<a href="https://kyzylorda-news.kz/">Kyzylorda-news.kz</a> Кәсіпкерлік – табандылықты, жаңашылдықты және тәуекелге баруды қажет ететін сала. Жас кәсіпкер Мөлдір Рысбайда осы қасиеттің барлығы бар. Ол жартылай дайын өнімдерді дайындаумен айналысады. Жас кәсіпкердің жұмысымен танысу үшін жұмыс орнына арнайы барып, сұхбаттастық.<blockquote>– Кәсіпкерлік жолымның бастамасы – анам Мейрамкүл Оразаеваның еңбегімен тығыз байланысты. 2014-2015 жылдары анам үйден тұшпара жасап, жақын туыстарға сата бастады. Сапалы әрі дәмді өнімге сұраныс күннен күнге артып, үй жағдайында жасалған тағамдарды тұрғындар көптеп ала бастады. Сұраныстың көптігіне байланысты анам кәсібін кеңейтіп, алғашқы шағын цехын ашты. Мен бұл кәсіпті 2024 жылдың аяғында өз қолыма алып, қазіргі уақытта өндірістен бастап, сату, жарнама сынды жұмыстарды өз қолыма алдым, – деді жас кәсіпкер.</blockquote>&nbsp;Қиындықсыз өсу болмайды. Осындай үлкен кәсіп бастар алдында белгілі бір қиындықтар кездесері анық. Кейіпкерімізде өзінің кәсіп жолындағы кездескен қиындықтары туралы да сөз қозғады.<blockquote>– Өкінішке орай, алғашқы цехтан өрт шықты. Бұл жағдай отбасымыз үшін үлкен соққы болды. Бірақ қиындыққа мойымай, кәсібімізді қайта қалпына келтіру жолдарын қарастыра бастадық. Әрі қарай бұл кәсіпті дамыту үшін үлкен қолдау қажет болды. Осы орайда «Даму» кәсіпкерлікті дамыту қоры арқылы 10 миллион теңге көлемінде субсидиялық несие алдық. Бұл қаржы бізге жаңа, заманауи үлгідегі, санитарлық талаптарға сай үлкен цех ашуға мүмкіндік берді. Қазірдің өзінде бұл цех – Қызылорда қаласындағы сертификатталған, жартылай дайын өнімдерді шығаратын белді кәсіпорынның біріне айналды, – дейді Мөлдір.</blockquote>Айта кетерлігі, қазір кәсіпорында тұтынушыларға қажетті жартылай дайын өнімдердің барлығы бар.Мөлдірдің сөзіне сүйенсек бүгінде кәсібі халық арасында кеңінен танылып үлгерген. Өнімдері Қызылорда қаласының бірнеше дүкенінде, супермаркеттерінде сатылады. Тұтынушылардың саны артып келеді. Кейіпкеріміз өнім сапасына аса мән беретінін және басты ұстанымы екенін жеткезді. Барлық санитарлық талаптарға сай жұмыс істейді әрі өнімдердің барлығы сертификатталған. Атап айтар болсақ, мәнті, тұшпара, қайнақша, самса және тағы басқа өнімдерді дайындайды.Айтуынша, тұтынушылардың сұранысына сай кәсіпкерлік цехты кеңейтіп, өнім түрін көбейтіп, басқа өңірлерге шығу жоспары да бар.<blockquote>– Кез келген өнім өндіруші кәсіпкер бірінші кезекте тұтынушыларға қолайлы жағдай жасайды. Біздің де мақсатымыз – тұрғындардың көңілінен шығып, цех жұмысын үлкен өндіріс орнына айналдыру. Қазіргі таңда цехта 15-ке жуық адам жұмыспен қамтылған. Алдағы уақытта жұмыскерлер санын көбейтуді жоспарлап отырмыз, – деді Мөлдір Аймаханқызы.</blockquote>Көркем ТӨЛЕБАЙ,Қорқыт ата атындағыҚызылорда университетінің1-курс студенті &nbsp;<img src="https://knadmin.beoblood.kz/uploads/K_sipker_4815eea58d.jpeg" alt="Кәсіпкер.jpeg">

Дәмді кәсіп – берекелі нәсіп

<a href="https://kyzylorda-news.kz/">Kyzylorda-news.kz</a> Қызылорда облысында 2008 және одан кейінгі жылы туған жасөспірімдер арасында қол добынан Қазақстан Республикасының чемпионаты өз жалауын көтерді.Тартысты додаға еліміздің түкпір-түкпірінен жиналған Астана, Алматы қалалары мен Қарағанды, Ақтөбе, Жамбыл және Қызылорда облыстарынан 6 команда қатысуда. Тиісінше, жалпы саны 115-ке жуық жас спортшы чемпион атану жолында өзара бақ сынамақ.Жарыстың салтанатты ашылу рәсіміне Қызылорда облысының дене шынықтыру, спорт және туризм басқармасы басшысының орынбасары Жігер Оңдасынұлы Айекешов, Қазақстан гандбол федерациясының вице-президенті Садық Мұстафа, сондай-ақ ҚР Еңбек сіңірген жаттықтырушысы Ким Вячеслав қатысты.Ашылу барысында құттықтау сөз сөйлеген басқарма басшысының орынбасары Жігер Оңдасынұлы спортшыларға сәттілік тілеп, дүбірлі доданың жоғары деңгейде және тартысты өтетініне сенім білдірді. Сондай-ақ, осындай жарыстардың жастар арасында салауатты өмір салтын насихаттауға және достық байланысты нығайтуға өз септігін тигізетінін атап өтті.Сондай-ақ, шарада құрметті қонақтар да құттықтау сөз сөйлеп, қатысушы командаларға жеңіс тіледі.Чемпионат алты күнге созылып, жеңімпаздар мен жүлдегерлер арнайы медаль және алғыс хаттармен марапатталады.Фото: Қызылорда облысының дене шынықтыру, спорт және туризм басқармасы

Қызылордада қол добынан жасөспірімдер арасында Қазақстан чемпионаты басталды

<a href="https://kyzylorda-news.kz/">Kyzylorda-news.kz</a> Кеше Арал қаласында туризм саласын дамытуға бағытталған «Geopark Aral» жобасы аясында «Геомұрадан тұрақты болашаққа» атты халықаралық ғылыми-практикалық конференция өтті.Конференцияға облыстық дене шынықтыру, спорт және туризм басқармасының басшысы Бахтияр Ғарифоллаұлы, Қазақстан Республикасының ЮНЕСКО және ИСЕСКО істері жөніндегі Ұлттық комиссиясының бас хатшысы Жанар Есентайқызы, ҚР «Аралды құтқару халықаралық қоры» атқарушы дирекциясының директоры Серікәли Мұхаметкәрімұлы және өзге де сарапшылар мен модераторлар қатысты.Конференцияның басты мақсаты – «Geopark Aral» жобасы аясында Арал өңірінің стратегиялық және туризмдік әлеуетін арттыру, сондай-ақ ЮНЕСКО-ның жаһандық геопаркі мәртебесін иеленуге бағытталған маңызды қадамдарды жан-жақты талқылау болды.Іс-шара Арал өңірінің бірегей геологиялық, табиғи және мәдени мұрасын сақтау мен насихаттау жолында ғылыми қауымдастық, бизнес және азаматтық қоғам өкілдерінің күш-жігерін біріктіруге бағытталған. Конференция барысында тұрақты даму, экологиялық туризм, ғылыми зерттеулер мен халықаралық ынтымақтастықты ілгерілету мақсатында геопарктің мүмкіндіктеріне айрықша назар аударылды.Фото: Арал ауданы

Geopark Aral: «Геомұрадан тұрақты болашаққа» атты халықаралық ғылыми-практикалық конференция өтті

<a href="https://kyzylorda-news.kz/">Kyzylorda-news.kz</a> Бес жыл бұрын әлемді дүр сілкіндірген “Омикрон” штамы Азияда қайта күшейіп келеді. Әсіресе Гонконг пен Сингапурде жағдай ушығуда. Қазіргі таңда 14 мыңнан астам адамнан “LP.8.1” деп аталатын вирустың жаңа нұсқасы анықталған. Жаңа толқынның таралуы жаһан жұртын алаңдатып отыр. Эпидемиологиялық ахуал нашарлай берсе, вакцина салу жұмыстары қайта басталуы ықтимал, - деп хабарлайды <a href="https://dauletten.kz/articles/aziyada-covid-tin-zhana-turi-taraluda">Dauletten.kz.</a>Гонконг, Сингапур, Қытай және Таиландтағы жағдай көңіл көншітпейді. Гонконг дәрігерлері “Омикронның” жаңа толқыны басталғанын растады. Тек осы айдың өзінде 30-дан астам адам көз жұмды. Сингапурде ай басталғалы бері 14 мыңнан аса науқас тіркелген. Күн сайын шамамен 130 адам ауруханаға түсуде. Олардың көбі — 65 жастан асқандар.Отандық мамандар вирустың жаңа штамының белгілерін атап өтті.<blockquote>- COVID-тің жаңа түрі баяу таралуда. Бұл – “Омикрон” штамының мутацияланған нұсқасы. Қазіргі таңда ол аса қауіп төндірмейді. Иә, шағын толқын байқалады. Бұл мутация вирустың белок құрылымына әсер еткен. Белгілері — тамақтың ауырсынуы, мұрынның бітелуі, түшкіру және құрғақ жөтел”, – дейді медицина ғылымдарының докторы Дмитрий Еделев.</blockquote>Сонымен қатар, әлсіздік сезіліп, дене сырқырай бастайды. Бірнеше күннен кейін температура 39 градусқа дейін көтеріліп, жағдай күрделене түсуі мүмкін. Биыл Қазақстанда 329 жағдай тіркелген, өлім-жітім жоқ. Бұл көрсеткіш былтырғыдан төрт есе аз. Елдегі эпиджағдай бақылауда болғандықтан, үрейленуге негіз жоқ, дейді жауапты мекемелер.Мамандардың айтуынша, “Омикрон” бұрынғыдай қауіпті емес, науқастарда ауру жеңіл түрде өтеді. Адамзатқа тікелей қатер төндіріп тұрған жоқ. Қазақстанда жағдай тұрақты. “Алаңдауға, дүрбелеңге түсуге себеп жоқ”,–дейді ҚР Денсаулық сақтау министрлігі Санитарлық-эпидемиологиялық бақылау комитеті басқармасының басшысы Жасұлан Алпысбаев.Айта кетейік, Дүниежүзілік денсаулық сақтау ұйымы COVID-19 пандемиясын жариялағанына биыл бес жыл толды. Осы уақыт ішінде әлем бойынша 700 миллионнан астам адам вирус жұқтырып, 7 миллионы қайтыс болды. Бұл індет адамзат тарихындағы ең қауіпті эпидемиялардың бірі болып есептеледі. Бұрын-соңды болмаған шектеулер енгізіліп, халық ұзақ уақыт карантинге жабылған еді. Сондықтан халықтың алаңдауы – орынды.Фото: Нұрболат Нұржаубай

Азияда COVID-тің жаңа түрі таралуда

<a href="https://kyzylorda-news.kz/">Kyzylorda-news.kz</a> 2025 жылғы қаңтар–сәуір айлары аралығында ҚР Сауда және интеграция министрлігінің Сауда және тұтынушылардың құқықтарын қорғау комитетінің аумақтық департаменттері азаматтардың құқықтарын жалпы сомасы 690,5 млн теңгеге қорғады. Бұл – жүйелі әрі мақсатты жұмыстың нақты нәтижесі. Аталған кезеңде 122 тұтынушының мүддесін қорғауға бағытталған 34 резонанстық іс қаралып, 461,9 млн теңге көлемінде өтемақы қайтарылды.Осы істердің қатарында қайтарылған сома 5 млн теңгеден асқан жағдайлар да бар. Алматы қаласында пәтер сатып алған азаматқа заңмен көмек көрсетілді. Қабырғалардағы жарықтар, жылу оқшаулауының нашарлығы және шектен тыс шу деңгейі анықталған соң, тұтынушының шағымы негізінде 25,9 млн теңге қайтарылды. Астана қаласында премиум санатындағы автокөлік сатып алған азамат көліктің рулдік басқару жүйесіндегі ақауға тап болған. Сот процесіне департаменттің қатысуымен сатушыдан 45,8 млн теңге өндіру туралы шешім қабылданды. Мұндай ақауы бар автокөлікке қатысты істердің жалпы саны 21, ал қайтарылған қаражат көлемі 338,2 млн теңгені құрады. Сонымен қатар, Павлодар облысында үш тұтынушыға 53,8 млн теңге, Қызылорда облысында техникалық талаптарға сай келмеген ойын жабдықтарын сатып алған тұтынушыға 6,4 млн теңге қайтарылды.Бірнеше адамның құқықтары бұзылған ұжымдық шағымдарға да ерекше назарда. Павлодар облысында толық ақпарат берілмей рәсімделген косметикалық өнімдерге арналған несиелер бойынша 17 тұтынушыға 9,1 млн теңге қайтарылды. Түркістан, Жамбыл облыстарында және Шымкент қаласында тағы 33 тұтынушы сапасыз массаж жабдықтары, тұрмыстық техника және орындалмаған шипажай жолдамалары үшін 7,5 млн теңге көлемінде қаражаттарын қайтарып алды. Атап айтқанда, Шымкент қаласында бес тұтынушыға 1,3 млн теңге, Сарыағаш ауданында шипажай жолдамалары үшін төленген 1 млн теңге қайтарылды.Кейбір даулар сот арқылы шешілді, өйткені құқық бұзушылықтар ондаған тұтынушыны қамтыды. Жетісу облысында смартфонды жеткізбегені үшін департамент сотқа жүгініп, нәтижесінде 17 тұтынушыға 7,2 млн теңге қайтару туралы шешім шықты. Оның ішінде тоғыз тұтынушы ақшасын сот шешіміне дейін қайтарып алған. Павлодар облысында көрсетілмеген қызметке қатысты дау медиация тәртібімен аяқталып, 12 тұтынушыға 900 мың теңге қайтарылды.Аталған төрт айдың қорытындысы аумақтық департаменттердің тұтынушылардың құқықтарын қорғаудағы рөлінің артып келе жатқанын көрсетеді. Құны жоғары тауарларға қатысты жеке даулардан бастап ұжымдық мәселелерге дейін – әрбір қорғалған іс елімізде тұтынушылардың құқықтарын қорғау жүйесінің нақты әрі тиімді жұмыс істеп отырғанын дәлелдейді.

Сауда министрлігі 4 айда тұтынушылардың 690,5 млн теңгесін қайта өндірді

<a href="https://kyzylorda-news.kz/">Kyzylorda-news.kz</a> Оқу жылының аяқталуына санаулы күндер қалды. Бұл кезең– мектеп бітіруші түлектер үшін аса маңызды әрі есте қаларлық сәттердің бірі. Осыған орай еліміздің мектептерінде соңғы қоңырау мен аттестат тапсыру салтанатын ұйымдастыру жұмыстары басталды. Дегенмен, мұндай шаралардың тәрбиелік мәнін жоғалтпай, қарапайым әрі мазмұнды форматта өтуі аса маңызды. Артық сән-салтанат, кортеждер, қымбат сыйлықтар мен қаражат жинауға жол берілмеуі тиіс. Бұл туралы бүгін Өңірлік коммуникациялар қызметінің ақпарат алаңында облыстық білім басқармасының басшысы Асқарбек Есжанов мәлімдеді.<blockquote>– Оқу жылының аяқталуы білім саласы үшін аса маңызды әрі жауапты кезең болып табылады. Бұл кезең – оқушылар үшін білімдерін сынап, бағалаудың қорытындысы, ал мұғалімдер үшін бір жыл бойғы қажырлы еңбектің нәтижесін көретін сәт. Қазіргі таңда облыста 339 мектепте шамамен 184 мың оқушы білім алуда. Биыл 805 оқушы «Алтын белгіге», ал 1 000-нан астам түлек «Үздік аттестатқа» үміткер. Ұлттық бірыңғай тестілеу мамырдың 16-сынан шілденің 4-іне дейін Қызылорда қаласы мен Арал, Қазалы, Жаңақорған аудандарындағы арнайы орталықтарда өтеді. 23 мамыр күні барлық мектептерде «Білімім – Отаныма» тақырыбында бірыңғай сынып сағаттары өтсе, сол күні сағат 9:00-де «Мектебім, саған мың алғыс!» атты бітіру салтанаты ұйымдастырылады. Аттестат тапсыру рәсімі 18 маусымға жоспарланған. Мектеп бітіру кештерін шамадан тыс сән-салтанатпен атап өту, кортеж ұйымдастыру, қымбат сыйлықтар беру сияқты әрекеттерге жол берілмеуі қажет. Мұндай даңғазалықтың кеңінен тарауына ешқашан рұқсат етпеуіміз керек. Балаларды білімнің шынайы мағынасы мен ұстаз еңбегін құрметтеуге тәрбиелеу – біздің ортақ міндетіміз. Осы мақсатта барлық білім беру ұйымдарына арнайы нұсқаулар беріліп, ата-аналармен жан-жақты түсіндіру жұмыстары жүргізілді. Жазғы демалыс кезеңінде 175 мыңнан астам оқушының бос уақытын қауіпсіз және мазмұнды өткізу – басты мақсатымыз. Биыл 556 мектеп жанындағы лагерьде 159 мыңға жуық бала демалады. Сонымен бірге киіз үйлі этнолагерьлер, шатырлы лагерьлер және қала сыртына орналасқан 8 демалыс орталығы жұмыс істейді. Балалардың шығармашылығын дамытуға бағытталған «Сыр жұлдыздары», «Оқушылар сарайы» сияқты ұйымдарда техникалық, мәдени және спорттық үйірмелер жұмысын жалғастырады. Робототехника, жасанды интеллект, бағдарламалау саласында үйірмелер мен жарыстар ұйымдастырылуда. «Сыр лигасы» жобасы аясында футбол, волейбол, дебат, жайдарман секілді жеті бағытта сайыстар өтуде. Балалардың қауіпсіздігі әрқашан бірінші орында. Су айдындарында қауіпсіздік шаралары пысықталып, оқушылар мен ата-аналарға арнайы түсіндіру жұмыстары жүргізілді. Барлық жазғы лагерьлер санитарлық талаптарға толық сәйкес келеді және қажетті құралдармен қамтылған. Бассейндерде балаларды жүзуге үйрету жұмыстары басталды. Колледждерде оқып жатқан 5 мыңнан астам студент биыл оқуын тәмамдайды. Кәсіби білім алған түлектердің басым бөлігі еңбек нарығына жолдама алып, дуальді білім беру мен кәсіби бағдарлаудың нәтижесін көрсетуде. Жалпы алғанда, бұл оқу жылының қорытындылары мен алдағы кезеңге қойылған мақсаттар – әрбір оқушының қауіпсіздігі мен сапалы білім алуын қамтамасыз етуге бағытталған. Барша қоғам бірлесе отырып, балаларымыздың жазғы демалысын пайдалы, қауіпсіз әрі жемісті өткізуге күш жұмсаймыз,-деді Асқарбек Темірбекұлы.</blockquote>

Асқарбек Есжанов: Оқу жылының аяқталуы – артық ысырыпқа жол берілмеуі керек

<a href="https://kyzylorda-news.kz/">Kyzylorda-news.kz</a> Қазақстанның геологиялық саласы сенімді дамуды және халықаралық инвесторлардың жоғары қызығушылығын көрсетуде. Өнеркәсіп және құрылыс министрлігінің жер қойнауын пайдаланудың инвестициялық тартымдылығын арттыру бойынша жүйелі жұмысының арқасында соңғы жылдары елімізге әлемдік деңгейдегі геологиялық барлау жобаларын жүзеге асыру үшін ірі шетелдік компаниялар келді.Қазақстанның стратегиялық серіктестері арасында:Rio Tinto Mining and Exploration Limited (Ұлыбритания), FQM Kazakhstan limited және Arras Minerals Corp. (Канада), Sarytogan Graphite Limited, Hidden Owl Pty Ltd, IG Asia LLC (Австралия/Сингапур), Эсан (Түркия) және Еуропа елдерінің басқа халықаралық ойыншылары. Бұл компаниялар қатты пайдалы қазбаларды барлауға лицензия алып, геологиялық барлау жұмыстарына 12 млрд теңгеге жуық инвестиция құйып үлгерді. Олардың жобалары кейінгі игеру үшін перспективалы жер қойнауы учаскелерін барлауға бағытталған, бұл ел экономикасы мен өңірлік өсім үшін жаңа перспективалар ашады.Инвестициялық белсенділіктің өсуінде елдің геологиялық-геофизикалық білімінің жоғары деңгейі маңызды рөл атқарады. 2024 жылдың соңына қарай 2014,4 мың шаршы метрге жетті. км, ал қазірдің өзінде 2025 жылы 2038,2 мың шаршы км-ге дейін өседі. Жыл сайын мемлекеттік бюджет қаражаты есебінен аймақтық геологиялық зерттеулер, оның ішінде терең және минералогиялық карталау, сонымен қатар іздестіру және тақырыптық жұмыстар жүргізіледі.Қазақстан инвесторларға ашық ережелерді, ашық цифрлық инфрақұрылымды және орасан зор жер қойнауының әлеуетін ұсына отырып, халықаралық геологиялық аренада өз орнын нығайтып келеді.

Қазақстан геологиясы әлемдік инвесторларды тартады: Елге қазірдің өзінде 12 млрд теңгеден астам инвестиция құйылған

<a href="https://kyzylorda-news.kz/">Kyzylorda-news.kz</a> Қызылорда облысының прокуроры Ризабек Ожаров, бірінші орынбасары Исламбек Төлегенов Қызылорда облысы бойынша ҚАЖ департаментінің №60 мекемесіне барып, жазасын өтеушілерді жұмыспен қамту бағытында атқарылып жатқан жұмыстармен танысып, өндірістік цехтарды аралады. Аталған мекеменің өндірістік аймағында қазіргі таңда 14 жеке кәсіпкер 400-ге жуық жазасын өтеушіні жұмыспен қамтып отыр, – деп хабарлайды облыстық қылмыстық-атқару жүйесі департаментінің №60 мекемесі.Өндірістік аймақта кірпіш зауыты, тігін цехы, дәнекерлеу цехы, қолөнер шеберханалары, брусчатка және пластик терезе дайындайтын цехтар бар.Өндірістік аймақты аралау барысында облыс прокуроры департамент басшылығына жазасын өтеушілердің жасаған қолөнер бұйымдарына арналған жәрмеңке ұйымдастыру керегін және жаңа жұмыс орындарын ашу туралы нақты тапсырмалар берді.Сонымен қатар, Ризабек Кәрімұлы жазасын өтеушілерді жеке қабылдап, өтініштері мен шағымдарын мұқият тыңдап, қойылған сауалдарға заң аясында жан-жақты жауап берді. Әрбір сұрақ бойынша тиісті шаралар қабылдау үшін жауапты қызметкерлерге нақты тапсырмалар берілді.<img src="https://knadmin.beoblood.kz/uploads/Whats_App_Image_2025_05_22_at_15_15_08_85b38a752b.jpeg" alt="WhatsApp Image 2025-05-22 at 15.15.08.jpeg">

Жазасын өтеушілер жұмыспен қамтылуда

<a href="https://kyzylorda-news.kz/">Kyzylorda-news.kz</a> Жәнібек Әбілханға қосымша білім беру орталығының басшылығы пәтердің <a href="https://kaz.inform.kz/news/pater-noutbuk-iphone-ubt-dan-140-ball-zhinagan-turkstandik-tulekke-kanday-siyliktar-berld-317102/">сертификатын </a>табыс етті.Бұған дейін аталған білім беру орталығы әлеуметтік желілерде 140 балл жинаған түлекке сый ретінде пәтер берілетіндігін мәлімдеген болатын. Ал, сол орталықта білім алған Жәнібек Әбілхан ҰБТ-дан 140 ұпай алды. Орталық басшылығы да уәдесінде тұрды. Бүгін пәтердің сертификаты салтанатты түрде Жәнібек пен оның анасына табысталды.<blockquote>– Тұрғын үйді рәсімдеу Жәнібек оқуға түсетін қалаға байланысты жүзеге асады. Егер ол Астананы таңдаса, пәтер елордадан беріледі, ал Алматыны таңдаса – пәтер сол жақтан беріледі, – деп атап өтті білім беру орталығының өкілдері.</blockquote>Сонымен қатар, ҰБТ-дағы жоғары нәтижесі үшін Жәнібек білім саласы өкілдерінен бағалы сыйлықтар алды. Мектеп директоры түлекке iPhone смартфонын, аудандық білім бөлімінің басшысы ноутбук, ал аудан әкімі теледидар сыйға тартты.Айта кетейік, Жәнібек ҰБТ-ны «Математика – Информатика» пәндер комбинациясы бойынша тапсырған. Ол ауылдық мектеп-гимназияны аяқтап, Алматыда ақпараттық технологиялар саласы бойынша білімін жалғастыруды жоспарлап отыр.Еске сала кетейік, бұдан бұрын Ордабасы ауданының тұрғыны, Шоқан Уәлиханов атындағы мектеп-гимназия түлегі Әбілхан Жәнібек Ұлттық бірыңғай тестілеуден ең жоғары нәтиже – 140 ұпай жинағанын жазған болатынбыз.Фото: https://www.instagram.com/reel/DJ6i4k8I0FZ/?igsh=MWhoM2dvaWd3Yzk5NQ==

Пәтер, ноутбук, iPhone: ҰБТ-дан 140 балл жинаған түркістандық түлекке қандай сыйлықтар берілді  

<a href="https://kyzylorda-news.kz/">Kyzylorda-news.kz</a> Көкшетауда ер адам әйелінің жұмыс орнына келіп оны бірнеше рет пышақтап кеткен. Ауыр халдегі әйелді дәрігерлер құтқарып қалды. Бұл туралы <a href="https://stan.kz/ishki-agzalarinin-barin-kesken-kokshetauda-er-adam-ayel-418198/">Stan.kz</a> ақпарат агенттігі <a href="https://www.ktk.kz/ru/news/video/2025/05/21/294583/">КТК </a>арнасына сілтеме жасап&nbsp;хабарлады.Оқиға 30 жастағы әйелдің жұмыс орнында микрокредиттік ұйымның кеңсесінде болды. Күйеуі пышақпен келіп, оған қатыгездікпен&nbsp;шабуылдаған. Күдікті бірден ұсталды.Ал қансыраған науқас тіпті зембілге салуға келмеген. Көптеген жарақаттарын төрт сағаттан астам уақыт бойы тігілген. Жәбірленуші екі литрден астам қан жоғалтты. Пышақ жүрекке жетпегендіктен әйел тірі қалды. Дәрігерлер оның барлық ішкі ағзаларын тігуге мәжбүр болды.Дәрігерлер әйелдің есін жиғанын жеткізді. Ол өте әлсіз, бірақ жағдайы тұрақты. Алда екінші операция күтеді. Жәбірленуші пышақ салғанда қорғануға тырысып қолдарын жарақаттаған. Енді қолдарына ота жасалады.<blockquote>“Бәрі жақсы болса, тағы бір-екі күн жансақтау бөлімінде болады. Осыдан кейін ол хирургиялық бөлімге ауыстырылады. Не істеу керек болды, бәрін жасадық. Жалғыз нәрсе, оның қолының иілетін жеріне зақым келген. Бірақ операцияның ұзақтығын ескере отырып, бұл операцияны травматологтармен бірге екінші кезеңмен жасау туралы шешім қабылданды”, – деді Көкшетау қалалық ауруханасының хирургиялық бөлімшесі меңгерушісі Арман Қапанов.&nbsp;</blockquote>Фото: сюжет кадрларынан

Ішкі ағзаларының бәрін кескен: Көкшетауда ер адам әйелін жұмыс орнында пышақтап кетті

Қызылордалық депутаттар Парламентте қандай мәселе көтеріп жүр?

<a href="https://kyzylorda-news.kz/">Kyzylorda-news.kz</a> Аралдық Сержан Каримолдаевтың кәсіппен айналысып жүргеніне 5 жылдан асты. Кәсібін балықты алып-сатумен бастаған ол бүгінде өңдеуге басымдық беруде.<blockquote>«Негізгі мамандығым заңгер. Ұзақ жыл құқық қорғау органында қызмет еттім. Саладан зейнетке шыққаннан кейін кәсіппен айналысуды жөн көрдім. Аралдың балығына сұраныс жоғары екенін ескере келе балық сатумен айналыстым», - дейді Сержан Каримолдаев.</blockquote>Кәсіпкердің ісі алға басып, сұраныс арта бастайды. Ол саланың қыр-сырын меңгере жүріп, нарыққа балықты өңдеп ұсынудың тиімдірек екенін аңғарады.<blockquote>«Былтыр кәсіпті кеңейтіп, балық өңдеуге қажет құрал-жабдық алу үшін қаржы іздей бастадым. «Қызылорда» Өңірлік инвестициялық орталығы азық-түлік өндірісіне арналған жобаларды қаржыландырып жатқанын естіп, талаптарымен таныстым, өтініш бердім. Нәтижесінде жеңілдікпен 60 млн теңге несие алдым», - деді аралдық кәсіпкер.</blockquote>Аталған қаржы кәсіпкерге жаңа мүмкіндіктер ашты. Бұл қаржыға балықты тазалайтын, турайтын, тұздайтын және вакуумдайтын, сондай-ақ консервілейтін аппараттар, түрлі тоңазытқыштар алған.<blockquote>«Мемлекеттің осылай қаржылай қолдауы жаңа деңгейге шығуға мүмкіндік беріп отыр. Бұрын тек тұздалған балық шығарып келген болсақ, енді жаңа құрал-жабдықтардың арқасында тұтынушыларға тартылған балық өнімдерін, тұздалған уылдырық пен ысталған балық шығарып жатырмыз. Сонымен бірге бұл өнімдерді өзіміз вакуумдеп ұсыну мүмкіндігіне ие болдық. Ендігі меже консервіленген балық шығару. Бұйырса, жақын күндері нарыққа шығарамыз», - деді Сержан Каримолдаев.</blockquote>Кәсіпкердің бүгінде 15 адамды тұрақты жұмыспен қамтып отыр. Алдағы уақытта 30-ға жеткізуді көздеуде. Айына 20 тоннаға дейін өнім өндіреді. Балық өнімдерінің басым бөлігі Ресейге экспортталады екен.<blockquote>«Қытайдан да сұраныс түсіп жатыр. Ол үшін шығаратын өнімді тапсырыс берушілердің талабына сай ету қажет. Қазір осы бағытта тиісті шараларды қабылдаудамыз», - дейді кәсіпкер.</blockquote>Атап өту керек, Қызылорда қаласында азық-түлік өнімдерін өндірумен айналысатын кәсіпкерлер Өңірлік инвестициялық орталық арқылы 3 пайызбен жеңілдетілген несие ала алады. Толығырақ Орталыққа 8 776 886 33 88 немесе 40-03-60, 40-02-37 байланыс нөмірі бойынша хабарласып білуге болады.<img src="https://knadmin.beoblood.kz/uploads/K_sipker_08f2222f3a.jpeg" alt="Кәсіпкер.jpeg">Фото: «Қызылорда» Өңірлік инвестициялық орталығының баспасөз қызметі

Архив