<a href="https://kyzylorda-news.kz/">Kyzylorda-news.kz</a> Желіде Маңғыстау облысы, Түпқараған ауданы, Баутино ауылындағы Горький атындағы мектеп-лицей мұғалімінің түсірген видеосы&nbsp;тарады. Мұғалім оқушысына ұрысып жатқанын қыздың&nbsp;әпкесіне өзі жіберіпті.&nbsp;Бұл туралы&nbsp;<a href="https://stan.kz/beti-bulk-etpeydi-mangistau-oblisindagi-auil-mygalimini-406570/">Stan.kz</a>&nbsp;ақпарат агенттігі&nbsp;хабарлайды.Видеода мұғалім оқушы қыздан жемпірін шешуді талап етеді. Дегенмен&nbsp;сол видеода&nbsp;басқа оқушылар да жейде, жемпір киіп алғаны көрсетілген. Оған қоса ол ұялы телефонын тапсыруды талап етеді, қыз тапсырғанын айтқан.<blockquote>"Бүкіл сыныптың алдында мен мына жемпірді шешуін талап етемін. Бөлме ыстық. Ал ол&nbsp;“тоңып тұрмын” дейді. Беті бүлк етпей отырғанын қарашы! Мен ұялы телефонын тапсыр дедім, өйткені тест болып жатыр, бірақ ол оны маған бермеді. Талаптарымды орындамағандықтан, сабақтан шығып, үйіне қайтуын сұраймын. Әбден құтырып кеткен! Кабинеттен лақтырып жібергім келіп тұр", –&nbsp;деді мұғалім.</blockquote>Қыздың жақындары мұғалімнің сөздері этикаға жат екенін және ұстаз мәртебесіне сай келмейтінін айтып, оны&nbsp;жазалауды талап етіп отыр. Сөздерінше, мұғалім бірнеше жылдан бері қызды қорлап келеді екен. Желідегі пікірлерден мұғалімнің 20 жылдық еңбек өтілі бар екенін көруге болады.Облыстық білім басқармасы Баутино ауылының мұғалімі тәртіптік жазаға тартылғанын мәлімдеді.<blockquote>"Мәселе комиссия отырысында қаралды. Комиссияның шешімімен "Педагогикалық әдептің кейбір мәселелері туралы" оқу-ағарту министрлігінің 2020 жылғы 11 мамырдағы №190 бұйрығына сәйкес, мұғалім тәртіптік жауапкершілікке тартылды. Педагогикалық этиканың негізгі қағидаларын бұзғаны үшін "ескерту" берілді. Оқушының ата-анасы мектепке шақырылды, бірақ олар келмеді", –деді Түпқараған аудандық білім бөлімінің басшысы Айбаршын Өтесбаева.</blockquote>Фото: Stan.kz

"Әбден құтырып кеткен! Кабинеттен лақтырып жібергім келіп тұр" Ауыл мұғалімінің оқушыларға айтқаны желіде талқыға түсті

<a href="https://kyzylorda-news.kz/">Kyzylorda-news.kz</a> Мұғалімге медициналық көмек көрсетілді.Павлодарда мұғалімге пышақ сұққан студент қамауға алынды, деп хабарлайды <a href="https://sn.kz/">Skifnews.kz</a> ақпарат порталы.Павлодар облыстық білім басқармасы оқу орнында тағы бір төтенше жағдай болғанын хабарлады.<blockquote>"18 қыркүйекте Павлодардағы колледждің 2007 жылғы студенті Павлов көшесіндегі үйдің ауласында мұғалімге пышақ жарақатын салған. Мұғалімге медициналық көмек көрсетілді, қазіргі уақытта оның жағдайы қанағаттанарлық", – деп хабарлады облыстық білім басқармасы.</blockquote>Колледж басшылығы төтенше жағдайға қатысты шара қолданылғанын айтты.<blockquote>"Осы факті бойынша тәртіп сақшылары ұсталды. Білім басқармасында қауіпсіздік мәселелері бойынша білім беру ұйымдарының басшыларымен кездесу өтті", – деп түсіндірді баспасөз қызметі.</blockquote>Фото: Pixabay

Павлодарда студент мұғалімді пышақтаған

<a href="https://kyzylorda-news.kz/">Kyzylorda-news.kz</a> &nbsp;Ішкі істер вице-министрі&nbsp;Игорь Лепеха Қызылордада сыныптастары қорлаған оқушы қыздың ісіне қатысты тергеудің егжей-тегжейін айтып берді. Бұл туралы <a href="https://stan.kz/klientterdin-barin-tekseremiz-kizilordada-16-zhastagi-k-406517/">Stan.kz</a> ақпарат агенттігі хабарлайды.Вице-министрдің сөзінше, қазір бұл іске қатысты 13 айыпталушы ұсталды."Олардың екеуі үйқамаққа алынды. Қазіргі таңда бірқатар баптар бойынша қылмыстық іс қозғалды. Бұдан басқа ештеңе айта алмаймын. Себебі іске қатысты мәліметтер тергеушінің құзыретінде", – деді Лепеха.Оның айтуынша, 16 жастағы қызды жезөкшелікпен айналысуға мәжбүрлегендер&nbsp;мен зорлық-зомбылықты тікелей ұйымдастырғандар қамауға алынды.Алайда вице-министрі&nbsp;ұсталғандардың қаншасы&nbsp;кәмелеттік жасқа толмағандар екенін нақтыламады."Тергеу бұл мәселені қарап жатыр. &nbsp;Біз қызға клиент болған&nbsp;адамдардың барлығын тексереміз", –&nbsp;деді Лепеха.Фото: depositphotos.com

Қызылордада 16 жастағы қызды жезөкшелікпен айналысуға мәжбүрлеген 13 күдікті анықталды

<a href="https://kyzylorda-news.kz/">Kyzylorda-news.kz</a> &nbsp;ҚР Ғылым және жоғары білім вице-министрі Дархан Жұмаханұлы Қызылордаға іссапармен келіп, Қорқыт ата атындағы Қызылорда университетінде Сыр өңірі жұртшылығымен кездесті.&nbsp; Дархан Жұмаханұлы халықпен кездесуде 2024 жылдың І жартыжылдығында атқарылған жұмыстардың нәтижелерін таныстырып, алдағы жоспарларды баяндады.&nbsp; “Биыл мемлекеттік грант саны 93 952 құрап, шәкіртақы көлемі бакалавриат 20 пайызға, магистратура, докторантура бойынша 15 пайызға артты. Сонымен қатар, өзекті мәселелердің бірі жатақхана құрылысы кезең-кезеңімен шешімін табуда. Қазіргі таңда 10 576 орындық 27 жатақхананың құрылысы жүруде. Бұдан бөлек, елімізде 9 шетелдік жоғары оқу орнының филиалы ашылды”, - деді вице-министр. Дархан Жұмаханұлы еліміздегі жоғары&nbsp;білім&nbsp;мен&nbsp;ғылымды&nbsp;дамытудың 2023-2029 жылдарға арналған жұмыс жоспарына тоқталды. Атап айтсақ, жоғары&nbsp;және&nbsp;жоғары оқу орнынан&nbsp;кейінгі&nbsp;білім&nbsp;беру&nbsp;жүйесінің&nbsp;негізгі&nbsp;қорытындылары, педагогтарды&nbsp;даярлау,&nbsp;инженерлік&nbsp;білім&nbsp;берудің&nbsp;ұлттық&nbsp;моделі,&nbsp;студенттерді&nbsp;жатақханалардағы&nbsp;орындармен&nbsp;қамтамасыз&nbsp;ету,&nbsp;шетелдік&nbsp;жоғары&nbsp;оқу орындарының&nbsp;филиалдары,&nbsp;жастарды&nbsp;әлеуметтендіру&nbsp;және&nbsp;тәрбиелеу,&nbsp;үздіксіз&nbsp;білім&nbsp;беру&nbsp;жүйесін&nbsp;дамыту,&nbsp;әлемдік&nbsp;цифрлық&nbsp;кітапханалар&nbsp;мен&nbsp;платформаларғақолжетімділік, ғылымды&nbsp;әкімшілендірудің&nbsp;жаңа&nbsp;моделі, ғылыми&nbsp;әлеуетті&nbsp;арттыру,&nbsp;коммерцияландыру&nbsp;жобаларының&nbsp;нәтижелері,&nbsp;тіл&nbsp;саясатын&nbsp;дамытудың&nbsp;2023-2029 жылдарға&nbsp;арналған&nbsp;тұжырымдамасы. Кездесуден кейін жеке қабылдау ұйымдастырылды. Вице-министр ғылым мен жоғары білімге қатысты негізгі мәселелер бойынша өтініштер мен ұсыныстарды тыңдап, сұрақтарға жауап берді. Қазіргі таңда Қорқыт ата атындағы Қызылорда университетінде ғылыми-зерттеу жұмысынан түскен табыс 5 есе өсті. Оқу орнында 30 ғылыми жобаның 23-і &nbsp;Ғылым комитетінің гранттық қаржыландыруы аясында орындалуда. Университеттің 3 ғалымы мемлекеттік ғылыми стипендиялардың иегері атанып, 3 ғалым Ұлттық ғылыми кеңестің құрамына кірді. Сондай-ақ, "500 ғалым" жобасы аясында былтыр 13 оқытушы шетелде тағылымдамадан өтсе, биыл тағы 6 оқытушымыз &nbsp;шетелде ғылыми тәжірибе алмасуда. Үш жылдан бері жас ғалымдардың ғылыми ізденістерін қолдау мақсатында жалпы сомасы 10 млн.теңге құрайтын университеттің ішкі гранты бөлініп келеді. Ал биылдан бастап грант көлемі 20 миллионға көтерілді. Бұдан бөлек әлемдік мықты журналдарда жарияланымдары жарық көрген ғалымдар үшін материалдық қаржыландыру көздері қарастырылған.&nbsp; Айта кетейік, вице-министр Дархан Ахмед-Заки Қорқыт ата атындағы Қызылорда университетінде 20 қыркүйек күні "Қазатомөнеркәсіп "ҰАК" АҚ бірлескен ғылыми-техникалық хакатон өтетін айтты. Басқосудың негізгі мақсаты – ғылым нәтижелерін өндіріске жақындату.

Ғылым және жоғары білім вице-министрі  Дархан Ахмед-Заки Қызылордада халықпен кездесті

<a href="https://kyzylorda-news.kz/">Kyzylorda-news.kz</a> Қос қыз бұл өлімге арнайы дайындалған деген болжам бар.16 қыркүйекте Алматыда екі бірдей оқушы тұрғын үйлердің бірінен құлап кеткен. Олардың бірі "ешкімге масыл болғым келмейді" деп әлдекімге хат жіберген, - деп хабарлайды <a href="https://kyn.kz/36560/almatyda-zho-ary-abattan-sekirip-ketken-o-ushyny-dorbasynan-an-a-oran-an-mayly-pen-tkir-zat-tabyldy">Kyn.kz</a> &nbsp; сайты &nbsp;Алматы&nbsp;телеарнасына сілтеме жасап. &nbsp;Үйіне қайтып келе жатқан алматылық тұрғын Галина Васильева ауласының маңынан полиция қызметкерлерін көріп, жақындай бергенде жерден оқушы қыздардың мәйітін көріп есеңгіреп қалған.<blockquote>– Мен емханада болғам. Келсем, полицейлер жүр. Екі қыздың денесін көрдім. Олардың биіктен құлап, өздеріне қол жұмсағанын естідім. Менің білуімше, олар алдымен, тамырын кеспек болған. Алайда қолдарынан келмеген соң, секірген секілді. Сөмкелері толған қорқынышты заттар, сұмдық-ай! Мына шатырға баратын баспалдақ үнемі ашық тұрады, – деді куәгер Галина Васильева.</blockquote>Тұрғындар қайғылы жағдайдан кейін полицейлермен бірге жүріп, үй кіреберісінде темекі қалдықтарын байқаған. Одан соң шатырға шығып, оқушы қыздардың сөмкелері мен жеке заттарын көріп шошыған. Себебі дорбалардың ішінде қанға оранған майлық, дәрілік препараттар мен қауіпті өткір заттар болған. Сондай-ақ оқушының бірі ұялы телефонынан бейтаныс адамға күмәнді хабарлама жіберген.<blockquote>– Қыздардың бірінің сөмкесі жатты. Оның ішінде ас үй пышағы, кескіш заттар, қанға боялған майлық, 7-сыныптың оқулықтары болды. Біз жоғары көтерілдік. Онда екі аяқ киім, екі телефон болды. Сосын шылымның қалдығын көрдік. Телефондарын куәгер ретінде біздің көзімізше ашып көрсетті, онда әлдекімге «тамырымды таппай тұрмын, шаршадым, ешкімге кедергі, масыл болғым келмейді» деген хабарлама жіберілген, –&nbsp;деді куәгер Наталья Наумова.</blockquote>Куәгерлердің сөзінше, марқұм қыздар жақын дос болған көрінеді. Олар сол маңайдағы №25 мектептің 7-сыныбында оқыған. Бірі көрші аулада, екіншісі сол аудандағы басқа көпқабатты үйде тұрған. Оқиғаға қатысты полиция департаменті мәлімдеме жасады.<blockquote>– Бұл дерек бойынша Алмалы аудандық полиция Басқармасы қылмыстық іс қозғады. Оқиғаның себебі мен мән-жайы анықталуда, – деді Алматы қалалық Полиция департаментінің ресми өкілі Салтанат Әзірбек.</blockquote>Жантүршігерлік жағдай бұл көпқабатты үйдің тұрғындарын есеңгіретіп тастады. Оның үстіне, жоғарыға апаратын есіктің әрдайым ашық тұратынын бәрі біледі. «Жасөспірімдер түрлі әрекетке баруы мүмкін» деп алаңдайды. Бүгінгі қайғылы оқиға бұған дәлел болғандай. Тұрғындар пәтер иелері кооперативінен ауладағы қауіпсіздікті қатаң бақылауға алуды талап етіп отыр.Фото: chatgpt

Алматыда жоғары қабаттан секіріп кеткен оқушының сөмкесінен өткір зат пен қан-қан майлық шықты

<a href="https://kyzylorda-news.kz/">Kyzylorda-news.kz</a> Халықаралық көлік-гуманитарлық университетінің Ақтөбедегі филиалы басшысының әйелі абитуриенттерден оқуға түсу үшін ақша алған.&nbsp;Бұл туралы&nbsp;<a href="https://stan.kz/aktobede-zhoo-basshisinin-ayeli-talapkerlerden-okuga-tu-406436/">Stan.kz</a>&nbsp;ақпарат агенттігі хабарлады.Университет студенті болғысы келгендер әйелге 100 мыңнан бір жарым миллион теңгеге дейін ақша берген. Ол өзі университетте жетекші маман болып жұмыс істепті.&nbsp;Әйел&nbsp;алаяқтық жасағаны үшін үш жылға бас бостандығынан айырылды, бірақ кейін облыстық сот сотталушының бала тәрбиелеп отырғанына байланысты үкімді бас бостандығын шектеуге өзгертті.47 жастағы Гүлмира осы схемамен 25 рет ақша алған. Айыпталушы Instagram желісінде университет қызметін жарнамалап салады, талапкерлер хабарласып, оған оқу ақысын төлеген. Бұл ақшаны ол өзіне алып қалған.Алғашқы сот отырысында айыпталушы күйеуінің бұдан хабардар екенін және бұл ақшаға отбасын асырап отырғанын айтты. Сондай-ақ&nbsp;Гүлмираның енесі өз анасы мен ағасын ЖОО-ға техникалық қызметкер, электрик ретінде тіркеген, ал екі адамның жалақысын Астанадағы жеңгесі алып отырған.Сотта сотталушының енесі куәгер болды. Ол өз ақшасы бар екенін алға тартты. Сонымен қатар келінінің талапкерлерден&nbsp;ақша алатынын білмегенін айтты. Сөзінше,&nbsp;қылмыстық іс қозғалған кезде ол келініне&nbsp;5 миллион теңге берген. Қайын атасы да келінінің ақша алатынын білмегенін растады. Ол да зейнетке шыққанға дейін университеттің сол филиалын басқарған, содан кейін ұлы директор болып тағайындалған.Сот ЖОО-ның бұрынғы жетекші маманын екінші рет алаяқтық үшін кінәлі деп тауып, 4 жылға бас бостандығын шектеу жазасын берді. Сондай-ақ&nbsp;қосымша жаза ретінде жыл сайын ол 100 сағат мәжбүрлі жұмысқа тартылады.Еске салсақ, бұған дейін&nbsp;Ақтөбе гуманитарлық-техникалық колледж директоры студенттерден пара алды деген күдікпен ұсталған еді.Фото: Pixabay.com

4 жыл бас бостандығынан шектелді: Ақтөбеде ЖОО басшысының әйелі талапкерлерден оқуға түсу үшін ақша алған

Бүгінге&nbsp;дейін 15 мектеп тексерістен өткен.Абай облысы мектептеріндегі тамақтану сапасын бақылау мақсатында құрылған ведомствоаралық сараптамалық топ өз жұмысын қайта жалғастыруда, деп хабарлайды&nbsp;<a href="https://ru.qaz365.kz/">Qaz365.kz</a>.Арнайы топ: қалалық мәслихат өкілдері, ата-аналар қоғамдастығының мүшелері, білім бөлімі қызметкерлері, санитарлық-эпидемиологиялық қызмет мамандары және үкіметтік емес ұйымдардың өкілдерінен құралған. &nbsp;Сараптамалық топтың жұмысына сәйкес бүгінге&nbsp;дейін 15 мектеп тексерістен өткен.<blockquote>"Абай облысында қазіргі таңда мектептерде ведомствоаралық комиссия жұмыс атқаруда. Яғни, барлық мектептердің асханаларына тексеріс жүріп жатыр.&nbsp;Қазіргі уақытта облыста 65 мектеп тексерілді, оның ішінде Семей қаласы бойынша 15 мектеп тексерістен өтті. &nbsp;Тексеріс мектеп асханаларының бекітілген мәзіріне сәйкес тамақтануына, азық-түлік пен дайын өнімдердің мақсатты түрде пайдалануына, олардың сапасына байланысты жүргізілуде. Өткізілген тексеріс нәтижелері бойынша талап бұзушылықтар&nbsp;болмады. Алайда мониторинг барысында ас блоктарында, жергілікті жерлерде &nbsp;санитариялық талаптар сақталмаған бұзушылықтарды жою мақсатында комиссия мүшелері &nbsp;өздерінің ұсыныстарын білдірді", - деп атап өтті Абай облысы білім басқармасының мектепке дейінгі, жалпы орта білім беру бөлімінің басшысы Макия Әмірханова.</blockquote>Қазіргі күні өңір бойынша 275 мектепте ас блогы, тамақтану залдары бар (91 %). Сонымен қатар интернатық тұрмыспен 3 облыстық мектепте (БИЛ, МММИ, Жас Ұлан) ас блоктары бар, ыстық тамақ ұйымдастырылған. 23 шағын жинақты мектептерде (Семей қ., Ақсуат, Аягөз, Бородулиха, Жарма, Көкпекті, Үржар ауд.) асхана жоқ. Аталған мәселені шешу мақсатында бұл мектептерде оқушылардың тамақтануына бейімделген кабинеттер дайындалып, 362 оқушыға 20 мектепте кейтерингтік қызметтер арқылы тегін ыстық тамақ ұйымдастырылса, 8 мектепте кейтерингтік буфеттік тамақтану жағдайы қарастырылған.<blockquote>"Мектеп оқушыларының рационын нормаларға сәйкес келтіру мақсатында 2024 жылы жергілікті бюджеттен тегін тамақтандыруға қосымша қаражат бөлініп, облыс бойынша тегін тамақтандырудың орташа құны 620 теңгеге (2023 жылы - 565 тг.), буфеттік тамақтандырудың құны 430 теңгеге (2023 жылы – 384 тг.) өзгерген. Бұл тамақтану құнына мектептегі бір реттік тамақтандыру нормаларына сәйкес өнімдер кіреді. Бір реттік тегін тамақпен 54 594 оқушы (5,5 млрд. теңге бөлінді), оның ішінде 1-4 сыныптың 40 491 оқушысы, 5-11 сынып аралығындағы әлеуметтік осал топ санатынан шыққан 14103 оқушы қамтамасыз етілуде", - дейді Макия Әмірханова.</blockquote>Сапалы теңдестірілген тамақтандыруды ұйымдастыру мақсатында облыстық Білім басқармасы тарапынан білім беру ұйымдарындағы балалардың тамақтану стандарттары қаралып, бақылануда. Өңірлерде шығарылатын отандық өнімдерді пайдалана отырып, ас мәзірін әзірлеуге қатысты қағидалар мен бракераждық комиссиялардың, ведомствоаралық сараптамалық топтардың мүшелері үшін мониторинг топтары қызметінің тәртібі туралы заңнамалық нормалар басшылыққа алынған. Сондай-ақ қалалық/аудандық білім бөлімдерінен 10 ведомствоаралық сараптамалық топ жұмыс істейді.<blockquote>"Бүгінгі таңда Семей қаласының жалпы орта білім беретін мектептерінің басты мақсаты білім алушылардың мектепте жайлылықты сезіне алуы. Осы тұрғыда біз мониторингтік&nbsp;топпен бірлесе отырып,&nbsp;ас мәзіріне тексеріс жұмыстарын жүргізіп жатырмыз. Дәл қазір жалпы орта білім беретін №18 мектепте мониторинг шаралары жүргізілуде. Негізгі дүние балалардың тұтынып жатқан ас мәзірі, оның табиғилығы және санитариялық талаптарға сай екендігі &nbsp;маңызды. Сараптамалық топтың жұмысы алдағы уақытта барлық мектепте жалғаспақ", – деп атады Мониторингтік топтың мүшесі Алмас Айтмұқаш.</blockquote>Фото: qaz365.kz

Қатаң тексеріс: мектеп асханаларына мониторинг қалай жүргізіліп жатыр

<a href="https://kyzylorda-news.kz/">Kyzylorda-news.kz</a> Алматының білім басқармасы оқушылардың қазасына байланысты мәлімдеме жасады, деп хабарлайды&nbsp;<a href="https://qaz.ulysmedia.kz/news/19766-shatyrdan-ku-lap-kazap-tapkan-okushylar-bilim-baskarmasy-m-limdeme-zhasady/">Ulysmedia.kz</a>.Алматы қаласының білім басқармасы оқиғаның мән-жайын зерделеу үшін арнайы комиссия құрылғанын хабарлады.<blockquote>"Комиссия оқиғаның себептері мен жағдайларын анықтау үшін тиісті мемлекеттік органдардың қызметкерлерін тартып, жұмыс істейді", — делінген ведомствоның ресми мәлімдемесінде.</blockquote>Тұрғын үй кешенінің маңындағы асфальттан оқушы қыздардың мәйіті табылған. Оқиға куәгерлері төтенше жағдайлар қызметіне хабарлаған. Қайғылы оқиға орнына жедел-жәрдем дәрігерлері мен полиция қызметкерлері жеткенімен, балаларды аман алып қала алмаған.Аталған жағдайға Алматы облысы Полиция департаментінің баспасөз қызметі жауап берді.<blockquote>Бұл дерек бойынша Алмалы аудандық полиция Басқармасы қылмыстық іс қозғады. Оқиғаның себебі мен мән-жайы анықталып жатыр, - деді Алматы қаласы полиция департаментінің ресми өкілі Салтанат Әзірбек.</blockquote>Қайтыс болған қыздардың бірі эко-сарапшы Евгений Мұхамеджановтың қызы екені анықталды.<blockquote>Біздің қызымыз қайтыс болды. Шатырдан құлады. Бұған дейін қала бойынша көптеген баланың шатырдан құлағаны белгілі. Біз оқиғаның видеосын күтеміз. Қаладағы үйлердің шатырына шығу ашық-шашық жатыр, - деді ол Ulysmedia-ға.</blockquote>Евгений Мұхамеджанов – Қазақстандағы танымал эко-сарапшы, ECO Network жобасының негізін қалаушы және азаматтық белсенді.Фото: Ulysmedia.kz.

Шатырдан құлап қазап тапқан оқушыларға қатысты Білім басқармасы мәлімдеме жасады

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Шиелі ауданына жұмыс сапары кезінде №252 мектеп-гимназияның 375 орындық қосымша оқу ғимаратының құрылысымен танысты.Аудан орталығындағы мектеп-гимназия 1967 жылы салынған, екі қабатты, газбен жылытылады. Наурыз айында 375 орындық, үш қабатты қосымша оқу ғимаратының құрылысы басталған. Бас мердігер «Ахат+ГС» ЖШС, жоба құны – 625,6 млн. теңге. Аймақ басшысы құрылысты сапалы әрі жылдам жүргізуді тапсырды.Айта кетейік, жаңа оқу жылында Шиелі ауданының «Жансейіт» елді мекенінде 100 орындық жаңа мектеп ел игілігіне берілді. Аудан орталығында 200 орындық оқушылар үйі мен 50 орындық өнер мектебінің құрылысы жақын арада басталмақ. Мемлекет басшысының бастамасымен қолға алынған «Жайлы мектеп» ұлттық жобасы аясында 900 орындық мектеп салынады.Шиелі кентінде 30 төсектік жұқпалы аурулар бөлімшесі мен көпбейінді орталық аудандық ауруханаға қосымша ғимарат қосылып, қайта жаңғырту жұмыстары басталды. Өткен жылы Бала би, Досбол датқа, «Бұланбай бауы» елді мекендерінде медициналық амбулаториялар пайдалануға берілді. Биыл облыс аумағында қолға алынған 11 дәрігерлік амбулаторияның 5-уі «Алмалы», Тәжібаев, «Ортақшыл», «Тартоғай», «Бестам» ауылдарында бой көтермек.Шиеліде «Руханият» орталығының құрылысы қарқын алды. Атап өту қажет, дәл осындай ғимараттар өңірдің барлық ауданында салынуда. Орталықтар жыл соңына дейін қолданысқа беріледі.<img src="https://knadmin.beoblood.kz/uploads/Shieli_bilim_m_alim_453e71c3fe.jpg" alt="Шиелі білім мұғалім.jpg"><img src="https://knadmin.beoblood.kz/uploads/Shieli_bilim_o_ushylar_a26e1330db.jpg" alt="Шиелі білім оқушылар.jpg"><img src="https://knadmin.beoblood.kz/uploads/Shieli_o_ushylar_2f93df0cf5.jpg" alt="Шиелі оқушылар.jpg">Фото: Қызылорда облысы әкімінің баспасөз қызметі

Аймақ басшысы Шиелі ауданындағы мектеп құрылысымен танысты

<a href="https://kyzylorda-news.kz/">Kyzylorda-news.kz</a>&nbsp; Алматыда 7-сынып оқушысы&nbsp;сегізінші қабаттан құлап қаза тапқан оқиғаның куәгерлері жаңа деректерді бөлісті. Бұл туралы <a href="https://stan.kz/yyiktatatin-dariler-pishaktar-bar-dayindalip-kelgen-alm-406370/">Stan.kz </a>ақпарат агенттігі КТК телеарнасына сілтеме жасап хабарлайды.Тұрғындар жеткіншектер секіріп кеткен жерден&nbsp;адамның бұлшық етін босатып, ұйықтататын әсері бар бірнеше дәрі тауып алған. Қазір оқиғаға қатысты полиция тергеу жүргізіп жатыр. Әзірге белгілісі екі оқушы сабақ ортасында мектептен шығып кеткен екен.Тоғыз қабатты тұрғын үй қазір құқық қорғау органдарының ерекше бақылауында. Мектеп формасын киген екі қыз үйдің бейнебақылау камерасына түсіп қалған. Таңғы сағат 10 шамасында жасөспірімдер көтеріңкі көңіл-күймен подъездердің біріне кіріп кеткен.<blockquote>“Біреуінің беті&nbsp;төмен қарап жатты. Екіншісі былай. Мен оларды танымаймын. 25 мектептен дейді. Біреуі күрте киген, екіншісі рюкзакпен болды”, &nbsp;–&nbsp;дейді оқиға&nbsp;куәгері&nbsp;Галина Васильева.</blockquote>Куәгерлердің айтуынша, қыздар шатырда жарты сағаттай болған. Қайғылы жағдайдан кейін тұрғындар шатырдан белгісіз препараттарды тауып алған.<blockquote>“Ұйықтататын дәрілер, пышақтар, аяқ киімдер бар. Қысқасы, қыздар дайындалып келген.&nbsp;Оның үстіне олар құлаған кезде ешкім айқайлаған жоқ. Түсінесіз бе? Олар бірдеңе тұтынған”, –&nbsp;дейді оқиға куәгері.</blockquote>Бұл уақытта оқушы қыздардың неліктен сабақта болмағаны әзірге белгісіз. Қыздар оқитын гимназия әкімшілігі түсініктеме беруден бас тартты. Ал қалалық білім басқармасы мектепте тексеріс жүргізіп жатыр, арнайы комиссия құрылған.<blockquote>“Бүгін Алмалы ауданында екі қыздың өмірін қиған қайғылы оқиғаға байланысты Алматы қалалық білім басқармасы істің барлық мән-жайын зерделеу үшін тиісті мемлекеттік органдардың қызметкерлерін тарту арқылы комиссия құрды”, –&nbsp;деді Алматы қалалық білім басқармасының басшысы Сайран Сайфеденов.</blockquote>Сондай-ақ Алматыдағы&nbsp;барлық тұрғын үйлердің шатырлары мен шатырларға&nbsp;кіру жолдары тексерілетін болады.<blockquote>“Алмалы ауданы полиция басқармасы қылмыстық іс қозғады. Оқиғаның себеп-салдары мен мән-жайы анықталып жатыр”, –&nbsp;деді&nbsp;Алматы ПД ресми өкілі Салтанат Әзірбек.</blockquote>Еске салсақ, бұған дейін&nbsp;Алматыда екі оқушы қыз тоғызыншы қабаттан құлап мерт болғаны туралы жазған едік.&nbsp;Фото: Stan.kz&nbsp;

Көп дәрі, пышақ табылған: Алматыда шатырдан құлаған қыздардың өліміне қатысты куәгерлер жаңа деректерді бөлісті

<a href="https://kyzylorda-news.kz/">Kyzylorda-news.kz</a> Қаланың Алмалы ауданында 16 қыркүйек күні ек қыз көпқабатты үйдің терезесінен құлап кеткен, деп хабарлайды <a href="https://qaz.ulysmedia.kz/kogam/19749-almatyda-eki-okushynyn-m-iiti-tabyldy/">Ulysmedia.kz.</a>Тұрғын үй кешенінің маңындағы асфальттан оқушы қыздардың мәйіті табылған. Оқиға куәгерлері төтенше жағдайлар қызметіне хабарлаған. Қайғылы оқиға орнына жедел-жәрдем дәрігерлері мен полиция қызметкерлері жеткенімен, балаларды аман алып қала алмаған.Аталған жағдайға Алматы облысы Полиция департаментінің баспасөз қызметі жауап берді.<blockquote>Бұл дерек бойынша Алмалы аудандық полиция Басқармасы қылмыстық іс қозғады. Оқиғаның себебі мен мән-жайы анықталып жатыр, - деді Алматы қаласы полиция департаментінің ресми өкілі Салтанат Әзірбек.</blockquote>Фото: Ulysmedia.kz.

Алматыда екі оқушының мәйіті табылды

<a href="https://kyzylorda-news.kz/">Kyzylorda-news.kz</a> 2024 жылы 18 қыркүйек күні сағат 15.00-де Ғылым және жоғары білім вице-министрі Ахмед-Заки Дархан Жұмаханұлының ғылым және жоғары білім саласын дамыту мәселелері бойынша Қызылорда облысының тұрғындарымен кездеседі.Кездесу Қызылорда қаласы, Ыбырай Жақаев көшесі 11, Қорқыт ата атындағы Қызылорда университетінің студенттер сарайы мекенжайы бойынша өткізіледі.Кездесу өткізілгеннен кейін азаматтарды жеке мәселелері бойынша қабылдау ұйымдастырылады.Жеке қабылдауға жазылу 8 (7172) 74-19-42 нөмірі бойынша жүргізіледі.Ғылым және жоғары білім саласындағы өтініштерді r.asanova@sci.gov.kz электронды поштасына жіберулеріңізді сұраймыз.

Қазақстан және Қызылорда облысының жаңалықтары: Білім