<a href="https://kyzylorda-news.kz/">Kyzylorda-news.kz.</a> Синоптиктер күн райының бұзылуына байланысты бірнеше өңірде ескерту жариялады, деп хабарлайды Қазгидромет.&nbsp;Біршама өңірде дауылды жел тұрып, бұршақ жауып, найзағай болуы ықтимал. Ал Қызылордада күн ыстық болады.&nbsp;Аймақтың батысы мен шығысында төтенше өрт қаупі сақталады.&nbsp;

20 маусымға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Тереңөзек пен Нағи Ілиясов ауылының арасын жол қылып, кәсіби қызметіне адалдық танытып келе жатқан Нұрлан Исабаев полиция қызметкері. Ел-халықтың тыныштығын күзеткен құқық қорғау саласының маманы қоғам өмірімен етене араласады. Күні-түні қырағылық танытатын тәртіп сақшысының еңбегі орасан зор. Жылдар бойы темірдей тәртіпке бағынған оның қай кезде де жұмысы қауырт саналады. Нұрлан Исабаев 20 жылға жуық уақытта құқық қорғау саласының тәжірибелі маманына айналды.Негізінен, Нұрлан әкесінің ізін басқан ұл. Ардақты әкесі Әкбар Исабаев ішкі істер саласында бірнеше жыл қызмет етіп, зейнетке шыққан. Кішкентайынан әкесінің атқарған қызметіне тереңнен қаныққан Нұрлан Исабаев Тереңөзек кентінің тумасы. Биыл қырықтың қырқасына шыққан тәртіп сақшысы білімнің қарашаңырағы – №35 Иса Тоқтыбаев атындағы мектеп-лицейдің түлегі. Мектеп бітіргеннен кейін бала арманға қанат бітіру мақсатында Н.Исабаев Қызылорда Заң университетіне «Құқықтану» мамандығы бойынша оқуға түседі.<blockquote>– Біз отбасында 4 ағайындымыз. 3 ұл 1 қыздың ішінен өзім әке жолын жалғауға бел будым. Қашанда әке тәлімін алған мен үшін құқық қорғау саласында еңбек ету – зор мәртебе болды. Үнемі мұнтаздай тазалық пен қатаң тәртіпті талап ететін асқар тауымның айтқан ақыл-кеңесі өмірлік сабақ еді. Арнайы «Құқықтану» мамандығын меңгерген бойда аудандық полиция бөліміне жұмысқа орналастым. Учаскелік полиция қызметкері ре-тіндегі алғашқы еңбек жолымда көптеген қиындықты жеңе білдік. Басшылық тарапынан берілген күрделі тапсырманы орындауға барымызды салған едік. Қазіргі уақытта Нағи Ілиясов ауылының учаскелік полиция қызметкерімен. Аталған қызметтің жауапкершілігі зор. Әркез профилактикалық іс-шара жүргізіп, қылмыстың алдын аламыз. Елді мекенде қоғамдық тәртіп орнауын қадағалаймыз. Сонымен бірге ауылдағы полиция қызметкеріне жергілікті тұрғындар сан түрлі мәселемен хабарласады. Әрбір адамның мәселесін шешу мақсатында зерделеу жұмыстары жүргізіледі, – дейді бүгінде саланың тәжірибелі тәртіп сақшысы атанған Нұрлан Әкбарұлы.</blockquote>Расында, учаскелік полиция қызметіне тәжірибесі мол мамандар тартылады. Өз кезегінде Нұрлан Исабаев бұған дейін қызметтік жолдың бірнеше сатысынан өткен. Анығын айтқанда, тәжірибелі маман табиғатты қорғау полициясының білікті маманы атанып, орманды қорғау саласының қызметкерлерімен 7 жыл бойы бірлесіп жұмыс жасаған. Сонымен бірге тергеу қызметіндегі анықтаушы саласында абыройлы қызмет атқарған.<blockquote>– Иә, бір бөлімнің ішіндегі қос саланың бағыты әртүрлі. Бірнеше жыл көлемінде табиғатқа залал келтірген азаматтарды құрықтау үшін еңбек ете білдік. Ал тергеу саласы өзіндік ауыртпалығымен ерекшеленеді. Көптеген оқыс оқиғаның, қылмыстың басы-қасынан табыламыз. Қылмысты ашуға септігін тигізетін айғақтарды анықтау – басты міндетіміз. Үнемі кәсібилілікті шыңдап, із кесу, саусақ іздерін анықтау секілді жұмыстарды жүргіземіз. Жақында Нағи Ілиясов ауылында ұрлық қылмысын ашқан болатынбыз. Қылмыс орын алғаннан кейін 1 ай уақыт аралықта жәбірленуші бізге арыз түсірді. Арада біршама уақыт өтсе де, қылмыс жасаған азаматты анықтай алуға мүмкіндік туды, – дейді кәсіби маман.</blockquote>Мақтаулы майор аяулы жары Айнұр Нұржа¬киевамен бірге отбасында 4 перзент тәрбиелеп өсіруде. Тәртіп сақшысының бабын тапқан Айнұр Серуенбекқызы №35 Иса Тоқтыбаев атындағы мектеп-лицейде арнайы педагог ретінде қызмет етеді.Сонымен бірге екінші анасы Раяның тағы¬лымды тәрбиесін алған ол – отбасылық өмірге, тұрмысқа қажетті көптеген дүниені үйрене білген. Себебі, Рая апа саналы ғұмырында тәртіп сақшысының жағдайын жасап, құқық қорғау саласында алаңсыз, еш уайымсыз жұмыс жасауына қолғабыс еткен жан.&nbsp;Өнегелі отбасының перзенті Нұрлан Исабаев қызметтік жолында бірнеше мәрте жоғары марапатқа қол жеткізді. Нұрлан Әкбарұлы облыстық полиция департаментінің басшылығынан бірнеше мәрте мақтау громатасын алды. Ең бастысы, қырағы сақшы ел алғысын әрқашан арқалай білген. Бұл ретте, полиция майорының кәсіби мерекесімен шын жүректен құттықтаймыз!&nbsp;

Тәртіп сақшысы – қоғам айнасы

<a href="https://kyzylorda-news.kz/ru">Kyzylorda-news.kz.</a> Адамды ізгілік пен жақсылық секілді қасиеттер биікке жетелейді. Тіпті, жәрдем беру өзгені ғана емес, өзіңді де өзгертуге мүмкіндік беріп, жауапкершілік артатыны сөзсіз. Ал халыққа көмек көрсетуді басты мақсат еткен мамандық иелерін үшін бұл міндеттің жөні бөлек. Жәрдемімен көпке танылған жалағаштық полиция майоры Ержан Әбдіраманов туралы да осы сарында сөз сөйлеуге болады.Жуырда әлеуметтік желіде суға кетіп бара жатқан баланы құтқарған полицейдің бейнежазбасы кең тарады. Аңғарғанымыз, құқық қорғау қызметкері суға тұншыққан азаматты аман алып қалуға жанталасуда. Соңында полицей баланы жағаға шығарып, алғашқы медициналық көмек көрсетеді.&nbsp;Кейін белгілі болғандай, құтқарушы – полиция майоры Ержан Әбдіраманов. Ол оқиға орын алған күні аудан орталығының территориясын кезекті аралауға шыққан. Учаскелердің бірінде айғайлап көмек сұрап, жүгіріп жүрген балаларды көрген майор соларға қарай бұрылады. Сөйтсе,«Солтүстік жарма» каналына қармақ салып, балық аулап отырған балалар бір кезде арнада суға батып бара жатқан адамды байқап қалады. Сол кезде полицей ойланбастан суға секіріп, суға бір батып, бір шығып бара жатқан жігітке ұмтылады. Бірер сәттен кейін-ақ Ержан жүзіп жетіп, оны қолтығынан ұстап, жағаға қарай қайта малти жөнеледі. Нәтижесінде, жас жігіт ажал тырнағынан аман қалды.Кейін полицей зардап шеккен азаматты жедел-жәрдем қызметкерлеріне табыстап, жұмысына қайта кіріскен. Кейіпкеріміздің айтуынша, мұндай жағдай тұрғындардың тыныштығын күзетуге жауапты маман үшін қалыпты болу керек. Яғни, әрбір құқық қорғау қызметкері керек кезде көмекке әзір болуы шарт.Оқиғаны полицейдің өзі былай еске алады:&nbsp;<blockquote>«Оқиға шамамен сағат 12:00-де &nbsp;болды. Каналдың жағасында жүрген 25 жастағы студент аяғы тайып кетіп, суға құлаған. Бірақ жүзу білмегесін, ештеңе істей алмай, арнамен ағып кете барады. Әрине, адамдарды құтқару, көмек керек болған жерден табылу – күнделікті жұмысым. Сондықтан, ерлік жасадым деп ойламаймын», – дейді Ержан Әбдіраманов.&nbsp;</blockquote>Полицейдің ерлігін аймақ басшысы да назардан тыс қалдырмай, Facebook әлеуметтік желісінде «Біз үшін әр адамның өмірі қымбат» деген бастақырыппен жазба жариялады. Ол оқиғаға өз бағасын беріп, өзгенің өмірі үшін өмірін сынға салған мемлекеттік қызметкердің ерлігі үшін алғыс білдірді.<blockquote>«Әлеуметтік желіден полиция майорының суға кету қаупі төнген адамды құтқарған бейнежазбаны көрдім. Ол өз өмірін қатерге тігіп, жігітті жағаға алып шықты. ...Біз үшін әр адамның өмірі қымбат. Дер уақытында шешім қабылдау, әрекет ету арқылы майор Ержан Абдраманов адам өмірін құтқарып қалды. Ол дәл сол сәтте ерлік жасайын, елге танылайын деп ойламағаны анық. Бұл бейнежазба желіде тараған соң ғана ел білді. Сын сағатта, қоғамның тыныштығын сақтауда осы сияқты қаншама ерлік жасалуда. Оның бәрі жарияланбайды, бірақ адамды аман алып қалу үшін кез келген полиция қызметкері дер кезінде осындай батыл шешім қабылдай алуы тиіс», – деген Н.Нәлібаев.&nbsp;</blockquote>Айта кетейік, полиция майоры Ержан Әбдіраманов 34 жаста. Жұбайы екеуі 4 бала тәрбиелеуде Салада 10 жылдан астам жемісті еңбек етіп келеді. Қызметіндегі жемісті жұмыстары үшін «Үздік полицей» атағын алған. Дегенмен, кейіпкеріміз мұндай оқиғаға алғаш тап болғанын жасырмады.&nbsp;

Қызылодалық полицей суға тұншыққан баланы құтқарды

Әділбек Жаханов: Халық ‒ менің университетім 

<a href="https://kyzylorda-news.kz/">Kyzylorda-news.kz.</a>&nbsp; Мемлекетке адал қызмет ету – нағыз ерлікпен тең екені жасырын емес. Мемлекеттік қызметкер болу екінің біріне бұйыра бермейтіні де содан болар. Нағыз елім деген елжанды, ұлтым дейтін ұлтжанды азаматтар ғана халықтың тұрмысын жақсартуға, елдің ертеңін жарқын етуге жұмыс жасайды. Халыққа шын жаны ашып, шынайы ниетпен жасалған еңбектің де жемісі өнімді болары сөзсіз екені мәлім.«Еңбек еткенге бақыт басын иеді» деген. Адал еңбек пен мықты жігердің арқасында көпшіліктің алғысына бөленіп жүрген Ерлан Ахетов туралы ел-халықтан тек жақсы пікір мен мақтау естіп келеміз. Мемлекеттік қызметшілердің кәсіби мерекесі қарсаңында аудан экономикасын ұтымды басқарып, үйлестіріп отырған білікті басшымен пікірлесудің сәті түсті. Десек те мақалаға кейіпкеріміздің өз сөзін емес, көптің пікірін арқау еттік.<blockquote>«Ел экономикасын өркендету жолында еңбек етіп келеді. Бөлім қызметінің алға басып, ұдайы биіктен көрінуінде де аянып қалған емес. Қызмет бабында жоғары тәжірибелі маман екенін дәлелдеп келеді. Үлкенмен де, кішімен де тіл табысып, кіммен болса да қарапайым сөйлесіп, айналасындағылардың көңілін көтеріп жүреді. Ұйымдастырушылық, іскерлік қасиеттері, жылдам әрі дұрыс шешім шығаруы нағыз көшбасшылық қасиеттерін айқындайды. Өзі әр іске үлкен жауапкершілікпен қарайды, айналасындағылардан да соны талап етеді. Жұмыс барысынан тыс қоғамдық жұмыстарда да белсенді. «Жақсының жақсылығын айт» деген, әркез қайырымдылықпен айналысып, тұрмысы төмен көпбалалы отбасыларға жәрдемдесіп жүретін жомарт жүрек иесі.» Бұл біздің емес, Ерлан Дәуітбекұлы туралы қызметтес әріптестерінің пікірі.</blockquote>Мемлекеттік қызмет – мәртебелі міндет. Ал мемлекеттік қызметкер – мемлекеттің айнасы. Еңбек жолы 2001 жылы Қалжан ахун ауылдық округі әкімі аппаратының салық инспекторы қызметінен басталған. Аудан ор¬талығындағы №35 И.Тоқтыбаев атындағы білім ордасын үздік тәмамдағаннан кейін Алматы құрылыс және менеджмент колледжіне оқуға түсіп, «Бухгалтер-заңгер» мамандығын алып шыққан. Әркез ізденіс пен биікке ұмтылуды жөн көретін ол білімін жалғастырып, Қызылорда инженерлік-экономикалық инсти¬тутында «Экономист» мамандығын игеріп шыққан. Бала күнінен есеп пен қисапқа жүйрік бозбала қызметке араласқан тұстан бастап өз біліктілігін дәлелдеп, талай сыннан сүрінбей, абырой биігіне айқын мақсатымен жетіп келеді. Қандай жетістікке жетсе де бәрі білім мен ілімнің жемісі деп білетін Ерлан Ахетов әлі күнге дейін біліктілігін арттырып, тәжірибесін толықтырып отырады. Және «мен білемін» деген таяз ой мен өркеуделіктен аулақ азамат қарапайым мінезімен көпке сыйлы болып жүрген жайы бар. Әке мен ананың түзу тәрбиесін алып, адалдықтың туын бір сәт түсірмеген жан бүгінде өзі де үлкен, берекелі отбасын айрандай ұйытып отыр.Ерлан Ахетов өзінің қызметімен ғана емес, тәлім-тәрбиесімен балаларына, шырай¬лы отбасымен көпке үлгі болып келеді. Қазіргі таңда алты бала тәрбиелеп, өсіріп отырған азамат – арқасүйер әке, ардақты жар. Жұбайы Айнұр – білім саласының білікті маманы. Балалардың алды жоғарғы оқу орнында білім алып жүр, үлгілі студент. Атап айтсақ, Дана – Жәңгір хан атындағы Батыс Қазақстан аграрлық-технологиялық университетінің студенті. Ал Жансаясы Қазақ Ұлттық Қыздар Педагогикалық университетінде білім алуда. Айша мен Ернұр – үздік оқушы. Егіз ұлдар Ердар мен Сардар – бес жаста.Ерлан Дәуітбекұлы жиырма жылдан аса уақыт еңбек өтілінде түрлі мекемеде абыройлы қызмет еткен. Басты бағыт – есеп-қисап саласы. Қалжан ахун ауылдық округі әкімі аппаратының маманы, Сырдария ауданы әкімі аппаратының мемлекеттік-құқықтық жұмыстар бөлімінің жетекші маманы, аудан әкімі аппаратының мемлекеттік-құқықтық жұмыстар бөлімінің бас маман-бас есепшісі, Қызылорда облысы бойынша тексеру комиссиясы талдау бөлімінің бас маман-тексерушісі, аудандық кәсіпкерлік, өнеркәсіп және туризм бөлімінің басшысы сияқты лауазымды қызметтер атқарып, тәжірибесін толықтыра білген. Әр жылдары аудандық экономика және қаржы бөлімінің басшысы лауазымдарын атқарған Ерлан Ахетов аудан әкімінің орынбасары қызметін де абыроймен атқарып, ауданның өсіп-өркендеуі жолында еңбек сіңірген. Орталық сайлау комиссиясында да өзіндік қолтаңбасы қалған. 2021 жылы қаржы саласына қайта оралып, бүгінгі таңда аудандық экономика және қаржы бөлімін ұтымды үйлестіріп басқарып келеді. Ауданның бар қаржысын игеріп, аудан хал-ахуалының күретамырына айналған мекемеде 21 қызметкер әділ басшымен бірлікте жұмыс жасауда.Ерлан Дәуітбекұлының әр жылдардағы жемісті еңбегі басшылық тараптан елеусіз қалмай, арнайы марапаттарға да ие болып жүр-генін айта кету орынды. Оның ішінде «Қазақстан қаржы, жоспарлау, банк жүйесіне 90 жыл» мерейтойлық төсбелгісі, «ҚР Тәуелсіздігіне 25 жыл» мерекелік медальдары кеудесінде жарқырайды. Одан бөлек ҚР Қаржы министрінің, облыс, аудан әкімдерінің, Орталық сайлау комиссиясының Алғыс хаттары мен арнайы құттықтаулар білікті басшы, абыройлы маманның беделінен хабар беріп тұр. 2014 жылы «Үздік қаржыгер» номинациясын жеңіп алғаны және бар. Қаржы-экономика жүйесінің құрылғанына 100 жыл толуына орай 2021 жылы шыққан «Ғасыр белесінде» атты кітапқа енгенін де атап өту қажет.Өмір де, қызмет пен билік те сыншысыз болмайтыны анық. Талай жылғы қызметте түрлі жандармен қызметтес болып, өз ұстанымымен әркез өз биігінде қалған азамат жас та болса, бас болып, көпке үлгі-өнеге көрсетіп келеді. Аудан экономикасын дамытып ел экономикасының жандануына үлес қосып, мерейлі еңбек етіп жүрген мәртебелі маманды кәсіби мерекесімен құттықтап, шабыт, табыс, амандық тілейміз!&nbsp;

Сырдария ауданының экономикалық әлеуеті артуда

<a href="https://kyzylorda-news.kz/">Kyzylorda-news.kz.</a> Қазақстандағы мерекелік күндердің тізбесі жаңа мерекелермен толығып, Үкімет басшысының қаулысымен маусым айының үшінші жексенбі «Әкелер күні» мерекесі болып бекітілген болатын.Мереке қарсаңында айдынды Арал өлкесінде «Әке – отбасының тірегі» отбасылық спорттық іс-шарасы өткен болатын.Мерекелік іс-шараның негізгі мақсаты – дәстүрлі отбасылық құндылықтарды насихаттау, сонымен бірге үлгілі ата-ана болу идеясын айту, бала тәрбиесіндегі әкелер рөлінің маңыздылығын арттыру болды.&nbsp;Салтанатты шараға аудан әкімінің орынбасары К.Бержанов қатысып, асқар таудай әкелерді бүгінгі алғашқы мейрамымен құттықтап, ізгі тілегін білдірді.<blockquote>–Әке - отбасының асыраушысы, басты тірегі, қамқоршысы. Бұл күн - асқар тау әкелерді ардақтайтын, отбасы құндылықтарын ұлықтайтын ұлағатты мерекеге айналады деп сенеміз,–деді Кете-Төлеби Досымжанұлы.&nbsp;</blockquote>Аталған шараға әкелі-балалы 10 отбасы қатысып, сайыс қорытындысымен жүлделі орындар мен арнайы дипломдар табысталды. Сондай-ақ, жүлдегерлер бағалы сыйлықтармен марапатталды.<blockquote>–«Әке – асқар тау» демекші, отбасының тіреніші, қорғанышы осы әкелеріміз екені белгілі. Ол кісілердің отбасымызда алар орны ерекше. Сондай-ақ балаларға беретін әке тәрбиесі де бөлек. Ана балаға мейірім берсе, әке балаға қаталдық пен батылдықты үйретеді. Бүгінгі айтулы мереке қарсаңында аудан көлемінде спорттық іс-шара ұйымдастырылып, өз мәресіне жетті. Жоғары деңгейде өткен шара тартысты да, көңілді болды. Осы тұста барша әкелер қауымын мерекелерімен құттықтай отырып, дендеріне саулық, отбасыларына амандық тілеймін,–деді қала тұрғыны А.Өтемұратова.</blockquote>Әкелер күні биыл елімізде алғаш рет ұлттық мереке ретінде аталып өтіп жатыр.

Арал ауданында әкелер күні мерекесі жоғары деңгейде өтті

<a href="https://kyzylorda-news.kz/">Kyzylorda-news.kz.</a> «Жалын» сауықтыру лагерінде облыстық қоғамдық даму басқармасына қарасты қоғамдық келісім КММ-нің жанынан құрылған ақпараттық-насихаттық топ мүшелері тынығушылармен кездесті. Кездесуге «Қоғамдық келісім» КММ директорының орынбасары Даулет Омаров, әлеуметтік бастамалар және жобалармен жұмыс бөлімінің басшысы Шакизат Абдраманова, аталған бөлімнің аға сарапшысы Нұргүл Ақсақалова, медиатор Кенжебек Мұстафаев, «Қоғамдық келісім» КММ-нің Сырдария ауданындағы этносаралық қатынастар жөніндегі сарапшысы Абай Мейрамбеков қатысты.Жазғы демалысты көңілді өткізіп жатқан тынығушылармен кездесуде Қо¬ғам¬дық келісім» КММ директорының орынбасары Даулет Омаров сөз сөйлеп, ұлттық құндылықтарды насихаттады.<blockquote>– Біз өскелең ұрпақ санасына ұлттық тәрбиені сініре білуіміз керек. Қазіргі нарықтық заманда елдік мүд¬дені жоғары қойып, ұлт тарихын, рухани құндылықты көпшілікке таныту – маңызды рөл ойнайды. Негізінен, идеологиялық тұрғыдан алғанда әдебиет, мәдениет, тарих саласында бір-бірімен ұштасып жатқан рухани дүниелеріміз жеткілікті. Осы күні ұланбайтақ жерімізді, қазба байлығымызды көзіміздің қарашығындай сақтап, еліміздің бірегей брендтерін жұртшылыққа танытқан абзал. Сонымен бірге балалардың кітап оқуға, тарихты тереңнен білуге, қазақ ақын-жазушыларының шығармаларымен кеңінен сусындауына мүмкіндік зор. Айта кетейік, биыл алғаш рет 18 маусым – Әкелер күні аталып өтіледі. Отбасының тірегі бола білген әкелерімізді қадір¬лейік, – деді Дәулет Омаров.</blockquote>Ақпараттық-насихаттық топ өкілдері сан түрлі сала бойынша оқушылармен пікірлесті. Болашақта мамандық таңдау жөнінде бағыт-бағдар берілді. Бұл ретте, балаларға қатысты қылмыстық істер, сотқа жеткізбей тараптарды татуластыру мәселесі назардан тыс қалмады. Елімізді өзге мемлекеттерге танытып жүрген жандар жөнінде жиналғандар үшін мол-мағлұмат айтылды. Ал тынығушылар меймандарға көкейдегі сауалдарын қойып, тұщымды жауаптарын алды. &nbsp;

Тынығушылар  АНТ мүшелерімен кездесті

<a href="https://kyzylorda-news.kz/">Kyzylorda-news.kz.</a> Мемлекеттік қызметші – мемлекеттік саясатты жүргізудегі ең басты және қозғаушы күш саналады. Сол себепті мемлекеттік қызметшілер өз елінің, Отанының шынайы патриоты, әділ әрі өз ісіне адал болуы керек. Өз ісіне берілген, білімі мен біліктілігі жоғары, адамгершілігі мол, мінез-құлқы келіскен, отансүйгіш азаматтардың мемлекеттік қызметте болуы кез келген сала жұмысына серпін берері сөзсіз. Міне, осындай қасиеттермен халыққа қалтқысыз қызмет етіп келе жатқан Жеңісбек Үсенұлы Төрәлиевтің мемлекеттік қызметтегі орны бөлек және аудан мәдениетін дамытудағы еңбегі ерекше екені мәлім.Мемлекеттік қызметтегі білікті маманның ауданның мәдениет саласындағы еңбек жолы қазақ елі өз Тәуелсіздігін жариялаған жылы басталған болатын. Оған дейін қарапайым шаруа кісі болған Үсеннің шаңырағында тәрбиеленген жас бала орта мектепті бітіріп, өз болашағын өнер және мәдениет саласымен байланыстыруды қалаған екен. Сол арман жолында Әл-Фараби атындағы Шымкент педагогикалық мәдениет институтына оқуға түскен еді. Мұнда ол «Мәдени-ағарту жұмыстарының әдіскері» мамандығы бойынша жоғары білім алады. Дипломы бар жас маман аудандық мәдениет үйіне жұмысқа орналасады.<blockquote>– Арайлы Азаттың таңы атқан жыл еді. Қаншама ғасыр ата-баба аңсаған егемендікке қол жеткізу біз секілді жас буынның еншесіне бұйырғаны анық. Халықтың қуанышында шек болмағанын сөз жеткізу мүмкін емес. Міне, сол жылы ауданның мәдениет саласына қызметке келген едім. Алғашқыда аудандық мәдениет үйінің әкімшісі болып еңбек жолым басталды. Одан соң аудандық мәдениет бөлімінде аға инспектор, аудандық мәдениет үйінде аға әдіскер, мәдениет үйінің директоры қызметтерін атқардым. 1998 жылға дейін осы салада жүріп тәжірибе жинақтай алдым. Одан кейінгі уақытта мемлекеттік қызмет саласына ауыстым, – дейді Жеңісбек Үсенұлы.</blockquote>Жаңа ғасырдың бастапқы кезеңінде елдегі ахуал, қызметтегі жағдай енді қалыптаса бастаған болатын. Яғни, енді ғана еңсе тіктеген елдің ішкі саяси ахуалы тұрақты болғанымен, әлеуметтік-экономикалық жағдайды жылдам ретке келтіру міндеті тұрғаны рас. Міне, осындай сындарлы шақта ауданды дамыту Ж.Төрәлиев секілді жас мемлекеттік қызметшілерге жүктелді. Ол Сырдария ауданы әкімі аппаратының ішкі саясат және әлеуметтік сала секторының аға маманы, сектор меңгерушісі, бөлім бастығы қызметтерін жауапкершілікпен, абыроймен атқарып, халыққа қызмет көрсетті.Тәжірибесі толысқан мемлекеттік қызметші 2005-2006 жылдары аудан әкімі аппараты ұйымдастыру, бақылау және кадр бөлімінің бастығы, аудандық ішкі саясат, мәдениет және тілдерді дамыту бөлімінің меңгерушісі қызметінде болды. Жұмыс жауапкершілігін білетін, соған орай талап та қоя алатын басшы ауданның ішкі саяси ахуалының тұрақты болуына, мәдини-рухани саланың дамуына еңбек ете біген.<blockquote>– Мемлекеттік қызметте ел-халық үшін қызмет қылатын сарбаз боласың. Қай салаға жіберсе де жұмысты аса тиянақтылықпен, жауапкершілікпен атқаруға тиістісің. Осы бағытта мен 2006-2012 жылдары аудандық ішкі саясат бөлімінің бас маманы қызметін атқардым. Біле білгенге, түсіне білгенге ауданның ішкі саясат саласы – өте ауқымды және қиындығы мол сала. Бірақ мемлекеттік қызмет жұмыстың оңай, қиындығымен өлшенбейді, тек нәтижелі жұмыс қана мерейіңді өсіреді. Сондықтан қай кезде де жұмыстың нәтижелі болуына қызмет етіп келемін, – дейді тәжірибелі маман.</blockquote>Жеңісбек Үсенұлы одан кейінгі кезеңдерде басшылық лауазымдарды абыроймен атқарды. 2012-2015 жылдар аралығында аудан әкімі аппараты ұйымдастыру-инспекторлық жұмыс бөлімінің, 2015-2017 жылдары аудан әкімі аппаратының, 2017-2023 жылдары аудандық мәдениет және тілдерді дамыту бөлімінің басшысы қызметінде сала жұмыстарына серпін берді. Бүгінде аудандық мәдениет және спорт бөлімі басшысының міндетін атқарып, биылдан бастап қосылған қос сала жұмысын жандандыруға қызмет атқару үстінде.Мемлекеттік қызметтегі 25 жыл ішінде марапат мінберінен талай рет көрініп, қызметі көпке үлгі етілген. Мәселен, өзінің лауазымдық міндеттерін үлгілі және тиісті тапсырмаларды мүлтіксіз орындап жүргені үшін облыс әкімі мен облыстық мәслихаттың Құрмет грамотасымен, ҚР Мемлекеттік қызмет істері агенттігінің Алғыс хатымен, халықаралық «Қазақ тілі» қоғамының Құрмет грамотасымен, облыс, аудан әкімінің және «Аманат» партиясының Алғыс хатымен марапатталған. Ерекше атап өтерлігі, Ж.Төрәлиев – ҚР Мемлекеттік қызмет істері агенттігінің «Үздік мемлекеттік қызметкер» төсбелгісімен марапатталған аудандағы жалғыз мемлекеттік қызметші. Оған қоса, биыл қазақстандық салалық мәдениет, спорт, туризм және ақпарат қызметкерлері кәсіптік одағының «Еңбек даңқы» төсбелгісін де омырауына тақты. Бұл мемлекеттік қызмет саласында еңбек өтілі көп, білікті, тәжірибелі маманның қызметіне деген лайықты құрмет екені даусыз.Аудан дамуына еңбек сіңірген Ж.Төрәлиевтің өмірлік серігі Гаухар Сәрсенбаева да мәдениет саласын дамытуға еңбек етіп жүр. Сахна саңлағы «ҚР Мәдениет саласының үзідігі» атанған. Ерлі-зайыпты бір ұл, бір қызды жетілдіріп, бүгінде олардан немере қызығын көруде. Ұлы Сұлтан – аудандық білім бөлімінде әдіскер, қызы Жібек Алматыдағы С.Асфендияров университетін биыл бітереді.<blockquote>– Аудан әкімі болған А.Божанованың кезінде жұмысқа қабылданып, содан бергі барлық әкіммен қызмет жасап келемін. Бастапқы кездегі жұмыстың тәртібі сол шақтағы жағдайға байланысты ерекше болды. Түске дейін кеңседе қағазбен жұмыс істесек, түстен кейін бекітілген елді мекен мен кент орталығындағы көшелердің ауыз су, аяқ су мәселесін, салыққа берешегі, жарық, судың төлемі, халықтың несиесін өндіру секілді жұмыстарды атқардық. Егін жинау науқанында күні-түні қырман басында болдық. Осы жұмыстарды іске асырып, күнделікті таңертең атқарған жұмыстар туралы есеп беріп отыратынбыз. Сол шақтан бастап аудан дамуына үлес қосқан Ә.Хожбанов, Қ.Сәрсенбаев, Т.Татиханов, Ж.Тағыбаев, Ж.Айсин, С.Сәдуақасов секілді ағалардан тәжірибе жинақтап, сала жұмысына төселдік. Бүгінде мемлекеттік қызмет саласында мерейіміз артып, жауапты жұмыстарды атқарып келемін, – дейді Жеңісбек Үсенұлы.</blockquote>&nbsp;

Жеңісбек Төрәлиев: Мемлекеттік қызмет жұмыстың оңай, қиындығымен өлшенбейді

<a href="https://kyzylorda-news.kz/">Kyzylorda-news.kz.</a> Бүгін Қазалы ауданының әкімі Мұхтар Оразбаев Аранды және Бозкөл ауылдық округтеріне арнайы барып, тұрғындардың ұсыныс-пікірлерін тыңдады.Кездесуде аудан басшысы жыл басынан бері ауданда атқарылып жатқан жұмыстарды тілге тиек етіп, алдағы жоспарларымен де бөлісті.&nbsp; Басқосуда тұрғындар өздерін толғандырған сұрақтарын аудан басшысының назарына ұсынды. Атап айтар болсақ, округтегі балабақшаға меңгеруші қажет екенін жеткізді. Сондай-ақ, ауыз су аяқ су мәселесі және &nbsp;“Актив” байланыс желісінің жылдамдығы төмен екендігін айтылды. Мұхтар Әуесұлы арандылықтардың тарапынан айтылған ұсыныс-пікірлер ескеріліп, алдағы уақытта кезең-кезеңімен шешімін табатынын жеткізді.Аудан әкімі Қожабақы ауылына сапары кезінде елді мекендегі дәрігерлік амбулаторияның жұмысымен танысып, медицина қызметкерлерін мерекелерімен құттықтады. Одан кейін №25 орта мектепке аялдап, білім ошағының жаңа оқу жылына дайындығымен танысты. Сонымен қатар, «Айгүл» бөбекжай-балабақшасына да барып, тәрбиеленуші балғындардың жағдайын білді.Бүгінде «Қазалы-Қожабақы-Бозкөл-Кәукей» автомобиль жолы орташа жөндеуден өтуде. Мердігер мекеме - «Қазалы-Жолшы» ЖШС-і тарапынан 1,5 шақырымға асфальт төселген. Жауаптыларға жолдың сапалы болуына қатты мән беру қажет екенін айтқан аудан әкімі құрылыстың уақытылы аяқталуын да қаперден шығармауды еске салды.&nbsp;Аудан әкімі Мұхтар Оразбаевтың тұрғындармен кездесуі Бозкөл ауылдық округінде жалғасты.&nbsp;Ауылдық мәдениет үйінде өткен басқосу барысында аудан басшысы атқарылған және алдағы уақытта шешімін табатын жұмыстарға тоқталып, халық жолдаған сауалдарға жауап берді.&nbsp;Кездесуде округ жұртының басым көпшілігі жұмыссыздық жайын көтерді. Одан бөлек, жол, аяқ су және жайылымдық жерлерге қатысты сұрақтарды ортаға салды.&nbsp;Аудан басшысы барлық тұрғындардың талап-тілегі ескерусіз қалмайтындығын, қажетті шаралар бірлесіп атқарылатындығын жеткізді. Сондай-ақ, айтылған ұсыныстарға байланысты жауапты сала басшыларына бірқатар тапсырмалар жүктеді.Жиында аудандық қоғамдық кеңестің төрағасы Талайлы Бөріқұлақов та сөз алып, ауданда атқарылып жатқан жұмыстар ауқымды екенін тілге тиек етіп, елді ауызбіршілікке шақырды.Кездесуден соң Мұхтар Әуесұлы округте жаңадан бой көтеретін дәрігерлік амбулаторияның орнын көрді.&nbsp;

Қазалы ауданының әкімі ауыл тұрғындарымен кездесті

<a href="https://kyzylorda-news.kz/">Kyzylorda-news.kz.</a> Бүгін ҚР Премьер-Министрі Әлихан Смайыловтың төрағалығымен өткен Үкімет отырысында тұтынушылар құқықтарын қорғау саласындағы жаңа шаралар мен елдегі туризмді дамыту перспективалары талқыланды.Премьер-Министр тұтынушылардың басым бөлігі сапасы төмен тауарлар саудасына, тауар бағасының көрсетілмеуі және дұрыс көрсетілмеуіне, интернет-дүкендерден ақшаның уақытылы қайтарылмауына шағымданатынын айтты. Осыған орай халықтың тұрмыс сапасын жақсартатын қолданыстағы ұлттық стандарттарды жетілдіру бойынша жұмыс жүргізу керек.Үкімет отырысынан соң облыс әкімі Нұрлыбек Нәлібаев Премьер-Министр берген тапсырмаларды пысықтау мақсатында жиын өткізді.Аймақ басшысы биылғы жылдың 5 айында облыс бойынша тұтынушылар құқықтарының бұзылғаны туралы 114 өтініш түскенін атап өтті. Қызылорда облысы бойынша сауда және тұтынушылардың құқықтарын қорғау департаменті жүргізген тексеру қорытындысына қарағанда, бұл өтініштердің 87-і қанағаттандырылып, 2,1 млн.теңгенің қайтарылуына ықпал жасалған. Нұрлыбек Машбекұлы аймақта тұтынушылардың құқықтарын қорғау мәселелерімен айналысатын арнайы үйлестіру комиссиясы құрылғанын айтты. Қызылорда облысы бойынша сауда және тұтынушылардың құқықтарын қорғау департаменті басшысына әрбір тұтынушылардың көтерген мәселесін заң аясында қарау, олардың құқықтарын қорғау бағытында түсіндірме жұмыстарын тұрақты жүргізу қажеттігін ескертті. Сонымен бірге облыстық қоғамдық даму басқармасымен бірлесіп, тұтынушылардың құқықтарын қорғауға байланысты әзірленген мақалаларды әлеуметтік желілерде, бұқаралық ақпарат құралдарында жариялауды үйлестіру тапсырылды. Қызылорда қаласы және аудан әкімдеріне тұрғындардан түскен өтініштерді уақытылы әрі сапалы қарап, тұтынушылар мен кәсіпкерлік субъектілерінің құқықтарын қорғау мақсатында арнайы дайындалған бірыңғай ақпараттық жүйесіне тіркеу жұмыстарын ұйымдастыру міндеттелді.Үкімет отырысындағы екінші мәселеге орай өңірдегі тарихи-мәдени және демалыс аймақтарының жұмысын жетілдіру, олардың тазалығын, қауіпсіздігін қамтамасыз ету бойынша тапсырмалар берілді.Жиналыста күн тәртібінен тыс егін егу науқанының қорытындысы және егісті суармалы сумен қамтамасыз ету бойынша атқарылып жатқан жұмыстар сараланды. Жауапты сала басшылары вегетация кезеңінде егісті сумен тұрақты қамтамасыз етуге бөлінген лимитті толығымен алуы керек. Мұнан бөлек, ауыспалы егіс тәртібін қатаң сақтау, егілген өнімді уақытылы жинап, тиімді пайдалану жөнінде тапсырмалар жүктелді.

Тұтынушылардың құқығын қорғау және туризмді дамыту мәселелері қаралды

<a href="https://kyzylorda-news.kz/">Kyzylorda-news.kz.</a> Қазақстан Республикасының Қаржы нарығын реттеу және дамыту &nbsp;агенттігі (бұдан әрі – Агенттік) интернет кеңістігінде «Webtrader» инвестициялық компаниясының сайтына сілтеменің белсенді түрде таратылып жатқанын хабарлайды, онда қысқа мерзім ішінде кепілдік берілген инвестициялық кіріс уәде етіледі.Алаяқтар белгілі блогерлер мен Агенттік басшыларының есімдері мен фотосуреттерін азаматтардың барынша көп санын тарту және олардың сеніміне ие болу үшін пайдаланады. Агенттік ресми түрде Агенттік басшылары немесе қызметкерлері биржалық нарықтарда бағалы қағаздарды немесе басқа активтерді сатып алуды ұсынбайтынын және жеке және заңды тұлғалардың ақшалай қаражатын тартпайтынын мәлімдейді.Агенттік өз құзыреті шеңберінде бағалы қағаздар нарығының жұмыс істеуін және дамуын, оның инфрақұрылымын дамытуды қамтамасыз ету жөніндегі мемлекеттік саясатты жүргізеді, қор нарығының және оның қатысушыларының ағымдағы жай-күйіне мониторинг пен талдауды жүзеге асырады, инвесторлардың құқықтары мен мүдделерін қорғаудың тиісті деңгейін, сондай-ақ бағалы қағаздар нарығы субъектілерінің қызметі туралы ақпараттың толықтығы мен қолжетімділігін қамтамасыз етеді.Агенттік азаматтарды қырағы болуға және алаяқтардың қулықтарына ермеуге шақырады.&nbsp;Егер сізде қаржылық алаяқтармен байланыстыңыз деген күдік туындаса, тұрғылықты жеріңіздегі құқық қорғау органдарына дереу хабарласу қажет.Лицензияланған брокерлер тізімімен Агенттіктің www.gov.kz ресми интернет-ресурсында танысуға болады. Агенттіктің интернет-ресурсында көрсетілген инвестициялық делдалдың деректемелері брокер лицензиясындағы деректемелермен сәйкес келуі тиіс екенін ескеріңіз.Қаржы реттеушісінің интернет-ресурсында азаматтар Агенттікке шағымдармен жүгінген лицензияланбаған «инвестициялық делдалдардың» тізімі де орналастырылған.&nbsp;

ҚР Қаржы нарығын реттеу және дамыту агенттігі алаяқтықтың жиілеп кеткенін ескертеді 

<a href="https://aikyn.kz/127178/kus-sharuashylygy-shatkayaktap-kaldy">ФОТО&nbsp;</a><a href="https://kyzylorda-news.kz/">Kyzylorda-news.kz.</a> Аймақ кәсіпкерлік саласы бойынша жақсы нәтижелерге қол жеткізіп келеді. Оның ішінде аудандар бойынша Қармақшының атқарып жатқан жұмыстары да жетерлік. Мәселен, мемлекет берген мүмкіндікті пайдаланып, өз кәсібін дөңгелетіп отырғандардың қатары күн санап көбейіп келеді.Бүгінгінің заман талабы қандай екенін білесіз бе? Иə, ол – кəсіп етіп, өзіңді-өзің жұмыспен қамту. Ал оны одан əрі дамыту – көкжиектің нағыз кеңейген шағы. Қос қолға бір күрек таппай, сенделгендер жұмыс іздеп шарқ ұрып жүр. Егер олар талаптанса, тəуекел етсе алмайтын қамалы жоқ.Төребай би ауылында құс шаруашылығын дөңгелетіп отырған жас кəсіпкердің барын естідік. Айылдағы талапты жастың өзімен əңгімелестік. Жас та болса кəсібінің көкжиегін кеңейтіп отырған Талғат Жетпісбаев кәсіп бастарды тәуекел етіп, бар болғаны ынта керек дейді. &nbsp;<blockquote>«Тəуекел етіп, осы кəсіпті ашуды қолға алдым. Мақсат қойдым. Оны орындадым. Жоқ емес, сауда жүрген жерде əрине қиындық кезігеді. Бірақ оның барлығын жеңу жолында жігерімді қайрадым. Солай алдыңғы жылы күзде арнайы кəсіпкерлік курсынан өтіп, «Еңбек» бағдарламасы бойынша грант жеңіп, кəсібімді бастап кеттім. Қазір құстардың қазақы тауық, индоутка, цесарка секілді түрлері бар», – дейді Талғат Бағдатұлы.</blockquote>Құс шаруашылығы – ауыл шаруашылығының ең жаңа, ең қарқынды дамып келе жатқан саласы. Өнімнің қысқа мерзімде өндірілуі нарық сұранысына бағыт-бағдар ұстауға мүмкіндік береді.<blockquote>«Физикалық қасиеттеріне қолданылатын қоректік қоспалардың калориялық құрамына байланысты жұмыртқа беретін тауықтарды азықтандырудың түрі көп. Мəселен, оларды шамадан тыс тамақтандыру немесе аз тамақтандырудың кері салдары бар. Сонымен қатар жемшөптің жеткіліксіз мөлшері өсу қарқынының төмендеуіне, тауықтардың жəне ересек құстардың əртүрлі ауруларға бейімділігіне, жұмыртқа өндірісінің айтарлықтай төмендеуіне əкеліп соғады. Тым көп тамақтану, əдетте, құстың артық салмағының жиналуына сеп болса, жұмыртқаның да өнімділігін азайтады», – дейді жас кəсіпкер.</blockquote>Осыдан-ақ, құс шаруашылығының нəзік екенін бағамдай беріңіз. Айтпақшы, қазір жас кəсіпкердің құстары көбейіп келеді. Инкубаторда, құрықта тұрғаны бар. Ал олардың жұмыртқасы күнделікті ауыл тұрғындарына сатылып тұр. Қолдың жұмыртқасы болған соң баға қалта көтерерлік сатылуда. Кəсібінің көкжиегін кеңейткісі келген жас жігіт алдағы уақытта құстың əр түрлі пародасын алып, баптауды көздеп отыр.Бүгінде дамушы елдер шағын және орта бизнеске ден қойып, қолдау білдіруде. Ол – кез келген ел экономикасының негізі. Өңірімізде де тәуекел еткендерге көрсетіліп жатқан демеу көп. Оның ішінде жастар да жасқанбай, тың жобаның жемісін көруде. Сондай жастардың бірі – Нұрлыбек Қадыров.Бірнеше жылдар бойы осы кәсіпкер жастың ерекше, түрлі кәсіпті қолға алғанын жақсы білеміз. Оның «Кadyrov Wear» отандық брэнді қазақы нақыштағы жейде мен жемпір өндіріп, әр түкпірге тапсырыс алған. Ал бұл жолы ол отбасылық кәсіпті қолға алып, есесін тауып дөңгелетіп отыр. Онысын Telegram каналындағы белсенділігінен аңғардық. Арнайы YouTube каналын да іске қосып, кәсібінен үзінділерді қалың көрерменге көрсетіп отырады. Құс шаруашылығын қолға алып, оны әлеуметтік желі арқылы жарнамалайды.<blockquote>«Қазір бізде құстардың түрлері бар. Көктемде инкубатордан балапан шығарып сатамыз. Ет өзімізден шықпайды. Мәселен, Шымкент қаласынан күркетауық етін алдырып, Астана, Алматы қалаларына көтерме бағамен жөнелтеміз. Тауық етін де сырттан әкеліп, көтерме бағамен сатамыз. Солай сырттан өткізіп оның қыр-сырын меңгерудеміз», – дейді ол.</blockquote>Бір қызығы жас кәсіпкер шығармашылыққа жақын. Яки кәсіби музыкант. Сол сала бойынша қалалық жерлерде 13 жыл бойы оқиды. Дегенмен ауылға қайтып, шаңырақ көтеріп, осында қалады. Кәсіби музыкант бұл кәсіпке қалай келген деймісіз? Енді қараңыз, оның әкесі Файзылда Қадыров 10 жылдан аса уақыттан бері құс баптап келеді. Сүйікті ісі сол. Әр құстың ерекшелігін ескерген ол «бұл құстар адамға жақын» дейді сөз арасында. Ол құс шаруашылығын көркейтпек ниетте Байқоңырдан Ақай ауылына отбасымен көшіп келіп, жер алады. Арасында балапандарын да сатып тұрады. Нұрлыбек жастайынан әкесінің осы шаруашылықпен айналысқанын көріп өсті. Өсе келе қызыға бастайды. Солай олар ойлана келе, мұның етін де сатуға болады екен деп жаңа жобаларын дайындайды.<blockquote>«Өткен жылдары «Сабақты ине сәтімен» дегендей өтіп жатқан бағдарламаның үстінен дәл түстік. Бағымызды сынадық. Нәтижесінде «Жас кәсіпкер» жобасы бойынша 1 айлық курстан өтіп, қаражатқа қол жеткіздік. Оған 130 күркетауық алдық. Содан дөңгелетіп, қазір әкем екеуміз айналысып жатырмыз. Қаз, күркетауықтың хайгрид түрін, ломон браун, бройлер секілді тауықтардың балапанын шығарамыз. Бұлар Ресейден келеді. Ал қаздың балапандарын өзіміздің елден мыңдап, екі мыңдап сатып аламыз. Жалпы балапандарды Арал, Қазалы, Қызылорда, Шымкент, Түркістанға дейін жібердік. Ендігі Атырау мен Ақтау қаласынан тапсырыс түсуде. Ауылдан да көтерме бағамен алып отырған тұтынушыларымыз бар», – дейді Н.Қадыров.</blockquote>Кәсіпкерлердің алға қойған жоспары көп. Олар осы істі әрі қарай дамытып, жерін ұлғайтып, көкжиегін кеңейткісі келеді. Тұтынушылары да жиналған.Елде кәсіп ашамын дегенге түрлі бағдарлама мен жобалар жүзеге асуда. Бұл – ел-жұрттың жылдан-жылға өрісін кеңейтіп, заман талабына сай өмір сүруіне тынысын ашуда. Оған Қадыровтардың отбасылық кәсібі дәлел.Істің орайын тапса, кәсіп қыламын деген жанға шаруаның түрі көп. Әсіресе қай жерде болмасын құс шаруашылығының өніміне сұраныс жоғары. Себебі бұл кәсіппен шын айналысқан жанға пайдасы шаш-етектен. Қазір аталмыш саламен шұғылданып жүргендердің қатары күн санап артып келеді. Жалпы Сыр өңірінің тамаша табиғаты кез келген құстың өсіп жетілуіне өте қолайлы. Мұнда азық қоры жеткілікті. Тек баққан құсыңыздың бабын таба алсаңыз болғаны. Бүгінде осы кәсіпті қолға алып, оның өсіп-өркендеуіне үлес қосып жүргеннің бірі – Әділет Әбдіқали.Бірнеше жылдан бері тауық асырап, оның түрін көбейткен кәсіп иесінің құстың бұл түрін ұстаудың өз машақатымен қатар пайдасы бар екенін айтып бастады. Әдепкі кәсібі тар кепеде төрт-бес тауық ұстаудан басталса, кейін әр тұқымнан жұмыртқа бастырып санын көбейткен.– Құс асырау әулетімізге таңсық дүние емес. Бұған дейін ағаларым тауықтың түр-түрін өсірген. Ол кезде мен кішкентай баламын. Кейін олар қызметтеріне орай сыртқа кетті. Міне, қазір солардың ізін басып, осы кәсіпті қайта жандандырып жатырмын, – дейді Әділет.Құс баптаушының қорасына кірсеңіз тауықтың қыт-қытынан құлақ тұнады. Одан бөлек тәштеті салбыраған күрке тауықтары да бар. Қораның бір қабырғасына соққан құс кепенің бір бөлігінде ересектері күтіп бапталса, екінші бөлігінде балапандар өсірілуде. Кейіпкердің кәсібі былтырғыға қарағанда биыл өрісі кеңейген. Көктемгі құрық басқан жұмыртқаларынан ойдағыдай балапан шықса керек. Жоғарыда айтып өткендей құс ұстаудың машақаты жетеді. Үш мезгіл жем-шөбін беріп тұруың керек. Одан бөлек, аптасына бір рет астын тазалап тұрмасаң биттеп кетеді. Әділеттің тауықтарына қарап қызығасың. Құдды зообаққа келгендей күй кешесің. Шетінен ірі әрі етті. Ішінде «брама» тұқымы да бар. Түрі ерекше, аяғына дейін қауырсын басқан. Ал күркенің қоразы ол өз алдына бөлек әңгіме. «Қанаттылардың берер пайдасы көп» дейді құс иесі сөзге шорқақ болса да әңгімесін жалғап:<blockquote>«Тауық – қай жағынан болсын, пайдалы құс. Еті жұмсақ, жұмыртқа береді, қауырсыны да іске жарамды. Құстардың ішінде бап талғамайды, бағуы жеңіл әрі өсуі тез. Ал үндік кеңшілікті сүйетін құс. Ол қамауда тұрғаннан гөрі кең жайылымды керек етеді. Оның жұмыртқасы көлемді болса, еті де дәмді. Жалпы мендегі құстар бір жылдан артық көп тұрмайды. Көктемде жаңартып отырамын. Аталығын ауыстырып тұқым көбейтемін», – дейді Ә.Бегімұлы.&nbsp;</blockquote>Заманға сай, үй құстарын төрт түлік сияқты көп асырап, оны саудалау зор кәсіптің біріне айналуда. Құс кәсібі – құр асырап санын көбейтумен пайдалы болмайды, тұқымын түрлендіріп, жақсы күтіп баптағанмен ерекше. Бүгінгі кейіпкеріміз де өз ісінен осыны ұқтырғандай.

Қазақстан және Қызылорда облысының жаңалықтары