&nbsp;<a href="https://kyzylorda-news.kz/">Kyzylorda-news.kz</a>&nbsp; &nbsp;Сырдария аудандық қоғамдық даму бөлімінің баспасөз орталығында аудан әкімдігі жанындағы жастар ісі жөніндегі кеңестің І отырысы өткізілді. Кеңес отырысына аудан әкімінің орынбасары Д.Байдушев пен кеңес мүшелері және ауылдық округі әкімдері қатысты.Күн тәртібінде төрт мәселе қаралды:1. Жасөспірімдер мен кәмелетке толмағандар арасындағы құқықбұзушылықтың алдын-алу бағытында атқарылған жұмыстар барысы туралы2. Сырдария аграрлы-техникалық колледжі&nbsp;студенттерінің ахуалы: оқу бітіргеннен кейінгі жұмысқа орналастыру мүмкіндіктері;3. Жастар арасындағы жұмыссыздық мәселесін тиімді шешу, NEET санатындағы жастарды жұмыспен қамту бағытында атқарылған жұмыстар барысы;4. Ауыл жастарының әлеуетін көтеру және олардың бос уақытын тиімді пайдалану мақсатында атқарылған жұмыстар барысы (Айдарлы, Шіркейлі, Іңкәңдария а/о).Бүгінгі таңда қоғамның алдында тұрған басты міндеттердің бірі – балалар мен жасөспірімдер арасындағы құқық бұзушылықтың алдын-алу, кәмелетке толмағандар арасындағы қылмыстың өсуіне жол бермеу мақсатында барлық білім беру ұйымдарында мәдени-көпшілік іс-шаралар мен спорттық шараларға тарту жұмыстары ұйымдастырылуда. Осы ретте, кеңесте мектеп психологтарымен жүйелі түрде жұмыс жүргізуді, NEET санатындағы жастармен адрестік жұмыстар жүргізіліп, жастар арасындағы жұмыссыздық мәселесін тиімді шешуді ұйымдастыруға, кәсіпкерлікке тарту мақсатында бағдарламалар мен жобаларды кеңінен насихаттауға, бітіруші түлектердің жұмыспен қамту мәселелерін, сондай-ақ ауыл жастарының бос уақытын тиімді жүзеге асыру мақсатында спорттық үйірмелер мен іс-шараларға көптеп тартуға, еңбек бригадаларын құру жөнінде нақты тапсырмалар берілді.

Аудан әкімдігі жанындағы жастар ісі жөніндегі кеңес отырысы өткізілді 

&nbsp;<a href="https://kyzylorda-news.kz/">Kyzylorda-news.kz</a>&nbsp; &nbsp; Бүгінгі ғылым саласы қызметкерлері күнінде аудан әкімі Берік Сәрменбаев халықаралық және республикалық ғылыми жобалар мен білім бәсекелері байқауларының жеңімпаздарын жетекші ұстаздарымен бірге қабылдады. Қабылдауға ардагер ұстаздар, білім қызметкерлері және оқушылар қатысты.Аудан басшысы елімізде ғылымды дамыту – басым бағыттардың бірі екеніне тоқталды.<blockquote>– 12 сәуір – елімізде ғылым саласы қызметкерлері күні. Бұл саланың ауқымы кең. Осы арқылы егемен елдің әлеуметтік-экономикалық дамуына серпін жасалады. Мемлекет басшысы Қасым-Жомарт Кемелұлы Тоқаев Президент жанындағы Ғылым және технологиялар жөніндегі ұлттық кеңестің отырысында «Біз өркениетті ел боламыз десек, ғылымды дамытуымыз қажет» деп, салаға жан-жақты қолдау көрсетіліп келе жатқанын атап өтті. Сондықтан қазіргі кезде елімізде ғылым саласын дамытуда ауқымды жұмыстар атқарылуда. Міне, осындай қолдаулардың нәтижесінде ғылым жолында жүрген білімді жастар ауданның атын республикаға және халықаралық дәрежеде танытып жүр. Білімге құштар оқушыларға және ата-аналары мен жетекшілеріне шынайы алғысымды білдіремін. Біз дарынды жастарға әркез қолдау көрсетеміз, – деді Берік Әбдіғаппарұлы.</blockquote>Іс-шарада жетістікке жеткен оқушылар мен ғылымға бағыт-бағдар беріп жүрген жетекшілеріне аудан әкімінің «Алғыс хаты» табыс етіліп, сый-құрмет көрсетілді.Қабылдауда ардагер ұстаздар Ұлмекен Жанәлиева, Сұлупан Шамшадинова және Анар Ізбасарова жетістікке жеткен оқушыларға тілектестіктерін білдірді.Айта кетейік, қабылдауда марапатталған Айдарлы ауылындағы №139 орта мектептің 11 сынып оқушысы Гүлім Амантайқызы Ө.Жолдасбеков атындағы халықаралық ғылыми жобалар байқауында консентрацияға байланысты есептерді шешудің ең оңтайлы жолын қарастырып, І дәрежелі дипломмен марапатталды.Ал Тереңөзек кентіндегі №35 И.Тоқтыбаев атындағы мектеп-лицейдің 11 сынып оқушылары Ақнұр Оразбай мен Үміт Қойшыбаева қазіргі қоғамдағы өзекті мәселе – жастардың тез әзірленетін тағамдардың орнына жемістер мен көкеністерден денсаулыққа пайдалы әрі экологиялық таза кептірілген жеміс чипстері өнімдерін жасап шығарды.№35 И.Тоқтыбаев атындағы мектеп-лицейдің 11 сынып оқушысы Бектасқызы Асылай болса, Қостанай қаласында жалпы білім беретін пәндер бойынша өткізілген республикалық пәндік олимпиадада қазақ тілі мен әдебиетінен жеңімпаз атанып, Х.Досмұхамедов атындағы Атырау университетінің грантын жеңіп алды.

Берік Әбдіғаппарұлы: Біз дарынды жастарға әркез қолдау көрсетеміз

<a href="https://kyzylorda-news.kz/">Kyzylorda-news.kz</a> &nbsp;Қызылжарма мәдениет үйінің ұйымдастыруымен «Адал адам» мәдени-тәрбие орталығының «АРТ уақыт» бағыты бойынша «Қуаныш» әжелер ансамблінің «Бізге биыл он жыл» атты есепті концерттік бағдарламасы өтті.Шараның мақсаты – әжелер отбасы тірегі, діңгегі екенін келешек ұрпаққа таныту, ауылдың елдің әлеуетін көтеру, насихаттау.Ауылдық округтің мәдениеті мен руханият саласында өзіндік орнын қалыптастырған аталған әжелер ансамблі 10 жылдан бері халыққа өнер көрсетіп келеді. Биыл 10 жылдық мерейтой қарсаңында арнайы есеп беру концертін өткізді. Шара барысында «Қуаныш» әжелер ансамблінің жетекшісі Қуаныш Ахметқызы ансамбль мүшелерімен шашу шашып сахна шымылдығын ашты.Салтанатты шараға Қызылорда облыстық халық шығармашылығын дамыту және мәдени-продюсерлік орталығы директорының орынбасары Ділімбетова Рая Дөңесбайқызы, қалалық мәдениет және спорт бөлімінің басшысы Тажмаханов Жағыппар Айтбайұлы қатысып, құттықтау сөз сөйледі. Сондай-ақ ықылас гүлін табыстап, әжелерге шығармашылық табыс тіледі.Сонымен қатар «Дәстүрге жол» қазақ аналары қоғамының төрайымы Былаева Алтынай Махамбетжанқызы бастаған аналар қауымы мерейтой иелерін арнайы құттықтап, жылы лебіздерін білдірді.Концертті әжелердің жеке орындауында халық әндері мен бірге қазақ композиторларының әндері де шырқалды.

Қызылжармада «Қуаныш» әжелер ансамблінің 10 жылдық мерейтойы аталып өтті

<a href="https://kyzylorda-news.kz/">Kyzylorda-news.kz</a> Мамыр - мерекеге толы ай. Осыған орай ҚР Еңбек және халықты әлеуметтік қорғау министрлігі алдағы айдағы демалыс күндеріне өзгеріс енгізген.Министрліктің хабарлауынша, 4 мамыр сенбі күнгі демалыс 8 мамыр сәрсенбіге ауысады.&nbsp;Демек, мамырдың 4-і сенбі күні жұмыс күні болады.Сол себепті, отандастарымыз 3 күн қатарынан, яғни 7, 8, 9 мамыр демалады.&nbsp;Бұл күндері студенттер мен оқушылар да демалады.Жалпы, мамырдағы мейрамдар мен демалыс күндерді қосқанда, қазақстандықтар келесі айда жалпы 11 күн демалады.Фото: pexels

Қазақстандықтар  мамырда қанша күн демалады?

<a href="https://kyzylorda-news.kz/">Kyzylorda-news.kz</a> Қазақстанның су тасып, төтенше жағдай жарияланған өңірлерінің оқушылары білімін жазда "Жазғы мектепте" жалғастырады. Бұл жайлы&nbsp;<a href="https://ulysmedia.kz/">Ulysmedia.kz</a>&nbsp;тілшісіне оқу-ағарту вице-министрі Еділ Оспан айтып берді.Қай мектептер екені белгіліБатыс өңірлерде эвакуацияланған халықтың бір бөлігін мектептерге көшіріп жатыр.<blockquote>– Осы жағдай сол өңірлердің білім сапасына қаншалықты теріс әсер етеді? Сол өңірлердің мектептеріндегі балалардың, оқушылардың мәселесін қалай реттедіңіздер? –&nbsp;деп Еділ Оспанға сұрақ қойылған.</blockquote>Сұраққа жауап берген вице-министр оқушылар жатақханасы бар мектептер мен колледж, университеттерге орналастырылып жатқанын айтты.<blockquote>– Еліміздің көп өңірінде су тасқыны жүріп жатыр. Табиғи сипаттағы апат. Білім сапасын айтар болсақ, 190-ға жуық мектеп қашықтан оқытуға ауыстырылды. Ол мектептердің оқушылары қазір қашықтан оқытылып жатыр. Біз көптеген оқушыларды Білім инновация, Назарбаев мектептерінің, колледжер мен жоғарғы оқу орындарының жатақханасына ауыстырып, уақытша білім алуын қамтамасыз етіп жатырмыз. Оқушылардың оқуға қажетті құрал-жабдықтарының болуын да қадағалап отырмыз, – дейді вице-министр.</blockquote>Еділ Оспанның айтуынша, эвакуациялық пункттерде орналасқан балалар мүмкіндігінше, жыл бойы жұмыс істейтін лагерьлерге орналастырылып жатыр. Лагерьлерде де оқу процесі ұйымдастырылған.&nbsp;<blockquote>– Бұдан бөлек, бұл өңірлердегі балалардың білім сапасын арттыру үшін жаз мезгілінде дәл сол мектептерге арналған жазғы мектеп ұйымдастырылады. Қай мектептер мен қай оқушылар екені белгілі ғой –&nbsp;жазғы мектепті соларға өткіземіз. Ол бұрын болмаған, бірақ пандемия кезінде сондай тәжірибе қолданылды, – дейді ол.</blockquote>Қазақстандағы су тасқыныЕске сала кетейік, елде бірнеше күннен бері бірнеше өңірде су тасып, ондаған ауданда төтенше жағдай жарияланды. Су тасқыны ең үлкен қауіп туғызып отырған өңірлер қатарында Атырау, Батыс Қазақстан, Солтүстік Қазақстан, Қостанай облыстары бар. Ресейдің Ор қаласында дамбының жарылуы қосымша қиындық туғызған. Құлсары қаласында ең күрделі жағдай тіркеліп, адам шығыны тіркелді.Коллаж ulysmedia.kz.

Су тасыған өңірлердің оқушылары білімін жазда жалғастыратын болды

&nbsp;<a href="https://kyzylorda-news.kz/">Kyzylorda-news.kz</a>&nbsp; Алматы қаласындағы «Достық үйінде» Мәдениет және ақпарат министрлігінің ұйымдастыруымен «Мерзімді басылымдар – халық сауаттылығының қайнар көзі» тақырыбында өңірлік мерзімді баспасөз басылымдарының 2-республикалық форумы өтіп жатыр. Екі күнге жоспарланған ауқымды іс-шараға еліміздің аймақтарынан ақпарат саласын дамытуға үлес қосып жүрген медиа мамандар келді.Форумға ҚР Парламенті Сенатының депутаты Нұртөре Жүсіп, ҚР Парламенті Мәжілісінің депутаттары Қазбек Иса мен Ермұрат Бәпи, ҚР Президенті Баспасөз хатшысының орынбасары Ержан Байтілес, ҚР Мәдениет және ақпарат министрлігі Ақпарат комитетінің төрағасы Мейрлан Раханов, «Қазақ газеттері» ЖШС Бас директорының орынбасары Қамбар Ахмет Алматы қаласының ішкі саясат басқармасының басшысы Айдар Есенбеков қатысты.<blockquote>«Дәстүрлі баспасөздің дамуы ақпараттық технологиялардың дамуы кезеңінде өте маңызды болып отыр. Әсіресе жергілікті жерлердегі журналистердің әмбебаптығы деген мәселе қазір алға шықты», - деді Сенат депутаты Нұртөре Жүсіп.</blockquote>Парламент Мәжілісінің депутаты Қазыбек Иса қазақ баспасөзінің болашағы ұлттық мүддені қорғаумен тең деген пікірімен бөлісті.&nbsp;<blockquote>«Баспасөзді қолдау арқылы ұлттық мүдде мен идеологияны ілгерілетуге жұмыс жасауымыз керек», - деді &nbsp;Қазыбек Иса.</blockquote>Парламент Мәжілісінің депутаты Ермұрат Бапи елімізде газет-журналды тарату мәселесіне аса мән беру керегін айтып өтті.<blockquote>«Бүгінде халықтың оқу мәдениетін қалыптастыру мәселесін ойластыруымыз керек. Ал, ертеңгі өркениеттің көшіне ілесу үшін дәстүрлі баспасөзімізді жетілдіру маңызды», - деді Ермұрат Бапи.</blockquote>Форумның бірінші отырысында сараптамалық материал жазудың стилі, қате қолданыстағы сөздер мен тіркестер, журналистік зерттеу тәсілдері, мерзімді басылымдардың беттелуі мен дизайны, суретке түсіру өнері талқыланды.Форумның алдағы отырыстарында спикерлер баспа басылымдарын танымал ету мен таратудың аймақтық қырларын, салалық журналистиканы дамытуды, баспа басылымдарын жетілдірудің жаңа тәсілдерін талқылайды. &nbsp;Ашық пікірталаста мерзімді басылымдардың тыныс-тіршілігі туралы ойлар сарапқа салынады.<figure class="image"><img src="https://knadmin.beoblood.kz/uploads/DSC_4548_3605fc3f0f.JPG" alt="DSC_4548.JPG"></figure>&nbsp;<img src="https://knadmin.beoblood.kz/uploads/DSC_4399_6bd3666ef3.JPG" alt="DSC_4399.JPG"><figure class="image"><img src="https://knadmin.beoblood.kz/uploads/DSC_4380_b6685d0383.JPG" alt="DSC_4380.JPG"></figure>Фото: Азамат Құсайынұлы

Өңірлік мерзімді баспасөз басылымдарының республикалық форумы өтіп жатыр

&nbsp;<a href="https://kyzylorda-news.kz/">Kyzylorda-news.kz</a>&nbsp; &nbsp;«Қызылорда облысының тілдерді оқыту орталығы» КММ мен Қармақшы аудандық мәдениет және тілдерді дамыту бөлімінің ұйымдастыруымен Шәмшат Төлепова атындағы мәдениет үйінде 11 сәуірде Қармақшы ауданының мәдениет және тілдерді дамыту бөліміне қарасты мекемелер қызметкерлерінен құралған командалар арасында «Этно Quiz» интеллектуалды сайысы өтті.&nbsp;Ұлттық құндылықтарды, мәдениет пен өркениетті, руханият пен тілді насихаттай отырып, патриоттық сезім қалыптастыру үшін ұйымдастырылған сайысқа Қызылорда облысы Тілдерді оқыту орталығы директорының орынбасары Жаныгүл Ерекешова, халықаралық Қазақ тілі қоғамы Қармақшы аудандық филиалының төрайымы Гүлжауһар Раева, қоғам белсендісі, тіл жанашыры Шегебай Құндақбаевтар қатысып, сарапшылық етті.&nbsp;Сайыстың негізгі мақсаты – Қазақстан Республикасында тіл саясатын дамытудың 2023-2029 жылдарға арналған тұжырымдамасы мен Қызылорда облысы әкімдігінің 2023-2029 жылдарға арналған іс-қимыл жоспарын орындау, мемлекеттік тілдің қолданыс аясын кеңейту, ұлттық рухты көтеру және Қызылорда облысының қоғамдық даму басқармасына қарасты мекемелер арасындағы әріптестік байланысты нығайту.Интеллектуалды сайысқа мәдениет бөліміне қатысты мекемелер қызметкерлерінен құралған 5 команда қатысты. Сайыс қатысушылары бекітілген Ережеге сәйкес «Quiz time», «Суреттер сөйлейді», «Жұмбақ әуен», «Тұлғаны таны», «Кино time» деп аталатын 5 кезең бойынша тапсырмалар орындады.&nbsp; Сайыс барысында қатысушылардың ақпараттық-танымдық деңгейі, ұлттық құндылықтарды насихаттау бағытындағы жұмыстары мен ұсыныстары, сөз саптауы, ой тұжырымдауы, көзқарасын білдіруі, тапқырлығы және шеберлігі бойынша білім-таным дағдылары, сахна мәдениетіне баса назар аударылды.&nbsp;Интеллектуалды сайыс барысында өткізілген әр кезеңнің тапсырмаларын орындаған қатысушылардың білім деңгейін арнайы комиссия мүшелері бағалады.&nbsp;Сайыс қорытындысы бойынша қатысушы командаларға Руханият (орталық кітапхана ұжымы), Жастар (жастар ресурстық орталық), Жәдігер (аудандық музей), Құндылық (аудандық жыраулар үйі) командаларына алғыс хаттар мен естелік сыйлықтар, үздік деп танылған мәдениет үйі қызметкерлерінен құралған «Өнер» командасына арнайы Диплом мен бағалы сыйлық табысталды.

Қармақшыда «Этно Quiz» мекеме қызметкерлері арасында интеллектуалды сайысы өтті

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаевтың тапсырмасымен елімізде «Таза Қазақстан» экологиялық акциясы басталған болатын. 5 аптаға созылатын бұл науқанның бірінші аптасы «Таза өлке» деп аталады. Бұл бастаманы Шиелі ауданының табиғат жанашырлары қуанышпен қабылдап, жұмысты бастап кетті.Шиелі ауданының әкімі Нұржан Ахатов Ыбырай Жақаев атындағы саябақта ағаш отырғызып, «Таза Қазақстан» шарасына қолдау білдіріп, атсалысты. Отаншылдық – тазалықтан басталатынын айтып, ағаш егіп, туған жердің тазалығын сақтау, табиғатын қорғау әрбір адамның міндеті екенін жеткізді.<blockquote>– «Табиғат – ел байлығы» демекші, мемлекет дамуы үшін табиғатқа деген құрмет болуы тиіс. Қоршаған ортаны қорғау арқылы Отанға деген патриоттық сезім оянады. Сол себептен, біз өз ортамызды, көшемізді, ауылымызды, ауданымызды таза ұстауымыз қажет. Арықтарды тазалап, бұлақ көздерін ашу – мақсатымыз! &nbsp;Акция барысында арнайы техникалар мен шаруа иелері көгалдандыру жүргізілетін орындарды дайындап, су арналарына тазалық жүргізді. «Ауылына қарап, азаматын таны» демекші жасыл-желектерлі күтіп, баптау мен тыңғылықты жұмыстарыңыз үшін алғысымды білдіремін, – деді аудан әкімі Н.Сәбитұлы.</blockquote>Бұқаралық іс-шараға аудан әкімдігінің, шаруашылық құрылымдарының қызметкерлері, белсенді тұрғындар мен жастардан 300-ге жуық тұрғын қатысып, 15 техника тартылды. Сонымен қатар 4500 гектар жер қураған шөптерден тазаланып, бітеліп қалған қарықтарды қайта суару жұмыстары да жүргізілді. Бір сөзбен айтқанда Шиелінің тұрғындары сауапты бастамаға айрықша атсалысып, тазалық жұмыстарына "бір жағадан бас, бір жеңнен қол шығара" үлестерін қосты.&nbsp;«Сыр бойының Швейцариясына» теңелген Шиеліде өткен жылы 36 мың түп ағаш отырғызылса, биыл 31 мыңнан астам ағаш көшеттері егілді және арнайы қоқыс полигондарына 1680 текше метр қоқыс та шығарылды.&nbsp;Айта кетейік, ел бойынша бір мезетте басталған ағаш отырғызу науқаны бес аптаға созылады. Ерекшелігі – әр апта белгілі бір тақырып аясында өтпек.. Науқанның алғашқы аптасы «Таза өлке» тақырыбында өрбиді. 13 сəуірге дейін созылатын жеті күндік аймақ саябақтарын жасылдандыруға бағытталған.&nbsp;Қолына күрек ұстағандар қатарында сан саланың мамандарын да сөйлеткен едік.Ынтымақ БОРАНБАЙҰЛЫ, Шиелі ауданының қоғамдық даму бөлімінің «Жастар ресурстық орталығы» коммуналдық мемлекеттік мекемесінің бас маманы:&nbsp;<blockquote>– «Адамзаттың табиғатсыз күні жоқ, Оны айтатын табиғаттың тілі жоқ» дегендей, туған жеріміздің гүлденуіне атсалысайық. Өте керемет бастама. Расында, туған өлкеміздің жері көкпеңбек. Осыны ары қарай көк қылу үшін жылда осындай акцияларға қатысу керекпіз.&nbsp;</blockquote>Дәурен ОСПАНОВ, Жиделіарық ауылдық округінің әкімі аппаратының бас маманы:&nbsp;<blockquote>– Бұл іс-шара ел бойынша қолға алынып жатқан шара. Тұрғылықты жеріміздің тал-терегін жайқалтып, гүлмен көмкерілген баққа айналдырып, ауданның ажарлы болуына үлес қосу кімнің болса да азаматтық парызымыз деп білемін.&nbsp;</blockquote>Алдағы уақытта да экологиялық акция дәстүрлі түрде өз жалғасын табады.&nbsp;Бастапқы жеті күн ішінде елді мекендердің тұрғындары, қоғам белсенділері, ұйымдар мен кəсіпорындардың қызметкерлері іргелес аумақтар мен белгіленген аулаларды тазалайды. Ал 20 сəуірге дейін жалғасатын екінші аптаға «Киелі мекен» атауы берілген. Бұл күндері тарихи-мəдени ескерткіштер аумағын абаттандыру жұмыстары жүргізіледі. Содан кейін 27 сəуірге дейінгі үшінші аптаға «Жасыл аймақ» тақырыбы қойылыпты. Бұл апталықта көшеттер отырғызылады жəне ағаштар əктеледі. «Өнегелі ұрпақ» деп аталған келесі апталық 4 мамырға дейін жалғасады. Бұл күндері ардагерлер мен қарттардың аулаларына тазалық жүргізіліп, оларды абаттандыруға көмек беріледі. «Мөлдір бұлақ» атауы берілген соңғы бесінші аптада су айдындары – өзендер мен көлдердің айналасы қоқыстан тазартылады. Бұл мамырдың 5-11 аралығында өтеді.Осылайша, үлгілі аудан орталығы игі бастамадан қалыс қалмады. Шиеліліктер алдағы уақытта экологиялық акцияға белсенді атсалысып, аудан аумағын таза ұстауға, жасыл желекке орап, көркейтуге бар күштерін жұмсамақ.&nbsp;

"Таза Қазақстан": Шиеліде 31 мыңнан аса көшет егілді

&nbsp;<a href="https://kyzylorda-news.kz/">Kyzylorda-news.kz</a>&nbsp; Бүгін облыс әкімі Нұрлыбек Нәлібаев Қызылорда қаласының сол жағалауында бой көтерген заманауи үлгідегі жаңа автовокзалдың ашылу рәсіміне қатысып, қала тұрғындарын құттықтады.<blockquote>«Мемлекет басшысы Қасым-Жомарт Кемелұлы халыққа арнаған Жолдауында «Көлік-логистика саласы экономикамызды алға бастайтын басты күштің біріне айналуға тиіс» деген болатын. Автобустармен жолаушы тасымалдау – үлкен сұранысқа ие қызмет. Жолаушылар мен жүк тасымалын ұлғайту, қызмет сапасын жақсарту мақсатында өткен жылы жаңа автовокзал салу жөнінде шешім қабылданып, Сырдың бас шаһары тағы бір әсем, заманауи нысанмен толықты. Құрылысшыларымыздың құрыш қолынан шыққан осы ғимараттан аттанған жолаушылардың жолы ақ, сапары сәтті болсын! Аймақ экономикасының кірісін еселейтін көліктер легі толастамасын! Ел мен елдің, ағайын мен туыстың арасын жалғайтын татулықтың тұтқасы, сауда-саттық пен іскерлік байланыстың алтын көпірі болсын!», – деді аймақ басшысы.</blockquote>Іс-шарада Қызылорда облысының Құрметті азаматы Айтбай Көшербаев жерлестерін құттықтады. Сондай-ақ, нысан құрылысын сапалы жүргізуге атсалысқан мердігер мекеме қызметкерлері облыс әкімінің Алғыс хатымен марапатталды.Жаңа автовокзал халықтың талап-тілегі мен сұранысына сай бюджет қаржысы есебінен 975 млн. теңгеге салынды. Мұнда жолаушылар мен жүргізушілерге, мүмкіндігі шектеулі азаматтарға барлық жағдай қарастырылған. Жолаушылар автовокзалдан халықаралық және түрлі бағыттағы 38 маршрут бойынша сапарға шыға алады.Айта кетейік, соңғы жылдары Сыр өңірінде барлық саланың материалдық-техникалық базасын, оның ішінде автопаркін жаңартуға басымдық берілуде. Қызылорда қаласындағы қоғамдық көліктің мәселесін түбегейлі шешу үшін жаңадан 300 автобус, мектеп оқушыларына 30 автобус, денсаулық сақтау саласына 70 жедел жәрдем көлігі, орманшыларға 95 техника, ветеринария саласының мамандарына 30, құқық қорғау органдарына 92 қызметтік автокөлік, төтенше жағдайлар қызметіне 17 арнайы техника алынды. «Үлгілі елді мекен» облыстық байқауының жеңімпаздарына күнделікті ел тұрмысына ең қажетті деген заманауи үлгідегі 29 арнайы техника берілді. Биыл облыс тұрғындарының сұранысына сәйкес барлық елді мекендердегі денсаулық сақтау ұйымдарына 200 санитарлық автокөлік сатып алынбақ.Қала тұрғындарына арзан бағамен тасымал қызметін көрсететін 100 экотакси 1 млрд. теңгеге алынуда. Электр қуатымен жүретін көліктер ортақ желі арқылы жұмыс жасап, жолаушыларды діттеген жеріне қауіпсіз жеткізеді.Еске салсақ, өткен жылы «Қазақстан Темір Жолы» компаниясының және жергілікті кәсіпкерлердің демеушілігімен 600 млн. теңгеге жуық қаржыға тоғыз жолдың торабындағы бас қақпа – теміржол вокзалы күрделі жөндеуден өтті. Аумағы абаттандырылып, жаңадан жарық шамдар орнатылды. Жақында «Қызылорда-Семей» бағытындағы жолаушылар пойызына 44 заманауи вагон алынып, толығымен жаңаланды.«Болат Өтемұратов» қорының қолдауымен 17 млрд. теңгеге жуық қаржыға «Қорқыт Ата» әуежайының жаңа терминалы халықаралық талаптарға сай етіп салынды. Ғимарат жақын арада пайдалануға берілмек.<img src="https://knadmin.beoblood.kz/uploads/437706969_726027579718489_958343980593986243_n_250298a794.jpg" alt="437706969_726027579718489_958343980593986243_n.jpg"><img src="https://knadmin.beoblood.kz/uploads/437653443_726027986385115_7652734673765460646_n_e47b16e605.jpg" alt="437653443_726027986385115_7652734673765460646_n.jpg"><img src="https://knadmin.beoblood.kz/uploads/437613232_726027923051788_5498045324472747869_n_3dbc7bd17a.jpg" alt="437613232_726027923051788_5498045324472747869_n.jpg"><img src="https://knadmin.beoblood.kz/uploads/437569983_726027756385138_6317882915186195539_n_a999ca30df.jpg" alt="437569983_726027756385138_6317882915186195539_n.jpg"><img src="https://knadmin.beoblood.kz/uploads/437541879_726027389718508_5091520184312416420_n_b7493e8b5e.jpg" alt="437541879_726027389718508_5091520184312416420_n.jpg"><img src="https://knadmin.beoblood.kz/uploads/437540551_726027296385184_7050874595590379993_n_0b994acb3e.jpg" alt="437540551_726027296385184_7050874595590379993_n.jpg"><img src="https://knadmin.beoblood.kz/uploads/437392342_726027976385116_4674138703376528358_n_21d32acd82.jpg" alt="437392342_726027976385116_4674138703376528358_n.jpg">Фото:&nbsp;Қызылорда облысы әкімінің баспасөз қызметі

Қызылордада жаңа автовокзал ашылды

<a href="https://kyzylorda-news.kz/">Kyzylorda-news.kz</a>&nbsp;«AMANAT» партиясының бастамасымен және атқарушы органдардың қолдауымен елімізде жүзеге асырылып жатқан «Қарызсыз қоғам» жобасының өңірде орындалуы бойынша брифинг өтті.БАҚ өкілдеріне арналған ресми жиында партияның облыстық филиалының Атқарушы хатшысының орынбасары, өңірлік жобалық топ жетешісі Алтынбек Жарылқасынов, облыстық экономика және қаржы басқармасы басшысының және жобалық топ жетекшісінің орынбасары Дастан Баймаханов, жобаның облыс бойынша менеджері, сертификатталған тренер, ментор Наталья Мишукова, және басқа да тренерлер мен қаржы сарапшылары партиялық жобаның маңызын, ауыл-аймақтарда өткен сабақтар барысы туралы баяндады.«Өкінішке орай елімізде банктер мен түрлі қаржы ұйымдары алдында қарызы мол азаматтардың үлесі өте басым. Нақты айтсақ – 2 млн шамасында және бұл топта жастардан бастап зейнеткерлерге дейін азаматтар бар. Осы ретте 2023 жылдың сәуір айында «AMANAT» партиясы мен Halyk Bank тиісті меморандумға отырып, азаматтардың қаржылық сауаттылығын арттыруды көздейтін «Қарызсыз қоғам» жобасын іске қосқан болатын. Меморандум негізінде былтыр қаржылық сауаттылық курсынан Ақтөбе, Алматы, Атырау, Жамбыл, Батыс Қазақстан, Маңғыстау, Солтүстік Қазақстан және Түркістан облыстарының 65 мың тұрғындары өтті.Мемлекет басшысы Қасым-Жомарт Кемелұлы Тоқаев «Әділетті Қазақстанның экономикалық бағдары» атты халыққа Жолдауында «Қарызсыз қоғам» жобасының тиімділігін атап өтіп, оның игілігін бүкіл еліміз көруі үшін ауқымын кеңейтуді Үкіметке тапсырды. Осыған сай партияның Орталық аппараты мен Үкімет жобаның ауқымын кеңейту туралы тиісті органдармен арнайы Меморандум әзірледі. Құжат аясында 9 мемлекеттік орган, 12 банк, Қазақстан Қаржыгерлерінің қауымдастығы және Микроқаржы ұйымдарының қауымдастығы жобаны іске асыруға қосылды.Аталған құжат негізінде а.ж. 5 ақпаны күні партияның «Қарызсыз қоғам» жобасы еліміздің барлық аймағында бастау алып, азаматтарға консультациялық көмек көрсету үшін өңірлерде «Қарызсыз қоғам» жобалық кеңселері құрылды. Жалпы биылғы жылы «Қарызсыз қоғам» қаржылық сауаттылық курстарымен еліміздің барлық өңірінде 800 мыңнан астам адамды оқыту жоспарлануда. Жобаға қатысатын 800 мың адамның 150 мыңы тұрғындар болса, 100 мыңы студенттер және 550 мыңы мектеп оқушылары. Жаз айларында мектептердегі «Жаһандық құзыреттілік», «Қаржылық сауаттылық», «Кәсіпкерлік негіздері» пәндері мұғалімдерінің арнайы оқудан өтулері жоспарлануда» – деді Атқарушы хатшының орынбасары Алтынбек Жарылқасынов.Ал, жобаның облыс бойынша менеджері Наталья Мишукова сабақтар барысындағы түрлі тағдырлы тұрғындардың әсерін жеткізіп, олардың әлеуметтік мәселелеріне қанық болғанын атап өтті. Сабаққа қатысқандардың көбісі әйел азаматтар болғанын, мұнан бөлек оқуға қатысушылардың жартысынан көбінде несие проблемасы болғанын жеткізді. Қарызсыз қоғам сабақтарында тұрғындардың қаржылық сауаттылығын арттырып қана қоймай, оларға заң кеңестерін беру ұйымдастырылып, көпшілігінің мәселесінің шешілуіне ұйытқы болған.Брифинг барысында тренерлер мен қаржы сарапшылары БАҚ өкілдерінің сауалдарына жауап берді.Қазіргі таңда облыс бойынша ақпан – наурыз айлары қорытындысы бойынша мың жарымға жуық адам оқудан өтті.«Қарызсыз қоғам» жобасының қатысушылары қаржы кеңесшілерінің дәрістерінен бөлек, enbek.kz порталына тіркелу мен Жеке кәсіпкерлік ашудан бастап, соттан тыс банкроттықты сүйемелдеу және берешекті өтеу кестесін жасауға дейінгі көптеген сұрақ бойынша кеңес ала алады. Сондай-ақ, оқу процесіне қатысушыларға заңгердің де көмегі беріледі. Олар әр қарыз алушының несиелік тарихын жеке зерттейді және қарыз жүктемесін жеңілдету бойынша кеңес береді.Курсқа жазылу үшін тұрғылықты жері бойынша «AMANAT» партиясының қалалық, аудандық филиалдарынанемесе өңірлерде ашылған «Қарызсыз қоғам» жобалық кеңселеріне хабарласуға болады. Сондай – ақ жобаға қатысуға ниет білдірушілерге ыңғайлы болу үшін qogamfin.kz. онлайн-платформасы әзірленді. Сайт арқылы оқыту курсына жазылып, пайдалы материалдар мен бейне сабақтарды жүктеп алуға болады.

«Қарызсыз қоғам» жобасының аймақта жүзеге асырылуы бойынша брифинг өтті

Мәдениет қоғам дамуының негізгі қажетті саласы

&nbsp;<a href="https://kyzylorda-news.kz/">Kyzylorda-news.kz</a>&nbsp; Сыр елінің бас шаһарында дәстүрлі «Көктем нұры» республикалық оқушылар айтысы басталды. Жас дүлдүлдер арқау ететін тақырып – Алашқа белгілі жазушы, қазақ прозасында өзіндік соқпағын қалдырған жерлесіміз Әбдіжәміл Нұрпейісовтің 100 жылдығы. Сөз додасында еліміздің 6 аймағынан және Сыр өңірінен барлығы 10 ақын бақ сынайды.Айтысты ашып беріп, талапкер ақындарға сәттілік тілеген қалалық мәслихат төрағасы Ибадулла Құттықожаев:- Қашанда Сыр елі – жыр елі деген сөздің үдесінен шыға білетін Қызылорда әр жыл сайын дүбірлі сөз додасын өткізетін дәстүрінен жаңылған жоқ. Бүгін ұлттық брендімізге айналған айтыстың дәстүрлер жалғастығын үзбей, жаңа леп, жастық жалын бере келген темір қанат жас түлек ақындарымыз Сыр өңіріне жиналып отыр. Осы орайда, Сыр елінің бас қаласы Қызылордада екі ғасырдан астам тарихы бар Тұранның төрінде қасиетті Тәуелсіздік тағылымын жастардың санасына сіңіру, азат еліміздің жарқын жетістіктерін кеңінен дәріптеу, Әбдіжәмілдей жазушының өлмес мұрасын, өшпес даңқын насихаттау мақсатында ұйымдастырылған республикалық оқушылар айтысы көрермен көңілінен шығады деген сенімдемін, – деді.Оқушылар айтысындағы тапқыр ой, әдемі тіркестердің бағасын айтыскер ақын, ҚР мәдениет саласының үздігі Нұрмат Мансұров, айтыскер ақын, Қазақстан Жастар Одағы сыйлығының иегері Зухра Төлепова және айтыскер ақын, «Құрмет» орденінің иегері, дәстүрлі «Көктем нұры» республикалық оқушылар айтысы жобасының авторы Мамыр Байдаулетов беретін болады.Дәстүрлі жыр додасын «Көктем нұры» жобасының алғашқы түлектерінің бірі, Сырдың жас дүлдүлі Бексұлтан Орынбасаров тізгіндеуінің өзі жобаның өміршеңдігін көрсеткендей.Айтыстың жеңімпаздары туралы ақпаратпен келесі жарияланымда бөлісетін боламыз.

Қазақстан және Қызылорда облысының жаңалықтары