<a href="https://kyzylorda-news.kz/">Kyzylorda-news.kz</a> Алматы облысының Талғар аудандық соты Хасан Қасымбаевқа үкім шығарды. Бұл туралы&nbsp;<a href="https://stan.kz/hutor-basshisi-delingen-hasan-kasimbaev-12-zhilga-sotta-426065/">Stan.kz&nbsp;</a>ақпарат агенттігі хабарлады.Ол адам ұрлады, пара талап етті&nbsp;және&nbsp;денсаулыққа ауыр зиян келтірді деп айыпталып,&nbsp;12 жылға бас бостандығынан айырылды.&nbsp;Ол жазасын орта қауіпсіздік режиміндегі түзету мекемесінде өтейді.Тілшінің айтуынша, сот залында Хасан Қасымбаевтың өзі отырған кабинаны сындырып тастағанын айтты.&nbsp;Ол журналистердің сот залынан шығуын талап еткен.Айыпталушы мен туыстарының қарсылығынан соң журналистер сот залынан шығарылды. Сот мұны журналистердің қауіпсіздігі үшін жасалды деп түсіндірген.Фото: Видеодан скрин

"Хутор" басшысы делінген Хасан Қасымбаев 12 жылға сотталды

<a href="https://kyzylorda-news.kz/">Kyzylorda-news.kz</a> &nbsp;Бүгін&nbsp;Арал&nbsp;ауданы әкімдігінің мәжіліс залында аудан әкімі Аманжол Оңғарбаевтың төрағалығымен аппарат мәжілісі өтіп, күн тәртібіндегі бірқатар мәселелер қаралды.Мәжіліс барысында Үкімет отырысында қаралған геология және жер қойнауын пайдалану саласын дамыту мен цифрландыру шаралары, сондай-ақ халықты дәрі-дәрмекпен және медициналық бұйымдармен қамтамасыз ету мәселелері талқыланды. Аудан әкімі бірқатар көрсеткіштерге тоқталып, кемшіліктерді жою және жұмысты жандандыру қажеттігін атап өтті.Денсаулық сақтау саласында жүргізіліп жатқан құрылыс жұмыстарына ерекше назар аудару керектігін айтқан аудан басшысы жауапты тұлғаларға нақты тапсырмалар берді.Жиын барысында Аманжол Сақыпұлы аудан көлемінде атқарылатын өзге де маңызды шараларды жоғары деңгейде ұйымдастыру қажеттігін айтып, жоспарлы жұмыстардың уақытылы әрі сапалы орындалуын бақылауда ұстау керектігін атап өтті. Сонымен қатар, тазалық мәселесін назардан тыс қалдырмай, анықталған кемшіліктерді дер кезінде жоюдың маңыздылығына тоқталды.Жауапты бөлімдер мен мекеме басшыларына нақты міндеттер жүктелген жиын соңында аудан әкімі Аманжол Сақыпұлы берілген тапсырмалардың орындалуы ұдайы бақылауда болатынын жеткізді.Фото: Арал ауданы әкімінің баспасөз қызметі

 Арал: Көрсеткіштер сараланып, кемшіліктер назарға алынды

<a href="https://kyzylorda-news.kz/">Kyzylorda-news.kz</a> Арал аудандық мәдениет үйінде ауданның әлеуметтік-экономикалық дамуына сүбелі үлес қосып келе жатқан түрлі сала өкілдері марапат төрінен көрінді.Аймақ төрінен бастау алған «Тарихы терең, бірлігі бекем Сыр елі» атты мерейлі шараның жалғасы ретінде өткен салтанатты жиынға аудан әкімі Аманжол Оңғарбаев, аудан әкімінің орынбасарлары, құқық қорғау органдарының басшылары, дербес бөлім және мекеме жетекшілері, зиялы қауым өкілдері мен түрлі сала мамандары қатысты.Айта кетейік, биылғы жылдың 30 қазан күні Мемлекет басшысы Қасым-Жомарт Кемелұлы Тоқаев Сыр өңіріне жасаған жұмыс сапары барысында аймақтағы жаңа әлеуметтік, инфрақұрылымдық және өндірістік нысандарда болып, бірқатар ірі инвестициялық жобалардың жүзеге асырылу барысымен танысты. Сондай-ақ, облыс жұртшылығымен кездесіп, өңірдің даму қарқынына оң бағасын берді.Соңғы жылдары аймақта ауқымды жұмыстар атқарылып келеді. Облыс әкімі Нұрлыбек Машбекұлының тынымсыз еңбегінің арқасында облыс орталығының жаңа келбеті қалыптасып, стратегиялық маңызы бар жобалар жүзеге асырылуда. Қала көшелері кеңейіп, көркейту және көгалдандыру жұмыстары жанданды. Құрылыс қарқыны артып, бірнеше жаңа шағын аудандар бой көтерді. Сырдарияның сол жағалауын игеру жұмыстары қарқын алды. Қаланы байланыстыратын көпір, әлеуметтік нысандар, тұрғын үйлер мен кәсіпкерлік объектілері пайдалануға берілді.Бүгінде мұндай нәтижелі істер облыс орталығымен қатар аудан орталықтары мен шалғай елді мекендерде де жүзеге асуда. Бүгінгі шара осы бағыттағы жетістіктерді айқындап, үздік еңбекті бағалау мақсатында ұйымдастырылды.Салтанатты жиында аудан әкімі Аманжол Сақыпұлы сөз сөйлеп, өңір мен ауданның дамуына үлес қосып келе жатқан азаматтарға және барша аралдықтарға ризашылығын білдірді.Мұнан соң ауданның өркендеуіне зор үлес қосқан бірқатар азаматтарға аймақтың ең жоғары марапаты Құрмет грамотасы табысталды. Сонымен қатар, бірнеше еңбек озаттары облыс әкімінің Алғыс хатымен марапатталды.Көпшілік көңілін көтеріп, мерейін тасытқан шуақты шараның соңы аудан өнерпаздарының ән мен жырға толы концерттік бағдарламасына ұласты.Фото: Аудан әкімінің баспасөз қызметі

Түрлі сала озаттары марапатталды

<a href="https://kyzylorda-news.kz/">Kyzylorda-news.kz</a> Қызылорда облысында 20 қазан мен 19 қараша аралығында өткізілуде жатқан «Браконьер» жедел-профилактикалық іс-шарасы аясында табиғатты қорғау, сондай-ақ заңсыз аңшылықтың алдын алу бағытында ауқымды жұмыстар жүргізілуде.Шара барысында полиция қызметкерлері аңшылықпен айналысатын азаматтардың атыс қарулары мен рұқсат құжаттарын мұқият тексеріп, құқықбұзушылықтардың жолын кесуге басымдық берді.Қызылорда облысы Полиция департаментінің Қоғамдық қауіпсіздік басқармасы жүргізген жұмыстар нәтижесінде: - 3 қылмыстық іс қозғалды, &nbsp; - 105 әкімшілік құқықбұзушылық анықталды, &nbsp; - 12 дана қару заңсыз айналымнан тәркіленді. &nbsp;Қазіргі таңда аталған деректер бойынша тиісті сараптамалар тағайындалып, заңға сәйкес шаралар қабылдануда.Полиция департаменті тұрғындарды аңшылық және қару айналымы саласындағы заң талаптарын қатаң сақтауға шақырады. Табиғатты қорғау – әр азаматтың борышы.

«Браконьер» іс-шарасы барысында Қызылордада заңсыз аңшылықтың 105 дерегі анықталды

<a href="https://kyzylorda-news.kz/">Kyzylorda-news.kz</a> «Заң және тәртіп» идеологиясын іске асыру шеңберінде Қызылорда облысы Полиция департаментінің ұйымдастыруымен ішкі істер органдары ардагерлерінің қатысуымен тағылымды семинар-кеңес өткізілді.<img src="https://knadmin.beoblood.kz/uploads/1_30cdfe3c3a.jpg" alt="1.jpg">Шара аясында қызметтік борышын атқару кезінде қаза тапқан ішкі істер органдары қызметкерлерінің рухына тағзым ретінде олардың құрметіне орнатылған ескерткіштерге гүл шоқтарын қою рәсімі өтті. Бұл – батырлардың ерлігін мәңгі есте сақтау мен жас қызметкерлердің бойында отансүйгіштік пен кәсіби жауапкершілік сезімін нығайтуға бағытталған игі дәстүр.<img src="https://knadmin.beoblood.kz/uploads/2_a64624d1ea.jpg" alt="2.jpg">Кеңес жұмысы Қызылорда қаласының сол жағалауында орналасқан «Өлкетану» музейінде жалғасын тапты. Іс-шарада ардагерлер полиция қызметінің қалыптасу тарихы мен тәжірибелерімен бөлісіп, жас буынға ақыл-кеңестерін айтты. Музейдегі экскурсия арқылы қатысушылар өңірдің құқық қорғау саласындағы тарихымен танысты.<img src="https://knadmin.beoblood.kz/uploads/4_fe36c07046.jpg" alt="4.jpg">Шара соңында қызметтік борышын өтеу барысында ерлікпен қаза тапқан полиция капитаны Ғазиз Байтасов туралы түсірілген көркем фильм көрсетіліп, қатысушылар батырдың ерлігіне құрмет білдірді.

«Құрмет пен қаһармандық – ұрпақтар сабақтастығы» тағзым шарасы аясында семинар өтті 

<a href="https://kyzylorda-news.kz/">Kyzylorda-news.kz</a>&nbsp; Интернет-банкинг өміріміздің ажырамас бөлігіне айналып кетті – аударымдар, қызметтерді төлеу, кредиттер мен инвестициялар енді бірнеше әрекет арқылы қолжетімді. Бірақ ыңғайлы болуымен қатар тәуекел деңгейі де өсті: Қазақстанда кибералаяқтық деңгейі жыл өткен сайын өсіп келеді, ал схемалар күрделене түсуде. Өз ақшаңыз бен деректеріңіздің қауіпсіздігін сақтау үшін цифрлық гигиенаның қарапайым, бірақ аса қажетті қағидаларын білу маңызды. Бұл жөнінде сіз Fingramota.kz-тің жаңа материалынан оқи аласыз. &nbsp;<h2 style="text-align:justify;">Базалық цифрлық гигиенаны сақтаңыз</h2>Алаяқтар өздерін банк қызметкерлері ретінде таныстырып, өздерінің әлеуетті құрбандарына қоңырау соққанды жақсы көреді, ал іс жүзінде әрі қарай шоттардан ақша шығару немесе қол жеткізілген ақпаратты пайдалану үшін барынша деректерді біліп алуға тырысады. &nbsp;Сондықтан SMS арқылы келген кодтар мен құпиясөздерді ешкімге айтпаңыз және «банктің» өтініші бойынша қашықтан қол жеткізуге арналған бағдарламалық қамтылымды (AnyDesk/TeamViewer) орнатпаңыз.Бұл үлгілік алаяқтыққа жатады: алаяқтар бағдарламалар арқылы құрылғыларға толығымен қол жеткізеді және кредиттер ресімдейді, ақша шығарады және аударымдар жасайды. Мысалы, Жетісу облысында алаяқтар азаматтардың сеніміне кіріп, оларды смартфондарына AnyDesk қосымшасын орнатуға мәжбүрлеген. Осы ұйымдасқан қылмыстық топтан 40-тан астам адам зардап шеккен, ал залал сомасы 70 миллион теңгеден асқан.Міндетті түрде push-хабарламаларды қосыңыз және операциялар бойынша лимиттер белгілеңіз. Осылайша сіз барлық іс-әрекеттер туралы, шотыңызда не болып жатқаны туралы хабардар боласыз және күдікті операцияларды бірден байқайтын боласыз. &nbsp;Банктердің тек ресми қосымшаларын ғана пайдаланыңыз және сайттардың мекенжайларын тексеріңіз. Олай болмаған жағдайда сіздің деректеріңізді ұрлайтын «қағып алатын сайтқа» кіріп кетуіңіз мүмкін. Қосымшаларды App Store және Google Play маркетплейстері арқылы ғана жүктеңіз, ал сайтқа өткен уақытта мекенжай жолын тексеріңіз: онда http емес, https болуға тиіс, өйткені s – secure.Егер сізге «банк қызметкері» қоңырау соғып және сізді асықтыратын болса немесе ақшаны «қауіпсіз шотқа» аударуға мәжбүрлейтін болса, онда дереу тұтқаны қойыңыз және ресми нөмір бойынша банкке хабарласыңыз.<h2 style="text-align:justify;">Құрылғыларыңызды барлық мүмкін болатын тәсілдермен қорғаңыз</h2>Қаскүнемдер алаяқтықтың SIM Swapping немесе SIM Swap сияқты түрін жиі пайдаланады, бұл – қаскүнемдер ұялы байланыс операторынан өз құрбанының нөмірімен жаңа &nbsp;SIM-карта алып, оның атынан әрекет ететін шабуыл түрі. Мұндай жағдайға тап болмау үшін өз нөміріңізді қорғау мақсатында мобильді оператордан қосымша қауіпсіздік шараларын сұратыңыз. Және әлеуметтік желілерде өз нөміріңізбен бөліспеуге тырысыңыз – бұл жұмысыңызға қажет болса, онда ол арқылы ешқандай қаржы операциялары өтпейтін және маңызды қосымшаларға байланыстырылмаған бөлек SIM-карта алыңыз.Нөмірден бөлек, өз телефоныңызды қорғаңыз: банк қосымшасына кіру үшін PIN/биометрия орнатыңыз, белгісіз дереккөздерден орнату әрекетін бұғаттаңыз, бағдарламалық қамтылым мен антивирусты тұрақты түрде жаңартып отырыңыз.Онлайн сатып алу үшін бөлек картаны пайдаланыңыз және оған бөлек нөмірді байланыстырып қойыңыз. Аталған шотта сауда жасауға қажет аз мөлшердегі қаражат болсын. Ал негізгі картаға онлайн төлем мен аударымдар үшін міндетті түрде лимит қойыңыз. &nbsp; &nbsp;Көпшілікке ортақ Wi-Fi қолданбауға тырысыңыз, ол арқылы алаяқтар деректерді ала алады. Бірақ егер сіздерге интернет шұғыл керек болып, мобильді деректер жұмыс істемейтін болса, банк қосымшасына кірмеуге тырысыңыз. &nbsp;<h2 style="text-align:justify;">Алаяқтықтың негізгі белгілерін есте сақтаңыз</h2>Алаяқтар көбіне банктердің, полицияның, Бас прокуратураның, ҰҚҚ немесе Қазпоштаның атынан қоңырау шалады және кодты/құпиясөзді атауды, дауыспен «кіруді растауды», AnyDesk орнатуды немесе ақшаны «шұғыл түрде қауіпсіз шотқа аударуды» сұрайды. Бұл құрылымдардың нағыз қызметкерлері мұндай нәрселерді сұрамайды. &nbsp;Әрі қарай аферисттер асықтырғанды және көңіл күйге әсер еткенді немесе қорқытқанды ұнатады. Олар өздерінің айтқанын жасату үшін сіздің қобалжып тұрған сәтіңізді ұтымды пайдаланады. Сізге қысым көрсетіп немесе қолайсыз жағдай тудырып тұрғанын білген сәтте бірден тұтқаны тастап, ақпаратты нақтылау үшін оларға ресми нөмірі бойынша қайта қоңырау соғыңыз. &nbsp;Жаппай фишингтік шабуылдар мен компаниялардан сақ болыңыз: алаяқтар сізге «айыппұл төлеуге» сілтеме жіберуі, банктегі сауалнаманы жаңартуды сұрауы немесе лотореяда ұтқаныңызды хабарлап, қандай да бір жарна төлеуіңізді сұрауы мүмкін. Мұның бәрі – алаяқтық. Сілтемеге өткен немесе жеке ақпаратты енгізген бойда аферисттер сіздің ақшаңызға немесе дербес деректеріңізге қолжетімділік алады.<h2 style="text-align:justify;">Өз шотыңызда болып жатқан күдікті белсенділікті байқасаңыз не істеу керек?</h2>Бірден карталарды бұғаттап, банкке хабарлаңыз, содан кейін полицияға өтініш жазыңыз.Банк қосымшасында құпиясөзді, PIN-кодты ауыстырыа, содан соң қосымшадан шығып кетіңіз. &nbsp;Дәлелдерді жинаңыз (SMS, қоңыраулардың, сілтемелердің скриншоттары) да, оларды полицияға жазған өтінішіңізге қоса беріңіз. &nbsp;<h2 style="text-align:justify;">Қысқаша чек-парақ</h2>Fingramota.kz интернет-банкингпен орындалатын алаяқтықтан қорғау бойынша 10 пайдалы кеңес жинадық: &nbsp;Банк карталарының кодтарын, құпиясөздерін, CVV/СМС-кодтарын ешкімге айтпаңыз және құрылғыларыңызға қашықтан қол жеткізу бағдарламаларын орнатпаңыз. Басқа біреудің айтуы бойынша ештеңе орнатпағаныңыз абзал. &nbsp;Сайттағы нөмірі бойынша банкке өзіңіз қайта қоңырау соғыңыз, бірдеңе істеуді сұрайтын «қызметкерлермен» сөйлеспеңіз.Push-хабарламалар қосып, лимиттер белгілеңіз, онлайн сатып алу үшін аз мөлшердегі сомасы бар жеке карта ашып қойыңыз.Сілтемені/доменді тексеріңіз, ал күмәнді жаппа хабарлама таратуда карта деректерін енгізбеңіз.SIM-ді қайта шығарудан қорғаңыз, смартфонды кодтармен, биометриямен және вирусқа қарсы бағдарламамен қорғаңыз.Көпшілікке ортақ Wi-Fi арқылы интернет-банкингті қолданбаңыз.Кредиттік тарихты жиі тексеріп отырыңыз.eGov/eGov Mobile-да «Стоп кредит» қызметін іске қосыңыз.Күдікті белсенділік кезінде карталарды дерек бұғаттаңыз. &nbsp;Полицияға бөлімшеде немесе eOtinish арқылы өтініш беріңіз, оған бүкіл дәлелдерді қоса беріңіз (скриндер, SMS, қоңырау нөмірлері).<img src="https://knadmin.beoblood.kz/uploads/2605_infografika_kaz_32_99ad36111e.png" alt="2605-infografika-kaz-32.png">Fingramota.kz-пен бірге қаржылық сауаттылығыңызды арттырыңыз!Фото: fingramota.kz

Тәуекелсіз интернет-банкинг: ақшаңызды онлайн қалай қорғауға болады?  

&nbsp;<a href="https://kyzylorda-news.kz/">Kyzylorda-news.kz</a> «Қазақстан темір жолы» Ұлттық компаниясы» АҚ Қызылорда магистральдық желі бөлімшесі филиалында «Адал адам – адал еңбек – адал табыс» тақырыбында кездесу ұйымдастырылды.Іс-шараға Қызылорда облыстық қоғамдық даму басқармасының «Қоғамдық келісім» КММ аға сарапшылары, облыстық ҚХА жанындағы Ақпараттық түсіндіру тобының мүшелері Бауыржан Үсенбаев пен Жанболат Досмаханов қатысып, қоғамдағы адалдық құндылықтары, еңбек мәдениеті және адал табысқа жетудің маңызы жөнінде пікір білдірді.Кездесуде вандализм мен құмар ойындары сияқты теріс әрекеттердің салдары талқыланып, еңбекқорлық пен жауапкершіліктің жеке тұлға мен қоғам дамуы үшін шешуші рөл атқаратыны атап өтілді.Шараның басты мақсаты – қызметкерлер арасында адалдық қағидаттарын насихаттау, еңбекке адал көзқарасты қалыптастыру және жастарды өнегелі өмір салтына баулу болып табылады.

«Адал адам – адал еңбек – адал табыс» тақырыбында кездесу өтті

<a href="https://kyzylorda-news.kz/">Kyzylorda-news.kz</a> Парламент Сенаты мен Мәжілісінің депутаттары Наурызбай Байқадамов, Руслан Рүстемов, Мархабат Жайымбетов, Мұрат Ергешбаев, облыс әкімінің бірінші орынбасары Данияр Жаналинов, облыстық мәслихат төрағасы Мұрат Тлеумбетов СПМК-70 мөлтек ауданындағы 1500 орындық «Келешек мектебіне» барды.Мектеп құрылысы толық аяқталған, жаңа ғимарат заманауи талаптарға сай. Мұндағы оқу кабинеттері соңғы үлгідегі құрал-жабдықтармен қамтылған, арнайы STEM-зертхана, кітапхана, спорт және акт залы, асхана бар. Бас мердігер Integra Construction KZ, жобалаушы ұйым Project Construction KZ, техникалық қадағалаушы «Самұрық Қазына Девелопмент» серіктестіктері нысанды жақын күндері пайдалануға беруге дайын.Аймақта «Келешек мектептері» ұлттық жобасы аясында 6 900 орынға арналған 10 мектеп салынды. Бүгінде оның тоғызы пайдалануға берілсе, алтауының құжаттары әзірленіп, облыстық білім басқармасының теңгеріміне қабылданды. Биылғы оқу жылында іске қосылған 3 мектепте оқу процесі жүргізілуде.Жергілікті бюджеттен жоба-сметалық құжаттамалар әзірлеуге 118,4 млн теңге бөлініп, 1 млрд 700 млн теңгеге 10 мектептің инфрақұрылымы тартылды. Тағы 2 млрд 80 млн теңгеге білім ошақтарының іргелес аумақтары абаттандырылып, жол салынды.Фото: Қызылорда облысы әкімінің баспасөз қызметі

«Келешек мектебі» заманауи талаптарға сай

&nbsp;<a href="https://kyzylorda-news.kz/">Kyzylorda-news.kz</a> “Innofest 2025” - жастардың инновациялық ойлау қабілетін дамытып, ІТ, медиа және кино саласы бойынша 24 сағат ішінде идеядан прототипке дейін жоба жасауды мақсат етеді. Биыл байқауға 1 600-ге жуық жас ниет білдіріп, 250-ге жуық команда қатысты. Нәтижесінде, 9 жоба үздік деп танылды. Бұл туралы Өңірлік коммуникациялар қызметінің ақпарат алаңына облыс әкімі аппаратының “Ақпараттық технологиялар орталығы” КММ директоры Қанат Қараев мәлімдеді.<blockquote>- Фестивальге аймақ жастарынан бөлек Астана, Алматы, Жезқазған, Түркістан, Шымкент, Ақтау қалаларынан қатысушылар келді. Қатысушылар цифрлы сабақ жоспары, телефон алаяқтары, смарт туризм, сөйлейтін әліппе сынды көптеген жобалар ұсынды. Биыл фестивальде ІТ, медиа және киноиндустрия саласында жетістікке жеткен спикерлер шақырылып, олар жастармен шеберлік сағаттар өткізіп, идеяларды бірлесе талқылады. Байқауда үздік деп танылған 9 жобаға жалпы жүлде қоры 5 400 000 млн теңгені құрайтын қаржылай сыйақылар үлестірілді. Әр жеңімпаз командаға І орын - 1 000 000 теңге II орын - 500 000 теңге, ІІІ - 300 000 теңгенің қаржылай сертификаттары табысталды,- деді Қанат Қазбекұлы.</blockquote>&nbsp;Фестивальдің негізгі мақсаты – аймақ дамуына қажетті жаңа инновациялық идеяларды қолдау, ІТ бағытына қызығушы жастардың жобаларын қаржыландыруға мүмкіндік беру және жаңа есімдерді шығару.<blockquote>– Дәл қазір біздің нарыққа креативті индустрияны қалыптастыратын азаматтар өте керек. Оның ішінде ІТ саласы ерекше маңызға ие. Жасанды интеллект бағытына деген сұраныс бар кезде біз үшін білікті де білімді жастардың жаңа жобалары әркез өзекті. Біздің жастар жасанды интеллект саласындағы жаңашылдықтарды меңгеріп, Кореяда білімін жетілдіруге мүмкіндік алады. Айта кетсек, биыл фестиваль 5-ші рет өткізілді. 5 жыл ішінде ІТ бағытында өткізілген Inno.Fest, Smart City Kyzylorda Hackathon, Pecha Kucha, мастер-класстар секілді шараларға 10 мыңға жуық қатысушы тіркеліп, өз жобаларын ұсынды, - Kyzylorda Hub жетекшісі Жанарыс Түбекбаев.</blockquote>- Менің жобамның тақырыбы - сұрыптаушы қоқыс жәшігі. Жалпы менің экология саласында жүргеніме 6 жылға жуық уақыт болды. Осы уақыт аралығында табиғатымызды жақсарту, қорғау мақсатында бірнеше жобаларға қатыстым. Сондай бір жобалардың бірінде ақпарат жинау үшін Белкөл кентіндегі қоқыстарды өңдейтін фабрикаға барған болатынмын. Сол кезде адамдар қоқысты қолмен сұрыптайтынын көріп, дамыған заманға сай оны арнайы құрылғылардың неге жасамасқа деген ой келді. Осылайша, сол құрылғыны жасап шығардым,- деді “Innofest 2025” жеңімпазы Диас Тасболат.<blockquote>- Мен Extrnos атты жоба жасадым. Бұл ұялы телефондарға арналған қауіпсіз жүйе. Жобаны жасауға 7 ай уақытымды жұмсадым. Ол андройд пен iOS-қа қарағанда мықты әрі қауіпсіз,- деді “Innofest 2025” жеңімпазы Нұрислам Айбекұлы.</blockquote>Фото: Қызылорда облысының Өңірлік коммуникациялар қызметі

“Innofest 2025” инновациялық фестивалі қорытындыланды

<a href="https://kyzylorda-news.kz/">Kyzylorda-news.kz</a> Өнер орталығында «Тарихы терең, бірлігі бекем Сыр елі!» атты еңбек озаттарын марапаттауға арналған салтанатты шара өтті. Оған Парламент Сенаты мен Мәжілісінің депутаттары Наурызбай Байқадамов, Руслан Рүстемов, Мархабат Жайымбетов, Мұрат Ергешбаев, құқық қорғау органдарының басшылары, зиялы қауым өкілдері, қоғам қайраткерлері қатысты.Аймақ басшысы Нұрлыбек Нәлібаев атқарылған жұмыстарды атап өтіп, өз еңбегімен өңірдің өркендеуіне серпін берген азаматтарға алғыс білдірді.<blockquote>«Елімізде жүргізілген саяси-экономикалық реформалар өз нәтижесін беруде. Оның айқын көрінісі бүгінгі Қызылорда облысының даму серпінінен анық байқалады.Аймағымызда атқарылған тиімді жұмыстармен танысу үшін Президентіміз екі рет арнайы іссапармен келді. Әрбір сапарында өңіріміздегі өзекті мәселелердің шешілуіне қамқорлық жасап, қолдау білдірді. Президентіміздің Сыр өңірінің даму қарқынына, атқарылған жұмыстарға берген оң бағасы бәріміз үшін зор мәртебе. Бұл – ерекше қолдаудың, ұтымды ұйымдастырудың, бірлесе атқарған жұмыстың нәтижесі. Бұл баршамызды жаңа жетістіктерге жетелейді.Әділетті, Қуатты, Қауіпсіз әрі Таза Қазақстанды құру жолында Сыр халқы да бекем бірліктің, ерен еңбектің үлгісін көрсетуде. Аймақта негізгі макроэкономикалық көрсеткіштердің өсімі қамтамасыз етілді. Кейбір көрсеткіштердің мәнін терең түсінуіміз қажет. Өйткені, ол – жай ғана статистика емес, жерлестеріміздің еселі еңбегінің жемісі.Биыл облысымыздың бюджеті 851 млрд.300 млн. теңгеден асты. Өңірге тартылған инвестиция көлемі 720 млрд. теңгеге жетті. Бұл қаражат аймағымыздың ең өзекті деген мәселелерін шешуге, тұрғындардың өмір сүру сапасын жақсартуға, жаңа инфрақұрылымдық жобаларды іске асыруға бағытталды. Бүгінгі еңбектің игілігін болашақ ұрпағымыз көреді деп сенеміз.Өңірімізде еңбегімен елге сыйлы болған азаматтарға лайықты құрмет көрсетіліп келеді. Президентіміздің ерекше қолдауымен 2022 жылдан бүгінге дейін 300-ге жуық қызылордалық мемлекеттік наградалармен марапатталды. Олардың 50 пайызға жуығы – қарапайым еңбек ардагерлері мен озаттары. Мемлекет басшымыз жұмыс сапарының қорытындысында бірқатар жерлесімізді мемлекеттік наградаға ұсынуды тапсырған болатын. Бүгінгі маңызды жиында осы наградаларды табыстаймыз.Бұл Президентіміздің Сыр жұртшылығына деген ықыласы мен бірлесіп атқарған жұмысымызға берген оң бағасы деп білеміз. Қай істе де әрбіріңіздің қолтаңбаңыз бар. Сіздер барлық бастамаларымыз бен жобаларымызға үлкен қолдау білдіріп келесіздер. Біз оны күн сайын сезінеміз.Президентіміздің бізге қойған талабы да, Өзіміздің азаматтық парызымыз да – халық сенімін ақтау жолында адал қызмет ету. Алдағы уақытта да туған жерімізді өркендетуге шынайы жанашырлықпен атсалыса берейік!», – деді Нұрлыбек Машбекұлы.</blockquote>Жиында ел дамуына елеулі үлес қосқан бірқатар азамат мемлекеттік наградалармен марапатталды. ІІІ дәрежелі «Барыс» ордені мемлекет және қоғам қайраткері Бекмырза Еламановқа, «Парасат» ордені «Абай Дәулет» жауапкершілігі шектеулі серіктестігінің директоры Мұрат Сәрсенбаев пен «Ер-Әлі» шаруа қожалығының төрағасы Әліби Бекжановқа, ІІ дәрежелі «Достық» ордені «Акса Энерджи Қызылорда» жауапкершілігі шектеулі серіктестігінің директоры Алган Сарачоғлыға табыс етілді. «Құрмет» орденімен «Промстройсервис Е» жауапкершілігі шектеулі серіктестігінің директоры Манарбек Еспенбетов,«Сәт-Сервис» жауапкершілігі шектеулі серіктестігінің директоры Роза Иманова, «Сейфуллин Жер» жауапкершілігі шектеулі серіктестігінің жетекшісі Оңғарбек Саймағамбетов, «Tau GroupLTD» жауапкершілігі шектеулі серіктестігінің құрылтайшысы Исламғали Қозыбақов марапатталды.Сондай-ақ іс-шарада «Ерен еңбегі үшін», «Шапағат» медальдары лайықты азаматтарға берілді. Парламент депутаттарының атынан Наурызбай Сейтқалиұлы құттықтау сөз сөйлеп, марапат иелеріне ізгі тілегін жеткізді.Салтанатты жиын үш дүркін «Алтын домбыра» иегері Мұхтар Ниязовтың, «Күміс домбыра» иегері Бексұлтан Орынбасаровтың арнауымен жалғасып, концерттік бағдарламаға ұласты.Фото: Қызылорда облысы әкімінің баспасөз қызметі

Архив