<a href="https://kyzylorda-news.kz/">Kyzylorda-news.kz</a> Конго-Қырым геморрагиялық қызбасы – аса қауіпті аурулардың бірі. Қызылорда облысы аталмыш аурудың табиғи ошағында орналасқандықтан, оған қарсы күрес шаралары тиісті деңгейде жүргізілуде. Қазіргі таңда облыста Конго-Қырым безгегіне қауіпті 115 елді мекен анықталды. Осыған сәйкес, қолайсыз деп танылған аймақтарда кенеге қарсы өңдеу шаралары екі кезең арқылы жүзеге асырылмақ. Бұл жөнінде Өңірлік коммуникациялар қызметінің ақпарат алаңында облыстық санитариялық-эпидемиологиялық бақылау департаментінің басшысы Динара Жанабергенова хабарлады.<blockquote>- Облысымызда жыл басынан бері 7 адам кене шағу дерегімен медициналық көмекке жүгінді. Қазіргі таңда олардың жағдайлары бірқалыпты, өмірлеріне төніп тұрған қауіп жоқ. Конго-Қырым геморрагиялық қызбасының алдын алу мақсатында осы жылдың ақпан айында облыс әкімінің арнайы Қаулысы қабылданған болатын. Осыған сәйкес, кенеге қарсы жұмыстардың сапасы мен тиімділігін бақылайтын арнайы жұмыс тобы құрылды. Сонымен қатар, облысымызда аталмыш аурудың өршіп кету қаупі бар 115 қолайсыз елді мекен анықталды. Атап айтқанда, Аралда – 11, Қазалы мен Қармақшыда – 16, Жалағаш пен Сырдарияда – 11, Жаңақорғанда – 18, Шиеліде – 20, Қызылорда қаласында – 12 елді мекен есепке алынды. Осы аймақтарда көктемгі кенеге қарсы өңдеу жұмыстары сәуір айының алғашқы онкүндігінде басталады деп жоспарлануда. Алғашқы болып оңтүстік аймақтар – Шиелі мен Жаңақорған аудандарында жүргізіледі, - деді Динара Олжабайқызы.</blockquote>Брифинг барысында облыстық денсаулық сақтау басқармасының басшысы Олжас Искаков Конго-Қырым геморрагиялық қызбасынан сақтану жолдарын айтып, аса қауіпті аурудың алдын алу шараларына тоқталды.<blockquote>-Тұрғындар кене шыққан жағдайда жедел түрде медициналық көмекке жүгінгені жөн. Өйткені күнді ұзартып алудың соңы қайғылы жағдайға айналуы ғажап емес. Қазіргі таңда біздің басқарма тарапынан тиісті шаралар қолға алынуда. Мәселен, науқастарға арналған қан қоры және емдеуге қажетті барлық препараттар әзірленуде, - деді Олжас Ермекұлы.</blockquote>Биыл аймақ бойынша 4928 гектар жерге кенелерге қарсы залалсыздандыру жұмыстары жүргізіледі және бұл күзгі маусымға дейін жалғасады.&nbsp;<blockquote>Бүгінде КҚГҚ-ның табиғи ошақтарында энтомологиялық зерттеу барысында 3 мыңнан астам кене жиналып, оның 372-не сынама алынды. Нәтижесінде 4 сынамадан оң нәтиже анықталып, жұқпалығы-1,1 пайыз екендігі анықталды, - деді «Ұлттық сараптама» орталығы облыстық филиалының басшысы Фарида Қалиева.</blockquote>&nbsp;Фото: Нұрболат Нұржаубай

Кенеге қарсы залалсыздандыру жұмыстары басталды

<a href="https://kyzylorda-news.kz/">Kyzylorda-news.kz</a> Мемлекет басшысының айтуынша, бүгінде Қазақстан мен Қытай қарым-қатынасы тиімді серіктестіктің үлгісі саналады. Еліміз Қытайдың Орталық Азиядағы негізгі сауда-экономикалық серіктесіне айналды. Бұл туралы Ақорданың баспасөз қызметіне сілтеме жасай отырып El.kz ақпарат агенттігі хабарлайды.<blockquote>Қытайдың аймақтағы сауда-саттығы мен салған инвестициясының тең жартысы Қазақстанның үлесіне тиесілі. Былтыр Қазақстан мен Қытай арасындағы тауар айналымы 41 миллиард АҚШ долларын құрады. Бұл – тарихи рекордтық көрсеткіш. 2023 жылы елдеріміз арасындағы жүк тасымалының көлемі 22 пайызға артып, шамамен 30 миллион тоннаға жетті. Осыдан он жылдан астам уақыт бұрын ҚХР Төрағасы Си Цзиньпин Қазақстанға жасаған сапары кезінде «Бір белдеу, бір жол» ауқымды мегажобасын таныстырған болатын. Аталған жоба Шығыс пен Батыс арасындағы негізгі көпір қызметін атқарады, ал Қытайдан Еуропаға құрлық жолымен тасымалданатын жүктің 80 пайызы Қазақстан аумағы арқылы өтеді. Бұл маңызды артықшылықты біз толыққанды пайдалануға тиіспіз. Біздің өз инвестициямыз да «Бір белдеу, бір жол» бастамасымен стратегиялық тұрғыдан сабақтас әрі заманауи, мультимодальды, экологиялық тұрғыдан қауіпсіз және орнықты инфрақұрылым құруға бағытталған, – деді президент.</blockquote>Қасым-Жомарт Тоқаев өз сөзінде еліміздің жаңа экономикалық бағытына айрықша назар аударды.<blockquote>Былтыр еліміздің экономикалық өсімі 5,1 пайызды құрады. Бұл әлемдік экономиканың болжамды даму қарқынынан шамамен екі есе көп. Біз ортамерзімді перспективада экономиканың өсімін кемінде 6 пайыз деңгейінде ұстап тұруды және 2029 жылға қарай оның көлемін екі есе ұлғайтуды жоспарлап отырмыз. Осы мақсатқа қол жеткізу үшін мен жаңа экономикалық бағытты жарияладым. Бұл бастама күшті әрі қарқынды дамыған мемлекет құруға бағытталған құрылымдық реформаларды жүзеге асыруды көздейді. Қазақстандағы ашық есік саясаты, мол ресурстар және либералды нарықтық реформалар көптеген шетелдік, соның ішінде қытайлық компаниялардың да назарын аударды. Осы орайда біз азиялық серіктестерімізді экономикамызға инвестиция құюға, өзара тиімді ынтымақтастықтың жаңа бағыттарын қарастыруға шақырамыз, – деді Президент.</blockquote>Қасым-Жомарт Тоқаев фискальді және ақша-несие жүйесін жетілдіру, қаржы ағындарын кеңейту, институттардың сапасын арттыру шаралары нарықтық және бәсекеге қабілетті экономика қалыптастыруға ықпал етеді, соның нәтижесінде аталған сала анағұрлым ашық, сенімді әрі қарқынды бола түседі деп санайдыАлайда президенттің пікірінше, бұл мақсаттарға қол жеткізіп, қазіргі жаһандық сын-қатерлерге төтеп беру үшін күш біріктірген жөн. Осы орайда мемлекет басшысы бірқатар өзекті міндетті айқындап берді. Оларды іске асыру үшін бүкіл әлемдік қоғамдастық күш жұмылдыруы қажет.Қасым-Жомарт Тоқаевтың айтуынша, әлемге әділдік пен ашықтық қағидаттарына негізделген жаңа әрі көпжақты сауда жүйесі керек.<blockquote>Бүгінде сауда кедергілерінің көбеюі, протекционизм мен келісімдердің бұзылуы жаһандық экономикаға айтарлықтай қиындық туғызып отыр. Бұл түйткілдерді шешу үшін әділетсіз сауда кедергілерін жойып, цифрландыру арқылы жеткізу тізбегінің ашықтығын арттыру қажет, – деді Мемлекет басшысы.</blockquote>Президент әлемдік қаржы жүйесіне де жаңа тәсілдер қолдану керек деп санайды. Мемлекет басшысы қаржы жүйесінде тек таңдаулылар ғана пайдаға кенелмей, барлық елге тең мүмкіндік берілуге тиіс екенін айтты. Сондай-ақ халықаралық қоғамдастықты орнықты қаржыландыру саласында барынша пәрменді шаралар қабылдауға шақырды.<blockquote>Нарықтық капитализациясы орасан зор Азиядағы алып облигациялар нарығы көптеген даму жобаларына қолдау көрсететін әлеуетке ие. Еуразиялық даму банкі жаңа қаржылық инвестициялық құрал ретінде панда-бондтардың бірінші легін шығаруды жоспарлап отыр. Бұл жаһандық инфрақұрылым жобаларын қаржыландыру үшін аса маңызды болуы мүмкін, – деді Қасым-Жомарт Тоқаев.</blockquote>

Мемлекет басшысы: Қазақстан мен Қытай арасындағы жүк тасымалы 30 млн тоннаға жетті

<a href="https://kyzylorda-news.kz/">Kyzylorda-news.kz</a>&nbsp; Еріктілер – қамқорлықты, көмекті қажет ететін адамдардың жанынан табылып, оларға қолұшын созып, әлеуметтік жағдай жасауға асығатын жандар. Бұл туралы Қазақстан Республикасы Мемлекеттік істері агенттігінің Қызылорда облысы бойынша департаментінің басшысы Ерлеген Мендалиев пікір білдірді.&nbsp;Оның айтуынша 2023 жылдың маусым айында азаматтарды, әсіресе жастарды, студенттер мен оқушыларды еріктілер қызметіне қатысуға шақыруды, мемлекеттік қызметшілер арасында еріктілер қозғалысын кеңінен насихаттауды, оларға белсенді өмірлік ұстаным дағдыларын қалыптастыруды, сонымен қатар, өз еркімен көшелерді көгалдандыруға, табиғат орындарын тазартуға, қан донорлығына және басқа да игі шараларға азаматтарды белсенді қатысуды ұйымдастыру үшін ҚР Мемлекеттік қызмет істері агентігінің Қызылорда облысы бойынша Департамаменті жанынан «Еріктілер кеңесі» консультативтік-кеңесші органы құрылды.Еріктілер кеңесі қызметін жүзеге асыру бағытында жұмыс жоспары бекітіліп, жоспарға сәйкес біршама ауқымды жұмыстар жүргізілді.Атап айтқанда, 2023 жылы қазан-қараша айларында&nbsp;Қызылорда облыстық қан орталығының арнайы жабдықталған жылжымалы кешенінде&nbsp;«Қан тапсыр – өмір сыйла» акциясы өткізіліп, 70-ке мемлекеттік қызметшілер қан тапсырды.Сонымен қатар, ағымдағы жылы азаматтардың белгілі бір санаттарына, оның ішінде мемлекеттің ерекше назарын қажет ететін балаларға, қарт адамдарға, ардагерлерге, мүмкіндігі шектеулі адамдарға көмектесу мақсатында Ұлыстың ұлы күні – Наурыз мерекесіне орай қайырылымдылық акциясы жүргізіліп, &nbsp;3 отбасына көмек көрсетілді.Ал, қоршаған ортаны тазалау, қоқыстарды сұрыптау бойынша жұмыстарды іске асыру, сондай-ақ көгалдандыру (ағаш отырғызу) жұмыстарын жүргізу бағытында &nbsp;жас мемлекеттік қызметшілерді және мемлекеттік орган қызметкерлерін ерікті сенбіліктер тұрақты түрде жүргізілуде.Еріктілер кеңесінің ағымдағы жылға бекітілген жұмыс жоспарына сәйкес 1-маусым балаларды қорғау күніне орай Қызылорда қаласының балалар үйіне қайырымдылық акциясын ұйымдастыру және «Еріктілер кеңесі» аясында мемлекеттік қызметшілер арасында экологиялық мәдениетті тәрбиелеу, ресурс үнемдеу идеяларын насихаттау, аумақтарды аббатандыру мен көгалдандыру жөніндегі іс-шаралар кешенін өткізу жоспарланып отыр.Сонымен қатар, жоспарға сәйкес мемлекеттік қызметшілер арасында волонтерлік қызметті дамытуға бағытталған имидждік іс-шаралар өткізу белгіленген.Еріктілер кеңесінің қызметі басқа азаматтарға үлгі болып, ұлттың жаңа сапасын қалыптастыруға жол ашатындығына сенім білдіре отырып, игі істер әлі де болса жалғасын таба бермек!Фото: freepik.com&nbsp;

«Еріктілер кеңесі»: Волонтер мемлекеттік қызметшілер туралы не білеміз?

<a href="https://kyzylorda-news.kz/">Kyzylorda-news.kz</a> ҚР Президенті&nbsp; Қасым-Жомарт Кемелұлы: «Біздің еріктілеріміз мейірімділік пен адамгершілік, ынтымақтастық пен азаматтық жауапкершіліктің биік идеалдарын жүзеге асырады»,- деп ерікті жастарға зор сенім білдірді. Президент бастамасынан соң «МЕНІҢ БАУЫРЫМ» еріктілер жобасын&nbsp; Оқу-ағарту министрлігі мен Ғылым және жоғары білім министрлігі екіжақты келісіммен жүзеге асыруда. Жобаға Сыр өңірінде облыстық білім басқармасы мен Қорқыт ата атындағы Қызылорда университеті қатысады. Бүгін Т.Есетов атындағы 246 мектеп-лицейі базасында еріктілермен алғашқы семинар өтті.&nbsp;Онда "Өркен" балалардың әл ауқатты арттыру&nbsp; ұлттық ғылыми практикалық институтының вице-президенті Гүлнар Балғабаева жобаның маңыздылығына тоқталып, еріктілерді белсенді қатысуға шақырды.&nbsp; Сондай-ақ Қорқыт ата атындағы Қызылорда университетінің Ректоры-Басқарма төрағасы сөз алды.&nbsp;<blockquote>&nbsp;- “Менің бауырым” жобасы біздің ерікті жастарды жанашырлыққа шақыратын бірегей ұлттық жоба. Балалардың қауіпсіздігін қамтамасыз ету міндетіміз.&nbsp; Қорқыт ата атындағы Қызылорда университеті бұл жобаны қолдайды. Біздің 566 студентіміз жобаға белсенді қатысуға келіп отыр. Волонтерлік - осы ұлттық және жалпыадамзаттық құндылықтардың тікелей көрінісі.&nbsp;</blockquote><blockquote>Еріктілердің өз елінің нағыз патриоты мен азаматы ретінде балаларды жақсылыққа, әділдікке, жасампаздыққа жетелеп, шығармашылық шабыт береді деп сенемін”, - деді Бейбіткүл Каримова.</blockquote>Жоба аясында балалардың құқықтарын қорғауға&nbsp; университеттің ерікті жастары белсенді қатысады. Облыстық білім басқармасының қолдауымен Қызылорда қаласындағы жалпы білім беретін мектептерінде оқушылардың қолайлы әрі қауіпсіз ортада білім алуына жағдай жасалмақ. Жоба аясында еріктілер Оқу-ағарту министрлігінен келген білікті тренерлерден білім алып,&nbsp;мәдени, спорт, білім беру, салауатты өмір салты, бұзақылықпен күрес, құқық бұзушылықтың алдын алу, құқықтық білім беру, IT сауаттылығы т.б. салалары бойынша оқушылармен жұмыс істейді. Еріктілер қамқорлық пен мейірімге толы өз жобаларын ұсынып, әрі жүзеге асыратын болады.

Қызылордада “Менің бауырым” жобасына 600-ге жуық ерікті қатысуда

<a href="https://kyzylorda-news.kz/">Kyzylorda-news.kz</a> Қызылорда облысы бойынша Сыбайлас жемқорлыққа қарсы іс-қимыл департаменті сатып алулардың бірыңғай терезесіне тұрақты негізде мониторинг жасау арқылы 130 млн теңгеден астам бюджет қаржатының негізсіз жұмсалу фактісін анықтады.Атап айтқанда, Қызылорда облысы Қазалы ауданы Әйтеке би кенті әкімінің аппаратымен жалпы көлемі 7&nbsp;260 литр «АИ-92» &nbsp;маркалы бензинді 1 литрін 18 303 теңгеге, яғни нарықтық құнынан 100 есе асып, сатып алу жоспарланған.Департамент мемлекеттік сатып алуды ұйымдастырушының атына сатып алу бағасын қайта қарап, оны сәйкестендіру жөнінде ұсыныс хат жолдады.Атқарылған жұмыстың қорытындысымен 131 млн теңге&nbsp; шамасында бюджет қаражаты үнемделді, әкімдіктің жауапты тұлғалары тәртіптік жауапкершілікке тартылды.Фото: freepik.com&nbsp;

Қызылорда Антикоры бюджет қаражатының негізсіз жұмсалуының алдын алды

<a href="https://kyzylorda-news.kz/">Kyzylorda-news.kz</a>&nbsp;&nbsp; «Аңсаған сәби» бағдарламасының арқасында 2023 жылы Қызылорда облысында 86 сәби дүниеге келді. Бұл жоба МӘМС аясында қаржыландырылады.&nbsp;Әлеуметтік медициналық сақтандыру қорының Қызылорда облысы бойынша филиалында ЭКҰ-ға кімдер қатыса алады және оған жолдаманы қалай алады, қайда өтуге болады деген сынды сұрақтарға жауап берді. &nbsp;Облыстық филиалының директоры Бақыт Исмаханбетовтың айтуынша, Әлеуметтік медициналық сақтандыру қоры 2018 жылдан бастап тегін медициналық көмектің кепілдік берілген көлемі шеңберінде ЭКҰ бағдарламаларын қаржыландыруды жүргізеді. ЭКҰ-ға жолдама алу үшін тіркелген жері бойынша емханаға жүгіну қажет. Мамандар пациентті бедеулігі бар диспансерлік пациенттердің электрондық тіркеліміне қосады және бірқатар тексерулер тағайындайды. 12 ай ішінде емхананың бейінді маманның қорытындысы негізінде пациенттің құжаттарын жоғары технологиялық медициналық қызметтер жөніндегі жергілікті комиссияға жібереді. Оң шешім қабылданған жағдайда, әйел «Емдеуге жатқызу бюросы» порталында тіркеліп, рәсімге дайындала бастайды. Пациент экстракорпоралдық ұрықтандыру үшін клиниканы өз бетінше таңдауға құқылы. Жеткізушілер тізімімен Қор <a href="https://fms.kz/kz/useful-to-know/vybrat-kliniku/">сайтында</a> танысуға болады.ЭКҰ кімдерге арналған?&nbsp;Процедура терапевтік жолмен емдеуге келмейтін бедеулік диагнозы қойылғандарға арналған. &nbsp;ЭКО-ға отбасылық жұптар да, жеке адам да қатыса алады. Міндетті түрде үміткердің ерікті жазбаша &nbsp;келісімі болуы керек.Қазақстан азаматы болуы және денсаулық сақтау министрлігі белгілеген медициналық параметрлерге сәйкес келуі қажет – бұл репродуктивті жас (18-ден 42 жасқа дейін), қалыпты соматикалық және эндокриндік мәртебе, жоғары фолликулярлық резерв. МӘМС бойынша ЭКҰ процедурасынан жылына бір рет тегін өтуге болады. Талпынысы сәтсіз аяқталған жағдайда қайтадан кезекке тұра алады.Қандай жағдайда квота берілмеуі мүмкін?Науқасқа ұрықтандырудан бас тарту бірнеше жағдайда әсер етуі мүмкін: жатырдың туа біткен немесе жүре біткен ауытқулары, соматикалық және психикалық бұзылулар, аналық без ісіктері, жедел қабыну және кез-келген локализацияның онкологиясы.Бақыт Исмаханбетовтың ақпараты бойынша, ЭКҰ жүргізу қағидалары және ілеспе іс-шаралар туралы толық ақпарат Қазақстан Республикасы Денсаулық сақтау министрінің 2020 жылғы 15 желтоқсандағы № ҚР ДСМ-272/2020 «Қосалқы репродуктивтік әдістер мен технологияларды жүргізу қағидалары мен шарттарын бекіту туралы» бұйрығында жарияланды.Қызылорда облысында «Аңсаған сәби» бағдарламасы аясында ЭКҰ-ға кезекте 750 әйел тұр. Пациенттердің құжаттарын қабылдауды облыстық денсаулық сақтау басқармасы жүргізеді. Өткен жылы өңірде 274 квота игерілді, экстракорпоральды ұрықтандыру кезінде 86 бала дүниеге келді. Жүктілік кезінде тағы 51 әйел.Биыл облыста аталмыш бағдарлама бойынша мұқтаж отбасыларға 270 квота бөлінді.&nbsp;&nbsp;

 «Аңсаған сәби»: Былтыр Қызылорда облысында 86 сәби дүниеге келді

<a href="https://kyzylorda-news.kz/">Kyzylorda-news.kz</a> "Қазгидромет" РМК мамандары 2024 жылдың 27 наурызына арналған Қазақстан бойынша жалпы ауа райы болжамымен бөлісті.Синоптиктердің болжамынша,&nbsp;Батыс Қазақстанның орталығында жүріп жатқан белсенді циклон мен сонымен байланысты атмосфералық фронтальды бөліктердің жылжуынан еліміздің басым бөлігінде жауын-шашынды әрі желді ауа райы күтіледі.<blockquote>"Еліміздің шығысы мен оңтүстік-шығысында ғана антициклонға байланысты жауын-шашынсыз ауа райы сақталады. Қазақстан бойынша тұман көрініс табады, оңтүстік өңірде найзағай ойнап, күн райы құбылмалы болады, еліміздің солтүстік-батысында, солтүстігінде, орталығында көктайғақ болады деп күтіледі", - деді синоптиктер.</blockquote>

27 наурызға арналған ауа райы болжамы

<a href="https://kyzylorda-news.kz/">Kyzylorda-news.kz</a> Егер кредит бойынша кезекті төлемді өткізіп алған &nbsp;немесе таяу уақытта қарыз шарты бойынша міндеттемелерді орындауға мүмкіндік болмайтын жағдай туындаса қарыз алушы не істеуі қажет. Бұл жөнінде Fingramota.kz-ке Қазақстанның микроқаржы ұйымдары қауымдастығының (ҚМҚҰҚ) директоры Ербол Омарханов айтып берді.&nbsp;Микрокредит бойынша мерзімін өткізіп алған қарыз алушыларға нелер жөнінде білу қажет?&nbsp;Микроқаржы ұйымдарында (МҚҰ) мерзімі өткен берешекті реттеу рәсімі Микроқаржылық қызмет туралы заңның 9-2-бабына сәйкес жүргізіледі. Онда мерзімі өтудің болуы жөнінде хабардар етудің мерзімдері, борышкермен өзара іс-қимыл тәртібінің, берешек туралы дауды шешу тәсілдерінің белгілі бір тәртібі көзделген. Қалай болғанда да, МҚҰ қарыз алушыға &nbsp;ол күтпеген жағдай болмас үшін оған төлем мерзімі өткені туралы әрдайым хабарлауға міндетті. Бұл хабарламада мынадай ақпарат болуға тиіс:- хабарламада көрсетілген күнге мерзімі өткен берешектің мөлшерін көрсете отырып, микрокредит беру туралы шарт бойынша міндеттемені орындау бойынша мерзімін өткізіп алудың пайда болуы және төлемдер енгізу қажеттілігі туралы;- қарыз алушы - жеке тұлғаның микрокредит беру туралы шарт бойынша микроқаржы ұйымына жүгіну құқығы туралы;- қарыз алушының микрокредит беру туралы шарт бойынша өз міндеттемелерін орындамауының салдары туралы.Бұл барлық МҚҰ үшін міндетті талап, оның мәні борышкердің қаржылық жағдайын жақсарту мақсатында, қиын жағдайдан шығудың әртүрлі нұсқаларын қарастыру болып табылады.Егер бұрын МҚҰ қарыз алушылардың төлем мерзімін кейінге қалдыру немесе төлемді өтеудің жаңа кестесін беру туралы ұсыныстарын елемеген болса, енді заңда дауды сотқа дейінгі реттеудің міндетті рәсімі белгіленген, оны МҚҰ орындауға міндетті. Қарыз алушы мен МҚҰ арасында берешек туралы дауды реттеу тәсілдері туралы уағдаластық болмағаннан кейін ғана МҚҰ сот арқылы борышты мәжбүрлеп өндіріп алу рәсіміне кірісуге құқылы.Жұмыс барысында кездесуге тура келетін таралған кейстер қандай?ҚМҰҚ міндеттеріне қаржылық қызметтерді тұтынушылардың құқықтарын қорғау функциялары кірмейді. Бірақ егер азаматтардың қауымдастыққа жасаған барлық өтініштерін талдайтын болсақ, онда бірінші кезекте қарыз алушылар бізге өмірлік қиын жағдайларына байланысты төлем мерзімін кейінге қалдыруға жәрдемдесу туралы өтінішпен жүгінген. Мұндай жағдайларда біз қарыз алушыларға микроқаржылық қызмет туралы заң бойынша олардың құқықтарын түсіндіруге көмектестік, оларды МҚҰ-мен байланыстырдық. Жақында, айтпақшы, заңға түзетулер енгізіледі, оған сәйкес мұндай дауларды шешу үшін МҚҰ мен қарыз алушылар арасындағы берешек туралы барлық дауларды қарайтын және микроқаржы ұйымдары орындауға міндетті шешімдер шығаратын микроқаржы омбудсман институты құрылады.Мен соңғы кейспен бөлісемін: МҚҰ қарыз алушысының әкесі бізге ұлының ауыр науқасына байланысты кредит бойынша төлем мерзімін кейінге қалдыру туралы өтінішпен жүгінді. Әкесі ұлының қай МҚҰ-да қарызы бар екенін және қандай мөлшерде екенін білмеді. Барлық жағдайларды анықтағаннан кейін біз барлық ақпаратты тауып, қарыз алушының әкесіне көмектесе алдық.Клиенттердің ата-аналары немесе жақын туыстары өздерінің туғандарына қарыз беруге тыйым салуды белгілеу өтінішімен жиі жүгінеді. &nbsp;Бұл клиенттер көбіне құмар ойындар ойнайды, өз отбасыларын ауыр материалдық жағдайға қалдырып, онлайн-кредиттер &nbsp;алады және ол қаражаттың барлығын тағы да ұттырады. Өкінішке қарай, құмар ойынға деген тәуелділік біздің азаматтардың көбінің өмірлері мен отбасыларын ойрандады. Туыстары өтініш жасағаннан кейін біз кейбір жағдайда, берешек туралы дауларды шешу шеңберінде МҚҰ-мен өзара іс-қимыл мәселелерінде жәрдем көрсеттік.Соңғы уақытта әлеуметтік желілерде мерзімі өткен төлемді реттеуге көмектесетін «делдалдардан» хабарландыруды жиі &nbsp;кездестіруге болады, &nbsp;бұл қаншалықты заңды?Интернет кеңістігінде түрлі кеңесшілер, сарапшылар, «көмекшілер» деп атайтындар жетерлік, олар сыйақы үшін қарыз алушыларға МҚҰ-мен мәселені шешуге және қарызды кейінге қалдыруға немесе есептен шығаруға қол жеткізетіндеріне уәде береді. Негізі олар аңғал азаматтарды алдап, оларды одан сайын борыш қапқанына түсіреді. «Көмекшілердің» осы қызметтеріне беретін ақшаны борышты өтеуге жұмсаған дұрыс екендігіне келісесіз ғой, оның үстіне МҚҰ қарыз алушының кредит бойынша мерзімін кейінге қалдыру немесе жаңа кесте ұсыну бойынша өтінішін тегін қарауға міндетті. Қарыз алушы қарыз бойынша мерзімді кейінге қалдыру туралы мәселені тегін тікелей МҚҰ-мен шеше алатын жағдайда түрлі көмекшілер мен делдалдарға ақы төлеудің қажеті не деген сауал туындайды, оған қоса МҚҰ қарыз алушының берешек туралы дауын реттеу туралы ұсынысын қараудан бас тартуға құқылы емес. Адам күрделі қаржылық жағдайға тап болып отырғанымен қоса, түрлі делдалдар пайда болып, «мәселені шешу» бойынша күмәнді қызметтерді ұсынып, оның қаржылық жағдайын ушықтыра түседі. Мұндай «көмекшілер» борышкерлердің жағдайын одан әрі нашарлатып, өзге адамдардың қиындықтарынан пайда көруді көздейді. Сондықтан, егер сізде мерзімі өткен берешек туындаған болса, мәселені шешудің түрлі нұсқалары мен жолдарын ұсына отырып, тікелей МҚҰ-ға жүгінуге ұсыныс береміз.&nbsp;Қарыздар бойынша мерзімнің өтуіне жол бермеу үшін азаматтарға қандай кеңес бере аласыз? &nbsp;Қарапайым кеңесіміз – МҚҰ-ға жүгінбес бұрын өз қаржылық мүмкіндіктеріңізді әрқашан бағалай білуіңіз керек және қарызды қайтармау салдарын түсінуіңіз керек. Кредиттер ешқашан ақысыз болған емес және қызмет көрсету үшін әрқашан да пайыздар алынады, ал егер мерзімді өткізіп алсаңыз, пайыздың үстіне өсімпұл есептеліп, кредиттік тарих бұзылады.&nbsp;Сонымен қатар, сот арқылы мәжбүрлеп өндіріп алу үдерісінде борышкерге шектеулер қойылып, борыш сомасы сот шешімі бойынша сот орындаушылары арқылы өндіріледі.&nbsp;Түрлі көмекшілер мен делдалдарға сенбеңіз, олардың мақсаты МҚҰ-ның тегін беретін қызметі үшін сізден ақы алу. Өз қаржылық сауаттылығыңызды арттырыңыз!Фото: Fingramota.kz

Микрокредиттер: Кредиттік берешекті қалай реттеуге болады?

Құрылтайда жүктелген міндеттер Қызылордада қалай жүзеге асады?

<a href="https://kyzylorda-news.kz/">Kyzylorda-news.kz</a> Еңбек министрлігінің мәліметінше, жыл басынан бері Қазақстанда жалпы сомасы 616,3 млрд теңге зейнетақы төленді, оның ішінде базалық зейнетақы (193,8 млрд теңге) және бірлескен зейнетақы (422,5 млрд теңге). 2024 жылдың 1 наурызындағы жағдай бойынша елімізде 2,354 миллион <a href="https://kaz.zakon.kz/kogam-tynysy/6040163-azastanday-zeynetayny-ortasha-mlsher-belgl-boldy.html">зейнеткер</a> бар деп хабарлайды Kyzylorda news ақпарат агенттігі <a href="https://kaz.zakon.kz/kogam-tynysy/6040163-azastanday-zeynetayny-ortasha-mlsher-belgl-boldy.html">Zakon.kz</a> сайтына сілтеме жасап.2024 жылғы 1 наурыздағы жағдай бойынша зейнеткерлер саны – 2 млн 354 мың адам.2024 жылғы 1 наурыздағы жағдай бойынша жиынтық зейнетақының орташа мөлшері 132 852 теңгені құрады, оның ішінде ынтымақты зейнетақы мөлшері – 90 091 теңге, базалық зейнетақы – 42 761 теңге.2018 жылғы 1 шілдеден бастап мемлекеттік базалық зейнетақы төлемі зейнетақы жүйесіндегі өтілін ескере отырып, әр алушыға жеке тағайындалатынын еске саламыз.Бұл ретте 1998 жылғы 1 қаңтардағы жағдай бойынша ынтымақты жүйеде жұмыс істеген уақыты, сондай-ақ міндетті зейнетақы жарналары (бұдан әрі – МЗЖ) төленген кезеңдер зейнетақы жүйесіндегі еңбек өтіліне қосылады.Егер азаматтың зейнетақы жүйесіндегі өтілі 10 жыл немесе одан аз болса, сондай-ақ мүлде жоқ болса, базалық зейнетақы ең төменгі күнкөріс деңгейінің 65%-на тең болса, содан кейін 10 жылдан асқан әр жыл үшін оның мөлшері 2 %-ға артады. Ал егер сіздің өтіліңіз 20 жыл болса, базалық зейнетақы төменгі күнкөріс деңгейінің 85 %-ын құрайды. Еңбек өтілі 30 жыл немесе одан көп болса, күнкөріс деңгейінің ең жоғарғы мөлшерінде яғни 105% белгіленеді.Егер бір ай ішінде міндетті зейнетақы жарналары Бірыңғай жинақтаушы зейнетақы қорына бірнеше рет аударылса, жинақтаушы жүйеге қатысу мерзімі бір айды құрайды.Осылайша міндетті зейнетақы жарналары неғұрлым тұрақты және толық көлемде аударылатын болса, зейнет жасына жеткенде базалық зейнетақы төлемдерінің мөлшері соғұрлым көп болады.Өз кезегінде азаматтың жасына байланысты зейнетақы төлемдерінің мөлшері 1998 жылғы 1 қаңтардағы жұмыс өтіліне (кем дегенде 6 ай қажет) және зейнеткерлікке дейінгі кезеңдегі орташа айлық табысына байланысты болады.Фото: Нұрболат Нұржаубай

Қазақстандағы зейнетақының орташа мөлшері белгілі болды

<a href="https://kyzylorda-news.kz/">Kyzylorda-news.kz</a> Жалағаш ауданындағы төтенше жағдайлар бөлімі мен №11 өрт сөндіру бөлімі тұрғындардың қауіпсіздігін қамтамасыз етуде уақытпен санаспай еңбек етіп келеді. Кешегі ауданға жасаған сапарымызда бөлімдердің күн тәртібімен, тыныс-тіршілігімен және өрт сөндіру автокөліктері мен өрт сөндіру жарақтары, өрт сөндірушілердің арнайы киімдерімен таныстық. Сондай-ақ бөлімдегі барлық өрт-техникалық құралдармен қалай және қандай жағдайда жұмыс жасайтыны жайында ақпаратқа қанықтық. Ауданның төтенше жағдайлар бөлімі құтқарушылары қарлы боранда да, қатты желде де, аптап ыстықта да, жалпы кез келген жағдайда тұрғындарға әрқашан көмектесуге дайын екеніне тағы мәрте көз жеткіздік. Жауапты да күрделі мамандық иелерінің жұмысы туралы Жалағаш аудандық төтенше жағдайлар бөлімі бастығы, азаматтық қорғау подполковнигі Еркін Назарқұлов сұхбат берді.– Еркін Есетұлы, аудан тұрғындарының қауіпсіздігін қамтамасыз ету мен қауіптің алдын алу бойынша өз тараптарыңыздан қандай жұмыстар атқарылуда?– Мен 2023 жылдың 5 қазанынан бастап Жалағаш ауданы төтенше жағдайлар бөлімі бастығының лауазымына тағайындалдым. Жалпы аудан гарнизонының штат бойынша қырыққа жуық қызметкер бар. Оның ішінде төтенше жағдайлар бөлімінде 4, №11 өрт сөндіру бөлімінде 35 қызметкер жұмыс істейді.&nbsp;Былтыр 9 айда Жалағаш ауданы аумағында 41 төтенше жағдай тіркелді. Оның 39-ы техногенді төтенше жағдай болса, 2-еуі – табиғи төтенше жағдай. Жыл басынан бері төтенше жағдайдың алдын алу мақсатында жоспарлы 3 рет комиссия отырысы өткізілді. Онда 10 өзекті мәселе қаралып, 32 жауапты тұлғаға тапсырмалар берілді. Нақтырақ тоқталсам, қыс, көктем мезгілінде аудан аумағына қарасты Сырдария өзені мен Қараөзек арнасы арқылы келетін мол суды қауіпсіз өткізу және су тасқынының алдын алу жұмыстары, Конго-Қырым геморрагиялық қызбасының алдын алуға байланысты дәрілеу-залалсыздандыру жұмыстары, мемлекеттік орман қоры алқаптарында өрттің алдын алу және болдырмау мақсатында профилактикалық жұмыстар пысықталды. Сондай-ақ жаз мезгілінде суға шомылу маусымында су айдындарындағы қауіпсіздік шаралары, жылу беру маусымында білім, денсаулық және әлеуметтік нысандардың дайындық жұмыстары, аудан аумағында жеке тұрғын үй секторларында өрт қауіпсіздігінің ереже талаптарын сақтау мен көмірқышқыл газынан улану фактілерінің алдын алу, аудан көлеміндегі егін жинау науқаны кезіндегі өрт қауіпсіздігін қамтамасыз ету, төтенше жағдайлар қаупі туындаған уақытта аудан халқын хабардар ету мақсатында құлақтандыру жүйесінің жай-күйі және т.б. мәселелер туралы тапсырмалар берілді.– Бөлім қызметкерлері тек апатты оқиға орын алған жағдайда ғана әрекет етіп қоймай, күнделікті өмірде де жұмыстарыңыз қауырт болар, сол туралы айтып берсеңіз...– Біздің бөлімнің қызметі ең алдымен төтенше жағдайлардың алдын алуға және болдырмауға бағытталған. Мысалы, жарнамалық іс-шаралар, акциялар, флешмобтар, бұқаралық ақпарат құралдарына шығу сияқты шаруалар жетерлік. Қазір жылу маусымы басталды, жеке үйлер мен ғимараттар көгілдір отынға қосылған. Қыс мезгілінде пеш, газ құрылғыларынан шыққан ақаулардан жиі оқыс оқиға орын алып жатады. Ал біздің мамандар барлығын алдын ала болжауға міндетті. Егер қытымыр қыста немесе боранда біреу жолда қиындыққа тап болса, біз көмектесуге бар күшімізді саламыз. Көктем басталса, су тасқынының алдын алу мақсатында тағы да үгіт-насихат жұмыстарын жүргізіп, тұрғындарға арықтарды тазалап, аулаларындағы қарды уақытында шығаруды ескертеміз.&nbsp;Соңғы уақытта әлемде орман өрті өршіп тұр. Сол себепті өрт қаупі бар аумақтарды қатаң бақылауға алып, қураған ағаштар мен былтырғы шөптерді, тағы басқа осы секілді дүниелерді жою қажет екенін еске саламыз. Сонымен қатар біз орман шаруашылығы мамандарымен де белсенді түрде бірге жұмыс істейміз. Жазда егіс алқаптарында өрт қаупі төніп жатады. Мұндай күтпеген жағдайларды алдын ала болжап, дер кезінде ауыздықтап, тез арада жоюымыз керек. Қорыта айтқанда, біздің жұмысымыз жылдың төрт мезгілінде де қызу қайнап жатады.– Өңірде өрттер жиі тіркеле ме? Өртке қарсы қандай жұмыстар атқарылуда?– 2023 жылы 9 айда аудан бойынша 38 өрт оқиғасы есепке алынды. Тіркелген өрттерді талдау барысында өрт объектілері 4 есеге көбейген, автокөліктерде 6, тұрғын үй секторларында 19 өрт орын алып, былтырмен салыстырғанда 13 пайызға азайды. Биыл орман өртіне байланысты 7 оқиға тіркелді. Өкінішке орай биыл 1 аудан азаматы өрттен қаза болды, өрттен жарақат алғандар тіркелмеді.&nbsp;Өрттің шығу себептеріне келсек, жылыту пеші мен электр желілерінің ақауынан, газ плита үстінде дайындап жатқан асты бақылаусыз қалдырудан, отпен абайсыз болудан, өшірілмеген темекі тұқылын тастауынан орын алып жатады. Осы орайда қатаң шаралар қаралып, өрт оқиғасына себеп болған 40 тұлғаға ҚР Әкімшілік құқық бұзушылык туралы кодексіне сәйкес әкімшілік іс қозғалды. Прокуратураның қаулысына сәйкес тағайындалған тексеру нәтижелері бойынша 3 шара, яғни «Орман және жануарлар дүниесін қорғау» мемлекеттік мекемесі басшысына лауазымды тұлға ретінде 86 250 теңге айыппұл салынды, сондай-ақ аудандық ауруханаға және «Ақтерек» сауықтыру лагеріне заңды тұлға ретінде «ескерту» шаралары көрілді. Қалған өрт немесе өртке жатпайтын жану оқиғалары бойынша 36 ескерту шарасы қаралды. Биыл да түсіндірме жұмыстарын жалғастырып жатырмыз. Мұның бәрі қауіптің алдын алуда маңызды рөл атқарады. Сондықтан біз осындай профилактикалық шараларға басымдық береміз.&nbsp;– Түрлі апаттық жағдайлар &nbsp;орын алғанда халық соған дайын болу үшін аудан бойынша қандай оқу-жаттығу жұмыстары жүргізілуде?– Төтенше жағдайлардың алдын алу мақсатында аудан бойынша бірқатар іс-шара жүзеге асырылуда. Мәселен, аудандық «Жалағаш жаршысы» газетіне 25 мақала, атап айтқанда, мұздағы қауіпсіздік 5, суға шомылу маусымы бойынша 20 мақала жарияланды, әлі де жариялануда. 4 рет бейнетүсірілім жасалды, әлеуметтік желілерге орналастырылды. Облыстық төтенше жағдайлар департаментінің әлеуметтік желісінде және ауданның «Facebook», «Instagram» парақшаларында 189 мақала жарық көрді. Сондай-ақ дауыс күшейткіш арқылы халыққа өрт, судағы қауіпсіздік және төтенше жағдайдың алдын алу мақсатында 384 рет түсіндірме ақпарат оқылды. Сонымен қатар №11 өрт сөндіру бөлімшесімен кезекшіліктен тыс жеке құрамымен әр аптаның сенбі күндері жеке тұрғын секторда 6 128 тұрғын үйдің 29 483 тұрғынына түсіндіру жұмыстары жүргізілді. Мұнан бөлек аудан бойынша азаматтық қорғау оқу-жаттығулар жоспарына сәйкес биыл 91 оқу-жаттығу өткізілді.– &nbsp;Өрт сөндіруші қызметкерлерінің өртті ауыздықтауы үшін қажет өртке қарсы су көздерінің, яғни өрт гидранттарының жағдайы қалай, бақылауда ма?– Иә, апат айтып келмейді, біз бәріне дайын болуымыз керек. Ауданда барлығы 704, кентте 163 өрт гидранты орналасқан. Бүгінде барлығы жарамды күйде, толық бақылауымызда.&nbsp;Бізде электронды карта да бар, яғни бір жерде өрт оқиғасы орын алса, соған жақын қай маңда өрт гидранты бар, соны анықтап береді. Бұл бір жағынан орын алған өртті дер кезінде ауыздықтауға мүмкіндік береді.&nbsp;– Аудан орталығынан шалғай елді мекендерді өрттен қорғау мақсатында және орман, дала өрттері бойынша жергілікті атқарушы органдармен атқарылған жұмыстар бойынша кеңінен тоқталсаңыз...– Аудан көлемінде мемлекеттік орман қоры 769 482 гектарды құрайды. Жалпы аудандық орман және жануарлар дүниесін қорғау жөніндегі мемлекеттік мекеменің 2023 жылға жоспарланған 660 шақырым ескі минералды жолақтары толық жаңартылды. Сондай-ақ биыл аудандық орман және жануарлар дүниесін қорғау мемлекеттік мекемесіне 1 АЦ-5-40 Урал маркалы өрт сөндіру автокөлігі алынды. Орман қоры аумағында жергілікті атқарушы органдары мен аудандық полиция бөлімінің учаскелік инспекторлары бірлесіп, күнделікті рейдтік іс-шаралар жүргізілуде. Сонымен қатар Қаракеткен, Бұқарбай батыр ауылдық округінен өрт сөндіру бекеттері ашылды.– Төтенше жағдай кезінде әлеуметтік маңызы бар нысандармен, мәселен, денсаулық сақтау және білім беру салаларындағы ұйымдармен қалай бірге әрекет етесіздер?– Біз аудандағы барлық әлеуметтік маңызы бар нысандармен, оның ішінде білім беру, медициналық, балабақша, халыққа қызмет көрсету мекемелерімен тығыз байланыста боламыз. Бұл мәселе аталған мекемелерді тексеру кезінде талқыланады. Өрт кезінде түрлі қызметкерлер өзін қалай ұстауы керек, яғни жұмысты тоқтату, өздерінің қауіпсіздігін қамтамасыз ету және шұғыл түрде іс-әрекеттерді орындау, мұның бәрі жаттығулар кезінде алдын ала пысықталады. Білім беру орындарына келсек, балабақшалар мен мектеп мұғалімдеріне және балаларға қауіп төнген жағдайда қалай әрекет ету керектігі нұсқауда көрсетілген. Жазда апаттық баспалдақты қалай пайдалану және түтін болған кезде балаларды көшеге шығару сынды жұмыстарды көрсетеміз.Біз климатты ескере отырып, қыста балалар қалай эвакуацияланатынын да зерделейміз. Осының барлығын төтенше жағдайлар кезінде алдын ала үйретеміз, ол үшін жылдың кез келген мезгіліне қарамастан қызметкерлермен кездесулер, тәжірибелік жаттығулар ұйымдастырылады. Сондықтан қызметкерлерді үй-жайдан шұғыл эвакуациялау үшін әрқашан үйретіп отыру керек.Әріптестерім қандай қиыншылыққа тап келсе де, өз ісін абыроймен атқаруға бар ынтасымен кірісуде. Қандай қайғылы, қасіретті оқиға болсын бар күш-жігерін салып, құтқару жұмыстарын жүргізіп жүрген құтқарушылардың еңбегі ерен. Әріптестерімнің үлкен еңбегі құтқарған адамдардың алғысымен бағаланып, тәуелсіз Қазақстанның гүлденуіне сеп болады деп сенемін.– Сұхбатыңызға рахмет!

Еркін Назарқұлов: Апат айтып келмейді

<a href="https://kyzylorda-news.kz/">Kyzylorda-news.kz</a> Бұл жайында <a href="https://inbusiness.kz/kz/last/resejde-zhasalgan-kyrgyn-ushin-lankesterge-kansha-tolengeni-belgili-boldy">inbusiness.kz</a> сайтына сілтеме жасап, Kyzylorda news ақпарат агенттігі хабарлайды.Бұған дейін лаңкестердің бірі Шамсидин Фаридуни шабуыл үшін&nbsp;500 мың рубль (2,4 миллион теңге) уәде етілгенін&nbsp;айтқан. Көбі әрқайсысына 500 мың рубль төленген деп оның сөзін қате түсінген.&nbsp;Шабуылға қатысқан екі лаңкес Түркияға барған кезде нұсқау алған болуы мүмкін.&nbsp;<blockquote>"Бұл классикалық мағынада террористердің, фанаттардың қараусыз қалған ұясы емес еді, керісінше, олар 2-3 аптаның ішінде бұл фанаттарға айналды. Барлығын қашықтан басқаруға болады. Бұл кездейсоқ таңдалған "ақылды және сыни ойлау деңгейі өте төмен орындаушылар. Бұл жұмысқа алудың және психологиялық қысымның алуан әдістерін жетік меңгерген олардың кураторларына такси жүргізушілері мен шаштараздарды террорист етуге мүмкіндік берді", - деп түсіндірді "Известия" газетіне терроризмге қарсы қауіпсіздік саласындағы маман.</blockquote>Фото: Dzen.ru

Қазақстан және Қызылорда облысының басты жаңалықтары