<a href="https://kyzylorda-news.kz/">Kyzylorda-news.kz</a> Бүгін Арал қаласындағы “Руханият орталығының” ашылу рәсімі өтті. Оған облыс әкімі Нұрлыбек Нәлібаев, Ұлттық музей директоры Берік Әбдіғалиұлы, облыстық мәслихат төрағасы Мұрат Тілеуімбетов және зиялы қауым өкілдері арнайы қатысты.Аймақ басшысы жиналған жұртшылықты жаңа нысанның ашылуымен құттықтап, мәдениет саласында атқарылған жұмыстарға тоқталды.<blockquote>“Президентіміз Қасым-Жомарт Кемелұлы "Мәдениет – ұлттың төлқұжаты. Жаһан жұрты елімізді, ең алдымен, өнеріміз арқылы танып біледі. Біз – Ұлы далада тамыр жайған бірегей мәдениеттің заңды мұрагеріміз. Қазақ жерінен шыққан қайталанбас өнер иелерінің теңдессіз туындылары тұтас ұлтты тәрбиеледі. Қазір төл мәдениетіміз дүние жүзіне танылып жатыр", - деген болатын. Өткен 2024 жыл өңірімізде «Руханият жылы» деп жарияланып, мәдени-көпшілік шаралармен бірге көптеген ауқымды жобаларды жүзеге асырдық.Облыс орталығында «Анаға тағзым», «Отбасы орталығы», «Өнер» орталығы" салынып, ел игілігіне берілді.Осындай байыпты бастамалардың жалғасы ретінде биыл балалар мен жасөспірімдерге арналған «Сыр жұлдыздары» шығармашылық-инновациялық академиясы, «Саутс Ойл» компаниясының демеушілігімен музыкалық колледждің жаңа ғимараты, облыстық тарихи-өлкетану музейі ашылды.Бүгін өздеріңізбен бірге Арал ауданындағы «Руханият орталығын» ел игілігіне табыстаймыз.Орталықта ақ жаулықты аналарымыз, ардақты ардагерлеріміз бен жігерлі жастарымыз бір жерде бас қосып, ұрпақтар сабақтастығын жалғайды. Баршаңызды «Руханият орталығының" салтанатты ашылуымен тағы да құттықтаймын!”,- деді Н.Нәлібаев.</blockquote>Жиында Берік Әбдіғалиұлы құттықтау сөз сөйлеп, Қызылорда қаласы, Арал, Қазалы, Жаңақорған аудандарының құрметті азаматы Нажмадин Мұсабаев батасын берді.Ауданның өркендеуіне үлес қосқан ардагерлер мен құрылысты салған мердігер мекеме қызметкерлері облыс әкімінің Алғыс хатымен марапатталды.Айта кету керек, биыл Ассамблеяның 30 жылдығы аясында Қызылордада «Қазатомөнеркәсіп» ұлттық компаниясының қолдауымен жаңа «Достық үйі» салынуда. Нысан қараша айында пайдалануға беріледі. Мәдениет пен руханият өкілдеріне қолдау көрсету басты назарда. Жыл сайын «Тұран» және «Жебе» сыйлықтарын табыстау дәстүрге айналды. Былтыр алғаш рет мәдениет қызметкерлеріне арналған көпқабатты тұрғын үй салынып, 40 қызметтік пәтер берілді.Сондай-ақ, симфониялық оркестр, инклюзивті және жастар театрлары, заманауи би, хор ұжымдары құрылып, "Жыраулар үйі" ашылды.<img src="https://knadmin.beoblood.kz/uploads/Aralda_Ruhaniyat_ortaly_y_ashyldy_1_502578ef44.jpg" alt="Аралда Руханият орталығы ашылды 1.jpg"><img src="https://knadmin.beoblood.kz/uploads/Aralda_Ruhaniyat_ortaly_y_ashyldy_2_0b5f5a2184.jpg" alt="Аралда Руханият орталығы ашылды 2.jpg">Фото: Қызылорда облысы әкімінің баспасөз қызметі

Аралда "Руханият орталығы" ашылды

<a href="https://kyzylorda-news.kz/">Kyzylorda-news.kz</a> &nbsp;Қызылорда облысының Жалағаш ауданында қызмет барысында қаза тапқан милиция капитаны Кеңесбек Әбішевті еске алу құрметіне шағын футболдан турнир өтті.Турнирдің ашылу салтанатына Жалағаш ауданы полиция бөлімінің басшылығы, ішкі істер органдарының ардагерлері және Әбішев Кеңесбек Махметханұлының балалары мен туыстары қатысты.Әбішев Кеңесбек Махметханұлы 1958 жылдың 20 наурызында Қызылорда облысы, Жалағаш ауданының Ақарық ауылында дүниеге келген.1964 жылы қазіргі Есет батыр ауылындағы №124 орта мектепке қабылданып, 1974 жылы бітіреді. 1975 – 1977 жылдар аралығында әскер қатарына қабылданып, Мәскеу қаласында екі жыл әскери борышын абыроймен өтеп келген. 1978 жылы Қарағанды политехникалық институтына оқуға түседі. Оқи жүріп Жарылқағанова Кенжемен бас қосады. Жанұялы болған соң оқуын Қызылорда қаласындағы Гидромелиоративный институтына ауыстырып, сол жерден оқуын аяқтайды. Алғаш еңбек жолын туған өлкеде түрлі қызметтер атқарудан бастайды.1990 жылы Шымкент қаласындағы № 9 полиция қызметкерлерінің курсынан өтіп, 1991 жылдан бастап 1997 жылға дейін туған жерге қызмет қылу мақсатында ауылда учаскелік полиция қызметкері болып жұмыс атқарады. 1997 жылы АІІ бөліміне лауазымды қызметке ұсынылып, майор шеніне бұйрық тағайындалған шағында 23 қыркүйек күні қызметтік міндетін атқару барысында қаза болды. Қамшының сабындай қысқа ғана ғұмырында «Тәртіпке бағынған құл болмас» дегенді ұстана жүріп қызметінде адал ерлікпен есте қалса, өз отбасында асқар тау әкенің ізгі жолын жалғаған ұрпақтары әке-шешенің үкілі үмітін ақтаған ұрпаққа айналды.Жары Қызылорда қаласында Н.В.Гоголь атындағы педагогикалық институттың филология факультетін тәмамдаған. 1982-2021 жылдар аралығында үздіксіз еңбек етіп, ел ықыласына бөленген ардагер ұстаз атанды.Әкеден жас қалса да ананың шексіз мейірімі мен қажырлы еңбегінің арқасында 5 баласы білікті маман иесі болып, бүгінде үлгілі шаңырақ құрып өркендеп отыр.Дода өте тартысты өтті. Жеңісті оңайлықпен бермейтін командалар бір-бірінен қалыспай әсерлі ойын көрсете алды.Ерекше ойынымен көзге түскен Қармақшы ауданы полиция бөлімінің командасы жеңіске жетті. Екінші орынды Жалағаш ауданы полиция бөлімі, үшінші орынды Сырдария ауданы полиция бөлімінің командасы еншіледі. Жеңімпаздар мен жүлдегерлер кубоктармен, медальдармен және грамоталармен марапатталды.Фото: Qyzylorda PD

Қызылорда облысында қызмет барысында қаза тапқан Кеңесбек Әбішевті еске алуға арналған шағын футболдан турнир өтті

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаевтың қатысуымен Арал ауданына қарасты Жалаңаш елді мекеніндегі 150 орындық мектептің іргетасын қалау рәсімі өтті. Оған Ұлттық музей директоры Берік Әбдіғалиұлы, облыстық мәслихат төрағасы Мұрат Тілеуімбетов және зиялы қауым өкілдері арнайы қатысты.Аймақ басшысы жиналған жұртшылықты құттықтап, басталған іске сәттілік тіледі.<blockquote>«Мемлекет басшымыз Қасым-Жомарт Кемелұлы: «Сапалы білім – жетістікке жетудің жолы әрі экономиканы дамытудың басты құралы. Жеті түрлі ілім білетін ұрпақ тәрбиелеу – бүгінгі күннің негізгі міндеті», - деген болатын. Шәкірттерімізге сапалы білім, саналы тәрбие беруге бағытталған жүйелі жұмыстар атқарылуда.Аймағымызда соңғы үш жылда білім беру саласына бөлінген қаржы 304 млрд. 600 млн. теңге болып, 32 пайызға артты. Біздің ең бірінші міндетіміз - балаларымыздың білім алуына қолайлы жағдай жасап, жайлы орта қалыптастыру. 2023 жылы Қызылорда қаласындағы 4 мектепке 1 850 орындық қосымша құрылыс салу есебінен үш ауысымдық мектептер мәселесі түбегейлі шешімін тапты. 2024 жылы Білім беру инфрақұрылымын қолдау қоры, жергілікті бюджет, жеке инвестор есебінен 13 білім беру ұйымы пайдалануға берілді.Алаш арысы Міржақып Дулатовтың: «Ұрпағы білімді халықтың болашағы бұлыңғыр болмайды», - деген жақсы сөзі бар. Жаңа бой көтеретін білім ошағынан болашақта алдыңғы буынның ізгі жолын жалғайтын, ел үмітін ақтайтын білімді, талантты шәкірттер шығатынына сенімдіміз! Санасы сергек, ойы ұшқыр, бәсекеге қабілетті оқушыларымыз көп болғай!», - деді Нұрлыбек Машбекұлы.</blockquote>Шарада Берік Әбдіғалиұлы құттықтау сөз сөйлеп, Мергенсай ауылдық округінің жергілікті қоғамдастық кеңесінің төрағасы Әсемхан Аққалиұлы батасын берді.Айта кетейік, Мемлекет басшысының бастамасымен іске асырылған «Жайлы мектеп» ұлттық жобасы аясында аймағымызда 3 мың орындық 6 мектеп ел игілігіне берілді. Тағы 4 мектептің құрылысы аяқталып, олар жаңа оқу жылы қарсаңында ел игілігіне табысталмақ. Атап айтқанда, Арал қаласында бой көтерген 300 орындық №292 орта мектеп жыл басында пайдалануға берілсе, алдағы күндері Сексеуіл кентіндегі «Жайлы мектеп» оқушыларды қарсы алады.Сондай-ақ, Тоқабай ауылындағы демеушілер қолдауымен салынған 100 орындық жаңа мектеп ашылуға дайын.<img src="https://knadmin.beoblood.kz/uploads/Zhala_ash_auylynda_zha_a_mektepti_irgetasy_alandy_1_68431f0370.jpg" alt="Жалаңаш ауылында жаңа мектептің іргетасы қаланды 1.jpg">Фото: Қызылорда облысы әкімінің баспасөз қызметі

Жалаңаш ауылында жаңа мектептің іргетасы қаланды

<a href="https://kyzylorda-news.kz/">Kyzylorda-news.kz</a> «AMANAT» партиясы облыстық филиалының төрағасы Есмаханов Алмасбек Әбілқасымұлы қоғамдық қабылдау бөлмесінде азаматтарды жеке мәселелері бойынша қабылдады.Қабылдауға 47 жыл ұстаздық еткен кісі келді. Абайтанушы ретінде осы уақытқа дейін 12 кітап, 5 том жазған шығармашылық еңбектері барын айттып тағы да басып шығаратын кітаптарына қаржылай қолдау көрсетуді сұрады. Келесі Шаған ауылынан келген азамат 1941 жылы Ұлы Отан соғысы кезінде қайтыс болған нағашы ағасы туралы ақпаратты Тереңөзек кентіндегі Батырлар аллеясына орналастыруға ықпал етуді сұрады.«AMANAT» партиясы облыстық филиалының төрағасы ұсиаздың Абайтанушы ретінде еңбектері қоғамға, өскелең ұрпаққа қажетті, құнды екенін атап өтіп, мүмкіндігінше көмек көрсетілуіне ықпал ететінін жеткізсе, соғыс ардагеріне қатысты өтініш иесіне батыр баба ерлігін ұлықтау бағытында тиісті жұмыстар істелетіндігін айтты.

Азаматтардың жеке мәселелерін тыңдады

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаевтың қатысуымен Арал ауданына қарасты Ақбасты елді мекеніне ауыз су қосу рәсімі өтті. Басқосуға Су ресурстары және ирригация министрі Нұржан Нұржігітов, Ұлттық музей директоры Берік Әбдіғалиұлы, облыстық мәслихат төрағасы Мұрат Тілеуімбетов, жауапты сала басшылары, зиялы қауым өкілдері мен ауыл тұрғындары қатысты.Аймақ басшысы тұрғындардың өмір сапасын арттыруда атқарылған жұмыстарға тоқталып, құттықтауын жеткізді.<blockquote>«Бүгін - аралдық ағайын үшін айтулы күн. Ақбасты ауылына таза ауыз су қосамыз.Президентіміз Қасым-Жомарт Кемелұлы Үкімет пен облыс әкімдеріне мемлекет тарапынан жасалған барлық қолдауды тиімді пайдаланып, ауыл халқының табысын арттыру, тұрмыс-тіршілігін жақсарту жөнінде нақты тапсырма берген болатын. Өткен жылдың қорытындысымен облыс халқының 98,6 пайызына орталықтандырылған ауыз су қосылды. Биыл 9 елді мекенге ауыз су тартып, облыс тұрғындарын орталықтандырылған ауыз сумен 100 пайыз қамтамасыз етеміз. Оның ішінде, Арал ауданындағы Ақбасты, Абай, Тоқабай, Ерімбетжаға, Тастүбек елді мекендеріне 12 млрд 700 млн. теңге бөлінді.Бүгін өздеріңізбен бірге Ақбасты ауылының тұрғындарына ауыз су қосу рәсімінде бас қостық. Жоба құны 3 млрд. 100 млн. теңге. Бұған дейін тұрғындар ауыз суды жерасты құдығынан тасымалдап, тұтынып келді. Енді сол қиыншылықтардың барлығы артта қалды. Президентіміздің қолдауымен ауыз су әрбір тұрғын үйге жеткізілді.Ауыл тұрғындарын орталықтандырылған ауыз судың қосылуымен құттықтаймын!», - деді Н. Нәлібаев.</blockquote>Рәсімде Нұржан Нұржігітов пен Берік Әбдіғалиұлы көптен күткен игіліктің іске асуымен құттықтап, қоғам қайраткері, Имамадин Оңғарбаев батасын берді. Ауданның дамуына елеулі үлес қосқан азаматтар мен ауыз су тарту ұмыстарын сапалы әрі мерзімінде жүргізген мердігер мекеме қызметкерлері облыс әкімінің Алғыс хатымен марапатталды.Айта кетейік, Арал ауданында барлық саланың даму қарқыны жыл сайын артып келеді. Екі жыл бұрын аудан бюджеті 10,1 млрд теңге болса, бүгінде 22 млрд теңгеден асты. Соңғы үш жылда 80 млрд теңгеге жуық инвестиция тартылды.Аудан халқының 71 пайызы "көгілдір отынның" игілігін көруде. Аралдың Сыр беткейіндегі елді мекендерді газдандыру үшін Қамыстыбас елді мекенінен автоматтандырылған газ тарату станциясының құрылысы басталды. «Жайлы мектеп» ұлттық жобасы аясындағы 10 мектептің 2-уі Арал ауданында салынды. Жаңа оқу жылында Сексеуіл кентіндегі «Жайлы мектеп» пайдалануға беріледі.«Ауылда денсаулық сақтауды жаңғырту» ұлттық жобасы аясында 3 амбулатория іске қосылды. Аталған жоба аясында Арал көпбейінді аудандық ауруханасының қосымша ғимараты мен жұқпалы аурулар бөлімшесінің құрылысы басталды. Облыстық бюджет қаржысына Сексеуіл кентінен 40 төсектік аурухана салынып, емделушілерге қызмет көрсетуде.Өткен айда аралдықтар көптен күткен аспалы көпір ел игілігіне табысталды.Елді мекенді ауыз суға қосу рәсімінен кейін аймақ басшысы тұрғындармен кездесті. Әлеуметтік-экономикалық дамудың бағыт-бағдары, инфрақұрылымдық жобалардың жүзеге асу барысы туралы айтып, ой-пікірлерді тыңдады.<img src="https://knadmin.beoblood.kz/uploads/A_basty_eldi_mekenine_auyz_su_zhetkizildi_1_de50a0d4f0.jpg" alt="Ақбасты елді мекеніне ауыз су жеткізілді 1.jpg">Фото: Қызылорда облысы әкімінің баспасөз қызметі

Ақбасты елді мекеніне ауыз су жеткізілді

<a href="https://kyzylorda-news.kz/">Kyzylorda-news.kz</a> Жаздың келуімен жедел ішек инфекцияларының таралу қаупі күшейеді. Әсіресе дұрыс сақталмаған тағамдар мен жуылмаған көкөніс-жемістер арқылы ауру жұғуы мүмкін. Мамандар жеке бас гигиенасын қатаң сақтау, қауіпсіз сауда орындарынан ғана өнім сатып алу және тамақтану барысында мұқият болу қажет екенін ескертеді. Бұл туралы бүгін Өңірлік коммуникациялар қызметінің ақпарат алаңында Қызылорда облыстық санитариялық-эпидемиологиялық бақылау департаментінің басшысы Гүлмира Сыздықова мен облыстық жұқпалы аурулар ауруханасы бас дәрігерінің орынбасары Шарипа Алиева мәлімдеді.<blockquote>– Жаз мезгілі – табиғаттың жаңарып, жеміс-жидек пен көкөніс өнімдері молаятын кезең. Осындай уақытта тамақ өнімдерін дұрыс тұтыну мен санитариялық талаптарды сақтау өзекті бола түседі. Ауа райының жылынуы тағам өнімдерінің сақталу жағдайына, әсіресе көкөніс пен жемістердің сапасына ерекше көңіл бөлуді қажет етеді. Қызылорда облысында қазіргі таңда жедел ішек инфекциялары бойынша жағдай тұрақты. Анықталған жағдайларды зерделеу барысында көбінесе дұрыс сақталмаған немесе үй жағдайында дайындалған тағам өнімдерін тұтыну, жеке тазалық шараларына жеткілікті көңіл бөлмеу сияқты жайттар кездесетіні байқалды. Сонымен қатар көктем және жаз мезгілінде ерте піскен бақша өнімдерін мөлшерден тыс тұтыну да ағзаға жайсыздық тудыратыны белгілі болды. Жалпы, осы кезеңде азық-түліктің сапасына, жеміс-жидек пен көкөністің тазалығына мән беру, су көздерінің тазалығын қадағалау және тұрмыста санитариялық талаптарды сақтау маңызды. Қызылорда облысының санитариялық-эпидемиологиялық бақылау қызметі өз тарапынан қауіпсіз өнімдерге тұрақты бақылау жүргізуде. Сауда орындарынан сатып алынған өнімдердің сапасы мен талаптарға сәйкестігі зертханалық тұрғыда тексеріліп, қажетті шаралар қабылданып жатыр. Біздің мақсат - халықтың сапалы әрі қауіпсіз өнім тұтынуына жағдай жасау және тұрғындар денсаулығын қорғау. Баршаңызды санитариялық талаптарды сақтауға және күнделікті өмірде тазалық мәдениетін ұстануға шақырамын,– деді Гүлмира Жамбылқызы.</blockquote>Жедел ішек инфекциялары - әсіресе жаз мезгілінде жиі кездесетін жұқпалы аурулардың бірі.&nbsp;– Бұл дерттің негізгі белгілері - дене қызуының көтерілуі, іш өту, құсу және жалпы әлсіздік. Мұндай жағдайда науқас міндетті түрде дәрігерге жүгініп, уақытылы медициналық көмек алуы қажет. Өзін-өзі емдеуге жол бермеу керек. Біздің ауруханаға жедел ішек инфекциясының белгілерімен түсетін науқастардың басым бөлігі - балалар. Әсіресе жазғы мезгілде олар көбірек бақша өнімдерін, жеміс-жидек пен балмұздақ сияқты тағамдарды жиі тұтынады. Кей жағдайларда дұрыс жуылмаған немесе дұрыс сақталмаған тағам өнімдері аурудың себебіне айналып жатады. Жедел ішек инфекциясының алдын алудың ең маңызды жолы - қарапайым тазалық ережелерін сақтау. Әсіресе балалар арасында жеке бас гигиенасын қалыптастыру, қолды жиі жуу және дұрыс тамақтану мәдениетін үйрету маңызды. Медициналық мекемелерде науқастарға тиісті емдік шаралар уақытылы көрсетіліп келеді. Қазіргі таңда қажетті дәрі-дәрмек пен орын жеткілікті. Біздің міндетіміз - ауруды емдеумен қатар, оның алдын алуға да баса мән беру. Сондықтан баршаңызды санитариялық-гигиеналық талаптарды орындауға, таза тағам тұтынуға және денсаулыққа мұқият болуға шақырамыз,– деді Шарипа Жақсылыққызы.Фото: Нұрболат Нұржаубай<img src="https://knadmin.beoblood.kz/uploads/Zhedel_ishek_infekcziyalarynan_sa_bolu_ma_yzdy_7ad22956a4.jpg" alt="Жедел ішек инфекцияларынан сақ болу маңызды.jpg">

Жедел ішек инфекцияларынан сақ болу маңызды 

<a href="https://kyzylorda-news.kz/">Kyzylorda-news.kz</a> «AMANAT» партиясы Қызылорда облыстық филиалы жанындағы Экономика, кәсіпкерлік және аграрлық сектор мәселелері жөніндегі аймақтық кеңес отырысы өтіп, онда еңбек нарығын дамытудың 2024-2029 жылдарға арналған тұжырымдамасының орындалуы мен ауыл шаруашылығы саласында ірі инвестициялық жобалардың іске асырылуы мәселелері талқыланды.Жиынға партияның облыстық филиалының төрағасы Алмасбек Есмаханов, кеңес мүшелері, облыстық, қалалық мәслихаттардағы депутаттық фракция мүшелері мен жауапты басқарма өкілдері қатысты.Еңбек нарығын дамытудың 2024-2029 жылдарға арналған тұжырымдамасы шеңберінде өңірде 19340 адамды қамтуға 19,4 млрд.теңге қаралған. Жұмыспен қамту органдарының қызметімен 43 666 адам қамтылған. Атап өтер болсақ, 3861 адам бос жұмыс орындарына, 9476 адам субсидияланатын жұмыс орындарына жұмысқа орналастырылған. «Бастау Бизнес» жобасы бойынша кәсіпкерлік негіздеріне оқытуға 1359 адам жолданса, «Электронды еңбек биржасы» порталы арқылы жоспарланған 26203 адамның 110,5 пайызы онлайн - оқудан өткен. Жиын барысында хабарлама жасаған облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Жанар Дәулетбаева «Жұмысшы мамандықтар жылы» аясында өңірде ауқымды жұмыстар қолға алынғандығын атап өтті.<blockquote>«Өңірде «Жұмысшы мамандықтар жылы» аясында жұмысшы кадрлардың құқықтарын қорғау механизмдерін нығайтуға, жұмыс берушілердің жұмысшы мамандықтарды даярлау мен қолдауға қатысуын кеңейтуге, колледждердің кәсіпорындармен және халықаралық серіктестермен өзара әрекеттесуін күшейтуге, сондай-ақ жұмысшы мамандықтардың имиджін арттыруға бағытталған кешенді іс - шаралар жоспары бекітілді. Осының аясында жыл басынан ашық есік күндері мен бос жұмыс орындарының жәрмеңкелері ұйымдастырылуда. Мамыр айында өткен осындай жәрмеңкеде Солтүстік Қазақстан, Шығыс Қазақстан, Қостанай Абай, Ұлытау, Павлодар облыстарынан 7 мыңнан астам бос жұмыс орындары ұсынылып, нәтижесінде 466 адам қоныс аударуға ниет білдірді»,- дейді Жанар Дәулетбаева.</blockquote>«Бүгінде агроөнеркәсіп кешеніне көрсетіліп жатқан мемлекеттік қолдаулардың нәтижесінде облыстың ауыл шаруашылығы саласы тұрақты даму қарқынын көрсетуде. Облысқа инвестиция тартуды тұрақты қамтамасыз ету мақсатында аймақтың агроөнеркәсіптік кешен саласындағы 2025-2027 жылдары іске асырылатын инвестициялық жобалардың жол картасы бекітілген. Онда құны 57 млрд. 100 млн. теңгені құрайтын 30 инвестициялық жоба қамтылған. Бұл жобалардың жүзеге асырылуы 295 жаңа жұмыс орнын ашуға мүмкіндік береді»,- деді ауыл шаруашылығы саласында ірі инвестициялық жобалардың жүзеге асуы жөнінде хабарлама жасаған облыстық ауыл шаруашылығы және жер қатынастары басқармасы басшысының орынбасары Рысбек Шайхиев.Сондай-ақ өңірде ағымдағы жылы Солтүстік Қазақстан облысының тәжірибесі негізінде жеңілдетілген несие беру бағдарламасы аясында республикалық бюджеттен 11 млрд.теңге қарастырылып, 6 жобаны қаржыландыру жоспарланған. 1 жоба құжаттары толық дайындалып, комиссия қарауына ұсынылған. 2 жобаның мемлекеттік сараптамадан он қорытындысы алынған. 4 жобаның жобалау сметалық құжаттамалары дайындалуда.Жиын соңында кеңес төрағасы Бақдаулет Махашов кеңестің регламентіне сәйкес, кеңес жұмысына дәлелсіз себептермен 3 рет қатыспаған кеңес мүшелері кеңес құрамынан шығарылғандығын атап өтіп, кеңес құрамына қосылған партия белсендісі, партияның қалалық филиалы жанындағы Партиялық бақылау комиссиясының мүшесі Алдабергенов Абунасыр Сатыбалдыұлын таныстырды.Жалпы күн тәртібіндегі барлық мәселелер толық қаралып, көтерілген ұсыныстар жұмыс барысына алынды.&nbsp;

Еңбек нарығын дамыту, ірі инвестициялық жобаларды іске асыру мәселелері партия алаңында талқыланды

<a href="https://kyzylorda-news.kz/">Kyzylorda-news.kz</a> «26 маусым – Халықаралық нашақорлыққа қарсы күрес күні» мерекесіне орай әлеуметтік желілерде, Қызылорда облысының Полиция департаменті Есірткі қылмысына қарсы іс-қимыл басқармасының парақшаларында нашақорлыққа қарсы онлайн акция өткізілді.Акция барысында департамент басшылығы сөз сөйлеп, «26 маусым – Халықаралық нашақорлыққа қарсы күрес күнін» мерекелеуге орай айлық аясында өткізілген байқаулардың жеңімпаздары дипломдармен және сыйлықтармен марапатталды, нашақорлыққа қарсы үндеулерімен өнер көрсеткен балалар мен би нөмірлері және әртістердің өнер көрсетуімен жалғасты. Акция барысында жиналғандар «Есірткіге жол жоқ!» деп ұрандатты. Қазақ эстрадасының әншілері Елдос Жанұзақ пен Бейбарыс Садықтың үндеуі мен әндері көрсетілді.Онлайн-акцияның басты мақсаты – мүмкіндігінше көп көрерменді, салауатты өмір салтын ұстануға және есірткіден аулақ болуға шақыру.

Қызылордада нашақорлыққа қарсы  онлайн акция өткізілді

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаевтың төрағалығымен аудан әкімдігінің отырысы өтіп, күн тәртібінде 2 мәселе қаралды.Күн тәртібіндегі бірінші мәселе – төрт түлікті түгендеу, олардың арасында қауіпті аурулар таралуының алдын алу туралы аудандық ветеринариялық стансаның басшысы Н.Дәулетбаев хабарлама жасады. Аудан бойынша 2025 жылдың 5 айында барлығы 3047 ветеринариялық анықтамалар беру қызметі мен 4934 ауыл шаруашылығы жануарларын ветеринариялық паспорт бере отырып бірдейлендіру жұмыстары жүргізілген. Ветеринариялық стансаның басшысы энзоотиялық ауруларға қарсы іс-шаралар, ауыл шаруашылығы жануарларын бірдейлендіру, иесіз ит-мысықтарды аулау, Конго-Қырым геморрагиялық қызбасы ауруына қарсы іс-шаралар туралы ақпарат берді.Аудан әкімі сала жұмысын жандандырып, қауіпсіздікті қамтамасыз ету, ауыл шаруашылығы жануарларында қауіпті ауралар таралмау керектігін ескертті.Мәжілістегі екінші мәселе – Шіркейлі ауылдық округіндегі атқарылған жұмыстар және алдағы міндеттер туралы ауыл әкімі Т.Құламқадіров баяндады. Жыл басынан бері "Қызылорда – Қоғалыкөл – Шіркейлі" бағытындағы жөндеу жұмыстары жүргізіліп, ауылішілік 1,2 шақырым жол асфальтталған. Сондай-ақ, Б.Жақыпов көшесіне күрделі жөндеу жұмыстары жүргізілуде. «Ауыл аманаты» жобасы, "Кең дала" бағдарламасы мен "Ұлттық жоба" аясында ауыл тұрғындары кәсіптерін жандандырған.Берік Әбдіғаппарұлы елді мекендегі қоғамдық-саяси ахуалды тұрақты ұстып, ауылды көркейту бағытында жұмыстар атқаруды тапсырды.Әкімдік отырысында күн тәртібіндегі мәселелерден бөлек, кәсіпкерлік, МӘМС, көлік салығы, ескерткіштерді құжаттандыру секілді қосымша мәселелер қаралып, хаттамалық тапсырмалар жүктелді.

Нақты тапсырмалар жүктеді

<a href="https://kyzylorda-news.kz/">Kyzylorda-news.kz</a> ҚР Су ресурстары және ирригация министрі Нұржан Нұржігітов пен облыс әкімінің орынбасары Бахыт Жаханов Арал ауданындағы "Көкарал" бөгетін қалпына келтіру жұмыстарының барысымен танысты.Мемлекет басшысының 2019 жылғы 14 мамырдағы аймаққа жұмыс сапарында Үкімет пен облыс әкімдігіне "Көкарал" бөгетін қалпына келтіруде шұғыл шаралар қабылдау тапсырылған болатын. Осы тапсырма бойынша «Көкарал бөгетін сақтап қалу және Сырдария өзенінің атырауын қалпына келтіру» жобасының жоба-сметалық құжаттамасы әзірленіп, мемлекеттік сараптамадан оң қорытынды алынды. Жобаның жалпы құны – 4,5 млрд теңге. Тапсырыс беруші – ҚР Су ресурстары және ирригация министрлігі. Жобаның мердігері – «Қазсушар» РМК Қызылорда филиалы.Жобаны іске асыру мерзімі 2022-2026 жылдар аралығын қамтиды. Осы кезеңде жұмыс кезең-кезеңімен қаржыландырылып келеді.Жоба шеңберінде зақымдалған бөгет қалпына келтіріліп, "Қарашалаң" көлі арқылы теңізге екі арна және "Тұщы" көлі арқылы бір арна қазу жоспарланған. Бұл Кіші Арал теңізінің оңтүстік бөлігінде тұрақты су айналымын қалыптастыруға мүмкіндік береді.Аталған ірі экологиялық жоба Арал өңірінің табиғи тепе-теңдігін қалпына келтіруге, су ресурстарын тиімді пайдалануға және жергілікті халықтың тұрмыс сапасын жақсартуға бағытталған.<img src="https://knadmin.beoblood.kz/uploads/K_karal_f1a745084a.jpg" alt="Көкарал.jpg">

"Көкарал" бөгетін қалпына келтіру жұмыстары жалғасуда

<a href="https://kyzylorda-news.kz/">Kyzylorda-news.kz</a> Қызылорда қаласының астана болғанына 100 жыл толуына орай ұйымдастырылған «Тарихтың таңбасы, рухтың ордасы – Қызылордам» атты облыстық өнер байқауы аясында Шиелі ауданының өнер ұжымы Қызылорда қаласының орталық алаңында ерекше мерекелік бағдарлама ұсынды.Кештің шымылдығы ұлттық нақыштағы қолөнер көрмесімен ашылып, қала тұрғындары мен қонақтарының зор қызығушылығын тудырды. Ауданның қолөнер шеберлері ұлттық мұрамызды жаңғыртқан туындыларын ұсынып, көпшілік назарына паш етті.Сахнада Шиелі ауданының мәдениет майталмандары, халықтық вокалды-аспапты ансамбль, «Әжелер» және «Келіндер» ансамбльдері, сондай-ақ ауданның талантты әншілері мен бишілері әсем ән мен күмбірлі күйден шашу шашып, көрермен ықыласына бөленді. Әрбір өнер нөмірі – туған жерге деген шынайы сүйіспеншіліктің, өнерге деген адалдықтың көрінісіндей әсер қалдырды.Киелі Шиелі жерінің өнерпаздары Сыр елінің астанасы – Қызылорданың аспанын ән мен күйге бөлеп, ел тарихына тағзым жасап, көрермендерге рухани мереке сыйлады.&nbsp;Осындай ауқымды шаралар — өңір мәдениетінің дамуына, ұлттық өнердің жаңғыруына үлкен серпін берері сөзсіз.<img src="https://knadmin.beoblood.kz/uploads/Oblysty_ner_baj_auy_4_8a56a6aef6.jpg" alt="Облыстық өнер байқауы 4.jpg">

Киелі Шиеліден – Сыр елі жүрегіне өнер шашуы

<a href="https://kyzylorda-news.kz/">Kyzylorda-news.kz</a> Қазақстан Республикасы Президентінің «Әкімдердің халықпен кездесулерін өткізу туралы» 2022 жылғы 3 наурыздағы №826 Жарлығына сәйкес, 2025 жылдың I жартыжылдығында Жалағаш ауданының әкімі Ардақ Ибраимовтың халықпен кездесуі Бұқарбай батыр, Таң, Ақсу ауылдық округтерінде жалғасты.Ауыл тұрғындарымен кездесуде аудан әкімі атқарылған жұмыстарға тоқталып, алдағы уақытта да халықтың ұсынысына сәйкес жаңа жобалар қолға алынатынын жеткізді. Сондай-ақ, жоспарға сәйкес абаттандыру, аяқсумен қамту, жарықтандыру, ауылдарды газдандыру және жол құрылысы секілді маңызды инфрақұрылымдар кезең-кезеңімен жалғасын табатынын айтты.Ауыл тұрғындары аудан бойынша атқарылып жатқан ілкімді істерге ризашылықтарын білдіріп, өз ұсыныс-тілектерін жеткізді.2025 жылы Бұқарбай батыр ауылының 11 көшесінің құрылысының жұмыстары 2024 жылы басталып, 2 көшеге (Н.Оспанқұлов, П.Әлпейісов) республикалық бюджет есебінен 50,0 млн теңге қаржы бөлініп, асфальт төсеу жұмыстары жүргізілген.Қазіргі таңда қалған 9 көшеге (Ким Яков, Т.Үркімбаев, Ә.Бердаулетов, С.Айтуаров, Ә.Досымбетов, Қ.Сейітов, С.Байқадамов, Ж.Сақтағанова, Қойшығұл) асфальт төсеу жұмыстары жүргізілуде. Жалпы құны 403,1 млн теңге.Сондай-ақ, елді мекенді көркейту-көгалдандыру, абаттандыру жұмыстарына 1,5 млн теңге, санитарлық тазалықты қамтамасыз ету жұмыстарына 725,0 мың теңге жұмсалатын болады.Бұдан бөлек, өңірлерді дамыту бағдарламасы аясында 4,7 млн теңгеге Абай көшесіне темір шарбақ орнату жұмыстары жүргізіледі.Жалпы құны 170,2 млн теңгеге 16 көшеге түнгі жарықша орнату жұмыстары жүргізіледі.Таң ауылдық округі бойынша ауылға кіре берісте көше жарығы бар автомобиль жолына күрделі жөндеу, №118 орта мектеп ғимаратының қасбетіне ағымдағы жөндеу және мектеп аумағын абаттандыру жұмыстары жүргізілді.Өңірлерді дамыту бағдарламасы шеңберінде жалпы құны 3,7 млн теңгеге елді мекенді көркейту-көгалдандыру, абаттандыру жұмыстары жүргізіліп, кіре беріс көшелерге бейнебақылау камералары орнатылды.Сондай-ақ, 6,5 млн теңгеге ішкі көшелерді жарықтандыру жұмыстары мен 1,7 млн теңгеге мал тоғыту ваннасының құрылысы жүргізілді.Жалпы құны 350,3 млн теңгеге ауылдық мәдениет үйінің ғимаратына күрделі жөндеу жұмыстары жүргізіліп, пайдалануға берілді.Сонымен бірге, биыл «Таң ЛТД» ЖШС-і демеушілігімен құны 40 млн теңгеге Ұлы Отан соғысында қаза тапқан боздақтарға арналған ескерткіштің құрылысы жүргізілді.Жалпы құны 19 млн теңгеге Жаңақоныс елді мекені, Жаңақоныс көшесінің екі беті абаттандыруға темір шарбақтармен қоршау жұмыстары жүргізілді.Шаруашылықтар демеушілігімен жалпы құны 2,5 млн теңгеге 4 көшеге (Қарасу, С.Сейфуллин, А.Мықтыбаев, Ш.Уалиханов) көше жарық шамдарына жоба-сметалық құжаттама әзірленді.Ақсу ауылында 545,2 млн теңгені құрайтын елді мекеніне газ тарату желілерінің және жеткізуші газ құбырының құрылысы жұмыстары жүргізілді.Сонымен бірге, 203,6 млн теңгеге елді мекенінің тұрғын үй секторының инженерлік коммуникациялық инфрақұрылымының құрылысы жүргізілді.Өңірлерді дамыту бағдарламасы арқылы 2,6 млн теңге бөлініп, елді мекендегі парк ішін абаттандыру жұмыстары және Т.Боранбаев көшесіндегі арықтарды шарбақпен қоршау жұмыстары жасалды.Елді мекенді абаттандыру бағдарламасы бойынша 8,3 млн теңге бөлініп, оның ішінде 3,4 млн теңгесіне Ақсу елді мекеніндегі балалар спорт алаңын ағымдағы жөндеу жұмыстары және қалған 4,9 млн теңгеге Т.Елеусінов көшесіне қоршауларын орнату, дизельдік мотопомпа орнату, «Ер есімі – ел есінде» ескерткішіне ағымдағы жөндеу және елді мекенге 4 дана бейнебақылау камераларын орнату жұмыстары жүргізілді.Сондай-ақ, биыл 164,4 млн теңгеге Ақсу – Беркімбай қалпе аралығындағы аудандық маңызы бар кірме автомобиль жолына күрделі жөндеу жұмыстары жүргізілді.Елді мекендегі М.Әуезов, Т.Қожағұлов және Ақбөгет көшелерінің құрылысы жобасы бойынша облыстық бюджет есебінен қаржыландыруға құжаттары ұсынылды.Сонымен қатар, С.Дәулетбеков, Ақарық, Алғабас көшелерін жөндеуге және С.Дәулетбеков, Конституция, М.Найзабаев, Т.Боранбаев, Т.Елеусінов, Бостай би көшелерінің көше жарығы құрылысына ЖСҚ әзірленіп, облыстық жолаушылар көлігі және автомобиль жолдары басқармасына бюджеттік өтінім жолданды.Демеушілер есебінен жалпы құны 12,0 млн теңге болатын 4 жоба жүзеге асырылды. Соның ішінде «Сәрке Батыр» ЖШС тарапынан балалар ойын алаңының құрылысы және тұрмысы төмен отбасының үйіне газ жүргізу жұмыстары, «АВ Агро Орда» ЖШС тарапынан «Беркімбай кәлпе» кесенесі аумағындағы сағананы газбен жылыту жүйесіне қосу жұмыстары жүргізілді.

Архив