«Ауыл аманаты»:  Биыл ауданда 87 жоба жүзеге асырылды

<a href="https://kyzylorda-news.kz/">Kyzylorda-news.kz</a>&nbsp; Жергілікті тұрғын Мәншүк Қабылбаеваның мақта өңдеу кәсібімен айналысқанына екі жыл болған. Жас кәсіпкер халық арасында сұранысқа ие кәсіп түрін бастап, ел игілігі үшін оны табыс көзіне айналдырғаны мәлім.Тереңөзек Мәншүк Қонысбекқызы кәсіпкерлікке ден қою мақсатында әлеуметтік желі арқылы мақта түтетін құрылғыны құрастырып беретін шеберді іздеп келеді. Ондай шеберді Алматы қаласынан табады. Байланыс орнатып, құрылғыны жасатып, оны алдырып, іске қосқанда халыққа пайдалы іс бастағанына қуанады.Шын мәнінде тозығы жеткен мақтаны көп адам қоқысқа тастауға асығатыны мәлім. Ал жарамсыз деп ойлаған мақтаны жақсылап түтетіп алсаңыз көрпе-төсегіңіз жаңарып, әлі талай уақыт сізге қызмет ететініне көзіңіз жетеді. Сондықтан ысырапқа жол бермей, тозды деп ойлаған затыңызды шеберге әкелсеңіз болады. Мәншүк көрпеше секілді төсеніштердің мақтасын түтумен қатар матрац, бесік жасауын да жаңалап, қажет болса көрпе-төсекті көктеп, жаңадан тігіп те береді екен.<blockquote>– Мақта түтуге жаз, күз айларында қыз-келіншектер көп келеді. Мақтаның келісін әдепкіде 200 теңгеден есептедік. Қазір баға өсті, келісіне 300 теңге алып келеміз. Сонымен қатар көрпе-көрпешені көктеп те береміз. Тапсырыс берушінің сұранысы бойынша жаңалап беруге де мүмкіндігім зор. Қолда бар құрылғы мен тігін машинасы электр тоғымен жұмыс істейтіндіктен қызметіміздің бағасын 100 теңгеге көтердік. Тәулігіне 40 келіге дейін мақта түтетін құрылғының күшіне қарай тапсырысты 2-3 күнде дайындап береміз, – дейді жас кәсіпкер.</blockquote>Қара күшті қажет ететін жұмыстың басы-қасында жүріп, сапалы етіп мақта түтету оңай шаруа емес. Көне мақтаның қаншама шаң-тозаңы болатындықтан алдымен оны қағып-сілкіп, кептіру қажет. Сонан соң ғана арнайы құрылғыға бөлшектеп, қолдап отырып салады, түтетеді. Құрылғы мақтаны тұтастай етіп шығаратындықтан, оны көрпешеге салып көктеу ыңғайлы, әрі оңай болатыны сөзсіз.Өз ісінің шебері атанған Мәншүк еңбектенуден ешқашан жалыққан да, шаршаған да емес. Қолы қалт еткенде қосымша табыс ретінде дастархан мәзірін де жасауды кәсіпке айналдырған. Той-ас иелерінің тапсырысымен түрлі дәмділерді пісірудің шебері атанған. Қазір Мәншүк қолынан келетін аспазшылық қызметімен де қатар айналысады. Оның тұрақты тұтынушылары да бар.Мәншүктің мамандығы бағдарламашы болғандықтан өз мамандығы бойынша жұмыс табу оңайға соқпағаны белгілі. Қазір көп жас қолындағы дипломымен жұмыс жасамайды. Сондықтан табылған жұмысты қанағат еткен. Мәншүк те кәсіпкерлікке келмес бұрын еңбек жолын ауруханада техникалық қызметкер болып бастап, қоғамдық негізде бірнеше мекемеде жұмыс істейді. Ай сайынғы жалақының мардымсыздығы жаңа іс бастауға себепкер болады. Көп ұзамай кәсіпкерлікке ден қою мақсатында аудан орталығынан ашылған «Әдемі» тігін шеберханасында жұмыс істейді. Тігінші Нұрсұлу Ажарованың оқу курсынан өтіп, тігінге машықтанады. Қазір Мәншүк өз ісіне машықтанған, кәсібі бар нағыз шеберге айналды.Шебердің айтуынша әрбір қыз бала үйдің көрпе-төсегіне мән беруі керек. Келген мейман отырған жеріне, төселген төсенішке қарайды. Сондықтан әдемі етіп тігілген, әрі жұмсақ етіп жайылған көрпеше ол үй иесінің айнасы, әрі абыройы.<blockquote>– Мен бала кезімнен қолөнерге жақын болдым. Анам Раушан Тайшықова тігінші, Қызылорда қаласында тұрады, үйден тігін тігеді. Сіңілім Кәмшат та тігінші. Байқоңырда өз кәсібін жасап отыр. Қазір екі қолды қалтаға салып отыратын уақыт емес. Мемлекеттен берілетін грантты алудың жолын іздеп, кәсібімді кеңейткім келеді. Жылдың барлық мезгілінде жұмыс істейтін цех ашып, мақта түтетін құрылғының жұмыс күшін көбейткім келеді. Сонымен қатар көрпе көктейтін құрылғы алу да жоспарымда бар. Қазір тек кенттен ғана емес, жақын ауылдардан да келіп, мақтасын жаңартқысы келетіндер көп. Әзірге жолдасым Болат көмектеседі. Тапсырыс болғанда неғұрлым аз уақытта орындап беруге тырысамыз, – дейді кәсіптің тың түрін тапқан келіншек.</blockquote>Бойындағы талабы мен ізденісін ұштастырып, қажыр-қайратын жұмсап, өз ісін ерекше ынта-ықыласпен жасайтын Мәншүк адал еңбектің нанын тауып келеді.

Сырдария: Кәсіпкер отбасылық бизнесті қолға алды

Қазалыда кәсіпкерлік қарқынды дамуда

Қазалыда шаруасы ширақ ауыл бар

<a href="https://kyzylorda-news.kz/">Kyzylorda-news.kz</a>&nbsp; «Шаш сәндеу, киім тігу – әйелдің жұмысы, ол еркекке қол емес» деген сірескен тіркестің дәурені өткен. Ұнатқан тірлігімен айналысу жынысына қарамай кез келген адамға жарасса керек. Біздің бүгінгі қос кейіпкеріміз көңіліне жаққан кәсіптің арқасында тұтынушының да ойынан шығып, табыс та тауып жүр.28 жастағы қызылордалық hair стилист Абылайхан Жұмағұл қыз-келіншектер қауымына Абоня есімімен жақсы таныс. Ол сегіз жылдан бері 25 мыңдай адамның түрленгеніне куә болды. Кейіпкеріміз бала күнінде биші болуды армандапты.<blockquote>– 9 сыныптан соң колледжде оқыдым. Оны бітіргесін жұмыс таппай біраз жүрдім. Кейін хореограф мамандығы бойынша мемлекеттік грантпен оқуға түстім. Бірақ биге қызығушылығым басылып қалды. Оның үстіне өте ұялшақ едім. Бір жылдан кейін оқудан шығып, ауылға қайттым. Өзім сияқты жас жігіттердің шаштараз боп жүргенін әлеуметтік желіден көріп, ынтам оянды. Ауылда қара жұмыс істеп тапқан ақшамды оқуға жұмсап, жұмысқа орналастым, – деді ол.</blockquote>Тәжірибе жоқ, жұмысты енді бастаған кезде оңайлықпен клиент таба қоймайтын шебердің қазір бос уақыты жоқ. Ай сайын шамамен 250-300 нәзік жандының шашын сәндеп, алғысын алады.<blockquote>– Әйел адамдар шашын көбіне үйде өздері бояп алады. Күтім болмағасын шаш ерте ағарады. Сол кезде ғана бізге келеді. Ондай шашты қалпына келтірудің машақаты көп, ұзақ уақыт алады, – деді Абылайхан Жұмағұл.</blockquote>Кейіпкеріміз ең қиыны – шаш бояу, онда да клиенттің ойындағы түске келтіру екенін жеткізді. Оған 4-5 сағатын сарп етеді.<blockquote>– Көп адам салонға келгенге дейінгі және келгеннен кейінгі түрін көріп, көзі жайнап кетеді. Мен өзімді өзім мақтап, клиенттен бетер риза боламын, – деді шаш сәндеу шебері.</blockquote>Ол біраз уақыт бұрын өз күшімен жеке сән салонын ашты. Бұрыннан үйренген клиенттері шеберді енді сонда іздеп барып жүр. Ал ине-жіпке жақын жігіттердің бірі – Нұрғиса Назар, жасы небәрі 24-те. Кейіпкеріміздің тігін өнеріне қызығушылығын оятқан нағашы әжесі. Оның тігін мәшинесін зырылдатып отыратынын көрген бала Нұрғиса үшін есейген соң өз бағытын табу қиын болмаған сияқты. Қызылордадағы колледждердің бірінен дизайнер мамандығын меңгеріп шықты. Хас шеберлерден дәріс алып, өзін шыңдай түсті. Бүгінде стилист маман. Негізгі жұмысынан босағанда тігін мәшинесін тізгіндейді. Жас та болса жетістіктері бір төбе.<blockquote>– «Кәмшат» ательесінен тағылымдамадан өтіп, «Торғын киіз» коллекциясын жарыққа шығардық. Бұл – «Сән мен сахна» байқауында жеңіске жеткен топтамалардың бірі. Қолөнер орталығында «Aspara Fashion Week» сән апталығына арналған стилист маман ретінде топтамамен жұмыс істедім. «Raffine» ательесімен бірге «Қазақ аруы» байқауының өңірлік «Сыр аруы» байқауында қатысушыларға арнайы образдар дайындадық. Ал осы жылы «Сыр аруы» байқауына арнап тігілген «Urban Nomads» немесе «Қала көшпенділері» &nbsp;топтамасын шығардым», – деді ол.</blockquote>Әйтсе де, өзі үшін ең қымбаты анасы мен әжесіне арнап тіккен көйлектер деп есептейді.<blockquote>– Анама трапеция пішіндес көйлек тігіп бергенмін. Жеңіне інжу тас түріндегі түйме тағылған. Анамның есімі – Маржан, сол себепті інжу-маржан түйме іздедім. Сол көйлек әлі бар. Жүрген жерінде «балам тігіп берген» деп айтып жүреді. Жазғы штапель көйлек тігіп бергенімде әжем де балаша қуанған, – деді кейіпкеріміз.</blockquote>Сыныптасы әрі группаласының ұзату тойына арнап тіккен көйлегі мен кәжекей-қамзолы да бойжеткеннің өміріндегі ең үлкен сый еді. Ол Нұрғисаның кәсіптік жолындағы өте маңызды жобаның бірі болды. Бірақ әлі күнге дейін өзіне арнап киім тікпепті. Енді осы олқылықтың орнын толтырғысы келеді.<blockquote>– Жалпы менің стилім сахналық киімдерге келмейді. Концептуалды «Street style» үлгісімен образ жасаймын. Бірегей жобалар жөнінде ұсыныс түссе, қарастыруға дайынмын, – деді стилист.</blockquote>Киімнің бастан-аяқ дайын болуы оның күрделілігіне байланысты. Кейде бір аптаға созылады, кейде шабытпен бір күнде аяқталатын жұмыстар болады. Ал барынша үлкен жылдамдықпен тігу 2-3 күн уақыт алады.<blockquote>– Тігін процесі үйде, шеберхана ретінде құрылған бөлмеде өтеді. Тігін тігуде жарықтың маңызы өте үлкен. Сол себепті арнайы жарықпен жабдықталған бөлмеде ойымдағы туындыларды жүзеге асырумен айналысамын. Қазіргі күні цех секілді масштабқа ұмтылып жатырмын, – деді кейіпкеріміз. &nbsp;</blockquote>

Көңіліне жаққан кәсіпті меңгерген жастар табысты

<a href="https://kyzylorda-news.kz/">Kyzylorda-news.kz</a>&nbsp; Аймағымызда соңғы жылдары шағын және орта бизнес нысандары &nbsp;көптеп ашылып отыр. Бұл – облыстың кәсіпкерлік әлеуеті даму көрсеткішінің республика бойынша алдыңғы қатарда тұрғандығының айғағы.Шағын және орта бизнесті дамытуға арналған «Бизнестің жол картасы 2020» мемлекеттік бағдарламасы аясында Қызылорда қаласында алғаш рет құрама жем шығаратын зауыт іске қосылды.&nbsp;«Жан-Арай Жем» ЖШС – жем шығару өндірісін қолға алып, облыс бойынша осы бағыттағы зауыт ашқан алғашқы компания. Серіктестіктің аймағымызда ауылшаруашылығын дамытуға қосып отырған үлесі айтарлықтай.<blockquote>Серіктестік күріш өндірісімен және халықаралық стандарттарға сай күріш жармасын қайта өңдеумен, сондай-ақ, түйіршіктелген құрама жем &nbsp;өндірісімен айналысады. Зауыт директоры Бақдаулет Махашевтың айтуынша, елдегі кәсіпкерлікті дамытуға бағытталған бағдарламалардың сәтті жұмыс жасауы – мемлекет қолдауының жоғары деңгейде екенін көрсетеді. «Жем шығарумен айналысуды біраз жыл &nbsp;жоспарлағаным рас, сол салада тұрақтап қалу үшін жергілікті нарықты да зерттедім. Облысымызда жем өнімін шығару қолға алынбағанын білген соң, «Даму» Қорының кепілдендіруі арқасында тиімді шарттармен несие алдым. Бүгінгі таңда кәсіпкер-лерге айтарым – аянбай еңбектену және максималды түрде мемлекеттік бағдарламаға қатысу», – дейді серіктестік басшысы.</blockquote>Серіктестікте агроиндустриалдық &nbsp;кешенді &nbsp;құру бойынша &nbsp;көптеген &nbsp;жұмыстар жүргізілген.Агроиндустриялық кешеннің басты міндеті Аграрлық Өңірлік Кәсіптік саласындағы барлық ірі жобаларды, бірыңғай кешен ретінде шоғырландыру, бұл осы салада мультипликативтік әсер береді.Кешен екі зауыттан тұрады, оның бірі – қуаттылығы тәулігіне 150 тонналық, оңтүстіккорейлік күріш өңдеу зауыты. Ол жоғары, сапалы экспортталатын күріш көлемін арттыруға арналған. Екіншісі – өңірде мал шаруашылығы, құс шаруашылығы және тауарлы балық шаруашылығы, салаларының дамуын ынталандыруға мүмкіндік беретін, жылына, қуаттылығы 20 мың тонна түйіршіктелген құрама жем өндіретін, соңғы технологиямен жабдықталған еуропалық зауыт. Бұл зауыт бүгінде 5 түрлі жем өнімдерін шығарып, облысымыздың барлық шаруашылықтарын қамтамасыз етумен қатар, экспортқа да жем шығаруға дайын.Аталған жобалар бойынша, қазіргі таңда 100-ден аса адам тұрақты жұмыс-пен қамтылған.&nbsp;«Жан-Арай» ЖШС Агроөнеркәсіп кешені жаңадан өндіріс көздерін ашу және кәсіпкерліктің пайдалы жағымен айналысу жұмыстарын да қолға алуда. Сондықтан қосымша цехтар ашуды межелеген. Алдағы уақытта серіктестіктің қаптама цехы, күріш ботқасын шығаратын консерві цехы, күріш ұнынан шығаратын лапша цехы, макарон өнімдерін шығаратын цех, ұн дирмені, нан және тәтті тоқаш шығаратын цехы өз жұмысын бастамақ.Осы жоғарыда аталған жобаны іске асыру үшін &nbsp;2 млрд. 600 миллион теңгенің қаражаты жұмсау көзделген. Демек, осы алты түрлі цех жұмыс істей бастаса, серіктестік тағы да ондаған адамды тұрақты жұмыспен қамтитын болады.&nbsp;Аймақтың мал шаруашылығының дамуына серпіліс беретін нысанның ашы-луы облысқа сырттан жеткізілетін құрама жемнің көлемін азайтуға септеседі. &nbsp; Зауыт аумағында сонымен қатар күнделікті қуаты 150 тонна болатын күріш өңдеумен &nbsp;айналысатын құрал-жабдықтар және шикізат пен дайын өнімді сақтайтын қойма, автотаразы, зертхана мен қаптама цехы орналасқан. Осы технологиялық желіден шыққан егін қалдығы мал және құс шаруашылығына қажетті жем өндірісіне қолданылады. Құрал-жабдықтар бұл салада алға озған Германиядан жеткізіліп, арнайы мамандардың қондырумен іске қосыған.Бұл зауыт бүгінгі таңда тәулігіне 100 тонна күрішті – «ақмаржан», «лидер» және «янтарь» сұрыптарын барлық технологиялық талаптарға сай терең өңдеуден өтікізіп, кіші және үлкен қаптамаларға салып, ішкі және сыртқы саудаға шығару жұмыстарымен &nbsp;айналысады.Күріш ақтайтын зауыт ақ күріштен басқа да өнім түрлерін шығарады, атап айтсақ күріш, ақ ұнтақ, қүрмек және кебек, қазіргі кезде күріш өңдейтін зауыт 66 процент қуаттылықта жұмыс атқарып тұр, келешекте толық қуаттылықта жұмыс атқаруға да мүмкіндігі жетеді.«Жан-Арай» десе қызылордалықтардың көз алдына жарқыраған келбетті кешен келеді. Бұлай болуы бекер емес, кешенде 500 адамдық мейрамхана, оқу орны, конференц залы, қонақ үйі бар. Осы әсем құрылысқа 730 млн. теңге қаражат жұмсалған. Соңғы үлгіде салынған халыққа қызмет көрсету кешені бүгінде 70 адамды жұмыспен қамтып, оған қоса қызылордалықтардың мәдени шараларын өткізуге арналған таптырмас орынға айналды.«Жан-Арайдың» қайырымдылық қадамдары да арнайы бір тақырып. 2018 &nbsp;туған жері Жаңақорған ауданы Төменарық ауылында Қазақ хандығының ХVІ ғасырдың екінші жартысындағы ханы Хақназардың қолбасшысы болған, белгілі &nbsp;қазақ батыры Қожамбердінің ерлігін ұлықтап, батыр бабаның ескерткішін орнатты. Ол &nbsp;осы сауапты іске өзінің жеке қаражатынан 130 млн. теңге жұмсаған. &nbsp;Мұнымен бірге «Батыс Қытай – Батыс Еуропа» жолының бойынан тұрғызылған ескерткіш аумағынан 10 гектар жерге алма бағын отырғызу жұмыстары жүргізілуде. &nbsp;Әлеуметтік әріптестік шеңберінде, серіктестік өзі құрылған кезеңнен бастап &nbsp;әлеуметтік &nbsp;салаға &nbsp;ерекше &nbsp;мән &nbsp;беріп, &nbsp;тұрмысы төмен &nbsp;отбасыларға &nbsp;жыл &nbsp;сайын &nbsp;шамамен &nbsp;5-10 млн теңге &nbsp;көлемінде &nbsp;көмек &nbsp;жасап отыруды алғашқы орынға қойды. Өйткені «жанарайлықтар» берген қолда береке барын жақсы біледі. Серіктестік 2018 жылдың өзінде тұрмысы төмен отбасыларға &nbsp;10 млн. теңгенің жәрдемін көрсетсе, осы жылдың басынан бері тұрмыс жағдайы төмен 100 отбасына қажетті азық-түлік таратып, 2 млн теңгенің қаржылай қолдауын көрсеткен.Сондай-ақ, серіктестік биылғы жылдың 1 сәуірінен бастап өз жұмысшылары мен қызметкерінің еңбек &nbsp;ақысын &nbsp;30 &nbsp;процент-ке &nbsp;көтерген. Мекеме басшының ең басты ұстанымдарының бірі – ұжымның әр мүшесінің әлеуметтік жағдайын назардан тыс қалдырмау. Қазақтың «құлдай қимылда, бидей іш» деген сөзін бірінші кезекке қоятын басшы өз қарамағындағы-лардан тапсырманың орындалуын ғана талап етпейді, олардың жеке жағдайына да &nbsp;жіті қарайды.&nbsp;Б.Махашевтың имандылық, қайырымдылық тұрғысында жасаған мұнан басқа көптеген ізгі ісіне барша ауылдастары үнемі алғыс айтумен келеді.&nbsp; Алғыс арқалаған азамат 2015 жылы &nbsp;Қазақстанның Тәуелсіздік күніне &nbsp;орай «Құрмет» орденімен марапатталды. Бірнеше рет облыс, қала әкімдерінің Құрмет грамоталарын иеленді.2016 жылы кеудесіне «Ауыл шаруашылығы саласының үздігі» төсбелгісін тақты. «Қазақстанның үздік фермері» атағын алды. 2018 &nbsp;жылы Қызылорда қаласының және Жаңақорған ауданының құрметті азаматы атанды.Халқына қызмет қылуды перзенттік парызым деп білген серіктестік басшысы мемлекетіміздің ұлтты ұйыстырып, халықтың береке-бірлігін еселеп отырған, саясатын қолдайды және егеменді еліміздің даңқын асқақтату жолындағы барлық бастамаларға &nbsp;белсенді атсалысуды қалай-ды. Ол бізге өзінің осындай азаматтық ұстанымын анық аңғартты. Мемлекет басшысы Қ.Тоқаевтың Сыр өңірінде болған сапарында &nbsp;«Жан-Арайға» ат басын бұруы да жайдан жай емес. Өйткені, «Жан-Арай» –көпке үлгі қылып көрсететін келелі істердің ордасы, өңірдің қажетін атқарып тұрған өндіріс, «азаматы-на қарап, ауылын таны» деген жер.Алдағы кезеңдерде де зауыттың табысқа жету жолындағы тұрақтылығы арта түсіп, аймақтың энокомикалық дамуына үделі үлес қоса береді деген сенім мол.Дүйсенбек АЯШҰЛЫ&nbsp;

Қызылордада шағын және орта бизнес қарқынды дамуда

&nbsp;<a href="https://kyzylorda-news.kz/">Kyzylorda-news.kz.</a> Қызылордалық кәсіпкер мемлекеттің қолдауымен жайма қақ өндірісін жолға қойды. «Жан-Ұя» цехында түшпара, орама, кеспе, штрули, жайма және басқа да өнімдер дайындалады.Жанар Кенжеғұлова цехта жөндеу жұмыстарын жүргізу мақсатында, сондай-ақ қамыр өндіруге арналған жабдықтар сатып алу үшін «Банк ЦентрКредиттен» АҚ несие алып, «Ұлттық жоба» бағдарламасы аясында субсидиялау түрінде «Даму» Қорының қолдауын алды.Кәсіпкер қаладағы Magnum, Cash&amp;Carry секілді ірі дүкендерін қамтамасыз етуде. Кәсіпорын өнімі жергілікті тұрғындарға қолжетімді бағада «Жан-Ұя» сауда маркасымен сатылуда.<span style="background-color:rgb(246,246,249);color:rgb(102,102,135);font-family:-apple-system, BlinkMacSystemFont, &quot;Segoe UI&quot;, Roboto, Oxygen, Ubuntu, Cantarell, &quot;Open Sans&quot;, &quot;Helvetica Neue&quot;, sans-serif;">Фото: Қалалық кәсіпкерлік бөлімі

Қызылордада «Жан-Ұя» өнімдері дайындалады

<a href="https://kyzylorda-news.kz/">Kyzylorda-news.kz</a> &nbsp;Қойнауы құтқа толы Бекарыстан би ауылының тарихы әріден басталады. Қазалы ауданындағы ең алғаш құрылған ауыл. Қанатының астынан Үрмәш Түктібаев, Майдакөл, Ажар, Жаңақұрылыс, Жалпақ сияқты іргелі бес ауылдың еншісін беріп, бөлек шығарған қасиетті қарашаңырақ. Көзкөргендер Бекарыстан би ауылын қарашаңырақ деп айтатыны да сондықтан. Майдакөл ауылдық округінің құрылғанына биыл бір ғасыр болады. Сырдария өзенінің сол жағалауындағы (күн-батыс беті) орналасқан «Ақжона» жерінің маңынан алты шаруашылық серіктестіктері – Шәуілдір, Қараарық, Ақжона, Палуан, Үлгі бол, Жаңа еңбек, оның ішінде, Ақжона қазіргі Бекарыстан би ауылы құрылған болатын. Олар үш шаруашылық – Октябрь, Қараарық, Жаңатұрмыс артеліне екі колхозға (Октябрь, Жаңатұрмыс) біріктірілген. Ұлы Отан соғысы басталған &nbsp;жылы «Октябрь» колхозы 100-130 отбасынан құрылған елді мекен болды. Октябрь колхозы, Карл Маркс атындағы күріш совхозы болған ауыл 1994 жылы Қазақстан Республикасы Үкіметінің қаулысымен «Бекарыстан би» ауылы болып қайта құрылды.&nbsp; Абдрахман Мәлік, Жаңабергенова Лиза, Ұзақ &nbsp;Оралбаев, Дәуірхан Айдаров «Еңбек Қызыл Ту», &nbsp;Елеу Көшербаев «Ленин», Ешниязов Жетес «Халықтар Достығы» Жанкеев Қуанышбай, Ұзақ Оралбай, Нармағамбетов Сақыбай, Байзақ Жібекәлі, Дәуірхан Айдаров «Құрмет белгісі» ордендерімен марапатталған. Мұнда халық саны – 2865 адамды құрайды. Ауылдың бюджеті басты назарда. – Өз кірістеріміздің жылдық жоспары 5617 мың теңге болса, нақты 7699,8 мың теңгенің түсімі түсіп, жылдық жоспар 137 пайызға орындалды. Әлеуметтік қолдау, жұмыспен қамту бойынша аз қамтамасыз етілген 3 отбасына атаулы әлеуметтік көмек төленді. Округ бойынша – 22 адам тұрақты жұмысқа, маусымдық жұмысқа – 12 адам, 31 адам ақылы қоғамдық жұмысқа, 11 адам жастар тәжірибесіне, 1 адам «Алғашқы жұмыс орны» жобасымен, 11 адам әлеуметтік жұмысқа жіберілді.&nbsp; Білім саласында ілгерілеушілік байқалады. Кеңес Одағының Батыры Үрмәш Түктібаев атындағы №24 мектеп 1976 жылы салынған. Мектепте – 488 оқушы білім алуда. Бұл білім ордасында – 90 педагогикалық қызметкер бар. Оның ішінде, педагог-зерттеуші – 12, педагог-сарапшы – 41, педагог-модератор – 10, І санатты – 4, ІІ санатты – 8 мұғалім жұмыс жасайды. 2022-2023 оқу жылында 11 сыныпты 28 оқушы бітірді. Екі оқушы "Алтын белгі" иеленді. 28 оқушының 23-і ҰБТ-ге қатысып, 17 оқушы жоғары оқу орнына оқуға түсті. 11 оқушы арнаулы оқу орнына оқуға түсті. Мәдениет саласында – жыл басында бекітілген жоспарға сәйкес, 52 мәдени-көпшілік шаралар өткізіліп, 7353 көрермен қамтылды. Спорт жүйесінде – жыл көлемінде ұлттық спорт түрлерінен, волейбол, футбол, түрлерінен жарыстар өткізілді, – дейді Майдакөл ауылдық округінің әкімі Қонысбек Құрманбаев. Айта кеткен жөн, 2022-2023 жылғы Қазалы аудандық Llf әуесқой футбол лигасында ауыл жастарынан құралған "Бекарыстан би" шағын футбол құрамасы 14 команда бақ сынаған додада екінші орында аяқтады. Мектеп ауласындағы ауыл азаматтарының демеушілігімен салынған спорт алаңына ағымдағы жөндеу жұмыстары жүргізілді. Қоршауы екі метрге биіктетілді. Бір қуантарлығы, 2024 жылға Бекарыстан би ауылынан спорт кешенінің құрылысын бастауға 50,0 миллион теңге бөлінді.&nbsp; Кәсіпкерлік көкжиегі көркейіп келеді. Округ бойынша 135 жеке кәсіпкер тіркелген, оның ішінде – 10 заңды тұлға, 24 шаруа қожалық, 101 жеке кәсіпкер бар. Жаңадан 47 кәсіпкерлік субъектісі ретінде тіркелді. Өткен жылы жеке кәсіпкер Ертай Тоқболатов "Сыр Сұлтан" шағын маркетінің құрылысын салып пайдалануға берді. Сонымен қатар, Болатбек Айжігіт "Кілем және көлік жуу" орталығын салып, жұмысын бастады. Мемлекеттік бағдарламалар арқылы құны – 69,6 миллион теңге болатын 15 жоба қаржыландырылды. "Ауыл аманаты" жобасы арқылы 6 адам 27,6 миллион. теңге; "Бизнестің жол картасы-2025" арқылы екі адам &nbsp;4,7 миллион теңге; Атамекен арқылы бір адам 2,7 миллион теңге; «Сырдария-1» жауапкершілігі шектеулі серіктестігі арқылы үш адам, 16,9 миллион теңге алды. Сонымен бірге, «Кең дала» жауапкершілігі шектеулі серіктестігі арқылы 1 адам, 15 миллион теңге; грант (400 АЕК) 2 адам, 2,7 миллион теңге қаржыға қол жеткізді. 2023 жылдың кәсіпкерлік саласындағы басты жаңалығы – "Ауыл аманаты" жобасының жүзеге аса бастауы. 2,5 пайызбен халыққа несие беруді бастады. Бұл жобамен алты тұрғын несие алып, кәсібін дамытты. Ауыл шаруашылығында да біршама даму бар. Округ бойынша – 2593 бас мүйізді ірі қара, 3513 бас жылқы, 74 бас түйе, 5055 бас уақ мал есепке алынды. Халық иелігіндегі барлық мал басы бірдейлендіріліп, компьютерлік базаға енгізілген.&nbsp; Егін шаруашылығында "РЗА Агро" жауапкершілігі шектеулі серіктестігі 750 гектар жерге күріш, 150 гектар жерге жаңа жоңышқа екті. 100 гектар көне жоңышқа күтімге алынған. Ауыл тұрғындары 60 гектар жерге бақша дақылдарын екті. Электермен қамтуға байланысты – өткен жылы аудандық бюджеттен М.Күзембаев, М.Ізмағамбетова, Жетес Ешниязов көшелері толықтай, Ғ.Мұратбаев, Қ.Мәкенов көшелерінің қалған бөлігінің электр желілерін қайта жаңғырту мен жарықтандыру және төрт жаңадан трансформатор қондырғысын орнатуға жоба-сметалық құжаттамасы әзірленіп, сараптамадан өткізілді. Көгілдір отын игілігін көру күні алыс емес. 2024 жылға Ақтан батыр, Жанқожа батыр, Бекарыстан би, Майдакөл, Ү.Түктібаев ауылдарына магистральды газ құбырын жүргізуге республикалық бюджеттен қаржы бөлінді. Ауылды көркейтіп, абаттандыру жұмыстары ұдайы жүргізіліп тұрады. Былтыр ауылға кіре-беріске ауылдың бас қақпасы жасалды. Аркамен ауылға дейінгі аралыққа түнгі жарықтандыру жұмысы жүргізілді.&nbsp; Көркейту-көгалдандыру және абаттандыру, санитарлық тазалық күнтәртібінен түскен емес. Майдакөл ауылдық округте санитарлық тазарту жұмыстары жүйелі түрде жүргізіліп келеді. 27 дана қоқыс жәшігіне жиналған тұрмыстық қатты қалдықтар арнайы орынға шығарылуда. Ағымдағы жылы үш дана қоқыс жәшігі жаңадан алынды. Апта сайын жиналған қоқыстар тиісті орынға шығарылуда. Округ көлеміндегі 15,7 гектар жерге егілген көлеңкелі ағаш күтімге алынған. Аяқ су арықтары тазартылды. Жаңақұрылыс ауылына шығар жол жиегіне 400 метр жерге жасыл белдеу орналастырылды.&nbsp; Алдағы уақыттқа межеленген міндеттерді нақтылап, тиісті шаралар жүзеге асырылады деп күтілуде. Атап айтқанда, №24 мектептің құрылысын салуға жұмыс жүргізу; ауыл орталығындағы "Тәуелсіздік" алаңын абаттандырып, көркейту-көгалдандыру жұмыстарын тұрақты жүргізу; Жетес Ешниязов, М.Күзембаев, Е.Тілеубаев көшелеріне орташа жөндеу жұмыстарын жүргізу; Мемлекеттік бағдарламалар шеңберінде мал тұқымын асылдандыруға, мал басын көбейтуге қол жеткізу; егін шаруашылығын дамыту, оның ішінде, бақша егуге тұрғындарға қолайлы жағдай жасау көзделуде. Сонымен қатар, шағын және орта кәсіпкерлікті дамыту арқылы бюджеттің кіріс бөлігін ұлғайту, жаңа жұмыс орындарын ашу мен ауылдық округте салық салу базасын ұлғайту бағытындағы жұмыстарды ұйымдастыруды қолға алу межеленіп отыр.

Қазалыда кәсіпкерлік көкжиегі көркейіп келеді

<a href="https://kyzylorda-news.kz/">Kyzylorda-news.kz.</a>&nbsp; Көктем келіп күн жылынғаннан айналада құрылыс жұмысы қарқын жүретіні мәлім. Баспана тұрғызғандар үйін сәнді ету үшін құрылыс заттарының барынша заманауи үлгісін таңдайды. Ал үйінің кең көлемде жарық болуын қалағандар пластик терезе жасайтын маманға жүгінеді. Қармақшы ауданында тұрғындардың тапсырысын қабылдап, кәсібін дөңгелетіп отырған Айдос Әбдрахмановты танымайтындар кемде-кем. Оның қолынан құрастырылған пластик терезе өндірісі көпшіліктің баспанасы мен өзге де ғимараттарға өң беріп тұр.Қазір «алма піс, аузыма түс» дейтін кездің ауылы алыстағалы көпшілік кәсіпке бет бұрып, өз бетінше күн көрістің қамын жасауда. Себебі мың құбылған қоғам жұмыссыз жатқанды көтермейді. Кейіпкеріміз жаны қалаған кәсібін 2012 жылы ауданда бастапты. Оған дейін өзге қалада қызмет істеп, тәжірибе жинаған. Елге келген соң өзі жинаған қаражатқа шағын цех ашады.&nbsp;<blockquote>– Жетістікке жетудің басты жолы – ол тәжірибе. Кәсіп бастаймын деп ниет еткендерге осыны айтқым келеді. 2008 жылы Алматы қаласына барып пластик терезе жасауды үйреніп, екі жыл жұмыс істедім. Одан кейін Қызылордаға келіп төрт жігіт бірге осы істі жалғастырдық. Мұнда да жұмысымыз жаман болған жоқ. Тапсырысты барынша уақытында орындап, көптің көңілінен шыға білдік. Осының бәрі үлкен қалада тәжірибе жинап, көріп білгеннің және кәсібімізді шын көңілмен қалап, жақсы көргеннің арқасы деп ойлаймын. Ауылға келген соң әрі қарай да кәсібімді жеке жүргізуіме ешқандай қиыншылық болған жоқ. Осында шағын цех ашып, жан-жақтан өз тұтынушыларымды таптым. Ауданға қарасты Тұрмағамбет, Қуаңдария, Көмекбаев ауылдарынан тапсырыстар жиі түседі. Қазір нағыз құрылыстың қызатын шағы ғой. Бұл уақытта біздің де жұмысымыз тоқтаусыз жүреді, – дейді Айдос Әбдрахманов.</blockquote>Бүгінде кәсіпкер шағын цехын кеңейту үшін «Ауыл аманаты» бағдарламасымен үлкен көлемде жеңілдетілген несие алған. Қаражатқа қосымша автоматтандырылған станоктар алып, жұмысын жүйеге келтірген. Қазіргі таңда бір адамды жұмыспен қамтып отыр. Алдағы уақытта үлкен ғимарат салсам деген жоспары бар.<blockquote>– Пластик терезе жасау бойынша әдепкі кәсіп бастағанда кенттің арғы бетінде бір кісі, бергі бетте мен тұрғындарға бірге қызмет көрсеттік. Қазір осы өнерді меңгергендер баршылық. Жыл өткен сайын пластик терезенің түр-түрі шығып жатыр. Антрацит, қоңыр, күлгін, ақшыл түс қазіргі трендтегі түстер десем болады. Шикізаттың барлығын қаладан алдыртамын. Халық та жаңашылдықты қалап, ұнаған түріне тапсырыс беруде. Мәселен, бір үйдің 4-5 терезесі болса, соны бес күнде бітіріп береміз. Бұрын терезе жасатқан тұтынушыларым қазір қайтадан жаңа түске тапсырыс беруде, – дейді ол.</blockquote>Кәсіп бастаймын деген ниеттілердің бүгінде саны күн санап артып келеді. Алайда «қаржым жетпейді, бизнесімді қалай бастаймын» дейтіндер де жоқ емес. Иә, түлкідей мың құбылған қымбатшылық заманда аяққа тұрып, шаруа жүргізу де оңай емес. Дей тұрғанмен мемлекет тарапынан қолдау білдіретін бағдарламалар демеу болуға әзір. Тек жоспарыңыз нық, мақсатыңыз айқын болсын. &nbsp;

Қармақшылық кәсіпкер аудан тұрғындарының сұранысы сай еңбек етуде

<a href="https://kyzylorda-news.kz/">Kyzylorda-news.kz</a>&nbsp; Қызылорда қаласындағы «Алтын тас» ЖК мекемесінің директоры Нұрбек Тұрғанбеков тас төсеніш пен керамикалық плиталар өндірісін қолға алып, кәсібін дөңгелетіп отыр.Өндіріс цехы 2016 жылы тастакта (брусчатка) шығара бастаған. 2022 жылы «Даму» кәсіпкерлікті дамыту қоры» АҚ арқылы жеңілдетілген несие алып, өндіріс орнын 3 есеге кеңейткен.Қазіргі таңда, цех аумағында пескаблок, тратуальный плитка, бордюр, лоток, люк, цоколь, полифасад өнімдері өндіріліп, тұтынушыларға пайдалануға берілуде.Биыл кәсіп иесі өндіріс көлемін 32 000 ш.м-ден 40 000 ш.м дейін ұлғайтуды көздеуде. Қазіргі уақытта, аталған мекемеде 9 адам тұрақты жұмыспен қамтылған.Аймақта кәсіпкерлерге қолдау көрсету жоғары дәрежеде. Облыстық кәсіпкерлер палатасының мәліметінше, 2023 жылы аймақта шағын және орта кәсіпкерліктің 4716 жобасына 68 млрд теңге сомасында қаржылай қолдау көрсетілген. Атап айтар болсақ, «Кәсіпкерлікті дамытудың ұлттық жобасы» аясында жалпы несие портфелі 31 млрд теңгені құрайтын 837 жоба субсидияланған. Оның ішінде, жалпы несие портфелі 6,1 млрд теңгені құрайтын 235 жоба жас кәсіпкерлердің үлесінде. «Қызылорда» өңірлік инвестициялық орталығы микроқаржы ұйымы арқылы 372 жоба 3 млрд теңгеге қаржыландырылса, оның 12,7 пайызын жас кәсіпкерлер құрайды. Яғни, жас кәсіпкерлердің 52 жобасына 382,4 млн теңге көлемінде қаражат бөлінген. Ал аграрлық несие корпорациясы арқылы жастардың 492 жобасы 2,3 млрд теңгеге қаржыландырылған.Жастар кәсіпкерлігін қолдау – тың идеялардың, инновациялардың, жұмыс орындарын құрудың және азаматтардың өмір сүру сапасын жақсартудың қозғаушы күші. Мұндай шаралар жастар арасында кәсіпкерлік белсенділікті арттыруға септігін тигізіп, елдің экономикалық өсуі мен өркендеуіне ықпал етеді.&nbsp;Қорлан САРЫ

Қызылордалық кәсіпкер керамикалық плиталар өндірісін бастады

<a href="https://kyzylorda-news.kz/">Kyzylorda-news.kz</a> Қалаға қарасты Қарауылтөбе ауылдық округінде құс шаруашылығын қолға алған кәсіп иесімен таныс болыңыз.&nbsp;Құстардың ішінде сағаттап өсетін құс бар. Бейне бір қазақ ертегілеріндегі батырлар сияқты. Бірақ қанша көз ілеспес жылдамдықпен өскенімен, сонша тез қартаяды. Яғни, өмір сүру циклі қысқа. 1,5-2 айдан бастап жұмыртқалай бастайды. Бөдене шаруашылығы – берекелі кәсіптің бірі. Құс шаруашылығының өсімталдығы жағынын тез жетілетін саласы. Қояндарға қарағанда бөденелер екі есе жылдам өсіп жетіледі. Жұмыртқаларды инкубаторға салған сәттен бастап жаңа бөденелердің алғашқы жұмыртқалауына дейінгі толық циклы бар болғаны 45-50 күнді құрайды. Бөденелер 25 күнде қауырсынданады, 30 күнде ересек болады, ал 35-40 күнде жұмыртқалай бастайды. Құс шаруашылығы тез дамитын, әрі тиімді сала. Бұл шаруашылықтың басты ерекшелігі – құстың жұмыртқасы мен еті. Қазіргі таңда экологиялық таза құс өсіру шаруашылығымен айналысатын кәсіпкерлер қатары артып келеді.&nbsp;Бөдене еті мен жұмыртқасы адамға&nbsp; өте пайдалы. Өте жылдам көбейетін бөдене етімен жұмыртқасы витаминдерге бай. Бөдене медицина саласында -демікпе, созылмалы өкпе ауруын, туберкулезді, созылмалы гастрит, асқазан ауруын, өт іріктелетін қалта ауруы мен өт жолдарын, жүрек-қан тамырларының жетіспеушілігін, бранхит, қан аздық және сәуле ауруларын емдеуде қолданылады. Оның&nbsp; жұмыртқасының құрамына кіретін тирозин амин қышқылы косметика саласында ең қат өнім саналады. Оның&nbsp; адам бетінің түсін жақсартуда зор пайдасы бар. Шетелдік биоөндіріс саласында бөдене жұмыртқасының негізінде әртүрлі бетперделер мен кремдер шығарылады.&nbsp;Бөдененің иммунитет жүйесі ағзаларының қорғаныс күштерін зерттеуге ыңғайлы. Тағы бір дәлелденгені, бөдене жұмыртқасы витаминдер мен амин қышқылдарына өте бай, гипоаллергенді. Бөдене жұмыртқаларын жүйелі пайдалану ағзаның әртүрлі ауруларға, оның ішінде түберкулезге қарсы күресуін жоғарылатады. Оларды шикі күйінде пайдалану Чернобыль апатынан сәулелі ауруға ұшыраған балаларға көмектескен. Олар өздерін жақсы сезіне бастаған, мұрындарының қанауы, бас айналулары тоқтап, қандағы гемоглабиндері көбейген. Бөденелердің жұмыртқасында басқа құстарға қарағанда белок көп. Егер тауық жұмыртқасында белок орташа 5,6 пайыз болса,&nbsp; &nbsp;бөденелерде&nbsp; ол 6 пайызды құрайды. Сарыуыздың үлесі тауықтікі сияқты 32 пайызға жуық. Онда қауыз жұмыртқа салмағының 7 пайызын&nbsp; құрайды, ал тауықтарда бұл көрсеткіш 10 пайыздан асады.Кәсіп иесі Нұрлан Смағұлов 2023 жылы көпбалалы әке ретінде мемлекеттік бағдарламаның көмегіне жүгініп, 400 АЕК көлемінде грантқа ие болған. Қаржыға адам ағзасына берер пайдасы мол бөдене шаруашылығын ашып, кәсібін жүргізіп отырғандардың бірі.Қазіргі таңда шаруашылықта ет және жұмыртқа бағытындағы 4 мыңға жуық бөдене құсы бар. Бөдененің балапаны 40-45 күнде жетіліп, жұмыртқа бере бастайды. Күніне 1000-нан аса жұмыртқаны саудаға шығарады.&nbsp;&nbsp;Қорлан САРЫ

Қарауылтөбе тұрғыны бөдене шаруашылығын дамытуда

<a href="https://kyzylorda-news.kz/">Kyzylorda-news.kz.</a> Сырдария ауданында әлеуметтік сала бойынша ауқымды жобалар жүзеге асырылуда. Негізінен, білікті басшы Мақсұт Қаратаев аудандық&nbsp;жұмыспен қамту, әлеуметтік бағдарламалар және азаматтық хал актілерін тіркеу бөлімі сан салаға бөлінген. Өз кезегінде өткен жылы бөлім тарапынын атқарылған жұмыстарға кеңінен тоқталып өтпекпіз.Негізінен, Өңірлік жұмыспен қамтудың жол картасы бойынша 3&nbsp;127 жұмыс орнын ашу жоспарланса, &nbsp;есепті мерзімде 3&nbsp;130 жұмыс орны ашылды. Яғни, орындалуы – 100,1% құрады. Ұлттық жобалар аясында 19 жоба бекітіліп, 63 жұмыс орнын ашу жоспарланса, жыл көлемінде 107 жұмыс орны ашылып, &nbsp;орындалуы 169,8% құрады.ҚР Президенті Қ.Тоқаевтың әрбір 10 мың адамға 100 жаңа жұмыс орнын ашу жөніндегі тапсырмасына сәйкес, 554 жұмыс орнын ашу белгіленсе, жыл көлемінде 620 жұмыс орны ашылған болатын. Айта кетейік, былтыр Атаулы әлеуметтік көмек жыл көлемінде 202 отбасына, &nbsp;яғни 1164 адам тағайындалып, төленді. Өткен жылмен салыстырғанда АӘК алушылар 40,9% азайған. Тұрғын үй көмегі жыл көлемінде 41 отбасына (222 адам) тағайындалып, төленді. Ауылдық елді мекендер мамандарына отын сатып алу үшін жыл көлемінде 2543 адамға тағайындалған мәлім. &nbsp;Мүгедектігі бар балаларды үйде оқытуға жұмсалған шығындарды өтеу қызметі жыл көлемінде 91 балаға берілді.1996 жылғы 1 қаңтарға дейiн республиканың құрметтi атақтарына ие болған 2 азаматқа әлеуметтік көмек жасалды. &nbsp;Мерекелер қарсаңында көмек алған ардагерлер, радиация алған отбасылар, саяси-қуғын сүргіннен зардап шеккендер бойынша жыл көлемінде 206 адам мен 5 отбасы қамтылды. Жекелеген санаттар бойынша әлеуметтік көмекпен жыл көлемінде 61 адам және 11 отбасы &nbsp;толықтай қамтылды.Аудан бойынша жалпы мүгедектігі бар адамдар саны – 1168, оның ішінде I топ – 128, II топ – 318, III топ – 460, 18 жасқа дейінгі &nbsp;мүгедектігі бар &nbsp;балалар – 262-ті құрады. Мүгедектерді оңалтудың жеке бағдарламасы&nbsp;(прот орто.құралдар, сурдо.көмекші.құралдар, тифло.көмекші құралдар, кресло-арбалар, санато-курорт.емделу, жеке көмекші, ымдау тілі, мінд.гиген.құралдар)&nbsp;бойынша қамтылғандар саны 1323 құрады. Жеке оңалту бағдарламасы 100,0 пайызға орындалды.&nbsp;Кедергісіз ортаны қалыптастыру бағытында бейімдеу жұмыстары 13 обьектіге жүргізіліп, «Қолжетімділіктің интерактивті картасына» 13 обьекті бойынша толық мәліметтер енгізіліп, 100 пайызға орындалды.&nbsp;Мүгедектігі бар адамдарды автокөлікпен тасымалдау бойынша әлеуметтік қызметтерді көрсетуге арналған «Инватакси» қызметі бойынша 270 мүгедектен 411 тапсырыс қабылданды.Мүгедектер үшін жұмыс орындарына 10 квота бекітіліп, толығымен жүзеге асырылды. Пробация және бас бостандығынан айыру орындарынан босатылған бойынша жұмыс орындарына 4 квота &nbsp;бекітіліп, толығымен жасалды. Квотадан тыс 10 адам тұрақты жұмысқа орналасты, 7 адам ақылы қоғамдық жұмысқа, 2 адам алғашқы жұмыс орнына жолданды, 2 адам қайтарымсыз грант алды. 2023 жылға мемлекеттік әлеуметтік тапсырыс шеңберінде ардагерлер арасында іс-шаралар (спорттық шаралар, қайырымдылық т.б.) ұйымдастыру бойынша 210 ардагерге құрмет көрсетілді. 2023 жылға мемлекеттік әлеуметтік тапсырыс шеңберінде мүгедектігі бар адамдар арасында іс-шаралар (спорттық шаралар, қайырымдылық, «Мектепке жол» акциясы т.б.) ұйымдастыру бойынша 310 мүгедектігі бар адамдар мен балалар қамтылды. &nbsp;2023 жылға мемлекеттік әлеуметтік тапсырыс шеңберінде бас бостандығынан айыру орындарынан босатылғандар және пробация қызметінде есепте тұратындар арасында іс-шаралар (спорттық-мәдени шаралар, қайырымдылық т.б) ұйымдастыру бойынша 190 адам қамтылды.Фото: pexels

Қазақстан және Қызылорда облысының жаңалықтары: Кәсіпкерлік

«Ауыл аманаты»: Биыл ауданда 87 жоба жүзеге асырылды