<a href="https://kyzylorda-news.kz/">Kyzylorda-news.kz.</a> Оқу жылы аяқталып, жазғы демалысқа шыққан оқушылар үшін олардың жазғы демалысын тиімді өткізу мақсатында лагерьлер ұйымдастырылады. Бұл жыл сайын қалалық білім бөлімі мен мектептердің жүйелі жүзеге асыратын жұмысы.&nbsp;Жазғы демалыс лагерін ұйымдастыру биылда өз жалғасын табуда. Ол үшін білім бөлімі тарапынан балалар мен жасөспірімдердің жазғы маусымдағы демалысын ұйымдастыру бойынша іс-шаралар жоспары бекітілген.&nbsp;Жалпы жазғы тынығу лагеріне атаулы әлеуметтік көмек алатын, күнкөріс деңгейі төмен отбасы балалары мен жетім, ата-анасының қамқорлығынсыз қалған балалар, сондай-ақ білім беру ұйымының алқалы басқару органы айқындайтын білім алушылар мен тәрбиеленушілердің өзге де санаттарына енгізілген балалар барады.Бекітілген жоспарға сәйкес жазғы маусымда оқушылар сыртқы лагерьде, мектеп жанындағы күндізгі тынығу лагерлерінде, облыс көлемінде және облыстан тыс лагерьге барып, тарихи-танымдық жерлерге экскурсиялар ұйымдастырады.&nbsp;Биыл оқушыларды 1 маусымнан бастап «Зерентай» жеке тыңығу лагері қабылдауда. Онда 7 ауысым бойынша міндетті оқу қоры есебінен 465 бала қамтылады. Бұдан бөлек Жаңақорған ауданында орналасқан мемлекеттік &nbsp;кәсіпорын «Талды су» тынығу лагерінде &nbsp;жалпы міндетті оқу қоры есебінен 1500 баланы демалдыру жоспарлануда. Ал облыс көлеміндегі және облыстан тыс лагерьге демеушілер мен инвесторлар есебінен аз қамтамасыз етілген отбасынан шыққан 60 бала қамтылмақ. Сонымен қатар «Қазақстан халқына» қоғамдық қоры тарапынан ауыл балаларының интеллектуалдық, шығармашылық қабілеттерін жетілдіру және қолдау көрсету мақсатында Алматы қаласында орналасқан «Спутник» лагеріне 120 оқушыға жолдама берілген.&nbsp;Жазғы демалыс маусымын ұйымдастыруда мектеп жанындағы күндізгі тынығу лагерлерінің де алар орны ерекше. Бұл бағытта қалада 1 маусым – 14 маусым аралығында 55 мектепте 2 ауысымда жатын орынсыз, ыстық тамақпен қамтылатын мектеп жанындағы жазғы мектеп лагері ұйымдастырылады. Жалпы мектеп жанындағы күндізгі лагерьде &nbsp;2386 &nbsp;оқушы демалмақ.Сондай-ақ «Балдаурен» республикалық &nbsp;дарынды балаларға арналған оқу-сауықтыру орталықтарына 11-15 жас аралығындағы 27 оқушы жіберілмек. Олар қоғамдық жұмысқа, оқуға белсенді араласқан, түрлі жарыстар мен олимпиада, фестиваль, байқау жеңімпаздары. Ал жалпы білім беретін мектептерден &nbsp;және «Бөбек» Ұлтық ғылыми-практикалық,білім беру және сауықтыру орталығында &nbsp;5-6 сыныптың 10 оқушысы демалады деп күтілуде.

Жаз маусымы: қызылордалық өрендер қайда демалады?

<a href="https://kyzylorda-news.kz/">Kyzylorda-news.kz.</a> Қала аумағындағы сыртқы-көрнекі ақпаратта, деректемелерде, маңдайша тақташаларда, жарнама мәтіндерінде «Қазақстан Республикасындағы тіл туралы» заңының 21-бабына сәйкестігі зерделеніп, кемшілік анықталған нысан иелеріне түсіндіру мақсатында «Таза тіл» еріктілер тобы мониторинг жұмыстарын жүргізді.Еріктер тобының қатысуымен өткен зерделеу жұмыстары нәтижесінде 3 көшенің бойында орналасқан 155 нысанның көрнекі ақпарат пен жарнамалары зерделеніп, 25 кемшілік анықталып, кәсіпкерлерге әдістемелік көмектер көрсетілді.<blockquote>«Көптеген жарнама берушілер Заңға бағына бермейді. Сондықтан да, &nbsp;мемлекеттік тіліміздің көркейіп, кең етек жаюы және мәртебесі мен мерейін арттырып, &nbsp;қаламызда қате, сауатсыз жазылған жарнамаларды жастардың назарына ұсыну арқылы, оларды ойландыру, осы мәселенің шешу жолдарын жас өрендерімізді тарту арқылы қолға алу болып табылады. Ең бастысы – бүгінгі жастарымыздың арасында өзіміздің төл тіліміз &nbsp;- қазақ тіліне барынша насихат жасасақ мемлекеттік тілдің мәртебесі артады деп білемін», - деді «Jastar ruhy» жастар қанатының төрағасы Медет Жорабек.</blockquote>Аталған мониторнг жұмысы тұрақты түрде жүргізіліп, сауатсыз жарнамалардың түзетілуі, заңнама талаптарына сәйкестендірілуі үнемі бақылауда болады.<figure class="image"><img src="https://knadmin.beoblood.kz/uploads/44062c04_62b1_44dc_841e_d9feb71694ee_0073fb2ef6.jpg" alt="44062c04-62b1-44dc-841e-d9feb71694ee.jpg"></figure>&nbsp;<figure class="image"><img src="https://knadmin.beoblood.kz/uploads/f76a4e22_e5f6_4c12_8b6d_b923f97802fd_944c91f8b2.jpg" alt="f76a4e22-e5f6-4c12-8b6d-b923f97802fd.jpg"></figure>

«Таза тіл»: Мониторинг жұмыстары жүргізілді

<a href="https://kyzylorda-news.kz/">Kyzylorda-news.kz.</a> Балалардың мектеп қабырғасындағы оқу уақыты аяқталып, үш ай демалысқа шыққалы бірнеше күн өтті. Барлық білім ошағы оқушыларды демалысқа шығарып салғаннан кейін, жаз бойы балалардың қауіпсіздігі, жалпы жауапкершілігі ата-аналардың өзіне жүктеледі. Ал ата-аналар осы тұста баласының жазғы демалыс уақытын тиімді пайдалануды ойлайды. Оқу жылын аяқтап, сабақтан алаңсыз босаған балалардың смартфонға тәуелді болып қалуының да алдын алу бүгінгі күннің өзекті мәселесі деуге болады. Ол үшін, әрине ата-ананың баламен етене жақын болуының маңызы зор. Ал жазғы тынығу лагерлерінің міндеті – балалардың жазғы демалыс уақытын тиімді өткізу, мектептегі тәлім-тәрбиесін толықтыру, танымын кеңейтуге жұмыс істеу.&nbsp;Жалағаш ауданына қарасты «Ақтерек» сауықтыру лагері де жыл сайын ба-лалардың балғын балалық шағының қызықты өтуіне жұмыс істеп келеді. Жалағаш кентінің іргесінде орналасқан лагерь жиырма жылдан астам уақыт бойы мектеп оқу-шыларына қызмет көрсетіп келеді. Орналасқан жері де көрікті, табиғаты әсем. «Ақтерек» биыл да балаларға құшағын айқара ашты. Салтанатты шараға қатысқан аудан әкімі Асқарбек Есжанов «Ақтерек» сауықтыру лагеріндегі алғашқы маусымның ашылуымен құттықтады.&nbsp;<blockquote>«Біз – бар жақсымыз балаларға дейтін халықпыз. Біз сіздерге сенеміз, ертең елімізді өркениет өріне шығаратын да, ел басына күн туса, елді, туған жерді қорғайтын да сіздер боласыздар. Сондықтан сіздердің міндеттеріңіз – бос уақыттарыңызды тиімді пайдаланып, саналы тәрбие, сапалы білім алу, есейіп, ер жетіп, елге қызмет ету. Жазғы тынығу лагерінде сіздер демалып қана қоймайсыздар, жаңа достар табасыздар. Достық – ұлы ұғым, «Досы көпті жау алмас» – дейді бабаларымыз. Сол достарың арқылы өрістерің ұзарып, дүниетанымдарың кеңейеді. Достарың көп болса, еңсең де биік болады. Бар жақсылық – балаларға. Біз балалардың бүгінгі нұрлы өмірі, ертеңгі жарқын болашағы үшін қолымыздан келген жақсылықтың барлығын жасаймыз. Өйткені балалардың болашағы жарқын болса, мемлекеттің де келешегі кемелдене түседі. Ал балалардың лагерде өтетін уақытының қызықты, тағылымды болуы тәрбиешілердің педагогикалық біліктілігіне және әрбір сәтті қызықты етіп ұйымдастыру шеберлігіне тікелей байланысты. Өйткені балалардың лагерден тек бойы ғана өспей, ойы да өсіп, есейіп қайтуы керек, – деді аудан басшысы Асқарбек Темірбекұлы.&nbsp;</blockquote>Айта кету керек, «Ақтерек» лагері 1999 жылы асар әдісімен салынған. Содан бері 80 орындық лагерь жылда 6 ауысыммен жұмыс істеп келе жатыр. Қазір лагерьде 4 жатын ғимарат, 1 асхана, 1 медициналық бөлімше, 1 спорт алаңы және 1 бассейн бар. Мұнда оқушылардың жазғы демалысын қызықты өткізу үшін барлық мүмкіндік қарастырылған. Жалпы, тынығу лагерлерінің өз тәртібі, ережесі бар. Тынығушылар мұндағы әр күнін сол тәртіпке сәйкес өткізеді. Танымдық-логикалық, спорттық жарыстар өтіп тұрады. Одан бөлек бой сергіту, ой сергіту және танымдық бағытта түрлі ойындар ұйымдастырылады. Сонымен бірге лагерде сурет, қолөнер, робототехника, полиглот және өрт қауіпсіздігі үйірмелері жұмыс істейді.&nbsp;– Иә, бала &nbsp;қуанса, &nbsp;әлем &nbsp;қуанады. &nbsp;Олардың &nbsp;қуаныштан &nbsp;бал-бұл &nbsp;жанған &nbsp;жүздерін &nbsp;көру &nbsp;үшін &nbsp;қандай &nbsp;еңбектің &nbsp;де &nbsp;артығы &nbsp;жоқ. Өйткені бала бауыр етің, жүрегіңнің бөлшегі, көңілдің нұры, көздің қуанышы, өміріңнің жалғасы деп білетін қазақпыз. Жүзі басқа, жүрегі бір, мынау дүниені тек жақсылықтан тұратын кішкене жүрек көзімен көретін бүлдіршіндер – өмірдің мәні. Осы жаннан артық, балдан тәтті перзентімізді салиқалы ұрпақ етіп тәрбиелеу – ата-ананың міндеті. &nbsp;Тәрбиенің өзегі – бала бойына адамгершілік пен рухани құндылықты сіңіру. Құнды қасиеттерді бойына сіңіру, рухани дүниесі жетілген адамды қалыптастыру туған кезінен басталуы керек дейді халық даналығы. Ағаш түзу өсу үшін оған көшет кезінде көмектесуге болады, ал үлкен ағаш болғанда оған көмектесе алмайсың. Баланы тәрбиелеу де осы секілді, ерте жастан басталса, жемісін береді. Ал балаға тәлімді тәрбие беруде осындай жазғы лагерлердің қосар үлесі зор. Өйткені мұнда балалар тек тынығып қана қоймайды, ортамен араласады, көпшіл болуды үйренеді, өздеріне қызмет көрсетуге қалыптасады, – дейді ата-ана Л.Саймағанбетова. &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp;Жалпы, биылғы маусымда «Ақтерек» сауықтыру лагеріне 6 ауысымда 442 бала, мектеп жанындағы күндізгі тынығу лагерлерінде 2028 бала, облыстан тыс лагерлерде 150 баланы демалдыру жоспарланып отыр. Бүгінде аудан кәсіпкерлері мен демеушілердің есебінен 170 бала Жаңақорған ауданындағы «Талдысу» лагеріне жіберілді. Сондай-ақ 2000-ға жуық бала Түркістан қаласы мен Қорқыт ата ме-мориалды кесенесіне тарихи-танымдық экскурссияға шығатын болады.Лагердің ашылу салтанатына арналған мерекелік шарадан соң аудан әкімі лагерь асханасымен және жатын орындарымен танысып, сала басшыларына тынығушыларға үнемі қолайлы жағдай жасалып, тазалық пен жайлылықты ұйымдастыруды тапсырды. Ал көптен күткен салтанатты шараға жиылған жұрт пен тынығушыларға арнап аудан өнерпаздары, жас өрендер ән айтып, күй төкті. Сонымен бірге бүлдіршіндер ертегі қойылымдарын қойды. Жазғы лагерге арнайы сыйлықтарымен келген аудан басшылығы мен аудан кәсіпкерлеріне бүлдіршіндер шынайы алғысын білдірді.

Жалағаш: «Ақтерек» құшағын айқара ашты

<a href="https://kyzylorda-news.kz/">Kyzylorda-news.kz.</a>&nbsp;&nbsp; Жыл сайын Қазалы ауданында Роза Бағланова атындағы аудандық мәдениет үйінде қобызшы, музыканттар Махамбет және Раманқұл Әуезовтердің атындағы "Қастерлеп жүрсін өнеріңді ұрпағың!" атты дәстүрлі республикалық халықтық отбасылық ансамбльдердің байқауы өтеді.&nbsp;Қызылорда облысы бойынша өнер бауқауына көптеген халықтық атағы бар отбасылық ансамбльдер қатысып, бақ сынайды. Биылғы жылы өткен байқауға Сырдария ауданынан Сәдуақасовтар халықтық отбасылық ансамблі қатысып, үздік өнер көрсетті. Есімі республикаға белгілі Сансызбай Сәдуақасов басқаратын ансамбль өнер додасында бірінші орынды жеңіп алды.<blockquote>– Жыл сайын отбасымызбен дәстүрлі түрде өтетін байқауға қатысып, өенр көрсетеміз. Бұл бір жағынан шығармашылық ізденіске есеп берудің көрінісі болса, екінші жағынан өнер десе ішкен асын жерге қоятын, ән мен күйге ерекше сүйсінетін, бағалайтын тындармандарымызды қуанту. Отбасымызда жұбайымнан бастап, балаларым, немерелерімнің барлығы өнерлі, музыкалық қабілетімен қатар арнайы білімдері де бар музыканттар, түрлі аспаптарда ойнайды. Келіндерім де басқа салада еңбек етсе де, өнерге жақын жандар. Міне, біздің халықтық отбасылық ансамбльдің өнеріне жоғары баға берген Қазалы жұртына айтар алғысымыз мол. Өнер бар жерде адам ешуақытта рухани аласармайды. Алдағы уақытта да осындай байқауларға қатысып, өнерімізді тамашалайтын боласыздар, – дейді халықтық отбасылық ансамбльдің жетекшісі, әрі Сәдуақасовтар отбасының отағасы Сансызбай Сәдуақасов.</blockquote>Айту керек, өткен жылы да дәстүрлі республикалық халықтық отбасылық ансамбльдер байқауында Сырдариялық Сансызбаевтар отбасылық ансамблі үздік өнер көрсетіп, жүлделі орын алған болатын. &nbsp;

Сырдариялық Сәдуақасовтар отбасы өнер байқауынан бірінші орын алды

<a href="https://kyzylorda-news.kz/">Kyzylorda-news.kz.</a>&nbsp; &nbsp;Бүгін Қызылорда облысы Полиция департаментінің және Сыбайлас жемқорлыққа қарсы іс-қимыл агенттігінің Қызылорда облысы бойынша департаменті басшылығының қатысуымен жеке құрам арасындағы тәртіп және заңдылық мәселесі талқыланды. Аталмыш жиынға Орталық аппараттың, қалалық Полиция басқармасының басшылығы және жеке құрам қатысты.Бірлескен жиын барысында полиция қызметкерлері арасында заң бұзушылықты болдырмау мақсатында атқарылған жұмыстар, қабылданып жатқан іс-шаралар, сонымен қатар, әрбір мемлекеттік қызметкердің қызмет атқару барысында бірінші кезекте қолданыстағы заңнамаларды басшылыққа алу мәселесі де талқыланды.&nbsp;Заңдылық және тәртіп – тек заңдарды және нормативтік құқықтық актілерді сақтау ғана емес, басқа да белгіленген жеке қағидаларды, сондай-ақ басшылықтың жазбаша және ауызша бұйрықтарын қызмет уақытында сәйкесінше орындау болып табылады.Ішкі істер органдарының әрбір қызметкері азаматтардың құқықтарын, бостандықтарын және денсаулықтарын, сондай-ақ, қоғамдық тәртіп пен қауіпсіздікті қамтамасыз ететін құқық қорғау органы болып табылатындығы айтылды.&nbsp;«Жеке құрам арасында заңдылық пен қызметтік тәртіптің сақталуына тиісті бақылауды жүзеге асыру мақсатында жеке құрам арасында заң бұзушылықтардың, жол-көлік оқиғаларын азайту және автокөліктік тәртіпті орнатуға, тәртіпті бұзуға бейім қызметкерлерді анықтауға бағытталған профилактикалық алдын-алу іс-шаралары тұрақты негізде жүргізілуде. Бұдан бөлек, жеке құрам арасында сыбайлас жемқорлыққа қарсы іс-қимыл бойынша кешенді шаралар қабылдау жұмыстары Департамент басшылығының ерекше бақылауында. Сондықтан да бұл бағыттағы жұмыстарды бірлесіп жүргізгенде жұмыстың нәтижелі болатыны анық» – деді Қызылорда облысы Полиция департаментінің Өзіндік қауіпсіздік басқармасының бастығы полиция полковнигі Ғалымбек Карағұлов.<figure class="image"><img src="https://knadmin.beoblood.kz/uploads/fdaddf58_3eb1_4ad6_bdff_e9989133aaa5_71402b674c.jpg" alt="fdaddf58-3eb1-4ad6-bdff-e9989133aaa5.jpg"></figure>&nbsp;

Бірлескен жұмыс нәтижелі 

<a href="https://kyzylorda-news.kz/">Kyzylorda-news.kz.</a> Бірнеше жыл бұрын Ғани Мұратбаев ауылына газ желісі тартылады деген қуанышты хабарды түрлі деңгейдегі бұқаралық ақпарат құралдары жарыса жариялады. Жағымды жаңалыққа жұртшылық риза болысып, айтылған ауыл тұрғындарымен қосыла қуанды. Қазір көптен күткен іс басталып та кетті. Осы орайда бір азаматтың аты жиі аталды. Ол жерлестеріне жанашыр Жылқайдар Тәңірбергенов болатын. Туған жеріме титтей болса да көмегім тисе екен деп қолынан келгенді аямаған жанның Қазалы топырағының тумасы екенін бірі білсе, бірі білмес. Мұнай және газ саласында елеулі еңбек атқарып, жемісті жұмыс істеп жүрген жерлесіміз бірнеше «Диплом», «Құрмет грамоталары» және «Сапа көшбасшысы» сертификатының иегері. Жақында Шымкент қаласындағы «ЮгГазПроект» ЖШС директоры Жылқайдар Тәңірбергенұлымен сұхбаттасудың сәті түсті.– Жылқайдар аға, туған жер дегенде көз алдыңызға қандай көрініс келеді? Ата-анаңыз туралы айта кетсеңіз…– Мен Арал теңізінің бойында туып-өстім. Сол кездегі шалқыған теңіз, тайдай тулаған балық көз алдымда. Әкем балықшы, шешем үй шаруашылығында болды. Әкемнің туған топырағы қазіргі Қожабақы ауылы. Ашаршылық жылдары жаппай ел көшіп, бет-бетіне ыдыраған шақта менің де ата-анам теңіз жағасын саялайды. Содан 1960 жылы туған топыраққа қайта қоныс аудардық. Мен Әйтеке би кентіндегі №420 мектепте оқыдым. Оны үздік аяқтаған соң, Шымкент қаласындағы КазХТИ институтына түсіп, инженер-химик-технолог мұнай мен газ қайта өңдеу мамандығын алдым. Мамандығыма сәйкес жұмыс туған жерден табыла қоймағансын осы қалада қалуыма тура келді. 1973 жылы жолдамамен Фрунзе қаласына авиаотряд бірлестігіне ГСМ инженері болып жұмысқа келдім. Бұдан соң әр жылдары түрлі мекемеде қызмет еттім. Қазір «ЮгГазПроект» ЖШС директорымын.– Туған жерге қаншалықты жиі келесіз?– Жылына 3-4 рет барамын – Сіздің Ғани Мұратбаев ауылына жүргізіліп жатқан газ желісінің жоба-сметалық құжатын тегін дайындап бергеніңізден хабардармыз…– Иә, туған жерге қандай құрмет көрсетсек те жарасады. Ғани атындағы ауыл мен Қазалы қаласына арнайы жоба-сметалық құжатты дайындадым. Ауылдағы жұмыс қарқынды жүріп жатқанын естіп қатты риза болып қалдым. Қала халқының да көгілдір отын игілігін көрер күні алыс емес деп ойлаймын. Менің руым Асанның Мәметегі. Жуырда ата-бабалар рухына арнап ескерткіш орнатпақпыз. Оған да қолымнан келгенінше көмек көрсетудемін. Әрқашан туған жерге бүйрегім бұрып тұрады. Алла жазса әлі талай игілікті істерді атқару жоспарым да бар.– Сізді қоғамда қандай мәселе алаңдатады?– Қазақ елінің дамыған мемлекеттер қатарында болғанын қалаймын. Халқының әл-ауқаты жақсы болғанын тілеймін. Мені алаңдатып, ойландыратын мәселе осы.– Көмек сұрай барған кез келген жанға қол ұшын созасыз ба? Әлде тек шын мұқтаждарға жәрдемдескен жөн деп ойлайсыз ба?– Шын мұқтаж жандарға көмек беруді құптаймын. Қолымнан келген жәрдемді қайырымдылықты аямаймын.– Адамның бойындағы қандай болмысты жоғары бағалайсыз? Сіздің өзіңізге ұнайтын және ұнамайтын қасиеттер…– Адалдық, сауаттылықты және еңбекқорлықты жоғары бағалаймын. Өзімнің бойымдағы адамгершілік, жауапкершілік қасиеттерім ұнайды. Ал өжеттігім кейде өзіме де жақпай қалады.– Ана тілінен өзге тілді білмеген болсаңыз, оған ұялар ма едіңіз?– Ана тілді білуге әрбір адам міндетті. Ал өзге тілдерді де меңгеру дұрыс деп санаймын. Қазіргі заманның талабы сондай, жан-жақтылық, кез келген ортаға бейімділік қажет. Оның зияны жоқ, керсінше пайдасы тиеді.– Сіздің түсінігіңізде байлық деген не, бақыт деген ше?– Мен үшін байлық – жасаған еңбектің нәтижесін көрген сәтім. Ал мағыналы, қызықты өмір сүрсең бақыт емей немене?– Ең алғаш тапқан табысыңыз... Оны қайда жараттыңыз?– Алғаш институт бітіргеннен кейін басқа мемлекетте, өзге қалада жұмыс істедім. Ата-анамнан көрген тәрбием бойынша бірінші табысымды наннан артық ас жоқ деп түйіп, нан алуға жұмсадым.– Жерлестеріңізге тілегіңіз…– Әрқашан туған жермен, ондағы азаматтармен біргемін. Әр отбасында амандық болсын! Ең бірінші байлық – деннің саулығы. Ауырмай-сырқамай ауызбіршілікте бірге дами беріңіздер деймін.– Сізге де амандық тілейміз. Уақыт бөлгеніңізге рахмет!

Жылқайдар Тәңірбергенов: Туған жерге бүйрегім бұрып тұрады

<a href="https://kyzylorda-news.kz/">Kyzylorda-news.kz.</a>&nbsp;Құшақ-құшақ әдемі гүлді сыйға алуды қыз-келіншектердің барлығы бірдей жақсы көреді. Әсіресе, туған күн мен мерекелік кештерде кез келген нәзік жан жақынынан көздің жауын алатын гүлдерді күтеді. Олар мұны айтып, сыртқа білдірмесе де, іштегі қалауы сол.Сондықтан әжеңізге, анаңызға, сүйікті жарыңыз бен әпке-қарындасыңызға гүл сыйласаңыз, көңілі көтеріліп, ерекше күйге бөленетінін естен шығармаңыз.&nbsp;Статистикалық мәліметтерді сенсек, жыл сайын еліміздегі гүл дүкендеріне шамамен 40 млн АҚШ доллары болатын гүлдер шоғы әлемнің әр түрлі елдерінен жеткізіледі. Қазақстанды гүлмен қамтушы негізгі мемлекеттер – Нидерланды, Эквадор, Колумбия, Кения және Италия.&nbsp;Енді гүлдердің бағасына қарай ойыссақ. Наурыз айында көпшіліктің қызғалдыққа қызығушылығы артады. Ақпан айынан-ақ әлеуметтік желілерде қызғалдақтар сатылымына қатысты жарнамалар жарыса жарияланады. «1 наурызға дейін тапсырыс беріп үлгер», «5 наурызға дейін бір қызғалдақтың бағасы – 400 теңге, 5 наурыздан кейін 500 теңге болады» деген сипаттағы хабарландырулардан көз сүрінеді. Жыл сайын мереке қарсаңында гүл бағасының қымбаттауы – қалыптасып қалған дәстүр.&nbsp;Мамандардың айтуына қарағанда, гүлдің бағасы оны өндірушелерден сатып алу, жеткізу, міндетті төлемдер, курьерлік қызмет, гүл шоғын сәндеу шығындарын есепке ала отырып қалыптасады. Мәселен, жылыжайда бір қызғалдақ 100-150 теңге тұрады. Гүлдер тез солып қалатындықтан әдетте оларды ұшақпен жеткізеді. Ол – қымбат әуекөлік. Гүл шоғын әсемдейтін қағаздар, жазулар және тағы басқалары да арзан емес. Жеткізу қызметіне жұмсалатын шығындар, сатушының еңбекақысы, коммуналдық төлемдер тағы бар. Осыларды қосқан кезде бір қызғалдақтың бағасы 400-500 теңге болып шыға келеді. Бірақ жақындарын қуантуды қалайтын тұрғындарға бұл түк емес. Мереке күні гүл сату орындарындағы ұзын-сонар кезекті ескерсек, ер азаматтар қыз-келіншектер қауымына көтеріңкі көңіл күй сыйлау үшін ақшасын аямайды.&nbsp;Қазір көпшілік, әсіресе жастар, гүлдерді интернет арқылы сатып алады. Пандемия кезінде бұл онлайн-қызметке сұраныс тіпті артты. Жаныңа жақын адамды қуанту үшін үйден шығудың керегі жоқ. Бірнеше батырманы басып, қоңырау шалып, тапсырыс берсе болғаны. Бірақ көше бойындағы дүңгіршіктер мен сауда орындарына барып, гүлді таңдап алатындардың қатары да аса сирей қойған жоқ. Гүлді барып алған дұрыс па, әлде технология тетіктерін пайдаланып, тапсырыс берген жөн бе? Бұл сауалды «Аққу гүлдер әлемінің» иесі Жаухар Үрімоваға қойдық.&nbsp;<blockquote>«Оффлайн сатылымда тәуекел көп. Егер гүлді бүгін сатып алмаса, оны тағы бірнеше күн сақтаудың, тезірек сатудың жолдарын қарастыру қажет. Яғни, табыстан айырылып қалуың мүмкін. Ал онлайн сатылым кезінде тапсырысты алдын ала бергендіктен, қай күні қандай гүлдердің сатылатынын жақсы білесің. Интернет арқылы тапсырыс берудің тағы бір тиімді тұсы – уақытты үнемдеп, ауданның кез келген жеріне жеткізу қызметін пайдалануға болады. Сатылымның мұндай түрі жұмыс күндері зор сұранысқа ие. Ал демалыс күндері адамдар отбасыларымен, құрбыларымен келіп, мерейтой иесіне гүлді таңдап алуды құп көреді. Оффлайн сатылымның ұтымды тұсы да осы. Онлайн тапсырыс берушілерде гүлдің балғындығына, иісіне, түсіне қарай таңдау жасау мүмкіндігі бола бермейді», – дейді кәсіп иесі.&nbsp;</blockquote>Соңғы уақытта ауданда гүл сататын арнайы дүкендер көбейді. Ең алғаш гүл сатып жеке кәсіпкер Наталья бастаған. Кейіннен «Аққу гүлдер әлемі», «Shieli.gulder», «Сенің сыйлығың», «Romantic» сынды түрлі дүкендер ашыла бастады. Кәсіп иелерінің айтуынша, гүлдердің басым бөлігі арнайы Шымкент пен Сарыағаштан келеді екен.Флористика саласы мамандарының сөзіне қарағанда, әр гүлдің түсі мен түріне қарай сыйлайтын орны бар. Мәселен, әже мен анаңызға бақытгүл, қалампыр, түймедақ, сүйікті жарыңызға қызғалдақ пен раушан, лалагүл, әпке-қарындасыңызға ақ раушан, түймедақ, наркәс, әріптесіңізге, құрбыңызға қызғалдақ, мимоза сыйлаған дұрыс. Ал жапырақтары қарайған, үзілуге шақ тұрған, түрлі «әшекейлермен» сәнделген, жасанды гүл шоқтарын және кактусты сыйлауға болмайды.

Шиеліде гүл сататын кәсіп иелері көбейіп келеді

<a href="https://kyzylorda-news.kz/">Kyzylorda-news.kz.</a> 1 маусым күні Қазалы аудандық білім бөлімінің ұйымдастыруымен оқушылар үйі алаңында 1 маусым – Халықаралық балаларды қорғау күніне арналған «Балалардың игілігі үшін» атты ұлттық спорт түрлері асық ату, қол күрес және ләңгі тебуден оқушылар арсында жарыс өтті.Сайыс қорытындысы бойынша қол күресінен жүлделі бірінші орын №70 мектеп командасы, екінші орын №266 мектеп-лицей командасы және үшінші орын №216 мектеп командасы иеленді.Асық атудан өткен жарыста жүлделі бірінші орын №276 мектеп, екінші орын №266 мектеп-лицей және үшінші орын №134 мектеп командасы иеленсе, ал ләңгі тебу жарысында жүлделі бірінші орын №204 мектептің оқушысы Б.Жалмахан, екінші орын №249 мектеп-лицейдің оқушысы Б.Қарасай және үшінші орын №204 мектептің оқушысы Д.Елубай иеленіп аудандық білім бөлімі мен білім қызметкерлері кәсіподақ комитетінің мадақтамасымен марапатталды.&nbsp;Сонымен қатар асық ату жарысында үздіктер қатарынан №226 мектеп гимназияның оқушысы Д.Айтуған мен №134 мектептің Ә.Дәулетказин, қол күрес жарысында №70 мектептің оқушысы А.Дәніш пен №226 мектеп гимназияның оқушысы Н.Ергазы және ләңгі тебу жарысында №226 мектеп-гимназияның оқушылары Н.Әуезхан мен Н.Кәден көрініп алғыс хатпен марапатталды.

Балалар ұлттық спорт түрлерінен бәсекеге түсті

<a href="https://kyzylorda-news.kz/">Kyzylorda-news.kz.</a> Дәрігер – адам жаны мен тәнінің шипагері. Ақ халат кию мойныңа қаншама жауапкершілік жүктейді. Бұл жерде жүрек тазалығы мен мейірімділік аса қажет. &nbsp;Егер бойыңда осындай жақсы қасиеттер болмаса, мамандықты дұрыс таңдамасаң, көңілің ақ, жүрегің мейірім мен шуаққа толы болмаса, &nbsp;қанша жерден бұл мамандықты игергеніңмен, жоғары жетістік пен сәттілікке жете алмайсың. Бұл – біздің бүгінгі кейіпкеріміз қаладағы № 6 емхананың бас дәрігері Жаннат Қожарипованың пікірі.&nbsp;Шынында, &nbsp;дәрігердің өмір жолына қарап, оның өте еңбекқор, өзіне де, өзгеге де талап қоя алатын білгір басшы екендігін жазбай танисың.&nbsp;Жаннат Шайхысламқызы Қожарипова 1968 жылы 7 қазанда Қызылорда қаласында дүниеге келген. Батыржан Шалғынбаев атындағы №217 орта мектепті бітірген соң 1986-1992 жылдар аралығында Ақтөбе мемлекеттік медицина институтын бітіреді. &nbsp;Алғашқы еңбек жолын №1 перзентханадан бастайды. Емдеу орнында 1992-1994 жылға дейін дәрігер болып жұмыс істеп, интернатурадан өтеді. 1995 жылдан 2002 жылдар аралығында №2 қалалық емханасында акушер-гинеколог қызметінде, 2002-2004 жылдары облыстық медицина орталығында дәрігер болады. 2004-2013 жылдар аралығында қалалық әйелдер консультациясының бас дәрігері, 2013 жылы облыстық перинаталдық орталығының бас дәрігері болып тағайындалады. Мұнан соң 2013-2014 жылдары «Интертич» клиникасы бас директорының орынбасары, 2014 жылдың қаңтарынан желтоқсан айына дейін облыстық денсаулық сақтау басқармасының ана мен бала ісі жөніндегі орынбасары, 2014 жылдан 2015 жылға дейін облыстық инфекциялық ауруханасының бас дәрігері, 2015-2017 жыл аралығында облыстық денсаулық сақтау басқармасының ана мен бала ісі жөніндегі орынбасары болып, абыройлы қызмет атқарады. 2017 жылдан бүгінгі күнге дейін №6 емхананың бас дәрігері қызметінде.&nbsp;<blockquote>«Дәрігер – &nbsp;деген мен үшін ең құрметті атақ. Мансап, қызметтен жоғары адамгершілік, адалдық деген ұғым бар. Өмір жолымда мені жетелеп келген ата-анамнан берілген осынау ұғымдар. Дәрігер болу үшін тер төгіп, тәуліктің 24 сағатында да жаныңды аямай, ұйқысыз түнді өткіздік. Басқа мамандық иелері жұмыс орнынан шыққанда бүкіл жұмыс барысындағы күйзелісті жұмыс бөлмесіне тастап кетеді. Ал біз, біздің әріптестеріміз жұмыстың проблемасын үйге алып келіп, науқасты үйде де уайымдап, жаның жай таппай қиналасың. Бізде сенбі, жексенбі деген болмайды. Аяқ астынан шақыру түссе түн мезгілінде шақыртуға барып, үздіксіз жұмыс істеп, әскерилер секілді қырағылық көрсетеміз. Оның үстіне маған еңбек жолымда жауапкершілік артып, түрлі қызметтің тұтқасын ұстатты. Халық алдындағы жауапкершілік, ұжым алдындағы абырой &nbsp;үнемі маған қажымас қайрат, талмас қанат береді. Осы мамандықты таңдағаныма еш өкінбеймін. Себебі мен өз мамандығымды шексіз сүйемін. Сондықтан барлық ауыртпалық пен қиындығын мойымай көтеремін», – дейді бас дәрігер.&nbsp;</blockquote>Шынында дәрігер болу жүректің батырлығы мен шексіз шыдамдылық пен сабырлы болуды талап етеді. Жаннат Шайхысламқызы – өз мамандығының білгірі. Ерен еңбегі еленіп, алған марапаты да еңбегінің жемісі деп білеміз.2006 жылы денсаулық сақтау министрінің Алғыс хатымен, 2008 жылы денсаулық сақтау министрінің құрмет грамотасымен, 2021 жылы «Халық алғысы» медалімен, сол жылы «Шапағат» медалімен марапатталған. Отбасылы, бүгінде үш бала тәрбиелеп отырған абзал ана.&nbsp; Қазақта кәсіп таңдауда қателеспеу керек деген сөз бар. Жаннат Қожарипова кәсібіне адал, қол астындағы қызметкерлерге сыйлы, халқына қалаулы жан. Үлкен жүректі дәрігерге деген елдің риясыз ықыласы &nbsp;да &nbsp;өміріне шуақ сыйлайды. Елдің ақ батасын арқалаған жанға біз де табыс тілейміз!

Жаннат Қожарипова: Дәрігер –  деген мен үшін ең құрметті атақ

<a href="https://kyzylorda-news.kz/">Kyzylorda-news.kz.</a> Мемлекет басшысы Қазақстан халқына арнаған Жолдауын¬да мемлекеттік органдар алдына ауқымды міндеттер қойды. Президенттің Әділетті Қазақстанды құруға бағытталған бастамаларын іске асыру прокуратура органдарының үйлестіруші рөлін күшейту мен қадағалау сапасын жақсартуды талап ететіні сөзсіз.Жолдауда Қылмыстық және Қылмыстық-процестік кодекстер туралы кеңінен айтылды. Қ.Тоқаев кодекстерді мұқият саралап, ондағы қолданылмайтын немесе сот төрелігіне кедергі келтіретін тармақтардың бәрінен арылу қажет екенін айтты. Тиісті түзетулер енгізілгеннен кейін оларды қайта-қайта өзгерте бермеу қажеттігін тапсырды. Осы ретте, 2015 жылдан бері Қылмыстық және Қылмыстық-процестік кодекстерге 1200-ден астам өзгеріс енгізілгенін ескерсек, Президенттің қойып отырған талабы орынды екенін түсінуге болады. Сондықтан Қылмыстық және Қылмыстық-процестік заңнаманы түзету құзыреті Әділет министрлігіне берілмек.Президент Жолдауында қаңтар оқиғасына қатыс¬қан, бірақ ауыр қылмыс жасамаған азаматтардың жазасын жеңілдетіп, бір реттік рақымшылық жариялау туралы шешім қабылдады. Алайда Мемлекет басшысы лаңкестік және экстремистік қылмыс жасағандарға, рецидивистерге, жұртты азаптағандарға рақымшылық болмайтынын қатаң ескертті.«Қасіретті қаңтар» оқиғасы тәртіп сақшылары үшін нағыз сынақ болды. Ол кезде арандатушылардың кесірінен шерулер жаппай тәртіпсіздікке ұласты. Оның ақыры мемлекетке қарсы бүлік шығаруға әкеп соқтырды. Жұртты арандатушылардың көбі шартты немесе жеңіл жазамен құтылып кетті. Шын мәнінде, олардың кінәсі әлде¬қайда ауыр. Өйткені, жағдайды қасақана ушықтырды. Соның салдарынан іс насырға шауып, қайғылы оқиғалар болды. Маған құқық қорғаушылар, адвокаттар қауымдастығының өкілдері бірнеше рет өтініш жолдады. Олар елді жаппай тәртіпсіздікке үндеген адамдарды қатаң жазалау қажет екенін айтты. Бұл – орынды ұсыныс. Сондықтан өкілетті орган¬дарға осы мәселені қарастырып, нақты шара қабылдауды тапсырамын» деді Президент Қ.Тоқаев.Жолдаудағы келесі ауқымды мәселе – құқық қорғау органдарын реформалауға қатысты. Бұл сала әрдайым қоғамның жіті назарында. Қоғам белсенділері, заңгерлер талай¬дан бері мұны көтеріп жүргені белгілі. Осы орайда, Мемлекет басшысы өз Жолдауында «Қасіретті қаңтар» оқи¬ғасына қатысты бірқатар мәселе айтып өтті. Бұдан бөлек, Жолдауда адам өлтіру, қарақшылық жасау сияқты ауыр қылмыстар көбейгеніне тоқталып, жазаны қатайту қажеттігін атады. Отбасылық зорлық-зомбылықты қылмыс санатына жақызу мәселесіне де назар аударды. Синтетикалық есірткі тұтынатындардың көбеюі, интернет және телефон арқылы жасалатын алаяқтық әрекеттерге айрықша назар аудару керек екенін тапсырды. Аталған міндеттерді орындау бағытында прокуратура саласы нақты жұмыстар атқаратын болады. Асқар Кемалов, Сырдария ауданының прокуроры

Асқар Кемалов: Әділетті Қазақстанның келешегі жарқын

<a href="https://kyzylorda-news.kz/">Kyzylorda-news.kz.</a>&nbsp; Азаматтарды жеке қабылдау мәселесі – полиция қызметінің басты бағыттарының бірі. Бүгін «Халық үніне құлақ асатын мемлекет» тұжырымдамасы аясында Қызылорда облысының Полиция департаментінде полиция генерал-майоры Махсудхан Аблазимов өңір тұрғындарын жеке мәселелері бойынша кезекті жеке қабылдауын өткізді.&nbsp;Қабылдауға алдын ала жазылған облыс тұрғындары шағымдарымен, сондай-ақ қылмыстық істер бойынша кеңес алу мақсатында жүгінген. Махсудхан Нұғманұлы тұрғындардың шағым-ұсыныстарын, талап – тілегін мұқият тыңдап, заңға сәйкес түсіндірме беріп өтті.&nbsp;<blockquote>«Азаматтардың арыз-шағымдарын қарау барысы Полиция департаментінің қатаң бақылауында болады. Әрбір келіп түскен өтініш назардан тыс қалмайды. Бүгін менің жеке қабылдауыма алты азамат келіп отыр. Олардың әкімшілік, кадр және қылмыстық істер аясында айтылған барлық уәждері назарға алынатын болады. Сол істердің аясында түсіндірмелер беріліп, бақылауға алынатын болады. Азаматтардың әрбір өтініші бойынша тиісті тексерулер жүргізіліп, оларға жазбаша түрде жауап қайтарылатын болады» – деді Департамент бастығы полиция генерал-майоры Аблазимов Махсудхан.</blockquote>

Қызылорда облысының бас полицейі жеке қабылдау өткізді

<a href="https://kyzylorda-news.kz/">Kyzylorda-news.kz.</a>&nbsp; Бүгін облыстық «AMANAT» партиясының алаңында облыстық білім басқармасының басшысы Мейрамбек Шермағанбет азаматтарды жеке мәселелері бойынша қабылдау өткізді.Қызылорда облысының білім басқармасының баспасөз қызметінің хабарлауынша, қабылдауға келушілер техникалық және кәсіптік білім беру ұйымдарына берілетін гранттар мен балалардың жазғы демалысында лагерьмен қамту және жұмысқа қабылдау мәселелерін көтерді. Облыстың бас ұстазы өз кезегінде тұрғындарға колледждерге бөлінетін гранттар ең алдымен белгіленген 9 түрлі санаттағы талапкерлерге берілетіндігін атап өтті. Сондай-ақ, жұмысқа орналасу жаңа ережеге сәйкес конкурс арқылы жүргізілетіндігін түсіндірді. Сонымен қатар, мектепке дейінгі білім беру ұйымдарына кезекке тұруға қатысты бірқатар өтініштер мен мәселелер тыңдалды. Осы сауалдар бойынша тиісті басшыларға тапсырма берілді.&nbsp;Айта кету керек, басқарма басшысы жазғы тынығу лагерьлеріне, колледждердегі грант бөлуге қатысты көтерілген мәселелерге зерделеу жұмыстарын жүргізіледі деді. Осылайша сауалдардың оңтайлы шешілуіне білім бөлімдеріне тапсырма берілетіндігін жеткізді.

Қазақстан және Қызылорда облысының жаңалықтары