<a href="https://kyzylorda-news.kz/">Kyzylorda-news.kz</a>&nbsp; &nbsp;Қызылорда ашық университетінде 2024-2025 оқу жылына талапкерлердің құжаттарын қабылдау басталды.&nbsp;Қабылдау комиссиясы жұмысының салтанатты ашылу рәсіміне бірінші проректор Абайбек Жүнісов қатысып, оқуға түсушілерге сәттілік тіледі.<blockquote>«Қызылорда ашық университеті талапкерлерді қабылдауға дайын. Қабылдау комиссиясы бүгіннен бастап ресми түрде өз жұмысын бастады. Биыл университетке түсушілер саны артады деп ойлаймыз. Құжат тапсыруға келген талапкерлер мен ата-аналар үшін барлығы жан-жақты қарастырылған», – деді проректор.</blockquote>Қызылорда ашық университеті Сыр еліндегі ең қолжетімді деңгейдегі оқу ақысын ұсынады. Университетте талапкерлердің әлеуметтік жағдайына қарай 10,15,20,30 пайыздық жеңілдіктер қарастырылған. Ал ҰБТ-дан 100 балл жинаған және ата-ана қамқорлығынсыз қалған талапкерлерге «Ректор гранты» тағайындалады. Айта кетейік, биыл әскери борышын өтеп келген он талапкерге тегін білім гранты беріледі. Сонымен қатар, әскери борышын өтеген азаматтардың оқу ақысына 20 пайыз жеңілдік ұсынылады.Академиялық мәселелер жөніндегі проректор, комиссияның жауапты хатшысы Айгүл Әлібекова қабылдау комиссиясының жұмысына тоқталды.«Комиссия құрамына арнайы мамандар мен тәжірибелі оқытушылар енгізілген. Олар кәсіби бағыт-бағдар, кеңес беру және бакалавриат бойынша түсіндіру жұмыстарын жүргізеді. Оған қоса, университеттің ресми парақшаларында да онлайн түсіндірме жұмыстары жүргізіледі. Комиссия мүшелері талапкерлерге онлайн және офлайн форматта сапалы әрі жедел қызмет көрсетеді. Оқу орнында 23 білім беру бағдарламалары бойынша маман даярланады. Биыл оның 20 БББ-на мемлекеттік тапсырыс бойынша грант бөлінеді», – деді Айгүл Әлібекова.Қабылдау комиссиясы демалыссыз 9.00-ден 18.00-ге дейін жұмыс істейді. Түскі үзіліс уақыты 13.00-ден 14.00. Мекен-жайы: Қызылорда қаласы, Ғ.Мұратбаев көшесі №72.Call-орталық: 8 702 842 93 02, 8&nbsp;707&nbsp;307 28 55Айта кетейік, Арал қаласында Қызылорда ашық университетінің өкілдігі талапкерлерді қабылдау жұмысын бастады. Кездесуге Арал ауданы әкімінің орынбасары Кете – Төлеби Бержанов, университеттің бірінші проректоры Абайбек Жүнісов, академиялық мәселелер жөніндегі проректор, комиссия хатшысы Айгүл Әлібекова, оқу процесін тіркеуші офисінің меңгерушісі Ақмарал Омарова және ата-аналар мен талапкерлер қатысты.<blockquote>«Мамыр айында Қызылорда ашық университетінің өкілдігін ашу туралы үш жақты келісім жасалған еді. Бүгін міне, өкілдігіміздің алғашқы талапкерлерін қабылдау жиынына куә болып отырмыз. Біздің мақсатымыз – аймақта ашық және қашықтықтан білім беру мүмкіндіктерін дамыту. Университет өкілдігі – аудан жастары үшін сапалы әрі қолжетімді білім алуға жасалған үлкен жұмыстың нәтижесі»,-деді Абайбек Талғатұлы.</blockquote>Қызылода ашық университетінің қабылдау комиссиясы 20 маусымнан бастап жұмысын бастады. Енді Арал ауданы мен жақын орналасқан елдімекендердегі талапкерлер университет өкілдігіне өтінім бере алады. Комиссия мүшелері талапкерлерге онлайн және офлайн форматта сапалы әрі жедел қызмет көрсетеді. Оқу орнында 23 білім беру бағдарламалары бойынша маман даярланады. Биыл оның 20 БББ-на мемлекеттік тапсырыс бойынша грант бөлінеді.Айта кетейік, Қызылорда ашық университеті Сыр еліндегі ең қолжетімді деңгейдегі оқу ақысын ұсынады. Университетте талапкерлердің әлеуметтік жағдайына қарай 10,15,20,30 пайыздық жеңілдіктер қарастырылған. Ал ҰБТ-дан 100 балл жинаған және ата-ана қамқорлығынсыз қалған талапкерлерге «Ректор гранты» тағайындалады. Биыл әскери борышын өтеп келген он талапкерге тегін білім гранты беріледі. Сонымен қатар, әскери борышын өтеген азаматтардың оқу ақысына 20 пайыз жеңілдік ұсынылады.&nbsp;А.Текебай Фото:Қызылорда ашық университеті

Ашық университеті талапкерлерді қабылдау жұмысын бастады

<a href="https://kyzylorda-news.kz/">Kyzylorda-news.kz</a>&nbsp; &nbsp;2024 жылдың 20 маусымынан бастап Қорқыт Ата Атындағы Қызылорда университетінің қабылдау комиссиясы өз жұмысын бастады. Университет бакалавриаттың 58, &nbsp;магистатураның 32 және &nbsp;докторантураның 13 білім беру бағдарламасы бойынша қабылдау жүргізеді.Талапкерлерді оқуға қабылдау бірнеше кезеңдерді қамтиды, атап айтқанда:Баклавриат бойынша 20 маусым- 07 шілде аралығында шығармашылық дайындықты талап ететін білімнің білім беру бағдарламалары топтарына білім беру гранты конкурсына қатысушылардан шығармашылық емтиханға құжаттар қабылданып, 08-12 шілде аралығында шығармашылық емтихандар өткізіледі.Шығармашылық дайындықты талап ететін білімнің білім беру бағдарламалары топтарына ақылы негізде оқуға түсуші талапкерлерден 20 маусым- 10 тамыз аралығында құжаттар қабылданып, 10-15 тамыз аралығында шығармашылық емтихандар өткізіледі.&nbsp;«Педагогикалық ғылымдар» білім беру саласы бойынша білім беру гранты конкурсына қатысушылар QR код арқылы арнаулы емтиханды 01 – 12 шілде аралығында, ақылы негізде оқуға түсуші талапкерлер 05 -20 тамыз аралығында тапсыра алады.Ағымдағы жылдың 13-20 шілде аралығында Республикалық бюджет қаражаты есебінен білім беру гранты конкурсына қатысушы талапкерлерден құжаттар қабылданып, Ұлттық тестілеу орталығының ақпараттық жүйесіне тіркеледі.Магистратураға түсушілер 01 маусымнан бастап Ұлттық тестілеу орталығының ақпараттық жүйесі арқылы кешенді тестілеуге өтініштер қабылдануда, ол 08- шілдеге дейін жалғасады.20 шілде – 10 тамыз аралығында тестілеу орталықтарында кешенді тест тапсырып, білім беру гранты конкурсына қатыса алады.Техникалық және кәсіптік, орта білімнен кейінгі немесе жоғары білім негізінде қысқартылған оқыту мерзіміне ақылы негізде қабылдау үшін өткізілетін түсу (әңгімелесу) емтиханы 20 маусым – 25 тамыз аралығында болады.Докторантураға түсушілерден 03 шілде-03 тамыз аралығында Ұлттық тестілеу орталығының ақпараттық жүйесі арқылы өтініш қабылдау жүргізіледі, 04-20 тамыз аралығында қабылдау емтихандары өтеді.Университетте білім алушыларды оқуға қабылдауға барлық жағдайлар жасалған, қабылдау барысында автоматтандыру цифрландыру жұмыстарына көңіл бөлінуде.Барлық талапкерлерді Қорқыт ата атындағы Қызылорда универсиетінің қызметін пайдалана алады. Сондай-ақ https://www.talapker-korkyt.kz және instagram @talapker_korkyt парақшасы арқылы қосымша ақпарат ала алады.&nbsp;А.ТекебайФото:Қорқыт ата атындағы ҚУ

Қызылордада қабылдау комиссиясының жұмысы басталды

<a href="https://kyzylorda-news.kz/">Kyzylorda-news.kz</a>&nbsp; &nbsp;Қызылорда қалалық орталықтандырылған кітапханалар жүйесіне қарасты А.С.Пушкин атындағы орталық кітапханада белсенді оқырмандардың қатысуымен жазушы, драматург Роза Мұқанованың «Мәңгілік бала бейне» әңгіме желісі бойынша әдеби талдау өткізілді.Шараның мақсаты – кітап сүйер қауымға жазушы, драматург Роза Мұқанованың шығармаларын насихаттау. Оқырмандар талдау барысында алдымен «Мәңгілік бала бейне» атты әңгімесінің авторы Роза Мұқанованың шығармасындағы қазіргі қоғамдағы адамгершілік мәселелерін терең түсінуге мүмкіндік бергенін және де оқырман қоғамның қаталдығын, адамдардың бір-біріне деген немқұрайлы қарым-қатынасын, жеке тұлғаның тағдырын жаппай өзіндік стилімен баяндағанын айтып өтті. Сонан соң шараға арнайы сұрақтар бойынша өз ойларын ортаға салды.Кітапхана оқыманы Бекайдарова Сания – шығармадағы оқиға қай жерде орын алғанын және де әңгіменің басты кейіпкері Ләйлә арқылы жазушы қоғамның қатыгездігін айқын көрсеткенін айтса, оқырман Ерланұлы Ержан ядролық сынақтардың зардабынан мүгедек болған Ләйлә қыздың өміріне тоқталды. Жалпы шара барысында оқырмандар әңгімені қызу талқылап, Ләйләның туған жері Қарауылдың ащы болмысы мен әлеуметтік жай-күйін, жас қыздың атомның әсерінен емес, адам баласының ісінен өз өмірімен қоштасқанын, сонымен бірге қоғамның лас әрекетіне шыдамаған Ләйләмен бірге оның Қарауылы, рухы, ұлты жойылғанын айтып, пікірлерімен бөлісті. Оқырмандар әдеби талдауды қорытындылай келе, автор шағын әңгімесінде басты кейіпкер Ләйлә образы арқылы күллі қазақ жұртының ауыр қайғысы мен мұңын баяндаған өте мазмұнды, оқырман жүрегіне ой салатын, мағынасы зор шығарма екенін айтып өтті.

Қызылорда: Кітапхана оқырмандары әдеби талдау өткізді

<a href="https://kyzylorda-news.kz/">Kyzylorda-news.kz</a> &nbsp;Қазақ халқының нағыз азаматын тәрбиелеп өсіру негіздерін қалыптастыратын тұңғыш мектеп – балабақша.&nbsp;«Балабақша – тәрбиенің бұлағы. Балабақша – мейірімнің шуағы» демекші, балабақша келер ұрпақты еңбекке, өнер-білімге, елінің ар намысын қорғауға және ізгі адамгершілік ниеттерге баулиды. Сондай балабақшалардың бірі – аудандық «Балбөбек» бөбекжайы. Газетіміздің бүгінгі санында аталған балабақша жөнінде қалам тербетуді жөн көрдік. Аудан орталығындағы бөбекжайға келіп, толықтай танысып шықтық. Іші кішкентай болса да, өте әдемі безендіріліп, толықтай қамтылған. Карантиндік режимді сақтай отырып, күнделікті қызу жұмыс жасауда. Әр кабинет санитарлық нормаларға сай безендірілген. Тәрбиешілерге де, тәрбиеленуші балаларға да барлық жағдай жасалған.- «Адамның адамшылдығы – ақыл, ғылым, жақсы ата, жақсы ана, жақсы құрбы, жақсы ұстаздан болады» дейді Абай атамыз. Еліміздің ертеңгі ұлт тізгінін ұстар жастарымыздың тәрбиесіне аса мән беру – біздің негізгі мақсатымыз.Түрлі білім беру саласы бойынша балалардың жас ерекшеліктеріне сай ұйымдастырылған оқу қызметін тәрбиешінің шығармашылық ізденісі арқылы жүзеге асырып жұмыстанамыз. Мектепке дейінгі жастағы балалармен жұмыс барысында педагогтер әр баланың мінезқұлқын, жас психо-физиологиялық ерекшеліктерін, табиғи дара шығармашылық қабілетін ескереді. Әр баланың өмірі мен денсаулығы біздің жауапкершілігімізде. Балабақшада дұрыс тәлім-тәрбие бере алсақ, ол ертең мектепке барып саналы түрде сапалы білім алуға тырысады. Соның нәтижесінде елін сүйген азамат болып шығады. Біз, тәрбиешілер, түрлі болашақ маман иелерін тәрбиелеп жатырмыз десем, артық айтқандық болмас, - дейді «Балбөбек» бөбекжайының меңгерушісі Фарида Әкімғалиева. Иә, «Баланы тәрбиешінің дәл өзіндей қылып шығармай, келешек заманына лайық қылып шығару керек» деп Мағжан Жұмабаев атамыз текке айтпаған ғой. Бесіктен басталған бала тәрбиесі қарыштап алға дамып келе жатқан ХХІ ғасырда балабақшада жалғасын табады. Күнкөріс қамымен жүрген жұмысбасты ата-аналар үшін баланың балабақшада тәлімтәрбие алуы тиімді жол. Балабақша қазіргі таңда тәлім-тәрбие алатын ортасы ғана емес, сонымен қатар мектепалды даярлық мекені десек қателеспейміз.Осындай тәлім мен тербие тел берілетін «Қызылорда облысының білім басқармасының "Қазалы ауданы бойынша білім бөлімінің №7 «Балдырған» санаториялық бөбекжай-балабақшасы» коммуналдық мемлекеттік мекемесі 1986 жылдың қазан айында ашылған. Балабақша балаларды өкпе ауруына қарсы емдеу, олардың бойындағы туберкулез талшықтарын жою және оның алдын алу шараларымен бірге тәрбие жұмыстарын жүргізеді. Алғашқы кезде балабақшада екі топ жұмыс жасады.1995-1998 жылдарда (оңтайландыру кезінде) Халықаралық «Аралды құтқару» қорынан 2 миллион теңге қаражат бөлініп, 4 топ жұмыс жасады. 1999 жылдан бастап, жергілікті бюджеттен қаржы бөлініп, 6 топқа көбейді. 2013-2015 жылдар аралығында балабақшаға Гүлсім Әзімжанқызы Әліпбаева басшылық жасады. 2015 жылдан бастап, балабақшамызды Жанат Көланова басқарып келді.2021 жылдан бастап, Қызылорда білім басқармасының № 120 нд/1 санды және Қызылорда облыстық денсаулық сақтау басқармасының №252 бб санды «Бірлескен Бұйрығына» сәйкес, балабақша әлсіреген, жиі және ұзақ ауыратын, аймақтық дәрігерде әртүрлі диагнозбен “Д” есепте тұратын балалар, яғни, анемия өкпе-тыныс алу жолдарының, жүрек-қан тамыр жүйесінің, асқазан-ішек жолдарының, эндокриндік жүйенің, аллергиялық және бүйрек-зәр шығару жолдарының ауруларымен есепте тұратын мектеп жасына дейінгі бір жастан алты жастағы балаларға арналған емдеу-алдын алу, сауықтыру жұмыстарын жүргізеді. Балаларға 5 мезгіл тамақ беріледі.Балабақшаға 19 қыркүйек 2022 жылдан бастап, Эльмира Жалпақбайқызы Нұрмағанбетова басшылық етеді.2022 жылдың желтоқсан айынан бастап, 10 балаға толығып, 120 бала тәрбиеленуде.Қазіргі таңда 6 топ жұмыс жасайды. “Бөбек” кіші тобы – &nbsp;15 бала, “Бүлдіршін” &nbsp;кіші тобы –&nbsp;15 бала, “Құлыншақ” ортаңғы тобы – 22 бала, “Алтын кілт” ортаңғы тобы – 23 бала, “Күншуақ” ересек &nbsp;тобы – 23 бала, “Балдәурен” &nbsp;мектепалды даярлық тобы – 22 бала тәрбиеленуде.Балабақшада 20 педагог кадр және 27 техникалық қызметкер жұмыс жасайды. Оның ішінде, жоғары білімді – 14, арнаулы орта&nbsp;– 6, жоғары санатты – 3, Педагог-сарапшы – 4, Педагог-модератор – 4, І-санатты – 1, ІІ-санатты – 4 педагог кадр қызмет етеді. Қазіргі таңда балабақша жаңа инновациялық бағыт бойынша жұмыс жасауда. Педагог кадрлардың 2022-2023 оқу жылындағы жетістіктері жетіп артады. Мәселен, балабақша әдіскері – Клара Тоғамысовна Серикбаева «Үздік ата-аналармен консультативтік пункт» аудандық байқауынан ІІ-орын; тәрбиеші Асель Сахиевна Мамбетова – «Үздік жоба-2022» аудандық байқауынан ІІ-орын; балабақша әдіскері Клара Тоғамысовна &nbsp;Серикбаева «Үздік ата-аналармен консультативтік пункт» облыстық байқауынан ІІ-орын; тәрбиеші Айгуль Амантаевна Душанова – «Қазақ тілі» қоғамдық бірлестігінің ұйымдастыруымен өткізілген «Ана сұлу көрінер қызыменен» атты байқауда – І-орын; тәрбиеші Ерназар Гүлсім Төлегенқызы – аудандық «Мектепке дейінгі білім беру және тәрбиелеу теориясы мен әдістемесі» бағытында педагогикалық оқудан &nbsp;ІІ-орын иемденді. Тәрбиеші Айгуль Амантаевна Душанова – аудандық «Педагогикалық идеялар алаңы» байқауынан І-орын; тәрбиеші Гульмира Кенесовна Беденова – «Балаларға базарлық» атты республикалық байқаудың аудандық кезеңінен І-орын; тәрбиеші Зухра Жеткергеновна Изенова – «Достық бекеті» облыстық бейнеролик байқауында ІІ-орын алды.Тәрбиеші Айгуль Амантаевна – «Қызыққа толы сәттер» республикалық байқауының аудандық кезеңінде І-орын, облыстық кезеңінде ІІ-орын иемденді. Мектепке дейінгі ұйымдар арасында ұйымдастырылған «Қызыққа толы сәттер» республикалық байқауының облыстық кезеңінде №7 «Балдырған» санаториялық бөбекжай-балабақшасы ІІ орынмен марапатталды. Облыстық оқу орталығының жоспарына сәйкес балабақша педагогтерімен «Театр әлеміндегі ғаждайыптар» тақырыбында облыстық вебинар болып өтті. Педагогтер өз тәжірибелерімен бөлісіп, арнайы сертификаттарға ие болды. Кеңес Айсұлтан, Аршат Жәнібекқызы республикалық «Абай оқулары» шығармашылық байқауында «Мәнерлеп оқу» бойынша І орын, жетекшісі Зухра Жеткергенқызы Изенова; Абай Әлинұр «Мың бала» республикалық зияткерлік орталығының «Абай оқулары» шығармашылық байқауы Бас жүлде, жетекшісі Зухра Жеткергенқызы; Нұраш Абай «Менің елім – Қазақстан» патриоттық әндер республикалық фестивалінің ән айтудан «Үздік орындаушы» номинациясы бойынша облыстық кезеңінен 3-орын, жетекшісі Роза Маратқызы; «Құлыншақ» ересек топ балалары «Барлығына рақмет!» республикалық челленджінен ІІІ орынды жеңіп алды. Болат Зиннұр «Әкем – асқар тауым» республикалық байқауының облыстық кезеңінен 2 орын, «Әкем – асқар тауым» республикалық байқауының республикалық кезеңінен 2 орын, жетекшісі Мирамкул Алдамжарқызы Үмертаева; Болат Дінмұхаммед, Бекболат Әлинұр, Ерболұлы Бекзат, Төлеш Расул, Болат Зиннұр «Ханталапай» республикалық ұлттық ойындар байқауының облыстық кезеңінен «Тапқырлар мен ептілер» номинациясымен марапатталды.«Үйренер нәрсең – білім мен мейірімділік» деп Жүсіп Баласағұн айтқандай, балабақша ұжымы әрбір күнін ізденіспен өткізеді. Әр қызметкерімнің өзіндік ерекшеліктері мен қабілеттері бар. Оларды әрдайым мақтан тұтамын.Балабақша – баланың жүйелі түрде білім-тәрбие алатын ең алғашқы қоғамдық ошағы. Балабақшаның балаға беретін тәлім-тәрбиесінің қаншалықты мықты болуы, сол балабақшада қызмет ететін педагогикалық ұжымға, нақтырақ айтар болсақ, ұстазға, тіпті, ондағы қызметкерлерге байланысты. Сол себепті, тәрбиешілер бүгінгі күннің жаңалығынан сырт қалмай, үнемі ізденіс үстінде жүреді.Дана халықымыз «Ағаш түзу өсу үшін оған көшет кезінде көмектесуге болады, ал үлкен ағаш болып өскенде оны түзете алмайсың» деп бекер айтпаған. Балабақша бақыттың ең бірінші баспалдағы, баланың болашағы. Сондықтан, тәрбиенің алтын бесігі саналатын балабақшаның маңызы зор.Фото: basta.kz<img src="https://knadmin.beoblood.kz/uploads/8996e4be_7bbf_4662_af6a_d866a68d027c_3c4db0b09f.jpg" alt="8996e4be-7bbf-4662-af6a-d866a68d027c.jpg">&nbsp;

Қазалы: Балабақша – барлық тәрбие мен білімнің ең алғашқы баспалдағы

<a href="https://kyzylorda-news.kz/ru">Kyzylorda-news.kz</a>&nbsp; Бүгінде ІТ саланы таңдағандардың көбі Қызылордада оқуды мақсат етеді.&nbsp;Басты себеп – республикада алғаш рет жасанды интеллект және деректерді басқару жөніндегі мамандар Сыр елінде даярланады. Тіпті алдағы уақытта көршілес мемлекеттің жастары да білім алуға арнайы келуі мүмкін.2025 жылдан бастап Қорқыт ата атындағы Қызылорда университетінің студенттері қос диплом бағдарламасы бойынша білім алатын болды. Екінші оқу орны – Сеул Ұлттық Ғылым және технологиялар университеті (Сеул Тех).Мұндай мүмкіндікке 12 маусым күні Қазақстан Президенті Қасым-Жомарт Тоқаев пен Оңтүстік Корея Президенті Юн Сок Ёльдің қатысуымен Қазақстан-корей бизнес-форумы аясында Астанада өткен университеттер арасындағы келісім кезінде қол жеткізілді.Жасанды интеллект мамандарын даярлау бағытындағы жұмыс қалай басталды, қазір қандай шаралар атқарылуда? Бұл туралы Өңірлік коммуникациялар қызметінде өткен брифинг барысында университеттің басқарма-төрағасы – ректоры Бейбіткүл Кәрімова толығырақ айтты.<blockquote>– Қызылордада өмір сүрген Кореяның ұлттық батыры, генерал Хон Бом Доның сүйегі 2021 жылы тарихи отанына қайтарылған бо-латын. Сол кезде арнайы келген Корея Республикасы Парламентінің депутаты, Хон Бом До қорының директоры У Вон Сикпен келіссөздер аясында университетте жасанды интеллект бағытын дамытсақ деген ниет білдірдік. Делегация Оңтүстік Кореяға барғасын Парламентте осы сұрақты қарап, Парламенттің қолдауымен «Халықаралық ынтымақтастық жөніндегі жетекші университеттік жоба» (LUPIC) мақұлданды. 2023 жылы басталған бағдарлама 7 жыл бойы жүргізіледі және толығымен Оңтүстік Корея тарапынан қаржыландырылады, – деді Бейбіткүл Сәрсемханқызы.</blockquote>2023 жылдың мамыр айында Қызылорда облысының әкімі Нұрлыбек Нәлібаевтың Сеулге сапары барысында ҚР Ғылым және жоғары білім министрі Саясат Нұрбектің қатысуымен қос дипломды, бірлескен білім беру бағдарламаларын құру мүмкіндігі туралы келіссөздер өтті.Нәтижесінде өткен жылдың қараша айында Қорқыт ата атындағы Қызылорда университетінің базасында жасанды интеллект және информатика жоғары мектебі ашылды.<h2 style="text-align:justify;">Талапкерлерге 4 мамандық ұсынылады</h2>Ал жуырда университетте Жасанды интеллект институты құрылды. Мұнда қыркүйектен бастап ІТ сала бойынша еліміздегі ең үздік мамандар білім алмақ.Биылғы талапкерлер «Киберқауіпсіздік», «Бағдарламалау және бағдарламалық қамтамасыз ету», «Ақпараттық жүйелер» және «Ин- форматика» саласы бойынша бірлескен білім беру бағдарламаларының бірін таңдай алады. Оған жасанды интеллект және Big Data пәндері кіреді.Сондай-ақ, студенттерге Оңтүстік Кореядан келген профессорлар дәріс өткізеді.Ал талапкерлерді қос диплом бағдарламасы бойынша оқуға қабылдау 2025-2026 оқу жылынан басталады. Бағдарламаны Қорқыт ата атындағы Қызылорда университетінің Жасанды интеллект және информатика жоғары мектебіне түскен студенттер пайдалана алады.Биыл сәуір айында ҚР Ғылым және жоғары білім министрі Саясат Нұрбек Оңтүстік Кореядағы Сеултехке іс-сапармен барды. Онда білім беру қызметтерінің спектрін кеңейту және қос диплом бағдарламасы бойынша кадрлар даярлау туралы уағдаластыққа қол жеткізілді.Корея Республикасы Президенті Юн Сок Ёльдің елімізге мемлекеттік сапары аясында инвестициялар, бизнес, ғылым және білім беру саласында бірқатар іс-шаралар өткізілді. Осы іс-шаралар шеңберінде Сеул Ұлттық Ғылым және технологиялар университеті мен Қорқыт ата атындағы Қызылорда университеті арасында «AI architect», «Data management» білім беру бағдарламалары бойынша бакалавриат деңгейінде кадрлар даярлау туралы екіжақты келісімге қол қойылды.Келісім аясында студенттер Қазақстанда 4 семестр оқиды, келесі 4 семестрдегі оқуын Сеул Ұлттық Ғылым және технологиялар университетінде жалғастырады. Нәтижесінде студенттер екі елдің де дипломына ие болады.Бұл бастама инновациялық жобалардың жарыққа шығуына, ғылым саласының дамуына, тіпті болашақта мектеп мұғалімдерінің кәсіби білімін жетілдіруіне мүмкіндік бермек.Қос дипломдық бағдарлама бойынша оқудың негізгі талаптарының бірі – ағылшын тілін білу, яғни IELTS көрсеткіші 6,0-ден төмен болмауы қажет.Талапкерлерді алдын ала іріктеу кезеңі 2025 жылдың наурыз айынан бастап жүргізіледі.Әзірге бұл бағдарлама арқылы 100 маман даярланады деп күтілуде.<h2 style="text-align:justify;">Мектеп бітірушілерге арналған AІ URPAQ байқауы жалғасуда</h2>Университет жасанды интеллект институтында оқығысы келетін биылғы жас түлектер үшін республикалық байқау ұйымдастыруда. 3 жеңімпазға университет гранты беріледі. Сондай-ақ, олар жасанды интеллект саласы бойынша қалаған мамандықта оқи алады. Бұл туралы брифингте Жасанды интеллект институтының директоры Нұрлан Құлмырзаев хабарлады.Осы жылы мектеп бітірген түлек ұлттық біріңғай тестілеуде бейіндік пән ретінде «математика информатика» бағытын таңдаған болса, аталған байқауға қатыса алады. Ең бастысы ҰБТ-дан кем дегенде 50 балл жинауы қажет.Байқау шарттарына тоқталсақ:Тіркелу: www.kyzylordahub.kz/ сайтына өтіп, онлайн-форманы толтырады.Бірінші кезең: Әлеуметтік желілерде reels жариялайды.Екінші кезең: Білім деңгейін анықтау, ағылшын тілінен жазбаша тест тапсырады. Тест онлайн режимде «Google Forms» платформасында өткізіледі.Үшінші кезең: «AI – Idea battle» жобалар конкурсы. Екінші кезеңнен сәтті өткен қатысушылар «AІ– Idea battle» форматында идеяларын ұсынуға шақырылады.&nbsp;Айдана ЖҰМАДИНОВАФото:imghub.ru

Жасанды интеллект институтында Оңтүстік Кореядан келген профессорлар дәріс өтеді

NIS түлегіне Қытай университеттері таласқа түсуде

<a href="https://kyzylorda-news.kz/ru">Kyzylorda-news.kz</a> Сырдария ауданына қарасты Сәкен Сейфуллин ауылындағы №137 орта мектеп 1930 жылдан бері білімнің қарашаңырағы саналады. 94 жылдан бері ауыл балаларына білім беріп келе жатқан мектеп алғаш рет «1 Май» атындағы мектеп болып ашылған. Қараөзектің Қаратөбе деген жерде Жөлекен мешітінде бастауыш мектеп болып негізі қаланғаны мектеп тарихының бастауы болатын. Бастауыш мектептің ең алғашқы ұстазы Ыбырай Әбдірахманов шәкірттерге дәріс берген.Арада екі жыл өткен соң 1932 жылы Байсары деген жерде жаңадан «Ақ школ» деген мектеп үйі салынған. Олай аталуының себебін ауыл тұрғындары &nbsp;мектеп үйінің алғаш рет әктелгендігімен түсіндіреді. Сол жылдың қысында балалар сабақ оқуды бастағанмен, елде жаппай ашаршылық орын алуына орай ұзамай жабылып қалады.1933-1934 оқу жылында &nbsp;ауыл балаларының басын қайта қосып, мұғалім Орынбай Орынбаев Досым деген кісінің екі бөлмелі үйінде төрт сыныпты біріктіріп, дәріс береді.&nbsp;Балаларға мектепте күніге бір мезгіл тарыдан жасалған тамақ берілген. Парта болмаған соң, балалар жерде отырып оқыған.1934-1935 жылдары «1 Май» серіктестігі Есқұлы ағашының түбінен серіктестік қоймасына жапсырып, екі бөлмелі мектеп үйін салып береді.&nbsp;Махантай&nbsp;Сейтпенбетов ұстаздық&nbsp;етіп, мектепте төрт сынып&nbsp;оқиды. Сол жылы «Құндызды» серіктестігі Бисары түбінен «1 Май» каналының бергі бетіндегі төбенің басынан екі бөлмелі мектеп, бір бөлмелі клуб үйін салады. Жаңа мектепте Қалабай Ділдебаев төрт сыныпқа екі ауысымда оқытады. Мектеп үйіне Жұмағұл Қойсықов әйелі Жамалмен екеуі отын тасып, от жағып, тазалық жұмыстарын атқарды.1935-1936 оқу жылында бұл мектепте білім алатын &nbsp;балалар саны артқан. Ұстаздық қызметті Түркістан қаласындағы педучилищенің 2 жылдық курсын бітірген Іскендір Аханов атқарған. Одан басқа үш мұғалім жұмыс істеген.1937-1938 жылдары «1 Май» мектебі жаңадан ескі формадағы кесектен салынған 4 бөлмелі үйде орталау мектеп болып ашылып, онда толық 7 сыныпта балалар сабақ оқыған. Ол мектепке&nbsp;Төлеп&nbsp;Жәлекеев деген азамат бірінші рет директор болып бекітілсе, 1942-1943 жылдары сол орталау мектепті&nbsp;Әуезхан&nbsp;Қодаров басқарды.1949-1952 жылдары орталау мектеп қайтадан бастауыш мектеп болып, оған Әнес Қуандықов жетекшілік етеді.Қазіргі С.Сейфуллин ауылында орналасқан «1 Май» мектебінің ескі мектеп ғимараты 1953-1954 жылдары колхозшылардың күшімен салынған екен. 1958-1960 жылдары бастауыш мектеп бала санының артуына байланысты қайтадан орталау мектеп болып, оған Оқас Дәрібаев, осы мектепте 1960-1963 жылдары Смағұл Тұрғанбаев, 1963-1965 жылдары Шәймен Сапарбаев, &nbsp;1965-1974 жылдары &nbsp;Мансұр Есназаров директорлық қызмет атқарды.«1 Май» мектебінің 1972 жылға дейін &nbsp;8 сыныптық негізгі мектеп ретінде білім беріп келсе, 1974 жылдан бастап №137 «1 Май» орта мектебінің осы күндегі 460 орындық жаңа ғимараты салынып, пайдалануға берілді. Жаңа мектептің директорлығын Тәждек Есенов 1974-1992 жылдары үздіксіз атқарады. Мектеп тарихында басшылық жасағандар&nbsp; 1992-1997 жылдары Балтабай Бержаппаров, 1997-2002 жылдары Серік Есназар, 2002-2009 жылдары Гүлбар Әбілева, 2009-2013 жылдары Мұрат Төлегенов Мұрат абыроймен атқарса, 2013 жылдан күні бүгінге дейін Бағдат Есназар Бағдат басқарып келді.№137 орта мектебінің аудандағы айшықты білім ордасына айналуына мектеп әкімшілігінің &nbsp;басшылығында ондаған жыл қызмет еткен және еңбек етіп келе жатқан Тоқшылық Әлиев, Жақан Нұрышов, Молот Жүнісов, Бекен Шаденов, Қарсақбай Ибрагимов, Оспан Мұстаяпов, Жұмабек Асанов, &nbsp;Рыскүл Ділдебаева, Рая Мұстаяпова, Сәуле Омарова, Абылай Нұрышов, Ақберген Мамытов, Қайрат Есекеев, Мұратбек Қарсақбаев,&nbsp;Шекергүл &nbsp;Картаеваның еңбегі ерекше.Сонымен қатар бүкіл өмірін мектепке арнап, ұстаздықты өмірінің ұстынына айналдырған аяулы ұстаздар да баршылық. Олардың есімдері №137 орта мектеп шежіресінде алтын әріппен жазылған.Әр білім ордасы түлектерімен тұғырлы.&nbsp;Осы жылдар аралығында егемен еліміздің өркендеуіне атсалысып келе жатқан мектебіміздің жүздеген шәкірттері Қазақстанның түпкір-түпкірінде еселі еңбек етуде.1972 жылға дейін «1 Май» атындағы 8 жылдық негізгі мектепті бітірген&nbsp;Әбу Бекішов, Мақсұт Әбілдаев,&nbsp;Феруза Қыдырбаева,&nbsp;Күләй&nbsp;Жотаева,&nbsp;Есенгелді&nbsp;Әбдікәрімов&nbsp;ауылдың мақтаныштары.№137 мектебі 1975 жылдан бастап &nbsp;орта мектеп болғаннан кейін де ондаған үздік шәкірттерімен мақтана алады. Олардың қатарында білім саласында еселі еңбек етіп, еліміздің дамуына атсалысып жүрген көптеген азаматтар бар.2015 жылы жергілікті бюджеттің есебінен мектеп жанына жаңадан акт залы салынып берілуі материалдық базаның нығаюымен қатар оқу-тәрбие үдерісінің де биік сатыға көтерілуіне өзіндік үлесін қосты.Педагогикалық ұжымдағы мұғалімдер заман үдерісіне сай жаңартылған оқу мазмұны негізінде шәкірттерге саналы тәрбие мен сапалы білім беруде аянбай еңбек етуде. Жыл сайын мектеп түлектері 100 пайыз жоғары және арнаулы оқу орындарына түсіп отыр.Сан түлекке тұғыр болған №137 орта мектебі 2020 жылы 90 жылдығын атап өтті. Сол жылы мектеп түлектерінің демеушілігімен мектеп мұражайы ашылды. Мектеп тарихы «Сәкен ауылы – ұлағаттың ұясы» атты кітапқа енді.Тарихы бай киелі білім ордасының ұстаздар қауымы заман үдерісіне сай қызмет етіп, жас ұрпаққа тәлім-тәрбие беруде алдыңғы қатардан көрініп келеді.

Сырдария: Мектеп жас ұрпаққа тәлім-тәрбие беруде алдыңғы қатардан көрініп келеді

<a href="https://kyzylorda-news.kz/">Kyzylorda-news.kz</a> &nbsp;Геймдев немесе ойын әзірлеу индустриясы кейінгі жылдары ерекше дамып, сұранысы артқан бағыттардың біріне айналып үлгірді. Қазір gamedev&nbsp;тек&nbsp;ойын-сауық&nbsp;ғана&nbsp;емес,&nbsp;креативті&nbsp;өнер,&nbsp;технологиялық&nbsp;инновация&nbsp;және&nbsp;іскерлік&nbsp;сала&nbsp;ретінде&nbsp;де&nbsp;қарастырылады.Бұл&nbsp;туралы&nbsp;азды-көпті&nbsp;мәлімет&nbsp;білу&nbsp;үшін GameLab&nbsp;ойын&nbsp;әзірлеу&nbsp;зертханасының&nbsp;маманы, UMAI Gaming қыздар тобының мүшесі Назым Жұмабаевамен сұхбаттастық. Жерлесіміз&nbsp;қаладағы №15&nbsp;мектеп-лицейдің&nbsp;түлегі,&nbsp;Қазақстан-Британ техникалық университетінде ақпараттық технологиялар факультетін тәмамдаған. ІТ салада білімін шыңдау мақсатында ҚБТУ университетінде магистратурада оқып жатыр.− Бүгінде GameLab ойын әзірлеу зертханасында кіші ғылыми маман ретінде жұмыс істейсіз. Жұмыс процесі туралы толық айтып берсеңіз.<blockquote>− Иә, қазір мен GameLab құрамында кіші ғылыми қызметкермін. Жұмысым ойын және геймификацияны зерттеумен байланысты. Зертханада ойын жасаумен байланысты түрлі іс-шаралар, лекция, хакатон ұйымдастырамыз. Ал менторинг бағдарламамызда зертхана маманы ретінде студенттерге ойын жобаларын әзірлеуге көмектесемін.Осы жылы өзімнің алғашқы ғылыми мақаламды жаздым. Сол мақала аясында геймификацияның оқу процесіне қалай әсер ететінін зерттедік. Сондай-ақ түрлі оқу бағдарламаларын жасаймыз. Мәселен соңғы оқу бағдарламаларының бірі − ЮНИСЕФ Балалар Қорымен бірге әзірленген «сандық қоғамдық игіліктер жасау» бойынша онлайн курс, ойын және квесттен тұратын DPG Lab бағдарламасы. Осы жобада мен квестке жауапты болдым.</blockquote>− ІТ саласына қалай және қашан келдіңіз? Неге Gamedev?<blockquote>− Менің оқиғам қызық көрінуі мүмкін. IT саласына университетке түскеннен кейін қызыға бастадым. Студенттік кезеңнің екі жылында бағдарламалау, математика секілді жалпы пәндерді оқыдық.Кейін 3-курста таңдау пәндері басталды. Осылайша өзіме ұнайтын әрі қызықты салаларды қарастыра бастадым. Таңдауым компьютерлік графика және ойын әзірлеумен байланысты пәндерге түсті.Дәл сол кезде университет жанынан GameLab ойын әзірлеу зертханасы ашылды. Олар ойын жасау бойынша жазғы мектеп ұйымдастырды. Әрине, мен бұл мүмкіндікті пайдаланып, жазғы мектепке қатыстым. Sperasoft, Garena, Wargaming компанияларынан, Абертей университетінен ойын саласындағы эксперттерден дәріс алдым, ойын ойлап табу, концептілеу және әзірлеу туралы воркшоптардан қалмадым. Осылайша жазғы мектептің арқасында геймдевпен жақын танысып, осы салада білікті маман ретінде қалыптасқым келетінін түсіндім.</blockquote>− Алғашқы тәжірибе туралы сөз қозғасақ. Ал Ең сәтті жүзеге асқан жобаңыз қандай?<blockquote>− 1-курста бағдарламалау пәнінде Python тілін меңгердік. Пән аясында ойын жасауға тапсырма берілді. Сол кезде барлығына таныс «змейканы» әзірледім. Алғашқы тәжірибемді осылайша тапсырма барысында жасадым.Қазір UMAI Gaming-пен бірге түркі мифологиясы туралы қазақ стиліндегі «Із» ойынын әзірлеудеміз. Қазір Steam халықаралық платформасында ойынның жеке парақшасы бар. Платформадан оны ағылшынша «Iz» деп табуға болады. Осы жылдың соңында ойынның бірінші бөлімін шығарамыз деп жоспарлап отырмыз. Бұл жоба қазақстандық және халықаралық іс-шараларда таныстырылды. Осы ойын арқылы қазақ мәдениетін әлемге танытсақ дейміз.Ойын оқиғасы 15 ғасырдағы қазақ далаларында орын алады. Баян есімді батыр қыз туралы. Ол зұлымның қақпанына түскен сіңлісін құтқаруы керек. Баян өз жолында қазақ/түркі миф, аңыз, ертегілеріндегі түрлі кейіпкерлерімен әрекеттеседі. Біреуі дос, біреуі қас болады. Дұшпандардан шаңқобыз аспабының көмегімен күреседі. Себебі ертеде шаңқобыз зұлымдарды қорқытады деп сенген. Осындай сюжет арқылы біз ойыншыны қазақ мифологиясы, мәдениетімен таныстырамыз.</blockquote>− Жас мамандарға немесе бұл салаға енді қадам басып жатқандарға қандай кеңес бересіз?<blockquote>− Теориямен қатар практиканы қатар алып жүру қажет. Яғни, барлығына атсалысып көре білу және көріне білу керек. Ал нақты ойын жасағыңыз келсе, көбірек ойын ойнаңыз. Бұл әзіл емес. Осы жерге орыс тіліндегі «насмотренность» деген сөз күшті келеді. Көбірек білсеңіз, кейбір сәттерде өзіңізге әлдеқайда оңай болады.</blockquote>− Ойын әзірлеуші ең алдымен нені білуі қажет?<blockquote>− Өнімді әзірлеп, оны шығару үшін көп нәрсе керек. Код жазу, сюжет ойлап табу, сурет салу, музыка жасау, дизайн істеу, ойынды сата білу, анализ жасау, келісе білу. Тізбектеп айта берсек, өте көп. Өз бетіңізше жасайтын болсаңыз, осынын бәрін білу керек. Ал топта жасайтын болсаңыз, сіз тек бірнеше нақты бөлімдерге ғана жауапты боласыз, бірақ оған қоса топта жұмыс істеу қабілетіңіз болу қажет.</blockquote>− Сіздің ойыңызша Қазақстандағы ойындардың болашағы қандай?<blockquote>− Қазақстандық геймдев даму жолының басында десек болады. Облыстарда әртүрлі геймдев орталықтары мен зертханалар ашылып, университеттерде ойын жасау бойынша жаңадан пәндер қосылуда. Жыл сайын геймджемдер, ойын жасау бойынша хакатондар ұйымдастырылуда. Ең қуантарлығы, адамдардың қызығушылығы артуда. Мысалы, GameLab-та 8 студенттік топ өз ойындарын жасап жүр.</blockquote>− Сұхбатыңызға рақмет!&nbsp;Әлия ТӘЖІБАЙФото: кейіпкерден

Қызылордалық маман: студенттерге ойын жобаларын әзірлеуге көмектесемін

<a href="https://kyzylorda-news.kz/">Kyzylorda-news.kz</a>&nbsp; &nbsp; Ертегі әлеміндегі Мезозой эрасының тіршілік әлемі – алып динозаврлар тұқымдасы біздің өңірде де мекендеген десек, бірі сенсе бірі сенбес. Қармақшы ауданы, Жосалы кентінің солтүстік шығысында 1957 жылы КСРО Ғылым академиясы Бозтөбе түзілімдеріне жүргізілген экспедиция барысында динозаврдың тұмсықсыз бас сүйегінің қаңқасы табылған. Бас сүйекті палеонтолог Анатолий Рождественский зерттеп, сараптамалар нәтижесінде динозаврдың болжам жасын (93,9–89,8 млн жыл) анықтады. Аталған бас сүйек қаңқасы Арал маңында табылғандықтан, палеонтолог-ғалым А.К.Рожденственский динозаврдың осы бір тұқымдасын Аралозавр деп атады.Аралозавр – қазіргі Қазақстан жерінде өмір сүрген динозавр туысының гадрозавр тұқымдасына жататын үйрек тұмсықты динозавр. Шамамен Бор кезеңінде өмір сүрген динозаврдың атауы «Арал аймағының кесірткесі» деген мағынаны білдіреді. Аралозаврдың болжамды ұзындығы 8-9 метр, биіктігі 2 метр шамасында болған. Салмағы шамамен 5 тоннаны құрайды.Ол иілген доға тәріздес тұмысығымен ерекшеленеді. Аралозаврдың бұл доғалы тұмсығы басқа гадрозавридтерге, соның ішінде жақын туысы – грипозаврларға қарағанда жақсы дамыған. Тағы бір ерекшелігі – бас сүйегінің артқы жағы кең, жақ бұлшықеттері үлкен болып келеді. Табылған бас сүйек қаңқасында 1000-ға жуық кішкентай тістерінің болуы байқалған. Тістер өсімдіктерді шайнау үшін пайдаланылды. Бұл шөпқоректі динозаврларда жиі кездеседі, яғни өңірімізде жыртқыш емес, зиянсыз шөпқоректі бауырымен жорғалаушылардың алып түрі болғандығы нақтыланған. Аралозаврдың көздерінің алдында кішкентай үрленген шарларға ұқсас дөңгелектер болған. Ғалымдардың айтуы бойынша, олар осы қос шарды үрлеу арқылы зор дауысын шығарған. Олар оны шар тәрізді үрлеп, жыртқыштарды үркітуге немесе серіктестерді шақыруға пайдаланған болса керек. Бұтақтарды, жапырақтарды және гүлді өсімдіктерді тіссіз тұмсықтарымен кесіп, артқы азу тістерімен шайнаған. Аралозаврлар ұя салуға қолайлы жерлерде балапандарына қамқорлық жасап, қорғау үшін табынмен (үйірмен) бірге жүрген. Артқы аяғы алдыңғы аяққа қарағанда жуан, ұзынырақ және күштірек болған. Ал алдыңғы екі аяғы әлсіз, қысқа, тек талдан қорегін алуға пайдаланған бола керек.Сыр өңірінде мекендеген алып бауырымен жорғалаушылар қатарында динозаврдың тағы бір түрі – Арыстанозавр да бар. Атауы Сыр топырағындағы Арыстан-баба құдығымен тікелей байланысты. 1972 жылы Бозтөбе түзілімдерінен табылған алып кесірткенің тістері мен жамбас сүйегі Арыстанозаврға тән екені анықталды. Кейін ол Кератопсияға тиесілі болуы мүмкін деген болжам жасалды. Нәтижесінде көп жыл бойы жалғасқан түрлік сәйкестігі бар пікірталас ғалымдар арасында тартысты болжам жасауға себеп болды. 2004 жылы соңғы құрал-жабдықтар көмегімен нүктесі қойылып, гадрозаврларға жататыны нақтыланды. Болжамды биіктігі – 5-6 м, ұзындығы – 15 м, салмағы – 56 тонна болатын шөпқоректі деген анықтама берілген.Гадрозаврлар, яғни үйрек тұмсықты динозаврлар қатарына жататын Сыр бойында «Батырозавр» да мекен еткен. Батырозавр – Бор дәуірінде жойылып кеткен тағы бір алып шөпқоректі динозаврлар тұқымдасы. Жалпы атауы түрік тілінен аударғанда «жауынгер батыр» сөзінің қосылуы арқылы жасалған. Бұл атау белгілі кеңестік палеонтолог және және азиялық гадрозавроидтарды зерттеген Анатолий Константинович Рождественскийдің құрметіне берілген. Азия территориясында гадрозавр тұқымдастарын жете зерттеген палеонтолог-ғалым А.К.Рождественскийдің орасан еңбегі бағаланып, өз ісінің батыры санаған ғалымдар аталмыш динозаврға «Батырозавр» атауын берген. Шамалық ұзындығы – 5-6 м. Зерттеу барысында үлкен бармақ, төменгі жақ, жартылай ми корпусы, 60 шақты тіс, екі сүйегі табылған. 2012 жылы бельгиялық палеонтолог Паскаль Годфруа және оның әріптестері топтық ғылыми зерттеу анықтамасын жасаған.Мезозой эрасының бор кезеңінің екінші жартысында жер шарының тіршілік әлемі және физгеографиялық жағдайы күрт өзгерістерге ұшырап, ірі жануарлардың жаппай қырылуы басталды.&nbsp;Оның себебі әлі толық ашылған жоқ.Сыр топырағында алғаш 1957 жылы табылған аралозаврдың бас сүйек қаңқасы КСРО ғалымдарының Орталық Азия жерінде жүйелі зерттеу жұмыстарын жүргізуге қызығушылығын арттырды. Зерттеу жұмыстары осылай Аралозаврмен қатар, Арыстанозавр және Батырозаврларды анықтады.&nbsp;Ләззат ЖАЛҒАСБАЙҚЫЗЫФото: Pikabu Publish Bot

Бор кезеңінде өмір сүрген «Арал аймағының кесірткесі»

<a href="https://kyzylorda-news.kz/ru">Kyzylorda-news.kz</a>&nbsp; Мектептегі 11 жылдық білімнің тәмамдалғанын қолыңа аттестат алғанда ұғынасың. Биыл 3,8 млн-нан астам оқушы оқу жылын аяқтады. 186 мың түлек 11 сыныпты тәмамдаса, оның 7,8 мыңы алтын белгі иегері. Қызылорда қаласы бойынша 2023-2024 оқу жылында білім бөліміне қарасты мектептерде 2878, жеке мектепте 395, жалпы қала бойынша 3273 оқушы 11 сыныпты бітірді. Оның ішінде алтын белгіге үміткер жеке мектепті қоса есептегенде 206 үміткер болса, үздік аттестатқа үмітті 347 оқушы.Сондай-ақ Қызылорда қаласындағы Назарбаев Зияткерлік мектебінде түлектерге аттестат табыстау салтанатты шарасы өтті. Биылғы оқу жылында мектеп қабырғасынан 113 түлек үлкен өмірге қанат қақты. Оның 3-і «Алтын белгі», 16-ы ерекше аттестат иегері атанды.Мектеп директоры Жаңбыржан Бекболатов жас зияткерлерге алдағы білім жолында сәттілік тілеп, мықты маман атанатындарына сенім білдірді.Аттестат табыстау рәсімі маусым айының 12-14 күндері деп белгіленген еді. Бұл куәлікті маңызды деп жатамыз, дегенмен аттестаттың мектептен кейінгі өмірге әсері бар ма? Қызыл және көк болып екіге бөлінетін аттестаттың айырмашылықтарын және ерекшеліктерін білесіз бе?&nbsp;Жалпы аттестаттың басты мақсаты – 9 және 11 жылғы білімнің нәтижесін көрсету. Оқуға түсер алдында қажет маңызды куәлік. Көк аттестат – он бір жыл бойы алған білімнің дәрежесі әртүрлі болғанда, яғни «3», «4», «5» секілді баға алып жүрген оқушы иемденетін құжаттың түсі.Қызыл аттестат – 10-11-сынып аралығында шыққан қорытынды бағалар 5 болса, не болмаса «Алтын белгі» иегері атанатын болса берілетін құжат. Бұл аттестат оқуға түсер кезінде өзі рөлін атқарады. Сізбен бәсекелес болып, тең түсіп тұрған оқушыдан ілгері болуға көмектеседі. Алайда кейін одан келер пайда аз.<blockquote>– 9-сыныпты тәмамдадым. Аттестат алу рәсімі өтті. Іші толы 5, яғни қызыл түсті. Оны алу үшін барлық сабағымды жақсы оқып, үздік нәтиже көрсетуге тырыстым. Оқуды 11-сыныпқа дейін жалғастырғым келеді, әзірге болашақ мамандығымды ойластырып жүрмін. Ол кезде де алатын аттестаттың түсі қызыл болады деп сенемін, себебі оқуға түсерде маған берер пайдасы мол, – дейді 9-сынып оқушысы Сезім Әскербек.</blockquote>Емтиханнан көз ашпай, онсызда қысым мен стресс үстіндегі оқушы аттестаттың ішіндегі баға мен сыртындағы түсіне алаңдауы керек пе? Осы ойды жоққа шығарып, аттестаттың алып бара жатқан пәрмені жоқ деп есептейтін де оқушы аз емес, соның бірі біздің келесі оқырманымыз.<blockquote>– Менің ойымша, қызыл аттестаттың оқуға түскенге дейін де, одан кейін де пайда- сы жоқ. Қазір түлектер үшін ҰБТ-дан алған ұпай маңызды, ал аттестат кейбірмізге ғана көмектесері анық.Аттестатты алу үшін алдымен мемлекеттік емтихан тапсырдық. Бірақ аттестатқа түсетін баға оған ғана қарап қалмайды. Тоқсан бойы алған бағаларыңның арасында «3», «4» болса көк аттестат аламыз.Шынымды айтсам, 11-ші сынып басталғалы назарымыздың бәрі болашақ мамандық пен оқуға түсу жолдарында болды. Емтиханнан көз ашпай, күні-түні қосымша курсқа қатысып, білімімізді шыңдап та, сынап та көрдік. Ал аттестат бағасы мүлде алаңдатпады. Әрине, сабаққа мұқият болдық, аттестатым 4-5 деген бағаға толы. Бірақ, байқағаным, қызылды көздегендер аз болды. Себебі ол фокус қоятын дүние емес еді. Яғни тек оқуға түсерде аз балл алып қалсақ қана көмегін тигізер деген үміт болды. Қазір ҰБТ-ны да, мемлекеттік емтиханды да сәтті тапсырған соң, 11 жылдық білімнің ақталғанын сезіндік.&nbsp;Иықтан ауыр жүк түскендей, студенттік өмірге дайындалудамыз, – дейді биылғы түлек Динар Ғабиденұлы.</blockquote>Аталған аттестаттардан бөлек, «Алтын белгі» медалі бар. Оны алу үшін де жас түлектер аз тер төкпейді. Бірақ кейінгі жылдары бұл белгіні иемденгендердің біліміне сенімсіздік туындауда. ҰБТ-дан алған 70 ұпаймен «алтын белгі» иесі болып жүргендер баршылық екен. Ал мынадай нәтижемен бұл белгінің иесі болу білім беру саласының қызметіне сызат түскенін білдіре ме?«Алтын белгіні» алатын оқушы міндетті түрде мектеп жылдарында озық ойымен, ақыл-парасатымен, білімділігімен көзге көрінуі тиіс. Білім беру мекемесіндегі мұғалім тек кейінгі жылдары ғана «үздік болуға қызыққанның» кеудесіне белгіні таға салмауы тиіс. Оқушыны әу бастан осыған дайындап, «алтын белгіге» лайықты етуге тырысу керек.<blockquote>– 11 жыл бойы оқу ордасында үздік болғаным үшін лицей мұғалімдері «алтын белгіге» ұсынды. Белгіні қорғау үшін 5 пәннен емтихан тапсырдым. Тест қазақ тілі, орыс тілі, Қазақстан тарихы, алгебра және биология пәнінен құралды. Алгебра және қазақ тілі пәнінен емтихан жұмысын комиссия мүшелері тексерді. Барлық пәннен үздік нәтиже көрсетіп, алтын белгіге қол жеткіздім деп ойлаймын. Тек емтиханнан жақсы баға алып қоймай, белгіге лайық екеніме ҰБТ-дан алған ұпайым дәлел бола алады. Үздіксіз дайындалып, тынымсыз еңбектің арқасында 118 ұпайды еншіледім, – дейді биылғы «Алтын белгі» иесі Бибарыс Кәдірбай.</blockquote>Иә, атап өткен қызыл мен көк аттестаттың, «алтын белгінің» рөлі әрбір оқушы үшін маңызды. Бұл – шәкіртті үздік болуға машықтап қана қоймай, жоғары нәтиже көрсетуге ынталандыратын сый. Оқуға түскеннен кейін аса маңызы болмаса да, оқушыға аз да болса үміт сыйлайтынын есте сақтаған абзал.«Бір құмалақ бір қарын майды шірітеді» демекші, білімдінің мықтысы, озық ойлысы ғана алатын қызыл аттестат пен «алтын белгіні» оңай олжалауға болмайды. Бұл салғырттық еліміздің білім саласына, болашақ мамандардың сапасыздығына әкеліп соғатынын есте сақтайық.&nbsp;Нұршат НЫШАНОВАФото:ru.sputnik.kz

Бибарыс Кәдірбай: Үздіксіз дайындалып, тынымсыз еңбектің арқасында 118 ұпайды еншіледім 

<a href="https://kyzylorda-news.kz/">Kyzylorda-news.kz</a>&nbsp; &nbsp; Елімізде&nbsp;дәл&nbsp;қазір&nbsp;негізгі&nbsp;ҰБТ&nbsp;жүріп&nbsp;жатыр.&nbsp;Әзірге&nbsp;тестілеудің&nbsp;барлық 140&nbsp;сұрағына&nbsp;толық&nbsp;жауап&nbsp;берген&nbsp;талапкер&nbsp;кездеспеді.Бүгінде облыс&nbsp;бойынша&nbsp;ең&nbsp;жоғарғы 136&nbsp;балды&nbsp;жинаған&nbsp;екі&nbsp;үміткер&nbsp;бар.&nbsp;Олар –&nbsp;Қармақшы&nbsp;ауданындағы №121 мектептің түлегі Мақсат Қуанышбек пен Жаңақорған ауданындағы №54 мектептің түлегі Аружан Шазат.Үздіктер&nbsp;болашақта&nbsp;кімболғысы&nbsp;келеді,&nbsp;білім&nbsp;бәсекесіне&nbsp;қалай&nbsp;дайындалды?&nbsp;Олардың&nbsp;кеңесі&nbsp;келесі&nbsp;жылғы&nbsp;үміткерлерге&nbsp;де&nbsp;пайдалы&nbsp;болар.&nbsp;Сондықтан&nbsp;талантты&nbsp;талапкерлердің&nbsp;өзімен&nbsp;тілдестік.<h2 style="text-align:justify;">Үздіксіз&nbsp;дайындықтың&nbsp;нәтижесі</h2>Жоғарғы&nbsp;нәтижеге&nbsp;қолжеткізген&nbsp;Мақсат&nbsp;дайындықты&nbsp;былтырғы&nbsp;жазда&nbsp;бастапты.<blockquote>– Информатика математика пәндерін таңдап, бағдарламашы болуға ниет еттім. Ақпараттық технологиялардың өзі бірнеше салаға бөлінеді, бірақ оның ішінде қай бағытта оқитынымды әлі нақтыламадым. Алматы қаласындағы Қазақстан-Британ техникалық университеті немесе Сүлеймен Демирел атындағы университетке түсуді көздеп отырмын.Өткен жылдың тамыз айынан бастап тыңғылықты түрде жеке дайындықты бастап кеттім. «Juz40» онлайн білім беру орталығының курстарын алып, жоспарлы түрде тынбай білімімді жетілдірдім.Ең алғаш 11-сыныпта тест тапсырғанда 70 балл алғаным бар. Кейін курсқа қатысып, дайындалған соң бақылау тесттеріндегі көрсеткішім бірте-бірте жақсара түсті. Алғашқыда 100 балл жинаған қатарластарымды көргенде, «бұған жету мүмкін емес-ау» деп ойлайтынмын. Дегенмен қаңтар мен наурыздағы ҰБТ-да 125 балл жинадым. Маған осыған дейінгі бақылау тесттері күрделі де, «нағыз ҰБТ» оңай секілді көрінді, – деді ол.</blockquote>Мақсаттың айтуынша курсты алу бөлек те, тұрақты дайындалу басқа. Себебі көптеген ата-ана балаларын қатарынан қалдырмай, ақылы сабақтарды алып бергенімен, оқушы ден қойып оқымаса, жақсы нәтижеге жету оңай емес.<h2 style="text-align:justify;">Болашақ мұғалім</h2>Ал педагог болуды мақсат еткен Аружан Абай атындағы Қазақ Ұлттық университетінде оқысам дейді. Ол ҰБТ-да қазақ тілі – қазақ әдебиеті пәндерін таңдаған.<blockquote>– Үздік болудың ешқандай сыры жоқ. Тек үзбей дайындалу керек. Жапон халқында «біреу жасағанды мен де жасай алам, ал істей алмаса, оны істеген алғашқы адам мен болам» деген сөз бар ғой. Менің де ұстанымым – осы. Бір адамның қолынан келсе, демек менің де қолымнан келеді деген сөз. Сондықтан өзіңді басқалармен салыстыра бергенше, алға қарай талпынған дұрыс.Дайындық барысында «Juz40» онлайн білім беру орталығының курсына қатыстым. Екінші ҰБТ-ға әлі де дайындық үстіндемін.Ал тарих секілді пәндер бойынша тек мектеп оқулықтарын қайталадым. Осыған дейінгі қаңтар мен наурыздағы ҰБТ-да 130-дан жоғары балл жинаған едім, – деді ол.</blockquote>P.S.&nbsp;2024 жылғы ҰБТ-ға 186 мыңға жуық талапкерден екі мүмкіндікті есепке алғанда 342 мыңға жуық өтініш қабылданды. Бұл жайында Ұлттық тестілеу орталығынан хабарланды.Оның ішінде тест тапсырушылардың 75%-ы – қазақ тілінде, 25% -ы – орыс тілінде, 229 адам – ағылшын тілінде ҰБТ-ға қатысуға өтініш білдірді.Грантқа үміткерлерге ҰБТ-ны тапсыруға екі мүмкіндік беріледі.Бұл ретте әр талапкер тестілеуді екі рет тапсырып, ең жақсы нәтижемен грант конкурсына қатыса алады.Айта кету керек, негізгі ҰБТ нәтижесі бойынша талапкерлерден грантқа құжат қабылдау 13 шілдеде басталады.&nbsp;Айдана ЖҰМАДИНОВАФото:imghub.ru

Аружан Шазат: Үздік болудың ешқандай сыры жоқ

<a href="https://kyzylorda-news.kz/">Kyzylorda-news.kz</a> Сырдария ауданының орталығы Тереңөзектен шалғайда жатқан Іңкәрдария ауылындағы №191 орта мектебі 1964 жылы құрылған. Міне, осынау жылдар ішінде ауыл мектебін көптеген мектеп түлектері бітіріп, еліміздің түкпір-түкпірінде қызмет атқаруда. Оның ішінде профессорлар, ғылым кандидаттары, мұғалімдер, дәрігерлер, журналистер, экономистер және де ауылшаруашылығында &nbsp;жұмыс істейтін мамандар да бар.Ауылдағы білім ошағы 1990 жылы 624 орындық қос қабатты ғимарат болып қайта салынғанда ел-жұрттың қуанышында шек болмады. Жаңа типті оқу орнының талабы мен сұранысына сай білім ордасында оқу-тәрбие үрдісін ізгілендіру жолында игі&nbsp;жұмыстар атқарылып келеді.<blockquote>– Мектеп – ғылым ғимараты.&nbsp;Сондықтан мектптегі тәртіп мүлтіксіз орындалуы тиіс. Мектептегі басты принциптердің бірі – балаларды оқуға қызықтыра отырып білім беру. Мектеп те мешіт секілді қасиетті орын.&nbsp;2023-2024 оқу жылын 185 оқушы аяқтады. 50 оқушы оқу озаты, 48 оқушы оқу екпіндісі болды. Бұл оқушылардың білім сапасының 67 пайызын көрсетті. Мектепте 16 кабинет жұмыс жасайды. 42 компьютер бар, 2 компьютер интернет желісіне қосылған. Оқушыларға 38 мұғалім дәріс береді. Оның 35-і жоғары білімді, 3-і арнаулы орта білімді. бірқатар пәндер электронды оқулықтармен оқытылады.</blockquote>Жыл сайынғы оқушылардың білімдерін сарапқа салатын Ұлттық бірыңғай тестілеу&nbsp;Қазақстан Республикасында&nbsp;қолданылатын мектеп бітірушілердің білімін сынау жүйесі. ҰБТ-ның нәтижесі жалпы және орта білім ұйымдары бойынша мемлекеттік аттестацияның қорытындысы ретінде есептеледі.&nbsp;Жыл сайын ҰБТ- ге қатысқан оқушылар барлығы да грант иегерлері атанып жүр.Биылғы оқу жылында орта мектепті 8 оқушы аяқтады. Осы оқу жылдарында 11 сынып оқушылары Әйгерім Дайрабайқызы «Алтын белгі», Әсемай Бекет «Үздік аттестат» иеленсе, негізгі мектепті бітіруші Шұғыла Әбдіразақ, Жайна Кәдірқызы, Айтолқын Темірбай, Аяулым Іңкәрбекқызы «Үздік аттестат» иегерлері атанды.&nbsp;Республикалық «Дарын», «Зерде» ғылыми жобалар сайыстарына оқушыларымыз белсене атсалысып келеді. Биылғы оқу жылында 10 оқушымыз қатысып, оның үшеуі аудандық кезеңде жүлделі орындармен марапатталды. Оқушыларды іскерлікке, еңбекке, төзімділікке үйрету мақсатында қолөнер, шахмат, волейбол, футбол, ән-хор, домбыра уйірмелері жұмыс жасайды, – дейді мектеп директорының міндетін атқарушы Елена Сейдахметова.Елена Сейдахметованың айтуынша қазіргі жаңа технологияға байланысты жаңартылған білім мазмұны бойынша 33 педагог, яғни 84,6% білімдерін жетілдірген. Деңгейлік курстан барлығы 6 педагог білім жетілдірсе, олардың 2-і І (ілгері) деңгей, 4-і ІІІ (базалық) деңгей бойынша бітірді. Тілдік курстан 1 педагог өткен. Химия және биология пәнінің мұғалімі Әйгерім Жәлімбетова В2, С1 деңгейі бойынша аяқтаған. Қысқа мерзімді түрлі тақырыптардағы жаңа технологияларға байланысты, критериалды бағалау, инклюзивті білім беру, жекелеген пәндер бойынша да кезекпен жылда 20-25 педагог білім жетілдіріп отырады.&nbsp;Мектепте 4 жас маман бар. 2-еуі жоғары, 2-еуі арнаулы орта білімді.2023-2024 оқу жылы бойынша «Жаңа жыл – жаңа қадам, жаңа бағыт» акциясы өтіп, әлеуметтік қолдауды қажет ететін көмекке мұқтаж және мектеп оқушыларына жаңа жылдық сыйлық беру мақсатында "Ақжарма және К" ЖШС төрағасы Қ.Нұрсейітов, "Думан" сауда үйінің директоры Мейрамбек Қонақбаев, «Ақжарма 1» ЖШС төрағасы Марат Бисенов, «Биали спорт» компаниясының директоры А.Шаукенбаев, ауыл кәсіпкерлері С.Несіпбаева, А.Сәрсенбаева оқу құралдарымен қамтамасыз еткен.<blockquote>– Мектептің 4 оқушысы үйден оқытылады. Оларға мектеп мұғалімдері үйлеріне барып білім берді. «Қарақасқа» елді мекенінен, №42 бекеттен 10 оқушы тасымалданды.</blockquote>Мектеп жанынан 2009 жылы «Еркетай» шағын орталығы ашылған болатын. Онда 2 топта 40 бала тәрбиеленуде. Ел ертеңі – жас ұрпақты саналы тәрбие, сапалы білім берген мектеп ұжымы тағы бір оқу жылын табысты аяқтап, жаңа оқу жылына дайындықты бастап кетті, – дейді Елена Сейдахметова.

Қазақстан және Қызылорда облысының жаңалықтары: Білім