Қаржылық мониторинг агенттігі кең ауқымды операция жүргізіп, тұтынушылық кооператив ретінде жасырылған «Buyers Union» қаржы пирамидасының қызметін тоқтатты.Салымшыларды жылжымайтын мүлік, көлік сатып алуға және Trade in және ReFinance бағдарламаларына қатысып инвестиция салуға үгіттеген.Сонымен қатар, кооператив жеке тұлғалардың қаражатын тартудан дивидендтер алу мүмкіндігімен менеджер болып жұмыс істеуге мүмкіндік берген.Кооперативке қатысудың міндетті шарттарының бірі өмірді сақтандыру үшін ай сайын 30 мың теңге төлеу және сатып алынатын мүліктің құнынан 10%-дық жарна төлеу болған.Маңыздысы, кооператив салымшыларға ақша алғаны туралы ешқандай құжаттарды ұсынбаған, ал салым сомасы тек пайдаланушылардың жеке кабинетінде көрсетілген.Нәтижесінде, пирамидаға 250-ден астам салымшы тартылып, 300 млн теңгеден астам қаражат салған.Пирамида ұйымдастырушысы екі айға қамауға алынды.Сотқа дейінгі тергеу жалғасуда.ҚР Қылмыстық іс жүргізу кодексінің 201-бабына сәйкес басқа ақпарат жария етуге жатпайды.

«Buyers Union» қаржы пирамидасының қызметі тоқтатылды

<a href="https://kyzylorda-news.kz/">Kyzylorda-news.kz</a> Елордалық полицейлер жүргізген «Мал ұрлығы» жедел алдын алу шарасы барысында Астанада санитарлық талаптарға сай келмейтін, жасырын жұмыс істеген ет өңдеу цехы анықталды,&nbsp;деп хабарлайды<a href="https://el.kz/astanalyq-kasipker-tartylgan-etke-maldyn-tuyagyn-qosyp-satqan_400018444/">&nbsp;El.kz</a>&nbsp;ақпарат агенттігі.Тексеру нәтижесінде 47 жастағы азаматтың ет өнімдерін заңсыз жолмен өңдеп, сату мақсатында әрекет еткені белгілі болды.Полиция мәліметінше, күдікті өндірілген өнімнің көлемін көбейту үшін шамамен бір тонна ірі қара малдың аяқтарын өңдеп, оларды тартылған етке қосқан. Арнайы тексеру кезінде цехтан 1300 мал аяғы, бас сүйегі бар тұтас сойылған дене, шамамен 100 келі ет пен түрлі қалдықтар табылып, тәркіленді.Барлық тәркіленген өнімнің үлгілері сараптамаға жіберілді. Бұл әрекеттің заңсыз екені дәлелденген соң, өндіріс иесіне қатысты әкімшілік хаттама толтырылды. Полицейлер мұндай өнімдер ветеринарлық бақылаудан өтпегендіктен, тек қылмыстық сипатта ғана емес, адам денсаулығына да айтарлықтай қауіп төндіретінін ескертті.Фото: pixabay. сom

Астаналық кәсіпкер тартылған етке малдың тұяғын қосып сатқан

<a href="https://kyzylorda-news.kz/">Kyzylorda-news.kz</a> &nbsp;Қандай жағдайларда учаскелік дәрігердің жолдамасынсыз бейінді мамандарға жүгінуге болады, медициналық қызметтерді күту&nbsp;уақыты қанша?&nbsp;Осы және басқа да сұрақтарға Әлеуметтік медициналық сақтандыру қорының&nbsp;Қызылорда облысы бойынша филиалының бас сарапшысы Айгүл Аханова жауап берді.Дәрігерлердің жүктемесі артып, қабылдауға жазыла алмаса, не істеу керек?&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Медициналық қызметті күту мерзімі 15 жұмыс күнінен аспауы тиіс.&nbsp;(МӘМС және (немесе) ТМККК шеңберінде денсаулық сақтау субъектілерінен медициналық қызметтерді сатып алу шартының талаптарының орындалуын мониторингтеу қағидаларына сәйкес).&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Егер емханада осы мерзімде дәрігерге жазылу мүмкін болмаса, қажет болса, пациентті бірлесіп жұмыс істейтін басқа клиникаға жібере алады.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Егер 15 күннен ұзақ күтетін жағдай болса және пациент басқа клиникаға жіберілмесе, ол пациентті қолдау қызметіне жүгіну керек. Онда пациенттердің шағымдарын қарастырып, мәселелерді шешумен айналысады.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Сонымен қатар, МСАК ұйымдарында «фильтр-кабинеттер» бар. Онда инфекциялық ауруларға күдік болған жағдайда дәрігер қабылдауына алдын ала жазылусыз баруға болады&nbsp;(Қазақстан Республикасында алғашқы медициналық-санитариялық көмекті ұйымдастыру стандартының 110-тармағына сәйкес, ол ҚР Денсаулық сақтау министрінің міндетін атқарушының 2023 жылғы 30 наурыздағы № 49 бұйрығымен бекітілген).Учаскелік дәрігердің жолдамасынсыз бейінді мамандарға қаралуға бола ма?&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Иә, кейбір жағдайларда бейінді маманға алғашқы буын дәрігерінің жолдамасынсыз жазылуға болады&nbsp;(Қазақстан Республикасы Денсаулық сақтау министрінің 2022 жылғы 27 сәуірдегі № ҚР ДСМ-37 бұйрығымен бекітілген амбулаториялық жағдайдағы мамандандырылған медициналық көмекті көрсету қағидаларының 12-тармағына сәйкес):&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; 1.&nbsp;&nbsp;&nbsp;&nbsp;&nbsp;&nbsp; шұғыл жағдайлар және жарақат алу;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; 2.&nbsp;&nbsp;&nbsp;&nbsp;&nbsp;&nbsp; стоматологиялық көмек алу үшін жекелеген санаттағы пациенттердің жүгінуі;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; 3.&nbsp;&nbsp;&nbsp;&nbsp;&nbsp;&nbsp; дерматовенерологиялық бағыттағы ауруларға байланысты бейінді маманға жүгіну;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; 4.&nbsp;&nbsp;&nbsp;&nbsp;&nbsp;&nbsp; акушер-гинекологқа (жүктілік есебіне қоюдан басқа жағдайларда) және тіркелген жері бойынша психологқа жүгіну;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; 5.&nbsp;&nbsp;&nbsp;&nbsp;&nbsp;&nbsp; онкологиялық және гематологиялық бейіндегі ауруларға күдік туындаған жағдайда бейінді маманға жүгіну;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; 6.&nbsp;&nbsp;&nbsp;&nbsp;&nbsp;&nbsp; жастар денсаулық орталықтарына жүгіну (өз еркімен);&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; 7.&nbsp;&nbsp;&nbsp;&nbsp;&nbsp;&nbsp; динамикалық бақылауда тұрған пациенттің бейінді маманға жүгінуі;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; 8.&nbsp;&nbsp;&nbsp;&nbsp;&nbsp;&nbsp; бір жағдай аясында бейінді маманның қайта қабылдауы, сондай-ақ жаңа түзіліске күдік туындаған жағдайда;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; 9.&nbsp;&nbsp;&nbsp;&nbsp;&nbsp;&nbsp; көшпелі медициналық кешендер мен медициналық пойыздар қызметін алу.Пациентті қолдау қызметі дегеніміз не және ол қалай жұмыс істейді?&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Пациентті қолдау және ішкі аудит қызметі медициналық ұйымдар деңгейінде пациенттердің шағымдарын «осы жерде және дәл қазір» қағидаты бойынша жедел шешу үшін қарастырылған. Ол пациенттердің шағымдарын қарастырып, қажет болған жағдайда олардың бұзылған құқықтарын қалпына келтіруге бағытталған шараларды қабылдайды.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Пациентті қолдау қызметі пациенттердің медициналық қызметтерді алу барысында туындаған жағдайларды реттеумен айналысады. Оған пациенттердің өздері де, олардың туыстары да жүгіне алады.Фото: gov.kz

МӘМС: өзекті сұрақтарға жауап берілді

<a href="https://kyzylorda-news.kz/">Kyzylorda-news.kz</a> 2025 жылғы 28 наурызда облыс әкімінің бірінші орынбасары Д.Жаналиновтың төрағалығымен нашақорлыққа және есірткі бизнесіне қарсы іс-қимыл жөніндегі ведомствоаралық штабтың кезекті отырысы өтті.Жиында 2023-2025 жылдарға арналған кешенді жоспардың орындалу барысы қаралып, облыстық полиция департаменті, денсаулық сақтау және қоғамдық даму басқармаларының баяндамалары тыңдалды. Есірткі қылмысына қарсы күресті күшейту, нашақорлықтың алдын алу және оңалту жұмыстарын жетілдіру мәселелері талқыланды.Отырыстың қорытындысы бойынша тиісті құзырлы органдар мен жауапты басқармаларға нақты тапсырмалар берілді. Оның ішінде профилактикалық іс-шараларды күшейту, нашақорлықтың алдын алу шараларының тиімділігін арттыру, оңалту бөлімшелерінің жұмысын жетілдіру және инфрақұрылым мәселелерін шешу бойынша нақты шаралар қабылдау тапсырылды. Сонымен қатар, қала және аудан әкімдіктеріне кешенді жоспар аясында белгіленген көрсеткіштердің орындалуын қамтамасыз ету міндеттелді.Осы тапсырмалардың орындалуы облыс әкімінің аппаратының бақылауында болады.

Нашақорлыққа және есірткі бизнесіне қарсы іс-қимыл жөніндегі ведомствоаралық штабтың кезекті отырысы өтті

<a href="https://kyzylorda-news.kz/">Kyzylorda-news.kz</a> «Қазақстанға жаһандық, әсіресе өңірлік нарықта табысты бәсекеге қабілетті, қуатты әрі технологиялық тұрғыдан прогрессивті өнеркәсіп қажет»Қасым-Жомарт ТОҚАЕВ,Қазақстан Республикасының Президенті&nbsp;Мемлекет басшысының өңір экономикасына инвестициялар тарту жұмысын тиімді жүргізу жөніндегі тапсырмасын іске асыру аясында инвестициялық жобаларды жүзеге асыру бойынша жүйелі жұмыстар атқарылуда.&nbsp;&nbsp;Қостанайда 2014 жылдан бері жұмыс істеп келе жатқан индустриялық аймақ өңір дамуының негізгі драйверіне айналды.&nbsp;Бұл учаске барлық қажетті дайын инфрақұрылыммен, соның ішінде магистральдық газ құбыры, су құбыры, кәріз, байланыс және электр жабдықтау желілерімен қамтамасыз етілген.<img src="https://knadmin.beoblood.kz/uploads/1_ostanaj_oblysyny_industrialdy_ajma_y_8a7b76c0b2.webp" alt="1 Қостанай облысының индустриалды аймағы.webp">Қазіргі уақытта Қостанай қаласының Индустриялық аймағында жалпы құны&nbsp;97,4&nbsp;млрд теңгені құрайтын&nbsp;7&nbsp;жоба іске қосылды,&nbsp;1 000-нан&nbsp;астам жаңа жұмыс орны құрылды. Жобалардың басым бөлігі ауыл шаруашылығы машинасын жасау саласында жүзеге асырылуда. Жалпы сомасы&nbsp;348,5 млрд теңге сомасына&nbsp;3,9&nbsp;мың жұмыс орнын ашуды көздейтін тағы&nbsp;9&nbsp;жоба әртүрлі іске асыру кезеңдерінде тұр.&nbsp;&nbsp;Сонымен қатар, Индустриялық аймақ аумағында жаңа ірі жобаларды іске қосу және жүзеге асыру жұмыстары жүргізілуде.&nbsp;Мәселен, 2024 жылы металлургия өндірісі саласында&nbsp;«KamLitKZ» ЖШС&nbsp;шойын құю зауыты&nbsp;іске қосылды. Кәсіпорын сұр шойыннан&nbsp;цилиндр блоктары&nbsp;мен&nbsp;бастиектерін&nbsp;құюға бағытталған. Өндіріс барлық заманауи талаптарға сәйкес келеді, жоғары деңгейде автоматтандырылған және энергия тиімділігі жоғары.Жобаның құны –&nbsp;78,2&nbsp;млрд теңге, жылдық өндірістік қуаты –&nbsp;45&nbsp;мың тонна құйма,&nbsp;500&nbsp;жаңа жұмыс орны ашылды.&nbsp;<img src="https://knadmin.beoblood.kz/uploads/2_ostanaj_oblysyny_industrialdy_ajma_y_b1342b9a79.webp" alt="2 Қостанай облысының индустриалды аймағы.webp">Бұдан бөлек,&nbsp;«KamLitKZ» ЖШС&nbsp;металлургия кластерін дамыту аясында биыл тағы&nbsp;2&nbsp;жобаны іске қосуды жоспарлап отыр. Олар –&nbsp;жетекші көпірлердің басты берілістерін өндіру&nbsp;және&nbsp;жүк көліктеріне арналған жетекші көпір балкасын тереңдетілген локализациямен шығару. Жобалардың өндірістік қуаты – жылына&nbsp;74&nbsp;мың редуктор және&nbsp;90&nbsp;мың көпір балкасы, жалпы инвестиция көлемі –&nbsp;160,5&nbsp;млрд теңге,&nbsp;650&nbsp;жұмыс орны құрылады.&nbsp;Бұдан басқа, 2024 жылы машина жасау саласында «Беларус» тракторларының&nbsp;кабиналарын&nbsp;(«МТЗ Қазақстан» ЖШС)&nbsp;және көлік құралдарының&nbsp;кузовтарын&nbsp;(жедел жәрдем, автозактар, жедел әрекет ету қызметтеріне арналған көліктер – «TEHNOPARK KZ» ЖШС)&nbsp;өндіру басталды. Жыл қорытындысы бойынша&nbsp;250&nbsp;кабина және&nbsp;600&nbsp;бірлік кузов шығарылды. Сондай-ақ өткен жылдан бастап теміржол жылжымалы құрамына арналған&nbsp;серіппелердің&nbsp;сериялық өндірісі жолға қойылды.&nbsp;Осы жобаларды жүзеге асыру нәтижесінде өндіріс көлемін ұлғайтумен қатар, жаңа тауар ассортименті пайда болуына байланысты өндірілетін&nbsp;өнімнің&nbsp;номенклатурасы&nbsp;кеңейіп келеді.<img src="https://knadmin.beoblood.kz/uploads/3_ostanaj_oblysyny_industrialdy_ajma_y_eca1436f77.webp" alt="3 Қостанай облысының индустриалды аймағы.webp">&nbsp;Жергілікті билік коммуникацияларды қосу тұрғысынан әрбір инвесторға жеке тәсіл қолданады.&nbsp;Осылайша, 2023 жылы Индустриялық аймақ аумағында автомобиль жасау секторындағы негізгі жобалардың бірі –&nbsp;толық циклді KIA автокөлік зауытының&nbsp;құрылысы басталды. Бұл жоба өңірдің экономикалық дамуына оң әсер етіп, экспорттық әлеуетін арттыруға ықпал етеді.&nbsp;Жобаның жалпы инвестиция көлемі –&nbsp;90&nbsp;млрд теңге, жылдық өндірістік қуаты –&nbsp;70&nbsp;мың автокөлік,&nbsp;1 500&nbsp;жаңа жұмыс орны ашылады. Зауытты іске қосу 2025 жылдың екінші жартыжылдығына жоспарланған.&nbsp;<img src="https://knadmin.beoblood.kz/uploads/4_ostanaj_oblysyny_industrialdy_ajma_y_6b48fa8122.webp" alt="4 Қостанай облысының индустриалды аймағы.webp">Дүниежүзілік ірі концерн –&nbsp;KIA Corporation&nbsp;компаниясының келуімен Қазақстандағы машина жасау саласындағы кадрларды даярлау жүйесінде түбегейлі өзгеріс күтілуде. Бұл елімізде жаңа буын инженерлерін даярлауға мүмкіндік береді. Баршаға мәлім, адами капитал – бәсекеге қабілетті экономиканы қалыптастырудағы басты факторлардың бірі.&nbsp;Осылайша, өңірде Индустриялық аймақтардың болуы инвесторларға қолайлы жағдайлар ұсынып, инфрақұрылыммен қамтамасыз ету, көлікке қолжетімділік және басқа да артықшылықтар береді. Ал бұл өз кезегінде өңірді нақты сектордың негізгі салаларына инвестиция тарту үшін тартымды етеді. Нәтижесінде, бюджетке түсетін түсімдер, жаңа жұмыс орындарының ашылуы және экономиканың тұрақты өсімі қамтамасыз етіледі.Фото: gov.kz

Қостанай облысының индустриалды аймағы: экономиканың локомотиві және инвестиция магниті

<a href="https://kyzylorda-news.kz/">Kyzylorda-news.kz</a> &nbsp;Облысымызда балық шаруашылығын дамытып, су маржандарынның тіршілігіне қолайлы жағдай жасау мақсатында дәстүрлі “Таза су акциясы” жүргізілуде. Акцияның басты мақсаты облыс көлемінде орналасқан су айдындарының жағалауларын күл қоқыстан, түрлі тұрмыстық қалдықтардан тазарту.15 наурызда басталған акция бүгінде табиғат пайдаланушылармен бірге Қазалы ауданындағы резервтік қорда орналасқан Ащыкөл көлінде жалғасуда. Атап өту керек, ауқымды акцияға Қазалы орман мекемесінің қызметкерлері қатысты.Қызметкерлер көлдің айналасындағы қоқыстарды жинастыру, тазалау жұмыстарын жүргізіп, 2 қытай ауы және 400 кг әртүрлі қоқыс қалдықтарын арнайы қоқыс алаңына шығарды. Іс-шараға 5 адам, 1 техника жұмылдырылды.Фото: Табиғи ресурстар басқармасы Қызылорда

«Таза су айдындары» Қазалы ауданында өтті

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде «Таза Қазақстан» экологиялық жобасы аясында ботаникалық бақ және жылыжай шаруашылығы аумағына мың түп тал егілді.Акцияның ресми ашылуына басқарма төрағасы-ректордың міндетін атқарушы Майнұр Бөрібаева, облыстық табиғи ресурстар және табиғат пайдалануды реттеу басқармасының орынбасары Мәріп Акбар, әлеуметтік және тәрбие жұмыстары жөніндегі проректор Жандос Базартай, облыстық мекеме қызметкерлері, университет ұжымы мен білім алушылары және қала тұрғындары қатысты.<blockquote>«Табиғатты қорғау, оны аялау – әрбір адамның міндеті. Біздің мақсатымыз – қоғамда экологиялық сауаттылықты арттырып, тұрақты даму мақсаттарын назарға ала отырып, қоршаған ортаны қорғауға шақыру. Бүгін әрбір қатысушы тал егу арқылы, болашақ ұрпаққа баға жетпес мұра қалдыруға үлес қосуда. Сондықтан халықты, әсіресе жастарды белсенді болуға, игі бастаманы одан әрі жалғастыруға шақырамын!», – деді Майнұр Бөрібаева.</blockquote>Экологиялық акция Қорқыт ата атындағы Қызылорда универсиетінің ұйымдастыруымен, облыстық табиғи ресурстар және табиғат пайдалануды реттеу басқармасы және «AMANAT» партиясы Қызылорда облыстық филиалының қолдауымен өтті.Әрбір отырғызылған ағаш – келешекке деген үміт пен арманды символиздейді, сондай-ақ, тұрақты дамуға және табиғатпен үйлесімді өмір сүруге деген ұмтылысты білдіреді. Игі шара университеттің белсенді студенттерінің концерттік бағдарламасына жалғасып, қатысушыларға ыстық бауырсақ таратылды. Сонымен қатар, «Eco life» студенттік клубының мүшелері барлық жастарға челлендж жолдады. Наурыз айынан бастап университеттің барлық оқу ғимараттарында тұрақты түрде табиғатты қорғау мақсатында сенбіліктер өтуде.Фото: Қорқыт ата университеті

1000 ағаш – 1000 арман

<a href="https://kyzylorda-news.kz/">Kyzylorda-news.kz</a> Кеше «Ақмешіт-Сырдария» орталық мешітінде Қызылорда облысының Бас имамы Дастан Құрманбаев «Сыр медиа» жауапкершілігі шектеулі серіктестігінің бас директоры Марат Аралбаевты қабылдап, елімізде діни бағытта атқарылып жатқан жұмыстарды, оның ішінде, Қазақстан Мұсылмандары діни басқармасы мен Қызылорда облысы өкілдігінің іс-шараларын насихаттауға қосып келе жатқан зор үлесі үшін алғысын айтып, ризашылығын жеткізді.<blockquote>– Ақпарат саласы – қоғамдық пікір қалыптастыратын маңызды сала, ол – қуатты құрал. Әсіресе, қазіргідей құбылмалы, түрлі технологиялар қарыштап дамыған заманда халыққа дін тақырыбында жан-жақты сарапталған, тексерілген, шынайы ақпаратты ұсыну аса маңызды. Қоғамды адастыратын ақпаратқа жол бермеу үшін өзіңіз басқаратын серіктестік қызметкерлері ұлт мүддесін бәрінен биік қойып, ел қамы үшін қалам тербеп келеді. Бұдан бөлек, сіз – біздің тек ақпараттық қолдаушымыз ғана емес, орталық мешіттің тұрақты жамағатысыз. Мешітте ұйымдастырылып жатқан барлық шараларға белсенді түрде қатысып, үнемі ақыл-кеңесіңізді беріп отырасыз. Ұйымдастыру жұмыстарына да көмек көрсетіп келесіз. Сізге өзімнің ғана емес, өкілдік ұжымының атынан алғыс айтып, ризашылығымызды жеткіземіз. Алла Тағала өзіңізге екі дүниенің бақытын нәсіп етсін! Әрдайым мерейіңіз үстем, мәртебеңіз биік болсын! – деді Дастан Жанасұлы.</blockquote>Кездесу соңында Бас имам Марат Жайылханұлына құрмет көрсетіп, өзінің Алғысын табыстап, сый-сыяпат жасады.ҚМДБ-ның Қызылорда облысы бойынша өкілдігінің баспасөз қызметі

Медиахолдинг басшысына ризашылығын білдірді

<a href="https://kyzylorda-news.kz/">Kyzylorda-news.kz</a> Президент тапсырмасына сәйкес және Жұмысшы мамандықтары жылы аясында еліміздің орта білім беру ұйымдарында педагог-кәсіптік бағдар беруші лауазымы ресми түрде бекітілді.Оқу-ағарту министрлігінің баспасөз қызметі мәлім еткендей, бұл бастама оқушыларға мамандық таңдауда ерте бағыт-бағдар беруге, сондай-ақ оқушылар, ата-аналар, педагогтер, колледждер мен жұмыс берушілер арасындағы өзара байланыс пен ынтымақтастықтың тиімділігін арттыруға бағытталған.Педагог-кәсіптік бағдар берушінің негізгі міндеттері:<ul><li style="text-align:justify;">Оқушыларға мамандық пен білім бағытын таңдауда қолдау көрсету;</li><li style="text-align:justify;">Жеке және топтық кәсіби кеңес беру жұмыстарын жүргізу;</li><li style="text-align:justify;">Кәсіптік бағдар беруге арналған іс-шараларды ұйымдастыру;&nbsp;</li><li style="text-align:justify;">Жұмыспен қамту орталықтарымен, колледждермен және кәсіпорындармен байланыс орнату;</li><li style="text-align:justify;">Оқушыларға еңбек нарығындағы сұранысқа ие&nbsp;мамандықтар мен заманауи үрдістер туралы ақпарат беру.</li></ul><blockquote>—&nbsp;Жаңа лауазымның енгізілуі оқушылардың сана­лы әрі дұрыс кәсіптік таңдау жасауына көмектеседі, жұмысшы мамандықтарының беделін арттырып, еңбекке бейім, білікті және бәсекеге қабілетті ұрпақ тәрбиелеуге ықпал етеді,&nbsp;— делінген хабарламада.</blockquote>Фото: Нұрболат Нұржаубай

Алғаш рет мектепте «педагог-профориентатор» лауазымы ресми түрде енгізілді

<a href="https://kyzylorda-news.kz/">Kyzylorda-news.kz</a> Айдарлы ауылында Сырдария ауданының әкімі Берік Сәрменбаевтың қатысуымен қоғам қайраткері, журналист, саясаттану ғылымдарының докторы Әбдіжәлел Қошқарұлының 85 жас мерейтойына арналған облыстық ақындар мүшәйрасы өтті. Жыр додасын аудандық мәслихат төрағасы Ержан Әжікенов, ардагерлер кеңесінің төрағасы Мұса Келдібаев, Қазақстанның еңбек сіңірген қайраткері Әмір-Темір Хұсейін, Қазақ тілі қоғамының төрағасы және ауыл тұрғындары тамашалады.Аудан әкімі мерейтой иесі көрнекті қоғам қайраткері атқанған еңбегін атап, мүшайраға қатысушы ақындарға сәттілік тіледі.<blockquote>— Біз көрнекті қоғам қайраткері, журналист, саясаттану ғылымдарының докторы, ұлт руханияты мен елдің дамуына сүбелі үлес қосып жүрген Әбдіжәлел Бәкір Қошқарұлының 85 жылдық мерейтойына арналған облыстық ақындар мүшәйрасында бас қосып отырмыз. Өздеріңізге белгілі, Әбдіжәлел ағамыз – нағыз ұлтжанды азамат, тіл жанашыры, мемлекеттік басқару, бұқаралық ақпарат, білім салаларында абыройлы қызмет атқарған көрнекті тұлға. Ардақты азамат киелі Сырдың топырағында, Айдарлы ауылында дүниеге келді. Еңбек жолындағы алғашқы қадамдарын Сырдария ауданында ұстаздықтан бастады. Әбдіжәлел Қошқарұлы Қызылорда қалалық комсомол комитеті ұйымдастыру бөлімінің меңгерушісі, бірінші хатшысы, облыстық комсомол комитетінің хатшысы, партия комитетінің бөлім меңгерушісі қызметтерінде жүріп, өңірдің өсіп-өркендеуіне еңбек сіңірді. Екі мәрте Қазақстан Республикасы Парламенті Мәжілісінің депутаты болып сайланып, тіл жанашыры ретінде ана тіліміздің мерейін арттырды. Дана халқымыз «Қаламы қарымдының еңбегі жарқырайды» деп бекер айтпаған. Әбдіжәлел Қошқарұлының қаламынан шыққан 200-ден астам ғылыми мақала, 10 монография мен 2 кітап әлеуметтік маңызын жоғалтпаған ғылыми еңбектердің қатарында. Жыр додасында бақ сынайтын ақындар шабыты мен шеберлігін ортаға салып, ел үшін атқарған еңбегіңізді дәріптейді деп сенемін. Сізді мерейлі мерекеңізбен құттықтай отырып, зор денсаулық, ұзақ ғұмыр, отбасыңызға бақ-береке тілеймін. Мерейтойыңыз құтты болсын! Мүшәйраға қатысушыларға ақындарға сәттілік тілеймін! - деді Берік Әбдіғаппарұлы.</blockquote>Іс-шара барысында аудан басшысы Әбдіжәлел Қошқарұлының мерейтойына арнайы құттықтау табыстап, сый-құрмет көрсетті.Облыстың түпкір-түпкірінен жүйрік ақындар қатысқан жыр додасы екі кезең бойынша өтті. Ақындар тарихи тұлға Мұстафа Шоқай мен Әбдіжәлел Қошқарұлына дайындаған арнауларын оқыды. Сайыс қорытындысы бойынша топтан үздік шаққан ақындар марапатталды. &nbsp;Сонымен қатар, Әбдіжәлел Қошқарұлының құрметіне кітап көрмесі мен фотокөрме ұйымдастырылды.<img src="https://knadmin.beoblood.kz/uploads/bdizh_lel_osh_ar_ly_7a2d3fa944.jpg" alt="Әбдіжәлел Қошқарұлы.jpg">Фото: Сырдария ауданы әкімінің баспасөз қызметі

Қоғам қайраткеріне құрмет көрсетті

<a href="https://kyzylorda-news.kz/">Kyzylorda-news.kz</a> Күн жылып, жердің тоңы жібіген кезде басталатын жыл сайынғы көктемгі егіс дала жұмыстары Арал өңірінде биыл да қарқын алды. Ауыл шаруашылығы дақылдарының егіс алқаптарының құрылымын әртараптандыруға сәйкес, биыл егістік көлемін 1000 гектарға орналастыру жоспарланып отыр. Оның 6,5 гектары картоп, 58 гектары көкөніс, 312,5 гектары бақша, 237 гектары жаңа жоңышқа және 386 гектары ескі жоңышқа мал азықтық дақылдары.Ағымдағы жылы көктемгі дала жұмыстары бойынша Ақирек ауылдық округіндегі «Асхат-1», «Шеру» және «Дидар» шаруа қожалықтары және Аманөткел ауылдық округіндегі жеке кәсіпкер Е.Төреханов алғашқылардың бірі болып жер жырту жұмыстарын жүргізді.Бүгінгі күнге, «Асхат-1» шаруа қожалығы бақшалық дақылдар үшін 4 гектар, «Шеру» шаруа қожалығы 3 гектар, «Дидар» шаруа қожалығы 4 гектар жерді, ал Аманөткел ауылдық округіндегі жеке кәсіпкер Е. Төреханов 8 гектар жер жыртып, егістік жердің қоршауларын толық жүргізуді қолға алуда.Аталмыш, «Асхат-1» шаруа қожалығы жыртылған жердің 3 гектарына, жеке кәсіпкер Е. Төреханов 8 гектар жерге су үнемдеу технологиясын пайдалана отырып, тамшылатып суару және подпленка әдісімен бақша егуді жоспарлап отыр.Бұл бағыттағы тиімді әрі ерте басталатын жұмыстардың бірі – жылыжай кешенін іске қосу болатын. Өткен жылы Сексеуіл кентінің жеке кәсіпкері Ахметжан Боханов шағын жылыжай кешеніне көкөніс өнімдерін оның ішінде қияр, қызанақ егіп, өнімдерін аудан тұрғындарына нарықтағы бағадан 10-15 пайыз төмен бағамен сатылымға шығарған болатын.Кент тұрғыны Ахметжан Боханов биыл да жылыжай кешеніне қиярдың Авелла-1 сортының көшеттерін отырғыза бастады. Одан бөлек кенттің Құмсай өңірінен 7 гектар жерге бақшалық дақылдар егу үшін қарбыздың (ницца, атаман, холор, блэйд, китано сорттары) және қауынның (күләбі, әміре, красная москва, торпедо, сорттарын), сорттарын алып, екпе көшеттерін алдымен жылыжай кешеніне отырғызуды қолға алды.<img src="https://knadmin.beoblood.kz/uploads/Eginge_dajyndy_zh_mystary_bastaldy_2_8439529229.jpg" alt="Егінге дайындық жұмыстары басталды 2.jpg">Фото: Арал ауданының әкімдігі

Егінге дайындық жұмыстары басталды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Қызылорда қаласындағы құрылыс нысандарын аралап, ондағы жұмыс барысын тексерді.Алдымен &nbsp;«Қызылорда Арена» көпфункционалды кешенін салу белгіленген жерге барып, &nbsp;дайындық жұмыстарын көрді.Төрт қабатты ғимарат &nbsp;Бейбарыс сұлтан көшесіне орналасады деп жоспарлануда. &nbsp;Спорт нысанында әмбебап және шағын спорт залдары, бассейн, тренажер, сондай-ақ төрешілер, жаттықтырушыларға арналған киім ауыстыратын, тағы басқа қосалқы бөлмелер, душ, конференц-зал болады. Еркін және классикалық күрес, &nbsp;бокс, теннис, таэквандо, самбо мен дзю-доға арналған залдар қарастырылған."Қызылорда-Арена" оқу-жаттығуға, жарыстар өткізуге мамандандырылған кешен болады деп күтілуде. Аймақ басшысы құрылыс барысында сапаға баса мән беруді, бекітілген мерзімде бастап, уақытылы аяқтауды тапсырды. Одан кейін Тәуелсіздікке 25 жыл даңғылын қайта жаңғырту барысын көріп шықты.Өткен жылдан бері &nbsp; осы даңғылдың Бейбарыс сұлтан көшесінен Әбілқайыр хан көшесіне дейінгі Сырдария өзенінің қорғаныш бөгеті нығайтылып, 6,7 шақырымы қайта жаңғыртылуда.Мердігер «УАД» ЖШС бұған дейін 1,2 шақырым кеңейтілетін аумаққа жол салып, асфальт төседі. &nbsp;Сырдария өзенінің жиегіндегі қорғаныс бөгеті тазаланып, 2,6 шақырымға жуық дамба нығайтылды, 1,4 шақырым тіреу қабырға, 820 метр жиек тұрғызылды.Даңғылдың жалғасы ретінде Әбілқайыр хан көшесінен Саламатов көшесіне дейінгі &nbsp;қорғаныс бөгетін нығайту мен 2,9 шақырым автомобиль жолын салу жоспарланған. Облыс әкімі &nbsp;жолды сапалы салып, уақытылы аяқтауды тапсырды.<img src="https://knadmin.beoblood.kz/uploads/Ajma_basshysy_rylys_nysandaryn_aralau_2_fd77bb64a8.jpg" alt="Аймақ басшысы құрылыс нысандарын аралау 2.jpg"><img src="https://knadmin.beoblood.kz/uploads/Ajma_basshysy_rylys_nysandaryn_aralau_3_3db983fb97.jpg" alt="Аймақ басшысы құрылыс нысандарын аралау 3.jpg"><hr><img src="https://knadmin.beoblood.kz/uploads/Ajma_basshysy_rylys_nysandaryn_aralau_4_06a4543f24.jpg" alt="Аймақ басшысы құрылыс нысандарын аралау 4.jpg">Фото: Қызылорда облысы әкімінің баспасөз қызметі

Архив