<a href="https://kyzylorda-news.kz/">Kyzylorda-news.kz</a> Жыл басынан бері Қызылорда облысында тұтынушылардың құқықтарын қорғау және сауда саласында ауқымды жұмыстар жүргізілуде. Әлеуметтік маңызы бар азық-түлік бағаларын тұрақтандыру бойынша кәсіпкерлермен түсіндіру шаралары ұйымдастырылды. Сонымен қатар, тұтынушыларға тегін құқықтық кеңес беріліп, әлеуметтік желілер мен бұқаралық ақпарат құралдарында белсенді ақпараттандыру жалғасуда. Бұл туралы Өңірлік коммуникациялар қызметінің ақпарат алаңында ҚР Сауда және интеграция министрлігінің Қызылорда облысы бойынша Сауда және тұтынушылардың құқықтарын қорғау департаментінің басшысы Сүлейменов Ерқасым айтты.<blockquote>- Қызылорда облысында жыл басынан бері сауда және тұтынушылардың құқықтарын қорғау бағытында бірқатар маңызды жұмыстар атқарылды. Әлеуметтік маңызы бар азық-түлік тауарлары бағасының тұрақтылығын бақылау - департаменттің басты міндеттерінің бірі. Осы бағытта кәсіпкерлер мен сауда субъектілеріне бағаны шекті деңгейден асырмау бойынша тұрақты түсіндірме жұмыстары жүргізіліп, арнайы жадынамалар таратылды. Сонымен қатар, бағаны негізсіз өсірудің жолын кесу мақсатында бұқаралық ақпарат құралдары мен әлеуметтік желілер арқылы ақпараттық түсіндіру белсенді түрде жүргізіліп келеді. Тұтынушылардың құқықтарын қорғау саласында да нақты нәтижелер бар. Есепті кезеңде азаматтардан түскен өтініштер заң талаптарына сәйкес қаралып, тұтынушыларға құқықтық көмек көрсетілді. Қабылданған шаралардың нәтижесінде тұтынушыларға 6,8 миллион теңге қайтарылуына ықпал жасалды. Сондай-ақ, тұрғындарға тегін кеңес беру, сатушыларға наразылық дайындау және сотқа талап арыздар әзірлеу бойынша да қолдау тұрақты түрде көрсетілуде. Алдағы уақытта департамент тұтынушылардың құқықтарын қорғау және әділ сауда қалыптастыру бағытында жұмыстарды жалғастыра береді. Біздің негізгі мақсатымыз - тұтынушылардың заңды мүдделерін қорғау және сапалы қызмет көрсету мәдениетін қалыптастыру-деді Ерқасым Жайбергенұлы.</blockquote>

Тұтынушылардың құқықтарын қорғау – басты назарда

<a href="https://kyzylorda-news.kz/">Kyzylorda-news.kz</a> ҚР Ұлттық музейінің директоры Берік Әбдіғалиұлы, облыс әкімінің орынбасары Шахмардан Байманов Жанкент қалашығындағы археологиялық қазба жұмыстарының барысымен, жаңадан табылған тарихи-мәдени жәдігерлермен танысты.Жанкент қалашығы – Қазалы ауданындағы республикалық маңызы бар тарих және мәдениет ескерткіші. Қазақстанның ортағасырлық, соның ішінде түркі-оғыз тайпаларының тарихын зерттеудегі маңызды нысан. VІІ–XII ғасырлардағы Сыр бойындағы ірі қалалардың бірі, Оғыз қағанатының астанасы саналған. Мұнда 2014 жылдан бері қазақстандық және шетелдік археологтардың қатысуымен кешенді зерттеу жүргізілуде.Сапар барысында Ұлттық музейдің басшысы мен облыс әкімінің орынбасары археологтармен кездесіп, жұмыс нәтижелерін жоғары бағалады. Бірлескен жобаларды жүзеге асыру, табылған жәдігерлерді сақтау мен музейлендіру жолдарын талқылады. Қазба барысында табылған жәдігерлер ортағасырлық кезеңнің сауда, мәдениет және діни салттарын зерттеуге тың серпін береді.Облыста 567 тарихи-мәдени мұра нысаны мемлекет қорғауына алынған, оның 31-і республикалық, 256-ы жергілікті маңызы бар тарих және мәдениет ескерткіштерінің мемлекеттік тізіміне енгізілген, 280 нысан алдын ала есепке алынған.Мәдениет және ақпарат министрлігі «Жібек жолы: Ферғана-Сырдария дәлізі» сериялық трансұлттық номинациясы бойынша Сығанақ, Жанкент қалашықтары мен Жетіасар мәдениет ескерткіштерін ЮНЕСКО-ның негізгі тізіміне енгізу жұмыстарын жүргізуде.Облыстық бюджет есебінен жыл сайын ежелгі Бәбіш мола және ортағасырлық Жанкент, Сығанақ қалашықтарында кешенді археологиялық қазба жұмыстары жүргізіліп, музейлер қоры 10 мыңға жуық экспонатпен толықтырылды. Табылған жәдігерлердің негізінде «Шірік Рабат сақ жауынгері», «Сығанақ ханшайымы», «Түгіскен көсемі», «Жетіасар ақсүйек әйелі» тарихи реконструкциялары жасалды.«Цифрлы Қазақстан» мемлекеттік бағдарламасы аясында тарихи-мәдени мұраларды сандық форматқа көшіру және желі қолданушыларына қолжетімді ету үшін 3D форматтағы интерактивті карта (virtualmap.xyz) жұмыс жасайды. Сайт 2018 жылдан бері қолданыста.Қала, аудан орталықтарына жақын орналасқан республикалық және жергілікті маңызы бар 194 ескерткішке QR-код орнатылып, қонақтар мен туристерге толық ақпарат ұсынылған.Одан кейін Берік Әбдіғалиұлы мен Шахмарман Байманов Қазалы ауданындағы «Руханият орталығына» барды.«Руханият орталығындағы» неке қию залы, кітапхана, музей, архив, жастар сарайы, ардагерлер мен аналар үйі келушілерге қызмет көрсетуде.

Жанкент қалашағында археологиялық қазба жұмыстары жүргізілуде

<a href="https://kyzylorda-news.kz/">Kyzylorda-news.kz</a> Ағымдағы жылдың 24 маусымында Сыбайлас жемқорлыққа қарсы іс-қимыл агенттігінің Қызылорда облысы бойынша департаментінде &nbsp;жоғары сынып оқушылары мен студенттер үшін «Ашық есік күні» өтті.Іс-шара «Заң мен тәртіп» идеологиясын насихаттау аясында, халықтың құқықтық сауаттылығын арттыру, жемқорлыққа қарсы дүниетанымды қалыптастыру және азаматтардың құқық қорғау органдарының қызметіне деген сенімін нығайту мақсатында ұйымдастырылды.Қатысушыларға Департамент бойынша экскурсия жүргізіліп, ақпараттық-талдау материалдары көрсетіліп, жемқорлыққа қарсы заңнаманы қолдану бойынша кеңестер берілді.Шара барысында Департаменттің Превенция басқармасы басшысының орынбасары Ж.Жүсіпәлиев жастарды сыбайлас жемқорлыққа қарсы қызметтің негізгі бағыттарымен таныстырып, «Antikor Ortalygy» сервистік орталығының жұмысын көрсетті.Сондай-ақ, Департаменттің мәжіліс залында Кадр жұмысын ұйымдастыру тобының аға офицері А.Бодықова Сыбайлас жемқорлыққа қарсы қызметке жұмысқа қабылдаудың негіздемесі туралы айтты.Өткізілген шара жастар арасында үлкен қызығушылық тудырып, мұндай кездесулерді жүйелі өткізу қажеттігін растады.Мұндай акциялар сыбайлас жемқорлыққа қарсы мәдениетті қалыптастыруға және жемқорлықтың кез келген көрінісіне төзбеушілікті тәрбиелеуге ықпал етеді.

Жастарға арналған «Ашық есік күні» өтті

<a href="https://kyzylorda-news.kz/">Kyzylorda-news.kz</a> 2025 жылғы 24 маусымда қоғамда адалдық пен адамгершілікті нығайтуға бағытталған «ӘДІЛ ҚОҒАМ» жобасы іске қосылды.«Әділ қоғам» жобасы-сыбайлас жемқорлыққа қарсы іс-қимыл агенттігінің және ЮНЕСКО қамқорлығымен мәдениеттерді жақындастыру орталығының мәдениет пен Ұлттық мұра призмасы арқылы қоғамдағы адалдық пен адамгершілікті нығайтуға бағытталған бірлескен бастамасы. &nbsp;Іс-шараға Сыбайлас жемқорлыққа қарсы іс-қимыл агенттігің Қызылорда облысы бойынша Департамент басшысының орынбасарлары А.Жүнісов, М.Сағындықов, Т.Амантай, жеке құрам, облыс әкімінің орынбасары Ш.Байманов, сонымен қатар, мәдениет мекемелерінің басшылары, жастар ұйымдарының өкілдері мен шығармашылық зиялы қауым мүшелері қатысты.Бастаманың басты мақсаты – сыбайлас жемқорлыққа қарсы идеяларды мәдени мұра, тарихи құндылықтар мен ұлттық дәстүрлер арқылы жеткізетін бірегей мәдени-ағартушылық платформа құру. Жоба шеңберінде қоғамда адалдық пен әділеттілікке деген құрметті нығайту, адамгершілік нормаларды өмір салтына айналдыруға баса назар аударылады.Бұл жоба мемлекеттік органдардың, үкіметтік емес ұйымдардың, ғылыми және шығармашылық қауымдастықтың күшін біріктіре отырып, қоғамда адалдық, әділеттілік және азаматтық жауапкершілік қағидаттарын ілгерілетуді көздейді.Жоба жастарды адалдыққа, әділдікке және «Заң мен тәртіп» қағидатын ұстануға тәрбиелеуге ықпал етеді. Мұндай бастамалар азаматтық жауапкершіліктің артуына және қоғамның мемлекеттік институттарға деген сенімінің нығаюына септігін тигізеді.

«Заң мен тәртіп» апталығы: «Әділ қоғам» жобасы бастау алды

<a href="https://kyzylorda-news.kz/">Kyzylorda-news.kz</a> «26 маусым – Халықаралық нашақорлыққа қарсы күрес күні», Қызылорда қаласы №17 Қызылжарма ауылдық &nbsp;кітапханасында «Есеңгіреткен есірткі» тақырыбында ашық сұхбат алаңы ұйымдастырылды.Ұйымдастырылған іс-шараның негізгі мақсаты – салауатты өмір салтын ұстануға бағыттау мен бос уақытты тиімді пайдалану болып табылды.Іс – шара барысында, №17 Қызылжарма ауылдық &nbsp;кітапхана мен Қызылорда облысының Полиция департаменті Есірткі қылмысына қарсы іс-қимыл басқарма қызметкерлері, кітапхана қорындағы нашақорлық жайлы кітап, журналдардағы &nbsp;ақпараттармен және есірткі заттарына байланысты қылмыстық ахуал мен алдын алу іс-шаралар барысымен бөлісіп, сұхбат алаңына келген қатысушылардың пікірін тыңдады.Кездесу барысында есірткі қылмыстары мен есірткі бизнесіне жастарды баулу заңсыз іс-әрекеттерден аулақ болып, адамзатқа нашақорлықтың кері әсері мен зардабы туралы айтылып, салауатты өмір салтын ұстану керектігіне бағыттап, жастардың бос уақытын тиімді пайдалану керектігі нақтыланды.Шараға қатысушылар есірткі мен нашақорлық мәселесі жайлы пікір бөлісіп, сауалдарына жауаптар алды.Фото: Полиция департаменті

Қызылорда жастары нашақорлыққа қарсы

<a href="https://kyzylorda-news.kz/">Kyzylorda-news.kz</a> Мәжіліс депутаты, «Ауыл» фракциясының мүшесі Ерболат Саурықов Премьер-министрдің орынбасары Ермек Көшербаевқа депутаттық сауал жолдап, соңғы уақытта жиілеп кеткен мектеп директорларын негізсіз жазалау тәжірибесіне алаңдаушылық білдірді.Ол сабақтан тыс уақытта оқушылардың жасаған құқықбұзушылықтары үшін білім беру мекемелерінің басшыларын тәртіптік жауапкершілікке тарту – әділетсіз әрі заңсыз қадам екенін атап өтті. Саурықовтың айтуынша, мектеп басшылығы тек оқу процесіне жауапты, ал тәрбиелеу мен бақылау — ең алдымен ата-ананың міндеті.<blockquote>«Мектеп директорын жазалаудың орнына, ата-ананың жауапкершілігін нақтылайтын уақыт келді», — деді депутат.</blockquote>Осыған байланысты Ерболат Саурықов Үкіметке бірқатар нақты ұсыныстарын жеткізді:<ul><li>Сабақтан тыс және демалыс уақытында болған оқиғалар үшін мектеп әкімшілігі жауап бермейтінін ресми түрде түсіндіру;</li><li>«Білім туралы» және «Құқық бұзушылықтардың алдын алу туралы» заңдарға нақты түзетулер енгізу;</li><li>Ата-аналардың жауапкершілігін айқындайтын құқықтық нормалар әзірлеу;</li><li>Ауыл мектептеріндегі кадр тапшылығының алдын алу мақсатында мұғалімдердің құқықтық қорғалуын күшейту;</li><li>Халықаралық тәжірибеге сүйене отырып, оқушының сабақтан тыс мінез-құлқы үшін ата-ананың жауапкершілігін заңмен нақты белгілеу.</li></ul>Депутаттың айтуынша, бұл бастамалар мектеп ұжымын орынсыз қысымнан қорғап, жалпы білім беру сапасын арттыруға және ауыл мектептерінің әлеуетін сақтауға бағытталған маңызды қадам болмақ.Фото: Мәжіліс

Мәжіліс депутаты мектеп директорларын негізсіз жазалау тәжірибесіне алаңдаушылық білдірді

<a href="https://kyzylorda-news.kz/">Kyzylorda-news.kz</a> Кеше «AMANAT» партияның Сырдария, Байқоңыр, Қармақшы аумақтық филиалдарының кезекті есеп беру жиыны өтті. Партияның облыстық филиалының ішкі жұмыс жоспарына сай ұйымдастырылған аппарат жиынында аталған аумақтық партия филиалдарының атқарушы хатшылары жыл басынан партия филиалымен атқарылған жұмыстарды баяндады.&nbsp;Атап айтқанда партияның «Халықпен бірге!» атты 2023-2027 жылдарға арланған сайлауалды бағдарламасын өңірде жүзеге асыруға бағытталған жол картасы тармақтарының орындалуы, қоғамдық қабылдауға келіп түскен өтініштердің шешілу динамикасы, партиялық жобалардың жүзеге асуы, депутаттық фракциялар және ақпараттық жұмыстар мен ішкі партиялық жұмыстар бойынша есеп берді.Жиынға партияның облыстық филиалының төрағасы Алмасбек Есмаханов пен атқарушы хатшы Ләйлә Төрешова сондай-ақ жауапты бөлім басшылары да қатысып, жарты жылдық жұмыстарға жасалған мониторинг қорытындысын таныстырды. Нәтижелі жұмыстар тәжірибеге ұсынылса, кемшін тұстар бойынша сын-ескертпелер айтылып, жұмысты жетілдіру бағытында ұсыныстар ортаға салынды.Жиын соңында партияның облыстық филиалының төрағасы Алмасбек Есмаханов атқарылған жұмыстарға оң бағасын беріп, партияластарды мұнымен тоқмейілсімей, жұмысты жетілдіре түсуге шақырды.&nbsp;

Жыл басынан атқарылған жұмыстар сараланды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың қатысуымен "Өнер орталығында" «XXI ғасырдың қаржылық триггерлері» тақырыбында форум өтті. Форумға Қызылорда қаласы мен аудан әкімдері, жауапты сала басшылары, білім, денсаулық сақтау, мәдениет, спорт салаларының мамандары, &nbsp;зиялы қауым, белсенді жастар ұйымдарының өкілдері қатысты.<img src="https://knadmin.beoblood.kz/uploads/Respublikaly_forum_4_4ef7f87bf0.jpg" alt="Республикалық форум 4.jpg">Аймақ басшысы қоғамдағы күрделі мәселелерді талқылап, алдағы бірлескен маңызды міндеттерді айқындау мақсатында атқарылатын жұмыстарға тоқталды.<blockquote>«Цифрлық шешімдер жылдам дамыған уақытта азаматтарымыздың құқықтарын қорғаудың, қаржылық сауаттылығын, құқықтық мәдениетін қалыптастырудың маңыздылығы артты. Президентіміз Қасым-Жомарт Кемелұлы халыққа арнаған Жолдауында: «Біздің қоғамымызда заң мен тәртіп үстемдік құруға тиіс. Бұл – бүкіл қоғамның, әр адамның қауіпсіздігін қамтамасыз етуге қатысты ең басты талап. Біз сонда ғана Әділетті, Таза, Қауіпсіз Қазақстанды құра аламыз», - деп нақты міндеттерді белгілеген болатын. Биыл 1 сәуірде Үкімет қаулысымен «Қоғамда заң мен тәртіп идеологиясын ілгерілету жөніндегі 2025 – 2030 жылдарға арналған тұжырымдама» бекітіліп, нақты міндеттер белгіленді. Өңірімізде Мемлекет басшымыздың «Заң мен Тәртіп» қағидасын іске асыруда Қызылорда облысы бойынша экономикалық тергеп-тексеру департаментімен бірлесіп, кешенді шараларды қолға алдық. Жаңа бастамаларға әрдайым қолдау көрсетіп келеміз. Заманауи мүмкіндіктерді өз пайдасына &nbsp;асырған алаяқтар жасаған қылмыстар азаматтардың лайықты өмір сүруіне теріс әсер етуде. Түрлі гаджет мен смартфондағы бағдарламалардың көмегімен жасалатын алаяқтық, кибершабуылдар схемасы сәт сайын өзгеріп, қадамдары жаңарып барады. Халықтың қаржылық қауіпсіздігі үшін қаржылық пирамидалар, құмар ойындарға тәуелділік, интернет-алаяқтық, дропперлік қылмыстардың алдын алуда уақытылы, тиісті шешімдер қабылдаудың маңыздылығы артты. Бір қарағанда жеке адамның мәселесі секілді көрінуі мүмкін. Бұл - тұтас қоғамға, әрбір отбасыға, ұрпағымыздың болашағына әсер ететін қауіп-қатер. Біз ашықтық қағидатына сәйкес, қала, аудандарда халықтың өзекті мәселелері бойынша құқық қорғау органдарының бірінші басшыларымен бірге қоғамдық қабылдауларды тұрақты &nbsp;өткізіп келеміз. Бұл өз кезегінде тұрғындардың мемлекеттік органдарға деген сенімін арттырып, әділетті қоғам құруға оң ықпал етті. Елімізде заңсыз ойын бизнесі мен лудоманияға қарсы іс-қимыл жөніндегі заң қабылданып, кешенді шараларға жол ашылды. Бұл кеселмен халық, әлеумет болып күресуіміз керек. Лудомания дертіне шалдыққан адаммен психологтар, дін мамандары жұмыс істеп, жеңіл жолмен келген ақша пайда әкелмейтінін, тек адал еңбекпен тапқан табыстың ғана берекесі болатынын ұғындыруымыз қажет. Бүгінгі форумда ұсынылған тың идеялар мен жаңа бастамалар жүйелі іске ұласып, нақты нәтижелерге бастайды деп сенемін. Форум жұмысына сәттілік тілеймін!», - деді Н. Нәлібаев.</blockquote><img src="https://knadmin.beoblood.kz/uploads/Respublikaly_forum_2_4741e58ea5.jpg" alt="Республикалық форум 2.jpg">Басқосуда Қызылорда облысы бойынша экономикалық тергеп-тексеру департаменті басшысының орынбасары Руслан Сатыбалдиев, дінтанушы Нұрлан Асанов, айтыскер ақын Мұхтар Ниязов, Қызылорда облысы бойынша экономикалық тергеп-тексеру департаментінің басшысы Аслан Кеңес баяндама жасап, қаржылық сауаттылықтың маңыздылығына тоқталды. Қоғам дертіне айналған құмар ойынға әуестіктің қауіпті екенін айтты.Іс-шарада облыс тұрғындарының қаржылық сауаттылығын арттыру, қаржы пирамидалары мен лудоманияға қарсы күрестің алдын алу бағытында белсенді әрі нәтижелі еңбек еткен азаматтар облыс әкімінің Алғыс хатымен марапатталды.<img src="https://knadmin.beoblood.kz/uploads/Respublikaly_forum_3_7909db7e77.jpg" alt="Республикалық форум 3.jpg">

Архив