<a href="https://kyzylorda-news.kz/">Kyzylorda-news.kz</a> ҚР Ауыл шаруашылығы министрлігі Балық шаруашылығы комитетінің төрағасы С.Сермағамбетов Сыр еліне жұмыс сапарымен келді. Іс сапар барысында комитет төрағасы өңірдегі балық өсіру шаруашылықтарына барды. Басқарма басшысы Ғ.Еркебай жаңадан іске қосылған балық өсіру шаруашылықтарының жұмысымен таныстырды.Басқарма басшысы алдымен қалаға қарасты Талсуат ауылындағы «Хан-Бекіре» шағын кәсіпкерлік субьектісін таныстырды. Кәсіпорынның өндірістік қуаты жылына 25 тонна. Шаруашылық бекіре балық түрлерін өсіруге арналған тұйық жүйелі сумен қамтамасыз ету қондырғысымен жұмыс жасайды. Кәсіпкер 5 адамды жұмыспен қамтып отыр. Алдағы уақытта шаруашылықтың қуатын арттырып, жұмысшылар санын көбейтуді жоспарлауда.Комитет төрағасына таныстырылған келесі нысан Жалағаш ауданы, Қаракеткен ауылында орналасқан «Ақкенже» балық шаруашылығы. Кәсіпорнның негізгі бағыты тұқы балық түрлерін өсіруге арналған шарбақтық балық өсіру. Жылдық қуаты – 30 тонна. Шаруашылықта балық өсіруге арналған 2 тор қоршама орналасқан. Басқарма басшысы балық өсіру шаруашылықтарына арналған мемлекеттік қолдау шаралары заңға сәйкес көрсетілетіндігін жеткізді.Іс сапар соңында комитет төрағасы өңірдегі балық шаруашылығын дамыту бағытында басқарма тарапынан атқарылып жатқан жұмыстарға және балық өсіру шаруашылықтарының жұмысына оң бағасын берді.Фото: Облыстық табиғи ресурстар басқармасы

Сыр елінде балық өсіру шаруашылықтары көбеюде

<a href="https://kyzylorda-news.kz/">Kyzylorda-news.kz</a> Қызылорда облысы&nbsp;Шиелі аудандық ауруханасының әкімшілігі келушілерден дүниеге сәби әкелген ананы перзентханадан думандатпай шығарып алуға шақырды.Бұл туралы медициналық ұйымның <a href="https://www.facebook.com/profile.php?id=100011608680710&amp;locale=ru_RU">Facebook</a> әлеуметтік желісіндегі парақшасында жарияланды.<blockquote>"Күн сайын сағат 12-ден бастап жұмыс уақытының соңына дейін аудандық аурухана алды тойдағыдай у-шуға, көлік, шоуға, аниматорға толады. Бірнеше рет ескерту жасалғанына қарамастан думанды іс-шара тыйылар емес. Тұрғындар жаңа босанған анаға, өмірге келгеніне жеті күн толмаған балаға ерекше күтім мен тыныштық керек екенін біле тұра әншілер мен аниматорларды жалдап, концерт ұйымдастыруды әдетке айналдырған", – делінген хабарламада.</blockquote>Аудандық аурухана көпбейінді болғандықтан басқа бөлімшелерде ауыр жағдайдағы науқастар жатанында ескертті.<blockquote>"Олардың тілеуін тілеген туыстарының жағдайына адами тұрғыдан түсіністікпен қараған жөн. Перзентхана реанимациясында да өз өмірі үшін күресіп жатқан нәрестелер бар екенін естен шығармау керек. Нәресте де туғаннан кейінгі алғашқы күндерде анасы сияқты тыныштық пен демалуды қажет етеді. Босанған ана шаршайды және ол әдеттегі жағдайда баласымен тыныштықта болғысы келеді. Бұл орайда қаумалап келген туған туыстың у-шуы және қатты музыка жаңа туған нәрестенің есту қабілетіне зақым келтіруі, тіпті нәрестеде неврологиялық мәселе тудыруы мүмкін",&nbsp;– деп хабарлады аурухана әкімшілігі.</blockquote>Фото: Нұрболат Нұржаубай

Қызылордада аурухана әкімшілігі ана мен баланы перзентханадан думандатпай шығарып алуды талап етті

<a href="https://kyzylorda-news.kz/">Kyzylorda-news.kz</a> ҚР Парламенті Мәжілісіндегі «AMANAT» партиясы депутаттық фракциясының мүшесі Мұрат Ергешбаев, Сенат депутаттары Наурызбай Байқадамов пен Руслан Рүстемов және партияның облыстық филиалының төрағасы Алмасбек Есмаханов Арал қаласындағы Төтенше жағдайлар және өрт сөндіру қызметінің мамандарымен кездесті.Онда төтенше жағдайлар кезінде қауіп-қатерді азайтып, жедел әрекет етуге мүмкіндік беретін бөлімнің материалдық техникалық базасымен танысты.Аудандық өрт сөндіру бөлімі ғимараты 4 қабатты. 2017 жылы пайдалануға берілген. Бөлім маңында отбасылы қызметкерлер үшін 7 пәтер және 40 адамға арналған жатақхана орналасқан. Өрт сөндіру бөлімінде жалпы штат бойынша 102 қызметкер жұмыс жасайды. Күнделікті тәуліктік жауынгерлік кезекшілікке 5 өрт сөндіру автокөлігі, 1авариялық құтқару автокөлігі 2 көмекші және 25 жеке құрам түседі екен. Өткен жылы техникалық базаны нығайту мақсатында бөлімге қосымша 2 дана жаңа «Камаз» өрт сөндіру автокөлігі алынған.Кездесу барысында өрт қауіпі жоғары маусымның өзекті мәселелері мен халықтық қауіпсіздігін қамтамасыз ету бағытындағы жұмыстар талқыланды.Халық қалаулылары қауіпті, әрі жауапкершілігі мол сала мамандарының жұмысына табыс тіледі.

Төтенше жағдайлардың алдын алу мәселелері пысықтады 

<a href="https://kyzylorda-news.kz/">Kyzylorda-news.kz</a> Соңғы жылдары Сыр өңірінің сайыпқыран спортшылары Әлем және Азия чемпионаттары мен кубоктарында жеңіс тұғырынан көрініп, аймақ мерейін үстем етті. Қажырлы еңбек пен табандылықтың арқасында жеңіске жеткен чемпиондарымыз бүгінде ел мақтанышына айналды.Осыған орай, «Үстел теннисі»орталығында салтанатты іс-шара ұйымдастырылып, әлемдік аренаны бағындырған чемпиондарымыз құрмет төрінен көрінді.Салтанатты шараға облыстық дене шынықтыру, спорт және туризм басқармасының басшысы арнайы қатысып, Сыр спортшыларын айтулы жетістіктерімен құттықтап, ізгі тілегін жеткізді.<blockquote>– Сіздердің бүгінгі жеңістеріңіз – талай жылғы маңдай тер мен ерен еңбектеріңіздің жемісі. Әлемдік додаларда көк туымызды биіктен желбірету – үлкен ерлік, зор жауапкершілік. Сіздер Сыр елінің ғана емес, бүкіл қазақ жұртының мақтанышына айналдыңыздар. Бұл Өздеріңізге артылған үлкен жауапкершілік деп біліңіздер. Себебі жастар сіздерге қарап бой түзейді, шабыт алады. Сондықтан алдағы жарыстарда да намысқа тырысып, бұдан да жоғары белестерді бағындырады деп сенемін, – деді Бахтияр Ғарифоллаұлы.</blockquote>Шара барысында ауыр атлетикадан Азия чемпионатында топ жарған спортшылар Ерасыл Сәулебеков, Бейбарыс Ерсейіт, Ернұр Мырзахмет, Қайсар Мысырбек және дзюдодан Азия чемпионатының қола жүлдегері Дінмұхаммед Нысанбай, әйелдер күресінен өткен Азия чемпионатының қола жүлдегері Раяна Жамсапқызы, қазіргі бессайыстан Азия чемпионатының қола жүлдегері Айару Нұрхан, дзюдодан Азия кубогының жеңімпазы Сұлтан Бейбарыс, еркін күрестен Азия чемпионатының қола жүлдегері Мұқағали Базарбек, жамбы атудан Әлем чемпионатының қола жүлдегері Асхан Заңғар марапатталып, өңір басшысы Нұрлыбек Машбекұлының тапсырмасына байланысты демеушілер есебінен қомақты сыйақылар табысталды.Шара соңында спортшылар естелік суретке түсіп, басқарма басшысына халықаралық додалардың биік шыңдарын бағындыруға уәде етті.Фото: Сыр спорты

Сыр мақтаныштары құрмет төрінде

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі О.А. Бектеновтің төрағалығымен Су мәселелері бойынша кеңес отырысы өтті.Күн тәртібінде вегетациялық кезеңінің өтуі мәселесі талқыланып, облыс әкімінің бірінші орынбасары Данияр Жаналинов және облыстық басқарма, су шаруашылығы мекемелерінің басшылары селекторлық режим арқылы қатысты.Биыл облыста 189,4 мың гектар жерге ауыл шаруашылығы дақылдары егілді. Атап өту қажет, ағымдағы жылы вегетациялық кезең күрделі жағдайда өтуде. Егісті сумен қамтамасыз етуге 3 млрд. 900 млн. текше метр су лимиті бекітілген.Бүгінгі күні, вегетациялық кезең басталғалы бері Сырдария өзенінен 2,5 млрд текше метр су алынып, оның 2 млрд текше метрі егістікке берілді.Қазіргі таңда Сырдарияға жоғарыдан секундына 401 текше метр су түсуде. Каналдар арқылы шаруашылықтарға 453,9 текше метр су жеткізілуі тиіс болса, нақты 340,5 текше метр алынуда.​Суды тиімді пайдалану мақсатында тиісті министрліктермен бірлесіп, бірқатар шаралар қолға алынған. Атап айтқанда, қашыртқыдағы суды екінші мәрте пайдалану бағытында облыста 238 дана насос қондырғылары жұмыс жасауда. Оның ішінде, 25 дана насос қондырғылары Төтенше жағдайлар министрлігімен қолдау ретінде жеткізілді.Қалыптасқан жағдайды ескере отырып, облыс бойынша арнайы жұмысшы топтар құрылып, шаруашылық құрылымдар арасында кеңінен түсіндірме жұмыстары жүргізілуде. Магистралді және шаруашылықаралық каналдармен суды кезектестіріп беру кестесі бекітіліп, су кестеге сәйкес жіберілуде.Жалпы су үнемдеу бағытында 60 мың гектар күріш алқаптары лазерлік тегістеліп, су үнемдеу технологияларын қолдану көрсеткіші 8,1 мың гектарға дейін артып, екі есеге ұлғайды.Аймақта вегетациялық кезеңнен өту мәселесі тұрақты бақылауда.Фото: Қызылорда облысы әкімінің баспасөз қызметі

Суды тиімді пайдалану шаралары басты назарда

<a href="https://kyzylorda-news.kz/">Kyzylorda-news.kz</a> Заманауи әлемде шетелге ақша аудару оп-оңай шаруа болуға тиіс сияқты көрінгенімен, оның күрделі тұстары жеткілікті, оларды білмесеңіз шатасу оңай – комиссиялар, валюталар бағамы және, өкінішке орай, алаяқтық.Қазақстандықтар үшін халықаралық аударымдардың қандай тәсілдері қолжетімді екенін Fingramota.kz-пен бірге қарастырып көрелікҰлттық Банктің деректері бойынша халықаралық ақша аударымдары жүйелері (бұдан әрі - ХААЖ) арқылы жіберілген ақша көлемі 2025 жылғы сәуірде&nbsp;60,1 млрд&nbsp;теңге сомаға&nbsp;151,3 мың&nbsp;транзакция құрады. 2025 жылғы наурызбен салыстырғанда аударымдар санының 4,3%-ға өсуі және операциялар көлемінің 20,3%-ға өсуі байқалады. Негізінен қазақстандықтар аударымдар үшін Western Union, MoneyGram, UPT және «Золотая корона» жүйелерін пайдаланады.Банктік аударымдар (SWIFT)SWIFT аббревиатурасының ашып жазылуы Society for Worldwide Interbank Financial Telecommunication, бұл «Дүниежүзілік банкаралық қаржылық телекоммуникация қоғамы» дегенді білдіреді. Бұл жүйе бүкіл әлемде танымал және күн сайын ол арқылы он миллионнан астам операциялар өтеді. Шын мәнінде, SWIFT-ті банктер үшін «қауіпсіз мессенджер» деп айтуға болады, себебі олар бір-бірімен қатаң белгіленген форматтағы хабарламалармен алмасады. Мұндай стандарттаудың арқасында сұрау салуларды өңдеу тез жүреді, бұл халықаралық аударымдар жүргізуді едәуір жеделдетеді. SWIFT арқылы екі тәсілмен ақша аударуға болады: банк бөлімшесінде немесе мобильді қосымшада онлайн.Бұл жерде SWIFT арқылы ақшаның өзі аударылатыны емес, тек шифрланған төлем нұсқаулары берілетінін түсіну керек. Мысалы, А БанкіБ банкіне клиентке белгілі бір сома беру туралы нұсқау жібереді. Мұны егер банктердің әрқайсысының әріптес-банкте корреспонденттік шоты &nbsp;болса ғана мүмкін болады. Осындай шифрланған хабарламаны алғаннан кейін Б банкі алушыға ақша бере алады.Артықшылықтары: SWIFT ақша аударымының жоғары жылдамдығын қамтамасыз етеді, ал SWIFT GO сервисін қолданған жағдайда ақша сол сәтте түседі. Сондай-ақ, операциялар заманауи шифрлау технологиялардың көмегімен алаяқтықтан сенімді қорғалған. Оның тағы бір маңызды артықшылығы – жаһандық қол жетімділік: SWIFT арқылы әлемнің кез келген жеріне ақша жіберуге болады, себебі жүйеге мыңдаған қаржы ұйымдары қосылған.Кемшіліктері: аударымдар әртүрлі валюталарда жіберілетін болғандықтан, клиентке берілген кезде ол тағайындалған елдің валютасына айырбасталады, яғни валюта бағамына байланысты шығындар болуы мүмкін. Сонымен қатар, төлемдер сомаға байланысты өте жоғары және оның мөлшері банктерге байланысты қарай өзгеруі мүмкінАқша аударымдары жүйелері (Western Union, Contact, Золотая корона)Осы жүйелердің ішіндегі ең танымал және сенімді жүйе – Western Union, себебі ол 150 жылдан астам уақыт бойы сәтті жұмыс істейді және әлемнің 200-ден астам елдері мен аумақтарын қамтиды. Бұл жүйе әлемнің кез келген бұрышында қаражатты тез жіберуге және алуға мүмкіндік береді. Ақшаны қолма-қол, онлайн немесе мобильді қосымша арқылы аударуға болады, ал қолма-қол ақшаны банк картасына немесе электрондық әмиянға алуға болады. Аударымның ең жоғары сомасы 7 300 долларды немесе оның теңгедегі баламасын құрайды.Артықшылықтары: алаяқтардан сенімді қорғау, себебі әрбір аударымға оның мәртебесін бақылауға болатын бірегей нөмір (MTCN) беріледі. Сонымен қатар, аударым жүйелері деректерді қорғаудың заманауи технологияларын және алаяқтыққа қарсы жүйелерді қолданады. Сондай-ақ қаражатты жіберу және алу үшін банктік шоттың болуы қажет емес – алушы жеке куәлік пен аударым нөмірін көрсете алады.Кемшіліктері: аударым жүйелері көбінесе нарықтық бағамнан ерекшеленетін және жіберуші немесе алушы үшін онша тиімді болмайтын ішкі айырбастау бағамын қолданатындығына байланысты жасырын комиссия. Әр түрлі елдерде ақша алу тәсілдері де әр түрлі. Мысалы, кейбір елдерде аударымды тек банк бөлімшесінде алуға болады. Сомалар бойынша шектеулер бар, ал кейбір елдерде аударымға комиссиялар Wise немесе Revolut сияқты цифрлық сервистермен салыстырғанда өте жоғары болуы мүмкін.Электрондық әмияндар (PayPal, WebMoney, Skrill, Wise, Revolut)Электрондық әмиян – интернетте ақшаны сақтауға, алуға және жіберуге арналған цифрлық құрал. Ол негізінен кәдімгі әмиян сияқты жұмыс істейді, тек онлайн кеңістікте: оны банк картасынан немесе шотынан толықтыруға, заттар &nbsp;сатып алу үшін ақы төлеуге, аударымдар жасауға, тіпті жалақы немесе ақшаны қайтаруға болады. Қазақстандық банктермен жұмыс істейтін ең танымал &nbsp;әмияндардың бірі – WebMoney, ол жоғары қауіпсіздікпен және транзакцияларды қатаң бақылаумен танымал.Артықшылықтары: жүйе ішіндегі төмен комиссиялар – мысалы, әмияндар арасында аударымдар болған кезде комиссия небәрі 0,8% болуы мүмкін (бірақ 50 доллардан аспайды). Жүйе екі факторлы аутентификация және операцияларды растау арқылы пайдаланушыларды қорғаудың жоғары деңгейін қамтамасыз етеді. Сондай-ақ, әрбір транзакция тексеруден өтеді, лимиттер мен шектеулер белгіленуі мүмкін. Пайдаланушылардың қауіпсіздігі үшін фотосуреттер мен құжаттар арқылы жеке басын растаусыз үлкен сомаларды жіберу және алудың мүмкін еместігі ықпал етеді. Сонымен қатар, пайдаланушыларға ыңғайлы болу үшін валюта айырбастауға арналған ішкі биржа және шоттар құру, фриланс-биржалар үшін пайдалану, төрелік &nbsp;арқылы мәмілелер жасау мүмкіндігі бар.Кемшіліктері: кейбір электрондық әмияндардың интерфейсі күрделі болады, жаңадан бастаушылардың оны түсінуіне ұзақ уақыт кетеді. Біз аударымдар кезінде комиссияның аз болатынын атап өттік, бірақ егер сіз банктік картаға немесе шотқа ақша салуды жоспарласаңыз, сізге 2% және одан жоғары қосымша комиссия төлеуге тура келеді. Қолдау қызметі әрдайым тұрақты жұмыс істемейді (электрондық әмияндардың ерекшелігі де осында), пайдаланушылар өз талаптарына жауапты ұзақ күтетініне шағымданады. Дегенмен, WebMoney сияқты электрондық әмияндар ТМД немесе Шығыс Еуропадан келген тапсырыс берушілермен жұмыс істейтін фрилансерлерге, сондай-ақ жақындары осы әмиянды пайдаланатын қазақстандықтарға қолайлы – бұл жағдайда аударымдар дереу түседі.Халықаралық аударымдар кезінде алаяқтардан қалай қорғануға боладыАударма деректерін ешкімге бермеңіз – тіпті ішінара болса да. Аударым нөмірін және басқа ақпаратты алаяқтар пайдаланып кетуі мүмкін.Аударманы рәсімдеу кезінде абай болыңыз: сізге ешкім қарап тұрмағанына көз жеткізіңіз. Барлық аударым деректерін қауіпсіз жерде сақтаңыз.Бейтаныс адамдарға ақша жібермеңіз – тек сенетін адамдарға жіберіңіз. Әйтпесе, алаяқтардың қармағына түсіп қалуыңыз мүмкін.Егер біреу түбіртектің көшірмесін немесе аударым деректерін сұраса, бұл алдау деген сөз, сондықтан сіз байланысты дереу тоқтатуыңыз керек. Аударымдар төлем қабілеттілігін растау ретінде пайдаланылмайды.Банктің атынан деп соғылған қоңырауларға немесе келген хабарламаларға сенбеңіз: банк қоңырау шалмайды немесе ақша аударуды немесе аударымды алуды сұрайтын хабарламалар жібермейді.Интернет-аукциондар арқылы тауарға ақы төлеу үшін ақша аударымдарын пайдаланбаңыз.&nbsp;Бұл қауіпті болуы мүмкін, өйткені алаяқтар мұндай схемаларды жиі пайдаланады.Ешқашан&nbsp;«ұтып алынған» сыйлықтар үшін ақша аудармаңыз.&nbsp;Нағыз лотереялар алдын ала салықтар немесе алымдар төлеуді сұрамайды – бұл алаяқтардың айласы.Егер сіз онлайн ақша жіберіп жатсаңыз, жалған (фишингтік) бетте емес, төлем жүйесінің ресми сайтында екеніңізге көз жеткізіңіз.<figure class="image"><img src="/uploads/1905_infographics_rus_33_d826a84d0c.png"></figure>Өзіңізді, ақшаңызды қорғаңыз және қаржылық сауаттылығыңызды Fingramota.kz-пен бірге арттырыңыз!Фото:Fingramota.kz

Халықаралық аударымдар: қандай тәсілі арзан және қауіпсіз? 

<a href="https://kyzylorda-news.kz/">Kyzylorda-news.kz</a> Мемлекет басшысының «Таза Қазақстан» жалпыұлттық бастамасын қолдау аясында «AMANAT» партиясымен әр апта сайын ұйымдастырылатын «Таза бейсенбі» экоакциясы бүгін Қазалы ауданында жалғасты.Кезекті тазалық шарасына партия филиалының Атқраушы хатшысы Нұрғиса Жалғасбаев, аудандық мәслихат депутаты Арғын Орымбаев, «Теміржолшы», «Қазалы Келешек» және «Көлік» бастауыш партия ұйымдарының мүшелері, сондай-ақ «Жасыл ел» еңбек жасағының жастары қатысты.Жалпы 30-дан аса адам қатысқан тазалық жұмыстары барысында Әйтеке би кентіндегі А.Елубаев көшесі қамтылды. Аталған көше маңындағы аумақтардағы қоқыстар теріліп, нәтижесінде 1 тоннаға жуық қоқысты арнайы орынға шығарылды.Игі шараға қатысушы, аудандық мәслихат депутаты, «Теміржолшы» бастауыш партия ұйымының төрағасы А.Орымбаев аталған экоакцияның қоғам үшін берері мол екенін айтты.<blockquote>«Таза орта - бұл тек сыртқы көрініс емес, ол адам санасының және қоғамдық мәдениеттің көрсеткіші. Бүгінгі шара табиғатты құрметтеудің нақты көрінісі. Мұндай игі істер арқылы біз адамдардың экологиялық дүниетанымын жаңғыртып, табиғатпен үндесе өмір сүру мәдениетін қалыптастыра аламыз», - деді депутат.</blockquote><img src="https://knadmin.beoblood.kz/uploads/Partiya_m_shelerini_atysuymen_Taza_bejsenbi_ekologiyaly_akcziyasy_jymdastyryldy_fee56912d6.jpg" alt="Партия мүшелерінің қатысуымен «Таза бейсенбі» экологиялық акциясы ұйымдастырылды.jpg">&nbsp;

 «Таза бейсенбі» экологиялық акциясы ұйымдастырылды

<a href="https://kyzylorda-news.kz/">Kyzylorda-news.kz</a> Еңбек және халықты әлеуметтік қорғау министрлігі қолданыстағы 6-дан аз баласы бар көпбалалы отбасылар мемлекеттік жәрдемақыдан айырылуы мүмкін деген ақпаратты жоққа шығарды, деп хабарлайды&nbsp;<a href="https://azattyq-ruhy.kz/news/92718-4-zh-ne-5-balaly-otbasylarga-zh-rdemaky-tolene-me-ministrlik-m-limdeme-zhasady">Azattyq Rýhy.</a>Жалған ақпарат тараған<blockquote>«Бірқатар БАҚ, ақпараттық топтар мен әлеуметтік желі парақшаларында қолданыстағы заңнамаға сәйкес 6 және одан да көп балалы отбасылар ғана көпбалалы отбасы болып саналады деген жалған ақпараттар таралып жатыр», – деп жазылған хабарламада.</blockquote>Министрлік қолданыстағы заңнамаға сәйкес 4 және одан да көп кәмелетке толмаған балалары немесе бірге тұратын 23 жасқа дейінгі күндізгі бөлімде оқитын студенттері бар отбасына көпбалалы отбасы мәртебесі берілетінін еске салды. Мұндай отбасыларға табысына қарамастан ай сайынғы жәрдемақы төленеді.Жәрдемақы мөлшері қаншаКөпбалалы отбасыларға төленетін төлемдердің мөлшері балалардың санына байланысты сараланады және 2025 жылы:4 балаға – 16,03 АЕК немесе 63 030 теңге; 5 балаға – 20,04 АЕК немесе 78 798 теңге; 6 балаға – 24,05 АЕК немесе 94 565 теңге; 7 балаға – 28,06 АЕК немесе 110 332 теңге; 8 және одан да көп балаға – 4 АЕК немесе әр балаға 15 728 теңге төленеді.Батыр аналар да жәрдемақы аладыСонымен қатар 6 және одан да көп бала туып, тәрбиелеген, «Күміс алқа», «Алтын алқа» алқалары бар немесе бұрын «Батыр ана» атағын алған, I және II дәрежелі «Ана даңқы» ордендерімен наградталған аналарға мынадай мөлшерде ай сайынғы жәрдемақы төленеді:«Күміс алқа» алқасымен марапатталған – 6,40 АЕК немесе 25 165 теңге; «Алтын алқа» алқасымен марапатталған немесе бұрын «Батыр ана» атағын алған, I және II дәрежелі «Ана даңқы» ордендерімен марапатталғандар – 7,40 АЕК немесе 29 097 теңге.Еңбек және халықты әлеуметтік қорғау министрлігі азаматтардан тек ресми ақпарат көздерінен алынған ақпаратқа сенуге шақырып, жалған ақпарат таратқандар заң бойынша жауапкершілікке тартылатынын ескертті.Фото: freepik com

4 және 5 балалы отбасыларға жәрдемақы төлене ме? Министрлік мәлімдеме жасады

<a href="https://kyzylorda-news.kz/">Kyzylorda-news.kz</a> Аймақ басшысының қолдауымен Тұңғыш Президент саябағының көлемі кеңейтіліп, демалыс аймағы жаңартылуда.Аумағы 64,5 гектарды құрайтын Тұңғыш Президент паркі 2007 жылы ашылып, бүгінгі күнге дейін жаңғырту жүргізілмеген. Балалар ойын алаңы, орындықтар, жарықтандыру және т.б. қажетті құрылымдар жетіспейді. Ал, жаңа жобада жетіспеушіліктер толық қамтылып, Тұңғыш Президент паркі мен Денсаулық саябағы арасын жалғап, заманауи орынға айналдыру көзделген.Мұнда халықтың сұранасына сай автокөліктер тұрағы бар, гүлзарлармен көмкерілген көркем келбет қалыптасады. Парк ішінде 3 аллея, 3 бөліктен тұратын су бұрқақ, 1 амфитеатр, 1 бетон-скейтпарк, 7 балалар ойын алаңы, 4 спорт алаңы, 4 workout аймағы, 4 фудкорт, сондай-ақ көптеген шағын сәулеттік пішімдер және аттракциондар болады.Сонымен қатар, саябақ арқылы өтетін барлық аллеялар мен тротуарлар бір - бірімен байланыстырылып, бұл маршрутты оңай және жылдам, саябақтың дұрыс нүктесіне жетуге мүмкіндік береді. Вело-жүгіру жолы бүкіл саябақ арқылы шағын және үлкен шеңбер бойымен өтеді, жобада модульдік-санитарлық ғимаратын орналастыруға арналған алаңдар қарастырылған. Бақшада жасанды тоған, тоған үстіндегі көпір, стилистикалық ағаш беседка және демалуға арналған орындықтар бар. Мұнан өзге биіктікке өрмелеу нысаны, ойын құрылғылары, фитнеске арналған спорт қондырғылары, теннис корты, биіктігі 50 метрлік айналмалы дөңгелек аттракционы, балаларға арналған түрлі әткеншектер, тамақтану орындары, би алаңы, паркур, стритбол, сахна, сарқырама каналдары, канал үстінен көпірлер, бадминтон, шахмат, волейбол, баскетбол, футбол алаңдары, арқан саябағы, дария жағалауындағы жүргіншілер жолы, модульдік санитарлық ғимарат қарастырылған. Паркке ауыз су, кәріз су желілері тартылып, көркейту-көгалдандыру жұмыстары қоса жүргізіледі.

Демалыс аймағында жаңғырту жұмыстары жүргізілуде

<a href="https://kyzylorda-news.kz/">Kyzylorda-news.kz</a> Жалағаш ауданының әкімі Ардақ Ибраимов Қаракеткен, Аламесек және Мырзабай ауылдық округтерінде жаңадан пайдалануға берілген амбулаториялық емханалардың қызметімен танысты. Сапар барысында заманауи талаптарға сай медициналық көмек көрсету мәселесіне тоқталып, халыққа қолжетімді әрі сапалы қызмет ұсыну қажеттігін тапсырды.<blockquote>–&nbsp;Облыс әкімінің қолдауымен ауыл тұрғындарының денсаулығын жақсарту және медициналық қызметтің қолжетімділігін арттыру мақсатында жаңа амбулаториялар іске қосылды. Бұл – Мемлекет басшысының ауыл халқына деген ерекше қамқорлығының айқын көрінісі. Сапалы медициналық көмек көрсету – басты міндеттердің бірі. Осыған орай, емдеу мекемелерінің материалдық-техникалық базасын күшейтіп, қызмет көрсету деңгейін көтеруге және нысандарды ұқыпты пайдалануға ерекше назар аудару қажет, – деді Ардақ Ибраимов.</blockquote>Аудан әкімі ғимараттардың санитариялық жағдайын, құрал-жабдықтардың тиімді қолданылуын, жылумен, сумен және электр энергиясымен қамтамасыз етілуін бақылап, тиісті сала басшыларына нақты тапсырмалар жүктеді.<img src="https://knadmin.beoblood.kz/uploads/1_Zhala_ash_Audan_kimi_leumettik_nysandardy_zh_mysymen_tanysty_7999d57b71.jpg" alt="1 Жалағаш Аудан әкімі әлеуметтік нысандардың жұмысымен танысты.jpg">Фото: Жалағаш ауданы әкімінің баспасөз қызметі

Жалағаш: Аудан әкімі әлеуметтік нысандардың жұмысымен танысты

<a href="https://kyzylorda-news.kz/">Kyzylorda-news.kz</a> «Қазалы–Қожабақы–Бозкөл–Кәукей» автожолының 16-шақырымындағы Сырдария арқылы өтетін көпір өткелінің құрылысы жаңа мердігердің қатысуымен қайта жалғасуда. Құрылыс барысының қазіргі жай-күйімен Мәжіліс депутаты, «AMANAT» партиясы фракциясының мүшесі Мұрат Ергешбаев, Сенат депутаттары Наурызбай Байқадамов пен Руслан Рүстемов, сондай-ақ партияның облыстық филиалының төрағасы Алмасбек Есмаханов танысты.Аталған нысанның құрылысы 2022 жылы басталғанымен, бастапқы мердігер «СтандартОйлКЗО» ЖШС өз міндеттемелерін толық орындамағандықтан, келісімшарт сот тәртібімен бұзылған болатын. Кейін жарияланған конкурс нәтижесінде жаңа мердігер – «Нұрлы Тау ЛТД» ЖШС құрылыс жұмыстарын қайта қолға алды.Жалпы ұзындығы 2,5 шақырымды құрайтын бұл автожол III санатқа жатады. Қазіргі уақытта нысанда 70 дана свайға бұрғылап бетон құю, 3 ростверг, 2 ледорез, 2 ригель және 2 тіреу жұмыстары орындалған. Сондай-ақ көпірге жалғасатын кірме жолдарды топырақпен көтеру жұмыстары жүргізілуде. Биыл көпір құрылысын жалғастыру үшін республикалық бюджеттен 758,4 млн теңге қаражат бөлінді.Халық қалаулылары құрылыс жұмыстарының қарқыны мен сапасына назар аударып, бұл маңызды инфрақұрылымдық жобаның жергілікті тұрғындар үшін жоғары мәнге ие екенін атап өтті. Нақты айтқанда, жаңа көпір пайдалануға берілгеннен кейін Жанкент, Бірлік, Қожабақы, Аранды, Бозкөл, Тасөткел, Лақалы, Ажар, Тасарық және Кәукей елді мекендерінде тұратын 12 мыңға жуық халықтың қатынау мүмкіндігі жақсарып, көлік қатынасы айтарлықтай жеңілдейді.

Қазалыдағы Қарлаң учаскесіндегі көпір құрылысы қайта жанданды

<a href="https://kyzylorda-news.kz/">Kyzylorda-news.kz</a> Сырдария ауданында әлеуметтік-инфрақұрылымдық бағыттағы жұмыстар жүйелі түрде жүзеге асуда. Аудан көлемінде халықтың тұрмыс сапасын арттыруға бағытталған нақты жобалар қолға алынған. Соның бірі – облыстағы ең ірі ауылдардың бірі саналатын Шаған елді мекенін газдандыру мәселесі. Бүгінде 5 мыңға жуық халқы бар бұл ауылға көгілдір отын желісі тартылып жатыр.<blockquote>– Шаған елді мекенін газдандыру жобасы 2024 жылдың күзінде басталған болатын. Өткен жылы 1,3 млрд теңге бөлініп, Тереңөзек кенті мен Шаған ауылының арасындағы 19 км жерге жоғарғы қысымды газ жүргізілді. Қазіргі таңда ішкі жұмыстары жүргізіліп жатыр. Биыл 1 млрд теңге бөлініп тұр, қалған қаражат жақын арада беріледі деп күтілуде. Жалпы жылу беру маусымына дейін ауыл тұрғындарын көгілдір отынмен қамтуды жоспарлап отырмыз. Сондай-ақ, қазіргі таңда Ақжарма елді мекенін газдандыру бойынша 200 млн теңге қаржы бөлініп, конкурс жұмыстары жүргізілуде. Одан бөлек Шіркейлі, Қоғалыкөл ауылдарын газдандыру бойынша да өтініш бердік,- деді Сырдария аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы Мейірхан Бақытжанұлы.</blockquote>Сондай-ақ, медициналық қызмет сапасын арттыру мақсатында ауылдық амбулаторияға да күрделі жөндеу жұмыстары жүргізіліп жатыр.<blockquote>– Облыс әкімі Нұрлыбек Нәлібаевтың тікелей қолдауымен, облыстық денсаулық сақтау басқармасының бастамасымен “Ауыл – ел бесігі” бағдарламасы аясында облыстық бюджеттен 328 миллион теңге бөлініп, күрделі жөндеу жұмыстары жүргізілуде. Емдеу мекемесінде 4 дәрігер, 23-ке жуық орта буын мамандары мен 7 кіші буын қызметкер бар. Сонымен қатар, 35 терапиялық және 5 гинекологиялық төсек орынмен қамтамасыз етілген. Лабораториялық зертханалық тексерулер жүргізілуде. Алдағы уақытта толық жөндеу жұмысы аяқталғаннан кейін “Медициналық оңалту” бөлімшесі көшірілетін болады. Жоспар бойынша алдағы уақытта материалдық базасы жетілдіріліп, заманауи үлгідегі технологиялармен қамтамасыз етіледі,- деді Сырдария аудандық ауруханасының бас дәрігері Жалғасбек Үсенов.</blockquote><img src="https://knadmin.beoblood.kz/uploads/2_Sha_an_zh_jeli_damu_zholynda_b93b39e540.jpg" alt="2 Шаған – жүйелі даму жолында.jpg">Фото:&nbsp;Қызылорда облысының Өңірлік коммуникациялар қызметі

Архив