<a href="https://kyzylorda-news.kz/">Kyzylorda-news.kz</a> Қызылорда облыстық сотының төрағасы Ә.Шығамбаев және д<img src="https://knadmin.beoblood.kz/uploads/V_Zhanakorganskom_rajone_obsudili_rabotu_suda_c50bd63b92.jpg" alt="В Жанакорганском районе обсудили работу суда.jpg">епартамент басшысы М.Асанова Жаңақорған ауданына жұмыс сапарымен барды.Жұмыс сапары барысында облыстық сот төрағасы мен Департамент басшысы Жаңақорған аудандық сотының ғимаратын аралап, материалдық жай-күйімен танысты.&nbsp;Одан әрі облыстық сот төрағасы мен департамент басшысы Жаңақорған ауданының әкімі Ғ.Жарқынбекпен кездесіп, аудандық соттың материалдық-техникалық жағдайын жақсарту және сот ғимаратына жөндеу жұмыстарын жүргізу мәселелерін талқылады.&nbsp;Сонымен бірге, аудандық сот ғимаратында жүргізілетін жөндеу жұмыстарына қажетті жобалық-сметалық құжаттаманың әзірленіп жатқаны айтылып, жоспарланған жұмыстардың жобасы таныстырылды.Жұмыс сапары аясында облыстық сот төрағасы аудан тұрғындарын жеке мәселелері бойынша қабылдады. Қабылдау барысында азаматтар істерді қарау тәртібі, жер мәселесі, &nbsp;тұрғын үйге құқық және өзге де мәселелер бойынша сауалдарын қойды. Тұрғындарға қолданыстағы заңнама талаптарына сәйкес тиісті түсіндірмелер берілді.Әрі қарай облыстық сот төрағасы Ә.Шығамбаев, Департамент басшысы М.Асанова және ішкі қауіпсіздік бөлімінің басшысы Ғ.Тұрғанбай Жаңақорған аудандық сотының судьяларымен және мамандарымен кездесіп, сот төрелігінің сапасы мен тиімділігін арттыру, қызметтік әдеп нормаларын сақтау және сыбайлас жемқорлықтың алдын алу мәселелеріне ерекше тоқталып өтті.Кездесу соңында Ә.Шығамбаев сот жүйесіне деген халық сенімі әрбір судья мен сот қызметкерінің кәсібилігіне, жауапкершілігіне байланысты екенін айта келіп, қызметтік міндеттерді адал атқарудың маңыздылығына тоқталып, ұжымның жұмысына сәттілік тіледі.&nbsp;

Қызылорда облыстық сотының төрағасы Жаңақорған ауданында бірқатар кездесулер өткізді 

<a href="https://kyzylorda-news.kz/">Kyzylorda-news.kz</a> Шиелі ауданының әкімі Айтбай Жандарбеков тиісті сала басшыларымен бірге Шиелі кентіндегі көпір құрылыстарының барысымен танысты.Қазіргі таңда Шиелі кентіндегі Есабыз көшесінің бойында көпір құрылысы жүргізілуде. Сонымен қатар, Есабыз және Ә.Молдағұлова көшелерінің қиылысындағы К-4 каналында автомобиль көпірінің құрылысы жүзеге асырылуда. Есабыз көшесі бойындағы көпір құрылысының мердігері &nbsp;«УАД» ЖШС болса, К-4 каналындағы автомобиль көпірінің құрылысын «Гулнур МК» ЖШС жүргізуде.Аудан әкімі құрылыс жұмыстарының сапалы әрі талапқа сай жүргізілуіне ерекше назар аударып, нысандарды белгіленген мерзімде аяқтаудың маңыздылығын атап өтті. Сондай-ақ, құрылыс барысында қауіпсіздік талаптарын қатаң сақтау, пайдаланылатын материалдардың сапасын қамтамасыз ету және жұмыс қарқынын бәсеңдетпеу жөнінде жауапты сала басшылары мен мердігер мекеме өкілдеріне нақты тапсырмалар берді.Айта кетейік, К-4 каналындағы автомобиль көпірінің құрылысы аяқталғаннан кейін аудан тұрғындары үшін көлік қозғалысы едәуір жеңілдеп, жол қауіпсіздігі артады. Сонымен қатар, жаңа көпір кент ішіндегі қатынасты жақсартып, тұрғындардың күнделікті жүріп-тұруына қолайлы жағдай қалыптастырады. Бұл өз кезегінде елді мекеннің инженерлік және көлік инфрақұрылымын дамытуға оң ықпал етпек.<img src="https://knadmin.beoblood.kz/uploads/Shiel3_k_p3r_09rylysy_c2693b0663.jpg" alt="Шиелі көпір құрылысы.jpg">

Шиелі кентіндегі көпір құрылыстарының барысы пысықталды

«Таза Қазақстан» экологиялық акциясы аясында Жалағаш кенті мен ауылдық округтерде санитарлық тазалық жұмыстары жүргізілді.Сенбілік барысында көшелер мен тротуарлар, қоғамдық орындар тазартылып, жол белгілері мен жол сызықтары жаңартылды.&nbsp;Аудан әкімі Ардақ Ибраимов сенбілік жұмыстарының барысын бақылап, жауапты мекемелерге аумақтардың тазалығын тұрақты сақтау, жиналған қоқысты уақытылы шығару және санитарлық жағдайды бақылауда ұстау жөнінде тапсырмалар берді.

Жалағаш ауданында сенбілік жұмыстары өтті

Шиелі ауданының әкімі Айтбай Жандарбеков тиісті сала басшыларымен бірге Шиелі кентінде жүргізіліп жатқан автомобиль жолдарын қайта жаңғырту жұмыстары барысымен танысты.Қазіргі таңда Шиелі кентіндегі Қожа Ахмет Яссауи, Ш.Бәкіров, Есабыз және А.Байтұрсынов көшелерінің қиылысынан &nbsp;К-4 каналы арқылы өтетін көпірге дейінгі автомобиль жолдарын қайта жаңғырту жұмыстары жүргізілуде.Жобаның жалпы құны 1 млрд 520 млн теңгені құрайды. Қайта жаңғыртылатын автомобиль жолдарының жалпы ұзындығы &nbsp;4,04 шақырым. Жобаның бас мердігері &nbsp;«УАД» ЖШС, техникалық қадағалаушысы &nbsp;«СК Энерго-OIL» ЖШС, ал авторлық қадағалауды «СпецМонтажСтрой LTD» ЖШС жүзеге асырады.Жоба аясында Қожа Ахмет Яссауи көшесін төрт жолақты етіп қайта жаңғырту көзделген. Сонымен қатар, жолдың жүріс бөлігі жаңартылып, жаяу жүргіншілерге арналған жолдар салынады. Жоба толық аяқталғаннан кейін аталған көшелердің инфрақұрылымы заманауи талаптарға сай жаңартылып, жол бойы абаттандырылады. Сондай-ақ заманауи үлгідегі аялдамалар орнатылып, жол белгілері мен жол таңбалары жаңартылады. Көше жарықтандыру жүйесі де толықтай жаңғыртылатын болады.Жұмыс барысымен танысқан аудан әкімі құрылыс жұмыстарының сапасына ерекше мән беріп, жұмыстарды бекітілген талаптар мен жобалық құжаттамаға сәйкес жүргізу қажеттігін атап өтті. Сонымен қатар, мердігер мекеме өкілдеріне құрылыс қарқынын бәсеңдетпей, жұмыстарды белгіленген мерзімде сапалы аяқтау, қауіпсіздік талаптарын қатаң сақтау жөнінде нақты тапсырмалар берді.<img src="https://knadmin.beoblood.kz/uploads/FB_IMG_1786853463670_2f967a8ee0.jpg" alt="FB_IMG_1786853463670.jpg">

Шиеліде жол инфрақұрылымын жаңғырту жұмыстары жүргізілді

Облыс әкімі Мұрат Ергешбаев Қазақстан футбол федерациясының бас хатшысы Манн Скотты қабылдады. &nbsp;Кездесуде аймақ спортын, соның ішінде футболды дамыту мәселесі талқыланды.<blockquote>«Бүгінде өңірімізде футболды дамытуға ерекше көңіл бөлініп келеді. Біздің мақсатымыз – бұқаралық футболдан бастап кәсіби клубқа, академияға және Ұлттық құрамаға дейінгі біртұтас жүйе қалыптастыру. &nbsp;«Қайсар» футбол клубы жекешелендіріліп, оның ұзақмерзімді дамуына жаңа мүмкіндік берілді. Қазіргі таңда «Қайсар» футбол клубының заманауи базасы мен академиясы салынуда. Бұл нысандар балалар-жасөспірімдер футболын дамытып, &nbsp;клубтың өз тәрбиеленушілерін негізгі командаға жеткізеді. Сонымен қатар қызылордалық команда Қазақстан Кубогының жартылай финалына шықты. «Жеңіске» қарсы алғашқы жартылай финалдық ойында «Қайсар» 3:1 есебімен жеңіске жетті. Екінші жартылай финалдық кездесу 19 тамызда өтеді. &nbsp;Осы ретте Сіздермен бірлесіп өңір футболын дамыту мақсатында ауқымды жұмысты бірлесіп атқаруға шақырамын», - деді Мұрат Нәлқожаұлы.</blockquote>Өз кезегінде Манн Скот ризашылығын білдіріп, ұсыныстарды бірлесіп талқылауға ниетті екенін жеткізді.Айта кетейік, &nbsp;2022 жылдан бері аймақта 27 спорт нысаны пайдалануға берілді. Мемлекет басшысының тапсырмасымен 11 мың орындық &nbsp;«Қайсар Арена» стадионы салынып, өткен айда УЕФА-ның IV санатты жоғары мәртебесі берілді. Облыс орталығында аумағы 25 мың шаршы метрлік &nbsp;«Қызылорда Арена» спорт кешені бой көтеруде. Бұдан бөлек, кәсіпкерлердің демеушілігімен, Ұлттық компаниялар, спорт федерацияларының қолдауымен маңызды жобалар жүзеге асырылуда. Атап айтқанда, Қазақстан футбол федерациясының қолдауымен Ғ. Мұратбаев атындағы стадионның қосалқы алаңы мен Жалағаш ауданының орталық стадионы күрделі жөндеуден өтті. «Самұрық Қазына Траст» қорымен бірлесіп, Қызылорда қаласында «Теннис орталығы» ашылды.Өткен жылы «Қазақстан халқына» қорының қолдауымен Шиелі, Жалағаш аудандарында жаңа спорт кешені және Қызылорда қаласында мүмкіндігі шектеулі жандарға арналған заманауи Инклюзивті спорт орталығы ел игілігіне табысталды.&nbsp;Бүгінде облыста 377 мыңнан астам тұрғын бұқаралық спортпен жүйелі шұғылданады.

Футболды дамыту мәселесі талқыланды 

Сырдарияауданы "Руханият" орталығында аудан әкімі Берік Сәрменбаев аудан спортшылары мен ардагерлерін Спорт күні мерекесімен құттықтады.Аудан басшысы спорт саласының ел өміріндегі маңызына тоқталып, Мемлекет басшысының бұқаралық спортты дамыту, халықтың денсаулығын нығайту және спорт инфрақұрылымын жетілдіру бағытындағы тапсырмаларына сәйкес елімізде бұл салаға айрықша қолдау көрсетіліп келе жатқанын атап өтті.<blockquote>– Мемлекет басшысы «Жастарымыз дені сау, мықты азамат болып өсуі керек. Сондықтан ұлт саулығын сақтау үшін бұқаралық спортты дамытудың маңызы айрықша» деп атап, спорт саласының инфрақұрылымын жақсартуға нақты тапсырмалар жүктеді. Президент тапсырмасына сәйкес, өңірімізде спорт саласында нәтижелі жұмыстар атқарылуда. 2022 жылдан бері аймақта 200-ден астам әлеуметтік нысан бой көтерді. Оның &nbsp;27-сі спорт кешені, &nbsp;бүгінде ел игілігіне айналды. Мемлекет басшысының қолдауымен Қызылорда қаласында 11 мың орындық жаңа стадион пайдалануға берілді. Ауданымызда да спортты дамытуға үлкен қолдау жасалып, мәдени-спорттық шаралар көптеп ұйымдастырылуда. Соның нәтижесінде, ауданда тұрақты спортпен шұғылданушылар 44 пайыздан &nbsp; асты. Аудан халқы 131 дене шынықтыру және спорт нысандарында тегін спортпен шұғылдануда. Жыл басынан бері спортшыларымыз Азия чемпинатынан 4 медаль, &nbsp;республикалық жарыстан 16 медаль, облыстан 199 медаль алып, аудан мерейін үстем етті. Биыл мемлекеттік қызметшілер арасында өткен облыстық спартакиадада аудан спортшылары жүлделі 2-ші орынды жеңіп алды. Мұндай жетістіктер жаттықтырушылардың қажырлы еңбегі деп білемін. Cергей Тоқсанбаев, Шәкір Қиықбаев, Сұлтан Қобландиндердің, бүгінде ортамызда жүрген Пазылхан Абдулпаттаев, Мектепхан Елеусінов, Болат Рысмахан және басқа да сала ардагерлерінің ерен еңбегі екені айқын. Жақын арада көгалдағы хоккейден қыздар арасындағы Қазақстан чемпиондары, жерлестеріміз Қарлығаш Болғанбаева мен Гузаль Пахабадин &nbsp;Жапонияда өтетін Азия чемпионатына қатысады. Спортшыларымызға сәттілік тілейміз. Осы сәтті пайдалана отырып, бүгінгі мерекеде барша сала ардагерлері мен спортшыларымызға шынайы алғысымды білдіремін, – деді Берік Әбдіғаппарұлы.</blockquote>Сондай, ақ спорт саласын дамытуға және аудан спортының мерейін арттыруға елеулі үлес қосқан бірқатар азаматтарға облыс және аудан әкімінің "Алғыс хаттары" табысталды.<img src="https://knadmin.beoblood.kz/uploads/FB_IMG_1786853277650_be97e5765d.jpg" alt="FB_IMG_1786853277650.jpg">Мерекелік шарада сала ардагерлері Елеусінов Мектепхан, Зұлқарнай Тасбергенов сөз сөйлеп, спортшылар мен сала мамандарын кәсіби мерекемен құттықтап, ізгі тілектерін жеткізді.Салтанатты жиын аудан өнерпаздарының қатысуымен ұйымдастырылған мерекелік концертке ұласты.<img src="https://knadmin.beoblood.kz/uploads/FB_IMG_1786853283571_a12e0ce434.jpg" alt="FB_IMG_1786853283571.jpg">

Сырдариялық ардагерлер мен спортшыларға құрмет көрсетті 

«Таза Қазақстан» экологиялық акциясы аясында Сырдария ауданы орталығында және елді мекендерде санитарлық тазарту бойынша сенбілік өтті. Тазалық жұмыстарына аудандағы меншік түріне қарамастан барлық мекеме атсалысты.Сенбілік барысында әрбір мекеме қызметкерлері өздеріне бекітілген көше бойына көркейту-көгалдындыру жұмыстарын жүргізіп, аулаларды қоқыстан тазалады.Алдағы уақытта да сенбілік жұмыстары жалғасын табатын болады.<img src="https://knadmin.beoblood.kz/uploads/FB_IMG_1786853062040_281bc4842f.jpg" alt="FB_IMG_1786853062040.jpg">

"Таза Қазақстан": Сенбілік жұмыстары ұйымдастырылды 

Облыс әкімі Мұрат Ергешбаев қаладағы кәсіпкерлік нысандарын аралау барысында Белкөл кентіндегі &nbsp;«Вега Пром» ЖШС-ның автоклавты газоблок пен құрғақ құрылыс қоспаларын өндіру зауытына барды.Кәсіпорынның жылдық өндірістік қуаты 30 мың текше метр, құрылысқа 30 адам тартылған. Қазіргі таңда нысанда техникалық іске қосу жұмыстары жүргізілуде. Мемлекеттік қолдау аясында 3 гектар жер телімі беріліп, қажетті құрал-жабдықтар мен техникалар Қытайдан жеткізілген. Кәсіпорынды қыркүйек айында толық іске қосу жоспарланып отыр.Дәл осы аумақта орналасқан асфальтбетон өндірісі «Орда автодор» ЖШС-ның жеке қаражаты есебінен іске қосылған. &nbsp;Сағатына 60 тонна асфальтбетон қоспасы өндіріледі, жоба құны 1 млрд теңге. Бүгінде өндірілген өнім ішкі нарықтың сұранысын толық өтеуде.Келесі нысан – қала орталығында салынып жатқан «Пана Қаракөз» қонақүйі. &nbsp;Заманауи үлгідегі қонақүйде 70-ке жуық нөмір қарастырылған. Сондай-ақ келушілерге қолайлы жағдай жасау мақсатында заманауи технологиялар енгізілмек. Мұнан бөлек ғимаратта «Tary» этно-кофеханасы орналасатын болады. Қазіргі уақытта ғимараттың іші әрленіп, &nbsp;қасбеті қапталып жатыр. Қонақүй биыл пайдалануға беріледі.Бұдан кейін облыс әкімі балық шаруашылығын дамыту мақсатында құрылған «Хан Бекіре» ауыл шаруашылығы өндірістік кооперативінің жұмысымен танысты. Жоба құны 31,4 млн теңге, негізгі өндірістік қуаттылығы жылына 28 мың тонна. Мұнда альянский, орыс бекіресі, янтарь және &nbsp;форель &nbsp;өсіріліп, облыс аумағына сатылымға шығарылады.Сондай-ақ аймақ басшысы «Шапағат» жеке кәсіпкерлігінің жылыжай шаруашылығын аралады. Кәсіпкер озық технологияларды пайдалана отырып, бау-бақша өнімдерін өсірумен айналысады. Құны 45 млн теңге, &nbsp;аумағы 1 200 шаршы метр жылыжайда Ташкент лимоны мен қиярдың бірнеше түрі өсірілуде.Облыс әкімі нысандарды аралау кезінде жауапты сала басшыларына бірқатар тапсырма берді.<img src="https://knadmin.beoblood.kz/uploads/FB_IMG_1786769441542_e0cc34f27c.jpg" alt="FB_IMG_1786769441542.jpg">

Облыс әкімі кәсіпкерлік нысандардың жұмысымен танысты 

<a href="https://kyzylorda-news.kz/">Kyzylorda-news.kz</a> Жалағаш ауданының әкімі Ардақ Ибраимовтың төрағалығымен мәжіліс өтті. Жиынға ауылдық округ әкімдері селекторлық режимде қатысты.Мәжілісте жоспарланған инвестициялық және инфрақұрылымдық жобалардың іске асырылуы, мемлекеттік бағдарламаларды тиімді үйлестіру мәселелері қаралды.<img src="https://knadmin.beoblood.kz/uploads/Investicziyaly_zh_ne_infra_rylymdy_zhobalar_2_2e3b0ef7a7.jpg" alt="Инвестициялық және инфрақұрылымдық жобалар 2.jpg">Жиында аудан әкімі ауыл тұрғындарының әл-ауқатын арттыруға бағытталған мемлекеттік бағдарламаларды тиімді пайдалану, шағын және орта кәсіпкерлікті дамыту, инвестиция тарту, жаңа жұмыс орындарын ашу және әлеуметтік маңызы бар жобалардың уақытылы жүзеге асырылуын қамтамасыз ету бойынша нақты тапсырмалар берді.Сонымен қатар әрбір тапсырманың орындалу мерзімі белгіленіп, жауапты сала басшыларына, кент және ауылдық округ әкімдеріне нақты міндеттер жүктелді. Аудан әкімі тапсырмалардың орындалуы қатаң бақылауда болатынын ескертті.<img src="https://knadmin.beoblood.kz/uploads/Investicziyaly_zh_ne_infra_rylymdy_zhobalar_3_b07264bfa4.jpg" alt="Инвестициялық және инфрақұрылымдық жобалар 3.jpg">

Инвестициялық және инфрақұрылымдық жобалардың іске асыру барысы қаралды

<a href="https://kyzylorda-news.kz/">Kyzylorda-news.kz</a> Бүгін облыс әкімі Мұрат Ергешбаев Қазақстан мұсылмандары діни басқармасының төрағасы, Бас мүфти Наурызбай қажы Тағанұлын қабылдады.Кездесуде өңірдегі қоғамдық тұрақтылықты сақтау және діни ахуалды одан әрі жақсарту бағытында атқарылып жатқан жұмыстар талқыланды.<blockquote>«Сыр өңірі – тарихы терең, қазақы болмысы сақталған қасиетті өлке. Бүгінде елімізге адал қызмет етіп жүрген дін қызметкерлерінің нәтижелі жұмысының арқасында аймақтағы діни ахуал тұрақты. Тәуелсіздіктің алғашқы жылдарында өңірде небәрі 14 мешіт болса, бүгінде олардың саны 195-ке жетіп, тұрғындардың игілігіне қызмет етуде. Бұдан бөлек, облыста 6 мешіттің құрылысы жүргізілуде. Олардың үшеуі бір мезетте 1000-ға жуық адамды қабылдай алады. Кәсіпкерлердің демеушілігімен бой көтеріп, бүгін ресми түрде ашылған Тасбөгет кентіндегі мешіт те осы қатарда. Сонымен бірге Арал мен Байқоңыр қалаларында салынып жатқан екі ғибадат үйі де жуық арада ел игілігіне берілмек. Мемлекет басшысы Қасым-Жомарт Кемелұлы өскелең ұрпақтың рухани тәрбиесіне ерекше мән беріп келеді. Бүгінде өкілдік қызметкерлерінің басым бөлігі – жас әрі жоғары білімді мамандар. Бұл – аймақ жастарының сапалы әрі дұрыс діни ақпарат алуға деген сұранысының артып келе жатқанын көрсетеді. Бүгінде әкімдік пен құқық қорғау органдарының қызметкерлері «Заң мен тәртіп» қағидаты аясында қала, аудан және шалғай елді мекендердегі тұрғындар арасында түсіндіру жұмыстарын тұрақты жүргізеді. Жат ағымдардың алдын алу және олармен күресуде тиісті шаралар ұйымдастырады. Бұл жұмыстарды одан әрі жандандыруда Сіздердің қолдауларыңыздың маңызы зор. Екі тараптың бірлескен оң бастамалары қоғамдық тұрақтылықты нығайтып, егемен еліміздің бірлігі мен тұтастығын сақтауға берік негіз болады деп сенемін», – деді аймақ басшысы.</blockquote>Өз кезегінде Бас мүфти діни тұрақтылықты сақтаудағы жұмыстарға оң бағасын беріп, бірлескен бастамалар үшін ризашылығын білдірді.

Қоғамдық тұрақтылықты сақтау бағытында атқарылған жұмыстар талқыланды

<a href="https://kyzylorda-news.kz/">Kyzylorda-news.kz</a> «Заң мен Тәртіп» қағидасын ілгерлету және айқын нәтиже жобасы аясында қалалық прокуратура, облыстық полиция дерартаменті, қалалық пробация және қалалық жастар ресурстық орталығымен бірге есептегі сотталғандар арасында спорттық іс-шара ұйымдастырылды.Іс-шараның басты мақсаты сотталғандарды қоғамға бейімдеп, салауытты өмір салтын ұстануға шақыру және қайта қылмыстың алдын алу болып табылады.Сайыс қорытындысымен сотталғандарға бағалы сыйлықтар мен марапаттар табыс етілді. Аталған бағытта шараларын өз жалғасын табатын болады.<img src="https://knadmin.beoblood.kz/uploads/Whats_App_Image_2026_08_14_at_16_17_21_f144ba7222.jpeg" alt="Заң мен тәртіп.jpeg">

«Заң мен тәртіп»: Спорт – қоғамға бейімделудің тиімді құралы

<a href="https://kyzylorda-news.kz/">Kyzylorda-news.kz</a> Еңбекші ауылдық округінде «Ауыл құтқарушылары» бағдарламасы аясында жаңа өрт сөндіру пункті ашылды. Жаңа нысан Еңбекші, Жиделіарық және Қосүйеңкі ауылдарында орын алуы мүмкін өрттер мен төтенше жағдайларға жедел ден қоюға мүмкіндік береді.Жаңа нысанның ашылу рәсімінде аудан әкімінің орынбасары Арман Дүйсенбаев құттықтау сөз сөйлеп, жаңа өрт сөндіру пунктінің елді мекендер қауіпсіздігін қамтамасыз етудегі маңыздылығына тоқталды.– “Баршаңызды бүгінгі жаңа нысанның ашылуымен шын жүректен құттықтаймын! Мемлекет басшысы Қасым-Жомарт Кемелұлы Тоқаев: «Құтқарушы – нағыз ержүрек азаматтардың кәсібі» деп айрықша атап өткен болатын. Бұл – сіздердің жауапты әрі абыройлы еңбектеріңізге берілген жоғары баға.Өткен жылы Шиелі кентіндегі №16 өрт сөндіру бекетіне күрделі жөндеу жүргізіліп, нысан заманауи талаптарға сай жаңартылды. Сонымен қатар, «Ауыл құтқарушылары» бағдарламасы аясында Бәйгеқұм ауылында жаңа өрт сөндіру пункті ашылды.Төтенше жағдайлар бөлімінің материалдық-техникалық базасын нығайтуға да ерекше көңіл бөлінуде. Бүгін ашылып отырған жаңа өрт сөндіру пункті – ел қауіпсіздігін қамтамасыз ету жолындағы тағы бір маңызды қадам.Қазақта «Өрт – тілсіз жау» деген сөз бар. Елдің амандығы мен халықтың тыныштығын күзетіп жүрген азаматтық қорғау қызметкерлеріне әрдайым алғысымыз шексіз. Жаңа нысанның іргесі берік болып, халық игілігіне ұзақ жылдар бойы сапалы қызмет етсін! – деді Арман Дүйсенбаев.Өз кезегінде облыстық Төтенше жағдайлар департаменті бастығының міндетін атқарушы, азаматтық қорғау подполковнигі Жасұлан Түйменов жаңа өрт сөндіру пунктінің ауыл тұрғындарының қауіпсіздігін қамтамасыз етудегі рөліне тоқталып, құтқарушыларға жауапты қызметтеріне сәттілік тіледі.Жаңа өрт сөндіру пунктінің ашылуы ауылдық елді мекендердегі төтенше жағдайларға жедел ден қою мүмкіндігін арттырып, тұрғындардың қауіпсіздігін қамтамасыз етуге оң ықпал етпек.<img src="https://knadmin.beoblood.kz/uploads/Shieli_rt_s_ndiru_punkti_f5076cb68d.jpg" alt="Шиелі өрт сөндіру пункті.jpg">

Қазақстан және Қызылорда облысының жаңалықтары: Қоғам