<a href="https://kyzylorda-news.kz/">&nbsp;Kyzylorda-news.kz.&nbsp;</a> 4 желтоқсанда еліміздің басым бөлігінде жауын-шашын (қар, жаңбыр) жауады, деп хабарлайды <a href="https://kaz.inform.kz/">Kazinform.&nbsp;&nbsp;</a>Қазгидромет синоптиктерінің болжамы бойынша, республиканың басым бөлігіне циклон және атмосфералық фронттар ықпал етеді. Соның әсерінен жаңбыр, қар жауып, елдің солтүстігі мен шығысында көктайғақ, бұрқасын болады.Тек республиканың оңтүстік-батысында және оңтүстігінде антициклонның әсерінен ауа райы жауын-шашынсыз болады. Еліміз бойынша, тұман түсіп, жел күшейеді.

Дүйсенбіге арналған ауа райы болжамы

Kyzylorda-news.kz. Алашқа ана болған Сыр елі Астана қаласының 25 жылдығына орай 8-9 желтоқсан күндері Астана қаласында Қызылорда облысының Өнер күндерін өткізеді.Бағдарлама барысында Нартай Бекежанов атындағы қазақ академиялық музыкалық драма театры 8 желтоқсан күні сағат 19.00-де Жастар театрында Ш.Айтматовтың «Жәмилә», 9 желтоқсан күні сағат 16.00-де Р.Отарбаевтың «Нарком Жүргенов» спектакльдерін сахналайды.Сағат 16.30-да Бейбітшілік және келісім сарайында елордалықтар облыстық тарихи-өлкетану музейінің ұлтқа ортақ мәдени-рухани құндылықтарды арқау еткен «Сыр өңірі – Түркі өркениетінің бесігі» көрмесімен таныса алады. Көрмеде бірінші рет «Шірік-Рабат сақ жауынгері» мен «Сығанақ ханшайымының» реконструкциялары ұсынылады.Астана қаласының 25 жылдығына арналған Қызылорда облысының Өнер күндері сағат 17.00-де Бейбітшілік және келісім сарайында Сырдан шыққан өнер жұлдыздарының Гала концертімен түйінделеді.<img src="https://knadmin.beoblood.kz/uploads/FB_IMG_1701538364535_c8087f4734.jpg" alt="FB_IMG_1701538364535.jpg">

Астана қаласында Қызылорда облысының өнер күндері өтеді

Kyzylorda-news.kz. &nbsp; Синоптиктер 3 желтоқсанға арналған ауа райы болжамын ұсынды.Белсенді атлантикалық циклонның шұңқырының және онымен байланысты атмосфералық фронтальды учаскелердің әсерінен Қазақстанның басым бөлігінде жаңбыр мен қар түріндегі жауын-шашын күтіледі.Республика бойынша – тұман, желдің жылдамдығы 15-29 м/с, 3 желтоқсанда Қазақстан Республикасының солтүстік-батысында және солтүстігінде кей жерлерде екпіні 30 м/с және одан да көп болады.

Жексенбіге арналған ауа райы болжамы 

Фото: president.uzKyzylorda-news.kz. Арал өңірін экологиялық дағдарыс аймағынан инновация, технология және жаңа мүмкіндіктер аймағына айналдыруға ниеттіміз. Мұндай бастаманы Дубайда өткен БҰҰ-ның Климаттың өзгеруі жөніндегі конференциясының сессиясында Өзбекстан президенті көтерді. Бұл туралы Kazinform хабарлады.Шавкат Мирзиёев сөз басында климаттың өзгеруі орнықты даму жолындағы ең маңызды қатер болып отырғанын айта келе Арал қасіретінің салдарына ерекше тоқталды.<blockquote>«Климаттың өзгеруінен болған теріс салдар Орталық Азияда қатты сезіледі. Бұл әсіресе Арал трагедиясына байланысты. Біздің өңірдегі ауа температурасының өсуі әлемдік орташа көрсеткіштен 2 есе жоғары. Өте ыстық күндер саны 2 есе өсті, мұздықтар массивтерінің 3/1-і еріді. Топырақтың құнарсыздануы 30 миллионнан астам адамның өміріне теріс әсер етіп отыр. Шаңды дауылдар жиіледі», - деді Мирзиёев.</blockquote>Өзбекстан президенті бұл мәселені шешу мақсатында Арал өңірін дағдарыс аймағынан дамыған аумаққа айналдыру бастамасын ұсынды.<blockquote>«Біз Париж келісімі аясында климаттың өзгеруіне бейімделу саласындағы жаһандық негіздемелік механизмді жедел арада келісуді қолдаймыз. Климат бойынша Орталық Азия диалогы платформасында бейімделу стратегиясын әзірлейміз. Сондай-ақ кеше қабылданған «шығын мен залал» қорын құру туралы маңызды шешімді жоғары бағалаймыз. БҰҰ Бас Ассамблеясының қарары негізінде біз Арал өңірін экологиялық дағдарыс аймағынан инновация, технология және жаңа мүмкіндіктер аймағына айналдыруға ниеттіміз. Осыған байланысты мұнда Климаттық технологиялардың халықаралық экспо-хабын құру бойынша тығыз ынтымақтастыққа шақырамын», - деп бастама көтерді Өзбекстан басшысы.</blockquote>Шавкат Мирзиёев төмен көміртекті экономикаға жаһандық деңгейде көшу мәселесін де назардан тыс қалдырмау қажет екенін жеткізді. Бұл ретте дамушы елдердің мүдделерін ескеру маңызды. Оның айтуынша, аталған төңіректегі ұсыныстар «Үлкен жетілік» (G7) және «Үлкен жиырмалық» (G20) форматтарында тұрақты негізде қаралғаны жөн.Сөз соңында Мирзиёев Біріккен Ұлттар Ұйымымен бірлесіп, 2024 жылы Өзбекстанда «Климаттық көші-қон» тақырыбында конференция өткізу жоспарланғанын жария етті.

Мирзиёев Арал өңірінде Климаттық технологиялардың халықаралық экспо-хабын құруды ұсынды саммит

Kyzylorda-news.kz. «Қазгидромет» РМК 2-4 желтоқсан аралығындағы күн райына болжамын ұсынды.Алдағы күндері белсенді Атлантикалық циклон жырасымен және онымен байланысты атмосфералық фронтальды бөліктердің әсерінен Қазақстанның басым бөлігінде жауын-шашынды (жаңбыр, қар) болады.3 желтоқсанда – солтүстік-батыста және солтүстікте, 3-4 желтоқсанда – шығыста, 4 желтоқсанда еліміздің оңтүстік-шығысындағы таулы аудандарда қатты жауын-шашын болжанады.Республиканың солтүстік жартысында жауын-шашынмен қатар көктайғақ пен бұрқасын күтіледі.Ел бойынша тұман, 15-29 м/с екпінде жел болжанады. Солтүстік-батыс пен солтүстікте желдің жылдамдығы кей уақытта 30 м/с және одан жоғары болады.4 желтоқсаннан бастап солтүстік-батыс антициклонының жотасымен суық ауа массалары енеді. Бұл Қазақстанның басым бөлігінде температураның күрт төмендеуіне әкеледі. Солтүстік-батыс және солтүстікте түнгі сағаттарда 7-21 градус аязға дейін, ал орталық пен шығыста 5-15 градус аязға дейін төмендейді. Оңтүстік өңірлерде 0-5 градус аязға дейін болжанады.

Сенбіге арналған ауа райы болжамы

<a href="https://kyzylorda-news.kz/ru">Kyzylorda-news.kz</a>&nbsp; Бүгін облыс әкімі Нұрлыбек Нәлібаев Францияның Қазақстандағы Төтенше және Өкілетті Елшісі Дидье Канесспен кездесті, деп хабарлайды облыс әкімдігінің баспасөз қызметі.&nbsp;Аймақ басшысы екі ел арасында жоғары деңгейдегі тұрақты байланыстар мен ерекше достық қарым-қатынас орнағанын атап өтіп, елшінің жұмыс сапары жемісті әрі нәтижелі болуына тілектестік білдірді.<blockquote>«Биылғы қаңтар-тамыз айларында Қызылорда облысы мен Франция арасындағы тауар айналымы 244,3 мың АҚШ долларды құрап, өткен жылдың сәйкес кезеңімен салыстырғанда 4,3 есе өскен. Аймақтан негізінен балық және өсімдік өнімдері экспортталса, Франциядан трактор, пластмассадан жасалған бұйымдар және тоқыма өнімдері импортталуда. Өз кезегімізде біз шетелдік әріптестерден, оның ішінде, француз компанияларынан инвестиция тартуға қызығушылық танытамыз. Жаңа жобаларды орналастыру үшін қажетті инженерлік инфрақұрылымы жеткізілген арнайы индустриялық аймақтар жұмыс жасауда. Екіжақты ынтымақтастықты кеңейтуге шақырып, инвесторлармен ұзақ мерзімді серіктестік орнатуға дайын екенімізді жеткіземін», – деді Нұрлыбек Машбекұлы.</blockquote>Өз кезегінде, Дидье Канесс облыс әкіміне ризашылығын, өзара тиімді әріптестікті әрі қарай нығайтуға ниетін білдірді.Айта кетейік, Сыр өңіріне жұмыс сапары барысында Франция Елшісі «Тұрмыстық зорлық-зомбылық құрбандарына арнаулы әлеуметтік қызметтер көрсету орталығына» барып, жұмысымен танысты. Әрі қарай Канесс мырза Қорқыт ата атындағы Қызылорда университетінде өтетін «Гендерлік зорлық-зомбылыққа қарсы 16 күндік белсенді іс-әрекет» шеңберінде аймақтағы университеттер арасындағы кейс-чемпионатқа қатысады. Сонымен қатар, Қорқыт ата атындағы Қызылорда университетінің ректорымен кездеседі деп жоспарлануда.

Аймақ басшысы Францияның Қазақстандағы Елшісімен кездесті

Фото: Өңірлік коммуникациялар қызметі<a href="https://kyzylorda-news.kz/ru">Kyzylorda-news.kz</a>&nbsp; Жыл сайын аграрлық саланы дамытуға мемлекет тарапынан көптеген қолдау көрсетілуде. Нақтырақ айтсақ, биыл облыстың аграрлық саласына 18,5 млрд.теңге қаржы бөлінсе, оның 14,0 млрд.теңгесі субсидиялауға қарастырылған. Осы мемлекеттік қолдаудың арқасында ауыл шаруашылығы саласында 202,9 млрд теңгенің өнімі өндіріліп, өсім көрсеткіші 2,6 пайызға артты. Нәтижесінде, негізгі қорға 9,4 млрд.теңге инвестиция салынды. Сондай-ақ, алдағы 3 жыл ішінде агроөнеркәсіп саласында өңделген өнім үлесін 70 пайызға ұлғайту мақсатынла 11 инвестициялық жоба қарастырылды. Бүгінде оның 8 жобасы жүзеге асырылды. Бұл туралы Өңірлік коммуникациялар қызметінің ақпарат алаңында облыс әкімінің бірінші орынбасары Серік Қожаниязов хабарлады.<blockquote>Мемлекет басшысы өз Жолдауында ауыл шаруашылығы саласында егіс түрлерін көбейту бағытында жұмыс жасау қажеттігін айтқан болатын. Бұл ретте аймағымызда әртараптандыру бағыты тиісті деңгейде қолға алынып, егін алқаптары ұлғайып келеді. Биылдың өзінде егіс көлемі өткен жылмен салыстырғанда 4,8 мың гектарға ұлғайып, 193,4 мың гектарға дән себілді. Ал негізгі дақыл күріштің көлемі 89,0 мың гектарды құрады. Егін жинау қорытындысымен күріштен - 503,3 мың тонна, картоптан - 94,4 мың тонна, көкөністен - 152,1 мың тонна, бақша өнімдерінен - 246,6 мың тонна өнім жиналды. Өздеріңіз білетіндей, аймақта су тапшылығы айтарлықтай сезілуде. Осыған сәйкес, егіс көлемін әртараптандыруға басымдық берудеміз. Ал басты дақыл күріш көлемін біртіндеп тұрақтандыра отырып, егіс алқаптарын әртараптандыру мақсатында суды аз қажет ететін майлы, жемшөп және бақша дақылдарын ұлғайтуды жоспарлаудамыз. Сәйкесінше, 2025 жылға қарай күріш алқабы бөлінген су көлеміне қарай 80 мың гектарға тұрақтандырылып, суды аз қажет ететін дақылдардың егіс көлемін 8,7 мың гектарға ұлғайту көзделуде, - деді Серік Қожаниязов.</blockquote>Брифинг барысында облыс әкімінің бірінші орынбасары Серік Салауатұлы су шаруашылығында атқырылған жұмыстарды баяндап, күрделі деп танылған су тапшылығы мәселесінің алдын алу бойынша негізгі шараларды атап өтті.<blockquote>Биылғы вегетациялық кезең өте күрделі су тапшылығы жағдайында өтті. Мемлекетаралық су шаруашылығын үйлестіру комиссиясында Шардара су қоймасына 1 қазанға дейін 4,2 млрд.м3 су түсуі болжанса, нақты 2,4 млрд.м3 немесе 57 пайызы түсті. Осыған қарамастан жауапты министрліктермен және шаруалармен бірлесіп, егілген егістікті судан қалдырмау шараларын барынша жүргіздік. Арнайы жұмыс тобы құрылып, шаруашылықтарға су кезекпен берілді. Шаруалар жоғары орналасқан жерлерге су жеткізу және қашыртқыдағы суды екінші мәрте пайдалану үшін 351 насос қолданды. Сонымен қатар, Су ресурстары және ирригация министрлігімен бірге «Қызылорда облысындағы суармалы жүйелерді қалпына келтірудің жол картасын» әзірледік. Соның аясында облыста тасқын суларды жинақтау, суармалы суды бөлу мен есепке алу процестерін автоматтандыру арқылы ирригациялық инфрақұрылымды қайта құру мен жаңғырту шаралары жүргізілетін болады. Сондай-ақ, Үкіметпен бірлесіп 1 млрд. текше метрге дейін тасқын суды жинақтауға арналған Қараөзек су қоймасын салу жоспарлануда. Одан бөлек, иесіз каналдарды, қашыртқыларды және кіші гидротехникалық құрылыстарды есепке алып, күтіп ұстау үшін облыстық су шаруашылығы мекемесін құруды жоспарлап отырмыз, - деді Серік Салауатұлы.</blockquote>

Агроөнеркәсіп саласында 11 инвестициялық жоба іске қосылмақ

Фото: Н.Нұржаубай<a href="https://kyzylorda-news.kz/ru">Kyzylorda-news.kz</a>&nbsp; Сыр өңірінің әлеуметтік экономикалық әлеуеті айтарлықтай артып келеді. Әсіресе, аймаққа инвестиция тарту көрсеткіші артып, жыл басынан бері 386,4 млрд.теңгені құраған. Бұл туралы Өңірлік коммуникациялар қызметінің ақпарат алаңында облыс әкімінің бірінші орынбасары Серік Қожаниязов хабарлады.<blockquote>«Биыл облысқа 472 млрд.теңге инвестиция тарту жоспарланды. Тиісінше бұл өткен жылмен салыстырғанда 59 млрд.теңгеге артық. Жыл басынан бері өңірге 386,4 млрд.теңге инвестиция тартылып, 27,7 пайыздық өсім қалыптасты. Инвестициялардың 73,6 пайызы жеке инвестициялар есебінен тартылды. Сондай-ақ, биыл кәсіпкерлік саласына байланысты 3 561 жобаға қаржылай қолдау көрсетіліп, жүзеге асырыла бастады. «Кәсіпкерлікті дамыту жөніндегі ұлттық жобасы» аясында жыл басынан бері 24,6 млрд теңгені құрайтын 690 жоба субсидияланды. Бұдан бөлек, аймақта шағын және орта кәсіпкерлік субъектілер саны 10,3 пайызға ұлғайып, 71 мың бірлікке жетті. Экономикалық белсенді халықтың үштен бір бөлігі осы кәсіпкерлік саласында жұмыспен қамтылды. Шағын және орта кәсіпкерліктің экономикадағы үлесі өткен жылы 19,1 пайызды құраса, биыл бұл көрсеткіш 21,5 пайызға жеткізілмек», - деді Серік Салауатұлы.</blockquote>

Серік Қожаниязов: Биыл 472 млрд.теңге инвестиция тарту жоспарлануда

Фото: placepic.ru<a href="https://kyzylorda-news.kz/ru">Kyzylorda-news.kz</a> Синоптиктер Қазақстанда 2023 жылғы 1 желтоқсанына арналған күн райы болжамын ұсынды."Қазгидромет" РМК ұсынған мәлімет бойынша, республиканың батыс, солтүстік және шығыс облыстарындағы күн райына циклон және сонымен байланысты атмосфералық фронттар әсер етеді. Синоптиктердің болжауынша, жауын-шашын жаңбыр мен қар түрінде болады. Сондай-ақ көктайғақ пен қарлы боран болады.Синоптиктердің мәліметінше, тек республиканың оңтүстігі мен оңтүстік-шығысында антициклонның әсерінен күн жауын-шашынсыз болады деп болжанды.Қазақстан бойынша тұман түсіп, жел күшейеді.

1 желтоқсанда еліміздің басым бөлігінде дауылды ескерту жарияланды

<a href="https://kyzylorda-news.kz/ru">Kyzylorda-news.kz</a>&nbsp; Бүгін Қызылордада «Анаға тағзым» республикалық Аналар форумының пленарлық отырысы өтті.Үшінші республикалық форумның Сыр өңірінде өтуінің символдық мәні бар. Облыс әкімі Нұрлыбек Нәлібаевтың тікелей ұсынысымен, меценаттар қолдауымен қыркүйек айында Қызылорда қаласында «Анаға тағзым» орталығы ашылып, бүгінде жұмысы қарқынды жүруде.Іс-шараға Қазақстан халқы Ассамблеясы жанындағы республикалық Аналар кеңесінің төрағасы Назипа Шанаи, өңірлерден, аудандардан делегациялар, облыстың зиялы қауым өкілдері, еңбек ардагерлері, мәслихат депутаттары, көп балалы аналар қатысты. Барлық өңірлердің Аналар кеңесінің төрайымдары мен мүшелері, аудандардағы әйелдер кеңестерінің мүшелері онлайн режимде қосылды.<figure class="image"><img src="https://knadmin.beoblood.kz/uploads/406352132_650760260578555_1679523674498456560_n_32d001d952.jpg" alt="406352132_650760260578555_1679523674498456560_n.jpg"></figure>Қонақтар үшін Сыр елінің өнерлі қыз-келіншектері жасаған өнімдер көрмесі ұйымдастырылды. Көрмеге түйе және ешкі сүтінен жасалған табиғи сабын, ұлттық киімдер мен әшекейлер, түрлі техникалармен салынған картиналар және өзге де ерекше бұйымдар қойылған.<figure class="image"><img src="https://knadmin.beoblood.kz/uploads/406328505_650759993911915_4468172596499973878_n_81146f30c9.jpg" alt="406328505_650759993911915_4468172596499973878_n.jpg"></figure>Облыс әкімі Нұрлыбек Нәлібаев аймақта отбасы және аналар мәселелеріне ерекше көңіл бөлінетінін атап өтті.<blockquote>«Биыл қыркүйекте Қызылорда қаласында заманауи әрі көпфункциялы «Анаға тағзым» орталығы пайдалануға беріліп, қыз-келіншектердің рухани ордасына айналды. Облысқа жұмыс сапарымен келген Мемлекет басшысы Қасым-Жомарт Кемелұлы Тоқаев осы орталықпен танысқан соң, «Расында, ұлттық салт-дәстүрімізді, болмысымызды, тіліміз бен дінімізді терең насихаттауымыз керек. Ұлттық құндылықтарға деген көзқарасымыз айқын болуы тиіс», – деп жоғары бағасын берді.</blockquote><figure class="image"><img src="https://knadmin.beoblood.kz/uploads/406260612_650760617245186_1657828377111432797_n_7aed0f70cd.jpg" alt="406260612_650760617245186_1657828377111432797_n.jpg"></figure><blockquote>«Анаға тағзым» орталығы – балауса қыз баладан ардақты асыл әжеге дейін бас қосатын тәрбие мектебі. Осы жерде ақылды да парасатты аналардың, инабатты келіндердің өнегелі ісінен, салмақты сөзінен үлгі алатын жастар қатары көбейері сөзсіз.Бүгінде тұрмыстық қиындыққа тап болған аналар мен балаларға қолдау көрсету мақсатында 7 аудан мен Қызылорда, Байқоңыр қалаларында «Бақытты отбасы» бөлімдері ашылды.Орталықтарда заңгерлік және психологиялық көмек көрсетуден бастап, кәсіпкерлік негіздерге оқыту, бизнес-жоспар құруға, грант немесе шағын несие алуға құжат рәсімдеуге жәрдемдесу, жұмысқа орналастыру және өзге де қызметтер кезең-кезеңімен көрсетіледі. Оған қосымша 114 жедел әрекет ету тобы құрылды. Бұл топ өмірлік қиын жағдайға тап болған отбасыларға дер кезінде көмектесуді көздейді», – деді аймақ басшысы.</blockquote><figure class="image"><img src="https://knadmin.beoblood.kz/uploads/406236130_650760613911853_6106977997624172307_n_fd1041b84c.jpg" alt="406236130_650760613911853_6106977997624172307_n.jpg"></figure>Қазақстан халқы Ассамблеясы жанындағы республикалық Аналар кеңесінің төрағасы Назипа Шанаи «Мәдениетті ана – мәдениетті ұлт» жалпыұлттық жобасы туралы баяндап, оның ерекшеліктерін таныстырды.Маңызы ерекше іс-шарада ҚР Парламенті Мәжілісінің депутаты Қарақат Әбденнің форум қатысушыларына арналған бейнеқұттықтауы көрсетілді. Сондай-ақ, Павлодар облысы әкімінің әйелдер істері жөніндегі кеңесшісі, ұлағатты ұстаз, «Құрмет» орденінің иегері Бақытжамал Максилова, Түркістан облысының Ата-аналар одағының төрағасы, отбасылық коуч Ақбаян Жақыпова, «Қазақстан барысы – 2022» жеңімпазы Мақсат Исағабыловтың анасы Роза Қуаңбаева, Қызылорда облысының құрметті азаматы Алмагүл Божанова форум туралы пікір білдірді.<figure class="image"><img src="https://knadmin.beoblood.kz/uploads/406245510_650759750578606_8270256701049661403_n_7187879349.jpg" alt="406245510_650759750578606_8270256701049661403_n.jpg"></figure>Іс-шара соңында байрақты бәсекелерде көк Туды биікте желбіретіп, елімізді төрткүл әлемге танытқан спортшыларды, өнер байқауларында облыс абыройын асқақтатқан ақындарды дүниеге әкелген аналар, демографияға, қайырымдылыққа атсалысып, облыстың әлеуметтік-экономикалық дамуы жолында белсенділік танытқан қыз-келіншектер түрлі номинациялармен марапатталды. Мәселен, үш дүркін «Алтын домбыра иегері» Мұхтар Ниязовтың анасы Жұмакүл Оңғарбаеваға «Жұлдызды ана» номинациясы, Әлем чемпионатының екі дүркін күміс жүлдегері Қамшыбек Қоңқабаевтың анасы Ұлбосын Алыпқашоваға «Байрақты ана» номинациясы, ал «Қазақстан барысы-2022» Мақсат Исағабыловтың анасы Роза Қаратаеваға «Ұлықты ана» номинациясы табысталды.Айта кетейік, форум қонақтарына екі күндік бағдарлама аясында «Анаға тағзым» орталығымен танысу, форсайт сессиялар мен кездесулер, тәжірибе алмасу алаңдары ұйымдастырылады.<figure class="image"><img src="https://knadmin.beoblood.kz/uploads/406245960_650760713911843_3462990700775704783_n_8826331b80.jpg" alt="406245960_650760713911843_3462990700775704783_n.jpg"></figure><figure class="image"><img src="https://knadmin.beoblood.kz/uploads/406382493_650759777245270_6121505240158906863_n_2648dea8e6.jpg" alt="406382493_650759777245270_6121505240158906863_n.jpg"></figure>&nbsp;<figure class="image"><img src="https://knadmin.beoblood.kz/uploads/406358621_650760127245235_3391099107146144720_n_a5df18efc1.jpg" alt="406358621_650760127245235_3391099107146144720_n.jpg"></figure>&nbsp;<figure class="image"><img src="https://knadmin.beoblood.kz/uploads/406348261_650760233911891_1634942466683064603_n_a518012a1c.jpg" alt="406348261_650760233911891_1634942466683064603_n.jpg"></figure>&nbsp;<figure class="image"><img src="https://knadmin.beoblood.kz/uploads/406358603_650759837245264_9061263014528547426_n_7087b599d5.jpg" alt="406358603_650759837245264_9061263014528547426_n.jpg"></figure>&nbsp;<figure class="image"><img src="https://knadmin.beoblood.kz/uploads/406346030_650760370578544_1292317740802772406_n_7cd8dc3de8.jpg" alt="406346030_650760370578544_1292317740802772406_n.jpg"></figure>&nbsp;<figure class="image"><img src="https://knadmin.beoblood.kz/uploads/406375954_650759903911924_1410530558778098289_n_548b1b9c8f.jpg" alt="406375954_650759903911924_1410530558778098289_n.jpg"></figure>

Сыр өңірінде «Анаға тағзым» республикалық аналар форумы басталды

<a href="https://kyzylorda-news.kz/ru">Kyzylorda-news.kz</a>&nbsp; Бүгін облыс әкімі Нұрлыбек Нәлібаев Қызылордадағы «Анаға тағзым» республикалық Аналар форумының аясында өткен Сыр елінің келешек брендіне айналатын жәдігерлер – алтын киімді «Шірік-Рабат сақ жауынгері» және алтын әшекейлі «Сығанақ ханшайымы» реконструкцияларының таныстырылымына қатысып, мүсіндерді облыстық музейге табыстады.Аймақ басшысы қызылордалықтарды музей қорының толығуымен құттықтады.<blockquote>«Бүгін музейге Сырдарияның бойында өмір сүрген сақ мәдениетінің жауһары – алтын киімді «Шірік-Рабат сақ жауынгері» мен Алтын Орда кезеңіндегі Ұлы дала көшпенділерінің өркениетін паш ететін алтын әшекейлі «Сығанақ ханшайымы» мүсіндері тапсырылды. Мүсіндер археолог-ғалымдардың ғылыми негіздемелеріне сай жасалды.Желтоқсанның 8-9-ы күндері еліміздің бас қаласы – Астанада Қызылорда облысының өнер күндері өтеді. Мәдени іс-шара аясында ұйымдастырылатын «Сыр өңірі – Түркі дүниесінің алтын бесігі» көрмесінде «Шірік-Рабат сақ жауынгері» мен «Сығанақ ханшайымының» алтындатқан мүсіндері елорда жұртшылығына таныстырылады. Мәдени мұрамызды зерттеп, сақтап, болашақ ұрпаққа мирас ету жолындағы жұмыстарыңызға табыс тілеймін!», – деді Нұрлыбек Машбекұлы.</blockquote><figure class="image"><img src="https://knadmin.beoblood.kz/uploads/406635260_650692867251961_6066286788519985979_n_058caf017f.jpg" alt="406635260_650692867251961_6066286788519985979_n.jpg"></figure>Іс-шарада тарихи жәдігерлерді жаңғыртуға атсалысқан белгілі археолог-ғалымдар Жолдасбек Құрманқұлов және Әзілхан Тәжекеев сөз сөйледі.Айта кетейік, мүсіндерді реконструкциялауға облыстық бюджеттен 40 млн теңге бөлінді. Туындыларды археолог-ғалымдар Жолдасбек Құрманқұлов және Әзілхан Тәжекеев, реставратор Қырым Алтынбеков, Өзбекстан және Татарстан Республикаларының ғалымдары Айсұлу Жаппарбергенқызы, Людмила Макласова жасады.Айта кетейік, «Сығанақ ханшайымы» «Анаға тағзым» республикалық форумындағы барша аналарға арналған тамаша тарту болды.<figure class="image"><img src="https://knadmin.beoblood.kz/uploads/406583508_650692983918616_1825147178062155036_n_cc6242a628.jpg" alt="406583508_650692983918616_1825147178062155036_n.jpg"></figure>&nbsp;<figure class="image"><img src="https://knadmin.beoblood.kz/uploads/406595484_650693010585280_2259295192352330709_n_6a17939f84.jpg" alt="406595484_650693010585280_2259295192352330709_n.jpg"></figure>

Облыстық музей қоры тарихи жәдігерлермен толықты

Фото: Kazinform<a href="https://kyzylorda-news.kz/ru">Kyzylorda-news.kz</a> Алматыда хостел өртеніп, 13 адам қаза тапты, деп хабарлайды <a href="https://kaz.inform.kz/">Kazinform.&nbsp;</a>Алматы қалалық Төтенше жағдайлар департаментінің мәліметінше, 30 қараша күні сағат 05:33-те Әди Шәріпов көшесіндегі өрт туралы хабарлама түсті. Бірінші өрт сөндіру бөлімі шақырту орнына 7 минут ішінде келді.<blockquote>«Келген бойда 1 қабаты және жертөлесі жатақханаға айналған 3 қабатты тұрғын үйдің жанып жатқаны анықталды. Алдын ала ақпарат бойынша өрттің жалпы ауданы – 30 шаршы метр. Қабылданған шаралармен өрт 06:22-де жойылды», - деп хабарлады департаменттен.</blockquote>Алдын ала ақпаратқа сәйкес өртті барлау және сөндіру барысында 13 адамның денесі табылды. Қазір олардың кім екені анықталып жатыр.Олар көміртегі тотығынан уланып қайтыс болған.Өртке оранған хостелден эвакуацияланған адамдардың басым бөлігі шетел азаматтары.Алматы қалалық Төтенше жағдайлар департаментінің басшысы Нұрлан Атығаевтың айтуынша, эвакуацияланған адамдардың көбі шетелдіктер.<blockquote>«Хостел әкімшілігінің сөзінше, өз бетімен сыртқа шыққан адамдардың дені Өзбекстан, Қырғызстан, Пәкістан елдерінің азаматтары. Араларында қазақстандықтар да бар. Қаза тапқандардың кім екені анықталып жатыр»,- деді ол.</blockquote>Сонымен қатар департамент басшысы өртке оранған хостелдің ашылғанына бір жарым ай болғанын мәлім етті.&nbsp;<blockquote>«Үш қабатты ғимараттың жертөлесінен хостел ашқан. Бұл, негізі, заңға қайшы. Себебі жертөле адам тұруға арналмаған. Қанша жерден жабдықталса да»,- деді Нұрлан Атығаев.</blockquote><img class="image_resized" style="width:560px;" src="https://img.inform.kz/kazinform-photobank/media/2023-11-30/8240177a-e593-4ef7-9f1b-ad648eba951c.jpeg" alt="Алматы" loading="eager">Фото: Қалалық ТЖД<figure class="media"><div data-oembed-url="https://www.youtube.com/watch?v=l01-KuVu4vI&amp;source_ve_path=Mjg2NjY&amp;feature=emb_logo"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/l01-KuVu4vI" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>

Қазақстан және Қызылорда облысының басты жаңалықтары