Үкімет отырысында Премьер-министр Олжас Бектенов жөндеу науқанының уақтылы аяқталуын және энергетикалық инфрақұрылымды жаңғыртуға бөлінген қаражаттың тиімді игерілуін қамтамасыз етуді тапсырды.«Мемлекет басшысы энергетика мен коммуналдық инфрақұрылымның стратегиялық маңызын, &nbsp;сондай-ақ еліміздің энергетикалық &nbsp;және инфрақұрылымдық негізін нығайту қажеттігін &nbsp;әрдайым атап өтуде. Аталған мақсаттарға &nbsp;жыл сайын ауқымды қаражат бөлінеді. Биылдың өзінде &nbsp;энергия нысандарын жөндеуге &nbsp;және жаңғыртуға 851 млрд теңге көзделген. Бұл &nbsp;өткен жылмен салыстырғанда 60%-ға артық. Оның ішінде «Тарифті инвестицияға айырбастау» бағдарламасы аясында &nbsp;биыл шамамен 384 млрд теңге бөлінді. Бұл 2025 жылғы жөндеу науқаны аясында бөлінген қаражаттан 15%-ға көп. Осындай көлемдегі қаржыландыру жағдайында &nbsp;жөндеу мерзімдерін ауыстыруға, &nbsp;жұмыс қарқынын бәсеңдетуге &nbsp;және бөлінген қаражаттың игерілмеуіне жол беруге болмайды», — деп атап өтті Олжас Бектенов.Сурет: gov.kz

Энергия нысандарын жөндеуге 60%-ға көп қаржы бөлінді: Олжас Бектенов жөндеу мерзімдерін ауыстыруға және жұмыс қарқынының төмендігіне жол берілмейтінін атап өтті

ҚР Премьер-министрі Олжас Бектеновтің төрағалығымен өткен Үкімет отырысында 2027-2029 жылдарға арналған әлеуметтік-экономикалық даму болжамы және «2026-2028 жылдарға арналған республикалық бюджет туралы» заң жобасы, сондай-ақ жылыту маусымына дайындық барысы қаралды. Оған облыс әкімі Мұрат Ергешбаев селекторлық режим арқылы қатысты.Үкімет отырысынан кейінгі мәжілісте күн тәртібіндегі мәселелер жан-жақты талқыланды.Аймақ басшысы 7 айдың қорытындысымен облыстың негізгі макроэкономикалық көрсеткіштері өскенін, барлық салада оң динамика қалыптасқанын атап өтті.<blockquote>«Дегенмен, тау-кен өнеркәсібінің 80 пайызға жуық үлесін құрайтын шикі мұнай өндіру жыл сайын төмендеуде. Өнеркәсіп саласындағы көрсеткіштерді орындаудың қосымша тетіктерін қарастыруымыз қажет. Бұл ретте жауапты басқарма қала, аудан әкімдіктерімен, жергілікті кәсіпкерлермен кездесіп, тиісті шара қабылдаңыздар. &nbsp;Құрылыс саласы бойынша Үкімет жеті айға бекіткен жоспар артығымен орындалды. Биыл мемлекеттік бюджеттен 106,5 млрд. теңге бөлініп, 140 жобаның құрылысы жүргізілуде. Бюджет есебінен және бюджеттен тыс салынып жатқан нысандардың айлық, тоқсандық, жылдық есебін толық ұсынуды тапсырамын. &nbsp;Бұдан бөлек, көлік және қоймалау көрсеткіші 16,4 пайызға артты.Үкімет бұл салаға 107 пайыз деңгейіндегі меже қойды. Жауапты &nbsp;басқарма көрсеткіштердің толық орындалуын қамтамасыз етуі қажет.&nbsp; Еліміздің әлеуметтік-экономикалық даму болжамы негізінде 2027-2029 жылдарға арналған өңірдің даму болжамын бекітуіміз керек. Облыстық басқармалар, қала, аудан әкімдіктері, әлеуметтік-экономикалық даму болжамына арналған жоспарды 1 қазанға дейін әзірлеп, бекітуге ұсыныңыздар. Жобалар тұрғындардың өмір сүру сапасын жақсартуға, әлеуметтік-экономикалық әлеуетті арттыруға бағытталуы тиіс», – деді Мұрат Нәлқожаұлы.</blockquote>Биыл аймақтағы жылумен қамту нысандарын жаңғыртуға 5 млрд 500 млн теңге бөлінді. Бұл қаржыға 8,7 шақырым жылу желісі жаңғыртылып, №1 және 2 газтурбиналық қондырғыға күрделі жөндеу, 1,3 шақырым жылу желісі мен 1 қазандық, 1 турбина және 10 автономдық қазандыққа, негізгі және қосалқы қондырғыларға жөндеу жүргізілуде. Ал &nbsp;7 млрд. 600 млн теңге 460 шақырым электр желілері мен 134 қосалқы станцияны жөндеуге бағытталды. Облыстағы 1 074 әлеуметтік нысанның дайындығы 98 пайыз.«Білім, денсаулық сақтау, мәдениет, спорт, жұмыспен қамту басқармаларына қарасты ғимараттар жылу беру маусымына толық дайын болуы тиіс. Тұрғындарды көмірмен қамтамасыз ету мәселесі де өзекті. Қажетті көмірдің көлемі 80 мың тонна, тұрғындар үшін &nbsp;68 мың тонна, ал әлеуметтік нысандар үшін 12 мың тонна керек. Жауапты басқарма, қала және аудан әкімдіктері, көмір қорын белгіленген мерзімде толық жасақтауды тапсырамын», – деді аймақ басшысы.Мәжілісте оқушылардың жол қозғалысы қауіпсіздігін қамтамасыз ету мәселесі де талқыланды. &nbsp;&nbsp;Облыстық полиция департаменті бастығының орынбасары Ермахан Адрамановтың айтуынша, облыстағы 962 білім беру ұйымы жол желісіне жақын орналасқан. Осыған байланысты білім беру ұйымдарының маңына заманауи талаптарға сай жол белгілері мен жол таңбаларын орнату ұсынылды. Сонымен қатар жаңа оқу жылының басталуына байланысты көлік ағынының артуы ескеріліп, қала орталығындағы көшелерге қосымша жол қозғалысын реттейтін құрылғылар қою жоспарланып отыр.

2027-2029 жылдарға арналған әлеуметтік-экономикалық даму болжамы қаралды

Қазақстан Республикасы Бәсекелестікті қорғау және дамыту агенттігінің Қызылорда облысы бойынша департаментіне Арал ауданы тұрғындарынан «QazaqGaz Aimaq» АҚ Қызылорда өндірістік филиалына қатысты ұжымдық өтініш келіп түсті.Өтінішті қарау барысында филиалдың есепке алу құралдарын тексеру жүргізілетіні туралы тұтынушыларды заңнамада көзделген мерзімде алдын ала хабарламағаны анықталды. Нәтижесінде тауарлық газ тұтыну көлемі есепке алу аспаптарының нақты көрсеткіштері бойынша емес, норматив негізінде есептелген.Сонымен қатар Департамент 2025 жыл мен 2026 жылдың бірінші тоқсаны аралығындағы кезең бойынша Арал ауданының тауарлық газды бөлшек саудада өткізу нарығына талдау жүргізді. Оның қорытындысы бойынша «QazaqGaz Aimaq» АҚ Қызылорда өндірістік филиалы аталған тауар нарығында үстем жағдайға ие нарық субъектісі деп танылды.Жинақталған материалдар негізінде филиал әрекеттерінде бәсекелестікті қорғау саласындағы заңнаманы бұзушылық белгілері анықталып, Қазақстан Республикасы Кәсіпкерлік кодексінің 199-бабының 1-тармағына сәйкес хабарлама шығарылды.Хабарлама толық көлемде орындалды: филиал тұтынушыларға тұтынылған газ құнын қайта есептеп берді, соның арқасында Арал ауданы тұрғындарының бұзылған құқықтары реттелді.Сурет: Сырдария ауданының әкімдігі&nbsp;

«QazaqGaz Aimaq» филиалы газ құнын қайта есептеді

Премьер-министр Олжас Бектенов энергетика нысандарын жылыту маусымына дайындауды жеделдетуді тапсырды.<blockquote>«Жылыту маусымының басталуына шамамен бір ай уақыт қалды. Солтүстік өңірлерде дайындық жұмыстарын аяқтау мерзімі бұдан да шектеулі. Сондықтан жөндеу науқанын уақтылы аяқтау үшін жұмыс қарқынын арттыру қажет. Мендегі ақпарат бойынша бірқатар өңірлерде жөндеу мерзімдерінің кешігу қаупі бар. Мәселен, осындай тәуекелдер Көкшетау, Теміртау, Жезқазған қалаларында орын алып отыр. Сондай-ақ Алматы және Солтүстік Қазақстан облыстарында да жылу желілерін жөндеу жұмыстары баяу жүріп жатыр», — деп атап өтті Олжас Бектенов Үкімет отырысында.</blockquote>Сондай-ақ энергетика нысандарын қысқы кезеңге дайындауға жауапты өңірлік штабтардың жұмысына назар аударылды.<blockquote>«Энергетика нысандарын қысқы кезеңге дайындауға жауапты Өңірлік штабтардың жұмысына назар аударамын. Бірқатар өңірлерде олар есептік көрсеткіштерді тыңдаумен ғана шектеліп отыр. Жылыту маусымына дайындық барысына бұлайша салғырт қарауға болмайды. Атқарылып жатқан жұмыстарды тұрақты бақылауда ұстап, нақты шешімдер қабылдау қажет», — деп атап өтті Премьер-министр.</blockquote>Мәселені қарау барысында Энергетика министрлігіне жөндеу науқаны мерзімдерінің сақталуын бақылауды қамтамасыз ету тапсырылды.<blockquote>«Энергия көздерін жөндеу мерзімдерін ұзарту жағдайлары әлі де жалғасуда. Бұл орындаушылық тәртіптің төмендігі мен іс-шаралардың уақтылы қабылданбағанын көрсетеді. Энергетика министрлігіне әрбір осындай факт бойынша әкімшілік шаралар қабылдауды тапсырамын. Жөндеу науқанының мерзімін бұзған немесе оны созып жүрген басшылардың мәселесін де қарау қажет», — деп атап өтті Олжас Бектенов.</blockquote>Сурет: gov.kz

Жылыту маусымы басталғанға дейін бір айға жуық уақыт қалды: Олжас Бектенов облыс әкімдерінің назарын өңірлік штабтардың сапасыз жұмысына аударды

А.Тоқмағанбетов атындағы мәдениет үйінде «Қызылорда қалалық ардагерлер ұйымы» қоғамдық бірлестігі мен «Қызылорда қалалық тілдерді дамыту» бөлімімен бірлескен «Әжелер өнері – ұрпаққа үлгі» атты әжелер ансамблінің байқауы өтті.Байқаудың мақсаты бүгінгі қоғамда салт дәстүрімізді қайта жаңғырту кейінгі ұрпаққа өнеге ету, өз елін сүйетін ұрпақ тәрбиелеу. Сайыс салтанатын «Қызылорда қалалық ардагерлер ұйымы» қоғамдық бірлестігінің төрағасы Ө.Шәменов ақтілегін айтып, сәттілік тілеп, ашып берді.Әжелер өнері, әжелер өнегесі бүгінгі қоғамда тәрбие құралы екенін алдарына биік тұғыр етіп қойған 8 әжелер ансамбілі осы байқауға қатысып өз өнерлерін ортаға салды.Байқау 3 кезең бойынша өтті. Алғашқы бастаманы таныстырудан бастаған әжелеріміз, ұлттық дәстүрді насихаттайтын сахналық қойылым қойып, қазақ композиторлары мен халық әндерінен көрермендер көңілінен шығатын жырларын шашу етті.Қазақ халқының салт-дәстүрімен әдет-ғұрыптарын тәрбиелік мәні жағынан ұғындыра көрсетілген қойылымдар зал толы көрерменді өздеріне тәнті етті.Қазақ халқының ежелден келе жатқан, бірақ бүгінгі күні көзден тасалау жатқан «Қымызмұрындық», «Құрсақ шашу», «Аушадияр», «Шашбау тағу» сияқты дәстүрлерін түсіндірме жүргізе отырып, ұлттық нақышпен көрсете білді.Әжелер шырқаған «Үкілім-ай», «Гүлдерайым», «Ауылдағы той» әндері көрермендерді көтеріңкі күйге бөлеп бір серпілтіп тастады.Осындай халқымыздың ертеңі мен бүгінін жалғастырған, ұрпағымызға берері мол әжелеріміздің ұлағатты ісі, көптің көңілінен шығып өз бағасын алды.Сайыс қорытындысы бойынша 1-орынды – «Ұлағат» әжелер ансамблі, 2-орынды – «Ақниет» әжелер ансамблі, 3-орынды – «Асыл жандар» әжелер ансамблі және «Ақ бата» әжелер ансамблі алды.Сөз соңында «Қалалық ардагерлер ұйымы» қоғамдық бірлестігінің төрағасы Ө.Шәменов асыл әжелерге ризашылық ықыласын білдіріп жоғары бағаланған әжелер ансамбліне қаржылай сертификаттар мен бағалы сыйлықтар, алғыс хаттар мен гүл шоқтарын табыстады.Ардагер аналарымызды ардақтайтын мұндай іс-шаралар алдағы уақытта жалғасын табатын болады.<img src="https://knadmin.beoblood.kz/uploads/IMG_20260825_WA_0010_1_7af8af2bcf.webp" alt="IMG-20260825-WA0010(1).webp">

Әжелер өнері - ұрпаққа өнеге

Қызылорда облысының аумағында «Заң мен тәртіп» қағидатын нығайту, есірткі қылмыстарының алдын алу және олардың жолын кесу бағытында «Қарасора-2026» арнайы жедел-профилактикалық іс-шарасы жүргізілуде.Аталған іс-шара 1 маусымда басталып, 31 қазанға дейін жалғасады. Негізгі мақсаты – заң мен тәртіп қағидатын қамтамасыз ету, есірткінің заңсыз айналымына тосқауыл қою, есірткі қылмыстарының алдын алу және қоғамдық қауіпсіздікті қамтамасыз ету.Бүгінде бұл іс-шара аясында облыс аумағында мобильді бекеттер жұмыс істеп, онда Жылдам қимылдайтын арнайы жасақ, рота қызметкерлері және кинолог мамандар қызметтік-іздестіру иттерімен бірге қызмет атқаруда.Іс-шара басталғалы қызметтік иттердің көмегімен 38 құқық бұзушылық анықталды. Оның ішінде 5 есірткі құқық бұзушылығының жолы кесілді.Мәселен, Арал ауданы аумағында орналасқан «Шеп» бекетінде полиция қызметкерлері «Land Cruiser» автокөлігін тоқтатқан. Көлікті тексеру барысында кинолог маманның қызметтік-іздестіру иті, неміс овчаркасы «Босстың» көмегімен салмағы 1 килограмм 856 грамм болатын, полиэтилен пакетке салынып, скотчпен оралған зат анықталды.Сараптама қорытындысына сәйкес, тәркіленген заттың марихуана екені анықталды. Қазіргі уақытта аталған дерек бойынша қажетті тергеу әрекеттері жүргізілуде.Қызылорда облысының Полиция департаменті тұрғындарды есірткі құралдарының заңсыз айналымына қатысты кез келген құқық бұзушылыққа бейжай қарамауға шақырады.Есірткінің заңсыз айналымына қатысты белгілі болған ақпаратты полицияға дер кезінде хабарлау – заң мен тәртіпті қамтамасыз етудің және қоғамдық қауіпсіздікті сақтаудың маңызды кепілі.Заң мен тәртіп – қауіпсіз қоғамның негізі.Есірткі қылмысына қарсы күрес және оның алдын алу бағытындағы жұмыстар тұрақты түрде жалғасуда.<img src="https://knadmin.beoblood.kz/uploads/6922b9c8_983d_4cd6_89f8_5c8ba17647bd_64fb3f2026.jpg" alt="6922b9c8-983d-4cd6-89f8-5c8ba17647bd.jpg">

Есірткі тасымалына тосқауыл қойылды

Құрылтай депутаттарын сайлау күні Қазақстанның медициналық ұйымдарында 657 сәби дүниеге келді. Оның ішінде 318 ұл және 339 қыз бала бар. Бұл туралы Денсаулық министрлігі мәлімдеді.Министрліктің мәліметінше, жаңа туған нәрестелердің ең көбі Алматы қаласында – 60, Түркістан облысында – 54, Шымкент қаласында – 51 бала тіркелді. Ел бойынша бір егіздер жұбы дүниеге келді.Ана мен бала денсаулығын сақтау ұйымдарының медицина қызметкерлері демалыс және мереке күндерін қоса алғанда, тәулік бойы жүкті әйелдерді бақылап, қауіпсіз босандыруды қамтамасыз етеді. Сондай-ақ ана мен жаңа туған нәрестелерге қажетті медициналық көмек көрсетіледі.Сурет: Нұрболат Нұржаубай

Құрылтай сайлауы күні елімізде 657 сәби дүниеге келді

Қазақстанның оңтүстік өңірлерінде 103 ирригация каналын автоматтандыру басталды.Сонымен қатар бұған дейін реконструкциядан өткен жалпы ұзындығы 1 184 шақырым болатын 270 каналды автоматтандыру жұмыстары жүргізіліп жатыр. Бұдан бөлек, суару каналдарын автоматтандыру элементтерімен және суды есепке алудың заманауи жүйелерін енгізе отырып, реконструкциялауға арналған 264 жоба әзірленуде.Сурет: ortcom.kz сайтында

Оңтүстік өңірлерде 103 ирригация каналын автоматтандыру жұмыстары басталды

<a href="https://kyzylorda-news.kz/">Kyzylorda-news.kz</a> Облыстық білім басқармасының қолдауымен Жаңақорған ауданы Өзгент ауылындағы №224 орта мектептің ауласына заманауи спорт алаңы салынып, бүгін пайдалануға берілді.Нысанның ашылу салтанатына аудан әкімінің орынбасары Нариман Жахудаев, аудандық білім бөлімінің басшысы Жанболат Ахметжанов, ауылдың зиялы қауым өкілдері, ұстаздар мен оқушылар қатысты.Жаңа спорт алаңының ашылуы – ауыл оқушылары үшін қуанышты жаңалық. Мұнда жасөспірімдердің спортпен тұрақты айналысуына, салауатты өмір салтын қалыптастырып, бос уақытын тиімді өткізуіне барлық жағдай жасалған.Ашылу салтанатына орай оқушылар арасында волейболдан аудандық жарыс ұйымдастырылып, жас спортшылар өзара бақ сынады.Айта кетейік, мұндай заманауи спорт алаңдары Жаңақорған ауданындағы №169, №51, №125, №213, №209, №184 және №194 мектептердің аулаларына да салынуда.Жаңа спорт нысандары оқушылардың бұқаралық спортпен тұрақты айналысуына және бос уақытын тиімді өткізуіне мүмкіндік береді.<img src="https://knadmin.beoblood.kz/uploads/zgent_auyly_sport_ala_y_8284d29980.jpg" alt="Өзгент ауылы спорт алаңы.jpg">

Өзгент ауылында жаңа спорт алаңы пайдалануға берілді

<a href="https://kyzylorda-news.kz/">Kyzylorda-news.kz</a> Алматыда «Халық үні» тәуелсіз байқаушылар тобы Құрылтай сайлауы күні жүргізілген қоғамдық бақылаудың қорытындысын шығарды. Байқаушылар сайлау учаскелерінде өрескел заң бұзушылықтар тіркелмегенін мәлімдеп, Алматыдағы сайлауға қатысудың жоғары көрсеткішін азаматтық белсенділік пен қоғамдық сананың артуымен байланыстырды.Баспасөз конференциясына қоғам қайраткерлері мен байқаушылар – Дос Көшім, Ермұрат Бәпи, Бекнұр Қисықов, Нұргелді Әбдіғаниұлы және Нұрболат Нышанбай қатысты.Спикерлердің айтуынша, «Халық үні» байқаушылары Қазақстанның 11 қаласындағы сайлау учаскелерінде дауыс беру барысына мониторинг жүргізген. Олар бақылаудың мұндай ауқымы еліміздің әр өңіріндегі сайлау барысын жан-жақты әрі объективті бағалауға мүмкіндік бергенін атап өтті.Қозғалыстың негізгі штабы Алматы қаласында орналасты. Сонымен қатар «Халық үні» жақтастары мен байқаушылар желісі еліміздің бірқатар өңірін қамтыды. Бақылау Астана, Алматы, Шымкент, Түркістан, Қызылорда, Ақтөбе, Орал, Семей, Тараз, Қонаев және Талдықорған қалаларында жүргізілді.Байқау миссиясына дайындық алдын ала басталған. 11 қалада мыңнан астам азамат электоралдық бақылау әдістері бойынша арнайы даярлықтан өтті.Дауыс беру күні «Халық үні» байқаушылары таңертеңнен бастап барлық сайлау рәсімдері толық аяқталғанға дейін учаскелерде жұмыс істеді. Негізгі мақсат – сайлау барысына барынша сапалы әрі жан-жақты қоғамдық бақылау жүргізу болды.Қозғалыс өкілдерінің бағалауынша, сайлау учаскелеріндегі негізгі дауыс беру рәсімдері қолданыстағы заңнама талаптарына толық сәйкес жүргізілген. Байқаушылар сайлаушылардың жоғары белсенділігін де атады. «Халық үні» өкілдерінің айтуынша, сайлау процесі ашық әрі әділ өтті.Қоғам белсенділерінің айтуынша, сайлау барысында жекелеген ескертулер болғанымен, олар негізінен рәсімдік сипатта болды. Мәселен, кейбір сайлаушылар дауыс беру кабинасына екі адам болып кіруге әрекеттенген немесе жеке басын куәландыратын құжатсыз келген. Алайда байқаушылардың айтуынша, сайлау комиссияларының мүшелері азаматтарға белгіленген талаптарды жедел түсіндіріп, туындаған мәселелерді шешуге көмектескен.Бақылау барысында анықталған жекелеген ұсақ заң бұзушылықтар бойынша тиісті актілер мен хаттамалар толтырылды. Қазіргі уақытта өңірлерден келіп түскен ақпаратты жинақтау, жүйелеу және қосымша тексеру жұмыстары жалғасып жатыр. Алдағы уақытта барлық материалдар қорытындыланып, сараптамалық талдау жасалады.Сонымен қатар қозғалыс мүшесі, журналист Ермұрат Бапи Алматы тұрғындарының сайлауға мұндай жоғары деңгейде қатысуы Қазақстанда жиі кездесе бермейтінін атап өтті. Оның айтуынша, жоғары сайлаушылар белсенділігі азаматтардың саяси процестерге деген көзқарасының өзгергенін және ел болашағын қалыптастыруға деген қызығушылығының артқанын көрсетуі мүмкін.Жалпы, «Халық үні» байқаушылары өткен сайлауды азаматтардың өз сайлау құқығын жүзеге асыруға айрықша қызығушылық танытқан саяси үдеріс ретінде бағалады. Қоғамдық бақылауды қамтамасыз ету мүмкіндігі мен өрескел заң бұзушылықтардың тіркелмеуін олар өз жұмыстарының негізгі қорытындысы деп атады.

Құрылтай сайлауы заң талаптарына сай өтті – «Халық үні» байқаушылары

<a href="https://kyzylorda-news.kz/">Kyzylorda-news.kz</a> Әр адамның жүрегінде бала күнінен тербеген бір арманы болады. Бірі дәрігер болуды, бірі ұстаздық жолды таңдауды армандаса, енді бірі ел тыныштығын күзетіп, Отан алдындағы қасиетті борышын өтеуді мақсат етеді. Келесова Мақпал Бақытжанқызы үшін бұл жай ғана арман емес, жүрек қалауына айналған өмірлік мақсат еді.Мақпал Бақытжанқызы 2017 жылдан бері ішкі істер саласында абыроймен қызмет атқарып келеді. Қызмет жолының алғашқы қадамын Павлодар қаласындағы Қазақстан Республикасы Ішкі істер министрлігінің оқу орталығында кәсіби даярлықтан өтуден бастады. Теориялық білімін тәжірибемен ұштастырып, тағылымдамадан өтіп, қызметтің қыр-сырын меңгерді.Еңбек жолының алғашқы кезеңінде бақылау-өткізу бекетінде, кейін орталық бақылау бекетінде қызмет атқарып, тәртіп пен жауапкершіліктің, қырағылық пен сергектіктің маңызын терең түсінді. Әр кезекшілік, әрбір қызметтік міндет — оның кәсіби шыңдалуына жол ашқан үлкен мектеп болды.Жылдар өте келе тәжірибесі толысып, кәсіби білімі мен біліктілігі артты. Бүгінде лейтенант шеніндегі Келесова Мақпал Бақытжанқызы жедел бөлімнің жедел уәкілі қызметін абыроймен атқарып келеді. Бұл — ізденіс пен табандылықтың, тынымсыз еңбектің нәтижесі.Жедел уәкіл болу — жай ғана қызмет емес. Бұл — әр сәтте сергек болуды, батыл шешім қабылдауды, жауапкершілікті сезінуді талап ететін күрделі әрі мәртебелі міндет. Мақпал үшін бала күнгі арманының осылайша нақты мамандыққа, ал мамандығы өмірлік ұстанымға айналуы — үлкен жетістік.Қызметтегі жауапкершілігімен қатар, Мақпал — үш баланың аяулы анасы. Отбасылық жылулық пен қызметтік міндетті қатар алып жүру — үлкен сабыр мен қажырды қажет етеді. Ол ата-енесімен бірге тұрып, отбасының берекесін сақтай отырып, қызметіне де адалдықпен қарайды.«Әйел — бір қолымен бесікті, бір қолымен әлемді тербетеді» деген қанатты сөз осындай жандарға арналғандай. Ана болу — жүрекке мейірім ұялатса, қызмет — бойға қайсарлық пен жауапкершілік дарытады. Мақпал осы екі қасиетті өз бойында үйлестіре білген жан.Оның өмір жолы — арманның мақсатқа, мақсаттың еңбекке, ал еңбектің нәтижеге айналуының жарқын үлгісі. Бала күнгі арманнан басталған жол бүгінде ел тыныштығы мен қоғам қауіпсіздігіне қызмет ететін абыройлы мамандыққа ұласты.Елге қызмет ету — үлкен мәртебе. Ал сол мәртебені адал атқару — одан да үлкен жауапкершілік. Лейтенант Мақпал Бахитжановнаның қызмет жолы әлі талай белесті бағындырып, жаңа жетістіктермен толыға берсін!Мөлдір Жолдасбекқызы

Арманнан — абыройлы қызметке дейін

<a href="https://kyzylorda-news.kz/">Kyzylorda-news.kz</a> Бүгін облыс әкімі Мұрат Ергешбаев, қала әкімі Нұржан Ахатовпен Қызылорда қаласының шағын аудандарын аралады.Еске салсақ, аймақ басшысы бұған дейін шағын аудандар тұрғындарына қолайлы орта қалыптастыру үшін тазалық пен абаттандыруға байланысты нақты тапсырмалар жүктеген болатын. Тұрғындар &nbsp;Абай даңғылы бойындағы №62 үйдің ауласына балалар ойын алаңын салып беруді және &nbsp;ауланы жарықтандыруды сұраған.Мұрат Нәлқожаұлы бүгінгі аралау кезінде &nbsp;берілген тапсырмалардың нәтижесімен танысып, бұл &nbsp;жұмысты одан әрі жалғастыру қажеттігін атап өтті.<img src="https://knadmin.beoblood.kz/uploads/V_Kyzylorde_proverili_blagoustrojstvo_mikrorajonov_i_sostoyanie_arykov2_1893571197.jpg" alt="В Кызылорде проверили благоустройство микрорайонов и состояние арыков2.jpg">Сондай-ақ «Астана», «Арай» шағын аудандарындағы, сол жағалаудағы көпқабатты тұрғын үйлер аулаларының, көшелер мен жаяу жүргіншілер жолдарының тазалығы, абаттандырылуы тексерілді. Аяқсу мәселесі де назардан тыс қалмады.Облыс әкімінің тапсырмасына сәйкес, Н.Назарбаев даңғылындағы насос қондырғысы мен құбырлар іске қосылып, &nbsp;Бөкейхан көшесінің Абай даңғылынан Яссауи көшесіне дейінгі ұзындығы 2 шақырым болатын арық жүйесіне аяқсу берілді. Яссауи мен Шүкіров көшесінің қиылысына насос қондырғысы орнатылып, Бөкейхан көшесінен Ғ. Мұратбаев көшесіне дейінгі аралықтағы ұзындығы 960 метр &nbsp;арыққа да су жіберілді. Жалпы қаладағы 68 көшеде &nbsp;98,6 шақырым арық жүйесі бар.<img src="https://knadmin.beoblood.kz/uploads/V_Kyzylorde_proverili_blagoustrojstvo_mikrorajonov_i_sostoyanie_arykov1_39bdecded1.jpg" alt="В Кызылорде проверили благоустройство микрорайонов и состояние арыков1.jpg">

Қазақстан және Қызылорда облысының жаңалықтары