<a href="https://kyzylorda-news.kz/">Kyzylorda-news.kz</a>&nbsp; &nbsp;Бала тәрбиесінде үйдегі ата-анадан бөлек, бөбекжай балабақшаның да маңызы бары белгілі. Әр үйдің бір-бір еркесін бетінен қақпай өсіріп, тәрбиелік тағылым беретіні, тілазар сәбиден тәртіпті бала қалыптастыратыны рас. Балабақшадан алған өнеге баланың алдағы кезеңінің баспалдағы десек артық болмас. Тасбөгет кентіндегі «Күләнда» балабақшасында 3-5 жас аралығындағы балалар тәрбиеленеді. Олардың тәртіпке бас иіп, тәрбиелі, өнерлі, білімді болуына мұндағы әрбір маманның сіңірген еңбегі зор.Мұнда әрбір баланың қабілетіне қарай түрлі үйірмелерге қатысып, шыңдалып шығуына бар мүмкіндік жасалған. Ал олардың икемі мен қабілетін бағамдай білу тәрбиешілерге жүктелген. Балабақшадағы әр бүлдіршінге өз баласындай қамқорлық танытып, өнерлерін шыңдап жүрген сондай маман ретінде Эльмира Бекниязова мен Арайлым Ботабекованы &nbsp;айтуға болады.Кейіпкерлеріміз бөбекжай балабақшадағы «Күләнда» би орталығының жетекшілері. Мұндағы әрбір шара, мерекелік кеш талапты мамандармен талантты бүлдіршіндердің қатысуынсыз өтпек емес. Сондықтан өнерлі балалардың қарым-қабілетін шыңдауда Эльмира мен Арайлымның үлесі орасан.<blockquote>– Бала – өмірдің қызығы деп бекер айтпаған ғой. Арайлым екеуміздің балабақша саласында жүргенімізге 10 жылға жуық уақыт болды. Осы уақыт ішінде бүлдіршіндердің жан дүниесін, көзқарасын тани алатындай тәжірибе алдық. Олармен өткізген әрбір уақыттан ләззат алуға болады. Оны осы саланың ыстық-суығына төзіп жүрген жандар жақсы біледі. Сол сияқты балабақшамызда &nbsp;өнерлі балалар жетерлік. Көпшілігі кішкентай бала деп бұған аса мән бермеуі мүмкін. Дегенмен тереңіне үңіле білсең небір талантты жастардың ең алғашқы қадамы балабақшадан басталғанын байқайсыз. Бүгінде балабақшамызда «Күләнда» би орталығы жұмыс істейді. Оған 4-5 жас аралығындағы балалар іріктеп алынған. Түрлі бағыттағы биді үйретеміз.&nbsp;Әрине оңай шаруа емес. Бірақ еңбегіміз жеміссіз деуге болмайды. Талай мәрте түрлі деңгейдегі байқауларда жеңімпаз атанып жүрміз, – дейді би тобының жетекшісі Эльмира Жеткергенқызы.</blockquote>Қазіргі таңда мемлекетіміз балалар шығармашылығын дамытуға баса мән беріп келеді. Бұл ретте түрлі үйірмелер ашылып дарынды балаларды танытуға барынша мүмкіндік жасалуда. Ал мектеп жасына дейінгі бүлдіршіндердің талантын тану үшін түрлі байқаулар өткізу дәстүрге айналып келеді.&nbsp;Былтыр&nbsp;осы бағытта «Jas Daryn» жобасы аясында өткізілген халықаралық фестивальде «Күләнда» би тобы жүлделі І орынды жеңіп алды. Ал оның жетекшілеріне «Үздік жетекші» номинациясы берілді.Жеңіске жету жолында уақытпен санаспай жанын сала жұмыс істеген би жетекшілерінің еңбегі осылай жанған. Себебі олардың еңбек жолындағы жеңісі де, жемісі де бүлдіршіндердің бағындырған белесімен бағаланады.А.Әлім

Балабақша бала тәрбиесінің баспалдағы

<a href="https://kyzylorda-news.kz/">Kyzylorda-news.kz</a>&nbsp; &nbsp;Кеше жаңадан тағайындалған Сырдария аудандық мәдениет және тілдерді дамыту бөлімінің басшысы Анар Қалдыбаева Асқар Тоқмағамбетов ауылындағы клуб үйі мен Тереңөзек кенті мәдениет үйінің жұмысымен танысты.Өз кезегінде бөлім басшысы &nbsp;сала жұмысына серіпн керектігін жеткізді.<blockquote>– Аудандық мәдениет және тілдерді дамыту бөлімінің басшысы ретінде ақиық ақын Асқар Тоқмағанбетов ауылына арнайы барып, елді мекендегі мәдениет ошағының жұмысымен таныстым. Бөлімнің бас маманы Ақбота Ертісқызы екеуміз ауылдық клуб үйінің материалдық базасын, сала мамандарының біліктілігін құжат айналымын зерделеуге мүмкіндік алдық. Кездесу барысында ауылдық кітапхана жұмысын зерделеп, оқырманға қызмет ететін руханият ордасының жай-күйіне қанықтық. Салаға өзгеріс жасау мақсатында тың жобаларды қол алу керектігі тілге тиек етілді. Сонымен қатар үйірмеге бала тарту мәселесі назардан тыс қалған емес.&nbsp;Бірқатар олқылық бойынша сала мамандарына жан-жақты тапсырма берілді. Содан соң Тереңөзек кенті мәдениет үйінің қызметкерлерімен кездестік. Мұнда көптеген мәселелер ортаға салынып, алдағы жоспар барысы айқындалды. Алдағы уақытта мұндай кездесулер жалғасын табатын болады, – деді бөлім басшысы.</blockquote>

Бөлім басшысы мәдениет ошақтарының жұмысымен танысты 

<a href="https://kyzylorda-news.kz/">Kyzylorda-news.kz</a>&nbsp; &nbsp;Қазалы ауданы бойынша «Дипломмен ауылға» бағдарламасы шеңберінде («Ауылдық елді мекендерге жұмыс істеуге және тұруға келген денсаулық сақтау, білім беру, әлеуметтік қамсыздандыру, мәдениет, спорт, және агроөнеркәсіп кешен саласындағы мамандарға, ауылдар, кенттер, ауылдық округтер әкімдері аппаратының мемлекеттік қызметшілеріне әлеуметтік қолдау шараларын ұсыну қағидаларын бекіту туралы» Қазақстан Республикасының Ұлттық экономика министрінің 2014 жылғы 6 қарашадағы №72 бұйрығы (бұдан әрі-қағида) 2009-2024 жылдары аралығында тұрғын үй сатып алу түріндегі бюджеттік несие және көтерме жәрдемақы түріндегі әлеуметтік көмек денсаулық сақтау, білім беру, әлеуметтік қамсыздандыру, мәдениет, спорт, және агроөнеркәсіп кешен саласындағы мамандарға, ауылдар, кенттер, ауылдық округтер әкімдері аппаратының мемлекеттік қызметшілеріне ұсынылып келеді.2009-2024 жылдары аралығында «Дипломмен ауылға» бағдарламасы бойынша көтерме жәрдемақы түріндегі әлеуметтік көмекке 1417 маманға барлығы – 275391,3 миллион теңге түріндегі әлеуметтік көмек көрсетіліп, игерілді. Оның ішінде, білім – 879 маман, денсаулық сақтау – 484 маман, әлеуметтік қамсыздандыру – 5 маман, мәдениет – 13 маман, спорт – 20, агроөнеркәсіптік кешен – 16 маман бар.2010-2024 жылдары аралығында «Дипломмен ауылға» бағдарламасы бойынша тұрғын үй сатып алу түріндегі бюджеттік несие – 956 маманға барлығы – 3264936,9 мың теңге әлеуметтік көмек ұсынылып, игерілді. Оның ішінде, білім – 580 маман, денсаулық сақтау – 318 маман, әлеуметтік қамсыздандыру – 5 маман, мәдениет – 17 маман, спорт – 19 маман, агроөнеркәсіптік кешен – 17 маман бар.2023 жылға республикалық бюджеттен тұрғын үй сатып алу және салуға – 80 маманға 417014,5 миллион теңге қаржы қаралып, 2023 жылдың тамыз айында – 11 маманға, қыркүйек айында – 20 маманға, қазан айында – 35 маманға, қараша айында – 14 маманға және желтоқсан айында – 1 маманға ұсынылып, барлығы – 81 маманға – 417014,5 мың теңге қаржы толығымен игерілді. Оның ішінде, білім – 51 маман, денсаулық сақтау – 20 маман, мәдениет – 1 маман, спорт – 3 маман, агроөнеркәсіптік кешен – 6 маман бар. Бөлінген – 417014,5 миллион, игерілген – 417014,5, бір маманға бөлінген қаржы – 5175,0 мың теңге болды.Сонымен қатар, 2023 жылға көтерме жәрдемақы түріндегі әлеуметтік көмекке – 111 маманға – 38295,0 мың теңге қаржы қаралып, (1 маманға – 345 000 мың теңге), 2023 жылдың сәуір айында – 25 маманға, мамыр айында – 25 маманға, маусым айында – 30 маманға және желтоқсан айында – 31 маманға ұсынылып, барлығы – 111 маманға 38295,0 мың теңге қаржы толығымен игерілді. Оның ішінде, білім – 65 маман, денсаулық сақтау – 39 маман, спорт – 4 маман, агроөнеркәсіптік кешен – 3 маман бар. Бөлінген – 38295,0 миллион, игерілген – 38295,0, бір маманға бөлінген қаржы – 345,0 мың теңгені құрады.Сонымен қатар, биылғы жылға (2024 жыл) «Дипломмен ауылға» бағларламасы бойынша республикалық бюджеттен тұрғын үй сатып алуға немесе салуға – 72 маманға 605 488,0 мың теңге қаржы қаралып, (кент 2500 АЕК – 1 маманға 9 230 000 теңге а/о 2000 АЕК – 1 маманға 7384000 теңге) осы жылдың шілде, тамыз және қыркүйек айларында игерілу жоспарлануда.Көтерме жәрдемақы түріндегі әлеуметтік көмекке – 90 маманға 33 228,0 мың теңге қаржы (100 АЕК – 1 маманға 369 200 теңге) қаралып, осы жылдың мамыр айында толығымен игерілді.Әлеуметтік қолдау шараларын алу үшін көрсетілетін қызметті алушы электрондық цифрлық қолтаңбаның (бұдан әрі – ЭЦҚ) көмегімен немесе бір реттік парольмен куәландырылған Порталда тіркеуді жүзеге асырады және көрсетілетін қызметті берушіге Портал арқылы мынадай құжаттарды ұсынады. Көтерме жәрдемақы алған кезде, осы Қағидаларға 2-қосымшаға сәйкес, нысан бойынша өтініш, жеке басты куәландыратын құжат не цифрлық құжаттар сервисінен электрондық құжат (сәйкестендіру үшін) пен білімі туралы диплом не цифрлық құжаттар сервисінен электрондық құжат (сәйкестендіру үшін), көрсетілетін қызметті алушының еңбек қызметін растайтын құжаттың көшiрмесi ұсынылады. Сонымен қатар, тұрғын үй сатып алуға бюджеттік кредит алған кезде, осы қағидаларға 2-қосымшаға сәйкес, нысан бойынша өтiнiш, жеке басты куәландыратын құжат не цифрлық құжаттар сервисінен электрондық құжат (сәйкестендіру үшін), білімі туралы диплом не цифрлық құжаттар сервисінен электрондық құжат (сәйкестендіру үшін), көрсетілетін қызметті алушының еңбек қызметін растайтын құжаттың көшiрмесi және неке қию (ерлі-зайыптылық) туралы куәлік не некеде тұрған көрсетілетін қызметті алушылар үшін цифрлық құжаттар сервисінен электрондық құжат (сәйкестендіру үшін), кредиттік бюродан есеп сұралады. Сондай-ақ, тұрғын үй салуға бюджеттік кредит алған кезде – осы Қағидаларға 2-қосымшаға сәйкес, нысан бойынша өтiнiш; жеке басты куәландыратын құжат не цифрлық құжаттар сервисінен электрондық құжат (сәйкестендіру үшін); білімі туралы диплом не цифрлық құжаттар сервисінен электрондық құжат (сәйкестендіру үшін); көрсетілетін қызметті алушының еңбек қызметін растайтын құжаттың көшiрмесi; неке қию (ерлі-зайыптылық) туралы куәлік не некеде тұрған көрсетілетін қызметті алушылар үшін цифрлық құжаттар сервисінен электрондық құжат (сәйкестендіру үшін); кредиттік бюродан есеп алынады. Осы Қағидаларда көзделмеген басқа құжаттарды ұсынуды талап етуге жол берiлмейдi. Көтерме жәрдемақы және тұрғын үй сатып алуға немесе салуға бюджеттік кредит алуға бір мезгілде өтініш беруге жол беріледі. Портал арқылы жүгінген кезде өтінішке көрсетілетін қызметті алушының ЭЦҚ немесе бір реттік парольмен куәландырылған көрсетілген құжаттардың (тиісті ақпараттық жүйелерден алынатын құжаттарды қоспағанда) электрондық (сканерленген) көшірмелері қоса тіркеледі.Фото: dknews.kz

Қазалыда: «Дипломмен ауылға» бағдарламасы жүйелі орындалуда 

<a href="https://kyzylorda-news.kz/">Kyzylorda-news.kz</a>&nbsp; Жаз айлары – балалардың толыққанды демалып, денсаулықтарын нығайтып жаңа оқу жылын тың күшпен бастаулары үшін қолайлы уақыт. Әрбір бала жанға жайлы, демалысты қызықты өткізуді армандайды. Осы ретте Сырдария ауданындағы "Жалын" сауықтыру лагері жұмысы маусым аясында жұмыстарын үйлестіруде. Жазғы каникул кезеңінде бекітілген жоспарға сәйкес балаларды сауықтыру демалысымен қамту жұмыстары тұрақты әрі жоспарға сай жүргізіліп келеді.Ағымдағы оқу жылында 1-10 сынып аралығында 7752 бала оқыса, «Жалын» сауықтыру лагеріне 691 бала, мектеп жанындағы жатын орынсыз ұйымдастырылатын лагерьде 2927 бала, жатын орынмен 315 бала, көркейту, көгалдандыру топтарында 1323 бала, экскурсиямен 1100 бала, мектеп жанындағы шатырлы және қараүйлі лагерьде 1000 баланы қамту жоспарланған. Бүгінгі таңда балалар тынығу және сауықтыру лагерлерінде өз демалыстарын ойдағыдай өткізуде.2024 жылы бірінші маусым мен тамыз айының 12-сіне дейінгі аралықта «Жалын» лагері алты ауысым бойынша жұмыс жасап, әр ауысымда 116-120 баладан қабылданады. Қазіргі таңда сауықтыру лагерінің үшінші ауысымы өз келушілеріне қызмет көрсетуде. Сондай-ақ лагерьге әлеуметтік төмен, толымсыз отбасы, жартылай жетім, аз қамтылған және көпбалалы отбасы балалары тынығуға &nbsp;келетін болады. Тынығушылар тоғыз топқа бөлініп, әр топпен бір аға тәлімгер, тоғыз тәрбиеші жұмыс жасайды. Лагерь аумағына санитарлық тазалық және жай жөндеу жұмыстарын жүргізу үшін арнайы іс-шаралар жоспары да бекітілгенін айта кетейік. Ағымдағы жылы жай жөндеу жұмыстарына 3,3 млн теңге қаржы бөлінген. Наурыз-сәуір аралығында, көркейту-көгалдандыру (арам шөптерді отау, ағаш әктеп әрлеу, бордюрларды сырлау) тазалық және тұрғын үйлер мен асханаға жөндеу жұмыстары жүргізілген.&nbsp;Гүл егетін орындар әзірленіп, 300-ге жуық гүл көшеттері мен 200 ағаш көшеті және қалемше егілген.&nbsp;<blockquote>– Ағымдағы жылы үнемделген қаржы есебінен төсек орындар жаңартылып, 53 дана төсек (кровать), 100 төсеніш, 130 жапқыш пен 100 жастық, тұрғын үйлерге 40 шакаф пен 100 тумбочка алынды. Асхананың негізгі және авариялық есіктері толығымен ауыстырылып, тамақ пісіретін электрлі пештер жаңартылды. Сонымен қатар, кір жуу орнына жаңадан автоматтандырылған кір жуғыш машина алынды. Қауіпсіздікті қамтамасыз ету мақсатында 25 бейнекамера орнатылды. Болашағымыз балалардың демалыс уақытын тиімді ұйымдастырып, жазғы каникулын ұтымды өткізуі үшін тиісті мамандар бірлесе жұмыс атқаруда, – дейді "Жалын" сауықтыру лагерінің директоры Ә.Бәйменов.</blockquote>Айта кетейік, "Жалын" сауықтыру лагеріне рұқсат алу үшін санитарлық-эпидемиологиялық бақылау басқармасына өтініш жолданған. Демалыс маусымы басталмай тұрып СЭС мамандары лагерь аумағында тексеру жұмыстарын жүргізіп, арнайы рұқсатын берген. Сондай-ақ демеушілер есебінен де басқа қалаларға экскурсиялар мен тынығу шаралары ұйымдастырылатын болады. Атап айтқанда, Шымкент қаласындағы «Машат» тынығу лагерінде 50 бала демалады. Қазақстан Республикасы Оқу-ағарту министрлігі мен «Қазақстан Халқына» қоғамдық әлеуметтік &nbsp;қорының «Жаздық жолдама-2024» қайырымдылық жобасы аясында Түркістан облысына арнайы сапар ұйымдастырылады. Сонымен қатар, республикалық «Балдәурен» лагерінде 65 оқушының тынығуына квота бөлінді. Жыл басынан бері 32 оқушы демалып келді. Жазғы демалыспен және сауықтыру шараларымен барлық оқушы яғни балалар 100 пайыз қамтылады.Балалардың жазғы тынығу лагерлері әр түрлі болғанымен олардың мақсаты мен міндеттері бірдей: балаларды тынықтыру, қызықтыру, денсаулығын нығайту, білімін кеңейту, тәрбиелеу. Ал ауданымыздағы аталған сауытыру, тынықтыру лагерлері өз жұмысын лайықты түрде атқарып келеді әрі балалардың қуанышына себеп бола бермек.

Сырдария: Жазғы тынығу маусымы жалғасуда

&nbsp;<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде 20 маусымнан бастап талапкерлерді оқуға қабылдау басталды. Университет бакалавриаттың 58, магистатураның 32 және докторантураның 13 білім беру бағдарламасы бойынша қабылдау жүргізеді. Жоғары оқу орнына түсуге талпынған талапкерлер аталмыш оқу ордасының 5 оқу ғимаратына барып университет қызметкерлерінен кәсіби кеңес ала алады. Бұл туралы бүгін Өңірлік коммуникациялар қызметінің ақпарат алаңында Қорқыт ата атындағы Қызылорда университетінің Рекрутинг және мансап басқармасының басшысы Жандос Оразмаханов пен Қорқыт ата атындағы Қызылорда университетінің комерцияландыру жөніндегі бөлімінің басшысы Нұржан Еділбаев мәлімдеді.<blockquote>– Қорқыт ата атындағы Қызылорда университетінде мектеп оқушылары мен колледж студенттеріне кәсіби бағдар беріп, олардың жоғары білім алуын сүйемелдеу мақсатында "Рекрутинг және мансап" басқармасы жұмыс істейді. Биылғы оқу жылында да басқарма қызметкерлері Қызылорда қаласына қатысты 48 мектептің бітіруші түлектерімен кездесу өткізді. Сондай-ақ, облысымыздың 7 ауданындағы 5 000-нан астам мектеп пен колледждердің бітіруші түлектерімен бірге 500-ге жуық ата-аналарға кеңес беру жұмыстарын жүргізді. Осы оқу жылында 55 университет гранты талантты жастарға арнайы байқаулардың нәтижесі бойынша табысталған болатын. Ал, биылғы мемлекеттік грант конкурсы барысында Қорқыт ата университетіне арнайы 305 педагогикалық квота, 220 техникалық квота және Жасанды интеллект институтына 100 грант бөлініп отыр,- деді Жандос Шынжырбайұлы.&nbsp;</blockquote>Талапкерлерді оқуға қабылдау бірнеше кезең бойынша жүргізіледі.&nbsp;<blockquote>– Атап айтқанда, бакалавриат бойынша 20 маусым мен 7 шілденің аралығында Шығармашылық дайындықты талап ететін талапкерлерден құжат қабылданып, 8-12 шілде аралығында шығармашылық емтихан өткізіледі. Ал, ақылы негізде оқуға түсушілер 20 маусым мен 10 тамыз аралығында құжаттарын өткізіп, 10-15 тамыз аралығында шығармашылық емтихан тапсырады."Педагогикалық ғылымдар" білім беру саласы бойынша грант конкурсына қатысушылар QR код арқылы арнаулы емтиханды 1-12 шілде аралығында, ал ақылы негізде оқуға түсуші талапкерлер 5-20 тамыз аралығында тапсырады. Сонымен қатар, магистратураға түсушілер 1 маусымнан бастап Ұлттық тестілеу орталығының ақпараттық жүйесі арқылы кешенді тестілеуге өтініштер қабылдануда. Ол 8 шілдеге дейін жалғасатын болады. 20 шілде – 10 тамыз аралығында тестілеу орталықтарында кешенді тест тапсырып, білім беру гранты конкурсына қатыса алады. Ал, докторантураға тапсыруға ниетті азаматтар 3 шілде мен 3 тамыз аралығында өз өтініштерін жолдап, 4-20 тамыз аралығында қабылдау емтиханы өтеді. Университетте білім алушыларды оқуға қабылдауға барлық жағдай жасалған, қабылдау барысында автоматтандыру цифрландыру жұмыстарына көңіл бөлінуде,- деді Нұржан Басқосқанұлы.</blockquote>Фото: Қызылорда облысының Өңірлік коммуникациялар қызметі

 Инженерлік мамандықтарға грант көбеюде

<a href="https://kyzylorda-news.kz/">Kyzylorda-news.kz</a>&nbsp; Аудан әкімі Берік Сәрменбаев Н.Ілиясов ауылындағы №132 Т.Айтбаев атындағы орта мектепке жүргізіліп жатқан күрделі жөндеу жұмыстарымен танысты.– 1970 жылдары Батыр есімін иеленген ауыл орталығында жаңа 3 қабатты мектеп құрылысы салынып, мектепке Э.Тельман аты берілген.2003 жылы 3 қазанда осы мектепте балалардың білімін жетілдіруге 42 жыл аянбай қызмет еткен, оның 26 жылында мектеп директоры болған ардагер ұстаз, Қазақ КСР-і Халық ағарту ісінің үздігі Түймебай Айтбаевтың аты беріледі.&nbsp;Түймебай Айтбаев – КСРО Халық ағарту ісінің үздігі (1985) белгісімен, «Ұлы Отан соғысы» медалімен марапатталған. Халыққа білім берудегі ерен еңбегі үшін құрметті «Ғасыр мұғалімі» атанған. Қазір мектеп №132 Т.Айтбаев атындағы орта мектеп болып аталады. 121 жылдық тарихы тереңде жатқан мектеп өз қабырғасынан талай жақсылар мен жайсаңдарды түлетті. Бұл мектептің түлектері Республиканың, облыстың түрлі салаларында қызмет жасауда.<blockquote>Кеңес Одағының Батыры да, Социалистік Еңбек Ері де түлеп ұшқан мектептің қасиетті қоңырауы аудандық «Еңбек даңқы» музейі жәдігерлерінің қатарын толықтырып тұр.&nbsp;Биылғы жылы күрделі жөндеуден өтіп жатқан білім шаңырағында әлі талай мәрте сан саланың майталмандары білім алып, қанаттанатын болады, – дейді мектеп директоры Ильяс Анафияев.</blockquote>Аудан әкімі еңселі үш қабатты мектептің ішін аралап, мердігер мекеме өкіліне жұмыстарды сапалы атқаруды айтты. Сонымен қатар жөндеу жұмыстарын сапалы және оқу жылы басталардан ерте аяқтауды ескертті.Айту керек, білім ошағының күрделі жөндеу жұмыстарына 293 млн. теңге бөлінген.&nbsp;Бұл жұмыстарды «МКК Элит Строй» ЖШС атқаруда. Бүгінде ішкі жөндеу жұмыстары жүргізілуде.Фото: baq.kz

Сырдариядағы мектеп күрделі жөндеуден өтуде

<a href="https://kyzylorda-news.kz/">Kyzylorda-news.kz</a>&nbsp; &nbsp;Сыбайлас жемқорлық – қоғам дерті. Қазіргі таңда қоғам дерті саналатын жемқорлық күрделі мәселе болып отыр. Осы ретте, Сырдария аудандық қоғамдық даму бөлімінің қолдауымен&nbsp;сыбайлас жемқорлыққа қарсы қоғамдық мәдениетті қалыптастыру мақсатында балалар арасында&nbsp;аудандық сурет байқауы өткізілді. Байқауды «Сырдария – Нұрдария» қоғамдық қоры ұйымдастырып, «Жалын» сауықтыру лагеріндегі демалушылар қатысты.Сурет байқауының ережесі алдын ала аудандық газеттің электронды сайтында, әлеуметтік желілерде жа­рия­ланды. Хабарландыруға сәй­­­­кес 13 қатысушы тіркеліп, оқушы­лар сыбайлас жемқорлыққа қарсы мәдениетті қалыптастыру бағытында сурет салды. Бала­лардың шығармашылығын арнайы құрылған комиссия бағалап, комиссия құрамында тәуелсіз сарапшылар, қоғамдық ұйым өкілдері немесе басқа да ауданға белгілі азаматтар болды.<blockquote>– Бұл байқаудың мақсаты мен міндеті – сыбайлас жемқорлыққа қарсы қоғамдық мәдениетті қалып­тастыру, жемқорлықтың ел дамуы­на кері әсер ететінін оқушылар сана­сына сіңіру, сыбайлас жем­қорлыққа қарсы тұру, оның зиянын насихаттау. Сонымен қатар біз бала­лардың жемқорлыққа қарсы салған суреттері арқылы қоғамдық сананы жаңғыртуды көздедік. Байқауға аудан мектептерінің оқу­шы­лары қатысты. Байқау жалпыға ортақ және қолжетімді болуы үшін аудан орталығындағы «Жалын» сауықтыру лагерінің базасында өткізілді, – деді «Сырдария – Нұрдария» қоғамдық қорының төра­ғасы М.Омаров.</blockquote>Байқау қорытындысында комиссия шешімімен жеңімпаздар анық­талды. Жүлделі І орынды Асылзат Қожабаева иеленді. Ал ІІ орынмен Анар Жақсылық, ІІІ орынмен Аяулым Бекбергенқызы марапатталып, бағалы сыйлықтарға ие болды. Қалған қатысушылардың барлығы ынта­­ландыру сыйлығын алды. Марапаттау салтанатында «Жалын» сауық­тыру лагерінің директоры, суретші Ә.Бәйменов оқушылардың еңбе­гін бағалауда ұсынылған сурет­тің байқау тақырыбына сәй­кес­тігі, тақырыптың толыққанды ашылуы, өзектілігі, тартымдылығы назарға алын­ғанын жеткізді. Сондай-ақ аудан­дық мәслихат депутаты, «Жас­тар рухы» жастар қанаты аудан­дық бөлімшесінің жетекшісі А.Ибрагимұлы жеңімпаздарды құт­тық­тап, ұйымдастырушыларға ал­ғы­сын айтты.

Сырдарияда сыбайлас жемқорлыққа қарсы сурет байқауы өтті

<a href="https://kyzylorda-news.kz/">Kyzylorda-news.kz</a>&nbsp; &nbsp;Қазалы көлік-техникалық жоғары колледжінің тарихы сонау 1901-1906 жылдар аралығында Орта Азиямен Ресейдің орталығын қосатын Орынбор-Ташкент теміржолының салынуынан бастау алады. КСРО-ның тарихи архивінен алынған мына құжатта 1905 жылғы 17 шілдеде жолаушылар қозғалысы үшін Қазалы өңірінде шағын жөндеу шеберханасы салатыны жоспарланған болатын. 1929 жылы Қазалы паровоз депосының жанынан ФЗУ болып ашылған колледж өмір ағымына қарай атауы өзгеріп мектеп лицей,колледж, жоғары колледж атауларына ие болды. «Ұлы Отан соғысының батыры Я.Д.Михайлюк 1938 жылы колледжге оқуға түсіп, 1941-45 жылдары жауынгерлік ерлігі үшін Совет Одағының Батыры атағын алуы біз үшін үлкен мақтаныш», – дейді колледж директоры Болат Ахметов.1939 жылы Қазалы теміржол бөлімшесі училищесіне 210 орынды екі қабаттық оқу орны салынып берілді. 1929 жылдан бастап әр жылдары училищені П.С.Никеров, А.В.Харьков, Ə.Ұзақбаев, П.П.Сиснев басқарды. 1976-1981 жылдары училищені Қазақстан Республикасы кəсіптік білім беру саласының үздігі, Еңбек Қызыл Ту орденінің иегері Оразғали Бекбанов басқарды. 1981-1985 жылдары училищені КСРО жəне Қазақ КСР кəсіптік білім беру ісінің үздігі Молдабай Ақниязов басқарды. М.Ақниязов 1990 жылы осы училищеге қайта басшы етіп тағайындалды. Училищеге Ресей, Украина, Белоруссия Молдавия, Башқұртстаннан жастар келіп теміржол мамандықтарын оқыған. Сол заманда Қазалы теміржол училищесі Одақтағы теміржол мамандарын даярлайтын санаулы оқу орындарының бірі еді. 1978 жылы училище КСРО кезінде кəсіптік-техникалық білім беру орталық комитетінің «Құрмет грамотасымен» марапатталды. 1979 жылы 410 оқушыға арналған 4 қабатты оқу корпусы жоспарланып, 1981 жылы желтоқсан айында жаңа ғимарат пайдалануға берілген. 1981-1985 жылдары колледж Бүкілодақтың Ленин комсомолы сыйлығының лауреаты атағын жеңіп алды. Сол комиссияның ұсынысымен Молдабай Ақниязұлы одақ бойынша «Ең үздік оқу-өндірістік жұмысты ұйымдастырушы» болып бағаланады. Осы кезеңдерде училищенің озат тəжірибесі білім саласында Одақ бойынша тарады.1977 жылы училище əр бес жылдықта мемлекеттік жоспарды асыра орындағаны үшін ССРО кəсіптік техникалық білім беру комитетінің «Құрмет грамотасымен» марапатталды. 1984 жылдың қорытындысымен Қызылорда облысының Коммунистік партиясының «Құрмет грамотасымен» марапатталды. Бірнеше дүркін облысаралық кəсіптік-техникалық басқармаларының Қызыл туы мен ақшалай сыйлығын иеленді. 1985 жылдан бастап училищеге Балғараш Тəженов басшылық жасады. Бұл жылдарда училищенің материалдық-техникалық базасы нығайды. Жаңа типтік асхана, 210 орындық жатақхана іске қосылды. 2003 жылдың қараша айынан №5 кəсіптік мектепке Болат Жолтаев директор болып келді. 2007 жылдың қараша айында №5 кəсіптік мектепке Қазақстан Республикасы кəсіптік білім беру жүйесінің үздігі Е.Құрмарзаев директор болып тағайындалды. Колледж 2009 жылы І дəрежелі «Үздік кəсіптік лицей – 2009» жəне «Үздік ұжым» атағымен марапатталды.2010 жылы желтоқсан айынан бастап №5 кəсіптік лицей директоры болып Б.Ахметов тағайындалды. Басшының алға қойған мақсаты педагог кадрлардың кəсіби деңгейін көтеру, əлеуметтік серіктестікті дамыту жəне білім ордасының материалды-техникалық жағдайын жақсарту болды. Білім ордасы көптеген байқаулардың жеңімпазы атанды, атап айтсақ, Қазалы көлік-техникалық колледжі Қазақстан Республикасы мен Халықаралық қайта құру және даму банкі арасындағы «Техникалық және кәсіптік білімді жаңғырту» Жобасына қатысып, «1108000-Теміржол жылжымалы құрамдарын пайдалану және техникалық күту» мамандығын дамыту үшін жалпы сомасы 57 000 000 теңге кіші-грантты жеңіп алды.Теміржол саласын білікті мамандармен қамтамасыз етуде ҚР Білім және ғылым министрлігі мен «Қазақстан темір жолы ҰК» АҚ арасында дуальды оқыту жүйесін жүзеге асыру бағытында атқарылған жұмыстардың нәтижесінде, әлеуметтік әріптес «Қамқор вагон» ЖШС» Қазалы вагон жөндеу депосының басшысы Т.Әліпбаев ҚР Білім және ғылым министрінің «Әріптестік көшбасшы – 2013» дипломымен марапатталды. Облыстық «Үздік техникалық және кәсіптік білім беру оқу орны – 2014» атағын иеленген оқу орны 2015 жылы Ұлттық бизнес рейтинг нәтижесі бойынша алтын рейтинг қатарына шығып «Көшбасшы кәсіпорын –2015» қабырғалық медалімен марапатталды және арнайы ұлттық Сертификат иеленді.Қазалы көлік-техникалық жоғары колледжінің оқу материалдық базасында 410 орындық оқу корпусы, оқу-өндірістік шеберхана мен зертханалар, 100 орындық асхана және жатақхана, жазғы спорт алаңы, оқу-жаттығу залы, фитнес клуб және жылыжай бар. Жас жұмысшыларды өз мамандығына тәрбиелеуде слесарлық, ағаш ұстасы, газэлектрмен дәнекерлеу және токарлық шеберханалар, физикалық және химиялық лабораториялық кабинеттер, компьютерлік орталық,мамандықты оқытуға арналған 36 оқу кабинеті, оның ішінде: 24 арнаулы пән (заманауи құрылғылармен жабдықталған 6 арнайы пән) кабинеттері, 12 жалпы білім беретін пән кабинеттері, 6 шеберхана, 4 зертхана және 3 полигон, 150 орынды мәдени орталық, 100 орындық ғылыми-әдістемелік орталық, 19287кітап қоры бар 10 орынды электронды кітапхана жұмыс жасайды. Теориялық білімді практикамен ұштастыру мақсатында 31 әлеуметтік серіктестіктермен келісімшарт жасалды. Инженер-педагогтар өз біліктіліктерін Корея, Франция, Германия, Чехия елдерінде және Мәскеу, Минск қалаларында арттырды.Осы орайда аталған оқу орынында «Компьютерлік аппараттық қамтамасыз ету операторы», «Желілік және жүйелік әкімшілендіру технигі», «Ақпараттық қауіпсіздік технигі», «Бағдарламалық қамтамасыздандыруды құрастырушысы», «Токарь», «Фрезерлеуші», «Электргазымен дәнекерлеуші», «Техник-механик», «Локомотивті жөндеу жөніндегі слесарі (түрлері бойынша)», «Вагон жөндеу слесары», «Техник-электромеханик», «Кең бейінді құрылыс жұмыстарының шебері», «Ағаш ұстасы және паркет жұмыстарының шебері», «Құрғақ құрылыс шебері», «Құрылыс-әрлеу жұмыстарының шебері», «Техник-құрылысшы», «Техник-электронщик», «Кондитер-безендіруші», «Аспазшы», «Электр жабдықтарын жөндеу жөніндегі электр слесарі (түрлері және салалары бойынша)» мамандықтары бойынша студенттер қабылдайтындығын айта кеткен жөн.<blockquote>– Қазалы көлік-техникалық жоғары колледжі «Жас маман» жобасына қатысып, республикалық үздік 180 колледждің қатарына енгізілді. 2021 жылы республикалық бюджеттен 320 000 000 теңге бөлінді. Аталған қаржыға «Локомотивті жөндеу жөніндегі слесарына»-142 млн, «Вагон жөндеу слесарына-133 млн және «Электр жабдықтарын жөндеу жөніндегі электр слесары» біліктілігі бойынша 45 млн теңгеге заманауи құрал-жабдықтар сатып алынды. Жоба аясында үш шеберхана, үш арнайы пән кабинеті, бір интерактивті класс, бір мультимедиялық орталық жабдықталып, 22 электрленген стенд, 6 электрленген макет, 3 тренажерлық кешен, 6 виртуалды 3Д конструктор, 8 оқу-лабораториялық кешен, виртуалды очки және 14 станок сатып алынды. Заманауи құрал жабдықтарды игеруде 25 инженер-педагог өз біліктіктерін көтеріп сертификатталды, – дейді колледж лиректоры Болат Ахметов.</blockquote>

Қазалы: Оңтайлы жағдай жасалған оқу ордасы

<a href="https://kyzylorda-news.kz/">Kyzylorda-news.kz</a> Соңғы жылдары ауданда құрылыс қарқын алып, қазалылықтар мекендеген өлке дамып, қадамы қарыштап келеді. Сондай қарқынды нысанның бірі осыдан бірнеше жыл бұрын Ғалымбек Баймаханов басшылық ететін ақхалатты абзал жандарға табысталып, қызыл лентасы қиылған еді. Бүгінде жергілікті жердің ғана емес, шет ауылдар игілігі үшін де, аянбай еңбек етіп келе жатқан аудандық емхананың басшысымен әңгіме өрбіткен едік.– Ғалымбек Құрманбайұлы әңгімемізді жаңа емхананың құрылымынан бастасақ. Яғни, қазіргі емхананың бұрынғыдан қандай артықшылығы бар және заман талабына сай ма?– Бүгінде Қазалының 56 мың тұрғынына аудандық кеңес беру диагностикалық емханасында тар буынды 59 дәрігер және 126 орта буынды медицина қызметкерлері адал еңбек етіп келеді. Жаңа ғимарат талапқа сай салынған және әр тар буынды дәрігерлер кабинеті толық заманауи медициналық құралдармен жабдықталған. Дәлірек айтсақ, заман талабына сай.Сондай-ақ стандартқа сәйкес әр дәрігер өз мейіркештерімен және құрал жабдықтарымен бөлек орналастырылған. Бұл науқастың дәрігермен емін-еркін сөйлесіп, шағымын қысылмай айтуына мүмкіндік береді.– Бүгінде емхананың ауқымы кеңейген соң, басқа да қандай маман, бөлімдер қызмет етіп жатыр?– Жаңа ғимаратта амбулаториялық-хирургиялық орталық ашылды. Онда көптеген оталар жасалуда. Атап айтқанда, бүкіл зиянсыз ісік бездерінен биопсия алынып, тексеруге жіберіледі. Басқа да, атерома, липома, бүкіл іріңді ісіктер, флегмона мен панарицы және вросший ног сынды оталар сәтті тәмамдалуда.– Емханаға заман талабына сай бірнеше қондырғылар әкелініп, бүгінде тұрғындар игілігі үшін жұмыс жасап жатыр. Осы қондырғылар жайында толығырақ айтып өтсеңіз...– Жоғарыда атағандай, ғимарат жаңа, заманауи құрылғылармен, әр тар буынды дәрігерлер кабинетінде қамтылған. Толықтыра кетсек, рентген аппараты – медоника, флюрография – ПроСкан-2000, маммография – РЕНТГЕНПРОМ «МАММО-РП», УЗИ эксперткласс – SIUI, ФГДС – PENTAX, ЭЭГ – MITSAR, лор комбаин – Shammed XU2 extreme сынды құрылғылар. Басқа да, көз аппараты – TOPCON CT-800 мен аудиометрия (кереңдікті алдын-ала тексеру) – OtoRead және КТГ (кардиотокография) – EDAN F3 сияқты шетел құрылғылармен жабдықталған.– Маман мәшһүр болуы үшін белгілі бір жерден тәжірибе алмасып, білімін одан әрі жетілдіреді. Ондайды өзге қалалардан естіп те көріп жүрміз. Сіздерде осындай үрдіс қалыптасқан ба?– Әлгінде ғана еңсерген аты жаман аурудың шағында, карантиндік режимге байланысты біршама дәрігерлердің білім жетілдіруін онлайн форматта оқыттық. Сол үрдіске ыңғайлана келе, бүгінде қашықтықтан да білім алып, сауатымыздың аумағын кеңейтуді тоқтатпай келеміз.Соның да, септігінен аудандық емхана дәрігерлерінің санаттылығын процентпен өлшер болсақ, көрсеткіш дәрежесі өте жоғары деп айта аламын. Дәлірек айтсақ, жоғары санатты – 50%, бірінші санатты – 30%, екінші санатты – 20%-ті құрайды.– Кез келген Қазақстан Республикасы азаматына медициналық органда ем-дом алу тегін болады. Алайда, ақылы қызмет түрі де жоқ емес. Осы орайда, емханада қандай қызметтер ақылы және тегін?– Орталық емхананың тар буынды дәрігерлері халыққа кешенді медициналық ақпараттық жүйе арқылы қызмет көрсетеді. Яғни, әр науқасты өз аймақ дәрігері кешенді медициналық ақпараттық жүйесі арқылы компьютерге тіркеп, емханадан тегін қызмет алуға толық мүмкіндіктері болады. Мұнда, 18 жасқа толмаған балалар мен жүкті әйелдерге тегін өткізуге жеңілдік берілген.Ал, ақылы қызмет жайына тоқталар болсақ, ол халықтың декреттелген топтарына, мұғалімдер, тәрбиешілер, су бөлімі, жеке кәсіпкерлер, Ф 075 медициналық анықтама, Ф 076 қару-жарақ анықтама, Ф073 жүргізуші анықтама сынды топтарға көрсетіледі.– Алдағы уақытқа құрған жоспарыңыз бен жаңашыл бастамаларыңызбен бөліссеңіз...– Болашаққа құрған жоспар көп. Бірақ, ең бірінші мақсат ол – халыққа салауатты өмір салтын кеңінен насихаттауды әрі қарай жалғастыру мен елге адал қызмет ету. Онан соң, заманауи аппараттарды тереңірек зерттеп білу мен мамандар білімін жетілдіру және тәжірибесін молайту.– Ашық әңгімеңіз үшін рахмет!<img src="https://knadmin.beoblood.kz/uploads/52df66ad_908a_4ce7_b558_077fe6e0c902_4c92e9b0f9.jpg" alt="52df66ad-908a-4ce7-b558-077fe6e0c902.jpg">Фото: <a href="https://egemen.kz/">egemen.kz</a>ӘңгімелескенСерік АҚМЫРЗА

Ғалымбек Құрманбайұлы: Басты мақсат – халыққа салауатты өмір салтын кеңінен насихаттау

Білім мен сенімге негізделген оқу ордасы

<a href="https://kyzylorda-news.kz/">Kyzylorda-news.kz</a>&nbsp; Есепшілер мен басшылар таныстары мен туыстарының картасына ақша аударып отырған, деп хабарлайды <a href="https://kyn.kz/35360/zhetisayda-a-sha-rlady-degen-k-dikpen-bilim-b-limini-41-sheneunigi-tergelip-zhatyr">kyn.kz</a>.Түркістан облысында білім бөлімінің басшылары мен есепшілердің мемлекет ақшасын жымқыру фактісі бойынша қылмыстық іс тергеп жатыр.Облыс прокуратурасы Жетісай ауданының білім бөлімінің қызметкерлеріне қатысты мемлекет қаражатын аса ірі мөлшерде жымқыру фактісі бойынша сотқа дейінгі тергеп-тексеруді жүргізуде.<blockquote>– Тергеу барысында аудандық білім бөлімінің басшылығы мен есепшілері өздерінің, сондай-ақ туыстары мен таныстарының есеп шоттарына белгіленген жалақыдан жоғары ақша аудару арқылы бюджет қаражатын жымқырудың қылмыстық схемасын жасағаны анықталды. 2021-2023 жылдар аралығында мемлекетке 4 млрд теңгеден астам залал келтірілген, –&nbsp;делінген хабарламада.</blockquote>Облыс прокуратурасының арнайы прокурорлары 41 қызметкерді, оның ішінде 2 білім бөлімінің басшысын, 1 бас есепші, 2 орынбасарын және 36 есепшіні күдікті ретінде таныды.&nbsp;Ауданның бұрынғы және қазіргі білім бөлімінің басшылары ұстау изоляторына жабылып, соттың санкциясымен қамауға алынды.Қазір қылмыстық жолмен алынған ақшаны және өзге де мүлікті заңдастырудың барлық мән-жайлары мен фактісін анықтауға бағытталған тергеу әрекеттері жүргізіліп жатыр.

Ақша ұрлады деген күдікпен білім бөлімінің 41 қызметкері тергеліп жатыр

<a href="https://kyzylorda-news.kz/">Kyzylorda-news.kz</a>&nbsp; Ұстаз – ұлы тұлға. Сырдария ауданына қарасты Аманкелді ауылының білім ошағында ұзақ жылдан бері еңбек етіп, ұстаздық жолда дараланған қос ұстаз және оқушылардың білім алуына, ой-өрісінің кеңеюіне зор үлес қосқан ардақты жандар қай кезде де құрмет төрінде. Перуза Миянова, Күнзила Ибадуллаева мен Райхан Мейірманова биылғы жылы ардагерлікке қадам басқалы тұр.Перуза Миянова – Аманкелді ауы­лын­­дағы мектепте еңбек жолын бастаған білікті де жаңашыл ұстаз. Тәжірибелі педагог өзіндік бағытымен ерекшеленіп, жас ұрпақ­қа сапалы білім мен тәрбие беруде. Қырық жылға жуық уақыт төккен маңдай тердің арқасында шәкірттері білім сынағында жоғары балл жинап, үздік нәтиже көрсетіп келеді. Шәкірттерінің арасында республикалық, облыстық, аудандық пән олимпиадаларында жүлделі орын алғандары жетерлік. Ардақты ұстаз өз сөзінде: «Ұстаздық – ұлы қызмет. Жауапкершілікті қажет ететін қызметтің жақсы нәтижесін көру – үлкен бақыт. Осынау жылдар ішінде білім мен тәрбие берген шәкірттерімнің алды еліміздің түкпір-түкпірінде елге беделді қызмет етуде. Кейінгілері жоғары оқу орындарында білім алу жолында. Бұл тұста мен өзімді бақытты ұстазбын деп есептеймін» деген болатын.Педагог-зерттеуші атағын иеленген ұстаз үш мәрте ҚР Білім және ғылым министрінің Құрмет грамотасымен, министрліктің Алғыс хатымен, «Сырдария ауданына 90 жыл» мерекелік медалімен және ҚР Оқу-ағарту министрлігінің «Орта білім беру ісінің үздігі» төсбелгісімен марапатталды. Ардақты ұстаз жұбайы Исабай Жүсіповпен 5 баланы дүние­ге әкелген берекелі отбасы.Күнзила Ибадуллаева алғашқы еңбек жолын өзі туып-өскен Ақжар­ма ауылынан бастады. 1984 жылы Аманкелді ауылының тумасы Қызылбай Жүсіповпен отбасын құ­рып, 3 баланы дүниеге әкелді. Отбасы­лық өмір мен ұстаздықты ұштастыра білген Күнзила апай көптеген аудандық, облыстық, рес­пуб­ликалық марапаттың иегері атанды. «Үздік сынып жетекшісі», облыстық білім басқармасының Құр­мет грамотасын, «Үздік сабақ – озат тәжірибе» байқауында 1-дәрежелі дипломын, «Инновация» республикалық педа­гогикалық ор­та­лығының «Ұла­ғатты ұстаз» төс­­бел­гісін иелен­ді.Өмір жолының 41 жылын ұстаз­дық қызметке арнаған Күнзила Ибадуллаева ардагерлікке абыроймен жеткен, еңбек жолы жас мамандарға үлгілі ұстаз.Кітапханашы Райхан Мейір­ма­нова 1986 жылдан бастап Аман­келді ауылдық кітапханасында қызмет атқарды. 2001-2002 оқу жылынан бүгінгі күнге дейін №42 Қ.Баймағанбетов атындағы мектеп-лицейде кітапхана меңгерушісі болып қызмет атқаруда. Райхан Абылайқызы 40 жылдық еңбек жолын­да оқушылардың ой-өрісінің кеңе­юіне орасан зор үлес қосып келеді. Асыл қазына – оқулықпен қамтамасыз етіп, әрбір кітапты көз­дің қарашығындай сақтап, наси­хат­тауға бар білім-білігін салып, аса жауап­кершілікпен қарайды.Ұзақ әрі қажырлы еңбек жолында Райхан Абылайқызының жет­кен жетістіктері де аз емес. Атап айтар болсақ, облыстық білім бас­қармасының Алғыс хатымен, аудан­дық білім бөлімінің Құрмет грамотасымен, аудандық білім бөлімі ұйымдастырған «Ең үздік мектеп кітап­ханашысы – 2010» байқауының жеңімпазы, ауылдық округ әкімінің, мектеп-лицей директорының Ал­ғысымен марапатталды.<blockquote>– Мектеп-лицей ұжымының аға буын ұстаздары мен қызметкері әрдайым білім шаңырағының абыройын асырып, білім саласына еңбектерін сіңірді. Ұстаздарымыздың алды зейнеткерлікке шықса, алдағы уақытта Перуза Миянова мен Райхан Мейірманованы ардагерлікке құрметпен шығарып салатын боламыз. Ұстаздарымыздың ұшан-теңіз еңбектеріне, шәкірт тәрбиелеу жолын­­дағы үлгі-өнегесіне риза­шылы­ғы­мызды білдіреміз. Ке­йін­­­гі жас мамандар, ұстаздар қауымы аға ұрпақ­­­тың мінсіз қызметін лайықты жалғастыратын болады деген сенім­деміз, – дейді мектеп-лицей директоры Бағдат Рахменов.</blockquote>

Қазақстан және Қызылорда облысының жаңалықтары: Білім