<a href="https://kyzylorda-news.kz/">Kyzylorda-news.kz</a> Бүгін Қызылордадағы «Достық үйінде» «Сыр елі – достық мекені» атты республикалық Ассамблея жастары форумының пленарлық отырысы өтті.Форумға ҚР Парламенті Сенатының депутаты, жастар жанашырлары Нурия Ниязова, Ғылым және білім министрлігі Жоғары және жоғары оқу орнынан кейінгі білім комитеті төрағасының орынбасары Ақерке Абылайханқызы, «Ассамблея жастары» республикалық қоғамдық бірлестігінің төрағасы Тимур Жұмырбаев, барлық өңірден келген Ассамблея жастарының көшбасшылары қатысты.Аймақ басшысы Нұрлыбек Нәлібаев форум қатысушыларын Қазақстан халқы Ассамблеясының 30 жылдығымен құттықтап, басқосу жұмысына сәттілік тіледі.<blockquote>«Баршаңызды бірліктің ұйытқысы болып, еліміздегі этносаралық достық пен толеранттылықтың үлгісін әлемге танытқан Қазақстан халқы Ассамблеясының 30 жылдық мерекесімен шын жүректен құттықтаймын! Бүгін өздеріңізбен Қазақстан халқы Ассамблеясының 30 жылдығына арналған «Сыр елі – достық мекені» атты форумда жүздескеніме қуаныштымын!Президентіміз Қасым-Жомарт Кемелұлы: «Отаншылдық, адамгершілік, білімпаздық, нағыз маман болу, үнемшілдік, еңбекқорлық, ел мен жерге жанашырлық сияқты асыл қасиеттер бәрінен биік тұруға тиіс. Осындай ізгі қасиеттің бәрін бойына сіңірген жанды Адал азамат деген бір ауыз сөзбен сипаттауға болады. Әділетті Қазақстанды құру үшін әрбір отандасымыз адал азамат болуға ұмтылуы қажет», – деген болатын.Сыр өңірінде әр салада, атап айтқанда, білім, ғылым, журналистика, қоғамдық қызмет, спорт, медицина, мәдениет, кәсіпкерлік, өндірісте табысты еңбек етіп, жоғары көрсеткіштерге жеткен жастарға жыл сайын «Сыр үміті» облыстық жастар сыйлығы табысталып келеді. Баспана мәселесін шешу үшін 2023 жылдан бері «Сыр жастары» тұрғын үй ипотекалық бағдарламасы жүзеге асуда. Оған жыл сайын жергілікті бюджеттен «Отбасы банк» тұрғын үй құрылыс жинақ банкі» арқылы кредит беруге 1 млрд 200 млн теңге бөлінеді.Ассамблеяның мерейлі жылы аясындағы қуанышты жаңалық – Қызылорда қаласында жаңадан «Достық үйі» салынуда. Бұл бірлік пен ынтымақты нығайтуға атсалысқан этномәдени бірлестіктерге арналған, барлық қажеттіліктермен қамтамасыз етілген заманауи ғимарат болады. Тағы бір ерекше жаңалығымыз, алдағы 1 мамыр – Қазақстан халқының бірлігі мерекесі күні облыс орталығынан «Шығармашылық академиясы» ашылады», – деді Н.Нәлібаев.</blockquote>Жиынға қатысушылар Нурия Исмагилқызы, Ақерке Абылайханқызы және Тимур Ғабдулұлының атқарылған жұмыстар мен алдағы міндеттерге арналған баяндамаларын тыңдады.Ертең қонақтар Байқоңыр ғарыш айлағына экскурсияға барып, зымыран ұшырылымын тамашалайды. Байқоңыр музейінде ғарыш саласының даму кезеңдерімен, еліміздің ғарыштық жетістіктерімен, тұңғыш ғарыш айлағының тарихымен танысады. Қазақстан Халқы Ассамблеясының және Ассамблея жастарының тулары ғарышқа жіберу үшін ресми тапсырылады. Осылайша Қазақстан халқы Ассамблеясының 30 жылдық эмблемасы бейнеленген ту ғарышқа алғаш рет көтеріледі.Фото: Қызылорда облысы әкімінің баспасөз қызметі

«Сыр елі – достық мекені» атты республикалық Ассамблея жастары форумының пленарлық отырысы өтті

<a href="https://kyzylorda-news.kz/">Kyzylorda-news.kz</a> &nbsp;Оқыс оқиға 6 сәуір күні Қызылорда қаласындағы тұрғын үйлердің бірінде <a href="https://kaz.inform.kz/news/kizilordada-7-zhastagi-kizdin-ayagi-zhilu-batareyasina-kisilip-kalgan-335b83/">болған.</a>Облыстық Төтенше жағдайлар департаментінің мәліметінше, үйдегі жылу радиаторы қабырғаларының арасына 7 жастағы қыздың аяғы кіріп кетіп, қысылып қалған.<blockquote>– Шақыру бойынша оқиға орнына барған құтқару жасағының қызметкерлері арнайы гидравликалық құралмен жылу батареясынан қыз баланың аяғын шығарып алды. Бала өміріне ешқандай қауіп төнген жоқ, - делінген хабарламада.</blockquote>Осы орайда құтқарушылар балаларға қауіпсіздік ережелерін үйретіп, жалғыз қалдырмауға кеңес береді.Фото: ҚР ТЖМ

Қызылордада 7 жастағы қыздың аяғы жылу батареясына қысылып қалған   

<a href="https://kyzylorda-news.kz/">Kyzylorda-news.kz</a> «Тағзым» алаңында Тәжік-Ауған шекарасында ерлікпен қаза тапқан жауынгерлерді еске алу шарасы өтті.Ардагерлер «Мәңгілік алауға» гүл шоқтарын қойып, қаза тапқан жауынгерлердің рухына тағзым етті.Шараға арнайы қатысқан қала әкімінің орынбасары Ғалымжан Еркебай ардагерлерге ізгі лебізін білдірді.<blockquote>- Отан алдындағы борыш-міндетін адал атқарып, кеудесін оққа тосқан жауынгерлердің алдында кімде-кім болмасын басын иіп, тағзым етеді. Қазақ қашан да «Ер – елдің қорғаны» деп, ер-азаматтың қоғам алдында биік бағасын асырып, мерейін тасыта білген. Сондықтан, азаматтық пен батырлықтың үлгісін көрсеткен сарбаздар ерлігі әрдайым ел есінде, - деді Ғалымжан Бақтығалиұлы.</blockquote>Тағылымды шарада Қызылорда облыстық ардагерлер кеңесінің төрағасы Серік Дүйсенбаев, Тәжік-Ауған шекарасында жауынгерлік қимылдарына және әскери қақтығыстарына қатысушылардың РҚБ облыстық филиалының төрағасы Марат Орынбайұлы сөз сөйлеп, тілектерін білдірді.Ескерткіш маңына жиналғандар қаза болған жауынгерлерді бір минут үнсіздікпен еске алды.&nbsp;Құран бағышталып, «Тағзым" алаңының аумағына тал көшеттері отырғызылды.<img src="https://knadmin.beoblood.kz/uploads/5_8427d4b5a1.jpg" alt="5.jpg"><img src="https://knadmin.beoblood.kz/uploads/6_41126d2180.jpg" alt="6.jpg">

 Тәжік-Ауған шекарасында қаза тапқан жауынгерлерді еске алу шарасы өтті

<a href="https://kyzylorda-news.kz/">Kyzylorda-news.kz</a> Қызылорда облыстық прокуратурасында салт-дәстүр дәріптеліп, ұлттық құндылықтар ұлықталған іс-шара өтті. Оған қала әкімі Нұржан Ахатов қатысып, прокуратура қызметкерлерін көктем мерекесімен құттықтады.Іс-шарада прокуратураның бірқатар қызметкері марапат мінберіне шықты. Ал, саналы ғұмырын заң саласына арнаған Исаева Шырын Әлиқызына «Қызылорда қаласының Құрметті азаматы» атағы табысталды.<blockquote>«Шырын Әлиқызы, Сіз заңның орындалуын қадағалау саласында 30 жылдан астам жемісті еңбек етіп, бүгінде бейнеттің зейнетін көріп отырған кейуанасыз. Сала ардагерлері арасында шоқтығыңыз биік, парасат-пайымыңыз жоғары жан ретінде құрметтісіз. Қызмет жолыңызда талай шәкірт тәрбиелеп, өнегелі із қалдырған тұлғасыз. Осындай еңбегіңіз еленіп, шаһарымыздың әлеуметтік-экономикалық дамуына қосқан сүбелі үлесіңіз үшін қалалық мәслихат депутаттарының қолдауымен «Қызылорда қаласының құрметті азаматы» атағын иелендіңіз. Соны табыстауға рұқсат етіңіздер», – деді Нұржан Сәбитұлы.</blockquote>Шырын Әлиқызы еңбек жолын 1976 жылы Қызылорда облысының Байқоңыр қалалық прокуратурасынан бастаған. Кейін Қызылорда қалалық прокуратурасында, Қызылорда облысы прокуратурасының аппаратында аға көмекші, әр жылдары Қызылорда қаласы прокурорының орынбасары, ҚР Бас прокуратурасының бөлім бастығы, Батыс аумақтық көлік прокурорының орынбасары қызметтерін атқарған. 2006 жылдан бастап зейнеткерлікке шығып, қазіргі таңда кәсіби қорғаушы болып еңбек етуде.

"Қызылорда қаласының Құрметті азаматы" атанды

&nbsp;<a href="https://kyzylorda-news.kz/">Kyzylorda-news.kz</a>&nbsp; Қызылорда облыстық прокуратурасы жыл басынан бері 7145 жұмысшының құқығын, оның ішінде 6342 адамның конституциялық құқығын қ<a href="https://kaz.inform.kz/news/kizilordada-zhastar-bagdarlamasimen-zhumiska-tartilgan-2-360-mamanga-zhalaki-tolenbey-kelgen-33f8a6/">орғады</a>.6 жұмыс беруші әкімшілік, 6 адам тәртіптік жауапкершілікке тартылған.&nbsp;<ul><li>Қадағалау актісі негізінде 601,3 млн теңге жалақы өндірілді. Мысалы, «Жастар практикасы» бағдарламасы аясында жұмыспен қамтылған 2360 жасқа 264 млн теңге жалақы қарызы төленді, – деді Ризабек Ожаров.&nbsp;</li></ul>Қадағалаушы орган еңбекті қорғау және еңбек қауіпсіздігі бойынша да кемшіліктер тапты.Облыстағы 8 мыңнан астам жұмыс беруші жұмысшыларын жазатайым оқиғалардан міндетті түрде сақтандыру туралы шарт жасамаған. Оның арасында күріш өсіру саласындағы іргелі құрылым — «Абзал және К» серіктестігі де бар. Компания 511 адамға байланысты шарт жасамаған. Кемшіліктер бойынша қадағалау актісі енгізіліп, нәтижесінде 55 жұмыс беруші 500-ден астам жұмысшысын жазатайым оқиғадан сақтандырды.&nbsp;Облыстық прокуратура осыған дейін Қызылордада іссапар шығынын өз шотына аударған бас есепшілер тергеліп жатқанын мәлімдеді.Фото: Нұрболат Нұржаубай

Қызылордада жастар бағдарламасымен жұмысқа тартылған 2 360 маманға жалақы төленбей келген

<a href="https://kyzylorda-news.kz/">Kyzylorda-news.kz</a> Табиғат – адамның алтын бесігі, тіршілік атаулының талбесігі. Оны аялау, қорғау – әрбір азаматтың қасиетті борышы. Осы ұстанымды негізге алған “Азаматтарға арналған үкімет” мемлекеттік корпорациясының Қызылорда облыстық филиалы елімізде жарияланған “Таза Қазақстан” экологиялық акциясына үн қосты.Игі бастама аясында облыс бойынша қалалық және аудандық халыққа қызмет көрсету орталықтарының, сондай-ақ басқарма қызметкерлері “Таза жағалаулар”, “Жасыл аула”, “Өз ағашыңды отырғыз” сынды табиғатты қорғауға бағытталған бірқатар шараларды ұйымдастырды.Акция барысында жүзге жуық тал-терек отырғызылды. Сонымен қатар, ХҚКО-ға қарасты барлық нысандардың аумағы қоқыстан тазартылып, абаттандырылды.Мұндай шаралар тек қана қоршаған ортаны көркейтіп қоймай, өскелең ұрпақтың бойына табиғатты сүю мен жанашырлық сезімін дарытатын, ұлт болашағына бағытталған маңызды қадамдардың бірі екені сөзсіз.

Облыстық филиал “Таза Қазақстан” акциясына үн қосты!

<a href="https://kyzylorda-news.kz/">Kyzylorda-news.kz</a>&nbsp; Қызылорда облысында тергеушілер слеті өтті, - деп хабарлайды <a href="https://polisia.kz/qyzylorda-oblysynda-tergeushiler-sleti-otti/">Polisia.kz.</a>Қызылорда облысының прокуратурасы мен Қызылорда облысы полиция департаменті бірлесіп,&nbsp;тергеушілер слетін өткізді. Слетқа негізінен тергеу және анықтау саласының жас мамандары, Заң ғылымдарының докторы, профессор "Қазақстанның еңбек сіңірген қайраткері", ҚР Президенті&nbsp;жанындағы Адам құқықтары комиссиясының эксперты Е.О.Алауханов, Заң ғылымдарының кандидаты, аға оқытушы, ІІ дәрежелі "Айбын" орден иегері, Ішкі істер органдарының құрметті ардагері, "Қорқыт Ата" атындағы университетінің аға оқытушысы Ғ.С.Отарбаев, Болашақ&nbsp;университетінің Құқықтану мамандығының 3-4 курс студенттері, тергеушілер мен анықтаушылардың қатысуымен қылмыстық іс жүргізу барысында жүйелі түрде орын алатын проблемалық мәселелер талқыланды. Мақсат - &nbsp;қылмыстық істерді тергеудің&nbsp;проблемалық мәселелерін талқылау, тергеу сапасы мен қызметкерлердің біліктілігін арттыру.Іс-шараның бірінші кезеңін Қызылорда облысының прокуроры Р.Ожаров пен полиция департаментінің бастығы С.Ергешов ашып, қылмыстық істерді тергеудің жүйелі проблемалық мәселелеріне тоқталды және оларды тиімді шешу жолдарын ұсынды. Бірінші кезең&nbsp;қатысушылардың пікірлерін ашық айтып, қызу талқылау мен әділетті әрі тиімді тергеу тәжірибесін қалыптастыру туралы ортақ шешімге келуімен аяқталды. Слеттің екінші кезеңі Қызылорда облысы полиция департаментінің арнайы жаттығу алаңында жалғасын тапты.Бұл&nbsp;кезеңде тәжірибелі тергеушілер жас мамандарға Кибер саласындағы қылмыстардың орын алуы және оларды ашу жолдары, пәтерде орын алған кісі өлтіру қылмыстары бойынша оқиға орнын қарап-тексеруден мастер класс өткізді. Слет нәтижесімен қызметте елеулі жетістіктерге қол жеткізген тергеушілер Қызылорда облысы полиция департаменті бастығының "Алғыс хатымен" марапатталды. Тергеушілер слеті жыл сайын тергеушілер күні қарсаңында, яғни 6 сәуірде дәстүрлі түрде өткізілуде.

Қызылорда облысында тергеушілер слеті өтті

<a href="https://kyzylorda-news.kz/">Kyzylorda-news.kz</a> «Сыр елі – достық мекені» республикалық Ассамблея жастар форумының аясында «Болашақ» университетінде маңызды секциялық отырыс өтті. Басқосу жұмысшы мамандықтардың маңыздылығын арттыруға, жастардың кәсіптік бағдарын айқындауға арналды.Шараға әр өңірден келген жұмысшы мамандық иелері мен студенттер қатысып, университеттің инфрақұрылымымен, арнайы кабинеттермен, жылыжай жұмысымен танысты.Отырыс модераторы – «Amanat» партиясының «Жастар рухы» жастар қанатының Қызылорда облыстық төрағасы Әсет Баймұрза болса, негізгі спикер «Республика» партиясының БҚО филиалының жетекшісі Дулат Макатов.Биылғы «Жұмысшы мамандықтар жылы» тақырыбына орайластырылған секцияда қатысушылар мамандық таңдаудың маңыздылығы, еңбек нарығындағы сұраныстар мен болашақ мүмкіндіктері туралы ой бөлісті. Секция «Кәсіптік бағдар – табысты өмірге бастар жол» деген оймен қорытындыланды.

«Мамандық таңдау – болашаққа нық қадам»

<a href="https://kyzylorda-news.kz/">Kyzylorda-news.kz</a>&nbsp; &nbsp;Басқарма басшысы Бахтияр Ғарифоллаұлы аз уақыт бұрын Қызылорда облысына қарасты барлық аудан және елді мекендер мен ауылдық окургтерді аралап, ондағы спорт кешендерінің жағдайымен етене таныс болған еді. Күні кеше басқарма басшысының аудандарға жұмыс сапары Шиелі ауданында қорытындыланды.Шиелі – спорттық инфрақұрылымы жақсы дамыған ауданның бірі. Бұдан бөлек, мұнда басқа аудандармен салыстырғанда барлық олимпиадалық спорт түрлері ерекше қарқын алған. Яғни, басқарма басшысының талабына сәйкес олимпиадалық емес спорт түрлерін олимпиадалық спорт түрлеріне біріктіре отырып, спорттың ілгерлеуіне жұмыс істеуде.Қазіргі таңда бұл ауданда басқармаға қарасты екі спорт мектебі жұмыс істейді. Соның бірі – №9 Шиелі ауданының олимпиадалық резервтің мамандандырылған балалар-жасөспірімдер спорт мектебі. Аталмыш мектепте спорттың 15 түрімен 1362 спортшы шұғылданады. Спорт түрлерінің басым көпшілігі олимпиадалық спорт түрлеріне негізделген. Ал №10 Шиелі ауданының балалар-жасөспірімдер мектебінде спорттың 9 түрі бойынша яғни олимпиадалық спорт түрлерінен 970 оқушы қамтылған.Жоғарыда айтылған екі спорт мектебінің ғимараттарын толық аралаған басқарма басшысы Бахтияр Ғарифоллаұлы олимпиадалық спорт түрлерін дамыту тапсырмасын жауапкершілікпен орындаған екі мектеп директорына оң бағасын беріп, әрі қарай осы бағытта нәтижелі жұмыс істеу керектігін тапсырды. Сонымен қатар, жуынатын орындар мен ғимараттарды күтіп-ұстау жұмыстарына да жақсы пікірін айтты. Бұдан бөлек, болашақ чемпиондармен кездескен басқарма басшысы оларға сәттілік тілеп, олимпиада шыңдарын бағындыруына сенім білдірді.Еске салсақ, ҚР Туризм және спорт министрлігінің қабылдаған жаңа заңына сәйкес, басқармаға бағынысты спорт мектеп директорларына ротация тәртібі енгізілуде.Сонымен қатар, жыл соңында басқармаға қарасты барлық спорт мектептеріне талдау жасалады. Осыған сәйкес, спорт мектептерінің олимпиадалық спорт түрлері бойынша нәтижесі өзара салыстырылып, үздік спорт мектебі анықталады. Ал, осы бағытта төмен көрсеткіш көрсеткен мектеп директорларының жұмысы арнайы қаралатын болады.Фото: Қызылорда облысының дене шынықтыру, спорт және туризм басқармасы

Басқарма басшысының аудандарға жұмыс сапары Шиелі ауданында қорытындыланды

<a href="https://kyzylorda-news.kz/">Kyzylorda-news.kz</a> Қорқыт Ата атындағы Қызылорда университетінің «Kyzylorda Hub» коворкинг орталығында «Жасанды интеллект: оның мүмкіндіктері мен әлеуеті» тақырыбында бірінші секция жұмысы өтті.Өңірлерден келген Ассамблея жастары мен жалпы қатысушылар Қорқыт Ата атындағы Қызылорда университетінің «Kyzylorda Hub» орталығының жобаларымен танысты.Секция барысында жастар мен сарапшылар елдің әлеуметтік-экономикалық дамуындағы жастардың рөлі, кәсіпкерлік пен көшбасшылықты дамыту мүмкіндіктері, сондай-ақ жастар саясатының өзекті мәселелері туралы пікір алмасты.Шараны Қызылорда облыстық ҚХА жанындағы «Ассамблея жастары» ұйымының төрағасы Елена Пак жүргізді.Қызылорда университеті кәсіпкерлік орталығының басшысы Ж. Түбекбаев құттықтау сөз сөйлеп, негізгі спикерлердің бірі, «Grand Programming» ЖШС-нің директоры, IT Park-тің сенімді басқарушысы Алмат Жомартұлы жастардың қоғамдағы белсенділігі мен даму жолдарына тоқталды.Секция жұмысына Ғылым және білім министрлігінің Жоғары және жоғары оқу орнынан кейінгі білім комитеті төрағасының орынбасары Ақерке Абылайхан қатысып, ҚХА 30 жылдығымен құттықтап, министрлік тарапынан жастарды қолдау бағыттарына тоқталып өтті.Сонымен қатар, форум аясында «Ассамблея жастары» РҚБ төрағасы Тимур Жұмырбаевтың қатысуымен Қорқыт Ата атындағы Қызылорда университеті жанынан құрылған «Студенттік Ассамблея» орталығының ашылып, оның төрағасы болып, өңірлік «Ассамблея жастарының» белсендісі Исмаил Махадинов тағайындалды.Ал Қорқыт Ата атындағы Қызылорда университетінің Басқарма төрағасы – Ректор Бейбіткүл Кәрімова университет қабырғасында «Студенттер Ассамблеясының» орталығының ашылуымен құттықтап, жаңа бастамаларға сәттілік тіледі.Секция қорытындысымен қатысушылар тарапынан бірқатар ұсыныстар беріліп, жастар бастамаларын жүзеге асырудың жаңа жолдары талқыланды.Фото: Қызылорда облыстық ҚХА&nbsp;

"Студенттік ассамблея" орталығы ашылды

<a href="https://kyzylorda-news.kz/">Kyzylorda-news.kz</a> Вена қолданбалы өнер университетінің тарихында алғаш рет нейрожелі студент атанды, деп хабарлайды <a href="https://baq.kz/zhasandy-intellekt-vena-universitetinin-studenti-atandy-200011099/">BAQ.KZ</a> «Рамблерге» сілтеме жасап.Flynn деп аталатын жасанды интеллект цифрлық өнербағдарламасына ресми түрде қабылданды және басқа студенттермен тең дәрежеде оқиды.Университет басшылығының хабарлауынша, мұндай эксперименттің мақсаты – шығармашылық саладағы адам мен жасанды интеллект арасындағы өзара әрекеттесуді зерттеу.Бір қызығы, Flynn оқуға қабылдау сынағының барлық кезеңінен өтіп, өзінің портфолиосын ұсынып, сұхбаттасудан сәтті өткен. Жасанды интеллект университет ережелерінде студенттің міндетті түрде адам болуы жөніндегі ресми талаптың болмауына байланысты оқуға қабылданды. Бұл факт оқу орнының әкімшілігінде атап өтілді.Фото: freepik.com

Жасанды интеллект университет студенті атанды

<a href="https://kyzylorda-news.kz/">Kyzylorda-news.kz</a> 8 сәуірден бастап Қазақстанда декреттік төлемдерді есептеу тәртібіне маңызды өзгерістер енгізілді, деп хабарлайды <a href="https://baq.kz/qansha-uaqyt-qaldy-endi-ayelder-dekretke-millionmen-shyga-almaydy-200011116/">BAQ.KZ тілшісі.</a>Бұл өзгерістердің басты мақсаты - әлеуметтік төлемдер саласындағы әділеттілікті қамтамасыз ету және алаяқтық әрекеттердің алдын алу.Негізгі өзгерістер:<ul><li style="text-align:justify;">Жалақыға шектеу енгізілді: Декреттік төлемдерді есептеу барысында енді ең жоғары есептелетін айлық табыс мөлшері 7 ең төменгі жалақыдан (ЕТЖ) аспауы тиіс. 2025 жылы ЕТЖ 85 000 теңгені құрайды, сондықтан есептеу үшін ең жоғары айлық табыс 595 000 теңге болады. Бұл дегеніміз, бір реттік декреттік төлемнің ең жоғары сомасы 2 249 100 теңгені құрайды.</li><li style="text-align:justify;">Бірнеше жұмыс орнынан алынатын табыстарды біріктіру алынып тасталды: Бұрын бірнеше жерде жұмыс істейтін әйелдер әр жұмыс орнынан алынатын табыстарын біріктіріп, жоғары мөлшерде декреттік төлем алуға мүмкіндік алатын. Жаңа ережеге сәйкес, мұндай біріктіруге жол берілмейді, және жоғарыда аталған шектеу барлық табыс көздеріне қолданылады.</li><li style="text-align:justify;">Әлеуметтік аударымдарға қатысты түзетулер: Декреттік демалысқа шыққаннан кейін жасалған әлеуметтік аударымдар енді декреттік төлемдерді есептеу барысында ескерілмейді. Бұл өзгеріс декреттік төлемдерді заңсыз арттыру мақсатында жасалатын әрекеттердің алдын алу үшін енгізілді.</li></ul>Жұмыс істемейтін әйелдер үшін өзгерістер жоқ:Жұмыс істемейтін аналар бұрынғыдай бала тууына байланысты бір реттік жәрдемақы және бала күтімі бойынша ай сайынғы жәрдемақы алады. Бұл төлемдерге өзгерістер енгізілген жоқ.Жаңа тәртіптің енгізілу себебі:Бұл өзгерістер декреттік төлемдер саласындағы алаяқтық әрекеттердің көбеюіне байланысты енгізілді. Мысалы 2024 жылы 113 қазақстандық әйел декреттік төлемдерге қатысты алаяқтық істер бойынша тергеуге алынған. Жаңа ережелер осындай заңсыз әрекеттердің алдын алуға бағытталған.2025 жылғы 8 сәуірден бастап күшіне енген бұл өзгерістер декреттік төлемдерді есептеудің әділеттілігін арттыруға және әлеуметтік төлемдер жүйесіндегі заңсыздықтарды азайтуға бағытталған.Бұған дейін Мәжіліс депутаты Дәулет Мұқаев "декретке миллионмен" бағдарлама қатысты айтылып жатқан пікірлерге ойын білдірді.Фото: Нұрболат Нұржаубай

Архив