<a href="https://kyzylorda-news.kz/">Kyzylorda-news.kz</a> Қарағанды қаласында 5-6 сәуір күндері грек-рим, еркін және әйелдер күресінен 23 жасқа дейінгі жастар арасында ҚР чемпионаты өтті.Жарыс нәтижесі бойынша спортшыларымыз 1 алтын, 1 қола медаль жеңіп алды.Атап айтқанда, 72 кг салмақта Сабыржанова Жібекжан – І орын,68 кг салмақта Жұлдызай Такисбай – ІІІ орын иеленді.Осыған орай, бүгін басқарма басшысы ересектер және жастар арасындағы әйелдер күресінен облыстың аға жаттықтырушысы Жандос Бөребековты қабылдап, спортшылардың жетістігімен құттықтады.Кездесу барысында спортшылардың алдағы жарыстарға тыңғылықты дайындығы және оқу-жаттығу жиындарына қатысу барысы талқыланды.Фото: Қызылорда облысының дене шынықтыру, спорт және туризм басқармасы

Әйелдер күресінен өткен ҚР чемпионатында спортшылар бір алтын, бір қола медаль жеңіп алды

<a href="https://kyzylorda-news.kz/">Kyzylorda-news.kz</a> Алматыда «Елге Көмек» қайырымдылық қорының жетекшісі Ілияс Сариев ұсталды, деп хабарлайды<a href="https://el.kz/qazaqstanda-qayyrymdylyq-qorynyn-tagy-bir-basshysy-ustaldy_400019805/"> El.kz </a>ақпараттық агенттігі.Бұл туралы ақпарат әлеуметтік желіде тараған еді. Алматы полициясы жағдайға қатысты түсініктеме берді.<blockquote>Алмалы аудандық полиция бөлімі алаяқтық фактісі бойынша қылмыстық іс қозғады. Жан-жақты және объективті тергеуге бағытталған бірқатар жедел-іздестіру шаралары жүргізілуде. Оның қорытындысы бойынша процессуалдық шешім қабылданатын болады, – деді департамент баспасөз қызметі.</blockquote>Фото: Әлеуметтік желіден

Қайырымдылық қорының тағы бір басшысы ұсталды

<a href="https://kyzylorda-news.kz/">Kyzylorda-news.kz</a> &nbsp;Қазалы ауданының тұрғыны Арал Әбдібаев &nbsp;негізгі мамандығымен қоса кәсіпті алып жүруге болатынын дәлелдеп жүрген жан.Арал Ардагерұлының негізгі мамандығы математика пәнінің мұғалімі. Он жылдан бері Жалаңтөс ауылында ұстаздық қызметін атқарып жүр. Келіншегі Ақбота да педагогика саласында білім алған. Алайда мамандығы бойынша жұмыс табылмаған соң жұбайының бастамасымен отбасылық кәсіпті бастайды.Әбдібаевтар отбасы алғашында 2018 жылы ауылында азық-түлік дүкенін ашады. Кәсіптің қыр-сырына қаныға жүріп, өнім шығарып көрмек болады.<img src="https://knadmin.beoblood.kz/uploads/azalyly_k_sipker_5f1c7093c2.jpg" alt="Қазалылық кәсіпкер.jpg"><blockquote>«Жоғары оқу орнын Алматыдан бітірдім. Студенттік күндерде білім алумен қатар кондитерлік цехта жұмыс істеп, тәжірибе жинаған едім. Сол қабілетім кәдеге асты. Өнім шығару мәселесін талқылағанда тәтті торттар пісіруді қолға алдым», - дейді кәсіпкердің жары Ақбота Ақылжанқызы.</blockquote>Торттары мен тоқаштары ауыл тұрғындарының көңілінен шығып, сұранысқа ие болады. Таратуда ауылмен шектеліп қалмай, аудан орталығындағы дүкендерге де ұсынады. Бұл ретте логистика жағынан ауылдарының аудан орталығына жақын орналасуы қолайлы жағдай туғызады. Осылайша Әбдібаевтар әулеті отбасылық кәсіпті жандандырып, 2021 жылы Әйтеке би кентінен жалға ғимарат алып, ұннан жасалған тәтті өнімдер шығаруға толықтай бет бұрады.<blockquote>«Аудан орталығында кәсібіміз жақсы жүре бастады. Сұраныс артты. Өнім саны мен түрлерін көбейту үшін кәсіби құрал-жабдықтар қажет екеніне көзіміз жетті. Кәсіпкерлікті қолдауға арналған бағдарламалармен танысу барысында «Қызылорда» Өңірлік инвестициялық орталығы арқылы беріліп жатқан несиелердің талабы көңілімізден шықты. Өтініміміз жылдап қаралып, аз ғана уақыттың ішінде аз пайызбен 8,4 млн теңге несие алдық», - дейді кәсіпкер Арал Әбдібаев.</blockquote><img src="https://knadmin.beoblood.kz/uploads/1_azalyly_k_sipker_f9ed89ada4.jpg" alt="1 Қазалылық кәсіпкер.jpg">Жас кәсіпкер алған несиесіне тоңазытқыш, мұздатқыш, кондитерлік өнімдерді әзірлеу арналған құралдар мен витриналар алған. Кәсіпкер өндірістік мақсатта алынған қаржы жұмыс қарқынын арттырғанын айтады. Бұрын тәулігіне 20 торт әзірленсе, бүгінде кемі 40 торт жасайтындарын жеткізді. Нәтижесінде жаңадан жұмыс орнын ашып, 2 адамды жұмыспен қамтып отыр.<blockquote>«Бүгінде кондитерлік цехымызда 8 адам жұмыс істеп жатыр. Алдағы уақытта шығаратын өнімдердің түрлерін арттырып, кәсіптің ауқымын кеңейтуді жоспарлап отырмын», - дейді жас кәсіпкер.</blockquote><img src="https://knadmin.beoblood.kz/uploads/2_azalyly_k_sipker_13b135ff30.jpg" alt="2 Қазалылық кәсіпкер.jpg">Арал Әбдібаев отбасылық кәсіпті жолға қоюға мүмкіндік берген мемлекеттік бағдарламаға, оны жүйелі жүргідіп отырған «Қызылорда» Өңірлік орталығына алғысын білдіруді де ұмытпады.«Қызылорда» Өңірлік инвестициялық орталығының баспасөз қызметі

Қазалылық кәсіпкер: Өңірлік орталық отбасылық кәсіпті дамытуға мүмкіндік берді

<a href="https://kyzylorda-news.kz/">Kyzylorda-news.kz</a> «Заң мен тәртіп» қағидасы аясында және ҚР ҚМА төрағасы Ж.Элимановтың бастамасымен Қызылорда облысы бойынша Экономикалық тергеп-тексеру департаментінің ұйымдастыруымен Болашақ университетінің базасында қаржылық қауіпсіздік бойынша ерекше форматта &nbsp;шара өтті.Шараның мақсаты – жастар арасында қаржылық сауаттылықты арттыру, дропперлік қылмыс, қаржылық пирамида секілді алаяқтық әрекеттердің алдын алу және оларға қарсы күрес дағдыларын қалыптастыру болды.Жиын барысында департамент басшысы Аслан Кеңес студенттерге қаржы алаяқтарының әрекет ету әдістері, дроппер болудың салдары, қаржылық пирамидалардың белгілері мен олардан сақтану жолдары туралы кеңінен ақпарат берді. Сонымен қатар, интерактивті ойындар мен практикалық тапсырмалар арқылы қатысушылар өз білімдерін сынап көріп, түрлі жағдаяттарда дұрыс шешім қабылдау дағдыларын шыңдады.Кездесу &nbsp;аясында арнайы викториналар мен ойындар ұйымдастырылып, үздік нәтиже көрсеткен қатысушыларға сыйлықтар берілді.Бұл іс-шара жастардың қаржылық мәдениетін қалыптастыруға, алаяқтықтың алдын алуға және қауіпсіз экономикалық орта құруға бағытталған маңызды қадамдардың бірі болды.

Қызылордада қаржылық қауіпсіздік бойынша шара өтті

<a href="https://kyzylorda-news.kz/">Kyzylorda-news.kz</a> &nbsp;«Qnet» қаржы пирамидасының құрылымдық бөлімшесін ұйымдастыру ісі бойынша үкім шығарылды.Тергеуді &nbsp;Қызылорда облысы бойынша экономикалық тергеп-тексеру &nbsp;департаменті жүргізді.Күдіктілер азаматтарды көп деңгейлі маркетингтік желі мен электронды коммерцияға инвестиция салуға, оның ішінде «QVI tripsaver» жалған саяхат карталарын және зергерлік бұйымдарды сатып алуға үгіттеген.Қатысушылардың салымдары 840 мыңнан 4 млн теңгеге дейін ауытқып, міндетті шарт ретінде басқа қатысушыларды тарту талап етілген.Нәтижесінде қаржы пирамидаға 51 адам қатысып, олар 63 миллион теңгеден астам қаражат салған.Сот шешімімен пирамида ұйымдастырушылары кінәлі деп танылып, 6 жылдан 7 жылға дейін бас бостандығынан айыру жазасы тағайындалды.Сот шешімімен 301 миллион теңге құны бар Астана қаласынан 7 пәтер және «Toyota Camry» автокөлігі тәркіленді.

Қызылордада «Qnet» қаржы пирамидасының ұйымдастырушылары сотталды

<a href="https://kyzylorda-news.kz/">Kyzylorda-news.kz</a> Кеше Қызылорда облысы ПД бастығы полиция полковнигі Ергешов Серік Жүрсінбайұлы Жедел кеңес өткізіп, 2025 жылдың І тоқсанын қорытындылады. Жиынға департамент бастығының орынбасарлары, басқарма, қала, аудан полиция бөлімдері басшылары және жеке құрам қатысты.Жиында жыл басынан ішкі істер органдары атқарған жұмыстың қорытындылары қаралды. Атқарылған жұмыс нәтижесінде құқық бұзушылықтар, оның ішінде қылмыстар, ауыр санаттағы қылмыс түрлері, бөтен мүлікті ұрлау, ұялы телефон ұрлығының және мал ұрлығының тіркелуі төмендеді.Қабылданған профилактикалық шаралардың нәтижесінде қоғамдық орындарда, көшелерде саласында жасалған қылмыстардың саны азайды.Бүгінгі департамент бастығының төрағалығымен өткен кеңесте атқарылған жедел – қызметтік жұмыстың қорытындысы мен жеке құрам арасындағы тәртіптің, заңдылықтың және сыбайлас жемқорлыққа қарсы іс – қимылдың жай – күйі талқыланды. Сондай – ақ, Мемлекет басшысы мен ішкі істер министрінің қылмысқа қарсы күрес бойынша берілген тапсырмалары да кеңінен түсіндірілді. Жедел кеңес барысында біраз сын айтылып, түйткілді мәселелер тілге тиек етілді.«Жеке құрам арасындағы заңдылық пен тәртіпті сақтау, сыбайлас жемқорлық сипатындағы әрекеттердің алдын алу, анықтау жұмыстары ерекше назарда.Күн тәртібінен түспейтін мәселенің бірі – сыбайлас жемқорлықпен күрес. Сыбайлас жемқорлықтың туындауына ықпал ететін себептерді анықтау және жою үшін сыбайлас жемқорлық тәуекелдеріне талдау жасауға баса назар аударылып отыр. Қазіргі қазақстандық полицияның өзекті міндеті қолжетімділік пен ашықтықты арттырып, тұрғындармен кері байланыс орнату. Өз кезегінде, полицияның ашықтығы сыбайлас жемқорлықпен күресте негізгі қағидаттардың бірі болып отыр.Ең бастысы қабылданған шаралардың нәтижесінде сыбайлас жемқорлық сипатындағы қылмыстарға жол берілген жоқ» деді департамент бастығы.Кеңес барысында Серік Жүрсінбайұлы «Заң және тәртіп» қағидатын орнықтыру, кез келген құқық бұзушылыққа мүлдем төзбеушілік жағдайын қалыптастыру мақсатында жүргізіліп жатқан жұмыстарға жіті тоқталды.Оның ішінде тұрмыстық зорлық-зомбылыққа қарсы күрес, жол қауіпсіздігі, есірткі қылмысы, экстремизмге қарсы іс-қимыл жұмыстары, алаяқтық, киберқылмысқа қарсы күрес бағытындағы шараларына тоқталды.Жалпы қазіргі уақытта жол қауіпсіздігі өзекті мәселелердің бірі. Талдау көрсеткендей, көлік оқиғаларының басты себебі жылдамдықты арттыру, қарсы бағытқа шығу, автокөлікті мас күйде басқару. Полиция департаментімен жол – көлік оқиғаларының алдын алу мақсатында оңды шаралар қолға алынып отыр.Өңірімізде жыл басынан жол қозғалысын бұзудың 58 мың дерегі анықталып, автокөлікті мас күйде басқарған 188 жүргізуші ұсталып, көлік құралын жүргізу құқығынан айырылды.Жол-көлік оқиғасының алдын алу мақсатында күнделікті талдаумен осал жерлер нарядпен тығыздалды. Тұрақты және үздіксіз жедел-профилактикалық іс-шаралар ұйымдастырылып, жүргізілуде.Осы ретте Департамент бастығы тиісті қызмет басшыларына жол – көлік оқиғаларының алдын алу шараларын күшейтуді тапсырды.Фото: Qyzylorda PD<blockquote>«Мемлекет басшысы «Заң және Тәртіп» қағидатын қамтамасыз ету жөнінде бірқатар нақты тапсырмалар берді. Қоғамда әділдік пен тәртіп орнату үшін құқық қорғау органдарының қызметкерлеріне үлкен жауапкершілік жүктеліп отыр. Сондықтан да халыққа адал қызмет ету, азаматтардың өтініштеріне уақтылы және сапалы жауап беру, құқықбұзушылыққа мүлдем төзбеушілік қағидатын қалыптастыру, олардың заңды мүдделерін қорғау және құқықтық тәртіпті сақтауға біз міндеттіміз. Ел тыныштығын қамтамасыз ету бағытында жаңа мақсаттар мен оң нәтижелерге қол жеткізу жолдарын бірлесе қарастыруымыз керек» деді С.Ергешов.</blockquote>Кеңес қорытындысы бойынша департамент бастығы полиция полковнигі Ергешов Серік Жүрсінбайұлы жедел-қызметтік жұмыстарды қорытындылап, алдағы уақытта бұл жұмыстардың тиімділігін арттыру бойынша нақты шараларды белгіледі. Цифрлық технологиялар мен бейнебақылау мүмкіндіктерін белсенді пайдалануды; қылмыстарды, оның ішінде бұрын жасалғандарды ашу сапасын күшейтуді; жеке құрам арасында заң мен тәртіпке ерекше назар аударуды тапсырды.

Қызылорда Бас полицейі бірінші тоқсанда атқарған жұмысты қорытындылады

<a href="https://kyzylorda-news.kz/">Kyzylorda-news.kz</a> «Заң мен тәртіп» қағидасы аясында және ҚР ҚМА төрағасы Ж.Элимановтың бастамасымен Қызылорда облысы бойынша экономикалық тергеп-тексеру департаменті өңірдегі жоғары оқу орындарының студенттерімен жиын өткізді. Шараға 700 жас қатысты.Кездесудің &nbsp;мақсаты – жастар арасында заңсыз қаржылық әрекеттерге, соның ішінде «дроппер» ретінде қолданылуға жол бермеу, құқықтық сауаттылықты арттыру және студенттерді белсенді азаматтық ұстанымға шақыру.«Дроппер» дегеніміз – өз дербес деректерін немесе банк шоттарын үшінші тұлғаларға беріп, алаяқтық схемаларға бейсаналы түрде қатысатын тұлға.&nbsp;Кездесу барысында департамент басшысы Аслан Кеңесұлы арнайы дәріс оқып, жастарға қауіпсіздіктің алдын алу, &nbsp;мұндай әрекеттердің заң алдындағы жауапкершілігі жайында түсіндірме жұмыстарын жүргізді. Сонымен қатар, студенттер арасында қаржылық мониторинг агенттігінің бастамасымен өткізілетін республикалық олимпиадаға қатысуға шақырды.Олимпиаданың мақсаты – жастардың қаржылық және құқықтық сауаттылығын арттыру, сыбайлас жемқорлық пен көлеңкелі экономикаға қарсы күресте белсенділік таныту.Кездесу барысында студенттер өз сұрақтарын қойып, пікірлерімен бөлісті. Іс-шара жоғары деңгейде өтті және жастар тарапынан қызығушылық тудырды.<img src="https://knadmin.beoblood.kz/uploads/korkyt_e743101084.jpg" alt="коркыт.jpg"><img src="https://knadmin.beoblood.kz/uploads/korkyt_e64e4fef96.jpg" alt="коркыт.jpg"><img src="https://knadmin.beoblood.kz/uploads/korkyt_0236dee55b.jpg" alt="коркыт.jpg"><img src="https://knadmin.beoblood.kz/uploads/korkyt_8076841247.jpg" alt="коркыт.jpg">

Құқықтық сауаттылықты арттыру – басты мақсат

<a href="https://kyzylorda-news.kz/">Kyzylorda-news.kz</a> Бас прокурордың орынбасары Ғалымжан Қойгелдиев «Қызыл кітапқа» енген қызғалдақтарды жұлған Шымкент қаласының тұрғынына қатысты пікір айтты.Бұл ретте ол қызғалдақты жұлған әйелдің айыппұлды нақты қашан төлейтіні туралы хабарсыз екенін жеткізді.<blockquote>- Бұл кейінірек белгілі болады. Бір айтарым, қатал болғанымен, заң талаптары бар. Егер адам заңды бұзса, айыппұл салынады. Егер адам заңды бұзбаса, айыппұл салынбайды, - деді Ғалымжан Қойгелдиев Сенатта тілшілер сұрағына жауап бере отырып.</blockquote>Осы орайда басқа елдерде де осындай қатал талаптар бар екенін еске салды.<blockquote>- Біз көбінесе дамыған елдерді мысалға аламыз. Сингапурда адам темекі шегіп, тұқылын лақтырып жіберсе, ірі көлемде айыппұл салынады. Швецияда, Швейцарияда, Францияда, Германияда қылмыстық істердің 90 пайызында айыппұл салады және оған қоса қылмыстық жауапкершілік бар. Егер адам ұрлық жасаса, 6-7 жылға бас бостандығынан айырылады, үстіне айыппұл салынады, - деді Бас прокурордың орынбасары.</blockquote>Фото: Түркістан облысы полиция департаменті

Бас прокуратура: Заңды бұзса, айыппұл салынады

<a href="https://kyzylorda-news.kz/">Kyzylorda-news.kz</a> Ғылымы жоқ елдің болашағы бұлыңғыр. Сол себептен кез келген елде ғылым келешектің кілті іспеттес. Атаулы дата 2012 жылдан бері аталып келеді. Бұл күннің бекер таңдалмағаны белгілі. Себебі 12 сәуір - Ғылым академиясының тұңғыш Президенті, көрнекті ғалым-геолог Қаныш Сәтбаевтың дүниеге келген күні. Мереке қарсаңында Қорқыт ата атындағы ҚУ Ғылым департаментінің директоры Наргүл Сақтағанова, Қорқыт ата атындағы Қызылорда университетінде профессор, филология ғылымдарының кандидаты Ғабит Тұяқбаев, ауылшаруашылық ғылымдарының кандидаты, доцент, Қызылорда ашық университетінің Академиялық мәселелер жөніндегі проректор, экономика ғылымдарының кандидаты Айгүл Әлібекова, Қызылорда ашық университетінің Ғылым басқармасының басшысы, техника ғылымдарының кандидаты Нұржамал Сайлаубекова мерекенің маңызын айтып, ғылым туралы ой-пікірімен бөлісті.<blockquote>- Университетте ғылыми жетістіктер жетерлік. Жалпы, ғылым ізіне түскен ғалымдарымызға жағдай жасалған, қолдау бар. Ғалымдарымыздың бірнеше мақалалары әлемдегі ең ірі ғылыми деректер қоры және библиографиялық мәліметтер базасы “Scopus” - қа шықты. Одан бөлек те, базаларда мақалаларымыз жарық көрді. Ғалымдардың осындай жетістіктеріне бізде қаржылай сыйақы қарастырылған. Себебі еңбек, ғылым бағалануы керек. Алдағы уақытта да ғылыми жетістіктерімізбен қуантамыз деген ниеттеміз,- деді Наргүл Аманқызы.</blockquote>Онан соң Ғабит Әнешұлы қазіргі таңда жүргізіліп жатқан жоба туралы йтып берді.<blockquote>- Қазіргі жүргізіп жатқан жобамыз “Шетелдегі қазақ топонимикалық аңызы. Қазақтың жер-су атауларына байланысты аңыздар. Сондықтан мұны халықаралық жоба деп те айтуға болады. Біз Ресейдегі, Моңғолиядағы топонимикалық аңыздарды жинадық. Ендігі жоспар Қытайдағы топонимикалық аңыздарды жинау. Көршілес жатқан елдерде қазаққа қатысты қандай тарих бар, қандай әдебиет бар біз соны іздеуіміз керек. Абай “үш нәрсеге тереңіне бару қиын” дейді. Біріншісі дін, екіншісі ғылым, үшіншісі су. Үшеуінің де тереңіне бару оңай емес. Сондықтан бізге де ғылымда жаңалық ашып тастадық деу қиын. Қолымыздан келгенше жұмыс жасап жатырмыз,- деді Ғабит Әнешұлы.</blockquote>Қызылорда ашық университетінде экологиялық зерттеулер мен су ресурстарын қорғау және жер асты суларының қорларын толықтыру мәселелеріне ерекше назар аударылады. Бұл зерттеулер біздің өңіріміз үшін ғана емес, бүкіл Қазақстан үшін де маңызды. Себебі адам өмірінің түрлі салаларын сумен қамтамасыз ету үшін жер асты суларына ерекше рөл бөлінеді. Жер асты сулары әлемдегі тұщы су қорының шамамен 30 пайызын құрайды.<blockquote>- Бүгінде біздің ғалымдарымыздың еңбектері халықаралық деңгейде мойындалып отыр. Олардың ғылыми мақалалары Scopus, Web of Science сияқты беделді шетелдік деректер базаларында жарияланып, жоғары бағаланып жатыр. Бұл – отандық ғылымның дамуы мен әлемдік ғылыми қауымдастыққа қосқан үлесінің бір айғағы. Ғылым – бұл елдің стратегиялық дамуының негізі. Ғылыми зерттеулер мен жаңалықтар арқылы ғана біз болашаққа сенімді қадам жасай аламыз,- Айгүл Бекқожақызы.</blockquote>Спикердің айтуынша университет ғалымдары күрішті өсіру және жинау сапасын жақсарту бойынша зерттеулер жүргізуде. Себебі күріш өсірудің технологиялық тізбегінің ең күрделі және маңызды буындарының бірі-егін жинау.<blockquote>- Қазақстан Республикасында азық-түлік қауіпсіздігін қамтамасыз ету және жоғары сапалы күріш өсіру жөніндегі талаптарды арттыру астық жинау техникасының жаңа буынын құруды талап етеді. Бұл маңызды міндетті күріш өсіруге арналған машиналардың заманауи технологиялары мен кешендерін енгізу жолымен шешу жоспарланып отыр, бұл өнім сапасын одан әрі жақсартуды, сондай-ақ барлық астық жинау техникасының техникалық-экономикалық көрсеткіштерін барынша орындауды қамтамасыз етеді. Біздің университет ғалымдарының ғылыми зерттеулері өңірдегі ауыл халқының әлеуметтік және экономикалық жағдайын жақсартуға бағытталған,- деді Нұржамал Сайлаубекқызы.</blockquote>Фото: Өңірлік коммуникациялар қызметі

12 сәуір – Ғылым қызметкерлерінің күні

<a href="https://kyzylorda-news.kz/">Kyzylorda-news.kz</a>&nbsp; Қаржы сарапшысы Гүлнұр Нұрланқызы “декретке миллионмен” шығатын аналарға қатысты пікір білдірді, деп хабарлайды <a href="Kyzylorda-news.kz ">BAQ.KZ</a>Ең алдымен декреттік ақша мемлекеттің бюджетінен төленбейтінін түсініп алуымыз керек. Ол Мемлекеттік әлеуметтік сақтандыру қорынан төленеді. Біз барлығымыз – кәсіпкерлер, жұмыс істейтін азаматтар осы қорға әлеуметтік төлем аударымын жасап отырамыз. Ол бұған дейін 3,5% болған, енді 2025 жылдан бастап 5% болды. Осыны аударып отыру арқылы біз жылдар бойы ақша қорын жинадық. Оған қаржыны тек әйелдер ғана емес, ерлер де аударды. Енді осы бәріміз аударған ақшадан болашақ аналарға декреттік төлем төленеді, - деп айтты ол.Сарапшы сөз арасында қоғам талқысына үскен “декретке миллионмен” шығатын аналарға қатысты пікір білдірді.<blockquote>Егер шынымен заң бұзған болса, онда әйелдерге декреттік төлем тағайындалмауы керек еді. Жалпы декреттік төлем қалай есептеледі? Жетінші айға жеткенде дәрігер болашақ анаға еңбекке жарамсыздық парағын жазып береді. Оны Халыққа қызмет көрсету орталғына өткіземіз. Әрі қарай оны тағы бірнеше меморган тексереді. Сөйтіп 30 жұмыс күнінен соң төлем тағайындалады. Енді осы 30 күн бойы тексеріп, заң бұзушылықты таба алмай, бірақ соған қарамастан төлемді алған аналарға күйе жағып, іс қозғап жатыр? Менің ойымша, бұл – қате. Керісінше, осындай оқиғалар болмауы үшін заңды қарау керек еді. Иә, жалған құжат жасағандар, табысын асырып көрсеткендер болған шығар. Бірақ халықтың бәрі жаппай сондай емес, - деп санайды Гүлнұр Нұрланқызы.</blockquote>Сарапшы ана мен балаға жағдай жасау керегін атап өтті. Ол елімізде бала туу көрсеткіші айтарлықтай жоғары емес дейді.Аналарға жағдай жасау керек. Бала туып отырған аналарға босануына байланысты қосымша 1 млн теңге бөлінсе де артық болмайтын еді. Алайда бізде ондай ақша жоқ, оны беріп жатқан да ешкім жоқ. Тіпті баланың 1,5 жасқа толғанға дейінгі төлемі бір балаға 22 мың теңге. Қазіргі заманда 22 мың теңгеге не істеуге болады? Сондықтан аналар осындай қадамдарға баруға мәжбүр болады. Бәрі баласының жағдайын ойлайды, уайымдайды, - дейді ол.Сарапшы сөз соңында аналарға қосымша жәрдемақы төлеу артық етпейтінін айтты.Фото: &nbsp;freepik.com

Аналарға қосымша жәрдемақы беру керек – сарапшы

<a href="https://kyzylorda-news.kz/">Kyzylorda-news.kz</a> Қызылордада ҚР Президентінің кеңесшісі Мәлік Отарбаевтың, облыс әкімі Нұрлыбек Нәлібаевтың қатысуымен «Ұлттық құрылтай: алдағы мақсаттар мен міндеттер» атты дөңгелек үстел өтті.Аймақ басшысы өңірдің әлеуметтік-экономикалық даму барысына тоқталып, Ұлттық құрылтайдың кезекті отырысын 2026 жылы Сыр өңірінде өткізудің маңыздылығын атап өтті.<blockquote>«Жақында ғана Бурабайда өткен Ұлттық құрылтайда Мемлекет басшымыз Қасым-Жомарт Кемелұлы құрылтайдың келесі 5-ші отырысын Сыр бойында, кезінде Қазақ елінің астанасы болған Қызылорда қаласында өткізуді ұсынды. Алқалы жиында қабылданған тарихи шешім аймақ жұртшылығының мерейін асқақтатты. Президентіміз халқымыздың «қазақ» деген байырғы атауы қайтарылған, тарихи әділдік орнаған Қызылордадағы маңызды оқиғалар ел жадында сақталуға тиіс екенін атап өтті. Бұл – біз үшін зор мәртебе, Президентіміздің өңірімізде атқарылып жатқан жұмыстарға берген оң бағасы деп білеміз», - деді Н.Нәлібаев.&nbsp;</blockquote>Мемлекет басшысының, Үкіметтің ерекше қолдауымен Сыр өңірі байыпты бастамалардың, жасампаз жобалардың ордасына айналды. Өңір барлық негізгі макроэкономикалық көрсеткіштер бойынша республикада алдыңғы қатарда. Облыс бюджеті 750 млрд теңгеден асты. Осыдан үш жыл бұрын 364 млрд теңге болатын. Бірлескен жұмыстың нәтижесінде өсім 206 пайызды құрады. Бұл ауқымды қаражат ең өзекті деген мәселелерді шешуге, тұрғындардың өмір сүру сапасын жақсартуға және ауқымды инфрақұрылымдық жобаларды іске асыруға бағытталды. Мемлекет басшысының тікелей қолдауымен Қызылорда қаласында 215 млрд. теңгеге қуаттылығы 240 мегаваттық жаңа жылу-электр орталығы салынуда. Бүгінде инвестор «Акса Энерджи» түрік компаниясы құрылысқа 137 млрд. теңгеден астам инвестиция құйып, жұмыстың 70 пайыздан астамын аяқтады. Қыркүйек айында аймақ үшін ерекше маңызы бар нысан ел игілігіне беріледі. Президент тапсырмасына сәйкес, оңтүстік өңірлерде электр энергиясының тапшылығын болдырмау мақсатында Катарда өткен үкіметаралық келісім шеңберінде қуаттылығы 1100 МВт, құны 892 млрд теңге болатын бу-газ қондырғысын салу келісілді. Мегажоба 2028 жылы толығымен іске қосылады деп жоспарлануда.Жиында ҚР Президентінің кеңесшісі Мәлік Нұржанұлы сөз сөйледі. Қазақстанның Еңбек Ері Абзал Ералиев, Қазақстанның еңбек сіңірген қайраткері, Ұлттық ғылым академиясының академигі, Ұлттық құрылтай мүшесі Қылышбай Бисенов, Қорқыт ата атындағы Қызылорда университетінің ректоры Бейбіткүл Кәрімова, көпбейінді қалалық аурухананың бас дәрігері Нуридин Амитов, «Анаға тағзым» орталығының директоры Алтынай Молжанова пікір білдірді.<img src="https://knadmin.beoblood.kz/uploads/Whats_App_Image_2025_04_11_at_10_45_52_2ef1a17c9f.jpeg" alt="WhatsApp Image 2025-04-11 at 10.45.52.jpeg"><img src="https://knadmin.beoblood.kz/uploads/Whats_App_Image_2025_04_11_at_10_45_53_5b8d0dc324.jpeg" alt="WhatsApp Image 2025-04-11 at 10.45.53.jpeg">Фото: Қызылорда облысы әкімінің баспасөз қызметі

«Ұлттық құрылтай: алдағы мақсаттар мен міндеттер» атты дөңгелек үстел өтті

<a href="https://kyzylorda-news.kz/">Kyzylorda-news.kz</a> Облыс орталығындағы №290 орта мектепте Ұлттық құрылтайдың IV отырысында айтылған Президент тапсырмаларын жүзеге асыру мәселесі бойынша Қазақстан Республикасы Президентінің кеңесшісі Мәлік Отарбаев білім саласы өкілдерімен кездесті.Жиынға &nbsp;сала ардагерлері, білім басқармасы мен бөлімінің мамандары, мектеп директорлары, ұстаздар шақырылды.&nbsp;Жиын барысында облыс әкімінің орынбасары Шахмардан Байманов Мемлекет басшысының, Үкіметтің ерекше қолдауы мен аймақ басшысы Нұрлыбек Машбекұлының тікелей бастамасымен білім саласы бойынша өңірде атқарылған жұмыстарға тоқталып өтті.Президент кеңесшісі өз сөзінде 2026 жылы Ұлттық құрылтайдың V отырысының Сыр елінде ұйымдастырылатынын ерекше атап өтті.&nbsp;<blockquote>«Алашқа ана атанған Сыр өңірінде мұндай ауқымды жиынның өтуі – айрықша жауапкершілік. Бұл – еліміздің болашағын айқындайтын, елдік мүддені биікке көтеретін алаң», – деді Мәлік Нұржанұлы.</blockquote>Кездесу барысында білім беру мазмұнын жаңғырту, жас ұрпақты жаһандық өзгерістерге бейімдеу, ұлттық құндылықтар негізінде тәрбие беру мәселелері де қозғалды.&nbsp;Жиын соңында педагогтер өз ұсыныстарын білдіріп, саладағы түйткілді мәселелер төңірегінде пікір алмасты.Фото: Өңірлік коммуникациялар қызметі

Архив