<a href="https://kyzylorda-news.kz/">Kyzylorda-news.kz</a>&nbsp; Алматыда ер адам әйелін көшедегі жаттығу құрылғысында жаттығуға күштеп мәжбүрлегені түсірілген видео әлеуметтік желіде таралды. Бұл туралы <a href="https://stan.kz/">Stan.kz</a> ақпарат агенттігі хабарлайды.&nbsp;Telegram-арнасында жарияланған видеода "ер адам әйелді жаттығуға мәжбүрлейді" деп жазылған. Сонымен қатар ол әйелдің бұған дейін инсульт алғаны және жергілікті тұрғындардың бұл көрініске күн сайын куә болатыны айтылған.Кадрлардан ер адамның әйелді күшпен жаттығу құрылғысына отырғызуға тырысып жатқаны көрінеді. Оған бұл үлкен қиындықпен беріледі, содан кейін әйел жаттығулар жасай бастайды. Видео авторлары бұл әрекетке ашуланған.Алматы полиция департаменті бұл оқиға бойынша "102" пультіне ешқандай шағым, хабарлама немесе қоңырау түспегенін хабарлады.<blockquote>"Қазір Әуезов ауданы Полиция басқармасының қызметкерлері тексеру жүргізіп жатыр. Оқиғаға қатысушылар мен мән-жайлар анықталып, Қазақстан Республикасының заңнамасына сәйкес шаралар қабылданады", – деп мәлімдеді полицияда.</blockquote>Фото: Видеодан скрин

"Инсульт алған әйелді жаттығу жасауға мәжбүрлеген": Қазақстандықтардың ер адамның дөрекілігіне ашуланды

<a href="https://kyzylorda-news.kz/">Kyzylorda-news.kz</a>&nbsp; Биыл Наурызнама елімізде 14-23 наурыз аралығында тойланады. Әр күннің өз тақырыптық бағыты, дәстүрі мен мәні бар.Наурызнамада 20 наурыз – Ұлттық спорт күні деп белгіленген. Әрбір ұлттың әдебиетімен, мәдениетімен, салт-дәстүрімен бірге жасасып келе жатқан құндылықтардың бірі – ұлттық спорт.Бүгін "Ұлттық мұра" партиялық жобасы аясында "AMANAT" партиясы Байқоңыр филиалына қарасты бастауыш партия ұйымдарының арасында қол күресі, гір көтеру, ләңгі тебу, арқан тартыс ұлттық ойындар түрлерінен спорттық сайыс өткізілді.БПҰ мүшелері сайыс барысында бір-біріне дес бермей, жеңімпаз атану үшін барын салып, ойынның көркін қыздырды.Тартысты өткен жарыс нәтижесінде жеңімпаздарға арнайы кубок, бағалы сыйлықтар мен дипломдар табысталды.Спорттық шараға қатысқан БПҰ мүшелері ұйымдастырушыларға алғыстарын жеткізіп, ризашылықтарын білдірді.Жарысты қорытындылай келе, "AMANAT" партиясы Байқоңыр филиалының Атқарушы хатшысы Мақсат Есбенбетов халқымыздың қайсар рухы мен қажыр-қайраты осы ұлттық спорт түрлерінде жарқын көрініс табады. Тереңнен тамыр тартқан, бабаларымыздың өмір-салтымен біте қайнасқан төл өнеріміз еліміз егемендік алған тұстан бастап қарқынды дамып келеді деп атап өтті.

Ұлттық спорт түрлерінен жарыс ұйымдастырылды 

<a href="https://kyzylorda-news.kz/">Kyzylorda-news.kz</a>&nbsp; Бүгін облыс әкімі Нұрлыбек Нәлібаевтың қатысуымен Жаңақорғанда «Армысың, Әз Наурыз» атты мерекелік шара өтті. Жиынға Қазақстан Республикасы Парламенті Сенаты жанындағы Сенаторлар Кеңесінің мүшесі Мұрат Бақтиярұлы, облыстық мәслихат төрағасы Мұрат Тлеумбетов, аудан тұрғындары, аймақ ардагерлері қатысты. Кенттегі «Prime Park» орталық саябағына ұлттық қолөнер бұйымдары көрмесі қойылып, ұлттық ойындардан сайыстар ұйымдастырылды. Салт-дәстүрлердің тағылымы суреттелген қойылымдар көрсетілді. Іс-шара қонақтары бүлдіршіндердің тұсауын кесіп, игі тілек айтты. Аймақ басшысы тұрғындарды Наурыз мерекесімен құттықтап, атқарылған жұмыстарға тоқталды.<blockquote>«Мемлекет басшысы Қасым-Жомарт Кемелұлы «Ұлыстың ұлы күнінде ұрпақтар сабақтастығы, достық қарым-қатынастар мен қонақжайлық салты дәріптеледі.Тереңнен тамыр тартатын құндылықтарымыз, үлкенге құрмет, кішіге ізет көрсету дәстүрі ерекше салтанат құрады», – деген болатын. Президентіміздің бастамасымен өткен жылдан бері елімізде Наурыз мейрамы 10 күн бойы тойлануда. Ұлыстың Ұлы күні Сыр жеріне толайым жаңалықтарымен келді! Биыл – еліміз, өңіріміз үшін мерейтойлар жылы! Қазақтың бас ақыны Абай Құнанбайұлының туғанына 180 жыл, Қызылорданың Қазақ елінің астанасы болғанына 100 жыл, Ұлы Жеңістің 80 жылдығы, Байқоңыр ғарыш айлағының ашылғанына 70 жыл, Қазақстан халқы Ассамблеясының 30 жылдығы кең көлемде аталып өтеді. Жақында ғана Бурабайда өткен Ұлттық құрылтайда Мемлекет басшымыз Қасым-Жомарт Кемелұлы құрылтайдың келесі 5-ші отырысын Сыр бойында, кезінде Қазақ елінің астанасы болған Қызылорда қаласында өткізуді ұсынды. Алқалы жиынды Сыр елінде өткізу туралы қабылданған тарихи шешім аймақ жұртшылығының мерейін асқақтатты. Президентіміз халқымыздың «қазақ» деген байырғы атауы қайтарылған, тарихи әділдік орнаған Қызылордадағы маңызды оқиғалар ел жадында сақталуға тиіс екенін атап өтті. Бұл – біз үшін зор мәртебе, Президентіміздің Сыр өңіріндегі атқарылып жатқан жұмыстарға берген оң бағасы.Ұлттық құндылықтарымызды ұлықтаған Наурыз мейрамы тәуелсіз елімізге, туған жерімізге игіліктерімен, жаңалықтарымен келсін! Жеріміздің тынысы кең, еліміздің мерейі үстем, халқымыздың келешегі кемел болсын деп тілеймін! Әрбір шаңыраққа бақ-береке, шаттық, қуаныш орнасын! Ұлыс оң болсын, ақ мол болсын! Әз Наурыз құтты болсын!», - деді Нұрлыбек Машбекұлы.</blockquote>Мерекелік жиында Жаңақорған ауданының дамуына үлес қосқан белсенді азаматтар облыс әкімінің Алғыс хатымен марапатталып, Қызылорда облысының құрметті азаматы Бекмырза Еламанов батасын берді.Іс-шара соңы мерекелік концертке ұласты.<img src="https://knadmin.beoblood.kz/uploads/1_Zha_a_or_anda_Armysy_z_nauryz_atty_merekelik_shara_tti_86492e8ee8.jpg" alt="1 Жаңақорғанда «Армысың, Әз наурыз!» атты мерекелік шара өтті.jpg"><img src="https://knadmin.beoblood.kz/uploads/2_Zha_a_or_anda_Armysy_z_nauryz_atty_merekelik_shara_tti_8b8477a859.jpg" alt="2 Жаңақорғанда «Армысың, Әз наурыз!» атты мерекелік шара өтті.jpg"><img src="https://knadmin.beoblood.kz/uploads/3_Zha_a_or_anda_Armysy_z_nauryz_atty_merekelik_shara_tti_7e56bf9464.jpg" alt="3 Жаңақорғанда «Армысың, Әз наурыз!» атты мерекелік шара өтті.jpg"><img src="https://knadmin.beoblood.kz/uploads/4_Zha_a_or_anda_Armysy_z_nauryz_atty_merekelik_shara_tti_f4b46f0027.jpg" alt="4 Жаңақорғанда «Армысың, Әз наурыз!» атты мерекелік шара өтті.jpg">Фото: Қызылорда облысы әкімінің баспасөз қызметі

Жаңақорғанда «Армысың, Әз наурыз!» атты мерекелік шара өтті 

<a href="https://kyzylorda-news.kz/">Kyzylorda-news.kz</a>&nbsp; ҚМДБ «Зекет және қайырымдылық» қорының Қызылорда облысы бойынша өкілдігі кезекті 100 отбасына қуаныш сыйлады.Қайырымдылық шарасында Сыр өңірінің бас имамы Дастан Жанасұлы мүмкіндігі шектеулі жандарды берекелі аймен және ұлттық мейрам келуімен құттықтап, «Рамазан сыйын» табыстады.Айта кетейік, Діни басқарманың 35 жылдығына және Рамазан айының құрметіне орай Бас мүфти Наурызбай қажы Тағанұлының тапсырмасымен 35 000 отбасына азық-түлік тарату марафоны бастау алған болатын. Рамазан айында басталған жоба жыл бойы жалғасын табады. Аймақтағы көмекке мұқтаж адамдар тізімі облыстық «Отбасын қорғау» орталығынан алынуда.Фото: ҚМДБ-ның Қызылорда облысы бойынша өкілдігінің баспасөз қызметі

Рамазан сыйы – 2025: Кезекті 100 отбасына қуаныш сыйлады

<a href="https://kyzylorda-news.kz/">Kyzylorda-news.kz</a> Бүгін Наурызнама онкүндігіне сәйкес, 20 наурыз – Ұлттық спорт күні. Осыған орай, Қызылорда қалалық ипподромында қазақтың ұлттық ойындарын кең көлемде дәріптеу мақсатында арнайы мерекелік іс-шара ұйымдастырылды.Салтанатты шараның ашылуына Қызылорда облысының дене шынықтыру, спорт және туризм басқармасының басшысы Бахтияр Артаев қатысып, сырбойылықтарды Ұлттық спорт күнімен құттықтады.<blockquote>– Ең алдымен баршаңызды Ұлыстың ұлы күні Наурыз мерекесімен шын жүректен құттықтаймын! Ұлттық спорт – өскелең ұрпақты үйлесімді тәр­­­бие­­леудің ажырамас бөлігі. Сол себепті ұлтымыздың тарихы мен дәстүрінен сыр шертетін ұлттық ойындарымызды кеңінен насихаттап, қайта жаңғырту баршамыздың парызымыз.Білек пен білім, күш пен мінез, төзім мен сабыр сынға түсетін сан түрлі сайыстар арқылы тәрбие мен тағылымды бойына сіңірген жастарымыздың әрдайым алда болары анық. Баршаңызға Ұлттық спорт күні құтты болсын!, – деді басқарма басшысы.</blockquote>Өз кезегінде спорт саласының құрметті ардагері Құрманғали Мырзаұлы ақ батасын беріп, көпшілік қауымға өзінің ізгі тілегін жеткізді.Сондай-ақ, мерекелік шарада Ұлттық спорттың дамуына өзіндік үлесін қосып жүрген бірқатар спорт саласының қызметкерлері марапатталып, құрмет төрінен көрінді.Ұлттық құндылығымыз ұлықталған мерекелік шарада тұсаукесер рәсімі өтті. Басқарма басшысы Бахтияр Ғарифоллаұлы қадам басқан бүлдіршіннің тұсауын кесіп, ел мақтанышына айналар азамат болуына тілек білдірді.Одан кейін шара барысы спорт мектептері дайындаған мерекелік концертпен жалғасты. Сондай-ақ, ұлттық ойындарымыз көкпар, арқан тартыс, қазақ күресі, қол күрес, асық ату, тоғызқұмалақ, аударыспақ, гір көтеруден жарыс өтіп, оған 400-ге жуық спортшы қатысты.Айта кетейік, бүгінде Сыр өңірінде 29 446 адам ұлттық спортпен айналысады. Аймақта ұлттық спорттың басым көпшілігі ерекше қарқынмен дамып келеді.<img src="https://knadmin.beoblood.kz/uploads/1_Syr_elinde_ltty_sport_k_ni_atalyp_tti_3b8a6cc887.jpg" alt="1 Сыр елінде Ұлттық спорт күні аталып өтті.jpg"><img src="https://knadmin.beoblood.kz/uploads/2_Syr_elinde_ltty_sport_k_ni_atalyp_tti_268efaa51d.jpg" alt="2 Сыр елінде Ұлттық спорт күні аталып өтті.jpg"><img src="https://knadmin.beoblood.kz/uploads/3_Syr_elinde_ltty_sport_k_ni_atalyp_tti_53b91ec13f.jpg" alt="3 Сыр елінде Ұлттық спорт күні аталып өтті.jpg">Фото: Қызылорда облысының дене шынықтыру, спорт және туризм басқармасы

Сыр елінде Ұлттық спорт күні аталып өтті 

"Менің алғашқы оразам" байқауына<a href="https://kyzylorda-news.kz/">Kyzylorda-news.kz</a>&nbsp; &nbsp; Ораза ұстау &nbsp;парыз. Міне, осы сөздің мағынасын терең түсінгендер қатары бүгінде артып келеді. Қуантарлығы, жастар арасында да ауыз бекітіп, ораза ұстаушылар көбейді.&nbsp; Мен де алғашқы оразаны мектеп қабырғасында бастағанмын. Ең алғашқы ораза болған соң білмей істеген қателіктер болады. Бірақ уақыт өте келе тәжірибе жинақтап, істеуге болатын, болмайтын нәрселерді үйрендім. Қазір ғаламтордың дамыған заманы. Кез келген сұрақтың жауабы ғаламторда тұр. Оның үстіне инстаграм әлеуметтік желісінде имамдардың парақшасына жазылып, күнделікті тың бір ақпаратты үйреніп алуға мүмкіндік бар.&nbsp;Қазіргі таңда танымал имам Нұрлан Байжігітұлы күнде сәресіде тікелей эфирде отырады. Оның оқырмандары көп екені айтпаса да белгілі. Оқырмандарынан келген кез келген сұраққа жеп-жеңіл, жастардың тілінде, қабылдауына оңай етіп жауап береді. "30 күн оразада мен сіздермен бірге боламын. Егер сәресі ішуге қасыңызда серік болмаса, менің тікелей көрсетілімімді қосып қойыңыз. Оразаға қатысты сұрағыңызға жауап алып, біліміңізді әрі қарай дамытасыз" дейді. Ораза ұстау үшін шешім қабылдау оңай. Бастысы – ниет қана. Ал білмей істелген қателікті Алланың өзі кешіреді.&nbsp; &nbsp;Биыл 20-сыншы рет ауызбекітіппін. Бұл мен үшін мақтаныш емес, қуантарлық іс.&nbsp; &nbsp;Анам бастапқыда "Мектеп оқып жүргенде ауыз бекіту қиын болады келер жылы ұстайсың" деді. Бірақ анамның келісімін алып, ниет етіп, ауыз бекіттім. Ең алғашқы ұстаған ораза болған соң, білмей істелген қателіктер көп болды. Бірте-бірте үйрене бастадым. Рұқсат етілген нәрселерді, тиым салынғандарды іздеп, оқып зерттедім. Ол кезде әлі баласың, дұрыс-бұрысты үйреніп кету оңай емес. Біреуі "анау болмайды, мынау болмайды" деп жүрді, солай үйрендім. Бастысы, ораза тек азаннан-кешке дейін тамақ ішпей жүру емес екенін түсіндім. Оразада Алла өзі күш-қуат береді дейді. Бұл сөзге анық көзім жетті. Себебі ораза кезінде қарның ашпайды, тамақ іздеп, шыдамсызданбайсың. 30 күнде астан ғана емес, жаман әдеттен, біреуді жамандап, ғайбаттаудан тиыласың. Бір сөзбен айтқанда, &nbsp;рухани тазарасың. Сауапты іс-әрекет жасауға, әр жұма сайын садақа беруді бойға сіңіреді екенсің. Қазір ораза ұстағандар қатары көбейіп келеді. Бұл мені айтарлықтай қуантады. Тарауих намазға баратын жастар да көбейді. "Қосшыңырау ауылдық округінің" мешітінде күнде кешке жиналғандар қарас көп. Оқушылардың да шын көңілмен ниет етіп, мешітке қарай қуана-қуана барғанын көру, ниетін сезіну адамға ерекше қуаныш сыйлайды екен. Мешіт – құлшылық жасалатын орын. Ол жерге барудағы мақсат – Аллаға құлшылық ету, парыз етілген үкімдерді орындау. Мұны жастар жақсы түсініп келеді.&nbsp; Ораза сөзінің араб тіліндегі баламасы – "саум". Бұл – барлық нәрседен тыйылу деген мағынаны білдіреді. &nbsp;Ораза – Алла Тағала Құранда: "Уа, иман келтіргендер! Өздеріңнен бұрынғыларға парыз етілгендей сендерге де ораза ұстау парыз етілді. Бәлкім, сол арқылы (асау нәпсіні тізгіндеп) күнә атаулыдан сақтанып, тақуалыққа жетерсіңдер", – дейді. Бұл аят оразаның Мұхаммедтің (оған Алланың салауаты мен сәлемі болсын!) үмбетінен басқа қауымдарға да жалпылама міндеттелгеніне дәлел болады. Ораза – адамды игілікке бастап, Алланың рақымына жетелейтін игі құлшылық. Сондықтан да Хақ Тағала аятта: "Бәлкім, тақуалыққа жетерсіңдер", – деп үміт ұшқынын жағады.Ораза пендені көптеген жаман әдеттерден сақтайды. Тәнді аурудан, жанды құмарлықтан, ақыл-ойды азғындықтан тыяды.&nbsp; &nbsp; Демек, оразаның адамға тигізер пайдасы, сауабы көп. Сондай-ақ адам ағзасына тигізер 10 пайдасы бар екен. Мәселен, жасушалар жаңарып, ескілері жойылады. Қант ауруына тосқауыл болады. Артық салмақтан арылуға әсер етеді, тері ауруларына пайдалы. Тұз байлану ауруына әсері бар. Қан қоюлануының алдын алады, адам ағзасын улы заттардан тазартады. Сондай-ақ ас қорыту жүйесі демалады, жағымсыз тәуелділіктерден арылтады. Қан қысымын түсіреді, бас ауруына пайдасы бар. Яғни ораза адам денсаулығын жақсартады.<blockquote>– Рамазан – он екі айдың сұлтаны, берекелі де кешірімі мол ай. Қасиетті айда адам баласы көбірек жақсылық жасап, ізгі амалдар атқаруға тырысады. Ораза пендені тақуалыққа тәрбиелейді. Рамазан – Алланың мейірімі төгіліп, жұмақтың есігі айқара ашылатын, иманды күшейтуге мүмкіндік берілген берекелі ай. Бұл – Жаратушы Иеміздің ұлы сыйы әрі нығметі. Рамазан – он бір ай бойы кір шалып, тот басуға аз қалған рух пен жүректің қайта тазарып, кемелденуі үшін Алла Тағаланың арнайы бекіткен киелі бағдарламасы, – дейді ҚМДБ төрағасы, Бас мүфти Наурызбай қажы Тағанұлы инстаграм әлеуметтік желідегі парақшасында.</blockquote>&nbsp;Ғұламалардың айтуынша, Рамазанның алғашқы он күні – мейірім, екінші он күні – кешірім және соңғы он күні – тозақ отынан азаттық. Ораза ұстауға сауапты іс істеуге, жұма сайын садақа беруге асығайық!&nbsp;Мөлдір САБЫРЖАНФото: freepik.com

 Менің алғашқы оразам

<a href="https://kyzylorda-news.kz/">Kyzylorda-news.kz</a> «Ауыл аманаты» жобасы – Мемлекет басшысының сайлауалды бағдарламасын жүзеге асыру аясында қолға алынған маңызды бастама және ауыл тұрғындарының тұрмысын жақсартып, табысын арттыруға бағытталған. Халықтың жартысынан астамы ауылдық жерде тұратын Сыр өңірі үшін бұл жобаның маңызы зор.Ауылдағы ағайынның кәсіп көзін тауып, табысын жақсартуы үшін жобаны жүзеге асыруға өткен жылы облыста «Ауыл аманаты» жобасы бойынша «Amanatnesie.kz» порталы арқылы 2,5 млрд. теңге бөлініп, 355 жобаны жүзеге асырып, 386 жұмыс орындарын ашу көзделген.Бүгінгі күнге «Amanatnesie.kz» порталы арқылы 2,2 млрд. теңгеге &nbsp;339 жоба қаржыландырылып, 360 жұмыс орны ашылатын болады.&nbsp;2025 жылға аталған бағдарлама аясында 5,5 млрд. теңге қаржы қаралып, 815 жобаны іске асыру арқылы 886 жұмыс орындарын ашу көзделуде.Басымдық өндірістік жобаларға, яғни шағын цехтар, жылыжай өндірісі, омарта, балық және құс шаруашылығы секілді жеке қосалқы шаруашылықтардың жұмысын дамытуға бағытталды.&nbsp;Бүгінгі күні өңірімізде жобаның жемісін көре бастаған азаматтар қатары артып келеді. &nbsp;Кәсіпкерлік саласы түрлі жобалар арқылы даму үдерісінде. Шиелі ауданында өз кәсібінен өнім өндіріп отырғандардың бірі - “Барлыбай и К” цехының иесі Қанат Мұсаев. Ол «Ауыл аманаты» жобасы аясында қызанақ пастасын шығаратын цех ашқан болатын. Бүгінде 6 адамды жұмыспен қамтып отыр.<blockquote>- Бүгінде 10-нан астам өнім түрлері оның ішінде томат пастасы, аджика, салат, қарбыз, қауын балы шығарылуда. Бұл өнімдер облыс көлемінде, Астана, Қарағанды, Алматы өңірлеріне өткізілуде. Биылғы жылға 100 мың банка шығарылды. Шикізат ретінде өзіміздің еккен қызанақ, қауын қарбыз тәтті, ащы бұрыштарды өңдеп, консерві шығарып жатырмыз. Маусымаралық кезеңде 10 адам жұмыс жасайды. Болашақта өнім түрлерін 20-ға жеткізіп, сусын түрлерін де шығару жоспарлануда,- дейді Қанат Мұсаев.</blockquote>Бұдан бөлек, Сырдария ауданында «Ауыл аманаты» бағдарламасы аясында «Сыр құсы» ауыл шаруашылығы өндірістік кооперативі құрылып, 27,6 млн. теңге жеңілдетілген несие алған.Жоба бойынша аталған қаржыға шағын 3 типтік құс фермасы (птичник) салынған. Жамбыл облысы Тараз қаласынан әр птичникке 1500 бас бройлер балапандары алынып (барлығы 4500 бас шөже), бағылады. Шөжелердің басты ерекшелігі олардың ептілігінде, олар 30-55 күн ішінде сойылады және қысқа уақытта 2,0 -2,5 кг ет береді.Бүгінгі күнге 45 тонна құс етін өндіріп, ішкі нарыққа төмен бағада өткізілуде. 5 адам жұмыс қамтылды.<img src="https://knadmin.beoblood.kz/uploads/Whats_App_Image_2025_03_20_at_11_57_03_bbf96044bb.jpeg" alt="WhatsApp Image 2025-03-20 at 11.57.03.jpeg"><img src="https://knadmin.beoblood.kz/uploads/Whats_App_Image_2025_03_20_at_11_59_23_99aae29ac7.jpeg" alt="WhatsApp Image 2025-03-20 at 11.59.23.jpeg">&nbsp;Фото: Облыстық қоғамдық даму басқармасы

"Ауыл аманаты": Жоба қарқынды жүргізілуде

<a href="https://kyzylorda-news.kz/">Kyzylorda-news.kz</a> Наурызнама тұжырымдамасы аясында 20 наурыз – Ұлттық спорт күніне орай мерекелік шаралар ұйымдастырылды.Оған аудан әкімінің орынбасары Самат Қыдырбекұлы қатысып, жиналғандарды аудан әкімінің атынан мерекемен құттықтап, ауданда бұқаралық спортты дамыту бағытында атқарылып жатқан жұмыстарға тоқталды.<blockquote>– 2025 жылдың ақпан айында ІІІ Интернационал және Дүр Оңғар ауылдарында дене шынықтыру-сауықтыру кешендері пайдалануға беріліп, аудан тұрғындарының 40,5%-ы дене шынықтыру және спортпен жүйелі түрде шұғылдануға мүмкіндік алды. Сонымен қатар, Ақай ауылында бой көтерген дене шынықтыру-сауықтыру кешені Наурыз мерекесі аясында халық игілігіне берілмек. Сондай-ақ, ұлттық спортты дамыту мақсатында ауданда алғаш рет демеушілердің қолдауымен Ақтөбе ауылында құны 70 млн теңге болатын ипподром құрылысы басталды. Құрылыс жұмыстары аяқталған соң нысан мемлекеттік балансқа өткізілетін болады. Одан бөлек, Жосалы кентінде жалпы құны 130 млн теңге болатын жабық футбол манежін салу жоспарланып отыр, – деді аудан әкімінің орынбасары.</blockquote>Сонымен қатар, шара барысында бұқаралық және ұлттық спорттың дамуына үлес қосып жүрген сала мамандары мен танымал спортшыларға аудан әкімінің Алғыс хаты табысталды.Одан кейін Қазақстан Республикасының «Құрметті спорт қайраткері», ардагер ұстаз Еркін Атабаев құттықтау сөз сөйлеп, ізгі лебізін білдірді.Мерекеге орай ұйымдастырылған ұлттық спорт жарыстарында арқан тартыс, қол күресі, тоғызқұмалақ, гір тасын көтеру, асық ату, қазақ күресі сияқты сайыстар өткізіліп, қатысушылар өз күштері мен ептіліктерін сынады. Жарыс жеңімпаздарына арнайы сыйлықтар табысталып, көпшілікке көтеріңкі көңіл-күй сыйланды.Ұлттық спорт күніне арналған бұл іс-шаралар өңірде салауатты өмір салтын насихаттау мен ұлттық спорт түрлерін дамытуға ықпал етуді көздейді.<img src="https://knadmin.beoblood.kz/uploads/nauryznama_sport_k_ni_52f4858654.jpg" alt="наурызнама спорт күні.jpg">Фото: Қармақшы ауданының әкімдігі

Қармақшылықтар ұлттық спорт күнін атап өтті

Адам саудасының құрбаны болудан қалай сақтануға болады?

Өмір ертегіде ғана әдемі болмауға тиіс

<a href="https://kyzylorda-news.kz/">Kyzylorda-news.kz</a> Арал ауданының әкімі Аманжол Оңғарбаев Ақбай ауылына арнайы сапармен барып, тұрғындармен жүздесті.Ауыл халқымен өткен кездесуде аудан әкімі өңірде атқарылған бірқатар жұмыстарды баяндап, алдағы жоспарлармен бөлісті.Сондай-ақ тұрғындармен басқосуда аудан басшысы ауылдың географиялық жағдайын ескере отырып, егін егу көлемін арттыру қажет екендігін алға тартты. Тиісінше дихандарға мемлекеттік қолдаулардың жеткілікті екендігін және осы іске білек сыбана кірісемін деушілерге де демеушілер тарапынан мүмкіндіктер қарастырылатынын жеткізді.Кездесуде тұрғындар жергілікті жердегі шешімін табуды қажет ететін өзекті мәселелерді ортаға салды. Ауыл халқы негізінен мал және егін шаруашылығымен айналысатындықтан Сырдария өзенінен келетін суды егістік алқаптары көп мөлшерде қажет етеді. Осыған орай, тұрғындар тарапынан ауылға дария суының ауылдық округке жеткілікті мөлшерде берілуін қадағалауды назарға алса деген ұсыныстарын білдірді. Сонымен қатар ауыл тұсынан өтіп жатқан үлкен жолдан мал өткелін салу мәселесін көтерді. Электр энергиясын тұтыну мен төлем төлеуде де мәселе туындағынын атап өтті.Аудан басшысы аталған мәселелерден хабардар екендігін айтып, жауапты мамандармен бірге тиесілі жұмыстар атқарылатынын білдірді. Қазіргі таңда елге ортақ мәселелерді шешу жолында жан-жақты жұмыстар жүргізілетінін жеткізді.Мұнан соң аудан әкімі Аманжол Сақыпұлы жеке қабылдау өткізді. Қабылдауға кірген ауыл тұрғындарды жұмыссыздық мәселесін көтерді.Аудан басшысы көтерілген әрбір мәселелерді сала мамандарымен бірге мұқият зерделеп, өтініштер мен ұсыныстар бойынша құзырлы мемлекеттік мекеме басшыларына, ауылдық округ әкіміне нақты тапсырмалар жүктеді.<img src="https://knadmin.beoblood.kz/uploads/T_r_yndarmen_kezdesu_Aral_181d8a6ebb.jpg" alt="Тұрғындармен кездесу Арал.jpg">Фото: Арал ауданы әкімінің баспасөз қызметі

Тұрғындардың талап-тілегін тыңдады

<a href="https://kyzylorda-news.kz/">Kyzylorda-news.kz</a> 19 наурыз – Жаңару күні. Бұл – табиғаттың оянуымен қатар, адам баласының да жан-дүниесі жаңғырып, жаңа мақсаттарға бет бұратын ерекше сәті. Бұл күн – кешегі өкпе-назды ұмытып, көңіл көкжиегін кеңейтіп, жүректерге мейірім шуағын себетін күн. Осы күні Арал ауданы орталығында өткен шаралардың қайсысы болсын құндылықтармен түрленіп, дәстүрлі қойылымдармен ерекшеленді.Әдеттегі шуақты күн сәні мен салтанаты келіскен орталық алаңда «Жаңару жақсылықтың бастауы» атты қойылым және мерекелік концертпен бастау алды.«Наурыз – Жаңару мен жаңғырудың бастауы» аластау рәсімі, «Наурыз – Жаңару мерекесі» мерекелік концерті, «Наурыз – береке бастауы» және «Ерулік», «Тұсау кесер»атты театрландырылған қойылым, «Жаңару күні – жаңа бастамалар уақыты», «Ана көрімдігі» қойылымдары көпшілік назарына ұсынылып, рухани құндылықтар тағы бір мәрте ұлықталды.Белгіленген киіз үйлерде кондитерлік және тұрмыстық тұтыну өнімдерінің көрмесі, мұражай және архив құжаттары таныстырылымы мен ұлттық спорт түрі – «Бес асық» және «Асық ату» ойындарынан сайыс өтті. Сонымен қатар осы күні түрлі мекемелер мен ұйымдарда әр ауқымдағы ағаш отырғызу акциялары өткізілді.Жаңару – бұл табиғаттың ғана емес, адам баласының да жаңғырып, жақсыға ұмтылатын сәті. Көңіл сарайын тамаша қойылымдармен түрлендіріп, мерекелік концертпен безендірген бүгінгі шараның соңы кешкілік «Әз-Наурыз - қош келдің!» атты мерекелік концертпен түйінделді. Мерекелік кеште өз өнерлерін ортаға салған Аққұм, Атанши, Қарақұм ауылдық округтеріндегі білім беру ұйымдары мен ауылдық клубының өнерпаздары жұртшылықтың ерекше ықыласына бөленді.Наурызнама онкүндігі аясында өтіп жатқан шаралар легі ертең де жалғасады. 20 наурыз – Ұлттық спорт күніне орай орталық алаңда түрлі спорттық шаралармен қатар Жақсықылыш кенті мен Жіңішкеқұм ауылдық округіндегі білім беру ұйымдары мен ауылдық клуб үйінің қызметкерлерінің қатысуымен кешкілік «Наурыз-Думан» атты мерекелік концерті өтетін болады.<img src="https://knadmin.beoblood.kz/uploads/Zha_aru_k_ni_Aral_audany_6eaef1aaf1.jpg" alt="Жаңару күні Арал ауданы.jpg"><img src="https://knadmin.beoblood.kz/uploads/Zha_aru_k_ni_Aral_20e9462c10.jpg" alt="Жаңару күні Арал.jpg">Фото: Арал ауданы әкімінің баспасөз қызметі

Архив