<a href="https://kyzylorda-news.kz/ru">Kyzylorda-news.kz.</a> Сыртқы істер министрлігінің ресми өкілі Айбек Смадияров Оңтүстік Кореяда заңсыз жұмыс істеп жүрген Қазақстан азаматтарына кеңес берді, - деп хабарлайды <a href="https://massaget.kz/basty-zhaalytar-438/99124/?fbclid=IwAR0DMVXNtsLyJswqXqtedLSjAmj9iL4GJICdk4k-LiQ7Q_cQfd7N2700NbQ">Massaget.kz</a>.СІМ-де өткен баспасөз мәслихатында ресми өкілге "Бүгінде әлемдегі жағдай ушығып тұр. Йеменде не болып жатқанын білесіз. Оңтүстік пен Солтүстік Корея арасындағы жағдай да күрделі. Ол жақта заңсыз жүрген қазақ көп. Осыған байланысты Сыртқы істер министрлігі үндеу жасап, олардың елге қайтуына қандай да бір кеңес беріп, қандай да бір шаралар қабылдай ма?" деп сұрақ қойылды.Айбек Смадияров Корея түбегіндегі жағдай бірқалыпты екенін жеткізді.<blockquote>"Қазір Оңтүстік Кореядағы жағдай тұрақты. Оларға қандай да бір қауіп төніп тұрған жоқ. Сондықтан Кореяда заңсыз жүрген азаматтарға өтініш бар. Олар заңды сақтап, елде заңды түрде жүруі керек. Оларға ешқандай қауіп төніп тұрған жоқ", - деді ресми өкіл.</blockquote>Оның айтуынша, бүгінде Оңтүстік Кореяда 20 мыңнан аса қазақстандық заңды түрде еңбек етіп жүр. Қос ел арасында жұмыс істеуге қатысты ешқандай кедергі жоқ.<blockquote>"Олардың көбі - (этникалық - еск.) кореялықтар. Бәрі заңды түрде жұмыс істейді. Егер Қазақстан азаматы Оңтүстік Кореяға барып, заңды түрде жұмыс істеймін десе, еш кедергі жоқ. Бірақ кейбір азаматтар қос ел арасындағы визасыз режимді пайлаланып, екі мемлекетті де алдап, сонда заңсыз қалып отыр. Осыдан проблема туындап жатыр. Алайда екі мемлекеттік арасында заңды түрде жұмыс істеуге қатысты еш кедергі жоқ. Онда дәрігерлер, жоғары білімді IT мамандары еңбек етіп жатыр", - деді Айбек Смадияров.</blockquote>Фото: Нұрболат Нұржаубай

«Жағдай ушығып тұр»: Сыртқы істер министрлігі Кореяда заңсыз жұмыс істеп жүргендерге кеңес берді  

Фото:&nbsp;Заманбек Нұрқаділов пен "Ақ жолды"&nbsp;құрушылардың бірі Алтынбек Сәрсенбаев. Дереккөз: Vox Populi<a href="https://kyzylorda-news.kz/ru">Kyzylorda-news.kz.</a>&nbsp; Заманбек Нұрқаділов 1944 жылы 15 қаңтарда Алматы облысы Нарынқол ауданында дүниеге келген. Бүгін тірі болғанда, 80 жасқа толар еді. <a href="https://bugin.kz/34746-ozin-ush-ret-atqan-zamanbek-nurqadilov-turaly-derekter">Bugin.kz </a>тілшісі танымал саясаткер туралы деректерді назарларыңызға ұсынады.- Заманбектің әкесі соғыста қаза тапқан. Оны анасы тәрбиелеп өсірген. Балалық шағын ол "кедей және жартылай аш өтті" деп сипаттаған;- Институтты қызыл дипломмен бітірген;- Құрылыста қызмет жолын қатардағы шеберден бастап, СМУ бастығы қызметіне дейін көтеріледі;- Нұрқаділов 2004 жылы 11 наурызда баспасөз конференциясын өткізіп, Назарбаевқа қатысты даулы мәлімдеме жасады. Ол Назарбаевты жемқорлық, билікті асыра пайдаланды, монархия орнатты деп айыптады. Хат соңында Заманбек Нұрқаділов Назарбаевты биліктен кетуге шақырған;- Алматы полициясына 2005 жылғы 12 қарашада жедел жәрдем тобы Заманбек Нұрқаділовтің &nbsp;үйінде оқыс оқиға болғаны хабарлайды. Сол кезге тұспа-тұс үй күзетшісіне де сондай хабар айтылады. Марқұмның денесін қарағанда, 3 оқ жарақаты байқалған.1998 жылы Ішкі істер министрлігі Нұрқаділовке "кобальт" маркалы тапанша берген екен. Жанынан сол табылады. Тергеу қорытындысында Заманбек Нұрқаділовті жүрегі мен басына атылған оқтан мерт болғаны анықталады. "Ол өзіне өзі қол салған" деген ресми тұжырым жасаған;- Президент Қасым-Жомарт Тоқаев Нұрқаділовтің 80 жылдық мерейтойында берілген аста оған арнап ескерткіш орнататыны туралы шешімін көпшілікке мәлім етті

"Өзін үш рет атқан": Заманбек Нұрқаділов туралы деректер

<a href="https://kyzylorda-news.kz/ru">Kyzylorda-news.kz.</a>&nbsp;Бүгін облыс әкімі Нұрлыбек Нәлібаев Жаңақорған ауданына жұмыс сапарымен барып, Төменарық ауылдық округінде салынатын 15 орындық аурухананың іргетасын қалау рәсіміне қатысты.Аймақ басшысы ауыл тұрғындарын жаңа нысан құрылысының басталуымен құттықтады.<blockquote>«Адамның баға жетпес байлығы – денсаулығын, өмір сапасын жақсарту жолында мемлекет тарапынан атқарылған жұмыс ауқымды. Әлемдегі геосаяси ахуалдан туындаған экономикалық қиындықтарға қарамастан Президентіміз Қасым-Жомарт Кемелұлы денсаулық сақтау саласын дамытуды басым бағыттардың бірі ретінде белгілеп, халыққа арнаған Жолдауларында нақты талаптар қойды. «Сапалы медициналық қызмет азаматтардың тұрғылықты жеріне қарамастан бәріне бірдей қолжетімді болуы керек» деп атап өтті.Бүгінгі қолға алынған жұмыстардың барлығы да халық денсаулығын нығайту, аурудың алдын алу үшін жасалуда. Құрылысы басталған амбулаториясы бар аурухана осы мақсаттың орындалуына септігін тигізіп, аурушаңдықтың азаюына ықпал етеді деген сенімдеміз», – деді Нұрлыбек Машбекұлы.</blockquote>Бас мердігер «Астана сервис ЛТД» жаңа аурухананы биыл мамыр айында пайдалануға бермек. Жалпы ауданы 1072 шаршы метр нысан құрылысының құны 893 млн теңге.Іс-шарада еңбек ардагері Жақсылық Сапарбеков жерлестерін құттықтап, бата берді. Сондай-ақ, Төменарық ауылының әлеуметтік-экономикалық дамуына үлес қосқан бірқатар азаматтың еңбегі еленіп, марапатталды.Айта кетейік, өңірдің денсаулық сақтау саласына биыл 156 млрд 100 млн теңгеге жуық қаржы бағытталуда. Қызылорда қаласында 36 млрд 400 млн теңгеге бір ауысымда 100 келушіге арналған емханасы және онкологиялық бөлімшесі бар 300 орындық көпбейінді аурухананың құрылысы басталды. «Ауылда денсаулық сақтауды жаңғырту» ұлттық жобасы аясында елді мекендерде 27 нысан салынуда. Өткен жылы 15-і ел игілігіне табысталды. Оның ішінде, Жаңақорған ауданының Қаратөбе ауылында жаңа амбулатория ашылса, биыл Бесарық және Әбдіғаппар ауылдарында бой көтереді. Ұлттық жоба аясында Арал, Қазалы, Шиелі, Жаңақорған аудандарындағы көпбейінді орталық ауруханаларға қосымша ғимараттар салынады. Жақын күндері көпбейінді облыстық аурухана жанынан 70 төсектік перинаталдық орталық халық игілігіне беріледі. Қызылорда қаласында 200 төсек-орынға арналған заманауи перинаталдық орталық құрылысы басталады. Жоба құны 30 млрд теңге. Мамыр айында Қан орталығы қызметіне кіріседі. Мұнан бөлек, жергілікті бюджеттен Арал ауданында «Қамқорлық» оңалту орталығының құрылысы басталады. Жалпы 9 медициналық нысанға күрделі жөндеу жүргізіліп, 5 нысанның жылу жүйесі газға ауыстырылуда. Бұл жұмыстарға 3 млрд 700 млн теңге қаралды. Облыстық психикалық денсаулық, өкпе аурулары орталықтары ғимараттарына күрделі жөндеу жұмыстары жүргізілуде. Биыл облыстық жұқпалы аурулар ауруханасының ғимараты күрделі жөндеуден өткізілмек.Сыр өңірі «Қазақстан халқына» қоғамдық қорымен тығыз әріптестік байланыста. Қор соңғы екі жылда аймағымыздың білім мен медицина саласына 4 млрд теңгеге жуық қаржы бөлді. Бұл қаржыға облыстық балалар ауруханасы базасында «Қамқорлық» реабилитациялық орталығы ашылып, құны 1 млрд 100 млн теңге тұратын онкологиялық скрининг жүргізуге арналған екі жылжымалы медициналық кешен, өзге де қажетті құрал-жабдықтар мен дәрі-дәрмектер алынды. Қазір жылжымалы медициналық кешен шалғай ауылдарда қызмет көрсетуде.Облыс әкімі рәсімнен соң ауыл тұрғындарымен, ақсақалдармен кездесіп, ұсыныс-пікірлерін тыңдады.<img src="https://knadmin.beoblood.kz/uploads/418508600_676189371368977_5380460242835838242_n_03eae78f95.jpg" alt="418508600_676189371368977_5380460242835838242_n.jpg">

Жаңақорған ауданында аурухана құрылысы басталды

<a href="https://kyzylorda-news.kz/ru">Kyzylorda-news.kz.</a>&nbsp; Бүгін облыс әкімі Нұрлыбек Нәлібаев Жаңақорған ауданына жұмыс сапары кезінде үш елді мекенді табиғи газға қосу рәсіміне қатысты.Алдымен Нұрлыбек Машбекұлы Шалқия кентінде өткен рәсімде тұрғындарды құттықтады.<blockquote>«Өңірді газбен қамту көрсеткіші 75 пайызға жетті. Барлық аудан орталығы мен Арал, Қызылорда, Байқоңыр, Қазалы қалалары, 34 елді мекен табиғи газдың игілігін пайдалануда. Биыл 4 млрд теңгеге 12 елді мекенді «көгілдір отынмен» қамтамасыз етеміз. 2024 жылдың соңында облыстың газдандырылу деңгейі 78 пайызға жетеді.Бүгін Төменарық ауылында аурухананың іргетасын қаладық. Бұған дейін аудандағы Бірлік, Қыраш, Жайылма ауылдарына газ жеткізілген еді. Бұл жолы Шалқиядан басқа Кейден, Құттықожа ауылдары да газға қосылады. Осылайша биыл аудандағы 45 мыңға жуық тұрғын табиғи газдың пайдасын көрмек. Ауылдарыңызға келген игілік жұртшылықтың әлеуметтік жағдайына оң әсер ететініне сенемін», – деді аймақ басшысы.</blockquote>Рәсімде еңбек ардагері Бахадүр Сұлтанахмет жерлестерін құттықтап, жиналған қауымға бата берді.Іс-шарада аудан ардагерлері мен ауыл тұрғындары облыс әкімінің Алғыс хатымен марапатталды.Мұнан бөлек, бүгін ауданның Құттықожа, Кейден елді мекендеріне жүргізілген газ желісі іске қосылды. Облыс әкімі тұрғындарды құттықтап, ізгі тілек білдірді. Кейден ауылында газға қосылған үйді көріп, сыйлық табыстады.Аймақ басшысы газ қосу рәсімінен соң, ауыл тұрғындарымен, ақсақалдармен кездесіп, олар айтқан ұсыныс-пікірлерге ден қойды.<img src="https://knadmin.beoblood.kz/uploads/419703887_676192651368649_1147456746453773027_n_7c4ca9a55e.jpg" alt="419703887_676192651368649_1147456746453773027_n.jpg"><img src="https://knadmin.beoblood.kz/uploads/418500140_676192718035309_5102916895906448446_n_2cd77556c6.jpg" alt="418500140_676192718035309_5102916895906448446_n.jpg">

Жаңақорған ауданында үш елді мекен газға қосылды

Фото: облыс әкімінің баспасөз қызметі<a href="https://kyzylorda-news.kz/ru">Kyzylorda-news.kz.</a>&nbsp; Облыс әкімі Нұрлыбек Нәлібаев Жаңақорған ауданына жұмыс сапарында «МАИ бекеті» мөлтек ауданындағы 300 орындық мектептің ашылу салтанатына қатысты.Аймақ басшысы тұрғындарды жаңа білім ордасының пайдалануға берілуімен құттықтап, Мемлекет басшысының қолдауымен жүзеге асқан, алдағы уақытқа жоспарланған жұмыстарға тоқталды. Соның ішінде өскелең ұрпақтың болашағы мен игілігі үшін атқарылған істердің ауқымы зор.<blockquote>«Жыл басында өздеріңізбен кездесіп, жаңа мектепті табыстағанымызға қуаныштымыз. Білім саласының бюджетін биыл 291 млрд теңгемен бастадық. Бұл қаржы жыл соңына дейін тағы да артады. Салада ауқымды жобалар сәтті жүзеге асырылуда. Президент бастамасымен «Жайлы мектеп» ұлттық жобасы аясында облыста 21 мектеп бой көтереді. Былтыр 10 мектептің құрылысы басталды. Биыл тағы 11 мектептің іргетасы қаланады. Ұлттық жобамен Жаңақорған кентінде 600 орындық, Жаңарық ауылында 300 орындық мектеп салынуда. Одан бөлек облыстық бюджет есебінен Байкенже ауылында 150 орындық мектеп құрылысы жүруде. Қызылорда қаласында құны 7 млрд. 900 млн. теңгені құрайтын физика-математика бағытындағы 300 орындық жатақханасы бар 400 орындық мектеп-интернат құрылысы қарқын алды. Жаңақорған және Шиелі аудандарында Оқушылар үйі мен Өнер мектептері салынады. Балалар мен жасөспірімдердің шығармашылығын шыңдау үшін облыс орталығынан 10 млрд. теңгенің «Шығармашылық академиясын» салу қолға алынады.Биыл Жаңақорған ауданында ауқымды жұмыстар атқарылады. Екпінді ауылында 100 орындық ауылдық клуб құрылысы басталады. Келінтөбеде жаңа спорт кешені бой көтереді. Әлеуметтік қолдауды қажет ететін отбасыларға арналған 24 тұрғын үй табысталады. Өзге де жоспарларымыз бар.Бүгін табысталған жаңа білім ошағынан алдыңғы буынның ізгі жолын жалғаған білімді, талантты шәкірттер шығатынына сеніміміз мол. Санасы сергек, ойы ұшқыр, бәсекеге қабілетті оқушыларымыз көп болсын!», – деді Нұрлыбек Машбекұлы.</blockquote>Салтанатты іс-шарада сала ардагері Ізәтіллә Нәрзілдаев жерлестерін құттықтап, бата берді.Ашылу рәсімінде нысан құрылысын салған мердігер мекеме қызметкерлері мен басталған іске жанашырлығымен, елеулі еңбегімен үлес қосқан кент тұрғындары марапатталды.Іс-шара соңында қонақтар мектеп ғимаратын аралап көрді.<img src="https://knadmin.beoblood.kz/uploads/418526811_676195988034982_3455800598535447064_n_3e3ee53d24.jpg" alt="418526811_676195988034982_3455800598535447064_n.jpg"><img src="https://knadmin.beoblood.kz/uploads/418519893_676195928034988_8469120262100118985_n_b04a52abd8.jpg" alt="418519893_676195928034988_8469120262100118985_n.jpg"><img src="https://knadmin.beoblood.kz/uploads/419713687_676195788035002_8705952056433780928_n_40b8a1122b.jpg" alt="419713687_676195788035002_8705952056433780928_n.jpg"><img src="https://knadmin.beoblood.kz/uploads/419717599_676195954701652_7450180502203425737_n_58a883d53b.jpg" alt="419717599_676195954701652_7450180502203425737_n.jpg"><img src="https://knadmin.beoblood.kz/uploads/419724141_676195974701650_9155323671638393858_n_43198a20fe.jpg" alt="419724141_676195974701650_9155323671638393858_n.jpg"><img src="https://knadmin.beoblood.kz/uploads/419713574_676195821368332_5244934677842498713_n_5c9781af61.jpg" alt="419713574_676195821368332_5244934677842498713_n.jpg">

Жаңақорған ауданында жаңа мектеп ашылды

<a href="https://kyzylorda-news.kz/ru">Kyzylorda-news.kz.</a>&nbsp; Түркияның Ыстамбұл қаласында еліміздің туризм және спорт вице-министрі Серік Жарасбаев пен 5-ші Дүниежүзілік көшпенділер ойындарын өткізу жөніндегі Дирекция жетекшісі Наиль Нұров Дүниежүзілік этноспорт конфедерациясының президенті Біләл Ердоғанмен кездесіп, ұйымдастыру жұмыстарына қатысты мәселелерді талқылады.Туризм және спорт вице-министрі Серік Жараспаев көшпенділер ойындарына дайындық жұмыстары мен ақпараттық-насихат шараларының қызу жүріп жатқанын хабардар етті.&nbsp;Дирекция жетекшісі Наиль Нұров 5-ші Дүниежүзілік көшпенділер ойындарының маңызын ескере отырып, ашылу және жабылу салтанаты мен сайыс барысын әлемнің жетекші телеарналары арқылы тарату мәселесін де ортаға салды.Біләл Ердоған тараптар арасындағы әріптестік қатынастың артқанын айта келе, көшпенділер ойындарын ұйымдастыру Қазақстанның этноспорт қозғалысын әлемдік деңгейде насихаттаудағы ұтқыр жобаларының бірі екеніне айрықша мән берді.&nbsp;Жиында Қазақстан делегациясының 16-18 ақпан аралығында өтетін Дүниежүзілік этноспорт конфедерациясының Конгресіне қатысатыны да нақтыланды. &nbsp;Ыстамбұлдағы Дүниежүзілік этноспорт конфедерациясының кеңсесінде өткен кездесуге Түркітілдес мемлекеттердің ынтымақтастық кеңесінің Бас хатшысы Бағдат Әміреев пен Қазақстан Республикасының Бас консулдығының өкілдері де қатысты.2024 жылдың 8-14 қыркүйек аралығында Астанада өтетін 5-ші Дүниежүзілік көшпенділер ойындарына 100-ден астам мемлекеттен 4000-ға жуық спортшы қатысады деп күтілуде.5-ші Дүниежүзілік көшпенділер ойындарының ұраны - «ҰЛЫ ДАЛА ДҮБІРІ».<img src="https://knadmin.beoblood.kz/uploads/83c1b118_6380_4476_9629_335cc49c439e_2016e23b3e.jpg" alt="83c1b118-6380-4476-9629-335cc49c439e.jpg">&nbsp;<figure class="image"><img src="https://knadmin.beoblood.kz/uploads/d95d8a31_5f7e_42ba_89a8_baaee932ad9a_f62fdc8d25.jpg" alt="d95d8a31-5f7e-42ba-89a8-baaee932ad9a.jpg"></figure>

«Ұлы дала дүбірі»: Ұйымдастыру жұмыстарына қатысты мәселелерді талқылады

Фото: primeminister.kz <a href="https://kyzylorda-news.kz/ru">Kyzylorda-news.kz.</a> ҚР Оқу-ағарту министрі Ғани Бейсембаев жұмыс сапарымен Алматы қаласына барды. Мұнда арнайы және инклюзивті білім беру мәселелері бойынша ғылыми қоғамдастық пен үкіметтік емес ұйымдардың өкілдерімен кездесу өтті, – деп хабарлайды <a href="https://aikyn.kz/261334/elimizde-uzdiksiz-inklyuzivti-bilim-berudin--u-lttyk--ortalyg-y-k-u-rylady">Aikyn.kz </a>ҚР Ғылым және жоғары білім министрлігінің баспасөз қызметіне сілтеме жасап.Кездесу барысында 2024 жылға арналған жұмыс жоспары туралы ҚР Оқу-ағарту министрлігі арнайы және инклюзивті білім департаментінің директоры Лаура Бутабаева айтып берді.Ерекше білім беру қажеттіліктері бар балаларға ерте көмек көрсету мақсатында бүгінгі таңда психологиялық-педагогикалық түзету кабинеттерінің санын арттыру бойынша жұмыс жүргізілуде. Қазір елімізде 215 ППТК жұмыс істейді, 2024 жылы қосымша 9 түзету кабинетін ашу жоспарлануда. Қазіргі күні мектептерде 700-ден астам инклюзияны қолдау кабинеті жұмыс істейді, 2024 жылы олардың саны тағы 57 бірлікке ұлғайтылатын болады. Сонымен қатар, биыл 14 ПМПК ашу жоспарлануда.Дөңгелек үстелде сөз сөйлеген ҚР Оқу-ағарту министрі Ғани Бейсембаев инклюзивті білім беру жүйесін дамыту мемлекеттік саясаттың басым бағыттарының бірі екенін атап өтті. Бұл бағытты дамытудың маңыздылығын түсіне отырып 2023 жылдың желтоқсанында министрлік құрылымында арнайы және инклюзивті білім департаменті ашылды.<blockquote>«Арнайы білім әр баламен жеке жұмыс жасауды, әр балаға назар аударуды қажет етеді. Осы мақсатта Ұлттық үздіксіз инклюзивті білім беру орталығын іске қосу жоспарлануда. Сонымен қатар біз кадрларды даярлау және қайта даярлау мәселесін қарастырамыз. Сондықтан педагогтер оқытатын жоғары оқу орындарының бағдарламаларына «инклюзивті білім беру» модулін қосу жоспарланып, педагогтер үшін біліктілікті арттырудың жаңа курстары әзірленуде», – деді Ғани Бейсембаев.</blockquote>Дөңгелек үстел барысында ғылыми қоғамдастық өкілдері: педагогика ғылымдарының докторы, профессор Роза Сүлейменова, доцент, педагогика және психология институтының директоры, педагогика ғылымдарының кандидаты Ғалия Абаева, сондай-ақ үкіметтік емес ұйымдардың басшылары сөз сөйледі. Олардың қатарында «Дара» қорының «Қазақстанда инклюзивті қоғам құру» жобасының үйлестірушісі Сәуле Дүйсембекова, Болат Өтемұратов қорының директоры Марат Айтмағамбетов те бар.Шара соңында ҚР Оқу-ағарту министрі Ғани Бейсембаев департамент директорына еліміздегі инклюзивті білім беруді дамытудың стратегиялық жоспарын әзірлеуді тапсырды.

Елімізде инклюзивті білім берудің ұлттық орталығы құрылады

Фото: aikyn.kz<a href="https://kyzylorda-news.kz/ru">Kyzylorda-news.kz.</a>&nbsp; Қалада апатты деп танылған көпқабатты 51 үй бар болса, ондағы 628 тұрғын пәтер кезегінде тұр. Осындай апатты үйлердің 22-і Тасбөгет кентінде орналасқан.&nbsp; Қаланы аралау барысында шаһар басшысы Серік Қожаниязов Тасбөгет кентіндегі апатты үйлердің тұрғындарымен кездесіп, талап-тілектерін тыңдады. Серік Салауатұлы өтініштердің назардан тыс қалмайтындығын жеткізіп, жаңадан салынатын көпқабатты үйлерден аталған санаттағы азаматтарға кезектілік тәртібімен жыл сайын 100-ден астам пәтер табысталатындығын айтты. Осылайша алдағы 5-6 жылдың көлемінде қаладағы апатты тұрғын үй мәселесін түбегейлі шешу жоспарлануда.&nbsp; Өздеріңізге белгілі, кенттегі үйлердің бірқатары ескірген. Өжірелері, ауыз су және кәріз жүйелері мен қасбеттері, шатырлары жөндеуді қажет етеді. Осыған орай, шаһар басшысы биылғы жылы жөнделетін 19 үйдің тізімін бекітіп, жоба-сметалық құжаттарын әзірлеуді тапсырды. Сонымен қатар, техникалық паспорты жоқ кейбір үйлердің құжаттарын рәсімдеуді жүктеді.

Қызылордада 51 көпқабатты үй апатты деп танылған

Фото: astanatv<a href="https://kyzylorda-news.kz/ru">Kyzylorda-news.kz.</a>&nbsp; Нұрлан имам АҚШ президенті Джо Байденнен шақырту алды, деп хабарлады<a href="https://el.kz/nurlan-imam-aqsh-prezidenti-baydennen-shaqyrtu-aldy_103787/?fbclid=IwAR3QfFjIyA8vw8lRbsESegF3vZ7GXZ45TcJpYzTWvUx8nA6Ntzn6e_IpXFA"> El.kz</a> ақпарат агенттігі.Жыл сайын АҚШ президенті Джо Байден және оған дейінгі президенттер әр елден танымал адамдарға және мемлекет басшыларына қайырымдылық ас береді. Белгілі журналист Дана Нұржігіт өзінің әлеуметтік желісінде Нұрлан имамнан алған қысқаша сұхбатын жария етті.Біздің елімізден таңдау маған түсіп тұр екен. Мемлекетіміздің мүддесін, президент істеп жатқан ішкі және сыртқы саясатын жеткізу, сондай-ақ руханиятымызды кеңейту, паш ету, қазақ тарихының кең екенін көрсету үшін осы сапарға ниет білдіріп отырмыз. Алдағы аптада үлкен сапарға жол жүрмекпіз, – дейді Нұрлан имам.Журналист имамға «Сапар аясында ғана емес, мүмкін дастархан басында Байденнің қасында отырып қаларсыз», деді.Ас үш дүркін беріледі екен. Үш дастарханға да мен қосылған екенмін. Үлкен мінберлерде президентіміздің айтып жүрген ойын менде жеткізсем деймін. Қазіргі таңда жастарымызда еліктеушілік көп. Бір басшының артынан ілесіп, келешекке дұрыс құрып жатқан саясатымызды әріқарай паш етсем деймін, – деді Нұрлан имам.Қазақстандық кәсіпкерлер бауырластық көңілмен алыс сапар алдында қазақтың жөн-жоралғысымен дастархан жайып, елдің аманатын арқалап сонау АҚШ сапармен кетіп бара жатқан имамға ізет көрсетті.

Нұрлан имам АҚШ президенті Байденнен шақырту алды

<a href="https://kyzylorda-news.kz/ru">Kyzylorda-news.kz.</a>&nbsp; «Мені туған ағам зорлады. Ол кезде 11-12 жаста едім. Үйде тек сіңлім, ағам үшеуіміз болатынбыз. Ол арам ойын іске асыру үшін сіңлімді сылтауратып далаға шығарып жіберетін.&nbsp; &nbsp;Қорыққаннан жақындарыма тіс жармадым.Бір жағынан әкем мен анам ренжісіп жүрген.. Бірақ бір күні төзімім таусылып, бәрін жайып салдым. Жан-дүнием төңкерілді. Анам ағамды таяқтың астына алды. Ағам болса өкінетінін айтып, сытылып шықты. Одан кейін анам менен ашуын алды. Бірақ кінәм не? Қолдаудың орнына қорлауды көрдім, өмірмен қоштасқым келеді».&nbsp;Алматылық құқық қорғаушы Ләззат Рақышева осындай мәтіндегі жазбалармен бөлісіп жүр. Анонимділік сақталған. Айтуынша, күніне осы тектес 10 хат келеді.&nbsp; Одан кейінгі кезекте тұрмыстық зорлықтан жапа шеккен әйелдер тағы бар. Елімізде бұл мәселелер бұған дейін май шаммен қаралмағасын болар, жүрегіңді езіп жіберер оқиға сан мың. Жақында Үкімет отырысында да Мәдениет және ақпарат министрі Аида Балаева соңғы төрт жарым жылда &nbsp;зорлық-зомбылықтан 869 адам көз жұмғанын хабарлады. Біз білмейтіні қанша?!&nbsp; Бұл – әлемдік мәселе. Тарихты парақтасақ, Парсы империясында «зәрдүшт» және «маздакия» деп аталатын екі ірі топ болған екен. Олардың саяси көзқарасы бір-біріне сай келмесе де, рухани азғындық тұрғысынан ұқсас болған. Себебі әйелді ардақтамаған, қорлауға тырысқан. Әсіресе, маздакия сенімін ұстанатындарда ер мен әйел арасындағы жеке отбасылық өмір немесе неке деген түсінік болмаған. Бұл кезеңдерде діни сенім, құндылық, білім жоқтың қасы екенін қосыңыз. Азғындықтың басты себебі де осы.&nbsp; Бірақ бүгінгі заман бөлек, заң бөлек. Министрдің айтуынша, қазірдің өзінде елімізде Отбасы саясаты бойынша 469,3 млн теңгені құрайтын 156 әлеуметтік жоба бар. Бөлінген қаржының 40% тұрмыстық зорлық-зомбылықтың алдын алуға бөлініп отыр.&nbsp; Мемлекет басшысы да биыл әйелге, балаға көрсетілетін зорлық-зомбылықпен күреске ерекше маңыз берді. Десе де, елімізде «тана көзін сүзбесе, бұқа жібін үзбейді» деген тәмсіл әлі бар. Қазақы менталитет қорлаған адамды емес, қорланғанды кінәлі санайтыны қынжылтады. Адамгершілік – ардың ісі дейміз. Ендеше ар-намыс кодексі болу керек әр адамда. Ал егер олай болмаса, өз қотырымызды өзіміз қасуға мәжбүрміз. Жағдай ушықпас үшін… P.S. Егер қиындыққа тап болсаңыз, &nbsp;оқиғаңызды бізге жолдаңыз, бірлесіп мәселенің шетін шығарайық! Бастысы, үнсіз қалмаңыз, сіз ЖАЛҒЫЗ ЕМЕССІЗ!Азамат АБИМОЛДА&nbsp;Фото: Нұрболат Нұржаубай &nbsp;

Қорлағанды емес, қорланғанды кінәлайтын қоғамбыз ба?

<a href="https://kyzylorda-news.kz/ru">Kyzylorda-news.kz.</a>&nbsp; Қызылорда облысының 600-ге жуық тұрғыны бүйрек жеткіліксіздігімен диспансерлік есепте тұр. 200-ге жуық адам демеуші терапия – гемодиализ бағдарламасында. Бұл қандай әдіс, қанша тұрады және мұндай осы диагнозбен ауыратын науқастарды емдеудің балама түрі бар ма? Осы сұрақтарға өз сұхбатында көпсалалы облыстық аурухананың бас дәрігері Жасұлан Баймаханов жауап берді.- Жасұлан Болатбекұлы, бүгінде бүйрек жеткіліксіздігінің салдары қандай және осы диагнозбен ауыратын науқастарға қандай медициналық көмек көрсетілуде?- Бүйрек жеткіліксіздігі бүкіл ағзаның жұмысына әсер етеді. Қанның құрамы өзгереді, нәтижесінде қан аздық және қан кету бұзылыстары пайда болады. Жүректің және қан тамырларының дисфункциясы, бұл гипертония мен жүрек жеткіліксіздігіне әкелуі мүмкін. Асқорыту, жүйке және иммундық жүйелерде бұзылулар орын алады, тірек-қимыл аппаратына әсер етеді. Нәтижесінде науқас - іріңді-септикалық процестер, ішкі қан кету секілді өмірге қауіп төндіретін жағдайларға тап болуы мүмкін. Барлық осы жағымсыз салдардың алдын алу үшін емделушілер гемодиализ бағдарламасына жіберіледі. Бұл бүйректен тыс қанды тазарту әдісі, оның барысында улы метаболикалық өнімдер ағзадан шығарылады, су мен электролит балансының бұзылуы қалыпқа келтіріледі. Бүгінде аймақта 200-ге жуық адам гемодиализде. Айта кету керек, бұл арзан ем шара емес.- Оның құны қанша және емделушілерге қаншалықты тиімді?- Пациенттер ештеңе төлемейді, емделу ақысы Әлеуметтік медициналық сақтандыру қоры арқылы төленеді. Басты міндет – «сақтандырылған» мәртебесі болуы қажет. Бірақ оның құны гемодиализдің өзінен әлдеқайда төмен. Жыл сайын әр пациентке шамамен 6 миллион теңге қарастырылған. Бұл әр емделушінің өзінің отбасылық бюджетінен бөле алмайтын орасан зор қаражат. Ем-шара өмірлік екенін ескерсек, бұл қолжетімсіз шығындар.- Гемодиализге балама бар ма?– Иә, донорлық бүйрек трансплантациясы. Облысымызда мұндай алғашқы ота 2014 жылы жасалған болатын. Астана, Алматы, Шымкент, Ақтөбеден кейін Қызылорда облысы республика бойынша мұндай оталарды жүргізетін бесінші өңір болды. Қазір облыста ағзасы ауыстырылған 85 адам тұрады. Трансплантациялау оталары А.Н.Сызғанов атындағы Ұлттық ғылыми хирургия орталығында жасалды. Енді көптеген шеберлік сабақтарын аяқтаған тәжірибелі мамандарымыз мұндай оталарды өз бетінше жасайтын болады. Өткен жылдың соңында Қызылорда қаласының 25 жастағы тұрғыны Дастан Мамытқа отаны сәтті жасадық. Науқас үш жыл бойы жасанды бүйрек аппаратына тәуелді болды. Донор оның ағасы, 39 жастағы Омар Мамытов. Трансплантация тек жақын туыстар арасында жүргізіледі. Бүгінгі таңда реципиент пен донордың денсаулық жағдайы қанағаттанарлық. Отаны медицина ғылымдарының докторы, профессор, жоғары санатты дәрігер Болатбек Баймаханов пен көпсалалы облыстық аурухананың трансплантолог дәрігерлері жасады.- Ота тегін бе?- Науқас үшін, иә. Бірақ қаржыландыру міндетті әлеуметтік медициналық сақтандыру жүйесі арқылы келеді. Құны гемодиализдікіне ұқсас, 6 миллион теңге. Бірақ хирургия, гемодиализден айырмашылығы, емделушілердің өмір сүру сапасын айтарлықтай жақсартады. - Отаға науқастарды қандай негізінде таңдайсыз?&nbsp; – Алдын ала комиссия құрылады, оның ішінде заңгерлер де бар. Науқасты, донорды мұқият медициналық тексеруден өткізгеннен кейін және барлық тәуекелдерді талдаудан кейін мұндай отаны жасауға рұқсат беріледі. Бұл күндері доноры бар тағы 2 науқас дайындалуда. Және жоғарыда атап өткенімдей, біз отаға мұқият дайындаламыз!-Бүйрек трансплантациясынан кейін өмір сүру деңгейі қандай болады?-Науқас дәрігердің барлық ұсыныстарын орындап, салауатты өмір салтын ұстанатын болса, асқыну қаупі аз болады. Бір бүйрегі бар донор да, реципиент те толыққанды өмір сүре алады. Отадан кейін мұндай науқастардың өмір сүру ұзақтығы айтарлықтай артады. Пациенттің ең кішісі үш айлық, ең үлкені 60 жаста. Қазірдің өзінде трансплантациялау отасынан өткен адамдардың тұтас топтары бар. Олар отбасын құрады, жұмыс істейді және, былайша айтқанда, толыққанды өмір сүреді.&nbsp;Сұхбатыңызға рақмет!&nbsp;

Диализдің орнына донор бүйрек: МӘМС қаржысы қайда кетеді?

Фото: pixabay.com<a href="https://kyzylorda-news.kz/ru">Kyzylorda-news.kz.</a>&nbsp; Енді &nbsp;бөлшек салықтың арнайы салық режимі кәсіпкерліктің 364 қызмет түріне таралады. Бұған дейін тізбеде 190 қызмет түрі ғана болған. &nbsp;Тауарларды сатуға және жеке тұлғаларға қызмет көрсетуге бағытталған экономикалық қызметтердің жалпы жіктеуіштерінен (ЭҚЖЖ) басқа, тізімге тауарларды өндіру және қайта өңдеу, жөндеуге байланысты қызмет түрлері, электр монтаждау жұмыстары сияқты қызметтер енгізілген.Тиісті қаулы алғашқы ресми жарияланған күнінен кейін күнтізбелік он күн өткен соң (2024 жылғы 15 қаңтардан бастап) қолданысқа енгізіледі.Бөлшек салықты көрсетілген тізбеден қызметтің бір немесе бірнеше түрі қолданылған жағдайда заңды тұлғалар мен жеке кәсіпкерлер қолдануға құқылы. Бөлшек салық мынадай мөлшерлемелер бойынша төленеді: тауарды жеке тұлғаларға сатқан кезде 4% және заңды тұлғалармен мәмілелер бойынша 8%. Бұл ретте мәслихаттарға жеке тұлғаларға сатылатын қызметтер мен тауарларға бөлшек салық мөлшерлемесін 50 пайызға дейін төмендету құқығы берілген.&nbsp;2023 жылы бөлшек салық мөлшерлемесі Қарағанды және Қызылорда облыстарында 2 пайызға дейін және Астана қаласында 3 пайызға дейін төмендетілді. Ал 2024 жылға бөлшек салық мөлшерлемесін төмендету туралы шешімді 2024 жылңы наурыздың соңына дейін қабылдау қажет.&nbsp;Аталған тізім Қазақстан Республикасы Үкіметінің 2023 жылғы 29 желтоқсандағы №1240 қаулысының бекітілуі арқылы кеңейтілді.Бөлшек салықты қолдануға жататын қызмет түрлерімен мына <a href="https://atameken.kz/uploads/content/files/%D0%9F%D1%80%D0%B8%D0%BB%D0%BE%D0%B6%D0%B5%D0%BD%D0%B8%D0%B5%20%D0%B3%D0%BE%D1%81.docx">сілтемеден</a> танысуға болады.

Қазақстан және Қызылорда облысының жаңалықтары