<a href="https://kyzylorda-news.kz/">Kyzylorda-news.kz</a> Денсаулық сақтау министрі Ақмарал Әлназарова міндетті әлеуметтік медициналық сақтандыру (МӘМС) жүйесінің қаржылық тұрақтылығын қамтамасыз ету мақсатында бірқатар өзгерістер енгізілетінін мәлімдеді, деп хабарлайды <a href="https://baq.kz/endi-qazaqstandyqtar-mams-ke-kobirek-tolem-audaruy-mumkin-200010363/">BAQ.KZ</a>Министрдің айтуынша, жаңа заң жобасы мемлекеттің, жұмыс берушілердің және азаматтардың ортақ жауапкершілігін арттыруға бағытталған екі негізгі бастаманы қамтиды:1. Қызметкерлердің жарналарын есептеу базасының жоғарғы шегін арттыру. 2. Мемлекеттің МӘМС жүйесіне жарна төлеу мөлшерлемесін ұлғайту.2026 жылдың 1 қаңтарынан бастап МӘМС жүйесіне жарналарды есептеу үшін ең жоғарғы шек қазіргі 10 ең төменгі жалақыдан (ЕТЖ) 50 ЕТЖ-ға дейін арттырылады.<blockquote>Бұл өзгерістер 508 мың адамға, яғни барлық жалдамалы жұмысшылар мен олардың жұмыс берушілерінің шамамен 9%-ына әсер етпек. Себебі қазіргі жүйеде табысы жоғары азаматтар өз табысына сай жарна төлемейді, яғни пропорционалды төлем әділетсіздігі орын алып отыр, - деді министр.</blockquote>Министрлік бұл бастама МӘМС жүйесінің қаржылық тұрақтылығын арттыруға және азаматтарға көрсетілетін медициналық көмектің сапасын жақсартуға ықпал етеді деп отыр.Фото: freepik.com

Енді қазақстандықтар МӘМС-ке көбірек төлем аударуы мүмкін

<a href="https://kyzylorda-news.kz/">Kyzylorda-news.kz</a>&nbsp; Грузияның Тбилиси қаласынан ақжолтай жаңалық! 23-25 наурыз күндері пара дзюдодан өткен Әлем кубогында +70 кг салмақта Айдана Ғазизқызы чемпион атанды.Жерлесіміз жарыстың бірінші айналымында ресейлік спортшыны айқын басымдықпен жеңсе, екінші айналымда Англия қызымен сынға түсіп, финалға жолдама алды.Ал ақтық сында Айдана Ғазизқызы Париж Олимпиадасының чемпионы, Бразилия елінің спортшысы Силва Ребеканы ұтып, чемпион атанды.Байрақты бәсекеге 19 мемлекеттен келген 200-ге жуық спортшы қатысты.Спортшымызды жеңісімен құттықтаймыз!Фото: Қызылорда облысының дене шынықтыру, спорт және туризм басқармасы

Пара дзюдо: Айдана Ғазизқызы Әлем кубогының чемпионы атанды

<a href="https://kyzylorda-news.kz/">Kyzylorda-news.kz</a> Құрметті бауырлар! Ардақты ағайын!Қасиетті Қадір кеші мүбәрак болсын! Алла Тағала ұстаған оразаларыңызды, жасаған құлшылық-ғибадаттарыңызды қабыл еткей.Алла Тағала Құранда: «Біз шынында, Құранды Қадір түнінде түсірдік. Қадір түнінің не екенін білесің бе? Қадір түні (қасиет және сауап жағынан) мың айдан да қайырлы. Сол түнде періштілер және Жәбірейіл Алланың әмірімен (жер бетіне Алла тағдыр еткен) барлық істерді атқару үшін түседі. Сол бір түн, ағарып таң атқанға дейін амандық-тыныштық түні болады» («Қадір» сүресі, 1-5-аяттар) деп баяндайды.Расында, Рамазан айының қасиетті болуының ұлы ерекшеліктерінің бірі – Қадір түнінде тағдырдың жазылуы. Ал Қадір түнінің қасиетті болуының мәні – адамзат баласын екі дүние бақытына жетелеуші қасиетті кітабымыз Құранның түсуі. Бұған тұтастай осы қасиетті түнге қатысты баяндалған «Қадір» сүресі дәлел болады.Айша анамыз (оған Алла разы болсын): «Рамазанның соңғы он түні кірген кезде Пайғамбар білегін сыбанып, түнін құлшылықпен тірілткен және отбасын да құлшылыққа оятқан» дейді. Бұл түні намаз бен Құран оқудың сауабы мол. Сонымен қатар Алладан көбірек кешірім сұрап, дұға жасауды ұмытпайық.Бірде Айша анамыз (оған Алла разы болсын) ардақты Пайғамбарымыз Мұхаммедтен (оған Алланың салауаты мен сәлемі болсын): «Уа, Алланың Елшісі, Қадір түнінде қандай дұға тілейін?» деп сұрайды. Сонда Пайғамбарымыз (оған Алланың салауаты мен сәлемі болсын): «Алла, расында, Сен кешірімдісің және кешіргенді жақсы көресің. Мені кешіре көрші» деп айтасың» деп жауап берген. Хадистердің бірінде: «Кімде кім Қадір түні иманмен және сауабын үміт етіп құлшылық етсе, оның алдыңғы күнәлары кешіріледі» делінген.Алла Тағала баршамыздың қате-кемшілігімізді кешіріп, өз мейіріміне бөлегей. Раббымыз Қадір кешінде шынайы иманмен жасаған дұғаларымызды, намаздарымызды, берген садақаларымызды, оқыған Құранымызды қабыл етіп, сауабын еселеп жазғай. Баршаңызды ел игілігі мен бірлігі үшін дұға жасауға шақырамын.Еліміз аман, жеріміз тыныш, тәуелсіздігіміз баянды болғай! Әмин!НАУРЫЗБАЙ ҚАЖЫ ТАҒАНҰЛЫҚМДБ төрағасы, Бас мүфти

Бас мүфти Қазақстан мұсылмандарын Қадір түнімен құттықтады

<a href="https://kyzylorda-news.kz/">Kyzylorda-news.kz</a>&nbsp;&nbsp; Қызылорда облысында Тасбөгет кентінде ер адам ауруханада жұмыс істейтін жұбайын қызғаныштан мекеме ішінде ұрып-соққан. Бұл туралы <a href="https://stan.kz/">Stan.kz</a> ақпарат агенттігі хабарлайды.&nbsp;&nbsp;Оқиғаға&nbsp;полицейлермен сұхбаттасу үшін Тасбөгетке барған&nbsp;журналист Жазира Бегалы куә болған.Зардап шеккен Сәуле Акимованың айтуынша, ол дәрігерден күйеуінің медициналық порталы&nbsp;туралы мәліметтерді сұраған. Алайда дәрігер әйелдің жұбайына қоңырау шалып, оны өзіне шақыртқан. Ашуланған ер адам медициналық мекемеге келіп, дәл сол жерде әйелін аяусыз ұрған. Әйелге екі қабырғасында жарық диагнозы қойылды.Сәуле ауруханада санитар болып жұмыс істейді. Оның екі баласы бар.<blockquote>“Ауырып тұрмын, жаным қиналып тұр. Күйеуімнің үстінен арыз жазып, қаматқым келеді. Аурухана қарап, ауруды басатын дәрі берді. Қабырғамды күйеуім ұрып сындырды. Осымен екінші рет. Өткенде де осылай еткен.&nbsp;Әрқашан осылай мені ұрады. Ішіп алса да, ішпесе де…&nbsp;Тілі де жаман. Балағаттай береді. Ауруханада санитар болып жұмыс істеймін. “Сол жердегі еркектермен ойнассың” дейді. Ол жерде 99 пайыз әйел адам жұмыс істейді. 8-ақ ер адам бар үлкен ауруханада. Солармен мені қосып, үнемі балалардың көзінше балағаттап, табалай береді”, –&nbsp;деді келіншек.&nbsp;</blockquote>Ал Сәуленің күйеуі болса өз қатесін мойындамайды.&nbsp;<blockquote>"Менің қатыным, өзім білемін. Сотқа жүгінемін, бұл менің отбасылық ісім", –&nbsp;деді ер адам <a href="https://www.instagram.com/p/DHnkhhlomlT/?utm_source=ig_embed&amp;ig_rid=0da0165a-8cfa-4344-909a-b09a0c087a05&amp;img_index=1">видеода.</a></blockquote>Қызылорда облысының полиция департаменті денсаулыққа қасақана ауырлығы орташа зиян келтіру фактісі бойынша қылмыстық іс қозғағанын хабарлады.<blockquote>"Жәбірленуші екі баласымен дағдарыс орталығына орналастырылды. Онда оларға жан-жақты психологиялық, құқықтық және әлеуметтік көмек көрсетіледі. Отбасын қорғау мақсатында күдіктіге (3 топтағы мүгедекке) қатысты қорғау ұйғарымы шығарылды", –&nbsp;деп хабарлады полиция.</blockquote>Қылмыстық іс облыстық полиция департаменті басшылығының бақылауында.<img src="https://knadmin.beoblood.kz/uploads/full_174291178375ba4778d90eb85d141ada3a72ee52b1_webp_c830a17ceb.webp" alt="full_174291178375ba4778d90eb85d141ada3a72ee52b1_webp.webp">Фото: Видео кадрларынан скрин

Дәрігерден қызғанған: Қызылорда облысында ер адам әйелін ұрып жыққан

<a href="https://kyzylorda-news.kz/">Kyzylorda-news.kz</a> Наурыз мерекесі күндері облыста бірқатар мекемелер күшейтілген режимде жұмыс істеді. Мереке күндері жедел жәрдем қызметінің 103 желісіне 6 934 шақырту түссе, ал «109 – Бірыңғай байланыс орталығына» 1 791 өтінім тіркелген. Бүгін Өңірлік коммуникациялар қызметінің ақпарат алаңында демалыс күндері күшейтілген режимде жұмыс істеген мекемелердің жұмысы қорытындыланды.<blockquote>– Облыс бойынша барлығы 85 жедел жәрдем тобы жұмыс атқарса, мереке күндері қарбалас сағаттарына қосымша 4 жедел жәрдем тобы қосылды. 21-25 наурыз күндері ауруханаға 1 679 науқас жеткізіліп, оның 754-і ауруханаға жатқызылды. Ал, жұқпалы аурулар ауруханасына қала бойынша 82 науқас тасымалданды. Сондай-ақ көмірқышқыл газымен уланғандар болған жоқ. Жалпы түскен шақырыстарға дер кезінде жету 98,1 пайызды құрады,- деді облыстық жедел-жәрдем стансасы бас дәрігерінің орынбасар Ғалия Нұрсейітова.</blockquote>&nbsp;21-25 наурыз аралығында аймақта жедел жағдай тұрақты өтті.&nbsp;<blockquote>– Департаменттің құрылымдық бөлімдері 52 рет дабыл бойынша шығыстарға шығып, 7 техногенді сипаттағы төтенше жағдай тіркелді. Осы шығыстар барысында есігі құлыпталып қалған пәтер ішінен 11 адам құтқарылды. Зардап шеккендер мен қаза болғандар жоқ. Облыс және аудан орталықтарында ұйымдастырылған іс-шараларға кезекшілік ұйымдастырылды, нәтижесінде оқыс оқиғалар тіркелген жоқ,- деді Қызылорда облысы бойынша ТЖД Жоспарлау және жедел басқару орталығының бастығы Досжан Исабек.</blockquote>&nbsp;«Жедел әрекет ету» орталығы екі функция бойынша жұмыс істейді.&nbsp;<blockquote>– Мереке күндері «112 – Бірыңғай кезекшілік-диспетчерлік қызметіне» 1 613 хабарлама келіп түсті. Бұл қызмет бойынша 4 ауысымда 9 оператор жұмыс істеді. Тәулігіне өтініштерді қабылдау мен тіркеудің орташа статистикалық саны 322 өтінім болса, өтінімдердің орындалуы 100 пайызды құрады. Ал «109 – Бірыңғай байланыс орталығының» қызметіне түскен өтініштердің 1 746-сы орындалса, 45 өтінім жұмыс барысында. Орталықта 7 оператор 4 ауысым бойынша жұмыс істеді. Өтініштерді қабылдау мен тіркеудің тәуліктік орташа статистикалық саны 358-ді құрады,- деді Қызылорда облысы әкімі аппаратының «Жедел әрекет ету орталығы» КММ-нің директоры Темірхан Мұқанғали.</blockquote><img src="https://knadmin.beoblood.kz/uploads/Mereke_k_nderi_oblysta_y_zhedel_zha_daj_t_ra_ty_tti_190887c9a8.jpg" alt="Мереке күндері облыстағы жедел жағдай тұрақты өтті.jpg">Фото: Нұрболат Нұржаубай

Мереке күндері облыстағы жедел жағдай тұрақты өтті

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде коммуналдық және өнеркәсіптік қалдықтарды басқару мәселелері талқыланды. Оған облыс әкімі Нұрлыбек Нәлібаев селекторлық режим арқылы қатысты.Өңірде коммуналдық және өнеркәсіптік қалдықтарды басқару бағытында жұмыс жасайтын 24 кәсіпкерлік субъектісі бар. Өткен жылы жиналған 303 мың тонна коммуналдық қалдықтың 91 мың тоннасы, 135 мың тонна өнеркәсіптік қалдықтың 107 мың тоннасы өңделді. Мемлекет басшысының ірі қалаларда қатты тұрмыстық қалдықтарды қайта өңдейтін зауыттар салу тапсырмасына сәйкес «Жасыл Даму» акционерлік қоғамымен бірлескен жұмыстар атқарылуда. Тұрмыстық қатты қалдықтарды басқару саласында 42 млрд. 504 млн. теңгеге 9 жобаны жүзеге асыру жоспарланған.Облыс орталығында 41 млрд. 200 млн. теңгеге 3 жоба қолға алынып, инженерлік инфрақұрылым желілері жеткізілген. Оңтүстік Корея технологиясы бойынша құны 9 млрд. 535 млн. теңге болатын қатты тұрмыстық қалдықтарды сұрыптау, өңдеу және кәдеге жарату зауытының құрылысы басталды. Онда жылына 300 мың тонна қалдықты сұрыптау, қалдықты өртеу арқылы электр энергиясын өндіру көзделуде.Мамыр айында шыны ыдыстар өндіру жобасын бастау жоспарланған. Жылына 220 млн. дана бөтелке шығаратын зауытқа шикізат ретінде республика аумағынан жинақталатын шыны қалдықтары қолданылмақ. Одан бөлек, қала аумағындағы тұрмыстық қалдықтарды сұрыптау және өңдеу жобасының құжаттары әзірленуде.Фото: Қызылорда облысы әкімінің баспасөз қызметі

Коммуналдық және өнеркәсіптік қалдықтарды басқару мәселесі талқыланды

<a href="https://kyzylorda-news.kz/">Kyzylorda-news.kz</a> «AMANAT» партиясының қаржылық сауаттылықты арттыруға бағытталған «Қарызсыз қоғам» жобасы аясында оқу курстары осыған дейін өңірде Қызылорда қаласы және Шиелі аудандарында жүргізілсе, оған ағымдағы аптада Жаңақорған ауданы қосылды.Оқу курстарына банктер мен микроқаржы ұйымдары алдында 90 күнен астам берешегі бар азаматтар оқытылады. Оларға қарызды реттеуге, қаржылық қиындықтан шығуға жан – жақты көмек көрсетіледі. Сонымен қатар, қаржылық сауаттылық негіздерін, үнемдеу мен табысыңызды арттыруды, алаяқтық әдістерін анықтау жолдары тегін үйретіледі. Заңгерлер көмегі көрсетіледі.Фото: Аманат партиясы

«Қарызсыз қоғам» жобасы аясында оқу курсы жалғасуда

<a href="https://kyzylorda-news.kz/">Kyzylorda-news.kz</a>&nbsp; &nbsp;Театр – кез келген елдің мәдениеті көрініс тауып, талай тағдырлар тоғысатын, сан түрлі сезім сипатталатын, түрлі тақырыптан сыр шертетін мәдени орда. Киелі сахнаның арғы жағы мен бергі жағындағы қызметкерлер бұл мерекенің маңызын түсінеді. Атаулы күнге орай Н.Бекежанов атындағы Қызылорда облыстық Қазақ академиялық музыка театр директорының орынбасары Серік Жақсығұлов пен қалалық Жастар театрының директоры Нұрмат Мансұр және театрдың көркемдік жетекшісі Оңталап Нұрмаханов маңызды мерекенің мәнін мазмұндап, БАҚ өкілдерінің сұрақтарына жауап берді.<blockquote>- Бүгін театр саласы үшін дәстүрлі мереке. Ұжым болып асыға күтетін күн. Жан-жағымызды түгендеп, айналамызды бүтіндеп, өткенге көз тастап, болашағымызды саралап алатын театр саласының мерекесі. Біздің театрда болған әр туынды көрермен қауымның көз алдында. Қазақтың халық поэзиясының тарихында өзіндік дара шығармашылық ерекшелігімен, мәңгілік ақындық екінші өмірін жасап кеткен үлкен тұлға - Нартай Бекежановтың 135 жылдығына орай О.Бодықовтың “Нартай” драмасы сахналанды. Одан Э.Р.Рудольфтың «Мюнхаузеннің әлемі» балаларға және ересектерге арналған буффонада қойылымы қойылды. Жалпы жұмыстар жетерлік.</blockquote>Айтулы мерекеге орай, театрымыздың тұрақты көрермендерін 27 наурыз күні болатын “БЕКЕЖАНОВ SHOW” атты ерекше форматтағы мерекелік кешіміздің қадірлі қонағы болуға шақырамыз,- деді Серік Орынбекұлы.<blockquote>- Жалпы біздің қоржынымызда он үшке жуық спектакль бар. “Отырар жасыны” , “Ұлардың дауысы” , “Неге” , “Абай” сынды қойылымдарды біздің театр үйірме кезінен бастап халыққа ұсынған. Былтыр өңірімізде “Руханият жылы” жылы болғанын білесіздер. Осыған орай Жастар театры 5 премьера жасады. “Оң қол” психологиялық драмасы, “Сезімді қайтейін…” лирикалық драмасы, “Еңлік-Кебек” трагедиясы, “Неге жаным шығарып сала алмадың” лирикалық қойылымы, “Бикештер комедиясы. Бұл Жастар театрының былтырғы жұмысы. Алда жоспарымыз бар. Ертең 27 наурыз - халықаралық театр күніне орай өзбек халқының шығармасы “Қызыл алма” спектаклін ұсынамыз. Сондай-ақ өзіміздің бір жылғы атқарған жұмысымызға есеп береміз,- деді Нұрмат Абдоллаұлы.</blockquote>Театрда сахналанатын әр қойылымда режиссердің өз қолтаңбасы болады. Басы, ортасы, аяғы бар дүниені қалыптастыру, қиялына қанат бітіру режиссердің еселі еңбегі екені сөзсіз.<blockquote>- Театр күні тек театр күні емес, адамзаттың “рухани күні” деп аталады. Руханияттың негізгі қара шаңырағы театр болып саналады. Сондықтан да театрға келіп, өзіңді өзің көріп, тарихыңды танып, ұлтты ұлықтау бәрі-бәрі осы театрдың қабырғасынан шығып жатады. Театр бір күнде өсіп,өніп, толықпайды. Ол жылдардың жетегінде қоғаммен бірге өсіп, заманмен бірге зерделеніп отыратын өнер,- деді Оңталап Дүйсенәліұлы.</blockquote><img src="https://knadmin.beoblood.kz/uploads/27_nauryz_Haly_araly_teatr_k_ni_a5c99b759e.jpg" alt="27 наурыз - Халықаралық театр күні.jpg">Фото: freepik.com

27 наурыз – Халықаралық театр күні

<a href="https://kyzylorda-news.kz/">Kyzylorda-news.kz</a> &nbsp;Наурыз айының 24-27-сі аралығында Наурыз мерекесінің тарихи және мәдени маңызын түсіндіру, әлем жұртшылығына таныстыру мақсатында Еуропаның Финляндия, Эстония және Испания мемлекеттерінде Қызылорда облысының өнер күндері өтуде. Өнер сапарын аймақ басшысы Н.Нәлібаевтың қолдауымен, Қазақстанның Финляндиядағы, Эстониядағы және Испаниядағы елшіліктері ұйымдастырды.Бұған дейін аталған елдерден инвестиция тарту мақсатында кәсіпкерлер арасында кездесулер өткен болатын. Арадағы экономикалық байланыстарды осы мәдени іс-шара бекіте түсті.Қызылорда облысының Еуропа мемлекеттеріндегі өнер күндерінің алғашқы концерті «NAURYZ – CELEBRATION OF SPRING» атауымен Финляндияның Хельсинки қаласында өтті.Іс-шараны Қазақстанның Финляндиядағы Елшісі Азамат Әбдраимов ашып, сахна төрінен осы мерекелік кешке қолдау білдірген Нұрлыбек Машбекұлына арнайы алғысын жеткізді. Концертті Еуропаның 10 мемлекетіндегі елшілер, дипломаттар, Финляндияда тұратын қазақ диаспорасы, білім алушы студенттер мен фин халқы, барлығы 500-ге жуық көрермен тамашалады.Қазақтың дәстүрлі музыкасы мен ұлттық өнерін ұлықтаған Қызылорда облыстық филармониясы дәстүрлі ән-жырды әуелетті.Финляндия халқы ғасырдан ғасырға жеткен эпостық жырларын, сәулет және бейнелеу өнері туындыларын мәдени мұра ретінде құрмет тұтады.Күн мен түннің теңелетін, жер арқасы кеңіп, күллі тіршілік қайта түлейтін Табиғат мерекесіндегі концертінің шымылдығы «Жарапазан» жырымен түрілді. Еуропалық көрерменге қазақтың дәстүрімен шашу шашылып, «Тойбастар» шырқалды. Наурыз-думанға қатысқан қала тұрғындары мен қонақтары, диаспора мүшелері, қазақстандық және шетелдік студенттер ұлттық музыкамен және дәстүрлермен тереңірек танысуға мүмкіндік алды.Ұлттық музыканың ұлы жауһарларын төрткүл дүниеге танытып жүрген «Ақмешіт» фольклорлық ансамблі (жетекшісі – Нұрғиса Нұрбай), Сыр елінің өнер майталмандары Руслан Ахметов, Шолпан Бимбетова, Самал Байсейтова, Ақмарал Ноғайбаева, Марат Сүгірбай, айтыскер-ақын Мұхтар Ниязов, халықаралық және республикалық конкурстардың лауреаттары Бағдәулет Қарғабаев, Сымбат Тасбергенова, Мағжан Аманжолов, Ақылбек Табынбаев, Тоқтар Ағыраев, Ақнұр Аманбаева, Сәбит Ділдабаев, Алмас Әлжанов, Заманбек Нысанбаев, Арман Төлеш қатысып, өнер көрсетті.Гастрольдік сапар аясында көрерменге концерттік бағдарламалармен қатар, қазақтың ұлттық тағамдары мен ұлттық нақышта жасалған сый-сияпаты ұсынылды. Жұртшылық таным мен тағылымға бай кеш сыйлағаны үшін сырбойылық өнерпаздарға алғыс білдірді.Кейінгі жылдары Қызылорда облысының өнер күндері Астана мен Алматыда зор табыспен өтті. Сондай-ақ, Сыр өңірінің шығармашылық ұжымдары Еуропа елдеріне гастрольдік сапармен бірнеше рет барды. Осы жолғы сапардың тағы бір мақсаты - шет елдердегі шығармашылық ұжымдармен тәжірибе алмасу.<img src="https://knadmin.beoblood.kz/uploads/1_Finlyandiyada_Cyr_nerpazdaryny_NAURYZ_CELEBRATION_OF_SPRING_merekelik_konczerti_tti_abc3f8bc84.jpg" alt="1 Финляндияда Cыр өнерпаздарының NAURYZ – CELEBRATION OF SPRING» мерекелік концерті өтті.jpg">Фото: Қызылорда облысы әкімінің баспасөз қызметі

Финляндияда Cыр өнерпаздарының NAURYZ – CELEBRATION OF SPRING» мерекелік концерті өтті

<a href="https://kyzylorda-news.kz/">Kyzylorda-news.kz</a> Бүгін «Ақмешіт-Сырдария» орталық мешітінде Қазақстан мұсылмандары діни басқармасының Қызылорда облысы өкілдігі Діни басқарманың 35 жылдығына және қасиетті Рамазан айының құрметіне қызылордалық БАҚ өкілдері арасында ұйымдастырған «Менің алғашқы оразам» атты эсселер байқауының жеңімпаздарын марапаттау салтанаты өтті.Салтанатты шараны ашқан облыстың Бас имамы Дастан Жанасұлы байқаудың алдына қойған мақсат-мұратына тоқталып, қатысқан бұқаралық ақпарат құралдарының өкілдеріне өз алғысын жеткізді.<blockquote>– Бұл байқаудың басты мақсаты – Ислам құндылықтарын, асыл дініміз бен ата салтымызды кеңінен насихаттау, исі мұсылман баласы асыға күтетін, он екі айдың сұлтаны болған қасиетті Рамазан айының артықшылықтарын дәріптеу. Тәлімдік, тәрбиелік мәні бар шығармалар жазу арқылы қоғамды ізгілікке, жақсылыққа, қайырымдылыққа шақыру. Сондай-ақ, осы байқау арқылы өңірлік БАҚ өкілдерін ынталандырып, шығармашылық ізденістеріне қолдау білдіру, аймақтық басылымдар арқылы Рамазанның құндылықтарын әрбір оқырманға сезіндіру. Байқаудың әділқазы алқасының мүшелері аймағымызға танымал журналистер мен белгілі дін мамандарынан жасақталды. Сондықтан, шын жүйріктер анықталғандығына кәміл сенімдіміз. Барлық қатысушыларға айтар алғысым шексіз! Қаламдарыңыз мұқалмасын! Баршаңызға шығармашылық шабыт, толағай табыс тілеймін! – деді облыстың Бас имамы.</blockquote>Байқауға барлығы 48 өтінім келіп түсті. Әділқазы алқасы оларды сараптау барысында тақырыптың өзектілігі, мазмұнның ашылуы, шынайылығы, сапасы, жанрлық шартқа сәйкестігі, тілінің көркем, шұрайлы болуына және стилінің ұғынықтылығына баса мән берді.Эссе байқауының қорытындысы бойынша жүлделі І орынды «Қармақшы таңы» газетінің тілшісі Ақнұр Сағынтай еншілесе, ІІ орынды «Ақмешіт апталығы» газетінің тілшісі Ақтолқын Нұрлыбайқызы, ІІІ орынды «Өскен өңір» газеті бас редакторының орынбасары Гүлнәр Дүйсебаева иеленді.<img src="https://knadmin.beoblood.kz/uploads/2_Esse_baj_auyny_zhe_impazdary_marapattaldy_6f66083acb.jpg" alt="2 Эссе байқауының жеңімпаздары марапатталды.jpg"><img src="https://knadmin.beoblood.kz/uploads/3_Esse_baj_auyny_zhe_impazdary_marapattaldy_4b89e2f030.jpg" alt="3 Эссе байқауының жеңімпаздары марапатталды.jpg"><img src="https://knadmin.beoblood.kz/uploads/4_Esse_baj_auyny_zhe_impazdary_marapattaldy_c649afee6f.jpg" alt="4 Эссе байқауының жеңімпаздары марапатталды.jpg">Бұдан бөлек, үздік деп танылған 10 жұмысқа ынталандыру сыйлықтары берілді. Атап айтқанда, оған облыстық «Сыр бойы» газетінің тілшісі Шынар Бекбан, «Ақмешіт жастары» газеті бас редакторының орынбасары Айдана Жұмадинова, «Тіршілік тынысы» газетінің бас редакторы Аружан Мұханбетқали, «Ақмешіт жастары» газетінің тілшісі Гүлдана Жұмадинова, «Жаңақорған тынысы» газетінің бөлім меңгерушісі Мақпал Марқабайқызы, «Kyzylorda-news.kz» ақпарат агенттігінің тілшісі Мөлдір Кенжеғұлова, «Damu.qaz» консалтинг компаниясының баспасөз хатшысы Әбдісамат Әбдіш, Қызылорда облысының тілдерді оқыту орталығының баспасөз хатшысы Нұрбике Құдайбергенова, Қызылорда облыстық жастар ресурстық орталығының баспасөз хатшысы Аида Абилхан, «Өңірлік коммуникациялар қызметі» КММ-нің тілшісі Мұхаммедшах Каюп ие болды.Барлық жеңімпаздарды Қызылорда облысының Бас имамы Дастан Құрманбаев марапаттап, дипломдар мен қаржылай сыйлықтарды табыс етті.Айта кетейік, аталған байқау Рамазан айының алғашқы күні басталып, 21 наурызға дейін жалғасты. Оның шарты бойынша байқауға Қызылорда облысында тіркелген кез келген БАҚ өкілдері қатысуға (облыстық, қалалық, аудандық дәстүрлі, мерзімді баспа басылымдары, ақпарат агенттіктері, интернет-сайттар, теле, радио тілшілері) мүмкіндік алды. Қатысушыларға жас шектеуі қойылмады. Сайысқа тек эссе жанрында және қазақ тілінде жазылған шығармалар ғана қабылданды.Барлық жүлдегерлердің шығармалары өңірлік басылымдарда жарияланатын болады.<img src="https://knadmin.beoblood.kz/uploads/1_Esse_baj_auyny_zhe_impazdary_marapattaldy_d3b8f22d18.jpg" alt="1 Эссе байқауының жеңімпаздары марапатталды.jpg">Фото: ҚМДБ-ның Қызылорда облысы бойынша өкілдігінің баспасөз қызметі

Эссе байқауының жеңімпаздары марапатталды

<a href="https://kyzylorda-news.kz/">Kyzylorda-news.kz</a> 2025 жылы Қадір түні 26-нан 27-наурызға қараған түні өтеді. Бұл – Рамазан айының 27-ші түні, мұсылмандар үшін қасиетті түн.Қадір түні әрбір мұсылман үшін ерекше мүмкіндік. Бұл түнді қалай өткізген дұрыс? Бұл туралы Нұрлан имам көпшілікке келешек тағдырыңды реттейтін дұға туралы айтты.<blockquote>Қасиетті қадір түні барлық періштелер жерге түседі. Бірақ Қадір түнінің нақты қай түні екенін Алла біледі. Дегенмен ғалымдар қадір түні Рамазан айының соңғы он түндігіндегі тақ күндерінің бірінде екенін айтады. Сондықтан Қадір түні кез келген тілде дұға жасауға болады. Барлық арман, мақсаттарыңызды Алладан сұрап, қол жайып тілек тілеңіздер. Бұл түн тағдыр түні, құдірет түні, Алламен сырласатын түн. Десе де пайғамбарымыздың (с.ғ.с) өзі «Иә, Алла! Жаратушы ием! Сен кешірімдісің, жомартсың, кешіргенді жақсы көресің. Ендеше, мені кешірші» деген дұғаны үйреткен. Сондықтан баршамыз осы дұғаны айтсақ бұл дұға келесі жылғы тағдырыңызды реттейтін дұға, - дейді Нұрлан имам.</blockquote>Фото: freepik.com

"Тағдырыңызды реттейтін дұға". Қадір түні қандай дұға оқу керек?

<a href="https://kyzylorda-news.kz/">Kyzylorda-news.kz</a> Ауыл шаруашылығы ел экономикасындағы басым салалардың бірі болып табылады. Ауылдық жерлерде Қазақстан тұрғындарының 38%-ы тұрады, бұл шамамен 7,6 млн. адамды құрайды. Кірістерді арттыру және жаңа жұмыс орындарын құру мемлекеттік саясаттың басым міндеттері болып табылады. Осыған байланысты, Президенттің тапсырмасы бойынша 2023 жылы іске қосылған «Ауыл аманаты» бағдарламасы көптеген адамдар үшін өз бизнесін бастауға, оны дамытуға, өз өңірінің дамуына үлес қосуға мүмкіндіктер ашуда. «Ауыл аманаты» – «Қуатты өңірлер-ел дамуының драйвері» ұлттық жобасына кіретін бірегей жоба.«Ауыл аманаты» бағдарламасы кәсіпкерлікті дамыту үшін, әсіресе мал шаруашылығы және ауыл шаруашылығы салаларында жеңілдікті кредиттер беру арқылы ауылдық жерлер мен шағын қалалардың тұрғындарын қолдауға бағытталған. Несиелер жылдық 2,5%-бен 5 жылға дейін, ал мал шаруашылығы саласындағы жобалар үшін 7 жылға дейін беріледі. Қарыздың ең жоғары сомасы 2,5 мың АЕК-ке дейін, ал ауыл шаруашылығы кооперативтерін дамыту үшін-8 мың АЕК-ке дейін құрайды.2025 жылы жаңа шағын несие беруге және 8,1 мың жұмыс орнын құруға 50 млрд теңге қарастырылған. Рәсімдердің ашықтығын, өтінімдерді өңдеуді біріздендіруді және деректердің егжей-тегжейлі мониторингін қамтамасыз ететін микрокредиттеудің ақпараттық жүйесін енгізу жоспарлануда. Жүйе мемлекеттік деректер базасымен интеграцияланатын болады, бұл бағдарлама жұмысының тиімділігін арттырады және өтінім беру мен кредит алу үдерісін&nbsp;жеделдетеді.2023-2024 жылдары Бағдарламаны іске асыруға республикалық бюджеттен 120 млрд теңге бөлінді. Бұл қаражат 107,9 млрд теңге сомасына 16,2 мыңнан астам шағын несие беруге мүмкіндік берді, 17,8 мың жаңа жұмыс орны құрылды.Бағдарламаны іске асыру басталғаннан бері өңірлерде 540-тан астам ауыл шаруашылығы кооперативтері құрылды, олардың 537-сі 12,1 млрд теңге сомаға қаржыландыруды алды.Бағдарламаның негізгі элементі облыс әкімдіктеріне қосымша бюджет қаражатын тартпай, кәсіпкерлікті дамыту және кірісті ұлғайту үшін ауыл тұрғындарының шағын несиелерге қолжетімділігін кеңейтуге мүмкіндік беретін револьверлік кредиттеу тетігі болып табылады. Қарыз алушылар револьверлік әдіспен қайтарған қаражат есебінен қосымша 7 млрд теңге сомасына 1 мыңға жуық микрокредит берілді.Бағдарламаны іске асыру басталғаннан бері қатысушылар 1,2 млрд теңге сомасына салық төледі. Ақтөбе, Түркістан және Жамбыл облыстары көшбасшы болып табылады.Мемлекет басшысының тапсырмасы бойынша ауылдық елді мекендер мен шағын қалаларда тауарлық кредиттер беру тетігін іске асыру жөніндегі жол картасы бекітілді. Бұл тетік бизнестің әлеуметтік жауапкершілігі шеңберінде жүзеге асырылады, ал ауыл шаруашылығы өнімдерін өндіруге арналған ауыл шаруашылығы жануарлары, жабдықтар, көшеттер және басқа да құралдар түріндегі тауарлық кредитті орта және ірі ауыл шаруашылығы бизнесінің өкілдері АӨК субъектілеріне және жеке тұлғаларға, оның ішінде жұмыссыздарға және кепілді мүлкі жоқ атаулы әлеуметтік көмек алушыларға беретін болады. Әрине, бұл құрал, сайып келгенде, ауыл халқының табысының өсуіне және жаңа жұмыс орындарын құруға ықпал етеді. Өңірлерде тауарлық несие ретінде 300-ге жуық жылқы, 1600 бас ірі қара және 4,5 мыңнан астам ұсақ мал бөлінген.«Ауыл аманаты» бағдарламасы қуатты және дамыған ел құру жолындағы маңызды қадам болып табылады. Ауылдық аумақтарды дамыту, халықтың табысын арттыру және жұмыс орындарын құру Қазақстан экономикасын нығайтуға ықпал етеді. Өңірлер мен ауыл тұрғындарын қолдау бүкіл ел үшін қозғаушы күшке айналып, оның одан әрі өсуі мен дамуына ықпал етеді.Фото: gov.kz

Архив