&nbsp;<a href="https://kyzylorda-news.kz/">Kyzylorda-news.kz</a>&nbsp; &nbsp;Сырдария ауданы Тереңөзек кентінің азаматы Самат Дәуітханұлы бірнеше айдан бері жеке кәсіпкер ретінде тіркеліп, жергілікті халық игілігі үшін шина монтаждау орталығын ашты. Жас кәсіпкер өз қалтасынан &nbsp;орталықты автокөлік шиналарын жөндеуге арналған құрал-жабдықпен толықтай қамтамасыз еткен. Қазіргі таңда автокөлік дөңгелегінің жүрісін жақсарту мақсатында халыққа сапалы қызмет ұсынатын талапты жас дәнекерлеу жұмысын да іске қосқан болатын.&nbsp; &nbsp; &nbsp; &nbsp; Редакцияның шығармашылық тобы жас кәсіпкердің жұмысымен жан-жақты танысу мақсатымен шина монтаждау орталығына бас сұғып, табан тіреген болатынбыз. Күндігіне он шақты автокөліктің дөңгелегін жөндейтін Самат Дәуітханұлы «Қазақ» және Әлішер Тоқмағамбетов көшесінің қиылысында орналасқан ғимаратты кәсіпкерлік бағытқа негіздеп, жөндеген. Қазақстан теміржол саласында 11 жылдан бері еңбек ететін жас кәсіп иесі осы қызмет түрінің қыр-сырын өзі айтып берді. &nbsp; &nbsp; &nbsp; – Бүгінгі нарық заманында бір орында тоқтап қалуға болмайды. Әрдайым ізденіс үстінде жүріп, табыс көзін еселейтін кәсіпті меңгеруге ұмтылыс қажет. Біз отбасылық шағын бизнесті жандандыруға жанұямызбен бар күш-жүгерімізді салудамыз. Өзімнің асқар тау әкем мен ағам әркез жәрдемдесіп, жан-жақты бағыт-бағдар беріп, жол көрсетуде. Ағам Жасұлан Қашақов – 30 жылдық тәжірибесі бар дәнекерлеуші. Әрі ісіне мығым білікті маманнан әлі үйренерім көп. Автокөлікті және өзге де темір бұйымын дәнеркелейтін шеберге күнделікті келушілердің қатары қалың. Шина монтаждауға керекті құрал-жабдықты алуға 4 миллион теңге қаражат кетті. Аудан тұрғындарына сапалы қызмет көрсетуге дайынбыз, – деді шебер. &nbsp; &nbsp; &nbsp; Жас кәсіпкер Самат Дәуітханұлы – №210 Оспан Әбілпаттаев атындағы орта мектептің түлегі. Ол – отбасында үш ағайынды. Жұбайы Айдана Болатқызымен бірге үш перзент тәрбиелеп отырған үлгілі жанұя. Жаңа кәсібін жетілдіріп, жандандыруға күш салып келе жатқан жас кәсіпкер автокөліктің 4 дөңгелегін 4 мың теңгеге ауыстырып береді. Ал дөңгелек резеңкесін жамату үшін тұтынушы 500 теңгесін жұмсайды. &nbsp;

Шина монтаждау кәсібін жандандырған кәсіпкер

<a href="https://kyzylorda-news.kz/">Kyzylorda-news.kz</a>&nbsp; Облыс әкімінің орынбасары Ардақ Зебешов қала орталығындағы өнеркәсіп саласында жұмыс жасайтын бірқатар нысандардың жұмысымен танысып, туындаған мәселелерін кәсіпорын басшыларымен бірге талқылады.&nbsp;Алдымен төменгі және жоғары қысымдағы полиэтиленнен түрлі диаметрлі құбырлар шығаратын «Қуат» кәсіпорынында болды. Кәсіпорын жылына 5 мың тоннаға дейін шикізатты өңдеуге мүмкіндігі бар. Өндірілетін құбыр өнімдеріндегі Қазақстандық (жергілікті) қамтудың үлесі 67%-ын құрайды. Бұл жақсы көрсеткіш. Өндіріс орнында 40-тан астам жергілікті маман қызмет етеді.&nbsp;Онан кейін «Onmet» серіктестігінің металл өңдеу цехының жұмысымен танысты. Кәсіпорын 2021 жылы іске қосылып, бүгінгі күні тұрақты жұмыс жасауда. Жобаны жүзеге асыру үшін инвестор 400 млн теңге қаражат бөлген. Қазіргі таңда 5 адамды тұрақты жұмыспен қамтуда. Алдағы уақытта кәсіпорын жергілікті тұрғындарға ұсынатын тауар түрлерін арттыруды көздеп отыр.Ардақ Темірханұлының жұмысы «Композиттік құбырлар зауытында» жалғасты. Серіктестік 2017 жылдан бастап шыны талшықты құбырларын шығаруда. Қуаттылығы жылына 120 мың текше метрді құрайды. Бүгінгі күні компания ірі құбыр арматурасын өндірушілер мен тұтынушылардың серіктесі болып табылады. Қытайдың, Еуропаның, Ресейдің жоғары сапалы өнімдер шығаратын ірі зауыттарымен тығыз байланыста. Өнімдер қатаң түрде әлемдік стандарттарына сәйкес жасалады және жоғары әлемдік талаптарға сәйкес келеді. Кәсіпорында 38 маман тұрақты жұмыспен қамтылған.Одан кейін Белкөл кентінде орналасқан «Марал Нұр» серіктестігінің жұмысымен танысты. Кәсіпорыны 2005 жылдан бастап теміржол арқылы жолаушылар тасымалымен айналысатынын, атап айтқанда, Жезқазған-Астана, Қарағанды-Қаражал және Қызылорда-Павлодар бағыттарында жылына 1 млн астам жолушыларды тасымалдап келеді. 19 жылдан бері әлеуметтік маңызды бағытта теміржол тасымалдау жұмысын атқарып келетін мекемеде 250 маман қызмет етеді.&nbsp;Жұмыс барысында кәсіпорын басшысы вагондарды жөндеу үшін Қызылордадан депо ашпақ мақсаты бар екенін және қажетті жабдықтар импортталатын болған соң қымбат болып келетінін жеткізді.&nbsp; Соған орай, кәсіпорын иесі жабдықтарға, қажетті құралдарға жеңілдетілген несие қарастыруды сұрады. Қазіргі таңда, вагон жөндейтін зауыттың құрылысы 80%-ға аяқталған.<blockquote>− Маңызды кәсіпорынның қызметіне тиісті мән беріліп, осы мәселені алдағы уақытта зерттеп, көтерген сұрақтарын қолданыстағы заңнама аясында тиісті органдар арқылы шешуге ықпал жасайтын боламыз, − дейді Ардақ Зебешов.</blockquote>Мұнан кейінгі аялдама «Np Consulting» жауапкершілігі шектеулі серіктестігінің тыныс-тіршілігімен танысу болды. Аталған кәсіпкерлік нысан 2014 жылдан бастап қорғаушы каскаларын және 19 литрлік бөтелкелердің қақпатарын өндіреді. Цех Қытай елінің құрал-жабдығымен жабдықталған және өндірісте неміс технологиясын пайдаланады. Сондай-ақ, шикізатты Ресей елінен тасымалдайды.&nbsp;Бүгінде өндіріс орнында тәулігіне 500 қорғаушы каска, 10 мыңға жуық қақпақ шығаруға мүмкіндік бар. Өнімдерге тұтынушылар тарапынан сұраныс мол, еліміздің барлық өңіріне тасымалдануда.Кездесу нәтижесінда Ардақ Темірханұлы мемлекет тарапынан кәсіпкерлерге берілетін қолдау шаралары туралы түсіндіріп, қолданыстағы заңнама аясында тиісті қолдау шараларын көрсетілетінін мәлімдеді. &nbsp;

Ардақ Зебешов қала орталығындағы бірқатар нысандардың жұмысымен танысты

&nbsp;<a href="https://kyzylorda-news.kz/">Kyzylorda-news.kz</a>&nbsp; Қызылордалық тұрғын Марат Бұханов темірден түйін түйген шебер. Ол темірден түрлі бұйымдар жасайды. Қиял мен шеберлікті ұштастыра отырып тұрмыстық бұйымдар, есіктер мен орындықтар, әткеншектерді ерекше үлгіде жасап береді.Темірді балқытып одан қажетті бұйым жасау халқымыздан бұрыннан келе жатқан кәсіп түрі. Қазіргідей өркениетке қадам басқан кезеңде де бұл өнер маңыздылығын жойған емес. Бабадан жеткен өнерді күні бүгінге дейін жалғап, ұрпақтан ұрпаққа жеткізуші – Марат Бұхаов сынды шеберлер.Кәсіпкер бұл іспен айналысқанына 10 жылдан аса уақыт өткенін айтады. Кейін кәсібін жандандыру мақсатында шағын шеберхана ашып, жұмысын жүргізеді. Бүгінде темір бұйымдарына ккөпшілік арасында сұраныс артқан.&nbsp; &nbsp; &nbsp; &nbsp; – Темірден түрлі бұйым жасағаныма 10 жылдан асты. Алайда жеке кәсібімді ашқаныма 1 жылдан астам уақыт өтті. Қазіргі таңда темірден жасалатын тұрмысқа қажетті бұйымдар сұранысқа ие. Сондықтан жеке ісімді ашып, қолдан келер істі кәсіп көзіне айналдыруды жөн көрдім. Құдайға шүкір, кәсібім берекелі деуге болады. Сұраныс бар жерде, тапсырыста болады. Тұрғындар көбіне есік, әткеншек, қақпа сынды бұйымдарға тапсырыс береді. Оның орындалу мерзімі де бұйымның жасалу жолына байланысты болады. Мәселен, канцеляр тапсырыс берсе 2-3 күнде, қақпа тапсырыс берсе 5 күнде дайын болады. Ал &nbsp;есіктерін екі – үш күнде құрып істеп береміз, – дейді шебер Марат Бұханов.&nbsp; &nbsp; &nbsp; &nbsp; Жеке кәсібін ашып, ісін дөңгелетіп отырған шебердің қазіргі таңда қарамағында алты қызметкері бар. Олар түскен тапсырыстың уақытылы әрі сапалы орындалуына жауапты мамандар. Ал шебердің айтуынша, бір жыл көлемінде 2000 мыңға жуық тапсырыс қабылдаған. Сонымен қатар, кәсіп иесі тапсырысты жеткізу, орнатып беру қызметін көрсететінін де жеткізді.А.ӘЛІМ

Қызылордалық тұрғын темірден түрлі бұйым жасайды

<a href="https://kyzylorda-news.kz/">Kyzylorda-news.kz</a>&nbsp; &nbsp;Бүгінде гипспен жұмыс жасау дамып келе жатқан қолөнер түрі саналады. Халық сұранысына байланысты кәсіптің көзін тапқандар жеткілікті. Кез келген жаста кәсіп бастауға ешкім шектеу қойған жоқ. «Кәсіп нан сұрамайды, ол өзі тамақтандырады» деген, нағилық Аянат Қуанышқызы гипстен түрлі кәде-сый, заманауи үлгідегі тойтабақ, түрлі қобдиша, қыз-келіншектерге арналған жиынтық жасауды табыс көзіне айналдыра білген.Аянат – Нағи Ілиясов ауылындағы ғасырлық тарихы бар білім ордасы №132 Түймебай Айтбаев атындағы орта мектептің 10 сынып оқушысы. Мектебінің мақтанышы білім алумен қатар қолөнермен айналысатын ең жас кәсіпкер десек те болады.– Бала күнімнен анам қолөнер жасауға үйретті. Анам да негізгі жұмысынан бөлек қолөнермен айналысады екен. Қолөнерге деген қызығушылығымды кәсіпке айналдыруды жөн көрдім. Содан соң ғаламтордан гипстен түрлі бұйым жасау жолын үйреніп, өз бетімше жасай бастадым. Бүгінде жеке парақшаға дайын өнімдерді салу арқылы тапсырыс қабылдап отырмын. Ең алғашқы тапсырысым 50 дана қобдиша болған еді. Кәсіпті бастағаныма алты ай болса да ауыл тұрғындарынан басқа аудан, еліміздің әр аймағынан да тапсырыс беретіндер көп. Көбіне той жасайтын кісілер заманауи үлгідегі тойтабақтарға тапсырыс жасап жатады. Ең көп жасаған тапсырысым – 250 дана қобдиша. Айналысып жатқан қолөнер кәсібі төзімділікті, сабырлықты, әсемдікті қажет етеді. Тапсырыс берген әрбір адамның талғамына сай дүние жасау үлкен жауапкершілік. Сондықтан әр кезде ізденіс үстінде жүремін. Мен ең бірінші оқушы екенімді, білім алу керек екендігін естен шығарған емеспін. Болашақта дәрігер болғым келеді. Және де бастаған кәсібімді одан әрі қарай дамытамын деген ойдамын, – дейді жас кәсіпкер.Өз ісінің шебері Аянат Қуаныш­қызы түрлі қолөнер байқауларына қатысып, өзі жасаған жұмыстарын насихаттап жүр. Атап айтқанда, «Мамандықтар әлемін ашамыз» республикалық форумының аудандық кезеңінде «Менің кәсібім – менің бизнесім» номинациясы бойынша ІІ орын, «Дәстүр TREND» атты аспаздар мен қолөнершілер сайы­сында ІІІ орын, «Табиғатты аяла» жас өлкетанушылар, экологтар мен табиғат зерттеушілерінің респуб­ликалық форумының аудандық кезеңін­де «Үздік арт-нысан» номинациясы бойынша гипстен, смоладан жасалған бұйымдарды таныстырып І орын, облыстан ІІІ орын иеленді.Жасап жатқан кәсібіңе отбасының қолдауы аса қажет. Аянаттың кәсібіне қолдау білдіріп, демеу болып отырған – әкесі Қуаныш Смайлов пен анасы Алуа Мәлібекова. Тапсырыстарды уақы­тылы орындауға бауырлары да көмек көрсетеді.

Жас кәсіпкер гипстен қобдиша жасаумен айнылысады

<a href="https://kyzylorda-news.kz/">Kyzylorda-news.kz</a>&nbsp; Ауа райының жылынуымен қатар қыз-келіншектер кілем жууға асығатыны мәлім. Күннің шуақты күндерін қалт жібермеуге тырысатын келіншектер үшін бұл – жауапты жұмыстың бірі саналады. Тазалықты жаны қалайтындар көктемнің жылымық мезгілінен бастап қара күзге дейін бел жазбай кілем жуып, әбігерге түссе, енді бұл қызметті арнайы орталықтар атқартын болады. Анығын айтқанда, Тереңөзек кентінен жерлесіміз Бағдат Болатұлы клинингтік қызметін ашқанын бірі білсе, бірі білмес. Негізінен 2019 жылдан бері аудан халқына қалтқысыз қызмет көрсетіп келетін орталық жұмысы жыл сайын кеңейіп, қызмет аясы да өсіп келеді екен.Еңбеккеш азамат бұл кәсіп түрін елде пандемия болған уақытта бастауға бел буған екен. Мемлекеттен кәсіпкерлікті қолдауға арналған 500 мың грант қаражатына ие болып, кәсібін бастауға мүмкіндік алыпты. Ауданда бұрын мұндай орталық болмағандықтан сапалы қызмет көрсету үшін еңбекпен тапқан қаржысын да қосып, түрлі құрал-жабдық алуға қол жеткізген екен.– Кілем жуу кәсібін біреше жыл бұрын бастадым. Бұл салаға келмес бұрын мал шаруашылығымен айналысқан едім. Бірақ тұрғындардың сұранысына сай осы кәсіпті бастап, одан әрі кеңейтуге тырысып келемін. Бұрын тұрғындар қалаға барып, осындай орталық қызметіне жүгінсе, енді алысқа бармай-ақ біздің қызметімізді пайдаланатын болды. Арнайы орынды үйіміздің жанынан салып алған цехта жылдың барлық мезгілінде атқара береміз, – дейді жеке кәсіпкер Бағдат Иттугулов.Қазір кәсібін толық іске қосып, қажетті құрылғының барлығын жасақтап алған кәсіпкер «Байқоңыр» Әлеуметтік кәсіпкерлік корпорациясы арқылы өткен жылы 2,5 пайызбен бизнесті дамытуға 3 млн теңге несиеге қол жеткізген еді Бұл қаржыға кілем жуу орталығын түрік технологиясымен жабдықтаған еді. Ең қажетті деген роторлық жуу құралы және кілемді сығатын, кептіретін центрифуга сатып алып, қызметінің сапасын одан сайын арттырды. Әрбір тұтынушының қажеттілігін қанағаттандыру мақсатында ізденіп, жұмсақ жиһаздарды химиялық тазалау қызметін де жүзеге асырды. Бұл қызметпен жұбайы Жазира айналысады. Кілемнің түсін, сапасын сақтау үшін кілем жуу процесінде тек қана сапалы кір жуатын ұнтақ пен сусабындар, парфюмдер пайдаланады. Ондай заттарды арнайы тапсырыспен сатып алады. Кәсіпкердің тапсырыс көлемі ұлғайғандықтан, қосымша бір адамды жұмысқа тартқан. Күніне 15-20 кілемді жууға қабілетті орталық жұмысы аптаның 7 күнінде де жұмыс жасайды. Тапсырыс берушілерге ыңғайлы болу үшін алып кету, жеткізу қызметі тегін қарастырылған.– Кілемнің барлық түрін жуамыз. 1-2 күнде дайын болады. Химиялық тазалау қызметін де ұсынамыз. Жұмсақ жиһаз, диван, матрас, плед, көрпе, көрпеше тазалаймыз. Кент бойынша алып кету, жеткізу қарастырылған. Жұмыс процесіне келер болсақ, көріп тұрғандарыңыздай цех заманауи аппараттармен жабдықталған. Кілемді алдымен шаңын қағып, сонан соң жуамыз. Арнайы сусабындарды, парфюм, дақ кетіргіш ұнтақтарды қолданамыз. Түрік технологиясы кілемді сапалы етіп жуады. Тарақпен тарап, кілемді жап-жаңа етіп шығарамыз. Дайын болған кілемді арнайы целлофан қаптамамен жеткізіп береміз, – дейді кәсіпкер Бағдат Болатұлы.Ал екі қолына бір жұмыс таба алмай отырғандар жайында жас кәсіпкер «Қазір мемлекет тарапынан бизнес бастауға берілетін көмекті тиімді пайдалану қажет екенін айтады. Әсіресе, жастар, әлеуметтік осал топ өкілдері қайтарымсыз грантқа қол жеткізіп, азын-аулақ мал алып, күн көруге болады» дейді. Бүгінде жас кәсіпкер өзінің адал еңбегінің арқасында табыс тауып, халыққа қызмет көрсетіп отырғаны көпке үлгі. Ең бастысы қызметінің сапасына аса мән беретін ерлі-зайыптылар осы күні бұл салада тәжірибесі толығып, әбден машықтанған. Отбасылық бизнес иелері үшін бастысы – тұрғындардың сенімі мен алғысы. Сондықтан тұрғындарға қалтқысыз қызмет көрсетіп отырған клинингтік орталық қызметіне деген сұраныс көп екенін жақсы білеміз.

Сырдариялық кәсіпкер клинингтік орталық ашқан

&nbsp;<a href="https://kyzylorda-news.kz/">Kyzylorda-news.kz</a>&nbsp; Ширек ғасырға жуық саудамен айналысып келе жатқан Ақгүл Обашқанова кәсіп көзін тапқан тереңөзектік жеке кәсіпкер. Сауданың қыр-сырын меңгергеніне 21 жыл болған кәсіпкер алғашында кәсіпті кішкентай ғана дүкеннен бастаған. Кәсіпкердің біраз жыл бойы тынбай еткен еңбегінің нәтижесінде сол кішкентай ғана дүкен қазір «Престиж» атауымен қос қабатты сауда үйі болып бой көтерді. Халық игілігі үшін ашылған сауда үйіне келушілердің қарасы қалың. Себебі сауда үйінің сөрелерінен тұрмысқа қажетті тауардың барлығын табуға болады. Азық-түліктен бастап үйге керекті майда-шүйде мен киім-кешекке дейін бар. Дүкендегі тауар бағалары да халықтың қалтасына ауырлық түсірмейтіндей қолжетімді.Тәжірибелі кәсіпкер Ақгүл Обашқанова – Тереңөзектің тумасы. Негізгі мамандығы – аспаз-кондитер. «Отбасылық кәсіпте береке бар» демекші кейіпкеріміз сауда кәсібін өмірлік серігі жұбайымен бірге дөңгелетіп, жандандырып отыр. Ерлі-зайыпты екі атұстар тәрбиелеп отырған тату-тәтті жанұя. Отбасылық кәсіпті дамытып, кеңейту мақсатында кейіпкеріміз «Даму» кәсіпкерлерді дамыту қоры бойынша мемлекеттік бағдарламадан көмек алып, игілігін көруде.– Алғашында өзімнің оқыған мамандығым бойынша аспаз-кондитер болып шамамен 1-2 жыл жұмыс істедім. Дегенмен менің қалауым басқа болып, саудамен айналыса бастадым. Уақыт өте келе сауда менің сүйікті ісіме айналып, өзімнің нағыз жаныма жақын қалауымдағы жұмысымды таптым. Міне, содан бері кәсіпте жүргеніме 21 жылдай уақыт болыпты, – дейді кейіпкеріміз.Кент орталығында азық-түлік және аралас сауда дүкендері өте көп. Дегенмен дүкендердің барлығы халыққа қолжетімді баға ұсынып отыр деп айта алмаймыз. Әдепкіде көпшілігі арзан бағада сатып, кейіннен бағасын бірден көтеріп жібереді. Ақгүл Обашқанова «Престиж» сауда үйін ашқанына 2 жылға жуық уақыт болған. Кәсіпкер халық игілігі үшін дүкендегі тауар бағасын барынша көтермеуге тырысатынын айтты. Дегенмен елімізде азық-түлік бағасы күн санап өсіп жатқаны барлығына белгілі. Кейіпкеріміз халыққа мейлінше төмен баға ұсынғанды жөн санайды. Кент тұрғындары дүкеннен керектің барлығын таба алатынын және бағасы да қолжетімді деген оң пікір білдірді. Сонымен қоса дүкен иесі Ақгүл апаның халықты күліп қарсы алып, әр сатып алушымен әдепті түрде сөйлесе білетін қасиетін тұрғындар жоғары бағалайды. Бастысы, дүкеннің іші жап-жарық, тап-таза. Еңсесі биік сауда үйінің сыртқы көрінісі де өте әдемі, кент орталығының сәнін келтіріп тұрғандай.Қос қабатты сауда үйінде қазіргі таңда екі сатушы кезекпен жұмыс істеуде. Дүкен иесі қызметкерлерге жұмыс ақысын кешіктірмей беріп отыратынын тілге тиек етті. Кәсіпкер алдағы уақытта Қытай еліне барып, сауда үйіне түрлі тауар түрлерін әкеліп, қолжетімді бағада ұсынуды жоспарлап отыр.Кәсіпкердің көп жылғы еңбегі бағаланып, аймақтың әлеуметтік-экономикалық өсіп-өркен­деуіне қосқан ерекше үлесі үшін Қызылорда облы­сының әкімі Н.Нәлібаевтың қолынан алғыс хат алған. Одан бөлек «Іскер әйел-кәсіпкерлер» облыстық форумына арнайы шақыртылып, марапат алған.

Ақгүл Обашқанова: кәсіпте жүргеніме 21 жылдай уақыт болыпты

<a href="https://kyzylorda-news.kz/">Kyzylorda-news.kz</a> Бизнес-инкубатор&nbsp; –&nbsp; өз істерін бастауды қалайтын, бірақ оған мүмкіндігі жоқ жас кәсіпкерлерді қолдау және коммерциялық тұрғыда тиімді өнім алу мен нәтижелі өндіріс құруда көмек көрсету мақсатында құрылған ұйым. Әлемдік практикада&nbsp; жеткілікті түрде кең таралған орталықтар көптеген елдерде жұмыс жасайды. Мұндай мекемелер алғаш рет 50-жылдардың соңы мен 60-жылдардың басында АҚШ мен Ұлыбританияда ашылған. Олар табысты түрде жаңа жобалар мен стартаптарды жетілдіреді.«Стартап» термині бизнес-инкубатормен ұдайы бірге жүретін термин.&nbsp; Стартап немесе старт-компания ағылшыннан аударғанда «бастау» деген мағынаны береді және қазіргі уақытта енді пайда болған немесе құрылуы жоспарларған жаңа жобаны білдіреді. Бұл термин IT саласында және ғаламтор-жобаларының саласында жиі қолданылады.Бүгінде бизнес-инкубатор және IT хабтардың көмегімен кәсіпкерлік, инновация салаларында жаңалықтар мен жаңа ашылулар көп. Жаңа жобалар легіне тоқталсақ.19 сәуір күні Idea Battle стартап жобалар байқауы өтті. Байқауға дейінгі кезеңге қатысуға жалпы 50-ге жуық жоба&nbsp; тіркелген. Қатысушы оқушылар мен студенттерге арнайы семинар ұйымдастырылды. Іріктеу кезеңінде жобалар онлайн және офлайн форматта қорғалды. Ал финалдық кезеңде 8 жоба таныстырылды. Олардың қатарында жасанды интеллект көмегімен іске асатын, өрт қауіпсіздігіне бағытталған, ерекше жандарға арналған жобалар болды. Іс-шараның мақсаты – стартаптарды қолдау, ел ішіндегі стартап мәдениетін насихаттау және Қазақстан аймақтарында цифрландыруды дамыту үшін үздік IT идеяларды анықтау. Demo day – инвесторлар және де басқа қызығушылығы бар ұйымдардың жобаны қарап, іріктеуден өтуі. «Idea Battle» жобасы барысында маркетинг, қаржы, нарықтық зерттеулер мәселелері қамтылды. Сонымен қатар, «Pizza Pitch» жиыны ұйымдастырылды.&nbsp; «Pizza Pitch» жиынында қатысушылар өз бизнес жобаларын кең аудиторияға таныстырып, сарапшылардан кәсіби баға алды. Сондай-ақ, жобаларды әрі қарай дамыту бойынша кеңес пен практикалық ұсыныстар айтылды. Шараның басты мақсаты&nbsp; −&nbsp; жас кәсіпкерлерді қолдау, спикерлік дағдыларын дамыту, сахна мәдениетін қалыптастыру. Жиынның ерекшелігі – қатысушыларға жүлде берілмейді және көпшілікке пицца таратылады.Айта кетейік, Astana Hub халықаралық IT стартаптар технопаркі мен Қорқыт ата атындағы Қызылорда университетінің ұйымдастыруымен өткен жылы Іdea battle байқауы өткен болатын. 3 минуттық питч форматында инновациялық идеяларды қабылдаған Іdea battle байқауының жүлде қоры 500 000 теңгені құрады. Нұрлан Құлмырзаев, Алмат Қуанышбаев, Бағдат Қадырбеков, Мақсат Мугалов, Ержан Кенжеев аталмыш байқауда төрелік етті. Студенттер мен жастардың қатысуымен өткен 30 жоба қорғалған.Мәселен, өткен жылы «Startup Jolу» инкубациялық бағдарламасы бойынша білім беру жұмыстары 14 тамызда басталған. Бағдарламаға қатысу үшін 135 адам өтінім беріп,&nbsp; бағдарламаның алшқы легіне 57 жоба қабылданды.Инкубация қатысушылары менторлармен жеке жұмыс жасау&nbsp; мүмкіндігіне ие болып, маңызды тақырыптар бойынша&nbsp; тегін 16 семинарға қатысты. «Startup Joly» – инновациялық стартаптар мен кәсіпкерлік бастамаларды қажетті ресурстармен қамтамасыз ету, кәсіпкерліктің әртүрлі аспектілері, соның ішінде идея, маркетинг, сату және құқықтық мәселелер бойынша дағдыларды арттыруға бағытталған бағдарлама. Бағдарламаға қатысқан 57 жоба іріктеуден өтіп, Demo Day-ге 26 жоба қатысты. Ұсынылған жобалардың қатарында QR көктас, VR-платформадағы киберспорт, ақылды тоңазытқыш, көмір күлінен бағалы металдарды алу және өндіру, органикалық косметика, Digital Oner Academy, Оpen garden тәрізді жобалар болды. Байқауда&nbsp; Раушанбек Бейбарыс “Educopter” жобасы бойынша 500 мың теңге иеленді. Ал, “Dmenu” жобасын таныстырған Тұрсынбай Елдос пен Ахметов Бауыржанға 300 мың теңге&nbsp; табысталды. Мұңайтбасова Жұлдызай мен &nbsp; Тұрғанбай Раушан “ecoDabyl” жобасымен 200 мың теңге жүлдені қанжығаларына байлады.“Demo Day жоғары деңгейде өтті. Көп адамдармен танысып, жаңа жобалар туралы ақпарат алдым. Қазір елімізде робототехника қарқынды дамуда және техникалық үйірмелер, мамандықтар ашылып жатыр. Оқушылар, студенттер дайын заттарды пайдаланбай, өз қолдарымен құралдар жасағанын қалаймын. Осы мақсатпен мен Demo Day-ге “Educopter” атты оқу-жаттығу дрон&nbsp; жиынтығын әзірлеп әкелдім. Осы жиынтық арқылы кез келген адам өзінің алғашқы дронын құрастырып, бағдарламалай алады”, - деді І орын иегері Раушанбек Бейбарыс. Сонымен қатар, қызығушылығы бар жастар үшін арнайы бағдарламалар өтеді. Жыл сайын дәстүрлі түрде Pizza Pitch ұйымдастырылады. Pizza Pitch&nbsp; жиынында қатысушылар өз бизнес жобаларын кең аудиторияға таныстырып, сарапшылардан кәсіби баға алды. Сондай-ақ, жобаларды әрі қарай дамыту бойынша кеңес пен практикалық ұсыныстар айтылды. Шараның басты мақсаты&nbsp; −&nbsp; жас кәсіпкерлерді қолдау, спикерлік дағдыларын дамыту, сахна мәдениетін қалыптастыру. Жиынның ерекшелігі – қатысушыларға жүлде берілмейді және көпшілікке пицца таратылады. Мектеп бітіруші түлектерге де арнайы байқаулар жыл сайын өтеді. Өткен жылы «Startup Talapker» жобалар байқауы ұйымдастырылды. Startup Talapker кәсіпкерлік дағдыларды қалыптастыру, инновациялық және өңірлік маңызы бар стартап жобаларды қолдау мақсатында&nbsp; өткізілді. Сайысқа мектеп және колледж бітіруші талапкерлер қатысты.Байқаудың мақсаты − потенциалы жоғары стартап жобаларды инкубациялық кезеңге алып, инвестиция тарту, түлектер арасында кәсіпкерлікті насихаттау, мектептердегі бизнес-инкубаторлардың жұмысын жандандыру. Сәуір айында басталған байқаудың алғашқы кезеңінде 50-ге жуық команда қатысуға өтінім берген. Ал келесі кезеңге үздік деп танылған 26 команда жолдама алған. Нәтижесінде жартылай финалда 12 команда іріктеліп, финалдық кезеңде 12 жоба қорғалды. Ауқымды шарада Тұрар Рысқұлов атындағы №222 орта мектебінің оқушылары Жансезім Ертай, Жібек Бақбергенова, Ақсүйрік&nbsp; Бегімсал Қорқыт ата атындағы Қызылорда университеті грантын иеленсе,&nbsp; Сырдария ауданындағы №210 Оспан Әбілпаттаев атындағы орта мектептің оқушылары Асылжан Абдуллаев, Тамырлан Жасұланұлы оқу ақысына 50 пайыз жеңілдікпен марапатталды. Ал, оқу ақысына 25 пайыздық жеңілдікті Қармақшы ауданы №99 орта мектебінің оқушылары Алтынай Тобылғиева мен Айзере Досимханова қанжығаларына байлады.&nbsp;&nbsp;Жеңімпаздар Ұлттық бірыңғай тестілеуден шекті балл жинаған жағдайда қалаған мамандығы бойынша оқу ақысына 100 пайыз, 50 пайыз және 25 пайыздық&nbsp; жеңілдікпен&nbsp; оқу мүмкіндігін иеленген.&nbsp;

Жастардың жаңа жобалары

<a href="https://kyzylorda-news.kz/">Kyzylorda-news.kz</a> &nbsp;Қорқыт ата атындағы Қызылорда университеті Kyzylorda Hub бизнес-инкубаторының ұйымдастыруымен «Idea Battle» стартап жобалар байқауы өтті.Басты мақсаты − стартаптарды қолдау, ел ішінде стартап мәдениетін насихаттау және Қазақстан аймақтарындағы цифрландыруды дамытуда үздік IT идеяларды анықтау.Бағдарламаға қатысуға облыс бойынша 43 жоба тіркелді. IT идеяларды жетілдіру үшін қатысушыларға «Стартап негіздері», «Lean Canvas», «Pitching» тақырыбында білікті мамандар шеберлік сабақтарын өтті. Нәтижесінде 13 жоба оффлайн, 8 жоба онлайн форматта іріктеу кезеңінде бақ сынады. Ал финалдық кезеңде қазылар алқасына 8 жоба таныстырылды.Байқау барысында «Grand Master» бағдарламалау мектебінің директоры Алмат Қуанышбаев, бизнес-тренер Наталья Мишукова мен Бағдат Қадыров төрелік етті. Қазылар алқасының шешімі бойынша 3 жоба үздеп деп танылып, 500 000 мың теңге жүлде қоры үлестірілді.<blockquote>−&nbsp;«SAYGAQ AI» − бұл жасанды интеллект арқылы өрт сөндіруші роботтарды қашықтан басқаруға бейімделген стартап-жоба. Қазіргі таңда біз MVP сатысында сәтті инкубациядан өттік. Жобаны Шайхы Гафур және мен Абдуллаев Асылжан бірлесіп жасадық. Біз «Idea Battle» инкубациялық бағдарламасын білген сәтте қатысуды жөн көрдік және Demo Day кезеңінде 1 орынды иелендік. Алдағы уақытта үлкен инкубациялық және акселерациялық жобаларға қатысу ойда бар, − деді 1-орын иегері А.Абдуллаев.</blockquote>Бағдарламаның серіктестері – Astana Hub халықаралық технопаркі, Қорқыт ата атындағы Қызылорда университеті, Қызылорда облысы әкімі аппаратының «Ақпараттық технологиялар орталығы».&nbsp;

Стартап жобалар байқауының жеңімпаздары анықталды

<a href="https://kyzylorda-news.kz/">Kyzylorda-news.kz</a> &nbsp;Қызылорда қаласына қарасты Қарауылтөбе ауылдық округі тұрғыны Нұрлан Смағұлов бөдене құсын өсіріп, оның өнімдерін өндіру ісін кәсіп көзіне айналдырған. Құс өнімін өндіріп, көпшілік сұранысын қанағаттандырып отырған кәсіпкер бұл істі карантин кезінде бастағанын айтады.&nbsp; Ел арасында бөдене өнімінің адам денсаулығына пайдасы туралы көп айтылады. Бөдененің еті де, жұмыртқасы да адамның ойлау қабілетін арттырып, ағзаны жұқпалы аурулардан қорғайтын қасиетке ие. Сонымен бірге тауық жұмыртқасына қарағанда &nbsp;бір грамм бөдене жұмыртқасының құрамында А, D дәрумені екі есе көп екен. Осындай пайдалы дәруменге бай құстың өнімі соңғы кездері тұрмыста жиі қолданылып келеді.&nbsp; Осындай артықшылықтарды ескере отырып, қарауылтөбелік Нұрлан Смағұлов жергілікті халыққа пайдалы өнімді қолжетімді қылуды көздейді. Ол өзінің бөдене өсіру &nbsp;кәсібін әуелде өз қаржысы есебінен бастаған екен.&nbsp; – &nbsp;Бастапқыда бөдене өсіруді қызығушылық, хобби ретінде қолға алған болатынмын. Оған қоса бөдененің еті мен жұмыртқасының пайдасы өте жоғары. Кейін сұраныс барын білген соң кәсп ретінде дамытып көрдім. Алғашында кәсіптің бұл түріне көп адамдар таңырқай қараған еді. Алайда кәсіптің көзін тауып, төзімділік танытсаң, еңбек етсең алынбас қамал жоқ. Расымен бөденені де қолда өсіруге болады екен. Бастапқыда қиындықтар кездесті. Уақыт өте келе бұл құстардың бабын тауып, жем-суын уақытында беріп, күтіміне ерекше көңіл бөлдім. Күтімі жақсы болса бөдененің беретін табысы мол екеніне көзім жетті. Сондықтан таза, пайдалы өніммен л-жұртты қамтамасыз еткім келді, – дейді кәсіпкер бізбен әңгімесінде.&nbsp; Кейіпкеріміздің айтуынша, бүгінде күніне 1000-нан астам жұмыртқаны сатылымға шығарады екен. Бастапқыда бөдененің 100 балапанын сатып алған ол қазір табыс көзіне айналдырып отыр. Бір қызығы, аталған құстың балапаны жұмыртқаны 17 күнде жарып шығады екен. Ал бөдененің қораздары етке сойылатын көрінеді. Кәсіпкер құстың жұмыртқасын 35 теңгеден сататынын айтады. Ал еттің келісі 3500 теңгеден өткізеді екен.&nbsp; – Жыл өткен сайын жұмыртқа мен етке сұраныс көбейді. Нақты табыс әкелетін жұмыс болған соң кәсіп аштым. 2023 жылы үкіметтен көпбалалы отбасы ретінде 1380000 грант ұтып алдым. Алты балам бар. Жасым 45-те. Жұмыртқаны, етті &nbsp;«Дәстүр», «Ажар», «Отырар» сауда орындарына өткіземін. Аудандарда да сұраныс жоғары. Ал құстың бабына келетін болсақ, балапан кезінде старт жем беріп, жиырма күн өткеннен соң ғана өзінің яғни, бөденеге арналған жемге үйретеміз. Казіргі таңда 5000-нан аса бөдене бар. Шаруашылықты отбасымызбен жүргіземіз, – дейді кәсіпкер. Ет пен жұмыртқа бағытындағы бес смыңнан астам бөденені өсіріп, құс шаруашылығын дамытып отырған кейіпкеріміз осылайша қала тұрғындарын пайдалы өніммен қамтамасыз етіп отыр. Бабын таба білсең бөдене шаруашылығы тиімді көрінеді. Себебі, бөдененің балапаны қырық, қырық бес күнде жетіліп, жұмыртқа бере бастайды екен. Өнімінің өзі мың түрлі дертке дауа құс шаруашылығын кәсіп қылғандар некен-саяқ. Кейіпкеріміздің айтуынша, бала сүйе алмай жүрген әйел кісілер де, тіпті, ауыр дертпен ауырып, химия алған сырқаттардың күш жинауына да бұл өнімнің пайдасы зор. Сондай-ақ, бөдене жұмыртқасына тапсырыс берушілер көбіне тойға алатын көрінеді. Оған бір тапсырыста жүз, жүз елу бөдене өніміне тапсырыс береді. Ал дүкендерге аптасына 20-30 келі өнім сатылып отырады.&nbsp; Сонымен қатар, бөдене құсының «Гигант», «Белый гигант» деп аталатын түрі бар екен. Ол тек ет бағытында пайдаланылады. Ал салмағы 500 грамға дейін барады. Бұдан бөлек, бөдененің «Эстон», «Манжур» деген жұмыртқа бағытындағы түрі де бар екен. &nbsp;

Бөдене өсіруші қарауылтөбелік кәсіпкер

<a href="https://kyzylorda-news.kz/">Kyzylorda-news.kz</a> &nbsp; Қазалы ауданының географиялық тұрғыдан қолайлы орналасуы аудан көлемінде туризм саласының дамуына мүмкіндік береді. Қазіргі таңда, салаға қатысты 2021-2025 жылдарға арналған облыстық даму жоспарына сәйкес, Қазалы аудан бойынша бекітілген нысаналы индикаторлар, «Е-Qonaq» ақпараттық жүйесі, шетелдіктер үшін туристік жарна мөлшерлемелері және саланы ілгерілету мақсатындағы мемлекеттік қолдау шараларына сәйкес жұмыстар жүргізілуде.2021-2025 жылдарға арналған облыстық даму жоспарына сәйкес бекітілген &nbsp;нысаналы индикаторлары бойынша ішкі туристер санының артуына тоқталсақ, 2024 жылдың 1 қаңтарында Қазалыға келген ішкі туристер саны (резидент) 7919 адамды құрап, өткен жылдың есепті кезеңімен салыстырғанда 124,2 пайызды құрады.Сыртқы туристер санының артуында, статистикалық мәлімет бойынша 2024 жылдың 1 қаңтарына ауданға келген сыртқы туристер саны (резидент еместер) 150 адамды құрап, өткен жылдың есепті кезеңімен салыстырғанда 100,0 пайызды құрады.Нөмірлік қор санын ұлғайтуда, 2024 жылдың 1 қаңтары бойынша ресми статистикалық ақпаратқа сәйкес, аудан бойынша орналастыру орындарында біржолғы сыйымдылық, төсек-орын саны 215 бірлікті құрады.&nbsp; &nbsp; &nbsp; Салаға салынған инвестицияның өсімін арттыруға байланысты &nbsp; &nbsp; &nbsp; &nbsp;Қазалы ауданы бойынша «Туризм саласында инвестиция көлемін арттыру» нысаналы индикаторы 2024 жылға 2 миллиард теңгеге қолжеткізу межесі бекітілген.&nbsp; &nbsp; &nbsp;2024 жылға межеленген нысаналы индикаторға қол жеткізу мақсатында қазіргі уақытта туризм саласына тартылатын инвестициялық жобаларға мониторинг жұмыстары тұрақты түрде жүргізіліп, бақылауға алынған. Ағымдағы жылдың наурыз айы бойынша 224,3 миллион теңге инвестициялық есептілігі тапсырылды.&nbsp; &nbsp;Жеке кәсіпкер Ш.Қуантқанның спорт кешені жобасы, Бекарыстан би ауылындағы спорт кешені құрылысының жобасы, Кәукей ауылындағы типтік жобадағы ауылдық клуб құрылысына қомақты қаражат қаралды.&nbsp; &nbsp; Сонымен қатар, 2024 жылға аудан бойынша 3 спорт кешені мен 1 типтік жобадағы ауылдық клуб құрылыстары және жеке кәсіпкер тарапынан салынып жатқан спорт кешенін жүзеге асыру жоспарлануда.&nbsp;Қазалы ауданы бойынша даму жоспарына сәйкес, туризм саласына 2023 жылға 400,0 миллион теңге межесі бекітілген болатын. Жыл қорытындысымен статистикалық деректерге сәйкес аудан бойынша салаға тартылған инвестиция көлемі 642,6 миллион теңгені құрады.&nbsp;Туризм саласын ілгерілету мақсатында мемлекеттік қолдау шараларына орай 2022 жылдың 1 қаңтарынан бастап, туризм саласын ілгерілету мақсатында мемлекеттік қолдау шаралары қолданысқа енгізілген болатын.&nbsp; &nbsp;Кәсіпкерлік субъектілерінің санитариялық-гигиеналық тораптарды (СГТ) күтіп-ұстауға арналған шығындарының бір бөлігін субсидиялау (83 300 KZT); Кәсіпкерлік субъектілерінің санитариялық-гигиеналық тораптарды (СГТ) күтіп-ұстауға арналған шығындарының бір бөлігін субсидиялауға «Батыс Еуропа – Батыс Қытай» автокөлік дәлізінің бойында орналасқан «Мирас» кешенінің меңгерушісі К.Кенесбаева 2022 жылы өтінімін тапсырып, 2023 жылға ай сайын субсидия алуға қолдау тапты.&nbsp; &nbsp; &nbsp;2024 жылға аталған субсидиялауға «Мирас», «Арзан сити 2» кешенінің қажетті құжаттары облыстық дене шынықтыру, спорт және туризм басқармасына ұсынылды.Шетелдіктер үшін туристік жарна мөлшерлемелерін бекіту мақсатында да біршама жұмыс қолға алынуда. Атап айтқанда, «Шетелдіктер үшін туристік жарнаны төлеу қағидаларын бекіту туралы» Қазақстан Республикасының Мәдениет және спорт министрінің 2023 жылғы 14 шілдедегі №181 бұйрығына сәйкес, «Қазалы ауданы бойынша шетелдіктер үшін 2024 жылға арналған туристік жарна мөлшерлемелерін бекіту туралы» шешім жобасын бекітуге, тиісті жұмыстар кезең-кезеңімен жүргізілуде.Аталған бұйрықта туристік жарнаға орналастыру орындарында болу құнынан 0 (пайыз) мөлшерінде ставка қолданылады деп көрсетілген. Осыған сәйкес, шетелдіктер үшін туристік жарнаның мөлшерлемелері – болу құнының 0 (нөл) пайызы бекітілетін болады.&nbsp; &nbsp; &nbsp;Қазіргі уақытта, аудандық мәслихаттың шешім жобасын Қазақстан Республикасы Әділет министрлігіне келісім алуға жолданды. «Батыс Еуропа – Батыс Қытай» автокөлік дәлізі бойындағы сервистік қызмет көрсету орындары ауданда аталған автокөлік дәлізінің бойында «Арзан Сити-1», «Арзан Сити-2», «Мирас», «Бақыт» сервистік қызмет көрсету кешендері және «Sinooil», «TS Қызылорда мұнай өнімдері» жанар-жағар май бекеттері жұмыс жасайды.&nbsp; &nbsp;Сонымен қатар, аудан аумағынан өтетін «Самара-Шымкент» автокөлік дәлізі бойындағы «Қашқан су» учаскесінде /«Бақыт» кешені/ маусымдық кезең бойынша жазғы демалыс орны (шомылу, әуесқойлық балық аулау) мен қыс мезгілінде мұз айдыны жұмыс жасайды.Іс-шараларға орай ұдайы жұмыс атқарылуда. Қазалы ауданында Халықаралық туризм күні мерекесі аясында жыл сайын туризм саласын дамыту, салауатты өмір салтын насихаттау мақсатында балық аулаудан жарыс ұйымдастырылып келеді. Өткен жылы Абай ауылына кіре берістегі «Қалқымалы» көпірдің оң жақ бетінде өткізілді.Балық аулаудан жарыс шарасына қазалылықтармен қатар, Алматы, Жезқазған, Ақтөбе, Қызылорда қалаларынан және көршілес аудандардан да әуесқой балықшалар қатысып, барлығы 250-ге жуық азаматтар бақтарын сынады. Нәтижесі бойынша бірінші, екінші, үшінші орын иегерлері анықталып, арнайы кубок медальдар мен және бағалы сыйлықтарға ие болды. Сондай-ақ, жарысқа қатысқан бірқатар қатысушылар «Жас балықшы», «Тәжірибелі балықшы», «Ең бірінші ұсталған балық» және «Ең ірі балық ұстаушы» номинацияларымен және жарысқа қатысушылар арасындағы ақсақалдар ынталандыру сыйлықтармен марапатталды.

Қазалыда туризм саласында ілгерілеушілік бар

&nbsp; <a href="https://kyzylorda-news.kz/">Kyzylorda-news.kz.</a> Негізінен, Сырдария ауданы бойынша халық саны 37890 адамды құраған болатын. Бір қызметкердің орташа айлық жалақысы 273142 теңге, өткен жылдың тиісті кезеңімен салыстырғанда 129,0 пайызға өсіп отырғандығын жеткіземіз.2024 жылдың қаңтар-наурыз айында ауданның өнеркәсіп орындары қолданыстағы бағамен 20339,0 млн. теңгенің өнімін өндіргені мәлім. Бұл көрсеткіш – 2023 жылдың осы деңгейіне қарағанда 55,8 пайызға ұлғайған. Оның ішінде өңдеу өнеркәсібі 3674,0 млн. теңгені (146,6 пайыз) құрап отырған жайы бар. Ауыл, орман және балық шаруашылығының жалпы өнімі көлемі 2024 жылдың қантар-наурызында 1878,9 млн. теңгені құрап, 2023 жылдың тиісті кезеңімен салыстырғанда 1,4 пайызға артып отыр. Есепті мерзімде өткен жылдың тиісті кезеңімен салыстырғанда мүйізді ірі қара басының саны 106,6 %-ды (40203 бас), оның ішінде сиырлар 101,2%-ды (22374 бас), жылқы 120,1%-ды (23513 бас), түйе 100,7%-ды (1593 бас), қой мен ешкі 95,3%-ды (32125 бас), құс 110,7 % -ды (13456 бас) құрады. &nbsp;Ағымдағы жылдың қаңтар-наурыз айында аудан экономикасына 18458,0 млн.теңге негізгі капиталға инвестиция тартылды, бұл өткен жылдың тиісті кезеңімен салыстырғанда 56,4 есеге ұлғайған. &nbsp;2024 жылдың қаңтар-наурыз айында 4386,0 шаршы метрге тұрғын үй салынып, 2023 жылдың тиісті кезеңімен салыстырғанда 130,3 пайызды құрап отыр. Құрылыс жұмыстарының көлемі 2024 жылдың 3 айында 3575,0 млн. теңгені құрап, 3,2 есеге артты. Бөлшек сауда айналымының нақты көлемі 2024 жылдың қаңтар-наурызында 600,8 млн теңгені құрап, 2023 жылдың тиісті кезеңімен салыстырғанда 102,4 пайызды құрады.2024 жылдың 1 сәуіріне 2709 шағын және орта кәсіпкерлік субъектілері тіркелді. Оның ішінде 151 шағын және орта кәсіпкерліктің заңды тұлғалары, 1179 жеке кәсіпкерлер, 1379 шаруа және фермер қожалықтары бар.Жұмыс жасап тұрған кәсіпкерлік субъектілерінің саны 2620 болып, тіркелгендерге үлесі 96,7 пайызды құрады. Өз кезегінде&nbsp;Сырдария ауданының 2024 жылдың қаңтар-наурыз айындағы әлеуметтік-экономикалық даму қорытындысы бойынша аудандық экономика және қаржы бөлімінің басшысы &nbsp; Ерлан Ахетов өз пікірін білдірді.<blockquote>&nbsp; &nbsp; &nbsp; &nbsp; – Сырдария ауданында биылғы жылы барлық салада айтарлықтай өсім бар. Шын мәнінде, біз халықтың әл-аухатын жақсарту мақсатында кешенді бағдараламаларға иек артамыз. Сан салада өсім болу үшін ауданның экономикалық әлеуетін арттыруға күш жұмсау керек. Әрине, аудан дамуы – әлеуметік, экономикалық тұрғыдан оң динамика қалыптастырғанын көрсетеді, – деді бөлім басшысы.</blockquote>

Сырдарияда өнеркәсіп орындары өнім шығаруы ұлғайған 

&nbsp;<a href="https://kyzylorda-news.kz/">Kyzylorda-news.kz.</a> &nbsp;Сырдария ауданында қоғамдық саяси-ахуал тұрақты. Қашанда жергілікті халық тұрақтылықты сақтауға өз үлестерін қосуда. Өз кезегінде сан салаға бөлінген аудандық қоғамдық даму бөліміні тарапынан атқаралған іс-шараларды, жобаларды тізбектеп көпшілікке жеткізуге мақсат еттік.Мемлекеттік рәміздерді насихаттау және құрметті қалыптастыру мақсатында бұқаралық ақпарат құралдарында 43 материал және әлеуметтік желілер арқылы 72 пост жарияланды. Аудан көлемінде 5 сыртқы көрнекі ақпарат құралдары орнатылды (билборд). Бірнеше жылдан бері мемлекеттік рәміздер бір орталықтан қаржыландырып, аудандық қоғамдық даму бөлімі арқылы таратылады. Аудан көлеміндегі мемлекеттік мекемелердегі рәміздердің жай-күйі күнделікті қатаң бақылауға алынған. Сонымен қатар, ауданда мемлекеттік рәміздердің жай-күйін бақылау монитринг тобының тоқсан сайын 2 рет зерделеу жұмыстары жүргізілді. Есепті кезеңде 24 рет зерделеу жұмыстары жүргізілді. Анықталған кемшіліктер дер кезінде жойылды.&nbsp; &nbsp; &nbsp; &nbsp; 2023 жылы Сырдария ауданы бойынша қоғамдық-саяси маңызды шаралардың күнтізбелік жоспарына сәйкес 103 шара енгізілді. Ұлттық мерекелер мен мемлекеттік мерекелер, кәсіби және өзге де мерекелер бойынша – 41 шара, негізгі өткізілетін шаралар – 28, мерейтойлық шаралар – 24, еске алу шаралары – 10 шара енгізілді. Жоспарға енгізілген шаралар кең көлемде аталып өтті.Көрнекі үгіт-насихат құралдары аясында аудан бойынша 168 дана (96 тұғыр) көрнекі үгіт-насихат құралдары орналасқан. Кент бойынша көрнекі үгіт насихат құралдарының саны - 59 дана (31 тұғыр: 1 беттік - 4 дана, 2 беттік - 26 дана, 3 беттік - 1 дана). Елді мекендер бойынша көрнекі үгіт насихат құралдарының саны - 109 дана (65 тұғыр: 1 беттік - 21 дана, 2 беттік - 44 дана).&nbsp; &nbsp; &nbsp; &nbsp; 2023 жылы Сырдария ауданы бойынша 14-35 жас аралығындағы 11727 жас бар. Сырдария ауданы халқының 30 пайызын жастар құрайды.Жұмыспен қамту мәселесі бойынша 805 азамат тіркелсе, оның ішінде 231 жас тұрақты жұмысқа, 8 жас әлеуметтік жұмысқа, 141 жас жастар практикасымен,116 жас қоғамдық жұмысқа орналасқан.&nbsp; &nbsp; &nbsp; &nbsp; &nbsp;«Сырдария аудандық жастар ресурстық орталығы» коммуналдық мекемесінің жұмысын үйлестіруге жергілікті бюджеттен 21 599,0 мың теңге қаржы бөлінсе, қоғамдық даму бөлімінің «Жастарға патриоттық тәрбие беру және жастар арасында ұлттық құндылықтарды насихаттау әлеуметтік қызметін ұйымдастыру» мемлекеттік әлеуметтік тапсырысы аясында (бөлінгені-3 445,0 мың теңге, келісім шарт 2 741,3 мың теңге) қаржы бөлінді. Әлеуметтік жоба аясында 9 шара (форум-2, фестиваль-1, спорттық сайыс – 3, кездесу – 2, Жайдарман ойыны – 1) ұйымдастырылып, оған 270 адам қамтылды.&nbsp; &nbsp; &nbsp; &nbsp; Сырдария ауданында мемлекеттік жастар саясатын жүзеге асыру бойынша ұйымдастырылатын іс-шаралар жоспары аудан әкімімен бекітіліп, бүгінгі күнге жалпы 83 шара ұйымдастырылып, оған 4274 жас қамтылды.NEET санатындағы жастарды өзектендіру мақсатында&nbsp;отбасылық цифрлық картасы іске қосылып, аудан бойынша NEET санатындағы 245 жастың (тұрақты жұмыспен қамтылған – 10, бейресми жалдамалы жұмысшы –35, &nbsp; тіркелмеген жұмыссыздар – 1, &nbsp;үй шаруасында – 18, 35 жасқа толған жастар – 53, өзге мемлекетке кеткендер – 3, қайтыс болғандар – 1) тізімі анықталып, 72,65 пайызды құрап отыр.Сырдария ауданы бойынша 22 азамат пробациялық бақылауға алынған (Айдарлы а/о-1, Аманкелді а/о-3, Бесарық а/о-1, Қоғалыкөл а/о-4, Н.Ілиясов а/о-1, Ақжарма а/о-1, Шаған а/о-2, Тереңөзек кенті-8 жас). Аудандық пробация қызметі және аудандық жастар ресурстық орталығымен меморандум жасалып, шартты түрде сотталғандар мен бақылаудан бөлек, бас бостандығынан айырылғандарға әлеуметтік-құқықтық көмек көрсету мақсатында әр айдың 5 күні кездесу ұйымдастырылып, түсіндірме жұмыстары жүргізілді.Республикада танылып жүрген жобалардың бірі бұл жастар еңбек бригадасы жобасы. Аудан әкімінің қолдауымен 6 ауылдық округте (Айдарлы, Аманкелді, Бесарық, Жетікөл, Шіркейлі, А.Тоқмағанбетов) жастар бригадалары құрылып, 60 гектар жерге картоп және бау-бақша өнімдері егіліп, бригада қатарында 150 жас жұмыссыз жастар қамтылды.&nbsp; &nbsp; &nbsp; &nbsp; &nbsp; Сырдария ауданы бойынша шағын және орта бизнес саласында 678 жас кәсіпкер (жалпы тіркелген ШОК субъектілерінің саны-3196). Жастардың үлесі жалпы тіркелген бизнес субъектілерінің 21,2 пайызын құрап отыр.&nbsp; &nbsp; &nbsp; &nbsp; &nbsp; 2021-2025 жылдарға арналған кәсіпкерлікті дамыту жөніндегі ұлттық жобасы шеңберінде мемлекеттік гранттар беру мақсатында 1 380,0 мың теңгеден 23 жас кәсіпкерге 31,7 млн.теңге көлемінде мемлекеттік қайтарымсыз грант берілсе, «Аграрлық несие коорпорациясы» арқылы жастарды қолдау мақсатында жеңілдетілген 2,5 пайызбен несиеге 91 жас кәсіпкер 407,7 млн теңге, «Ауыл аманаты» бағдарламасы бойынша 5 жас кәсіпкер 27,6 млн.теңге, «Микорбизнес-Қызылорда» бағдарламасы бойынша 6 жас &nbsp;41,5 млн теңге, «Аграрлық несие коорпорациясы» арқылы «Агробизнес» бағдарламасы бойынша 2 жоба 28,5 млн теңге және «Іскер» бағдарламасы бойынша 5 жоба 23,5 млн.теңге, «Ауыл аманаты» жобасы аясында 3 жас 10,1 млн теңгеге қаржыландырылған болатын.

Қазақстан және Қызылорда облысының жаңалықтары: Кәсіпкерлік