<a href="https://kyzylorda-news.kz/">Kyzylorda-news.kz</a> &nbsp;Бірыңғай конкурстық комиссияның шешімімен қала әкімінің орынбасары лауазымына Шамұратов Пакуатдин Сражадинұлы тағайындалды.Қала әкімі Серік Қожаниязов жаңа орынбасарын кадрлық өзгерістерге байланысты өткен актив отырысында таныстырды.<blockquote>«Пакуатдин Сражадинұлы – мемлекеттік қызметте жемісті еңбек етіп, сатылап өскен білікті де, тәжірибелі маман. Маңызды салаларда басшылық қызмет атқарған, тапсырманы тиянақты орындайтын жауапкершілігі мол азамат. Пакуатдин Сражадинұлы әлеуеті жоғары кадр ретінде өз жұмысын кәсіби деңгейде атқарады деп сенемін», – деді қала әкімі.</blockquote>Пакуатдин Сражадинұлы 1983 жылы дүниеге келген. Білімі жоғары.2006 жылы Қазақ Ұлттық аграрлық университетінде «Жер ресурстарын басқару және жерді үйлестіру», 2013 жылы «ҚазТұтынуОдағы» Қарағанды экономикалық университетінде «Құқықтану», 2016 жылы Қорқыт ата атындағы Қызылорда мемлекеттік университетінде «Құрылыс» мамандықтары бойынша бітірген.Еңбек жолын 2006 жылы «Қазалы-Құрылыс» ЖШС геодозист болып бастаған.2007-2008 ж.ж аталған мекемеде директордың міндетін атқарушы;2008-2010 ж.ж Қызылорда облысының сәулет және қала құрылысы басқармасының бас маманы;2010-2011 ж.ж қалалық жер қатынастары бөлімі бастығының орынбасары;2011-2012 ж.ж қалалық жер қатынастары бөлімінің бастығы;2012-2017 ж.ж қалалық сәулет және қала құрылысы бөлімінің бастығы;2017-2020 ж.ж Тасбөгет кентінің әкімі;2020-2021 ж.ж қалалық құрылыс бөлімінің басшысы;2021-2022 ж.ж Жалағаш ауданы әкімінің орынбасары;2022-2023 ж.ж Қызылорда облысының жолаушылар көлігі және автомобиль жолдары басқармасының басшысы;2023 жылдан бастап осы кезге дейін қалалық ауыл шаруашылығы мен жер қатынастары бөлімінің басшысы қызметін атқарып келді.Пакуатдин Сражадинұлы кәсіпкерлік және өнеркәсіп, сәулет және қала құрылысы, ауыл шаруашылығы мен жер қатынастары бөлімдеріне жетекшілік жасайды.

Қала әкімінің орынбасары тағайындалды 

 Самұрат Имандосов: Тынбай еңбек етсең ғана оның нәтижесін көресің

Оқырман алдындағы жауапкершілік үдесінен шығу терең дүние

<a href="https://kyzylorda-news.kz/">Kyzylorda-news.kz</a>&nbsp; Ақпарат саласында күннің ыстығы мен суығына қарамай, билік пен халықтың алтын көпірі болып, әрдайым ізденісте жүретін, қиындығы мен қызығы мол, &nbsp;жауапкершілікті талап ететін сала мен отбасының ұйытқысы болып, екеуінде қатар ұстап жүрген редактор-жүргізуші Әйгерім Нажмадинқызымен&nbsp;тілдесудің сәті түсті.Әйгерім еңбек жолын газет басылымынан бастап, бүгінде телеарнада редактор-жүргізуші болып «Қайырлы күн Қызылорда!» бағдарламасын жүргізіп келеді. &nbsp;Тілдесу барысында Әйгерім телеарна мен газеттің айырмашылығын айтып, қызықты оқиғаларымен бөлісті.− &nbsp;Қазіргі таңда сіз «Қайырлы күн Қызылорда!» бағдарламасын жүргізіп келесесіз, бұл бағдарлама сізге несімен ерекше?− &nbsp;«Қайырлы күн Қызылорда» бағдарламасы ақпараттық танымдық сазды бағдарлама. Аптасына 5 рет шығады. Бұл бағдарламаны тізгіндеп келе жатқаныма 8 айдың көлемі болып қалды. Мұндағы ерекшелік бағдарлама күн сайын шығып, әртүрлі ақпараттық танымдық тақырыпта өзекті мәселелер талқыланып, әңгімелер мен сұхбаттар жүргізіледі. Алдымен біз сценарийді өзіміз жасаймыз. Мәселен осы күнгі &nbsp;аймақтағы өзекті болып отырған мәселелер мен оқиғалар талқыланады. Мұнан бөлек өнер адамдарымен де сұхбат жүргізіледі. Соңғы уақытта жаңа буындардың ішінде&nbsp;роботехника, жасанды интелектпен айналысып жүрген оқушылар, студенттер және жас &nbsp;мамандардың қатары көбейіп келеді. Оларды біз осы бағдарлама арқылы елге насихаттау мақсатында халыққа көрсетіп келеміз. Бағдарлама мен үшін осынысымен ерекше. Алайда бағдарламаны мен күн сайын жүргізбеймін. Себебі бөлімде 5 күнге 5 түрлі редактор-жүргізуші бағдарламаны жүргізеді.− &nbsp;Бұған дейін сіз редакцияда жұмыс істедіңіз, осы газет саласында жүріп телеарнаға ауысып кеткеніңізде қиын болмады ма?− &nbsp; &nbsp; &nbsp; Иә, рас! Мен осы уақытқа дейін редакцияда республикалық қоғамдық-саяси «Халық» газетінде жұмыс істедім. &nbsp;Оған дейін, яғни студенттік жылдары екінші курстан бастап журналистика бойынша газет, журналдарда және облыстық радиода жұмыс істеген болатынмын. Газет менің журналистика саласындағы ең алғашқы сатылардың бірі. Жалпы кез келген қаламгер, БАҚ саласында қызмет етемін, журналистика саласында өзімнің шеберлігімді шыңдаймын деген азамат ең бірінші еңбек жолын&nbsp;газет-журналдардан бастағаны&nbsp;дұрыс деп ойлаймын. Өйткені газет шығармашылықты шыңдайтын мектеп. Негізі мен «Халық» газетінде жұмыс істемес бұрын, «Ұстаз мәртебесі» редакциясында қызмет атқарған болатынмын. Осы аталған екі редакцияның редактары &nbsp; Нұрлан Көбегенұлы мен Нұржан Нұрмағанбетов менің жарналистика саласындағы басты ұстаздарым десем болады. Себебі қанатымды қомдауға, шеберлігімді шыңдауға, &nbsp;қоғамда болып жатқан оқиғаларға сын көзбен қарауға ықпалын тигізген болатын. Егер журналисте қырағы, сыни көзқарас болмаса оның қоғамда өзінің &nbsp;орны болмайды деп ойлаймын. Өйткені кез келген журналист өзекті мәселелер мен түрлі ақпараттардың иірімін әкету үшін, оларды жіктеуге өзіндік ойы мен сыни көзқарасы болуы керек. Осындай қасиеттерді менің бойы сіңірген жоғарыда айтып кеткендей &nbsp;редактор ұстаздарыма, осы жолға келуіме септігін тигізген университеттегі Аякөз Әбдіразақова, Асыл Оразова және Зухра Ермағанбетова &nbsp;ұстаздарымның еңбегі зор. Себебі ұстаздарым бізді журналистика саласына ерекше биімдеген болатын. Газетте жүріп телеарнаға ауысып кеткенімде ешқандай қиындық болмады. Себебі қазір ақпараттық технологияның дамыған заманы. Осы арқылы мен әлеуметтік желіде өзімнің жеке парақшаларымды жүргіземін. Жалпы әлеуметтік желідегі тикток, инстаграм, фэйсбукқа сурет пен видео жариялап қана қоймай, тікелей эфирге кіріп, камераға қарап көпшіліктің алдында сөйлеу арқылы адам өзін дамытуына болады. Бұл да телевидениеге ұқсас. Сондықтан маған телеарнаға ауысып кету қиындық тудырмады. Алғашында осы телеарнаға ертерек келуім керек пе еді? деген ой мазалайтын. Себебі телеарнаға келуді бұрыннан армандап, айнаның алдында тұрып жаңалық оқып, журналистер сияқты дикциямен оқып өзімді тәжірибеден өткізіп көретінмін. Әрине мұныңда бір пайдасы тиді. Дегенменде қайырлысы осы. Бәлкім &nbsp;телеарнаға осы уақытта келуім маңдайыма жазылған болар. Қазір менің ешқандай өкінішім жоқ. Өйткені бұған дейін жұмыс істеген редакцияда өзімнің шығармашылығымды шыңдап, кәсібилігімді дамыта алдым. &nbsp;Телевизия бұл синкретті сала. &nbsp;Яғни дыбыс, үн, сөз үшеуі бірігеді, осы арқылы телевизияда журналистиканы алып кетуге болады.− &nbsp;Алғаш экранға шығатын сәтте қандай сезімде болдыңыз?− &nbsp;Облыстық телеарна болғандықтан, әрі 1 миллионға жуық халқы бар облыс саған көз тігіп отырғаннан кейін кез-келген адамда толқу, қобалжу болады, бір жағынан камераның мысы бар дегендей. Әрине мұның барлығы менде де болды. &nbsp;Бірақ эфирге жиі шығып, жаңалықтар жүргізгеннен кейін үйреніп, сол атмосфераға&nbsp;қалыптасып, дағдыланасың. Оның ешқандай қиындығы жоқ, бірақ жауапкершілігі өте басым сала.−&nbsp;Телеарнадағы қызықты сәттерді айтсаңыз?− &nbsp;Теларнаға келгеніме бір жыл толмаса да, азғантай уақытта қызықты сәттер көп болды. Мысалы айтыскер ақындандар суырып салма болады, сол сияқты телеарна журналистерінде де тосыннан сөз табу, тығырықтан шығып кету сияқты қасиет, қабілет керек екен. Бір қызықты оқиға болды. Осы «Қайырлы күн, Қызылорда!» бағдарламасына ешкі шаруашылығымен айналысатын кәсіпкер келіншекті шақырдым. Ол келіншек студияға &nbsp;кубокпен келді. Содан эфир басталып әңгімеміздің барлығы сол малшаруашылығы болып, сұрақтар қойып отырғанда көзім кубокка түсіп кетті. Сосын «кешіріңіз сөзіміздің арасында сұрай кетейін, студиямызға кубок алып келген екенсіз, бұл қандай кубок? Қандай байқаудан алған едіңіз?» деп сұрақ қойғанымда, кәсіпкер келіншек «бұл менің ешкілерімнің халықаралық конкурстан жеңіп келген кубогы» деген сәтте, тікелей эфирде «Өлә қандай қандай конкурс?» деп айтып эмоциямды жасыра алмай күліп жібердім. Тікелей эфирдегі бұл қылығыма өзімнің күлкім келді, деседе эфирде өзімді жинап алдым. Сөйтсем кәсіпкер келіншек екі ешкісін халықаралық конкурсқа жіберген екен. Ол конкурста асыл тұқымды ешкілердің салмағы, күніне қанша литр сүт береді, оның қандай қасиеттері бар сол арқылы сараланып, орын алады екен. Содан кәсіпкердің екі ешкісі бас жүлдені жеңіп келген екен. Айта берсек қызықты сәттер көп. Негізі эфир барысында арасында қателіктер кетеді. Эмоцияға беріліп кетеміз. Бірақ кейін сол қателіктерді жібермей, түзеуге тырысасың. &nbsp; &nbsp;− &nbsp;Жалпы газет пен телеарнаның айырмашылығын айтып берсеңіз...− &nbsp;Газет пен телеарна үлкен күшке ие, қоғамда алатын орныда бірдей. Деседе газеттің айырмашылығын айтатын болсам газетте редактор тапсырма береді. Жазып берген мақаланы редактор тексеріп, газетке жариялайды. Ал телеарнада берілген сюжет, фильм кез келген тапсырма бірнеше шығармашылық ұжымның қатысуымен өтеді. Мысалы жаныңда оператор жүріп видеоға түсірсе, режиссер өзінің идеясын айтады. Ал монтажер оператордың түсірген видеосын монтаждайды. Оны болған соң редактор тексеріп, бағдарламаға шығаруға жібереді. Бұл жерде жалғыз өзіңнің емес, бірнеше шығармашылық тұлғаның ұжымдық еңбегі бағаланады. Жалпы газет пен телеарнада қателесуге жол беруге болмайды. Себебі халық екеуіне де сенім артады. Мен газет пен телеарна екеуін бөліп жармаймын. Себебі мен үшін екеуіде биік!− &nbsp;Әлеуметтік желіде де белсенді отырасыз. Бұл заманның талабы ма, әлде мамандықтағы қажеттілік пе?!− &nbsp;Әлеуметтік желі менің өмірімнің бір бөлшегіне айналды десем болады. Мен көбінесе фэйсбук пен инстаграмды қолданамын. Оның ішінде фэйсбук әлеуметтік желісіне 2013 жылдан бастап түрлі саяси мәселелер мен өзекті жаңалықтар жарияланып отыратын болғандықтан, оны үнемі бақылап, жазба жазамын. Жазба дегенде ұзақ жазып отырмаймын, барынша қысқа ғана жазба жазып, халыққа өзімнің ойымды, айтқым келген мәселені әзіл арқылы шындықты жеткіземін. Жалпы менің посттарымның 90 пайызы әзіл-шыны аралас.Енді мұны мамандықтағы қажеттілік деп айта алмаймын. Себебі әріптестерім бар әлеуметтік желіде белсенді болмасада өзінің жұмысын істейтін. Бірақ өзімді айтар болсам, әлеуметтік желісіз жұмысымды өмірімде елестете алмаймын.− &nbsp;Қайта мамандық таңдау мүмкіндігі туса, тағы да журналист болар ма едіңіз...− &nbsp;Ондай мүмкіндік туатын болса, бәлкім таңдамас едім. Басқа саланы таңдайтын едім, бірақ журналистика емес. &nbsp;Себебі журналистика саласы қыз баласына өте ауыр.&nbsp;Енді маған қайырлысы осы шығар, Құдай осы салаға әкеліп тұрғаннан кейін қазіргі таңда ешқандай өкінішім жоқ.− &nbsp;Ғылымда да сүрлеуге түсуге талпыныс танытқаныңыз бар еді... Ғылым сізді несімен қызықтырады?−&nbsp;Журналистика мамандығын бітіргеннен кейін магистратуға тапсырып, қазақ тілі және әдебиет мамандығы бойынша бітіріп, педагогика саласының магистрі болдым. Бұл жолды таңдауым бекер емес. Болашақта ғылымғада келіп, жалғастыратын шығармын. &nbsp;Бірақ жоспар бойынша әзір емес.Сұқбатыңызға рахмет!СұқбаттасқанНӘЗИРА МҰҚАТАЕВА

Әйгерім Нажмадин: Журналистика үлкен күшке ие

&nbsp; <a href="https://kyzylorda-news.kz/">Kyzylorda-news.kz</a> &nbsp; Бүгінде зергердің жұмысы жоғары бағаланады. Себебі олардың жасаған жұмысының сапалы, әрі әдемі шығатыны жасырын емес. Оған бір ғана дәлел – көрсен көзің тоймайды. Оның үстіне қазір алтыннан гөрі, қолдан жасалған әшекей бұйымдар сұраныста. Қазақша ою-өрнекпен әсемделген сырға, сақинаны тағушылар қарасы күн санап көбейді. Жігіттерге арнайылап жасалған өнімдер де бар. Құны қымбатырақ, бірақ қолдан жасалған еңбектің жоғары бағаланатынын ескерген жөн. Әшекей бұйымға қызығушылар қатарында қызылордалықтар көп. Әлеуметтік желі арқылы тапсырыс қабылдап, өзі жасаған бұйымдарды насихаттап, жасалу жолына тоқталып, зергердің маңдай-тері, адал еңбегін көрсетіп, сондай-ақ қандай заттар пайдаланғаны, бағасы жөнінде көп ақпарат беріп, сапалы дүниесін жақсы жарнамалай білетін зергердің бірі – Абзал Молдабек.&nbsp; &nbsp; Кәсіпкерлердің барлығы дерлік өнімін өткізу үшін әлеуметтік желінің көмегіне жүгінетіні рас. Біздің кейіпкеріміз де инстаграм мен фейсбук арқылы жұмысын жүйелі жүргізеді. Ол арнайы SMM курсын жетік меңгеріп, бар зейінін сапалы дүние жариялауға салады. Абзалмен фейсбук әлеуметтік желісі арқылы таныстық. Ол Қазақстанға ғана емес шет елдерге де өте танымал. Қызылордадан бирюза шығатыны туралы Абзал тарқатып берді.&nbsp;Кейіпкеріміздің өзге зергерлерден ерекшелігі, ол жасаған дүние екінші қайтара жарыққа шықпайды. Себебі дизайн алдын-ала жоспарланып, тың дүние жарыққа шығады.<blockquote>– &nbsp;Отбасымда алты ағайындымыз. Ағам зергерлікпен айналысады. Менің алғашқы ұстазым да сол. Сол кісіден үйреніп, тәжірибе жинақтадым. Осылайша жеке шеберхана ашып, авторлық құқық алдым. Бұл салаға келгеніме 10 жылдан асыпты. Қазір мен Алматыда, ағам Талғарда зергерлікпен айналысады. Абай атындағы Қазақ ұлттық педагогикалық университетінде көркемсурет факультетінде қолөнер мамандығы бойынша білім алдым. Көпжылдық тәжірибе осы өнерде төселуіме, жаңа, көзтартар туындылар жасауда көмектесті. Көбіне эсклюзив бұйымдар жасаймын. Әрбір элементті бүге-шүгесіне дейін қиюластырамын. Бұған қоса табиғи тас пайдаланамын. Оларды табу, өңдеудің өзі түсінген адамға үлкен жұмыс. Бізде стандарт дизайндар бар. Арнайы тапсырыспен емес, тек өз қолымыздан шыққан дизайндағы бұйымдарды ұсынамыз, – дейді шебер.</blockquote><blockquote>&nbsp; &nbsp; Бала күнінен әдемілікке құштар кейіпкерімізге бұл қасиет отбасынан дарыған. Бүгінде тек Қазақстанға емес, алыс-жақын шетелде бұйымдары сұраныста. Қырғызстаннан да қызығушылық танытатындар табылыпты. &nbsp;– Маңғыстау, Атырау, Ақтөбе облысынан қызығушылар көп. Ол жақтың тұрғындары ұлттық нақыштағы бұйымдарды қатты ұна­тады. Күн­делікті тағып жүреді, басты тұтынушымыз сол жақта. Бізде ең өтімді 5-6 дизайн бар. Олар – «Өмір ағашы», «Қос Қарлығаш», ерекше неке жүзіктері, тағы да басқа. Біз тұтынушыларға арнайы сыйлықтар жасаймыз, тұрақты тұтынушыларға төмендетілген баға қарастырамыз. Қазіргі таңда қызығушылық танытатындар қатары көп. Сұрастырып, мол ақпарат білгісі келетіндер де бар. Әрине, бұл мені қуантатыны анық. Себебі "өз қолымнан шыққан дүниеге, өзгелер қызығып қарап жатса" ол еңбектің бағаланғаны деп білемін, – дейді кейіпкеріміз.</blockquote><img src="https://knadmin.beoblood.kz/uploads/1_8_737x1024_b427a3ce7d.jpg" alt="1-8-737x1024.jpg">&nbsp; &nbsp; Зергердің қолдан істеген жұмысы аз уақытта аяқталады деп ойлаймыз. Бірақ бұл да шабыт арқылы жасалатын дүние. Идея бар, дизайн бар. Барлығын тоғыстырып жасап шығу тағы бар. Бір бұйымды жасау, оны сатылымға шығару оңай дүние емес. Кейіпкеріміздің күн-түн жасаған еңбегіне әртүрлі уақыт кетеді.<blockquote>&nbsp; &nbsp; – Бір ай, тіпті бір жыл уақыт керек болуы мүмкін. Мәселен, парақшамдағы тұмаршаны жасап шығаруға бір жыл уақыт жұмсадым. Өйткені оның дизайны, материалы ізденісті талап етті. Эскизден бастап соңғы нәтижеге жету оңай емес. Бірақ бұйымды аяқтағанда жүректе қуаныш ұялайды. Шеберханада тұрақты 4 адам жұмыс істейді. Оған қосымша тас өңдейтін, тағы бірлесіп жұмыс істейтін шеберханалар бар. Өйткені кейбір құралдарды алуға қаржы қолбайлау. Сондықтан серіктестікте жұмыс істейміз. Шеберханадағы барлық зергер – шәкірттерім. Арнайы өткізген курсымнан соң жанымда тұрақтады. Негізі 30 шақты шәкіртім бар. Олардың барлығы зергерлікпен айналысуда. Кейбірінің жеке шеберханасы бар, жеке компанияларда жұмыс істеп жатқандары да жетерлік. Қырғызстаннан, Қазақстанның түпкір-түпкірінен келіп, шеберлік сабақтарыма қатысуды қалайтын жастар қатары көп. Шеберхананың атауы – «Alash Jewels». Бар қазақты біріктіретін, ынтымаққа үндейтін атау болсын деген ниетпен таңдадым. Сондықтан рудың, жүздің таңбасы бар ешқандай тапсырыс алмаймын. «Руды бiлгенiң – қасиет, руға бөлiнгенiң – қасiрет». Мендік позиция осы, – дейді зергер.</blockquote><img src="https://knadmin.beoblood.kz/uploads/2_5_762x1024_fadc180418.jpg" alt="2-5-762x1024.jpg">&nbsp;Жалпы, бирюза сөзінің мағынасы қазақ тіліне аударғанда бақыт тасы деген мағына береді екен.<blockquote>&nbsp; «Қызылордадан бирюза шығады».&nbsp;Бұл – зергердің сөзі. Толығырақ тоқталып өткенін сұрадық. Сонымен оның айтуынша,&nbsp;"бірі білер, бірі білмес. Елімізде «Бирюза» асыл тасы шығады. Ол Балқаштан, орталық Қазақстанда Баянауылдан, кейінгі жылдары Қызылордадан табылды. Тіпті қазақтілді аудиторияда бирюза тасының табиғи немесе пластмасса екенін ажырата алмайтындар бар. Құндылығын енді ұғып жатыр. Негізі мұны өндіретін адамдар оны тек экспорттайды. Ресейге, АҚШ-қа сатады. Ол жақта асыл тасты жақсы бағалайды әрі қомақты бағаға өтеді. Қынжылтатыны, барды ұқсата алмай отырмыз. Сондықтан шикізатты сырттан күтеміз. Жоғарыда «бір бұйым жасау үшін бір жыл уақыт керек» дедім. Бұл – сол шикізатты сарыла күтетін уақыт, – дейді Абзал Молдабек.</blockquote>&nbsp; &nbsp; &nbsp; Жоғарыда атап өткенімдей, қазір қазақ қолөнері жақсы дамып, зергерлікпен айналыстатындардың қатары артып келеді. Саннан сапа маңызды рөл атқарады. Сондықтан халқымыздың төл өнерінің дамығаны қуантады. Ұлттық нақыштағы әшекейлерді жаңа заманмен үйлестіре түрлендіріп отыру зергердің басты жұмысы. Осылайша зергердің жасаған өніміне сұраныс артпақ. Зергердің жұмысы аса ұқыптылық пен шыдамдылықты қажет етеді. Нәтижесінде көздің жауын алатын бұйымдар дүниеге келеді. Сондықтан да кейіпкеріміздің барлық әшекейі үлкен сұраныста.Мөлдір САБЫРЖАН

Қызылордада "бақыт тасы" бар

&nbsp;<a href="https://kyzylorda-news.kz/">Kyzylorda-news.kz</a>&nbsp; Бүгінде көгілдір экрандағы танымдық, тағылымдық хабарлар, жаңалықтар тарату технологиясы көрермен талғамына сай өзгеріп, жаңа сатыға көтеріліп отыр. Демалыс күндерінен бөлек кешкі, таңғы ақпаратты теледидардан көреміз. Әсіресе қалада болып жатқан республикалық айтыс, мерекелік шаралардың толық нұсқасын «Qogam TV» арнасы көрсетеді. Белгілі тұлғалармен жүрекжарды сұхбаттар, танымдық хабарларымен телеарна бүгінде қызылордалықтардың құрметіне бөленіп отыр.&nbsp;Құрылғанына ширек ғасыр болған тәуелсіз телеарнаның тарихы да ерекше.&nbsp; 1997 жылы Қызылордада арнайы экономикалық аймақ кұрылған. Аймақтың өз алдына газеті мен телеарнасы және баспаханасы болу керек деп шешілген. Қоғамдық телекомпанияның тарихы алғаш «Қала ТV» деген атпен осылай басталыпты. Экономикалық аймақтың басшысы, сол кезде қала әкімі болған Бақберген Досманбетов естелік жазбасында былай дейді:<blockquote>– Сондықтан бар салмақты әріптестерін жақсы танитын Бауыржан Омаровтың өзіне салдым. «Мына Байқоңырдың телекомпаниясы жабылайын деп жатқанын естіп отырмыз. Сонда Шаһизада еген іскер жігіт бар көрінеді. Телекомпания төрағасының басшылығымен және Шаһизаданың тікелей қатысуымен «Байқоңыр» ғарыш айлағындағы әрбір ұшырылым жайлы республикалық «Қазақстан», «Хабар» телеарналары эфирлерінен тікелей хабарлар топтамасы беріліп тұрады екен. Өздеріңіз білесіздер, газетіміздің редакторлығына қаншама адам ұсыныс білдірді. Ал қалалық телеарна басшылығына лайықты кандидатура болмай жатыр. Сақа журналистер көп, бірақ телеарна жұмысынан бейхабар. Тірелгеніміз жалғыз осы Шаһизада болып тұр. Егер келісетін болса, Байқоңыр телеарнасының техникалары өте күшті. Жылжымалы екі телестудиясының өзі неге тұрады?! Өзімен бірге ала келеді» деді ол. &nbsp;Жарайды, мен қарсы емеспін, шақыр, сөйлесіп көрейік, – дедім.</blockquote>Телеарнаның осындай тарихи өткелден өтіп қалыптасуында белгілі ақын Шаһизада Әбдікәрімовтің еңбегі ерен екенін біреу білсе, біреу білмейді. Сол кезеңде ол қаланың жақсы жағын жарқырата көрсетті, көлеңкелі тұсын да көлденең тартты. Сан мың &nbsp;көрермен жалықпай көретін қызықты хабарлар таратты. «Қала ТV» жұртшылықтың шешілмей жатқан өткір мәселесін көтеретін тәуелсіз арна болды. Алғашқы кезде эфирге бір сағат шығатын. Санаулы құраммен сол бір сағат ішінде қала тіршілігін ақпараттандырып қана қоймай, түрлі хабарлар да түсірді. Олардың қатарында «Шарайна», «Уақыт геометриясы», «Жаңғырық», «Бізбен бірге болыңыздар», «Болашақ», «Біздің қаланың адамдары» хабары болды.&nbsp;<blockquote>– Иә, бұл – алғашқы қоғамдық телеарна. Телеарна тәуелсіз болғандықтан қоғамдағы барлық пікірге еркін орын береміз. Биліктің не оппозицияның сөзін сөйлеп, біржақты кетпейміз. Хал-қадірімізше мәселені жан-жақты көтереміз. 2000 жылдардан бері «Қызылорда қоғамдық телерадиокомпаниясы» ЖШС басқарушысы болған Тұрсынкүл Желдербаеваның да сіңірген еңбегі зор. Сол уақытта телеарна Қазақстан Ұлттық хабарларын таратушылар қауымдастығының мүшелігіне өтті. 2002 жылы «Жарнама-2002» республикалық конкурсының жеңімпазы болса, 2003 жылы инвестициялық тендерде жеңімпаз атанып, қалалық әкімшіліктің бұрынғы қосымша ғимаратын сатып алды. Ал 2005 жылы республикалық «Жаңалықтар уақыты» конкурсында &nbsp;«Ең үздік ақпараттық бейнесюжет», «Ең үздік телерепортаж», «Ең үздік операторлық жұмыс» номинацияларының жеңімпазы атанды, – дейді Ш. Әбдікәрімов.&nbsp;</blockquote>Бүгінде күллі көрерменнің көзайымына айналған &nbsp;«Qogam TV» арнасы «Отау» спутнигі арқылы республикаға 14 сағат бойы эфир тарататын телеарнаға айналды. Республикалық телеарналармен қатар компьютерлік монтаждау әдісін ең алғаш болып бастады. Қазіргі атқарушы директор Мұрат Шалабаевтың айтуынша, бұл салада жұмыс істеу үшін телеарнаны жан-тәніңмен сүйе білуің керек.<blockquote>– Егер телеарнаны сүйе білмесең, онда ұзақ жұмыс істей алмайсың. Уақытша жұмыс істеп кетемін деп келетіндер сондықтан да көп тұрақтамайды. &nbsp;Алғаш телеарна құрылған кезде ленталық кассетамен түсіреміз, монтаждауда аналогтық құрал болатын. &nbsp;ВХС камерамен түсіріп, таспамен жазатынбыз. Ол уақытта мамандар да қат. Тіпті журналистер, операторлар дайындайтын оқу орны жоқ. Бір сағат эфир үшін бір күн тер төгеміз. Қазіргідей түсіріп келе сала, эфирге шығармайды. Оны көшіріп, таспаға қайта басамыз, монтаждаймыз. Ал бүгінде компьютер арқылы жылдам монтаждап, оны эфирге таратамыз. Екі жылдан бері облысқа да шығып келеміз. Спутник арқылы еліміздің кез келген қаласынан қосылуға мүмкіндік бар, – дейді ол.</blockquote>Бүгінде телеарна &nbsp;ұжымында &nbsp;42 қызметкер бар. Олардың қатарында Гүлмира Ерманова, Мұрат Шалабаев, Баян Құлтанова, Ғалима Керейтбаева, Нұрдәулет Қалабаев, Олжас Дәуіт, Назгүл Қажытаева, Мәдина Ералиева, Айдана Қауленова, Арайлым Кенжебекқызы, Шапағат Торғайлардың есімдері құрметпен аталады. &nbsp;Операторлардан Асылбек Құлпайыстанов, Ерлан Жұмабаев және басқа да техникалық қызметкерлердің еңбегін атап өткен жөн.Осылайша уақыт ағымымен қалыптасып, тұғырын биіктеткен Сыр өңірінің ақпарат айдынында бәсі басым «Qogam TV» арнасы биыл 25 жылдық мерейтойын атап өтті. &nbsp; Қала өміріне қалтқысыз қызмет еткен әріптестерімізді бұқаралық ақпарат құралдары өкілдерінің мерейлі мерекесімен құттықтап, шығармашылық табыс тілейміз!

Қызылорда: Ақпарат айдынындағы ширек ғасыр

<a href="https://kyzylorda-news.kz/">Kyzylorda-news.kz</a>&nbsp; ӘЛ-АЗХАРДЫҢ ИСЛАМДЫҚ ЗЕРТТЕУЛЕР АКАДЕМИЯСЫНЫҢ БАС ХАТШЫСЫ НАЗИР МУХАММЕД МУХАММЕД АЛЬ-НАЗИР АЯДПЕН СҰХБАТ.– Жоғары мәртебелі, Исламдық зерттеулер Академиясы қызметінің негізгі бағыттары туралы айтыңызшы.&nbsp;– Исламдық зерттеулер Академиясы ақиқат діннің таралуына негізделген және мәдениетті оған кері әсер етуі мүмкін нәрселерден тазартуға, сондай-ақ ұлт және қоғам мәселесін шешуге негізделген.&nbsp;Объективті зерттеу жүргізумен айналысатын көптеген департаменттер мен комитеттердің арқасында Академия исламның байсалдылығы мен толеранттылығын атап көрсетеді. Бұл Әл-Азхардың оқу бағдарламаларының бір бағыты деп айтар едім.&nbsp;Академия өз ішінде және тысқары аумақта әртүрлі насихаттық, білім-ғылымға негізделген, мәдени, әлеуметтік және зерттеу жұмыстарын нәтижелі жүргізіп келеді. Оның тарихы бұған дәлел. Себебі Академия аталған бағытта туындаған сұрақтарға жауап береді, мәселелерді шешеді және қоғамда туындаған диллемалардың шешімін табуға тырысады.&nbsp;Сондай-ақ ол интеллектуалды және психологиялық ауытқулардың алдын алатын құнды ғылыми басылымдарды шығарады. Осы жұмыстарды атқара отырып, Академия қоғамның ішіне іріткі салатын және оның тамырына балта шабатын мәселелермен күреседі, туындаған сұрақтарды шешуге тырысады. Ол сондай-ақ өзінің уағызшылары – ерлер мен әйелдер арқылы және шетелдерде өзінің эмиссарлары арқылы дүниенің төрт бұрышында Құдайға деген сүйіспеншілікті ояту, ішкі сенімді шақыру жұмыстарымен айналысады.&nbsp;Исламдық зерттеулер Академиясы толеранттылық құндылықтарын дініне, діліне қарамастан бүкіл адамзатқа насихаттауды, ұғындыруды мақсат тұтады. Аль-Азхар Аш-Шариф Ислам мен мұсылмандық қағидаттарының дұрыс жолын ұғындыруды, сондай-ақ, мұсылмандардың өзге де дәстүрлі діндермен өзара қарым-қатынасын түсіндіруге тырысады. Сонымен қатар, өздерінің жеке мүддесі үшін өзге оймен бұрмаланған, экстремистік және қоғамға радикалдық ағымдардың идеологиясын енгізуге тырысатын, дәстүрлі діннің құдіреті мен ұлт қасиетін ұғынуды жат көретін бүлікшіл топтармен күреседі.&nbsp;Осы ауқымдағы Академияның аса маңызды іс-шараларының бірі ол – толеранттылық қағидаттарын түсіндіретін конференция мен семинарлар өткізу, сайттар мен әлеуметтік желілер арқылы насихат жұмыстарын жандандыру. Сондай-ақ Египет провинцияларына, шығыс пен батысқа саяхат жасап, насихат жұмыстарын жүргізетін топ құрылған. Олар аталған мәдениеттің қоғам мен қауымдастықтар, жеке тұлғалар арасында қазығының нық қағылуы жолында қалтқысыз еңбектеніп келеді.&nbsp;– Әлемдік және дәстүрлі діндер лидерлерінің Съезі дінаралық және конфессияаралық диалогтың жаһандық дамуына қалай әсер етеді?&nbsp;– Дін көшбасшылары Форумы діни рәсімдерді қалтқысыз орындап, уағыз айту шеңберінен шығып, әлемді алаңдататын ауқымды, жаһандық мәселелердің негізіне үңіліп, дүние жүзінде орын алып жатқан дінаралық және геосаяси оқиғаларға әділ көзбен қарап, оларды шешу жолдарын ұсынуы керек.&nbsp;&nbsp;Тұтастай алғанда, қазіргі уақытта жақсылық пен зұлымдық, ізгілік пен қара ниет ұғымдары өзгеріске түскен заманда біз өтірікті қабылдап, кешіріп, тіпті оны дәстүріміз, мұсылмандық жолымыз, шариғат қабылдамаса да ақтауды үйрендік. Олай дейтін себебіміз, бұл көзқарастар адамгершілік құндылықтарды қастерлеуге, бағалауға, құрметтеуге толы.– Сіз Әлемдік және дәстүрлі діндер лидерлері Съезінің бірқатар жиындарына қатыстыңыз ба? Жұмыс тобындағы қандай өзгерістерді атап өтер едіңіз?&nbsp;– Съезд алдыңғы отырыстардан бері өз жұмысына айтарлықтай оң өзгерістер енгізді. Бүкіл әлемді толғандыратын көптеген маңызды мәселелер қарастырылды. Оның ішінде конфессияаралық диалог пен бейбітшілікте өмір сүру мәселесі, сондай-ақ тұрақты даму мәселесі және оның әрбір адам үшін маңыздылығы, сондай-ақ коронавирус пандемиясынан кейінгі әлемнің жағдайы.– Әлемдік және дәстүрлі діндер лидерлері Съезінің даму Тұжырымдамасының маңыздылығы туралы айтып өтсеңіз?- Исламдық тұрғыдан тұрақты дамудың миссиясы адамзаттың қазіргі және болашақтағы материалдық және рухани қажеттіліктерін, соның ішінде кез келген дәуірде және кез келген мемлекетте, соның ішінде Мысырда адамгершілік, мәдени және әлеуметтік дамудың үлесі ретінде адам құқықтарын қанағаттандыруды қамтамасыз ету болып табылады.&nbsp;Бұл исламдық тұрғыдан тұрақты дамудың басқа жүйелер мен идеялардағы тұрақты дамудан ерекшеленетін маңызды аспектісі, өйткені ол адамзаттың қажеттіліктерін табиғатпен үйлесімді түрде жүзеге асырудағы тепе-теңдік қағидасына байланысты. Сондықтан радио, телевидение, баспа және БАҚ тұрақты даму мәселелерін назарға алып, дін өкілдерінің қатысуымен осы мәселелерге жұртшылықтың назарын аудара алатын бағдарламаларды ұсынуы керек.Сонымен қатар әлемдегі барлық күш-жігерді біріктіріп, тұрақты даму жолындағы кедергілерді жою және ғылыми-зерттеу мен ғылыми серіктестік арқылы мәселелер мен олардың тақырыптары туралы хабардар болу үшін жұмыс істеуде ортақ көзқарас болуы керек.- Мәдениеттер диалогы мен дінаралық ынтымақтастықты нығайтуда қазіргі жастардың рөлі қандай?– Жастар мен қоғам арасындағы алшақтық олардың ой-өрісіне кері әсерін тигізді. Бұл жағдайды өзгерту үшін қарым-қатынас мәдениетінің деңгейін көтеру керек. Және жеке тұлғаның өсуі мен мүмкіндіктерін қамтамасыз ету үшін, айыптаулардан және асығыс үкімдерден арылу үшін отбасында, мектепте және университетте балалармен диалогты орнатуды қажет етеді. Қатаң басқару, зорлық-зомбылық, сөгіс және диктатура балаларды немесе жастарды өздерінің ішіндегісін сыртқа шығара алмайтындай жағдайға душар етеді.&nbsp;Жастардың маңызы ерекше. Пайғамбарымыздың (с.ғ.с.) өмірбаянына үңілсек, оның ілімінде ең көп үлес жастарға берілгенін көреміз.Ұлт пен қоғамды тәрбиелеудегі маңызы орасан зор болғандықтан, бүгінгі жастарымыз Отанды сақтау және қуатты қоғам құру үшін осы нұсқауларды қолдануы қажет деп есептеймін.Сондықтан мектеп болсын, институт болсын, университет болсын, басқа ұйымдар болсын, әртүрлі жерлерде жастардың мәдени диалогы мен конфессияаралық ынтымақтастығын насихаттайтын шараларды көптеп ұйымдастыру қажет.Біз сондай-ақ Facebook, Twitter және т.б. әлеуметтік желілерді мүмкіндігінше қолдана отырып, оған мейлінше кең ауқымда жастарды тарта отырып, диалог форматын орнатуымыз керек.&nbsp;&nbsp;– Алдағы уақытта Съездің дамуын қалай елестетесіз?– Күннен күнге дамып келе жатқан мұсылман елінің жомарт қолдауымен және берекелі қамқорлығымен өткізілетін мұндай конференция Ислам мен мұсылмандарға қатысты айтылған тоқырау мен оқшаулану туралы айыптауларын жоққа шығарады және дүние жүзіндегі мұсылмандардың заманауи адамзат өркениетінің дамуы, алға жылжуы жолында бәсекеге сай, таптырмас серіктес екенін тағы бір мәрте дәлелдейді.&nbsp;&nbsp;Съездің негізгі миссиясына тоқталып, сөзімді аяқтауға рұқсат етіңіздер.Ғылыми зерттеулер – бұл әлемдегі барлық көшбасшылар мен дін көшбасшыларын жек көрушілік пен зорлық-зомбылық сезімін тудыратын барлық қарама-қайшылықты қақтығыстарды жеңуге және порнография, құлдырау және бұрмалау идеяларымен күресуге, сүйіспеншілік, мейірімділік пен бейбітшіліктің құндылығын нығайта алатын біртұтас қоғамды құру қажеттілігіне шақыратын платформа. Мұның бәрі адамзат пен өмірді алға сүйрейтін жаңа әлеуметтік және рухани жаңғыру үшін.

Исламдық зерттеулер Академиясы толеранттылық құндылықтарын бүкіл адамзатқа ұғындыруды мақсат тұтады - Мұхаммед Әл-Нәзір

<a href="https://kyzylorda-news.kz/">Kyzylorda-news.kz</a> «Ұлтқа қызмет ету – білімнен емес, мінезден» деген екен ұлт көшбасшысы Әлихан Бөкейханов. «Тірі болсам, қазаққа қызмет қылмай қоймаймын» деп, Алаштың ертеңі үшін батыл қадамдарға барған қазақ зиялысының ұстанымымен өмір сүретін мемлекеттік қызметшілер жетерлік. Мереке қарсаңында саладағы өзгерістер мен жаңашылдықтарды білу мақсатында ҚР Мемлекеттік қызмет істері агенттігінің Қызылорда облысы бойынша департаментінің басшысы Ерлеген Мендалиевпен сұхбаттасқан едік.– Ерлеген Жәрдемұлы, ең алдымен, кәсіби мерекелеріңіз құтты болсын. Өңірдегі азаматтардың мемлекеттік қызметке деген қызығушылығы қандай?– Құттықтауыңызға рахмет. Мемлекеттік қызмет – бұл барлық мемлекеттік басқаруды ұйымдастырудағы жетекші рөл атқаратын мемлекет жүйесінің ең маңызды тетіктерінің бірі. Мемлекетіміздің тыныштығы мен халқымыздың бейбіт өмірі бәрінен қымбат. Билікке деген сенім қазіргі қоғамның талаптарына сай қызмет ететін мемлекеттік қызметшіден басталады. Мемлекеттік қызметшінің қызметі – туған Отаны мен халқына адал еңбек етуімен бағаланады. Мемлекеттік қызметші ел сенімінен шыға білсе, одан жоғары мәртебе, одан артық бақыт жоқ деп есептеймін.Ал енді қызығушылыққа келсек, қазіргі таңда отандастарымыздың мемлекеттік қызметке ұмтылысы ерекше. Біз сол үшін қуаныштымыз. Оның үстіне, қазір мемлекеттік қызметке орналасуға көптеген кедергі жойылды. Тіпті, жаңа мүмкіндіктер де қарастырылды. Мәселен, жоғары оқу орнын мемлекеттік грант арқылы бітірген жас мамандар конкурстық іріктеусіз төменгі лауазымдарға тағайындалады. Мұндай мүмкіндік 2023 жылдан бастап жастарға заң шеңберінде берілді. Осыған дейін облыста 4 жас маман жұмысқа орналасты. Қызылорда қаласы, Талсуат ауылдық округі әкімінің аппаратына, Шиелі ауданы, Тұран ауылдық округі әкімі аппаратына, Қармақшы ауданының жұмыспен қамту және әлеуметтік бағдарламалар бөлімінің бас маманы лауазымына және Арал ауданы Жақсықылыш кентіне бас маман болып, конкурстық іріктеусіз тағайындалды. Бір айта кетерлігі, бұл мүмкіндікті диплом алғаннан кейін бір жыл ішінде пайдалануға мүмкіндік бар. Осы кезде аудандарға іссапар кезінде де жастармен, облыста жоғары оқу орындарының студенттерімен кездесіп, осы тақырыпта түсіндірме жұмыстарын жүргізіп келеміз. Жастарды қызметке тарту мақсатында биыл диплом алушы жастар үшін «Mansap Navigator 1.0» бос жұмыс орындары жәрмеңкесі ұйымдастырылды. Шараға 30-дан аса мемлекеттік және жекеменшік мекеме ұйымдарының өкілдері және 600-ге жуық студент түлек қатысты. Жұмыс берушілер тарапынан 200-ден астам бос жұмыс орны ұсынылды.– Өңірлік кадр резервіне іріктеу жұмыстары қалай жүзеге асып жатыр? Жобаға өңір тұрғындарының қатысу белсенділігі қаншалықты деңгейде?– Бүгінгі таңда өңірлік кадр резервіне іріктеудің соңғы кезеңіне келіп жеттік. Бұған дейін іріктеудің бірінші кезеңінде өңірлік кадрлық резервке 235 үміткердің құжаты қабылданды.Екінші кезең екі блокта өтті. Оның бірінші блогы – заңнаманы білуге арналған тестілеуге 226 үміткер тіркеліп, оның 220-сы тест тапсырды, 6 үміткер тестілеуден өтуден бас тартты. Екінші блок жеке қасиеттерді бағалауға арналған тестілеуге 115 үміткер жіберіліп, оның 114-і тіркелді, 1 адам бас тартты. Нәтижесінде 51 үміткер кадр резервінің келесі үшінші кезеңіне жіберілді. «Құзыреттерді бағалау» кезеңі осы жылдың 13-29 мамыр аралығында Астана қаласында Мемлекеттік басқару академиясының базасында өтті. Аталған 51 үміткердің басым бөлігін мемлекеттік қызметшілер, халыққа қызмет көрсету орталықтарының және жеке сектордың қызметкерлері мен мұғалімдер құрайды. Соңғы кезең осы жылдың 22-26 тамызы аралығында өтеді деп жоспарлануда. Өңірлік резервке аймақтан 25 адам алынады. Резервте тұру мерзімі 2 жылды құрайды.– Осы біз мемлекеттік қызметкерлердің ет пен сүйектен жаралған адам екенін ұмытып кеткен жоқпыз ба? Әдеп жөніндегі кеңеске қарап отырсақ, осындай ой келеді…– Соңғы жылдары Әдеп жөніндегі кеңес мемлекеттік қызметшілердің тәртіптік істерін қарауды азайтып, профилактикалық бағыттағы жұмыстарға көбірек көңіл бөлуде. Мысалы, 2022 жылы кеңесте 86 мәселе қаралған болса, оның 45-і, яғни 52 проценті тәртіптік істерді, ал 41-і профилактикалық бағыттағы мәселелерді құраған. Осындай жұмыстардың нәтижесінде тәртіптік теріс қылық жасау деректері азайды. Айталық, Әдеп жөніндегі кеңесте 2023 жылы 49 мәселе қаралса, оның 15-і, яғни, 30 проценті ғана тәртіптік іс болды, қалғаны профилактикалық бағыттағы жұмыстарға арналды. Сонымен бірге кеңес мүшелері мемлекеттік қызметшілердің де құқықтарының қорғалуына назар аударып келеді. Мәліметтерге тоқталсақ, 2022 жылы барлығы 45 тәртіптік іс қозғалған болса, оның 13-і бойынша қызметшілер тәртіптік жазаға тартылмады. Ал 2023 жылы 15 қызметшіге қатысты тәртіптік іс қаралған болса, оның 10-ы тоқтатылды. Биыл 12 тәртіптік іс қозғалса, оның 8-і тоқтатылды. Қалған 4 тәртіптік іс бойынша Кеңес мүшелерінің шешімімен лауазымды тұлғаларға тәртіптік жаза қолданылды. Мемлекеттік қызметке кір келтіретін тәртіптік теріс қылық жасағаны үшін Қызылорда қалалық білім бөлімінің басшысы лауазымынан босатылды. Қалалық тұрғын үй коммуналдық шаруашылығы бөлімі басшысының орынбасарына қызметіне толық сәйкес еместігі туралы ескерту берілді. Ал жеке азаматтарды қабылдау кезінде дөрекілік көрсетіп, Әдеп кодексінің нормаларын бұзғаны үшін қалалық тұрғын-үй инспекциясының басшысына ескерту жарияланды. Сонымен бірге Сырдария аудандық ауыл шаруашылығы және жер қатынастары бөлімі басшысына өзіне заңсыз сыйақы тағайындау дерегі бойынша қызметіне толық сәйкес еместігі туралы ескерту түрінде тәртіптік жаза қолданылды. Міне, жоғарыдағы сандық деректерге қарағанда біз тек оларды жазалаумен ғана емес, қорғаумен де айналысып жүргенімізді байқауға болады.– Заман да сәт сайын жаңарып, дамып келеді. Мемлекеттік қызметтегі азаматтардың біліктілігін арттырып, тәжірибесін қалыптастыруда қандай қадамдар бар?– Мемлекеттік қызметшілерді даярлау және қайта даярлау жұмыстары (тағайындалған кезден бастап 6 айдан кешіктірілмей) ҚР Президенті жанындағы Мемлекеттік басқару Академиясы мен оның аумақтық филиалдарында жүргізіледі. Ал біліктілігін арттыру курстарын (3 жылдан сиретпей) Академия мен оның филиалдарымен бірге, мемлекеттік орган қызметінің бейініне сәйкес келетін білім беру ұйымдары жүзеге асырады. Өткен кезеңде барлығы 123 (жоспар – 826 (14,9 процент) қызметшінің білімін жетілдіру ұйымдастырылды. Оның ішінде қайта даярлаудан – 25, біліктілігін арттырудан 98 мемлекеттік қызметші өтті.Мемлекеттік қызметке алғаш &nbsp;еет немесе оны тоқтатқаннан кейін алғаш &nbsp;еет келген 37 тұлғаға 3 ай сынақ мерзімі тағайындалды. Оның ішінде 36 тұлғаға тәлімгер бекітілді. Тағылымдамадан өтуі тиіс 23 қызметшінің 11-і өткен.– Кейінгі буынға қандай ақыл айтар едіңіз? Мемлекеттік қызметші қандай болуы керек? Әрине, барлығы жұмыстың алғашқы күнінен бастап-ақ бәрін білетін деңгейге жетпейді ғой…– Мемлекеттік қызметке алғаш қабылданған адам ҚР Мемлекеттік қызметі туралы және Сыбайлас жемқорлыққа қарсы іс-қимыл туралы заңнамасына сәйкес мемлекеттік қызметке кіру шарттарына сәйкестігі тұрғысынан ұлттық қауіпсіздік органдары жүргізетін арнаулы тексерудің оң нәтижесін алуы қажет.Мемлекеттік қызметке алғаш кіретін азаматтар үшін олардың атқаратын мемлекеттік лауазымдарға сәйкестігін тексеру мақсатында үш ай мерзімді құрайтын сынақ мерзімі белгіленеді. Мемлекеттік қызметке келген жастарға ел Президентінің мына сөзін айтқым келеді.«Мемлекеттік қызметші болу – еліміздің, халқымыздың жарқын болашағы үшін адал қызмет ету. Бұл – үлкен жауапкершілік. Бұл – үлкен парыз. Мемлекеттік басқару ісіне ойы ұшқыр, білімі озық, сана сезімі терең, нағыз отаншыл жастар келуі керек».– Сұхбатыңызға рахмет.Д.Қырдан

Мемлекеттік қызметке орналасу жеңілдеді

<a href="https://kyzylorda-news.kz/">Kyzylorda-news.kz</a> &nbsp; &nbsp;Көктемнің жаймашуақ күнінің бірінде Қызылорда қалалық полиция басқармасының жедел «102» арнасына қала аумағында жеке үйдің бірінде өрт шыққандығы туралы хабарлама түсті. Полицейлер оқиға орнына жеткенде тілсіз жау күш алып, үйдің ішін қою түтін басқан. Осы оқиғада алғашқылардың бірі болып, тілсіз жаудың ортасына кіріп, басын қатерге тіккен Қызылорда қалалық полиция басқармасының жергілікті полиция қызметі бөлімінің ювеналды полиция бөлімшесінің учаскелік полиция инспекторы, полиция аға лейтенанты Жандос Мәлікпен сұхбаттасқан едік.– Өртке оранған үйден зардап шеккендерді эвакуациялау кезінде қандай әрекет еттіңіз?– &nbsp;Хабарлама түскен бойда дереу оқиға орнына аттандық. Жағдайды тез бағалап, құтқару жұмыстарын бастадық. Өртке оранған бөлмелердің бірінен 73 және 69 жастағы қала тұрғындары және 5 шетел азаматтары эвакуацияланып, адамдарды құтқару жұмыстарын шебер ұйымдастырдық. Зардап шеккендердің өмірі мен денсаулығын қорғау үшін барлық қажетті қауіпсіздік шарасын қабылдап, шұғыл әрекет ету арқасында құтқарылған азаматтардың өміріне еш қауіп төнбеді. Өз басым өз іс-әрекеттерімді кәсіби борышымды орындау деп санаймын және атақ-даңққа ұмтылмаймын, өйткені қиын жағдайда қалған адамдарға көмектесу біздің міндетіміз деп есептеймін. Өмірді құтқару мен үшін және менің әріптестерім үшін мақтанатын нәрсе емес, күнделікті ойланбастан орындайтын жауапкершілік. Біздің міндетіміз – азаматтардың қауіпсіздігін қамтамасыз ету.– Полиция қызметкері ретіндегі қызметіңіз туралы айтып берсеңіз, қандай міндеттер мен жауапкершілік бар?Полиция қызметкерінің жұмысы – жоғары жауапкершілік пен кәсібилікті талап ететін қызмет. Күн сайын тек заң білімін ғана емес, адам психологиясын, қоғамдық қатынастарды терең білуді талап ететін міндеттер қойылады. Азаматтардың құқықтарын қорғауға, қоғамдық тәртіп пен қауіпсіздікті қамтамасыз етуге міндеттіміз. Бұған қылмыстың алдын алу, қоғамның сенімі мен құрметін қолдау кіреді. Полиция қызметкерлері адам құқықтарын сақтай отырып, қатаң заң аясында әрекет етуі керек. Өз міндеттерін тиімді атқару үшін өз дағдылары мен білімдерін үнемі жетілдіріп отыруымыз қажет. Басты міндетіміздің бірі – барлық азаматтар үшін қауіпсіз және әділ орта құру.– &nbsp;Тәртіпті сақтау және мәселелерді шешу үшін қандай әдістерді қолданасыз?– &nbsp;Кез келген полиция қызметкерінің жұмысы тәртіпті сақтау мен азаматтардың қауіпсіздігін қамтамасыз етудің негізі болып саналатын заңды қатаң сақтауға негізделген. Полиция проблемаларды шешу үшін профилактикалық әңгімелесулер мен қоғамдық науқандардан бастап жедел-іздестіру шаралары секілді түрлі әдісті қолданылады. Маңызды аспект – халықпен ынтымақтастық, оның ішінде тұрғындармен кездесулер өткізіп, өзекті мәселелерді талқылап, оларды шешу жолдарын қарастыру. Заңды сақтау – полиция қызметкерінің міндеті ғана емес, халықтың сенімінің негізі.– Полиция қызметкері болғысы келетін жастарға қандай кеңес берер едіңіз...– Полиция қызметкері болу – қоғамға қызмет ету, құқық тәртібін қорғау жолын таңдау деген сөз. Полицияда табысты қызмет ету үшін жастардың бойында бірқатар қасиеттер болу қажет. Полиция қызметкері болғысы келетіндер үшін болашақ мансабында көмектесетін бірқатар қасиеттерді дамыту маңызды. Ең бастысы, полиция қызметкерлері халықтың қауіпсіздігіне жауапты болғандықтан, жоғары жауапкершілік пен сенімділік талап етіледі. Әртүрлі жағдайларда тез шешім қабылдау қабілеті, сондай-ақ экстремалды жағдайларда сабырлылық пен жинақылық қабілеті де маңызды. Сондай-ақ физикалық дайындық пен төзімділік, басқалардың проблемалары мен қиындықтарын түсіну, сенімді орнатуға және түрлі жағдайларда адамдармен қарым қатынасты орната алуы маңызды. Бұл қасиеттер жастардың полиция қызметкері болып қана қоймай, осы салада маман болып қалыптасуына септігін тигізеді. Оқуда осы мамандықты таңдамас бұрын, сіздің құндылықтарыңыздың таңдаған мамандығыңызбен үйлесімділігі туралы ойлану маңызды. Көбінесе адамдар мамандық таңдауда қателеседі, жұмыс барысында онымен байланысты қиындықтарды жеңе алмайтынын түсінеді. Сондықтан жеке қабілеттер туралы ойлану және олардың таңдалған мамандыққа сәйкес келетініне көз жеткізу маңызды.– Сұхбатыңызға рахмет.Әңгімелескен С.Темірболат

Ел сеніміне қызмет етемін

<a href="https://kyzylorda-news.kz/">Kyzylorda-news.kz</a> Орын алған қылмысты ашуда жедел криминалистка тобының жұмысын ерекше бағалау керек. Әсіресе, ұрып соғу, жарақаттану, ұрлық, бұзақылық, жол-көлік оқиғалары сынды оқыста болатын төтенше жағдайдың салдары мен оқиға орнындағы бұлтартпас айғақтардан нәтиже шығарып, қылмысты анықтауда жедел криминалисттердің еңбегі орасан. Бүгінгі кейіпкеріміз арал аудандық полиция бөлімінің жедел криминалистика тобының криминалисті, полиция аға лейтенанты Нұртаев Нартай Әлібекұлы жайында болмақ.Полиция аға лейтенанты Нартай Нұртаев жедел криминалистика саласындағы еңбек жолында талай қылмыстың ашылуына түрткі болған маман. Жұмыстан қол үзбей жүріп, Қ.Жұбанов атындағы Ақтөбе өңірлік университетін «құқықтану» мамандығы бойынша тәмамдаған Нұртай Әлібекұлы Қазақстан Республикасының Ішкі істер органдарындағы қызметін 2015 жылдың ақпан айында бастаған. Алғаш еңбек жолын 2015-2016жылдары Қызылорда облысы «Мамандандырылған күзет қызметі басқармасы» мемлекеттік мекемесінің 1-ші полиция батальонының полицейі, 2016 жылдың шілде айынан бастап Арал ауданының Полциия бөлімінің жедел криминалистика тобының техник криминалисті, 2021жылдың сәуір айынан бастап криминалист лауазымында қызмет атқарып келеді.«Оқиға орнынан алынған айғақ заттарды өңдеп, оларға сараптама тағайындап, қылмыстың ашылуына бірден-бір септігін тигізетіні сөзсіз. Айтуға жеңіл көрінгенмен, бұл жұмыстың артында үлкен жауапкершілік пен тұтас тағдырлар тұрғаны түсінікті. Мұндай жағдайда жедел тергеу тобының жаңылысуына немесе әлдекімнің ығына жығылуына жол жоқ.Себебі, нақты дәлелденген айғақтардың нәтижесінде қылмысқа қарай жазасы тағайындалады. Криминалисттің үш қаруы бар олар, ең бірінші-адамгершілік, екінші-білімі, соңғысы-қызметіне деген адалдығы.Бұл салада ұзақ уақыт жұмыс істеу үшін, асқан төзім мен байыпты мінез керек», -дейді полиция аға лейтенанты Нұртай Әлібекұлы.Ол бос уақытында спортпен айналысқанды жақсы көреді, бөлімнің қоғамдық жұмыстарына белсенділікпен қатысып, өз ісіне мығым және аса жауапкершілікпен қарайтын қызметкер ретінде ұжым арасында сыйлы.Қызметтік міндеттеріне адалдықпен қарап қызметінде жоғары көрсеткіштерге ие болғаны үшін бірнеше рет Қазақстан Республикасының Ішкі істер министрлігінің Алғыс хатымен, Қызылорда ОПД-нің Грамотасымен, Алғыс хатымен, бөлімнің және аудан әкімдігінің Алғыс хатттарымен, сондай-ақ «Жедел криминалистика саласына 100 жыл» сонымен қатар «Тергеу қызметіне 60 жыл» мерекелік медалімен марапатталған және 2020 жылы кәсіби дайындығы бойынша жақсы нәтижеге қол жеткізіп,«1-ші сыныпты маман» біліктілігі берілді.Ол - жас отбасының тірегі, өмірлік жары Кайрбаева Гүлжанат Аймырзақызымен 3 бала тәрбиелеп отырған жас отбасы.

Қазақстан және Қызылорда облысының жаңалықтары: Сұхбат