<a href="https://kyzylorda-news.kz/">Kyzylorda-news.kz</a> Бүгін Қармақшы ауданындағы «Руханият» орталығында 14 наурыз – «Көрісу күні – Амал мерекесі» кең көлемде аталып өтті. Іс-шара ардагерлер мен әйел-аналар кеңесінің қатысуымен ұйымдастырылған тал егу акциясымен басталды. Көктемнің лебін сездіріп, бірлік пен жаңару идеясын дәріптейтін игі бастамаға жиналған көпшілік ерекше ықыласпен атсалысты.Мерекелік шараның шымылдығы жарапазан жырымен түріліп, ұлттық дәстүрді айшықтаған қойылым ұсынылды. Көпшілікті береке мен сыйластыққа үндейтін бұл мейрамда жиналған жұрт бір-біріне амандық-саулық тілеп, жылы лебіздерін білдірді.Жиынға қатысқан аудан әкімінің орынбасары Самат Қыдырбекұлы жиналған жұртшылықты мерекемен құттықтап, Амал мейрамының тарихына тоқталып, оның ел бірлігі мен ынтымағын нығайтудағы маңызын атап өтті. Сонымен қатар, Мемлекет басшысының бастамасымен әзірленген Наурыз мейрамын жаңаша атап өтудің тұжырымдамасына сәйкес, 14-23 наурыз аралығында «Наурызнама» онкүндігі ұйымдастырылатынын жеткізді.Шара барысында қазақтың ұлттық ойындары ұйымдастырылып, қатысушылар арқан тартыс, тоғызқұмалақ, асық ату сияқты сайыстарда өз бақтарын сынады. Қолөнер және сурет көрмелері қойылып, келген қонақтар халқымыздың бай мәдени мұрасымен жақынырақ танысуға мүмкіндік алды.Сонымен қатар, ақ дастархан жайылып, келген қонақтарға наурыз көже, шұбат, бауырсақ сынды ұлттық тағамдар ұсынылды. Мерекелік кеш жергілікті өнерпаздардың концерттік бағдарламасына ұласты.Наурызнама онкүндігі аясында алдағы күндері түрлі мәдени-спорттық және рухани шаралар ұйымдастырылып, ұлттық дәстүрлер кеңінен дәріптелетін болады.<img src="https://knadmin.beoblood.kz/uploads/1_arma_shyda_Amal_keldi_zhyl_keldi_atty_merekelik_shara_tti_bd1265bb94.jpg" alt="1 Қармақшыда «Амал келді, жыл келді» атты мерекелік шара өтті.jpg"><img src="https://knadmin.beoblood.kz/uploads/2_arma_shyda_Amal_keldi_zhyl_keldi_atty_merekelik_shara_tti_c7949ac9b1.jpg" alt="2 Қармақшыда «Амал келді, жыл келді» атты мерекелік шара өтті.jpg"><img src="https://knadmin.beoblood.kz/uploads/3_arma_shyda_Amal_keldi_zhyl_keldi_atty_merekelik_shara_tti_77a8898a25.jpg" alt="3 Қармақшыда «Амал келді, жыл келді» атты мерекелік шара өтті.jpg">

Қармақшыда «Амал келді, жыл келді» атты мерекелік шара өтті

<a href="https://kyzylorda-news.kz/">Kyzylorda-news.kz</a>&nbsp; Мемлекет басшысы Қасым-Жомарт Тоқаев медицина инфрақұрылымын одан әрі ілгерілетуді тапсырды.<blockquote>- Бүкіл ел бойынша медицина инфрақұрылымын барынша дамыту жұмыстары жалғасады. Жыл соңына дейін «Ауылда денсаулық сақтауды жаңғырту» ұлттық жобасы аясында 188 медицина нысаны салынады. Риддерде көп бейінді аурухананы, Өскеменде гематология орталығын, Ақтауда жедел жәрдем стансасын, Алматыда жұқпалы аурулар ұлттық ғылыми орталығын, Астанада ұлттық ғылыми онкология орталығының жаңа ғимаратын пайдалануға беру қажет, - деді Қасым-Жомарт Тоқаев Бурабайда өтіп жатқан ұлттық құрылтайда.</blockquote>Осы орайда Президент 2026 жылы 32 аудандық орталық аурухананы жаңғыртуды тапсырды.<blockquote>- Сондай-ақ Қызылорда және Маңғыстау облыстарындағы ауруханаларды салып бітіру керек. Жұмысты аяқтау мерзімін бұзуға болмайды, - деген міндет жүктеді Мемлекет басшысы.</blockquote>Бұған дейін Қасым-Жомарт Тоқаев шекаралық елді мекендердің ахуалына тоқталған еді.&nbsp;Фото: Нұрболат Нұржаубай

Президент тапсырмасы: жыл соңына дейін 188 медицина нысаны салынады 

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаев Бурабайда өтіп жатқан Ұлттық құрылтайдың IV отырысында еліміздегі ірі инфрақұрылымдық жобалар туралы айтып берді.<blockquote>− Қазір бүкіл елімізде ірі инфрақұрылымдық жобалар жүзеге асырылып жатыр. Атап айтқанда, 2025-2026 жылдардың өзінде Қашаған кенішінде газ өңдеу зауытын, сонымен бірге, «Талдықорған – Үшарал» магистральді газ құбыры мен «Бейнеу – Бозой – Шымкент» газ құбырының екінші желісін іске қосу жоспарланған, − деді Қасым-Жомарт Тоқаев.</blockquote>Үкімет Қызылорда және Түркістан облыстарында бу-газ құрылғысына негізделген электр стансасын салады. Оған қоса, Алматыдағы ЖЭО-2 және ЖЭО-3 жаңғыртылады.<blockquote>− «Кендірлі» демалыс аймағында су тұщытатын зауыт жұмыс істей бастайды. Кәсіпорын Жаңаөзен қаласы тұрғындарын ауыз сумен тұрақты қамтамасыз етеді. Қарағандыда және Екібастұзда болат қорытатын зауыттар, Жамбыл облысында минералды тыңайтқыш өндіретін химия кешені пайдалануға беріледі, − деді Президент.</blockquote>Фото: Pexels

Газ өңдеу, су тұщыту, электр стансасы – Президент ірі инфрақұрылымдық жобалар туралы   

<a href="https://kyzylorda-news.kz/">Kyzylorda-news.kz</a> Былтыр қолға алынған «Біртұтас тәрбие» бағдарламасы жекеменшік мектептерді де қамтуы керек. Бұл туралы Бурабайда өтіп жатқан Ұлттық құрылтайдың IV отырысында Мемлекет басшысы Қасым-Жомарт Тоқаев мәлім етті.<blockquote>− Былтыр мектептерде «Біртұтас тәрбие» бағдарламасы қолға алынды. Бағдарламаны қабылдау – істің басы ғана. Енді жаңарған құжатты еліміздегі барлық мемлекеттік білім ошағына енгізу керек. Бұл құжатты алдағы уақытта жекеменшік мектептер де басшылыққа алуға тиіс. Себебі тәрбие жұмысы балаларды түгел қамтуы қажет, − деді Қасым-Жомарт Тоқаев.&nbsp;</blockquote>Президенттің айтуынша, сонда ғана бұл бастама жалпыұлттық ауқымға ие болады.&nbsp;− Жобаның түпкі мақсаты – отаншыл, білімді, жасампаз ұрпақ тәрбиелеу. Мұның бәрі – адал азаматқа тән қасиеттер. Құрылтай мүшелері алдағы уақытта осы бағдарламаны «Адал азамат» деп атауды ұсынып отыр. Мен бұл ұсыныспен толық келісемін, − деді Мемлекет басшысы.&nbsp;Еске салсақ, бұдан бұрын Қасым-Жомарт Тоқаев Бурабайда өтетін Ұлттық құрылтайдың IV отырысына қатысатыны хабарланған еді.&nbsp;Ұлттық құрылтай жанданғалы елдегі әлеуметтік-экономикалық мәселелер шешім тауып келеді.Жыл өткен сайын тақырып аясы кеңіді, айтылатын салмақты ой ұлғайды. Алқалы жиында назарда болған кемшілікті түзету заң шеңберінде бекіп, қоғамның оң бағытқа бет алғанын байқаймыз. Осы орайда Kazinform тілшісі өткен құрылтайлардың нәтижесіне көз жүгіртті.Фото: pixabay.com

Президент мектептерге енгізілетін «Адал азамат» бағдарламасын қолдады   

<a href="https://kyzylorda-news.kz/">Kyzylorda-news.kz</a> Өз кәсібін жетік меңгерген мамандар ұлт сапасын арттырары анық. Осы орайда Президент Қасым-Жомарт Тоқаев 2025 жылды «Жұмысшы мамандықтары жылы» деп жариялады. Бұл қоғамда еңбекқорлық пен кәсіпқойлық идеясын ілгерілетуге және қарапайым еңбек адамдары мамандықтарын дәріптеу арқылы нағыз маман болып қалыптасу идеясын насихаттауды көздейді.&nbsp;Бүгін «AMANAT» партиясының Қызылорда облыстық филиалының төрағасы Алмасбек Есмаханов пен теміржол саласының ардагері, қалалық мәслихаттағы «AMANAT» партиясы депутаттық фракциясының мүшесі Ибрагим Басықараев «Магистралды желі» бастауыш партия ұйымында болып, шойын жолдың сырын біліп қана қоймай, әрбір отбасының, әр азаматтың баратын жеріне аман-есен жетуіне қолайлы жағдай жасап, жолының сапалы, таза, әрі қауіпсіз болуына еңбек етіп, жүрген теміржолшы мамандармен, сондай-ақ салада ұзақ жылдар табанды еңбек етіп, өңір экономикасының дамуында өзіндік қолтаңбалары бар отбасылық династиялармен кездесті.&nbsp;Кездесуде партияның облыстық филиалының төрағасы сала мамандарын Амал мерекесімен құттықтап, мемлекет, партия, жергілікті әкімдік тарапынан жұмысшы мамандықтарды дәріптеу, еңбек адамдарына құрмет көрсету мен аймақты дамыту бағытында атқарылып жатқан жұмыстар жөнінде кеңінен ақпарат берді. Олардың ұсыныс пікірлерін тыңдады.«Елімізде «Жұмысшы мамандықтары жылы» аясында ауқымды тірлік атқарылып жатыр. Мәселен, техникалық және кәсіби білімге басымдық берілуде. Биыл сала мамандықтарына мемлекеттік тапсырыс 10 мың орынға артты. Оның ішінде 65 пайызы техникалық мамандықтарға бөлінді. Сонымен қатар өңірлерде әлемдік деңгейде беделді оқу орындарының филиалдары ашылып жатыр. Жыл сайын шамамен 500 ғалым шетелде машықтануға мүмкіндік алады»,- деді Алмасбек Есмаханов.&nbsp;Іс-шара барысында теміржол саласында 30-40 жыл қызмет жасап, еліміздің дамуына үлесіп қосып келе жатқан аға буын өкілдері сөз алып, өткен күндерді еске алып, бүгінгі күнге тәубе етті. Солардың бірі 40 жыл қызмет жасап бүгінде соның зейнетін көріп отырған Махмед Майгелдиев.&nbsp;<blockquote>«Мен теміржол саласында 40 жыл таза еңбек етіп, зейнетке шықтым.Менің әкем Баймұхамбет 1901 жылы дүниеге келген. Теміржол саласында 32 жыл жол жөндеушісі болып қызмет атқарып, 1963 жылы зейнетке шыққан. Өзінің еңбек жолында «Қызыл Ту» орденімен және «Еңбек ерлігі үшін» медалімен марапатталған. Ағаларым да, кейін өзім де келдім осы салаға. Біз жұмысқа кірген жылдары жұмыс істеу механизмдері тым бөлек болатын. Қазір барлығы өзгеше, жұмысшыларға барлық жағдай жасалған. Шүкір, еңбек етсең барлығы болады. Осы күнге еңбекпен жеттік. Жолдасымда осы саланың ардагері. 7 бала тәрбиеледік. Қазір балаларымыздың барлығы осы теміржолға қарасты әртүрлі бөлімшелерде қызмет етеді», - деді Махмед Майгелдиев.&nbsp;</blockquote>Кездесу соңында партияның облыстық филиалының төрағасы сала ардагерлері мен мамандарын алғыс хатпен марапаттап, естелік сыйлықтар табыстады.«Магистралды желі» бастауыш партия ұйымында «Жол дистанциясы», «Вокзал шаруашылығы», «Белгі беру және байланыс дистанциясы», «Электрмен жабдықтау дистанциясы» барлығы 4 бастауыш топқа топтастырылған 793 партия мүшесі бар. Бастауыш партия ұйымы қатарына жыл басынан бері жаңадан 35 мүше қабылданды. Мұндағы партия мүшелері негізгі қызмет пен бірге еліміздің қоғамды саяси өміріне белсенділік танытып келеді. Биыл жұмысшы мамандықтар жылы аясында ұйымдастырылған «Ең үздік бастауыш ұйы» конкурсының қалалық кезеңінде жүлделі ІІІ орынды иеленді.

«AMANAT»: Жұмысшы мамандықтар жылы аясында теміржолшылармен кездесу өтті

<a href="https://kyzylorda-news.kz/">Kyzylorda-news.kz</a> Ұлыстың Ұлы күні – Наурыз мерекесі қарсаңында тойланатын Көрісу күні – Амал мерекесінің қазақ халқы үшін орны ерекше. Халқымыз қытымыр қыстың кері шегініп, жер аяғы кеңіген сәтте жылдан жылға есен-сау жеткеніне шүкір айтып, алыстағы ағайынын іздеп, қауышатын болған.Көрісу күні – қазақ халқының көнеден келе жатқан ұлттық мейрамы. Көрісу – тек бір-бірімен сәлемдесіп, амандық сұрасу ғана емес, ата-бабадан қалған рухани байланыстарды нығайтатын ерекше дәстүр. Бұл күн – халықтың бір-бірімен бауырмалдығын арттыратын, жақындық пен татулықты нығайтатын мейрам.Бүгін "AMANAT" партиясы Байқоңыр филиалына қарасты "Бәйтерек" бастауыш партия ұйымы мекеме қызметкерлері мен ұжым мүшелеріне мерекелік көңіл-күй сыйлады."Амал келді – ән келді, аналардан сән келді!" атты шара аясында мекемелер араланып, әр ұжымға ізгі тілектер айтылып, ұлттық дәстүріміз ұлықталды.Жылы жүздесу мен шынайы ықыласқа толы бұл күн бірлікті бекемдеп, берекені арттырды. Ата дәстүрге сай үлкендерге құрмет көрсетіліп, ақ бата берілді. Көрісу күні мейірім мен сыйластықтың, татулық пен ынтымақтың жарқын көрінісіне айналып, жүректерге жылулық ұялатты.

Амал келді - ән келді, аналардан сән келді

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаев елімізде Абай институтын құрып, серіктес елдерде төл мәдениетімізді насихаттайтын орталыққа айналдыруды тапсырды.<blockquote>«Биыл Абай Құнанбайұлының туғанына 180 жыл толады. Мен осыдан бес жыл бұрын ұлы ойшылдың туғанына 175 жыл толуына орай Семейде абайтанушы ғалымдармен кездестім, сол кезде Абай институтын құру туралы ұсыныс айттым. Бүгінде бұл бастама цифрлық платформа форматында іске асырылды, яғни біздің диаспоралар мен басқа да шетелдіктерге қазақ тілін үйрету құралы ретінде жұмыс істеп тұр. Енді осы жобаны толыққанды мәдени-ағарту мекемелеріне айналдыру қажет. Бұл құрылым Конфуций, Гете, Сервантес институттары сияқты жұмыс істеуі керек, - деді Қасым-Жомарт Тоқаев ұлттық құрылтайда.</blockquote>Президенттің айтуынша, Абай институты негізгі серіктес елдердің бәрінде төл мәдениетімізді насихаттайтын орталық болуға тиіс.<blockquote>- Бірқатар елде, мысалы, Қытай, Түркия, Моңғолия және басқа да мемлекеттерде осындай орталықтар ашылатын болды. Сыртқы істер министрлігі мен «Отандастар» қорына Мәдениет және ақпарат министрлігімен бірлесіп, шетелде осындай орталықтар ашу мәселесі бойынша тиісті жұмысты жалғастыруды тапсырамын. Халықаралық «Қазақ тілі» қоғамы белсене айналысуда. Бұл ұйымның бастамаларын біз тұтас қоғам болып әрі қарай қолдауымыз керек. Мәдениет дегеніміз – жай ғана ғимараттар мен мекемелер емес. Бұл – ұлттық сана-сезімді жаһандық ауқымда нығайта түсетін мықты тұғыр,- дейді Қ. Тоқаев.&nbsp;</blockquote>Фото: Ақорда

Президент тапсырмасы: Абай институты құрылады 

<a href="https://kyzylorda-news.kz/">Kyzylorda-news.kz</a>&nbsp; Барлық саладағы реформалар мен өзгерістер салықтың тілегіне сай жасалып жатыр. Бұл туралы Ұлттық құрылтайдың IV отырысында Мемлекет басшысы Қасым-Жомарт Тоқаев айтты.<blockquote>- Жалпы құрылтай мүшелері қоғамдағы өзекті мәселелерді үнемі көтеріп жүр. Бәрін сынап-мінеп отыратын бәзбіреулер басты түйткіл – бұл емес, мемлекет назар аударуға тиіс басқа да проблемалар бар деуі мүмкін. Азаматтарымыз күнделікті тіршілікте көптеген қарапайым түйткілге тап болады. Оны елемей, назардан тыс қалдыру дұрыс емес екенін ескерген жөн. Біз азаматтардың тұрмысына қатысты мәселелерді алдағы уақытта да көтереміз, ең бастысы, бұл проблемаларды шешетін боламыз, - деді Президент.</blockquote>Мемлекет басшысы біртіндеп барлық салада ауқымды реформалар мен нақты өзгерістер жүзеге асырылып жатқанына назар аудартты.<blockquote>- Оның бәрі халықтың тілегі мен заманның талабына сай жасалуда. Бұл жердегі түпкі мақсат – барлығын өзгерту емес. Ең бастысы – атқарылып жатқан шаруаны оңтайландырып, оның тиімділігін арттыру. Алдымызда тұрған негізгі міндеттің бірі – жекелеген бағыттар бойынша мемлекеттік аппараттың жұмысын жүйелеп, ретке келтіру, - деді Қасым-Жомарт Тоқаев.</blockquote>Фото: Ақорда

Азаматтарымыз тап болатын қарапайым түйткілді назардан тыс қалдыру дұрыс емес - Тоқаев  

<a href="https://kyzylorda-news.kz/">Kyzylorda-news.kz</a>&nbsp; Колледждер жаңа мамандықтарға сұранысты және еңбек нарығындағы жағдайды ескеруге тиіс. Бұл туралы Бурабайда өтіп жатқан Ұлттық құрылтайдың IV отырысында Мемлекет басшысы Қасым-Жомарт Тоқаев мәлім етті.- Дмитрий Павленко (Ұлттық құрылтайда) дұрыс мәселе көтерді. Кәсіби техникалық колледждер жаңа мамандықтарға сұранысты және еңбек нарығындағы жағдайды ескеруге тиіс. Сарапшылардың айтуынша, біраз жылдан соң солтүстіктегі халықтың саны едәуір азайып, оңтүстіктегі тұрғындар әлдеқайда көбеюі мүмкін. Бұл – өте өзекті мәселе. Себебі аймақтардың еңбек нарығында теңсіздік одан әрі ушыға түседі деген сөз, - деді Қасым-Жомарт Тоқаев.&nbsp;Бұл тұрғыда Президент осы мәселемен Үкімет мұқият айналысуы керек екенін тапсырды.- Қостанайдағы колледждің тәжірибесін солтүстік аймақтарда кеңінен қолдану қажет, - деді Мемлекет басшысы.Фото: Ақорда

Кәсіби техникалық колледждер жаңа мамандықтарға сұранысты ескеруге тиіс – Тоқаев  

<a href="https://kyzylorda-news.kz/">Kyzylorda-news.kz</a> Анимацияны дамыту мәселесін қолға алу керек. Бұл туралы Бурабайда өтіп жатқан Ұлттық құрылтайдың IV отырысында Мемлекет басшысы Қасым-Жомарт Тоқаев мәлім етті, – деп хабарлайды <a href="https://kaz.inform.kz/news/kazak-tlnde-tusrlgen-multfilmder-kop-bolui-kazhet-tokaev-f460f3/">Қазақпарат</a>.<blockquote>- Жақында «Шоқан. Қашқария сапары» деген мультфильм шығыпты. Бұл өскелең ұрпаққа әйгілі тарихи тұлға Шоқан Уәлиханов туралы мәлімет беретін өте жақсы туынды деп айтуға болады. Қазақ тілінде ұлттық нақышта түсірілген осындай мультфильмдер көп болуы қажет. Бұл – ұлт болашағына тікелей ықпал ететін мәселе. Сондықтан анимацияны дамыту мәселесін қолға алу керек, - деді Қасым-Жомарт Тоқаев.</blockquote>Фото: Ақорда

Қазақ тілінде түсірілген мультфильмдер көп болуы қажет - Тоқаев 

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаевтың төрағалығымен өткен жиында жоспардағы мерекелік іс-шараларды ұйымдастыру барысы пысықталды. Оған қала, аудан әкімдері мен жауапты сала басшылары қатысты.​Аймақ басшысы алдағы міндеттерді айқындап, нақты тапсырмалар жүктеді.<blockquote>«Мерекеге орай облыс орталығы мен аудандарда ашылатын нысандардың дайындығын қадағалаңыздар. «Наурызнама» онкүндігінің барлық іс-шарасы жоғары деңгейде ұйымдастырылуы керек. Әр күннің идеологиялық маңызын, жас ұрпаққа берер тағылымын, тұрғындарға мерекелік көңіл-күй сыйлауын басты назарда ұстау қажет. Сонымен қатар, коммуналдық мекемелердің үздіксіз жұмысын, сапалы қызмет көрсетуін қатаң бақылауға алыңыздар. Бұл бағытта ешқандай мәселе туындамауы тиіс», – деді Н.Нәлібаев.</blockquote>Басқосуда «Таза Қазақстан» экологиялық бағдарламасымен тазалық, абаттандыру және көгалдандыру аясында атқарылатын жұмыстар да нақтыланды.Фото: Қызылорда облысы әкімінің баспасөз қызметі

Мерекелік іс-шараларды ұйымдастыру жұмыстары пысықталды

<a href="https://kyzylorda-news.kz/">Kyzylorda-news.kz</a> Президент Қасым-Жомарт Тоқаев Бурабайда өтіп жатқан Ұлттық құрылтайдың IV отырысында құқық қорғау органдарын жалған психологтар мен «коучтардың» әрекетіне жіті бақылау орнатуды тапсырды, – деп хабарлайды <a href="https://kaz.inform.kz/news/magan-zhalgan-psihologtar-men-kouchtardin-ustnen-tusetn-shagim-kobeyp-kett-prezident-cd7eee/">Қазақпарат.</a><blockquote>- Құрылтай мүшелері тағы бір жайтқа алаңдаушылық білдіріп отыр. Соңғы кезде ел ішінде түрлі алаяқтық әрекеттер жиілеп барады. Теріс пиғылды адамдар қайырымдылыққа деп ақша жинап, оны жеке басының пайдасына жаратады. Сондай-ақ көп адам интернет-алаяқтардан зардап шегуде, - деді Қасым-Жомарт Тоқаев.</blockquote>Мемлекет басшысы құрылтайда сөз алған заңгер Айгүл Орынбектің ұсыныстарына қолдау білдірді.<blockquote>- Бұдан бөлек, қазір жұртқа ақыл айтып ақша табатын жалған психологтар мен «коучтар» көбейіп кетті. Оларға сеніп, алданып қалғандар көп. Маған бұл туралы көптеген шағым түсіп жатыр. Бұл мәселені Құрылтай мүшесі Айгүл Орынбек дұрыс көтеріп отыр. Жауапты органдар бұл мәселені де назарға алуға тиіс, - деді Президент.</blockquote>Фото: Ақорда

Архив