<a href="https://kyzylorda-news.kz/">Kyzylorda-news.kz</a> Әнші Димаш Құдайберген 26 мамырда туған күніне орай фан-кездесу өткізетінін мәлімдеді, деп хабарлайды <a href="https://baq.kz/dimash-qudaybergen-manyzdy-malimdeme-zhasady-200011484/">BAQ.KZ.</a>Кездесу Almaty Arena стадионында "D and Dears" деген атпен ұйымдастырылады. Ол "Stranger" концертінің кинотеатрларға шығуына орайластырылмақ.Менің шығармашылығыма арналған шоуды, қазақстандық әртістердің қатысуымен, әртүрлі сұрақтарға жауаптарыңызды алып, жаңа әндердің премьералары мен бейнебаяндарын да қатар тамашалай аласыздар, – деп жазды әртіс әлеуметтік желіде.Оның айтуынша 27 мамырдан бастап Астанада өткен Stranger шоуы 5.1 көлемді дыбыспен және қатысу эффектісімен үлкен экрандарда елімізде алғаш рет кинотеатрларда көрсетіледі.Фото: Жеке инстаграм парақшадан

Димаш Құдайберген маңызды мәлімдеме жасады

<a href="https://kyzylorda-news.kz/">Kyzylorda-news.kz</a> &nbsp;ҰБТ-ға өтініштерді қабылдау 12-25 сәуір аралығында жүзеге асырылады, оның ішінде 12-18 сәуір аралығында бір рет өтініш беруге, 19-25 сәуір аралығында бір немесе екі рет өтініш беруге болады. Бұл туралы ҚР ҒБЖМ Ұлттық тестілеу орталығы мәлім етті, деп хабарлайды <a href="https://baq.kz/ubt-ga-otinish-qabyldau-bastalady-200011496/">BAQ.KZ.</a>Тестілеудің өзі 16 мамырда басталып, 5 шілдеге дейін жалғасады. Талапкерлер негізгі ҰБТ-ны екі рет тапсырып, ең үздік нәтижемен грант конкурсына қатыса алады.ҰБТ-ға қатысу үшін Ұлттық тестілеу орталығының app.testcenter.kz сайты немесе UTO.kz қосымшасы арқылы өтініш беруге болады. Талапкерлер тестілеу күнін, уақытын және пунктін өздері таңдайды. Бұл ретте олар екі мүмкіндік үшін бейіндік пәндердің бір ғана комбинациясын белгілейді.Талапкерлердің негізгі ҰБТ-ға дайындығын жақсарту мақсатында енгізілген әр пән бойынша жеке тақырыптық талдау бар. Яғни, әр ҰБТ-дан кейін (қаңтар, наурыз) түлектерге жеке тақырыптық талдау бойынша білімдерін арттыру ұсынылады. Сонымен қатар, бірінші мүмкіндікті тапсырғаннан кейін олар екінші мүмкіндікке дейін дайындықтарын жақсарта алады. Одан бөлек, онлайн байқау сынақтары іске қосылған. Оқу жылының басында ҰТО сайтында тест тапсырмалары құрастырылған оқулықтар тізімі мен тест жоспары; «Қазақстан тарихы» және «Дүниежүзі тарихы» пәндері бойынша 100 тарихи дата тізімі; «Информатика» пәнінен терминдер тізімі; «Қазақ әдебиеті» және «Орыс әдебиеті» бойынша әдеби шығармалар тізімі жарияланды.ҰБТ-дағы пәндердің саны өзгеріссіз қалады, яғни үшеуі міндетті және екеуі таңдау бойынша. ҰБТ тапсырмалар саны – 120. Оның ішінде «Қазақстан тарихынан» 20 тапсырма, «Оқу сауаттылығынан» 10 тапсырма, «Математикалық сауаттылықтан» 10 тапсырма және екі бейіндік пән бойынша 40 тапсырмадан. Жоғары балл – 140. Тестілеу уақыты – 4 сағат (240 минут). Бұл ретте ерекше білім беру қажеттіліктері бар балалар үшін ұсынылатын қосымша 40 минут уақыт сақталатынын айта кету керек.Академиялық адалдықты қамтамасыз ету мақсатында ҰБТ-ға қатысушы әрбір адамға жеке жасалған тест нұсқасын алады. Емтихан кезінде тестілеу бағдарламасында калькулятор, химиялық элементтердің периодтық жүйесі және тұздардың ерігіштік кестесі қолжетімді болады. Сонымен қатар талапкерлерге ыңғайлы болу үшін кестелердің қағаз нұсқалары да беріледі.Апелляцияны тестілеу аяқталғаннан кейін 30 минут ішінде беруге болады. Сертификат апелляция қаралғаннан кейін тестіленушінің жеке кабинетінде қолжетімді болады.Шекті балдар өзгеріссіз қалды: «Құқық» және «Педагогикалық ғылымдар» бағыттарына түсу үшін кемінде 75 балл, «Денсаулық сақтау және әлеуметтік қамтамасыз ету (медицина)» үшін кемінде 70 балл жинау қажет; ұлттық жоғары оқу орындарына түсу үшін кемінде 65 балл, басқа жоғары оқу орындарына түсу үшін кемінде 50 балл жинау қажет.Қауіпсіздікті қамтамасыз ету және бұзушылықтардың алдын алу мақсатында тестілеуге кіре берісте тыйым салынған заттарды, мысалы, телефондарды, шпаргалкаларды және т.б. алып кіруге жол бермеу үшін қол және рамалық металл іздегіштер қолданылады.Тестілеу аудиторияларында рұқсат етілген магниттік толқындар шегінде мобильді және радиоэлектронды байланыс сигналдарын басатын құрылғылар пайдаланылады, сондай-ақ бейнебақылау жүргізіледі.2025 жылғы ҰБТ аяқталғаннан кейін күнтізбелік жылдың 31 қазанына дейін бейнежазбаларға талдау жүргізіледі. Тыйым салынған заттарды пайдалану немесе басқа да ережелерді бұзу фактілері анықталған жағдайда, талапкердің ҰБТ нәтижелері жойылады.Фото: Нұрболат Нұржаубай

ҰБТ-ға өтініш қабылдау басталады

<a href="https://kyzylorda-news.kz/">Kyzylorda-news.kz</a> "Қазгидромет" РМК баспасөз қызметі 12-14 сәуір күндеріне арналған ауа райы болжамын жариялады, деп хабарлайды <a href="https://baq.kz/zhanbyr-qar-zhane-ayaz-kun-rayy-kurt-ozgeredi-200011525/">BAQ.KZ.</a>Синоптиктердің болжамынша, атмосфералық фронттардың өтуімен елдің басым бөлігінде ауа райы тұрақсыз болады, жаңбыр, найзағай, бұршақ жаууы мүмкін, түнде елдің солтүстік-батысында, солтүстігінде жауын-шашын (жаңбыр, қар) болады.<blockquote>Қатты жауын-шашын (жаңбыр, қар) 12 сәуірде Қостанай, 13-14 сәуірде Ақмола, 14 сәуірде Павлодар, Қарағанды, Шығыс Қазақстан, Алматы, Абай, Жетісу облыстарында, 14 сәуірде Ұлытау облысында болады деп болжанып отыр. Республика бойынша тұман күтіледі. 12 сәуірге қараған түні Батыс Қазақстан, Атырау, 12-14 сәуірде Ақтөбеде, 13-14 сәуірде Қостанай, Ақмола, Солтүстік Қазақстан облыстарында 1-3 градус аяз болады, - делінген "Қазгидромет" хабарламасында.</blockquote>Күндіз температуралық фон:<ul><li style="text-align:justify;">елдің батысында 13-20-дан 17-23-ке дейін көтеріледі;</li><li style="text-align:justify;">оңтүстік-батыста 15-20-дан 22-27-ге дейін көтеріледі;</li><li style="text-align:justify;">солтүстік-батыста 8-15-тен 12-20-ға дейін көтеріледі;</li><li style="text-align:justify;">солтүстікте, орталықта 20-25-тен 10-15-ке дейін төмендейді;</li><li style="text-align:justify;">шығыста 23-29-дан 12-20-ға дейін төмендейді;</li><li style="text-align:justify;">оңтүстікте 28-33-тен 23-28-ге дейін төмендейді;</li><li style="text-align:justify;">оңтүстік-шығыста 23-33-тен 18-25-ке дейін төмендейді.</li></ul>Фото: freepik.com

Жаңбыр, қар және аяз: Күн райы күрт өзгереді

Арал ауданында көктемгі егін егу науқаны жоспарға сай жүзеге асырылып, дала жұмыстары жүйелі түрде жалғасуда. Қазіргі таңда ауылдық округтерде жер жырту жұмыстары қарқын алып, шаруалар бірлесіп еңбек етуде.Атап айтқанда, Сексеуіл кентінде жеке кәсіпкер А. Боханов өз иелігіндегі егістік алқапта жер жыртып, көктемгі егіске дайындықты бастап кетті. Ал Аманөткел ауылдық округінде жеке кәсіпкер Е. Төреханов өзінің техникаларын жұмылдырып, белсенді жұмыс жүргізуде. Сондай-ақ Жетес би ауылдық округінің тұрғындары да ұйымшылдық танытып, бірігіп көктемгі дала жұмыстарына кірісті.Бұл жұмыстар егін егумен ғана шектелмейді. Ауыл тұрғындары алдағы уақытта бақшалық дақылдар егу мақсатында да жер дайындауды жоспарлап отыр.Бүгінгі күнге дейін аудан көлемінде жалпы 212 гектар жер жыртылып, бұл көрсеткіш күн санап ұлғайып келеді. Алдағы күндері де егістік алқаптарын жырту жұмыстары белсенді түрде жалғаспақ.Фото: Арал ауданы әкімдігі

Ауылдық округтерде көктемгі жер жырту жұмыстары қарқынды жүруде

<a href="https://kyzylorda-news.kz/">Kyzylorda-news.kz</a> Елімізде штелдік маркетплейстерге талап күшеймек. Бұл туралы Қаржы вице-министрі Ержан Біржанов мәлімдеді, деп хабарлайды <a href="https://baq.kz/endi-temu-pinduoduo-wildberries-tirkelmese-bugattaluy-mumkin-200011540/">BAQ.KZ тілшісі.</a>Сонымен қатар жаңа Салық кодексінде маркетплейстер арқылы сауда жасайтын тұлғалар жайлы деректер ашық көрсетіледі. Осы арқылы салық органдары кәсіпкерлердің қызметін қадағалап, есеп жүргізуді жеңілдетеді.Шетелдік маркетплейстерге де талап күшеймек. Егер олар Қазақстанда шартты тіркеуден өтпесе, бұғатталады. Бұл норма да жаңа кодекске енгізіліп отыр.Біржановтың айтуынша, 2024 жылдың 31 желтоқсанына дейін салық төлеушілердің қай режимде жұмыс істейтіні толық анықталып, үкімет қаулысымен бекітіледі.<blockquote>Қазіргі уақытта жеңілдетілген режимде – арнайы салық тәртібімен – жұмыс істеп жүргендердің басым бөлігі бұрынғыша сол тәртіпте қалады. Егер кімде-кім тыйым салынған қызмет түрлеріне кіретін болса (мысалы, лицензия немесе рұқсат талап етілетін қауіпті өнімдермен жұмыс істейтіндер), олар ҚҚС есептейтін тәртіпке көшеді, – деді вице-министр Мәжілістегі Қоғамдық палата отырысында.</blockquote>Фото: freepik.comhttps://kaz.inform.kz/news/ozon-wildberries-siyakti-marketpleystermen-sauda-zhasaytindar-nen-blu-kerek-99e43b/

Енді Temu, Pinduoduo, Wildberries тіркелмесе, бұғатталуы мүмкін

<a href="https://kyzylorda-news.kz/">Kyzylorda-news.kz</a> Meta компаниясы Instagram қолданушылары үшін жаңа қауіпсіздік шараларын енгізбек. Енді 16 жасқа толмаған жасөспірімдерге ата-анасының рұқсатынсыз тікелей трансляция жүргізуге тыйым салынады. Бұл туралы <a href="https://stan.kz/meta-kompaniyasi-instagram-zhelisinde-zhasospirimderdin-416334/">Stan.kz</a> ақпарат агентігі The Guardian басылымына сілтеме жасап хабарлайды.Енді 16 жасқа толмағандарға Instagram Live қызметін пайдалану үшін ата-анасының рұқсаты қажет болады.Қазіргі уақытта Instagram әлеуметтік желісіне&nbsp;әлем бойынша 54 миллион жасөспірім тіркелген. Мұндай&nbsp;шаралар алдымен АҚШ, Ұлыбритания, Австралия және Канадада жүзеге асырылады. Бұл Facebook Messenger-ге де әсер етеді.“Балаларға қатыгездіктің алдын-алу жөніндегі ұлттық қоғам”&nbsp;қайырымдылық ұйымы Метаның әрекетін құптап отыр. Олар зиянды контенттердің компания платформаларында таралуына жол бермеу керек дейді.<blockquote>"Өзгерістер тиімді болуы үшін олар зиянды контенттердің Instagram, Facebook және Messenger-де таралуына жол бермеуі керек", – деді балалардың онлайн қауіпсіздігі жөніндегі саясат жетекшісінің орынбасары&nbsp;Мэтью Совемимо.</blockquote>Өзгерістер Ұлыбританияда қабылданған интернет қауіпсіздігі туралы заңнан кейін енгізілді. 2025 жылдың наурыз айынан бастап барлық онлайн платформалар заңсыз контенттің таралуын болдырмау бойынша нақты шаралар қабылдауы тиіс. Мұндай контентке зорлық-зомбылық, алаяқтық және терроризм жатады. Сондай-ақ заңда балаларды өз-өзіне қол жұмсау және өзіне зиян келтіруге қатысты контенттен қорғауға арналған ережелер бар.Фото: Нұрболат Нұржаубай

Meta компаниясы Instagram желісінде жасөспірімдердің тікелей трансляция жүргізуіне тыйым салмақ

<a href="https://kyzylorda-news.kz/">Kyzylorda-news.kz</a> Мұнай бағасы құлдырай берсе, доллар 600 теңгеге дейін шарықтап кетпей ме? Ұлттық банк төрағасы Тимур Сүлейменов брифингте осы сұраққа жауап берді, деп хабарлайды <a href="https://baq.kz/tek-dayyndaluymyz-kerek-dollar-600-tengege-deyin-qymbattauy-mumkin-200011521/">BAQ.KZ</a> тілшісі.Егер мұнай бағасы күрт түссе, әрине біздің экономикамызға, мемлекеттік кірістерге, теңге бағамына әсер етеді. Ол сөзсіз. Бірақ оған біздің ықпалымыз жоқ. Оған біз тек дайындалуымыз керек және оған дайындалып жатырмыз, - деп айтты Сүлейменов.Журналистер “Ұлттық банктің, Үкіметтің болсын екінші жоспары жоқ па?” деген сұрақ қойды.<blockquote>Дәл қазір біздің ғимараттары Үкіметтің, Ұлттық экономика және Қаржы министрлігінің өкілдері отыр. Қазір соны дайындап жатырмыз. Макроэкономикалық модель өте жақсы. Сондықтан олар бізге келіп, “Б” немесе “С” жоспары сияқты ортақ жоспар құрып жатырмыз. Келесі аптада керек болса жариялаймыз, – деп жауап берді Ұлттық банк басшысы.</blockquote>Фото: freepik.com