<a href="https://kyzylorda-news.kz/">Kyzylorda-news.kz</a> Арал ауданының әкімі Аманжол Оңғарбаев Қызылорда облыстық футбол федерациясының президенті Болат Көшербаев пен атқарушы директоры Жақсылық Оспановты қабылдап, футбол спортын дамытуға қатысты жұмыс кездесуін өткізді.Кездесу барысында аудан аумағындағы футбол инфрақұрылымын жетілдіру, жасөспірімдер спортына қолдау көрсету және бұқаралық спортты дамыту бағытындағы негізгі мәселелер кеңінен талқыланды.Аудан әкімі өз сөзінде спорт саласын дамыту – мемлекеттік саясаттың маңызды бағыттарының бірі екенін атап өтіп, футболды дамытуға бағытталған бастамаларға аудан әкімдігі тарапынан әрдайым қолдау көрсетілетінін жеткізді.&nbsp;Өз кезегінде федерация президенті Болат Көшербаев өңірде футболды дамыту бойынша атқарылып жатқан жұмыстарға оң бағасын беріп, ауданмен бірлескен жобаларды іске асыруға дайын екенін білдірді. Сондай-ақ, жаттықтырушылардың біліктілігін арттыру, жас ойыншыларды іріктеу жүйесін жетілдіру және жарыстардың деңгейін көтеру мәселелері қозғалды.Бүгінде аудандағы екі спорт мектебінде футбол үйірмелері тұрақты жұмыс істеп, 5 жаттықтырушы жас спортшыларды тәрбиелеуде. Жыл сайын аудан көлемінде мектеп лигасы, «Былғары доп» жарысы, мерейтойлық турнирлер, сондай-ақ ауданға еңбегі сіңген азаматтарды еске алуға арналған дәстүрлі жарыстар ұйымдастырылып келеді.Жасөспірімдер арасындағы жетістіктер де көңіл қуантады. Республикалық Ұлттық мектеп лигасының 9–11 сынып оқушылары арасында өткен футзалдан «Теңбіл доп» жарысында Сексеуіл кентіндегі №177 орта мектебінің командасы чемпион атанып, аудан абыройын асқақтатты. Бұл – өңірде футболдың жүйелі дамып келе жатқанының айқын көрінісі.2025 жылы аудан көлемінде футбол спортын кеңінен насихаттау және дамыту мақсатында 19 ірі спорттық іс-шара ұйымдастырылып, бұқаралық спортқа тартылған жастардың қатары арта түсті.Жалпы, ауданда футбол спортына деген қызығушылық жыл сайын артып, жүйелі жұмыстардың нәтижесінде салада оң динамика қалыптасып отыр. Алдағы уақытта да аталған бағыттағы жұмыстар жалғасын тауып, аудан футболының әлеуеті одан әрі нығая түсетініне сенім мол.

Футбол федерациясы өкілдерімен саланы дамыту жұмыстарын талқылады

<a href="https://kyzylorda-news.kz/">Kyzylorda-news.kz</a>&nbsp; Наурызнама онкүндігі аясында 18 наурыз – Ұлттық киім күніне орай Жаңақорған кентінде «Ұлтымыздың ұлылығы – ұлттық киімде» атты челлендж және шеру ұйымдастырылды.Аталған іс-шараның негізгі мақсаты – ұлттық құндылықтарды дәріптеу, қазақ халқының дәстүрлі киім үлгілерін кеңінен насихаттау және жас ұрпақтың ұлттық мәдениетке деген қызығушылығын арттыру болып табылады.Шара барысында Жаңақорған кентінің орталық көшелерімен өнерпаздар, спортшылар, жастар және мекеме қызметкерлері ұлттық киімдермен шеру жасап өтті. Қатысушылар қазақтың дәстүрлі киім үлгілерін көпшілікке таныстырып, тұрғындарға мерекелік көңіл-күй сыйлады.

Жаңақорғанда Ұлттық киім күніне орай челлендж ұйымдастырылды

<a href="https://kyzylorda-news.kz/">Kyzylorda-news.kz</a> 18 наурыз – жалпыұлттық «Наурызнама» тұжырымдамасы аясында «Ұлттық киім» күні ерекше сән мен рухқа толы өтті. Ы. Жақаев көшесінен басталып, Өнер арбаты бойымен орталық алаңға дейін созылған шеру мыңға жуық қала тұрғындарын бір алаңға тоғыстырды.Мәдениет саласының үздіктері мен руханият жанашырлары – М.Байдаулетов, Л.Насимханова, С.Ұлықпан, Н.Мансұр, Б.Орынбасар және «Сырлы саз» этно-фольклорлық ансамблі ұлттық киімдер киіп, Өнер арбатында жүріп, халық әндерін орындады.Белгіленген орынға жеткен соң, оқу орындарының 50 студенті «Қаражорға» биімен мерекелік көңіл-күйді еселеді. Ал, «Күміс домбыра-2025» иегері Бексұлтан Орынбасар жүректен шыққан «Арнау» әнін арнады.Ұлттық киім – біздің мәдени мұрамыздың айнасы, ұрпаққа аманат етер асыл қазына.Мереке халықтың рухын көтеріп, ұлттық болмысты жаңғыртуға, дәстүрді дәріптеуге арналған тамаша шараға айналды. Шеру қала өнерпаздарының әсем әндерімен, биімен әрі қарай да жалғасты.<img src="https://knadmin.beoblood.kz/uploads/lt_m_rasy_ltty_kiim_53ee5240e8.webp" alt="Ұлт мұрасы – ұлттық киім.webp">Фото: Қызылорда қаласының әкімдігі

Ұлт мұрасы – ұлттық киім

<a href="https://kyzylorda-news.kz/">Kyzylorda-news.kz</a> Қазалы ауданының әкімі Алмасбек Есмаханов Басықара ауылындағы Ә.Тыныбаев атындағы Қазалы су торабына барып, Сырдария өзені бойындағы қазіргі ахуалды бақылады.&nbsp;Аудан басшысымен бірге аудандық мәслихат төрағасы Ғазиз Әліш, аудандық ауыл шаруашылығы және жер қатынастары бөлімінің басшысы, аудандық төтенше жағдайлар бөлімінің басшысы, сондай-ақ «Қазалысушар» өндірістік учаскесі мен су торабының тиісті мамандары болды.Қазіргі таңда дария бойындағы жағдай тұрақты. Сырдария өзенінің аудан аумағындағы мұз толықтай еріп, өзен арнасы ашылған. Бүгінде Басықара ауылындағы Ә.Тыныбаев атындағы Қазалы су торабына секундына 95 текше метр су келіп, толығымен дарияның төменгі ағысына жіберілуде.Тиісті сала мамандары аудан басшысына қазіргі таңда дария бойындағы ахуал тұрақты екенін айтып, дарияға жақын орналасқан елді мекендер бойынша ешқандай қауіп жоқ екендігнін жеткізді.<img src="https://knadmin.beoblood.kz/uploads/azaly_dariya_zha_dajy_ba_ylauda_2_466cc4d8d2.jpg" alt="Қазалы дария жағдайы бақылауда 2.jpg">

Сырдария өзенінің ахуалы тұрақты бақылауда

<a href="https://kyzylorda-news.kz/">Kyzylorda-news.kz</a>&nbsp; Әлеуметтік әділеттілік – тең құқықтарды, мүмкіндіктерді, білім беру, денсаулық сақтау ресурстарға қол жеткізуді және пайданың шығу тегі мен мәртебесіне қарамастан әділетті бөлуді қамтамасыз ететін қоғамды ұйымдастыру принципі. Ол адам құқықтарын қорғауды, халықтың осал топтарын әлеуметтік қорғауды, заң алдындағы теңдік қағидасын қамтиды.Еліміз адамдардың құқықтарын қорғауға және олардың мүмкіндіктерін кеңейтуге бағытталған негізгі халықаралық келісімдермен құжаттардың қатысушысы болып табылады.Олардың ішінде әйелдердің жағдайын жақсарту жөніндегі Пекин декларациясы мен іс-қимыл платформасы, әйелдерге қатысты кемсітушіліктің барлық нысандарын жою туралы БҰҰ конвенциясы, сондай-ақ әйелдердің саяси құқықтары және ерлер мен әйелдердің еңбегіне тең сыйақы туралы конвенция барАдам құқықтары жөніндегі Уәкіл институттыда өз кезегінде Халықаралық құжаттарға сәйкес елімізде әйелдердің құқықтарын ілгерілету бағытында, оның ішінде түзеу мекемелерінде әйелдерді ұстау стандарттарын Халықаралық нормаларға сәйкестендіру бойынша шаралар атқарылуда.2015 жылы БҰҰ-мен қабылдаған (әлемде Мандела ережелері деп танылған) Тұтқындармен қарым-қатынастың минималды стандартты ережелері &nbsp;сотталғандардың осал топтарын, соның ішінде әйелдерді қорғауға ерекше көңіл бөледі және әсіресе жүкті әйелдер мен жас балалары бар аналарды ұстау жағдайларын жақсартуға бағытталған.Қазақстан заңнамасы балалары бар әйелдерді түрмеде ұстау жағдайларын реттейді және колонияларда балалар мекемелерін құруды қарастырады. Бұрын балалар 3 жасқа толғанға дейін түзеу мекемелерде аналарымен бірге бола алатын, бұл мерзім 4 жасқа толғанға дейін ұзартылды. Сондай-ақ. әйелдерге осы жастан кейін де балалармен байланыста болу мүмкіндігі беріледі.Сонымен қатар, 2025 жылдың 16 қыркүйегінен бастап Қазақстан Республикасы Қылмыстық кодексінің атап айтқанда, 74-бабына, жазаны кейінге қалдыру туралы өзгеріс енгізілді. Бұрын сот жас баласы бар немесе оны тәрбиелеп отырған сотталған әйелдер мен жас баласын жалғыз өзі тәрбиелеп отырған еркектердің жазасын кейінге қалдыра алады деп көрсетілген болса, жаңа нұсқада енді сот жазаны кейінге қалдырады деп көрсетілген.Бірак, бұл норма жеке адамға қарсы ауыр немесе аса ауыр қылмыстар, террористік қылмыстар, экстремистік қылмыстар, қылмыстық топ құрамында жасалған қылмыстар, жас балаларға жыныстық тиіспеушілікке қарсы қылмыстар үшін бес жылдан астам мерзімге бас бостандығынан айыруға сотталғандарға қолданылмайды.Бұл шынымен де маңызды өзгерісті білдіреді - қылмыстық заңнаманы ізгілендіруге бағытталған маңызды қадам. Қазіргі уақытта қылмыстары үшін жазасын өтеп жатқан немесе қылмыстық жауаптылыққа тартылып жатқан жүздеген әйелдер үшін бұл жазаны өтеуді кейінге қалдыру, олардың балалары мен отбасыларына оралуы үшін нақты мүмкіндік. Бұл әйелдердің өздерінің де, балалары мен отбасыларының да тағдырына айтарлықтай әсер етеді.Берікбол БайхожаевҚазақстан РеспубликасындағыАдам құқықтары жөніндегі уәкілдіңҚызылорда облысы бойынша өкілі&nbsp;Фото: ҚР Еңбек және халықты әлеуметтік қорғау министрлігі

Әлеуметтік әділеттілік қағидатын қалыптастыруда әйелдердің құқықтарын қорғау маңызды

<a href="https://kyzylorda-news.kz/">Kyzylorda-news.kz</a>&nbsp; Қалалық парк аумағында Наурызнама онкүндігі аясында «16 наурыз – Мәдениет және ұлттық салт-дәстүр күніне» орай ұйымдастырылған «Санамызды сергіткен салт-дәстүрім – Наурыз» атты мерекелік концерт өтті.Шара барысында ұлттық өнеріміз дәріптеліп, әсем ән мен күмбірлеген күй, мың бұралған би көрерменге көтеріңкі көңіл-күй сыйлады.Сонымен қатар халқымыздың ғасырлар бойы сақталып келе жатқан салт-дәстүрлері насихатталып, ұлттық құндылықтардың маңызы кеңінен дәріптелді.Ұлыстың ұлы күні жақындаған сайын, халқымыздың бірлігі мен берекесін арттыратын осындай игі шаралар жалғасын таба бермек.Ұлыс оң болсын! Ақ мол болсын!

Мәдениет және ұлттық салт-дәстүр күні ұлықталды

&nbsp;<a href="https://kyzylorda-news.kz/">Kyzylorda-news.kz</a>&nbsp;Жалпыұлттық наурызнама онкүндігі бойынша «Қайырымдылық» күні. Осы орайда қалалық «Зағиптар қоғамы» клубында тағылымды шара өтті.Шара барысында А.Тоқмағамбетов атындағы қалалық мәдениет үйі жанынан құрылған «Ұлағат» ата-әжелер ансамблі қайырымдылық концертін ұсынып, қоғам мүшелеріне мерекелік көңіл-күй сыйлады.Сондай-ақ, игілікті іске үн қосқан «Орда» қоғамдық бірлестігінің төрағасы Роллан Бименов зағиптар қоғамының 30 отбасына азық-түлік себеттерін табыстады.Іс-шара Наурыз мерекесінің басты құндылықтары – мейірім, ізгілік пен жанашырлықты насихаттауға арналды.

«Зағиптар қоғамы» клубында қайырымдылық концерт өтті

<a href="https://kyzylorda-news.kz/">Kyzylorda-news.kz</a>&nbsp; Бүгін Наурызнама онкүндігінің бесінші күні – Ұлттық киім күніне орай Арал ауданы орталық алаңында «Дәуір дефилесі» атты ұлттық және заманауи үлгідегі киімдер көрсетілімі мен қойылым-концерт ұйымдастырылды.Тағылымы мол шара барысында көрермендерге қазақтың дәстүрлі киімдерінің сан алуан түрлері ұсынылып, олардың ерекшеліктері мен сәндік мәні кеңінен насихатталды. Сахналық қойылымдар мен әсем әуендер кештің мазмұнын арттырып, ұлттық нақыштағы көрсетілімге ерекше көрік берді. Жастар жағы алтыбақан аясында тербеліп, ұлттық ойындарды да тәріптеді.Ұлттық киім – халқымыздың сан ғасырлық тарихы мен терең рухани болмысының айнасы. Онда ата-бабаларымыздың талғамы, тұрмыс-тіршілігі, дүниетанымы мен мәдениеті көрініс тапқан. Әрбір ою-өрнек пен нақыштың өзіндік мәні мен мағынасы бар. Сондықтан бұл күн – ұлттық құндылықтарды ұлықтап, ұмыт бола бастаған дәстүрлі киім үлгілерін жаңғыртуға, жас ұрпақтың санасына ұлттық рухты сіңіруге бағытталған маңызды мереке.Аталған мәдени шараны аудан әкімінің орынбасары Н.Бохаев аралап көріп, әр киіз үйде өткізіліп жатқан мазмұнды шаралардың куәсі болды.Айта кетейік, бүгінгі шаралрды Арал аудандық мәдениет үйі мен Қарақұм, Жіңішкеқұм, Сексеуіл, Құланды, Беларан және Қамыстыбас ауылдарының өнерпаздары бірлесе ұйымдастырып, көпшілікке жоғары деңгейде рухани кеш сыйлады.Өнерпаздардың сахнадағы үйлесімді өнері мен ұлттық киімдерді дәріптеудегі шеберлігі көрермендердің ыстық ықыласына бөленді. Осындай тағылымды іс-шаралар арқылы халқымыздың бай мәдениеті дәріптеліп, ұлттық бірегейлігіміз нығая түсетіні сөзсіз.Ұлттық құндылықтарымызды ұлықтайтын игі бастамалар алдағы уақытта да жалғасын таба бермек. Бүгінгі шаралар қатарында «Ұлттық нақыш – ұлт айнасы» атты ұлттық сән үлгілерінің көрсетілімі мен қойылым-концерті және кешкілік мерекелік концерт бар.<img src="https://knadmin.beoblood.kz/uploads/Aral_d2090ead08.jpg" alt="Арал.jpg">Фото: Аудан әкімдігінің баспасөз қызметі

 Ұлттық киім күні кең көлемде аталып өтілуде

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтің төрағалығымен Қазақстан Республикасының жаңа Конституциясының нормаларын іске асыру мәселесі талқыланған Үкімет отырысы өтті. Оған облыс әкімі Нұрлыбек Нәлібаев селекторлық режим арқылы қатысты.Үкімет отырысынан кейін аймақ басшысы жауапты сала басшыларына тапсырма беріп, алдағы міндеттерді айқындады.<blockquote>«Биыл – еліміз үшін, өңіріміз үшін айрықша мәні бар, тарихи маңызды жыл. Халқымыз ұлт жылнамасындағы жаңа кезеңге қадам басты. Қоғамда жан-жақты талқыланған жаңа Конституцияның жобасына арналған республикалық референдумға Сыр жұртшылығы белсенді қатысты. Ауызбіршіліктің жоғары үлгісін көрсетіп, 92,89 пайыз көрсеткішпен республикада бірінші орынға шықты. Президентіміздің Әділетті, Қуатты әрі Таза Қазақстанды құру жолында Сыр халқы бірлігі бекем екенін тағы да айқын дәлелдеді.Халық Конституциясы 1 шілдеден бастап ресми түрде өз күшіне енеді. Конституция күнін мемлекеттік мереке ретінде ұлттық деңгейде жыл сайын 15 наурызда атап өтетін боламыз.Алдағы күндері Парламент қарауына Президент, Құрылтай, Халық Кеңесі, Астананың мәртебесі және еліміздің әкімшілік-аумақтық құрылысы туралы жаңа бес конституциялық заң енгізіледі. Тағы сегіз конституциялық заң мен 60-тан астам заңға, соның ішінде негізгі кодекстерге түзетулер енеді.Бүгінгі Үкімет отырысында министрлер өз салалары бойынша Конституция нормаларын іске асыру бағыттарын баяндады. Облыстық басқарма басшылары, қала, аудан әкімдері, аумақтық департамент басшылары, салалық министрліктермен бірлесіп жұмыс жасап, тиісті нормативтік құжаттарды, жоспарларды алдырыңыздар.Қоғамдық даму басқармасы, Президентіміз қол қойған Халық Конституциясы мен Ата заңымызды іске асыру жөніндегі шаралар туралы Жарлықты халық арасында ақпараттандыру, кеңінен насихаттауда арнайы жұмыс жоспарын әзірлеңіздер. Жаңа Конституциямыздың әр нормасы, әр тармағы Тәуелсіздігімізді нығайта түсетінін, ұлтымыздың берік әрі мызғымас тұғырына айналатынын кеңінен насихаттауымыз қажет.Облыс әкімінің орынбасарлары, өз салаларыңыз бойынша Конституцияның нормаларын іске асыруды бақылауға алып, жұмысты ұйымдастырыңыздар», – деді Н.Нәлібаев.</blockquote>Жиында аймақ басшысы жаңғырудың жаңа кезеңіндегі референдумға белсенді қатысқан барша сырбойылықтарға шынайы алғысы мен зор ризашылығын білдірді.Фото: Қызылорда облысы әкімінің баспасөз қызметі

 Жаңа Конституция нормаларын іске асыру мәселесі талқыланды

<a href="https://kyzylorda-news.kz/">Kyzylorda-news.kz</a> Италиялық ENI мекемесіне еншілес «Альхена» серіктестігі Арал ауданында қуаты 30 мегаватт күн электр станциясының құрылысын жүргізеді.Жобаның құны – 8,2 млрд теңге. Жобаға мемлекеттік қолдау шарасы ретінде 65 гектар жер телімі бөлінді. Қазіргі таңда құрылыс жұмыстарын бастау үшін EPC (инжиниринг, сатып алу және құрылыс) келісімшартына қол қойылды. Құрылыс жұмыстары ағымдағы жылдың сәуір айында басталады.Жоба іске асырылған жағдайда 10-нан астам жаңа жұмыс орны ашылады. Жалпы, облыс аумағында 130 мегаватты құрайтын 11 күн электр станциясы жұмыс істейді. Оларға TotalEren (Жалағаш ауданы — 28 МВт), United Green Energy (Шиелі ауданы — 50 МВт), Hevel (Жаңақорған ауданы — 10 МВт) және Huadian (Шиелі ауданы — 40 МВт) сияқты халықаралық инвесторлар қатысқан.Алдағы уақытта қуаттылығы 260,5 мегаваттан астам 6 күн және 2 жел электр станциясы іске қосылады. Бұл бастамалар өңірдің энергетикалық әлеуетін арттырып, электр энергиясын тиімді әрі экологиялық таза өндіруге мүмкіндік береді.

Қызылорда облысында жаңа күн электр станциясы салынады 

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен кадрлық өзгерістерге байланысты жиналыс өтті. Онда аймақ басшысы жаңадан тағайындалған облыстық цифрлық технологиялар басқармасының басшысы Ибадулла Сабит Ибадуллаұлын таныстырды.Сабит Ибадуллаұлы 1986 жылы Қызылорда қаласында дүниеге келген. Қорқыт Ата атындағы Қызылорда мемлекеттік университетінде «Информатика», Қарағанды экономикалық университетінде «Экономика» мамандықтары бойынша білім алған. Педагогика ғылымдарының магистрі, техника ғылымдарының кандидаты.«Есептеу техникасы және бағдарламалық қамтамасыз ету» мамандығы бойынша PhD докторы. Әр жылдары Қорқыт Ата атындағы Қызылорда мемлекеттік университетінде бағдарламашы, аға оқытушы, кафедра меңгерушісі қызметтерін атқарған.&nbsp;2018- 2024 жылдары облыс әкімдігі жанындағы ақпараттық технологиялар орталығының директоры, облыс әкімі аппаратының цифрлық технологиялар бөлімінің басшысы лауазымдарында еңбек еткен. 2025 жылдан бүгінгі күнге дейін облыстық полиция департаменті бастығының цифрландыру саласына жетекшілік жасайтын орынбасары қызметін абыроймен атқарып келді.Облыс әкімі жаңа басшыға маңызды міндеттер жүктеді. Атап айтқанда, жасанды интеллект саласындағы мемлекеттік саясатты тиімді іске асыруды, инвестиция тарту жүйесін және ақпараттандыру саласындағы инвестициялық жобаларды әзірлеуді, іске асыру тетіктерін жетілдіруді міндеттеді. Сонымен қатар ақпараттық қауіпсіздікті қамтамасыз ету саласындағы мемлекеттік бақылауды күшейтуді, өңірде мемлекеттік қызмет көрсету сапасын арттыруды, оған қолжетімділікті қамтамасыз етуді тапсырды.

Облыстық цифрлық технологиялар басқармасының басшысы тағайындалды

<a href="https://kyzylorda-news.kz/">Kyzylorda-news.kz</a> Жалағаш ауданының әкімі Ардақ Ибраимовтың төрағалығымен мәжіліс өтті. Жиында аудан аумағындағы жер-су атаулары мен тарихи-мәдени ескерткіштерді қорғау, сондай-ақ, оларды заңдастыру мәселелері талқыланды.Мәжілісте аудан әкімі ескерткіштерді күтіп-ұстау, инфрақұрылымын дамыту және туризм әлеуетін арттыру бағытында жауапты сала басшыларына нақты тапсырмалар жүктеді.Айта кетейік, аудан бойынша мемлекеттік тізімге енгізілген 62 ескерткіш бар. Оның ішінде 1-і республикалық, 55-і жергілікті маңызы бар, ал 6 нысан алдын ала тарихи маңызы бар тізімге енгізілген.<img src="https://knadmin.beoblood.kz/uploads/Tarihi_eskertkishterdi_or_au_2_3c459cf055.jpg" alt="Тарихи ескерткіштерді қорғау 2.jpg">

Қазақстан және Қызылорда облысының жаңалықтары: Қоғам