<a href="https://kyzylorda-news.kz/">Kyzylorda-news.kz</a> ҚР Премьер-министрінің орынбасары&nbsp;— мәдениет және ақпарат министрі Аида Балаеваның төрағалығымен Қазақстан Республикасы Президентінің «Кітап оқу мәдениетін дамыту және зерделі ұлт қалыптастыру жөніндегі шаралар туралы» Жарлығын кешенді жүзеге асыру мәселесіне арналған кеңес өтті. Бұл туралы Үкімет мәлім етті.&nbsp;Жиынға оқу-ағарту министрі Жұлдыз Сүлейменова, Мәдениет және ақпарат, Ұлттық экономика, Жасанды интеллект және цифрлық даму, Ғылым және жоғары білім, Қорғаныс, Ішкі істер министрліктерінің өкілдері қатысты.Кеңес барысында Премьер-министрдің орынбасары қатысушылардың баяндамаларын тыңдады. Мәдениет және ақпарат вице-министрі Рустам Әли кешенді жоспардың негізгі бағыттарын таныстырды. Оның ішінде кітапхана және кітап ісін дамыту, оқуды насихаттау, сондай-ақ заманауи цифрлық инфрақұрылым қалыптастыру жөніндегі шаралар қамтылған.<blockquote>—&nbsp;Құжат 9 негізгі бағыт бойынша 50-ге тарта іс-шараны көздейді. Солардың қатарында кітап саласын құқықтық тұрғыдан жүйелеу мәселесі де&nbsp;бар. Сонымен қатар Мәдениет және ақпарат министрлігі кітапхана саласын жаңғыртуға ерекше көңіл бөліп отыр. Бүгінде республикада 3 887 көпшілік кітапхана жұмыс істейді. Олардың жиынтық қоры 72,5 млн-нан астам сақтау бірлігін құрайды. 2025 жылы кітапханаларға келушілер саны рекордтық көрсеткішке жетіп, 57 млн-нан асты. Биыл 4 кітапхана жаңғыртылып, 6 жаңа кітапхана ашылды. Жыл соңына дейін еліміздің бес өңірінде тағы 24 кітапхананы жаңғырту жоспарланып отыр,&nbsp;— делінген хабарламада.</blockquote>Аида Балаева кітапханалардың қызметіне жан-жақты талдау жүргізуді тапсырды. Бұл жұмыс кітапхана инфрақұрылымы мен ғимараттарының жай-күйін, кітап қорымен қамтамасыз етілу деңгейін, сондай-ақ ондағы әдебиеттерге сұранысты қамтуы тиіс.<blockquote>—&nbsp;Талдау қорытындысы бойынша, әсіресе балалар мен жастарға арналған әдебиет бағытындағы тапшылықтарды айқындап, кітапхана қорын одан әрі дамыту және жаңарту жөнінде нақты ұсыныстар әзірлеу қажет. Балалар мен жастар арасында оқу мәдениетін дамытуға бағытталған шаралар туралы оқу-ағарту министрі Жұлдыз Сүлейменова баяндады. Министрлік оқушылардың әдебиетке және заманауи оқырман сервистеріне қолжетімділігін кеңейтетін «Балалар кітапханасы» және «Оқырман» платформаларын іске қосты. Бұл бағыттағы маңызды жұмыстың бірі&nbsp;— білім беру ұйымдарында оқырман клубтарының қызметін дамыту. Соның негізінде тұрақты оқу мәдениетін қалыптастыруға бағытталған «Кітап оқитын мектеп» бірыңғай моделі енгізіледі. Аталған модель аясында балалардың кітап оқуға қызығушылығын ата-аналар мен педагогтердің жеке өнегесі арқылы арттыруды көздейтін «Бірге оқиық» жобасы жүзеге асырылады,&nbsp;— деп хабарлады Министрлер кабинетінен.</blockquote>Өз кезегінде ғылым және жоғары білім вице-министрі Гүлзат Көбенова студент жастар арасында кітап оқу мәдениетін ілгерілету тәсілдері туралы айтты. Бұл бағытта жоғары оқу орындары кітапханаларын дамыту және студенттік оқырман клубтарының жұмысын жандандыру мәселелері қамтылған. Кеңес қорытындысы бойынша Ғылым және жоғары білім министрлігіне салалық әдебиеттермен қамтамасыз ету деңгейіне талдау жүргізу, сондай-ақ педагог кадрларды даярлауда қолданылатын оқу әдебиеттерінің мазмұнын зерделеу тапсырылды.Қорғаныс және Ішкі істер министрліктеріне қарасты ұйымдардың кітапхана қорларын зерттеу және талдау мәселесіне де&nbsp;ерекше назар аудару қажет. Әскери бөлімдер мен ведомстволық мекемелерді заманауи, мазмұнды әрі кәсіби әдебиеттермен қамтамасыз ету маңызды. Талдау нәтижесінде нақты қажеттіліктер айқындалып, кітапхана қорларын толықтыру және жаңарту жөнінде ұсыныстар әзірленуі тиіс.Фото: ҚР Үкіметі

Балалар мен жастар арасында кітап оқу мәдениетін дамытуға басымдық беріледі

<a href="https://kyzylorda-news.kz/">Kyzylorda-news.kz</a> Бүгін облыс әкімі Мұрат Ергешбаевтың төрағалығымен кадрлық өзгерістерге байланысты мәжіліс өтті. Онда әріптестері осы уақытқа дейін облыс әкімінің орынбасары қызметін атқарған Ардақ Темірханұлы Зебешевті Қазақстан Республикасы Сыртқы істер министрлігі Инвестиция комитетінің төрағасы лауазымына тағайындалуына байланысты құрметпен шығарып салды.Аймақ басшысы Ардақ Темірханұлының өңірдің әлеуметтік-экономикалық дамуына, инвестициялық әлеуетін арттыруға және кәсіпкерлікті қолдауға қосқан елеулі үлесін атап өтіп, жаңа қызметіне сәттілік тіледі.<blockquote>«Ардақ Темірханұлы 2024 жылдың ақпан айынан бері облыс әкімінің орынбасары ретінде инвестиция тарту және кәсіпкерлік салаларына жетекшілік етті. Оның үйлестіруімен өңірдің инвестициялық ахуалын жақсартуға бағытталған жүйелі жұмыс жүргізіліп, Мемлекет басшысының инвестициялық экожүйені қалыптастыру жөніндегі тапсырмаларын іске асыруда нақты нәтижелерге қол жетті. Осы кезеңде өңірге 1,4 трлн теңгеден астам инвестиция тартылып, соңғы екі жылда жалпы құны 339 млрд теңгеден асатын 48 инвестициялық жоба жүзеге асты. Нәтижесінде жаңа өндіріс орындары ашылып, халықаралық әріптестік байланыстар аясы кеңейді», – деді Мұрат Нәлқожаұлы.</blockquote>Ардақ Зебешевтің жетекшілігімен «Қорқыт Ата» арнайы экономикалық аймағын құру жұмыстары жоғары деңгейде ұйымдастырылды. Шетелдік инвесторлармен нәтижелі келіссөздер жүргізіліп, испаниялық «Roca Group» компаниясының санитарлық-техникалық өнімдер шығаратын зауыты мен швейцариялық «Harvest Group» компаниясының агроиндустриялық кластер құру жобалары бастау алды.Қытай Халық Республикасымен ауыл шаруашылығы, құрылыс салаларына озық технологиялар енгізуге бағытталған 9 келісімшартқа қол қойылды. Энергия үнемдейтін шыны өндірісі, заманауи кірпіш зауыты, кондитерлік және макарон өнімдерін шығаратын өндірістік кешендер іске қосылды.Бұдан бөлек, Сыр өңірінің мәдениетін халықаралық деңгейде насихаттау және ынтымақтастықты дамыту бағытында Финляндия, Эстония, Испания, Швейцария және Франция мемлекеттерінде өткен өнер күндерінің жоғары деңгейде ұйымдастырылуына үлес қосты.Ардақ Темірханұлына Премьер-министрдің бірінші орынбасары Нұрлыбек Машбекұлының Алғыс хаты, Сыр елінің әлеуметтік-экономикалық дамуына қосқан ерекше үлесі үшін Қызылорда облысының Құрмет грамотасы және «Қызылорда облысының дамуына қосқан үлесі үшін» медалі табысталды.Сонымен қатар, мәжілісте Қызылорда облысы прокурорының бірінші орынбасары Исламбек Төлегеновтің құрметті зейнет демалысына шығуына орай, Қазақстан Республикасы Бас прокурорының бұйрығымен облыс прокурорының бірінші орынбасары болып тағайындалған Дүйсенбаев Нұрболат Серікұлы таныстырылды.<img src="https://knadmin.beoblood.kz/uploads/Zebeshev_zha_a_yzmetke_shy_aryp_salu_2_7a49d682ab.jpg" alt="Зебешев жаңа қызметке шығарып салу 2.jpg">

Әріптестері Ардақ Зебешевті жаңа қызметке шығарып салды

<a href="https://kyzylorda-news.kz/">Kyzylorda-news.kz</a> Оқу-ағарту министрі 2026 жылғы 29 мамырдағы бұйрықпен педагогтердің біліктілігін арттыру курстарын ұйымдастыру және өткізу, сондай-ақ педагог қызметін курстан кейінгі сүйемелдеу қағидаларына өзгерістер енгізді, – деп хабарлайды <a href="https://kaz.inform.kz/news/pedagogterdn-blktlgn-arttiru-kurstarin-otkzu-kagidalari-zhanartildi-bb9779d3">Қазақпарат.</a>Жаңа талаптарға сәйкес, біліктілікті арттыру курстарын білім беру қызметін жүзеге асыратын ұйымдар өткізеді. Мұндай ұйымдарда курстың білім беру бағдарламасы бағыты бойынша кемінде үш жыл еңбек өтілі бар тренер-оқытушылар жұмыс істеуі тиіс.Сонымен қатар тренер-оқытушылардың кемінде 40 пайызы ғылым кандидаты, ғылым докторы, философия докторы (PhD), бейіні бойынша доктор немесе магистр дәрежесіне ие&nbsp;болуы қажет. Бұл талапқа «педагог-зерттеуші» немесе «педагог-шебер» біліктілік санаты бар педагогтер мен тиісті саладағы кәсіпорындар және ұйымдарда еңбек ететін мамандар да&nbsp;сәйкес келеді.Қашықтан немесе аралас форматта оқыту жүргізетін ұйымдардың оқу процесін басқару жүйесі (LMS) туралы мәліметтер орналастырылған интернет-ресурсы болуы керек. Сонымен бірге олардың санитариялық талаптар мен өрт қауіпсіздігі нормаларына сай келетін материалдық-техникалық базасы болуы тиіс.Курстар барысында ұйымның шешімімен өңірлік кәсіпкерлер палаталары мен жұмыс берушілер қауымдастықтарының өкілдері жекелеген дәрістер оқуға және практикалық сабақтар өткізуге тартылуы мүмкін.Қағидаға сәйкес, курстар үш форматта өткізіледі:<ul><li style="text-align:justify;">жұмыстан қол үздіріп, жалақысы сақталатын күндізгі форматта;</li><li style="text-align:justify;">жұмыстан қол үзбей қашықтан;</li><li style="text-align:justify;">күндізгі және қашықтан оқытуды ұштастыратын аралас форматта.</li></ul>Қашықтан және аралас форматтағы оқу LMS жүйесі арқылы жүзеге асырылады. Бұл жүйеде тыңдаушының жеке кабинеті, оқу және бағалау материалдары, сабақ кестесі, сондай-ақ курстан кейінгі сүйемелдеу материалдары орналастырылады.Құжатта LMS оқу процесін басқаруды автоматтандыруға арналған ақпараттық жүйе ретінде айқындалған.Курстардың ұзақтығы кемінде 36 академиялық сағатты құрайды. Бір академиялық сағаттың ұзақтығы&nbsp;— 45 минут.Оқу аяқталғаннан кейін ұйым білім беру бағдарламасына сәйкес қорытынды бағалау өткізеді. Бағалаудан сәтті өткен тыңдаушыларға қағаз немесе электрондық форматта сертификат беріледі.Электрондық сертификат міндетті түрде QR-кодпен рәсімделіп, педагогтердің бірыңғай деректер базасы арқылы верификациядан өткізілуі тиіс. Мұндай жағдайда қағаз сертификат беру талап етілмейді.Біліктілікті арттыру курстарын өткізетін ұйымдар педагогтердің біліктілігін арттыру ұйымдарының тізіліміне енгізілуі қажет.Білім беру ұйымдары жыл сайын келесі күнтізбелік жылға арналған педагогтердің біліктілігін арттыру жоспарын әзірлеп, өтінім дайындайды. Өтінімдер 1 маусымға дейін аудандар мен облыстық маңызы бар қалалардың білім бөлімдеріне, ал&nbsp;республикалық білім беру ұйымдары үшін уәкілетті органға жолданады.Білім бөлімдері ұсынылған өтінімдерді қарап, педагогтердің біліктілігін арттыру жоспарын қалыптастырады және оны жыл сайын 1 шілдеге дейін білім басқармаларына ұсынады.Өз кезегінде білім басқармалары алдағы қаржы жылына арналған өңірлік жоспарды әзірлеп, педагогтерді курстарға бөлу жөніндегі ұсыныстармен бірге оны 1 қыркүйекке дейін уәкілетті органға жолдайды.Педагогтер кәсіби құзыреттерін жетілдіру мақсатында біліктілікті арттыру курстарынан мемлекеттік бюджет есебінен де, өзге қаржыландыру көздері арқылы да&nbsp;өте алады.Бұйрық 15 маусымнан бастап қолданысқа енгізіледі. Оның жекелеген нормалары 12 шілдеден бастап күшіне енеді.Фото: Оқу-ағарту министрлігі

Педагогтердің біліктілігін арттыру курстарын өткізу қағидалары жаңартылды

<a href="https://kyzylorda-news.kz/">Kyzylorda-news.kz</a> Қызылорда қаласында тұрғындардың қауіпсіздігі мен көлік қозғалысының қолайлылығын арттыру бағытында бірқатар ірі инфрақұрылымдық жобалар жүзеге асырылуда.Атап айтқанда, Сағымбаев көшесінің Торайғыров көшесінен «Қызылорда – Құмкөл» автожолына дейінгі бөлігін қайта жаңғырту жұмыстары қарқынды жүргізілуде. Бұл жоба көлік қатынасын жақсартып, жолдың өткізу қабілетін арттыруға мүмкіндік береді.Сонымен қатар, Бәйтерек шағын ауданындағы Оңтүстік магистральды канал арқылы өтетін көпір құрылысы қала тұрғындары үшін маңызды нысандардың бірі саналады. Жаңа көпір көлік қатынасын жеңілдетіп, шағын ауданның көлік қолжетімділігін арттыруға ықпал етеді.Ал, &nbsp;негізгі көшелердің бірі саналатын Н. Назарбаев даңғылы, сондай-ақ А. Иманов, Бозғұл-1, Наурыз және Ш. Есенов көшелерін қайта жаңғырту жұмыстары кезең-кезеңімен жүзеге асырылуда.Аталған жобалар қаланың заманауи келбетін қалыптастырып қана қоймай, тұрғындардың жайлы әрі қауіпсіз ортада өмір сүруіне жағдай жасауға бағытталған.Алдағы уақытта жоспар бойынша инфрақұрылымдық жобалар кезең-кезеңімен жүзеге асып, тұрғындардың игілігіне арналған жұмыстар жүйелі жүргізіледі.Фото: Нұрболат Нұржаубай

Ірі инфрақұрылымдық жобалар жүзеге асырылуда

<a href="https://kyzylorda-news.kz/">Kyzylorda-news.kz</a> "Қазгидромет" синоптиктері Қазақстан бойынша 9-11 маусымға арналған ауа райы болжамын ұсынды. Елде аптап, кей өңірлерде жаңбыр мен бұршақ күтілуде, деп хабарлайды <a href="https://kaz.nur.kz/society/2385798-37-gradus-ystyq-zhangbyr-men-burshaq-aldagy-ush-kunde-elimizde-kun-raiy-qandai-bolady/">KAZ.NUR.KZ.</a>Синоптиктердің мәліметінше, баяу жылжитын батыс циклоны Қазақстан аумағының басым бөлігіне ықпал етеді. Соған байланысты ауа райының құбылмалы сипаты сақталады: жаңбыр жауып, найзағай ойнайды, екпінді және дауылды жел күшейеді, кей жерлерде бұршақ жаууы мүмкін.9-11 маусымда республиканың солтүстік-батысында және солтүстігінде, ал 11 маусымда оңтүстік-шығысында қатты жаңбыр жауады деп болжанып отыр.Аталған күндері шығыс өңірлерде, ал кезеңнің ортасынан бастап оңтүстік-батыс өңірлерде жауын-шашынсыз ауа райы күтіледі.Күндізгі ауа температурасы:<ul><li style="text-align:justify;">еліміздің батысында +27...+35°С дейін жоғарылайды;</li><li style="text-align:justify;">солтүстігінде +17...+28°С дейін төмендейді;</li><li style="text-align:justify;">солтүстік-шығысында және орталығында аптап аздап бәсеңдеп, +25...+33°С болады;</li><li style="text-align:justify;">елдің оңтүстігінде және оңтүстік-шығысында ауа температурасы +27...+35°С шамасында сақталады;</li><li style="text-align:justify;">шығысында +32...+39°С дейін жететін ыстық ауа райы сақталады.</li></ul>Фото: freepik.com

37 градус ыстық, жаңбыр мен бұршақ: алдағы үш күнде елімізде күн райы қандай болады

<a href="https://kyzylorda-news.kz/">Kyzylorda-news.kz</a> Мемлекет басшысының тапсырмасына сәйкес, елімізде инвестициялық ахуалды жақсарту және өндірістік әлеуетті дамыту мақсатында инвесторларды қолдау шаралары жүйелі түрде жүзеге асырылуда.Инвесторлардың құқықтарын қорғау, инвестициялық жобаларды сүйемелдеу және олардың іске асырылу барысын зерделеу мақсатында ұйымдастырылған «Инвест керуен» аясында Қызылорда облысы әкімінің орынбасары Ардақ Темірханұлы Зебешев пен Қызылорда облысының прокуроры Ризабек Кәрімұлы Ожаров Жаңақорған және Шиелі аудандарына жұмыс сапарымен барып, өңірде жүзеге асырылып жатқан инвестициялық және өндірістік жобалардың жұмыс барысымен танысты.Жұмыс сапары барысында Жаңақорған ауданындағы «Жан-Арай» ЖШС агроөнеркәсіптік кешені, «Caspian Services Asia» ЖШС жол бойындағы сервистік кешені және «Шалқия Тас» ЖШС өндірістік нысандарының қызметі зерделенді. Сонымен қатар кәсіпорындардың өндірістік әлеуеті мен инвестициялық жобалардың іске асырылу барысы қаралды.Сондай-ақ Шиелі ауданында «Эко Энерджи Плюс» ЖШС-нің көп функционалды жол бойы кешені, «Тесис» ЖШС күн электр станциясы, ЖК «Тұрлыбаев Досжан» күріш өңдеу зауыты және «Transshipment» ЖШС күкірт қышқылын тиеп-түсіру пунктінің жұмысы қаралды.Сапар барысында кәсіпорындардың өндірістік қызметі бағаланып, инвестициялық жобаларды іске асыру кезінде туындайтын мәселелер, өндірістік әлеуетті арттыру және инвесторларға қолайлы жағдай жасау бағытындағы жұмыстар талқыланды.Атап өту қажет, өңірде 2026-2029 жылдары экономиканы әртараптандыру мақсатында жалпы құны 1,9 трлн теңгені құрайтын 48 инвестициялық жобаны іске асыру және 10 мыңнан астам жаңа жұмыс орнын ашу жоспарлануда. Оның ішінде, 2026 жылы құны 100 млрд теңгені құрайтын 21 жобаны іске қосу жоспарлануда.Көрсетілетін мемлекеттік қолдау шаралары мен инвестициялық жобаларды сүйемелдеу жұмыстары өңірдің инвестициялық тартымдылығын арттырып, Қызылорда облысының әлеуметтік-экономикалық дамуына оң серпін береді деп күтілуде.

Жаңақорған және Шиелі аудандарындағы инвестициялық жобалардың жұмысымен танысты

<a href="https://kyzylorda-news.kz/">Kyzylorda-news.kz</a> Қызылорда қаласында із-түзсіз жоғалған 6 жастағы Медина Мұратбекқызының денесі <a href="https://kaz.inform.kz/news/kizilordada-brneshe-kun-burin-zhogalgan-6-zhasar-kizdin-denes-tabildi-31597703">табылды.</a>Облыстық полиция департаменті таратқан алдын ала мәліметке қарағанда қыз баланың денесі «Әйтек» су торабынан ағыспен төмен қарай шамамен 30 шақырым жерден анықталған. Мәйіттен зорлық-зомбылық белгілері анықталған жоқ.Медина Мұратбекқызының 5 маусым күні кешкі уақытта Рисмаш ауданындағы Сырдария өзенінің жағалауында орналасқан бөгет аумағына ойнауға шығып, содан бері үйіне оралмаған болатын. Оны іздестіру жұмысына полиция қызметкерлері, Ұлттық ұлан сарбаздары, төтенше жағдайлар департаментінің мамандары, еріктілер, туыстары және жергілікті тұрғындар жұмылдырылды.Іздестіру шаралары бірнеше күн бойы арнайы техника, дрондар, із кесуші иттер мен сүңгуірлердің қатысуымен жүргізілді. Қазіргі уақытта оқиғаның мән-жайы анықталып жатыр.Фото: Қызылорда облыстық полиция департаменті

Қызылордада бірнеше күн бұрын жоғалған 6 жасар қыздың денесі табылды 

<a href="https://kyzylorda-news.kz/">Kyzylorda-news.kz</a> Облыс әкімі Мұрат Ергешбаев, облыстық мәслихат төрағасы Мұрат Тлеумбетов және ел ағалары Қазалы ауданындағы «Қарлаң» көпірінің құрылысымен танысты.<img src="https://knadmin.beoblood.kz/uploads/arla_k_pirini_rylysy_keze_keze_imen_zh_rgizilude3_ce54c51845.jpg" alt="Қарлаң көпірінің құрылысы кезең-кезеңімен жүргізілуде3.jpg">«Қазалы–Қожабақы–Бозкөл–Кәукей» автомобиль жолының 16-шақырымында орналасқан Қарлаң учаскесіндегі Сырдария өзені арқылы өтетін темір-бетон көпір құрылысы қарқынды жүргізілуде.Жоба өңірдің көлік инфрақұрылымын дамытуға, елді мекендер арасындағы қатынасты жақсартуға және жол қауіпсіздігін арттыруға бағытталған.<img src="https://knadmin.beoblood.kz/uploads/arla_k_pirini_rylysy_keze_keze_imen_zh_rgizilude2_433b193c75.jpg" alt="Қарлаң көпірінің құрылысы кезең-кезеңімен жүргізілуде2.jpg">«Нұрлы-Тау ЛТД» серіктестігі салып жатқан көпірдің ұзындығы – 248,29 метр, 6,3 млрд теңге бөлінген. Құрылыс жұмыстары кезең-кезеңімен жүргізілуде. Толық аяқталғаннан кейін ауданаралық көлік қатынасы тұрақтанып, логистикалық байланыс едәуір жақсарады.Облыс әкімі құрылыс сапасын назарда ұстап, белгіленген кестеге сәйкес аяқтаудың маңызын атап өтті. Мердігер мекемеге барлық талапты қатаң сақтай отырып, көпірді уақытылы пайдалануға беру міндеті жүктелді.<img src="https://knadmin.beoblood.kz/uploads/arla_k_pirini_rylysy_keze_keze_imen_zh_rgizilude_3fd3b6daae.jpg" alt="Қарлаң көпірінің құрылысы кезең-кезеңімен жүргізілуде.jpg">Айта кетейік, «Қарлан» көпірінің құрылысы аяқталғаннан кейін Өркендеу, Бірлік, Қожабақы, Аранды, Бозкөл, Тасөткел, Лақалы, Ажар, Тасарық және Кәукей елді мекеніндегі 10 мыңнан астам халықтың алыс-берісі артып, жол қатынасы жақсара түспек.Фото: Қызылорда облысы әкімінің баспасөз қызметі&nbsp;

«Қарлаң» көпірінің құрылысы кезең-кезеңімен жүргізілуде

<a href="https://kyzylorda-news.kz/">Kyzylorda-news.kz</a> Облыс әкімі Мұрат Ергешбаев, облыстық мәслихат төрағасы Мұрат Тлеумбетов, мәслихат депутаттары, зиялы қауым өкілдері мен ардагерлер Арал ауданы Абай елді мекеніне ауызсу қосу рәсіміне қатысты.Жоба Мемлекет басшысының тапсырмасымен мемлекетке қайтарылған актив қаражаты есебінен 8 млрд. теңгеден астам қаржыға жүзеге асты.<img src="https://knadmin.beoblood.kz/uploads/Aral_audany_Abaj_eldi_mekenine_auyzsu_zhetkizildi1_22f88554d6.jpg" alt="Арал ауданы Абай елді мекеніне ауызсу жеткізілді1.jpg">Аймақ басшысы ауыл тұрғындарын құттықтап, өңірдің әлеуметтік-экономикалық дамуындағы жетістіктерді атап өтті.<blockquote>«Мемлекет басшысының, Үкіметтің қолдауымен, Нұрлыбек Машбекұлының тиімді ұйымдастыруымен облыс бюджеті 809 млрд теңгеге жетіп, 2021 жылмен салыстырғанда 2 есе ұлғайды.Даму бюджеті соңғы 4 жылда 4,3 есеге артты. Бұл қаражат аймағымыздың ең өзекті мәселелерін шешуге, ауқымды инфрақұрылымдық жобаларды іске асыруға, тұрғындардың өмір сүру сапасын жақсартуға бағытталды. Бүгінде облыс тұрғындары 100 пайыз орталықтандырылған сапалы ауызсумен қамтылған. Жыл соңына дейін 10 елді мекенді газдандырып, халықты көгілдір отынмен қамту деңгейін 85 пайызға жеткіземіз. Таза ауызсу ауылдықтардың тұрмыс сапасына, әлеуметтік жағдайын жақсартуға оң әсер етеді деп сенеміз. Игілік барша отбасына бақыт пен шаттық әкелсін! Еліміз аман, жұртымыз тыныш болсын», - деді Мұрат Нәлқожаұлы.</blockquote>Шарада қоғам қайраткері Имамадин Оңғарбаев сөз сөйлеп, ел ағасы Иманбай Әйтімов ақ батасын берді.Ауданның әлеуметтік-экономикалық дамуына елеулі үлес қосқан азаматтар мен ауылға ауыз су тартқан мердігер мекеме қызметкерлері облыс әкімінің Алғыс хатымен марапатталды.<img src="https://knadmin.beoblood.kz/uploads/Aral_audany_Abaj_eldi_mekenine_auyzsu_zhetkizildi_3bc72e4de1.jpg" alt="Арал ауданы Абай елді мекеніне ауызсу жеткізілді.jpg">Бүгінде Абай елді мекеніне дейінгі 51 шақырым және елді мекенішілік 32,9 шақырым ауызсу желісі тартылып, 297 су құдығы орнатылды.Сонымен қатар, әлеуметтік нысандар мен тұрғын үйлерге су апару үшін 400 шығару нүктесі монтаждалды.Енді Абай елді мекенінің тұрғындары сапалы ауызсумен тұрақты қамтамасыз етіледі.Фото: &nbsp;Қызылорда облысы әкімінің баспасөз қызметі&nbsp;

Арал ауданы Абай елді мекеніне ауызсу жеткізілді

<a href="https://kyzylorda-news.kz/">Kyzylorda-news.kz</a> Сырдария ауданында облыстық Қазақстан халқы Ассамблеясы жанындағы Аналар кеңесінің ұйымдастыруымен «Мәдениетті ана – мәдениетті ұлт» тақырыбында кездесу өтті. Отбасы институтын нығайту, ананың қоғамдағы мәртебесін арттыру және ұрпақ тәрбиесіндегі ұлттық құндылықтарды жаңғыртуды мақсат еткен шара халықпен ашық пікір алмасу алаңына айналды.Кездесу алдында облыстық Аналар кеңесінің мүшелері аудан тұрғындарын жеке қабылдап, олардың өзекті мәселелері мен ұсыныс-пікірлерін тыңдады.Одан кейін аудан жұртшылығы, зиялы қауым өкілдері мен қоғамдық ұйым мүшелерінің қатысуымен кеңейтілген жиын өтіп, отбасы құндылықтарын дәріптеу мен ұрпақ тәрбиесіндегі ананың рөлі жан-жақты талқыланды.Жиында облыстық Аналар кеңесінің төрағасы Айгүл Мұсабаева қазіргі қоғамдағы аналардың әлеуметтік жауапкершілігі мен парасаты ұлт болашағын айқындайтын маңызды фактор екенін атап өтті.Ал «Praktikos» Еуразиялық заңгерлер және медиаторлар одағы» республикалық қоғамдық бірлестігінің Қызылорда облысы бойынша филиалының директоры, ҚХА жанындағы Медиация кеңесінің төрағасы, облыстық Аналар кеңесінің мүшесі Жанна Мирамбекқызы отбасылық татулықты сақтау, тұрмыстық жанжалдардың алдын алу және аналардың мәмілегерлік рөлі туралы тәжірибелік мысалдармен бөлісті.Қызылорда облыстық қоғамдық даму басқармасының «Қоғамдық келісім және тіл орталығы» КММ бөлім басшысы, облыстық ақпараттық-түсіндіру тобының мүшесі Жанболат Досмаханов қоғамдағы тұрақтылық пен келісімнің негізі отбасында қаланатынын атап өтіп, ұлттық тәрбиені жас ұрпақтың бойына сіңірудің маңыздылығына тоқталды.Шара барысында аудандық Аналар кеңесінің төрағасы өңірде атқарылып жатқан жұмыстар мен отбасы институтын нығайтуға бағытталған бастамалар туралы баяндады.Кездесу соңында қатысушылар еркін форматта пікір алмасып, қыз бала тәрбиесі, отбасыдағы рухани-адамгершілік құндылықтар және ұрпақ сабақтастығы мәселелері төңірегінде өз ойларын ортаға салды. Тұрғындар тарапынан қойылған сұрақтарға мамандар тарапынан нақты әрі мазмұнды жауаптар берілді.Көшпелі кездесу аясында көпбалалы және әлеуметтік қолдауды қажет ететін отбасыларға қайырымдылық көмек көрсетілді.&nbsp;

Сырдарияда отбасы құндылықтары мен ұрпақ тәрбиесі талқыланды

<a href="https://kyzylorda-news.kz/">Kyzylorda-news.kz</a> Облыс әкімі Мұрат Ергешбаев, облыстық мәслихат төрағасы Мұрат Тлеумбетов және ел ағалары Қазалы ауданына жұмыс сапары аясында Жанкент ауылының тұрғындарымен кездесіп, “Руханият орталығында" аудан активін өткізді.Кездесуде өңірдің әлеуметтік-экономикалық даму көрсеткіштері мен алдағы негізгі міндеттер талқыланды.Аймақ басшысы аудан әкімдігіне инвестиция тарту жұмыстарын жандандыруды, су үнемдеу технологияларын тиімді пайдалануды, құрылыс сапасы мен мерзімін қатаң бақылауды, инфрақұрылымдық жобалардың уақытылы аяқталуын қадағалауды тапсырды.Соңғы төрт жылда Қазалы ауданында 280 пәтер тұрғындар игілігіне берілді. Осы ретте салаға жетекшілік ететін аудан әкімінің орынбасары мен құрылыс бөлімінің басшысы тұрғын үйлер мен әлеуметтік нысандар құрылысының сапасына ерекше назар аударып, тұрақты бақылауы қажет.Қазалы ауданын газдандыру деңгейі бүгінде 75 пайызға жеткен. Биыл Жанқожа батыр, Бекарыстан би, Майдакөл және Түктібаев елді мекендерін газдандыруға республикалық бюджеттен 680 млн теңге бөлініп, жұмыс басталды. Сонымен қатар құжаттары дайын алты ауылды газдандыру жобасын энергетика және тұрғын үй-коммуналдық шаруашылық басқармасымен, салалық министрліктермен бірлесіп үйлестіру тапсырылды.Аудандағы маңызды инфрақұрылымдық жобалардың бірі – «Қарлаң» көпірінің құрылысы. Былтыр оған 6,3 млрд теңге, биыл облыстық бюджеттен 2,2 млрд теңге бөлініп, жұмыс жоспарға сәйкес жүргізілуде. Мұрат Нәлқожаұлы жауапты сала басшыларына жұмыс барысын тұрақты бақылауды, белгіленген мерзімде пайдалануға беруді тапсырды.Әрі қарай аймақ басшысы “Руханият орталығында" ауданның белсенді жастарымен кездесіп, олардың тың жобаларымен танысты.Фото: Қызылорда облысы әкімінің баспасөз қызметі&nbsp;

Қазалы ауданындағы инфрақұрылымдық жобалар қарқыны сараланды

<a href="https://kyzylorda-news.kz/">Kyzylorda-news.kz</a> Облыс әкімінің орынбасары Ардақ Зебешев, облыс әкімінің орынбасары, Қазақстан Республикасы Президентінің «Байқоңыр» кешеніндегі арнаулы өкілі Қайрат Нұртай, қала әкімі Нұржан Ахатов Қызылорда қаласына арнайы келген әлемге танымал блогерлер Дастан Мұхамедрахым мен Джо Хаттабқа (HATAB JEHAD JAMAL TAWFIQ) қайта жаңғыртылған Президент саябағын таныстырды.Қала тұрғындары мен қонақтарының сүйікті демалыс орындарының біріне айналған Президент саябағының аумағында заманауи субұрқақтар, амфитеатр, спорт және ойын алаңдары, би және шахмат аймақтары, баскетбол мен футбол алаңдары орналасқан. Сондай-ақ мұнда биіктігі 50 метрлік айналмалы шолу дөңгелегі, велосипед және жүгіру жолақтары, санитарлық пункттер салынған.Жалпы аумағы 31 гектар саябаққа 2 мыңнан астам ағаш, 50 мыңнан астам сәндік бұта және 17 түрлі көпжылдық гүл егілген.<img src="https://knadmin.beoblood.kz/uploads/lemge_tanymal_blogerler_yzylordada_Y_Prezident_sayaba_ymen_tanysty_1d1939405b.jpg" alt="Әлемге танымал блогерлер ҚызылордадағЫ Президент саябағымен танысты.jpg">Саябақ аумағын тиімді пайдалану мақсатында бірқатар маңызды жоба жүзеге асырылуда. Атап айтқанда, 300 орындық заманауи балалар лагері мен Ботаникалық білім беру орталығы пайдалануға берілген. Сонымен қатар 8,2 гектар аумақта тоғыз қабатты 15 тұрғын үй салынып жатыр. Бұдан бөлек, 200 төсектік жаңа перинаталдық орталық, жаңа драма театр және заманауи Президенттік кітапхана бой көтеруде.Кездесуде қонақтарға өңірдің туристік әлеуеті, Қызылорданың әлеуметтік-экономикалық даму қарқыны және қаладағы ауқымды инфрақұрылымдық жобалар таныстырылды.Айта кетейік, Джо Хаттаб – халықаралық деңгейде кеңінен танылған араб тревел-документалисі, режиссер, бейнеграф және YouTube блогері. Қазіргі уақытта оның әлеуметтік желілердегі жалпы аудиториясы 25 миллионнан асады.<img src="https://knadmin.beoblood.kz/uploads/lemge_tanymal_blogerler_yzylordada_Y_Prezident_sayaba_ymen_tanysty1_dd26cee749.jpg" alt="Әлемге танымал блогерлер ҚызылордадағЫ Президент саябағымен танысты1.jpg">Ол жай ғана туристік орындарды таныстыратын блогер емес, деректі фильмдер түсіретін контент авторы ретінде танымал. Шығармашылығының негізгі бағыты – сирек мәдениеттер мен әлемнің шалғай өңірлеріндегі адамдардың өмірін көрсету. Джо Хаттаб Эверест тауларындағы шерпалардың тұрмысы, Амазонка джунглилеріндегі тайпалардың өмір салты, сондай-ақ әлемдегі ең оқшауланған мемлекеттердің бірі саналатын Солтүстік Корея мен Куба туралы бірегей жобалар әзірлеген.Сонымен қатар ол түрлі елдердегі ерекше кәсіп иелерінің өмірін, тағдырлы адамдардың оқиғаларын және экология, кедейлік секілді жаһандық мәселелерді арқау еткен деректі фильмдерімен танылған. Блогердің Joe Hattab Production жеке медиа өндірістік компаниясы жұмыс істейді. Ол түсірілім барысында ең заманауи техникалар мен дрондарды пайдаланып, бейнематериалдарына кинематографиялық стиль береді.<img src="https://knadmin.beoblood.kz/uploads/lemge_tanymal_blogerler_yzylordada_Y_Prezident_sayaba_ymen_tanysty3_96d17ba9d2.jpg" alt="Әлемге танымал блогерлер ҚызылордадағЫ Президент саябағымен танысты3.jpg">Джо Хаттаб халықаралық деңгейдегі бірқатар ірі компаниялардың, атап айтқанда Sony, Emirates, Samsung, Facebook және Google брендтерінің ресми амбассадоры болған. Оның Қазақстан, Сауд Арабиясы және Жапония туралы түсірген бейнежобалары халықаралық аудиторияның қызығушылығын арттырып, аталған елдерге шетелдік туристер ағынының көбеюіне ықпал еткен.Алдағы екі күнде танымал блогерлер Қармақшы ауданындағы Қорқыт ата мемориалдық кешеніне бармақ. Сондай-ақ, Байқоңыр ғарыш айлағында деректі фильм түсіруді жоспарлауда.Фото:&nbsp;Қызылорда облысы әкімінің баспасөз қызметі

Қазақстан және Қызылорда облысының жаңалықтары: Қоғам