<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Кемелұлы Тоқаев «Әділетті мемлекет. Біртұтас ұлт. Берекелі қоғам» атты Қазақстан халқына Жолдауында 2025 жылды – «Жұмысшы мамандықтар жылы» деп жариялады.Осыған орай, еліміздің барлық өңірінде жұмысшы мамандықтарды насихаттау, еңбек адамын қолдау және жұмысшы кәсібінің мәртебесін арттыру бағытында ауқымды шаралар қолға алынды.Сыр өңірінде де «Жұмысшы мамандықтар жылын» мазмұнды әрі жүйелі өткізу мақсатында облыс әкімі Нұрлыбек Нәлібаевтың бастамасымен арнайы іс-шаралар жоспары бекітіліп, түрлі жобалар жүзеге асырылуда.<img src="https://knadmin.beoblood.kz/uploads/1_yzylordada_zhas_mamandardy_respublikaly_sleti_tti_b2e57725d0.jpg" alt="1 Қызылордада жас мамандардың республикалық слеті өтті.jpg">Бүгін Қызылордада «Жұмысшы жас мамандар слеті» өтті. Ауқымды жиынға еліміздің бірнеше өңірінен, сондай-ақ барлық аудандар мен қалалардан 100-ден астам жұмысшы жас маман арнайы қатысты.Пленарлық отырыста облыс әкімінің орынбасары Шахмардан Байманов сөз сөйлеп, өңірде «Жұмысшы мамандықтар жылында» атқарылған жұмыстарға тоқталды.«Жастар – қоғамның қозғаушы күші» деген қағида бар. Мемлекет басшысының бұл бастамасын әсіресе, жастар қауымы ерекше ықыласпен қарсы алды. Республика көлемінде түрлі форматтағы шаралар ұйымдастырылып, жастарды қолдауға бағытталған игі бастамалар қолға алынуда. Қазіргі таңда, өңірімізде 28 колледж бар. Оның 19-да 45 мамандық, 49 біліктілік бойынша жұмысшы кадрлар даярланып, жалпы 20341 студенттің 4890-ы жұмысшы мамандығы бойынша білім алуда. Осы жылы 2 колледж базасында тігін цехы ашылды.Халықаралық байланысты дамытуда колледждер Түркия, Қырғызстан, Германия, Ресей, Латвия, Өзбекстан, Польша мемлекеттерінің 7 халықаралық, 98 республикалық және 56 аймақтық оқу орындарымен 161 ынтымақтастық меморандумына қол қойды. «Мансап компасы» платформасы арқылы 3000 оқушыға кәсіби бағдар берілді, 20 мың оқушыға кәсіпорын базаларына экскурсиялар ұйымдастырылып, 40 мектеп базасында бейінді сыныптар ашылды.Өңірімізде ауқымды инвестициялық жобалар жүзеге асырылып, өндіріс орындары ашылып, жаңа жұмыс орындары көптеп ашылуда»,- деді Шахмардан Асқарұлы.Слет жұмысы барысында жастар «Қызылорда облысының жұмысшы жас мамандарының ассоциациясын» құру бастамасын көтерді. Бұл бастама өзге өңірлерден келген қатысушыларды да қанаттандырып, зор қолдауға ие болды.Жиын соңында еліміздің және аймағымыздың әлеуметтік-экономикалық дамуына елеулі үлес қосқан жастар аймақ басшысының Алғыс хатымен марапатталды.Слетке қатысушылар өңірдегі өндіріс орындарын аралап, оқу орындарының заманауи материалдық-техникалық базасымен танысты.Жастар «Orda Glass Ltd» ЖШС шыны зауытына, Бесарық ауылындағы өндірістік нысандарға, «Qaysar Arena» стадионы мен Оқушылар сарайына, сондай-ақ Теннис орталығы, облыстық тарихи-өлкетану музейі, музыкалық колледж, «Анаға тағзым», «Өнер» және «Отбасы орталықтарына" барды.Сонымен қатар, С. Ықсанов атындағы құрылыс және бизнес, И. Әбдікәрімов атындағы Қызылорда политехникалық колледждерінің оқу-өндірістік мүмкіндіктері мен жабдықталу деңгейін көріп, ондағы білім беру үрдісімен танысты.<img src="https://knadmin.beoblood.kz/uploads/2_yzylordada_zhas_mamandardy_respublikaly_sleti_tti_e603c2123b.jpg" alt="2 Қызылордада жас мамандардың республикалық слеті өтті.jpg">Айта кету керек, 25 шілде күні слет қатысушылары Байқоңыр қаласына арнайы сапармен барып, әлемге әйгілі ғарыш айлағы мен тарихи музейлерді аралайды. Бұл іссапар жастарға ғылыми-техникалық жетістіктерді өз көзімен көруге, сондай-ақ, Байқоңырдың ел дамуындағы тарихи маңызы жайлы мол мағлұмат алуға мүмкіндік береді.Фото: Қызылорда облысы әкімінің баспасөз қызметі

Қызылордада жас мамандардың республикалық слеті өтті

<a href="https://kyzylorda-news.kz/">Kyzylorda-news.kz</a> Бүгін ҚР Парламенті Сенатының депутаттары, “AMANAT” партиясының мүшелері Наурызбай Байқадамов пен Руслан Рүстемов Қызылорда қаласында жүзеге асырылып жатқан бірқатар әлеуметтік және мәдени маңызы бар жобалардың құрылыс және қайта жаңғырту жұмыстарымен танысты.Депутаттар алдымен аймақ басшысының қолдауымен жаңартылып жатқан Тұңғыш Президент саябағының құрылыс жұмыстарымен танысты.Аумағы 64,5 гектарды құрайтын Тұңғыш Президент паркі 2007 жылы ашылып, бүгінгі күнге дейін жаңғырту жүргізілмеген. Балалар ойын алаңы, орындықтар, жарықтандыру және т.б. қажетті құрылымдар жетіспейді. Ал, жаңа жобада жетіспеушіліктер толық қамтылып, Тұңғыш Президент паркі мен Денсаулық саябағы арасын жалғап, заманауи орынға айналдыру көзделген.&nbsp;<img src="https://knadmin.beoblood.kz/uploads/M_deni_nysandar_2_b8dde8b638.jpg" alt="Мәдени нысандар 2.jpg">Мұнан соң сенаторлар Тәуелсіздікке 25 жыл даңғылын қайта жаңғырту жұмысын көрді. 2024 жылдан бастап Тәуелсіздікке 25 жыл даңғылын Сұлтан Бейбарыс көшесінен Әбілқайыр хан көшесіне дейін Сырдария өзенінің қорғаныш бөгетін нығайтып, Тәуелсіздікке 25 жыл даңғылының 6,7 шақырымын қайта жаңғырту жұмыстары басталған болатын. Бүгінгі күні, қажетті қаржысы толық бөлініп, «Уад» ЖШС арқылы құрылыс жұмыстары жүргізілуде.Мұнан бөлек сенат депутаттары Қорқыт ата атындағы саябағын абаттандыру жұмыстары мен облыс әкімінің қолдауымен қайта жаңғыртудан өткізілген қалалық мәдени және демалыс паркіндегі жұмыстарды да зерделеді.Сенаторлар аталған нысандардағы жұмыстардың сапасына, жобалардың әлеуметтік маңыздылығына ерекше назар аударып, тиісті жауапты органдарға барлық жұмыстарды белгіленген мерзімде және сапалы аяқтаудың маңыздылығын атап өтті.

Сенаторлар әлеуметтік және мәдени нысандарды аралады

<a href="https://kyzylorda-news.kz/">Kyzylorda-news.kz</a> Қызылорда қаласындағы қауіпсіздігі барынша төмен ҚАЖ департаментінің №37 мекемесінен үш жазасын өтеуші «Қазақстан Республикасы Конституциясының отыз жылдығына байланысты рақымшылық жасау туралы» Заң аясында бостандыққа шықты.Бостандық алғандардың бірі – алаяқтық бабымен 1 жылға бас бостандығынан айырылған ер адам. Ол жазасын қауіпсіздігі барынша төмен мекемеде өтеп жатқан болатын. Қызылорда қалалық №2 сотының қаулысымен оның қалған 5 ай мерзімі рақымшылыққа сәйкес қылмыстық жауаптылықтан босатылды.<blockquote>– Жасаған қылмысыма өкінемін. Рақымшылық заңы бойынша бостандыққа шықтым – бұл мен үшін үлкен өмірлік сабақ болды. Ендігі мақсатым – отбасыммен қауышып, заң талаптарын бұзбай, жұмысқа орналасып, балаларымды дұрыс тәрбиелеуге бар күшімді салу, – деді босатылған азамат.</blockquote>№37 мекеме бастығының орынбасары Нұрлан Мұхтаровтың айтуынша, аталған рақымшылық заңы мекемеде жазасын өтеп жатқан 79 сотталған тұлғаға қолданылады. Оның ішінде жетеуі толық босатылуға, қалғандарына жаза мерзімін қысқартуға жатады.<blockquote>– Бүгінгі күні үшеуі бостандыққа шықты. Қалған сотталғандардың құжаттары сотта қаралуда. Рақымшылық заңы аясындағы жұмыстар заң талаптарына сай әрі жүйелі түрде жүргізілуде, – деді мекеме бастығының орынбасары.</blockquote>Айта кетейік, рақымшылық заңы Қызылорда облысы бойынша ҚАЖ мекемелерінде жазасын өтеп жатқан 200-ден аса сотталғанға қолданылады.

   Қызылордада үш сотталған рақымшылықпен босатылды

<a href="https://kyzylorda-news.kz/">Kyzylorda-news.kz</a> Арал ауданының әкімі Аманжол Оңғарбаев кезектілік тәртібімен жазылған азаматтарды жеке мәселелері бойынша қабылдады.Қабылдауға жазылған азаматтар тұрғын үй кезегіне және жер алу мәселесіне қатысты уәждерін айтса, бірі тұрақты жұмысқа орналыстыру жөнінде өтініштерін жеткізді.Тұрғындар тарапынан көтерілген мәселеге мамандар тарапынан құқықтық түсіндірме жұмыстары жүргізілсе, жұмыссыздық бойынша аудан әкіміне жүгінген тұрғындарға барлық мәселе жергілікті қоғамдық кеңестің шешімі арқылы ретелетіндігі түсіндірілді. &nbsp;Мұнан өзге де әлеуметтік мәселелер жеке қабылдауда айтылып, аудан басшысы барлық сауал сала мамандарымен бірге мұқият зерделеніп, заңдылығына қарай шешім қабылданатынын жеткізді.&nbsp;Аудан әкімі қабылдауда айтылған өтініштердің оңтайлы шешілуін қадағалау үшін жауапты бөлім басшыларына нақты міндеттер жүктеді. Кейбір мәселелер бойынша жауапты тұлғалар заң аясында түсіндірме беріп, шешу жолдарын ұсынды.&nbsp;Еске салайық, тұрғындар аудан әкімінің қабылдауына «е-otinish» бірыңғай базасы немесе әкімдікке келіп жазбаша өтініш тастау арқылы жазыла алады.

Тұрғындарды жеке қабылдап, ұсыныстарын тыңдады

<a href="https://kyzylorda-news.kz/">Kyzylorda-news.kz</a> Мемлекет басшысының бастамасымен «Таза Қазақстан» республикалық экологиялық бағдарламасы аясында Сыр өңірінде санитарлық тазалықты сақтау, абаттандыру және тұрғындардың өмір сүруіне қолайлы жағдай жасау бағытында ауқымды жұмыстар атқарылуда.Бюджет қаражатымен қатар, кәсіпкерлердің демеушілігімен орталық алаңдар, саябақтар мен демалыс орындары, ойын және спорт алаңдары қайта жаңғыртылып, тұрғын үйлер мен әлеуметтік нысандар заманауи үлгіде жөнделуде.Қазіргі таңда Қызылорда қаласындағы Президент және Денсаулық саябақтарының аумағы біртұтас кешен ретінде жаңғыртылуда. Аумағына халық сұранысына сай автокөлік тұрағы салынып, гүлзарлармен көмкеріледі. Көлемі 64,5 гектар болатын бұл кешенде жаяу жүргіншілер мен велосипед жолдары, ашық сахна, спорттық алаңдар, балалар ойын аймақтары, демалыс орындары мен көлеңкелі павильондар салынуда. Бір сөзбен айтқанда қала тұрғындары мен қонақтары үшін жайлы әрі қауіпсіз орта қалыптасады.Қалалық мәдениет және демалыс паркі қайта жаңғыртудан өтіп, жаңа келбетке ие болды. Мұнда жаңа арка орнатылып, «Сыр батырлары» ескерткіші Тағзым алаңына ауыстырылды. Қоршаулар мен жүргіншілер жолы жаңартылып, 544 түп ағаш пен қылқан жапырақты көшеттер отырғызылды. Бұдан бөлек, скейтпарк, воркаут алаңдары, балалар ойын аймақтары, фуд-корттар және ашық амфитеатр салынды.<img src="https://knadmin.beoblood.kz/uploads/Taza_aza_stan_at_aryl_an_zh_mystar_3_df28d73909.jpg" alt="Таза Қазақстан атқарылған жұмыстар 3.jpg">Қала орталығындағы Қорқыт ата мемориалды аллеясын қайта жаңғырту жұмыстары қарқынды жүруде. Жалпы аумағы 38 мың шаршы метрден асатын демалыс орнындағы жасыл желек алаңы ұлғайтылып, халықтың саялы орнына айналатын болады. Балаларға арналған ойын және спорт алаңдары заманауи жабдықтармен қамтамасыз етіліп, қауіпсіз әрі қолайлы етіп жасалуда. Бүгінде құрылыс және абаттандыру жұмыстарының 65 пайызы аяқталған.Тәуелсіздіктің 25 жылдығы даңғылы бойындағы Сырдария жағалауын абаттандыру және бекіту жұмыстары да белсенді жүргізілді. Жоба аясында 6,7 шақырым жағалауда тіреу қабырғалары нығайтылып, жол кеңейтілді. Қайта жаңғырту жұмыстары аясында жолдың негізі жаңартылып, асфальт төселді. Сырдария өзені бойындағы 1,4 шақырым қорғаныс бөгеті толықтай тазартылып, 1,4 шақырым тіреу қабырғасы тұрғызылды. Бұған қоса, бұрынғы екі жолақты жол төрт жолақты болып, ені 14 метрге дейін кеңейтілді.Жол бойында 8 балалар ойын алаңы мен спорттық құрал-жабдықтар орнатылып, тұрғындардың бос уақытын тиімді өткізуіне жағдай жасалды. Жағалау аймағы абаттандырылып, серуендеуге қолайлы инфрақұрылым орнатылды. Даңғыл тек инженерлік тұрғыдан ғана емес, эстетикалық жағынан да жаңарды. Жол жиегі түрлі-түсті бояулармен көмкеріліп, көз тартарлық суреттермен безендірілген.Әрі қарай даңғылдың жалғасы ретінде Әбілқайыр хан көшесінен Саламатов көшесіне дейін 2,9 шақырым жаңа жол құрылысы жүргізілуде. Бұл бағытта да өзен бойындағы қорғаныс бөгеті күшейтіледі. Төрт жолақты автожолмен қатар, ені 3 метрлік жаяу жүргіншілер жолы салынады.Қаланың экологиялық келбетін жақсарту және тұрғындардың өмір сүру сапасын арттыру бағытындағы жұмыстармен ҚР Парламенті Сенатының депутаттары Руслан Рүстемов пен Наурызбай Байқадамов танысып шықты.<img src="https://knadmin.beoblood.kz/uploads/Taza_aza_stan_at_aryl_an_zh_mystar_2_dadaf2d87e.jpg" alt="Таза Қазақстан атқарылған жұмыстар 2.jpg">

"Таза Қазақстан" экологиялық бағдарламасы аясында қарқынды жұмыс жүргізілуде

<a href="https://kyzylorda-news.kz/">Kyzylorda-news.kz</a> ҚР Парламенті Сенатының депутаттары Наурызбай Байқадамов пен Руслан Рүстемов және "АМАНАТ" партиясы облыстық филиалының төрағасы А.Есмаханов Сырдария ауданына жұмыс сапарымен барып, Қалжан ахун ауылындағы электр желілерін қайта жаңғырту жұмыстарымен танысты.Аудан әкімі Берік Сәрменбаев Мемлекет басшысы Қасым-Жомарт Кемелұлы Тоқаевтың тапсырмасымен, аймақ басшысы Нұрлыбек Машбекұлы Нәлібаевтың қолдауымен ауданда электр желілерін жаңғырту жұмыстары қарқынды жүргізіліп жатқанын жеткізді. Соңғы 2 жылдың ішінде Айдарлы, Жетікөл, Аманкелді, Қоғалыкөл және Шаған ауылдарының электр жүйелері толық жаңартылғанын айтты. Бүгінгі таңда Қалжан ахун ауылында электрмен жабдықтау жұмыстары жүргізілуде. Бұған республикалық және облыстық бюджеттен қаржы бөлінді. Аудан басшысы алдағы уақытта Тереңөзек кенті, С.Сейфуллин, А.Тоқмағанбетов, Н.Ілиясов ауылдарының электр желілерін жаңғыртуға жобалар ұсынылғанын жеткізді.Мұнан соң халық қалаулылары Қалжан ахун ауылындағы жылыжай жұмысымен де танысты. «Береке» ауылшаруашылық өндірістік кооперативінің жетекшісі Серік Әбжалиев жылыжай бизнесін дамыту бағытындағы 2023 жылы «Ауыл аманаты» жобасы аясында және 2024 жылы «Өңірлік инвестициялық орталығы» арқылы тамақ өнеркәсібін дамыту мақсатында төмендетілген несие алып, жылыжай шаруашылығын қайта жандандыруда. Кооператив жетекшісі С.Әбжалиев қазіргі таңда жылыжайда қияр мен қызанақ өсірілуде және бұл өнімдерге деген сұраныс өте жоғары екенін атап өтті. Жылыжай кешені ауыл шаруашылығының дәстүрлі түрін заманауи технологиялармен ұштастырып, сапалы өнім шығаруды мақсат етеді. Сонымен қатар, бұл жоба ауыл тұрғындарын жұмысқа орналастыруға және жергілікті экономиканың дамуына да өз үлесін қосуда.ҚР Парламенті Сенатының депутаттары елді мекенде атқарылып жатқан жұмыстарға оң бағасын беріп, Мемлекет басшысының тапсырмасымен инфрақұ<img src="https://knadmin.beoblood.kz/uploads/alzhan_ahun_zh_mystar_2_dbd76dc1f8.jpg" alt="Қалжан ахун жұмыстар 2.jpg">рылымдық жұмыстардың сапалы жүргізілуі назарда болу керектігін атап көрсетті. Сондай-ақ, кәсіпкерлік саласын дамытуға басымдық беру арқылы елдегі жұмыссыздық және басқа да әлеуметтік мәселелер шешімін табатынын жеткізді.

Сенат депутаттары Қалжан ахун ауылындағы жұмыстармен танысты

<a href="https://kyzylorda-news.kz/">Kyzylorda-news.kz</a> ҚР Парламенті Сенатының депутаттары Наурызбай Байқадамов пен Руслан Рүстемов ауданға жұмыс сапары барысында аудан активімен кездесті. Кездесуге "АМАНАТ" партиясы облыстық филиалының төрағасы А.Есмаханов, аудандық мәслихат төрағасы Е.Әжікенов, облыстық мәслихат депутаты Ж.Ембергенов, аудан ардагерлері, аудандық мәслихат депутаттары, бөлім, мекеме басшылары мен тұрғындар қатысты.Кездесуде аудан әкімі Б.Сәрменбаев ауданда атқарылып жатқан жұмыстарға тоқталды.<blockquote>– Мемлекет басшысы Қасым-Жомарт Кемелұлы Тоқаевтың тапсырмасымен, аймақ басшысы Нұрлыбек Машбекұлы Нәлібаевтың қолдауымен іргелі ауданда ауқымды жұмыстар атқарылуда. Cоңғы 2 жылда Айдарлы, Жетікөл, Аманкелді, Қоғалыкөл, Шаған ауылының электр желісі толық жаңартылса, биыл Қалжан ахун ауылында жұмыстар жүріп жатыр. Бүгінде аймақ басшысының қолдауымен ауданды газдандыру көрсеткіші 50 пайызға жетті. Соңғы жылдары Қалжан ахун, С.Сейфуллин, А.Тоқмағанбетов, Н.Ілиясов ауылдары табиғи газға қосылды. Биыл Шаған ауылын газдандыру жұмыстары жүргізілуде. Соңғы 2 жылдың көлемінде 9 елді мекенде су мұнаралары жаңартылды. С.Сейфуллин және Іңкәрдария ауылдарында қосымша барлау-өндірістік ұңғымалары орнатылды. Ауданда сапалы ауыз сумен қамтуда мәселе жоқ. Аймақ басшысының қолдауымен әлеуметтік нысандар жаңартылуда. Биыл Шаған ауылындағы дәрігерлік амбулатория қайта жөндеуден өткізілуде. С.Сейфуллин ауылындағы №137 орта мектепке күрделі жөндеу жұмыстары жүргізіліп жатыр, – деді Берік Әбдіғаппарұлы.</blockquote>Кездесу барысында халық қалаулылары Н.Байқадамов пен Р.Рүстемов заң шығару процесіндегі жаңалықтармен бөлісіп, қабылданған заңдардың өңірлердегі жүзеге асу барысымен таныстырып, Парламенттің жоғарғы палатасындағы жұмыс бағыттарын баяндады. Атап айтқанда, салықтық жүктемені оңтайландыру, халыққа сапалы мемлекеттік қызмет көрсету, су жүйесіндегі заңнамалар, міндетті әлеуметтік медициналық сақтандыруға қатысты өзгерістер мен толықтырулар жөнінде тоқталды. Өңір халқының мәселелерін жеткізіп, аймақтың әлеуметтік-экономикалық дамуына байланысты атқарылып жатқан жұмыстарды жеткізді.Сенат депутаттарымен кездесуде аудан активі заңнамалық деңгейде қолдауды қажет ететін бастамалар бойынша ұсыныстарын жеткізді.&nbsp;

Сырдария: Атқарылған жұмыстардың барысымен таныстырды

<a href="https://kyzylorda-news.kz/">Kyzylorda-news.kz</a> Облыс әкімінің бірінші орынбасары Д.Жаналиновтың төрағалығымен «Мерейлі отбасы - 2025» ұлттық конкурсының облыстық кезеңінің жеңімпаздарын анықтау бойынша комиссия отырысы өтті.«Мерейлі отбасы» ұлттық конкурсының негізгі мақсаты өнегелі құндылықтарды жаңғырту және отбасы мен некенің жағымды үлгісін халық арасында кеңінен насихаттауға, отбасы мәртебесін арттыруға бағытталған.Конкурсқа қатысуға отбасы мүшелерінің еңбекте, спортта, шығармашылық, зияткерлік, ғылыми жетістіктері бар, сондай-ақ қоғамдық пайдалы қызметке қатысатын (волонтерлік, қайырымдылық, меценаттық, тәлімгерлік) отбасылар жіберіледі.Ағымдағы жылы байқауға өңірімізден 231 отбасы өтінім білдірген. Жалпы өтінім білдірген отбасылардың ішінен қала және аудан бойынша іріктелген 16 отбасы облыстық кезеңге өтті.Облыстық кезеңде комиссия мүшелері отбасы құндылықтарымен ерекшеленген отбасыларды іріктеп, оларға жүлделі орындар мен номинациялар тағайындады. Бас жүлдеге ие болған отбасының құжаттары ІІІ кезең, яғни республикалық кезеңге жолданатын болады.Облыстық кезеңнің жеңімпаз отбасыларын салтанатты марапаттау шарасы тамыз айының екінші онкүндігінде өтеді.

"Мерейлі отбасы-2025": Облыстық кезеңнің комиссия отырысы өтті

<a href="https://kyzylorda-news.kz/">Kyzylorda-news.kz</a> Туризм және спорт министрлігі спорт саласын қаржыландыру тетіктерін жетілдіру және бюджет шығындарын тиімді басқару бағытында жүйелі жұмыстар жүргізіп келеді.Өңірлік спорт басқармалары мен ұлттық спорт федерацияларына бюджет қаражатын үнемдеп, қаржыландырудың қайталануын болдырмау үшін «1 өңір – 1 клуб – 1 спорт түрі» қағидатын ұстану ұсынылды. Бұл туралы бүгін Туризм және спорт министрінің орынбасары Серік Жарасбаев Туризм және спорт министрі Ербол Мырзабосыновтың төрағалығымен өткен өңірлік басқармалардың, ведомстволық бағынысты ұйымдардың, спорт федерациялары мен кәсіби клубтардың басшыларымен өткен кеңес барысында мәлімдеді.Биыл маусымда күшіне енген «Дене шынықтыру және спорт туралы» заңға сәйкес, командалық спорт түрлері бойынша кәсіби клубтарды қаржыландыруға шектеу енгізілді. Бұл – қаржының ашық әрі тиімді жұмсалуын қамтамасыз етіп, клубтарды балама қаржы көздерін тартуға бағытталған маңызды қадам.Сондай-ақ заң бойынша шетелдік спортшыларды ұстауға және оларға еңбекақы төлеуге бюджет пен квазимемлекеттік сектордың қаражатын пайдалану тыйым салынды. Бұл шешім жергілікті кадрларды қолдауға, отандық спортшылардың бәсекеге қабілеттілігін арттыруға және ұлттық спорт мектептерін дамытуға бағытталған.Жаңартылған заң аясында спортты стратегиялық тұрғыдан дамытуға бағытталған бірқатар маңызды нормалар енгізілді:Басым спорт түрлері айқындалдыМинистрлік Олимпиада, Паралимпиада, Сурдлимпиада, Азия және Азия Пара ойындарындағы ұлттық құрамалардың нәтижелерін ескере отырып, 60-тан астам басым спорт түрінің тізімін бекітті.11 ұлттық спорт түрі басым спорт түрлері қатарына енгізілдіБиылдан бастап ұлттық спорт түрлері де олимпиадалық бағыттармен қатар мақсатты қаржыландыруға және жоғары жетістіктер спорты ретінде жүйелі дамуға мүмкіндік алады.«Мүгедектігі бар спортшыны сүйемелдеуші» ұғымы заңмен бекітілдіЗаңнамада алғаш рет І топтағы мүгедектігі бар спортшыны алып жүретін тұлға ұғымы енгізілді. Бұл норма олардың жаттығу мен жарыстарға тең қол жеткізуін қамтамасыз етіп, спорттағы инклюзивтілікті арттыруды көздейді.Спорт ұйымдары басшылары үшін ротация жүйесі енгізілдіЕнді спорт ұйымдарының басшылары 5 жыл мерзімге тағайындалады. Кадр тапшылығы бар өңірлерде ротация облыс ішіндегі көршілес аудандар арасында жүзеге асырылады.Қабылданған шаралар – отандық спортты тұрақты әрі тиімді модель бойынша дамытуға бағытталған кешенді реформаның бір бөлігі. Туризм және спорт министрлігі заңда көзделген нормаларды мемлекеттік саясат аясында іске асырып, олардың орындалуын барлық деңгейде қамтамасыз етеді.<img src="https://knadmin.beoblood.kz/uploads/Sport_salasy_2_057a35d4b6.jpg" alt="Спорт саласы 2.jpg">

Елімізде спорт саласын қаржыландырудың жаңа тәсілдері егізілуде

<a href="https://kyzylorda-news.kz/">Kyzylorda-news.kz</a> Астанадағы мектеп-гимназияны басқарушы ерекше бейнежазбаларымен танымал болған еді.&nbsp;Желіде кеңінен танылған Астана қаласындағы №58 мектеп-гимназиясының директоры Ақмоншақ Нұртаза қызметінен кететінін жариялады. Бұл туралы ол Instagram парақшасында жазды. Бұл туралы<a href="https://smartnews.kz/news/21546-tiktokta-zhuldyz-atangan-akmonshak-nurtaza-mektep-direktorlygynan-ketti?fbclid=IwY2xjawLupHVleHRuA2FlbQIxMQABHr0B4QEmste-o4uMprdxv5Pb6ZFz-RojSXri24dhiMFC7To4rNBWBPrOFfP2_aem_LTIroZxn7H063FIW73OfBg"> SMARTNEWS.KZ</a> хабарлады.&nbsp;«Бәрін тоқтаттым. Мектеп, қызмет, әлеуметтік желі», – деп қысқа ғана жазба қалдырған. Ақмоншақ Нұртаза бұған дейін 11-сынып түлектерімен бірге Димаш Құдайбергеннің орындауындағы Сәкен Сейфуллиннің «Тау ішінде» әніне арналған TikTok челленжге қатысып, желі қолданушыларының назарын аударған еді.&nbsp;Оның түсірген видеосы 3,1 миллион қаралым жинап, челленж жеңімпазы атанып, Димаштың Лондондағы концертіне билет жеңіп алған болатын. Мектеп директоры әлеуметтік желілерде белсенділігімен ерекшеленіп, оқушыларымен түрлі бейнероликтер түсіріп, жарнамалық контентке де араласып жүрді.&nbsp;Сондай-ақ жоғары сынып оқушыларымен «Директормен шай» атты бейресми жоба бастаған. Алайда оның мұндай белсенділігі жұрт арасында түрлі пікір тудырды. Бірі оны «заманға сай, ашық, жаңашыл басшы» деп мақтаса, енді бірі «директор өз қызметіне лайықты салмақпен қарауы керек еді» деген сын айтты.&nbsp;Ақмоншақ Нұртазаның мектептен және әлеуметтік желіден бір мезетте кетуі – оның бұл пікірлерге берген жауабы ма, әлде басқа себеп бар ма – әзірге белгісіз.Фото: жеке парақшасынан smartnews.kz

Тиктокта жұлдыз атанған Ақмоншақ Нұртаза мектеп директорлығынан кетті  

<a href="https://kyzylorda-news.kz/">Kyzylorda-news.kz</a> &nbsp;Әлеуметтік медициналық сақтандыру қоры медициналық көмек алу мәселесі бойынша жиі қойылатын сұрақтардың жаңа топтамасын дайындады. Олардың басым бөлігі сақтандыру мәртебесіне қатысты.Елімізде&nbsp;МӘМС жүйесі 2020 жылдан бастап енгізілді және амбулаториялық көмектен бастап, күрделі хирургиялық операцияларға дейінгі кең ауқымды медициналық қызметтерді қамтиды.&nbsp;Дегенмен, қазақстандықтардың көпшілігі сақтандырылғанына қарамастан, мәртебе мен медициналық көмек алу мүмкіндіктеріне қатысты&nbsp;сұрақтар әлі де туындайды.– «Әрбір азамат МӘМС жүйесінің қалай жұмыс істейтінін түсініп, өз құқықтарын пайдалана білуі маңызды. Біз халықты мазалайтын және жиі қойылатын сұрақтарды жинап, оларға нақты әрі түсінікті жауаптар беруге тырыстық», – деп атап өтті Әлеуметтік медициналық сақтандыру қоры басқарма төрағасының орынбасары Индира Саркенова.1. Мен жақында&nbsp;ресми&nbsp;жұмысқа орналастым. Енді МӘМС қашаннан бастап күшіне енеді?Сақтандырылған мәртебесі қатарынан 12 ай (өткен немесе алдағы) үшін тұрақты төлем жасалған жағдайда беріледі. Егер сіз бұған дейін ресми жұмыс істемесеңіз, жұмыссыз ретінде жеңілдік санатына кірмесеңіз және төлемді жеке төлеуші ретінде жасамаған болсаңыз, онда жұмысқа орналасқан күннен бастап бір жыл өткен соң сақтандыру мәртебесі беріледі. Егер осы кезеңге дейін МӘМС бойынша медициналық көмек қажет болса, онда өткен 12 ай үшін төлем жасап, сақтандыру мәртебесін алуға болады.2. Жақында несие алмақ болып едім, жұмыс берушім мен үшін төлем жасамайтынын білдім. Алайда жалақымнан жарна ұстап жүр екен. Бұл маған қалай әсер етеді және не істеуім керек?Егер сіз ресми түрде жұмыс істеп жүріп, жалақыдан жарна ұсталғанымен, жұмыс беруші Қорға төлем жасамаса, сіздің атыңыздан МӘМС жүйесінде қарыз жиналады. Соның салдарынан сіздің сақтандырылған мәртебеңіз жойылып, сақтандыру пакетіндегі қызметтер – салалық дәрігерлердің кеңесі, диагностикалық тексерулер, жоспарлы операциялар және т.б. – ала алмайсыз. Бұл жағдайда өз ұйымыңыздың бухгалтериясына жүгініп, төлемдердің неге жасалмағанын анықтауыңыз қажет. Мүмкін төлем дұрыс жүргізілмеген шығар немесе техникалық қате кеткен болар. Егер бұл жұмыс берушінің жауапсыздығынан болса, онда сіз мемлекеттік кірістер органдарына немесе еңбек инспекциясына шағым түсіріп, өз құқықтарыңызды қорғай аласыз.3. Мен шетелде жүріп, бірнеше ай елде болмадым. Енді МӘМС бойынша емделуім керек. Мәртебемді қалай қалпына келтірсем болады?Егер сіз бұған дейін тұрақты түрде жарна төлеп, сақтандырылған болсаңыз, онда өткізіп алған кезең үшін қарызды өтесеңіз жеткілікті. Өткен 12 ай үшін төлем болған жағдайда мәртебе қайта беріледі. Өткен бір жылдағы төлемдердің бар-жоғын Әлеуметтік медициналық сақтандыру қорының ресми сайтынан (https://msqory.kz/ru/), Qoldau 24/7 мобильді қосымшасынан немесе Telegram желісіндегі Saqtandyry-bot арқылы тексеруге болады.4. Мен басқа қаладан көшіп келдім. Жаңа мекен-жай бойынша емханаға қалай тіркелемін?Емханаға тіркелу электрондық үкімет порталы арқылы (https://egov.kz/cms/ru/services/child/494pass_mz) тиісті мемлекеттік қызмет шеңберінде жүзеге асырылады. Алдымен өзіңіздің тұратын аумағыңыз қай емханаға қарайтынын анықтау қажет. Мұны аймақтық анықтама қызметі арқылы білуге болады (мысалы, Астанада – 109 нөмірі). Содан кейін порталда авторизациядан өтіп, «Қызметке онлайн тапсырыс беру» батырмасын басыңыз. Ашылған терезеде өтінімді толтырып, оған ЭЦҚ көмегімен қол қою қажет. Жеке кабинетте (қызметтер алу тарихы бөлімінде) өтініміңіздің қаралуы жөнінде хабарламамен танысуға болады. Қызмет көрсету мерзімі өтіп кетсе, сіз тіркелуге сұраныс жіберген медициналық ұйымға тікелей жүгіне аласыз. Тіркеуден бас тартпас үшін алдын ала емханада бос орындардың бар-жоғын нақтылап алған жөн.5. Мен жүкті әйелмін, жеке гинекологқа қаралып жүрмін. Скринингтерді МӘМС арқылы тегін өте аламын ба?Иә, скринингтік тексерулер, соның ішінде пренаталдық скрининг те МӘМС пакетіне кіреді. Сондай-ақ жүкті әйелге зертханалық талдаулар, құралдық диагностика, бейінді мамандардың кеңесі де қолжетімді. Медициналық бақылаудан дер кезінде өту үшін тіркелген емханаңызда жүктілік бойынша есепке (12 аптаға дейін) тұру қажет.

МӘМС туралы жиі қойылатын сұрақтар

<a href="https://kyzylorda-news.kz/">Kyzylorda-news.kz</a> Бүгінгі кейіпкеріміз өткен жылы ғана айына 3 мың тәтті тоқаш пісірсе, бүгінде ең кемі 15-16 мыңнан астам нан өнімдерін тұтынушыларына ұсынуда. Кәсіп иесі бұл көрсеткішке кәсіпкерлік саласындағы мемлекеттік қолдаудың, яғни «Қызылорда» Өңірлік инвестициялық орталығынан жеңілдікпен алған несиенің арқасында жеткенін айтты.Қызылордалық Лаура Ұзақова 4 баланың анасы. Негізгі мамандығы химия пәнінің мұғалімі. Бала күтіміне байланысты уақытша демалысқа шыққаннан кейін мамандығы бойынша қайта жұмыс істеуге мүмкіндігі болмайды. Осы кезде декретте отырғанда енесінен үйренген ісі табыс көзіне айналдыруға сеп болады.<blockquote>«Жолдасымның анасы Жұмакүл Арынғазиева 40 жыл наубайханада жұмыс істеген. Тәжірибелі маман. Ол кісінің қолынан шыққан нан өнімдерін жақын маңдағы дүкендер алып тұратын. Жанында жүріп тәтті тоқаш пісіруді үйреніп алдым. Жұмыссыз қалғанда анамыздан үйренген істі кәсіпке айналдыруды ойластырдым», - дейді Лаура Ұзақова.</blockquote>Жас кәсіпкер алғашында отбасының қаржысына алынған екі секциялы пешпен ісін бастайды.<blockquote>«Нан өнімдерінің ішінде тәтті тоқашымызда сұраныс жоғары болды. Айына 3000 тоқаштай пісіріп, шағын дүкендерге жеткізіп беріп жүрдік. Өнімімізге сұраныс артты. Алайда бір пешпен үлгермейтініміз белгілі болды. Осылайша кәсіпті кеңейту керек, бірақ оған қаржыны қайдан табамыз деп жүргенде спорт секциясына балаларды тасып жүрген жолдасым ата-аналардың бірінен «Қызылорда» Өңірлік инвестициялық орталығы жайлы естіп, үйге айтып келді», - дейді жас кәсіпкер.</blockquote>Өңірлік орталықтың жергілікті кәсіпкерлерді қолдауға арналғанын &nbsp;білгеннен кейін бағдарламаларымен танысып, өтінім береді. Кәсіпті кеңейтуге Орталық арқылы биыл мамырда 6,5 млн теңге жеңілдетілген несие алады.<blockquote>«Бұл қаржыға төрт секциялы екі пеш, екі жұмыс үстелін, нан өнімдеріне арналған сөрелер, қалыптар, өзге де қажет құрал-жабдықтар алдық. Енді тиімділігін айтайын, өнім көлемі бірден артты. Бұрын айына ең көбі 3500 тоқаш шығарып жүрсек, қазір кәсіпті кеңейткеннен кейін 15-16 мың тоқаш пісіріп жатырмыз. Негізгі тұтынушыларымыз үлкен дүкендер. Жұмыс қолы жетпей жатыр. Сол үшін жақында 3 адамды жұмысқа аламыз», - дейді Лайра Ұзақова.</blockquote>Айта кеткен жөн, тамақ өндірісімен айналысатын кәсіпкерлерге тамаша мүмкіндік жасалуда. Қызылорда қаласындағы Сол жағалаудан ашылып жатқан өндірістік аймақта орналасатын кәсіпкерлер кәсібіне қажетті құрал-жабдықтарға «Қызылорда» Өңірлік инвестициялық орталығы арқылы жеңілдікпен 3 пайызбен несие ала алады.Қосымша сұрақтар бойынша Орталыққа +7 705 177 47 30, +7 775 757 94 74, 40-03-60 байланыс нөмірлері арқылы хабарласуға болады.Фото:&nbsp;«Қызылорда» Өңірлік инвестициялық орталығының баспасөз қызметі

Архив