<a href="https://kyzylorda-news.kz/">Kyzylorda-news.kz</a> 2026 жылдың бес айында үш мыңнан астам есірткіге қатысты құқық бұзушылықтың жолы кесілді, оның ішінде шамамен 1,5 мың есірткі қылмысы анықталды. Сонымен қатар алты ұйымдасқан қылмыстық топтың, оның ішінде бір трансұлттық топтың қызметі тоқтатылды. Синтетикалық есірткі өндіретін 12 зертхана және 42 фитозертхана жойылды.12 мыңға жуық заңсыз онлайн-ресурс бұғаттауға жіберілді. Ұлттық банкпен бірлесіп, есірткі бизнесіне қатысты қаржылық операцияларға тосқауыл қойылуда. Нәтижесінде 107 миллион теңгеден астам күмәнді қаржы аударымы тоқтатылды. 125 мыңға жуық шетелдік төлем картасы бұғатталды. Сондай-ақ 20 мың криптоәмиян тексерілуде.Үлкен қауіптің бірі - синтетикалық есірткілер. Заңсыз айналымнан 466 килограмм синтетикалық есірткі және 11 тоннадан астам прекурсор тәркіленді.Алдын алу жұмыстары да жалғасуда. Жыл басынан бері мектептер мен жоғары оқу орындарында 6,5 мыңнан астам есірткіге қарсы іс-шара өткізілді. Сегіз мыңнан астам ақпараттық материал жарияланды.Халықаралық ынтымақтастық дамып келеді. Қазақстан шетелдік әріптестерімен бірлесіп, трансұлттық есірткі қылмысына тосқауыл қоюда.<blockquote>– Қоғамдық қауіпсіздікті нығайту, азаматтардың денсаулығын қорғау және жас ұрпақтың болашағын сақтау мақсатында есірткі қылмысына қарсы кешенді жұмыстар жалғасатын болады, - деді ІІМ есірткі қылмысына қарсы іс-қимыл комитеті төрағасының орынбасары Елдар Әбдікенов.</blockquote>Сурет: ҚР ІІМ

Криптоәмияндар, транзакция және синтетика: ІІМ есірткі бизнесінің қаржылық және цифрлық схемаларына соққы жасауда

<a href="https://kyzylorda-news.kz/">Kyzylorda-news.kz</a> Арал ауданы әкімдігінің мәжіліс залында аудан әкімі Аманжол Оңғарбаевтың төрағалығымен әкімдік мәжілісі өтіп, теміржол саласын дамыту және инфрақұрылымды жаңғырту мәселелері талқыланды.&nbsp;Қазіргі таңда еліміз бойынша теміржол вокзалдарын жаңғыртуға бағытталған кешенді жобалар жүзеге асырылуда. Осы бағытта Арал қаласы мен Сексеуіл кентіндегі теміржол вокзалдарының ғимараттары қайта салынып жатыр. Дегенмен, құрылыс жұмыстарының қарқыны әлі де болса көңіл көншітпейтінін айтқан аудан басшысы жауаптыларға жұмысты жандандыруды тапсырды.Сонымен қатар, вокзал аумағындағы кәсіпкерлік нысандарды заман талабына сай келтіру мәселесі де күн тәртібінде тұр. Бұл мәселе бұған дейін көтерілгенмен атқарылған жұмыстардың нәтижесі әлі де көңлі көншітпейтінін жеткізді. Осыған байланысты жауапты тұлғаларға аталған мәселені бірлесіп шешуді тапсырды.Мемлекет басшысының тапсырмасына сәйкес республика көлемінде «Таза Қазақстан» экологиялық бағдарламасы үздіксіз жүзеге асырылып келе жатқаны белгілі. Жиында бұл мәселе де назардан тыс қалмай, жаз мезгілінде көркейту-көгалдандыру және санитарлық тазалық жұмыстарын күшейту қажеттігі айтылды.Арал ауданының әкімі анықталған кемшіліктерді қысқа мерзім ішінде толық ретке келтіріп, алдағы уақытта бұл мәселені тұрақты бақылауда ұстауды тапсырылды.&nbsp;Жиынды қорытындылаған аудан әкімі Аманжол Сақыпұлы бірқатар салаларда кемшіліктердің әлі де орын алып отырғанын атап өтті. Әсіресе ауылдық округ әкімдерінің жұмысы мен эпизоотиялық ахуалға жауапты мекемелердің қызметіне қатысты сын-ескертпелер айтылып, атқарылып жатқан жұмыстардың тиімділігін арттыру қажеттігі көрсетілді.Аудан басшысы барлық жауапты тұлғаларға жұмысты жандандырып, нәтижеге бағытталған нақты шаралар қабылдауды тапсырды. Сонымен қатар, мәжіліс барысында көтерілген мәселелерді тұрақты бақылауда ұстап, олардың уақытылы әрі сапалы орындалуын қамтамасыз етуді жауапты тұлғаларға міндеттеді.

Арал: Инфрақұрылымды жаңғырту мәселелері қаралды

<a href="https://kyzylorda-news.kz/">Kyzylorda-news.kz</a> Облыс әкімі Мұрат Ергешбаев азаматтарды кезектілік тәртібімен жеке қабылдады. Бүгінгі қабылдауға 12 адам тіркелсе, олардың екеуі онлайн қосылды.Келушілердің басым бөлігі әлеуметтік қолдау, баспана, көшелерді асфальттау және жұмыспен қамту мәселелерін көтерді. Арал ауданы Сексеуіл кентінің тұрғыны Ақтан батыр және Тәжібаев көшелерін асфальттау туралы айтты. Бұл көшелердің жобалық құжатын әзірлеу 2028 жылға жоспарланған. «Ауыл – ел бесігі» бағдарламасымен 2023 жылы Сексеуіл кентіндегі Ақорда тұйығы орташа жөнделген. Енді тұйықтың балабақшаға дейінгі бөлігін жөндеу алдағы кезеңге межеленген.Қабылдауда «Базис-А» мекемесінің теміржолшыларға арнап салған тұрғын үйлер құрылысын аяқтау мәселесі де көтерілді. Қазір екі пәтерлі 38 тұрғын үйдің 8-і толық бітіп, белгіленген тәртіппен пайдалануға берілген.&nbsp;Қызылорда қаласындағы Әл-Фараби шағын ауданының тұрғыны балалар ойын алаңын салу, жол жөндеу және қоғамдық көлікке қатысты мәселелерді көтерді.Осыған байланысты аталған аумақта балалар ойын алаңын салуға арналған бос жер телімі анықталып, жобаны «Халық қатысатын бюджет» бағдарламасы аясында іске асыру жоспарына енгізу көзделуде.Сондай-ақ бұған дейін Қызылжарма-3 тұйық көшесінің тұрғындары №27 қоғамдық көліктің С. Бәйсейітова көшесінен Қарауылтөбе ауылына жетпей, бұрылыс тұсында аялдауын сұраған еді. Тұрғындардың өтініші қаралып, мәселе оң шешімін тапты.Инфрақұрылымды жақсарту бағытындағы жұмыстар да жүйелі &nbsp;жүргізілуде. Әл-Фараби шағын ауданынан Қарауылтөбе ауылының шекарасына дейінгі аумақтағы жеті көшенің бесеуінде &nbsp;«Әлем Транс Жол» ЖШС &nbsp;жол жөндеді.Қазір Аралбаева көшесіндегі жөндеу жұмыстары аяқталу сатысында. Тұрғындардың өмір сүру сапасын арттыруға бағытталған жобалар кезең-кезеңімен жалғасады.Ақжарма ауылының тұрғыны мамандығы бойынша жұмысқа орналасу мәселесімен келген. Аймақ басшысы жұмыспен қамту назардан тыс қалмайтынын және заңнама аясында қарастырылатынын атап өтті.Қабылдауда көтерілген мәселелердің барлығы қолданыстағы заңнама талаптарына сәйкес кезең-кезеңімен шешімін тауып келеді. Бұл жолы да әрбір тұрғынның өтініші бойынша жауапты сала басшыларына нақты тапсырмалар берілді.Айта кетейік, облыс әкімінің жеке қабылдауына жазылу үшін тұрғындар eGov порталы, e-Otinish бірыңғай платформасы арқылы немесе әкімдікке жазбаша өтініш беру жолымен өтініш қалдыра алады.

Тұрғындар жеке қабылдауда әлеуметтік мәселелерді көтерді 

<a href="https://kyzylorda-news.kz/">Kyzylorda-news.kz</a> Қылмысты ашудағы әрбір дәлел мен айғақтың артында кәсіби біліктілік пен мұқият еңбектің жатқандығы белгілі. Құқық қорғау саласындағы маңызды буындардың бірі – криминалистика қызметі. Осы салада табысты еңбек етіп жүрген мамандардың қатарында Қызылорда облысы Полиция департаментінің жедел-криминалистика басқармасының криминалисі полиция подполковнигі Жаңабай Сапарбаев бар.Криминалист мамандығы ерекше жауапкершілікті талап етеді. Оқиға орнын зерттеу, заттай дәлелдемелерді саралау, қылмыстың мән-жайын анықтау және күдіктінің тұлғасын айқындау – осы қызметтің негізгі міндеттері. Жаңабай Сапарбаев бұл міндеттерді кәсіби деңгейде атқарып қана қоймай, өнер әлеміндегі талантымен де ерекшеленеді.Бала күнінен сурет салуға қызығушылық танытқан ол шығармашылық қабілетін бүгінге дейін дамытып келеді. Бос уақытында қағаз бетіне түрлі бейнелерді түсіріп, әсіресе адам портреттерін салуға ерекше мән береді. Оның айтуынша, сурет өнері ойды жинақтап, рухани тынығуға мүмкіндік береді.Көпжылдық шығармашылық тәжірибесі қызмет барысында да пайдасын тигізуде. Жаңабай куәгерлер мен жәбірленушілердің сипаттамалары негізінде арнайы бағдарламалық кешен арқылы күдіктілердің бейнесін жасап, қылмыстарды ашуға өз үлесін қосып келеді. Оның пікірінше, криминалист маман үшін кәсіби біліммен қатар есте сақтау қабілеті, байқағыштық, аналитикалық ойлау және шыдамдылық аса маңызды.Өнерлі полицей шебер қолымен әдемі иллюстрациялар да салып келеді. Әдеби шығармаларға иллюстрация салу – мәтіннің мазмұнын көркем бейнеге айналдыратын шығармашылық жұмыс. Полицей-суретші мұндай жұмыста өзінің байқағыштық қабілетін, дәлдікке негізделген сурет салу шеберлігін және оқиғаны нақты бейнелеу дағдысын пайдаланады.Ол шығарманы оқи отырып, кейіпкерлердің бейнесін, оқиға орнын және негізгі көріністерді қағаз бетіне түсіреді. Әсіресе детектив жанрындағы кітаптарда тәртіп сақшысының &nbsp; иллюстрациялары ерекше рөл атқарады. Мұндай суреттер оқырманға оқиғаның желісін жақсы түсінуге көмектесіп, шығарманың әсерін күшейтеді. Кейіпкерлердің бейнесі мен оқиға сәттері көрнекі түрде берілгенде, мәтін мазмұны одан әрі жандана түседі.Полицей-суретші салған иллюстрациялар нақты және шынайы болуымен ерекшеленеді. Себебі ол кәсіби тәжірибесі арқылы адамның бет-әлпетін, қозғалысын және жағдайын дәл бере алады.1985 жылы Қызылорда облысы Шиелі ауданының Еңбекші ауылында дүниеге келген Жаңабай Сапарбаев бірнеше жоғары оқу орнында білім алып, бейнелеу өнері, сәулет және құқық қорғау қызметі бағыттары бойынша маманданған. Құқық қорғау органдарындағы еңбек жолын 2012 жылы бастап, бүгінде тәжірибелі криминалист ретінде абыройлы қызмет атқарып келеді.<img src="https://knadmin.beoblood.kz/uploads/Whats_App_Image_2026_06_16_at_17_52_58_b609d83e8d.jpeg" alt="Қызылордлық криминалист.jpeg">Қызметтік міндетін адал орындап жүрген маман түрлі марапаттарға ие болған. Сонымен қатар ол – өнегелі отбасының отағасы. Жұбайымен бірге төрт қыз бен бір ұл тәрбиелеп отыр. Әкесінің шығармашылық жолын үлкен қызы Балауса жалғастырып, сурет салу бағытында жетістіктерге жетуде.<blockquote>«Полиция қызметкері үшін ең басты құндылық – адалдық пен жауапкершілік. Халық сенімін ақтап, ел игілігі үшін қызмет ету – менің басты мақсатым», – дейді Жаңабай Сапарбаев.</blockquote>Өнер мен қызметті қатар алып жүрген осындай білікті мамандардың еңбегі құқық қорғау органдарының беделін арттырып, жас буынға үлгі болары сөзсіз.

Иллюстрация арқылы шындықты бейнелейтін қызылордалық криминалист

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтің төрағалығымен өткен Үкімет отырысында теміржол саласы мен инфрақұрылымын дамыту мәселесі қаралды. Оған облыс әкімі Мұрат Ергешбаев селекторлық режим арқылы қатысты. Үкімет отырысынан кейінгі мәжілісте мәселелер жан-жақты талқыланды.Аймақ басшысы теміржол вокзалдарын коммуналдық меншікке қабылдауды заңнама талаптарына сәйкес уақытылы аяқтауды тапсырды.<blockquote>– Теміржол вокзалдарының сыртқы келбеті ғана емес, жолаушыларға қызмет көрсетуі де жаңа сапаға көшуі тиіс. Қала, аудан әкімдіктерімен бірлесіп, вокзалдар аумағының абаттандырылуын, көгалдандырылуын, санитарлық тазалығын күнделікті қамтамасыз етіңіздер, – деді Мұрат Нәлқожаұлы.</blockquote>Облыс аумағынан 1051 шақырым теміржол желісі өтеді. Оның 83,4 шақырымын күрделі жөндеу басталды. Бүгінгі күнге дейін 50,4 шақырымы жөндеуден өткен, қалған 33 шақырымы жыл соңына дейін бітеді. Сексеуіл станциясында 18,7 шақырым теміржол салынып, 77 жиынтық бағыттамалы бұрма орнатылуда.Қызылорда облысынан 15 жұп, облыс орталығынан Астана, Петропавл, Павлодар, Көкшетау, Семей, Түркістан қалаларына 6 жұп жолаушы пойызы қатынайды.Осыдан екі жыл бұрын Қызылорда қаласындағы теміржол вокзалы күрделі жөнделіп, іргелес аумағы абаттандырылды. Бүгінде өңірдегі &nbsp;7, атап айтқанда Жаңақорған, Шиелі, Жосалы, Төретам, Қазалы, Арал теңізі, Сексеуіл вокзалдарында, Тереңөзек пен Жалағаштағы қызмет көрсету пункттерінде, Жаңақорған ауданы Талап бекетіндегі жолаушылар платформасында күрделі жөндеу және қайта жаңғырту жұмыстары жүргізілуде. Қазалы, Шиелі, Жаңақорған вокзалдары мен Талап бекетінде құрылыс-монтаждау жұмыстары аяқталды.Сондай-ақ мәжілісте жауапты басшыларға бір апта ішінде өндірістің жаңа бағыттарын дамыту және іске қосуға қатысты нақты ұсыныстар әзірлеу міндеттелді. Негізгі әлеуметтік-экономикалық көрсеткіштердің оң динамикасы сақталуы тиіс.Конго-Қырым геморрагиялық қызбасына қарсы күзгі залалсыздандыру жұмыстарын сапалы әрі бекітілген кестеге сәйкес жүргізу мәселесі де талқыланды.Облыс әкімі кенеге қарсы өңдеу шараларын ветеринариялық талаптарға сай ұйымдастырып, орындалуын қатаң бақылауды тапсырды. Аурудың алдын алудың және алғашқы белгілері байқалған бойда медициналық көмекке жүгінудің маңызы туралы ақпараттық-түсіндіру жұмыстары жүйелі жүргізілуі қажет.

Теміржол саласы мен инфрақұрылымын дамыту мәселесі қаралды

<a href="https://kyzylorda-news.kz/">Kyzylorda-news.kz</a> Қызылорда қаласы полиция басқармасының патрульдік полиция батальонының қызметкерлері күшейтілген режимде қызмет атқарады.<blockquote>– Жол қозғалысы қауіпсіздігі және жол-көлік оқиғаларының алдын алу үшін рейдтер барысында бір апта ішінде мас күйінде көлік құралдарын басқарған 10 жүргізуші анықталды. Құқық бұзушыларға қатысты Қазақстан Республикасы Әкімшілік құқық бұзушылық туралы Кодексінің 608 – бабына сәйкес тиісті әкімшілік ықпал ету шаралары қабылданды, - делінген полиция хабарламасында.</blockquote>Тәртіп сақшылары алкогольдік ішімдіктерді ішкеннен кейін көлік құралын басқару сіздің өміріңізге және денсаулығыңызға ғана емес, сонымен қатар басқа жол қозғалысына қатысушылардың қауіпсіздігіне де қауіп төндіретінін еске салады.<blockquote>– Сіздерді жол қозғалысы ережелерін қатаң сақтауға, жауапкершілік танытуға және мас күйінде көлік жүргізбеуге шақырамыз. Жолдардағы қауіпсіздік әрқайсымызға байланысты, - деп қосты ведомство.</blockquote>Сурет: &nbsp;freepik.com

Қызылордалық полицейлер мас күйде көлік жүргізген жүргізушілерді анықтады

<a href="https://kyzylorda-news.kz/">Kyzylorda-news.kz</a> Қазақстанда пойыз билеттерінің қымбаттауы инфляция деңгейі мен жыл сайынғы индексация тетігіне байланысты. Бұл туралы Үкіметтегі брифингте «Қазақстан темір жолы» ұлттық компаниясының өкілі мәлім етті, – деп хабарлайды <a href="https://kaz.inform.kz/news/ktzh-poyiz-biletter-bagasinin-ozgeru-sebebn-tusndrd-43bd8f00">Қазақпарат.</a>«ҚТЖ» басқарма төрағасының орынбасары Әнуар Ахметжановтың айтуынша, биыл пойыз билеттерінің бағасы 7 пайызға өскен. Ал өткен жылғы инфляция 12 пайыздан асқан.<blockquote>— Биыл 1 сәуірден бастап билет бағасына 7 пайыздық индексация жүргізілді. Өткен жылғы инфляция 12 пайыздан жоғары болды. Демек, бұл өсім инфляция қарқынын толық өтеп отырған жоқ, — деді ол.</blockquote>ҚТЖ өкілдері билет бағасы жыл ішінде өзгермейтінін атап өтті. Тариф маусымға да, тәуліктің уақытына да байланысты өзгермейді. Баға тек Көлік министрлігімен келісілген тәртіп бойынша жылына бір рет индексация арқылы жаңартылады.Сондай-ақ компания өкілдері пойыз бен ұшақ билеттерін тікелей салыстыруға болмайтынын айтты. Себебі әуе тасымалында сұранысқа қарай өзгеріп отыратын икемді баға жүйесі қолданылады.<blockquote>— Әуе билеттерінің құны сұраныс пен ұсынысқа қарай құбылып отырады. Кей кезеңдерде 70–100 мың теңгеге дейін жетуі мүмкін. Ал теміржол билеттері жыл бойы бір деңгейде сақталады, — деді Әнуар Ахметжанов.</blockquote>Фото ҚТЖ

ҚТЖ пойыз билеттері бағасының өзгеру себебін түсіндірді

<a href="https://kyzylorda-news.kz/">Kyzylorda-news.kz</a> Қазалы мәдени-демалыс кешені бүгінде аудан тұрғындары мен қонақтарының ең көп жиналатын әрі сүйікті демалыс орындарының біріне айналған. Заманауи талаптарға сай жабдықталған кешенде тұрғындардың жайлы демалуына барлық жағдай жасалған. Мұнда балаларға арналған ойын алаңдары, серуендеу жолақтары, демалыс орындары мен түрлі мәдени-көпшілік шаралар өткізуге арналған нысандар орналасқан. Күн сайын кешенге 3 мыңнан астам адам келіп, бос уақытын тиімді өткізіп, отбасымен және жақындарымен демалады.Осыған байланысты кешен аумағының тазалығы мен көркеюін қамтамасыз ету, санитарлық жағдайын тұрақты бақылауда ұстау маңызды міндеттердің бірі болып саналады. Мемлекет басшысының бастамасымен қолға алынған «Таза Қазақстан» республикалық экологиялық акция аясында Қазалы мәдени-демалыс кешенінде кең көлемді тазалық және абаттандыру жұмыстары жүргізілді.Қазіргі таңда кешен аумағында шөп шабу жұмыстары жүйелі түрде атқарылып, жасыл желектер мен гүлзарлардың күтімі жүргізілуде. Сонымен қатар, аяқсу арықтары тазартылып, судың кедергісіз ағуына жағдай жасалды. Бұл жұмыстар аумақтың санитарлық жағдайын жақсартып қана қоймай, көгалдандыру жүйесінің тиімді жұмыс істеуіне де оң әсерін тигізеді.Тазалық жұмыстары барысында жиналған тұрмыстық қалдықтар мен қоқыстар арнайы техникалардың көмегімен шығарылып, кешен аумағы толықтай ретке келтірілуде. Демалушылардың қауіпсіздігі мен қолайлы жағдайын қамтамасыз ету мақсатында серуендеу жолдары, орындықтар және басқа да инфрақұрылым нысандарының айналасы тазартылып, жалпы эстетикалық келбеті жақсартылуда.Аталған шараларға «Жасыл ел» жастар жасағының мүшелері де белсенді қатысуда. Жас сарбаздар қоршаған ортаны қорғау мен табиғатты аялау бағытындағы жұмыстарға атсалысып, тазалық мәдениетін қалыптастыруға өз үлестерін қосып келеді. Олардың белсенділігі жастар арасында экологиялық жауапкершілікті арттыруға және туған жердің тазалығына деген жанашырлықты нығайтуға ықпал етуде.«Таза Қазақстан» акциясы аясында ұйымдастырылып жатқан мұндай шаралар тұрғындардың қоршаған ортаға деген жауапкершілігін арттырып, қоғамдық орындардың тазалығын сақтауға бағытталған маңызды бастамалардың бірі болып табылады. Бұл жұмыстар алдағы уақытта да тұрақты түрде жалғасып, аудан аумағын көркейтуге және тұрғындарға қолайлы орта қалыптастыруға өз септігін тигізетін болады.Айта кетейік, Қазалы мәдени-демалыс кешенінде жүргізіліп жатқан тазалық және абаттандыру жұмыстары – ауданның экологиялық ахуалын жақсартуға, қоғамдық орындардың тазалығын сақтауға және тұрғындарға жайлы демалыс ортасын қалыптастыруда маңызды рөл атқарады. «Таза Қазақстан» акциясы аясындағы жұмыстардың жүйелі түрде жүзеге асырылуы қоршаған ортаның тазалығын қамтамасыз етіп қана қоймай, тұрғындардың экологиялық мәдениетін арттыруға және туған жердің көркеюіне үлес қосуға мүмкіндік береді.<img src="https://knadmin.beoblood.kz/uploads/azaly_Taza_aza_stan_tazartu_zh_mystary_2_db9a972376.jpg" alt="Қазалы Таза Қазақстан тазарту жұмыстары 2.jpg">

 Қазалыда экологиялық акция аясында тазалық жұмыстары жүргізілді

<a href="https://kyzylorda-news.kz/">Kyzylorda-news.kz</a> Қазақстандағы пойыздарда интернет қашан толыққанды іске қосылатыны белгілі болды. Бұл туралы Үкіметте өткен брифингте «Қазақстан темір жолы» ұлттық компаниясы басқарма төрағасының орынбасары Әнуар Ахметжанов мәлімдеді, деп хабарлайды <a href="https://baq.kz/starlink-pen-oneweb-qazaqstanda-zhazdyn-sonyna-deyin-internet-ornatylady-320031196/">BAQ.KZ</a> тілшісі.Айтуынша, бұл мәселенің жолаушылар үшін маңызды екенін жақсы түсінетінін жеткізді.<blockquote>Бұл өте өзекті мәселе. Қазіргі заманда интернетсіз өмірді елестету қиын. Егер ҚТЖ жаңалықтарын бақылап жүрсеңіздер, өткен жылы біз төмен орбиталы спутниктік жүйелерді пайдалана отырып екі ірі пилоттық жобаны жүзеге асырдық. OneWeb және Starlink жүйелерін қолдандық. Әрине, алдымен олардың қажетті деңгейде қызмет көрсете алатынын техникалық тұрғыдан тексеруіміз керек болды. Бұл қызметтер Астана – Маңғыстау және Астана – Шымкент бағыттарындағы пойыздарда сынақтан өтті. Нәтижесінде пойыздарда интернет қызметін ұсынуға болатыны дәлелденді. Қазір біз жолаушылар пойыздарын интернетпен қамтамасыз ету бойынша ауқымды жұмысты бастап жатырмыз. Мен ұлттық тасымалдаушының жолаушылар пойыздары туралы айтып отырмын, – деді Әнуар Ахметжанов.</blockquote>Оның айтуынша, бүгінде «Нұрлы жол» – Семей бағыты толықтай интернетпен қамтамасыз етілген.<blockquote>Қазір Алматы – Павлодар (31 және 32-пойыздар), Павлодар – Түркістан (45 және 46-пойыздар), «Нұрлы жол» – Атырау (47 және 48-пойыздар) бағыттарында және тағы бірнеше пойызда терминалдарды орнату жұмыстары жүріп жатыр. Біз ең алдымен жолаушысы көп бағыттарды таңдап отырмыз. Осылайша көпшілік интернеттің мүмкіндігін пайдаланып, оның сапасын бағалай алады. Жоспарымыз бойынша жаздың соңына дейін негізгі бағыттардың барлығын спутниктік интернетпен қамтуды көздеп отырмыз, – деп атап өтті компания басшысының орынбасары.</blockquote>Фото: КТЖ

Қазақстан пойыздарына интернет орнатылады

<a href="https://kyzylorda-news.kz/">Kyzylorda-news.kz</a> Жалағаш ауданының әкімі Ардақ Ибраимов жұмыс сапарымен Есет батыр ауылына барып, елді мекендегі ауызсу желілерін қайта жаңғырту жұмыстарының екінші кезеңінде атқарылып жатқан жұмыстардың барысымен танысты. Сапар барысында аудан басшысы құрылыс нысандарын аралап, жүзеге асырылып жатқан жобалардың орындалу деңгейін бақылап, жауапты мамандармен пікір алмасты.Қазіргі таңда Есет батыр ауылында тұрғындарды сапалы әрі үздіксіз ауызсумен қамтамасыз ету мақсатында ауқымды жұмыстар жүргізілуде. Атап айтқанда, ауызсу жүйесін кеңейту және қайта жаңғырту жобасы іске асырылуда. Бұл жоба елді мекен тұрғындарының тұрмыс сапасын жақсартуға, инженерлік инфрақұрылымды жаңартуға және халықтың таза ауызсуға деген қажеттілігін толық қамтамасыз етуге бағытталған. Жобаны мердігер мекеме – «Бақ Береке-2030» жауапкершілігі шектеулі серіктестігі жүзеге асыруда.Жалағаш ауданының әкімі құрылыс жұмыстарының қарқыны мен сапасына ерекше назар аударып, мердігер мекеме өкілдеріне барлық жұмыстарды белгіленген мерзімде аяқтап, жоғары сапада орындау қажеттігін қатаң тапсырды. Сонымен қатар, құрылыс барысында техникалық талаптар мен қауіпсіздік нормаларының толық сақталуы маңызды екенін атап өтті. Жауапты сала басшыларына жұмыстардың орындалуын тұрақты бақылауда ұстап, туындауы мүмкін мәселелерді жедел шешу жөнінде нақты міндеттер жүктелді.Сапар аясында аудан басшысы ауылішілік аяқсу жүйесінің де жай-күйімен танысты. Егін және бау-бақша шаруашылығымен айналысатын тұрғындар үшін аяқсудың маңызы зор екенін атап өткен аудан әкімі су арналарының тиімді жұмыс істеуі мен судың уақытылы жеткізілуін қамтамасыз ету мәселелеріне тоқталды. Осы бағытта ауылдық округ әкімі мен жауапты мекеме өкілдеріне аяқсу жүйесін ретке келтіру, арналарды тазалау және су тарату жұмыстарын үйлестіру бойынша тапсырмалар берілді.Мемлекет басшысының халықты сапалы ауызсумен қамтамасыз ету жөніндегі тапсырмаларын орындау аясында ауданда инженерлік инфрақұрылымды жаңғырту жұмыстары кезең-кезеңімен жүзеге асырылып келеді. Бұл бағыттағы жобалар тұрғындардың өмір сүру сапасын арттыруға, ауылдық елді мекендердің дамуына және әлеуметтік жағдайдың жақсаруына оң әсерін тигізуде.Жоғарыда айтылғандай, Есет батыр ауылында жүргізіліп жатқан ауызсу жүйесін қайта жаңғырту және аяқсу инфрақұрылымын жақсарту жұмыстары тұрғындардың әл-ауқатын арттыруға бағытталған маңызды жобалардың бірі болып табылады. Аудан әкімдігі тарапынан атқарылып жатқан жұмыстардың сапасы мен мерзімінде орындалуына тұрақты бақылау жасалуда. Алдағы уақытта жобаның толық іске асуы ауыл тұрғындарын сапалы ауызсумен және тұрақты аяқсумен қамтамасыз етіп, елді мекеннің әлеуметтік-инженерлік әлеуетін одан әрі нығайтуға мүмкіндік береді.<img src="https://knadmin.beoblood.kz/uploads/Zhala_ash_auyzsu_aya_su_m_selesi_238c5ebd2c.jpg" alt="Жалағаш ауызсу, аяқсу мәселесі.jpg">

Тұрғындарды сапалы ауызсу және тұрақты аяқсумен қамту – басты назарда

<a href="https://kyzylorda-news.kz/">Kyzylorda-news.kz</a> Қазақстанда электр энергиясының шекті тарифтерін өзгерту жоспарланып отыр. Энергетика министрлігі әзірлеген бұйрық жобасына сәйкес, 2026 жылдың 1 шілдесінен бастап 60 энергия өндіруші ұйым үшін жаңа тарифтер енгізілуі мүмкін. Бұл туралы <a href="https://stan.kz/qazaqstanda-elektr-energiiasynyn-tarifteri-1-sildeden-bastap-qaita-qar-435873/">Stan.kz </a>ақпарат агенттігі хабарлайды.Қазақстанның энергетика министрлігі электр энергиясының шекті тарифтерін бекіту туралы бұйрыққа өзгерістер енгізуді ұсынды.Ведомствоның мәліметінше, тарифтерді қайта қарау елдегі энергиямен жабдықтаудың тұрақтылығын қамтамасыз ету және генерациялайтын қуаттарды кезең-кезеңімен жаңғырту мақсатында жүзеге асырылады.Құжатта 60 энергия өндіруші ұйым үшін шекті тарифтерді түзету қарастырылған. Министрлік бұл шешім жөндеу жұмыстарын уақытылы жүргізуге, сондай-ақ жабдықтардың сенімділігін арттыру мен жаңарту бағдарламаларын іске асыруға қажет қаржылық жағдай жасауға бағытталғанын атап өтті.Жаңартылған тарифтерді 2026 жылдың 1 шілдесінен бастап енгізу жоспарланған. Бұйрық жобасы 30 маусымға дейін қоғамдық талқылауда болады.Фото: freepik.com

Электр энергиясының тарифі шілдеден бастап қайта қаралмақ

<a href="https://kyzylorda-news.kz/">Kyzylorda-news.kz</a> &nbsp;Қытайдың Гуйян қаласында өтіп жатқан әлем кубогының екінші күні, 16 маусымда қазақстандық Тимур Нұрсейітов (75 келі) жарысты жалғастыруға мүмкіндік <a href="https://kaz.inform.kz/news/kazakstandik-boksshi-timur-nurseytov-alem-kuboginin-shirek-finalina-shikti-c39178a1">алды.</a>Отандасымыз 1/8 финалда Ирландия спортшысы Тадхг Одонеллмен шеберлік байқасты.Қос боксшы да бір-бірінің шабуылын күтіп, айқас 3 раунд бойы аңдысумен өтті. Нәтижесінде төрешілер 3:2 есебімен жеңісті отандасымызға берді.Айта кетсек, бұдан бұрын Санатәлі Төлтаев (65 келі) жарысты жалғастыруға мүмкіндік алды .Отандасымыз 1/16 финалда әзербайжандық Малик Хасановты қапы қалдырды.Енді ел құрамасынан тағы 4 боксшы шаршы алаңға шығады. Олардың қатарында Тимур Қабдешов (55 келі), Назым Қызайбай (54 келі, Лаура Есенкелді (70 келі), Нұрбек Оралбай (90 келі) бар.Еске салсақ, 15 маусымда әлем кубогы екінші кезеңінде ел құрамасынан Сабыржан Аққалықов (80 келі), Нұрбек Оралбай (90 келі), Серік Теміржанов (60 келі), Айбек Оралбай (90 келіден жоғары), Дина Исламбекова (80 келіден жоғары) жарысты жалғастыруға мүмкіндік алды.Өкінішке қарай ел құрамасынан Наталья Богданова (75 келі) қарсыласына есе жіберіп, жарыс жолынан шығып қалды.Фото: Қазақстан бокс федерациясы

Қазақстан және Қызылорда облысының жаңалықтары