<a href="https://kyzylorda-news.kz/">Kyzylorda-news.kz.</a> 23 қазанда күн райының бұзылуына байланысты бірқатар өңірде ескерту жарияланды, деп хабарлайды Қазгидромет.Атап айтқанда, Астана қаласында түнде және таңертең жауын-шашын (жаңбыр соңы қарға ұласады), көктайғақ күтіледі. Солтүстік-батыстан соғатын жел оңтүстік-батысқа ауысып, түнде екпіні 15-20 м/с құрайды.Түнде және таңертең Батыс Қазақстан облысының солтүстігі мен шығысында тұман болжанады.Күндіз Жетісу облысының таулы аудандарында қатты жаңбыр жауып, таулы аудандарда тұман күтіледі. Оңтүстік-батыстан соғатын желдің екпіні облыстың орталығында, батысы мен шығысында 15-20 м/с құрайды.Күндіз Алматы облысының оңтүстігінде кей уақытта қатты жаңбыр жауып, таулы аудандарда жаңбыр мен қар жауын-шашын болады. Түнде және таңертең облыстың таулы аудандарда кей уақытта тұман күтіледі. Батыстан жел соғады, облыстың оңтүстігі мен таулы аудандарында екпіні 17-22 м/с жетеді.Түнде және таңертең Атырау облысының батысы мен оңтүстігінде тұман болжанады.Түнде және таңертең Ақмола облысының оңтүстігінде, солтүстігі мен шығысында жауын-шашын (жаңбырдың соңы қарға ұласады) күтіледі. Өңірдің оңтүстігінде, солтүстігі мен шығысында тұман, көктайғақ болжанады. Солтүстік-батыстан соғатын жел оңтүстік-батысқа ауысып, түнде екпіні 15-20 м/с, облыстың солтүстігі мен шығысында кей уақытта 23 м/с күшейеді.Манғыстау облысының солтүстігі мен шығысын тұман басады.Қарағанды облысының солтүстігі мен шығысында тұман, көктайғақ күтіледі. Батыстан, солтүстік-батыстан жел соғып, түнде күші 15-20, кей уақытта 25 м/с құрайды.Түнде Ұлытау облысында тұман, көктайғақ күтіледі. Солтүстік-батыстан жел соғады, түнде күші 15-20 м/с құрайды.Түнде және таңертең Ақтөбе облысының батысы мен солтүстігінде тұман болжанады.Абай облысында оңтүстік-батыстан соғатын жел солтүстік-батысқа ауысып, күші 15-20 м/с, облыстың солтүстігінде, батысы мен орталығында екпіні 23-28 м/с артады.Түнде Павлодар облысында жауын-шашын жауады. Күндіз өңірдің солтүстік жартысында аздаған жауын-шашын (жаңбыр, қар) байқалады. Облыстың басым бөлгінде көктайғақ күтіледі. Оңтүстік-батыстан, батыстан жел соғып, екпіні 23-28 м/с жетеді.Қостанай облысының батысы мен солтүстігінде тұман күтіледі. Солтүстік-батыстан соғатын жел оңтүстік-батысқа ауысып, күші 9-14, облыстың солтүстігінде, шығысында 15-20 м/с құрайды.Шығыс Қазақстан облысының шығысында қатты жауын-шашын (жаңбыр, қар), көктайғақ күтіледі. Оңтүстік-батыстан соғатын жел солтүстік-батысқа ауысып, екпіні 23-28 м/с жетеді.Түнде Солтүстік Қазақстан облысының солтүстігі мен шығысында жауын-шашын (жаңбырдың соңы қарға ұласады) жауады. Өңірдің солтүстігі мен шығысында көктайғақ күтіледі. Солтүстік-батыстан соғатын жел оңтүстік-батысқа ауысып, екпіні 23-28 м/с артуы ықтимал.Түнде және таңертең Түркістан облысының таулы аудандарында қатты жаңбыр күтіледі. Солтүстік-батыстан жел соғады, облыстың оңтүстігінде, батысында, таулы және тау бөктерлі аудандарында күші 23 м/с жетуі мүмкін.Шымкент қаласында солтүстік-батыстан жел соғады, екпіні кей уақытта 23 м/с күшейеді.

Ауа райы: Бүгін бірнеше өңірде ескерту жарияланды

Kyzylorda-news.kz. Шежірелі аймақтың 85 жылдығы мен &nbsp;Жаңақорған ауданының 95 жылдығы қатар келіп, қос &nbsp;мереке кең көлемде аталуда. &nbsp;Жаңақорған ауданының орталығында «Жайлы мектеп» ұлттық жобасымен салынатын 600 орындық мектептің құрылысы басталды.Облыс әкімі Нұрлыбек Нәлібаев білім ордасының іргетасын қалау рәсіміне қатысып, жерлестерін қос мерекемен құттықтады.<blockquote>«Қазір аймақта басымдық берілген саланың бірі – білім. Оған бағытталған қаржы көлемі &nbsp;245 млрд теңгеге жетті. Көптеген ауқымды жобалар сәтті жүзеге асырылуда. Алдағы үш жылда Мемлекет басшысының бастамасымен қолға алынған «Жайлы мектеп» ұлттық жобасы аясында өңірімізде құны 100 млрд теңге болатын 12 300 орындық 21 мектеп салынады. Бүгінде 10 мектептің құрылысы басталды. Ал, қалған 11-інің құрылысы жыл соңында және алдағы жылдың басында басталады. Соның бірінің іргетасын бүгін өздеріңізбен бірге қалаймыз. Білім ордасы озық ойлы, өнерге құштар, спортқа бейім дарынды балалардың шамшырағын жағатын мекен болғай», - деді аймақ басшысы.</blockquote>Құрылыс алаңында білім саласының ардагері Серік Мұсабай бата берді.Бас мердігер «Аман-Құрылыс» &nbsp;ЖШС директоры Әділхан Маштаев Құрмет грамотасымен, мекеменің 3 қызметкері алғыс хатпен марапатталды.Айта кетейік, бүгінде «Білімді қолдау қоры» есебінен Қызылорда қаласында құны 7,9 млрд теңге болатын физика-математика бағытындағы мектеп-интернат құрылысы қарқынды жүргізілуде. Облыс орталығында осы кезге дейін бір ғана "Оқушылар үйі" болса, &nbsp;биыл «ҚазГерМұнай» компаниясының демеушілігімен &nbsp;2,5 млрд. теңгеге &nbsp;350 орындық заманауи үлгідегі "Оқушылар сарайының" құрылысы басталды. «Саутс Ойл» компаниясының демеушілігімен Сырдария өзенінің сол жағалауынан 4,8 млрд. теңгеге &nbsp;музыкалық колледждің жаңа &nbsp;ғимараты салынады. Ауыл балалары үшін 900 орындық 4 мектеп осы жылы ел игілігіне табысталмақ.

«Жайлы мектеп» ұлттық жобасымен 600 орындық мектептің құрылысы басталды

Kyzylorda-news.kz. Биыл Қызылорда облысының 85 жылдығымен Жаңақорған ауданының 95 жылдық мерейтойы тұспа-тұс келді. Жаңақорған ауданында мерекеге орай бірқатар нысан ашылып, &nbsp;қорытындысында ауқымды гала-концерт ұйымдастырылды.Облыс әкімі Нұрлыбек Нәлібаев аудан тұрғындарын қос мерекемен құттықтады.<blockquote>«Биыл алты Алашқа пана болған Сыр бойындағы облыстың құрылғанына &nbsp;85 жыл толды. Мерейлі мерекеге қызылордалықтар бекем бірлік, тату тірлігінің арқасында жақсы нәтижелермен жетті. Үкіметтің ресми мәліметі бойынша, облысымыз 9 айдың &nbsp;қорытындысымен республикадағы үздік үштіктен көрінді. Жаңақорған ауданының даму динамикасында да өсім бар. Ауданда жалпы құны 38 млрд теңгені құрайтын 10 ірі жоба жүзеге асырылуда. Ауыл шаруашылығы саласының даму қарқыны ерекше. Күні кеше өткен «Алтын дән» дала еңбеккерлерінің қорытынды шарасында Жаңақорған ауданы &nbsp;«Агроөнеркәсіп кешенін дамытуда ең жоғары көрсеткіштерге қол жеткізген &nbsp;үздік аудан» атанды. Барша еңбеккерлерді жеңісімен құттықтаймын. Президент Қасым-Жомарт Кемелұлы Нағи Ілиясов ауылында өткен еңбек адамдарымен кездесуде: «Шын мәнінде, еңбек адамдары - халқымыз үшін ең қажет азаматтар. Ең алдымен, біз еңбек адамдарына құрмет көрсетуіміз керек», – деген болатын. Қойнауы құт, даласы дархан Жаңақорғандағы жасампаз жобалардың барлығы еңбек адамдары – сіздердің арқаларыңыз», - деді аймақ басшысы.</blockquote>Нұрлыбек Машбекұлы елдің берекесі мен бірлігін сақтауға үлес қосқан, тәуелсіздік жылдарынан бері ауданды басқарған ел ағаларына алғыс білдірді. Іс-шарада бірқатар азамат облыс әкімінің Алғыс хатымен марапатталып, 6 адам Жаңақорған ауданының Құрметті азаматы атанды. Мұнан бөлек, аудан мерейтойына &nbsp;арналған айтыс жеңімпаздары марапатталды.Мерекелік кеш әсем әнмен, мың бояулы отшашумен аяқталды.<img src="https://knadmin.beoblood.kz/uploads/IMG_20231022_WA_0026_92fa5c1b0d.jpg" alt="IMG-20231022-WA0026.jpg"><img src="https://knadmin.beoblood.kz/uploads/IMG_20231022_WA_0023_0135d037b7.jpg" alt="IMG-20231022-WA0023.jpg"><img src="https://knadmin.beoblood.kz/uploads/IMG_20231022_WA_0025_1a5c8c8cd6.jpg" alt="IMG-20231022-WA0025.jpg"><img src="https://knadmin.beoblood.kz/uploads/IMG_20231022_WA_0024_44a793fe1e.jpg" alt="IMG-20231022-WA0024.jpg">

Облыс әкімі жаңақорғандықтарды аудан мерейтойымен құттықтады

Kyzylorda-news.kz. Қызылордада Қала күні мен «Алтын дән-2023» мерекесіне орай аламан бәйге ұйымдастырылды. Жанкүйерлер ипподромға жиналып, бәйгенің көрігін қыздырған тұлпарлар шабысын қызықтады.Осы жолы ұлттық ат спортының 4 түрінен 82 шабандоз бақ сынады. Еліміздің бірнеше аймағынан сәйгүлігін баптап келгендер қызылордалықтарға ерекше көңіл-күй сыйлады.Облыс әкімі Нұрлыбек Нәлібаев жерлестерін құттықтап, жарысқа қатысушыларға сәттілік тіледі.<blockquote>«Соңғы жылдары ұлттық спорттың облысымызда бұқаралық сипат алғаны қуантады. Жалпы 16 мыңнан астам адам ат спортымен шұғылданады. Жыл сайын &nbsp;8000-нан аса палуанның қатысуымен өтетін қазақ күресінен «Алтын белбеу» турнирі ең танымал шараға айналды. Облыс орталығында ұлттық және ат спорты түрлері бойынша спорт клубы қызмет көрсетеді. Орталықта жастарға барлық мүмкіндіктер жасалған», - деді аймақ басшысы.&nbsp;</blockquote>5 шақырымды артқа тастаған тай жарыс пен 11 шақырымды құрайтын құнан бәйгеде шиелілік Абзал Тұрғанбек бірінші болып келді.Ал, 15 шақырымды оңай еңсерген топ бәйгеде Алматы облысынан келген тарлан Абзал Тұрмыс мәре сызығына ең алғаш болып жетіп, 2 миллион теңге иеленді.Аламан бәйгенің жүлдесі жалағаштық батыр Жаңасыл Бекболатқа бұйырды. Шабандозға 4 миллион теңгенің сертификаты табысталды.<img src="https://knadmin.beoblood.kz/uploads/IMG_20231022_WA_0016_7cdda6dacb.jpg" alt="IMG-20231022-WA0016.jpg"><img src="https://knadmin.beoblood.kz/uploads/IMG_20231022_WA_0014_e97c76bf15.jpg" alt="IMG-20231022-WA0014.jpg"><img src="https://knadmin.beoblood.kz/uploads/IMG_20231022_WA_0015_613031ae71.jpg" alt="IMG-20231022-WA0015.jpg">

«Алтын дән-2023»: Қызылордада аламан бәйге ұйымдастырылды

Kyzylorda-news.kz. "Қазгидромет" РМК синоптиктері жексенбі, 22 қазанда 16 өңірде ауа райына байланысты ескерту жасады.Қызылорда облысының басым бөлігінде жаңбыр күтіледі. Оңтүстіктен соққан жел батысқа ауысады, түнде облыстың солтүстігінде 15-20, екпіні 23 м/с, күндіз 15-20, екпіні 23 м/с күтіледі.

Жексенбіде бірнеше өңірде қар аралас жаңбыр жауады

Kyzylorda-news.kz. Қызылорда облысының 85 жылдығы және Қала күніне орай орталық стадионда гала-концерт ұйымдастырылды. Облыс әкімі Нұрлыбек Нәлібаев қала тұрғындарын қос мерекемен құттықтады.<blockquote>«Қазір Қызылорда құрылыс жұмыстары қайнаған қалаға айналды. Мерейтой аясында аймағымыздың бас шаһарында тұрғындардың көз қуанышына айналып үлгерген бірнеше ірі жоба жүзеге асты. &nbsp;Қаламызға сәулетімен ерекшеленген әсем ғимараттар, көз тартар көркем аллеялар тарту етілді. Мемлекет басшысы Қасым-Жомарт Кемелұлы биыл маусымда Түркістанда өткен Ұлттық құрылтайда «Қалалар мен ауылдардың сәулетті, саябақтар мен ауланың таза болуы, ең алдымен, басқа біреуге емес, өзімізге керек. Жұрттың бәрі өз үйінің жайлы әрі әдемі болғанын қалайды. Бұл – дұрыс. Азаматтарымыз қоғамдық орындар мен қоршаған ортаға да дәл сондай жанашыр көзбен қарауға тиіс. Қазақстан – бәрімізге ортақ, оның қандай болатыны тек бізге байланысты, яғни, біз іші де, сырты да бүтін ел болуымыз керек» деген еді. Қала – өз үйіміз. Оған қамқорлықпен қарап, жанашырлық таныту – әрбіріміздің азаматтық борышымыз», – &nbsp;деді аймақ басшысы.</blockquote>Салтанатты іс-шарада Қазақстанның еңбек сіңірген қайраткері, қаржы саласының ардагері Қалқазбек Әжібеков Қызылорда облысының Құрметті азаматы атанып, бірқатар азамат ҚР Премьер-министрінің алғыс хатымен және Қызылорда облысының Құрмет грамотасымен марапатталды.Мерекелік кеш концерттік бағдарламаға ұласты. Эстрада жұлдыздары Еркеш Хасен, Еңлік, Садраддин, Ақбота-Нұр және жергілікті өнерпаздар өнер көрсетіп, мерейлі мерекеге арнайы жазылған композитор Рамазан Таймановтың «Қазақтың Қызылордасы» әні орындалды.Айта кетейік, Қала күніне арналған түрлі іс-шаралар бір ай бойы ұйымдастырылды, әлеуметтік нысандар іске қосылды. Қос мерекемен қатар келген «Алтын дән-2023» салтанатты іс-шарасында еңбек озаттары марапатталып, ветеринария саласының қызметкерлеріне қызметтік көлік табысталды. Жақында қала келбетіне көрік қосқан «Отбасы орталығы», «Анаға тағзым» орталығы пайдалануға берілді. &nbsp;Биыл облыс орталығында бір ауысымда 100 келушіге арналған емханасы және онкологиялық бөлімшесі бар 300 орындық көпбейінді аурухананың құрылысы басталды. Құны 36,4 млрд теңгені құрайтын нысан 2025 жылы аяқталады. Сонымен қатар, облыстың медициналық ұйымдарын сапалы қан компоненттерімен қамтамасыз ету мақсатында Қан орталығы салынуда. Орталық келесі жылы пайдалануға берілмек. &nbsp;Облыста «Жайлы мектеп» &nbsp;жобасы аясында 21 мектептің құрылысы басталуда. Оның 8-і Қызылорда қаласында бой көтереді.«Білімді қолдау қоры» есебінен құны 7,9 млрд теңгені құрайтын дарынды балаларға арналған физика-математика бағытындағы мектеп-интернат құрылысы &nbsp;басталды. Биыл қалада 9 мектеп пайдалануға берілді.&nbsp; Құны 3,7 млрд теңге болатын «Өнер орталығы» көрерменге есігін айқара ашатын күн алыс емес. &nbsp;Шаһардағы қоғамдық көлік мәселесін түбегейлі шешу мақсатында биыл 1,6 млрд теңге бөлінді. Өткен аптада 50 автобус жеткізілсе, қалғаны жыл соңына дейін қызметін бастайды. Бүгінде аймағымызда демеушілікпен 37 млрд. теңгенің жобалары жүзеге асуда. Оның басым бөлігі Қызылорда қаласында.Маусым айынан бері облыс орталығында 28 көпқабатты тұрғын үйдің қасбеттері заманауи панельдермен қапталып, 20 көпқабатты тұрғын үйдің аулалары абаттандырылуда.<img src="https://knadmin.beoblood.kz/uploads/FB_IMG_1697865269933_e9e423ff31.jpg" alt="FB_IMG_1697865269933.jpg"><img src="https://knadmin.beoblood.kz/uploads/FB_IMG_1697865294032_237925e83b.jpg" alt="FB_IMG_1697865294032.jpg"><img src="https://knadmin.beoblood.kz/uploads/FB_IMG_1697865297223_2392135b40.jpg" alt="FB_IMG_1697865297223.jpg"><img src="https://knadmin.beoblood.kz/uploads/FB_IMG_1697865275858_f411da80de.jpg" alt="FB_IMG_1697865275858.jpg"><img src="https://knadmin.beoblood.kz/uploads/FB_IMG_1697865299882_c14c48f981.jpg" alt="FB_IMG_1697865299882.jpg"><img src="https://knadmin.beoblood.kz/uploads/FB_IMG_1697865302648_10880a1c3b.jpg" alt="FB_IMG_1697865302648.jpg"><img src="https://knadmin.beoblood.kz/uploads/FB_IMG_1697865307187_5692998fa9.jpg" alt="FB_IMG_1697865307187.jpg"><img src="https://knadmin.beoblood.kz/uploads/FB_IMG_1697865315187_524d2d2142.jpg" alt="FB_IMG_1697865315187.jpg">

Қала күні гала-концертпен қорытындыланды 

<a href="https://kyzylorda-news.kz/">Kyzylorda-news.kz.</a> Бүгін «Алтын дән-2023» дәстүрлі іс-шарасында аймақтағы егін жинау науқаны қорытындыланды. Облыс әкімі Нұрлыбек Нәлібаев дала еңбеккерлерін құттықтап, ала жаздай еңбек етіп, қамбаны күрішке толтырған шаруалардың адал еңбегін жоғары бағалады.<blockquote>«Алты алашқа ана болған Сыр өңірінің облыс болып құрылғанына биыл 85 жыл. Қызылордалықтар бұл мерейтойға үлкен табыспен жетті. Жақында облысқа іссапармен келген Мемлекет басшысы аймақтың дамуына жоғары баға берді. Қасым-Жомарт Кемелұлы Нағи Ілиясов ауылында өткен еңбек адамдарымен кездесуде: «Шын мәнінде, еңбек адамдары – халқымыз үшін ең қажет азаматтар. Ең алдымен, біз еңбек адамдарына құрмет көрсетуіміз керек. Сіздер ақ күріштің атасы – Ыбырай Жақаевтың жолын жалғап жүрсіздер. Сондықтан мен сіздерді қолдаймын»,– деп қошемет білдірді. Президент Сыр өңірінің бренді – күріш өндірісін көру үшін «Алтын орда» зауытында болды. Ауыл шаруашылығы тауарөндірушілерінің өнімдерімен танысып, диқандар мен шаруалардың еңбегіне табыс тіледі. Бұл – барша еңбек адамдарына берілген оң баға, көрсетілген құрмет», – деді облыс әкімі.</blockquote>Нұрлыбек Машбекұлы ҚР Премьер-министрі Әлихан Смайыловтың Cыр диқандарына жолдаған арнайы құттықтау хатын оқып берді.Айта кетейік, аймақта 9 айдың қорытындысымен ауыл шаруашылығы өнімдерінің өндірісі 157 млрд.теңгеге жетті. Жалпы ішкі өнімдегі осы саланың үлесі 6 пайызды құрады. Соңғы 3 жылдың ішінде ауыл шаруашылығының негізгі қорына 32 млрд 700 млн теңге инвестиция салынды. Биыл жалпы құны 7,9 млрд.теңгені құрайтын 11 инвестициялық жобаны іске асыру жоспарлануда. Жыл ішінде салаға 14,0 млрд теңге қаржылай қолдау жасалды. Оның 4 млрд 700 млн теңгесі егін шаруашылығын субсидиялауға бағытталды.Биыл су тапшылығы қатты сезілген жыл болды. Соған қарамастан Сыр диқандары ерен еңбектің үлгісін көрсетті. Егістік көлемі өткен жылмен салыстырғанда 4 мың 800 гектарға ұлғайтылып, 193 мың 400 гектар жерге егін егілді. Оның ішінде күріштік алқап 89 мың 100 гектар. Күні кеше жиын-терім науқаны аяқталып, әр гектардан алғашқы салмақта 56,5 центнерден өнім алынды. Қамбаға 503 мың тонна астық құйылды.Мемлекет басшысы "Әділетті Қазақстанда еңбек адамы ең бірінші орында тұрады. Себебі отаншылдық - ең алдымен туған елінің игілігіне қызмет ету" деген еді. Осы орайда дәстүрлі мерекенің ең басты құрметі еңбек адамдарына көрсетілді. Күрішшілер, сушылар, комбайншылар, механизаторлар, диқандар, малшылар сахна төріне шығып, марапатқа ие болды.Іс-шарада сала қызметкерлері ҚР Премьер-министрінің алғыс хатымен, ҚР Ауыл шаруашылығы министрлігінің «Еңбек ардагері» медалімен, «Ауыл шаруашылығы саласының үздігі» төсбелгісімен, Құрмет грамотасымен марапатталды.Жыл қорытындысымен топ жарған озаттар түрлі номинация иеленді. Төрт түлік өсімін қамтамасыз еткені және өнім өндіруде жоғары жетістіктерге жеткені үшін Арал ауданы марапатталса, «Егін шаруашылығы» номинациясында Шиелі ауданы жеңімпаз атанды. Ауыл шаруашылығы өнімдерін өңдеу саласы бойынша жоғары көрсеткіштерге Сырдария ауданы қол жеткізді. «Агроөнеркәсіп кешенін дамытуда ең жоғарғы көрсеткіштерге қол жеткізген үздік аудан» номинациясы бойынша Жаңақорған ауданы марапатталады.Мерекелік кеш концерттік бағдарламаға ұласты. Сахна жұлдыздары дала еңбеккерлерінің құрметіне әсем ән шырқап, мерекені думанға бөледі.<figure class="image"><img src="https://knadmin.beoblood.kz/uploads/392814255_629245752730006_6729569130833093652_n_c50647996e.jpg" alt="392814255_629245752730006_6729569130833093652_n.jpg"></figure>&nbsp;<figure class="image"><img src="https://knadmin.beoblood.kz/uploads/392923056_629245249396723_8287225907097444141_n_6865f6e1bf.jpg" alt="392923056_629245249396723_8287225907097444141_n.jpg"></figure>&nbsp;<figure class="image"><img src="https://knadmin.beoblood.kz/uploads/392885443_629245616063353_1709329365390118169_n_f4d491af12.jpg" alt="392885443_629245616063353_1709329365390118169_n.jpg"></figure>&nbsp;<figure class="image"><img src="https://knadmin.beoblood.kz/uploads/392867535_629246032729978_5032726153056731310_n_35e93feb2f.jpg" alt="392867535_629246032729978_5032726153056731310_n.jpg"></figure>&nbsp;<figure class="image"><img src="https://knadmin.beoblood.kz/uploads/392865581_629245562730025_4347602123052727999_n_68fc54d73c.jpg" alt="392865581_629245562730025_4347602123052727999_n.jpg"></figure>&nbsp;<figure class="image"><img src="https://knadmin.beoblood.kz/uploads/392864332_629245886063326_2105309138056983067_n_ee8424cd09.jpg" alt="392864332_629245886063326_2105309138056983067_n.jpg"></figure>

 Қызылордада еңбек озаттары марапатталды

<a href="https://kyzylorda-news.kz/">Kyzylorda-news.kz.</a> Бүгін ҚР Премьер-министрі Әлихан Смайыловтың төрағалығымен өткен республикалық штаб отырысында өңдеу өнеркәсібіне инвестиция тарту мәселесі қаралып, тиісті тапсырмалар берілді. Жиында Үкімет басшысы инвестиция тарту бойынша көрсеткіші жақсы өңірлердің қатарында Қызылорда облысын да атап өтті.<blockquote>«Инвестиция көлемі өсіп, нәтижелі жобалардың тиімділігін көрген өңірлер бар. Мәселен, Түркістан, Жетісу, Қызылорда, Солтүстік Қазақстан және тағы басқа аймақтар», – деді Премьер-министр.</blockquote>Штаб отырысынан кейін облыс әкімі Нұрлыбек Нәлібаев арнайы мәжіліс өткізіп, өңірге инвестиция тартудың маңыздылығын атап өтті.<blockquote>«Мемлекет басшысы өз Жолдауында мықты өнеркәсіптік негіз қалыптастыру, экономикамыз өзімізді толық қамтамасыз ете алатын жағдайға жету үшін өңдеу саласын жедел дамытуға баса мән беру қажеттігін атап өткен болатын. Өнеркәсіп көлеміндегі өңдеу өнеркәсібінің үлесін арттыру үшін өнім өңдеуге бағытталған жобаларды жүзеге асыруымыз керек. Жаңа жобалар іздестіріп, инвестиция тарту бағытындағы жұмыстарды күшейтіп, тиісті шараларды ұйымдастыру қажет», – деді аймақ басшысы.</blockquote>Мәжілісте облыстық кәсіпкерлік және өнеркәсіп басқармасына Қызылорда қаласы және аудан әкімдерімен бірлесіп, өңдеу өнеркәсібіне бағытталған нақты жобаларды әзірлеу тапсырылды. Қызылорда облысының даму орталығы, «ҚазақИнвест» акционерлік қоғамы Қызылорда облысы бойынша өңірлік директорына облыстық кәсіпкерлік және өнеркәсіп басқармасымен бірлесіп, өңдеу өнеркәсібі бойынша әзірленген жобаларға инвестор тарту жұмыстарын үйлестіру міндеті жүктелді.Аталған жұмыстар облыс әкімінің бірінші орынбасары Серік Қожаниязовтың бақылауында болады.<figure class="image"><img src="https://knadmin.beoblood.kz/uploads/akimat_fb84c7d399.jpeg" alt="акимат.jpeg"></figure>

Сыр өңірі инвестиция тарту бойынша үздіктер қатарында

<a href="https://kyzylorda-news.kz/">Kyzylorda-news.kz.</a> "Қазгидромет" РМК Қазақстанның кейбір бөлігінде 19-20 қазан аралығында қар жауып, көктайғақ, тұман болатынын, сондай-ақ қолайсыз метеорологиялық жағдайлар орын алатынын болжайды.<blockquote>"Күндіз Солтүстік Қазақстан облысының басым бөлігінде жауын-шашын (жаңбыр, қар) болады деп күтіледі. Облыстың шығысында тұман түседі. Облыстың батысында көктайғақ болуы мүмкін. Күндіз облыстың оңтүстігінде оңтүстік-батыстан, оңтүстіктен соққан желдің екпіні 15-20 м/с дейін жетеді"- делінген "Қазгидромет" РМК-ның хабарламасында.</blockquote>&nbsp;<h4 style="margin-left:0px;">&nbsp;</h4>

20 қазанға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Бүгін Қызылорда облысының 85 жылдығы мен Қала күні аясында Қарауылтөбе ауылдық округіндегі 150 орындық клуб пайдалануға берілді.Облыс әкімі Нұрлыбек Нәлібаев жерлестерін жаңа нысанның ашылуымен құттықтап, ізгі тілек білдірді.<blockquote>«Баршаңызды көптен күткен қуаныш – жаңа клубтың ашылуымен шын жүректен құттықтаймын. Өздеріңіз де білесіздер, өткен аптада облысымызға Мемлекет басшысы Қасым-Жомарт Кемелұлы Тоқаев арнайы жұмыс сапарымен келіп, өңірдің әлеуметтік-экономикалық дамуына оң бағасын берді. Қызылорда қаласындағы «Анаға тағзым» орталығын аралап көріп, мұндай орталықтың жас ұрпаққа тәлім-тәрбие берудегі маңызын атап айтты.Еңсесін тіктеп, ертеңін ойлаған ел алдымен мәдениетке бет бұрады. Ауылдың мәдениеті өсіп-өркендесе, балалардың өнерге, білім-ғылымға деген құлшынысы артады. Сондықтан, мұндай руханият ордасының ашылуы – өңірдегі жарқын жаңалықтың бірі. Енді ауылдықтар осы жерде жиналып, түрлі кештер, іс-шаралар ұйымдастыра алады. Заманауи үлгідегі жаңа клубы бар ауылдан небір талантты ұл-қыздардың түлеп ұшатынына сенемін», – деді аймақ басшысы.</blockquote>Іс-шарада Қызылорда қалалық ардагерлер кеңесінің төрағасы Сұлтанбек Тәуіпбаев та жерлестерін құттықтап, ауыл ақсақалы Аманкелді Досмахан бата берді.Облыс әкімі клуб ғимаратын аралап, көркемөнер үйірмесі бөлмесімен және «Бегім ана» бірлестігінің жұмысымен танысты. Мұнда қолөнер бұйымдары, бисермен тоқу, мольбертке сурет салу үйірмелері ашылған. Осы жерде аймақ басшысы тұрғындармен кездесіп, пікірлесті.Айта кетейік, Сыр өңірінде мәдениет саласының өркендеуіне барлық жағдай жасалуда. Қазан айының басында «Анаға тағзым», «Отбасы орталығы» пайдалануға берілді, «Өнер орталығы» жыл соңына дейін көрермендерге айқара есік ашпақ.Жақын арада демеушілер есебінен музыкалық колледж ғимаратының құрылысы басталады. Келер жылы аудандарда салтанат сарайы, кітапхана, музей, архив орналасатын, жастар, ардагерлер мен аналар бас қосатын «Руханият» орталықтары салынады.<figure class="image"><img src="https://knadmin.beoblood.kz/uploads/392878804_628722719448976_7209053454508666724_n_e5a6bfe4e4.jpg" alt="392878804_628722719448976_7209053454508666724_n.jpg"></figure>&nbsp;<figure class="image"><img src="https://knadmin.beoblood.kz/uploads/392896461_628722782782303_8402723688645418701_n_1_a05d350a82.jpg" alt="392896461_628722782782303_8402723688645418701_n (1).jpg"></figure>&nbsp;<figure class="image"><img src="https://knadmin.beoblood.kz/uploads/392758497_628723649448883_500556040151589742_n_1574bbba1d.jpg" alt="392758497_628723649448883_500556040151589742_n.jpg"></figure>&nbsp;<figure class="image"><img src="https://knadmin.beoblood.kz/uploads/392878236_628723162782265_7137919145124805848_n_3be8a59a34.jpg" alt="392878236_628723162782265_7137919145124805848_n.jpg"></figure>&nbsp;<figure class="image"><img src="https://knadmin.beoblood.kz/uploads/392827357_628723566115558_1825862854803183966_n_28139af652.jpg" alt="392827357_628723566115558_1825862854803183966_n.jpg"></figure>

Қарауылтөбеде жаңа клуб пайдалануға берілді

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаев Қызылорда облысының 85 жылдығы мен Қала күні қарсаңында қайта жаңғыртудан өткен Абай даңғылы №47 үйдің ауласына барып, жерлестерді мерекемен құттықтады. «Туған жерді түлетейік» бастамасына белсенді атсалысқан кәсіпкерлерге алғыс білдірді.<blockquote>«Аймағымыздың бас шаһарында тұрғындардың мақтаныш сезімін оятып, көз қуанышына айналатын бірнеше ірі жоба жүзеге асты. Қаламызға сән берген әсем ғимараттар, көз тартар көркем аллеялар мерейтойға арнап тарту етілуде. Мемлекет басшысы Қасым-Жомарт Кемелұлы биыл маусымда Түркістан қаласында өткен Ұлттық құрылтайда «Қалалар мен ауылдардың сәулетті, саябақтар мен ауланың таза болуы, ең алдымен, басқа біреуге емес, өзімізге керек. Жұрттың бәрі өз үйінің жайлы әрі әдемі болғанын қалайды. Бұл – дұрыс. Азаматтарымыз қоғамдық орындар мен қоршаған ортаға да дәл сондай жанашыр көзбен қарауға тиіс. Қазақстан – бәрімізге ортақ, оның қандай болатыны тек бізге байланысты, яғни, біз іші де, сырты да бүтін ел болуымыз керек» деген болатын. Қала – өз үйіміз. Оған қамқорлықпен қарау – әрбіріміздің азаматтық борышымыз. Туған жерімізді, туған қаламызды бірге түлетейік!», – деді аймақ басшысы.</blockquote>Нұрлыбек Машбекұлы ойын және футбол алаңдарындағы жеткіншектерге естелік сыйлықтар табыстады, тұрғындармен пікірлесті. Аулаларды жаңартуға демеуші болған «Қыран» компаниясы мен оның басшысы, кәсіпкер Жайсаң Сыздықов Құрмет грамотасымен, күрделі жөндеу жұмыстарын жүргізген мекемелердің қызметкерлері алғыс хатпен марапатталды.Бүгінде Сыр өңірінің кәсіпкерлері мен меценаттар туған жерді түлету жобаларына 37 млрд. теңгеден астам қаржы құйды. Жаңашыл бастамалардың басым бөлігі Қызылорда қаласында жүзеге асуда. Жақында «Анаға тағзым» орталығы және «Отбасы орталығы» пайдалануға берілді. «Қорқыт ата» әуежайының жаңа терминалы салынуда. «Қазақстан темір жолы» компаниясымен бірлесіп Қызылорда қаласындағы теміржол вокзалы, кәсіпкер Асқар Әубәкіровтің демеушілігімен Орталық алаң қайта жаңғыртылуда. Заманауи үлгідегі «Оқушылар сарайының» құрылысы басталды. Жыл соңына дейін музыкалық колледж ғимараты бой көтереді. Маусым айынан бері 1,1 млрд.теңгеге облыс орталығындағы 28 көпқабатты тұрғын үйдің қасбеттері заманауи панельдермен қапталды, 1 млрд.теңгеге 20 көпқабатты тұрғын үйдің аулалары абаттандырылды. Өткен жылы аймағымызда демеушілер құны 1,6 млрд теңге болатын 80 балалар ойын алаңын салып берді. Оның 50-і Қызылорда қаласында.<figure class="image"><img src="https://knadmin.beoblood.kz/uploads/392763272_628674576120457_5873574061047325675_n_18883f0aaf.jpg" alt="392763272_628674576120457_5873574061047325675_n.jpg"></figure>&nbsp;<figure class="image"><img src="https://knadmin.beoblood.kz/uploads/392759787_628674926120422_1606577082410341231_n_64ff6bc848.jpg" alt="392759787_628674926120422_1606577082410341231_n.jpg"></figure>&nbsp;<figure class="image"><img src="https://knadmin.beoblood.kz/uploads/392767751_628675002787081_7487677630733047317_n_b2f18a5256.jpg" alt="392767751_628675002787081_7487677630733047317_n.jpg"></figure>

Аймақ басшысы «Туған жерді түлетейік» бастамасына атсалысқан кәсіпкерлерге алғыс білдірді

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев Азаматтық қорғаныс саласының қызметкерлерін Құтқарушы күнімен құттықтады.<blockquote>«Азаматтық қорғаныс саласының қызметкерлерін Құтқарушы күнімен құттықтаймын! Сіздердің жұмыстарыңыз қауіп-қатерге толы әрі зор жауапкершілікті талап етеді. Мемлекет пен қоғам сіздердің антқа адалдықтарыңызды, қажырлы еңбектеріңізді жоғары бағалайды. Баршаңызға бақ-береке тілеймін!», – деп жазды Қасым-Жомарт Тоқаев <a href="https://twitter.com/TokayevKZ">twitter</a>-дегі парақшасына.</blockquote>

Қазақстан және Қызылорда облысының басты жаңалықтары