30"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/Im0guiVDx30" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>

Мұғалім мен оқушының жанжалы киім үлгісіне байланысты туған ба?

<a href="https://kyzylorda-news.kz/">Kyzylorda-news.kz</a>&nbsp;Апта ағымында аудандық мәдениет үйінде «Адал адам» жобасының «Жанұя шуағы» бағыты бойынша «Бақытты жас отау» тақырыбында жас отбасылармен кездесу кеші өткізілген болатын. Кешке жыл басынан бері отау құрып, шаңырақ көтерген жас отбасы мүшелері шақырылды.&nbsp;&nbsp;Тағылымы мол кешті ашқан Сырдария аудандық азаматтық хал актілерін тіркеу бөлімінің директоры Салтанат Бекжүнісова&nbsp;жастарды қуаныштарымен құттықтады.&nbsp;<blockquote>– Бүгінде жас отау иелерін шаңырақ көтерген мерейлі сәттерімен шын жүректен құттықтаймын! Бүгін жас отбасылардың некесін қиып, үлкен өмірге қадам басуына тілектестік білдіреміз. Шын мәнінде, өмірде қол ұстасып бірге жүретін жастар көптеген сынақтан өтері анық. Осындай сәтте қиындықтан мүдірмей ақылмен шешім қабылдағаны дұрыс. Әрине, отбасында шағын мемлекеттің іргесін қалауда жастар татулықты, ізгілікті, жарасымдылықты басты ұстанымдарына айналдырса дейміз. Жастарға үлкен аға-апаларымыздың жолын берсін, – деді Салтанат Жанұзаққызы.&nbsp;</blockquote>Бұл ретте, Сырдария аудандық азаматтық хал актілерін тіркеу бөлімінің мамандары&nbsp;Назарбай Меңдіғалиев пен Арайлым Бисенбаева және Нұрдәулет Дайрабаев пен Инабат Бүркіттің некесін салтанатты түрде қиды. Сонымен қатар жас отау иелері Балтабай Ордабеков мен Ләззат Қонысбекова, Мақсат Амажолов пен Ақниет Құлсейітке ұйымдастырушылар тарапынан ерекше ілтипат көрсетілді.&nbsp;Өнегеге толы, жастарға берері мол кеште аудандық мәдениет үйінің өнерпаз әннен шашу шашты. &nbsp;

Сырдариялық жас отбасылармен кездесу кеші өтті

<a href="https://kyzylorda-news.kz/">Kyzylorda-news.kz</a>&nbsp; Көгілдір отынды тұтынған жергілікті халық біршама бейнеттен арылғаны мәлім. От жағып, күл шығырудан босаған табиғи газды тұтынушы қытымыр қыстан қиналмай шығуда. Қысы-жазы әрбір үйге газдың кедергісіз келуіне себепкер атанып отырған сала маманының еңбегі орасан. Бұрнағы күні редакцияға «Интер Газ Центральная Азия» мекемесіне қарасты АГРС «Тереңөзек» стансасының опереторы Алмат Нұрұшев бас сұққан болатын. Өз кезегінде Сырдария және Жалағаш ауданына көгілдір отынды жеткізумен айналысатын арнаулы өкілдіктің маманымен аз-кем пікірлесудің сәті түсті. Жалпы, аудан аумағында газ тарату жүйесімен қос мекеме айналысады. «Қызылорда газ тарату жүйесі» КМК көгілдір отынды пайдаланудағы қауіпсіздікті қамтамасыз етсе,&nbsp;АГРС «Тереңөзек» стансасы аудан орталығына табиғи газды жеткізумен айналысады. Құрамында 7 қызметкер бар мекеменің бөлініске сай жүргізілетін өзіндік міндеттемесі бар. Негізінен, күн райына қарамастан, тәулік бойы дамылсыз еңбек ететін әрбір маман газдың қысымын бақылап, апаттық жағдайдың орын алмауын назардан тыс шығармайды. Жүктелген жұмысты мүлтіксіз орындауға тырысатын&nbsp;Нұржан Сұлтанов, Әділет Есназаров, Серікбол Биболатұлы, Медет Шитманов, Фархад Қиықбаев, Ерәділ Тілеуов барынша ыждағаттылық танытады. Аңғарусыз қалған іс-әрекеттің арты – шығыны зор апатқа ұшыратуы мүмкін. Сондықтан тиянақтыпен жасалған жұмысқа&nbsp; мүдделі іргелі ұжым тұр. – Ең алғаш Тереңөзек кенті табиғи газға қосылғанда жергілікті жұртшылықтың қуанышында шек болмады. 2020 жылы АГРС «Тереңөзек» стансасы ретінде ашылған мекеменің негізгі қызметін көпшілік біле бермейді. Аудан орталығынан шеткері, яғни тоғайда орналасқан газ құбырлары біздің ұдайы бақылауымызда болады. Жаңабыр және қарлы, боран күндерде де, тұтынушы үшін қызметіміз тоқтамайды. Айта кетейік, АГРС «Тереңөзек» стансасына желілік құбыр арқылы 100 келі қысыммен газ келеді. Осы орайда, мамандар жоғары қысыммен келген газды Жалағаш және Сырдария ауданына белгіленген мөлшерде түсіріп, орталық жіберуді ұйымдастырамыз. Бір жағынан денсаулыққа кері әсерін тигізетін көгілдір отынның қақ ортасында жүреміз. Сонымен қатар тұтынушылар&nbsp; тұрғын үйлерінен газ&nbsp; иісі шығып, ақау барын білуі мақсатында одарантты табиғи газға қосамыз. Дер кезінде орын алған апатты жойып, газдың берілуін тоқтпатпаймыз. Жауапкершілікті сезіну арқылы ел алғысына бөлене бермекпіз, – дейді АГРС «Тереңөзек» стансасының опереторы Алмат Нұрұшев. Арнаулы мекеменің мамандары көзбен көретін қиындық атаулысы жеткілікті. Ең тоғайда құбыр жағалап, дамыл таппайтын олардың еңбегі ерен. Анығын айтқанда, сықырлаған аязды күні жылы үйде қаннен-қаперсіз жүру – сала мамандарының&nbsp; арқасы екенін білген жөн.&nbsp;&nbsp;

Сырдария ауданының аумағында газ тарату жүйесімен қос мекеме айналысады

<a href="https://kyzylorda-news.kz/">Kyzylorda-news.kz</a> &nbsp;Бүгінде ізденісті қалайтын, дамушы орта іздейтін арулар үшін үлкен мүмкіндіктер бар.&nbsp;Соның бірі – облыс орталығындағы “Аяулым” орталығы.<h2 style="margin-left:0cm;text-align:justify;">Көңілі тыныш әйел – отбасының берекесі</h2>Осыдан бір жыл бұрын «Аяулым» орталығын ашудың да негізгі мақсаты қыз-келіншектерді дамыту, білімді арулардың басын қосу болатын. Құрбылардың идеясынан туындаған эстетикаға толы орта білімді де іскер нәзік жандардың алаңына айналды.<blockquote>– Әйел адамның көңілі тыныш болса, үйге береке кіретіні рас. Бір бойынан нәзіктік пен даналық, батылдық пен төзімділік табылатын ару аналар – әдеміліктің символы. Бірақ сұлулық та күтімді қажет етеді. Әйел әдемі болу үшін әрдайым өзіне уақыт табуы керек. «Айналадан хабарсыз», білім алу мен ізденісті ұмытқан, табиғаттың таңғажайыбына тамсануды тоқтатқан әйелден жақсы мінез, жайдары көңіл күту қиын. Сондықтан арулардың жанын жадырататын сүйікті ісі, ой бөлісетін ортасы болса деген ниетпен «Аяулым» орталығын ашу туралы идеяны іске асырдық, – деді орталықтың басшысы Гүлбаршын Әлсерікова.</blockquote>Бүгінде орталықта сурет салуға арналған арт- терапия, әйел денсаулығын жақсартуға арналған кеңес беру тренингтері, қолөнер бұйымдарын жасау, жаңа кәсіп түрін үйрену, қаржылық сауаттылық бойынша курстар ұйымдастырылады. Ал алдағы уақытта кітап оқуды ұнататындар үшін оқырмандар клубы ашылмақ.Орталық келушілердің сұранысына орай арнайы мамандарды қонаққа шақырады. Айталық, халықаралық әйелдер күні қарсаңында флористер гүл композициясын жасау бойынша шеберлік сабағын өткізді. Жайлы атмосфера, нәзік гүлдердің ортасында қыз-келіншектердің қалай қуанғанын көрсеңіз… Бұл жиынға облыс орталығынан бөлек, аудандардан арнайы келген келіншектер бар екен. Тіпті кейбірінің 4-5 баласы бар. Соншама жол жүріп, келудегі мақсат не деп ойлайсыз? Әрине, әйелдердің іздегені – әдемілік пен ой бөлісетін орта, көңілдің тыныштығы.Нәзік жандардың мұнда келуінің бір себебі – жаңа білім алу, кәсіп түрін үйрену. Көбіне ер азаматтардың жұмыс істеп, әйелдердің бірнеше жыл үйде отыруы мамандығынан қол үзуіне әкеледі. Мұндайда кейбір ер адамдардың әйеліне «сен үйде отырып не білесің, сенімен қалай әңгімелесем?» деп тәкаппарланатыны бар. Сондықтан әйелдердің жасына, жағдайға қарамастан жаңа білім алуы қай кезде де актуальды.<h2 style="margin-left:0cm;text-align:justify;">Психосоматика – ішкі жандүниеміздің айнасы</h2>«Аяулымда» уақытты тиімді өткізу, білім алудан бөлек психологпен сөйлесу мақсатында келетіндер де бар.&nbsp;Орталық басшысы Гүлбаршын Құрбанғалиқызы қазақ қыздарының көбі өз ойын толық жеткізе алмайтынын, психологқа келуді ұят санайтынын айтты.<blockquote>– Негізгі мамандығым ауылшаруашылығы, экономика-бизнес саласына байланысты болғандықтан, аудан, облыс әкімдігінде бірнеше жыл қызмет атқардым. Ал тұрмысқа шыққаннан кейін Варшавадағы жоғары оқу орнына психология бойынша оқу түстім.</blockquote>Психосоматика да осы салаға ұқсас болғанымен, зерттеу бағыттары әр түрлі. Бұл сала аурудың негізгі туындау себептерін анықтайды. Адамның өз өмірінде болып жатқан жағдайды қабылдамауы, күйзеліс, уайымы ауру түрінде белгі береді. Өзім студент кезде аллергияға бейім болдым. Психосоматика саласында білім алу арқылы басқа адамның болмысын қабылдай алмауы аллергияға әкелетінін түсіндім. Түпкі көзқарасымды өзгерту арқылы ғана аллергиядан айыға бастадым. Сондай-ақ бірнеше жыл құлақ ауруынан да қиналғаным бар. Алматыда ота жасатып, дәрігерлер «сенде бәрі жақсы» дегенмен, құлақ ауруы қоймады. Кейінірек мұның басты себебі өз ішімде екенін түсіндім. Бұл ьсаланы тереңірек зерттегеннен кейін басқаларға да көмектесу керек деген шешімге келдім, – деді ол.Бүгінде психосоматолог қыз-келіншектермен әңгімелесу арқылы аурудың туындау себебін анықтауға көмектеседі. Себебі ұзаққа созылған дерттің қозғаушы күші стресс болуы мүмкін.«Аяулымға» қайта оралсақ, «мұндай орталық ашу бизнес ретінде тиімді емес» дейді кәсіпкерлер. Сырттан мамандар шақыру, ғимаратты жалға алу, фуршеттер ұйымдастыру көп қаржы мен уақытты қажет етсе керек. Сондықтан «бұл орталық арқылы мол табыс табу мүмкін бе?» деген сауалымызды басшысына да қойдық.<blockquote>– Біздің негізгі ниетіміз көл-көсір қаржыға кенелу емес. Өзіміз де бала күтімімен үй шаруасында болғандықтан, бұл идея қыз-келіншектер бірге дамысын деген ниеттен туындады. Алдағы уақытта орталықтың жоспарын жүйелеп, жаңа тренингтер ұйымдастырмақпыз. «Аяулым» – махаббат, мотивация, қолдау орталығы. Біздің есігіміз сіздерге әрдайым ашық, – деді Гүлбаршын Құрбанғалиқызы.</blockquote>«Аяулым» орталығы Қызылорда қаласындағы Ә.Бөкейхан көшесі, 66 мекен-жайында орналасқан. Инстаграм парақшасы – @aiaulym.club.

«Аяулым» – махаббат, мотивация, қолдау орталығы

<a href="https://kyzylorda-news.kz/">Kyzylorda-news.kz</a>&nbsp; Шаңырағына шуақ шомып, шаттық ұялаған, берекетті тірлігін күйттеп, парасатты перзент тәрбиелеуді мақсат еткен отбасылар жетерлік.&nbsp;«Ұяда не көрсең, ұшқанда соны ілесің» дегендей, ұл мен қыздың тәрбиелі, елжанды, көргенді болып өсуі, ел мен жерге қызмет етуі отбасы, әке-шеше тәрбиесінен тамыр алады.&nbsp;Ата-ананың қуанышы тәрбиелі ұрпақ өрбітіп, ыстық ұясынан қанаттандырып ұшыру. Жанұяда адамдардың бірі-біріне деген сыйластығы, сүйіспеншілігі мен ауызбіршілігі мықты болса, ол отбасы бақытқа кенелері сөзсіз. Ең бастысы, әрине, құрған отбасының шаңырағы биік, керегесі кең болуында көп мән-мағына жатыр. Ал, бақытты отбасы – мемлекеттің байлығы саналады. Әр шаңырақтың өзіне тән әдет-ғұрпы мен ұстанымы бар. Балаларына «ешкімнің ала жібін аттама, әркез әділ болып, ісіңе адалдық таныт» деп тәрбиелейтін жанұялардың бірі – Қазалы ауданы, Әйтеке би кентіндегі Байқадамовтар әулеті.&nbsp;Жүрсінәли Байқадамұлы 1933 жылы Арал ауданына қарасты Ұялы ауылында теңіздің етегінде дүниеге келген. Әкесі Байқадам Ұялы елде мекенінде беделді қызметтер атқарған. Сол ауылдағы балық заводында қоймашы болған Одан сол ауылдағы үлкен банкте бірнеше жылдар бойы кассирлік қызмет атқарған. Елге сыйлы, ауылдастарына қадірлі молда кісі болған.&nbsp;Байқадам ақсақал отбасындағы тұңғыш қыздарының атын бұдан кейінгі өмірге келген ұрпақтары аман-есен тұрсын деп «Тұрсын» деп ырымдап қойыпты. Содан кейін, 1933 жылы Байқадам әулетіне ер бала келеді. Оған Жүрсінәли деген ат береді. Жүрсінәли ер жетіп жігіт болып, 25 жасында Қарашеңгел ауылында тұратын, Сырымның қызы Рахимамен бас қосады. Әкесі Байқадам молданың берген ақ батасының арқасында бүгінде абыз ақсақал Жүрсінәли Байқадамұлы, өмірлік жары Рахима ана екеуі бір шаңырақ астында 65 жыл бақытты да баянды ғұмыр кешіп келеді.&nbsp;1959 жылы тұңғыш перзенті Ысқақ өмірге келді. Одан кейін, Смағұл Смайыл атты қос ұлдың ата-анасы атанды. Жүрсінәли ата мен Рахима әже Мира, Зина, Жанар, Анар, Жадыра, Жазира есімді қыздарды дүниеге әкеліп, тәлімді тәрбие берді. Жүрсінәли атадан тараған ұрпақтар Қазақстанның түкпір-түкпірінде бір-бір шаңырақтың отағасы мен отанасы атанып отыр. Ысқақ, Смайыл, Мира, Анар Шымкент қаласында, Зина мен Жадыра Атырауда, кенжесі Жазира Ақтөбе қаласында, Жанары Әйтеке би кентінде тұрады. Қара шаңырақтағы аңырақтағы ұл Смағұл қос қарияның бабын тауып отыр.&nbsp;– Жүрсінәли әкеміз ел басына түскен ауыр күндерде 7-8 жастағы жас бала болса да елмен бірге жұмыла жұмыс жасап, елге қолғабыс еткен жан. Жеңісті жақындатуға өзінің сүбелі үлесін қоса білген. Еңбек етіп жүрген кездерінде бірқатар «Құрмет» грамоталармен марапатталған. Өзі өткен күндер туралы естелік айтқанда: «Таңның атысы, күннің батысы еңбек етіп, тыным таппайтынбыз» – деп әңгіме өрбітеді, – дейді қызы Жанар.&nbsp;Теңіздің төсінде өскен Жүрсінәли Байқадамов жас кезінде Ұялыда қайықта моторист болып жұмыс істеген. Кейін 1961 жылы Теңізден Қазалы қаласына қоныс аударған. Қазалыға келген соң ремстройда шофер болады. Бертін келе аудандық ауруханада механик болып қызмет атқарған. 1990 жылдан бері бейнетінің зейнетін көріп отырған жайы бар.&nbsp;Жары Рахима Қазалы қаласында Рембыттехника мекемесінде жұмыс жасап, өмірге 9 бала әкелген ардақты ана. «Алтын алқа» иегері. Жүрсінәли Байқадамов соғыс жылдарында тылда еңбек етіп, жеңісті жақындатуға қосқан үлесі үшін «Тыл ардагері» төс белгісімен марапатталған. Қазіргі таңда тоқсанның төріне шығып отырған ақсақал мен аяулы жары өзінен тараған тоғыз баладан 35 немере, 43 шөбере көріп отырған бақытты жандар. Шөмекейлер әулетінің абыз ақсақалы өзімен бірге туған 11 бауырына қамқор болып, әр тарапта жүрседе амандықтарын тілеп, жол көрсетіп, өнегелі өмірімен үлгі болып келеді. Шаруашылықтың қыр-сырын меңгерген Жүрсінәли ата 90 жастан ассада аттың үстінде еркін отырып, төрт-түлікті түлетіп отыр.&nbsp;Балаларының барлығын жастайынан еңбекке баулыған өнегелі отбасында әкесі үнемі: «Ешкімнің ала жібін аттама, әділдікті жақта, турашыл бол», – деп тәрбие берді. Ұл-қыздары да өз ортасына сыйлы жандар. Әрқайсысының жеткен жетістігі бір төбе. Жазира Ақтөбе облысы бойынша «Үздік дәрігер» атанса, Қазалыда тұратын мұғалім қызы Жанар облыстық «Үздік педагог» байқауының жеңімпазы. Облыс әкімінің 875 мың теңге сыйақысын жеңіп алған білімді де білікті ұстаз.&nbsp;– Тәңірдің бірде ащы, бірде тәтті сыйын көріп, тең отырғанымызға да алпыс бес жыл толыпты. Біздің тілегіміз – балаларымызды, ұрпағымыздың амандығы, елдің тыныштығы ғой, – деп ағынан жарылды Жүрсінәли ақсақал бізбен әңгімесінде.&nbsp;«Балапан ұяда не көрсе, ұшқанда соны іледі» деген тәмсіл бар. Отбасы – адам үшін жағымды өнегелер мен мұралардың, салт-дәстүрдің сақтаушысы болып саналатын ең жақын әлеуметтік орта. Оның орнықты дамуын жетілдіру ата-ананың міндеті. Бүгінде, осы міндет үдесінен шығып, өркенін жайған өнегелі отбасыға айналған Байқадамовтардың көпке үлгілі шаңырағы балалардың шат күлкісімен шуаққа шомылып, нұрланған үстіне нұрланып тұр.&nbsp;

Қазалы: Үбірлі һәм үлгілі қариялар

<a href="https://kyzylorda-news.kz/">Kyzylorda-news.kz</a>&nbsp; Кітапхана – ғасырлар бойы келе жатқан биік парасаттылық пен білімділіктің киелі ордасы. Бұл жанға жайлы мекен оқырман мен кітап арасындағы алтын көпір. Ал, кітап пен кітапхананың тіршілігіне жан беретін, ұлттық құндылықтар мен оқырмандар арасын жалғастырушы кітапханашы.&nbsp;Кітапхана – білім мен ғылым ордасы. Бұл демалуға, ойлануға, білім алуға, көкейге құнды дүниелерді тоқуға арналған құтты орын. Кітапхана – ғылым отаны. Осындай, киелі мекенде жұмыс істеп, оқырманның рухани азық алуына айтарлықтай үлес қосып отырған кітапханашының еңбегі орасан зор.&nbsp;Сыр бойындағы ең алғашқы кітапханаХІХ ғасырдың екінші жартысында қазақ халқының мәдени орталығының дамуына елеулі өзгерістер ене бастады. Соның бір айғағындай Қазақстан мен Орта Азияның табиғаты мен тарихын зерттеуді мақсат тұтқан орыс саяхатшылары мен тарихшылары қазақ даласына білім нәрін себетін мәдениет ошақтарын ашуға жанашырлық танытып, ұйытқы болды. Соның жарқын үлгісі 1901 жылдың 2 желтоқсанында ескі Қазалы қаласында Сыр бойындағы ең алғашқы кітапхана өз оқырмандарына есігін айқара ашты. Осы орайда, қазақ даласында жүрген, Россиядан жер аударылып келген орыстардың социал-демократтары көмекке келді. Кітапхана қорына қолда бар әдебиеттерін беріп, қазақ жастарының ұйымдасып ойын-сауық қоюына, одан түскен қаржыға кітаптар сатып алуына мұрындық болды. Кітапхананың қазақ халқы үшін таптырмас білім көзі екенін түсінген қазақ зиялылары кітапхана қорын толықтыруға өзіндік үлестерін қоса бастады. Сөйтіп, алғашқы жылы 437 дана кітап қорымен Қазалы ауданындағы Қазалы қаласында өз оқырмандарын қабылдады. Сол жылдары кітапхананың тұрақты 113 оқырманы болды.&nbsp;Кейінгі жылдары Арал теңізін зерттеуге келген академик А.С.Берг осы кітапханаға арнайы соғып, бірнеше ғылыми әдебиет, Орта Азияға сапар шеккен атақты саяхатшы П.П.Семенов-Тянь-Шанский де Қазалы қаласында болып кітапхана жұмысын жақсарту туралы кітапханашыларға ақыл-кеңес беріп, кейін өзінің жеке кітапханасынан 200-ге тарта кітаптарды қолтаңбасымен сыйға тартқан. Бұл кітаптардың 78 данасы әлі күнге қалалық кітапхананың жанынан ұйымдастырылған «Алтын қор» мұражайында сақтаулы.&nbsp;Осылайша, Сыр бойынан ең алғаш дүниеге келген оқырмандар ордасында кітап қоры жылдан-жылға көбейе түсті.&nbsp;1905-1907 жылдардағы орыс революциясы кезінде кітапхана қызметкерлері белсенділік танытып, патша үкіметі тыйым салған әдебиеттер мен газет-журналдарды жинастырып, тығып ұстады. Кітапхана алдыңғы қатарлы жастар мен зиялы қауым өкілдерінің бас қосатын сүйікті мекеніне айналды. Сондай жастар қатарында Орта Азия мен&nbsp; Қазақстан жастарының жалынды жетекшісі Ғани Мұратбаев, большевиктер секретарларының бірі Вали Семенеев, халық ағарту ісінің үздігі Бердікен Мергенбаев, көп жылдар бойы Ташкент университетінің профессоры болған Фатых Салықұлы Бакиров және басқалар болды.&nbsp;Міне, осылайша дүниеге келген кітапхананың ұлан-ғайыр игілікті істерінің басында кітапхананың ең алғашқы кітапханашысы, 1900-1917 жылдарда еңбек еткен Надежда Николаевна Шалаева жүрді. Кітапхана алғашқы кездері орыс және татар бөлімінен тұрды.&nbsp;Кітапхананың 1917-1956 жылдардағы меңгерушісі болған Уәли Адамовтың еңбегі ерекше. Кітапты жанындай сүйген ғажайып жанның арқасында кітапхана ісі биік-биік белестерге көтеріле білді. Осы жылдар ішінде оқырман мен кітапхана арасындағы байланыс жақсарды, кітап қоры мен оқырман саны көбейіп, кітапханада өткізілетін мәдени-көпшілік жұмыстардың түрлері бой көрсете бастады. Ерінбей-жалықпай іздене отырып кітапхананы білімнің нағыз қайнар бұлағына айналдыра білді. Уәли Адамов – Қазалы ауданындағы кітапханатану ісіндегі ең алдыңғы көшбасшысы болды.&nbsp;1951-1980 жылдар аралығында кітапханада Сейілхан Төлегенов, Жәкеш Төлеповалар еңбек етсе, 1963-1970 жылдар аралығында Жәрмедет Хайруллаев халыққа кітапханалық қызметтің ең озық үлгілерін көрсете білді.&nbsp;1917-1918 жылдарда шағын кітап қорымен Жаңақазалы қыстағында өндірістік кітапхана болды. 1964 жылдан бастап 1975 дана кітап қорымен қайтадан аудандық кітапхана болып іргесі қаланды. Ал, Қазалы қаласындағы кітапхана кітапханалық дәрежесін сақтап қалды.&nbsp;Қазалы аудандық кітапхананың алғашқы меңгерушісі болып 1964-1969 жылдары Ұлбике Үсенова қызмет етсе, 1969 жылдан кітапхана меңгерушілігіне Маржан Қарабалаева келді. Осы жылдар ішінде кітапханада төрт адам халыққа кітапханалық қызмет көрсетті.&nbsp;Жаңару мен жаңғыру1980 жылы елімізде кітапханалардың орталықтандырылуына байланысты аудандық кітапхана Қазалы ауданы көлеміндегі кітапханаларды біріктіретін Қазалы аудандық орталықтандырылған кітапханалар жүйесі болып қайта құрылды. 1998-2015 жылдар аралығында аудандық орталықтандырылған кітапханалар жүйесіне басшы болып Мамық Үржанбекова сайланды. 2015 жылдан Қазалы аудандық орталықтандырылған кітапханалар жүйесінің коммуналдық мемлекеттік мекемесін Назарова Индира Әбілқасымқызы басқарып келеді.&nbsp;Бүгінгі таңда, Қазалы ауданы бойынша 26 көпшілік кітапхана халыққа рухани-мәдени кітапханалық қызмет көрсетеді.Атап айтқанда: Аудандық кітапхана, аудандық балалар кітапханасы, кенттік кітапхана, қалалық, қалалық балалар кітапханасы және 21 ауылдық кітапхана.&nbsp;Қазалы ауданы кітапханаларының әдістемелік оралығы болып табылатын аудандық орталық кітапханада әдістеме-библиографиялық, кітап қорын толықтыру және өңдеу, оқырмандарға қызмет көрсету бөлімі жұмыс жасаса, 2022 жылдың қараша айынан бастап ақпараттық-библиографиялық қамтамасыз ету бөлімі ашылып, қалың оқырманға қызмет көрсетудің мазмұны тереңдеп, тәрбиелік-тағылымдық мәні мен маңызы артып, жүйелі жұмыстар атқарылып келеді.&nbsp;Кітапхана жүйесіне 2005 жылы 2 модульден тұратын РАБИС бағдарламасы енгізіліп, 2006 жылы Интернет жүйесіне қосылды. 2015 жылдан бастап РАБИС бағдарламасы 5 модуль бойынша жұмыс атқарып келеді.&nbsp;Бүгінгі күні Қазалы ауданы кітапханашылары ұдайы ізденіс пен жаңашылдықты жандарына серік етіп, рухани құндылықты насихаттауда сүбелі үлес қосып келеді. Әдістеме – библиографиялық бөлімі жүйе кітапханаларының жұмысын үйлестіріп, жетекшілік етуге бағытталған. Кітапханалар жұмысына талдау жасау, ауылдық филиалдарға әдістемелік көмек көрсетуде жүйелі жұмыстар атқара отырып, инновациялық қызметті басты бағыттары санайды. Бөлім меңгерушісі Зоя Мұстафаева, әдіскерлер Марина Сүйегенова, Гүлсім Нысанбаева.&nbsp;Кітапханалардың кітап қорын жылдан-жылға жаңа әдебиеттермен толықтыруда, облыс орталығынан бөлініп, келіп түскен кітаптарды өңдеуден өткізіп барлық 26 кітапханаға тарату кітап қорын толықтыру бөлімінің негізгі жұмысы болып табылады. Бұл бөлімде бөлім меңгерушісі Мағырипа Елдесбай, кітапханашылар А.Жұбан, М.Ағыбергенова қызмет жасайды. Ақпараттық-библиографиялық қамтамасыз ету бөлімі анықтамалық аппаратты жетілдіре отырып, атаулы күндер күнтізбесі, әдебиеттер тізімі, реферативтік журналдар, библиографиялық көрсеткіштер мен әдістемелік құралдар әзірлейді. Аталмыш бөлімде бөлім меңгерушісі А.Орынбай, библиограф А.Назарова, редактор М.Төлеу қызмет жасайды. Қазалы аудандық орталық кітапханада оқырмандарға қызмет көрсету бөлімі жұмыс жасайды. Көпшілік оқырманның кітап қорымен танысуына, қажетті әдебиетімен сусындауына, оқырманның сұранысын зерттеп, зерделеу, жоспар бойынша оқырмандармен мәдени-рухани шараларды ұйымдастыруда, түрлі танымдық-тағылымдық кездесулер мен жаңа кітаптың тұсаукерін өткізуде жұмыстар атқарып келеді. Бұл бөлімде бөлім меңгерушісі С.Бекмамбетова, кітапханашылар А.Айтжанова, Г.Махамашова, П.Ниязымбетова, Г.Прімбетова, Н.Әжіғұлова оқырмандармен тығыз байланыста қызмет жасайды.&nbsp;Кітапханалық қызметтің бір бөлігін Қазалы аудандық балалар кітапханасы құрайды. Бөлім меңгерушісі Ж.Көмекбаева, кітапханашылары Г.Тұрғамбаева, З.Ашербекова, Д.Алдақияровалар жас балғындар үшін танымдық шаралар өткізіп, түрлі тақырыптарда кітап көрмелерін ұйымдастырып, балалардың ой- өрісінің дамуына, қажетті әдебиеттерімен сусындауына бағыт-бағдар беріп отырады. Сонымен қатар, балалардың қолымен жасалған түрлі тақырыптағы суреттері мен қолынан жасалған бұйымдарына арналған арнайы көрме ұйымдастырылған. Облыста, ауданда өткізілетін қандай да бір рухани-мәдени шараларға белсенділікпен атсалысып, өз үлестерін қосып жүрген қалалық, қалалық балалар, кенттік, ауылдық округтердегі кітапхана қызметкерлерінің әрбірінің кітапханалық қызметінің ерекше екендігін атап өтуге болады. Атап өтсек, қалалық кітапхана меңгерушісі Ж.Сейталиева, Н.Қожанова, Ж.Абдирова, Ж.Ерімбетова, қалалық балалар кітапханасының меңгерушісі Т.Мырзалиева, Э.Шәмет, Қ.Садирова, кенттік кітапханада Г.Өтеп, Э.Жолтаева көпшілік оқырманның оқуына, олармен өткізілетін түрлі шаралардың өз дәрежесінде өтуіне бір кісідей атсалысып келеді. Әрбір ауылдық кітапханашы да оқырманға кітапты насихаттауда, рухани-мәдени шаралар ұйымдастыруда жұмыстар жүргізіп келеді. Ұлттық құндылықтар мен өлке тарихының тұрақты жинақталуы, ақпараттық ортаның қалыптасуы, әрбір оқырманның сұранымының табылып, кітапхана қорының сапалы, жан-жақты ізденіспен табылып, заманауи талаптар биігінен көрінуіне Рухани орталық шырақшыларының қосып жүрген үлесі осындай.

Руханият ордасы оқу мен өнерге баулиды

<a href="https://kyzylorda-news.kz/">Kyzylorda-news.kz</a>&nbsp; Ерекше балаларды қорғау, қоғамға бейімдеу және қолдан келетін мүмкіндіктерді жасау үшін қолайлы жағдай тудыру керек. Сондықтан, оларды бала кезінен бастап, келешек өмірге бейімдеу, өздерін еркін сезіну үшін ыңғайлы орта қалыптастыру – білім беру ұйымдарының, әлеуметтік-тұрмыстық бейімдеуге бағытталған жаттықтыру орталықтарының міндеті болып табылады.&nbsp;Осыған орайда жуырда, әдістемелік кабинеттің іс-шаралар жоспары аясында Қазалы ауданы, Қожабақы ауылы, 25 орта мектепте ерекше білім беруді қажет ететін балаларды оқытуда ұлттық құндылықтар негізінде тиімді әдіс-тәсілдерді жетілдіру мақсатында «Ұлттық құндылықтар негізінде инклюзивті білім берудің тиімді әдіс-тәсілдері» тақырыбында әдістемелік семинар-практикум өтті.&nbsp;Семинар барысында «Ұлттық құндылықтар-ұлт мақтанышы» тақырыбында 25 орта мектептің дефектологы Суханова Мира, «Инклюзивті оқыту: білім баршаға ортақ» мұғаліммен жұмыс аясында 238 орта мектептің дефектологы Исатаева Бакжан, «Ұлттық дәстүрдегі отбасылық құндылықтарды дәріптеу» ата-анамен жұмыс жайында 25 орта мектептің дефектологы Шалабаева Марал тәжірибелерімен бөлісті.&nbsp;Әр көрсетілген жұмыстан кейін қатысушылар пікір білдіріп, кері байланыс жасалды.&nbsp;<img src="https://knadmin.beoblood.kz/uploads/3f76b9b1_addc_4523_87df_e2d5ace3d595_0ce50ba2db.jpg" alt="3f76b9b1-addc-4523-87df-e2d5ace3d595.jpg">

Қазалылық дефектологтар ұлттық құндылықты ұлықтады

<a href="https://kyzylorda-news.kz/">Kyzylorda-news.kz</a> Қазалы ауданының әкімі Мейрамбек Шермағанбеттің төрағалығымен өткен мәжілісте көктемгі дала жұмыстарының дайындық барысы қаралды.&nbsp;Жиында, Қазалы ауданының басшысы Қазалы аудандық ауылшаруашылығы мен жер қатынастары бөлімінің басшысы Еркін Сейітовке көктемгі дала жұмыстарын қайта пысықтап, тұқым дайындау, минералды тыңайтқыштар мен жанар-жағармай қорын қалыптастыру, техникаларды әзірлеу сынды жұмыстарды қысқа мерзімде аяқтау керектігін айтты. Сондай-ақ, ротация тәртібінің сақталуы басты назарда ұстауды ескертті.&nbsp;«Қазалысушар» өндірістік учаскесінің басшысы Нұрлан Әбілдаевқа су беру жоспарын нақтылап, шаруашылықтармен тығыз жұмыс жасап, су лимитін бөлу мәселесін қолға алуды тапсырды. Ал, Қазалы ауылдарының әкімдеріне әрбір ауыл тұрғындары өздеріне қажетті бау-бақша өнімдерін егіп, өз-өздерін қысқы азықтарымен қамтамасыз ету жөнінде тапсырма берді.&nbsp;Айта кетейік, биыл Қазалы ауданында 17 377 гектар жерге ауылшаруашылығы дақылдарын орналастыру, оның ішінде негізгі дақыл күріш 6200 гектарға егу жоспарланып отыр.&nbsp;Мәжілісте, күн тәртібінен бөлек Әйтеке би кенті, Қазалы қаласы мен ауылдық округтер және кәсіпкерлік нысандардың тазалық мәселесі де қозғалып, бұған қатысты жауап мекемелерге бірқатар тапсырмалар жүктелді.&nbsp;

Қазақстан және Қызылорда облысының жаңалықтары