Ұлттық қор – балаларға: Балаңыздың eGov-тегі деректерін ретке келтіріңіз

Фото: NUR.KZ/Владимир Третьяков&nbsp;<a href="https://kyzylorda-news.kz/">Kyzylorda-news.kz.</a>&nbsp; Еліміздің бес өңірінде әлеуметтік маңызы бар азық-түлік тауарларының бағасы төмендетілді, деп хабарлайды қаржылық мониторинг агенттігінің баспасөз қызметі.Қостанайда жеткізу тізбегінен делдалды алып тастау есебінен қарақұмық бағасы 25%-ға (340 теңгеден 260 теңгеге дейін) арзандатылды.Солтүстік Қазақстан облысында дәл осындай алгоритм бойынша супермаркеттер желісіндегі қарақұмық бағасы 40% - ға төмендетілді (3 келі қаптамасы үшін 2374 теңгеден 1450 теңгеге дейін).ШҚО-да қаржылық мониторинг агенттігінің аумақтық департаментінің бастамасымен білім беру мекемелерінде алдағы жылға қарақұмық пен қантты сатып алу бағасы қайта қаралды. Орташа алғанда, өнімдердің құны 30% - ға төмендеді (қарақұмық 35% - ға, 625-тен 420 теңгеге; қантқа 20% - ға, 536-дан 435 теңгеге).Сондай-ақ, Ақмола және Қызылорда облыстарында қант пен ұнға сауда үстемесін бірнеше рет асырғаны үшін екі көтерме жеткізуші жауапқа тартылды. Нәтижесінде бағалар шамамен 15% - ға төмендеді.

Қызылордада қант пен ұнның бағасын өсірген кәсіпкерлер жауапқа тартылды

Фото: облыс әкімдігінің баспасөз қызметі&nbsp;<a href="https://kyzylorda-news.kz/">Kyzylorda-news.kz.</a>&nbsp; Биыл Қызылорда облысының экономикалық әлеуетіне тікелей ықпал ететін салаларда даму қарқыны айтарлықтай жоғары. Экономикалық дамудың макрокөрсеткіштері бойынша облыс республикада көш басында.- Мұнай өндіру көлемінің төмендеуіне қарамастан (6,6%), өнеркәсіптің басқа да салаларын дамытуды қолға алу нәтижесінде өнеркәсіп өндірісінің көлемі 2,1 пайызға өсті (өнеркәсіп өндірісінің көлемі 933,8 млрд. теңге).- Индустрияландыру шараларының нәтижесінде өнеркәсіптің өңдеу саласы қарқынды дамуда. Жыл басынан бері 278,8 млрд. теңгенің өнімі өндіріліп, 28,9%-ға өсім қамтамасыз етілді.- Өңірлер арасында өңдеу өнеркәсібінің көрсеткіші бойынша облыс бірінші орында. Осы саладағы ірі кәсіпорынымыз - шыны зауыты қалыпты жағдайда жұмыс жасауда. Келер жылы шыны зауытының ішінен қуаттылығы жылына 5 млн. шаршы метр энергия үнемдейтін жаңа желі іске қосылады. Бүгінгі күні қоңдырғылардың 70%-ы жеткізілді (құны6,7 млрд. теңге).- Энергия үнемдейтін шыны өндірісі жобасынан бөлек, құны 25,2 млрд. теңгені құрайтын 2 жобаның (айна және шыны бөтелкелерін шығару) жобалау жұмыстары басталды.Жалпы алғанда, шыны зауытының аясында шағын және орта кәсіпкерліктің белдеуін дамытуға мүмкіндік мол. Алдағы уақытта зауыт жанынан құны 130 млрд теңгеден асатын түрлі шыны бұйымдарын шығаратын бірнеше ілеспе кәсіпорын құру жұмыстары жүргізіледі.Өңірде өңдеу өнеркәсібін дамытуға бағытталған 2023 - 2028 жылдар аралығында құны 1,1 трлн.теңгені құрайтын 48 жобаның іске асырылуы жоспарлануда. Оның ішінде, биылғы жылы 7 жобасы іске қосылды.- Инвестиция тартуда оң динамика қалыптасты. Есепті кезеңде өңірге 431,6 млрд.теңге инвестиция тартылып, 18,8% өсім қамтамасыз етілді. Оның 72 пайызы - жеке инвестиция. Жалпы, жыл қорытындысымен 472 млрд.теңге инвестиция тартылады.- Тәуелсіздік жылдарындағы жеке инвестор қаржысына салынатын ең ауқымды, теңдессіз жоба – Түрік инвесторларымен бірлесіп, құны 215 млрд теңге болатын жылу-электр орталығы.Мемлекет басшысының «Туған жерді бірге түлетейік» үндеуіне өңірдің жанашыр азаматтары қатысып, 37,5 млрд. теңгенің жобаларын іске асыруда.- Мемлекеттік бағдарламалар аясында, биыл шағын және орта бизнестің 4608 жобасына 62,9 млрд.теңге сомасында барлық қаржы көздерінен қаржылай қолдау көрсетілді.- Мемлекеттік қолдаудың нәтижесінде жұмыс жасап тұрған шағын және орта бизнес субъектілерінің саны 5,4 пайызға, жұмыспен қамтылғандар саны 15,8 пайызға (124 376 адам) артты.- Мемлекет басшысы бөлшек салықты енгізу және салықтық ынталандыру шарасын қабылдады. Биыл облыста 35 мың кәсіпкердің мүддесі қамтылған бөлшек салықтың пайыздық мөлшерлемесі 4 пайыздан 2 пайызға төмендетілді.- Шағын және орта кәсіпкерліктің экономикадағы үлесі өткен жылы 19,1 пайызды құраса, биыл бұл көрсеткіш 21,5 пайызға жеткізілетін болады.- 2023 жылдың 10 айында жалпы сауда айналымы 656,6 млрд. теңгені құрап, өсім 104,7 пайызды құрады. Экономиканың бұл секторына биылғы жылы 24,2 млрд.теңгеге инвестиция тартылды.- Аймақта құны 3,5 млрд. теңгені құрайтын 32 жоба іске қосылып, 358 жаңа жұмыс орны ашылды (сауда және ойын-сауық орталықтары, кондитерлік өнімдер дүкені, құрылыс заттар үйі, монша, тамақтану орындары және көлік жуу орталықтары).- Биылғы жылдың 10 айының қорытындысымен туризм саласына 18,6 млрд. теңге шамасында инвестиция тартылды. Өткен жылдың сәйкес кезеңімен салыстырғанда 3% артық орындалды (17,9 млрд. теңге). Бюджет қаражаты есебінен туризм саласын дамытуға бағытталған 6 іс-шара өткізілді.<figure class="image"><img src="https://knadmin.beoblood.kz/uploads/412841593_1915939428801560_7853074535417137767_n_e0582facc9.jpg" alt="412841593_1915939428801560_7853074535417137767_n.jpg"></figure>&nbsp;<figure class="image"><img src="https://knadmin.beoblood.kz/uploads/412725296_1915939415468228_1571135701020343723_n_72365feeed.jpg" alt="412725296_1915939415468228_1571135701020343723_n.jpg"></figure>

Жыл қорытындысы: Өңірде өңдеу өнеркәсібі артып келеді

Фото: өңірлік коммуникациялар қызметі<a href="https://kyzylorda-news.kz/">Kyzylorda-news.kz.</a> Облыс тұрғындарын МӘМС жүйесіне енгізу өзекті мәселелердің бірі. Осыған орай облыс әкімінің орынбасары Мейрамбек Шермағанбеттің төрағалығымен міндетті әлеуметтік медициналық сақтандыру жүйесін өзектендіру бойынша арнайы штаб отырысы өтті.Жиынға жауапты сала басшылары, департамент өкілдері және аудан әкімінің орынбасарлары тікелей қосылым арқылы қатысты.Штаб отырысында облыс әкімінің орынбасары Мейрамбек Зинабдинұлы МӘМС жүйесіне тұрғындарды сақтандыру бойынша негізгі көрсеткіштерге тоқталып, жалпы қорытынды жасады. Оның айтуынша, бүгінде облыс бойынша 673 156 тұрғын аталмыш жүйеге сақтандырылып, жалпы көрсеткіш 82,5 пайызды құрады. Ал қараша айынан бастап бүгінгі күнге дейін Қызылорда қаласы және аудан әкімдіктері тарапынан жүргізілген жұмыстардың нәтижесінде 21 мыңнан астам азамат МӘМС жүйесіне енгізілді.<blockquote>-Өздеріңіз білетіндей, қазіргі таңда МӘМС жүйесін тұрғындар арасында өзектендіру маңызды міндеттердің бірі болып отыр. Осы уақытқа дейін аталмыш мәселеге қатысты үш рет облыстық штаб отырысы өтті. Жүргізілген негізгі жұмыстардың арқасында МӘМС жүйесіне облыс тұрғындарын енгізу шаралары жақсы деңгейде атқарылды. Бұл жұмыстарды алдағы уақытта да тоқтатпаймыз. Халық арасында насихаттау жұмыстары да үздіксіз ұйымдастырылады, - деді облыс әкімінің орынбасары Мейрамбек Зинабдинұлы.</blockquote>Өз кезегінде «МӘМС жүйесіне облыс тұрғындарын толық тарту мәселелері» бойынша «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов баяндама жасады. Одан кейін аудан әкімдерінің орынбасарлары сөз алып, жалпы көрсеткіштерге тоқталып өтті.Жиын соңында облыс әкімінің орынбасары облыстағы қызылша ауруының эпидемиологиялық ахуалына байланысты сақтық шараларын қатаң сақтау керектігін айтты. Бұл мәселеге байланысты облыстық санитариялық-эпидемиологиялық бақылау департаменті басшысының орынбасары Әлия Әбдіқайымова толықтай эпид жағдайды баяндап өтті.

МӘМС жүйесі жүйелі жұмысты қажет етеді

Фото: өңірлік коммуникациялар қызметі<a href="https://kyzylorda-news.kz/">Kyzylorda-news.kz.</a>&nbsp; Бүгінде облыста криминогенді және қоғамдық-саяси ахуал тұрақты. Қабылдаған негізгі шаралардың арқасында жалпы тіркелген қылмыстық істердің деңгейі 6 пайызға төмендеді. Одан бөлек, облыс көлемінде жалпы ұрлықтың тіркелуі 14,8 пайызға азайған. Бұл туралы Қызылорда облысы полиция департаменті бастығының орынбасары, полиция полковнигі Ілияс Жұмағұлов хабарлады.Өңірдегі қылмыс пен құқықбұзушылықты азайту және оның алдын алу - қоғам алдындағы басты міндеттеріміздің бірі. Бұл ретте тәртіп сақшылары тәулікпен санаспай өз қызметін мінсіз атқаруда. Жалпы бүгінде облыста бірнеше қылмыс түрлерінің деңгейі төмендеді.<blockquote>«Мал ұрлығы 46,6 пайызға, ұялы телефон ұрлығы 19 пайызға, қалта ұрлығы 75 пайызға, автокөлікті заңсыз айдап әкету 31,8 пайызға азайып отыр. Ұрлық жасағаны үшін 354 адам, ал мал ұрлығы үшін 30 азамат қылмыстық жауапкершілікке тартылып, істері сотқа жолданды. Сондай-ақ, мал ұрлығының алдын алу мақсатында белгіленбеген орындарда қараусыз жүрген мал иелеріне қатысты 1064 әкімшілік шара көрілді. Жалпы жыл басынан бері «Пәтер», «Мал ұрысы», «Автокөлік», «Қару» сияқты жедел профилактикалық іс - шаралар өткізілді. Сонымен қатар облыс бойынша тонау қылмысының тіркелуі өткен жылмен салыстырғанда 12,5 пайызға дейін азайды. Ал алаяқтық қылмысы 609-дан 549-ға төмендеді. Алдағы уақытта да қылмыс деңгейін төмендету мақсатында кешенді іс-шаралар ұйымдастырылады», - деді Ілияс Байжұманұлы.</blockquote>

Қызылордада қоғамдық-саяси ахуал тұрақты

Фото: slovoidilo.ua<a href="https://kyzylorda-news.kz/">Kyzylorda-news.kz.</a> 22 желтоқсанда Қазақстан аумағы үшін синоптикалық жағдайдың және қауіпті ауа райы құбылыстарының болжамы бойынша республиканың батысында, солтүстігінде, шығысында атмосфералық фронтал бөліктердің өтуімен тұрақсыз ауа райы сақталады, жауын-шашын (жаңбыр, қар) жауады. Республиканың қалған бөлігінде жауын-шашынсыз ауа райы күтіледі. Қазақстанда тұман, көктайғақ, екпінді жел, солтүстікте қар жауады.Қызылорда облысының батысында, шығысында және орталығында тұман сақталады, жолдарда көктайғақ сақталады. Түнде және таңертең облыстың шығысында секундына 15-20 метр шығыстан соғатын жел соғады. Қызылордада 22 желтоқсанда кей жерлерде тұман сақталады, жолдарда көктайғақ болады. Шығыстан жел соғады, түнде екпіні секундына 15-20 метрге жетеді деп күтіледі.

Жұмаға арналған ауа райы болжамы 

<a href="https://kyzylorda-news.kz/">Kyzylorda-news.kz.</a>&nbsp; ҚР Еңбек және халықты әлеуметтік қорғау вице-министрі Олжас Ордабаев Қызылорда облысына екі күндік жұмыс сапары аясында әлеуметтік нысандарды, ірі кәсіпорындарды аралап, мемлекеттен берілген гранттар мен микрокредиттердің арқасында өз ісін бастаған кәсіпкерлермен кездесті. Өңір активімен және ҮЕҰ өкілдерімен кездесу барысында вице-министр халықты жұмыспен қамту және әлеуметтік қолдау шаралары туралы айтты.Мемлекет басшысының тапсырмасына сәйкес биыл Үкімет жастарға жылдық 2,5 %-бен микрокредит беру түрінде кәсіпкерлік қызметті қолдауды жүзеге асыруда. Микрокредиттің мөлшері 5 млн теңгеге дейін, ал қатысудың ең ұзақ мерзімі – 5 жыл (кез келген мақсатқа) және 7 жылға дейін (мал шаруашылығы саласындағы жобалар үшін) болуы мүмкін.Қызылорда облысы бойынша осы жылы 457 микрокредит беру жоспарланған болатын. Бұл ретте бүгінгі күні облыс тұрғындарынан «Аграрлық несие корпорациясы» АҚ-ға 588 өтінім келіп түсті. Қабылданған өтінімдердің 519-ы конкурстық комиссияның қарауына жіберілді, оның ішінде жалпы сомасы 2,3 млрд теңгеге 492 микрокредит берілді.Бұдан басқа, 2021 – 2025 жылдарға арналған кәсіпкерлікті дамыту жөніндегі ұлттық жоба шеңберінде өңірде халықтың әлеуметтік осал топтарына жататын азаматтардың кәсіпкерлік бастамаларын дамытуға 1526 грант беру жоспарланды. Бүгінгі күні 1529 жоба қатысушысы мемлекеттен қолдау алып, өздерінің бизнес-идеяларын іске асыруға кірісті.Жұмыс сапары барысында Олжас Ордабаев «UMIRBEK» ЖК жұмысымен танысты. Оның құрылтайшысы Асхат Өмірбек «Кәріз құдықтарын өндіру үшін негізгі құралдарды сатып алу» бизнес-жобасын іске асыру үшін 5 млн теңге көлемінде микрокредит алды. Алынған кредиттік қаражатқа темірбетон өнімдерін өндіру үшін қажетті жабдықтар сатып алынды. Қазіргі уақытта өз бизнесін дамытуда.Осыдан кейін вице-министр 2023 жылы пайдалануға берілген «ORDA Glass Ltd» ЖШС шыны зауытында болды. Шығарылатын өнімнің 70%-ы ішкі нарыққа, 30%-ы Ресей, Өзбекстан, Қырғызстан, Тәжікстан, Түрікменстанға экспортқа жөнелтіледі.Сондай-ақ, Олжас Ордабаев мүгедектігі бар адамдарға арналған оңалту орталығында болды. Ұйым жұмысымен танысқаннан кейін вице-министр онда өңір активімен, ҮЕҰ-мен, кәсіпкерлермен және тұрғындармен кездесу өткізді. Ол ҚР Әлеуметтік кодексі аясында қарастырылған әлеуметтік-еңбек саласын жетілдірудің жаңа тәсілдері туралы айтып берді.Вице-министр өз сөзінде халықты әлеуметтік қорғау мен жұмыспен қамтуды қамтамасыз ету Үкімет пен жергілікті билік органдарының маңызды міндеттерінің бірі болып табылатынын атап өтті.Олжас Ордабаев мемлекет балалы отбасыларды әлеуметтік қолдауға ерекше көңіл бөлетінін атап өтті. Жаңа шаралар Әлеуметтік кодексте көрсетілген: бала күтіміне байланысты төлемдердің мерзімін 1,5 жасқа дейін ұзарту; атаулы әлеуметтік көмек алушылар қатарынан 1 жастан 6 жасқа дейінгі балалар үшін кепілдендірілген әлеуметтік топтаманы монетизациялау; «Алтын алқа» және «Күміс алқа» алқаларымен марапатталған әйелдерге наградталған ана мәртебесін беру және оларды саралау жәрдемақылар мөлшерін ұлғайту; халықтың әлеуметтік осал топтарының жекелеген санаттарына мемлекеттік жәрдемақылар мөлшерін ұлғайту.Вице-министр Мемлекет басшысының тапсырмаларын іске асыру шеңберінде сондай-ақ жұмыс күшінің кәсіптік дағдыларын күшейту, икемді жұмыспен қамтудың барлық түрлерін заңнамалық бекіту және реттеу, технологиялар мен білім трансферті үшін білікті кадрларды тарту, жұмыспен қамту орталықтарын мансаптық орталықтарға трансформациялау және қызметтерді ауқымды цифрландыру көзделіп отырғанын атап өтті.Ол сондай-ақ кездесуге қатысушыларға халықты жұмыспен қамтуға жәрдемдесу шаралары туралы айтты.«Жұмыспен қамтуға жәрдемдесу шараларының кешенін іске асыру жұмыссыздық деңгейін 4,7 %-ға дейін төмендетуге ықпал етті. 2023 жылдың 11 айында республикада 908,5 мың адам жұмысқа орналастырылды, оқыту және кәсіптік бағдар беру түрінде халықты жұмыспен қамтуға жәрдемдесудің қосымша шараларымен 311,1 мыңға жуық қазақстандық қамтылды», – деді Олжас Ордабаев.Кездесу соңында вице-министр кездесуге қатысушылардың сұрақтарына жауап беріп, азаматтарға жеке қабылдау өткізді. Азаматтардың өтініштері мен ұсыныстарын тыңдап, Олжас Ордабаев олардың өтініштері бойынша толыққанды жауап берді.Жұмыс сапарының екінші күні, яғни 22 желтоқсанда вице-министр гранттар мен микрокредиттер алып өз ісін бастаған кәсіпкерлердің жұмыстарына барып, кәсіптерімен танысуды жалғастырады, сондай-ақ еңбек мобильділігі орталығының және жұмыспен қамтуды үйлестіру және әлеуметтік бағдарламалар басқармасының қызметкерлерімен кездеседі, «KazFries» мұздатылған картоп өндіру зауытына және «Rise shop»күріш өнімдерін өндіру зауытына барады.

ҚР Еңбек және халықты әлеуметтік қорғау вице-министрі Қызылордаға келді

фото: krasnoyarsk-news.net<a href="https://kyzylorda-news.kz/">Kyzylorda-news.kz.</a> Қазақстандық мектептерде екінші тоқсан аяқталуда. Қысқы демалыс 2023 жылдың 29 желтоқсанынан 2024 жылдың 7 қаңтарын қоса алғанда 10 күнге созылады.Қазақстан Республикасы Оқу-ағарту министрлігі мектеп оқушыларының қысқы демалысын және бос уақытын тиімді, әрі тұлғалық дамыту мақсатында мектепішілік қысқы каникул іс-шараларының жоспарын әзірлеуде «Біртұтас тәрбие бағдарламасын» негізге алуды ұсынады.

Қазақстандық оқушылар қысқы демалыста неше күн демалады?

Фото: fingramota.kz<a href="https://kyzylorda-news.kz/">Kyzylorda-news.kz.</a> Бүгінгі таңда Қазақстанда сақтандырудың 26 ерікті сыныбы бар, олардың шеңберінде сақтандырушылар көптеген ерікті сақтандыру өнімдерін ұсынады. Мысалы, міндетті автосақтандыруға қосымша ретінде аварияға кінәлі &nbsp;адамның өз автокөлігін зақымданудан ерікті сақтандыруды, міндетті сақтандыру шеңберінде шекті сомадан тыс қосымша өтеуді, біреудің бейқамдылығынан қорғауды (аварияға кінәлі &nbsp;адамда &nbsp;сақтандыруы болмаған кезде) және т.б. сатып алуға болады. Әрине, сақтандыру қорғаумен неғұрлым көп тәуекелдер қорғалатын болса, сақтандыру соғұрлым қымбат болады.&nbsp;Fingramota.kz-пен бірлесіп ерікті сақтандырудың негізгі артықшылықтарын қарастырайық. &nbsp;Қазақстандықтардың басым көпшілігі сақтандыруды, ең алдымен, автокөлік иесінің жол үстіндегі жауапкершілігі сақтандырылатын көлік құралдары иелерінің азаматтық-құқықтық жауапкершілігін міндетті сақтандырумен (бұдан әрі – КҚИ АҚЖМС) байланыстырады. Бұл ретте жол-көлік оқиғасын жасағаны үшін кінәлі автокөлік иесі іс жүзінде зардап шеккен адамға ақша төлеуден басқа, өз көлігін зақымданудан қалпына келтіруге мәжбүр болады. Сонымен қатар, апат салдарынан үшінші тұлғаларға келтірілген залал мөлшері сақтандырушының бір сақтандыру жағдайы бойынша жауапкершілігінің заңда көзделген шекті көлемінен асып кетуі мүмкін. Осындай &nbsp;жағдайларда ерікті сақтандырудың пайдасы болады.Ерікті сақтандыру&nbsp;– бұл тараптардың ерік білдіруіне байланысты жүзеге асырылатын сақтандыру. Бұл сақтандыру шартының тараптары оны КҚИ АҚЖМС жағдайындағы заң талаптарына байланысты емес, өз еркімен жасасады дегенді білдіреді.Клиент сақтандырудың қажеттілігін өзі шешеді. Бұл сақтандырушыларға нақты клиенттердің қажеттіліктерін қанағаттандыратын стандартты емес жеке өнімдер жасауға мүмкіндік береді.Өз кезегінде, сақтандырушы клиентке ерікті сақтандыру шартын жасасудан бас тартуға құқылы. Кез келген мәмілені жасасу кезіндегі сияқты &nbsp;тараптардың сақтандыру шартының талаптарын өзара келісу процесі маңызды болып табылады. Сақтандыру шартын жасаса отырып, сақтандырушы клиент төлеген сақтандыру сыйлықақысының орнына оған сақтандыру қорғауды &nbsp;ұсынады. Сақтандыру талаптарын келісу кезінде клиентке сақтандыру нақты қандай тәуекелді талап ететінін білу маңызды, сондай- ақ, егер сақтандыру нысаны мүлік болып табылса, сақтандыру нысанының жай - күйі туралы, егер үшінші тұлғалар алдындағы азаматтық-құқықтық жауапкершілікті сақтандыру көзделген жағдайда - ықтимал және ілеспе тәуекелдер туралы егжей-тегжейлі ақпаратқа ие болуы қажет. Мысалы, мүлікті ерікті сақтандыру жағдайында оның құны және техникалық жағдайы туралы ақпарат болуы керек. Бұл ақпарат сақтандырушының өз тәуекелдерін (болашақ міндеттемелерін) мониторингтеу үшін қажет, себебі сақтандыру шартын жасасу тәуекелдерді клиенттен (сақтанушыдан) сақтандырушыға беруді білдіреді.Сондықтан, сақтандыруға, мысалы, пәтерді өрттен сақтандыруға өтінім алу кезінде сақтандырушы пәтердің құнын бағалауды, өртке қарсы қауіпсіздік жүйелеріне техникалық сараптама жүргізеді және шартқа белгілі бір тәуекел санатын береді, сондай-ақ сақтандыру жағдайы басталған кезде ықтимал зиян мөлшерін есептеуді жүзеге асырады. Алынған ақпарат негізінде сақтандырушы осы мүлікті сақтандыруға қатысты сақтандыру сыйлықақысының мөлшерін белгілейді.Біздің елімізде ерікті сақтандыру қарқынды дамып келеді. Ағымдағы жылдың 11 айында ерікті сақтандыру сыныптары бойынша сақтандыру сыйлықақылары 849,6 млрд теңгені құрады, бұл өткен жылдың сәйкес кезеңімен салыстырғанда 34%- ға артық. Ерікті сақтандыруда ең көп үлес өмірді сақтандыруға (23%) келеді, мүлікті сақтандыру (21%), зейнетақылық аннуитеттік сақтандыру (13%) және автомобиль көлігін сақтандыру (13%) сыныптары алады.Толығырақ "<a href="https://fingramota.kz/kk/post/erikti-satandyrudy-artyshylytary-nelerdi-bilu-azhet">Сақтандыру</a>" бөлімінен оқыңыздар&nbsp;

Ерікті сақтандырудың артықшылықтары қандай?

<a href="https://kyzylorda-news.kz/">Kyzylorda-news.kz.</a> Сырдария ауданындағы &nbsp; №36 Ә.Тәжібаев атындағы мектеп-лицейінде 8-9 сынып оқуышларына арнап «Жас құтқарушы» атты кадет сыныбының салтанатты ашылуы өтті.Іс-шараға Сырдария ауданының әкімі Берік Сәрменбаев, Қызылорда облысы Төтенше жағдайлар департаментінің бастығының орынбасары Жасұлан &nbsp;Түйменов, азаматтық қорғау органының қызметкерлері, ата-аналар мен мектеп ұжымы қатысты.Кадет сыныбын құрудың мақсаты &nbsp;-табиғи және техногендік сипаттағы түрлі төтенше жағдайлар кезінде жедел дұрыс шешім қабылдау білімі мен дағдыларын дамыту, өрт қауіпсіздігі саласындағы алдын алу, зардап шеккендерге алғашқы медициналық көмек көрсету бөлігінде жас ұрпақты патриоттық тәрбиелеу болып табылады.Аудан әкімдігінің қолдауымен кадет 8-9-шы сынып оқушылары үшін құтқарушылардың үлгісі бойынша арнайы 20 нысанды киім және 20 әскери парадқа киетін нысанды киім әзірленіп, тігілді. Сынып кабинеті арнайы стендтермен және өрт-сөндіру және құтқару құрал-жабдықтарымен қамтамасыз етілді.&nbsp;Қызылорда облысының білім басқармасының келісімі бойынша оқушылардың осы санаттағы оқу бағдарламасына азаматтық қорғау, алғашқы әскери даярлық, осы бағыттар бойынша мамандарды, оның ішінде ТЖД &nbsp;қызметкерлерін тарта отырып, алғашқы дәрігерге дейінгі медициналық көмек көрсету саласында қосымша сабақтар мен факультативтік сабақтар енгізілді.Кадет сыныбында оқу оқушылардың үлгерім деңгейіне және жалпы тәртіпке оң әсер етті. Жас кадеттер саптық дайындықпен оңай оқиды және айналысады, мектеп және ведомстволық іс-шараларға белсенді қатысады. Нәтижесінде мұндай сыныптардың танымалдығы артуына ықпал етуі мүмкін.11-сыныпты бітіргенге дейін оларға кураторлық жасау мектептің әскери басшысына жүктелген. &nbsp;

Алғаш рет жас құтқарушылардың кадет сыныбы ашылды 

Фото: Қызылорда облысы кәсіпкерлер палатасы<a href="https://kyzylorda-news.kz/">Kyzylorda-news.kz.</a>&nbsp;Бүгін Атамекен кәсіпкерлер палатасының алаңында палата директоры Пірмұхаммед Сыздық «Мен кәсіпкер» жобасы аясында «Әйел кәсіпкерлігін дамыту» бағыты бойынша оқыған қыз-келіншектерге сертификат табыстады. Сонымен бірге жақында бастаған кәсіптері аясында жетістікке жетіп үлгірген кәсіпкерлер директордың «Алғыс хатымен» марапатталды.Қызылорда облысының кәсіпкерлер палатасы жүзеге асыратын «Мен кәсіпкер» жобасының «Әйелдер кәсіпкерлігін дамыту» бағыты аясында палата кеңесшілері қыз-келіншектерге кеңес беріп, олардың қажеттіліктерін анықтайды. Сонан соң, соған сәйкес оқытады. Арнайы бөлінген тәлімгер кәсібін жүргізуге, дамытуға үлес қосады. Одан кейін кәсібін бағалатып, түрлі қаржы институттарынан қаржы алуды үйретеді. Осы орайда, жобаға қатысушы кәсіпкерлердің біліктілігін арттырып, олардың кәсіптерін алты ай сүйемелдейді. Міне осыдан кейін кәсіпкер әрі қарай кәсібін дөңгелетіп әкетеді.Наталья Мишукова бүгінгі шараға қатысушы қыз-келіншектердің тәлімгері. &nbsp;Жас кәсіпкерлердің сөзінше осы тәлімгерлік оқу олардың өмірлерін түбегейлі өзгертіп, бүгінгі күні жеткен табыстарын айшықтап отыр. Күні кеше кәсіптерін қалай дамытатынын білмей палата көмегіне жүгінген жандар, бүгінгі күні өз кәсіптерін ұршықша иіріп отыр. Олардың бірі қолөнер бұйымдарын жасаса енді бірі тәттілер пісіріп, бірі бал өнімдерін шығарумен, бірі аспаздықпен, енді бірі массаж салонымен айналысады. Ал «SMM» мен психология бойынша арнайы курстар олардың өз-өзін тауып, алға айқын мақсат қоюларына көп септігін тигізген.Кәсіпкерлер палатасында «Мен кәсіпкер» жобасы аясында жұмыс істейтін арнайы кеңесшілер бар. Жобаға қызығушылық танытқан жағдайда Қызылорда облысының кәсіпкерлер палатасына 8 /7242/ 40-09-81 нөмірі бойынша немесе Қорқыт Ата 123 мекен-жайы бойынша хабарласуларыңызға болады.

«Мен кәсіпкер» жобасы аясында қыз-келіншектерге сертификат табысталды

фото: egemen.kz<a href="https://kyzylorda-news.kz/">Kyzylorda-news.kz.</a>&nbsp;Достық үйінде Қызылорда облыстық қоғамдық даму басқармасының «Қоғамдық келісім» КММ ұйымдастыруымен «Интернет алаяқтық және оның алдын алу жолдары» тақырыбында құқықтық оқыту өтті. Оқытуға мекеме қызметкерлері мен этнос өкілдері, «Ассамблея жастар» ұйымының мүшелері қатысып, «Қоғамдық келісім» КММ директоры Бақытжан Камалов модераторлық етті.Құқықтық оқытуды облыстық полиция департаментінің экстремизмге қарсы іс-қимыл басқармасының бөлім бастығы, полиция подполковнигі Шамдәулет Абдукаримов жүргізді.<blockquote>Бүгінгі күні интернет алаяқтықтың тым көбейіп кетуі қоғамдық резонанс тудырып отырғаны белгілі. Қазақстанда бұл қылмыс түрінің ең көп таралған тәсілдерінің бірі – интернеттегі түрлі хабарландырулар бойынша тауар немесе қызмет үшін алдын ала төлем алу. Бүгінде интернет алаяқтықтардың жартысы дәл осындай жолмен жасалған. Екіншісі – микрокредиттік ұйымдардың сайттары арқылы онлайн қарыз рәсімдеу. Жиі қолданылатын үшінші тәсіл – азаматтардың жеке деректеріне қол жеткізгеннен кейін банк шоттарындағы бүкіл қаражатты жымқыру. Өкінішке қарай, қарапайым халық әккілердің тұзағына тез ілігіп қалады. Мәселен, соңғы уақытта өздерін банк қызметкерлері ретінде таныстырып, ауыстырмалы нөмірден қоңырау шалатын алаяқтар көбейді. Әдетте олар өздерін екінші деңгейлі банктің қауіпсіздік қызметіненмін деп таныстырады. Сенімге кірудің тың тәсілін жақсы меңгеріп алған олар азаматтардың есепшотын біреулердің бұзып кірмек болғанын айтып, қауіпсіздік үшін шоттағы қаржыны басқа банк шотына аударуға кеңес береді. Осылайша, бүкіл қаржыны үптеп кететіндер көп, -деді.</blockquote>Интернет алаяқтықтың күн өткен сайын күшейіп бара жатқанын айтқан полиция қызметкері оқытуға қатысушыларға күдікті қоңырау мен хабарламалар алғанда бірден банкке хабарласуға кеңес берді. Егер белгісіз біреулер хабарласып, қандай да бір банктің атын атап банк карточкасы жайлы ақпарат немесе басқа да жеке мәліметтерді сұраса, ең алдымен сол банктің сенім телефондарына қоңырау шалып, ақпараттың рас-өтірігін анықтап алған артықтық етпейтіндігін алға тартты.<img src="https://knadmin.beoblood.kz/uploads/412613103_3637136366605517_8733269710545528731_n_6e94957703.jpg" alt="412613103_3637136366605517_8733269710545528731_n.jpg"><img src="https://knadmin.beoblood.kz/uploads/412574565_3637136339938853_4675681475957053854_n_35bca30328.jpg" alt="412574565_3637136339938853_4675681475957053854_n.jpg">

Қазақстан және Қызылорда облысының жаңалықтары