Шиелі ауылының тұрғындарын не мазалайды?

Жанар Бегайдарова: Бала тәрбиесі баршамызға ортақ іс

<a href="https://kyzylorda-news.kz/">Kyzylorda-news.kz</a> Таяуда облыс әкімі Нұрлыбек Нәлібаев Мәдениет және өнер қызметкерлері күніне арналған салтанатты іс-шараға қатысып, Сыр елінің мәдениет қызметкерлері мен сала ардагерлерін кәсіби мерекемен құттықтады. Құттықтау сөзін "Өңірімізде Мемлекет басшысының қолдауымен бұл бағытта тың жобалар мен серпінді бастамалар жүзеге асырылуда. Ұлттық салт-дәстүрімізді ұлықтап, құндылықтарды дәріптеу мақсатында биылғы жыл аймағымызда «Руханият жылы» деп жарияланды. Атаулы жылға тарту ретінде 1000 орындық «Өнер орталығы» Мәдениет және ақпарат министрі Аида Ғалымқызының, мәдениет майталмандарының қатысуымен салтанатты түрде ашылды" деп бастаған аймақ басшысы аймақтағы бірқатар ауқымды жұмыстарды атап өтті.&nbsp;Шара барысында сала ардагерлері мен үздіктеріне түрлі марапаттар табысталды. Олардың қатарында жерлесеміз, ақын, журналист, Қазақстан Жазушылар одағының мүшесі, Арал ауданының Құрметті азаматы, Жарасқан Әбдірашев атындағы әдеби сыйлықтық иегері Толыбай Абылаев та боллы. «Тұран» сыйлығын алған жерлес ақынымызды мерейлі сәтімен шын жүректен құттықтаймыз!Айта кетейік, Толыбай Абылаев жұма бұрын да жағымды жаңалығымен жерлестерін қуантқан болатын. Атап айтар болсақ трихи тұлға Әлмерек абыз Жаншықұлының өмірі мен өнегесін ұлықтауға арналған Әлмерек Жаншықұлы және оның өнегесі атты республикалық жыр мүшәйрасында поэтикалық кестесі көркем жыр үшін жүлделі ІІ орынды иеленіп, қаржылай сыйлыққа қолжеткізген болатын.

"Тұран" сыйлығына ие болған аралдық ақын

<a href="https://kyzylorda-news.kz/">Kyzylorda-news.kz</a>&nbsp; Қазақстан Республикасы Сыбайлас жемқорлыққа қарсы іс-қимыл агенттігінің бастамасы бойынша елімізде іске асырылып жатқан «Сыбайлас жемқорлыққа қарсы волонтерлік» жобасы аясында Қазақстан Республикасы Сыбайлас жемқорлыққа қарсы іс-қимыл агенттігінің Қызылорда облысы бойынша Департаменті жанынан құрылған арнайы мобильді топ Сырдария ауданының тұрғындарына құқықтық кеңес берді.Тұрғындардың негізге мәселелері жұмысқа орналасу, тұрғын үй кезектілігіне тұру, газдандыру, абаттандыру, мемлекеттен жеңілдетілген несие мен қайтарымсыз гранттар алу, сондай-ақ, отбасылық-тұрмыстық қатынастарға қатысты болды.Мобильді топ құрамындағы заңгер, сот орындаушы, салық, ауыл шаруашылығы, еңбек инспекциясы, тұрғын үй инспекциясы, жұмыспен қамту, кәсіпкерлік және тағы басқа сала мамандары тұрғындар сауалдарына жауап берді. Мамандар 80-ге жуық тұрғынның жеке мәселелері мен дауларына қатысты кеңестерін беріп, тиісті заңнамалық көмектер көрсетті.Қабылдау барысында азаматтардың жүгінген мәселелері ҚР СЖҚІА Қызылорда облысы бойынша департаменті Превенция басқармасының бақылауына алынды.Іс-шара барысында тұрғындардан «құқықтық мәдениетті қалыптастыру және құқықтық түсіндіру» жұмыстарына байланысты сауалнама алынды.

Сырдарияда тұрғындарға құқықтық кеңестер берілді

<a href="https://kyzylorda-news.kz/">Kyzylorda-news.kz</a> Арал қай кезден-ақ өнердің құтты мекеніне айналған. Жыршылығы мен әншілігі бір бөлек дастанға айналған ауданда тамырында теңіздің толқынындай тулаған қаны бар ақындары бір төбе. Бұл жайлы талай айтылып келеді. Ауқымы кең ауданның аумағында мейлі ол қалың құмның қойнауынан түлеп ұшсын, мейлі Сырдың ерке дариясында шомылып өссін, тасын түртіп қалсаңыз тарихы сайрайтын бұл аумақтардан өнерге кенде жан табылмайды. Бұл бүгінгі ұрпақ үшін де мақтаныш әрі соғылып кеткен сара жол. Бүгінгі айтпағымыз да талай өнерпаздардың қанатын қомдап шығарған мекендегі өнердің бір саласын дәріптеп келе жатқан ұжым жайлы болмақ.Аралда перзентінің аяғынан бұрын тілі шығатын бір ауыл бар. Сол өнер қонған қызыл тілі текке тақылдамай, талайды тәнті етіп жүрген Қызылжардың халқы бүгінде сахнаны қалауына сай игеріп, көпшіліктің көңілін баурап алған. Оған бірден-бір себеп осындағы халық театры. Сөзімізге сенбесеңіз, ендігі айтарымызды оқып шығыңыз.Қызылжар ауылының көркемөнерпаздары 1972 жылы ауыл халқына ойдағыдай мәдени қызмет көрсету барысында ауылдық клуб жанынан құрылып, драма үйірмесі болып, бастаған ұжым аудандық, облыстық байқауларда өнер көрсетіп жүрді. Жай ғана өнер көрсетті деу жеткіліксіз. Олар жұлдыздай жарқырап, жиналған көрерменнің алақаны қызарғанша қошеметтейтіндей дәрежеде болды. Осы деңгейден бір сәт төмендемей, 22 жыл бойына түрлі шығарманы шарықтау шегіне жеткізіп сахналаған бұл ұжым 1994 жылы «Халық театры» атағын иеленді. Одан бері де отыз жыл өткенін еске алар болсақ тарихының қаншалықты тереңде екенін аңғарамыз.&nbsp;Бұл атаққа ие болу оларға жаңа мүмкіндік ашты. Режиссер, суретші штаттары бекітіліп, қызмет жасады.&nbsp; Халық театрының өсіп өркендеуіне, әрдайым биіктен көрінуіне зор үлесін қосқан өнер жанашырлары, ауыл көркемөнерпаздары – театр мүшелері болып қайта бекітілді. Қазіргі таңда театр ұжымы атағына сай өнер көрсетіп келеді. Әр түрлі тақырыпта, сонымен бірге драмалық, трагедиялық, комедиялық жанрда өрбіген қойылымдары – өмір көріністерін, адам тағдырын, ел мұңын, қоғам келеңсіздіктерін айрықша бейнелеумен ерекшеленді. Осының барлығы мақсатына жетуді көздеген жандардың арқасы.Алғаш болып 1975 жылы Жанділдә Баймұратовтың ұйымдастыруымен Ә.Тауасаровтың «Зауал» атты пьесасы дайындалып, ауыл халқына көрсетілді. Драма ұжымының бойын түзеп, сыншы көрермен қауым алдында еңсесін көтеріп, өнегелі өнер көрсетуіне ұжымшар басшыларының қамқорлығы ізгі ықпал етті. Сахналық кейіпкерлердің киім үлгілері дайындалып, колхоз тарапынан материалдар, декорациялық маталар алынып, қажетті қамқорлықтар көрсетіліп отырды.1976 жылы О.Бодықовтың «Барымташы» трагедиясы сахналанып, көрермендер көңілінен шықты. Бұл пьесаны сахнаға дайындаған Ж.Баймұратовтың және суретшісі С.Ерғалиевтің ізденімпаздығы. Сонымен қатар «Барымташы» рөлін сомдаған Қ.Әбілдаев болса, басқа образдарды ауыл көркемөнерпаздары алда талай белес барын білдірді.Драма коллективі 1977-78 жылдары О.Бодықовтың «Қанжар мен домбыра» пьесасынан үзінді, Б. Молдағазинаның «Ананың естелігі» атты бір актілі драмасын дайындалып сахналанды. Ал 1980 жылдары сәуір айында Арал қаласында драма коллективтерінің байқауында Д.Тасекеевтің «Арал жағалауында» атты пьесасы қойылып, жүлделі орынға ие болды.1986 жылдан бастап драма үйірмесі жанынан оқу-тәрбие жұмыстары ұйымдастырыла бастады. Оқу-тәрбие жұмыстарының жылдық жоспары жасалып, оның уақытылы өтіп тұруына және сапасына А.Абатов жауапты болып бекітілді. Бұл құрамға №81 орта мектебі жанынан оқушылар тартылып, оларға сахна сырын меңгеруге зор мүмкіндік туды. Бұл ұжымның болашағы барын тіпті аңғарта түсті.1987 жылы Ұлы Қазан революциясының 70 жылдық мерекесіне Т.Ахтановтың «Күшік күйеу» атты пьесасы қойылды. Қойылымды сахнаға дайындаған С.Абабүкіров. Пьесаны аудандық байқауда сахналап, драма мүшелері «Үздік өнері үшін» грамотасымен марапатталды.1988-89 жылдары О.Бодықовтың «Қарақұм трагедиясы» пьесасынан үзінді және Р.Шотбаеваның «Үш той» атты бір актілі, үш көріністі комедиялық пьесасы ауыл көрермендеріне ұсынылса, келер жылы С.Адамбековтың «Аюбайдың ажалы» атты пьесасы мен Қ.Аманжоловтың «Аңқау Жүсіп» атты комедиялық пьесасы сахналанып, Р.Оразғұлов, Р.Нұралиев, Н.Жүгінісовалар халықтың сүйікті әртістеріне айналды. 1991 жылы драма үйірмесі мүшелерінің дайындауымен О.Бодықовтың «Үйленгім келмейді» қалжың-водевилі сахналанса, 1994 жылы осы спектаклмен&nbsp; драма ұжымына «Халық театры» атағы берілді. Театр режиссері болып А.Жүгінісов, суретшісі Н.Рсалиев қызмет етіп, С.Адамбековтың «Құйынбайдың құдалары» комедиясын,&nbsp;«Ажалмен бетпе бет» атты 2 актілі пьесасын,&nbsp; «Қарақұм трагедиясын», «Аюбайдың ажалы» драмаларын сахналап, халыққа өз еңбектерін үзбей көрсетіп тұрды.&nbsp;1999 жылы жергілікті әуесқой драмтург Ж.Дінахметовтің «Өкініш пен өтініш» трагедиясы облыстық халық театрлары байқауына сахналанып, жүлделі ІІІ орынды иеленгенде сол уақыттағы театр режиссері С.Нұралиева мен суретшісі Н.Рсалиевтің айшықты еңбегі көрініс тапты.2000 жылы жергілікті әуесқой драматург Ж.Мусаевтың «Жер – бесік» спектаклін сахналап, облыстық халық театрлары фестивалінде жүлделі ІІ орынды иеленсе, спектакльде басты кейіпкерді сомдаған Р.Нұралиев «Ең үздік ер&nbsp; рөлі» және халық театрының ең жас мүшесі Д.Сүлейменов «Ең үздік жас актер» номинацияларымен марапатталды. Одан кейінгі жылдар да жемісті болды. 2001 жылы Ж.Мусаевтың «Шоқ пен шер» драмасын облыстық халық театрлары байқауында жүлделі ІІІ орын, 2002 жылы&nbsp; Ж.Мусаевтың «Міскін» трагедиясы облыстық халық театрлары байқауында жүлделі ІІІ орынға лайық деп танылса, 2004 жылы Ә.Нұрпейісовтың «Қан мен тер трилогиясынан» «Ымырт» инсценировкасы жасалып, облыстық фестивальде қазылар алқасынан жоғары бағаға ие болды. Ал 2006 жылы Ж.Мусаевтың «Ар мен азап» спектаклін сахналанып, театрдың ең жас мүшесі Ж.Жұмабаева «Ең жас актер», Ә.Ерғалиев «Ең үздік декоратор-суретші», театр режиссері С.Нұралиева «Жәдігер Тұрсынов атындағы арнайы жүлде» номинацияларымен марапатталды. Бұл жылдары суретші Ә.Ерғалиев болып қызмет етті.2009 жылы Қ.Ысқақтың «Мазар» спектаклі облыс, аудан көлемінде сахналанып, көрсетілсе, 2010 жылы халық театры Иран-Ғайыптың «Алтын ажал» трагедиясын, 2011 жылы О.Салимовтың «Ат жылаған жақта» драмасы, 2013 жылы С.Асылбекұлының «Рәбиғаның махаббаты» драмасы, 2014 жылы Д. Исабековтің «Мұрагерлер» 2 актілі драмасы, 2015 жылы Қ.Ысқақтың «Жан қимақ» 2 бөлімді тарихи драмасы театр режиссері болып Н.Скендірова мен суретшісі Ә.Ерғалиевтың еңбегімен ауыл, аудан көлемінде сахналанды.2016 жылы облыстық байқауда Д.Исабековтің «Ескі үйдегі екі кездесу» 2 актілі драмасын сахналап, Л. Бекетаева «Үздік әйел образы» номинациясын иеленді.&nbsp; Ал 2018 жылы Қалтай Мұхамеджановтың 90 жылдығына орай өткізілген облыстық халық театрлары мен драма ұжымдары байқауында Қ.Мұхамеджановтың «Менің дертім» драмасы сахналанып, ІІ орынға ие болды. «Үздік музыкамен көркемдеуші» номинациясымен М.Кемалашов марапатталды. Сондай-ақ Абай Құнанбаевтың 175 жылдығына орай халық театрлары арасында өткізілген «Абай әлемі» атты облыстық байқауда Б.Римованың «Абай – Әйгерім» драмасын көрерменге ұсынған театр бас жүлдемен жұртшылықты қуантты. 2022 жылы Жалағаш ауданында өткен Қазақстан Республикасының мәдениет қайраткері, режиссер Т.Мәдиевті еске алуға арналған «Өшпес тұлға жолымен» атты облыстық халық театрлары байқауында Иран-Ғайыптың «Естайдың Қорланы» махаббатанамасы сахналанып, театр мүшесі А.Сембаев «Ең үздік ер рөлі бейнесі» номинациясын жеңіп алған.Міне, жүйелі жұмыс талай биікті бағындырса, алдағы уақытта да жеңістің жалауын төмен түсірмейтініне сенім мол.

Өнері өрге жүзген ауыл

<a href="https://kyzylorda-news.kz/">Kyzylorda-news.kz</a> «Жүгіріп шығар төбе көп, асу бермес шын қиын. Қартайған шал елде көп, ақсақал болу тым қиын» демекші, мына ақпарат заманында қит еткен жаңалық – сол мезетте құлағымызға тиіп жатады. Әсіресе, келеңсіз. Жаман оқиғалар естісек, өзімізді кінәлі сезініп қаламыз. Халық қарап отыра ма, «ауданның ардагерлері не істеп жүр?» дейтіні анық. «Ат үйренбейін десе де, ауыздық үйретеді. Жаман үйренбейін десе де, жауыздық үйретеді» деендей, Ш.Қодаманов ауылындағы жасөспірім балаға жасалған жауыздықты естігенде, кім болса да «адамгершілігі жоқ екен» деп сөккенбіз. Сөйтсек, бір топ оқушылар екені жанымызға аяздай батты. Біреудің жалғыз ұлы, 16 жасар баланың жаназасын ауыл имамы, Шиелі ауданының «Құрметті азаматы» Алмас Барманқұлов өксікпен шығарып салды. Бүкіл ауыл күңіреніп кеткендей болды. Бұл ауыр қаза төңкерістіктерді ғана емес, шежірелі өлкені ойға шомылдырғандай. Әділетсіз жасалған қатыгездік жауыздыққа ұласып, жазықсыз баланы өлтіру – заң алдындағы жауапкершілік. Әлжуаз балаға әлімжеттік жасап, асқан зұлымдыққа бару – адамдық емес.&nbsp;Адам – дүниенің көркі. Өмірді қызығы да адамдар. Отанымыздың келешегі – жастар, ұл-қыздарымыз. Екі адам жанжалдасса, екеуінің де мықтап жеңілгені деп отырушы еді, әкелеріміз. «Көргенсіз күштен ғана қорықпайды, әдепті әлсізден де именеді» деген сөз бар. Өз мектебінің балаларына әлімжеттік жасау – мектепке жасалған кінәрат деп түсінуіміз керек. Бұған да аталарымыз «Өз ініне қарап үрген түлкіні қотыр болады» деп кеткен. Бұл жерде оқушылар мектебінің жаман атын шығарып отыр.&nbsp;Таяуда «Еуразия» телеарнасынан хабарлап та үлгерді. «Ұят өлімнен күшті» деп, бүкіл ауыл халқы, ардагерлер, мектеп ұжымы, ұлағатты ұстаздар, ауыл әкімі, жергілікті учаскелік полиция инспекторы жерге қарап қалды. Жасөспірім балаларға қиянат көрсеткен жоғары сынып оқушыларының ата-аналары қандай күйде дейсіз. Қазақ бір нәрсені ескертіп айтып отырған. «Балаң жасық болса жылқы бақтыр, тентек болса қой бақтыр» дейді. Үйдегі тәрбиеге байланысты айтқан сөз шығар. Біз кінәні әкімдіктен, ауыл әкімінен, білім бөлімінен, мектептен, полициядан іздейміз. Бала кімдікі? Ата-анасынікі емес пе? Әке мен шеше екендігін естен шығармауға тиіспіз. Әлімжеттік баяғыда әскерде болушы еді. Мектептегі әлемжеттік, күш көрсету, қорқыту, ұрып-соғу, қинау, ақша талап ету, жасы кішілерге қоқан-лоққы жасау масқаралық дәрежеге жеткені өкінішті. Біз мектептерді аралағанда көбіне мектеп психологтарына оқушылардың тәртібі, көңіл-күйі, жүріс-тұрысы жүктеліп жататын. Ілгеріде 500 балаға бір психолог маман иелік ететін көрінеді. Сондықтан мектеп психологтарының жауапкершіліктерін арттырып, маманның әлеуметтік жағдайына көңіл бөліп, оның жұмысын жандандыру өте қажет деп санаймыз. Өйткені бүгінде заман да, адам да, уақыт та, адами аяушылық та өзгерген секілді. Батысқа қарап елеңдеп, ұлттық рухани құндылықтарымыздан, жанашырлықтан, ағайын-туыстықтан, ағалық-ініліктен, үлкендік-кішіліктен айырылып қалғандаймыз. Бала әкесі мен шешесінен қорықпаса, айтқанын тыңдамаса кім болғанымыз? Халық даналығы «Ханға қатуланба, құлға күлме. Ханның сөзін құл да айтады, кұл сөзінің құны жоқ. Малдың аласы сыртында, адамның аласы ішінде» дейді. Әділетсіз ортада болсаң да, әділеттен күдер үзбе. Жақсы адам алғыс алар, ақымақ қарғыс алар. Сойылдың жуан басы – сорлыға жетеді деп, көзімізді ашқандай боламыз. Бірақ осы ақымақтар сорлыны неге аямады екен?! XVIII ғасыр басында сексен жастан асқан кіші жүзде Тайжан би деген өтіпті. Бір жиында халқы сауал қойыпты. «Ақырзаман бар дейді, ол қай заман?» депті. Сонда бидің халқына берген жауабы: Адам азады, жер жыртудан тозады, сөзде байлау болмайды, ұзаққа созады, оған себеп: адамның жақсысы кетіп, жаманы қалады, сөзінің ақылы кетіп, амалы қалады, жылқының жүйрігі кетіп, шабаны қалады. Көлдің суы кетіп, табаны қалады. «Тарағай» деген ел болады, адамның тырнақтайы би болады. Сол кезде анық уәде болмайды, үлкеннің тілін кіші алмайды, көп білетін ақылды болса, оны тыңдамайды, жеңілдікке салынып өзін-өзі қорлайды. Ұлы атадан бөлініп, үй болады, күнде айырбас шақырыс болады, тартқаны домбыра, сырнай күй болады. Еріне әйелі би болады. Шақырысты ұмытпайды. Әйелі базардан қалмайды, терлеп тапқан еңбегінің берекесі болмайды. Ішкендері арақ-шарап болып, өз бойына жұқпайды. Қонақ асын жақсы берсең, ол үйден төбелеспей шықпайды, адамшылық сөз айтсаң ұқпайды, тоқтау сөз айтсаң, түгіңді қоймай балағаттайды. Келесі күні кемшілігі есіне түсіп, күйеуі өлген әйелдей дауыс шығарып жоқтайды. Әйелі тәуірдің шаруасы түзеледі, әйелі нашардың шаруасы күйзеледі. Көйлегі шолақ, дамбалды қысқа киеді, борбайы көрініп жүреді. Адам азғанда ар-ұят қалмайды. Атаның тілін бала алмайды, Құдай сабыр бермесе оны түзеп болмайды, жиғаны темір-терсек болады, істегені құлшылық жай-жайбарақат өмір болады. Ашытқан қамыр асы болады, адал-арамды білмейді, азған деген осы болады. Ет пен майды тамақ демейді. Арақсыз тамақ жемейді. Жасы жеткен көрер, одан арғысын көре алмадым. Жаратқан ием қалғанын өзі білер, – деген екен.&nbsp;Біз 21-ші ғасырда өмір сүріп жатырмыз. Сол заманда өмір сүрген Мөңке биден қалған «Ай, заман, ай, заман-ай!» толғауынан кейін ұядан-ұлағат, оқыған жұрт ойлансын, толғансын деп Тайжан бидің осыдан төрт ғасыр бұрын айтқан ақылын ауыл ақсақалдары да оқи отырсын деп түйдім. Ата-аналарға да құлаққағыс болсын дедім. Не ағасы ағасы жоқ, не інісі жоқ, анасы мен қарындасы да жоқ бозбаланың өмірі қиылды. Олай істеген өзінің мектептестері, бір ауылдың ағайын-туыс балалары. Бір отбасы түбімен жойылды. Жанымыз ашиды, жүрегіміз айниды. Күрсінеміз, қынжыламыз. Бұл сабақ – өте ауыр сабақ болды. Бұның тамырына балта шабуға тиіспіз. Күнкөрісі төмен отбасына қасірет әкелген тосын оқиға бұрын-соңды болмаған, облысымыз бен ауданымызға дақ түсірген, ар-ұятымыз бен намысымызды келтірген адам шошырлық іс болды.«Түлен түртер болмаса, түнде түлкі жортар ма» деп, түн мезгілінде балаларына ие болмаған ата-аналарға не дейміз? Біреуді жазғыруға біздің құқымыз жоқ. Оны заң органдары шеше жатар. Біздің айтпағымыз, адам өмірі ойыншық емес. Біз олардың өмірін қорғап отыруымыз керек. Апат та, су тасқыны мен өрт те, зіл зала да айтып келмейді. Дегенде біз қай сала болмасын оқиға болғаннан соң қимыл жасаймыз. Өмір болғасын бәрі аяқ астынан болады. Осы алдын алу жұмыстарына кешігіп жатамыз. Қылмыстың алдын алу – қылмысқа жол бермеудің алғышарты. Яғни, профилактика шараларын жүргізіп, қалыпты жағдайды жүргізу. Ал ата-аналардың басты міндеті – ұл-қыздарына ие болып, ұлын ұяға, қызын қияға қондыру. Тәртіпке бас ию. Шиелі ауданында енді мұндай оқиғалар болмасын. Мақалам елге ой салсын. Ертеңімізді ойласақ, болашағымызға үмітпен қарасақ, ең алдымен ұрпақ тәрбиесіне, онан соң шәкірт біліміне ерекше назар аударғанымыз дұрыс. Елді дауластырудан, жауластырудан аулақ болайық. Өрелі рухсыз өркениет жоқ. «Ауруды жасырғанмен, өлім әшкерелейді» деген де сөз бар.&nbsp;

Өркен Исмаил: Қылмыстың алдын алу керек

<a href="https://kyzylorda-news.kz/">Kyzylorda-news.kz</a> Арал ауданының білім беру саласында көші ілгері білім ордаларының бірі қаладағы №262 мектеп-гимназия екендігі көпке белгілі. Мұндағы педагогтар да, оқушылар да заман талабына сай бейімделіп білім бәсекесінде өздерін танытып келеді. Іргесі қаланғанына 15 жылға жуық уақыт ішінде аталған білім ордасы білім көшіне ілесіп қана қоймай, биік шыңдарды бағындырып келеді. Ендеше бүгінгі сөз төркіні тап осы алтын ұяға бағытталмақ.&nbsp;№262 мектеп-гимназиясы КММ-сі 2009 жылы пайдалануға берілді. Қазіргі таңда «Ұ.Қараманов атындағы №262 мектеп-гимназиясы» КММ-сі атын еншілеген білім ұясында 116 мұғалім еңбек етеді. 1242 оқушының заманауи білім алуы үшін 34 оқу кабинеттері ашылған. Мектеп ашылған уақыттан бастап 2020 жылға дейін Бекболат Садуақасов директор болды. Ал 2020 жылдан бастап білім ордасын Руслан Сисенов басқарып келеді.Биылғы оқу жылы аталған мектеп үшін табысты жылдар көшін жалғады. Мектеп мұғалімдері мен оқушыларының&nbsp; жетістік қоржыны толыға түсті. Аудан мерейін өсірген ақжолтай жаңалық&nbsp;мектеп-гимназияның облыс әкімінің&nbsp;“Үздік білім беру ұйымы – 2022» додасында &nbsp;34 миллион иеленгені болды. Мектептің қазақ тілі мен әдебиеті пәнінің мұғалімі Күлпаршын Дәуленбаева «Қызылорда облысының білім беру саласын дамытудағы еңбегі үшін» жергілікті ерекшелік белгісін иеленсе, оқу ісі жөніндегі орынбасары Құрманалиева Жанар мен&nbsp;Ұзақбаев Қырықбай&nbsp; Қызылорда&nbsp; қаласы «Оқыту, тәрбиелеу, жақсы көру: Қазақстандағы балалар жылы» ХІІІ халықаралық&nbsp; ғылыми-практикалық конференциясында&nbsp; баяндама әзірлеп, іс-тәжірбиемен&nbsp; бөлісті. Және осы еңбектері үшін&nbsp;Астана қаласында сертификат иеленді. Сондай-ақ Құрманалиева Жанар Астана&nbsp; қаласына&nbsp;&nbsp;«Білім – тұрақты дамудың және ұлттың әлеуетін арттырудың инновациялық ресурсы» атты педагог қызметкерлердің І Республикалық съезінің Қызылорда облысы бойынша делегаты ретінде қатысты. Және мектеп мұғалімі Тәжібаева Айнұр облыстық «Үздік педагог-психолог–2024» кәсіби байқауында І орын иеленіп, республикаға жолдама алғанын да мақтанышпен айтуға болады. Ал арифметиканың сиқырына үңілген математика пәні мұғалімі Бақыткүл Асылбекқызы аудандық «Үздік математика пәнінің мұғалімі–2024» &nbsp;сайысында І орын иеленген. Сол сияқты пән мұғалімдері бойынша өткен «Үздік ағылшын тілі пәні мұғалімі–2024»&nbsp; сайысында &nbsp;Анар&nbsp;Маратқызы ІІ орын алған. Мақсат Сәкенұлы&nbsp; аудандық «Үздік қазақ тілі мен әдебиеті пәнінің мұғалімі-2024»&nbsp;кәсіби байқауында ІІ орын еншілеп отыр. Және бастауыш сынып мұғалімдері арасында математика пәні бойынша өткізілген облыстық «Алтын тұғыр» олимпиадасында Қуандықова Назерке ІІІ орынды жеңіп алған. Аудандық «Үздік дүниетану пәні мұғалімі–2024» байқауында Сейтмамбетова Ақмәуе І орын иеленіп, облыстан Алғыс хат алған.Мектеп-гимназияда білім алушы оқушылар да елдің болашағын қалыптастыратын білімді ұрпақ екендіктерін дәлелдеп келеді. Ұстаздарының еңбегін ақтап, мектептің мерейін өсірген оқушылар жетістігі үнемі жаңарып отырады. Әрине, бұл бәсекелі білім саласындағы ізденімпаздық пен еңбекқорлықтың жемісі.&nbsp;<blockquote>– Оқушыларымыздың білім бәсекесінде өздерін танытып, жүлделі орын еншілеуіне мұғалімдері тарапынан қолдау көрсетіліп отырады. Сабақ уақытынан тыс ынталы оқушылармен жекелей жұмыстар жүргізіледі. Соның нәтижесінде білімге құштар шәкірттеріміз биіктерден көрінуде. Мәселен, 11-сынып оқушысы Көптілеуова Ақгүл – жалпы білім беретін пәндер бойынша республикалық олимпиаданың облыстық кезеңінде қазақ тілі мен әдебиеті пәні бойынша қола медаль иегері. Және орыс тілі мен әдебиеті пәні бойынша 11-сынып оқушысы Тоғыс Жансая да қола медальмен марапатталды. Ал 7-сынып оқушысы Ерболатұлы Нұртай физика пәнінен аталған республикалық олимпиаданың облыстық кезеңінде ІІ орынға ие болды. 2023-2024 оқу жылында 10-сынып оқушысы Асанхан Шыңғыс облыстық олимпиадаға география пәні бойынша қатысып, ІІІ орын иегері атанды. Сондай-ақ 11-сыныпта оқитын Жасұланқызы Ақұлжан қазақ тілі мен әдебиеті пәні бойынша облыстық олимпиаданың күміс медалін алса, Айтұратова Камшат ІІ орын иеленді. 11-сынып оқушылары Қапанов Абат және Сансызбай Баян Астанада өткізілген республикалық дебат турниріне қатысып, 2 рет министрмен кездесіп келді. Рустамұлы Зейнулла пен Кәдірханов Нұрдәулет робототехника және бағдарламалау бойынша R:ED FEST ашық халықаралық фестиваліне «Сумо» санаты бойынша қатысып 3 орын, «Сызық бойынша қозғалыс» санаты бойынша &nbsp;2 орын иеленді, – дейді мектеп басшысы Руслан Сисенов.</blockquote>Білім беру ордасы балалардың жан-жақты дамуына барлық жағдай жасауға тырысады. Заман талабына сай жабдықталған кабинеттер мен мектептің материалдық-техникалық базасы толықтырылып отырады. Мектепте ғарыш әлеміне қызығушылығы артқан балаларға арналған астрономия кабинеті бар. Және қазіргі сұранысқа ие мобилограф болуға құштар оқушыларға «Жас мобилограф» үйірмесі жұмыс істейді. Ол үшін арнайы телестудия кабинеті жасақталған. Мұнда барлық қажетті техникалармен қамтамасыз етіп, оқушылардың видео түсіруіне, сұхбат жүргізуіне мүмкіндік беріліп отыр.&nbsp;<blockquote>–&nbsp; Оқушылардың спортпен шұғылдануы үшін мектеп жанында барлық жағдай жасалған. 3 спортзал бар. Және спорттың барлық түрлері бойынша үйірмелер жұмыс істейді. Тағы бір биылғы жылдың жаңалығы мектеп жанынан жылыжай ашылды. Бұл балалардың өсімдіктер әлемін танып білуіне, бау-бақша өсіруіне деген ынтасын оятты. Жылыжайда аз уақытта көкөністер өсті. Оны мектеп асханасына пайдаланады. Осылай қыс мезгілінде балалар көкөністен дәм татты. Жалпы мектеп ұжымында тұрақты ахуал орнаған. Оушылардың білім алуынан бөлек тәрбие жұмыстары да оңтайлы жүргізілуде. Және олардың қызығушылығын оятып, шығармашылық қабілетін шыңдай түсу үшін де түрлі танымдық шаралар мен кездесулер, интеллектуалды сайыстар ұдайы өткізіліп тұрады, – дейді мектеп басшысы.&nbsp;</blockquote>Білім жылын ойдағыдай аяқтап, көңіл қуантарлық нәтижелермен түйіндеген мектепте бүгін 54 түлек қияға қанат қағуда. Айта кету керек, мектеп тарихының 15 жылдық парақтарын ақтарсақ, осы уақытқа дейін білімнің шыңын бағындырған түлектердің 30-ға жуығы «Алтын белгі» иегері атанған.&nbsp;Бар білімнің бастауы мектеп қабырғасынан басталады. Партадағы шәкіртіне саналы білім, сапалы тәрбие беру мұғалімдердің құзырында. Қазірге дейін тек жақсы қырымен танылған №262 мектеп-гимназиясы білімді ұстаздар мен талабы таудай шәкірттердің алтын ұясы екендігін дәлелдеп жүр. Бұл мектеп аудан көлемінде ғана емес, облыс бойынша да үздіктер көшіне ілескен. Бұл да көңіл қуантарлық жаңалық. Көш басындағы білім беру ордасының әлі талай биікті бағындыра беретіндігіне сенімдіміз.&nbsp;

Аралдағы миллионер білім ордасы

<a href="https://kyzylorda-news.kz/">Kyzylorda-news.kz</a> Жуырда Шиелідегі «Арман» мәдениет үйінің ұйымдастыруымен «Сырлы бояу» үйірмесінің шәкірті Айзере Әділханқызының «Ғажайып сурет әлемінде» атты шығармашылық сурет көрмесі өтті. Таңғажайып туындыларды қылқаламмен қағаз бетіне түсіріп, жансыз бейнені тілсіз сөйлететін бейнелеу өнері екінің бірінің қолынан келе бермейтіні белгілі. Ал, осы үйірмеге он жылға жуық қатысқан 11-сынып оқушысы облыстық, республикалық және Ташкент, Лондон, Дубайда өткен халықаралық байқаулардың жеңімпазы болып үлгерген.Жұртшылықтың қызығушылығын оятқан «Ғажайып сурет әлемінде» атты аталмыш көрмені «Арман» мәдениет үйінің директоры, өнер жанашыры Нұргүл Шалекеева құттықтау сөз сөйлеп, Айзереге шығармашылық шабыт пен толағай табыс тіледі.&nbsp;– Құрметті қонақтар, өнер жанашырлары. Қазақ даналығында «Өнерлі болу, бір құрмет, Өнерді сүю мың құрмет» деген сөз бар. Бүгін аудандарда көп бола бермейтін ерекше сурет көрмесіне қош келдіңіздер. Бұл Айзере Әділханқызының көрмесі әлемдік деңгейдегі сурет көрмесінің алғашқы баспалдағы деп білеміз. Сурет өнері ішкі құбылысты, өзінің сезіне алған ойдағы түйсігін бейнелеу арқылы жеткізу болып саналады. Айзерені қол өнерге баулып, сурет салудың қыр-сырын үйретіп жүрген ұстазы, үйірме жетекшісі Зухра Баймырзаеваға&nbsp; ерекше алғысымды білдіремін» – деді мәдениет үйінің басшысы.&nbsp;Көрмеде Айзере Әділханқызының бірнеше жұмыстары қойылып, түрлі тақырыптарды қамтитын суреттері көрермен назарына ұсынылды. Суреттер тамашалау арқылы Айзеренің мінез-құлқын, ішкі жан дүниесін түсінуге болады. Барлығы автордың қиялынан туындаған суреттер мен сезімін, көңіл-күйін білдіретін тамаша картиналар. Көрмені тамашалауға келген ата-аналар мен балалар ерекше көңіл күйге бөленіп, алдағы уақытта жалғасын табу беруін жекізді. Олардың айтуынша, бұндай шаралар бейнелеу шеберлігінің әрі қарай жетіліп, жаңа туындылардың пайда болуына қозғалыс алмақ.&nbsp;Кеше ғана алтын ұя мектеппен қоштасып, үлкен өмірге қанат қаққалы тұрған Айзере суретші мамандығын таңдап, шығармашылық емтихан тапсырғалы отыр. Өмірін өнермен өрнектеуді қалаған Айзеренің таудай талабы орындалса игі.

Шиелідегі жас суретшінің сырлы әлеміне саяхат

<a href="https://kyzylorda-news.kz/">Kyzylorda-news.kz</a> Дертіне шипа іздеген науқастың сауығып кетуіне алдымен дәрігер жауапты болса, одан кем қарамайтын денсаулық сақшысы – медбике. Бүгінгі кейіпкеріміз – Арал аудандық аурухананың хирургия бөлімшесінде еңбек жолын медбикеліктен бастап, табан аудармай 43 жыл жемісті еңбек етіп келе жатқан медбике&nbsp; Күлжақан Шәкірқызы Саймова.Күлжақан Шәкірқызы 1962 жылы 25 қаңтарда Арал қаласында дүниеге келді. Анасы үй шаруасында, әкесі теміржолшы болды. Отбасында 7 бала тәрбиеленді. Күлжақан 1969 жылы №213 мектепке қабылданып, осы мектептен&nbsp; сегізжылдықты бітіріп, 9-10 сыныпты №13 мектептен&nbsp; тәмамдады. Сөйтіп, 1979 жылы онжылдықты бітірген соң киелі Түркістан қаласындағы медициналық училищесіне оқуға түсті. Мамандық таңдауда қателеспеген алғыр қыз медициналық училищені 1981 жылы "қызыл" дипломмен бітіреді. Сол жылы жас мейірбике 19 жасында Арал аудандық ауруханасының хирургия бөлімшесіне өз мамандығы бойынша қызметке орналасады. Сөйтіп ата-анасынан өнегелі тәлім-тәрбие алған қаршадай қыз болашағын медицина саласымен байланыстырды. Оның&nbsp; қызметтегі алғашқы ұстазы, бүгінде зейнеткер Клара Доштаевадан үйренгені көп."Отан отбасынан басталады" деп бекер айтпаған. Әрбір адамзаттың — алтын ұясы десе алдымен отбасы ойымызға орала кетеді. Бала отбасында әкеден ақыл, анадан мейірім алады. Күлжақанды тағдыр еркелете қоймады. Медучилищеде оқып жүргенде анасы өмірден өтіп, қиындық туындаған сәтте мойымады. Ізінен ерген бауырларын ешкімнен кем қылмай оқытып-тоқытты, қатарға қосты. Аллаға шүкір, бүгінде барлығы да отбасылы, балалы-шағалы.– Ақ халатты жандардың сенімді серігіне айналған мейірбикелердің жұмысы қашанда үлкен жауапкершілікті қажет етеді. Дәрігер емінің нәтиже беруі де ең алдымен медбикенің ұқыптылығына байланысты. Әр медицина қызметкері өз білімі мен біліктілігін үнемі жетілдіріп, медицина саласындағы жаңалықтарды оқып-біліп отыруы тиіс. Дә­рігер науқасты тексеріп, тағайындауын бергеннен кейінгі бар жұмысты медбике атқарады. Адамның жаны өмір мен өлімнің арасында тұрғанда әр секунд қымбат. Әрбір өзгерісті қалт жібермей қа­дағалап, оны дәрігерге жеткізу – медбикенің міндеті. Сонымен қатар егуін жасап, дәрі-дәрмегін уақытылы беріп, төсек-орын, ас-­ауқатын, жалпы хал-жағдайын қадағалап, науқасқа қарайтын медбикелердің еңбегі өлшеусіз. Осындай жауапкершілігі мол жұмысқа өзіммен қатар келіп,&nbsp; адал еңбек еткен, бүгінде зейнеткер Тәжігүл Дүйсенбаева, Марал Әбілдаева, Гүлнар Бимағанбетова сынды құрбыларым және аға медбике Шолпан Ахметова мен егу бөлмесінің аяжаны Ләззат Піренова және де басқа әріптестерімнің&nbsp; еңбектеріне табыс, отбастарына амандық тілеймін,– дейді ақ халатты абзал жан Күлжақан Шәкірқызы.Медбике Күлжақан осы күнге дейін қаншама жас буынның тәжі­рибесін толықтырды, білікті медби­ке етіп шығарды. Қазіргі таңда хирургия бөлімшесіндегі медбикелер Күлжақанның ізін жалғастырып келе жатқан Ақтоты Шынбергенова мен Назым Айсауытова, Динара Бимағанбетова мен Жазира Қанатова өз ісінің мықты мамандары. Үзілгелі тұрған үмітті қайта жалғайтын, тіпті кейде ажалдан арашалап, екінші өмір сыйлайтын ақ халаттылар қандай құрметке де лайық. Уақытпен санаспай тәулік бойы науқастың жанында қалатын медбикенің қызметі адалдық пен жауапкершіліктен жаратылғанына ерік­сіз бас иесің, құрмет тұтасың, мақтан етесің.Абзал жанның ұзақ жылғы қызметі аудандық, облыстық сала басшылығы тарапынан лайықты бағаланып, түрлі мақтау-марапатқа да ие болды. Жақында медицина қызметкерлері күні қарсаңында кезекші мейірбике Күлжақан Саймова хирургия бөлімшесіндегі 41 жыл азаматтардың денсаулығын сақтау ісіне қосқан үлесі мен мінсіз, адал қызметі үшін Қазақстан Республикасы Денсаулық сақтау министрлігінің Алғыс хатымен&nbsp; марапатталды.&nbsp;Еңбектің өтеуі деген осы болар.Жоғары санатты медбике туралы әріптесі Алима Жандеуова:– Күлжақанмен қызметке де бірге келдік. Оның мамандығына деген сүйіспеншілігі, адалдығына тәнтімін. Қызметіне жауап­кершілікпен қарайды. Қазір қай салада болмасын талап күшейтілді. Білікті маман бөлімшедегі әріптестерімен тығыз байланыс орнатып, науқастарды кү­тіп-баптауды үйретуге де уақыт табады. Қолы қалт етсе, жастарға білгенін үйретіп, тәжірибесімен бөлісу, кәсіби деңгейін көтеруден жалыққан емес. Замандасым Күлжақан ұдайы алдыңғы шепте жүріп, науқастардың тез са­уығып кетуіне атсалысып келеді, – деп жылы лебізін білдірді.Өзінен кейінгі жас мамандарға білгенін үйретіп, кәсіби біліктілігін арттырып келе жатқан өз ісінің майталманы Күлжақан Шәкірқызы– отбасында сүйікті жар, аяулы ана, мейірімді әже. Жолдасы Әмірхан кеме құрастыру зауытында токарь болып еңбек етті. Қазір жеке кәсібімен айналысады. Жан жары Әмірханмен бірге төрт қыз, бір ер баланы дүниеге әкеліп, өсіріп-тәрбиеледі. Бүгінде ата-ана бақытына бөленген Әмірхан мен Күлжақан ұлын ұяға, қыздарын қияға қондырып, немере сүйіп отырған жандар. Балаларының барлығы да жоғары білімді мамандар. Бақытын отбасынан, сүйікті ма­мандығынан тапқан Күлжақан Шәкірқызының ендігі арманы – жолдасымен тең отырып, бейнетінің зейнетін көріп, балалары мен немерелерінің сүйіспеншілігіне бөленіп, олардың жақсылығын көру.Ақ халатты абзал жандар үшін ең бастысы – халықтың алғысына бөлену. Өйткені ол – марапаттың төресі. Еңбекқор әрі ізденгіш, абырой-беделі артқан қадірлі маман, аяулы ана, мейірбан әже Күлжақанның бақыты да, мұраты да – осы.

Мейірбике – мерейлі мамандық

<a href="https://kyzylorda-news.kz/">Kyzylorda-news.kz</a>&nbsp; Сырдария ауданына қарасты А.Тоқмағанбетов ауылының жастарымен сыбайлас жемқорлыққа қарсы заңнама бойынша, сыбайлас жемқорлыққа қарсы мәдениетті қалыптастыру жөніндегі іс-шаралар кешенді жоспары негізінде түсіндіру жұмыстары жүргізілді. Кездесуді жастар ресурстық орталығының кеңесшісі Рамазан Ыдырысов жүргізді.Іс-шараның негізгі мақсаты &nbsp;қоғамның әртүрлі орталарындағы сыбайлас жемқорлықтың алдын-алу, профилактикалық жұмыстарын насихаттау. Сонымен қатар сыбайлас жемқорлыққа қарсы күрес туралы заңдарды негізге ала отырып, құқықтық мағлұмат беру, білімдерін дағдыландыру, саяси өмірден хабардар жеке тұлғаны қалыптастыра отырып, жастардың еркін сөйлеуіне, қоғамға деген өз ой-пікірлерімен санасуға жағдай жасау, ҚР-на адал қызмет етуге, Ата заңды құрметтеуге, адамгершілікке тәрбиелеу.<blockquote>– Біздің қоғамда сыбайлас жемқорлыққа орын жоқ. Қоғамның барлық күш-жігерін біріктіріп, осы дерттің одан әрі ушықпауы үшін оны тоқтатудың барлық амалдарын қолдану арқылы ғана бұл құбылысқа тиімді түрде қарсы тұруға болады. Сондықтан сыбайлас жемқорлықпен күресу барлық Қазақстан Республикасы азаматтарының азаматтық борышы деп білу керек, – дейді жастар ресурстық орталығының кеңесшісі Рамазан Ыдырысов.</blockquote>

Сыбайлас жемқорлықтың алдын-алу – аса маңызды

<a href="https://kyzylorda-news.kz/">Kyzylorda-news.kz</a> Дана халқымыз «Қыз-өрісің» деген тәмсіл сөзді бекер айтпаса керек-ті. Қыз бала бойжеткен соң ақ босаға аттап, бір үйдің түтінін түзу түтететін келінге айналады. Кешегі Домалақ аналардың көзіндей, Зере мен Ұлжанның өзіндей қазақ әйелдерінің асыл бейнесі әлі де жойылған жоқ. Олардың бойындағы асыл қасиетті кейінгі буынға ұлағат ету парыз.&nbsp;Осындай мақсатпен Шиелі ауданының қоғамдық даму бөлімінің мемлекеттік әлеуметтік тапсырысы шеңберінде «Қызылорда облысының жастар Одақтары» қоғамдық бірлестігінің ұйымдастыруымен «Жергілікті әйелдер кеңестері жұмысын дамыту және отбасы мен неке құндылықтарын насихаттау бағытында шараларды ұйымдастыру қызметі» әлеуметтік жобасы аясында «Арман» мәдениет үйінде «Пай, пай қазақтың келіндері-ай!» атты Шиелі аудандық келіндер байқауы өтті.&nbsp;Іс-шараның шымылдығын Шиелі аудандық қоғамдық даму бөлімінің басшысы Кенжехан Шахизатұлы ашып берді.&nbsp;<blockquote>– Қазақ келіні қай кезден де отбасының ынтымағын келтіріп, татулығын бекемдей білген. Байқаудың мақсаты да қазақтың салт-дәстүрін, әдет-ғұрпын берік ұстанып, келіндердің ізеттілігін, инабаттылығын, отбасы құндылықтарын насихаттау, – деді ол.&nbsp;</blockquote>Аталған сайыста отбасының көркін келтіріп, жан-жақтылығымен танылып жүрген ақылына көркі сай, он саусағынан өнер тамған он екі келін қатысып, өзара сынға түсті. Байқау шарты бойынша әр үйдің үлгілі келіндері алдымен, өздерінің шыққан тегі мен түскен шаңырағынан мағлұмат беріп таныстырды. Ұлттық киімде ерекше мән берілді. Келесі «Өнерлі келін – сүйкімді» кезеңде қатысушылар ән салып, би билеп, қойылым қойып, өздерінің қолынан шыққан ұлттық нақыштағы бұйымдарын ұсынды. Үй шаруасын ұршыққа иіріп қана қоймай, саналы ұрпақ тәрбиелеп отырған келіндер өз өнерлерін барынша ортаға салып, көпшіліктің көңілінен шыға білді. «Ойлы болсаң, озып көр» аталған үшінші бөлімде келіндер салт-дәстүрге қатысты сұрақтарға асқан шеберлікпен мүдірмей жауап берді. Байқаудың соңғы бөлімінде сайыскерлер талайды тамсантуға тырысып бақты. Яғни әкелген ұлттық тағамдарының жасалу жолдарын айтты. Осылайша, жан-жақты дайындығымен келген келіндер байқауда өздерінің ерекшеліктерімен танылып, көптің ризашылығына бөленді. Өнегеге толы сайысқа Бәйтерек ауылдық әйелдер кеңесінің төрайымы Ұлмекен Назарбекова, Шиелі аудандық әйелдер кеңесінің төрайымы, ауданның «Құрметті азаматы» Найлә Палымбетова, Шиелі аудандық орталықтандырылған кітапхана басшысы Гүлдана Жақыпова мен «Ziyatker school» ЖШС мектебінің директоры Шахархан Бектұрғанқызы әділ бағасын берді.Осылайша, қазақ келінінің ақылы мен парасаты сынға түскен байқау да өз мәресіне жетті. Қазылар алқасы үшін «мыңнан тұлпар, жүзден жүйріктерді» анықтаудың қиын болған рас. Соның нәтижесінде «Үлгілі келін» номинациясы бойынша Назгүл Кәрісбекова, «Инабатты келін» номинациясында Жазира Ибрагимова, ал «Аспазшы келін» Гүлзира Асқарова болса, «Ибалы келін» номинациясына Динара Жұмабек, «Өнегелі келін» деген атауға Жанат Ахетова иеленсе, «Өнерлі келін» номинациясына Мира Жаханова лайықты деп саналды.Дүбірлі додада бас жүлдені Жиделіарық ауылынан келген Лаура Қалиқызы жеңіп алса, бірінші орынды Сағыныш Қайратқызы қанжығалады. Ал екінші орынды еңбекшілік Гүлжайна Баймұратова және Әйгерім Әлмахан алса, үшінші орын Гүлназ Назарбаева мен Алмагүл Нұрабаеваға бұйырды.

Шиеліде он келін сынға түсті

<a href="https://kyzylorda-news.kz/">Kyzylorda-news.kz</a> 1997 жылы Қызылорда қаласында арнайы экономикалық аймақ кұрылды. Осы тұста қала басшылығы арнайы аймақтың өз алдына газеті мен телеарнасы және баспаханасы болу керек деп ұйғарды. Қоғамдық телекомпанияның тарихы «Қала ТV» деген атпен осылай басталды. Білімді журналистер көп болғанымен, телеарнаның қыр-сырын білетіні некен-саяқ кез еді. Бастапқыда басшы табу қиындық тудырды. Экономикалық аймақтың басшысы, қала әкімі болған Бақберген Досманбетов естелік жазбасында былай дейді:<blockquote>– Сондықтан бар салмақты әріптестерін жақсы танитын Бауыржан Омаровтың өзіне салдым. «Мына Байқоңырдың телекомпаниясы жабылайын деп жатқанын естіп отырмыз. Сонда Шаһизада Әбдікәрімов деген іскер жігіт бар көрінеді. Телекомпания төрағасының басшылығымен және Шаһизаданың тікелей қатысуымен «Байқоңыр» ғарыш айлағындағы әрбір ұшырылым жайлы республикалық «Қазақстан», «Хабар» телеарналары эфирлерінен тікелей хабарлар топтамасы беріліп тұрады екен. Өздеріңіз білесіздер, газетіміздің редакторлығына қаншама адам ұсыныс білдірді. Ал қалалық телеарна басшылығына лайықты кандидатура болмай жатыр. Сақа журналистер көп, бірақ телеарна жұмысынан бейхабар. Тірелгеніміз жалғыз осы Шаһизада болып тұр. Егер келісетін болса, Байқоңыр телеарнасының техникалары өте күшті. Жылжымалы екі телестудиясының өзі неге тұрады?! Өзімен бірге ала келеді» деді ол. &nbsp;Жарайды, мен қарсы емеспін, шақыр, сөйлесіп көрейік, – дедім.</blockquote>Лайықты таңдалған басшы Шаһизада Әбдікәрімовтің телеарнаның құрылуы, қалыптасуы, жаңа кезеңге аяқ басуында еңбегі зор болды. Кілең сайдың тасындай жалындап тұрған жастардың басын қосқан ұжымның ауызбіршілігі мықты еді. Жаңадан құрылған соң, жетіспейтін жақтары көп болса да, сыр білдірмей биікке ұмтылды. Қала өмірінің жақсы жағын жарқырата көрсетті, көлеңкелі тұсын да көлденең тартты. Көпшіліктің көңілінен шығып, сан мыңдаған көрерменнің көзайымына айналды. Қарқынды жұмыс істеген «Қала ТV» жұртшылықтың арқасүйер тірегі болды. Алғашқы кезде эфирге бір сағат шығатын. Санаулы құраммен сол бір сағат ішінде қала тіршілігін ақпараттандырып қана қоймай, түрлі хабарлар да түсірді. Танымдық тұрғыдан қызықты хабарларды көрермен асыға күтті. Олардың қатарында «Шарайна», «Уақыт геометриясы», «Жаңғырық», «Бізбен бірге болыңыздар», «Болашақ», «Біздің қаланың адамдары» хабары болды.Қызылордадан 1999 жылы экономикалық аймақ статусы алынып тасталды. Тағы да Б.Досманбетовтің жазбасына сүйенсек, былай дейді:– Сен басқарып отырған телеарна өз жұмысын тоқтатуы қажет. Қазірдің өзінде қатынас қағазы келіп тұр. Сондықтан өзің ізденіп, телеарнаны меншіктеп ал. Қолда бар дүниеңді жоғалтқанымыз жарамас десек, Шаһизада: «Ой аға, ол менің қолымнан келе қоймас. Қалтасы қалың қаламгер көріп пе едіңіз?» демесі бар ма?! Сөзді қой, қолыңа ал» дедім рухтандыра, қайрай түсіп. Көмектесемін, түсінсең бұнда менің де еңбегім бар. Сол кезде барып Шәки інім «Жарайды, аға» деп зорға келісті!Қазіргі кезде «Qogam TV» атауымен ауданнан бөлек, «Отау» спутнигі арқылы республикаға 14 сағат бойы эфир тарататын телеарнаның тарихы осылай басталған еді. Республикалық телеарналармен қатар компьютерлік монтаждау әдісін ең алғаш болып бастады. Бұған сол уақытта атқарушы директор болған Бақытжан Шөкенов пен Мұрат Шалабаевтың еңбегі зор. Қазіргі атқарушы директор Мұрат Шалабаевтың айтуынша, бұл салада жұмыс істеу үшін телеарнаны жан-тәніңмен сүйе білуің керек.<blockquote>– Егер телеарнаны сүйе білмесең, онда ұзақ жұмыс істей алмайсың. Уақытша жұмыс істеп кетемін деп келетіндер сондықтан да көп тұрақтамайды. Өйткені, олар бұнымен «ауырмайды». Алғаш телеарна құрылған кезде ленталық кассетамен түсіреміз, монтаждауда аналогтық құрал болатын. &nbsp;ВХС камералармен түсіріп, таспамен жазатынбыз. Ол уақытта мамандар да қат. Тіпті журналистер, операторлар дайындайтын оқу орны жоқ-тұғын. Айналдырған бір сағат эфир үшін бір күн тер төгеміз. Қазіргідей түсіріп келе сала, эфирге шығармайды. Оны көшіріп, таспаға қайта басамыз, монтаждаймыз. Ал бүгінде компьютер арқылы жылдам монтаждап, оны эфирге таратамыз. Екі жылдан бері облысқа да шығып келеміз. Спутник арқылы еліміздің кез келген қаласынан қосылуға мүмкіндік бар, – дейді ол.</blockquote>Ширек ғасыр көрермен көзайымына айналған телеарна тарихында Тілеген Бекарыстанов, Жеткерген Жүсіпов, Баян Құлтанова, Райхан Тәжібаева, Нұрлан Соңғыбайұлы, Жанар Жанасылова, Ғалымжан Бәйімбет, Нұрсәуле Қоңырбаева, Ізмұрат Құрбанбаев, Сахитжан Бермағанбетов, Нұргүл Ұзақбаева, Гүлнұр Бүркітбаева, Нұрлан Жақыпбек, Елена Рыбина, Болат Жұмабаевтың қолтаңбасы бар.Телеарнаның іргесін қаласқан шеф-редактор Баян Құлтанова алғаш құрылған кезде қиындықтар болғанын айтады.<blockquote>– Бос тұрған ғимараттың ішінде тіпті үстел мен орындық та болмады. Біріміз сюжеттің мәтінін жазып отырсақ, басқаларымыз терезенің алдында тізіліп кезек күтіп тұратынбыз. Студиямыз да бір бұрышта орналасқан. Ал бүгінде заманға сай барлық қызметкердің жұмыс бөлмесі бар. Қазір «Qogam TV» – үлкен ұжым. Осы 25 жыл ішінде қаншама жас журналист пен оператор маман қанаттанып ұшып шығыпты. Олардың көбі шетелде, республикалық арналарда, облыстық телеарналарда қызмет етіп жүр. «Qogam TV» – жастарды тәрбиелейтін ұстахана іспетті. Жыл сайын бізде өндірістік тәжірибеден студенттер өтеді. Қорқыт ата атындағы, «Болашақ» университеттерінен бөлек, Мәскеу, Чехияда білім алып жатқан жастар келеді. Бізде бір ерекшелігі – келген студентті бірден қызу жұмысқа салып жібереміз. Келген күні танысып, ертесіне түсірілімге барып, эфирге сюжетін дайындайды. Бірыңғай байланыс жүйесі болғандықтан, олардың жазған дүниесін оператор да, монтажер де бір уақытта көріп отырады. Жастардың ішінде өндірістік тәжірибеге қызығып келетіндер көп. Тіпті бірінші курстан бастап, бітіргенше осында жүретіндер бар. Әрбіріне маман ретінде қарап, үлкен жауапкершілік жүктейміз. Жастар да сол сенімнен шығып, өздерін жақсы жағынан көрсетеді. Студенттер дайын маман болып келмейді. Телеарнаның қазанында қайнап, пісіп, бірде журналист, бірде жүргізуші, бірде диктор, нәтижесінде әмбебап маман болып шығады. Журналистикаға деген махаббатын алтын қазық еткен жігерлі жастар барда телеарна жұмысы жандана түсері сөзсіз, – дейді Баян апай.</blockquote>Бастапқыда небәрі 7 адаммен жұмысын бастаған ұжымда қазір 42 қызметкер бар. Әдепкі уақыттан бері саланың ыстық-суығына бірге төзген Гүлмира Ерманова, Мұрат Шалабаев, Баян Құлтанова, Ғалима Керейтбаева осы ұжымда. Ал бүгінде Нұрдәулет Қалабаев, Олжас Дәуіт, Назгүл Қажытаева, Мәдина Ералиева, Айдана Қауленова, Арайлым Кенжебекқызы, Шапағат Торғай есімді журналистер ақпарат таратып, тынымсыз еңбек етіп жүр. Операторлардан Асылбек Құлпайыстанов, Ерлан Жұмабаев және басқа да техникалық қызметкерлердің еңбегі зор.Ұжымдағы журналистер мен техникалық қызметкерлердің біліктілігін арттыруға барынша көңіл бөлінеді. Шетелдік мамандар өткізген семинар-тренингтерге қатысып, кәсіби шеберлігін шыңдап отыру күн тәртібінен түскен емес. Мамандар әр кезеңде Париждегі «5-канал», Красноярскідегі «Афонтово Тв», Ташкенттегі электронды ақпарат құралдары ассоциациясы, Германияның «Неміс толқыны» станциясы базаларында тәжірибе алмасып қайтты. Бүгінде барлық техника цифрлық жүйеге көшкен.Сыр халқы өзінің күнделікті сырласына айналған телеарнаны Шаһизаданың «Қоғамы» деп атап кеткен. Бұл айтулы ақын, облыстың Құрметті азаматы, белгілі журналистке жергілікті жұртшылықтың шынайы ілтипаты болса керек. Өйткені, алғашқы күннен бастап халықтың тіршілік түйткілдерін толассыз да тоқтаусыз толғап келетін «Qogam TV» өз биігіне осылай көтерілді.Алғашқы қоғамдық телеарна жайында Шаһизада Әбдікәрімовтің өзі былай дейді:<blockquote>– Иә, бұл – алғашқы қоғамдық телеарна. Телеарна тәуелсіз болғандықтан қоғамдағы барлық пікірге еркін орын береміз. Биліктің не оппозицияның сөзін сөйлеп, біржақты кетпейміз. Хал-қадірімізше мәселені жан-жақты көтереміз.</blockquote>2000 жылдардан бері «Қызылорда қоғамдық телерадиокомпаниясы» ЖШС басқарушысы болған Тұрсынкүл Желдербаеваның да сіңірген еңбегі зор. Сол уақытта телеарна Қазақстан Ұлттық хабарларын таратушылар қауымдастығының мүшелігіне өтті. 2002 жылы «Жарнама-2002» республикалық конкурсының жеңімпазы болса, 2003 жылы инвестициялық тендерде жеңімпаз атанып, қалалық әкімшіліктің бұрынғы қосымша ғимаратын сатып алды. Ал 2005 жылы республикалық «Жаңалықтар уақыты» конкурсында &nbsp;«Ең үздік ақпараттық бейнесюжет», «Ең үздік телерепортаж», «Ең үздік операторлық жұмыс» номинацияларының жеңімпазы атанды. Сонымен қатар жыл сайынғы өткізілетін байқауларда топ жарып, үздік ақпарат таратушы атанып келеді.Облыстағы ақпарат саласында ширек ғасыр жаңалық таратып келе жатқан телеарнада &nbsp;«Рауан», «Аптаның алты ауызы», «Көзбе-көз», «Әкім сағаты», «Мезгіл мәселесі», «Жастар», «Прокурор сағаты» хабарлары тұрақты көрсетіліп тұрады. Ұжым өңір халқын облыста орын алған саяси, әлеуметтік және экономикалық маңызды оқиғалардан хабардар етіп, жалпы ел өміріне қатысты басты жаңалықтарды көпшілік назарына жедел әрі сапалы тұрғыда таратуда тынымсыз тіршілік етуде.Телевизия – аламан. Шабандозы – журналист. Ал оның ар жағында тақым қысқан қаншама қызметкер бар. Қызығы мен шыжығы көп таңғажайып әлемде бір минуттық сапалы дүние ұсыну үшін бір сағат, тіпті бір күн аздық етуі мүмкін. Десе де бұл саланың мамандары табанынан сыз өтіп, желдің өтінде жүрсе де шығармашылықпен шабыттанып, қаламмен қаруланған қағілез сарбазға айналады.Төл тарихтың айнасындай айқын, бағдаршамындай бағалы телеарна осынау 25 жыл ішінде аймақтың әлеуметтік мәселелерін қаузады. Көрерменге етене жақын болып, Сыр руханиятының, мәдениетінің көкжиегін кеңейтті. Иә, бұл қастерлі құт мекеннің қабырғасы – талай мықтының алғашқы қадамын бағамдаған, ел мен жерге сүйініп қызмет етуіне мұрындық болған, жақсылықтың, жаңалықтың бастауындай!&nbsp;Айсәуле Қарапбаева

Қазақстан және Қызылорда облысының жаңалықтары