&nbsp;<a href="https://kyzylorda-news.kz/">Kyzylorda-news.kz</a> Бастауыш партия ұйымдарымен өзара байланысты нығайтып, олардың партия бастамалары мен жобаларын іске асыруы бойынша бірқатар жұмыстар атқарылуда.Соның ішінде, бастауыш партия ұйымдарының өткен жылы атқарған жұмыстарын саралап, ағымдағы жылға жоспарларын пысықтау мәселесі де бар.Соның негізінде, бүгін «Сәулет», «Тасбөгет», «Абзал», «Береке», «Қазылжарма», «Қызылөзек» бастауыш партия ұйымдарының Төрағалары атқарылған жұмыстар бойынша есеп берді.&nbsp;Бүгінде бастауыш партия ұйымдары жарнапұл, трансферттік қаржыны игеру, партиялық жобалар аясында шаралар өткізу, қоғамдық жұмысқа белсене араласу бағытында жұмыстар атқаруда.<blockquote>Партияның әр мүшесі өздеріне көрсетілетін қамқорлықты, қолдауды сезінуі қажет. Сондықтан, қаладағы топтық ұйымдардың басшысы, бастауыш партия ұйымдарының төрағалары ретінде сіздерге жүктелген жауапкершілік жүгі ауқымды.Біз партия тарапынан белсенді партия мүшелеріне қолдау көрсетіп, еңбегін бағалап түрлі марапаттарға ұсынамыз. Сонымен қатар, әр партия мүшесінің өмірінде орын алған мәселелерге байланысты партия, бастауыш партия ұйымдары тарапынан қолдау болуы қажет,-деді партияның қалалық филиалының Төрағасы Ибадулла Дүйсенбайұлы Құттықожаев.</blockquote><img src="https://knadmin.beoblood.kz/uploads/08822d4e_bba6_4b9a_9c7e_35cc3a714ccd_79b37d9040.jpg" alt="08822d4e-bba6-4b9a-9c7e-35cc3a714ccd.jpg">&nbsp;

Бастауыш партия ұйымдарының төрағалары атқарылған жұмыстар бойынша есеп берді

<a href="https://kyzylorda-news.kz/">Kyzylorda-news.kz</a> &nbsp; Ғылым - дамуды, шыңдауды талап етеді. Ал оған құмартқан әрбір жан өз саласының өзегіне ұмтылып, ізденісін арттырып, биікке бой ұрса әр сала өзінше даму жолына түседі. Бүгінде өңірімізде ілім мен білімді ұштастырып, ілкімді істер атқарып, шәкірт тәрбиелеу жолында жүйелі жұмыстардың басында жүрген ғалымдар да аз емес. Солардың бірі Қорқыт ата атындағы Қызылорда университетінің оқытушылары Гүлзира Оралова мен Анғысын Сейтмұратов. Айтулы мереке қарсаңында мәртебелі мамандық иелері өз саласындағы жұмыстарды баяндап, ойлы әңгіме өрбітті.<blockquote>– Елдің өсіп жетілуі ғылымнан, оқу-білімнен. Ғылымға Президентіміз Қасым-Жомарт Кемелұлы көп көңіл аударып, үлкен қаржылар бөлініп жатыр. Бүгінде Қорқыт ата университеті Кореядағы Сеул қаласымен байланыс орнатып, Физика информатика бағытында жемісті жұмыстар жүргізіліп жатыр.</blockquote>Қызылорда қаласында физика мектебі ашылып жатыр. Қызылордада ашылып жатқаны біздер үшін үлкен мәртебе. Өз кезегімізде біз де жас буынға білгенімізді үйретіп, ғылымға баулудамыз. Университеттің әлеуеті жақсы. Жастардың да білімге қызығушылығы көңіл қуантады,&nbsp;– деді Анғысын Жасаралұлы.– Бүгінгі мерейлі күні жүздесіп отырғаныма қуаныштымын.<blockquote>Біз қазақ әдебиеті, ұлт әдебиетінің құрамдас бөлігі болып саналатын Сыр әдебиетіне бағыт түзеп, жұмыс атқарып келеміз. Өңірімізге қатысты әдеби мұраларды зерделеу жұмыстарын жүргіземіз. Біздің мақсат - Сыр өңіріндегі киелі жерлерді анықтау, ұлттық құндылық тұрғысында бағалау. Өзіміз зерттеу жұмыстарын жүргізген дүниелерге түрлі талдау жасап, шетел басылымдарына ұсындық. Бүгінде жас зерттеушілердің де қатары көбеюде. Бұл әрине өз кезегінде атқарылған жұмыстың жемісі деп білемін. Ғылымға ұмтылып, салаға бой ұрған барша ғылым қызметкерлерін айтулы мерекемен құттықтаймын,- деді Гүлзира Сапарқызы.</blockquote>Фото: Қызылорда облысының Өңірлік коммуникациялар қызметі

Бүгін - Ғылым қызметкерлері күні

<a href="https://kyzylorda-news.kz/">Kyzylorda-news.kz</a>&nbsp; Ауыл – қазақтың күретамыры. Бүтін бір елдің асыраушысы, қайнаған еңбектің, ұлт руханиятының, қазақы тәрбиенің қайнар көзі. Салт-дәстүр, мәдениеттің сарқылмас мол қоры да ауылдарымызда сақталып келеді. Бүгінде өркендеп, дамып келе жатқан ауылдар аз емес. Себебі елімізде ауылды өркендетуге, ауыл тұрғындарының өмір сапасын арттыруға бағытталған жобалар, мемлекеттік бағдарламалар қолға алынып, өзінің оң нәтижесін беруде.Мемлекеттің басты байлығы – адам дейтін болсақ, олардың бақуатты тұрмыс кешуі мемлекет үшін маңызды. Мемлекет басшысы Қасым-Жомарт Тоқаевтың халыққа арнаған жыл сайынғы дәстүрлі Жолдаулары аясында жүзеге асырылып жатқан мемлекеттік бағдарламалар халықтың табысы мен тұрмысын жақсартуды, әл-ауқатын көтеруді көздейді.<blockquote>– Бүгінде Қармақшы ауылдық округінде 1 жауапкершілігі шектеулі серіктестік («Қармақшы»), Әділ ӨК және 54 шаруа қожалығы жұмыс жасайды. Шаруа қожалықтар мал өсірумен ғана шұғылданады. Өткен жылы ауыл тұрғындары Агроаймақ үшін 18 гектар жер дайындалып 36 отбасы 10 гектар жерге – картоп, 8 гектар жерге бақша өнімдерін екті. 2024 жылға Агроаймақ үшін 20 гектарға 50 отбасыға жер дайындау жоспарланып отыр. уда. Ауылдық округте 2023 жылдың 1 шілдеге мал басына жүргізілген есеп бойынша мал саны жеке және шаруа қожалықтарда мүйізді ірі қара 2338 бас, уақ мал 5449 бас, жылқы 1171 бас, түйе 1068 және құс 735 бас тіркелген, – дейді Қармақшы ауылдық округінің әкімі Аязбек Есқарев.</blockquote>Енді бір айта кетерлік жайт, Туысбек Қалданов, Серік Сағынбек, Жандос Жолтаев сынды кәсіпкерлер мемлекеттік бағдарламалар аясында «Жылқы өсіру» бағыты бойынша еңбек етіп жатса, Наурыз Суатбеков, Орынбек Құндыбековтей жеке кәсіпкерлер бірі өз қаражатына, бірі қайтарымсыз грант арқылы «Дәнекерлеу», «Компьютер жөндеу» шеберханаларын ашып, халыққа қызмет көрсетуде.Шағын және орта кәсіпкерлік саласының дамуына келер болсақ, ауылдық округ бойынша тіркелген кәсіпкерлер 85 адам. «Аграрлық несие корпорациясы» арқылы «Іскер» бағдарламасы бойынша 2 адам 8,8 000 000 млн теңгеге, жастарға жеңілдетілген несие 2,5 пайызбен 4,9 000 000 млн теңге шағын несие алды.<blockquote>– Ауыл тұрғындарының аулалық бақшалық жерін аяқ сумен қамтамасыз етуде табиғатты реттеу және пайдалану басқармасының қолдауымен жаңа су айдау насосы сатып алынып, жұмыс істеуде. Бауыржан Төлеуов деген азаматымыз өз қаржысына дәнекерлеу цехын ашып, ауылдастардың сұранысын орындап жүрсе, «Ауыл аманаты» мемлекеттік бағдарламасы аясында жеке кәсіпкер Гүлназ Әбдірахманова «Түйе өсіру» жобасы арқылы шұбат өндіру кәсібін қолға алды. Енді бір айта кетерлік жайт, ауыл жастарын салауатты өмір салтын ұстануға шақыруда аудандық селолық тұтыну кооперативінің жұмыс істемей тұрған ғимаратын жастар жиналатын орынға айналдырып, аудандық жастар ресурстық орталығының демеушілігімен үстел теннисі сатып алынды. Бүгінде жастарымыз орталықта бос уақыттарын тиімді пайдалануда. Қызылтам елді мекенінде де былтыр &nbsp;біршама жұмыс атқарылды, – дейді ауыл әкімі.&nbsp;</blockquote>Құрылыс жөндеу және абаттандыру жұмыстарына келсек, аудандық бюджетінен 3 533,0 мың теңгеге Қармақшы ауылындағы Желдиірмен жөндеуден өтті. VI деңгейдің бюджетінен 516,0 мың теңгеге &nbsp;Қызылтам елді-мекеніне паспорт орнатылды. Қармақшы ауылындағы Абай, Сейфуллин, жеңіс көшелерінің орташа жөндеу жұмысына 6 692,0 мың теңгеге жоба сметалық құжаттары жасалап, ведомстволық сараптамадан өткізілді. Сонымен бірге Қызылтам елді-мекеніне балалар ойын алаңын орнату жұмысына 1 516,0 мың теңгеге жоба сметалық құжаты дайындалып сараптамадан өткізілді.&nbsp; Биылғы жылға әзірленіп жатқан жобаларға келсек, Қармақшы ауылындағы Абай, Сейфуллин, жеңіс көшелерінің орташа жөндеу жұмысы 195 515,0 мың теңге. Қызылтам елді мекеніне балалар ойын алаңын орнату жұмысы 64 403,0 мың теңге, жерінің құжаттары рәсімделді. Жайылымдық жерлерді суландыруға 2 ұңғыма қазуға 4000,8 мың теңге, Қармақшы ауылына паспорт орнату 8444,0 мың теңгеге жобалар жоспарланып отыр. Жеңіс бағын қоршау жұмыстарына 8584,0 мың теңгеге &nbsp;сметалық құжаты әзірленіп, жұмыстар жүргізілуде.&nbsp;Мәдениет және спорт салаларына тоқталсақ, ауылдық округтің клуб үйлерінде барлығы &nbsp;111 іс-шара өткізілді. 12 үйірме,1 үгіт бригада жұмыс жасайды. Ән, би, әзіл-сықақ, мәдени үгіт бригадасы барлығы 131 мүше тартылған. Сондай-ақ жастардың бос уақытын тиімді пайдалану және бұқаралық спортты дамыту мақсатында аудан әкімінің демеушілігімен берілген үстел тенисі тұрақты түрде жұмыс жасайды. №15 БжЖС мектебі балаларды аудандық облыстық жарыстардан нәтижелі орындармен оралуда.Жұмыссыздықты азайту бағытында атқарылған нақты жұмыстар. 2023 жылы Ұлттық жоба аясында ауылдық округ бойынша қоғамдық ақылы жұмысқа 37 адам, жастар тәжірибесіне 3 адам, күміс жас 1 адам, әлеуметтік жұмыс орны 1 адам жұмыспен қамтылды.

Ұлттық жоба: Қармақшы ауылдық округінде 37 тұрғын қоғамдық жұмыспен қамтылды 

&nbsp;<a href="https://kyzylorda-news.kz/">Kyzylorda-news.kz</a>&nbsp; &nbsp;Қазақта «Әйел бір қолымен бесікті тербетсе, екінші қолымен әлемді тербетеді» деген ғибратты сөз бар. Бұл сөздің астары қыз-келіншектердің ер-азаматтармен қатар ауқымды істерге араласа алатынын, үлкен нәтижелерге қол жеткізетінін аңғартады. Қайсар, жан-жақты, алғыр, кәсібіне берілген, білімді де білікті әйелдер біздің ауданымызда да көп. Үй мен түздің тірлігін қатар алып, әрекетінен берекетін тауып, әдеті мен мінезін қалыптастырып, тағдырын жарастырған жанның бірі Қармақшы ауданы, Төретам кенті әкімінің орынбасары – Сәрсенкүл Есқалиева.Таңдаған мамандығын жан-тәнімен сүйіп, қалаған кәсібіне адалдық танытатын жандар әрдайым өздерін бақытты сезінеді. Әрине, өмірден өз орнын тапқанша түрлі кедергілер мен сынақтардың кездесуі қалыпты құбылыс. Қиындықтарға мойымай, алға қойған мақсатқа жетер жолдағы ауыртпалықтарды еңсере білген адам ғана жеңіске жете алатынын Сәрсенкүл Әлімжанқызының өмір және еңбек жолы дәлелдей алады.&nbsp;Қайсар қыз 1964 жылы Қармақшы ауданында &nbsp;дүниеге келген. Жосалы кеңшарындағы мектепті бітіріп, арман қуып Алматыға аттанады. Ер мінезді, даланың жұмысына бейім болып өскен бойжеткен Алматы ауылшаруашылығы институтына түсіп, &nbsp;агроном мамандығын алып шығады. Еңбек жолын өзінің туған жері &nbsp;Жосалы кеңшарында күрішшілер бригадасында механизатор болып бастайды. Одан кейін Жосалыдағы «Мал &nbsp;азықтық дақылдар өсіру» бағдарламасына сәйкес &nbsp;«Жігер» комсомол &nbsp;жастар &nbsp;бригадасының &nbsp;бригадирі болып жұмысын жалғастырған. 1989-2001 жылдары кеңшарда күрішші, бригадир, комсомол комитетінің хатшысы, кеңшардың кадр бөлімінің меңгерушісі, 2001 жылдан бастап &nbsp;аудандық «Казагрэкс» АҚ-ның зертхана &nbsp;меңгерушісі және 2006 жылы қосымша аудандық &nbsp;ауылшаруашылық және қайта өңдеу &nbsp;ұйымдары қызметкерлері кәсіподақ ұйымының төрайымы қызметтерін абыроймен атқарды. Ауыл шаруашылығы саласына айтарлықтай үлес қосқан маманды ауылдың экономикасы мен шаруашылығын дамытсын деген мақсатпен 2008 жылы Тәйімбет Көмекбаев ауылдық округі әкімі етіп тағайындады. 2009 жылдың көктемінен бастап аудандық ауылшаруашылығы бөлімін басқарса, 2013 жылы Ақтөбе ауылдық округі әкімі қызметін, &nbsp;кейін «Ақтөбе и К» жауапкершіліг шектеулі серіктестігі директорының міндетін атқарды. Қай ауылда еңбек етсе де сол ауылдың байырғы тұрғынындай халықпен етене араласып, білек сыбана кірісуі – ешкімді жатсынбайтынының, көпшілдігінің көрінісі.&nbsp;2015 жылы аудан әкімі аппаратының кадр жұмысы (персоналды басқару) бөлімінің басшысы, 2017 жылы &nbsp;Қармақшы ауданы, Жосалы ауылдық округінің әкімі, 2020 жылы аудандық ауылшаруашылық бөлімінің сектор меңгерушісі қызметін атқарса, қазір Төретам кенті әкімінің орынбасары.&nbsp; Ер мінезді, үлкен мен кішінің тілін тауып, етене араласа кететін, істің көзін тапқыш Сәрсенкүл Әлімжанқызының қажырлы еңбегін замандастары мен бірге қызмет еткен әріптестері жоғары бағалайды. Бүгінде нәзік жандар түгілі тепсе темір үзетін жігіттердің өзі жолай қоймайтын агроном, күрішші мамандығының қыр-сырын жетік білетін жан мамандығының мақтанышына айналған. &nbsp;Сәрсенкүл Есқалиеваның еселі еңбегін оның алған марапатының көптігіне қарап-ақ &nbsp;бағамдай бересіз. Қызылжұлдыз ауылдық кеңесінің 2 дүркін &nbsp;депутаты болып сайланса, 1991 жылы ЛКСМ XYII съезінің &nbsp;делегаты, 1985 жылы БЛКЖО Орталық Комитетінің «Еңбектегі жетістіктері үшін» төсбелгісін иеленген. II дәрежелі «Жас &nbsp;гвардияшы» төсбелгісі, БЛКЖО Орталық комитетінің және 2005 жылы Қазақстан Республикасы Президентінің алғыс хатымен марапатталған.&nbsp;2007 жылы Қазақстан Республикасының &nbsp;ауылшаруашылығы және қайта &nbsp;өңдеу ұйымдары қызметкерлері кәсіподағы орталық комитетінің, ІІ және IІІ дәрежелі «Еңбек даңқы» төсбелгісі және әр жылдарда аудан, облыс әкімдерінің, «Аманат» партиясының облыстық, аудандық филиалдарының алғыс хат, құрмет грамоталарына &nbsp;ие болған.&nbsp;«Цай Ден Хак – 100 жыл», Арал &nbsp;ауданының 80 жылдық мерейтойына орай «Арал – 80 жыл», «Тәйімбет Көмекбаев ауылының &nbsp;құрылығына – &nbsp;50 жыл», Ақжар &nbsp;ауылының құрылғанына – 50 жыл толуына &nbsp;байланысты &nbsp;«Социалистік Еңбек &nbsp;Ері Қасымтай Ізтілеуов» атындағы төсбелгілер мен «Қазақстан Республикасы Конституциясына – 20 жыл», «Қазақстан Республикасы Тәуелсіздігіне – 25 жыл» мерекелік медальдері білікті маманға лайық деп танылған.&nbsp;Қызылорда облысы бойынша «Ажар» көшбасшы әйелдер арасында өткізілген байқауға қатысып, «Мемлекеттік басқару» номинациясын жеңіп алса, облыстық саясаткер әйелдер клубы және «Ақ босаға» қоғамдық бірлестігінің сертификатымен мадақталған. &nbsp;Қазақстан &nbsp;ауыл әйелдерінің І форумында «Ауыл округінің үздік әкімі» номинациясымен, «BIRINSHI» республикалық латын тіліндегі энциклопедияға &nbsp;енген, сондай-ақ қоғамға қосқан айрықша еңбегі үшін «Қазақстан Республикасының Құрметті азаматы» төсбелгісімен де марапатталған.&nbsp;Ұйымдастырушылық қабілеті жоғары жан қай іске болсын білек сыбанып кірісіп кетеді. Жасынан көлік тізгіндейді. Бір қарасаңыз көлігіне мініп егіс басында, енді бірде ауылдағы іс-шараның ішінен табылады. Балалары мен отағасының бабын таба білді. Қолда барымен бөлісуге, жанындағы жандарға жақсылық жасауға айрықша ынталы. Басшылық қызметте, ауыл әкімі болып жүрген тұстарда қа¬рамағындағы қызметкерлердің еңбегін ескеріп, түрлі марапатқа ұсынып қуантып жүруді, ауылшаруашылығымен қатар ауыл мәдениеті мен өнеріне, жастар саясатына, кәсіпкерлік саласына қолдау білдіруді, ардагерлер, қоғам белсенділерімен бірлесіп мазмұнды іс-шаралар өткізуді, халықпен жиі кездесіп, мұң-мұқтажын, талап-тілегін тыңдап тұруды әдетке айналдырды. Отбасына қонақ шақыруға келгенде алдына жан салмайды. Көңілі кең, пейілі дархан, қолы ашық, дастарханы жиналмайтын берекелі жан. Еңбегі ерге бергісіз ананың ағамыздың жанында әйел болып наздана қалатыны, еркелей білетін қылығы өзіне жараса түсетін. Әттеген-айы қол ұстасып қатар жүрген, үнемі жігерлендіріп, қолдап отыратын азаматынан ерте айырылып қалғаны.&nbsp;<blockquote>– Жақсы адам, мақтаулы маман болуымыз – ата-анамыздың тәрбиесінің арқасы. Жасымнан үйде отырғаннан гөрі даланың жұмысын істегенді жақсы көретінмін. Әкемнің қасынан шықпайтынмын. Ауыл шаруашылығына қатысты көп жұмысты сол кісіден үйрендім. Әңгіме сөз теретін, әйел болып қатар-құрбылармен қыдырып жүретін кезім сирек болды. Таңдаған мамандығыма ешқашан өкінген емеспін. Жолдасым марқұм &nbsp;өте парасатты жан еді. Екеуміз төрт бала тәрбиелеп, олардан немере сүйдік. Менің алаңсыз еңбек етуіме жағдай жасады. Бәріне түсіністікпен қарайтын, маған сенетін. Мемлекеттік қызметте жүргенімізбен үйде ана, әже екенімізді ұмытпаймыз. Аулада бау-бақша баптап, гүл өсіргенді ұнатамын. Жайқалған жасыл желектің ортасында отыру бір ғанибет қой. Қоғамға пайдамыз тисін деп қолдан келгенше еңбек етуге тырысамыз, әлде де еңбектене береміз – дейді Сәрсенкүл Әлімжанқызы өз әңгімесінде.</blockquote>

Сәрсенкүл Есқалива: Мемлекеттік қызметте жүргенімізбен үйде ана, әже екенімді ұмытпаймын

<a href="https://kyzylorda-news.kz/">Kyzylorda-news.kz</a> &nbsp;9 сәуір күні Қазақстан Жазушылар одағының Басқарма Төрағасы, жазушы Мереке Құлкеновтің төрағалығымен Басқарма мәжілісі өткен болатын. Мәжілісте ҚР Президенті Қ.Тоқаевтың су тасқыны салдарынан қалыптасқан ауыр жағдайға байланысты қабылдаған Үндеу талқыланып, Қазақстан Жазушылар одағының атынан еліміздегі барлық шығармашылық одақтарға Үндеу жарияланған еді. &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;Аталған Үндеумен Қызылордалық қаламгерлер де танысты. Қазақстан Жазушылар одағының Қызылорда облысындағы өкілі Қ.Есімсейітова сырбойылық қаламгерлерге еліміздің бірқатар өңірінде қалыптасқан ахуал жөнінде кеңінен айтып, көршілес облыстың жұртшылығына қолдау көрсету жұмысын пысықтауды ұсынды. Ұсыныс қаламгерлер тарапынан қолдау тауып, Одақтың қасиетті Сыр өңіріндегі мүшелері қолдан келген көмекті көрсетуге әзір екенін айтты.Игі бастама аясында қаламгерлер өз еріктерімен қаражат жинап, елдің бірлігін, ынтымағын көрсетті. Атап айтқанда, Қазақстан Жазушылар одағының Қызылорда облысындағы өкілі Қ.Есімсейітова бастап, Қатира Жәленова, Толыбай Абылаев, Қали Омаров, Несібелі Рахмет, Оңталап Нұрмаханов, Достық Тілеубергенов, Сайлаубай Жұбатырұлы, Нұрмахан Елтай, Рахат Наурызбаева, Серікбай Қошқаров, Ғазиза Әбілда, Ақтөре Ибрагимұлы өз үлесін қосты. Жиналған 230 000 теңге қаражатты Қазақстан Жазушылар одағының Қызылорда облысындағы өкілі Қаршыға Құрмашқызы Қазақстан Жазушылар одағы тарапынан ашылған есепшотқа аударды.– Халқымызда «Апат айтып келмейді» деген сөз бар. Еліміздің көптеген аймағына биылғы көктем ауыртпалығын ала келді. Әсіресе еріген қар суы мен өзендер арнасының асуынан бірқатар облыстар зардап шегуде. Осыған орай Мемлекет басшысы Қ.К.Тоқаев халыққа арнайы Үндеу жолдады. Қазақстан Жазушылары, оның ішінде сырбойылық ақын-жазушылар бұл Үндеуді толықтай қолдайды. «Жұмыла көтерген жүк жеңіл» дегендей, табиғаттың тосын мінезіне бүкіл халық болып қарсы тұрып, бірлесе қимылдап жатыр. Игі бастамаға атсалысқан әріптестеріме ризашылығымды білдіремін, – деді Қаршыға Есімсейітова.Қазақстан Жазушылар одағының Қызылорда облысындағы өкілі су басқан өңірлердің тұрғындарына амандық-саулық тілейді және ел еңсесінің тезірек тіктелуіне тілектес ниеттерін білдіреді.

Игі бастаманы қызылордалық қаламгерлер қолдады

&nbsp;<a href="https://kyzylorda-news.kz/">Kyzylorda-news.kz</a>&nbsp; &nbsp;Қармақшы ауданында «Таза Қазақстан» Республикалық экологиялық акциясы аясында көшелер мен саябақтарды көгалдандыру және тазартуға бағытталған «Жасыл желек» жалпы халықтық челленджі ұйымдастырылды.Экологиялық мәдениетті қалыптастыру, тұрғындардың табиғатқа сүйіспеншілігін ояту мақсатында өткізілген іс-шарада 500-ден астам көшеттер егілді. Сонымен қатар, аудан бойынша барлық елді мекенде санитарлық тазалық жұмыстары жүргізіліп, аяқ су арықтары тазаланып, ағаштарды көктемгі қырқу, әктеу, сыртқы қоршауларды бояу, қоқыстарды шығару жұмыстары жүргізілді.Қоршаған ортаның тазалығына жауапкершілікпен қарау – әрбір азаматтың басты міндеті. Әрбір тұрғын өзі тұратын үйдің ауласын таза ұстаса, бұл олардың өңір тазалығына қосқан үлесі.Мұнан өзге Қармақшы ауданында Мемлекет басшысының тапсырмасына сәйкес, «Таза Қазақстан» экологиялық акциясы аясында қарқынды тазалық жұмыстары жүргізілді. Қоғамда экологиялық мәдениетті қалыптастыру мақсатында «Таза өлке» атауымен ұйымдастырылған игі бастамаға барлық мекеме ұжымдары, еріктілер және тұрғындар белсенділік танытты. Акцияға қатысушылар бекітілген аумақтарда тал көшеттерін отырғызып, көше жиектерін тазалап, аяқ су жүретін арық көздерін аршыды. &nbsp;

Қармақшылықтар «Жасыл желек» челенджіне белсенді қатысты

<a href="https://kyzylorda-news.kz/">Kyzylorda-news.kz</a> Дүниежүзілік денсаулық сақтау ұйымының деректері бойынша жер жүзінде 3,5 млрд адам тіс ауруларынан зардап шегеді екен. «Қазақстан стоматологиясы» ғылыми-практикалық журналының бас редакторы, медицина ғылымдарының докторы, профессор, Academy of Dentistry International ұйымының толық мүшесі Сәуле Есембаева «Стоматологиялық көмек: профилактикадан бастап клиника таңдауға дейін» атты онлайн дәрісінде тіске қатысты көпшілік біле бермейтін біраз дүниенің бетін ашып берді. Бұған Қызылорда облысы мен қала мамандары қатысып, біршама ақпаратты алды. Осы жөнінде толығырақ Жалағаш аудандық ауруханасында дантист Айгүл Мырзағұл баяндады.Көпшілігіміз тіс кариесінің, қазақ­ша айтқанда тісті құрт жеуінің инфек­ция­лық жүрек миокардына апаратынын білмейтініміз анық. Стоматолог Сәуле Есембаеваның айтуынша, тісті емдет­пей, құрт жеп қойған тістің тұқыл­да­ры­мен жүре беру аталған ауруға 100 пайыз алып келеді. Бір жүрек миокар­дын ғана емес, панкреатитпен ауырған пациенттің қанының талдамасынан қызылиектің қанап жүруін, қанқұртты тудыратын микроорганизмдер табылған. Сонымен қатар түрлі қатерлі лейкоз, те­мір жетіспеушілігінен туатын анемия және эндокринді аурулардың бір­сы­пырасының ағзаны жүдетіп, аурухана төсегіне таңуына осы тіске қалай болса, солай қарау себепші екен. Тіпті кейде терапевт пен гематолог білмей тұрып, пациенттің ақ қан ауруына ұшырағанын стоматолог дәрігер аңдайды. Өйткені он­дай науқастың тісіне ұялаған тастарды сәл тазалаймын дегенде қан бұрқ ете қалып, тоқтамай қояды. Содан көңіліне кіді алған тіс дәрігері қан талдамасына жібергенде лейкоз анықталады.Профессор дәрісінде тістің миға жа­қын орналасқанын әсте естен шығар­мау­ға кеңес береді. Ол әсіресе балалар өміріне қа­уіпті, оларда әрбір инфекциялық үдеріс өте жедел дамиды. Біздің елде жақ-бет сүйегі бөлімдеріне қаралатын балалардың көп­­ші­лігі тістің асқынып қабынған ауру­­ларымен түсетін көрінеді. Ал Шве­ция, Финляндия, Жапония жұртында кариес­тің алдын алуды жақсы жолға қойғандығы сондай, кариес тіпті де жоқ. Ақыр аяғында олар алда-жалда пульпит, кариес, пародонтит сынды аурулар бола қалса, қалай емдейміз деп көршілес елдерге мамандарын жіберіп, қысқа мерзімді оқулардан өткізіп жүр.«Біріншіден, іштегі шарана үшін анасының тіс саулығы аса маңызды, егер анасында тіс ауруы болса, нәрестенің де тістері сондай болады. Екіншіден, сүт тістерін тазалау керек емес деп көп ата-ана мән бермейді. Ал сүт тістері зақымданған болса, орнына сау тіс шықпайды, ол үшін балаға тісі шығысымен күніне екі рет тісін тазалатып, ас ішкен соң аузын шайғызып отыру қажет. Осылай үйренген бала есейгенде де солай әдеттенеді. Бұл – қартайғанға дейін тіс саулығының кепілі. Тіс тазалығына мұқият болу түр­лі аурудың алдын алады», деді Сәуле Серікқызы.Сосын бала көтерген әйелдегі токси­коз­дың да зияны бөлек әңгіме екен. Құсқаннан соң ауыз дұрыс шайылмаса, бөлінген қышқыл тіске зақым тигізеді, бұған қоса жүкті әйелдің тістерін емдету үшін ерте келуінің де маңызы зор. Ал­ғаш­қы үш айдан кейін аяғы ауыр келін­шектің стоматолог креслосында 15-20 минут­тен артық отыруына болмайды, өйткені іш­тегі шаранаға зияны тиеді. Сондықтан ал­дыңғы үш айдың ішінде тісті мейлінше мұқият емдеу аса қажет.Фото: Нұрболат Нұржаубай

Тіс саулығы – тән саулығы

&nbsp;<a href="https://kyzylorda-news.kz/">Kyzylorda-news.kz</a>&nbsp; &nbsp; Жақында «Евразия» мәдени сауықтыру спорт кешенінде халық балуаны Қажымұқан Мұңайтпасұлын еске алуға арналған қазақ күресінен республикалық ашық турнирі басталды. Бұл турнир 3 күнге созылады. Себебі жарысқа еліміздің барлық өңірінен, яғни 14 облыс бойынша 250-ге жуық жас спортшылар қатысады. Жарыс 2004-2006 жылы туған жастар арасында өтеді.Алдымен қазақ күресінің ашылу салатанатында қала әкімі Серік Қожаниязов сөз сөйлеп, спортшыларға сәттілік тіледі.<blockquote>– Бұл турнир 12 жыл бұрын Сырдың бас шаһары – Қызылорда қаласында байрағын көтеріп, бүгінде еліміздегі бірегей жарыстардың қатарына қосылды. Осы жылдар ішінде бабы келісіп, қанат қаққан темірқанат түлектер Азия мен Әлемді мойындатты. Турнир жеңімпаздары Руслан Теміржан жастар арасында әлем чемпионы атанса, Шәріп Серікболсын, Бекзат Шакизаевтар ел чемпионы болды. Демек, дүбірлі доданың келешегі кемел екендігі даусыз.</blockquote>Қазақ күресінің Сыр өңірінде шеберлік мектебі қалыптасқан. Осы үлкен мектептен талай барыстар шықты. Олар – «Қазақстан барысы» турнирінің алғашқы жеңімпазы Ұлан Рысқұлов. Одан кейін жеңісті жолды жалғаған Мақсат Исағабылов. Қос батырдың ізінен ерген Еламан Ерғалиев пен Нұрым Сәлімгереев бүгінгі барыстар бәсекесінің беделділері.Абыройлы ағаларына қарап бой түзеген «Бала барыстарымыз» да жетерлік. Олай дейтініміз, жасөспірімдер арасындағы «Бала барысы» турнирі еліміз бойынша алғаш болып Қызылорда қаласында өтті. Жас балуандар осындай жарыстар арқылы шыңдалады, – деді қала әкімі.Сондай-ақ жарысқа қатысушы споршыларға шынайы бәсекелестік, спорт алаңында жеңіс пен сәттілік тілейтінін жеткізді.Бүгінде 12-ші мәрте өткізіліп жатқан жарысқа қатысушы жастардың басым бөлігі Қызылорда қаласының спортшыларынан құралған.Сонымен қатар ҚР қазақ күресінің мемлекеттік жаттықтырушысы Жеңіс Диқанбайұлы келесі жарыстың қай қалада өтетінің айтып берді.<blockquote>– Бұл турнир 2013 жылдан бастап 6 жылдай облыс деңгейінде өтсе, 2017 жылдан бері 5-ші рет республикалық деңгейде өтті. Жылда турнирге әр облыстың жас балуандары қатысады. Бүгінгі жарысқа қатысушы балалар осы жарыста іріктеуден өтіп, бір жұмадан кейін Түркістан қаласында өтетін Түркі әлемінің астанасы аясында «дала қырандары» атты командалық жарысқа қатысады. Бұл жастардың арасындағы үлкен жарысымыз деп білеміз,&nbsp;– деді Жеңіс Диқанбайұлы.</blockquote>Мұнан бөлек биылғы жылы Индияда өтетін Азия чемпионына қатысуды жоспарлап отқанын жеткізді.Айта кететін жайт бүгінгі қатысушы спортшылар Ақтөбеде қазақ күресінен жарысқа түсіп, іріктелген.&nbsp; – &nbsp; &nbsp;Жарыс жоғары деңгейде өтіп жатыр. Бүгінгі жарыста менің көптеген қарсыластарым бар. Десе де екі айналымды жеңіспен ұттым. Оның ішінде Жетісу мен Абай облыстарының спортшыларымен күрестім. &nbsp;Негізі мен Ақтөбе қаласында өткен жастар арасындағы қазақстан чемпионымын. &nbsp;Ал бүгін 78 келі салмақпен &nbsp;күресудемін, – деді спортшы Жалғас Жоспар.Жалпы жарыс «Qazaq kuresi» Ассоциациясы бекіткен ереже бойынша өтеді. Барлық аймақтан келген жас балуандар әр салмақта 3 спортшыдан, өткізуші аймақтан әр салмақ дәрежесіне 4 спортшыдан жіберіледі. Одан бөлек &nbsp;салмақ бойынша 1 келі жеңілдік қарастырылған.Қазіргі таңда турнирге қатысу үшін 14 облыстан тапсырыстар қабылданған және &nbsp;қабылдау әлі де жалғасуда.

Қызылордада қазақ күресінен жарыс өтуде 

Арал жастарының елге үлесі қандай?

&nbsp; <a href="https://kyzylorda-news.kz/">Kyzylorda-news.kz</a>&nbsp; &nbsp;Өткен жылы Қызылорда қаласындағы қарттар үйінің 12 қызмет алушысы өз отбасына қосылған. Бұл туралы «№1 Қызылорда арнаулы әлеуметтік қызметтер көрсету орталығы» &nbsp;коммуналдық &nbsp;мемлекеттік&nbsp;мекемесінің басшысы Раушан Жәдігерқызы айтты.«№1 Қызылорда арнаулы әлеуметтік қызметтер көрсету орталығы» &nbsp;коммуналдық&nbsp;мемлекеттік &nbsp;мекемесі алғаш 1968 жылы «Мейірімділік үйі» болып ашылған. Кейін 1992 жылы ондағы қызмет алушылар үшін жаңа үлгідегі 5 қабатты ғимарат салынады. Ел ішінде қарттар үйі аталып кеткен орталық денсаулығының &nbsp;жай-күйі бойынша басқа адамның &nbsp;тұрақты күтіміне және медициналық көмекке мұқтаж&nbsp;зейнеткерлер мен &nbsp;I, II топ &nbsp;мүгедектігі бар адамдардың тұрақты тұруына арналған коммуналдық мемлекеттік мекеме болып табылады. Орталықта халықты әлеуметтік қорғау саласында арнаулы әлеуметтік қызметтер көрсету стандарттарын бекіту туралы Қазақстан Республикасы Премьер-Министрінің орынбасары - Еңбек және халықты әлеуметтік қорғау министрінің&nbsp;2023 жылғы 29 маусымдағы № 263 бұйрығына сәйкес 7 бағытта арнаулы әлеуметтік қызметтер көрсетіледі.<blockquote>&nbsp; &nbsp; &nbsp; – Орталықта 180 стационарлық, 100 жартылай стационарлық жағдайда қаралған орын бар. Өткен жылы 203 адам стационарлық жағдайда қызмет алды. Оның 160-сы ер адамдар болса, 43-і әйел кісілер. Оның ішінде 46 І-топ, 28 ІІ-топ мүгедегі және 129 &nbsp;зейнеткер бар. Ал жартылай стационарлық жағдайда 486 адамға қызмет көрсетілді. Оның 147-сі ер, 339-ы әйел кісі. Сондай-ақ 2 мүмкіндігі шектеулі, 484 зейнеткерге қызмет көрсетілді. №1 Қызылорда арнаулы әлеуметтік қызметтер көрсету орталығында 4 отбасылық жүпғ, 6 тыл ардагері, 6 түрлі ұлт өкілі тұрады. Былтыр 12 қызмет алушымыз өз отбасына қосылды, – дейді орталық басшысы Раушан Ысқақова.</blockquote>Орталық тұрғындарына 7 бағытта қызмет көрсетіледі. Мәселен, әлеуметтік-медициналық қызмет бойынша күнделікті емдік шаралар жүргізіледі. Стационар жағдайда парафин, массаж, физкабинет, тұзбен емдеу кабинеті, оңалту және емдік дене шынықтыру кабинеттерінде емдік шаралар жасалды. Орталық №3 қалалық ауруханасымен тығыз байланыста жұмыс жасап, жыл сайын ауқымды тексеріліуден (профосмотр) өткізіліп келеді.Ал әлеуметтік-тұрмыстық қызмет бойынша стандартқа сәйкес қызмет алушыларға 5 шаршы метр орынжай беріліп, бөлмелері заманауи техникалық құрал-жабдықтармен жабдықталған. Күнделікті бөлмелеріне тазалық жұмыстары жүргізіліп, кір киімдері жуылып, қызмет алушыға қайтарылады. Аптасына 1 рет моншаға шомылып, шаштараз қызметі көрсетілуде. Күніне санитарлық-гигиеналық талаптарға сай ыстық тамақпен қамтамасыз етілген.Үшінші әлеуметтік-психологиялық бағыт бойынша тұлғаның жеке және тұлғааралық өзара әрекет ерекшеліктерін зерттеу мақсатында психологиялық диагностикасы жүргізіледі. Қызмет алушыларға жан жалдың алдын алу және жою үшін тұлғааралық қарым-қатынастарды жақсартуға көмек беру мақсатында психологиялық кеңес беріліп, өзара қолдау топтарында&nbsp;сабақ және психологиялық тренинг өткізіледі. Жүргізілген психологиялық қызметтің нәтижесінде қызмет алушылардың дағдарыс жағдайынан шыға білуге, физикалық, рухани, тұлғалық туындаған проблемаларды өздігінен шешуге және қиындықтарды жеңе білуге, өзіне деген сенімін нығайту үшін қолдануға болатын құралдардың диапазонын кеңейтуге жәрдемдесу қамтамасыз етіледі.– Әлеуметтік еңбек қызметі бойынша дәрігердің нұсқауымен еңбек терапиясымен айналысады. Атап айтқанда, орталықтың қоғамдық жұмыстарымен, аула тазалықтары жұмыстарымен, көгалдандыру және бөлме гүлдерін өсірумен, «Сырлы өнер» үйірмесімен, бұйымдар жасау шеберлігімен, айналысып келеді. Қызмет алушылар еңбек дағдыларымен айналысу нәтижесінде қол, саусақ, білек қимыл – қоғалыстары жақсарып, ойлау, есте сақтау қабілеттерін қалпына келтіруге өз септігін тигізуде. Бұдан бөлек әлеуметтік мәдени қызмет бойынша өз тарапымыздан, қайырымдылық концерт, театрға, музыка қойылып, спорттық сайыстарға, дөңгелек столге қатыстырып, Қызмет алушылардың туылған күндері аталып өтілуде. Сонымен қатар жыл көлемінде орталық қызмет алушылары Түркістан шахарына, «Қорқыт Ата» кесенесіне және мұражайларға саяхатқа апарылып келеді. Бос уақытын тиімді өткізу мақсатында театрда өткізілген шаралар мен қойылымдарға көрермен ретінде қатыстырылуда, – дейді орталық басшысы.

Қызылордада қарттар үйіндегі 12 тұрғын өз отбасына қосылған

&nbsp;<a href="https://kyzylorda-news.kz/">Kyzylorda-news.kz</a>&nbsp; Қазалы көпсалалы орталық аудандық ауруханасы бес жылдан бері жүрек-қан тамырлары аурулары бар науқастарға 1700-дей ота жасалды. Ангиографтың арқасында аурулар ерте кезеңде анықталып, жоғары технологиялық оталар істелді. Инфаркт, инсульттің алғашқы белгілері қандай, пациенттер қалай аман қалғанын рентгенэндоваскулярлық бөлімшесінің меңгерушісі Кенесары Баспаевтың мәлімдеуінше, 2019 жылдың қыркүйек айында Қазалы аудандық ауруханасында ангиограф арқылы алғашқы ота жасалды. Кенесары Айтуғанұлы, қанша пациентке ота жасалғандығы және бұл диагностикалық құрал-жабдық ауыл тұрғындарына қаншалықты сұранысқа ие екндігін айтып берді.– &nbsp;Менің ойымша, медицинадағы ең маңызды ереже - жеделдік. Егер пациентке уақытылы медициналық көмек көрсетілсе, оның өмірін сақтап қалуға, мүгедектікке жол бермеуге болады. Бұл тұрғыда жақын маңдағы елді мекендердің (Қазалы, Арал, Қармақшы аудандары және Байқоңыр қаласы) тұрғындарына қызмет көрсететін ангиографтың көмегі зор. Бұған дейін, пациенттер облыс орталығына, Астана, Алматы, Ақтөбе қалаларына жіберілген болатын. Олар бірнеше ай бойы өз кезегін күтетін. Өкінішке орай, жоғалған уақыттың салдарынан науқастардың денсаулығы да нашарлап, аймақта инфаркт пен инсульттан өлім-жітім деңгейі жоғары болды. Неліктен ангиограф Қазалы ауданында орнатылған? Мәселен, облыс орталығынан Әйтеке би кентіне (аудан орталығы) дейінгі қашықтық – 300 шақырымнан асады, жол жүру уақыты – 4 сағатты құрайды. Қызылорда – Арал бағытының ұзындығы – 450 шақырым, автокөлікпен – 5 сағатта діттеген жерге зорға жетесің. Егер, пациент Қазалы аудандық ауруханасына жеткізілсе, уақыт небәрі 1 сағатты алады. Қармақшы ауданы Жосалы кентінен қалаға дейінгі қашықтық шамамен 170 шақырым, бұл аралықта жол жүру уақыты – 1,5 сағат болады. Бізге науқас 50 минут ішінде жетеді. 2019 жылы рентгенэндоваскулярлық бөлімнің ашылуының бірінші жылында ангиографта 87 ота жасалды. 2020 жылы әлемде пандемия өршіп тұрған кезде 216 пациентке, 2021 жылы – 300-ге жуық, 2022 жылы – 361 адамға медициналық көмек көрсеттік. Өткен жылдың 9 айында 316 ота жасалды. Жалпы, 2019 жылдан бері 1700-ге жуық адамның өмірі сақталды.<blockquote>Оталардың негізгі үлесі – коронарография және стенттеу. Мамандарымыз А.Н.Сызғанов атындағы Ұлттық ғылыми орталықта дайындықтан өтіп, көпсалалы облыстық ауруханада тәжірибе алмастырып келгенін атап өткім келеді. Медицина саласында «алтын сағат» ұғымы бар. Дәл осы уақыт аралығында, ең тиімді медициналық көмек және пациенттің өмір сүру мүмкіндігі жоғары, – дейді Кенесары Баспаев.</blockquote>Шұғыл медициналық көмек қалай көрсетілетіндігі білікті дәрігер былай түсіндірді:<blockquote>– Мамандарымыздың кәсіби шеберлігі мен ангиографтың арқасында кәсіби жедел медициналық көмек көрсетеміз. Егер, науқастың бет келбеті қисаюы байқалса, басы өте қатты ауырса, жүрек айнуы, құсу, қолы кимылсыз қалса, мұның бәрі – инсульттің белгілері. Алғашқы екі сағат ішінде, қан ағымын қалпына келтіруге, қан ұйығыштарын жоюға бағытталған тромболитикалық терапия жүргізіледі. Біз инсульттің өршу кезеңінде медициналық көмек көрсету хаттамасына сәйкес, әрекет етеміз. МӘМС жүйесіндегі сақтандыру мәртебесіне, сондай-ақ, АИТВ, туберкулез, қатерлі ісіктер және тағы басқа қатар жүретін ауруларға қарамастан барлық пациенттерге шұғыл медициналық көмек көрсетеміз. Егер, науқас отаға келісім бере алмаса, туыстарынан сұраймыз. Жедел инфарктпен пациентті қабылдағанда жедел жәрдем мамандары ЭКГ жасап, бізге науқастың жағдайы туралы хабарлайды. Біз пациентті күтіп алуға дайын тұрамыз. Инфаркттің белгілері – жүрек аймағында шаншу, арқаға, иыққа, қолға, мойынға, төменгі жаққа беру, сондай-ақ, ауа жетіспеушілігі, суық тер, жүрек айнуы. Сонымен қатар, инфаркттың тағы бір белгісі – іштің жоғарғы бөлігіндегі ауырсыну (эпигастрий). Көбінесе, инфаркт бейсенбі мен сенбі күндері болатын үрдісті байқап жүрміз. Жедел инфарктпен ауыратын науқастардың саны айтарлықтай азаюда. Егер, осыдан 4-5 жоғарыда аталған солтүстік аудандардың әрқайсысынан ай сайын жедел миокард инфарктпен 8-9 адам түссе, бүгінгі таңда жоспарлы коронарографияның арқасында науқастардың саны 2-3 адамға дейін азайып отыр, – дейді дәрігер.</blockquote>Жоспарлы медициналық көмек МӘМС жүйесінде сақтандырылған азаматтар үшін қолжетімді. Отаға қарсы көрсетілімдері қандай?<blockquote>– Жоспарлы ем емдеуге жатқызу бюросы порталы арқылы жүргізіледі. Егер, тиісті көрсеткіштер болса, емхананың емдеуші дәрігері пациентті зертханалық талдаулар тапсыруға, консультациялық-диагностикалық қызметтерден өтуге жібереді. Осыдан кейін ғана, науқас аурухананың кардиологиялық, немесе инсульт бөліміне жатқызылады. Бірқатар қарсы көрсеткіштері бар. Мысалы, науқаста әртүрлі дәрежедегі анемия, ЖРВИ, тыныс алу жеткіліксіздігі, асқазан-ішек жолдарының ойық жаралы зақымдануларының болуы және тағы басқа бір сөзбен айтқанда, өршу кезеңінде барлық созылмалы аурулар. Айта кетейік, МӘМС жүйесі аясында қымбат жоғары технологиялық оталарды жасаймыз. Мысал келтіргенде, стенттеу құны – 1,5 миллион теңгеден астам, коронарография – 400 мың теңгеге жуық болады. Сақтандырылған азаматтарға бұл медициналық қызметтер тегін көрсетіледі.</blockquote>2022 жылы Қазалы көпсалалы орталық аудандық ауруханасында 8 792 адам ем алды. Осы мақсаттарға әлеуметтік медициналық сақтандыру қорынан 1,2 миллиард теңгеден астам қаржы бөлінді. Былтыр 1,8 миллиардтан астам қаражат қарастырылған. Байқоңыр қаласынан Қазалы аудандық ауруханасына дейін автокөлікпен 1 сағаттық жол аралығы бар. Ресей Федерациясының құзырындағы бұл қаланың тұрғындары жүгінеді. Ресейлік ұйымдарда жұмыс істейтін Қазақстан Республикасы азаматтарына медициналық көмек қалай көрсетіледі? деген сауалға : "Байқоңыр қаласының аумағында 2 стационар бар. Бұл Байқоңыр қаласы көпсалалы аурухана және ресейлік аурухана (ФГБУЗ ЦМСЧ №1 ФМБА РФ). Байқоңыр қаласының көпсалалы ауруханасында тек, бастапқы медициналық-санитарлық көмек және медициналық оңалту қызметтері көрсетіледі. Төтенше жағдайларда ресейлік ұйымдарда жұмыс істейтін Қазақстан Республикасы азаматтарында сақтандыру полисі болғандықтан, ресейлік ауруханаға жеткізіледі. Қазақстандық медициналық сақтандыру жүйесінде «сақтандырылған» мәртебесін алу және біздің стационарда жоспарлы медициналық көмек алу үшін МӘМС жарналарын дербес төлеуші ретінде төлеу қажет. Тағы да айта кетейін, шұғыл медициналық көмекті барлық азаматтарға тегін көрсетеміз. Біз бұл пациенттерді қабылдауға дайынбыз. Бірақ, ресейлік ауруханада жоғарыда аталған пациенттерді жедел жәрдеммен тасымалдау қарастырылмаған. Осы күрделі мәселені шешеді деп үміттенеміз. Өйткені, Гиппократқа ант берудің этикалық принциптерінің бірі –науқасқа көмек көрсету міндеттемесі. Біз әрқашан пациенттердің денсаулығы мен өмірін қорғауға дайынбыз" деп жауап берді Қазалы көпсалалы орталық аудандық ауруханасы рентгенэндоваскулярлық бөлімшесінің меңгерушісі Кенесары Баспаев.

Қазалы: Ангиографтың арқасында аурулар ерте кезеңде анықталуда

&nbsp; <a href="https://kyzylorda-news.kz/">Kyzylorda-news.kz</a>&nbsp; &nbsp;Педагог болу – жауапты іс, әсіресе педагог – дефектологтың еңбегі ауыр, себебі, ол өз дамуында қалыптан ауытқыған, кемтар балаларды оқытып, тәрбиелейді. Мұндай мамандықтың ауырлығына қарамастан С.Сейфуллин атындағы №165 орта мектепте бес жылдан бері мол тәжірибе жинаған дефектолог маман Айым Төремұратқызы балалармен тығыз қарым-қатынас құрып келеді.&nbsp;Қазіргі таңда керемет білім ордасында балаларға жәрдем беріп қана қоймай, ол ерекше білім беруді қажет ететін оқушылармен, психикалық дамуы тежелген, оқу мен жазу &nbsp;және сөйлеу тілінде бұзылыстары бар оқушылармен түзете-дамыту жұмыстарын жүргізеді. Оның айтуынша, С.Сейфуллин атындағы №165 орта мектепте ерекше білім беруді қажет ететін оқушылар саны – 21 оқушы, оның ішінде – 6 оқушы үйден оқиды.<blockquote>&nbsp; &nbsp; &nbsp; &nbsp;&nbsp;– Білімге ұмтылған жас баланың қолынан ұстап, қоршаған ортаға бейімдеу, қоғамның толыққанды мүшесі ету, өз мүмкіндігінің шексіз екендігіне сендіру, маған ерекше көңіл-күй сыйлайды. "Менің еңбегім – менің жемісім" деген ұстанымдамын. Өзімді дамыту үшін көптеген сайыстарға қатысуға тырысамын, – дейді Айым Қалмырза.</blockquote>Жалпы, дефектолог дегеніміз не? Медицина мен педагогиканы біріктіретін мамандық бар. Бұл дефектология. Дефектология саласындағы маман ерекше балалар мен олардың ата-аналары үшін ең жақсы дос және кеңесшіге айналуы керек. Дефектолог – бұл физикалық немесе ақыл-ой дамуында артта қалған балаларды оқытуға мамандандырылған мұғалім.Дефектолог қандай қасиеттерге ие болуы керек? Дефектолог мұғалім балалардағы бар ауытқуларды диагностикалап, олардың орнын толтыру жолдарын іздестіруге, сонымен қатар проблемалы баланың дамуына бағытталған белгілі бір сабақ курсын өткізуге қабілетті болуы керек. Бала мен маман арасында жас ерекшеліктері болмауы керек. Соңғысы, жас ұрпаққа деген сенімділікке ие болып, балаға дос бола білуі керек.Бұл педагогикалық жұмыста кемтарлықтың бетін қайтарып, жеңуді, баланың жеке басының қалыптасуына көмектесуді, оның жалпы дамуын алға жылжытуды, оны белгілер білімдер жиынтығынан хабардар етуді, онда өмірлік маңызы бар білік, дағдыларды қалыптастыруды, сондай-ақ, оның сәтті әлеуметтік бейімделуін іске асыруды көздейтіндей етіп, ұйымдастыруды қажет етеді. Мұғалімнің педагогикалық шеберлігі, білімдарлығы, ойлампаздығы, іске адал көзқарасы баланың табысқа жетуіне белгілі дәрежеде көмектеседі.Педагог – дефектологтар кемтар балалармен ғана жұмыс істеп қоймайды. Оның қызмет өрісіне басына түскен бақытсыздыққа қатты күйзелетін, қиын жағдайларда өздерін түрліше ұстайтын ата-аналар да кіреді. Ата-аналардың бір тобы балаларының болашағы үшін күресуге іштей дайын емес, өзін күресуге дәрменсіз, шарасыз сезінеді, күресудің пайдасы да жоқ деп есептейді. Енді, бірі белсене кірісіп, білместіктен баласына пайдадан гөрі зиянын тигізеді. Кейбір ата-аналар баласын тәрбиелеуге құлшына кірісіп, нәтиже тез байқала қоймаған соң әрекетсіздікке көшеді.Осыншама жүктемені атқарып жүрген жас маманның еңбегі аз уақытта ескеріліп, түрлі алғысқа бөленген. Атап айтқанда, Қазалы аудандық білім бөлімінің әдістемелік кабинетінің ұйымдастыруымен педагог-дефектологтардың бірлестік отырысында кәсіби іскерлігін танытып, іс-тәжірибесімен бөліскені үшін Қазалы аудандық білім бөлімінің Алғыс хатымен, Қызылорда облыстық оқу орталығы әдістемелік кабинеттің ұйымдастыруымен «Білім беру ұйымдарында ЕББҚ балаларды қолдау: Арнайы маманның қызметі» атты облыстық семинарда «Ерекше білім беруді қажет ететін оқушыларды түзете-дамыту жұмысында заманауи технологияларды тиімді пайдалану» тақырыбындағы шарада Облыстық оқу орталығының &nbsp;Сертификатымен, Қазалы ауданының әкімінің Алғыс хатымен, Қызылорда облыстық білім басқармасының Алғыс хатымен марапатталған. Сонымен бірге, Қызылорда аудандық білім бөлімінің ұйымдастыруымен «Инклюзивті білім беруді цифрландыру жағдайында заманауи әдістер арқылы дамыту» тақырыбында өткізілген аймақтық әдістемелік семинар-практикумда іс-тәжірибесімен бөліскендігіне Қазалы аудандық білім бөлімінің Алғыс хаты табысталған. Сондай-ақ, аудандық, облыстық «Үздік дефектолог – 2023» байқауында &nbsp;жүлделі бірінші орынды жеңіп алған.<blockquote>&nbsp; &nbsp; &nbsp; – Оқушыларымның түрлі қабілеттерін шыңдау мақсатында балаларды сайыстарға қатыстырып келемін. Жеткен жетістіктеріміз – білім беру ұйымдарындағы ерекше білім беруге қажеттілігі бар балалардың танымдық қызығушылықтарын, шығармашылық әлеуетін дамыту мақсатында «Менің қолымнан бәрі де келеді» атты олимпиадасында аудандық кезеңде А.Елубай екінші орын, ПМПК мекемесінің ұйымдастыруымен «Күз кереметі» қолөнер байқауында М.Ысқақ Алғыс хатпен, Ерекше білім беруге&nbsp;қажеттілігі бар &nbsp;оқушылар арасында өткізілген «Шексіз шығармашылық» республикалық байқауында «Қазақстан – менің алтын бесігім» номинациясы бойынша А.Илияс II дәрежелі дипломмен марапатталды. Ерекше білім беруге &nbsp;қажеттілігі бар &nbsp;оқушылар арасында мақсатында «Менің қолымнан бәрі де келеді» облыстық олимпиадасында А.Елубай бірінші орын иеленді, – дейді С.Сейфуллин атындағы №165 орта мектеп дефектолог маманы Айым Қалмырза.</blockquote>

Қазақстан және Қызылорда облысының жаңалықтары