Бақыт Қалиев: «Баланың қабілетті болуы мұғалімге байланысты»

Еліміздегі кәсіпкерлік сала көңіл қуантарлық жаңалықтарға толы. Оның ішінде өндірісте өзіндік көзқарасымен ерекшеленген, кір жууға арналған ұнтақ шығаратын қызылордалық Дәулет Ізбасарұлы да бар. Ол жасап шығаратын «Ак-Niet» ұнтағы мен сиыр іш майынан жасалатын табиғи сабындары бүгінде экологиялық таза өнім қатарына қосылып, өз тұтынушыларын тауып үлгерді. Кәсіпкермен сұхбаттасудың сәті түсіп, көкейде жүрген сауалымызға жауап алдық.− Дәулет, мамандығыңыз заңгер екенін білеміз. Кәсіпке келу жолыңыз оқырмандарға өте қызық. Екі түрлі саланы бір арнада тоғыстыруыңызға не себеп?− Иә, негізгі салам заңмен байланысты. Колледжде, университетте «Құқықтану» мамандығы бойынша білім алып, осы саланың маманы атандым. Қазір де заңгерліктен алыс кетпедім, екеуін қатар алып жүрмін. 2-3 жұмысты қатар істейтін жастарға қарап мен де қос қызметте істеуге бел будым. Бұл заман талабына айналды. Бұрын 8 сағат болса, қазір 16 сағаттық жұмысқа көштік. Барлығына үлгеруге болады деп ойлаймын.Мен бала кезімнен кәсіпке жақын болдым. Көп балалы отбасынанмын. Ата-анам үйдегі сиырдың сүтін сатумен айналысты. Таңғы 5.00-де сиырды сауады, ал біз тапсырыс берушілерге жеткізетінбіз. Бұл істі кәсіпке айналдырып, сабақтан да қалмай жүрдік. Тұтынушылардың саны артып, отбасылық бизнес дөңгеледі. 9-сыныпта жеке көлігімді, яғни «газель» сатып алдым. Онымен де жұмыс істеп, пайданың көзін таптым.Кейін оқуға түстім, бірақ кәсіпкерлік жүрегімнен де, ойымнан да кетпеді. «Қалай бизнес ашуға болады?» деген сауалға тұшымды жауап іздеумен жүретінмін. Жұмысқа орналасқан соң қызметтік жүктемеме байланыста таңертеңнен кешке дейін жұмыста болсам да, кәсіпті тастамадым. Сонда әкем «Әй, өзіңді қинамашы. Түбі кәсіпкер боласың ғой» дейтін.2019 жылы пандемия басталды. Елге сырттан өнім келмейді, зат тасымалданбайды. Ал карантин уақытында антисептик, сабын секілді тауар тапшы болды. Міне, сол сәтте ішкі экономиканы дамыту керегін түсіндім. Ізденіп, зерттеп сабын өндірісін қолға алу тиімді екеніне көзім жетті. Осылайша кірсабынға тоқталдым. Жұмысты бастау үшін станоктарды көрші Өзбекстаннан алдырттым. Бірақ елге жеткізу қиын болды. Сәті түсіп станок келді. Сабын сатылымға шығып, өзінің тұтынушыларын тапты. Жастардың сөзімен айтқанда «хит» болды.Сабын өндіруді бастағанда көлігімді саттым. Сол қаражатқа шикізат алып, алғашқы қадам жасадым. Жалпы кәсіп бастау үшін көп қаражат қажет екені белгілі. Өндірісте шикізат арқылы өнім шығарасың. Бастапқыда барлығы ойдағыдай бола бермейді. Алғашқы кезеңде көп шығынға ұшырадым. Бұл ретте білікті мамандардың тапшылығы байқалды. Қазақстанда өз ісін толық білетін технолог маман өте аз. Кейіннен өзбекстандық сарапшылармен байланыстық. Бірақ олар қолданатын қоспалар Қазақстанда жоқ екен. Командамен ойлана келе кір сабынға сиырдың іш майын қосу туралы шешім қабылдадық.<img class="image_resized" style="width:45.28%;" src="https://knadmin.beoblood.kz/uploads/Auyl_amanaty_auyl_k_sipkerleri_shin_tiimdi_ba_darlama_707e363ebc.jpeg" alt="«Ауыл аманаты» − ауыл кәсіпкерлері үшін тиімді бағдарлама.jpeg">– Неге сиырдың іш майы?– Орта жастағы адамдар мұны жақсы түсінеді. Балалық шағымызда сиыр сойылған кезде іш майын алатынбыз, оны күйдіріп, майға айналдыратын. Ал қалған шыжықты нанмен жейтін едік. Сол май тоңмай болып, тамақ әзірлеуде қолданылатын. Бала кезімізде көріп өскен осы сиырдың іш майын бүгінде өнімімізге қосып жатырмыз. «Ішке пайдалы нәрсе сыртқа да пайдалы болады» деген оймен, 2019 жылдан бері таза, табиғи өнімдерді шығара бастадық.Дамыған заманда адамның денсаулығына зиян тигізетін өнім болмау керек деп есептеймін. Өкінішке қарай, қазір тауардың өзіндік құнын азайтамын деп арзан баламалы қоспаға жүгінетіндер бар. Ал мен мұндайға жол бермеймін. Мысалы, қарапайым сиырдың іш майын алайық. Тандыр самса шыққалы майдың да құны көтерілді. 1 келісі 700 теңге болса да біз таза өнімді қолдануды тоқтатпаймыз.− Кір жуатын ұнтақ туралы айтып берсеңіз…− Ұнтақтың өзі кальциленген сода. Мысалы, қарапайым содаға қосымша заттар қосу арқылы жасалады. Біз де технологтармен ақылдасып, зерттеу жұмыстарын жүргіздік. Кейіннен құрамын нақтылап 8 химиялық зат таңдап алдық. Оның ішінде көпіретін, аллергия бермейтін, киімді жұмсартатын, тазартатын, тоздырмайтын, бактерияларды өлтіретін және кір жуатын машинаға зияны жоқ заттар бар. Өзіңіз де байқаған боларсыз, кейінгі уақытта аллергияға бейім адамдар көбейді. Сол үшін гипоаллергенді заттарды қосамыз. Ал ұнтақты «Ak-Niet» деп атадық. Қаладағы дүкендердің сөресінен таба аласыздар. Түркиядан келген мамандармен де бірге жұмыс атқардық. Біздің өнімдерді тексеріп, өздерінің өнімдерімен салыстырды. Технологтар тауардың құрамынан мін таба алмады. Олардың зауыттары күніне шамамен 5 тонна өнім шығарады.− Заңгер болғаныңыз кәсібіңізге қалай әсер етті?– Құқық саласында қызм ет етуімнің бизнеске пайдасы тиді. Өнімнің зерттеу жұмысы болсын, бағдарламалар немесе басқа да құқықтық мәселелер болсын, мүлдем қиналмадым. Сол білімімнің арқасында мемлекеттік қолдауға ие болдым. Кәсібімді кеңейтіп, сабын мен ұнтақты бөлек өндірудемін. Әуелде екі өнім бір жерде жасалатын. Қазір сабын өндіруге арналған 150м² көлемде цехым бар. Бизнесім аса үлкен емес. Цех форматында жұмыс істеп, 10 адамды жұмыспен қамтып отырмын.− Оқырмандарға кеңес болсын, кәсіпкерлерге қандай мемлекеттік бағдарламалар тиімді?− Ауыл тұрғындарының табысын арттыратын, қолайлы бағдарламаның бірі – «Ауыл аманаты». Қарыз алу шарттары да өте тиімді. Себебі ондағы пайыздық мөлшерлеме әлдеқайда төмен. Яғни кәсіпкерге 2,5%-бен 9 миллион 200 мың теңге қаржы береді. Өндірістің дамуына жағдай жасайды. Кейінгі жылдары мұндай жобалар көбейді. Өте сәтті, жақсы және дер кезінде қолға алынған бағдарлама деп ойлаймын. Сізге қаржы беріп тұрса, неге қолданбасқа?! Сондай-ақ «Өңірлік қаржылай қолдау орталығы» бар. Бұрын 2%, ал қазір 6%-бен 5 жылға несие береді. 2 жыл «демалыс кезеңі» бар. Ал қалған жылға несиені төлеуге кесте бекітесіз. Өзіңізге ыңғайлы кесте арқылы несие төлеу әр кәсіпкер үшін керемет жеңілдік деп есептеймін. Мысалы, мен несие алғанда жаз айында көп сомма төлеуге келістім. Себебі сол кезеңде сабын өте жақсы өтіп, сұраныс артады.− Басқа өңірлерден сұраныс бар ма?− Иә, тапсырыс түсіп жатыр. Күзде өтетін өнімдер жәрмеңкесінде біздің тауарлар бір күнде сатылады. Онда сұраныс өте жоғары. Кейбір қалаларда таныстарымның дүкендері бар. Олар да біздің өнімдерді сұрайды. Солардың ішінде Жезқазған, Сәтбаев қалалары «Ак-Niet» өнімін жақсы тұтынады. Ал Астана – келесі үлкен нарық. Жуырда Астана қаласында Қызылорда өнімдерінің жәрмеңкесі өтті. Ауқымды іс шараға 7 тонна өнім жібердік.– Жастарға кеңес болса…− Кәсіпкер болған соң әр нәрсемен айналысудың қажеті жоқ. Белгілі бір дүниенің шыңына жету керек. Яғни, сабынмен 5 жыл, кейінгі бір жарым жылда ұнтақты қолға алдым. Осы екі кәсіп маған жеткілікті. Бұл өнімдерге әлі де күш салуым қажет. Кәсіп бастау оңай емес. Сіз журналист, ал мен заңгермін. Екеуі біріне бірі ұқсас. Мен кезінде білім алдым, тәжірибе жинадым. Қазір сот процесіне қатыса аламын. Адамдардың құқығын қорғаймын. Сол секілді сіз де моральдық тұрғыдан көп жұмыс істейсіз. Ал кәсіп физикалық тұрғыдан шаршатады.Кеңес сұрайтын жастарға «алдымен 100 теңгені 150 теңгеге айналдырып көр» деймін. Сол секілді кішкентай дүниені дөңгелетіп, кәсіп бастаңыздар.Бұл ретте қолдаудың да маңыздылығын айтқым келді. Кеше әлеуметтік желіге «Туысқандарыма ренжідім» деп видео жарияладым. Бұл менің ғана емес, барлық кәсіпкердің реніші. Мысалы, тойға жүз туысқаныңызды шақырсаңыз, түгел келеді. Ал сіз кәсіп бастап, қолдауға мұқтаж болсаңыз жартысын да таба алмайсыз. Дүкен сөресінде басқа ұнтақтармен қатар біздің өнім тұрса, олар басқа ұнтақты сатып алады. Кәсіпкерлерге жақындарының демеуі ауадай қажет екенін жеткізгім келеді.Енді өндіріс туралы жеңіл мысал алайық. Жалпы адам ұйқыдан тұрғаннан бастап не істейді және не қажет етеді? Тіс пастасы, тіс щеткасы, сусабын, жұмсақ халат – осының бәрі таңертеңгі қажеттіліктер. Міне, адамдардың таңертеңгі уақытта қолданатын өнімдерін тізіп шықтық. Тек таңғы уақыттың өзіне осынша өнім қажет. Мұнан кейін көпшілік кофе ішеді, ал ол көбіне сырттан келетін өнім. Оның орнына жантақ шайын өндіруге болады. Осы орайда өндіруге назар аударып, неге өндіріс ашпасқа? Жас кәсіпкерлер осындай жағдайларды ескерсе деймін.− Әңгімеңізге рақмет!Інжу МАРЖАН

«Ауыл аманаты» − ауыл кәсіпкерлері үшін тиімді бағдарлама

<a href="https://kyzylorda-news.kz/">Kyzylorda-news.kz</a> Қызылордалық Кендебай Идирисов 57 жасында Қорқыт ата атындағы Қызылорда университетінде құрылыс мамандығы бойынша білімін жалғастырып жатыр. <a href="https://kaz.inform.kz/news/kay-kezde-de-adam-zhanashildikka-umtilgan-duris-kizilordalik-57-zhastagi-student-d2ef5e/">Kazinform</a> тілшісіне берген сұхбатында кейіпкеріміз қай кезде де білім алған кеш емес екенін атап өтті.— Алдымен өзіңіз жайлы айта кетсеңіз? Қай жерде өмірге келдіңіз?— Көршілес Өзбекстанда Навои облысы бар. Сол өңірде қалың қазақ мекен еткен Тамды ауданы бар. Әлі де қазақылықты жоймаған, салт-дәстүрге беріктігімен ерекшеленеді. Мен сол ауданда 1967 жылы дүниеге келгенмін. Қазақ халқының мақтан етер тұлғасы Бауыржан Момышұлы сол өңірге барған уақытында «нағыз қазақтарды осы Тамды ауылында көрдім» деп ағынан жарылған екен. Сондай-ақ белгілі сазгер Шәмші Қалдаяқов «Тамды аруы» деген ән шығарып, туған өлкемді жоғары бағалады.— Сіздің 57 жасыңызда жоғары оқу орнында білім алуыңызға не себеп?— Мен жас кезімнен білімімді толықтыруға қызығушылығым ерекше еді. Қазір де сол дағдымнан айныған жоқпын. Қолымнан келгенше шеберлігімді жетілдіріп, білімімді толықтыруға күш салып келемін. Менің ойымша, қай жасқа келсең де, жаңашылдыққа ұмтылған дұрыс. Әрбір адам «Үйренсем, білсем» деген арманына жеткені артық емес. Қазір заман талабы да өзгеріп барады. Біздің жас кезімізде оқыған кейбір талаптар бүгінгі күнмен сәйкес келе бермейді.Өзім жайлы айтсам, 1988-1991 жылдары Ташкенттегі құрылыс техникумында оқып шықтым. Ал 2006 жылы тау-кен жұмыстары мамандығы бойынша жоғары оқу орнын тәмамдадым. Өмір жолымның 12 жылын арнаулы оқу орнында мұғалім болуға арнадым. 2004 жылы Қызылордаға көшіп келгеннен кейін еңбек өтілім құрылыс мекемелерінде өрбіді. Онда бригадир қызметінен жобалық директор қызметіне көтерілдім. 2013 жылы жеке мекеме ашып, өз кәсібімді жүргізген едім. Десе де бұл жұмыстың өз қиындығы бар екенін айта кетейін. Сондықтан оны уақытша тоқтата тұруға тура келіп отыр.— Жоғары оқу орнында құрылыс саласы мамандығын таңдауыңызға не себеп болды?— Біршама уақыт бойы сырқаттанып, еңбектен қол үзіп қалдым. Сырқаттан жазылып шыққаннан кейін құрылыс саласы бойынша мамандар іздеген хабарландыруға көзім түсті. Сол бойынша түйіндеме дайындап, аталған мекеменің электронды мекенжайына жіберген едім. Менің еңбек жолымды бағалаған олар сол күні кешке өздеріне қызметке келу жөнінде ұсынысын жолдады.Содан бері мен өндірістік мекемелердің құрылысын жүргізетін «Ақмарал» ЖШС-де қызмет етіп келемін. Серіктестік басшысы Жақыпжан Садықов — өз саласының білгірі атанған тәжірибелі маман. Мәселен, біз еліміз бойынша әк өндірісімен айналысатын «Сарыопан» кен орнындағы ғимарат құрылысын мерзімінен бұрын аяқтадық. Бүгінде Жамбыл облысының Шу ауданында электровоз шығаратын зауыт құрылысын жүргізіп жатырмыз. Сондықтан мен құрылыс саласы бойынша білімімді толықтыруға шешім қабылдадым. Алдағы жылы диплом алатын боламын. Жалпы, үйренсең барлығы басыңда қалады. Өмір жолыңда кәдеңе жарайды. Менің құрылыс саласы мамандығын таңдауыма осындай жағдайлар себеп болды.— Cіздің жас кезіңіздегі және қазіргі уақыттағы оқудың қандай айырмашылығы бар?— Айырмашылығы жер мен көктей. Ол уақыттағы технология мүлдем басқаша еді. Еліміз тәуелсіздік алғаннан кейін алыс-жақындағы шет мемлекеттердің технологиясы өмірімізге ене бастады. Бұрын қолмен атқарылатын кейбір жұмыстар қазір техниканың күшімен жасалады. Сондықтан заман талабына бағынып, біліміңді жетілдіріп отырған артық емес деп ойлаймын. Жұмыс, оқу мен отбасылық өмірді қатар алып жүрудің қиындығы жоқ.Жасыратыны жоқ, жасың үлкейгеннен кейін оқу оңайға соқпайды. Алайда оған қарауға болмайды. Барлық тосқауылға қарамауың тиіс. Менің алға қойған мақсаттарым бар. Соны орындауға күш саламын. Ал жастарға айтарым дер уақытында білім алған жөн. Оған бүгінде барлық мүмкіндік бар емес пе? Интернеттен іздеген барлық дүниең табылады. Жалпы, үйренем деген адамға бір мамандықпен шектеліп қалған болмайды. Адам баласы үнемі ізденісте болғаны жақсы. Менің ойымша, әр адам өз мамандығын бағалай білсе, үлкен белестерді бағындыра алады. Үздіксіз іздену жоғары табыстарға жетелейді. Ол үшін уақытыңды дұрыс пайдалана білгенің жөн.— Сөз соңында отбасыңыз жайлы айта кетсеңіз.— Мен көпбалалы әкемін, қазір олардан 3 немере сүйіп отырмын.— Әңгімеңізге рақмет.Фото: Кейіпкердің жеке мұрағатынан

Қызылордалық 57 жастағы студент: Қай кезде де адам жаңашылдыққа ұмтылғаны дұрыс 

<a href="https://kyzylorda-news.kz/">Kyzylorda-news.kz</a>&nbsp; Облыста кәсіпкерлікті дамыту, кәсіп ашқысы келетін азаматтарды қолдау, жобасын жүзеге асыруға дем беру, осының ықпалымен жаңа жұмыс орындарының ашылуына жағдай жасауда «Қызылорда» өңірлік инвестициялық орталығы 10 жылдың көлемінде үздіксіз қызмет атқарып келеді.&nbsp;Биыл облыс әкімі Нұрлыбек Нәлібаев Өңірлік орталыққа жаңа міндет жүктеді. Аймақтың азық-түлік қауіпсіздігін қамтамасыз ету мақсатында осы салада өнімді өсіріп, өңдейтін кәсіпкерлердің бастамасын қолдауды, жалпы өңдеу саласына басымдық беруді тапсырды. Ол үшін арнайы пилоттық жоба әзірленіп, облыстық бюджеттен 1,5 млрд теңге бөлінді. Осы жобада қандай кәсіп түрлеріне басымдық беріліп отыр?Қандай нәтиже күтеміз? «Қызылорда» Өңірлік инвестициялық орталығының директоры Талғат Матаевпен аз-кем әңгімеде осы сауалдарға жауап іздеген едік.&nbsp;– Талғат Мұстафаұлы, Өңірлік инвестициялық орталық биылдан жаңа пилот жобаны қолға алды. Мұндағы мақсаттың мәні неде?&nbsp;– Өздеріңіз де жақсы білесіздер, "Қызылорда" өңірлік инвестициялық орталығы – микроқаржы ұйымы. 10 жылдан бері аймақта кәсіпкерлік саласындағы жобаларды мемлекеттік бағдарлама аясында қаржыландырып келеді. Биыл облыс әкімі Нұрлыбек Машбекұлы алдымызға жаңа міндет қойды. Өңірде азық-түлік қауіпсіздігін қамтамасыз ету мақсатында ауыл шаруашылығы өнімдерінің желісін дамытуды жүктеп отыр. Атап айтқанда, өсіру, өңдеу, сақтау, өткізу жүйесін қалыптастыру көзделуде. Ол үшін осы жылы жергілікті бюджеттен 1,5 млрд теңге бөлінді.– Қандай жобаларға басымдық беріледі?&nbsp; &nbsp;– Қазір біз қаржыландыруда басымдық берілетін 8 бағытты анықтап алдық. Оның ішінде таза ет өнімдері, жартылай өнімдер, шұжық, қаптамалау, тері-жүн бағыты т.б. Сүт өнімдерін өңдеу: таза сүт өнімдері, ыдыстағы айран, қатық, қымыз, шұбат, таза ысталған құрт, ірімшік, сүзбе т.б. Ұн өнімдерін өңдеу және өндіру: кондитерлік, макарон, лапша, жайма т.б. Көкөніс-бақша өнімдерін өңдеу: маринадтау, қайнатпалау, тұздау, мұздату, кептіру т.б. Балық өсіру және өңдеу: жасанды тоғанда балық өсіру, консервілеу, жартылай өнімдер, ыстау, кептіру. Құс өнімдерін өңдеу: таза тауық еті өнімдері, жартылай өнімдер, шұжық түрлері т.б. Бұл ретте ауыл шаруашылық өнімдерін сақтау қоймасы, сондай-ақ жылыжай кешендерін салу бағытында жұмыс жүргізіледі.– Несие қандай мақсатқа, мерзімге және қанша пайызбен беріледі?– Жалпы бір жобаға 73,8 млн теңгеге дейін алуға болады. Кәсіпкерлікке арналған мемлекеттік бағдарлама аясында 6 пайызбен 5 жылға дейін беріледі. Өсіру, өндіру саласы болғандықтан жеңілдік кезеңі де қарастырылған. Несие алған жағдайда кәсіпкер 18 ай немесе бір жарым жылға дейін жеңілдік кезеңін ала алады. Ал мақсаты жайлы айтар болсам, несие негізгі құралдарды және арнайы техникаларды алуға, өндірістік нысандардың құрылысын салуға немесе қайта жаңғыртуға беріледі.&nbsp;– Жобаға қатысушыға қандай талап қоясыздар?-Жалпы бұл пилот жобасы аясында шағын өндіріс зауыттары қалыптасқанын қалаймыз. Ол үшін жеңілдетілген несие алушыға жоғарыда айтылған бағыттар бойынша типтік шағын өндіріс зауыттарының жобасын да ұсынып отырмыз. Кәсіпкерге қоятын талабымыз бизнес-жоспары, жер телімі, сатып алғалы жатқан құрал-жабдығының ниет шарты мен техникалық паспорты болуы керек. Құрал-жабдық жаңа болуы керек. Сондай-ақ, жобасына қажет қаржының 15 пайызын өзі салуы немесе мүлікпен дәлелдеуі қажет.– Қандай нәтиже көзделеді?– Жаңадан 40 өндіріс орны ашылып, кемі 160 жұмыс орны құрылады деген жоспарымыз бар. Ең басты нәтиже – өңірдің азық-түлік қауіпсіздігіне, баға тұрақтылығына үлес қосу. Сол межеден көрінеміз деп үміттенеміз.&nbsp;– "Қызылорда" өңірлік инвестициялық орталығы 10 жылдан бері жұмыс істейді. Осы уақыт аралығында қанша жобақаржыландырылды?– Дұрыс айтасыз, биыл Өңірлік орталықтың құрылғанына 10 жыл толды. 10 жылда Орталық жалпы құны 13,9 млрд теңгені құрайтын кәсіпкерлік мақсаттағы 2709 жобаны қаржыландырды. 2800-ден аса жаңа жұмыс орны құрылды. Орталықтың кәсіпкерлік саласына қосқан негізгі үлесі - саладағы қалыптасқан қасаң түсінікті жойды. Бұрын кәсіпті ақшасы, жағдайы бар адамдар ғана аша алады деген түсінік болатын. Несие алуда қаржы институттары кепіл мүлікке ауылдық елді мекендердің жылжымайтын мүлкін қоймайтын. Өңірлік орталық ең шалғай деген елді мекендегі ғимарат, баспананы&nbsp; да кепіл мүлікке алды. Нәтижесінде ауыл азаматтары арзан несиеге қол жеткізіп, ауылдарда кәсіп ашуға мүмкіндік алды. Кейін бұл бастамамызды өзге қаржы ұйымдары да қолдай бастады. Алдағы уақытта жаңа бастамалар жүзеге аса береді деп білемін.&nbsp;&nbsp;Сұхбаттасқан Қ.ӘБІШҰЛЫ

Жаңа жобаның жақсы мүмкіндіктері

Эрлан Батырбеков, профессор: Ғылым мен өнеркәсіптің қуатты драйвері болады

&nbsp;<a href="https://kyzylorda-news.kz/">Kyzylorda-news.kz</a> &nbsp;Талап пен талғамының, қабілеті мен қарымының арқасында іскерлігін дәлелдеп жүргендер көркем бизнесте де бар. Соның ішінде ерекше креативтілігімен көзге түскен 22 жасар Айдананың орны бөлек. Ол макияжға қазақша әр беріп, көптің алғысын алып жүр.<img src="https://knadmin.beoblood.kz/uploads/330627299_2409272932575251_4381015965166254848_n_819x1024_242cf6d182.jpg" alt="330627299_2409272932575251_4381015965166254848_n-819x1024.jpg">Кейіпкеріміз тәуекелі көп кәсіпте шыңдалушылар қатарынан. Талап пен талғамының, жан-жақтылығының арқасында бір емес, бірнеше істің қиюын келтіріп келеді. Бұған дейін киімдер дүкенінде менеджер болып жұмыс істеген. Ал бет әрлеудің өзгеше үлгісін қолға алуы сұлулыққа деген құштарлығынан туған хобби десе болады. «Мен визажист емеспін, суретшімін. 5 жасымнан суретке деген қызығушылығымды байқаған ата-анам сурет мектебіне берген. Содан бері сүйікті ісіммен шұғылданамын» дейді ол. Бүгінде жасаған «шедеврін» желіге жүктеп, танымалдығы артқан Айдананың бір ғана танымал TikTok желісіндегі видеолары мыңдаған қаралым жинайды.<img src="https://knadmin.beoblood.kz/uploads/3_75088e4929.jpg" alt="3.jpg"><blockquote>– Ерекше макияжға қызығушылық балалық шағымнан басталған сияқты. Мультсериалдардағы кейіпкерлерді көріп, соларға еліктегім келген. Winx-тегі перілер, Bratz-тағы модельдер, Барбидің түрлі мультфильмінде ашық түс, креатив, бұрын-соңды көрмеген образдар қатты шабыттандыратын. Ал жасөспірім кезімде Pinterest қосымшасын ашқалы бері өмірім өзгерді. 2018 жылы «Эйфория» сериалы шыққаннан кейін үйдегі әпкелерімнің ескі бояуларымен тәжірибе жасап бастадым. Содан әлі жаңа идеялар іздеп жүрмін. Маған «Неге тек наурызда оюға мән береміз? Күнделікті өмірде неге қолданбасқа?» деген ой келді. Сол уақытта tribal стиліндегі тату мен макияждар тренд болатын, соны оюмен үйлестіріп макияж жасау ойға келген. Күнде жай боянып қана қоймай, оны өзге адамдармен де бөліскім келді. Солай TikTok-қа тіркелдім, – дейді суретші. &nbsp;</blockquote><img src="https://knadmin.beoblood.kz/uploads/4_18821df2f6.jpg" alt="4.jpg">Қазақы нақыштағы киім-кешек, әшекейлер бар. Ал қазақша үлгідегі бояу make up жиі кездесе бермесі анық. Бұл үрдісті қалыпқа келтіру, қазақ оюларын көпшілікке насихаттауды мақсат еткен Айдана бұл макияж түрін күнделікті қолданысқа енгізуді ойлайды.<blockquote>– Бізде ашық, экстравагантты макияж танымал емес. Бірақ&nbsp;алдынғы жылдың наурызында тәуекел етіп, осы макияжбен жиынға бардым. Содан кейін күнделікті өмірде де осылай боянғым келгендіктен көбірек ою іздеп, оларды заманауи әрлеу әртістердің макияждарынан шабыт алып өз стилімде ойлап таптым. Мен өзім визаж курсын оқыған жоқпын, сондықтан өзгелерді бояуға қорқамын. Бірақ құрбыларыма тәжірибе жасап шықтым. Барлығы бір қалыпты, бір-біріне ұқсас боянады қазір. Сұлулық индустриясына ұлттық нақышты қосып, серпіліс сыйлайық!? – дейді ол.</blockquote>Мөлдір САБЫРЖАН

Make up: Ұлттық нақышта да бет әрлеуге болады

<a href="https://kyzylorda-news.kz/">Kyzylorda-news.kz</a>&nbsp; &nbsp;Адай Ералиұлы 1997 жылы Арал ауданы, &nbsp;Райым ауылдық округіне қарасты Қызылжар елді мекенінде дүниеге келді. “Серпін – 2050 Мәңгілік ел жастары – индустрияға” бағдарламасымен Батыс Қазақстан Инженерлік-технологиялық колледжінде балық шаруашылығы мамандығында оқыды. Сондай-ақ Шымкент қаласындағы Аймақтық әлеуметтік-инновациялық университетінде экология мамандығында оқуын жалғастырды. 2017 жылдан бері Арал ауданы, Қосжар елді мекенінде орналасқан Ауыл шаруашылығы министрлігі Балық шаруашылығы комитетіне қарасты “Қамыстыбас балық питомнигі” республикалық мемлекеттік қазыналық кәсіпорнында балық өсіруші болып жұмыс істейді.&nbsp;– Теңіз жағасында өскен соң балық өсіруші болғыңыз келді ме?<blockquote>&nbsp;– Бұл мамандықты таңдау ойымда болған емес. Шынымды айтсам, барлығы тосыннан болды. Өзім де күткен жоқпын. Мектеп бітіргеннен кейін Батыс Қазақстан облысындағы (атын ұмытып отырмын), басқа оқу орнына Ғимараттарды салу және оларды пайдалану мамандығына грантқа түстім. Алайда отбасым бұл мамандығыма көңілі толмай, құжаттарымды қайтарып алып, Батыс Қазақстан Инженерлік-технологиялық колледжіне тапсырған екен. ҰБТ-да жинаған балл есептеліп, сол жылы ашылған “Серпін” бағдарламасымен Балық шаруашылығы мамандығына түсіппін. Ең қызығы, мен оны 1 қыркүйек күні білдім. Басында көңілім толмады, алайда оқып жүріп, практикалық сабақтар кезінде &nbsp;қызыға бастадым. Қазір қуанбасам, өкінбеймін. Арал теңізінің байырғы байлығы – жоғалып немесе азайған балық тұқымдарын қайта қалпына келтірсек деймін. Екіншіден, өз қатарластарыма айтарым, балық өсіруші дегеніміз ұялатын мамандық емес.</blockquote>– Бұл жұмыста қиын және оп-оңай деп айтатын нәрселер бар ма?<blockquote>– Әр саланың өз қиындығы болады. Бірінші жылдары тәжірибенің аздығынан шығар, қиындықтар көп болды. Өйткені бұл сала ешқандай қателікті көтермейді. Сенің жасаған бір қателігің өсіп жатқан балық қорына үлкен шығын келтіруі мүмкін. Қазіргі уақытта тәжірибемен, қасымдағы білікті мамандардың дұрыс жол көрсетуімен жұмысым сәл жеңілдей түскендей. Бір түсінгенім, өз саласына шын берілген маманның жұмысы ешқашан қиын болмайды екен.</blockquote>– Көбіне жастар балықшы болғысы келмейді ғой…<blockquote>– Біріншіден, балық шаруашылығы саласын ешкім жастарға насихаттамайды. Көп жастарымыз бұл мамандықтың бар екенін де білмейді. &nbsp;Жаңа айтқанымдай, мен де бұндай мамандықты бұрын-соңды естіген емеспін. Сондықтан көрмеген, білмеген мамандықты қалай таңдайды? Екіншіден, бізде осы саланы оқытатын колледждер жоқ десе де болады. Ал жоғарғы оқу орындары көп нәрсе талап ететіндіктен, жастар бара бермейді. Сондықтан қазіргі уақытта жас мамандар өте аз.</blockquote>– Әр саланың өзіндік сыры мен қызығы бар. Жұмысыңызды түсіндіріңізші. Сізге қандай жауапкершілік жүктеледі?<blockquote>– Мен жұмыс істейтін Ауыл шаруашылығы министрлігі Балық шаруашылығы комитетіне қарасты Қамыстыбас балық питомнигі РМҚК-ны &nbsp;1966 жылдан бері жұмыс жасап келе жатқан Қызылорда облысы Арал ауданы Қосжар елді мекенінде орналасқан кәсіпорын. Негізгі міндеті – мемлекеттік тапсырыс бойынша «Кіші Арал теңізі», «Сырдария» өзені және «Қамыстыбас» көлін балықтандыру. &nbsp;Толығырақ айтатын болсам, біздің жұмысымыз қыс мезгілінде арнайы өнім алатын аталық-аналық, жеткіншек балықтар отырғызылған тоғандарды қадағалау. Олардың су бетіндегі мұзын ойып, ауа беру және басқа қолайлы жағдай жасап, қыстан аман-есен шығуына ықпал ету. &nbsp;Наурыз, сәуір айларында қысқы тоғанның мұзы толық ерігеннен кейін балықтарды түрі мен жынысына қарай бөліп арнайы тоғандарға отырғызылады. Ондағы мақсат –&nbsp;зауыттық әдіспен өнім алып, дернәсіл шығару үшін еркегін бөлек, ұрғашысын бөлек ұстаймыз. Осылайша уылдырығы жетілген аталық-аналық балықтарды инкубациялық цехқа апарып, салмағына қарай (гипофиз) егу жұмыстары жасалынып, аналығынан уылдырық, аталығының шоғалын аламыз. Әрі қарай уылдырық пен шоғалды араластырып, уылдырық шайқау аппараттарына саламыз. Аппараттан 1-2 тәулік ішінде дернәсілдер шығып, 3-4 күнде дернәсілдердің торсылдағы дамып, қоректенуге дайын болады. Осылайша &nbsp;дернәсілдерді арнайы тоғандарға жіберіп, қыркүйек айына дейін жемдеп, тиісті салмаққа жеткізіп, су айдындарына жібереміз. Міне, осы орындалатын жұмыстың барлығы менің және қасымдағы мамандардың жауапкершілігі және негізгі міндеті.</blockquote><blockquote>Сонымен қатар, тағы бір айта кететін жәйт «Қамыстыбас балық питомнигі» РМҚК-ы 2023 жылдан бастап «Балық шаруашылығы ғылыми-өндірістік орталығы» ЖШС Арал филиалының ғылыми қызметкерлерімен бірігіп Қазақстанның Қызыл кітабына енген, жойылып кету қауіпі бар Арал қаязы (аральский усач) және Арал пілмайы (аральский шип) балықтарының дарақтарын әкеліп, келешек өнім алу үшін өсіріп жатырмыз. Қуанатын жаңалығымыз, 2023 жылы «Қамыстыбас балық питомнигі» РМҚК-да алғаш рет инъекция егу арқылы зауыттық әдіспен алғаш рет өнім (уылдырық) алынып, дернәсілдер шығарылды. Ендігі жоспарымыз, 2026 жылға дейін қосымша тәжіребиелер жасалынып, нақтыланғаннан кейін Арал қаязы балығынан өнім алып, мемлекеттік тапсырыс бойынша су айдындарын балықтандыру. &nbsp; &nbsp;</blockquote>– Көбіне “балық қырылып жатыр” деген сөзді жиі естиміз. Мұның себебі неде? Алдын алуға бола ма?<blockquote>– Иә, дұрыс айтасыз, соңғы жылдарда осындай хабарларды жиі еститін болдық. Мұның әртүрлі себептері бар. Атап айтсақ, ұзақ жылдар су айдындарына су құйылмай, құрамының өзгеруінен, зиянды қалдықтардың тасталуынан және заңсыз балық аулаушылардың тыйым салынған газ немесе ток құралдарын пайдалануынан болады. Бұның салдарынан әрине балық қырылады. Тірі қалған күннің өзінде түрлі аурудан &nbsp;жойылып кетуі мүмкін. Соның әсерінен балық қоры азаяды, ол жерді қайта қалпына келтіріп, балық өсіру қиындау болады. Сондықтан су айдындарына су келуін қарастыру қажет және балық аулаушалырды қатаң бақылауда ұстау қажет. Сонымен қатар жыл сайын су айдындарын зиянды заттардан тазалау керек деп ойлаймын.</blockquote>– Балық көбейту ісінде қандай кедергілер бар?<blockquote>– Қазіргі уақытта республика көлемінде балық өсірумен айналысатын 3 мемлекеттік кәсіпорын болса, соның бірі Қызылорда облысы Арал ауданы Қосжар елді мекенінде орналасқан “Қамыстыбас балық питомнигі” РМҚК-ы. Жыл сайын 14 800 000 дана биылғы жаздық және 420 000 екіжаздық тұқы, дөңмаңдай және ақ амур шабақтарын «Кіші Арал теңізі», «Сырдария» өзені мен «Қамыстыбас көліне» жібереміз. Бұл – бізде жасанды әдіспен өсіріліп, мемлекеттік тапсырыс бойынша жіберілетін балық саны. Бұдан басқа мемлекеттік тапсырыстан бөлек табиғат пайдаланушыларды дернәсілмен, осыжаздық және екіжаздық шабақтармен қамтамасыз етеміз. Алдағы уақытта балық санын одан ары көбейту жоспарлануда. Айтып отырғаным, біздің қызметіміз ғана.&nbsp; Мұнымен қоса су айдындарындағы балықтардың табиғи жолмен өсуіне, көбеюіне ықпал жасау керек. Өйткені әр балықтың уылдырық шашатын өз уақыты болады. Сол уақыттарда су айдындарын толық қадағалап, заңсыз балық аулаушылардан қорғау қажет. Сонда ғана балық қорының көбеюіне септігіміз тиіп, азаю қаупін сейілтеміз деп ойлаймын.Қазіргі уақытта, мемлекетіміз балық шаруашылығын дамыту үшін барлық жағдайды жасауда. Оның бір дәлелі, балық өсірумен айналысып жатқан кәсіпкерлердің көбеюі. Бұл дегеніміз ата кәсібімізге айналған балық шаруашылығының болашағы зор екендігін және балық қорын молайтуға, сақтауға үлкен септігін тигізетіндігіне сенімім мол.</blockquote><img src="https://knadmin.beoblood.kz/uploads/Adaj_Erali_ly_Baly_sirushi_degenimiz_yalatyn_mamandy_emes_bd65d529c8.jpg" alt="Адай Ералиұлы Балық өсіруші дегеніміз ұялатын мамандық емес.jpg">– Жалпы балықтың қандай түрлері бар? Біздің өңірде неше түрі кездеседі?<blockquote>– Жалпы Қызылорда облысы бойынша кәсіптік балықтың 14 түрі кездеседі.Олар: &nbsp;сазан, ақ амур, дөңмаңдай, қылыш, тыран, мөңке, ақмарқа, аққайран, торта, жайын, көксерке, шортан, алабұға, жыланбас балықтары. Қазіргі уақытта, “Қамыстыбас балық питомнигі” РМҚК-да &nbsp;құнды балықтың 3 түрі яғни тұқы, дөңмаңдай және ақ амур балығы зауыттық әдіспен өсіріледі.</blockquote>– Іссапарға шығып тұрасыз. Құпия болмаса, мұның кәсібіңізге қатысы бар ма?<blockquote>– Иә, құпиясы жоқ. Көбіне тәжірибе жинақтау мақсатында барамын. &nbsp;2023 жылы Атырау қаласында жұмыс барысымен іссапарда болғанмын. Мақсат – Атырау қаласындағы “Жайық-Атырау бекіре балық өсіру зауыты” РМҚК мен «Caspian Royal Fish» бекіре балықтарын өсіретін мекемелерінің жұмысымен танысып, тәжірибе алмасу. Кезінде Арал теңізінде тіршілік етіп, кейіннен жойылып кеткен бекіре тұқымдас балықтарды қолдан өсіруді қайта қолға алсақ деген мақсатта жұмыс істеп жатырмыз. Атырау қаласындағы бекіре өсіру саласының білікті мамандарының кеңесін алып, барлық өндіріс технологиясымен танысып шықтық. Бұдан бөлек, Қызылорда облысы және Ақтөбе облыстарында жиі барамын. Себебі, осы өңірлерде балық өсірумен айналысып жатқан және енді бастағалы жатқан азаматтармен өз тәжірбиемізбен бөлісіп, шаруашылықтарының дамуы үшін біліктілігімізді көрсетіп, кеңесімізді береміз.&nbsp;</blockquote>– Әбдіжәміл Нұрпейісовтың “Қан мен тер” трилогиясын оқысақ, балықшының өмірі көз алдымызға келеді. Айтыңызшы, Аралдағы балықшылардың тұрмысы қалай?<blockquote>– Балықшының әлеуметтік жағдайы теңізбен (су айдынмен) тікелей байланысты. Мысалы, 2005 жылы Көкарал бөгетінің салынуы Кіші теңіздегі кәсіптік балық қорының өсуіне алып келді. Өңірде балықшы кәсібі қайта жанданып, сәйкесінше балықшылардың тұрмыстық жағдайы жақсарды. Ендігі кезекте су айдынының гидрологиялық ахуалын арттырсақ, жалпы халықтың әлеуметтік жағдайы артады деп айтуға болады.</blockquote>– Балықшы десек, Еламан образы елестейді. Сіз кімнің еңбегін бағалайсыз?<blockquote>– Қазіргі жағдайда балық шаруашылығында жүрген азаматтардың еңбегін бөліп-жарғым келмейді. Өйткені бұл іс – бір адамның емес, көптің еңбегі. Сондықтан осы салада жүрген мамандардың барлығының еңбегі зор, ісі адал, барлығы да биік бағаға, үлкен құрметке ие және соған лайық деп білемін.</blockquote> Мөлдір САБЫРЖАН

Адай Ералиұлы: Балық өсіруші дегеніміз ұялатын мамандық емес

<a href="https://kyzylorda-news.kz/">Kyzylorda-news.kz</a> Қызылордалық Абзал Жамалда 2000-ға жуық кітап қоры бар. Иә, бұл кітаптың барлығы Тасбөгеттік жас жігіттің үйінде сақталған. Арнайы бір бөлме кітапхана іспетті. Кітап сөресі медициналық салаға негізделген. Жазушылардың шығармалары менмұндалап тұр. Әлиасқар Жамалұлының студент кезінен бастап жинаған кітаптары бүгінде ұлы Абзал Жамалға мұра. Ол әкеден балаға қалған қымбат қазынаны әлі де дамытып, отбасылық кітапхана қорын көбейтуді мақсат етеді.<blockquote>&nbsp; &nbsp; – Әлиасқар Жамалұлы 1957 жылы дүниеге келген. Өте білімді кісі болды. Саналы ғұмырын медицина саласына арнады. 1974 жылы Алматы мемлекеттік медицина институтының фармацевтика факультетіне оқуға түсіп, 1979 жылы бітірді. Еңбек жолын Қызылорда қаласында дәріханалар басқармасында инспектор болып бастады. 1980-1981 жылдары облыстық туберкулезге қарсы диспансерінің 61 дәріханасының меңгерушісі қызметін атқарды. Ол жүрген жерінде кітапты насихатады. Жора-жолдастары «Тірі энциклопедия» деп айтушы еді. Жұбайым 1982 жылдан бастап кітап жинауды бастады. Баста жаздырып алып, кейін сатып алады. Тіпті көп кітапты бірден алған кездері де болды. Өзгелер байлықты, дүниені армандаса, ол балаларының білімді болуын, кітаптағы құндылықты сезінуге тәрбиеледі. Жаман болған жоқ, екі қызы жоғары білімді. Медицина саласында жұмыс істейді. Ұлының да жоғары дәрежелі дипломы бар. Ол өз таңдауы, заман ағымы бойынша кәсіпке бет бұрды. Десе де жұмыстан кеш қайтса да кітап оқуға үлкен ден қойып жүр. Әлиасқар ұрпақтарына мұраға құнды кітап қалдырды. Сондай-ақ өзіне ұнаған, әрбір адам оқуға тиіс деген кітапты үйге келген қонаққа сыйлыққа беретін, – дейді жары Фатима Сұлтанова.</blockquote>Біз көзбен көрген кітаптардан бөлек, өзге де кітаптары да бар екен. Олар сөреге сыймай қалған соң өзге бөлмеде жиналып тұр. Екі қыз, бір ұлдың әкесі Әлиасқар Жамалұлы кітапты ғана емес, газет жинағанды да ұнатқан. Ол шаңыраққа келген газет ешқашан жыртылмайды, қоқысқа тасталмайды. Газет бетін парақтап, оқып болған ұл-қыздары газет жинаулы тұрған сөреге жинақтап қоятын көрінеді. Бұл әкенің балаларға көрсеткен өнегесі іспетті.<blockquote>– Әкемнің кітапқа ғана емес, газетке деген қызығушылығы жоғары болатын. Біздің үйде газет аяқтың астында жатпайды, терезеде де ілініп тұрмайды. Бұл – әкемнің бізге берген тәрбиесі. Келген бойда ішін қарап, оқып шығамыз да арнайылап жинақтаймыз. Жылдар бойы сақталған газеттер арнайы бір бөлмеде сақтаулы. Бүгінде бойын ғаламтор билеген жастардың керек дүниесін, қажетті дүниесін кітаптан ғана ала алатынына көзі жететін уақыт келді, – дейді ұлы Абзал.</blockquote><img src="https://knadmin.beoblood.kz/uploads/1_3_1024x683_993d3363ee.jpg" alt="1-3-1024x683.jpg">Кітапхана сөресінде барлық жанрда жазылған туындылар бар. Медициналық, көркем әдебиет, балалар кітабы, түрлі ертегілер, діни кітаптар мен энциклопедия бар. Барлық кітапты екі тілде табу қиынға соқпайды. Құран кітаптың арабша, қазақша нұсқасы тұр.<blockquote>– Әкемнің кітапқа деген қызығушылығы біздің кітапқа деген махаббатымызды ашты. Кітаптың құнын, қасиетін ұқтыра білді. Осында тұрған әр кітап әкемнің қолынан өткен. Ол барлығын да оқыған. Бізге де кітап оқуды жиі айтып, тапсырма ретінде беріп тұратын. Сосын мына кітаптың мына жері қызық, мынау өте жақсы жазылған деп айтатын. Сондай-ақ кітаптардың басым бөлігі медицинаға бағытталған. Оның ішіне үңілсеңіз, бір жерін қызыл түспен, екінші жерін сары түспен белгілеп қояды. Ол белгіленген жерде аурудың емі, одан арылудың тәсілдері, күтіну жолы жазылып тұрады. Бүгінде бұл кітаптың барлығы балаларына қалды. Біз алдағы уақытта бұл кітапты ұстап тұрмай, оқырман тарту, жастарды кітап оқуға баулу мақсатында үйдің ішінен кітапхана ашуды жоспарлап отырмыз. Алдағы уақытта оқитын, қызығушылық танытатын адамдар керек кітабын алып, оқып болған уақытта өткізуді қарастырып жатырмыз. Бұл бір немесе бірнеше баланың зейінін ашып, оны кітап оқуға баулып, қызықтырады деген үміттемін, – дейді Абзал.</blockquote>Әке аманатын арқалаған жас Абзал Әлиасқарұлы Дінмұхамед Қонаевтың кітабын кітапхана қорына сыйға тартты. Мамандар мұнда кітапханада жоқ кітаптар да кездесетінін жасырмады.Кітапханаға барып, өзіңе ұнаған, қызығып оқитын кітапты аралап жүріп алудың өзі адамды ерекше күйге түсіреді. Ал үйдің ішінде тұрған кітап қорын көрудің өзі бақытқа бөлейді екен.Мөлдір САБЫРЖАН

Бір үйде 2000-нан аса кітап бар

&nbsp;<a href="https://kyzylorda-news.kz/">Kyzylorda-news.kz</a> IT-рекрутер, 200-ге жуық маманның шетелдік ірі компанияларға жұмысқа орналасуына көмектескен Мирас Топбаев "<a href="https://www.youtube.com/watch?v=g7d9k2z0r9I&amp;t=2401s">Көзқарас</a>" подкастында шетелде жұмыс істегісі келетін IT саласындағы мамандарға кеңес берді, - деп хабарлайды <a href="https://massaget.kz/">Massaget.kz</a>.&nbsp; Мирас Топбаев IT-рекрутер болып жұмыс істейді. Ол шетелдік компанияларға IT саласындағы мамандарды табуға көмектеседі.IT-рекрутер - бұл IT-индустрияға таланттарды табатын жұмысшы. Ол компанияның қажеттіліктерін жақсы түсінеді және ең жақсы үміткерлерді ұсыну үшін еңбек нарығын талдайды. IT-рекрутерлер жұмыс іздеушілердің кәсіби дағдыларын бағалау үшін сұхбат жүргізеді, түйіндеме мен портфолионы талдайды.Мирас Топбаевтың айтуынша, шетелдік компанияда жұмыс істеудің ең бірінші талабы - ағылшын тілін білу.<blockquote>"Ең бірінші және қарапайым талап - ағылшын тілін білу. Айналамызда ағылшын тілін үйрететін курстар қаптап тұр. Бірақ бізде әлі күнге дейін ағылшын тілін білмейтіндер көп. Уoutube-ты ашсаңыз, тегін білім толып тұр. Сонда да бізде ағылшын - проблема. Ағылшын тілі шамамен 5 жылдан кейін шешуші дағды емес, минималды талап болып кетеді. Оны үйренудің жолдары көп. Мысалы, мен өзім музыкамен үйрендім", - деді ол.</blockquote>Ол сондай-ақ шетелде жұмыс істегенге дейін Қазақстанда тәжірибе жинауды ұсынды.<blockquote>"Қазақстандық компанияда аз дегенде 2-3 жыл жұмыс істеңіз. Мен сізге бір лайфхак айтайын, американдық компанияға жұмысқа кіру үшін халықаралық тәжірибенің болуы міндетті емес. Егер ағылшын тіліңіз жақсы болса, өз ісіңіздің маманы болсаңыз, қандай компанияда жұмыс жасағаныңыз маңызды емес", - дейді Мирас Топбаев.</blockquote>Маман IT мамандығын оқымаған, алайда оны жақсы білетін адамдарда шетелдік компанияларға жұмысқа тұра алатынын атап өтті.<blockquote>"IT білімінің бар-жоғына қарамайды. Қазір бұл негізгі талап емес. IT мамандығын 4 жыл оқыса, әрине, бұл артықшылық. Кейбіреулер ақпараттық технологиялар мамандығын сұрауы мүмкін. Бірақ ол міндетті емес. Егер сен бәрін біліп тұрсаң, сол жобаны істей алатын болсаң, бізге бәрібір. Қазір IT-курстары бар. Соларды оқып та, жұмысқа тұруға болады. Алайда "3 айда IT-маманы болып кетесің деген" - дұрыс емес пікір. адам IT-дің базасын меңгеруі үшін аз дегенде 1 жыл керек. Содан кейін ғана бағыт таңдап бастайсың. Көпшілік IT саласына ақша үшін келеді. Бұл салада ақша көп деп ойлайды. Алайда әркез олай емес. Бұл да басқа салалар секілді уақытты қажет етеді. Мысалы, 500-600 мыңға шығу үшін ең аз дегенде 2-3 жыл керек. Бірақ бұл да өзіңізге байланысты", - деді ол.</blockquote>Фото: видеодан кадр

200-ге жуық адамға шетелдік компанияда жұмыс тауып берген маманнан кеңес

<a href="https://kyzylorda-news.kz/">Kyzylorda-news.kz</a> &nbsp;Бірыңғай конкурстық комиссияның шешімімен қала әкімінің орынбасары лауазымына Шамұратов Пакуатдин Сражадинұлы тағайындалды.Қала әкімі Серік Қожаниязов жаңа орынбасарын кадрлық өзгерістерге байланысты өткен актив отырысында таныстырды.<blockquote>«Пакуатдин Сражадинұлы – мемлекеттік қызметте жемісті еңбек етіп, сатылап өскен білікті де, тәжірибелі маман. Маңызды салаларда басшылық қызмет атқарған, тапсырманы тиянақты орындайтын жауапкершілігі мол азамат. Пакуатдин Сражадинұлы әлеуеті жоғары кадр ретінде өз жұмысын кәсіби деңгейде атқарады деп сенемін», – деді қала әкімі.</blockquote>Пакуатдин Сражадинұлы 1983 жылы дүниеге келген. Білімі жоғары.2006 жылы Қазақ Ұлттық аграрлық университетінде «Жер ресурстарын басқару және жерді үйлестіру», 2013 жылы «ҚазТұтынуОдағы» Қарағанды экономикалық университетінде «Құқықтану», 2016 жылы Қорқыт ата атындағы Қызылорда мемлекеттік университетінде «Құрылыс» мамандықтары бойынша бітірген.Еңбек жолын 2006 жылы «Қазалы-Құрылыс» ЖШС геодозист болып бастаған.2007-2008 ж.ж аталған мекемеде директордың міндетін атқарушы;2008-2010 ж.ж Қызылорда облысының сәулет және қала құрылысы басқармасының бас маманы;2010-2011 ж.ж қалалық жер қатынастары бөлімі бастығының орынбасары;2011-2012 ж.ж қалалық жер қатынастары бөлімінің бастығы;2012-2017 ж.ж қалалық сәулет және қала құрылысы бөлімінің бастығы;2017-2020 ж.ж Тасбөгет кентінің әкімі;2020-2021 ж.ж қалалық құрылыс бөлімінің басшысы;2021-2022 ж.ж Жалағаш ауданы әкімінің орынбасары;2022-2023 ж.ж Қызылорда облысының жолаушылар көлігі және автомобиль жолдары басқармасының басшысы;2023 жылдан бастап осы кезге дейін қалалық ауыл шаруашылығы мен жер қатынастары бөлімінің басшысы қызметін атқарып келді.Пакуатдин Сражадинұлы кәсіпкерлік және өнеркәсіп, сәулет және қала құрылысы, ауыл шаруашылығы мен жер қатынастары бөлімдеріне жетекшілік жасайды.

Қазақстан және Қызылорда облысының жаңалықтары: Сұхбат