<a href="https://kyzylorda-news.kz/">Kyzylorda-news.kz</a>. Өткен жылдың қорытындысымен облыстық білім басқармасы тарапынан жалпы білім беретін орта мектептердің рейтингі шығарылған. Бұл туралы облыстық білім басқармасының басшысы Асқарбек Есжанов мәлімдеді.<blockquote>«Білім ұйымдарының рейтингін шығару барысында білім беру сапасы, ҰБТ-ның қорытындысы, оқушылардың олимпиада мен ғылыми жоба, спорттық сайыстарда жеткен жетістіктері, балалардың жасөспірімдер арасындағы құқық бұзушылықтардың, қылмыстың тіркелуі, педагогтардың кәсіби білімін байқайтын байқаулардағы жетістіктері назарға алынды. Қорытындысымен облыс көлемінде санаулы мектептердің жұмысы жолға қойылған. Басым бөлігінде жүйелі жұмыс жоқ екенін көрсетті. Рейтинг нәтижесінде 81 мектепте соңғы үш жыл көлемінде оқушыларының да мұғалімдерінің де облыс деңгейінде бірде-бір нәтиже көрсетпегені анықталды. Оның ішінде 7 мектепте оң нәтиже көрсетпегенімен қоймай теріс бағыттағы жағдайлар орын алған», - деді Асқарбек Темірбекұлы.&nbsp;</blockquote>Басқарма басшысының айтуынша жалпы орта білім беретін мектептердің 58-і лицей, гимназиялар. Оның ішінде рейтингтегі орта деңгейлі 29, төмен дейгейде 4 лицей-гимназия бар. Мемлекет тарапынан барлық білім беру ұйымдарына теңдей мүмкіндіктің жасалып жатқанын ескерсек нәтиже көрсетпеген мектеп басшыларының қызметіне бағалау жұмыстары жүргізілуде.&nbsp;Фото: Нұрболат Нұржаубай &nbsp;

Мектеп рейтингі: Қызылордада 81 мектеп жыл бойы оң нәтиже көрсетпеген 

<a href="https://kyzylorda-news.kz/">Kyzylorda-news.kz</a>. Қызылорда көлік прокуратурасы «Инфракос» шаруашылық жүргізу құқығындағы республикалық мемлекеттік кәсіпорнының мемлекеттік сатып алу кезінде бөлінген мемлекеттік қаражатқа немқұрайлы қарағанын анықтады деп хабарлайды &nbsp;KAZINFORM&nbsp;«KazakhinTrade» ЖШС РМК-дан монтаждалған жерүсті кабель желісін бөлшектеу кезінде пайда болатын кабель өнімінің қалдығы&nbsp;— қорғасын қабығын сатып алған.Алайда сатып алушы сатушының шотына шарт бойынша белгіленген мерзімде толық төлем жасамаған.&nbsp;Ал&nbsp;РМК өз тарапынан заңмен көзделген тәртіппен төленбеген қаражатты өндіруге бағытталған шараларды қабылдамаған. Осымен шектелмей жосықсыз сатып алушымен қосымша шартқа отырып, оған құқыққа қайшы артықшылық білдірген.Аталған келісімшарт прокуратурамен уәкілетті мемлекеттік органға қадағалау актісі енгізілгеннен кейін біржақты бұзылды.Сот шешімімен «KazakhinTrade» ЖШС-нен 80&nbsp;млн теңгеге жуық өсімпұл сомасы толығымен өндірілді.РМК басшысы жеке және заңды тұлғаларға шешім дайындау және қабылдау кезінде заңда көзделмеген артықшылық көрсеткені үшін «қызметіне толық сәйкес еместігі туралы ескерту» түріндегі тәртіптік жауапқа тартылды (мемлекеттік қызметке кір келтiретін тәртіптік теріс қылық үшін), 7 қызметкерке «сөгіс» жарияланды.Фото: Нұрболат Нұржаубай

Қызылордада кәсіпорынның немқұрайлығынан мердігер 80 млн теңгені иемденіп кеткен

<a href="https://kyzylorda-news.kz/">Kyzylorda-news.kz</a>. Attention сайты кешкі асқа жеуге болмайтын тағамдарды атады, деп хабарлайды El.kzақпарат агенттігі.Мақала авторы кешке қандай азық-түлік пен тағамдарды жеуге болмайтынын жазды.Маманның айтуынша, кешкі асқа ет жеуге мүлде болмайды. Еттің қорытылуына бірнеше сағат қажет болғандықтан, сиыр немесе шошқа етінен жасалған тағамдардан бас тартқан дұрыс.Тәттілер мен кондитерлік өнімдерді тұтынбаңыз. Мұндай тағамдарда калория тым жоғары.<blockquote>Бізге кешке көп энергия қажет емес, сондықтан кешкі ас жеңіл болуы керек. Кешкі асты сүзбе, майсыз ірімшік, құс еті немесе теңіз өнімдерін жеуге болады, — деп атап өтті дәрігер.</blockquote>Ол артық салмақпен күресу жағдайында картоп пен макароннан бас тартқан жөн деп қосты. Себебі бұл тағамдар салмақ жоғалту процесін әлдеқайда қиындатады. Маринадталған қияр да дәл солай.Фото: редакцияныкі

Кешкі асқа жеуге болмайтын тағам түрлері

<a href="https://kyzylorda-news.kz/">Kyzylorda-news.kz</a>. Желіде белгісіз ер адамның төрт баланың қолын байлап, ұрып-соққан видеосы тарады, деп хабарлайды EL.kz ақпарат агенттігі.Оқиға Алматы облысы Жамбыл ауданында тіркелген. Бейнежазбада балаларды пышақпен қорқытып жатқаны анық көрінеді. Алматы облыстық&nbsp;полиция департаментінің бастығы Бауыржан Әленов кәмелетке толмағандарға шабуыл жасаған әрекет туралы арыз бойынша сотқа дейінгі тергеу амалдары басталғанын хабарлады.<blockquote>Күдікті&nbsp;анықталып, оған қатысты ұстау шаралары&nbsp;жүргізіліп жатыр. Аталған дерек бойынша облыстың барлық аудандық бөлімшелері мен өңірлік полиция органдары бағдарланды. Басқа ақпарат қосымша беріледі, –&nbsp;деді ол.</blockquote>Полиция басқармасының бастығы қылмыстық істі өз бақылауына алғанын айтты.Фото: Нұрболат Нұржаубай

Белгісіз ер адам төрт баланың қолын байлап, азаптаған видеосы тарады

<a href="https://kyzylorda-news.kz/">Kyzylorda-news.kz</a>. "Қазгидромет" РМК синоптиктері &nbsp;16 ақпанда қолайсыз ауа райына байланысты ескерту жасады.Қызылорда облысында жел солтүстік-шығыстан соғады, күші 15-20, күндіз облыстың шығысында екпіні 23 м/с күтіледі.&nbsp;Фото: Нұрболат Нұржаубай

Жұмаға арналған ауа райы болжамы

<a href="https://kyzylorda-news.kz/">Kyzylorda-news.kz</a> Қызылорда қаласы бойынша ауа-райының қолайсыздығына байланысты 2024 жылғы 16 ақпан күні, яғни ертең 0-4 сыныптар аралығындағы оқушылар қашықтықтан оқытылатынын хабарлаймыз.Айта кетейік, қаладағы 57 мектеп пен жеке мектептердің бастауыш сыныптары сабақты қашықтан оқитын болады.Фото: Нұрболат Нұржаубай

16 ақпан күні оқушылар қашықтан оқиды

<a href="https://kyzylorda-news.kz/">Kyzylorda-news.kz</a>. Қазіргі таңда, қабырғалы принтер ел арасында сұранысқа ие. Оның көмегімен фотосуреттерді, сызбаларды, плакаттарды және басқа кескіндерді тікелей қабырғаға басып шығара алады. Принтердің бұл түрі әдетте үйлерде, кеңселерде, дүкендерде және т.т. жерлерде интерьерді безендіру үшін қолданылады. Қабырғалық принтердің жұмыс істеу принципі - ол бояуды қабырға бетіне арнайы аппликатор немесе саптама арқылы жағады. Қызылордалық кәсіпкер Айжан Бейсенова қабырғалы принтер жобасы арқылы 5 миллион теңге көлеміндегі қайтарымсыз гранттың иегері атанған. Оның айтуынша, бұл жоба алдыңғы кәсіптерінен туындаған мәселелерден шыққан идея екен. Ол «Даму бала» бағдарламасы арқылы оқу орталығын ашқан. Бүгінде мұнда 200 жуық бала білімін жетілдіруде. Сондай-ақ, Тасбөгет кентінде қосымша білім беру орталығын жүргізіп отыр. Осы екі кәсіпті дөңгелеп отырған Айжан Бейсенова орталықтарын ерекше безендіру үшін Астана қаласындағы қабырғалы принтермен айналысатын LC Wall Print компаниясының франшизасын сатып алған. Басында жай ғана көрнекілік үшін басталған дүние қазір кәсіпке айналыпты.- Қабырғалы принтер жобаңыз жайлы айтып өтсеңіз.- Жаба дизайнерлік қызмет саласында ел дамуына үлесін қосады. Оның үстіне, біздің өңірде мұндай жоба болмаған. Қазіргі таңда, әлемде қабырғалы принтер сұранысқа ие. Бар жұмысты робот атқаратын болған соң, оны жасау жеңіл және қолжетімді. Яғни бұл жоба қабырғаға ерекше суреттерді жылдам салумен ерекшеленеді. Мәселен, 1 шаршы метр суретті 20 минутта салып береді. Ал, адам оны бірнеше күн салады және оны кептіреді. Егер сіздің қалауыңыз, кішкентай детальдармен әрленген сурет болса, кез келген суретшінің қолынан келе бермейтіні белгілі. Жалпы, қабырғалы принтердің қызметі барлық тегіс қабырғаларға ультра күлгін бояғышпен сканерлеу арқылы салады. Адам ағзасына зиян емес. Бұрын-соңды қабырғаларды әктейтін едік қой. Оның қалдықтары жерді ластаса, ал қабырғалы принтерде ештеңені артынан жинаудың қажеттілігі жоқ.- Бұл жобаны жасаудағы мақсатыңыз қандай?- Әрине, осы кәсіпті облысқа әкеліп, оны дамыту. Дизайнерлік саланы жаңашыландыру. Біз өз орталығымызды қалай әдемілесек болады деп ойландық қой. Дәл солай, кәсіпкерлердің орталықтарына мектептеріне, балабақшаларына көмектесу.<img src="https://knadmin.beoblood.kz/uploads/NA_Sh_I_RABOTY_page_0003_89ea97169a.jpg" alt="НАШИ РАБОТЫ_page-0003.jpg">- Жоба несімен ерекшеленеді?- Біздің жобаның ең ерекшелігі - робот. Соның көмегімен оперативті жұмыс істей аламыз. Тапсырыс берушінің де уақытын алмаймыз. Сонымен қатар, экологиялық таза өнім.- Мемлекеттен тапқан қолдауыңыз көмектесті ме? - Елімізден үлкен қолдау таптым. Мен 4-5 жылдық тәжірибесі бар кәсіпкер емеспін. Жаңадан бастап келе жатқан жас кәсіпкермін. Мемлекеттен 5 миллиондық қайтарымсыз грантты жеңіп алдым. Кәсіп бастағысы келетіндерге айтарым, ешбір қаңқу сөздерге сенбеңіздер. Егер сіз бірнәрсені бастағыңыз келсе және оны қалай бастауды білсеңіз еліміз қолдау көрсетеді.<img src="https://knadmin.beoblood.kz/uploads/NA_Sh_I_RABOTY_page_0018_f579e5edaa.jpg" alt="НАШИ РАБОТЫ_page-0018.jpg">- Бұл жобаға қызылордалықтардың сұранысы қандай? - Қаламызда сұраныс өте жоғары. Тіпті үйлерге, пәтерлерге дейін сұраныс түседі. Одан бөлек, мектеп, балабақшаларға барып, қызмет көрсетудеміз. Қызылордалық тұрғындардың қызығушылықтары жоғары деп айта аламын. Қазір үш адамды жұмыспен қамтып отырмын. Оның екеуі тасымалдау қызметінде. Тапсырыс түскен жерге барып, техникалық құралдарды құрастырып жүреді. Және дизайнерлік қызметті ұсынамыз. Тұтынушының қалауына қарай, дизайндар таңдап жібереміз.- Алдағы уақыттағы жоспарларыңызбен бөліссеңіз. - Осы кәсіпті бір жыл көлемінде дамыту. Адамдардың өмірін жеңілдету, қызмет түрін жылдамдату мақсатындағы жобаларды жасау. Мемлекеттік бағдарламалардың көмегімен мықты кәсіпкер болуға болатынын дәлелдеу. Яки қазақстандықтардың кәсіп бастауына себепкер болу.- Сұхбатыңызға рақмет!Сұхбаттасқан Азамат Абимолда&nbsp;

Қызылордада қабырғалы принтер кәсібі жандануда

<a href="https://kyzylorda-news.kz/">Kyzylorda-news.kz</a>. Бүгін облыс әкімі Нұрлыбек Нәлібаев өңірге жұмыс сапарымен келген Төтенше жағдайлар министрі Шыңғыс Әріновпен бірге «Қызылорда су торабына» барып, Сырдария өзеніндегі су деңгейін бақылады.Еске салсақ, өткен жылдың соңына таман, яғни желтоқсан айының 9-11 аралығында күр жүріп, Сырдария өзенінде мұз ұстасу басталды. Бүгінгі күні облыс аумағына секундына 180 текше метр су түсуде, өткен жылдың есепті кезеңінде 551 текше метр су келген.Арал, Қазалы, Қармақшы, Жалағаш, Сырдария аудандары мен Қызылорда қаласы маңында мұз толықтай ұстасқан. Шиелі ауданының Жөлек елді мекені тұсында мұз ұстасуда. Жаңақорған ауданы аумағында өзен беті мұздан таза. Қазір су басу қаупі бар аумақтар жеткілікті күштері мен құралдары бар мекемелерге бекітілген, 364 арнайы техника және 1 102 адам дайын. Су тасқынына қарсы материалдық-техникалық қор қажетті көлемде жасақталған, оның ішінде 117,9 тонна жанармай (бензин – 48,9 тонна, дизель – 69 тонна), 139 902 дана қап және басқа да материалдар жеткізілді. Тасқын қаупі туындаса, халықты көшіру пункттері дайын. Облыс аумағында 59 эвакуациялық жинақтау және 69 эвакуациялық қабылдау пункті бар. Жергілікті атқарушы органдар және су шаруашылығы мамандары тәулік бойы кезекшілік ұйымдастырған.Төтенше жағдайлар министрі Қызылорда облысында қауіпсіздік шаралары барлық талапқа сай үйлестірілгенін атап өтті.Айта кетейік, Сыр өңіріне сапары барысында ведомство басшысы жергілікті өрт сөндіру бөлімдерін аралап, Төтенше жағдайлар министрлігі аумақтық бөлімшелерін материалдық-техникалық жарақтандыру барысымен танысты. «2021-2023 жылдарға арналған ҚР ТЖМ аумақтық бөлімшелері мен ведомстволық бағынысты мемлекеттік мекемелерін материалдық-техникалық жарақтандыру туралы» жол картасы аясында облыстық төтенше жағдайлар департаментіне 2021-2023 жылдар аралығында облыс бюджетінен 664,5 млн. теңге қаржы бөлінді. Оған 74 материалдық-техникалық құрал- жабдық, оның ішінде 1 «АЦ-5-40» өрт сөндіру автоцистернасы, 3 жеңіл жедел автомобиль, 4 сегіз орынды үрмелі қайық, 5 тасымалданатын мотопомпа, 15 қозғалмайтын сигнализатор, 4 аспалы қайық моторы, инженерлік жабдық (авариялық-құтқару құралдарының жиынтығы) және өзге де қажетті құралдар алынды. Бұдан бөлек, жергілікті бюджет қаражаты есебінен лизингпен 14 өрт сөндіру автомобилін сатып алуға «Өнеркәсіпті дамыту қоры» акционерлік қоғамымен келісім-шарт жасалды. Соған сәйкес, өрт сөндіру техникасы алдағы сәуір айында жеткізіледі деп күтілуде.Арал ауданы Қамыстыбас көліндегі Суда құтқару станциясы санитарлық және өртке қарсы нормаларға сәйкес келмейтін балалар лагерінің ғимаратында орналасқан болатын. Ғимаратта сүңгуірлерді даярлау және тәулік бойы кезекшілік атқару үшін жағдай жасалмаған, арнайы техника мен жабдықтарды сақтауға арналған үй-жай болған жоқ. 2022 жылы жергілікті бюджеттен 54,3 млн. теңге бөлініп, құтқарушыларға арналған құрастырмалы-жиналмалы модульді үй сатып алынды.<img src="https://knadmin.beoblood.kz/uploads/417432264_694293826225198_8764413831629881028_n_9a70e98f94.jpg" alt="417432264_694293826225198_8764413831629881028_n.jpg"><img src="https://knadmin.beoblood.kz/uploads/417405655_694293719558542_204129025446916050_n_2f96d1ffd8.jpg" alt="417405655_694293719558542_204129025446916050_n.jpg">

ТЖ министрі «Қызылорда су торабының» жағдайымен танысты

<a href="https://kyzylorda-news.kz/">Kyzylorda-news.kz</a>. Қаңтар оқиғасына қатысты қамауға алынған Арман Жұмагелдиевтің (Дикий Арман) сот отырысы кезінде судьяны балағаттап, қорқытқан видеосы таралып жатыр, деп хабарлайды El.kz ақпарат агенттігі.<blockquote>Сен заң бойынша сөйле, мен өз дінім үшін өлтіремін және өзім де өлемін, – дейді видеодағы Жұмагелдиев.</blockquote>Ол кез келген адамды өлтіруден тайынбайтынын айтқан.<blockquote>Кімде-кім менің дініме қол тигізсе... Мен дінім үшін кез келген адамды өлтіремін. Менің дініме ешқашан қол тигізбе. Дінім үшін өлемін де, өлтіремін де. Мені түсінесің бе, шайтан?! – деп айғайлайды Арман Жұмагелдиев.</blockquote>Айта кетейік, «Дикий Арман» 2022 жылғы 7 қаңтарда ұсталған. Ол қаңтарда жаппай тәртіпсіздікті ұйымдастырды деп айыпталды. Бас прокуратура оны сол оқиғалар кезінде адам ұрлап, ұрып-соқты деп күдіктенгенін хабарлады. Салдарынан бір адам қайтыс болды. Алматының бұрынғы әкімі Бақытжан Сағынтаев Дикий Арманның ісіне куәгер ретінде шақырылған еді.

«Өлтіремін және өлемін». Дикий Арман судьяны қорқытты

<a href="https://kyzylorda-news.kz/">Kyzylorda-news.kz</a>.&nbsp; Бүгінде аймақта короновирус індетінің эпидемиологиялық ахуалы тұрақты деп бағаналуда. Дегенмен, халық арасында ауа арқылы берілетін инфекциялық аурулардың алдын алу мақсатында Бас мемлекеттік санитариялық дәрігерінің қаулысы қабылданды. Қаулыға сәйкес, адам көп шоғырланатын орындарда, сауда орталықтарында, қоғамдық көліктің барлық түрінде медициналық немесе матадан тігілген маскаларды пайдалануға ұсыным берілді. Ал, медициналық ұйымдарда міндетті түрде маска тағу және антисептиктердің болуы енгізілді. Бұл туралы облыстық санитариялық эпидемиологиялық бақылау департаментінің басшысы Динара Жаңабергенова мәлімдеді.<blockquote>-Ақпан айының 8-і күні еліміздің Бас мемлекеттік санитариялық дәрігерінің барлық аймақта профилактикалық шараларды күшейту туралы қаулысы енгізілді. Өздеріңіз білетіндей, қазіргі таңда еліміздің бірқатар аймақтарында атап айтқанда, Алматы, Астана, Шымкент өңірлерінде коронавирус инфекциясы бойынша эпидемиологиялық ахуал күрделеніп барады. Дегенмен, біздің облыстағы жағдай тұрақты. Жыл басынан бері коронавирус инфекциясының 37 дерегі тіркелді. Ауруға шалдыққандардың басым көпшілігі Қызылорда қаласының үлесінде болып отыр. Бұдан бөлек, күз, қыс, көктем мезгілдері жіті респираторлы вирусты инфекциялардың эпидемиологиялық маусымы болып саналады. Осыған сәйкес, облыс көлемінде ЖРВИ-дің 16 514 жағдайы есепке алынды. Ауруға шалдыққандардың 65,3 пайызы 14 жасқа дейінгі балалардың арасында таралған. Аталмыш аурудың алдын алу мақсатында биыл 84 430 доза вакцина алынып, тиісті контингенттер тұмауға қарсы екпе қабылдады, - деді Динара Олжабайқызы.</blockquote>Облыстың бас санитар дәрігері жеке бас гигиенасын сақтауды, үй-жайларда ылғалды тазалық жұмыстарын жиі жүргізуді, әлеуметтік қашықтықты сақтауды ескертіп, дәрігерлердің кеңестерін жауапкершілікпен орындауға шақырды.Фото: өңірлік коммуникациялар қызметі&nbsp;

COVID-19: Қызылордада эпидемиологиялық ахуал қандай?

<a href="https://kyzylorda-news.kz/">Kyzylorda-news.kz</a>. Елімізде ауыл мұғалімдерінің жалақысы мен тарифтік ставкалары қалалық мұғалімдердің ставкаларымен салыстырғанда жиырма бес пайызға көтерілді. Депутат Қарақат Әбденнің айтуынша, бұл заң жобасынан тыс қалған мәселе бар, деп хабарлайды El.kz&nbsp;ақпарат агенттігі.Мәжіліс депутаты өз сауалында мәртебесі «қала» немесе «кент» мәртебесіне ие болған елді мекен мұғалімдерінің жағдайына тоқталды.<blockquote>Тұрғылықты халық саны орташа ауылдан аз болса да, мәртебесі «қала» немесе «кент» статусына ие болған елді мекен мұғалімдерінің жағдайы заңнамадан тыс қалған. Барлық критерий жағынан ауылдық елді мекендерге жататын кенттер мен шағын қалалардағы мұғалімдер заңда белгіленген 25 пайыздық қосымша төлем – «ауылдық коэфициентке» қол жеткізе алмай отыр. Яғни олар тұратын елді мекеннің әкімшілік мәртебесі қағаз жүзінде «қала» немесе «кент» болғанымен, іс жүзінде ол қала да, кент те емес, кәдімгі ауыл, - деді депутат.</blockquote>Сөзіне тұздық ретінде Ұлытау облысындағы бірнеше қаладағы мектеп мұғалімдерін келтірген. Себебі жалақысын арттыру үшін ұстаздар көрші ауылдардағы мектепке барып сабақ беретін көрінеді.<blockquote>Ұлытау облысы Қаражал қаласы тұрғындарының саны 8 мың адам, ал Жәйрем кентінде 9 мың халық тұрады. Осы елді мекендерден 20 шақырым жердегі «Жеңіс» ауылының мұғалімдері «ауылдық коэффициентті» алады. Ал облыс орталығы Жезқазғаннан 220 шақырым, Қарағандыдан 500 шақырым қашықта орналасқан Қаражал мен Жайрем кенттерінің мұғалімдері аталған үстемақылардан, тиісті әлеуметтік көмектен, қалалық емханаларға қаралу секілді тағы да басқа мүмкіндіктерден айырылған. Сол себепті де, мәселен, Жәйрем кентінің мұғалімдері көршілес ауылдарға жұмыс ауыстырады екен, - деді Әбден.</blockquote>Мәжілісменнің сөзіне қарағанда, «Ауыл» партиясы еліміздегі 10 мыңға адамға жетпейтін кенттер мен аудандық маңызы бар шағын қалалар бойынша мәселені мұқият зерттеген.<blockquote>Ұлттық статистика бюросының мәліметтері бойынша, елімізде халық саны 10 000 адамға жетпейтін 36 елді мекен – кенттер мен шағын қалалар есепке алынған. Ол жерде 70-тен астам жалпы білім беретін мемлекеттік мектеп бар. Өңірлердегі осындай кенттер мен қалалардың мұғалімдерін қолдау қажет деп есептейміз. Яғни шалғайдағы мектептердің барлық белгілері бар, концепцияға толықтай сәйкес келетін елді мекен мұғалімдеріне ауылдық коэффициент қолжетімді болу тиіс, - деген ұсынысын жеткізді.</blockquote>Қарақат Әбден, егер бұл ұсыныс оң шешімін тапса, кішкентай «кент», «қала» мәртебесі бар елді мекендердің әлеуметтік-экономикалық дамуына оң әсер етеді деп отыр.Сөз соңында премьер-министрдің орынбасары Тамара Дүйсеновадан әкімшілік мәртебесі «қала» не «кент» болғанына қарамастан, кәдімгі ауыл тірлігін кешіп отырған шалғайдағы елді мекен мұғалімдері үшін «ауылдық коэффициентті» енгізуді сұрады.

Қарақат Әбден «ауылдық коэфициенттен» қалыс қалған мұғалімдер мәселесін көтерді

<a href="https://kyzylorda-news.kz/">Kyzylorda-news.kz</a>. 15 ақпанда сағат 08.06-да Теміртау қаласында 2 қабатты дүкен ғимаратында газ жарылғаны туралы хабарлама келіп түсті, деп хабарлайды Kyzylorda news ақпарат агенттігі <a href="https://el.kz/temirtauda-duken-gimaratynda-gaz-zharylyp-2-adam-zardap-shekti_107509/">El.kz</a> сайтына сілтеме жасап.Дүкеннің 2 қабатты ғимаратта қирау болғаны, жанғаны анықталды. Зерттеу және барлау барысында зардап шеккендердің орналасқан жері алдын-ала анықталды. Үйінділерді бөлшектеуге кірісті.<blockquote>Сағат 08.44 үйінді астынан әйел адам шығарылды (жағдайы нақтылануда), оның сөздерінен үйінді астында ер адам бар. Үйінділерді талдау жалғасуда, - делінген ақпаратта.</blockquote>Жұмыстарға ТЖД жеке құрамынан 17 адам, 5 бірлік техника жұмылдырылды. 23 адам, оның ішінде 5 бірлік техника оқиға орнына бара жатыр.Фото: ТЖД

Қазақстан және Қызылорда облысының басты жаңалықтары