Фото: облыс әкімінің баспасөз қызметі&nbsp;<a href="https://kyzylorda-news.kz/">Kyzylorda-news.kz.</a> &nbsp;Бүгін облыс әкімі Нұрлыбек Нәлібаев ақын, ұлағатты ұстаз Рахат Наурызбаева мен еңбек ардагері Жәдігер Орақбаевты мерейтойымен құттықтады.<blockquote>«Бүгін қос мерейтой иесінің қуанышына жиналдық. Ақын, ұлағатты ұстаз, ғалым, Қазақстан Жазушылар Одағының мүшесі, педагогика ғылымдарының докторы Наурызбаева Рахат Наурызбайқызы мерейлі 80 жасқа, еңбек ардагері, Қызылорда қаласы және Сырдария ауданының құрметті азаматы Орақбаев Жәдігер Орақбайұлы 75 жасқа толды.Кез келген кемелденген өркениетті мемлекет өз әдебиетін, мәдениетін, тарихын қастерлеп, оны жас ұрпақтың санасына сіңіруге күш жұмсайды. Қазақ әдебиетінің маңызды тармағы балалар әдебиетіне өз үлесін қосып, кішкентай оқырмандардың қызығып оқитын авторына айналған Рахат Наурызбайқызы апамыздың шоқтығы биік.Мәнді де мағыналы ғұмыр кешіп, абыройға, сый-құрметке бөленген аға буын арасында Жәдігер Орақбайұлының тұлғалық келбеті, адами болмысы өз алдына бөлек», – деді Нұрлыбек Машбекұлы.</blockquote>Рахат Наурызбайқызы 1944 жылы 25 қаңтарда Қазалы ауданында дүниеге келген. Саналы ғұмырының 56 жылын еліміздің білім саласына жұмсаған. Бәсекеге қабілетті шәкірттер оқытып, оларға тәрбие беруге өлшеусіз еңбек сіңірген ұлағатты ұстаз. 2009 жылы Қазан университетінің педагогика кафедрасында педагогика ғылымдарының докторы атағын қорғады. Рахат Наурызбайқызы 4 монографияның, 5 жыр жинағы мен 10 оқу-әдістемелік құралының, 200 радиохабардың авторы. Балаларға арнап «Бастау», «Ақ қозы», «Сергек Серік» атты жыр жинақтарын, «Үй ішімізбен қазақша үйренейік» оқу құралын және 100-ден аса ән жазған. ҚР Білім министрлігінің «Ыбырай Алтынсарин» төсбелгісі, Ресейдің Халықаралық Бейбітшілік және келісім қорының «Білім берудегі еңбегі үшін» медалі және өзге де марапаттардың иегері.Жәдігер Орақбайұлы 1948 жылы 31 желтоқсанда Арал ауданында дүниеге келген. Еңбек жолын 1970 жылы Тереңөзек жұмысшылар кооперациясынан бастап, осы ұжымның басшылық қызметіне дейін көтерілді. 1978 жылы аудандық, 1982-1985 жылдары облыстық тұтынушылар одағының басқарма бастығы болды. 1985-1996 жылдары өз бастамасымен құрған «Бірлестік» сауда-өндірістік мекемесін басқарды. Тәуелсіздіктің алғашқы жылдарында Жәдігер Орақбайұлы заман ағымын жете түсініп, кәсіпкерлік саласынан тың бағыт іздеді. «Гүлайым» фирмасын ашып, одан кейінгі жылдары «Жәдігер» шаруа қожалығын құрып, қазір шаруашылық ет және сүт бағытындағы жұмыстарды жандандыруға атсалысуда.Актив отырысында Рахат Наурызбайқызына және Жәдігер Орақбайұлына «Құрмет» грамотасы табысталды.Жиында қоғам қайраткерлері Биғали Қаюпов, Алмагүл Божанова, Мәдениет қайраткері Шәкизада Әбдікәрімов, Қазақстан Жазушылар одағы облыстық филиалының төрағасы Қаршыға Есімсейітова, Қазақстанның Еңбек Ері Имамзада Шағыртаев, ауылшаруашылығы саласы ардагерлері кеңесінің төрағасы Нұрлыбай Ұлықпанұлы мерейтой иелерін құттықтады.<img src="https://knadmin.beoblood.kz/uploads/Akim_oblasti_pozdravil_yubilyarov_2_7af792efad.jpg" alt="Аким области поздравил юбиляров 2.jpg">

Әріптестері қос мерейтой иесін құттықтады

Фото: gov.kz<a href="https://kyzylorda-news.kz/ru">Kyzylorda-news.kz.</a>&nbsp; Ішкі істер министрлігі жаяу жүргіншілерге арналған жаңа ереженің жай-жапсарын түсіндірді. Қазір ашық талқылаудағы өзгерістер қабылданса, онда көшеден өтуді шектейтін норма қарастырылады.Жақында талқыға түскен жаңа ереженің жайы былай: енді бағдаршамның жасыл түсі жанғанның өзінде екі жақтан да көлік тоқтағанына көз жеткізбейінше, жүруге рұқсат жоқ. Ең болмаса сарыға үлгерем деп зуылдап келе жатқан көліктің іркілмей өтіп кетуіне басымдық беріледі. Яғни жаңа ереже қабылданса, жасыл жанды екен деп жаяу жүргіншілердің бірден адымдап кетуі тыйылады, деп хабарлады <a href="https://www.ktk.kz/kz/news/video/2024/01/11/260689/">КТК.</a>Соңғы жылдары жаяу жүргіншілер зардап шеккен апат жиілепті. Бұл өзгеріс сол статистиканы жақсартуға септігін тигізе ме деген үміт бар.<blockquote>"Бағдаршамның рұқсат беру сигналы жанған уақытта жаяу жүргінші өзінің қауіпсіздін қамтамасыз етуі керек. Себебі көп жағдайда жаяу жүргінші бағдаршамның белгіленген жасыл түсі жанған уақытта жан-жағына қарамай жолға шығып кетеді. Ол уақытта қозғалысты бұрын бастаған көлік құралдары маневрды аяқтауына және көз жеткізбестен жолға шығады. Сол себептен біз осы тармаққа түзетулер енгізіп отырмыз", - деп түсіндірді ІІМ ӘПК аға инспекторы Таңат Асылжанов.</blockquote>Жол қозғалысына түзету енгізу былтыр қараша айында басталған. Өкілетті органдар бұл ереженің егжей-тегжейін әлі пысықтап жатыр. Дегенмен кейбір сарапшы "бұл піспеген, шикі заң жобасы" деген пікірде.<blockquote>"Бұл жаңа заң жобасымен адамдарды шатастырамыз. Не істерін білмей қалады. Ал жүргізушілердің, былайша айтқанда, құзіреті кеңейеді. Ешкімді өткізбесем болады деген оймен көлігін жүргізеді. Ең басты мәселе — осы заң жобасын жүргізушілер мен жаяу жүргіншілерге қалай жеткіземіз? Қиын ереже. Ал оны қалай қадағалаймыз? Полицияның басқа да шаруасы жетіп жатыр ғой", - дейді автосарапшы Алексей Алексеев.</blockquote>Ішкі істер министрлігі түзетулердің әлі қабылданбағанын, қоғамдық талқылауда шешім қабылданатынын жеткізді. Жаңа ереже бағдаршамы бар жерге қатысты. Дей тұрғанмен қадағаланбайтын жүргіншілер жолағынан өткенде де абай болған абзал.

Бағдаршамның жасыл түсі жанды деп жолға жүгіріп шығуға болмайды – жаңа ереже

<a href="https://kyzylorda-news.kz/ru">Kyzylorda-news.kz.</a> Ғылыми-зерттеу саласында нәтижелі еңбек етіп жүрген жас жетерлік. Олар алда үлкен жауапкершілік тұрғанын сезінеді. Сондықтан білім жетілдіріп, тәжірибелерде тәуекелге бел буу – басты мақсаты. Жерлесіміз, дәрігер Мұхит Құлмағанбетовтың жаңашылдыққа деген құлшынысы соған дәлел. Мұхит Қызылорда облысында өскен. Қалжан ахун ауылында, кейін Тереңөзек кентінде білім алған. Осылайша арманына қанат байлаған жас С.Ж.Асфендияров атындағы Қазақ Ұлттық медицина университетінің жалпы медицина факультетіне оқуға түседі.Ауылдан Ұлыбританияға дейінАуылдан шыққан қазақтың қара баласы бұл қадамнан соң Еуропаның жоғары оқу орындарының бірінде лекция оқитын деңгейге жеткен. Жалпы хирургия мамандығын тәмамдаған соң Қазақ көз аурулары ғылыми-зерттеу институтында офтальмолог болсам деген мақсат қойыпты. Сол уақытта Ұлыбританияға жолы түсіп, ғылыми конференцияға қатысқан. Осы сәттен бастап білімді жастың жоспары күрт өзгереді. Мұхитқа Кардифф университетінің профессорлары бірге жұмыс істеуге ұсыныс білдіреді.<blockquote> – Әлем мойындаған, офталь­мологияның алдыңғы қатардағы ғалымдарының өздері ұсыныс айтқанда қуанышымда шек болмады. Тез арада жобаның жоспарын талқылап, қаражат іздей бастадық. 3 айдан кейін тәуекелге бел буып, Кардифф университеті және Британия кеңесі (British Council) ұйымдастырған жарысқа қатыстық. Дүниежүзінен қатысқан 680 үміткердің арасынан 7 жеңімпаз әртүрлі мамандық бойынша PhD докторантураға оқуға мүмкіндік алдық. Сол жерде офтальмология, оптика, анатомия және клиникалық диагностика пәндерінен сабақ бердім. Кардифф университеті көз зерттеулері бойынша Еуропаның алдыңғы қатарында тұрса, Ұлыбританияда мінсіз көшбасшы. Сондықтан таңдауым осы елге түскен еді, – дейді жас ғалым.</blockquote>Үлкен академиялық атағы бар университеттер грант, демеуші немесе қолдаушы іздеп әуреге түспейді. Керісінше, сол жердегі мамандарға сұраныс жоғары. Сол себепті қаражат мәселесі, оның ішінде зерттеу шығындары қолбайлау емес. Сондықтан болар, кейіпкерімізге «ақша жоқ, зерттеуіңді арзан түрде жаса» деп қысым көрсетілмеген көрінеді.Туабітті көз ауруын емдеуге боладыСоның нәтижесінде Мұхит «Көздің торлы қабығының нейродегенеративті ауруларын оптикалық когерентті томографияны және жасанды интеллектті пайдалана отырып ерте анықтау» тақырыбына терең бойлаған. Аталған ауруларға глаукома, жасқа байланысты макулярлы дегенерация (ЖМД) және Альцгеймер аурулары жатады. Бұл аурулардың ортақ ерекшелігінің бірі – радикалды емнің жоқтығы. Бұған қоса глаукома және ЖМД соқырлықтың негізгі себебі.<blockquote> – Зерттеу үш сатылы эксперименттен тұрды. Ол – химиялық, жануарларға эксперимент жасау және клиникалық жұмыс. Бірінші сатысында көздің торлы қабығының жасанды оптикалық фантомдарын органикалық және бейорганикалық химикаттардан жасап, кейін оптикалық когерентті томографиямен түсірдім. Бұрын химия пәнін жақсы көргеннен кейін осы зерттеу ойдағыдай шықты. Екінші бөлікте жануарлар, оның ішінде тышқан мен егеуқұйрықтың көзін зерттедім. Эксперимент барысында кеміргіштердің көзіне ауру моделін жасап, кейін диссекцияладық. Сол әдіс арқылы торлы қабықтың ганглиозды жасушаларының апоптозын зерттедік. Сонымен қатар 3xTg тышқан моделінің көзін ОКТ-ға түсірдік, бұл тышқандарда Альцгеймер ауруының сипаттары бар. Кейін биологиялық өзгерістердің математикалық есебін шығардық. Осы орайда машинамен оқыту әдісін пайдаландық. Зерттеудің үшінші, әрі ең маңызды сатысы – клиникалық жұмыс. Бұл кезеңде глаукома және ЖМД бар науқастардың көзін томографияға түсірдім. Кейін скандардың барлығын жинап болған соң, жасанды интеллект әдісін пайдаланып, аурулардың ерте диагнос­тикасымен айна­лысамыз. Тіпті кванттық техногологиямен туабітті көз ауруын емдеуге болады, – дейді ол.</blockquote> Жас ғалымның бұл ізденісі ғылыми ортаға жылдам тараған. Уэльсте Қазақстаннан келген студент оптикалық жүйе жасаумен айналысып жүр дегенді естіген Канададағы Уатерлоу университеті институтының физиктері маман қажеттігін айтып, хабарласқан.<blockquote> – Олар Уатерлоу университетіне баруыма немесе Гонконгта енді құрыла бастаған кванттық офтальмология бойынша зертханаға жетекшілік ету туралы ұсыныс тастады. Мен докторантураны бітіргім келетінін және электроника, инженерияны меңгергенмен, кванттық физиканы білмейтінімді айттым. Келісім аясында ғалымдарға оқу мерзімі аяқталғанға дейін кванттық физиканы меңгеруге уәде еттім. Олар да қолдау көрсетті. Осылайша, Гонконг зертханасында жұмыс істеу өз еліме ғылымның жаңа технологиялық жаңалықтарын жеткізуге берілген зор мүмкіндік деп білемін, – дейді Мұхит.</blockquote>Қазақстан үшін үшінші микроскоп жасағым келедіБүгінде Гонконг зертханасында АҚШ, Ұлыбритания, Канада, Үндістан, Гонконг, Сербия, Ресей, Қазақстаннан барған жеті ғалым жұмыс істейді. Топтың кураторы – канадалық-америкалық профессор, Массачусетс технологиялық институтының ең мықты кванттық физигі Дэвид Кори. Ал ғалым-әріптестер құрған Structured Light Tomography компаниясының басшысы – Мұхит Құлмағанбетов. Олардың жұмысына тіпті Нобель сыйлығының лауреаттары қызығушылық танытып отыр екен. Мұхиттің айтуынша, әлемдік медицинада глаукома, диабеттік ретинопатия, макулярлы дегенерацияның емі табылған жоқ. Әлеуметтік салдары күрделі осындай ауруларды емдеу, алдын алу уақыт еншісінде. Ғалымдар қазіргі кезде микроскопты миниатюризирлеу және толық­қанды цикл бойынша жұмыстар істеп жатыр. Өндірісті аяқтау мерзімі келер жылдың ортасына қарай болжанған. Мұндай жағдайда Мұхит Гонконг зертханасымен үш жылға жасалған келісімшартты ұзартуы мүмкін. Ал сынақтан өткен аппараттар нарыққа шыққаннан кейін әлем офтольмологтері үшін үлкен жаңалыққа айналатыны анық. Гонконг зертханасындағы жұмыс Мұхитқа жаңа тәсілдер үйренуде де сеп болған. Себебі, ғылыми ізденістен бөлек коммерцияландыру, мақала жариялауға болады. Қазіргі кезде екі ел арасында жиі қатынайтын кейіпкеріміз Канадада профессорлардың үлкен зертханасында науқастарды қабылдап, кванттық физика, офтальмология тұрғысынан ауру түрлерін анықтауға атсалысып жатыр. Сонымен қатар Алматыдағы Көз аурулары ғылыми-зерттеу институтында 2014 жылдан бері ғылыми сарапшы ретінде қашықтан жұмыс істеп келеді. Бүгінде аталған институтпен Кардифф университеті арасында білім, ақпарат, технология алмасу бойынша меморандумға қол қойылған. Сондай-ақ ол аэроғарыш медицинасы бойынша NASA-дағы әріптестерімен бірлескен жоба жасап жатыр. Жан-жақты ғалым «Қашан елге келіп, еңбек етесіз?» деген сауалға былай жауап берді.<blockquote> – Медицина, әсіресе ғылыммен айналысатын мамандар тапшы кезде Қазақстанға оралу – ел мүддесіне де қажет стратегиялық қадам. Бірақ мүмкін болса, сыртта жүрген жас ғалымдарды шақырып, оларға жайлы жағдай жасаған дұрыс деп ойлаймын. Болашақта Қазақстан үшін үшінші микроскоп жасағым келеді. Сонда біз глаукоманы, ЖҚА және басқа да ауруларды ерте кезеңде анықтай аламыз. Мен қазір елімізге ғана емес, бүкіл әлемге көмектесетін ғылыммен айналысып жатырмын деп санаймын, – деп түйіндеді әңгімесін ғалым.</blockquote> Мөлдір СНАДИН

Қазақстандағы алғаш кванттық офтальмолог Қызылордадан шықты

Фото: halyq-uni.kz<a href="https://kyzylorda-news.kz/">Kyzylorda-news.kz.</a> &nbsp;Көпбалалы аналарға мемлекеттік жәрдемақылардан бөлек көптеген жеңілдік қарастырылған. Төрт және одан да көп баласы бар отбасылар тұрғын үй кезегіне тұрып, бизнес бастауға қайтарымсыз грант ала алады. Бұл туралы <a href="https://bugin.kz/34691-kopbalaly-analar-2024-dgyly-qanday-dgenhildikterge-ie-bolady">Bugin.kz </a>тілшісі BAQ.KZ сайтына сілтеме жасап хабарлайды. &nbsp;Еліміздің демографиялық көрсеткіші жыл санап артып келеді. Соның арқасында 2023 жылы Қазақстан халқының саны 20 миллион адамға жетті. Көпбалалы отбасылар демографиялық ахуалымызды көтеруге үлкен үлес қосып отыр. Өз кезегінде ел Үкіметі түрлі қолдау шараларын ұсынып отыр. Бұл шаралардың бар екенін бірі білсе, бірі хабарсыз. Сол себепті әрқайсысына бөлек тоқталып көрейік.Көпбалалы отбасыларға кімдер жатады?Елімізде 4 және одан да көп кәмелет жасына толмаған баласы бар отбасылар бірден көпбалалылар санатына жатқызылады. Сондай-ақ күндізгі оқу бөлімінде оқитын студенттері барлар да көпбалалылар қатарына қосылады. Бұл ретте баласы кәмелет жасына толғаннан 23 жасқа дейін орта, техникалық және кәсіптік, орта білімнен кейінгі, жоғары және жоғары оқу орнынан кейінгі білім беру ұйымдарында білім алуы тиіс екенін ескерген жөн. Алты бала туған көпбалалы аналарға "Күміс алқа", ал жеті не одан көп бала туған көпбалалы аналарға "Алтын алқа" беріледі.Мемлекет көпбалалы отбасыларды қандай жәрдемақымен қамтамасыз етеді?Соңғы бес жылда көпбалалы аналарға мемлекет тарапынан үлкен қолдау көрсетіліп келеді. Мәселен көпбалалы отбасыларға олардың табысына қарамастан мемлекеттік жәрдемақы тағайындалады. Биыл айлық есептік көрсеткіш мөлшері 3692 теңгеге дейін ұлғайтылған соң жәрдемақы мөлшері де көтерілді. 2024 жылы жәрдемақы мөлшері төмендегідей болды:Төрт балаға – 59 183 тг; Бес балаға – 73 988 тг; Алты балаға – 88 793 тг; Жеті балаға – 103 598 тг; Сегіз және одан да көп баласы бар отбасыларға – ай сайын әр балаға 4 АЕК немесе 14 768 теңге мөлшерінде жәрдемақы беріледі.Егер барлық құжат дұрыс болса, мемлекеттік жәрдемақы автоматты түрде тағайындалуы тиіс. Егер сіз көпбалалы отбасы бола тұра, бұл жәрдемақыны алмаған болсаңыз, "Азаматтарға арналған үкімет" мекемесіне барып, мән-жайды анықтау керек.Жоғарыдағы санаттардан басқа "Алтын алқа", "Күміс алқамен" және басқа да ордендермен марапатталған көпбалалы аналарға бөлек жәрдемақы тағайындалады. "Алтын алқа", "Күміс алқа" алқаларымен марапатталған немесе бұрын "Батыр ана" атағын алған, І және ІІ дәрежелі "Ана даңқы" ордендерімен марапатталған көпбалалы аналарға ай сайын 6,4 АЕК мөлшерінде мемлекеттік жәрдемақы төленеді. Жәрдемақыны алу үшін "Азаматтарға арналған үкімет" МК" КЕАҚ-ға өтініш жазып, жеке басты куәландыратын құжатты, "Алтын алқа", "Күміс алқа", "Батыр ана", І және ІІ дәрежелі "Ана даңқы" ордендерімен марапатталғанын растайтын құжатты ұсыну қажет. Бұдан бөлек көпбалалы ана Байқоңыр қаласынан болса, қалалық тұрғын үй шаруашылығының азаматтарды есепке алу және тіркеу бөлімінің анықтамасы керек.Әлеуметтік баспана"Алтын алқа", "Күміс алқа" алқалары иелері, бұрын "Батыр ана" атағын алған, І және ІІ дәрежелі "Ана даңқы" ордендерімен марапатталған көпбалалы аналар тұрғын үй кезегіне тұрып, баспана ала алады. Тұрғын үй кезегіне тұру үшін kezekte.kz порталына ЭЦҚ арқылы тіркеліп, санаулы минуттарда өтінім беруге болады.Қазір Қазақстан бойынша 646 082 адам кезекте тұр. Олардың 116 244-і немесе 18%-ы көпбалалы аналар. Жалпы баспана кезегінде тұрғандардың 39,5%-ы - халықтың осал топтарына жататындар, 32,3%-ы мемлекеттік қызметшілер, 9,7%-ы жетім балалар екенін айта кеткен жөн.Бұдан бөлек көпбалалы аналар Тұрғын үй-коммуналдық инфрақұрылымды дамытудың 2023-2029 жылдарға арналған тұжырымдамасы шеңберінде жылдық 2%-дан және 5%-дан аспайтын сыйақы мөлшерлемесі бойынша әлеуметтік кредиттік тұрғын үйді сатып алуға мүмкіндігі бар. Ол үшін тиісті конкурстың басталғанын күтіп, otbasybank.kz сайты арқылы өтінім беру керек. Соңғы рет Астана қаласында өткізілген конкурс кезінде пәтерлер тұрғын үй кезегі бойынша берілді.Сонымен қоса табысы төмен отбасылар үшін әкімдіктер тұрғын үй сатып алу үшін тұрғын үй сертификатын ұсынады. Сертификат ҚР Ұлттық банкі бекіткен ипотекалық бағдарлама немесе мемлекеттік тұрғын үй құрылысы бағдарламасы бойынша тұрғын үй сатып алынған жағдайда беріледі. Тұрғын үй сертификаты ипотекалық тұрғын үй қарыздары бойынша бастапқы жарнаның бір бөлігін жабу үшін беріледі. Былтыр оның мөлшері 1,5 млн теңге шамасында болды.Кезекте тұрған көпбалалы отбасылар пәтердің жалдау ақысын субсидиялай алады. Бұл ретте отбасының соңғы 6 айдағы жиынтық табысы оның әрбір мүшесіне шаққанда ең төменгі күнкөріс деңгейінің 1 еселенген мөлшерінен аспауы тиіс. Аталған көмекке қол жеткізу үшін тұрғын үйге мұқтаж жан ретінде есепке қойылғанын растауы қажет. Көпбалалы отбасылар жалға берілетін тұрғын үйді өздері іздейді. Оның құнын есептеу кезінде бірнеше факторды ескеру қажет. Мәселен отбасында 4-5 адам болса, жалдайтын баспана ауданы 60 шаршы метрден аспауы тиіс. Өтінімді otbasybank.kz порталы арқылы беруге болады.Салық жеңілдігі"Алтын алқа", "Күміс алқа" алқаларымен марапатталған көпбалалы аналар бірқатар салық төлемінен босатылған. Атап айтқанда:-Көлік салығы. "Батыр ана", "Алтын алқа" не "Күмiс алқамен" наградталған көпбалалы аналар бір көліктің салығын төлеуден босатылады.-"Батыр ана" атағына ие болған немесе "Алтын алқа" алған көпбалалы аналар тұрғын үй қоры иеленген жер учаскелеріне салынатын салықты төлемеуге құқылы;-үй жанындағы жер учаскелеріне салынатын салықтан босатылады;-"Батыр ана" атағын алып, "Алтын алқамен" наградталған аналар 1000-еселік мөлшердегі АЕК шегінде жеке тұлғалардың мүлкі бойынша салықтан босатылады;-нотариалдық қызметтерге жүгінгенде мемлекеттік баж салығын төлемейді.Зейнетке 53 жасынан шығадыҚазіргі заңнамаға сәйкес ерлер үшін зейнетке шығу жасы - 63 жаста, әйелдер үшін - 60 жаста деп белгіленген. "Қазақстан Республикасының зейнетақымен қамсыздандыру туралы" Заңында әйелдердің зейнетке шығу жасын кезең-кезеңімен 2018 жылдан бастап 2027 жылға дейін яғни 10 жыл ішінде, жыл сайын 6 айға ұлғайту көзделген. Осылайша 2027 жылға қарай әйелдердің зейнетке шығу жасы, ерлер үшін зейнеткерлік жас - 63 жасқа жетуі тиіс.Заңаға сәйкес көпбалалы аналар 53 жасқа толғанда зейнетке шыға алады. 5 және одан да көп бала туған немесе асырап алған, әрі оларды 8 жасқа дейін тәрбиелеген әйелдер 53 жасқа толғанда жасына байланысты зейнетақы төлемдерін алуға құқылы. 4 баланы тәрбиелеп отырған көпбалалы отбасылар бұл санатқа жатпайды. Алайда ананың баласын бағып-күткен, жалпы жиынтығы 12 жыл шегінен аспайтын уақыты зейнетақы тағайындау үшін еңбек өтіліне есептеледі.Атаулы әлеуметтік көмекКөпбалалы аналар атаулы әлеуметтік көмек ала алады. Қазақстанда атаулы әлеуметтік көмекті жан басына шаққандағы орташа табысы кедейлік шегінен аспайтын келесі санаттағы тұлғалар ала алады:ҚР азаматтары; қандастар; босқындар; шетелдіктер; ҚР-да тұрақты тұратын азаматтығы жоқ тұлғалар.Атаулы әлеуметтік көмек мөлшерін отбасының әрбір мүшесі есебінен орташа жан басына шаққандағы табыс бойынша есептеледі. Яғни табысы төмен көпбалалы отбасылар ҚР азаматтары ретінде өтінім беріп, қажетті құжаттарын ұсынса, әлеуметтік төлемге қол жеткізе алады. &nbsp;Отбасының құрамы, табысы өзгерген жағдайда тағайындалған атаулы әлеуметтік көмектің мөлшері қайтадан есептеледі.Сонымен қатар 8 наурызда, сондай-ақ қарттар күнінде көпбалалы отбасыларға (2,5 АЕК көлемінде), "Алтын алқа", "Күміс алқа" иелеріне бірреттік жәрдемақы төленеді.Көпбалалы аналар қоғамдық көлікпен тегін қатынайды2023 жылдың 1 наурызынан бастап "Автомобиль көлігі туралы" заңға өзгерістер енгізілді. Заңға сәйкес "Алтын алқа", "Күміс алқа" алқаларымен наградталған немесе бұрын "Батыр ана" атағын алған, сондай-ақ I және II дәрежелі "Ана даңқы" ордендерімен наградталған көпбалалы аналардың тегін жол жүруге құқығы бар.Астанада тегін жол жүру картасын ресімдеу үшін Рақымжан Қошқарбаев даңғылы, 50/1 мекенжайындағы орталық кассаға бару керек немесе transcard.kz онлайн сайты арқылы үйге тапсырыс беруге болады.Бизнес бастауға қайтарымсыз грант беріледі2021-2025 жылдарға арналған кәсіпкерлікті дамыту жөніндегі ұлттық жоба шеңберінде халықтың әлеуметтік осал топтарына жататын азаматтарға, оның ішінде көпбалалы отбасыларға жаңа бизнес-идеяларды іске асыру үшін грант беріледі. Еңбекмині баспасөз қызметінің мәліметінше, 2023 жылдың басынан бастап 4 963 көпбалалы отбасы грант иеленген. Биыл 9 мың грант беру көзделген.Былтыр мал шаруашылығына – 2 907, өсімдік шаруашылығына – 148, мүкәммал, еңбек құралдарын сатып алуға – 2 221, технологиялық жабдықтарды сатып алуға – 3 661, орын жайды жалға алуға – 165 қайтарымсыз гранттар берілген екен.Гранттарды еңбек мобильділігі орталықтары үміткерлердің өтініштерін қарау жөніндегі аудандық/қалалық комиссияның шешімі негізінде береді. Үміткерлер өздерінің бизнес-жобаларын комиссия отырыстарында таныстырады. Комиссия отырысының өткізілетін орны, күні мен уақыты туралы хабарлама Business.enbek.kz порталында грант алуға өтініш берушінің жеке кабинетінде көрсетіледі.Көпбалалы отбасылардан шыққан оқушыларға қандай жеңілдік ұсынылады?Көпбалалы отбасылардан шыққан оқушылар көптеген әлеуметтік шарамен қамтылады. &nbsp;-Көпбалалы отбасыдан шыққан балаларға жаздық лагерьлерде тегін демалады;-Мектепте тегін ыстық тамақпен қамтылады;-"Мектепке жол" акциясы аясында мектеп формасы және оқу құралдарымен қамтылады;-Түрлі үйірмелерге тегін қатыса алады;-Балабақшада бірінші кезекте орын беріледі. Ол үшін indigo24.kz сайтына баланы тіркеу қажет. Сонымен қатар былтырдан бастап мемлекеттік балабақшаға тегін барады.Астананың көпбалалы отбасылары қандай жеңілдіктерге иеАстанада жер үйде тұратын көпбалалы отбасылар көмір алу үшін өтемақыға өтінім бере алады. Ол үшін жылу берілетін кезеңде, яғни 15 қазаннан 15 сәуірге дейін электрондық үкімет порталы egov.kz немесе Астана қаласы Жұмыспен қамту және әлеуметтік қорғау басқармасы, сонымен қатар «Жанұя» отбасы институтын қолдау орталығына жүгіну керек.Бұдан бөлек Clean City NC астаналық көпбалалы отбасыларға қоқыс шығару қызметі үшін 50% жеңілдік береді. Жеңілдік көпбалалы куәлігін ұсына отырып, жазбаша өтініш берген сәттен бастап беріледі.Сондай-ақ елордалық көпбалалы отбасылар «Бәйтерек» монументіне, Ұлттық музейлерге, "НұрӘлем" павильонына, "Алау" мұз айдынына тегін кіре алады.&nbsp; Сонымен қоса Оқушылар сарайында әр бала бір үйірмеге тегін бара алады.PS. Қазақстанның әр өңірі бюджетіне қарай көпбалалы отбасыларды әлеуметтік шаралармен, түрлі жеңілдіктермен қамтып отырады. Сол себепті жоғарыда көрсетілген қолдау шараларынан бөлек көпбалалы отбасы ретінде сізге қандай көмек тиесілі екенін білу үшін жергілікті әкімдікке жүгінуіңіз қажет.

Көпбалалы аналар 2024 жылы қандай жеңілдіктерге ие болады?

Фото: gov.kz<a href="https://kyzylorda-news.kz/ru">Kyzylorda-news.kz.</a> Қазгидромет синоптиктері 12 қаңтар, жұмаға арналған ауа райы болжамын жариялады.&nbsp;Қазақстан аумағының басым бөлігінде атмосфералық фронттардың әсерінен ауа райының тұрақсыз, құбылмалы сипаты сақталады.Жауын-шашын (көбіне қар) жауады.&nbsp;Ел бойынша тұман түседі, көктайғақ, бұрқасын, екпінді жел болжанады.

Жұмаға арналған ауа райы болжамы 

Фото: облыс әкімінің баспасөз қызметі&nbsp;<a href="https://kyzylorda-news.kz/">Kyzylorda-news.kz.</a>&nbsp; Бүгін облыс әкімі Нұрлыбек Нәлібаев Ұлы Отан соғысының ардагері Тілеуберген Тобабергеновтің үйіне барып, ақсақалдың хал-жағдайын білді.Аймақ басшысы ҚР Парламенті Мәжілісінің депутаттары Мұрат Әбенов, Мархабат Жайымбетов, Мұрат Ергешбаевпен бірге абыз ақсақалды 100 жасқа толған мерейтойымен құттықтап, Сыр жұртшылығы атынан 3 бөлмелі пәтер сертификатын табыстады. Жаңа баспана Қазалы ауданында салынған екі пәтерлі үйлерден берілді.Майдангер өзіне көрсетілген құрметке ризашылығын білдіріп, береке-бірлік бар жерде ғана істің алға басатынын айтты. Ел азаматтарына ақ батасын берді.Ғасыр жасаған қарт Тілеуберген Тобабергенұлы Қазалы ауданының №2 ауылдық кеңесіне қарасты Жамбыл колхозында 1924 жылы дүниеге келген. 1942 жылы майданға алынып, 291-атқыштар полкі құрамына жіберілген. Беларусьті, Польшаны, Чехословакияны, Калининград қаласын жаудан азат етуге қатысқан. Бас қолбасшының «Алғыс хатын» алып, «Кенигсберг қаласын азат еткені үшін», «Германияны жеңгені үшін» медальдарымен марапатталды.<img src="https://knadmin.beoblood.kz/uploads/418451470_673903978264183_5597475241066829426_n_335cb3d508.jpg" alt="418451470_673903978264183_5597475241066829426_n.jpg">

Сыр өңірінде соғыс ардагеріне пәтер табысталды

Фото: облыс әкімінің баспасөз қызметі&nbsp;<a href="https://kyzylorda-news.kz/">Kyzylorda-news.kz.</a>&nbsp; Облыс әкімі Нұрлыбек Нәлібаев Қазалы ауданына сапары кезінде Әйтеке би кентіндегі 600 орындық мәдениет үйінің ашылу рәсімінде тұрғындарды құттықтады. Іс-шараға ҚР Парламенті Мәжілісінің депутаттары Мұрат Әбенов, Мархабат Жайымбетов, Мұрат Ергешбаев қатысты.<blockquote>«Қазалы ауданы – қазақ өнері мен мәдениетінің көрнекті тұлғалары дүниеге келген, сабақтастықтың алтын тіні үзілмеген, ел-халықтың ықыласына бөленген таланттарға бай өлке. Осы жылы ауданда ауқымды жұмыстар атқарылады. Бүгін Қазалыда 250 орындық жаңа мектепті пайдалануға бердік. Кәукей ауылында 100 орындық ауылдық клуб салынуда. Майдакөл ауылында да жақын күндері клуб құрылысы басталады. Бекарыстан би, Қожабақы ауылдары мен Әйтеке би кентінде спорт кешені бой көтереді. Әлеуметтік қолдауды қажет ететін отбасыларға арналған 22 тұрғын үй табысталады. Өзге де ауқымды жоспарларымыз бар», – деді аймақ басшысы.</blockquote>Іс-шарада ҚР Парламенті Мәжілісінің депутаты Мұрат Ергешбаев қазалылықтарды жаңа мәдениет ошағының ашылуымен құттықтап, «РЗА» АҚ президенті Самұрат Имандосов бата берді.Ашылу рәсімінде өңірдегі қоғамдық бастамаларға үн қосып, ауданның әлеуметтік-экономикалық дамуына үлес қосқан тұрғындарға, өнерпаздар мен спортшыларға құрмет көрсетілді.Әрі қарай іс-шараға қатысушылар жаңа ғимаратты аралап, аудан өнерпаздарының концерттік бағдарламасын тамашалады.Айта кетейік, өткен жылы облыста 150 орындық төрт клуб жаңадан салынып пайдалануға берілді. Қызылорда қаласында отбасылық құндылықтар мен салт-дәстүрді дәріптейтін «Анаға тағзым», «Отбасы» орталықтары қызметін бастады.Биылға да өңірдің мәдениет пен спорт саласында ауқымды жобалар жоспарланған. Облыс орталығында халықаралық стандарттарға сәйкес келетін Орталық стадион және жабық бассейні бар көпсалалы дене шынықтыру-сауықтыру кешенінің құрылысы басталды. Келесі жылы нысандар ел игілігіне табысталады. Жақын арада «Самұрық қазына траст» қорымен бірге құны 2,7 млрд теңге болатын үстел теннисі орталығының құрылысы басталмақ. Биыл облыс бойынша 4,8 млрд теңгеге 6 спорт кешені мен 4 ауылдық клуб құрылысы қолға алынады. Құны 3 млрд 700 млн теңгені құрайтын 1000 орындық Өнер орталығы жақын күндері ашылады.Сондай-ақ, жуырда барлық аудандарда музей, кітапхана, архив, неке қию залы, ардагерлер және аналар, жастар орталықтарын біріктіретін типтік үлгідегі «Руханият» орталықтарының құрылысы басталмақ. Балалар мен жасөспірімдердің шығармашылығын шыңдау мақсатында Қызылорда қаласында «Шығармашылық академиясы» салынады.<figure class="image"><img src="https://knadmin.beoblood.kz/uploads/418736584_673901894931058_7514830987944960678_n_c559b1da0a.jpg" alt="418736584_673901894931058_7514830987944960678_n.jpg"></figure>&nbsp;<figure class="image"><img src="https://knadmin.beoblood.kz/uploads/418732856_673901844931063_6550165856111041552_n_8c7ec28396.jpg" alt="418732856_673901844931063_6550165856111041552_n.jpg"></figure>&nbsp;<figure class="image"><img src="https://knadmin.beoblood.kz/uploads/418505738_673901818264399_3151647501423293847_n_2af5083a90.jpg" alt="418505738_673901818264399_3151647501423293847_n.jpg"></figure>&nbsp;<figure class="image"><img src="https://knadmin.beoblood.kz/uploads/418478401_673902008264380_7448734113711459401_n_f04f200986.jpg" alt="418478401_673902008264380_7448734113711459401_n.jpg"></figure>&nbsp;<figure class="image"><img src="https://knadmin.beoblood.kz/uploads/418500129_673901864931061_7841222141677593603_n_2a47e9356e.jpg" alt="418500129_673901864931061_7841222141677593603_n.jpg"></figure>&nbsp;<figure class="image"><img src="https://knadmin.beoblood.kz/uploads/418439681_673901921597722_1075864580305674925_n_f53b374a5f.jpg" alt="418439681_673901921597722_1075864580305674925_n.jpg"></figure>

Қазалы ауданында мәдениет үйі ашылды

Фото: baq.kz<a href="https://kyzylorda-news.kz/">Kyzylorda-news.kz.</a>&nbsp; &nbsp;Қызылорданың "Қайсар" футбол клубы 23 қаңтардан бастап сатылымға шығарылады, &nbsp;- деп хабарлайды Massaget.kz.<blockquote>"Бастапқы баға – 1,6 млрд теңгені құрайды. Бастапқы жарна 252 млн теңгені қамтиды. Сатып алам деушілер барлық талаптармен электронды сатылымдар сайтында танысып шыға алады", - деп жазған Ермұхаммед Мәулен.</blockquote>"Қайсар" ұжымы осы уақытқа дейін "Қызылорда облысының экономика және қаржы басқармасының" балансында болған.Айта кетейік, қызылордалық команда өткен маусымды 6-орынмен аяқтаған болатын.&nbsp;

Қызылорданың "Қайсар" футбол клубы сатылады

Фото: qazaqstan.tv<a href="https://kyzylorda-news.kz/ru">Kyzylorda-news.kz.</a> Қазгидромет синоптиктері 11 қаңтар, бейсенбіге арналған ауа райы болжамын жариялады.&nbsp;Оған сенсек, Қазақстанның басым бөлігі әлі де&nbsp;көп ылғал қоры бар атлантикалық циклон ықпалында болады.Соның салдарынан негізінен қар жауып, бұрқасын соғады.Елдің оңтүстігінде және оңтүстік-шығысында жауын-шашын, кей аудандарда қар аралас жаңбыр жауады.&nbsp;Қазақстан бойынша тұман түсіп, көктайғақ болады, қатты екпінді жел тұрады.Жамбыл облысының оңтүстік-батысында, таулы аудандарында күндіз жел екпіні 30 м/с асады.&nbsp;

11 қаңтарға арналған ауа райы болжамы

Фото: gov.kz<a href="https://kyzylorda-news.kz/">Kyzylorda-news.kz.</a> Қызылорда қаласын 2 жылдай басқарған Шәменов Асылбек Өмірбекұлы Қазақстан Республикасы &nbsp;Президенті Әкімшілігі Мемлекеттік бақылау бөлімінің мемлекеттік инспекторы лауазымына тағайындалуына &nbsp;байланысты қызметінен босатылды.Асылбек Өмірбекұлы Шәменов 1978 жылы Қызылорда облысы, Жалағаш ауданында дүниеге келген.1999 жылы Алматы мемлекеттік университетін "Халықаралық туризм"мамандығы бойынша бітірген.;2004 жылы – Қорқыт Ата атындағы Қызылорда мемлекеттік университетін "Газ және мұнай кен орындарын игеру" мамандығы бойынша бітірген.;2014 жылы-Қорқыт Ата атындағы Қызылорда мемлекеттік университетін "Техника және технология" мамандығы бойынша тәмамдаған.Еңбек жолын 1999 жылы "Қызылорда интеграция" ЖШС-де менеджер лауазымынан бастады. 2000-2006 жж. - "Жібек-жолы" компаниясының туризм жөніндегі менеджері, Қызылорда қаласын газдандырудың салынып жатқан объектілері дирекциясының жетекші инженері; 2006-2009 жж.-Қызылорда облыстық энергетика және тұрғын үй-коммуналдық шаруашылық департаментінің жетекші маманы, бас маманы; 2009-2012 жж.-Қызылорда облыстық мемлекеттік сәулет-құрылыс бақылау басқармасының бас маманы, бөлім бастығы; 2012-2015 жж.-Қызылорда облыстық энергетика және тұрғын үй-коммуналдық шаруашылық басқармасының бөлім бастығы, басқарма бастығының орынбасары; 2015-2018 жж.-Қызылорда қаласы әкімінің орынбасары; 2018-2020 жж.-Қызылорда облысы жұмылдыру дайындығы басқармасының басшысы; 2020-2022 жж.-Жалағаш ауданының әкімі; 2022 жылғы 28 сәуірінен 2024 жылдың 10 қаңтарына дейін Қызылорда облысы әкімінің өкімімен Қызылорда қаласының әкімі лауазымында болды.&nbsp;

Асылбек Шәменов қызмет ауыстырды

Фото: облыс әкімінің баспасөз қызметі<a href="https://kyzylorda-news.kz/">Kyzylorda-news.kz.</a> Қызылорда қаласының әкімі болып Серік Қожаниязов&nbsp;тағайындалды.Серік Қожаниязов 1965 жылы Қызылорда қаласында туған. 1989 жылы Кузбасс политехникалық институтын (РФ) инженер-механик, 2002 жылы Л.Гумилев атындағы Евразия мемлекеттік университетінің Қызылорда филиалын экономист-қаржыгер мамандықтары бойынша бітірген.Еңбек жолын 1989 жылы Қызылорда қаласында № 2 механикалық-жөндеу зауытының инженер-технологы, учаске шебері болып бастаған.1992-1999 жылдары «Серік» шағын кәсіпорнының, «Арко-инвест» инвестициялық жекешелендіру қорынының директоры, 1999-2001 жылдары Қызылорда қаласының әкімі жанындағы «Қалалық бизнес орталығы» мемлекеттік кәсіпорнының және Қызылорда облысы әкімінің жанындағы «Инвестиция тарту және құнды қағаздар рыногын дамыту орталығы» мемлекеттік кәсіпорнының директоры, Қызылорда қаласындағы «Сенім» ашық зейнетақы жинақтау қоры» ЖАҚ-ның бас менеджері қызметтерін атқарған.2001-2007 жылдары Қызылорда облысы әкімі аппаратының нарықтық инфрақұрылымды қалыптастыру бөлімінің меңгерушісі, Қызылорда облысының кәсіпкерлік және өнеркәсіп департаментінің директоры, 2007-2008 жылдары Қызылорда қаласының әкімі болды.2008-2014 жылдары ҚР Премьер-Министрі Кеңсесінің ұйымдастыру жұмысы және аймақтық даму бөлімінің бас инспекторы, осы&nbsp; бөлім меңгерушісінің орынбасары, одан әрі Премьер-Министрі Кеңсесінің аймақтық даму бөлімінің меңгерушісі қызметтерін абыроймен атқарды.2014-2019 жылдары Қызылорда облысы әкімінің орынбасары, ҚР Перзидентінің «Байқоңыр» кешеніндегі арнаулы өкілі қызметінде болып, 2019-2022 жылдары дейін ҚР Экология, геология және табиғи ресурстар министрлігінің вице-министрі лауазымын атқарған.2022 жылдың 24 маусымынан бастап Қызылорда облысы әкімінің бірінші орынбасары қызметін атқарды.

Қызылорда қаласының жаңа әкімі тағайындалды 

<a href="https://kyzylorda-news.kz/">Kyzylorda-news.kz.</a> &nbsp;Денсаулық сақтау министрі Ажар Ғиният үкіметте өткен баспасөз мәслихатында Қазақстанда ата-ананың рұқсатынсыз балаларды қауіпті инфекцияларға қарсы вакцинациялау міндетті бола ма деген сұраққа жауап берді. Министр барлығы елдегі эпидемиологиялық жағдайға байланысты болады деп жауап берді, деп хабарлайды Zakon.kz.Үкімет отырысында министр вакцинамен басқарылатын аурулардың көбеюі 2015 жылы енгізілген, ата-аналардың балаларын екпеден бас тартуына мүмкіндік беретін заңмен тікелей байланысты екенін айтты. Бұл соңғы бес-жеті жыл ішінде халық арасында "иммундық емес қабаттың" жиналуына әкелді.<blockquote>“Алдын ала мәліметтер бойынша, бүгінде алты жасқа дейінгі 800 мыңға жуық бала екпе алмаған және дифтерия, полиомиелит, туберкулез және басқа да қауіпті инфекциялардан қорғалмаған. Осыған байланысты министрлік әкімдіктермен бірлесіп, биылғы жылы Балаларды жоспарлы егумен қатар, вакцинациялаудың ұлттық күнтізбесі шеңберінде жоспарлы екпелерді өткізіп алған балаларды қосымша егу жұмыстары жүргізілетін болады”, - &nbsp;Ажар Ғиният.</blockquote>Баспасөз мәслихатында журналистер Денсаулық сақтау министрлігі ата-аналардың балаларына екпеден бас тартуына рұқсат беретін ережені алып тастау туралы бастамамен парламентке барғалы жатқанын сұрады.<blockquote>“Бүгінге жоспарланбайды. Бұл елдегі эпидемиологиялық жағдайға байланысты болады. 800 мың бала екпе алмаған. Қолданыстағы заңнамаға сәйкес, медициналық қарсы көрсетілімдер болған жағдайда екпеден бас тартуға болады. Ең бастысы, вакцинацияланғандар ауыр аллергиялық ауруды бастан кешірсе. реакциялар және иммун тапшылығы жағдайлары бар.Бүгін біз медицина қызметкерлерімен, сондай-ақ вакцинацияланатын балалардың ата-аналарымен жұмыс істеп жатырмыз”, - Ажар Ғиният</blockquote>Қазақстан Республикасы Үкіметінің отырысында Ажар Ғиният 2023 жылы Қазақстанда қызылшамен ауырғандар саны 30 мыңға жуықтағанын хабарлады.

Қазақстан және Қызылорда облысының басты жаңалықтары