<a href="https://kyzylorda-news.kz/">Kyzylorda-news.kz</a> Қыркүйектің 13-14 -і күндері Астана қаласында Қызылорда облысы тауарөндірушілерінің қатысуымен ауыл шаруашылығы өнімдерінің жәрмеңкесі ұйымдастырылуда.Жәрмеңкеге 50 жүк көлігіне тиелген 60-қа жуық тауарөндірушінің құны 200 млн. теңге болатын 500 тоннаға жуық өнімі апарылған.Атап айтқанда, 200 тоннадан астам күріш, 10 тонна ет, 20 тоннадай балық, 160 тонна бақша өнімдері, &nbsp;80 тоннадан астам көкөніс пен жеміс-жидек, 15 тоннаға жуық сүт және кондитер өнімдері, &nbsp;5 тонна ас тұзы жеткізілді.Сондай-ақ, жәрмеңке аясында Сыр елінің өнерпаздары қатысқан мәдени-танымдық концерттік бағдарлама елордалықтарға ерекше көңіл-күй сыйлады.Мемлекеттік қолдаудың арқасында аймақтың ауыл шаруашылығы саласы қарқынды дамып келеді. Бәсекеге қабілетті өнім өндіру арқылы азық-түлік қауіпсіздігін қамтамасыз ету &nbsp;жолға қойылған.Осы жылдың 7 айында ауыл шаруашылығында 46,5 млрд. теңгенің өнімі өндіріліп, өсім көрсеткіші 2,6%-ға артты.Облыс бойынша 189,6 мың гектарға ауыл шаруашылығы дақылдары егілді, атап айтсақ, дәндi дақылдар 92,9 мың гектар, майлы дақылдар 5,7 мың гектар, мал азықтық дақылдар 73,3 мың гектар, картоп, көкөнiс, бақша 17,4 мың гектар. Үкімет бекіткен Жол картасына сәйкес &nbsp;80,9 мың гектар жерге күріш себілді.Шаруашылықтар егін жинауға қажетті ауыл шаруашылығы техникаларымен, жанар-жағармаймен, минералды тыңайтқыштармен толық қамтамасыз етілген.Бүгінде егін жинау науқаны қарқынды жүруде. Ерте егілген дәнді дақылдар толық жиналып бітті. Қазіргі таңда мал азықтық, майлы дақылдармен қатар көкөніс, бақша және күріш жиналуда.Аймақта мал шаруашылығын дамытуға жасалған қолдаудың нәтижесінде төрт түлік мал басы өсіп, өнім өндіру ұлғайды.Облыс бойынша 2025 жылдың 1 тамызына 425,4 мың бас ірі қара, 830,3 мың бас қой мен ешкі, 270,7 мың бас жылқы, 66,0 мың бас түйе және 126,8 мың бас құс тіркелген. Өткен жылдың сәйкес кезеңімен салыстырғанда ірі қара 0,5%-ға, жылқы 9,7%-ға, &nbsp;түйе 1,2%-ға, құс 1,2%-ға артты. Өңірде ауыл шаруашылығы өнімдерінің экспорты қарқынды дамып келеді. Биыл облыстан құны 18,8 млн. долларды құрайтын 37,7 мың тонна өнім әлемнің 19 мемлекетіне экспортталды.Барлық экспортталған өнімнің 89,4 пайызын құрайтын күріш өнімі Ресей, Беларусь, Қырғызстан, Тәжікстан, Украина, Әзербайжан, Өзбекстан, Грузия, Моңғолия және Ирак мемлекеттеріне жіберілді. &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp;Азық-түлік қауіпсіздігін қамтамасыз ету мақсатында аймақта инвестжобалардың жол картасы әзірленіп, жалпы құны 57,1 млрд теңгені құрайтын 30 жобаны іске асыру жоспарлануда. Бұл жобалар өңір экономикасын одан әрі өркендетуге бағытталған.Фото: Қызылорда облысы әкімінің баспасөз қызметі

Астанада Сыр өңірінің жәрмеңкесі өтуде

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев орталық стадионның құрылыс жұмыстарының барысын тексеріп, жауапты басшыларға тапсырмалар жүктеді.Қызылордадағы халықаралық стандарттарға сәйкес келетін 11 мың орындық Орталық стадион жақын күндері ашылады. Спорт нысаны УЕФА талаптарына сай, материалдық-техникалық базасы соңғы үлгідегі заманауи құралдармен жабдықталған.Жаңа ғимараттың жалпы аумағы 20 мың шаршы метр. Жасыл алаңнан бөлек, бокс, күрестің үш түрінің, атап айтқанда, дзюдо, грек-рим, еркін күрес, фитнес, спорттық гимнастика, таеквондо және ауыр атлетика залдары қамтылған. Спорт залдар келушілерге жыл он екі ай сапалы қызмет етеді.Жалпы ғимарат үш қабатты. Бірінші қабатында спорт түрлеріне арналған жаттығу залдары, екінші қабатында әкімшілік бөлмелер, үшінші қабатында спортшылар үшін және ауқымды жиындар өткізуге арналған бөлмелер қарастырылған. Барлық талапқа сай келетіндіктен, халықаралық дәрежедегі ауқымды ойындарды өткізуге толық мүмкіндік бар.Айта кетейік, облыс орталығында құны 20 млрд. 500 млн. теңгені құрайтын «Қызылорда Арена» көпбейінді спорт кешенінің құрылысы жүргізілуде. Бұл нысанда олимпиадалық стандарттарға сай 50 метрлік бассейн, Әлем және Азия чемпионаттарын өткізуге арналған 2500 орындық зал, олимпиадалық спорт түрлеріне арналған жаттығу залдары қамтылады. Құрылысы 2026 жылдың екінші жартыжылдығында аяқталады. Өңірде спортты дамытуда ауқымды жұмыс атқарылып келеді. Соңғы үш жылда 20 спорт кешені ашылды. Биыл «Ауыл – ел бесігі» бағдарламасы аясында елді мекендерде тағы 6 спорт кешені салынып, пайдалануға беріледі. «Қазақстан халқына» қорының демеушілігімен 2 млрд. 900 млн. теңгеге мүмкіндігі шектеулі жандарға арналған дене шынықтыру-сауықтыру кешені салынуда. Биыл қордың қолдауымен Шиелі, Жалағаш аудандарында жаңа спорт кешендері салынып, салауатты өмір салтын ұстанатын тұрғындар игілігіне айналды.Одан кейін облыс әкімі сол жағалаудағы әлеуметтік осал топтағы азаматтарға арналған 320 және 280 пәтерлік тұрғын үйлердің құрылыс алаңына барды. Мердігер мекемелер «Ер Ару” және “Мелиоратор” серіктестіктері.Өңір басшысы жақын күндері пайдалануға берілетін үй иелерімен кездесіп, құрылыс талаптарының сақталуы бақылауда екенін айтты.Еске салайық, соңғы үш жылда қаржыландырудың барлық көзінен 2 млн. 500 мың шаршы метр тұрғын үй пайдалануға берілді. Биыл бюджеттен тұрғын үй құрылысы мен жеке салушылардан дайын 3 800-ге жуық пәтерді сатып алуға қаржы бөлінді. Заманауи жаңа дизайнмен салынған 7, 9, 12 қабатты тұрғын үйлер қаламыздың сәнін келтірді.Фото: Қызылорда облысы әкімінің баспасөз қызметі

Аймақ басшысы бірқатар нысандардың құрылыс барысын тексерді

<a href="https://kyzylorda-news.kz/">Kyzylorda-news.kz</a> Бокстан Ливерпуль қаласында әлем чемпионатында еліміздің сапынан екінші финалис анықталды.Көпшілік асыға күткен +90 келідегі жартылай финалдық жекпе-жекте Айбек Оралбай 2 дүркін Олимпиада чемпионы, 5 дүркін әлем чемпионы Хулио Сесар Ла Круспен жолықты. Жылдамдық жағынан қарсыласынан қарағанда әлдеқайда басым болған Айбек бұл айқаста 3:2 есебімен басым түсті.Енді жерлесіміз финалда өзіне жақсы таныс Джахонгир Зокировпен (Өзбекстан) кездеседі.

Айбек Оралбай – әлем чемпионатының финалында

<a href="https://kyzylorda-news.kz/">Kyzylorda-news.kz</a> 2025 жылғы қаңтар–тамыз қорытындысы бойынша Қазақстанда аграрлық өндірістің тұрақты өсімі байқалды. Ауыл шаруашылығының жалпы өнім көлемі 3,4%-ға артып, 3,6 трлн теңгені құрады.Өсім мал шаруашылығы өндірісінің 3,2%-ға (2 262,3 млрд теңге), өсімдік шаруашылығының 4%-ға (1 254,1 млрд теңге) ұлғаюы есебінен қамтамасыз етілді.8 айда 696,2 мың тонна ет (тірідей салмақта, +1,9%), 2 625,2 мың тонна сүт (+6%) және 3 011,7 млн дана тауық жұмыртқасы (+1,2%) өндірілді.Мал басы: ірі қара – 8,6 млн (+0,2%), жылқы – 4,5 млн (+6,3%), түйе – 299,8 мың (+4%), құс – 46,9 млн (+2,8%).Ауыл шаруашылығы өнімдерін қайта өңдеуде де айтарлықтай өсім тіркелді: қант – +24% (99,2-ден 122,8 мың тоннаға дейін), ет консервілері – +29,7% (4,5-тен 5,8 мың тоннаға дейін), өсімдік майы – +27% (468,5-тен 595,0 мың тоннаға дейін), шұжық өнімдері – +8,8% (47,1-ден 51,2 мың тоннаға дейін), сары май – +15% (21,9-дан 25,2 мың тоннаға дейін), қышқыл сүт өнімдері – +6,4% (161,2-ден 171,5 мың тоннаға дейін).Жалпы, 8 айда тамақ өнімдері өндірісі 10,1%-ға (2 476,7 млрд теңге), ал сусындар өндірісі 7,1%-ға (813,1 млрд теңге) артты.Агроөнеркәсіптік кешендегі инвестициялық белсенділік те өсіп келеді. 2025 жылғы қаңтар–шілде аралығында ауыл шаруашылығына негізгі капиталға салынған инвестициялар 516,2 млрд теңгені құрап, 2024 жылдың сәйкес кезеңімен салыстырғанда 27%-ға артты. Тамақ өнімдері өндірісіне салынған инвестициялар – 119,2 млрд теңге (+42,8%).Қазақстанның ауыл шаруашылығы оң динамика көрсетіп отыр. Бұл өндіріс пен инвестиция көлемінің ұлғаюынан, сондай-ақ қайта өңделген өнім өндірісінің артуынан айқын көрінеді. Мұның бәрі елдің азық-түлік қауіпсіздігін нығайтуға және экспорттық әлеуетін кеңейтуге алғышарттар жасайды.

Ауыл шаруашылығының жалпы өнім көлемі 3,4%-ға өсіп, 3,6 трлн теңгеге жетті

<a href="https://kyzylorda-news.kz/">Kyzylorda-news.kz</a> Қарағанды облысында облыс әкімі, аймақтық футбол қауымдастығы (QOFA) және Freedom Holding Corp. бастамасымен іске асырылған ALGA! жобасы аясында алғашқы футбол сабақтары өтті.Бағдарламаға таңдап алынған он мектептің қатарында Әлімхан Ермеков атындағы мектеп-лицей де бар.Мұнда бастауыш сынып оқушылары футбол клубы «Шахтёрдың» қақпашысы Игорь Шацкиймен бірге алғашқы добын тепті.Футболшы балалардың сұрақтарына жауап беріп, кеңес те берді.<blockquote>— ALGA! жобасы балаларға тек футболшы ретінде емес, тұлға ретінде де дамуға көмектеседі. Мұндай сабақтарда олар тәртіпке, сыйластыққа және командада жұмыс істеуге үйренеді. Балаларға футбол арқылы өмірге дұрыс қарауды үйретуге мүмкіндік алғаныма қуаныштымын, — деді Игорь Шацкий.</blockquote>Сабақтардың құрылымы әрбір оқушыға, жынысына немесе физикалық дайындығына қарамастан, кешенді жаттығу жасауға мүмкіндік береді.Футбол арқылы балалар шыдамдылықты, үйлесімділікті, күш пен жылдамдықты дамытады. Педагогтар үшін бұл тек спорттық дайындық емес, сонымен бірге тәрбиелік үдеріс саналады.Биылғы оқу жылында жоба Қарағанды, Саран, Теміртау, Абай қалалары және Үштөбе ауылында 10 мектепті қамтиды. 1–4 сынып оқушылары үшін дене шынықтырудың үшінші сабағы енді футбол сабағы болады.Орта және жоғары буынға қосымша секциялар ашылады. Жобаға қатысқан барлық мектептер спорттық жабдықтармен қамтамасыз етілді: доптар, манишкалар, қақпалар. Ал мұғалімдер арнайы дайындықтан өтіп, ресми түрде футбол үйретуге құқық беретін UEFA D санатындағы бапкерлік лицензия алды.<blockquote>— Балалармен жұмыс істеу – жай ғана футбол сабағы емес. Біз оларды жеңілістерді еңсеруге, командада әрекет етуге және көшбасшылық қасиеттерін дамытуға үйретеміз. Бұл жоба өте маңызды, өйткені ол балаларға жеңіліс – жолдың бір бөлігі екенін, ал табандылық пен еңбек жеңіске жеткізетінін түсіндіреді, — дейді Әлімхан Ермеков атындағы мектеп-лицейдің педагогы Сәуле Айдарханова.Келесі жылы жобаға басқа да мектептер қосылады. Ал 2029 жылға дейін жасанды жамылғысы бар 10 шағын футбол алаңын салу жоспарлануда.</blockquote>Жобаның мақсаты тек футболды насихаттау емес. Бастама оқушылардың өмірінде спорттың тұрақты бөлігіне айналуына, олардың физикалық тұрғыда дамуына және бала кезден пайдалы дағдыларды қалыптастыруға бағытталған.

ALGA! жобасы: Қарағанды мектептерінде алғашқы футбол сабақтары өтті

<a href="https://kyzylorda-news.kz/">Kyzylorda-news.kz</a> Ливерпуль қаласында ұйымдастырылып жатқан әлем чемпионатында Қазақстан сапынан Виктория Графеева (60 келі) мен Елдана Талипова (+80 келі) қола жүлдегер атанды.Ал Аида Әбікеева (65 келі) мен Айбек Оралбай (+90 келі) чемпиондық айқасқа таласуға мүмкіндік алды.Ертең 6 отандасымыз жартылай финалдық кездесулерін өткізеді. Одан бөлек, 3 салмақта чемпион анықталады.📍Күндізгі сессия (16:00)1-жұп. 48 келі. 1/2 финал🇰🇿Назым Қызайбай🆚🇺🇿Сабина Бобокулова (Өзбекстан)7-жұп. 50 келі. 1/2 финал. Шамамен 17:30🇰🇿Санжар Тәшкенбай🆚🇨🇺Алехандро Кларо (Әлем чемпионатының қола жүлдегері)9-жұп. 55 келі. 1/2 финал. Шамамен 18:00🇰🇿Махмұд Сабырхан🆚🇨🇳Чуанг Луи📍Кешкі сессия (22:00)2-жұп. 51 келі. 1/2 финал. Шамамен 22:15🇰🇿Алуа Балқыбекова🆚🇨🇳Хиню Гю4-жұп. 70 келі. 1/2 финал. Шамамен 22:45🇰🇿Төрехан Сабырхан🆚🏴󠁧󠁢󠁥󠁮󠁧󠁿Одел Камара (2024 жылғы Әлем Кубогының чемпионы)6-жұп. 70 келі. 1/2 финал. Шамамен 23:15🇰🇿Наталья Богданова🆚🏴󠁧󠁢󠁥󠁮󠁧󠁿Чантил Рейд

Әлем чемпионаты: 13 қыркүйек күні қандай жекпе-жектер өтеді?

<a href="https://kyzylorda-news.kz/">Kyzylorda-news.kz</a> Бокстан Ливерпуль қаласында әлем чемпионатында жартылай финалдық жекпе-жектер жалғасып жатыр.3 дүркін әлем чемпионы, 48 келідегі Назым Қызайбай 1/2 финалда Өзбекстан өкілі Сабина Бобокуловамен кездесті. 3 раундқа жалғасқан айқаста отандасымыз өз шеберлігін кезекті мәрте паш етті. Есеп: 4:1.Осылайша Назым Қызайбай өз мансабында төртінші мәрте финалға шықты.

Назым Қызайбай – финалда

<a href="https://kyzylorda-news.kz/">Kyzylorda-news.kz</a> &nbsp;«AMANAT» &nbsp;партияның облыстық филиалының төрағасы Алмасбек Есмаханов партиялық бақылау комиссиясы және фракция мүшелерімен бірге Сайлауалды бағдарлама аясында СПМК-70 мөлтек ауданында салынып жатқан «Келешек мектебі» құрылысына мониторинг жүргізді.Білім ордасының құрылыс жұмыстарын 2024 жылдың шілде айынан бастап келісімшарт бойынша «Integra Construction KZ» ЖШС жүргізуде. 1500 орынға шақталған білім ошағы құрылысы ағымдағы жылы аяқталып, пайдалануға беріледі деп күтілуде.Құрылыс қарқынын көрген аманаттықтар мониторинг барысында тыпсырыс беруші және мердігер, техникалық қадағалаушы мекеме өкілдерімен жүздесіп, құрылыс қарқынын жоғарылату, құрылыс сапасы мен мерзімінде аяқталуы жөнінде нақты ұсыныстарын айтты.Мемлекет басшысының бастамасымен «Келешек мектебі» ұлттық жобасы аясында еліміздің барлық аймағында білім ордалары саланып жатыр. Олардың құрылысы Президентіміздің және аймақ басшысының тікелей бақылауында. Жас ұрпақтың игілігі үшін салынып жатқан білім ордасаның сапасы дұрыс болуы керек. Мұнда өзіміздің балаларымыз, немерелеріміз білім алатын болады. Сондықтан асығыс жасап, пайдалануға берілмей жатып, қайта жөндеуді талап етпейтін, кемі 30-40 жыл қызмет жасайтындай сапалы болуы керек. Балалардың қауіпсіздігі үшін барлығымыз да жауаптымыз»,- деді өз ұсыныстарымен бөліскен партияның облыстық филиалының төрағасы Алмасбек Есмаханов.Партия филиалының төрағасы мониторинг барысында анықталған кемшіліктерді қалпына келтіру қажеттігін мердігер мен техникалық қадағалаушы мекеме басшыларына қатаң ескертті.Айта кетейік, бүгінгі күні білім ордасының құрылыс жұмыстары 80 пайызға орындалған. Мердігерлер мерзімінде аяқтауға уәде етіп отыр.

 Келешек мектебі құрылысына партиялық бақылау жасалды

Жәрмеңкеде 50 жүк көлікке тиелген 500 тоннаға жуық азық-түлік өнімдері ұсынылуда.Атап айтқанда, 200 тоннадан астам күріш, 10 тонна ет өнімдері, 20 тоннадай балық өнімдері, 160 тонна бақша өнімдері, 80 тоннадан астам көкөніс пен жеміс-жидектер, 15 тоннаға жуық сүт және кондитер өнімдері, 5 тонна ас тұзы жеткізілді.Жалпы мемлекеттік қолдаудың арқасында аймақтың ауыл шаруашылығы саласы қарқынды дамып келеді. Аймақтың аграрлық саласында бәсекеге қабілетті өнім өндіру арқылы азық-түлік қауіпсіздігін қамтамасыз ету мәселесі жолға қойылған.Ағымдағы жылдың 7 айында ауыл шаруашылығында 46,5 млрд. теңгенің өнімі өндіріліп, өсім көрсеткіші 2,6%-ға артты.Биылғы жылы облыс бойынша 189,6 мың гектарға ауыл шаруашылығы дақылдары орналастырылды. Оның ішінде дәндi дақылдар 92,9 мың гектар, майлы дақылдар 5,7 мың гектар, мал азықтық дақылдар 73,3 мың гектар, картоп, көкөнiс, бақша 17,4 мың гектар. Үкіметпен бекітілген Жол картасына сәйкес ағымдағы жылы 80,9 мың гектар жерге күріш дақылы егілді.Шаруашылықтар егін жинау жұмыстарына қажетті ауыл шаруашылығы техникалармен, жанар-жағармаймен, минералды тыңайтқыштармен толық қамтамасыз етілген.Бүгінде егін жинау науқаны қарқынды жүруде. Ерте егілген дәнді дақылдарды жинау жұмыстары толық аяқталып, қазіргі таңда мал азықтық, майлы дақылдармен қатар көкөніс, бақша және күріш дақылдары жиналуда.Өңірде ауыл шаруашылығы өнімдерінің экспорты қарқынды дамып келеді. Ағымдағы жылы облыстан құны 18,8 млн. доллардықұрайтын 37,7 мың тонна өнім әлемнің 19 мемлекетіне экспортталды.Азық-түлік қауіпсіздігін қамтамасыз етумақсатында аймақта инвестжобалардың жол картасы әзірленіп, жалпы құны 57,1 млрд теңгені құрайтын 30 жобаны іске асыру жоспарлануда. Бұл жобалар өңірдің экономикалық даму қарқынын күшейтуге бағытталған.Фото: ауыл шаруашылығы басқармасы

Астанада Қызылорда облысының ауыл шаруашылығы өнімдерінің жәрмеңкесі өтуде

<a href="https://kyzylorda-news.kz/">Kyzylorda-news.kz</a> Сейсенбі, 9 қыркүйекте Apple компаниясының жыл сайынғы тұсаукесерінде жаңа үлгідегі iPhone және оның Pro және Max жетілдірілген түрлері, сондай-ақ жаңа смарт сағаттар және басқа құрылғылар <a href="https://kaz.inform.kz/news/apple-kompaniyasi-iphone-17-smartfonin-tanistirdi-b35a2a/">болды.</a>ТАСС хабарлағандай, төрт смартфонның дәстүрлі желісіне ең жұқа корпусы бар модель кірді – iPhone 17 Air, телефонның қалыңдығы 5,6 мм болды. IPhone 17 смартфондары алюминий мен титаннан жасалған, модельге байланысты A19 немесе А19Pro процессоры бар. IPhone 17 диагоналы – 6,3 дюйм, iPhone 17 Air – 6,5 дюйм, iPhone 17 Pro – 6,3 дюйм, iPhone 17 Pro Max – 6,9 дюйм.Барлық iPhone 17 ең аз 256 ГБ жадымен болады. IPhone 17 негізгі моделі бес түсті болады: лаванда, көк тұман, қара, АҚ және шалфей. Iphone Air төрт түсте: қара, ақ, аспан көк және ашық алтын. Iphone Pro және Iphone Pro Max модельдері күміс, қызғылт сары және қою көк түстерде қолжетімді.Бұл топта қазір шыныдан жасалған сымсыз зарядтау алаңы және толығымен жаңартылған салқындату жүйесі бар. Жылудың таралуына енді булану камерасы бар жаңа жүйе жауап береді. Сонымен қатар, әзірлеушілер ойындарда және ұзақ жүктемелерде қуатты 40% арттыруға уәде берді.Жаңа iPhone Air бұрын шығарылған барлық модельдер арасында ең берік болады деп жоспарланып отыр. Смартфонда A19 Pro процессоры бар – бұл смартфон процессорлары арасында әлемдегі ең жылдам түрі. Телефонның негізгі және алдыңғы камераларынан бір уақытта видео түсіруге мүмкіндік бар. Корпустың жұқалығына байланысты модельде физикалық SIM картасына арналған слот жоқ және барлық елде тек электронды SIM карталарын (eSIM) қолдайды. Жаңа үлгідегі аккумулятор батареяның қызмет ету мерзімін бейімдеу функциясымен жабдықталған, соның арқасында смартфон қайта зарядталмай күні бойы жұмыс істей алады.Сатылым 19 қыркүйекте басталады. АҚШ-тағы смартфондардың бағасы Phone 17 – 799 доллардан, iPhone Air – 999 доллардан, iPhone 17 Pro – 1099 доллардан және 17 Pro Max – 1199 доллардан.Бірқатар жаңа гаджет таныстырылымы өтіп, жыл сайынғы тұсаукесері аяқталғаннан кейін Nasdaq электронды биржасында америкалық Apple корпорациясының акцияларының құны шамамен 1,7%-ға арзандады. Бұған сауда деректері дәлел.Сағат 23:17-дегі мәлімет бойынша, корпорацияның акциялары 0,24%-ға өсіп, бір акцияға 238,44 доллар болды. Сағат 00:12-де жаңа өнімдердің тұсаукесері аяқталғаннан кейін Apple акциялары төмендей бастады және бір акция үшін 233,89 доллардан (-1,68%) сатылды.Айта кетейік, Маск Apple компаниясын монополияға қарсы заңды бұзды деп айыптады.Фото: youtube.com/@apple

Архив